رواية أعشق أنانيتك عندما تتمناني لك وحدك الفصل السابع وخمسون 57 - بقلم nona_A

لا تكلمني توادعني.. الوداع ارجوك ما اطيقه
سو فيني خير واخدعني.. و خل قلبي في معاليقه
ما توقعتك بتقطعني.. حكم ربي في مخاليقه
انت عطني عذر يقنعني.. واوعدك مني بتصديقه
لا تكلمني توادعني.. الوداع ارجوك ما اطيقه
""منقول""

@
@
@

عدلت وقفتي ...وانا مصدومه الي قدامي خيال ...ولا شهوو اشلون دخل وماحسيت فيه ...طالعت شوق بعتب ....ليه مانبهتني انه بيدخل....طالعته حسيته ينتظر جواب مني قلت ببرود ظاهري : حسابك ينقضي لو نفذت الوعد الي بينا في هالليله

وليد إبتسم على جنب وقال : بوفي بوعدي بس قبلها على الأقل سلمي وهو يمد يده

ريتآج تجاهلت يده الممدوده ....وبحده : بينا الوعد وليد

وليد شد على يده وهو مكسورخاطره :افاا ي بنت العم تردي يدي الي ممدوه لك
ريتآج رفعت رأسها بشموخ: وليد لايكثر نفذ وبس

وليد ابتسم بسخريه ورددد كلمتها : بعد لا يكثر ما هقيتها منك

ريتآج وهي تحاول تمسك أعصابها : لا تجلس تردد كلامي وليد قولها وريحني تكفى والله روحي طاقة خلاص معاد فيني

شوق
عرفت وش تقصد .ريتاج وشافت أخوها بعد وجهه مايبشر بخير.....بسرعة تقربت من وليد وهي تدفه : خلاص روح ليتنني ماقلت لك تعال ...

ريتآج بقهر : بعد انتي الي قايله له تعال ...ليه عندك أمل ارجع
له ...ليه كذا الكل ماهو راضي ان.. انا وهالآدمي مانصلح لبعض

وليد : مين قال مانصلح لبعض قرب منها ريتاج لا تقطعي رجاء من كان بالحب يرجيك. ..

ريتآج بسخرية رفعت يدها تسكته :تكفى آخر شيء تتكلم عن الحب أنت مدت يدها وضربت على صدره بقهر تصدق أكتشفت شيء أنت لاتحب لطيفه ولا تحبني تحب نفسك

وليد مسك يدها وقال بحده : خلاص لطيفه راحت بخيرها وشرها وش طراها آلحين
ريتآج : تكفى روح مابي أخذ واعطي معك نفذ الوعد وبس

شوق بقهر : ريتآج أعطيه فرصه يفهمك آيش فيك كذا معصبه وبعد طول عمرك عاقلة وتعرفي مصلحتك وين

ريتآج أشرت على وليد الي قاهرها مسوي فيها العاقل : اي مصلحه ارجيها منه ... أخوك قتل كل شيء حلو بريتاج وآلحين طالع فيها مسوي محترم وتقولي مصلحتي معه ...لا جابها الله وبقهر صرخت لاتسوي فيها انك المظلوم ...

شوق طالعت وليد الي يناظرها ساكت بسرعة تقربت منه وهي تحاول تبيه يطلع ندمت انها رسلت له : تكفى وليد تطلع ريتآج أبد مو صاحيه اليوم وخايفه الصوت يطلع لبرا ..
تكفى ...وتنهدت براحة يوم طلع من غير مايعترض ... قالت بحزن : حرام عليك ريتآج عارفة ان وليد غلطان بس ماهو كذآ ..تتكلمي معه ..احسك حاقده عليه بقوه وانا ماعرفك بالأسلوب دايماً ...كلامك محترم .

ريتآج
عضت شفتها و...قالت بمكابرة وهي تداري الدمعه : شكل بخورك ناسيته بالبيت

شوق
مصدومه من تغيرها لسالفة ....آخر شيء. .. توقعته انه واصلة بينهم لكذا ....كان ودها تزين الجو بينهم الإثنين بس ماقدرت .. والي ذابحها زود.. ريتآج تكلمها ....عادي الي يشوف .. وضعها
يقول مابه شيء صار ...قالت بقهر:آكيد مابه عقل برأسك ولا عديمة إحساس اكلمك بشيء تردي بشيء ثاني ...

ريتآج بحده: صح كان مابه عقل براسي يوم خليت أخوك يتمادى معي بس آلحين لاوالله سويت عين الصواب ولو العيله كلها رضت بمذلتي انا ماراح ارضى بحالي يكفي خلاص

شوق بقهر : ي مجنونه والله يعشقك بس مايقدر يقول غبي ومايعرف يتصرف ...

ريتآج ميلت فمها بسخرية :أخوك يعشق حاله ..أناني والله يعينه على حاله آلحين...
حست بضيق ..مافيها تجلس زود ...لأنها شوي وتغلط بشوق من كثر ماتدافع عن أخوها وبتطلعها غلطانه غصب

بسرعة طلعت ..وهي تشوف المعازيم كثروا عن أول ...راحت وجلست على طاولة بنهاية القاعة ..ماتبي تجلس مع أحد. ..ودها ترجع البيت وتقفل على نفسها ...وتطلع الي بقلبها كله ...مسحت دمعه نزلت غصب... عنها وليد اليوم غصب..طيب يوفي بوعده معاها وخلاص ينتهى ... من حياتها كله ...
شافت اختها اسيل تمشي وتلفت وقفت على طول وتقدمت منها وقالت بضيق: ايش فيك ...

أسيل براحه : افف أخيراً حصلتك أمي تقول أخوي بيدخل ونزف العروس ...بس القهر وين اخوها بيدخل معاها ...
وخربت حركة الزفة .....

ريتاج عقدت حواجبي مستغربه : أشلون خربت

أسيل : تقول عندها حركة ..يعني بتخلي أخوها هو الي يزفها واخوي يوقف ويأخذها منه مدري كيف بالضبط بس تقول فهمت عصام ...وافق .. افف معي قهر أكيد اللي بالي كان احسن

ريتاج بحده:أسيل حتى في ذي بتحكمي افف البنت وزفتها تسوي الي تبي أخوها يزفها ابوها مالك دخل ومدام عصام راضي خلاص مالنا دخل ...
اسيل تتأفت بقهر :افف منك محد يتكلم معك اليوم

ريتآج
جلست مكاني بعد ما راحت ...صراحة زودتها أسيل حتى بذي
بتحكم الله يستر منها لا تروح وتملي رأس أمي أعرفها أسيل كل شيء عندها كخه والي تبيه هوو الي حلوو ....

