رواية أعشق أنانيتك عندما تتمناني لك وحدك الفصل السادس وخمسون 56 - بقلم nona_A

أول ماطلع من المجلس قال بحده وهو يسمع كلام امه : تخس وتعقب الي تنقص من قيمة ضيوف ام أسامه

ناظرتها بتشفي وبشماته: سمعتي ايش قال وطالعت أختها ماهو قلت لك بيأكلها تراب آلحين

كان يسمع ...كلام أمه الأخير قال بسرعة :يمه قفلي وجاي آلحين

ام أسامه بسعادة: ايه يمه تعال لعل مايجي غيرك وطيب خاطر خالتك

اسامه : تبشر بعزها ام فهد ...

ام اسامه قفلت وقالت بنصر:ليت ي بنات تروحون للمجلس أسامه بيدخل ..الكل دخل مابقي غير لطيفه...وريوف.. وأريج..

ريوف
عضيت شفتي بقهر ...تخسى وتعقب أنت ي أسامه ..والله ماسكت وخير ي طير يجي أشوف ايش يسوي ..
ناظرت أريج بحتقار ..لها عين بعدها جالسة قلت بقهر : وش تنظري روحي الرجال جاي

اريج بقهر طالعت خالتها ..تبيها ترد عليها .. ..
ام أسامه بقهر: كلها ايام وبتصير حلاله وآلحين اقضبي لسانك
أفضل مايجيك أكثر من الي جاك

ريوف حطيت رجل على رجل وقلت بتحدي وقوة غريبه فيني وبذات يوم تنحنح اسامه بيدخل رديت له الكلمه :يخسى ويعقب يجيني شيء منه لا تستقوي علي أنتي ولدك تراي وراي رجآل وانتم عارفين وخابرين زين وش يسوي حاسكم قبل وربي لطف فيكم ..وتراه ماهو عاجز يكمل عليكم هالمرة ..

ام اسامه مصدومه ماتوقعت كذا بترد عليها طالعت أسامه بقهر وشكله بعد مصدومه مثلها ...

أسامه بعصبيه: أقول احترمي حالك ولا تحكي حكي أكبر منك وصدقيني أخوك مايهز شعره لنا ويالله أعتذري من خالتي وبنتها
وخليك من الهروج الفاضيه ..

ريوف حست بتوتر وخوف منه بس لابتكمل الي قالته ..وبتكون قده بعد بس يوم كمل كلامه حست بصدمه : ايشش أعتذر

أسامه بحده: وغصب ماهو طيب وطالع خالته الي تصيح السموحه منك ي خالة والحين ابشري بعزك بتتعذر منك انتي وبنتك ومايكون خاطرك إلا طيب

ريوف بعصبيه : وربي ماعتذر والي بتسويه سوه

أسامه قرب منها ومسك يدها وشد عليها شوي ونزل نفسه شوي
وهمس وهو صاك على سنونه .: أعتذري أحسن لك ولا والله
مايصيرلك طيب وبتصيحي بدالها الحين

ريوف طالعت عيونه بتحدي وبهمس: على موتي ي أسامه والله ماعتذر وإذا قصدك تذلني قدامهم والله مير ماتنقص إلا من مرجلتك

أسامه حس بقهر من عنادها ...وكلامها الكبير .فشلته بقوه... طالع خالته... وهو متفشل إنها كسرت كلمته ..

ام فهد :خلها يمه على راحتها وبعتبر اعتذارها وصل واعطتهم ظهرها ودخلت للمجلس ...

ام اسامه بعصبيه من اختها دايم تجنب المشاكل كان تبيها تعتذر وتكسر رأسها فيها قهر منها ..جالسة تهددد بأخوها هين ...طالعت أسامه بقهر .خيب هقوتها فيه قربت منه وقالت بغيض:هقوتي فيك كبيره كان لكن بنت أبوها قدرت تكسر كلمنك ومشت كلمتها وجهت نظرها لريوف بحقد ..وراحت للمجلس تلحق اختها

أسامه زفر بعصبيه وهو يطالعها : وش بيضرك لو اعتذرتي والله ماغير تكبري بنظري ..

ريوف : أنت بذات مابي أكبر بنظرك

لطيفه : خلاص ي جماعة هدوا وماصار إلا كل خير
وآلحين ارجع ي أسامه المجلس وخلني أكمل هالحفله الي من بدايتها شر ...

أسامه أعطاهم ظهره وهو معصب ...
ريوف بسرعة قالت :ودني البيت وارجع كمل سهرتك مع أهلك

أسامه طالعها بغيض : انثبري مكانك لما ادق عليك

ريوف
جلست بقهر ...مافيها تجلس بعد الي صار ...طالعت لطيفه الي ساكته ...آه ماتدري وش القوة الي تجيها قدام ام أسامه عكس يوم تكون مع أسامه لحالها ...فيها قهرمنه ..يبيها تعتذر ..
خلاص كفاية ذل ..طالعت اسيل الي جايه والابتسامة شاقة وجهاا ..
بضحكه: والله بردتي قلبي فيها وزين انك ماعتذرتي كان بهاوشك لو اعتذرتي منهم شوفي خالتي جالسة تعتذر بدالك وانا ماسكه نفسي غصب..

ريوف بهمس : الله يصبرني بس لما تنتهي هالليله

أسيل بقهر: بقولك شيء بس لا تزعلي مني

ريوف :قولي

أسيل : امم صراحه زوجك قهرني والله مدري كيف متحمله
يعني آلحين مشكله بينك وبين بنت خالته ليه يدخل اكره الرجال
الي كذا...

ريوف

اخخ كنت اسمع أشلون تنتقد أسامه اخخ ليتك تسمع الي حبيتها وش تقول عنك ي شماتي فيك ي أسامه.من وين تحصلها..قلت ببرود :تعب حاله على الفاضي هياط شوي وراح ..

اسيل ابتسمت :ي قلبي على هالثقه

@
@
@
في المطبخ

ناظرت الخدامه وقالت بضيق : بسرعة حضري السفرة وان شاء الله هالليله تكمل على خير ...بالها مشغول وماهي عارفة ايش تقول لأريج يوم تعطي البنات جوالاتهن ..لفت بسرعة يوم اريج نادت بأسمها قالت بسرعة : هلا

أريج : بالله أعطيني جوالي بروح مع سواق ريم

لطيفه بتوتر: السحور مابقي منه شيء

أريج بطفش: تكفين لطيفه والله ضايقه حدي ..ولا تزعلي مني آسفه خربت عليك الحفلة بس والله غصب عني مرة أخوك تنرفز
لطيفه بقهر: كلن ماقصر في الثاني لاتطلعي نفسك منها أريج

اريج رفعت حاجب بقهر:عشنا والله ماترضي عليها بعد الله يهنيكم مع بعض المهم هاتي جوالي وجوال صديقتي ويكفي أمي بتجلس تتسحر معاكم ...وبسخريه مبروك على الطلاق

لطيفه قالت بقرف: الله يبارك فيك ومعليش جوال صديقتك بجيبه بس جوالك تصدر

أريج عقدت حواجبها: وش تصدر تكفين لطيفه بلا كلام فاضي آلحين والله موقتك ريم تنتظرني بالسيارة

لطيفه رفعت حاجب : لاوالله كلامي ماهو فاضي وبالفعل جوالك تصدر ورجع لصاحبه

أريج تحس الدنيا تلف فيها قالت بخوف : صاحبه

لطيفه هزت رأسها :اييه صاحبه وإذا ودك تعرفي مين أقوله لك
ماعندي مشكله

أريج عضت شفتها بقهر ...لعب عليها وبعد فضحها عند لطيفه قالت بقهر: لايكون هو بعد الي مخطط هالحفله كلها

لطيفه ابتسمت على جنب: اي والله هووالي مخططها وبقهر ناويه تفضحي مرته وتبيه يسكت بس تصدقين وش الي قاهرني أشلون
توافقي على أسامه وانتي بهالخسه ..

أريج طلعت بسرعة من المطبخ وهي مصدومه....
مافيها تتكلم ...خايفة تنفضح زود وردها بيكون لرائد لطيفه ماتهمها بشيء آلحين ...لبست العباية وبسرعة طلعت قابلت لطيفه مدت لها جوال ريم وطلعت بسرعة ..من البيت ..
أول ماركبت السيارة :الحقي علي ي ريم والله اني مصيبه مايعلم فيها غير ربي

ريم :بسم الله وش فيك

.
أريج : انفضحت رائد سواها ....

ريم بهمس :اوش السواق هذا نقال حكي ويفهم علينا والله ماغير ينكبنا ...اسكتي لما نوصل البيت

@
@
بعد السحور ...
دق عليها وطلعت بسرعة . ...
كان طول الطريق ساكتين ...
اول ماصلوا نزلت بسرعة ودخلت الشقه و اتجهت على طول الغرفة وهي صايقة حدها ....
...
شافته جاي وراها وشكله يدور المشاكل ...فكت العباية قفلت
عيونها أول م تكلم
بحده : أشلون كذآ تكسري كلمتي قدام خالتي ي شيخه كان احترمتيني بس قدامهن ..

