رواية أعشق أنانيتك عندما تتمناني لك وحدك الفصل التاسع وأربعون 49 - بقلم nona_A

عـضيدي اللي مالـه اشباه وامثال
يالله عـساني ماأحـس بغـيـابـه
منقول
،،
،،

مسكت في يده اسامه يوم شفتهم يركضون.. بالكرسي و أخت خالتي واقفه عند الغرفة وتصارخ ..
قلت بصدمه وانا اتهاوى للأرض منهارة : ماتتتت سمير مات

اسامه بسرعة نزل جسمه وهو يرفعها .. وهو مصدوم.. توه الدكتور طمنه عليه ..وقال حالته مستقرة ..وش الي صار فجأة
قال بتوتر من الموقف: استهدي بالله وامشي خلني ارجعك السيارة وأشوف ايش فيه

ريوف ناظرته وهي منهارة وتصيح بصوت عالي : وش نشوف آه ي حسرتي ... عليك ي خوي ..والله ماتحرك من هنا غير اشوفه وبرجى وهي تمسك في يده ..دخلني عنده تكفى ...
اسامه ناظر الناس حوله يتفرجون قال بهمس : عسى خير
ريوف أول ما قفت حركت رجولي وانا اركض بسرعة وامسك في يد أخت زوجة أبوي وانا جسمي كله يرجف من ردها الي متوقعته من الي حولي وأنا أتمنى ماتأكد لي الخبر :أخوي مات ي خاله وصرخت .بفزع..و ناظرت اسامه مات وهومصدق فيني ....
أسامه قفل عيونه بعجز مايدري وش يسوي ..قرب منها وهو خجلان من المره الي جنبها بس ارتاح يوم تكلمت ...

وهي تمسح دموعها من تحت النقاب : خالتك ي ريوف طاحت علينا وبحزن ي حبة عيني ..ماتحملت تشوفه ولدها يآرب الطف فيها يآرب وقومها بالسلامة....
ريوف ناظرت اسامه .....ورجعت ناظرت الغرفة الي دخلوها فيها هزيت رأسي. .وقلت بغصه وبدون اي مشاعر حزن عليها ...:ودني لاخوي أسامه

اسامه مسك يدها وراحوا لغرفة سمير أول ماشافته ناظرت اسامه مثل الي تقوله هذا الي حالته مستقرة وهذا الي جالس تتوعد فيه ..انهارت تصيح ..خاف ربك ي مسلم ..
الأسلاك موصله في كل جسمه.... وجهه خالي من اي حياة
عيونه .. نصها مفتوحه ...وفمه بعد مفتوح ...وخشمه موصلين فيه جهاز تنفس ..يالله لطفك ...

ناظرت اسامه وهي منهارة :هذا الي بخير حرام عليك وبقهر وتهدد في بعد تسجنه يآرب لا تقسي قلوبنا ...
أسامه قال ببرود وهو يخفي اي مشاعر شفقه : حسي الي حسيته عشان اخوي .
ريوف هزت راسها بعجز من الآدمي ...وقالت بحسرة : ي ويالي على حالي وحاله ..وقربت منه وهي تمسك يده وتحسسها بحب وعطف ورجى إنه يقوم همست وهي ترفع يده وتبوسها وترجع تبوس رأسه بخفه تخاف تأذيه أو تعوره همست ودموعها على خدها : سلامتك يروح اختك وبهمس أكثر تكفى لا تخليني مالي بعد ربي غيرك ي خوي ....
اسامه قلبه وجعه ... على منظرها وهي ماسكه يده وتهمس له ..قال بمكابرة : يالله أمشي الوقت محدد لزيارة مايتحمل الوضع الي هو فيه .. ..و.تطمني. ..والله بخير والحين هم الي مخدرينه عشان الدم مايتحرك ويطلع للمخ إلا هو صحي من أول بس خايفين يتحرك حتى لو حركه بسيطه ..وهذا مو في صالحه .

ريوف
كان تسمعه يتكلم بس ماتدري وش يقول ..ولا تبي تسمعه ..ودها تجلس هنا ماتروح معه ..تحس بقوتها وبشموخها وهو حاضر جسد بس ..إلا هو ماهو معاها أبد ...مثل النايم بس الله أعلم يصحى من هالنومه أولا ...هوت رأسها تبعد اي فكره مكروه يصير له قالت برجى يآرب ي حبيبي أنت اعلم بحاله وأكرم منا عليه يآرب أنك تقومه بالسلامة .... حست بتعب ..والدنيا تدور فيها ..تسندت على السرير ...وهي تناظره بشفقه وحزت ..ماتبي تروح من عنده ...آه ي خوي ...تكفى ماتخليني تكفى ..لاتروح ...والله بدونك ماسوى شيء....
اسامه
يوم شافها ...ماهي قارده تتحرك ..عرف ان فيها شي ..قرب منها
..وقال بجمود : يالله مد يده ومسك يدها حسها بارده في يده عقد حواجبه وناظرها يهدي عليها :استهدي بالله ماهو كذا ليت ماجبتك ..

ريوف والدنيا تلف فيها : اخوي بيروح وهو حتى ماعرف انه امه ظلمتني
أخوي بيروح وهو يفتكر إني ....

اسامه بسرعة قفل فمها وهو ندمان انه جابها : اسكتي فضحتينا
ويالله أمشي قدامي ..مشت معه وهي ماهي حاسة بحالها...
منظر اخوها صدمها حيل .... رجعت ناظرت اخوها ..
تكفى ..لاتروح ...والله بدونك ماسوى شيء....تكفى سمير ..

اسامه :استهدي بالله وامشي خلاص
ريوف مشيت معه ..وانا اتخيل منظر سمير الي مايطمن ...خايفه يصير فيه شيء بس لا لا الدنيا سودة في وجهي أكثر من أول ...قلت بهمس :أسامه
....
اسامه ناظرها وهو عاقد حواجبه : ايش فيه
ريوف بصبر ومكابرة : لا لا مافيه شيء خلاص

طلعوو من المستشفى وهي تحس روحها بتطلع ماتبي تخليه وتروح ودها تجلس قالت أول ماحرك السيارة :ليت ترافو بحاله ...
أسامه بقهر من صراخها :بتسكتي ولا أشلون .. ولا هذا جزاي
خليتك تزوريه ..
ريوف
سكتت وانا مدري وش أقول ..بعد يمنن على أنه خلاني ازور اخوي والله وضعي ماينحسد أبد....جلست استغفر الله عشان ارتاح وسبحان حسيت بسكينه في قلبي وراحه وأمل ان أخوي بيقوم .ربي كريم ...قفلت عيوني وطول الطريق أدعي ...لأخوي ...يآرب يفرحني بقومته ...
أول ماوقف السيارة جيت أنزل الدوخه رجعت لي بس هالمرة أقوى من قبل ...بس حاولت اقوي حالي قلت بهمس:أسامه
اسامه بحده : وش فيك ماغير اسامه اسامه بس ماشاف اي رد غير جسمها يتهاوى للأرض بسرعة قرب منها .......
،،
،،

ناظره وقال بمكابره: آش الي تغير ..وتخلي السالفة. تصل للقتل
عبد الرحمن :الله أعلم آيش بينهم بس مثل ماقلت لك آخر مرة ركبت مع سمير وكان يهدد ويتوعد في رائد

سامي بجمود عكس مايخفيه يوم قال رائد تصوب بغى ينبهل ويومها مارتاح حتى عرف انه بخير بس قال بدون حس..: غبي ليه ماحذرته طيب ..وبسرعة غير كلامه وقال يالله حيلهم بينهم

عمار بعتب: افاا ي سآمي حنا الحين نقولك عشان تقول كذآ
ماهو العشم ...لا تنسى وش كان بينكم
سامي وقف بضيق: قلتها ايش بينا

عمار بحده: أقصد اخوتكم ماقصد المشكله الأخيرة

سآمي ناظره وقال :ترا أحترمك حيل بس لا تغصبني على شيء مابيه

عمار بزعل :ماغصبتك على شيء بتروح معنا وتزاور الرجآل
لك الأجر ماتبي حرمة نفسك من زيارة مريض وهالمريض كان خويك لتذكير وهو يناظر عبد الرحمن بتجي معي أنت ..

عبدالرحمن ناظر سامي محتار مايبي يروح يخاف سآمي ...يزعل منه ..وبعد وده يروح ..ويطمن عليه ..

سآمي بقهر من نظرات عبدالرحمن :خير تناظر كذآ

عبدالرحمن عارف انه في قمة عصبيته قال بستهبال ي يفك من عصبيته ي تزيد ويروح فيها هوو : والله بأخذ الأذن منك وخايف تهاوشني بابا ..

سآمي بسرعة قرب منه ومسكه وهو يسحب الشال الي على رقبته ويخنقه ..فيه وهو يسمع صراخه قال بقهروهو معصب :جبتها نفسك
عبدالرحمن وهو مخنوق ناظر عمار الي يناظرهم بستهتار مثل الي يقول لهم بسرعة اخلصوا عليه قال وهو مخنوق من جد:
فككك الله يأخذك وانت بعد فكني منه ..عمارررر..

سآمي خفف شده على الشال وجلس على صدره وهو ثاني ركبته .: قول توبت من استفزازك ي سامي .. ..
عبدالرحمن بكتمه : قوم وجع ...موتني وراي مستقبل قوم ...الله يأخذك أنت ورائد جميع .......

سآمي وقف وهو يتحلف فيه باقي : تستاهل ي ******

عبد الرحمن وقف وهو يتنفس بقوة ويضبط بلوزته والشال قال بقهر:يآرب الزيارة الثانية لك ي العربجي ..وبقهر ناظر عمار الله يأخذك أنت بعد ماتفزع مفهي تناظر وشهوو ...ودي أعرف

عمار بحده : خلاص انتهت سخافتكم امش قدامي ساكت ...

عبدالرحمن بقهر: روحي بتطلع كان منه هالمجرم وتقول سخافة وناظر سامي وهو يسحب بكت الدخان من على الطاولة قال بنذاله:فاضي أخذته كله وهو يشرد لبرا المجلس ..وقف عند الباب لاي ردة فعل من سآمي .....

سامي فعلاً فتحه وكان فاضي قال بقهر وهو مصغر عيونه : الله يقلعك أشلون فضي كذآ توي مأخذه ...كيف بلعته ...

عبد الرحمن وهو مبسوط : أعطيت اللي صلح التكيف .من تو
.
سامي رماه بالبكت : من حر مالك تتبرع ..ي الطعس
عبدالرحمن بسخريه: الله والتبرع وبقهر صرخ بتمشي ولا كيف
اخرتنا على الفاضي ..
..سامي وقف وهو عاض على شفته ...وبسرعة رفع ثوبه وركض بسرعه وهو يشوفه يركض قدامه للشارع ....ويصارخ

عمار
يشوفهم وهو مقهور....أشلون متحملهم مايدري ...رأسه أفتر ..وهم كذا يركضون وراء بعض لا عبدالرحمن راضي يوقف ولا سآمي بعد ....قال بصرخه وهو يشوف....عيال جيرانهم ..ناس راقيه ...مع هذولا الهمج ...والله لو يدري أبوه لا يشحطه من البيت معاهم ... قال بفشله .. : والنهايه يعني لمتى بتجلسون كذا عز الله الرجآل طلع وحنا مارحنا ...

عبدالرحمن بصوت عالي :قول له يوقف وانا أوقف ....