وعاد أمي تبي... ريحه عليهم ..مدام وليد بيزفها.. ماراح اتحرك من مكاني بجلس ...هنا لما تجلس بالكوشة ..وينزل بطلع اسلم عليها....
أول ماطفت الأنوار .. طالعت امي الي معصبة وجايه يمي ...وقفت بسرعة ....

: جالسة هنا وانا ادورك تعالي اوقفي مع أخوك اسيل ماقدرت توقف ..لأن رجلك بيدخل مع أخته الله يهدي شوق خربت
علينا بدخوله .....

اروح اوقف مع عصام ..قويت حالي وقلت بغصه : ابشري يمه ورحت يم عصام الي شكله متوتر ..ي شينها دخلة الرجآل للقاعة احسها مالها داعي أبد ...
سلمت عليه وقلت بهمس: ي قلبي اليوم حلمك تحقق مين قدك

عصام بهمس : الله يستر

ريتآج : وش فيه احسك خايف

عصام بهمس : ي قلبي مافيه شيء ..علامك

ريتاج ....الحمدلله ان شاءالله الليلة كلها .. تمر بسلام .أول ماشفت
وليد ماسك يد .. شوق وهم طالعين من الغرفة قلبي دق ...ي زين طلته ..ناظرت عصام الي همس :اخخ ماتحسينه طالع اكشخ مني

ابتسمت غصب عني : اخخخ ضروري شوق تحرجك كان انزفت بلاش وليد

عصام شد على يدها ووهو صاك على سنونه : وش قصدك ان رجلك احسن مني ي شيخة جاملي حرام عليك تكسري بخاطري وانا عريس ...

ريتاج ابتسمت : ي قلبي مافي احسن منك اهجد بس ...وخلك
عاقل العين عليك ..

وليد طالعت الي واقفه جنب عصام ...حسيت بوجع ...أشلون يطاوعني قلبي ...وأنفذ الي تطلبه مني ...بس والله مابي ارمي حالي زود عليها ...عارف ماتبيني ومن حقها الي سويته فيها ماهو قليل ...بس ي شينها حياة بدونها والله مابيها .....

ريتآج طالعته ...غصب عني يوم قرب منا .أول ماعصام مسك يد شوق . ماتوقعت يمد يده ويقربني منه همس :وش رأيك نعيد الزفه ونرمي كل شيء ورانا والسفرة تكون شهر عسل ...

ريتآج همست له :على موتي ....

وليد ابتسم بألم : بسم الله عليك ومدام السالفة وصلت لكذآ تعالي عندي لك كلمه قبل اسافر شافها متردده ماتبي قال يطمنها
خلاص الوعد اليلة ينتفذ ومايصير خاطرك إلا طيب شافها رافضه تمشي معه .. وش فيك خايفة ...تعالي
طالعت ناحية امها حستها معصبه ماتبيها تروح معه ..وشكلها
بعد بتعرف ...وش موقفها.. معه ...وهي زعلانه منه ..بس غصب عنها ..مشت معه أول مادخلوو غرفة العروس ..فكت يده وقالت بحده: قول بسرعة بفرح معاهم ...
.
قال بأسف : لا حقه عليهم اسمعي الي عندي والله العظيم
ي ر يتاج عارف اني غلطان وحدي متندم ولا لي وجهه ابرر الي سويته ...وعارف كلمة آسف ماتكفي بعد بس اعطينيي شي يرضيك غير الطلاق تكفين ابيك معي مابي أصغي سموع
واتحرى علومك ......

ريتآج ابتعدت عنه خايفه يأثر عليها تدري فيه خبيث يعرف كيف يطيح الوحده ..معاه قالت بنرفزه من مشاعرها :وليد لا تعب حالك وتعبني معك نفذ الي طلبته منك واخلص علي ... وجهك ابيض ومسموح على كل خطأ طلع منك

وليد بوجع : ارحمي شجيٍ طامعٍ فيك يرجيك فكري لآخر مرة ريتآج تكفين خلينا نبدأ من جديد واوعدك تشوفي وليد ثاني

ريتآج : وليد خلاص لاتطولها تكفى ...مافيني عاد

وليد عض شفته بقهر ...رافضه تسمع منه ناظر جهة الباب مايبي حد يدخل عليهم قبل يقنعها : للمرة المليون أقولك ..حق علي وفعلاً ماهو رجآل مدام ماصنت بنت عمي وانا والله
العظيم موجوع حدي من فرقاك .بس مدام راحتك بفرقاي .بقولك شيء بقلبي والله ي ريتآج ماحبيت حد مثلك وابيك بس مالي وجهه وآلحين طيارتي الله أعلم متى ارجع من هالسفرية حلليني ي بنت عمي ..وكان ودي محدن يخاويني غيرك بس مالي نصيب وابشري بنفذ الوعد بس تكفين ماهو آلحين
ريتآج بسرعة مسكت يده وهي تترجاه : .تكفى ماتطلع من هنا غير تقولها

وليد شد على يدها وقال : ابشري
وقرب منها وهمس (طالق )) وسحب يده وقال اوفيت ي بنت العم
ريتآج بلعت الغصه وقالت بمكابرة : وفيت وكفيت .. روح درب السلامة .ترافقك .....وطلعت بسرعة وهي مصدومه من قوة الكلمه تمنتها والحين تحسها شطرتها نصفين ..يعني آلحين هي حره ...بدون وليد ي ناس ...تحبها وتعشقه ...وهذا الي قاهرها ومعذبها ودها شافت منه شيء حلوو على هالحب بس كذا دخل قلبها ...ماتدري أشلون.....قوت نفسها وطلعت الكوشه قربت من شوق وعصام وقالت بغصه :انتظرت هاليوم والحمدلله جاا

عصام بتريقه : كلنا انتظرناه ...بس شوق الله يهديها لعبت فينا

شوق بهمس : ليتك تسكت بس أساس البلى أنت

عصام بضحكه : وش تقولي

شوق بهمس :سلامتك تكفى لا تبدأ حتى ننزل ..

ريتآج ابتسمت بألم ورجعت لوراء شوي قابلت امها بالرقص تبي تطلع اللي بقلبها ...وكاد تنسى شوي ....خلاص هي الحين حره ..بدون وليد ...بدون تعب اعصاب بدون مكايده معه ...
بدون ماتفكر توجعه مثل يوجعها ...طاحت دمعه غصب عنها مسحتها بسرعة خايفة حد شافها .....تبي الليلة تنتهي بسلام مثل مابدت ....@
أريج
كنت جالسة انتظر متى عريس الغفلة يشبكني ...وارتاح من هالزحمه كلها افف احس بضيق مابيه ...والله ...عارف مين أسامه أبد ماهو على مودي ...
أول ما سمعت صوت خالتي عرفت انه جاي ...طالعت ريم وقلت بهمس : تخيلي الي يدخل رائد افف مفاجأة بتكون وي زينها من مفاجأة

ريم وهي داقة اللثمه يقال جنب صديقتها وماتبي تخليها لحالها ابتسمت بخبث : باقي بقلبك ي بنت

أريج : آه خليني ساكته بس

ريم قالت بهمس : شوفي العريس جاي ي هو رزه وانتي تفكري بلاهبل تبعك .....