ريوف قفلت عيونها بصبر له عين يعاتب : وانت ليه ماتبي تحترمني قدامهن

أسامه بعصبيه : ريوف لا تردي علي بسؤال وبعدين مين قال بينزل من قيمتك طلبت أعتذرمنك بس

ريوف بعصبيه : ايه عشان تثبت لامك كلامها انك جاي وتكسر عيني وتأكلني تراب مثل ماقالت

أسامه بعصبيه: أمي مستحيل تقول هالكلام لا تفتتري عليها

ريوف بقهر قربت منه وضربته على صدره: ليه اذا كان الموضوع يخصني تصدق وتوثق بعد واذا في شيء قاله غيري تكذبه وتقول مستحيل يسوي كذا

أسامه مسك وجها وبحده: قلت لك قبل انتي الخسرانه مع امي مستحيل أقف معك ضد امي حتى لو سمعت بنفسي ماعليك إلا تحترميها

ريوف خافت لايمد يده قالت وهي تذكره : وانت بعد لاتنسى اني
حامل ويكمن اروح فيها بسبة ضربك و عصبيتك
أسامه بقهر رمى الجوال على الجدار : مين قال الحين اني بضربك شفتي انك كذوب ماكفاك كذبك في أمي جاية تكلمي علي ..

ريوف فتحت عيني بصدمه من رميته للجوال وش ذنبه آلحين وبعد يقول ماراح يضربني والله انها في نيته بس طلع حرته في هالمسكين قلت بخوف :كذوب والله اني ماكذب واسأل لطيفه توترت من نظارته تحس ناوي عليها بعد الجوال مافي غيرها . رجع لها الخوف هذي هي يوم يكونوا لحالهم تخاف منه بشكل ولسانها تبلعها

اسامه زفر بعصبيه وهو يحاول يهدي نفسه قال بتحذير: امي ي ريوف ي ليت ماتطولي لسانك عليها ثاني مره لاتعلقي معي ي ريوف عشانها قلت لك من قبل انتي الخسرانه واعيدها لك بعد

ريوف بدون حس: ارتحت من مرة ابوي طلعت لي امك وش ذا الحظ يآرب صبرني بس ...

اسامه صرخ بعصبيه :ايششش

بسرعة شردت و دخلت الحمام الله يعز القارىء ... .تتمنى يطلع ..ويروح لغرفته ..ويفكها ....من مشاكله وهي صادقة ارتاحت من مرة ابوها طلعت لها امه...افف وش هاليوم الي ماراح يمر لما تنضرب شكلها ...آه ي قهري على هالجولات يكسرها هذا ثاني جوال يرميه ..من البطره افف غبيه من جدد آلحين الي بره حريقه وانا جالسة أفكر بالجوال حريقه تحرقه وهو جواله ...
فزت بخوف يوم سمعت صوت الباب اففف اخيراً طلع ...انتظرت خمس دقايق عشان تتأكد ..قربت نفسها شوي من الباب ...خايفه لو يكون مسوي خدعه فيها ..وتطلع وتعلق معاه
بس لا ماسمعت له صوت ولا نفس بالغرفة. ..قوت نفسها وطلعت ..ارتاحت يوم شافت الغرفة فاضيه ...تمنت عندها مفتاح للغرفه ...كان ارتاحت من هالخوف ..

أسامه
زفر بضيق ...ودخل مجلس الحريم...تمدد على الكنبه
مايدري وش يسوي ...امه زعلانه حيل منه ..حتى سلام ماسلمت
عليه قبل يطلع ...وهذي أول مرة تسويها ..يعني وش تبيني اسوي عشان ارضيها ..وبعد صعب اذلها قدامهم أكثر ..آه الله يعين على هالوضع مايدري كيف يرضي امه ..يكفي بيأخذ بنت أختها عشانها ..إلا هو ماله خاطر في الزواج ..والوضع شكله من آلحين متأزم مشاكل والسالفة باقي خطبه أجل لو تمم الزواج الله يعين ويقدره بس واثق وقتها . يعرف كيف يضبط الأمور..
@
@
@
@
@
@
دخلت غرفتها وهي مقهوره ...من وليد ...جالس يدور شيء يخرب بهاالزواج ..وبذات مشاكله مع عصام ..قلبها طاح يوم يقول تمشكل معه اليوم ..وناوي عليه بعده ....بس الي مطمنها
حالياً أبوها ...ماعلق بشيء ....ماغير يسمع وساكت ...
مسكت جوالها وهي تبي تحذر عصام لعاد يتهاوش معاه والله ماغير يروحون فيها ...دقت عليه وبسرعه رد
: ايوه
عقدت حواجبها من رده ماهي العادة كذا يرد قالت بهمس:الوو

عصام وهو ينشف شعره : شوي وبدق عليك آلحين متضايق شوي

شوق وشوي وتصيح:متضايق مني عشان وليد صح

عصام رمى المنشفه وجلس على السرير : لا وأخوك يهايط على الفاضي

شوق عضت شفتها بقهر: عصام والله ماتعرفه يجلس يزن ويزن ويزن على رأس أبوي وينال ال يبي تكفى لا تزودها معه طنشه وليد مانيفع معه العناد تكفى عصام هانت مابقي غير أسبوع. ...
وبعدها مايقدر يسوي شيء صدقني ...
عصام بقهر: تصدقين والله مايهمني أخوك ولا هو مفكر به بس الي قاهرني زعلت ريتآج وهي مالها ذنب ويكفي تحملت أخوك وهو ماحد يقدر يتحمله حتى زوجته الأولى هجت منه

شوق بزعل : عصام تذكر الي تتكلم عنه عزوتي و مثل ماتعز عليك أختك انا يعز علي أخوي وأكثر بعد .ويالله سلام وقفلت
عصام بقهر رمى الجوال افف يحصلها من شوق ولا من ريتآج ولا من ال**** وليد ...الي يحاول يخرب عليه أناني مثله ماشفت
من وقت ما دخلت غرفتها...وهي مقهورة لها ثلاث ساعات تحوس بمكانها ..حالتها حاله أشلون .... قدر يلعب عليها ويأخذ الصورة..هي يالله قدرت تصورها هالصورة الوحيده يومها ...والي قهرها زود اخته معه بعد مخططه هين ي لطوف ....يقال تهددي بعد عشان ماتمم الخطبه والله لا تم وانا اريج وقدها ياما صارت لي مشاكل أكبر من كذا ..ناظرت جوال صديقتها الي أخذته منها عشان تبرد قلبها: مستحيل اجلس كذا انا يستغفلوني بهالطريقه لطوف فكرت ..وابتسمت بخبث ايه الحين اقدر انكبه المفهي ..
دقت عليه وهي تتمنى يرد عليها أول ماسمعت صوته صرخت بعصبيه: مسوي فيها كبير وقدرت تأخذ الجوال خذه واشبع فيه عندي بداله ألف و بعد. خلي في بالك. الي قدر يصور يقدريحفظ وينشر ي الغبي

رد عليها بضحكه مستفزة : لو فعلاً عندك الف بداله وبعد حافظه صوره كان مادقيتي من جوال صديقتك هذا أكبر دليل على انك مطفرة وماعندك غير هالجوال والصورة هي الوحيده الي عندك وبعد مشوشه وحالتها حاله لو دريت بالصورة انها بهالجوده في التصوير كان ماتعبت حالي وسويت هالخدعه كلها اقصد الحفله

..حست بقهر عارف عنها كل شيء وتذكرت أكثر من مرة داقه عليه من جوال صديقتها ويعرف رقمها ... .بس ماعليه قالت بخبث وهي تبي تجره بالحكي : خلاص أخذت الصورة جيب جوالي
رائد ضحك بصوت عالي:وش جوالك تذكري مين أعطاك هوو
يعني حق ورجع لصاحبه ي يالله طيري ماعندي شيء لك

أريج :يعني بتأخذ هديتك صدق قليل مرجله

رائد : صادقه قليل مرجله يوم نزلت نفسي لاشكالك يالله ولا اوصيك الرفض اسمعه قريب افضل مايجيك أكثر من الي جاك ... باي باي
قفلت التسجيل وقفلت بوجهه...ابشربعزك تعرف أنت بس تلعب ..هين رائد بسرعة أرسلت له ..المكالمه وكتبت ((شوف لو تفكر تسوي حركة منذله معي أقسم برب العزة ي رائد ارسله لزوجتك وتعرف اي رجآل أخذت وبعد اعرفها عقلها خفيف وام دمعه ماراح تتحمل عارف بتقول بضر نفسي قبل بقولك معاد يهمني وقتها رائد اهم شيء حطمت حياتك هياا خلك رجآل وافرح لبنت خالتك وأتمنى اسمع كلمة مبروك بعد أسبوع باي باي ))
؛؛
؛؛
؛؛
عند رائد
أول ماوصله التسجيل بصوته ..صعق من الي يسمعه خبيثه صدق
بس والله مايهمه إلا ان ضمن صورة اسيل وبس وأسامه مع نفسه حاول ينصحه من غير مايوضح له ..بس الغبي معاند مسوي فيها ليه قلت احبها ...يبي يأخذ حقه. ...مني بس اخخخ بيأخذه بطريقة غلط ...مايدري يوم قلت احبها بحميه إلا هذي حد يفكر يربط حاله فيها ...فعلاً لو وصل التسجيل لأسيل والله ماغير ينحرم
منها ....