عمار بعصبيه وهو متفشل بقوه وخايف بعد أبوه يوصل وهبلهم ماوقف ...صرخ بعصبيه : لعب بزران هوو ....وقال وهو متأمل ان سامي بيسمعه ..اما عبدالرحمن ..عارف عقله قاضي من مبطي : سآمي عشان خاطري أدخل انتظرنا بالمجلس لما نزور خويك قالها كذآ متعمد ونرجع لك ...

سآمي وقف ...بقهر وهو يتحلف في عبدالرحمن وقال بقهر: والله عشان خاطر هالغالي إلا انت ي الكريم مسوي على حسابي شغلك عندي اوريك ي الشحط ...
عبدالرحمن وهو يجلس على ركبه ويتنفس بقوة من كثر الركض : آه هلكتني الله يقلعك ...

سآمي بدون مايبرر لهم او يقول شيء ركب قدام وقفل الباب تحت أنظار عبدالرحمن وعمار ....

عمار ركب السيارة من غير ..مايسأل أو يتكلم بس كان مبسوط حيل ...عارف سآمي قلبه طيب بس عيبه متهور ...بس قفل عيونه بقهر يوم عبد الرحمن فتح الباب ....وبدأ يغلس..

عبد الرحمن وهو ناوي يغيضه فتح باب السيارة :على وين ي الأخ شافه ماكلمه قال وهو يستفزه ...طيب أنزل هذا مكاني
سآمي مارد عليه طنشه ..وجوابه قفل باب السيارة وقفلها من داخل
وناظر عمار وقال : امش ....
عمار ابتسم وهو يناظر عبدالرحمن يسوي علامه بيده عشان يفتح ويطق الباب بقوه ..: والله انه يستاهل على حركاته
بس عشاني ....هالمره كبر عقلك وصير أحسن منه ..تعبت وانا افزع مر لك ومره به ...

سآمي ناظر عبدالرحمن وفتح الدريشه وقال بتحكم : تأخذ لي كرز كامل دخان ...

عبدالرحمن قال بسرعة: آه ي الظالم كرز مره وحده ليه شايفني عمار على غفله فلوس تقوطر مني وبعد حرام أخذ لك ..
سامي بسخريه : اولا قول ماشاءالله لا تنظل الرجآل ...وثانياً من متى الأخ مايدخن

عبدالرحمن : لا ادخن بس أضر نفسي ايوه بس أضر الآخرين لا والف لا ...والله يتوب علي ....ان شاءالله منه قريب

سآمي :من متى أذكرك أول وأحد في المصايب ....

عبدالرحمن : اوه من مبطي وبستهبال : لايكون بالله ماتدري
افااا ي سامي افاا
سامي مشى معه :والله مدري ليه ماقلت لي من أول ي الخاين صدق مالك صاحب
عبدالرحمن وهو يسند يده على الدريشه ويقرب وجهه : خشمك خشمك ي الكنق ..والله اني غلطان. ...
سامي قرب منه : سم
بس فزوو الأثنين من صرخة عمار
صرخ بعصييه :بسرعه كلكم تنقلعوو من سيارتي ويالله فارقوا لعاد اشوفكم عاد في الحي بعد ...وبصرخه يالله انزلوا
سآمي فتح الأمان واشر لعبدالرحمن ....
وعبدالرحمن بسرعه ركب وراء وهو يصرخ:والله آسفين...وضرب سامي على رأسه بقوه أعتذر ي الكنق الشيخ معصب ...
سآمي لف جسمه بخفه ومسك يده ولفها له بقهر : كم مره أقولك لا تمد يدك كم مره ...
عمار حرك السياره من غير مايفتح فمه ...وهو يهز رأسه بعجز منهم ....بس تعب وصرخ بعصبيه :تكفون خلوني انتبه للطريق ...
ودف سامي وهو يبعده يبيه يرجع يجلس مكانه .وبقهر انثبر هنا

،،
،،
في المستشفى
يناظر أهله ..وهو زعلان ..كان وده يشوفها ..معاهم. .قال لابوه الي اليوم هو مرافقه وأسامه من بدري طالع ....:يبه ضايق خلاص مافيني شيء
ابو اسامه بحده : والمطلوب
رائد :بطلع واوعدك أجلس في غرفتي ولا أجلس في المقلط وجيب لي ممرض ...
ابو أسامه : وش تطلع والله ادري افيك بتصير مصيبه أكبر من المصيبه الي صارت عارف شلة السوء ماراح يخلونك تنثبر ترتاح بيطلعونك .... وجرحك باقي ماطاب وهاتي ي فزعات من جديد ..وبقهر إذا ماتهمك صحتك كذآ شوف حال أمك كيف ..فكر فيها وفينا شوي أعوذ بالله..منك .ليه ماتبي تسمع كلام الدكتور قال كلها أسبوع ويرخصك ..

صيته بضحكه: لا تشرهه عليه العروسه تنتظر عريسها الي ماشافته
ام أسامه تمتمت حسبي الله في الي كان السبب ...ونقص عليه فرحته حبيب امه ....
ابو أسامه
طلع وكلم ابو عصام وقال له يجيب ..أسيل وكاد يهجد شوي
يوم تجي تزوره ...واتفقووا يسوون له مفاجأة عشان نفسيته تزين ...بس ناظر من بعيد شلته الي يسميهم شلة ((الفساد))
دايم كان يهاوش ..رائد عشانهم يبه يبعد عنهم بذات الأسمر الطويل أبد مايرتاح له .. بس فيه واحد بينهم غريب..
ومختلف. .حتى عنهم تمام في طريقة اللبس وفي كل شيء ..قال بقهر بيخربونه مثل رائد خرب ......

: السلام عليكم
رد بضيق :هلا عليكم السلام والحمدلله على سلامة ولدك
عمار :كيفك ي عم بالله لو تسمح لنا حنا جاين نشوف رائد
ابو أسامه : الله يسلمك الشر مايجيك ..

عبدالرحمن وهو يأشرعلى نفسه وعليهم : اخوياه
ابو اسامه هذا بلى ابوك ي عقاب قال بضيق : عارف ...تفضلوو انتظروا دقايق بس اطلع الأهل
عمار بسرعه وهو خجلان : لايكون فيه إزعاج

ابو أسامه والله قلت انه محترم حرام يمشي مع هالشله ناظر ناحية الاسمرالطويل الي يناظر المكان بطفش وكنه ماهو عاجبه أحد ..قال بمجامله : لا لا مافي إزعاج حياكم الله ..ثواني بس ..أعطاهم ظهر ودخل الغرفة ...

عبدالرحمن بهمس : الشايب عليه نظرات مو صاحيه
سامي بعربجه: اي والله شفته ..سلامات وش حنا مسوين فيه والله كف اخليه نايم جنب ولده

عمار تتافف بقهر وهو يناظر عبدالرحمن :انت بس كذا شغلتك الفتن ورجع ناظر سآمي بحده وأنت ماتفرق كبير صغير تمشي وتصفق بس ..هذي شغلتك وبحده أكثر ليه مافي كنترول ..

سآمي نزل نظره للأرض ....الكل يرد عليه إلا عمار مايقدر يفتح فمه عليه ...والله لو يهاوشه لبكرا ......
عبدالرحمن بسخريه : اخسس سامي تهزئ وبقهر ليه هذا دايم يقصفك ..قصف بالكلام ماتقدر ترد عليه وانا الضعيف بس تكفخ فيني بس يالله الفلوس ..الي في جيب هالبطران تهجد بلد بعد
سامي بقهر عض شفته فشله قدام عمار الحين وش يقول عنه انه طماع ويبي فلوسه .: ليت المكان مناسب كان عرفت ارد عليك غبي ...مثلك ماشفت ..
عبدالرحمن : أقول سامي وش رأيك نروح نسرق مثل أول تذكر
سامي ابتسم : اخخ وناسه ..
عمار فتح عينه بصدمه ويشوفهم كيف مبسوطين قال بصدمه :تسرقون
عبدالرحمن : هييي لا تنهبل كلها شاش ومعقم عشان العربجي ذا قدامك كل يوم هوشه وحنا راحين به الطوارئ فكرنا انا ورائد نريح اعمارنا نسرق ضماد ونبقى نعلاجه في البيت وصرخ بقهر
آه على أيامك ي رائد ام الفله صح بقهر ضرب سامي على
صدره كله منك مسوي كرامه الله يقلعك ..وشرد خايف عشان مايصله سامي ....
سامي بقهر بيرد عليه قاطعه عمار وهو مقهور : ولا كلمه انت وهو ومن هنا أطلع ماعرفكم اوك...
سآمي ابتسم : ماتقدر ...
عمار جحده بنظرة ...

في الغرفة

ابو أسامه قال بسخريه: جوو حبايبك يالله اطلعو للاستراحة انتظروا هناك
رائد رفع نفسه شوي وهو يتألم : مين
ابو أسامه بحده: خليها مفاجأة لك ....وبقهر والله ماضيعوك إلا هم ...
رائد سكت وهو متعود على هالاسطونه من أهله. ..لو ينخدش خدش بسيط يقولو اخوياه ...بعد ماشاف الغرفة فضت من أهله ..كلها دقايق وشاف الي دخلوا عليه ردو السلام .. فتح عينه بصدمه لا لا مو مصدق ..سآمي...جاي بنفسه ..ناظر عمار وعبدالرحمن الي فاتح الخشه ...وسامي يناظر الأرض والضيق باين على وجهه شكله جاي مغصوب ...
عمار أول واحد قرب منه و سلم عليه: الحمدلله على السلامة كيفك اليوم عساك أحسن ان شاءالله

رائد : الله يسلمك الحمدلله احسن بواجد من اليومين الي مرت
عبدالرحمن بضحكه:اقسم بالله ي رائد يوم قالوا لي فكيتها
ضحك قلت اخس المسكت ماراح الفندق ..ونزل نفسه وهو يسلم عليه وبهمس اروح البيت اشوف رصيدي زايد أرقامه اوك عشان الكنق جبته بنفسي لك ...وهذا غالي صح
رائد بهمس وهو يضحك: أبشربعزك ..والله غالي والمسكت ان شاءالله يتعوض ..بالفندق ي الخايس ....
وناظر سامي بعتب يبيه يتكلم ماغير واقف ...يناظر الأرض
عمار دق سامي عشان يسلم عليه ..
سامي ناظر عمار ورجع ناظر رائد قرب منه وهو ...موجوع
باقي منه ..ماهو قادر...ينسى ..قال بضيق وهو يمد يده بتردد: الحمدلله على السلامة
رائد مد يده وقال بأبتسامه وهو يشد عليها : الله يسلمك
وكمل وهو يذكره وش كان يناديه كيفك ي مغناطيس المشاكل

...سآمي ابتسم على جنب بثقل وهو يتذكر هاللقب بعد كل هوشه يقولها له : من كل صوب تتحذف علي

عبدالرحمن بلقافه: والله السبب أكيد فيك أعوذ والله انك صادق ي رائد مغناطيس مشاكل توه مكفخ عمار لما عض الأرض

عمار ناظره بنقمه : مكفخني انا

سآمي ناظر رائد وقال : ودك في حد يخاويك على ها لسرير جنبك

رائد ناظر عبدالرحمن وبضحكه: اي والله اعطه المقسوم
عبدالرحمن أبتعد لنهايه الغرفة وهو يرفع المغذي ..قال بتهديد:أقسم بالله بذي وانت ي الخاين بتحول المبلع لو انا ميت فاهم خلي ابوي يورث بعدي وكاد بدل مايدعي علي كل يوم وانا حي يدعي لي وانا ميت الله يهديه هالشايب ماغير يدعي ....