أريج طالعته وهو جاي مع أمه ...تمنيت رائد الي دخل مابي اسامه ابي رائد مابي غيره ..وقفت أول ما قرب مني ...حسيت بتوتر خفيف من هيبته .... على.. وسامته أبد مالفت نظري ..

ام أسامه بفرحة: قرب يمه قرب فديتك وشوف عروستك ..

اسامه
طالعها ...تناظره بدون خجل ...غير غير عن ريوف بكل شيء ....قرب منها ومد يده يسلم ..قال بأبتسامه :مبروك ...
أريج بدون نفس : الله يبارك فيك وطالعت ريم الي بتطلع وين حلفت تجلسي ...ريم قربت منها وقالت بهمس:أقسم بالله رجلك يخوف ..مدري وش فيني ماهو قادره أجلس

أريج بهمس :انثبري مكانك
ريم بهمس : مجنونه لو جلست وبسرعة طلعت ....

اسامه عقد حواجبه مستغرب نبرة صوتها أبد مافيه خجل ..وبعد هالي جنبها وش وضعها ارتاح يوم طلعت طالع امه الي تناوله الشبكه وهي تقول: يمه لبس عروستك ......

أسامه قرب منها ..ونزل نفسه شوي ..ولبسها ...بس حس بضيق غريب عليه ...يوم لبس ريوف ...كان مستمتع وفرحان ...ويحس حاله بقمة سعادته طالع امه ..الي تيبب ...غير حتى في ذي يوم سمعها من عمته كان لها طعم ثاني ..
.
ام أسامه :يالله يمه امسك يد عروستك وزفها للصالة وخلنا نفرح فيكم ...

أسامه بجمود: خابرة موقفي من هالشيء يمه وتذكري بعد اني مانزفيت مع ريوف

أريج بقهر : تقارني بريوف
أسامه انصدم من ردها قال بحده :وش فيك زود عنها تراك مثلك مثلها لا يكبر رأسك ....اهجدي ..

ام اسامه تفشلت من ولدها ماهو كذا من أول لحظه يصير بينهم هالتصادم ...حاولت ترقع له بس ماقدرت غير تقول: يمه وهي
صادقة هذي غير بنت خالتك وش جابها للغريبة ..

اسامه حس بعتب على امه حاول يصير اعقل ويكبر رأسه قال بضيق: اعذريني زفة ماراح انزف معك ي أريج انا كذا طبعي ماحب ادخل على الحريم .. واوعدك اعوضك ويالله يمه شوفي لي الدرب...

ام أسامه مشت معه وهي متفشله ليتها وصته من البيت ...
بس آلحين مايفيد شيء غير انها تحاول ترقع الي سواه الله يهديه بس .....

عند اريج
معصبة وحالتها حالة أول ماشافت صديقتها ...دخلت قالت بنرفزة : ساعة انتي لما ترجعي اففف شيء يقهر ...

ريم : وين حرام عليك ساعة والله ي دوب عرفت انه طلع رجعت لك طيارة هاا بشري ...وش صار

اريج بعصبيه: زفت
ريم فتحت عينها بصدمه :آيش فيه ي بنت ...

أريج بقهر : شايف حاله حيل ..أبد ماهو فلاوي مثل رودي
هذا جدي ومعقد شكله والي يقهر زود مايرضى على الشيفه هذيك معاه ..

ريم : هذيك شيفه حرام عليك والله الزين عندها حددد

أريج بقهر: لا بالله صادقة يالله كمليها إنتي بعد

ريم :آسفه ي قلبي مابي اكدر خاطرك بس ليتك سكتي اليوم ماجبتي سيرة الحلوة اقصد الشيفه على قولك كان أفضل ماهو من أول يوم كذا بتخسري كثير ...والله شكله ماعنده وقت والله ماغير يرمي عليك يمين الطلاق الحين ولا هو مفكر وانتي طلعتي منها بلوشي وراح انتقامك كله ...وي شماتت رودي فيك وقتها

أريج بقهر : قهرني ال***** مايبي ينزف معي مصدق نفسه المعقد

ريم : وع كذا اوفر وش ذا يالله ماعليك فيه نزفك حنا وابشري لك سهره يحبها قلبك .....وهدي ي قلبي هدي عشان ننال اللي نبيه ولووو
أريج بخبث :نناله وانا بنت أبوي ...
@
@
@
@
@
@

@
@
في الديرة
؛؛
؛؛
توهم يدخلون البيت ي هو وناسه زواج الديرة قلت بصدق : تصدقي ي عمه ماودي ينتهي الزواج هنا فله

صيته بتعب : آه فيني النوم وهم طولوا بسهرتهن

ريوف بصدمه : آلحين طولوا والله حنا الزفه تبدأ الحين

صيته : كل حد وعادته يمه

ريوف: ي زينها عاداتكم ...

صيته : كل شيء هنا زين وحاست بوزها ماغير ام رجلك رفضت تعيش هنا وماغير هجت بأخوي للرياض وهو عينه من
هنا بس برد قلبي فيها ماغير هاج للبر ولحلاله ومخليها ...
تأكل في نفسها ...
ريوف : يعني كان أول هم هنا

صيته : ايه وكنا حنا الظلمات بنظرها وهي المظلومه. .
والدب رجلك رفض يروح معاهم وكمل دراسه هنا مع شهاب ...بس يوم توظف نقل لهم وبذات يوم تزوج شهاب استحى يجلس وصار قليل جيته هنا.عزالله شهاب طلع حظه شين وماطول مع مرته ماغير هواش ومشاكل ....وطول لسان منها فك عمره وطلقها ..ابتسمت بخبث بدق على المخبول حقك بقهره شوي ..

ريوف يالله سالفة في سالفة دخلتني وانا ماغير أحاول افهم بس آخر شيء قالته خلاني اتكلم : ليه تدقي عليه

صيته بنذاله: بكذب عليه شوي وابيه يتنكد بهالليله خص نص

ريوف قلت بسرعة:تكفين خليك منه

صيته مطنشه وبسرعة دقت رقمه عضت شفتها بقهر :اخخ الخايس مايرد ..طيب ي ولد منصور ..مسفهني

ريوف فرحت من قلب ...يوم طنش مارد قلت : حشاك مايقدر يسفهك بس أكيد مشغول الله وكيلك ...