@
@
@
@
@
@
@

في بيت ابو عصام
،،
،،

ساعدت الخدامه بالشغل في المطبخ.وطلعت ..للصاله شافت عصام ...في وجههها واقف من آخر موقف بينهم ماتكلمه ..وكم مره حاول يكلمها بس ماترد عليه ...جرحها حيل ..
بعدت شوي تبي تمر ..بس يرجع ويوقف في طريقها...عضت شفتها بقهر: والنهاية

عصام ابتسم : لمتى ي حلوة هالصد

ريتآج :تكفى عصام مابي اتكلم معك
عصام : والله اليوم ماغير ترضين علي

ريتآج صغرت عيونها بقهر: لك عين تحلف بعد

عصام بأسف سلم فوق رأسها :أقسم بالله يومها كنت معصب من رجلك
قهرني يوم نفذ تهديده .. وآلحين مدري وش اسوي والله ضايق
وابوي بعد يقول والله لو فعلاً مشت كلمة عمك ماغير ازوجك في نفس اليوم الي محددد فيه زواجك على الي أحسن من شوق .والله اني على اعصابي ي ريتاج

ريتآج مصدومه من الكلام الي يقوله : وش تقول انت أكيد تكذب علي صح عشان أرضى عليك

عصام تنهد بضيق :والله ماكذب يوم تهاوشت مع وليد لأنه هوالسبب خلى عمي يقول هالكلام والله يستر الزواج مابقي منه شيء ...

ريتآج مسكت يده وسحبته تعال أجلس فهمني وش صار
حرام الي تقوله ...انا وأمي نجهز وحالتنا حالة وأنت جاي بهالأخبار الي تسد النفس

عصام بضيق : اقولك جالس على اعصابي خايف في اي وقت عمي يدق ويسمعني شي مايسر ...
ريتاج : عصام قول ايش فيه بالضبط ...مافيني عاد صبر

عصام : آخر مرة رحت لبيت عمي أجيب أغراض لشوق طلبتها مني ..ولقيت عمي سلم علي وقال عقل اختك عشان أمورك تتسهل وماعطاني فرصه اسأله وش يقصد أول ماركبت سيارتي بسرعة جاني إتصال من شوق تقولي هالفترة لعاد تجي ...وليد شكله ناوي علينا ...ولاعب بعقل أبوي آلحين هاوشني عشانك ...وقتها عصبت وبسرعة دقيت علي وليد ..وتقابلنا وتمشكلت معه .. وقلت له بيطلقك غصب عنه وبأخذ شوق بعد غصب عنه

ريتآج
كنت اسمع وانا مصدومه ...يعني نفذ تهديده والله عرفت ان خبيث ويعرف لهاا ..وعمي ماله أمان عضيت شفتي بقهر طالعته وقلت : والله لاتأخذها ي عصام وتضحيتي ماتروح كذا

عصام ابتسم: بأخذها طرق

ريتآج وقفت بسرعة بروح اتفاهم معه بس وقفت يوم تكلم عصام
عصام :فديتك لاتزعلي مني والله ضايق حدي

ريتآج : موضوع زعلي خله على جنب خلني اتفاهم مع وليد
آلحين

عصام بسرعة: لا تدقي عليه كلامه مأثرفيني آبد والزواج بإذن الله راح يتم ..ولا على قول أبوي ماتوقف على بنت عمي بدالها
مليون

ريتآج قاطعته: لاتكذب والله انك متقطع عشانها

عصام بضيق: وش اسوي رجلك بيحدني على شيء مابيه

ريتآج : بدق عليه وبتكون اخر محاولة وبعدها مستحيل أضحي عشان أحد ...

عصام عض شفته بندم عرف الدقه موجهه له قال بأسف: والله
تضحيتك على رأسي وكلامي قسم بالله طلع غصب عني كنت متنرفز وقتها ومدري وش أقول

ريتآج طالعته بوجع ...وطلعت بسرعة لغرفتا أخذت جوالها ...ودقت عليه ...أول ماسمعت صوته ردت السلام
قال بخبث :لا لا مو مصدق ريتآج داقه بنفسها وش هالرضى اليوم ..

ريتاج قفلت عيونها بصبر: لآخر مرة وليد أطلب منك تكفىلاتربط حياتنا بحياة شوق وعصام

وليد ابتسم بخبث ينتظر هاللحظه من قبل قال : اوه اخوك وصل لك العلم
ريتاج : وليد لأخر مره اطلبك

وليد : آسف اطلبي شيء ثاني واعطيك هوو

ريتآج بقهر: وليد وش هالحركات تكفى فكني من نذالتك

وليد : أذكر قبل قلتي خلي هياطك عنك مدام معي الرأس الكبير
وشهوله آلحين تترجي فيني خليك واثقه من كلامك

ريتآج بعصبيه : عارفة اني ماهمك والشي كله تسويه عشان تكسر كلامي وتمشي كلامك وليد فكر في مصلحة اختك بس لأني والله هالمرة صاملة في كلامي رجعه لك ماراح ارجع
أفهم عاد وقلتها آلحين لعصام آخر مره اضحي عشان أحد

وليد عض شفته بقهر: آلحين هالشيء اسويه بس عشان اكسر كلمتك من جدك ريتآج

ريتاج :اي والله وقلت لك قراري رجعه لك ماراح ارجع

وليد : هالمرة فعلاً صاملة في قرارك

ريتآج :هالله هالله ومالي رجعتن فيه وتكفى لا تخليهم الضحيه بينا

وليد قفل عيونه وقال بوجع : تم
ريتاج قالت بعد تصديق :احلف

وليد إبتسم بحزن: قلت لك تم خلاص ماله داعي احلف

ريتاج : مع الأسف ماصدقك صرت تكفى احلف

وليد :والله العظيم اني صادق وآلحين بنفسي بدق على عصام وبعتذر منه

ريتآج مو مصدقه الي أسمعه معقول هذا وليد بس والله ماهو مصدقه حتى بعد ماحلف :طيب عمي كلمته لعصام ماهي مريحتني

وليد :ماعليك أبوي عندي ..ويالله سلام ..

ريتاج
قفلت وانا مو مصدقه ...انه رضي بسرعة كذآ ..بس الي شوي مريحني انه حلف بربي....فكرت أنزل ابشر عصام بس طنشت خليه يتأدب شوي ....
@
@
@
@
@
@
@
@
لليلة العيد
،،
،،

غلا ...
تحس بوحده ...حدها. ..وكل لليلة وهي تتخيل أصوات. ..غريبه تحصل بالحوش ...ماتدري ايش لدرجه صارت تخاف تطلع ..ماغير بالصالة تحوس ..وكم مرة بغت تدق على سآمي بس ترجع في آخر لحظه ..ودها تعرف وش هالاصوات
جوالها رن فزت بخوف ...يمه ..بسرعة شافت المتصل ..
كان بدريه استغربت داقه عليها ...من مبطي عنها ..
فتحت الخط : الوو
: السلام عليكم
غلا :عليكم السلام

بدريه :سامي عندك

غلا رفعت حاجب بقهر: لا وش يسوي اخوك عندي

بدريه بخوف: مختفي له أسبوع وامي حالتها حالة

غلا آخر مره طلع من عندها وهو معصب حده ..وين رآح هالمجنون : مدري عنه آخر مرة جاب لي اغراض وطلع على طول ...
بدريه بقلق أكثر :متى بالضبط جاا

غلا :قبل أسبوع يمكن ....