عمار بقهر :متفاخر بعد بدعوة ابوك عارف وش عقابها
ابو اسامه دخل ناظر عبدالرحمن وهو حاملها في يده ..ناظره بقهر صدق همج ...ناظر رائد بعتب ..هذولا هم الي دايم تفضلهم على أهلك. .
عبدالرحمن بسرعة نزلها ..وهو متفشل. .. وقرب من سآمي

عمار تفشل حده ..قال : يالله ي رائد ان شاءالله هالمره نزورك في البيت وماتشوف شر ي الغالي ...
عبدالرحمن قرب منه وسلم .وقال بهمس: أبوك يحبنا مره
رائد بسخريه : يموت فيكم ..

سآمي قال ببرود: يالله ماتشوف شر

رائد مسك يده وقال بهمس وهو يقربه منه :ماراح أنساها أبد وماتدري قد ايش فرحان بجيتك ي الغالي عارف إنك ماهو طايقني ..وسكت يوم شاف أبوه يناظره ...يخاف يسمعه ...
سآمي هز رأسه من غير مايرد ..وطلعووا بعدها ...
،،

فتحت عيونها ..وهي تناظر ..الغرفة...بغرابه ...هي وين آخر مره كان في السيارة وبعدها نزلت....قفلت عيونها ماتبي ..تتذكر...ايه جت شافت اخوها آه على منظره وبعدها تعبت ...لفت وجهاا شافت أسامه مريح على الكنبه ..قالت ببحه : الساعة كم وهي تناظر الشباك ..بس مافي أي اجابه..رجعت قفلت عيونها
وهي تتمنى ترجع تنام وتنسى الواقع ....المر الي عايشته ...
بس تمتمت وهي تحمد الله وتستغفره ...أستغفر الله ..
بس عيا يجيها نوم ..ودها تروح الحمام الله يكرم القارئ. ..
بس خايفه من الدوخه لأنها ي دوب رفعت رأسها حست بدوار ..بس حاولت ..رفعت نفسها ..جلست بصعوبه ..وش فيها ليه كذا حالها أول مره تحس بهالاعراض .. نزلت نظرها لبطنها وهي تتأكد ..بس شافت بروزه حطت يدها عليه وقالت بهمس :حاب الدنيا يمه ......

: أشلونك الحين

فزت بخوف ...من صوته المرعب ..يالله
أسامه وهو يدلك رقبته بتعب وجعته هالكنبه قال بثقل في صوته: ان شاءالله أحسن
ريوف مدري ليه هزيت رأسي بلا
أسامه وقف وجلس على السرير مقابلها وسأل بأهتمام
:وش تحسي فيه بالضبط .
ريوف ناظرته بخوف وتوتر أول مره تشوف القلق في عيونه نزلت نظرها ..: امم بس إذا جيت بقوم احس الدنيا تلف فيني
اسامه عقد حواجبه وهو يناظر ملامحها التعبانه : شيء طبيعي الدكتوره .. نقول ماتتغذي زين وصغر عيونه بحده متى آخر مره كلتي ..
ريوف قلت بهمس:مدري
أسامه وقف وقال بحده شوي : إذا حابه حياتك كلي ولا تفكري في أحد فكري في حالك بس ..وناظر بطنها الدكتورة قالت بتسوي إشاعة بتشوف وضع الجنين ..بس رفضت قلت ماله داعي
ريوف هزيت رأسي موافقة .. بس انصدمت يوم كمل كلامه رفعت رأسي وانا مابيه يكمل يرحمني لو آلحين توني أقول أول مره اشوف القلق في صوته تكون الخاتمه كذآ ليتك رفضت وماقلت لي ليتك ي اسامه مازدت على جروحك جرح يذبح ......

..
ريوف قلت بغصه :أكيد بترفض ماله مكان عندك مثل أمه الله ياوجع قلبي عليه مرفوض وهو لسى ماشاف هالدنيا ....

أسامه وقف وقال بقساوة:مدام هذا ردك تراك بخير جهزي حالك وانا بشوف حساب المستشفى المتبقي وارجع ......
ريوف قلت وانا ودي اجرحه مثل ماجرحني توو وعارفه جرحي ولا شيء قدام جرحه بس كذا وكاد قلبي يبرد شوي .. :امم قلت
لي حساب يعني مستشفى خاص عشان كذا ماتبي تدفع حرام تخسرفي إشاعة تطمن فيها على ولدك ....

أسامه إبتسم على جنب بسخريه : لو أفكر في الفلوس ماجبتك هنا ..على ان مستواك مستوصف الحي ويخب عليك بعد بس وش نسوي دايم تفعل خير وتمد يدك تنعض في هالزمن ..ونزل نفسه شوي وبهمس مافكرت في الفلوس بس شيء منك
مابي ..حتى أعرف ايش وضعه ..شاف دموعها عالقة في عيونها ..نزل نظره لبطنها مايدري ليه حس بشيء وجعه يوم قال كذآ ...تراجع عن كلمته وهو يقول بمكابره: بتسوي إشاعة موافق والحين بعد ...بستدعي الدكتورة ..
ريوف هزت رأسها برفض :بروح البيت ....
أسامه أعطاها ظهره من غير مايرد عليها. ....

ريوف
ناظرته وهو معطيني ظهره قاسي قاسي حيل ي أسامه حتى ماتبي تتطمن على ضناك يآرب ...وش ذا القلب الي عنده وقفت وحاولت أسند على الجدار ...دخلت الحمام وغسلت وجهي ..وانا مدري الساعة كم ...مدري كم فرض راح عليه ..بسأله حنا متى واصلي ..ايه آخر صلاة صليتها صلاة العصر قبل ماازور أخوي .....توضيت وطلعت ادور جوالي بشوف الساعة كم وبعرف ...كم فرض فاتني ....دورت في الشنطه ماحصلته ...يالله وينه ذا بعد ...رفعت رأسي للدريشه مره ثانيه أبي اتأكد بس الجو مايساعد فجأة نزل مطر ومادري اي وقت من الغيوم والمطر ...
جلست انتظره شوي وشفته داخل عليه يمشي بخطوات ..
كلها غرور وثقه من حاله. ..اما النظرات الي يوجهها لي أحس فيها اني حشرة قدامه .....
قال بصوته المرعب: يالله ..وراي روحه لرائد امس ماشفته انشغلت معك ..
ريوف حسيت الضيق في كلامه قلت بغصه : أسفه عطلتك عن أخوك
أسامه ناظرها وقال بدقه: هو بس اخوي الي عطلتني عنه ماهو حياتي كلها تعطلت ....بسبتك ..وكمل وهو يناظر الدريشه مطر غزير ....مدري كيف تقدري تطلعي ...وهو يناظر العبايه ..
ريوف
بلعت الغصه وانا اللوم حالي ..استاهل الرجآل ماهو طايقك أبد
تحكي معه ليه ..شفته انحنى وأخذ الشنطه ومسك يدي ...وطلعنا ..وانا مستغربه هالحنان الي نزل فجأة..بس هزيت رأسي لا .توبه عاد استغرب شيء ..منه لأنه أكيد بعدها يذبحني بكم كلمه يخليني اعتصر مكاني من قوتها ......عضيت شفتي يوم همس
أسامه بهمس : اخاف تتطيحي واتفشل
كان ودي اقوله ي شيخ ماله داعي تبرر أول ماطلعنا ..برا المستشفى صراحه الجو مايساعد أبد احس البرد دخل عظامي ..وبعد المطر ...رفعت رأسي لسماء وانا احسها تشاركني دموعي الي نزلت ...غصب عني ..
ركبت السيارة بمساعده أسامه الي تبلل أكثر مني...
سندت رأسي على الدريشه ...وانا أدعي الله يشفي أخوي ..ويصدقني أملي فيه ...لو ماصدق صدق بدمر وقتها ...
أسامه أول ماوقف السيارة ...نزل وفتح لها الباب وهو يساعدها
ريوف سحبت يدي وقلت بعزة: مافي حد تتفشل منه هنا والشقه
أرضي ..بقدر أمشي لحالي. ..
أسامه عض شفته بقهر وهمس وهو صاك على سنونه :ماهو قلت انك قليلة إحسان ..
أول مادخلو الشقه ...على طول أخذ شور...وطلع شافها ..
تصلي انتظرها تكمل قال بجمود : لاتشربي أدويتك على بطن فاضي اصبري لما أجيب لك أكل .....طلع أخذ لها أكل...ورجع حصلها نايمه دور جوالها ماحصله قريب منها ...رفع الخداديات الي على الكنبه الثانيه حصله مرمي تحتها دايم يشوفه مرمي وماتهتم فيه .....أخذه وتأكد من شحنه ..و.قرب الأكل منها وبعد..حط الجوال على الطاولة .. عشان تنتبه له لو دق يطمن .. ...وبعد يذكرها بمواعيد الدواء ...
.....
،،
،،
،،
،،

بيت ابووليد
*
*

نزلت من غرفتها ...وهي تحس بضيق ..بس لازم تشوف خالتها شافت وليد طالع من غرفته ...رفعت حاجب بقهر من النظره الي ناظرها بس ابتسمت بغيض وهي تتحرش فيه : السلام لله ي مسلم ..
وليد طنشها ..ونزل بخطوت سريعه على الدرج ..
ريتآج هزت رأسها وهي تضحك الله المستعان الزعل له الحين...نزلت بعده وهي تشوف عمها مسنتر على التلفزيون وحسام عنده بعد جالس ..يهايط عليه .. ..كان ودها تدخل عند خالتها بس يوم شافت وليد دخل غيرت طريقها للمطبخ شافت شوق فيه : كيفك ي حلوه وكيف خاله
شوق :والله ي ريتاج مبسوطه حدي امي اليوم صحت وفطرت والحين جالسه أحضر لها الغداء

..
ريتاج فرحت من قلبي وقلت بهدوء وانا اسحب منها الصحن : الحمدلله على السلامه روحي بغداها وانا بكمل عنك ..توزيع السلطه ...
شوق : اوك وبسرعة حضرت لامها غداها وطلعت ..
..ناظرت ميري وقلت لها : انتي خذي هذي وزعيها على السفرة على بال ما اغرف الرز ...وسوكيا بسرعة خذي العصير معاها ..
ولفيت وجهي مطنشه .. يوم شفت حسام دخل ...
حسام ناظرها أبد معاد تعطيه وجهه صغر عيونه بقهر : أقول انا زعلان منك ولا انتي زعلانه مني

ريتاج قفلت عيونها بصبر بدأ استهباله:والله مو فاهمه شيء
وياليت تطلع مو فايقه لك أبد ...