صيته بسخرية: وش مشغول به الله لا يشغلنا إلا بطاعتة ماغير الحين متخقق على العنز الي مأخذه ..وكتمت فمها بيدها :الله
يقطع هاللسان ماعرف احكي يمه لايكون بخاطرتس شيء والله انه مايشوف غيريتس

ريوف ابتسمت لها وقربت منها وبستها على خدها وقلت بصدق: تكفين لا تحاولي ترقعي عارفة وش بقلبك لي والله العظيم عوضتيني عن امي ...ربي يخليك ...

صيته ضمتها لصدرها بحنان :ي حبي لتس والله انتس غالية علي وغلاتس ماوصل لها حد
وسكتت يوم الجوال رن أكيد المخبول رجع يدق وفعلاً طلع هوو ردت بقهر : وينك هاا ماترد هاا ولا غاط ي المفهي

ضحك بصوت عالي :وش فيك ي عمه بس حاطه علي
والله كنت مشغول ...وبعد رجاجيل واجد

صيته مسكت يد ريوف وابتسمت بخبث وهي ناويه تكذب عليه تبيه ينقهر : أقول ي المفهي ام سلطان ودها كان بمرتك لدكتور ولدها بس تحسرت يوم طلعت متزوجه وقلت لها خسارة راح عنها الدكتور وراحت للي حضرته ملك عليها الليلة ولاهو يستاهلها .....آه حرقة قلبي على هالدكتور

أسامه إبتسم عارف حركات عمته قال بببرود اعصاب : قولي لها اخخ ماله نصيب هالدكتور وسلامة قلبتس من الحرقة ...وبسرعة قلب عليها الطاولة الحين داقه عشان تقولي لي هالخبر افتكرت تباركي لي افف ي عمه اريج بها من الزين الواجد ..
صيته بعصبيه طالعت ريوف الي تسمع كلامه وهي مبتسمه بسخرية : بعد زين واجد الله يلقعك ال***** وقفلت بوجهه .مسكت كتف ريوف وقالت بقهر .. والله ماغير يمه يتحسف يوم جاب على راستس هالعنز...روحي يمه نامي وبكره وخير
ريوف ابتسمت لها وقلت : حرام يمه تقولي لها عنز مهما كان

صيته بعصبيه : بعدتس تدافعي عنها أقول فارقي عن وجهي احسن ماقوم وابرد حرتي فيتس آلحين

ريوف مشيت للغرفة وانا اضحك ...مسكينه ي عمه توقعت رد غير هالرد ...يقال بتقهر أسامه ...وش منتظرة يقول أكيد بيرد رد مثل وجهه ودي أقولها ...لا تعبي حالك ....انا مصيبه انرميت عليه ...وماعرف كيف يتخلص منها ....بس ان شاء الله الخلاص قريب وأعيش وانا رافعه رأسي ماهو مذلوله له
.... رفعت جوالي شفت الساعة 12 ..غيرت ملابسي ..وتمدتت وطالعت جوالي ودي ادق عليه ابارك له ...
بزواجه من الشريفه ....مستحيل النوعية تهجد بهالطريقة أكيد بتسعى لرائد بقدر المستطاع ....امنيتها تشوف ...الكلام الي يقوله كان لها... ينطبق فعل ....وينحرق قلبه على الي فضلها عليها .....حست بنفسها خبيثه ..وهي تتمنى هالشيء. ..هزت رأسها لا بس من حر مافيني أسامه خلاني اشك بعمري من قوة كلامة قذفني بما في الكفاية شكك بتربية.. أبوي لي ....فزيت بخوف يوم رن الجوال بيدي ابتسمت بسخرية داق يسأل
ماشاءالله ....حسيت بتردد ارد او لا ..بس بفضول رديت : الوو
: ليه قبل ساعة دقيت عليك مارديتي

ريوف ببرود :توني راجعه من العرس والجوال هنا

أسامه عقد حواجبه بضيق : ليه ماقلتي انك رايحه

ريوف : على ماظن سمعت عمتك ايش قالت اليوم الصبح وليه تبيني أجلس هنا عشان هالعرس ....

أسامه : بس المفروض تأخذي الأذن

ريوف ابتسمت بسخرية : خفت اسبب لك إزعاج مع العروسة

اسامه ابتسم على جنب: لا لا تدوري عذر يوم دقت علي عمتي قبل شوي انصدمت انك رحتي ..

ريوف قلت بضيق ي كثر مايحققق هالرجآل : تبي شيء ولا اقفل

أسامه ميل فمه على جنبه وقال :اففف كاش بالوجهه كذآ

ريوف : فيني نوم وأنت راعي طويلة شكلك

أسامه :اممم مافيني نوم سولفي شوي معي وبعدها أقفل
ريوف بسخرية: افف طيرت النوم أريج من عينك
ي قلبي كلها شهر وهي عندك
أسامه إبتسم بخبث: مين قالك شهر آه بس شهرين الله يسامحها بس وش يصير بالله فيها لو خلته هالشهر قال ايش تبي تفصل فستان لها من برا وجهازها كله طلبية يبي له وقت على بال مايوصل ...وتبي زواجها اسطوري .. اشوفه دلع بنات هنا
متوفر كل شيء ... وماهو ضروري كل شيء من برا يأخذ وقت على الفاضي ....الله وكيلك ..قال هالحكي وهو يكذب يبي يعرف ردها آيش ...

ريوف بقهر قاطعته: يعني آلحين داق تشكي همك مع عروستك
ي خي دق عليها وقول الي بخاطرك ومكدرك وكاد تشفق عليك ي العاشق ...
أسامه ضحك بصوت عالي :هههههههه اخخخ حرام عليك حتى انتي علي

ريوف حست بنرفزة : اسامه بقفل

أسامه تنهد بضيق وهو يدلك رأسه بيده : آه بيرجع لي صداعي اخخ وينك ماغيرك يعرف له ....

ريوف بسخرية : تبيني مصلحه الله المستعان
وبعدين ماهو قبل قايل ماغير امك تعرف لراسك يالله روح لها وخلها تدلكه لك وتطيب ان شاءالله ..ويالله تصبح على خير
أسامه :مافيني انام ريوف وانتي بعيده عني ...
تعودت على وجودك بالشقه

ريوف فتحت عيني بصدمه من كذب هالرجآل :وش ذا الكذب جاك بعد ملكتك ...

أسامه استوى بجلسته وقال بصدق :والله اني صادق مسافة الطريق وانا عندك ..
ريوف فتحت عيني بصدمه مابيه يجي الليلة مابي أشوفه ضايقه حدي منه قلت بصدق: تكفى لا تجي مابي اشوفك وقفلت بوجهه مابي اسمع رده ....