بدريه :يالله وينه الله يستر وقفلت

غلا
طالعت الجوال ...بعد ماقفلت ..وين راح هالمجنون ...
غبي صدق كيف ..يختفي من غير مايعطي امه خبر ي قوه قلبه
افف وش دخلني جالسة أفكر فيه ...خليه يختفي يموت مالي شغل
حسيت قلبي وجعني على آخر كلمه قلتها ..يموت تخيلت حياتي لو مات أشلون ...هزيت رأسي وانا ابعد هالافكار ...من رأسي بدون حس دقيت رقمه ..بس طلع مقفل ..عضيت شفتي بحيره وينه ....
شقة اسامه

ريوف
كملت نظافة لشقتي وبخرت البيت ..وجلست بالصالة
..باقي يومين ويملك أسامه ...ودي يملك بسرعة عليها ...
ودي يشوف الفرق ...ليته ينصدم صدمه ..تنزل رأسه. .ذا الي رافعه فوق .....فيني قهر منه والي قاهرني زود مسوي زعلان يقال الحق له ...ليه وليه ماعتذرت من خالته ...معاد إلا هي يكفي
كلمته الي قهرتني يوم امه دقت عليه ...والله ي نظرة البنات
ما نساها طول عمري ...اسامه مابقى له جميل اذكره فيه ...
اليوم دخل علي المطبخ بعد المغرب ..وانا اغسل الصحون

: إذا حابه تروحي السوق تتقضي للعيد انا جاهز

طالعته ببرود: لا مشكور والعيد عندي ماهو عيد واخوي مسجون
أعطاني ظهره وطلع من غير مايرد ..

..زفرت بضيق آه ي خوي متى افرح بخروجك ...وارتاح من ذا كله .طالعت جوالها الي رن أخذته وهي تتطالع رقم لطيفه ردت وهي ترحب فيها : ي هلا
لطيفه طالعت رائد الي يستعجلها بالكلام:كيفك

ريوف : الحمدلله

لطيفه .ناظرت رائد الي جلس قريب منه أشر له يصبر:امم ريوف حبيتبي عندي خبر حلو لك
ريوف :وشهوو
لطيفه : رائد راح يتنازل عن حقه وان شاء الله تفرحي بخروجه قريب

ريوف صرخت بفرحة : قولي والله

لطيفه ابتسمت لفرحتها : اي والله اني صادقه بس يبي منك طلب قبلها

ريوف حست بخوف : وشهوو الطلب

لطيفه : امم يبيك تمنعي زواج أسامه بأي طريقة

ريوف قالت بصدمه من طلبه : امنع الزواج

لطيفه : ايه تكفين ريوف والله من مصلحتك تتحركي تسوي شيء وصدقيني أسامه إذا شافك زعلانه بيهون

ريوف ابتسمت بسخرية اسامه يهون اخخخ بس ي لطيفه ماتدري كيف العلاقة بيني وبين أخوك ...: قولي له والله ي جميلك ماتنساه طول عمرها وفيك الخير بس اني اقدر امنع الزواج هذا مستحيل اخوه ويعرفه ... ويعرف كيف عناده مدام صامل محدن يرده ...

لطيفه عضت شفتها بقهر الله يسامح امي هي السبب بس صعب
تكلم أو تقول شيء قالت بهمس:خيره ان شاءالله بوصل له كلامك

ريوف قفلت من عندها ...وانا فرحانه أخوي ...رائد راح يتنازل عن حقه ناظرت الباب..يوم تحرك به المفتاح .. كلها ثواني ودخل وهو حامل بيدة أكياس ابتسمت بسخرية مصدق حالة عريس ..ويتقضى ..رد السلام وجلس رفعت حاجبي مستغربه غريبه وش مجلسه ماهو طول هاليومين مايجلس في المكان الي جالسة فيه...
مد يده : خذي ان شاءالله يعجبك ذوقي

ريوف طالتعه ببرود : ليه تعبت نفسك قلت لك مابي شيء

اسامه بجمود: واجب علي وحق من حقوقك اني انفق عليك ولا ناسيه اتفاقنا

ريوف بسخرية :مشكور ....

أسامه وقف وجلس على نفس الكنبه الي جالسة فيها وقال بضيق: شوفي انا يوم طلبت منك إعتذار لخالتي والله ماقصدي مثل مافهمتي بس حبيت انهي السالفة ..

ريوف طالعته بقهر رجع وفتح السيرة والله ماتسكت والي فيها فيها : قصدك تسكت امك وترضيها على حسابي قال آيش ينهي السالفة قول تذلني بس
اسامه رفع حاجب وقال وهو متضايق من رفعة صوتها : ارضاها واجب علي

ريوف بقهر:بس مو على حسابي أسامه

اسامه تنهد بضيق: آلحين يرضيك يجي العيد وحنا كذا زعلانين من بعض

ريوف فتحت عينها بصدمه:من أصله متى رضينا على بعض
اسامه لاتسنى أشلون حياتنا

اسامه بضيق : تصدقي ودي ارتاح بس مو عارف كيف

ريوف بسخرية رفعت اصبعين : يومين بس تشوف الراحه على أصولها ي هي راحه أسامه ...

أسامه إبتسم على جنب ورفع يده بطريقة مستفزه :اممم يآرب الله يسمع منك

ريوف صغرت عيوني بقهر : روح ادعي بعيد عني

أسامه بضحكه :بسم الله وش فيك قلبتي كذآ فجأة توي بمدحك بقول هذي المره السنعه الي تدل رجلها للراحه الي يبيها
امممم شكلها الغيرة لعبت فيك فجأة وقلبت حسبتك ...

ريوف ضحكت بتريقه:غيرة أشلون وانا والله ادعي بصلاتي انه
يتم هالزواج

اسامه عقد حواجبه وقال بهمس: أمرك غريب فعلاً ملاحظ هالشيء

ريوف : ليه غريب واحد مابيني وبينه شيء

اسامه ابتسم : لا في ذي غلطانه بيني وبينك أطفال لاتنسي

ريوف ضحكت بصوت عالي : تصدق كل ماتجيب هالسيرة افكها ضحك ورجعت تضحك بهستريه ...

اسامه فتح عينه بصدمه من حالة الضحك المفاجأة بس صغر عيونه يوم أشرت على بطنها عارف قصدها من هالضحك بتذكرة بالي كان يقوله وقف قبل تتكلم ....

ريوف وهي تضحك :وين وين لسى ماعطيتك الخبر الي عندي

أسامه طالعها بجمود

ريوف وقفت وقابلته وبصدق: والله ان أخوك طلع سنافي

اسامه عقد حواجبه وقال بحده: وش دخل
ريوف ابتسمت بنصر: رائد راح يتنازل عن أخوي آلحين دقت علي لطيفه وأعطتني الخبر الحلو ..

اسامه انصدم : يتنازل عن حقه رائد

ريوف : ايه الله يجزاه الخير ..والله مانساها له صدق الرجآل وقت الشده قالت كلمتها الاخيرة وهي قصدها تغيضه ...
تحس بكره فضيع له ولأمه ..وان شاء الله تأخذ حقها منه ومنها

أسامه إبتسم بسخريه: المدح كله لرائد

ريوف بستفزاز:يستاهل زود

أسامه قال وهو صاك على سنونه : بكبر عقلي بس انتبهي مني ريوف لآخر مرة .ودور القوة ذا مايمشي معي ابد ..واعطاها ظهره .....
ودخل الغرفة وهو حامل أغراضه الي شراها
تمدد على السرير وهو يفكر في رائد مكلمه قبل كذا أكثر من مرة يبيه يتنأزل وهو رافض وآلحين يوم هجد.. عن السالفة يتنازل كذا وبعد مايكون ...عنده خبر.. وهذي بعد مبسوطه.. من موقفه الرجولي ... يحسها متغيرة حيل ومسويه قويه وترد. الكلمه بعشرة ....وبعد فيه شيء محيره يحسها تبي زواجه يتم بسرعة ...إبتسم بسخرية ليه يتسغرب أكيد تبي الفكه . .....وش شافت معه غيرحياتن قشرا ويعترف بهالشي بس كان له ظروفه ...
ريوف
جلست وانا مقهورة من نفسي ...ليه مارديت عليه وقلت له فعلاً انا قويه واقدر ارد عليه وكيفه عجبه ولا مع نفسه ..ابتسمت بوجع وين قويه ...والله اني ضعيفه حيل ...واخاف منه لدرجه كلمه وحده هجدتني ...ليتني بقوة اخته لطيفه وأقدر أخذ حقي وراسي مرفوع ....
شفته رجع طلع ...وقفت على طول ...ودخلت الغرفة بفضول بشوف آيش جاب ..لي ..فتحت أول كيس ...كان ملابس له
وبعد ثاني كيس له ...انسدت نفسي افف كله ذا حماس للزواج ي دوب افتح الثالث إلا هو فاتح الباب ..حسيت شكلي غلط ...
بلعت ريقي وانا بدور عذر قبل يقول شيء بس ماحصلت شيء اقوله..أفضل شيء انكتم وماعلق ... مدام هوو ساكت ...بس عضيت شفتي متفشله . وهو بسرعة أخذ غرض له من الدرج وطلع ..تنهدت براحه يوم طلع .....بس والله احس بفشله وش بيقول ...آلحين ...عني اني ميته عشان أشوف أغراضه
غبيه دايم احط نفسي بمواقف صعبه ...ضربت رأسي بقهر هديتي برا على الكنبه وشهوله أروح لأغراضه ...عندي فضول اشوف هديته وقفت بروح اشوفها ...بس طنشت ...خليه يجي ويشوفها مكانها ويعرف انها بلى قيمه عندي وتعب حاله على الفاضي ...عضت شفتي بعد آيش ريوف بعد ماشافك وانتي تحوسي بغراضه ....
@
@
@
@
@

يوم العيد الصباح
بيت ابو أسامه

بعد السلامات
،،
ام اسامه : وين مرتك ي أسامه

أسامه تذكر كيف رفضت تجي معه قال :تعبانه شوي

رائد بقهر : ليتك ترحمها وتأجل هالزواج على الأقل لما تولد ..
ي خي خلي عندي رحمه شوي والله حالها كسيف هالضعيفه معك ...