حسام بقهر : الحين عرفت الي زعلان طلعت انا زعلان ومأخذ في خاطري بعد .. أجل ي ريتاج آخر عمري تتطرديني وانا في
بيت أبوي وبنبرة حزن ليه ليه ي ريتاج متغيرة علي وانا مخليك الأم الثانيه لي في هالبيت الي الكل في يكرهني ...حتى ميري وسوكيا دايم يطردوني يقولون وهو يقلد صوتهم يالله اطلع مطبخ .....ياربي وش سويت عشان ذا كله ...
ريتآج بسخريه : تمثيلك فاشل ووبعد آخر عمري من فين سمعت هالكلمه وجيت تتطبقها عندي
حسام بنذاله : سمعت ابوي يقول لوليد آخر عمري اشوف عيالي ينقادون وراء حريمهم ... خلفت خرفان ...اخخ ي هي قويه الكاتبن خروف .....
ريتاج رفعت حاجب :اقول ي الفتان ي نقال الحكي اقلب وجهك

حسام بقهر سحب صحن سلطه من الي باقي موجوده وأكل بيده
وقال :ليه ماهو طول عمرك تسمعي حكيي وش صار وتغير اليوم وبقهر شاف سوكيا وهي داخله قام يقلدها يالله اطلع من مطبخ يالله بلع لقمه ثانيه يوم شافها جحدته بنظره قال بقهر وانا ولد أبوي مستقويه اصبري بكره اخوي وليد عنده رحله إندونيسيا والله ماغير اشحطك في الطيارة معه واخليه يوصلك

سوكيا بقهر: انا مو إندونيسيا فلبين

حسام رجع أكل سلطه وقال : يقال بعيده الحين عادي وش فيها يعني يوصلك على طريقة...
ريتآج قاطعته بقرف: حسام الله يقرفك في شيء اسمه ذوق في الأكل

حسام والأكل في فمه : لا لا كان زمان تقولي بالعافيه والحين
جالسه تهاوشي فيني من وقت مادخلت المطبخ ... صدق النفسيه رجلك غيرك عليه ادري فيه يغار مني من يومه بلع اللقمه وطلع صوت عشان يستفزها ...وصرخ ياربي معي سادس أجل لو دخلت المتوسط وأخذت الثانوي ودخلت الجامعه وبعد اصير مثله طيار وش يسوي بس والله ياني متحلف فيه كذا بطير جنب طيارته واضرب فيه واطيح طيارته وافحط من عنده واقوله دبر عمرك .. وافشله من ركابه واخلي تاريخه أسود ومحد يرضى عاد يركب والسواق وليد ...
ريتاج مطنشه كل هذرته بس كلامه الأخير ماقدرت امسك نفسي ضحكت غصب عني : هههههههه ي مجنون معاد به فشله ذاك الوقت يكون خلاص مات ...والي معاه بعد الله يرحمهم

حسام نط فرح يوم ضحكت أخيراً اعطته وجهه : اخخ ماعليك خليه يموت وعد مني اتزوجك وسكت وهو يشوف وليد واقف ويناظره بعصبيه
حسام همس: وكاد سوكيا حرشته علي ....

وليد
طلع من عند امه يوم تطمن وهو يشوفها تأكل سمع صوت حسام في المطبخ وضحك ريتاج دخل على آخر كلامه قالها ..قرب منه بعصبيه وقال :وش قلت
حسام ناظر المكان مايمديه يشرد ولو جلس كذا أكيد بيتصفق اليوم ...بسرعة نزل حاله ودخل تحت الطاولة وي دوب وليد نزل يبي يمسكه بسرعه شرد من الجههه الثانية ....وهو يصيح باسم ابوه عشان ينقذه ..يبه الحقني
وليد وقف وهو مصدوم كيف قدر يفلت من يده : حشا ماهو ادمي
فار ...وناظر ريتآج بعصبيه: بدل ماهو جالسه تهذري معاه في قلة سنع كان طليتي على امي
ريتاج ببرود: لا تخلي منقود علي الحين بس قلت ابيك تأخذ راحتك معاها وبعد ..اشوفها
وليد بقهر :لا ي شيخه بصدق الحين قولي ماتبي تدخلي وانا موجود
ريتاج رفعت كتوفها ببرود يقتل: كيفك صدق الي يتصوره عقلك

وليد بعصبيه : أقسم بالله ي ريتآج لو عاد اسمعك تحكي معه أخذ عمرك فاهمه
ريتآج : قد قلت مية مره يوم اشوفه كبر بتغطى منه
وبعدين كبر عقلك حسام بزر وأنت حاط دوبك من دوبه ...
وليد بقهر ضرب الطاوله بيده : مجنونه تسمعي حكيه كيف ولسى تقول بزر ..
ريتاج مصدومه من عصبيته الي مالها داعي في نظرها قالت بقهر: وليد شايف المكان مناسب عشان تطلع حرتك

وليد بقهر قرب منها ورفع يده لرأسها : هذا بكسره اوك لو شفتك عاد معطيه حسام وجهههه ....ودف رأسها بطريقه وقحه..ريتآج حست بقهر ..طيب اليوم تروح بيت أهلها وترتاح خالتها وخلاص قامت بخير وش مجلسها أجل وأهلها بتدور لهم عذر وبعد زعل أبوها من عمها في مصلحتها .....طلعت بباقي الأكل وهي مقهورة ومعصبه حدها. ..ناظرت عمها وليد وحسام جالسين في الصالة الثانيه قربت منهم : يالله حياكم الأكل جاهز ..ودخلت المطبخ ...مالها نفس تأكل معاهم جلست على الطاولة ..وهي تناظر ميري وسوكيا يأكلون ..فكرت تروح غرفتها عشان
يأخذون راحتهم .شافت وليد واقف في وجهها..عند باب المطبخ وقال بحده : الحين بالله حركه حلوه منك تخلينا نأكل وماتجي تجلسي معنا على الأقل ي شيخه جاملي عشان ابوي

ريتاج بزعل منه : مالي نفس .... وناظرت الخدم تذكره بوجودهم .. وليد اشر لهم يطلعون...بعد مافضي المطبخ قال وهو زعلان : يعني لازم اللكل يدري انا زعلانين من بعض ريتاج انا كبرت عقلي حيل عليك يكفي كلامك السم الي متهمتنا فيه وقلت ماعليه طشن وقت فزعه وخوف على اختها وماتدري وش تقول ..
ريتآج اوف طفشت من كثرة كلامه وعارفة بيجلس لها لما تقوم :كثر الله خيرك وأنت كبرت عقلك ..وامش نتغدا...
وليد جحدها بنظره سكتت بعدها وهي تمشي وراه ...
جلست وهي تناظر حسام اللي يسوي لها حركات مجنونه بوجهه..طنشت ماهي ناقصه مشكله مع النفسيه ذا بجنبها ...
يالله مالها نفس تأكل .. حتى الأكل في هالبيت بالغصب
حسام انقهر ماعطته وجهه ابد ناظر وليد وحالف اليوم يقهره
و يعاند مثل ماهو كل وقت يهاوشه ويفشله قدام ريتاج وبعدين أبوه موجود مارح يسوي شيء ....حده نظره من نظراته هذي المرعبه ..بس مايقدر يفتح فمه عليه ...ولا يمد يده رفع صحنه وناظر ريتاج وقال : اغرفي لي ي ريتاج

ريتاج بأبتسامه عارفه حركاته .. : ابشر

وليد بقهر : ليه مكسر الأخ

حسام بنذاله:بسم الله علي لا تتفاول بس ابيها تعرف قدري في
الأكل من اليوم ..عشان تتعود يوم وسكت مقدر يكمل خاف ماهو قد وليد أبد آلحين ابوه جالس بس مصيره يستفرد فيه
وليد بعصبيه : يوم ايش
حسام بخوف وهو يناظر أبوه يبيه يفكه بس ابوه بعد معصب ويأكل ساكت قال وهو يبي يصرفه عشان ينفك منه قال بغباء: يوم أكبر ....
وليد بعصبيه: وش دخلها فيك يوم تكبر ...
حسام اممم الورطه الحين ووش قلت عشان يعصب كذا أجل لو قلت يوم اتزوجها يوم تموت ...قال وهو يرجف : طيب يوم اممم جالس يفكر
وليد عصب من جد: بعد تفكر ماتدري وش تقول
حسام وقف بقهر : افف حتى ماتخلي الواحد. يفكر اروح الحاره العب احسن من مقابلة وجهك .....انت وسوكيا
وليد فتح فمه بصدمه: وش دخل سوكيا آلحين
حسام : مافي غيركم يكرهني في هالبيت وناظر ريتآج التحدي باقي انا قده اوك اي وقت تكوني فاضيه تشوفيني قدامك في الصاله ...

ريتاج
ريتآج . والله صدق ينخاف منه هالحسام بس ناظرته بسخريه وهو يرجف ومو عارف يصرف عمره يستاهل خليه يأدبه ...
لا لا لا هذا صدق مسخها اي تحدي الحين ...صدق خبيث ماعمري شفت مثله بزر ...
بس فزيت على صرخة عمي :
: والنهايه معك أنت وهوو وبقهر ناظر حسام انثبر كمل غداك
انت بعد والشارع في هالحر أحلم تشوفه....

وليد بقهر وهو يناظر حسام ...: معليش يبه بس ينرفز الوحد يبي له تربيه والله

ابو وليد قال بحده : خلك من هالبزر متى ناوي ترجع مرتك الثانيه
وليد بضيق : طالبه الطلاق هالمرة بس والله لو تموت ماتحصله ..
حسام بهمس احسن والله ...
ريتاج حذرته بعيوني ابيه يسكت عشان مايقوم له ...

ابو وليد بحده وهو يناظر حسام يحسه زودها ..: طلقها لو ماتبي ترجع وفكنا من هالعايله الي ماتجي منها غير الغثى أعوذ بالله منهم
وليد بضيق نزل رأسه من غير مايرد ..

حسام بلقافه : اي والله انك صادق يبه دايم لطوف تمر من عندي حتى ماتسلم ماهو مثل بنت عمي ريتآج ماشاءالله عليها أخلاق ودايم تحب تجلس معي وتسمع سواليفي الي تونس الصدر على قول امي ...
وليد بقهر من ابوه ليه مدلع حسام كذا ومايهاوشه إذا غلط قال وهو ناوي عليه اليوم وحالف لا يمردغه ..: كلمه زيادة حست عليك هالطاوله ...
ابو وليد مد يده وأخذ كوب المويا وناظرهم وقال بحده: أقول خلك من المهايط على هالبرز وحط حيلك على حريمك الي ماهو فالح
مع حد منهن ...وهالحال ماهو عاجبني أبد ..وبعد ماهو فاضين للطوف كل مره وحنا في مجلس أبوها عشان خشتها من آلحين أقولك لا تسحبني وراك عشان تطيب خاطرها..وعساها تخلعك عشان تعرف كيف وقتها ...

وليد بضيق :يبه الحين مين قالك روح لمجلس ابوها

ا
ابو وليد قاطعه بحده: ليه هذي ماهي عوايدك وبعصبيه وهو يناظر ريتاج ويرجع يناظر وليد ..متى ناوين تجيبو بندر..ان شاء الله شوي وتكمل السنه وانا لا شفت بندر ولا شيء ....

ريتآج الي صابرة و متحمله ودها تقوم من هالسفرة الي ندمت جلست عليها ..بس اخر كلمه قالها عمها خلتها تغص باللقمه الي غصبت نفسها عليها من وقت م فتح سيرة لطيفه وهي عارفة بتجيها كم كلمه ....

وناظرت وليد اللي فاك الخشه وبسرعة تغير مزاجه من العصبيه للأبتسامه الي مالها داعي ومبسوط من حكي أبوه ..وقهرها يوم ضرب رجلها من تحت الطاول وقال بهمس : ايوه كذا ..
صغرت عينها بقهر ..منه ومن حركته افف.. رجعت ضربت رجله بقوة ...عشان يعرف انها مقهورة ويقول كلمه لعمي عشان يهجد عنهم ..

وليد ناظرها وهو يتألم اخخ ضربتها قويه كان وبحقد ضربته ..عكس ضربته لها ...بس ابتسم وقال بنذاله : والله ودي في حفيد
لك يبه بس مابليد حيله بنت أخوك تقول ماتبي تحمل آلحين كل مرة تأجل مدري ليه ..