@
@
@
@
@
@
@

في شقة سآمي

صرخت بقهر : والنهاية يعني والله ماهي حولك أبد ولا هي مفكر فيك ميت حي ...
سامي بقهر : والحل طيب والله ان بالي مشغول عليهن هي والنتفه بس مابي أشد عليها وارجعها هنا غصب عارف تواليها

بدرية بحزن عليه: طيب بجرب آلحين وبدق عليها بس ان شاءالله صاحية بهالوقت شوي وتجي وحدة ..بس لآخر مره سامي هذاك اليوم حسيتها بتقفل بوجهي

سآمي صرخ :حييي والله ذا القلب عليك حنون دقي بسرعة وخلي اسبيكر

بدرية طالعته بغيض : أكيد اسبيكر مدام جالس على رأسي
دقت الرقم وطالعته ...وفيها غبنه عليه والله ماتستاهل هالغلا حب سآمي ..أول ماسمعت صوتها : الوو
: الو
: السلام عليكم
:عليكم السلام
طالعت بسامي وهو يأشر لها عشان تبين قلقانه أكثر هزت رأسها وقالت : هااا بشريني سامي دق عليك شيء امي بتموت عليه ماغير تدق وجواله مقفله

غلا بطفش : تراك اقلقتيني على الفاضي يعني آلحين الي يسمعك يقول غريبه عليه الهايته من يومه هايت يوم بالبيت وعشره يصيع ...
بدريه ..طالعت بسامي الي مصدوم من الرد شوي وتضحك على تقاطيع وجهه بس والله شفقت عليه و عصبها بعد ردها قالت بقهر: أقول انا داقه ومتكلمه معك بأدب ي ليت تردي بأدب
واخوي والله انه رجآل وسنافي بس وش يفهم عقلك المصدي

غلا بقهر:قلتيها مصدي يالله لما تحصلوه تقولون لي طيب
عشان بموت من القلق عليه ناس فاضة .تدقق آخر الليل..وقفلت

بدرية طالعت الجوال بقهر : بعد مقفل بوجهي وصرخت قولي وش تبي فيها ي خي فك عمرك منها والله قليلة أدب وبقوة بعد ي قلبي أبوها وهو أبوها عجز يربيها تجي عليك أنت ...

سآمي كور يده بقهر عصبه ردها ...فعلاً وش يبي فيها كل مرة تصدمه بشيء أقوى ...حاول ثم حاول بس بدون فايدة..

بدريه بحزن عليه : ي قلبي ريح بالك وتزوج الثانية مدام ربي فتحها عليك بالوظيفه ..

سآمي عض شفته بعجز: وبنتي طيب

بدرية بقهر:بنتك وش فيها وبعدين أنت تستاهل سآمي خليتها تروح معاها وغلا رجع كبر رأسها .وزود بعد.. وشوف كيف رجعت اشرس من قبل غير يوم كانت غرام تحت يدك ..والله ماغير تذللل لك بس هذي مايبان المعروف فيها ....كنت معترضة على وجود غرام معك بس آلحين ودي خليتها عندك

سآمي وقف بقهر : خلاص الله يهديك تبي ريحة وماتخلي فيها
بدرية بعصبيه: هذا بلى بوك ي عقاب ..بعدك تدافع عنها نعن
بوه حب يسوي بصاحبه كذآ والله ي خوي إذا تكلمت لمصلحتك
ماهو كره فيها ...

سآمي قرب منها وسلم فوق رأسها : آسف والله انها ماتستاهل فعلاً بس وش يفهم ذا قولي وهو يأشر لصدره

بدرية :خلي بس أبوي قضيتة تنحل ان شاءالله وبعدها والله بختار لك البنت الي تنسيك وتربع بهذا وهي تشير لقلبه ..ماعليك ازهلها وانا أختك ...

سآمي بضيق :أبوي آه ي بوي منتظرين آخر حكم و بنشوف ايش وضعه ان شاءالله انه خير على ان المحامي الي وكله له خويي يقول قضيتة كبيرة ...حيل

بدريه بضيق: خير ان شاءالله والله يطمن قلب أمي

سآمي ابتسم على جنب: فديتها خدوج طلع وافي لاعبن بحسبتها تحبه حيل ...والله آخر شيء توقعته تعطيني فلوسها الي مخبيتها عشان تسأعد أبوي

بدريه: حنا الحريم مسكينات إذا حبينا نضحي

سامي بقهر عض شفته: اخخخخ صادقة كل الحريم بهن خير معاد الي معي حالة خاصة
بدريه : لأنها ماتحبك وسكتت وهي تشوف كيف كلمتها أثرت فيه
عضت شفتها وقالت بندم :آسفة ي خوي

سامي ابتسم بألم :صادقة ليه تتأسفي لو فعلاً تحبني كان شفت غير كذآ واعطاها ظهره وهو ضايق

بدريه
فيها قهر من لسانها الي بس منفلت وماتعرف تثمن الكلمة قبل تقولها ... ليه ...كذا جرحته ..والله من غير قصد ..
آه ليت حد يوديني لها الغلا والله ماغير أخذ حق أخوي كله عشان تعرف كيف ..فرطت بالنعمه الي بيدها ...

دخل غرفته وهو مجروح حده منها حاول يختبرها يبيها تتقلق عليه ... بس طلعت.فعلاً ماتحبه ...ولا هي متقبلته بحياتها كلها ...رن جواله الثاني الي رقمه ماتعرفه غلا ...شاف رقم خويه الدحمي رد بضيق:هلا

عبدالرحمن بوناسه حده : وينك ي سامي حنا واقفين برا بسرعة أطلع بنهجول واليوم الي بيفحط فينا جابر وحنا بنعزز له

سامي بضيق : مالي في الهجوله خلاص تبت ليه مو راضي تفهم ..

عبد الرحمن بقهر : سامي حرام عليك والله محدن يزين الهجوله غيرك تكفى امش معنا اليوم بس وبعدها توب على راحتك
سآمي : بروح معكم بس من الحين أقولك بكون معزز بس ..

عبدالرحمن : معزز معزز ي بوي يالله بس خلصنا واطلع
سامي قفل من عنده وقف ...غير ملابسه على السريع وطلع
بس انصدم من صوت بدريه الي جاي من غرفة امه بسرعة راح يركض يشوف ايش فيها ...قال بفزع:ايش فيه

بدريه وهي تصيح : بسرعة سامي أمي ماترد علي ...
سآمي بسرعة قرب من امه وقال وهويبي يطمن حاله: شكلها دايخه هاتي العباية بسرعة ولبسها وبسرعة حملها وطلع يركض وبدريه وراه .....
@
@
@
@
طول الطريق وهو ساكت استغربت أول ماوصلوا البيت طلعوا للغرفة فكت العباية ...وهي مقهورة ...لا علق على شكلها ..ولا أعطاها رأيه. .. قالت بقهر :طول الطريق اتكلم معاك وانت مو معاية رائد ولا سألتني أشلون كان زواج أخوي ...وش فيك

رائد بضيق: مافيني شيء لا تكوني حساسه كذآ

أسيل قربت منه وجلست تحس فيه شيء مغيرة له فترة : امم كيف ملكة أخوك

رائد بضيق: تمت والله يعينه
أسيل بشك : ردك أكد لي شيء انك معترض على زواج أخوك
وبقوه بعد ..