أسامه يولع يوم يجيب سيرتها على لسانه وبذات يوم يدافع عنها : قال بقهر: يكفي أنت بقلبك رحمه

ام أسامه بحده : رائد والله العظيم مدري وش عندك معترض على هالزواج وبعدين استح ولا تخرب على بنت خالتك

رائد : السالفة ماهو إعتراض بس شوفي وضع زوجته كيف
يمه
اسامه بعصبيه: للمرة المليون اقولك لا تجيب سيرة زوجتي على لسانك ولا تتدخل بحياتي ولا خايف لا أخذ الي تبي

رائد وقف وهو يضحك بقهر: شوفوا كيف تفكيره الله المستعاوكمل حبيبي كمل وبتشوف بنفسك ...والله بتعض هذي ندم وهو يرفع يده .. وقول رائد ماقال ...
لطيفه طالعت رائد خايفه يخرب الدنيا ويفضح السالفة ماتبي مشاكل والله ماغير لا تعلق العايلة في بعض قالت بسرعة : والله انه صادق ي اسامه على الأقل قدر وضع زوجتك هالفترة

ام اسامه قاطعتها :لا كنا بواحد الحين بثنين وش تقولين انتي بعد الملكه بكره والكل عنده خبر وحاجزين لكل شيء وانتي تقولي فكر في وضع زوجتك وش فيه وضعها في بيتها معززة مكرمه وماينقصها شيء وعارفة ولدي رجآل ويقدر يفتح بدل البيت عشرة ...

لطيفه ماقدرت عاد تجلس تحس انها تخدع أخوها ودها تقول له وخايفه ...لايروح فيها رائد تعرف فهد متهور ...أكثر من رائد
وكاد تكبر بينهم ...ويكفي مشكلته مع أخو ريوف آلحين فهد

أسامه وقف بضيق : بروح ا لديرة حد بيجي معي

ام اسامه بصدمه: وشهوو الديرة من جدك انت أشلون وبكره ملكتك
أسامه : يمه الله يهديك بعيد على جدتي مثل العادة وجاي بكره من الفجر ان شاءالله أكون هنا ...
ام اسامه ماهي مرتاحه لروحته وخايفة من عمته صيته لو تلعب عليه ...الله يستر ....وماتبي تضغط عليه زود قالت :الله يستر عليك وسلم عليهم ولا أقولك بجي معك
اسامه : حياك بس تكفين يمه لا تعلقي معاهم انا رايح أعيد وجاي

ام أسامه : أقولك مافيني على لسانهم روح الله يستر عليك ولا تتأخر ..
اسامه : ان شاءالله وقرب من امه وسلم على راسها وطلع
وهو متضايق ...اتجههه للبيت ...أول ماوصل نزل ودخل الشقه
...اتجهه لعرفة النوم ...ودخل شافها نايمه ...قرب منها وقال بهمس: ريوف ...

ريوف فتحت عينها بدون ماترد ...

اسامه : تخاويني ...

ريوف عقدت حواجبها وقالت بصوت ثقيل: وين

اسامه : للديرة العمه صيته طالبتك

ريوف تذكرت العجيز هزت رأسها بلا ..
أسامه بضيق : ليه ودي تروحي معي تكفين ...

ريوف :لا مابي أروح

أسامه طلع جواله ودق على عمته وقال لهاا عن رفض ريوف
وبسرعة مد الجوال وهو يضحك : خذي تفاهمي معاها
ريوف عضيت شفتي بقهر من حركته اخخ راسي تفجر من صوتها : أشلون مو جايه هاا وهذا وانا طلبت منه يجيبتس لي
والحين تردي عزيمتي لتس والله اني بزعل عليتس طول عمري لو ماجيتي الحين معه يالله انتظرتس وياوليتس تغيري رايتس وقفلت بوجهاا طالعت الجوال بصدمه: اخخخ بعد قفلت بوجهي

أسامه ضحك بصوت عالي : ماتعرف لك إلا هي ..
يالله قومي تجهزي بسرعة .....

ريوف
وقفت وانا موراضيه ..اروح بس عشان خاطر عمه صيته
والله ماتستاهل اردها ...قلت بصدق: بروح عشانها بس

اسامه ابتسم : والله عارف انه عشاني ايه هذي السنعه الي تخاوي رجلها

ريوف بقهر: انت أكيد السمع عندك به بلى
أسامه اشر لقلبه وقال : شكل البلى من هذا..

ريوف رفعت حاجب وبسخريه :تكفى قوله وقف سر
بيتعب حاله على الفاضي

أسامه إبتسم على جنب : اوف اوف على هالرد قومي زين قبل صيته ماتنط علينا هنا ...
في الديرة

متجمعين على القهوة ...
قالت بفرحة أول ماقفلت : الحين جاي اسامه ومرته

الجده بضيق: مرته معه

صيته : يمه حرام عليتس حاطه على الضعيفه

الجده : ودي له بالزين

صيته بصدمه: يمه ريوف الزين كله وليت بعد معاها أخت كان زوجتها للأمير هذا قدامي بس ماغير حظه طايح فديت قلبه ...
وطلعت وحيدة امها ...

شهاب الي منشغل بجواله ومطنش حكيهم عن زوجة اسامه بس يوم بدت توجهه له الكلام عمته قال بضحكه :أحسن

الجده ضربت بالعصا في الأرض وهي مقاطعه كلامهم : وانا اختك ي ضاري ودتس لها اخت بعد وتزوجيها صقرنا لا عافنا الله منهم والصقر بيأخذ الي اشاور عليها وانا حصلتها وعارفة ماراح يردني هالمرة مثل قبل ...

شهاب يوم تكلمت جدته خا ف تصدمه مثل المرة الي راحت بس مافيه عاد يعارض كلامها قال: ابشري ماعشت يوم ارد لتس كلمه
الجده بثقه : ابيك تأخذ بنت خالك لطيفه

صيته بصدمه ضربت صدرها : هووو البنت توها مطلقه وبالعده علامتس يمه

الجده بحده قاطعتها: باقي بعقلي ي المهفه تكمل عدتها ويأخذها عندتس إعتراض

شهاب
مصدوم يأخذ بنت خاله لطيفه ...لا مايبيها ..ماهو لأنها مطلقه لا والله بس قوة الرأس ..وطولة اللسان الي فيها ماهي جايزه له ..
يكفي طليقته الأولي بعنادها وقوتها رأسها ...كرهته بالزواج
يحب المره الي تخجل ..وتستحي ترد ...ماهو هذي كلمه بكلمه
.يحس بحاله عاجز ...وهو يطالع جدته وهي تنتظر رده

الجده يوم طول بالرد قالت :هاا ي صقر وشهو ردك

شهاب بضيق:بنت خالي ماراح احصل مثلها وان شاء الله تكمل عدتها ولنا كلام وقتها ...

صيته : ان شاءالله والله ودي تجبر خاطرها ....

شهاب ابتسم بسخريه وبهمس : لا هذي مأخذه حقها وزود
وماتنتظر حد يجبر خاطرها ....
صيته سمعته ابتسمت على كلامه ...وبهمس مثل همسه لا تنتظر صقر يجبر كسرها ...

الجده :وش تبررر انت وهي

شهاب :سلامتس يمه ...
@
@
@

أول ماصولوا ..الديرة ..
قال : ياليت جدتي لو رمت كلمه تطنشي

ريوف بقهر: أنت تبيني اطنش الكل واسكت عن حقي

أسامه زفر بضيق: يالله صايره ماتتحاكي كلمه بكلمه وش ذا

ريوف : الواحد يدافع عن حقه تقوم تتشهره عليه

أسامه :ي بنت الناس محدن تشرهه عليك بس مره كبيره وماتدري وش تقول وبقهر ودي أعرف ليه لسانك يطول قدامها وقدام أمي

ريوف طنشته ومارديت عليه ... أول ماوقف السيارة نزلت
وهي تدعي الله ان العجيز ماتغثاها بكم كلمه ..ماهي ناقصه
والله ..تعلق مع أسامه .. ...اول مادخلووا
سلموا عليهم ورحبووا فيهم ........