ريتاج فتحت عينها بصدمه صدق قليل ذوق ...آه كل مره تنصدم في أخلاق هالوليد ...آلحين لها ساعه تترجاه بعيونها ينهي هالمهزله يقوم يزيدها ....
ابو وليد بقهر : والله ماحصلت الرجآل الي كلمته كلمه حصلت
خيخه ....
وليد بقهر اخخ رجعت علي بس عادي اتحمل وهو يناظر كيف تبتسم بنتصار ..بس هين الحين ابعد هالابتسامه قال بنذاله أكثر من أول :وش اسوي يبه ..اخاف اغصبها على شيء هي ماتبيه تقوم تزعل مني اعرف معزتك لها

حسام :اي والله تزعلها احوسك ...
وليد جحده بنظرة وهو يتحلف فيه ...
ابو وليد ناظرها بعتب : صادق في اللي يقوله ي ريتاج ...

ريتاج وقفت بقهر :ربك كريم وقت مايكتب بيصير
طلعت الغرفة وهي مقهورة من وليد ومن تدخل عمها اللي كل مره يزيد عن الي قبله ...هذي أشياء خصوصيه مفروض ما يتدخل فيها أعوذ بالله مقد شفت مثله ومثل تسلطه .

. في الصالة

وليد بوناسه : فديتك يبه كثر من هالحكي الله يطول في عمرك
ابو وليد بحده : وش تقول أنت

وليد وقف وسلم فوق رأسه بفرحه : سلامتك يالغالي ولحقها لفوق اتجهه لغرفتها
ودخل وقال بضحكه يوم ناظرته بقهر وحقد .:هونك هونك جاي اقولك ماعليك في ابوي هو دايم كذآ وبندر ماهو مستعجل عليه ماجا هالسنه يجي السنه الي جايه ان شاءالله وش ورانا

ريتاج ودها تقوم تذبحه :السنه الجايه ايه كثر من هالاحلام

وليد بستفزاز : ان شاءالله تحملي قبل ماتكمل هالسنه ولا يهمك ..

ريتاج عرفت انه جالس يستفزها قالت بقهر : ماهو من اليوم زعلان ومطنقر وش الي تغير
وليد تذكر سبب زعله قال بقهر : ريتاج لاتذكريني ماهو في صالحك ..

ريتآج طنشته ...وسحبت جوالها ..عشان يفهم مالها مزاج تشوفه الحين ..ويفهم ويطلع من حاله لانها عارفته ثقيل دم لو تطرده من اليوم لبكرة مارح يطلع
وليد سحب الجوال من يدها .وقال.:ممكن تخليك من هذا وتفضي لضيف الي عندك

ريتآج ناظرته بقهر :ضيف

وليد هز رأسه :ايه عازم حالي اليوم عندك
عندك ريتآج بضيق : حياك البيت بيتك

وليد قال بهمس:ابوي هالمرة صامل ي ريتآج ورفع كتوفه بعجز..مدري وش الدبره ..

ريتاج بقهر :تذكر الي بينا وليد وش اتفقنا عليه آخر مره

وليد بضيق: والله متذكرة ولسى عند كلمتي ..أول مايتم زواج عصام وشوق أعطيك حريتك .. بس ابوي وش يفهمه ي ريتاج

ريتآج وهي تغير لسالفة ماتبي تزيد وتعيد في شيء خلاص ملت منه :كيف لطيفه آليوم
الله يكون بعونها ..مصيبتهم كبيرة

وليد ناظر الارض وبضيق: ماعطتتي فرصه اكلمها...ورفع
رأسه وناظرها .. طالبة الطلاق وهالمره راكبه رأسها الف سيف هالمره كلكم نفس بعض مدري العيب فيني ولا فيكم

ريتآج بسخريه :حاشاك ماهو فيك العيب أكيد فينا

وليد رفع حاجب وقال بقهر : اكيد منكم إلا انا وش فيني رجآل وفيني افتح بيتين بس وش نقول ناقصات عقل ودين

ريتاج بخوف :المهم لطيفه مجنونه وكاد تستفزك وتطلقها
وليد بصدق : لا مستحيل أطلقها هذي وسكت مايبي يكمل يخاف
تزعل وماهو في صالحه لو تتضايق آلحين

ريتاج ميلت فمها مبتسمه بسخريه :ايش فيك القطه أكلت لسانك فجأة ..وليد

وليد وقف وهو يتهرب : المهم انا رايح ازور رائد.. وأعطاها ظهره يالله يمدي مافي وقت على الزيارة ...

ريتاج بشموخ وعزة نفس :لا تتفكتر اموت لو كملت عارفة وش هي بالنسبه لك ..وبعد لا تسوي تخاف على مشاعري اذكر كان زمان ترمي كم كلمه ي كبرها ولا يهمك وقفت وقابلته وبصدق تراه مايهمني أبد وش تكون لك ولا قد آيش تحبها يشهد الله عليه مابي خراب بينكم ودي الحين ترجع لك .وأنا اطلع من حياتكم

وليد رجع ناظرها وقال بقهر منها حتى بعد ماعرفت كل شيء لسى ماله مكانه عندها : مين قالك افكر في مشاعرك عشان اخاف
عليها وعادي ماكنت بقول شيء ولا تشوفي حالك لو فيه طلاق بيكون لك ماهو لها ....وقال بحقارة وهو يذكرها مثل ماكان صار معك لو تزوجتي بندر كان آلحين غلا الي لها مكانه عنده
ولو فيه طلاق بعد بيكون لك ...يعني خسرانه ريتاج في كل الحالتين ..
ريتآج ابتسمت بسخريه على كلامه : امم بندر الله يرحمه
وغلا الحين متزوجه وبعد مخلفه ...ماشاءالله وكلامك كله والله ماله داعي ولا يأثر فيني أبد وسكتت هي تسمع جوالها يرن شافت رقم أختها ..ردت وهي مطشنه وجوده ..
ريتاج الحقي علي ابوي يبي يوديني عند رائد
ريتاج قلت وانا اتظاهر قدامه ان كلامه مأثر فيني : وش فيها حبيتي روحي وشوفيه وتحمدي له بالسلامة

اسيل بخوف وتوتر: اممم روحتي له صعبه احس خجلانه حيل

ريتاج بحده: بلاغباء وش صعبه فيه ذا زوجك خلاص

آسيل شوي وتصيح : عارفه بس

ريتآج بقلة صبر : بس ايش

أسيل : خجلانه ليه مو فاهمه عليه

ريتآج ابتسمت وهي تطمنها :البداية كذا تحسي بس من أول كلمه بينكم خلاص تحسي هالخجل كله راح والله يجعل قلوبكم على
بعض .. ويالله قفلي روحي تجهزي الله يسعدك ..
وقفلت وهي تشوفه مسند ظهره على الباب ويناظرها بسخريه ...

وليد ابتسم على جنب بسخريه :الحين يقال تعطيها نصايح انصحي حالك أول

ريتآج بدقه له : معاك حق بس اممم ماذكر ان رائد رفض وجودها في حياته بس انت اتذكر انك رفضت وجودي في حياتك
ليه أتعب حالي
وليد طلع وهو يقفل الباب بقوه ......

ريتآج ضرخت بقهر :كفوو من يومك ودخلت تأخذ شور ..بتروح بيت أهلها ...أفضل من الضغط الي عايشته. هنا ....تحس بقلبها مجروح يوم ذكرها ..ان حتى مالها مكانه عند بندر لو ربي تمم بينهم ....حسبي الله عليك مثل ماتحرق قلبي ....كل مره تصدمني بشيء ....والله تحس بكره لهم كلهم ....

،،
،،
،،
وقفت بتعب مسخته وحالتي حالة ..دخلت المطبخ سويت لي كوب حليب بزنجبيل .ابيه يخفف لي الم حلقي طلعت دورت بعيوني لابوي ماله أثر. ..رجعت الغرفة و. سحبت جوالي ..
بطمن عليه ..بس كان فيه رسالة فتحتها كانت من سآمي ((انا موافق تعيشي مع بنتك بس بشروطي تبي تعرفيها دقي عليه ))
خفت لايكون دقه فيني مثل آخر مره وبعد تهديده ومشكلته قبل يومين مع أبوي...حسيت بتردد أدق أولا ...بس قلبي حكم هالمره وبسرعة دقيت رقمه ...بس مارد ...
رميت الجوال بقهر ..ماهو قلت إنه وقح وحقير ..بس يبي يذلني ..جميع الشتايم والسب ...حذفتها عليه بس سكت يوم جوالي رن وكان اسمه ((الصايع))فكيت الخط وانا أحاول أمسك اعصابي ...
: افتكرت تكسري جوالي من كثر من تدقي ..على العرض اللي
اعطتك هوو
رديت بطولة بال : موافقه على كل شروطك
سآمي ضحك بوقاحه:اخس غلاي صايرة مطيعه مره ...بس ماظنتي بعد ماتسمعي شروطي توافقي ...والعقل المستعار
الحين يطلع على حقيقته
غلا قفلت عيوني بصبر ماهو قلت لكم حقير ويعرف يستفز : يالله سامي قلتها لك قبل مستعده أموت عشان بنتي ..
سامي إبتسم على جنب : صراحه مدري أشلون مره مستعده عشان تتخلصي من حياة كان معي والحين مستعده تموتي عشان ترجعي يالله
غلا قاطعته بحده: عشان بنتي بس ...وبسرعة اخلص علي أعطني شروطك

سآمي شاف خويه دخل عنده المكتب قال بجديه :أكلمك بعدين آلحين مشغول وقفل بسرعة ...
غلا

رمت الجوال بعصبيه ...جالس يلعب عليها والله ..كذاب ماعنده ولا شرط ..وبيذلها زود ...كلها دقايق ورجع دق بس طنشت ماردت عليه..رجع دق مره ثانيه.قفلت في وجههه وهي معصبه
معاد عندها القدرة على استفزازه لها ...بسرعة ارسلت له((لا تفتكر الي تسويه رجآله))
جاها الرد بسرعة ((اوك غلا انتي الخسرانه )) .....
وليد طلع معصب وده يذبحها ..كل مره تذكره انه صدها طيب هو عارف انه غلطان بس الحين مستعد يبدأ من جديد معاها ليه ماتعطيه فرصه .. وصل المستشفىعشان يزور رائد ..حصل أهله كلهم هناك سلم عليهم ..وقرب من لطيفه يوم شافها صاده ..
وهمس لها : ممكن تطلعي معي بتكلم معك شوي
لطيفه وهي معصبه من وقت ما دخل ..بش مافيها تبعد أهلها موجودين كلهم ....حست بكره أكثر يوم تذكرت الخاتم ..هي تمنته لها و كذب عليها وخذه لريتاج .. قالت بحده : مابيني وبينك كلام ويالله فارق من هنا لا افشلك الحين قدام أهلي ترا والله ماسكه حالي بالقوه ...

وليد عصب ناظر أهلها وقال بقهر : ي الله ماتشوف شر ي رائد يالله لطيفه معي ......