رائد بتوترسحبها من يدها :ي شيخه فكينا منهم الحين ويالله قولي وش صار في زواج أخوك وأيهما أفضل زواجنا ولا زواجهم

أسيل صغرت عيونها بقهر: لا تذكرني بزواجي تكفى لأنه مافي مثله أبد ولا يتقارن بزواج ثاني

رائد ضحك بصوت عالي :مميز ي قلبي مميز

أسيل حاست بوزها : مره مميز العريس بالعمليات

رائد سند ظهره على ظهر السرير وقال : يالله أعطينا العلوم

أسيل تربعت بحماس مقابلته : صارت علوم بس فيه شيء ماحبيته الزفة لو كانت على حسب ماهي في بالي كانت واو بس دخلت أخوها الشين وخربت الزفه كلها

رائد :مين بالضبط الي دخل معاها وليد ولا ناصر

أسيل بقهر :وليد ي كرهي له شايف حاله بقوه ليت ربي يفك أختي منه مثل أختك والله انها اشترت راحتها
رائد :والله انك صادقه مهايطي وماعنده شيء غير شوفة النفس يقال مابه طيار غيرة ...
جالسة بالحوش لحالي ...غريبة عمه صيتة ماطلت علي ..
وبعد الجدة ماطلعت من الغرفة ...فزيت .. من صوت الصراخ الي جاي من برا وقفت ..مفزوعه...من صوت عمه صيته والرجال الي وراها ماسك فيها .. ..رميت الجلال على وجههيي بسرعة ...بس حسيت الدنيا تلف فيني. ...من كلمتها.....

: مات اسامه مات ليته جلس ماخاطر بحاله...
ليتني ماجلست مرته كله مني والله ...

: هدي ي عمه عشان ميمه والله لا تطب بمكانها خليك قويه عشان نقدر نوصل لها الخبر .موت اسامه ذبحنا كلنا

صيته وهي تصيح : ومرته أشلون نوصل لها أشلون ...

حسيتها سكتت يوم شافتني واقفه ... هزيت راسي بعدم.. تصديق للخبر قلت بمرارة: سمعت من غير ماتوصلون لي ..طالعت الرجآل شبيه اسامه وقلت توصل للجدة الخبر يعني مات صدق حسيت رجولي ماهي شايلتني ...جلست على طول ...وانا ارددد ماتت أشلون. ... حسيت بعمه صيته تقرب مني وتخمني لصدرها وتصيح : آه ي قلبي على شبابه ...

قلت بهمس وانا باقي أحاول أكذب الخبر : كيف مات وشلون

صيته وهي تصيح : الله لابارك في الي دشر حلاله وماعين له
قلت بدون فهم:أشلون ..

صيته :صدم بناقه يمه تصبري يمه تكفين انا يالله قادره اصبر حالي على هالمصيبه ...

قلت بعدم إستيعاب . صدم في ناقة ....آكيد ..يوم قال بيجي لهنا ..ليته جلس ...هزيت رأسي آخر كلمه قلتها له مابيك لا تجي آه ليتني سكتت وقفت وانا أحاول اقوي نفسي ..
بذات مع صياح عمه صيته وهي قايمه دخلت غرفة امها ...وشوي وطلعت الجده وهي تصيح بوجع حيل : يمه ولدي ..آلحين بشوفه ودوني له ....

طالعت جهة الغرفة وانا اسمع شبيهه اسامه يهدي فيها ... وبعد صيته واقفه . ...مشيت للغرفة ..وانا مصدومه ومو قادرة أصدق ...ي دوب أجلس على سريرة .....الا صيته داخله علي. .
: يالله يمه بنروح الرياض بسرعة يمه

ريوف وقفت ...وانا احس بتبلد وبعد عقلي ..رافض يصدق ..ولا هو متقبل الي صار ..قلت بهمس يآرب صبرني ..على مصيبتي طالعت بطني ودموعي الي ماسكتها طاحت .....

على طول لبست عباتي ..وطلعت وانا اشوف شبيه اسامه ماسك جدته ...ويمشيها وهي تصيح ....منهارة ...وتقول كلام يوجع

أول ماشافتني صيته قربت مني وهي تقول:ربي يصبرك يمه
تحملي عشان ضناك ..آه بيطلع على هالدنيا بدون أبو

ودي تسكت احس بضيق ..بقلبي ..أسامه ماحبه ...ولا ابيه والي
سواه فيني ...ماهو قليل... بس مو قادره اتقبل... خبر موته ..
..أول ماطلعت السيارة ..سندت رأسي على الدريشه ..... وانا اسمع
شبيه أسامه. .. يصبر جدته وعمته ..طيب أنا مين يصبرني ..محتاجه سمير حدي ..ليت أقدر أصله ......
وبعد ماهو متخيله.... اني آلحين راجعه الرياض ....عشان اودع اسامه ...وداع وداع مافي أمل برجعه له...قفلت عيوني ....
احسها تحرقني وشي بصدري طابق علي..... ...معقول حزينه عليه ولا على الحدث بس ...أول ماوصلنا... الحي الي ساكنين به أهله ... حسيت بضيق وكتمه زود عن قبل ... بذات يوم وقفت السيارة ...قدام بيتهم طالعت السيارات الي واقفه والزحمه ...والشارع كله رجاجيل ... آلحين صدقت الخبر هالشيء أكدلي زود . ((ان أسامه مات)) ...نزلت وانا ماهو قادرة امشي .. حسيت حالي وحيده يوم شفت عمه صيته مسكت يد امها ..ودخلوو قبلي ...مدري ليه احس بوحده بدونه .....أول مادخلت الصالة وقفت وانا خايفه .وتوترت زود..من صوت صياح ام أسامه
غصب عني شفقت عليها ...دورت بعيوني على .. لطيفه ...ماشفتها ..كان ودي اروح لها مابي أجلس هنا ...
قربت من عمه صيته وانا اسمع الحريم يقولون
:هذي مرته...
: يالله ترملت وهي صغيرة

..: وبعد حامل الله يجبر قلبها ..