جلست جنب أسامه ....
صيته صبت لهم قهوة ومدت بسلة الحلاوة ..
وهي ترحب فيهم أول مامدت القهوة لريوف قالت بقهر : غصب جايه هاا وهذا وانا ابيتس تجلسي هاليومين كلها عندنا زواج لبنت جارنا وابيتس تحضري معي ...وعدتهن

أسامه : لا مايمدي اليوم بالليل راجعين الرياض

صيته بقهر: ليه مايمدي ي حضي تطمن محدن بيأخرك على ملكتك روح انت وخلي عندي ريوف ومثل ماقلت لك وعدتهم تجي معي ...خاطرهم يشوفنها

الجده بحده: أشلون يخلي مرته ويروح صدق انتس مخبوله
ريوف كنت بعترض بس يوم سمعت إعتراض العجيز واسامه سكتت ...والله لا اجلس عناد آلحين ...لا وش اعناد فيه
خليني ارجع شقتي أفضل من مقابلة هالعجيز ...

صيته : هاريوف وش تقولين

اسامه ابتسم : صادقه جدتي انتس مخبوله بعد تبي ردهااا
صيته بقهر: ماراح ارد عليك خلاص غسلت يدي منك

أسامه ضحك بصوت عالي:هههه والله اني احبتس موت

صيته بزعل:مابي حبك خله لبنت سعاد المخفه ...

اسامه عقد حواجبه : وش دخل الحين بنت سعاد

صيته بخبث وهي تغمز له : أجل خله لريوف
ريوف انصدمت من ردها وبعد تغمز والله مو هينه هاالصيته

اسامه ابتسم بخبث وهو يطالع ريوف: في ذي صدقتي ..وأخذته كله بعد

صيته : اسمع كلامك اصدقك اشوف أفعالك استعجب

اسامه وقف وهويمد يده لريوف: بنام لي ساعتين وبعدها بقوم وبتفاهم معك ي كلامي يمشي ي كلامك

صيته :كلامي ي قلبي

أسامه :لي تفاهم معك بس الحين نوم رأسي دايخ

صيته : طاق درب لما هنا عشان تنام
اسامه : لا انا ولا ريوف نمنا من أمس مواصلين

صيته ابتسمت : مدام الزينه هذي مانامت روح مسموح ...

اسامه بهمس لريوف وهي تمشي معه : اخخخ لاعبه بعقل عمتي حيل ....طلعتي مو هينه مدام خليتي صيته بصفك ..

ريوف ابتسمت : عندها ذوق ربي يحفظها

أول مادخلت الغرفة تذكرت أول زيارة لي هنا .. ...
قلت بضيق:مافي غير هالغرفة هنا ...

أسامه عقد حواجبه : ليه ماهي عاجبتك هالغرفة

ريوف : لا بس كذا سؤال

اسامه وهو يفسخ شماغه : هذي غرفتي عند جدتي ودايم اجلس فيها يوم أجي ...وماحب انوم إلا فيها...

ريوف
جلست على السرير ..احس بغربة وانا بعيده عن شقتي ...
وبعد مدري وش يصير فيني إذا شفت نظرات الجده مقدر عاد اتكلم او ارد على عمه صيته ..على انها طول الوقت تسولف معي بس مقدر ارد عليها بحضور امها ...
أسامه تمدد على السرير وقال ببحه: مافيك نوم

ريوف تمددت ورفعت نفسها شوي : المكان غريب علي شوي واتعود وانام نام أنت ...

أسامه أعطاها ظهره .وقفل عيونه ...بتعب ...

@
@
@
@
@
@
@
@
@
في بيت ابووليد

متجمعين بالصالة ينتظرون الغداء

وليد ناظر شوق الي تكلم امها عشان الحنا قال بأبتسامه : مبروك ي قلبي الله يتمم لك ويسعدك

ابو وليد بجمود: أنت آلحين مسافر ومخلي زوجتك هنا
شوق طالعته بصدمه :مسافر اليوم وبكرة الزواج ..ماراح تحضر

وليد إبتسم : افاا هذي تجي لا ان شاءالله بحضره وبعدها بسافر

شوق :ليه بتسافر وانت على طول من رحله لرحله

وليد : لا هذي المره غير بجلس فتره لمدة ستة شهور يمكن

شوق بصدمه: وليه طيب

وليد ابتسم : شغل شغل دورات بأخذها تنفعني ..وناظر أبوه يدري فيه انه يكذب واذا مشى هالعذر على أمه ماراح يمشي عليه .. وده يسافر كذا بيجلس لحاله بيختلي بنفسه ...وكاد يرتاح

حسام : بجي معك تكفى والله طقت نفسي من هالبيت لأبو يعطي ولا ام تعطي بس يخبن بهالدراهم ورافضين يعطون ولدهم الصغير ...

وليد بحده:وش قلة الأدب ذي مافي حد قد بخل عليك لا تكون جاحد ..

حسام : تكفى لا تصدمني توني محسن علاقتي فيك وامدحك واقول والله انه طيب وكنت فاهمك غلط ...
وليد بعصبيه : أقول انتبه لحكيك بس وخلك رجآل ومدام امك وابوك رفضوا أكيد لشي في مصلحتك

حسام بقهر: والله زعلان منهم وهم ماغير مطنشين شوفهم بنفسك اتكلم مافي أحد علق ماغير يناظرون

ابو وليد بضحكه : آكيد بطنشك إلا علمك به نفع

ام وليد بقهر: أقول والله مدام انك تضحك عليه ماراح يتأدب

حسام : يمه حرام عليك أبي جوال آيفون 7بلس بعد

وليد : آلحين مطول لسانك عليهم عشان رفضوا يأخذون لك جوال

حسام وقف بقهر: ليه ماتحبوني والله قهر عزيز معه جوال آيفون وانا ماغير معي هالكسره بعد حق أبوي بعد ماطقت روحه ومعاد فيه فايدة أعطاني هزز

وليد بحده: ومدام كذا قليل أدب محدن بيشري لك يالله فارق .
وخلك على كسرتك ...

حسام : اخخخ وهذا وانا بضبطك مع ريتآج
وليد ابتسم غصب عنه وغمز له ...وهو يرفع جواله وهذا لك
والله ماترده

حسام نط بفرحه وأخذ الجوال :قول قسم انه لي وجلس يقلب
فيه ماهو مصدق ...قال بتحذير لاتقول لخوياي انه لك طيب
بكشخ فيه وأقول جابه لي معتني ..

وليد ضحك: ابشر على هالخشم

ابو وليد : رجع جوال أخوك وابشر أول ماتفتح المحلات اشتري لك تعرف عيد هاليومين ومقفله

حسام : والله مارجعه له غير يوم تأخذ لي جوال هذاك الوقت ارجعه له وقرب من وليد وهو يضمه فرحان حيل اخيراً
وليد بهمس: لاتنسى والوعد

حسام :ابشر
@
@
@
@
@
@

اليوم الثاني ...
صحيت على صوت إذن الفجر طالعت جهة أسامه باقي نايم .......قمت وطلعت من الغرفة وتوضيت.. ورجعت الغرفة
وقلت بهدوء :اسامه قوم صل
أول ماتقلب عرفت انه صحي قلت مره ثانيه : قوم يالله تلحق
وفرشت السجادة وصليت ...وبعدها راح أسامه للمسجد
جلست بطفش ....يالله مافيني نوم ...طلعت للحوش ...وانا مترددة ...طالعت لغرفة الجده شكلها بعدها نايمه بس فزيت بخوف يوم
..باب المطبخ فتح ...تنهدت براحه وانا اشوف عمه صيته
صيته : ي هلا ي هلا صاحيه يمه والله توني بصحيك تفطري معي انا وأمي. ..

ريوف استغربت معقول نايمه هنا ماروحت قربت منها وسلمت عليها وجلست :صحيت صليت الفجر ...ومعاد جاني نوم

صيته وهي تصب القهوة : اسامه صحي ولا باقي

ريوف : ايه صحي راح يصلي

صيته طالعت جهة غرفة امها : غريبه طول وبعد امي ماطلعت من غرفتها للحين خليني اروح اشوفها ....
ريوف
...هزيت رأسي بدون صوت وانا ودي أقولها تكفين لا تروحين خليها تنام نوم الظالم عبادة ...طالعت باب الشارع ...يوم دخل أسامه
قرب مني وشكله معصب ....آللهم اجعله خير ...
أسامه جلس جنبها وقال بهمس وهو يناظر باب غرفة جدته :
افرضي شهاب رجع من ديرة أهل ابوه وانتي هنا ..
مفروض انتظرتي يوم أجي ...تطلعي من الغرفة

ريوف ي صبر الأرض على هالآدمي افف غيرته تقهر
قلت وانا متضايقه حدي: تراي مو لحالي جالسة هنا انتظر عمه صيته راحت تشوف امها ...
أسامه بقهر : أمشي تجهزي ورانا درب ..