لطيفه حست بقهر يوم شاقت جدتها وابوها يناظرونها : ان شاءالله
طلعت وهي تشوف شهاب واسامه واقفين برا ودها تكلم أخوها يفكها من وليد بس ...صعب قدام شهاب
مشت معه وهي معصبه وكاره وجوده بالمره

أول ماركبت السيارة قالت بقهر : يالله هاا اشوف ايش عندك بسرعة خلصني والله مو طايقه أجلس دقيقه وحده معك ..
وليد حرك السياره من غير مايرد عليها ...
لطيفه سكتت بتشوف نهايته معه. ..أول ماصولوا البيت قالت بسخريه :كويس كنت هامه كيف أجيب اغراضي من بيتك

وليد بحده: انزلي وانتي ساكته

لطيفه نزلت ..وشافت اللكل متجمع على القهوة حلوو ..قالت بصرخه وهي ناويه تفشله ويطلقها قبل ماابوها يدري ويتدخل ..ويغصبها او يحاول انه ترجع له لا لو جته مطلقه والله لو ايش معاد حد يقدر يرجعها وايه لازم تقول شيء يستفز الكل...قربت من ابوه وهي رافعه
راسها ناظرت ناحية ريتاج ورجعت ناظرت ابو وليد ..: شوف ي ابو وليد لا أنت تحبني ومع احترامي لك نفس الشعور متبادل ... والحين جاك الي تمنيته ابي ولدك يطلقني ويفكني منه لأني عفت العيشه معه وفي هالبيت كله

اللكل انصدم من الكلام للي تقوله
وليد بصرخه: لطيفه احترمي حالك
لفت وناظرته وبكل برود: لو سمحت صوتك لا يعلى علي والحين انا موجهه الكلام لراس الكبير ..قالتها بسخريه ...
ابو وليد بحده : كبير وغصب عنك. ..
لطيفه ابتسمت ايه كذا ودها تنتقم منه خرب حياتها كلها قالت بتشفي: اوك كبير ماقلنا شيء حنا ...الله يهديك روق الي ابيه طلقني من ولدك بس وانا نخيتك إلا عارفه كلمتك عليه وناظرت وليد بتصغير ...
ام وليد الي توها خفت واليوم يدوب طلعت من غرفتها . قالت وهي تهدي فيها: استهدي بالله يمه وخذي رجلك وتفاهمي مع بينك وبينه لاتزدينها علي
لطيفه هزت رأسها وهي تناظرها ..يعلم الله انها تغليها لأنها ماعمرها زعلتها ولا سمعتها كلمه تغثها مثل ابو وليد قالت بصدق . : ي خاله انا ولدك خلاص مابينا تفاهم وقربت من ريتاج تتهني في حبيبتي ...
ومدت يدها ورفعت يدها وقالت بغصه وهي تشوفه باقي في يدها ذا والله كان لي وفجاة صار لك لا تفرحي فيه كثير تراه كذوب ومن يومه لعاب ...
مصيرك اخس من مصيري معه الحقي حالك ي الي ينقال أنك صديقتي والله آلحين يوم اقولك كذا ماهو كره ولا غيره عليه مثل قبل لا والله مابيك تدمري أكثر ....

وليد من أول محترمها وبعد خايف على امه بس ذي ...زودتها ...قرب منها وهو ناوي يأدبها على الكلام الي تقوله ..

بس ابوه وقف في طريقه وقال بعصبيه: ابعد عنها اقول وناظرها بقهر ي بنت الناس من وقت مادخلتي وانتي تهذري بحكي ماهو سنع و مافتحت فمي عليك بس تقربي وتملي رأس البنت على رجلها لا بوقف في وجهك وبعرف كيف ارد عليك ...ريتاج غصب عنك ومن فوق خشمك زوجة لوليد جايه بشرك خلاص ليه .. مدام تبي الطلاق كان انثبرتي بيت أبوك ورقتك تصلك ومن فوق خشمه بعد ماله داعي هالحفله تسويها وناظر وليد الي
معصب ويبي يقرب منها ماسك بقوه وقال فيه وقال بحده ..
أهدى ..خلنا نتفاهم باالعقل عشان امك بس .....لاتنسى تعبها

لطيفه ناظرت وليد بسخريه :فكه اشوف خليه يحط يده والله
ماغير يكسرونه له الرجآل وهو يعرفهم وخابرهم ..وانا
ماجيت بخاطري ولدك غصبني على الجيه إلا انا ماودي فيها الي ودي فيه الطلاق وبس واقولها قدام أهلك عفتك ي وليد وعيشه معك والله لو اموت مكملت معك وبصرخه اعلي عفتك عفتك وخلي كذبك ينفعك ي ابووجهين ....

وليد بعصبيه: تذكري انتي الي رفضتي العيشه معي ي لطيفه وماظلمتك في شيء. ...

ريتآج صرخت بقهر وهي تقرب من وليد : لا لا وليد تكفى
ماتقولها ..

لطيفه قالت بشموخ وهي تناظر ريتاج كيف تترجاه : ابعدي ريتاج وخليه ينطقها ..واحمدالله وأشكره ابتليت فيك وانفكيت بأقل الخساير..

ابو وليد ناظروليد يحذره مايرد عليها وقال بحده : خلاص ي بنت الناس الحين روحي خذي اغراضك وبوصلك بنفسي انتظرك في السيارة ومسك يدها يالله بسرعة
لطيفه راحت غرفتها وهي تسمع خالتها تصيح...

ام وليد وهي تصيح : ليه يمه وصلت بينكم لكذا
وليد قرب منها وهو خايف عليها : ماعليه يمه تهدا بس وانا اقدر ارجعها لا تأخذي هم وناظر لطيفه وهي ترقى الدرج ..حتى مافكرت في تعب امه ي دوب قامت من فراشها تقوم على هالمشاكل ...

رجع ناظر ريتاج صرخ بعصييه : ليه تصيحي الحين انتي بعد ولا تبي تحسسي ..الكل ان ضميرك صاحي ..عشان خاطر صديقتك
ام وليد بزعل: وليد وش تقول

ريتاج بعصبيه قربت منه : خليه ي خاله هذا دايم مايعرف يحكي وليد بعصبيه: انقلعي من وجهي آلحين ريتآج
شوق بقهر : وليد فكر في أمي شوف كيف حالتها بسبتك أنت وحريمك وحنا ي دوب فرحانين فيها
ريتاج بقهر ناظرت شوق هي وش دخلها الحين عشان تجمع ...
وليد ضم امه لصدره وقال بحزن عليها:لا تزعلي يمه وتكدري خاطرك ماعليك مالك الي يرضيك واي زوجين تحصل بينهم هالمشاكل وسلم فوق راسها وقال مالك إلا طيبة الخاطر بس تكفين لا تفكري وترجعي تتعبي علينا. ...وحريمي متبطرين على النعمه إلا هم فيها بدلهم ألف بس خاطرك لا يضيق ي الغاليه ...

ريتآج بسرعة طلعت الغرفة وهي مقهورة ..ليتها راحت بيت أهلها ولا جلست تتقهوى مع خالتها وشوق..بس فرحت يوم شافت خالتها بخير جلست معاها شوي .. اخخ ليتها ماجلست معاهم
ولا صار هالموقف قدامها ناظرت الخاتم في يدها غبيه يوم لبسته ..ضروري كان تلبسه في زواج أختها ماهو مرمي من زمان ...
رفعت يدها وسحبت الخاتم ورمته بقوة وهي تصيح كل مره تنصدم بشيء فيه ..لمتى بتتحمل حسدت لطيفه وقوتها
ليتها مثلها ..تقدر تتكلم كذا في وجهه عمها ..وتقول مابي ولدك ...وعيشه معه مستحيله ..سحبت جوالها تبي تدق على امها ترسل لها أبوها يجي لها ....بس ي دوب ترفع جوالها وصلتها رسالة فتحتها كانت من وليد (ياويلك تروحي بيت أهلك فاهمه ) ارسلت له بسرعة ( بروح الله لا يعوق بشر)
في ثواني رد عليها (لو تخافي من عقاب ربي لا تروحي لأني بغضب عليك وعارفة وش عقابه )

ريتاج رمت الجوال بقهر ليه ليه كذا آلحين ....حسبي الله عليك
.
،،
،،

،،
لها ساعتين من وقت ماقفلت من عند ريتآج وهي محتاره تسمع كلامها أو لا ...
هزت رأسها وهي ماهي متخيله تروح له...صعب تحس حالها خجلانه حيل...بتدور عذر عشان ماتدخل عنده .ويوم يطلع يجي هو لها البيت يكون أفضل. ....ايه والله صعبه ...غبيه لو وافقت على شوفته الملكه يمكن يكون أهون شوي .بس كذآ صعب . طلعت من غرفتها ونزلت الصاله جلست .جنب امها
وناظرت ابوها بتوتر ...وهو يتقهوى .. قالت بهمس : يمه فزعتك
تكفين طلعي عذر من تحت الأرض
ام عصام بهمس وهي خايفه زوجها يسمع: ي بنت ابوك بيعصب عليه وبتصير هوشة مالها أول وتالي.....

أسيل بعجز عضت شفتها ...وبرجي :طيب تعالي معي .
ام عصام بهمس: بلى دلع كل مره تحطي عذر ملكه ورفضتي والحين رجلك تعبان وماتبي تشوفيه بعد ..وقالت بحزم يالله ي ابو عصام أسيل جاهزة. ..
أسيل ناظرت امها وهي ودها تصيح ...ليه كذا قاسيه عليها اليوم
مشت مع أبوها مجبره ركبت السياره وطول الطريق وابوها يتريق عليها ويضحك على خوفها أول ماوقف السيارة ..قالت بخجل : يبه والله مو قادرة
ابو عصام بحنان : انزلي حبيبتي الرجآل ينتظرك ..وعدته اجيبك
لا تفشليني ....

أسيل. عضت شفتها ...ماتقدر تسوي شيء سمت بالله ونزلت ومشيت مع ابوي وانا اقدم خطوه وآخر خطوه يالله ي هي صعبه احسها ..شفت رجآل كبيرفي السن شوي واقف عند الباب ...
رحب فينا بفرحه .. حسيت بخجل من ترحيبه
: حيا الله عروستنا تفضلي تفضلي عريسك ينتظرك ناظر ابوها اقسم بالله اقلقنا كل شوي يقول بطلع ..
ناظرت ابوي وانا متفشله شفت ابوي يأشر لي أدخل
وقال : هذا عمك ابو رجلك هزيت رأسي له بدون صوت مافيني أحكي
ابو عصام : يوم يطلعوو أهله كلميني أجي اسلم عليه طيب
..

قلت بهمس ان شاءالله وحدي متوتره وخايفه بعد...وبذات ابوه الي ماسكت وترني زود يوم قال :وانا عمك عريسك منجن يبي يطلع ..وكاد الحين يشوفك ويركد شوي.والله جننا انا وأخوه

...وفتح الباب وهو يرحب : تفضلي تفضلي .ي العروس .يالله ي رائد وش رايك في بالمفاجأة ..تقدمت شوي وانا اشوف اللكل يناظرني بلعت ريقي وحسيت بقهر من ابوي ليه مادخل هو معي ...وخلاني كذا مثل البلهه ..وبعد قالي انه عنده خبر اشلون ابوه يقول له مفاجأة ..يعني حتى هو ماعنده علم بجيتي ...حطيت باقة الورد على الطاولة الي جنبي ...وانا متوتره حدي

ام اسامه وقفت بسرعه وهي ترحب: هلا هلا والله حياك تفضلي

اسيل وهي خجلانه ومنزله رأسها قالت بهمس: هلا فيك

رائد ناظرها..حس بتوتر هو بعد ..عض شتفه بقهر أول ماتشوفه
يكون كذاحالته ..ناظر ابوه وهو باقي مصدوم من هالمفاجأة ...وفي نفس الوقت حس بفرحه ..بجيتها ..أول مره يسمع صوتها بعد ..قال بهمس فدوه لها لصوت ...الله يقلعك ي لطيفه الغيرة وماتسوي ...على الجراءة الي فيه وفي شخصيته .. بس الحين يحس لسانه انربط ..مايدري وش فيه ..يحس بخجل غير طبيعي.والفرحة ماهي سايعته أمس سامي ..واليوم آسيل آه اي هنا انا فيه ... ..
الجده قالت بهدوء يوم قربب منها اسيل تسلم عليها: حياك الله يمه

صيته شافت البنت خجلانه وبعد رائد شكله خجلان قالت وهي تسحب يد اسيل يوم قربت تسلم عليها : هلا والله بالعروس تفضلي تفضلي وسحبتها لعند رائد هذا هو رجلك وناظرت رائد قول شيء ي حظي ماغير تناظر مفهي ..وهي مبسوطه ماسكت عليه شيء دايم يضحك عليه ويجنننها ...وقالت بتريقه وهي تناظر باقة الورد ابد ماهو لايق عليك هالورد...