حسيت بضيق أكثر. ..ليتهم يسكتون ..لفيت بصدمه يوم سمعت
صوت الرجال الي جاي من عند باب الصالة .: الي بيودع اسامه يجي بنأخذ الجنازة آلحين ...

وقفت أول وحده ...ايه بودعه .....لفيت على صراخ لطيفه الي طالعة من الغرفة بمساعدة أريج وامها.. وبعد صياح.. امه الي زاد عن قبل ...ووعمه صيته وخالاته كلهن يصيحن ..وانا احس بتبلد ...لاهو قادرة اصيح مثلهن بصوت عالي ..ولا قادره أمشي معاهن بس قويت حالي ومشيت .... . لجهة المجلس ...وقفت بصدمه وانا أشوفه ممدد وسط المجلس ...حسيت بالضيق الي بصدري زاد... علي ...حسيت آلحين انه فعلاً ...معاد به أسامه قفلت عيوني يوم... امه جلست جنب رأسه ...وتصيح بصوت عالي وتكلمه...مابي أشوف ... هالموقف تعب قلبي... حيل فتحت
عيني على صوت خواتها وهم يهدون فيها وحملوها لما اغمى عليها ..طالعت لطيفه الي قربت مني وقالت بصوت قطع قلبي حيل : اسامه راح خلاص معاد به أسامه ي ريوف وضمتني بقوه حسيت بغصه وجعتني حيل ماقدرت أقول شيء أو أعبر بشي. ..فكيتها بسرعة ومشيت يمه .. ...حسيت الغرفة بتفضي ...آكيد آلحين بيأخذونه وانا ماودعته ... قربت منه ..وشفت عمه صيته تغطي على وجهه مسكت يدها وقلت بهمس : لا باقي ماودعته
حطيت يدي على جبهته كانت باردة حيل ...طالعت جسمه كيف
ممددد لا حول له ولا قوة ...سبحان الله كان من ساعات يكلمني
وهو بكامل غروره وعنفونه والحين جثه ..آه ي قلبي.. تفقدت وجهه ماعليه ضربات ..قلت بهمس : وين الضربه ي عمه
صيته وهي تصيح : بصدره
نزلت رأسي له وقربت من وجهه وقلت بهمس : بصدره وجعتك أكيد ..آه توك مالك من ساعات ...تمنيت انتقم منك بس مو كذآ ...والله ماعمري تمنيت لك الموت ...بس كان خاطري تذوق حرقتي بس ..دمعه طاحت على خده مسحتها وقلت بوجع توقعت كل شيء ي أسامه إلا اني ابكي عليك ...هزيت رأسي يوم دموعي.. تساقطت أكثرمن قبل على وجهه.. قلت بهمس: طلعت كذابه ي اسامه حلفت ماحزن لموتك وافرح بس احس بعكس الي قلته ...أسامه في شيء وجعني بقلبي عليك بس مدري وشهوو ..لفيت رأسي وطالعت اريج الي تناظرنا ببرود ..رجعت طالعت وجهه وقلت بغصه:ماصاحت عليك وأنت مفضلها ورحت وتعنيت وطلبتها وامس ملكت عليها ودوبك امس متشرهه عليها ليه أجلت الزواج لبعد شهرين .. ماتستاهلك اسامه... بس تمنيت تعيش معاها تشوف الفرق ...ودي احس بطعم الإنتقام ودي اشوف الي قلت بأسماها ترفع رأسك ..بس مابيك تموت تمنيت كل شيء شين يجيك إلا الموت .مررت يدي على خده .معقول رحمه لك من عند ربي تموت في هاليوم عشان ماتموت من حرقة قلبك .....حسيت الدنيا تلف فيني وتدور ماهو قادرة اتحمل قلت بهمس : رد علي تكفى
حسيت بحركه ببطني قويه وجعتني حيل قلت بهمس شوف شكل عيالك بعد حزنين عليك ...وقفلت عيوني بألم آه اسامه موجوعه
عضيت شفتي يوم مارد علي آلحين وش مصير عيالك بعدك ....حسيت بصوت صيته فوق رأسي وحاولت تبعدني عنه يوم
طولت وانا منزله نفسي عليه أول ما سحبتني
لحضنها صحت بوجع.. موقف صعب ماهو قادرة اتحمله ..حسيت حالي بعد بطيح ...
قلت بهمس: مو قادرة
: تصبري يمه ...عشاني يكفي امه الله يجبر قلبها ويجبر قلوبنا جميع مصيبتنا كبيره بس الله قادر يجبر خاطرنا ..ويالله يمه الرجاجيل بيأخذونه. ..
مشيت معاها وانا ماودي أمشي ...لفيت نظره أخير وانا أشوف خالته ترجع تغطي وجههه فكيت نفسي من عمه صيته ورجعت له بسرعة وسلمت فوق رأسه ..وبهمس منظرك آلحين والله خلى قلبي يسامحك قلتها من قبل لي..شكلك لموتي بتسامحيني ايه سامحتك ..حسيت بالي مسكني بقوة ورفعني عنه ...وطلعني من المجلس......
؛؛
؛؛
؛؛

يالله أيام العزاء مرت علي صعب ...آخر شيء توقعته اصيح كذآ..عليه ...طالعت بطني ..الي كبر عن قبل ..ودي ارجع لبيت أبوي ..ابتسمت بسخرية وين بيت أبوي هذا بيت ابو مرة ابوي ...ايه برجع لشقتي أفضل وبكمل عدتي فيها هنا محدن متحملني حتى لطيفه ماتجلس معي ......وقفت على الصوت العالي الي جاي من برا ..خير آللهم اجعله خير ..بس وقفت بخوف ... من فتحت الباب علي بهالطريقة ...
ام اسامه وهي منهارة :مابيك بيتي بسرعة اطلعي بسرعة طلعها منصور والله جلستها كاتمه علي ...
فتحت عيني بصدمه توني أقول لازم ارجع شقتي ...قلت بهمس: من غير طالعة

ابو أسامه : الحمدلله جت منك
ريوف طالعته مصدومه ...آخر شيء أتوقعه منه ...توقعت بيوقف معي على الأقل عشان عيال ولده ..بس قالتها عمه صيته دايم وراء مرته وش بيطلع منه بالله....