ريوف بعناد :مابي أروح

أسامه بحده : أقول خلي عنك بس وقومي

ريوف :بتقهوى مع صيته وبعدها يصير خير وانا ناويه اقهره شوي ...
صيته أول ما ساعدت امها تقوم ...رجعت لهم ..
وهي تحاول تتحرش بأسامه : صباح النور عليتس بس ي ريوف

ام الي جنبتك خليه يروح يكمل راقده أحسن

أسامه إبتسم : لا لا اللي جنبها خاطره يتقهوى معتس اليوم
صيته صبت القهوه ومدته لريوف

أسامه : افاا ي عمه دايم تمدي لي قبل وش الي تغير

صيته : ماتستاهله مدام بتضيع هالوردة من يدك
أسامه عض شفته: افااااا بس
وسأل عن جدته : وينه ميمه

صيته : تقول مافيها تقوم تفطر مالها خاطر ..صلت ورجعت نامت ....يالله تفضلوا
اسامه طالع ريوف الي مامدت يدها ..: لو ماتبي تفطري روحي جهزي حالك بمشي ..

صيته : والله ماتروح معك
اسامه بقهر من أول ساكت ويطنش كلام عمته بس آلحين تحلف عليه مايأخذها : لا ي عمه والله بتجي معي وخاطرك طيب بعد

ريوف بعناد : وانا بزيد على حلافك وبقولك والله ماخطي خطوة معك
اسامه لا هنا عصب صدق قال بحده : تعوذي من إبليس وقومي
لا افصل عليك آلحين

صيته بسرعه تدخلت: تكفى ماتردني ي أسامه تخليها يومين بس ..تكفى
اسامه بعتراض: أشلون اخليها صعبه وبعدين مايمدي ارجع لها
صيته قاطعته : تكفى يمه ماتردني ....
أسامه حس بعجز ماقدر يتكلم ندم انه جابها ..أشلون تجلس هنا
..ريوف قالت وهي تذكره: عادي اذكر قبل خليتني هنا أكيد
ماهي غريبه عليك آلحين ....
أسامه وقف وهو يتعوذ من إبليس: اوك اجلسي وانا ماشي. ..
وبسرعة دخل لبس وأخذ جواله ومفتاحه وطلع ...واتجهه للباب
صيته :افااا ماتبي تسلم علينا بعد

أسامه لف لهم وقرب منهم وسلم بسرعه وطلع ....
صيته : والله يعز علي ازعله

ريوف بدون مبالاة : ماعليك يزعل شوي ويرضى
امم تصدقين خاطري اتمشى شوي

صيته :والله ماخليها بخاطرس وزين بعد لتس تحركي رجولتس شكلك متشربه ماي حدتس ..انتي وهالدبه قدامس

ريوف ابتسمت مافي حد يدري للحين انا معي توأم

صيته :يالله قومي وبعد نمر على ام مفلح نتقهوى عندها وتروح معنا .. ...

ريوف : ان شاءالله وبسرعة رحت لبست عباتي وطلعنا وانا احس بوناسه الصباح في الديرة شيء ثاني ...دخلنا عند ام مفلح ي هي عسل هالمره ...طول الوقت ترحب فيني ..وبعدها طلعنا نمشي...شوي ...ي زين جوو الديرة ..قلت : ليت ينزل مطر وانا هنا ...
صيته : ان شاءالله ربي كريم ...يالله ماتعبتي خلينا نرجع
الجوو بدا يولع ....

ريوف فعلاً تعبت ...من المشي ...وشكلي لو مشيت شوي بولد خليني ارجع افضل ...على انه ودي بعد...رجعنا البيت
أول مادخلنا العجيز هبت علينا
:وين من صباح الله خير وانا جالسة بدون فطوربتقصري فيني مدام معتس ذي
ريوف أستاهل ليت رجعت ...لبيتي أفضل ....طنشتها ودخلت الغرفة ...اول مادخلت شميت عطر أسامه....ماسك باقي بالغرفة ...تمددت على سريرة....وانا اقلب بجوالي ....طالعت الساعة
عشرة وشوي ...آكيد قد وصل وبعد نايم ...ابتسمت بسخريه ...اليوم بيملك على اللي بترفع رأسه.. ...حطيت الجوال ...بأخذ لي غفوة لما الظهر...ي دوب انام إلا اسمع طق على باب الغرفة ...
فتحت عيني وانا رأسي يوجعني ....وقفت وفتحت الباب

:يالله يمه تغدي

ريوف بصدمه: امداك تسوي الغداء

صيته :يمه صحي النوم شوي وتجي ثلاثه قومي يالله

ريوف انصدمت يعني نايمه أكثر من اربع ساعات وافتكر اني
مأخذه غفوة...هزيت رأسي لها وطلعت ...غسلت وجهي ..
وتوضيت وصليت ... جلست أستغفر ضيعت صلاة الظهر...
سمعت صراخها بأسمى وقفت على طول ...وانا اضبط الجلال زين على جسمي ...خايفة حد يجي ...طلعت .وي دوب نجلس على السفرة ...إلا أسامه مدرعم . وبيده كيس فخم..انفجعت وش مرجعه
: رد السلام وجلس صدق اني ذيب جيت بوقتي .

صيته وهي مصدومه : وش مرجعك يمه وقفت بفرحه لايكون هونت والله ماغير احب رأسك

أسامه رفع يده معترض :هدي هدي تكفين
جاي بس لشغله بسيطه وراجع ....
ريوف مديت يدي من غير ماعلق بكلمه وحدة ....
و يدوب امد الملعقه... وقف على رأسي ....
: تعالي أبيك بسرعة ماعندي وقت برجع

صيته بعتب :خليها تأكل حرام عليك وبعد أنت اجلس تغد
اسامه : ماعندي وقت ترجع تأكل ابيها بكلمتين بس ..
ولا اقولك وهو يمد يده ويأخذ الملعقه من يدها وينزالها وهذا كله وهي تطالعة مصدومه وبسرعة سحب العلبة وفكها وطلع الطقم ..ونزل نفسه شوي وهو يلبسها...و بهمس :مبروك عليك
صيته بصوتها كله:كلوش كلوش والله اني قلتها ...مالك غنى عنها
ريوف بصدمه وهي تطالع صيته تبيها تسكت وبهمس: شكلك
مضيع انا ريوف ماهو أريج
أسامه إبتسم على جنب:حلفت ماغير البسك قبلها وسلم فوق
رأسها شاف الإعتراض بوجهاا بسرعة وقف وقال يالله استودعتكم الله

صيته حست بقهر ..توقعت انه هون قالت بقهر من نفسها: ليت منكتمه أحسن بدل الهيصه الي سويتها على الفاضي ..عضت شفتها بقهر أكثر آه والله الغبي يحبتس موت بعد بس ماغير امه مسيرته ...لهالطريق

الجده قالت بهدوء : لبس العافية

صيته انصدمت من رد أمها توها تذم فيها قالت بضحكه : والله هذي الي صدق تبي لها كلوش كلوش ...

الجده مدت العصا :والله لو ماتسكتي بذي
ريوف
كنت مصدومه ...وماتوقعت هالحركه أبد ...منه رفعت يدي ونزلته ...وبعد صدمني أكثر رد الجده لا لا الدنيا بها شيء اليوم ...
فزيت بخوف من الصرخه
: ليه فسختيه والله ماغير ترجعي تلبسيه وكاد قلبي يبرد شوي يوم اشوفه عليتس يالله رجعيه بسرعة ..
ريوف وقفت وقلت وانا ابي اسكتها:خليه بكرة اكشخ به للزواج مره وحدة
صيته :في ذي معتس حق خلاص ....

كملت طريقي ...للغرفة ...وانا افكر بحركته جاي وطاق مشوار ..لما هنا ومتعب حاله عشان يلبسني قبلها مدري ليه كلمته أثرت فيني ...طالعت العقد كان شكله حلووو مره ..وشكله بعد غالي ....ليت جاا بمناسبه غير كذآ ماهو عشان بيلبسها جاا يلبسني مسوي بيعدل ..افف من تفكيري وش يهمني لو جاا بمناسبه أفضل ..
@
@
@
@
@
@.
في بيت أبو فهد
جالسة على أعصابها ..خايفة اليوم تنفضح ...ماهو مطمنه أبد
وبعد ماتبي تهون وتخسر انتقامها من رائد والله ...لو تملك على اسامه بتعرف كيف تجنننه وتخليه يعيش على قلق مع أسيل ....

ريم : ي شيخه فكيها شوي ..

أريج : بس اوقع ارتاح وبعدها لوولد ابوه يقدر يفتح فمه

ريم غمزت لها: لو تمت الملكه بسلام لك هديه مني
أريج :بعطيك انا الهدية. ..فزت يوم امها دخلت
: يمه أريج تعالي أخوك ينتظرك برا عشان توقعي ماقدر يطلع
هنا البيت كله معازيم ...