رائد حس بحقد على عمته صدق ملقوفه قال وهو يتنحنح: اطلعوا وانا اقول الي أبي

صيته بصدمه وهي تضرب على صدرها : هوو يعني الحين يوم نطقت طردتنا ليه لايكون حنا ماسكين لسانك
رائد إبتسم على جنب .....وهو منحرج ...
قال بهمس : مو وقتك انتقامك عمه تكفين وهو يترجاها بعيونه ...
صيته ضحكت بصوت عالي.....
ابو أسامه شافهم منحرجين منهم قال : يالله ي جماعه اوديكم البيت وخلوو العرسان يجلسوو مع بعض...

رائد ناظر ابوه وقال بأبتسامه : قرب خشمك فديتك ي ابو الذوق
والله دايماً يظلمونك الي يحكون عنك ...
ابو اسامه بضحكه :مين الي يحكي عني
رائد ناظر عمته صيته : مين غير عمتي صيته
ويالله برا ..
أسيل رفعت رأسها بصدمه من كلمته ناظرت الكل برجى ماتبيهم يطلعون
صيته : والله لو اني ماهو مقدرة وضعك كان جلست لك كذا غصه في بلعومك واشوف وش تسوي ودي انتقم منك هذي
فرصتي بس وش اسوي عشان الحلوه هذي بطلع ... وقربت من الباقة وهي تأخذ ورده وبضحكه :بعطي أبو عيالي ...

رائد عض شفته بقهر مايبي يماديها تسويها عمته هالمخبوله وتجلس بس انقهر يوم سحبت ورده قال :. والله حرام هالورده في رجلك أبد ماهي لايقه عليه
صيته وهي ترفرر بالورده بستفزاز:بتليق عليه مدام لاقت عليك ي العربجي وهي تغمز له بيض وجيهنا تكفى لاتفشلنا مثل العادة...
رائد عض شفته بقهر ..هين ي عمه ...
تنهد براحه يوم الكل طلع ناظرها ...لسى واقفه من يوم جت
قال بترحيب وهو يشوف باقي النقاب عليها :هلا والله في الي جايه تزور رجلها ...

أسيل ناظرته بتوتر وخوف ...وبعد خجلانه .توها تشوفه زين من وقت مادخلت ... .بعيد بعيد عن تخيلاته حيل .....وعن الصوره الي أعطته ....
رائد باتسامه : تعالي اجلسي ...
عضت شفتها ماهي قادرة ترد عليه ...
رائد قال بهدوء:عارف والله أنك خجلانه بس لاتخليها في خاطري تعالي اجلسي هنا ...
أسيل قالت بهمس: هنا مرتاحه
رائد هز رأسه وهو مقدر وضعها :اوك على راحتك

شافها ساكته قال : طيب مافي الحمدلله على سلامتك

اسيل بهمس وهي منزله رأسها : الحمدلله على السلامة

رائد بأبتسامه : الله يسلمك طيب ارفعي النقاب عن وجهك خليني
أشوفك ...
أسيل رفعت رأسها بصدمه من طلبه :بابا تأخر صح

رائد فكها ضحك :ههههههه بابا ياويله اليوم لو يجي ويأخذك
قبل ماشوفك

أسيل بلعت ريقها...بخوف من رده ..ومن ضحكته. ..

رائد وهو متشوق يشوف وجهاا قال برجى وهو يناظر الساعه باقي نص ساعه بس وتنتهي الزيارة ورفع يده بقهر حسبي الله عليك ي سمير حرمتني من أحلى ليلة في حياتي :يالله أسيل آلحين تنتهي الزيارة وانا ماشفتك ...ترضيها بالله علي ...

أسيل
ناظرته وهي تحس شخصيته بعيده عنها كل البعد ...تحس في كلامه رجه زيادة ومدري كيف ..ماهي فاهمه وبعد خجلانه
...منه ومن طلبه بس مصيره يشوفها ..رفعت يدها وسحبت
النقاب وهي ترجف ...
رائد ناظرها صفر هو منبهر : ي بعد حيي هالوجه ..بس حس بألم في بطنه ....من تصفيره أكيد

أسيل ابتسمت غصب عنها وهي تلفتت :اشش فضحتنا

رائد عض شفته بألم :اففف ي الحساد ماخلونا من بعض في ليلة العمر ..بس يالله اهم شيء سلامتي صح ...اسوله ..
أسيل هزت رأسها وهي ودها ابوها يجي بسرعة .. الله يخارجني من عند هالمجنون اليوم ..

رائد ناظر وجهاا كيف أحمر قال يبي يحرجها زود : اقول اسوله وش رأيك اليوم تكوني المرافقه بدل أسامه أعوذ بالله من وقت
مايجي يجلس ساكت ويناظرني مدري وش يحس فيه هالادمي على ثقالة دمه ..الله وكيلك مصعب الحياة عليه وعلى الي حوله ..
أسيل قالت بسرعة وهي مصدومه من كلامه ومن طريقة حشه في أخوه .. :لا صعبه وش تقول أنت وان شاء الله كلها يومين وتطلع ..
رائد : اخخخ ليه انتي كذا ظالمة حرمتيني من شوفتك يوم الملكه والحين بعد ترفضي عزيمتي شكلي بزعل هالمره ي أسيل وبعد دقيت عليك أمس مارديتي وانا وقت مافقت قلت على طول وين عروستي افتكرت أول وحدة اشوفها انتي ...وعقد حواجبه كله ذا تغلي علي ...ولا وش القصه
أسيل يآربي هذا كذا على طول طيح الميانه وبعد مخليني ظالمة سكتت مافيها ترد عليه ولا تناظره وبعد يقول دق عليها أمس يعني الرقم الغريب رقمه ... جلست تدعي أبوها يجي بسرعة
فرحت يوم دق جوالها ردت بسرعه وقالت له يجي
رائد بزعل:مسرع رايحه ليه ماقلتي له بتجلسي شوي

أسيل بلعت ريقها :بابا يقول اللحين تنتهي الزيارة
رائد هز رأسه بدون مايتكلم ...
كلها دقايق وجاا ابوها وسلم عليه وطلعوا من عنده ...آه حست براحه يوم طلعت ...مره مصدومه في شخصيته وفي شكله بعد.. توقعته رزين هذا شوي وينط من السرير صدق ابوه يوم يقول مجلسينه غصب ....
،،
،،
،،
لها ساعة وهي تناظر في الغرفة.. ماهي مصدقه انه
خلاص ..وليد معاد له وجود في حياتها ...مسحت دموعها وهي توعد حالها آخر دمعه تنزل عليه...ورفعت رأسها وقالت بكبرياء مجروح : عيشه معه ماعليها حسوفه ..ناظرت الجناح وقفت..وبسرعة أخذت اغراضها والي يخصها فيه ....

وطلعت وفعلاً كان ابو زوجها ينتظرها .ابتسمت على جنب بسخريه جته على طبق من ذهب ..ركبت السيارة وهي تحاول تمحي اي ذكرة لها في هالبيت ..وكلها دقايق وصلت . .. نزلت ودخلت البيت ..جلست على أول كنبه ..وهي.. تحس بغصه
على هالشهور الي ضيعتها معاه . آخر شيء توقعت انه طول عيشتها معاه وهو يكذب عليها كل مره تنصدم من شيء. ....
شافت امها دخله لحالها ......

ام اسامه وهي تناظر اغراضها قدامها قالت بصدمه : وش ذا
.قالت بجمود : خلاص انفكيت منه

ام اسامه بصدمه صرخت: ايشششش

لطيفه وققت وهي تنادي على الشغاله :بسرعة تعالي ودي
هالاغراض غرفتي وناظرت امها اقولك وليد ماهو في حياتي هم وان شاء قريب اتخلص منه للأبد. ..

ام أسامه بسرعه: يوم سمعت صوت أهل زوجها داخلين خلاص انكتمي الجين جدتك وعمتك جاين وراي ...
ولي كلام ثاني معك

لطيفه لفت وهي تناظر أهل ابوها قالت بحرقه :عادي خليهم يدرون اني مابي الخايس الي اخذته افتكرته رجآل

صيته فتحت عينها بصدمه وقالت بصرخه : هوو وش تقولي ي بنت

ام اسامه عرفت ان بنتها ماهي في وعييها قالت بحده:خلاص انكتمي يوم يجي ابوك لناكلام ثاني وناظرت صيته :معليك فيها تعرفي بنات اليوم بس رجلها يسوي لها شي تقول له
طلقني شوية دلع بس ....

لطيفه صرخت وهي منهارة:اقولك مابيه هالمره من جد يمه ليه رافضه تصدقي

ام اسامه بقهر اعطتها كف : انكمتي قلت لك

صيته قربت من لطيفه وهي معصبه على ام اسامه: وش فيك على البنت تضرييها تسذا يمكنه ارخمه الي خذته وانفكت منه آلحين

الجده بعد عصبت : وشهوله عايفه الرجال مافيه منه علامك
تسعي لخراب بيتك يمه

لطيفه بعدت عن حضن عمتها وصرخت: كلكم مخدوعين فيه مثل ماانا انخدعت به حسبي الله عليه دمر حياتي عيشني في كذب كل مره يطلعني من كذبه ودخلني في كذبه جاب لي وسواس رجآل مثله مابي ..

ام أسامه ماتدري وش تسوي كل مصيبه تنحذف عليهم حست
ضغطعا مرتفع جلست على الكنبه وهي تسمع صياح وصراخ لطيفه مافيها عاد تتكلم فتحت جوالها ودقت على زوجها ويوم سمعت صوته قالت بتعب:تعال شوف بنتك بسرعه وقفلت

الجدة بعصبيه: خلاص اسكتي ماغير ابوك الحين يجي ويطقك على هالحكي والصياح
لطيفه وهي تصيح:خليه يذبحني بعد وارتاح

ابو اسامه جاا مفزوع من صوتها : اللهم اجعله خير علامك كذا تصيحي

لطيفه قربت من أبوها وضمته: يبه تكفى لا تحر قلبي زود
وقف معي على الأقل أنت

ام أسامه بعصبيه وقفت : يوقف معك على خراب بيتك ي الغبيه ليه من أول وافقتي عليه ..كم مره نصحتك وقلت لك ماهو قد الضره ي لطيفه قلتي وليد يحبني يموت فيني الحين اشوف الي يحبك عايفته وتبي الطلاق وبقساوه وش ابي فيك ترجعي لي مطلقه
ابو أسامه بصدمه : وش تقولي ي مره ونزل رأسه وناظر بنته وهي على صدرة تبكي وقال بحده امك اللي تقوله صدق وبصرخه انطفقي ..