ام اسامه بعصبيه : لا تجلسي كذا تناظرينا مفهيه بسرعة فارقي تسببتي بقهره وهو عايش وبعدها تسببتي بموته بالله لو رجعتي معه كان وش رجعه لديرة آه حرقة قلبي عليه ...
تحركت ...لبست عباتي.بدون مارد عليها .. برجع لشقتي وبجلس فيها ماراح أجلس هنا بعد هالكلام كله .قلت وانا متأمل خير لو شوي بهالرجال. : تكفى ي عم ودني لشقتي

ابو أسامه : اوديك بيت أبوك والله يفكنا شرك صادقة امه من يوم دخلتي علينا وحال الولد من شين لشين ...واخرتها مات رحمة الله عليه

ريوف قلت بذل : لا ودني شقتي تكفى

ام اسامه صرخت معترضة: مالك شقه الشقة شقة أسامه والحين خلاص راح وشقته رائد بيسلمها ...
.انصدمت. ..من ردها ...يالله حتى موت ولدك ماغيرك. ..
قلت بغصه : بيسلمها ....
ابو اسامه بحده : شوفي ي بنت الناس بنوديك لبيت ابوك ويوم تولدي .. بينا كلام ثاني خلاص افهمي مالك وجود بينا الي بينا عيال أسامه ....بس ..

كنت مصدومة من قساوتها وقساوة رجلها ...والله على قساوة أسامه بس كان رجال وإذا حد نخاه مايرده ...تلفت ابي لطيفه تجي تفزع لي بس مالها وجود أبد هذا حالها من موت أخوها وهي بس مقفله على حالها .....بسرعة طلعت معاهم..وانا مذلوله ..
احس اني وحيدة فعلاً الحين ...والله اسامه له دور بحياتي ....
يكفي انه كاف يدي عن حاجة أحد له أسبوعين ميت وهذا حالي ....ركبت السيارة وعلى طول تكلم ابوه :اوصفي وين بيت أبوك ...
وصفت له ...أول ماوصلنا ....نزلت ...وقفت عند الباب وانا عاجزة ..أشلون ادخل وانا ماعندي مفتاح اشرت بيدي ابي اوقف السيارة
واقول لهم ..ماعندي مفتاح بس وين ماشفت إلا غبار السيارة
تلفت بعجز ...بسرعة مشيت لبيت اخت مرة ابوي ...ماكان بعيد حيل دقيت الباب ...وانا ارجف ...خايفة تصدني عارفة كيف أخلاقها ماهي بعيدة عن أختها كان .....بس ماعندي غير هالحل الله يجعل الحنيه بقلبها اليوم ...أول مانفتح الباب كان شاب نحيف ..وطويل ..بعدت وانا متوتر ..
قلت غصب عني يآرب لا تؤاخذني :امك فيه

: ايوه ثواني بس

فعلاً كلها ثواني .. وجتت أول ماشافتني قالت : مين
قلت بغصه: انا ريوف
ردت وانا احس الصدمه بصوتها :ريوف وش جايبتس هنا

ي هلا من الحين وش جايبك. .. قلت بتوتر: تكفين لو عندك مفتاح بيت ابوي أعطيني هو ب استر حالي فيه

:ام خالد : قصدتس بيت ابوي

ريوف فعلاً بيت أبوها وكان معطي خالتي ...بس تسكن فيه بعد ماتزوج عليها أبوي ...وفعلاً أبوي كان ساكن بالإيجار
ولو عنده بيت ماكان هذا حالي ...قلت بوجع: ايوه بيت أبوك تكفين ماترديني بس لما اقدر اكلم أخوي يدبر لي مكان تكفين

ام خالد: معليش والله ودي اخدمتس بس البيت به ناس ساكنين

ريوف بصدمه: أشلون

ام خالد :عاد بعد موت اختي الله يرحمها البيت فضي قلنا ليه مانستفيد منه وقام ولدي أعطى اخوك قسم امه وبعد عيال أختي الثانيه من البيت وخلاص صار ملك لخالد خذه منهم بحر ماله
والحين صار له بس دقايق خليني اروح واقوله يمكن يقدر يساعدك بشيء عز علي شكلتس تسذآ

ريوف استبشرت فيها خير ...يآرب لك الحمد سخر لي الي فاقدة الأمل كان بها ...يارب ولدها بعد يقدر يساعدني فعلاً
أول مارجعت ...طالعتها بأمل وكاد عندها .. شيء يفرحني ...
ام خالد : يمه ان شاءالله خير

فرحت من قلب وقلت : الله يبشرك ويسعده ان شاءالله

ام خالد :بس عند شرط اسمعيه منه هوو واقف وراء باب الصاله

ريوف طالعت لجهة باب الصالة وانا مصدومة وش شرطه ..
قلت بهمس : انا بالعدة ي خالة مايجوز وماطلعني من البيت إلا الشديد القوي تكفين قدري وضعي ..

: يمه اسمعي بس ولا تردي وتطلعي صوتس ..وردتس بوصله له انا ..

تنهدت بضيق ....خير آللهم اجعلة خير ....

ام خالد : تكلم يمه البنت منصته لك..
حسيت برجفة مابي اسمع صوته مسكت يدها بقوه : تكفين ي خالة روحي خذي شرطه وقولي انتي لي تكفين
طالعتني متردده قلت بهمس داخله على الله ثم عليك ي خاله انك تفكيني وتقولي شرطه انتي
تنهدت براحه يوم وافقت راحت وانا انتظر على نار ثواني ورجعت وتكلمت وهي متردده : يقولتس شرطه توافقي على الزواج ولتس بيت تعيشي به معززة مكرمة ...

ريوف فتحت عيني مصدومة من شرطة انا عآرفة.. انه مزواج ومن يومه يمشي..ويتزوج ويطلق .وهذي وظيفته بالحياة ...بس صدمني حيل بطلبه بذات وانا بهالظروف ..ولو رفضت أكيد برجع لبيت أهل أسامه الي تو مطرودة منه همست بخوف وانا اطالع امه : قولي لولدك توي بالعده ميت رجلي أشلون يبي الرد آلحين وشوفي بعد بطني قدامي .....
و أخوي مسجون وماقدرت .. اصل عليه وآلحين يساعدني وبعدها يستبشر خير

: اي والله ان حالتس تكسف ...وأخوك ربي يفك سجنه ويفرح قلوبنا بطلعته ...والله ان اختي ماتت وقلبها محروق عليه ...

هزيت رأسي بقهر مافي حد ضيعنا غير اختك..
: يالله بقوله آلحين وخير ان شاءالله
عندي أمل وكاد تفهمه هالمزواج حسبي الله عليه على هالاستغلال ...ليت حد يوصلني لاخوي ...خفت يوم رجعت خايفة من رده يصدمني ...
: يقولتس يمه عارف بضروفتس كلها ومقدر وضعتس آلحين بس يبي الرد عشان يضمن وقتها يوم يطلبتس من اخوك وبعدها لتس الوقت الي تبي ....
ريوف عضيت شفتي وانا اتخيل أسامه قدامي ليته فعلاً قدامي آه كان بيكون الرد عليه محترم آه ي قلة حيلتي بدونك ي اسامه
قلت بغصه وانا كاره وضعي كله :