أريج نزلت بسرعة ...وانا طايرة ابي واقع بسرعة ....
أول ماشفت فهد بسرعة مديت يدي ...وسحبت الدفتر والقلم
فهد بضحكه: افف افف لهالدرجه تبي تعرسي .

أريج طنشته مارديت عليه وقعت مكان مأشر لي حسيت براحه يوم شفت توقعيي جنب توقيعه ....آه أخيراً
رجعت بسرعة لغرفتها ...وهي فرحانه :خلاص ي ريم
وقعت وآلحين زوجة الضابط اسامه ....
ريم صرخت بفرحة : مبروك ي قلبي يالله بنزفك
اسمعي الصوت جاي من تحت حماس يالله برقص بسرعة
.

؛؛
؛؛

أسامه
أول مادخل فهد بالدفتر ...عرفت انها وقعت ... على طول الكل بارك له ....
تخيل ريوف تدق عليه... كان يتمنى تقول له شيء اوتعترض ..ماهو حكاية انه رآح يهون لا بس كان وده يحس انها غيرانه عليه تحسسه ان له أهمية بحياتها يكفي اليوم خربت المفاجأة الي مسويها لها ...عاندت وجلست بس الحمدلله قدر يلحق ويرجع الرياض ويأخذ الهدية الي مأخذها من أسبوع ..ويرجع يسوي الي في خاطره دق جواله طلعه من إلا هوو فيه ..تخيل لو ريوف الي
داقه ... بس شاف رقم امه فتح الخط جاه صوتها الفرحان :
مبروك ي قلبي
ابتسم : الله يبارك فيك

ام اسامه بصوتها كله : كلوش كلوش كلوش ...
أسامه تذكر عمته يوم لبس ريوف ...إبتسم على جنب مايدري ليه مافرح يوم سمعها من امه ...غير يوم سمعها وهو يلبس ريوف....كان يحس بفرحه وسعادة ....قفل من عند امه بعد ماقالت له تبيه يدخل يلبس أريج الشبكه ..شاف رائد داخل عليه وجهه مايبشر بخير قال بتحذير له يوم قرب منه :أقسم بالله لو في نيتك شيء يخرب هالليله والله ماغير

رائد قاطعه بهمس وهو يناظر الحضور: لا تكفى لا تكمل وتقول ايش بتسوي تطمن تطمن خلاص طاحت على راسك وتذكر هالكلمه زين أسامه ....وانا سويت الي علي

أسامه بحده : فارق وخلي عنك هالكلام محدن عارفك مثلي ...

@
@

@
@

في مكان ثاني
اليوم زواج عصام وشوق ....إلا الكل طفش من كثر مايتأجل
@
@
في القاعة

؛؛
؛؛
ريتآج تدعي ان هالليله تعدي على خير ...طالعت امها الي مو راضيه ...أبد على تقديم الضيافه قالت بهمس:تكفين يمه فكيها شوي ...

ام عصام بقهر : ودي اعرف ماهو متفقين معاهم ليه كذا خربوا كل شيء مخططين عليه
اسيل بقهر:آه بس على تعبي معاهم أسبوع كامل وانا افهم فيهن
ريتاج
ابتعدت عنهن جالسين يتذمرون على شيء بسيط والله ماغير حاجه بسيطه بس قالووا خربت الضيافه كلها آه ليت همي مثل همهن ... انا خايفه من وليد وعمي وهذولا يفكرون بالضيافه ...
.أول ماشفت خالتي دخلت بسرعة تقدمت منها وسلمت عليها بحرارة : فقدتك يمه

ام وليد بحب:والله وانا ازود بس قلبك شوي قاسي يمه علينا

ريتاج بسرعة صرفت مابيها تبدأ في شي منتهي ...: شوق وصلت
ام وليد : ايه توها دخلت غرفة العروس ...

ريتاج : طيب بروح اشوفها
وبسرعة اتجهت لغرفة العروس دخلت وهي مبتسمه قربت منها
:ي قلبي والله انتظر هاليوم من زمان

شوق بهمس:ماهو كثري

ريتآج :استحي ي بنت

شوق بضحكه :الجطله اللي جطلني فيها أخوك بعدت الحيا كله عشر سنوات خطبه نص سنه ملكه .....

ريتاج ضحكت بصوت عالي:ي قلبي ....

شوق حست بقهر لو تقدمت شوي ريتآج كان شافت وليد هوو الي دخلها وتوه طلع ليتها جلسته شوي ...لكن معوض خير ي الكابتن آلحين .... ادق عليه بس كيف اثبتها عندي قلت بكذب :ريتاج فيه بخور بين الأغراض ياليت تدوري عليه

ريتآج بأبتسامه :أبشري ...

أول ماشافت ريتآج انشغلت بالاغراض تدور..أخذت جوالها وبسرعة رسلت .. ((لا تفوت عليك هالفرصة وليد ريتآج موجودة عندي ولحالها تعال آلحين قبل يدخلون صديقاتي ..و الباب الخارجي لغرفة العروس الي تو طلعت منه باقي مفتوح))
...انتظرت رده بعد مافتح المحادثه ..بس مارد زفرت بقهر ..وقت كرامتك ..غبي ضيعت عليك فرصة العمر ...
طالعت ريتآج وهي ماتبيها تشك فيها او تحس عندها أمل. ..انه بيرد عليها ...قالت بأبتسامه :لمتى ي حلوة ناويه على هجرأخوي

ريتآج بضيق: لوحابه تفتحي هالسالفة اطلع أحسن

شوق صدق غبيه لازم يعني اسأل : لا ي قلبي مصدقت وانا أجلس معك شهر ي الظالمه ماشفتك حتى الحناء رفضتي تجي

ريتآج : امي كان حاجزة وحدة بالبيت

شوق : خساره كان ودي تحني معي ...

ريتآج طنشتها ... ورجعت تدورالبخوربين الاغراض قالت بقهر: متأكده انك جبتيه

شوق بكذب: ايه موجود هنا دوري زين وبعد فيه رسالة لك

ريتآج بضيق : ماقبل رسايل

شوق رفعت حاجب وقالت :يقال مسويه ثقيله على أخوي أقول ترا الرسالة ماهو من وليد من حسام ...

ريتآج فتحت عينها بصدمه: حسام وش عنده الخبل
شوق بضحكه : والله مدري وش عنده قالي أعطي ..ريتاج هذي الورقة قلت له الدنيا تغيرت ي قلبي والحمدلله تطورنا وصارت معاد تكتب رسايل بالورق كل شيء ينكتب بالجوال وترسل بنفس اللحظه بعد .. قال لا خاطري ارسل لحد رساله مكتوبه على ورقة وماعندي غير ريتآج أرسلها ... وشوفي المصيبه وين ..يقول ليت اقدر اسرق حمامه من عند جيرانا عشان اربطها برجلها وتطير فيها وتوصلها لها
وقتها اخذتها منه قبل يتهور زود و الله وكيلك محلفني مافتحها
......

ريتآج مديت يدي بفضول ودي أعرف وش رسالته أكيد...مصيبه عنده وبيوصلها لي ..مثل عوايده اي كلمه تنقال ينقلها على طول ...والحين غبت عنه ولازم يوصل ومالقي غير هالحل الفاصل اخخ حمامه مره وحدة ويربطها برجلها بعد عايش بعصر غير عصرنا هالخبل ...فتحتها وانا ماسكه ضحكتي ...بس انصدمت من الي مكتوب (( والله ثم والله لو ماترجعين لوليد بتخسري كثير وبسوي عليك حملة مقاطعه وهذا آخر تحذير لك ووتذكري ان الكابتن مايستاهل الي تسويه فيه يكفي انه ااكرم منك واعطاني آيفون 7 صح قبلها تكفخت منه بس اهم شيء نفذ وعده واعطاني جوال ماهو مثلك ...يقال مسويه زعلانه كله عشان ماتأخذي الي وعدتيني به لكن بنتظر لمدة اسبوع ولا بجي لبتيكم وبشكيك على عمي ي بخيله )) قفلت الورقة وقلت بقهر: صدق تافهه هالولد يقال يهدد ..بعد وجاي يشكي ..لابوي
شوق بضحكه: وش كاتب بالله

ريتآج ميلت فمها بسخريه : قلت لك شيء تافهه

شوق : تصدقين من امس محترم حيل مع وليد وبس جالس معه ويقال بيصير مثله بعد لاكبر..وبيسافر معه بعد كله ليه أعطاه هالجوال لو تدرين بسالفته سالفة ....
...

ريتاج صغرت عيونها:هاا عشان كذا يقال يهدد مع وجهه اخخ وينه والله ودي اجلده ...على هالرسالة ...

شوق أول ماشافت أخوها دخل أشر لها تسكت قالت بخبث : قبلها اجلدي الكابتن هوو الي يستاهل مدلعه هاليومين

ريتآج بقهر وهي تحوس بين الأغراض تبي هالبخور الي تقول عنه : لا الكابتن حسابه ثاني

: الكابتن مستعد للحساب