لطيفه رفعت رأسها من على صدره وقالت :ايه وانا للي بطالب
بالطلاق مابيه وبينا المحاكم لو رفض ولو تذبحني مارجعت له
والله لا اخلعه ...
ابو أسامه بعصييه دفها بقوه على الكنبه وقرب منها يبي يأدبها وبصرخه : صاحيه انتي ....
لطيفه بسرعة يوم شافت أبوها عصب وامها بعد تزيد فيه
بسرعة ركضت ورا الجدة وقالت : تكفين يمه في وجهك انا
ابو اسامه بصرخه:انطقي وش الي صار ..بسرعة تكلمي ولا ذبحتك
الجده بسرعة وقفت في وجهه : خلاص اهدى والبنت في وجهي الحين ي منصور
ولو تموت ماتقدر تطول شعره منها ..ولا هذاك الوقت لا انا امك ولا اعرفك وتعرف كلمتي

ابو اسامه بقهر :عرفتي كيف ي لطيفه هالمره تكسري ظهري
بأمي وبصرخه ناظر زوجته والله الجلسه في البر افضل من هالبيت الي كله مشاكل ..ومصايب الله لايبارك فيك ولا في عيالك ...
.. الجدة بحده :اسمع مني بس وخلك من هالحكي .. ولدك وتطمنا عليه الحمد لله ..الحين برجع ديرتي
وبأخذ معي لطيفه يوم تهدى ترجع ويمكن تقولك رجعني يبه لزوجي بنفسها بعد
لطيفه صرخت معترضه : والله لو اموت مارجعت له ....
ابو أسامه بقهر : طيب ابي أعرف وش بينكم
لطيفه : كذا يبه عفته كذوب ومالي في وجع الضراير ....
ابو أسامه بحده: هالدلع كله مايمشي علي إذا هذا عذرك بس لو سوى لك حاجه ولا مد يده ابشري بعزك والله ماغير أخذ حقك منه بس غيرة حريم بينكم هذي هو يحلها معاكم انتي وضرتك

لطيفه صرخت مابتي تسمع زيادة: يبه والله معاد ارجع خلاص
افهم علي ...
الجدة مسكت يدها وناظرت ولدها : وش من تو قايله البنت في وجهي ي منصور ...
لطيفه على كرها للديرة بس الحين والله تمنت تطير لها
ماتبي هنا ..كرهت كل شيء ....

:

:
:
اسامه أول ما دخل ..المستشفى شاف ابو عصام قدامه
ومعه بنته ...وهم طالعين ...سلم عليه من بعيد ..و دخل الغرفة حق رائد وهو يرد السلام بضيق ..ليته تأخر شوي ...ولا قابلهم ..
جلس وقال ببرود : كيفك الحين

رائد : الحمدلله احسن بواجد ...

أسامه ابتسم : الحمدلله
رائد ناظر أسامه وقال بصدق: والله ي خوي عقلي صغير
يوم تحديتك وأخذتها والله كان تحدي في البدايه بس بعدين مدري حس بعجز ماقدر يكمل مدري وش يقول الحين مرته ..ومستحيل تكون لغيرة لو على موته
اسامه قاطعه بحده::خلاص رائد انسى هالشيء والله يسعدك معاها والحين خلاص هي زوجتك وحنا مابينا نصيب من البدايه
..واقطع هالسيرة أبد
رائد بهمس:ان شاءالله وبتردد إلا بسألك وش صار على زوجتك يوم عرفت بأخوها وش سوى
أسامه حس بضيق يوم سأل عنها : الله يكون بعونها ماهمها كان
أخوها وماتبي له المضره ...ومثل ما أنت عارف ..حالته الحين بعد ...

رائد قال بحقد : عساه من هالحال واردى حسبي الله عليه حرمني من ليلة عمري بسبب شيء مظلوم فيه ...ليت مادخلت بيت هالعايله ...الخايسه ...

اسامه بضيق : تتعوض ان شاءالله ومصيره يأخذ جزاه مثل ماوعدتك
رائد بقهر: ودي اعرف وش صاربعقله ينتقم كذآ وفي هاليوم بالضبط ماهو قدامه طول الشهور والأيام اللي فاتت يعني ماسوى فيها رجآل غير هاليوم ...

أسامه قال وهو يغير السالفه :الدكتور طمني ويقول ان شاءالله كلها اسبوع ويكتب لك خروج
رائد بقهر: أسبوع ليه طويل مره ....

أسامه ابتسم على جنب: بالعكس مفروض أكثر تجلس الأسبوع قليل بطمن عليك
رائد صغر عيونه بقهر: نذل
أسامه ببرود :ممكن تسكت بنام من امس مانمت زين
رائد بقهر بهمس يلوموني يوم أقول مابيه يرافقني ...قال بقهر:أسامه سؤال ممكن
أسامه رفع حاجب: تفضل
رائد : بالله وش ذي الشخصيه عليك ي خي ثقيل بزيادة والصدق ماصار ثقل غير انك كئيب
أسامه قاطعه ببرود :بنام
رائد سحب جواله .....وجلس يتسلى عليه ....

،،
،،
،،
،،
،،
،،
ناظر جدته وهي معصبه قال بجمود: اي بيت فيه مشاكل ...

الجدة بعصبية : عساه البلى ان شاءالله قهر البنت وهي توها ماكملت السنه معاه
شهاب : ان شاءالله تزين الأمور بينهم لا تشيلي هم
الجدة : حسبي الله عليه من رجآل
وانت يالله قوم حرك موترك خلينا نسري الحين عمتك و لطيفه يجيون

شهاب وقف وقال وحكي جدته مو جايز له : وين تأخذي البنت يمه خليها تجلس هنا وكاد رجلها يجي يتفاهم معاها في بيت ابوها الله يهديك بس وبعدين لاهي بتأحذ راحتها ولا انا بعد ..

لابسة العباية ونزلت مع صيته وقفت عند بيت الشعر الي مسوينه
في الحوش ...سمعت كلامه ناظرت صيته وقالت وهي مقهورة : ودي اعرف ذا وش به علي سلامات رايحه بيته وانا مدري قولي له يأخذ راحته على الآخر معاد برايحه ..رجعت وهي معصبة
...
صيته بسرعه: لطيفه عضت شفتها وهي تناظر شهاب الي واقف عند الباب قالت وهي عتبانه عليه : يمه البنت سمعتك وضاقت من كلامك وش فيك عليها
شهاب بجمود: ماقلت شيء غلط زعلانه الحق تجلس في بيت ابوها .....
صيته بقهر : اقولك البنت ماتبيه بتخلعه
شهاب ببرود: أجل تخلعه و تقضي عدتها في بيت أبوها .. وأعطاهم ظهره وهو يقول : احتريكم في السيارة
،،
،،

في شقة سامي

جالس يسوي لها حركات استهبال قال بعجز وهو يناظر أخته : وش فيها ماتضحك جالس لي ساعة أحاول فيها وهي رافضه ماغير قالبه الخشه ...
بدريه بسخريه: هييي ي العربجي وش تضحك البنت ماكملت الشهر الله يعطيك عقل بس ..وبخوف سامي بشويش عليها ولا اقولك أعطني هي حاسه انها بتطيح من يدك .......

ناظر بنته بحب وقال :والله طالعه لأمها الابتسامه كان اشوفها بالحسرة ..... وبهمس قرب وجها منه والله إني مشتاق لها حيل ام
لسان . غبيه اليوم عصبت على الفاضي ..ورفضت ترد ..والله ماكان له نيه يتمنذل فيها بس فعلا خويه دخل يبيه يعطيه ملف وطلع بسرعة بس والله مافيه يخليها عند أبوها وهو كذآ . ناظر بدريه وقال بقلق : أقول ي الأخت وينه عنك
الشايب ماله حس
بدربه بقهر :آه ذبحني والله يقول ماراح يرجعني غير يوم ترد غلا تخيل يقول مافيه على المناقر وبغيض أكثر ي خي ردها
وخلني ارجع لشايب حقي وأعيش حياتي

سامي ناظرها بسخريه :تعيشي حياتك أقول ي الغبيه والله ان وراه بلى قال ايش مايبي مناقر غبيه يبي الجوو يفضى له
وقف أمشي اوديك له ...قال كذا وهو ماوده يروح فيها بس يبيها عذر عشان يطمن على غلا وإذا كان اخته موجودة ....معاها ...في نفس البيت ..بيكون باله مرتاح شوي ..

بدريه بقهر :لا حبيبي ماراح اروح له خليه هو يجي لي
سامي بحده :أقول بلى هياط وقدامي بيت رجلك ولا عاجبك دور الداده اللي عايشته
بدريه فتحت عينها بصدمه: داده الحين هذا جزاي آه صدق ما فيك جماله ي الصايع
سامي قال وهو منهي الكلام : أمشي اوديك بس وبسرعة حمل بنته ودخلها غرفة امه
وطلع وقال: انتظرك في السيارة
بدريه بقهر وقفت: ..طيب سآمي على هالحركات كله تبيني اجيب لك اخبار ام لسان
سامي بصرخه: أمشي ساكته ...وبهمس ام لسان دواها عندي على
التقفيله في الوجهه

زفرت بضيق ....افف وش يفهمه آلحين ذا ...بسرعة أخذت اغراضها ولبست العباية وحملت الشنطه وقربت من امها وسلمت عليها وسلمت على غرام بحب وبهمس: بتوحشيني ي النتفه
ام سامي ناظرتها:ربي يرزقك يمه
بدريه بهمس رجعت بوستها تحس بحب لها غير والله تقول قطعه منها : آللهم آمين وطلعت وهي متضايقه ماتدري ليه ماودها ترجع للبيت ...في قلبها غصه من تركه لها

ودها تعرف وش واره صادق سآمي...عذرة ماهو مقبول هزت رأسها وهي تصرخ: يمه لا يكون الشايب اعرس علي والله ماغير اذبحه
سامي مسك الطاره وهو مفزوع ناظرها بعصبيه: غبيه
عساه يعرس عليك ان شاءالله والله ماغير انا الي ازفه ..

بدريه بقهر: ايه طول عمرك جاحد ي الغبي انا اختك وشلون تزفه بعد
سآمي بقهر: انكتمي
بدريه عضت شفتها بقهر : ودي افهم مين الكبير فينا
ومفروض يحترم الثاني
سآمي ابتسم بمكر: أخيراً اعترفتي انك عجيز
بدريه بعصبيه: عجز الله رجولك ان شاءالله ي السربوت ..

سامي فتح عينه بقهر :الله يأخذك تدعي علي
بدريه : تستاهل والله حشا ماهو اخو عدوو

سامي إبتسم : افاا انا عدوو والله اني احبك ي الداده

بدربه : فديتها تستاهل من تكون داده عشانها

سامي إبتسم بوناسه: فديت هالرد الي يقوطر عسل ورفع صوت الشيله واسرع فيها وصرخ بعربجه ابشرك بعزك والله لا اوقف معك ضد المخرف اللي مأخذته والحين راح تشوفي بنفسك بدريه
بصرخة خوف :مجنون بنموت ...

بدريه بعصبيه: سامي هدا شويه دخلنا الحاره البزارين كلهم برا الحين ...وبخوف صرخت أكثر تحسب الي تسويه شطاره غبي والله ماغير تضيع عمرك وتضيع الي معك يركب فكر لو مرة وحده في بنتك سامي حرام عليك .
وهي تصرخ بقوه ..جننها
سامي قال وهو يضحك:خلاص اسكتي بهدي بهدي بس انصدم من الي يشوفه ...حوله وبسرعة ضرب فرامل مع صراخ بدريه .............................. ...