رواية أعشق أنانيتك عندما تتمناني لك وحدك الفصل السابع وأربعون 47 - بقلم nona_A

حس الدنيا سودة عليه وهو يسمع صوت الرصاصه.. ركض بسرعة وهوو يصرخ : رآآآآآآئد

سمير بسرعة لف لجهة الصوت رجع ناظر رائد المطروح على الأرض ...شاف الكل جاي يمه صرخ بعصبية ...وهو يوجهه المسدس عليهم قال بتهديد... اقسم بالله لو أحد يقرب المجلس ذا كله يبات في قبرة اليوم ....
شاف اسامه يقرب ناحيتهم ومطنش تهديده...قال بسرعة : اقسم بالله لو تقرب خطوه افلس أبوك منكم كلكم ...
ابو اسامه وهو مفزوع وجالس على ركبه ومنهار ورفع رائد على يده صرخ: لا أسامه لا تقرب منه وخلنا نسعف أخوك آلحين
سمير ضحك بقوه : تنقذ مين اقول عظم الله أجرك ورجع
...بحذر لوراء وهو يشوفهم جاين يم رائد المطروح

وبسرعة ركض وهو يسمع مكالمتهم للشرطه عشان يمسكونه دف الحارس بسرعة وركب سيارته قال بصوت ... عالي وهو يفتح الدريشه يوم يسمع تهديد اسامه وصراخه .... ناظر الحارس...اللي مرمي في الارض : قول لضابط مايهمني الي يهايط فيه .. اهم شيء أخذت حقي ورفع المسدس بتهديد .. ابتسم يوم شاف الحارس.. رجف في مكانه قال بأبتسامه رضى: لا تخاف ي عم حسابي كان مع خصمي بس.... داس على السيارة بقوه واسرع وهو عارف مصيره...فكر يروح لأمه قبل يسلم نفسه ايه لازم يروح لها ويقول لها كل شي احسن ماتعرف من غيره بس والله ماغير تموت. ..يدري فيها قلبها ضعيف ..وماتتحمل هالصدمة ..معليش يمه حاولت اطنش وأعيش حياتي بس ماقدرت ...ماقدرت .....شاف سيارة فهد مسرعه متوجهه للقاعه ابتسم بتشفي يقال آلحين تلحق صاحبك ..والله ماتلحقه
وأنا ولد أبوي ... ....،، ..
،،
فهد دخل وهو يشوفهم مجتمعين عليه قال بصرخة وهو يناظر شهاب الي يطلب الإسعاف. . : حسبي الله عليه الظالم سواها .....
اسامه وهو منهار: فهد بسرعة نلحقه نسعفه ..الإسعاف مطول
وصرخ بسرعة قرب سيارتك ....
ساعده.. شهاب وحملوه للسيارة وهو يشوف دم ينزل بغزارة حس بندم وقلبه يتقطع ..من شوي تمنى يذبحه ..والحين يبكي حسرة
وندم ...على الي صار له ...آه ي خوي ..وصرخ وهو يناظر الطريق زحمه : شهاب بسرعة الله يخليك ...
فهد بتوتر : ليتنا انتظرنا الإسعاف ي أسامه كان ينفع مع هالزحمه ... .ويفتحوو له طريق عند الإشارة
أسامه فتح الدريشه وصرخ :افتحوو طريق الله يخليكم بسرعة
بس وين مافي حد أعطاه وجه او سمعه حمد الله يوم الإشارة فتحت والسيارات تحركت ناظر أبوه ...الي يمسح دموعه :يبه ان شاءالله خير يبه وبصرخة ليه مافي أحد تدخل ليه
ابو أسامه بحده : وين نتدخل مااعطى احد فرصه يقرب منه وشهاب ماهو موجود ..كان مشرف على العشا....وفهد مثل مانت خابر انا وصيته يجيب اغراض والحضور خافوو على أنفسهم جاي واحد متهور مدري وش قصته مع أخوك ..
اسامه عض شفته بقهر: ان شاءالله يقوم منها ويأخذ حقه كله
ابو اسامه نزل راسه لرائد وهو يصيح بصمت : ان شاءالله بس آه شوف دمه كله رآح وحط يده على رأس رائد الي على صدره وضمه ..رائد ي قلب ابوك .تسمعني تكفى حرك بس يدك على الأقل ...

كلها دقايق ..وصلوو المستشفى بسرعه ...
صرخ اسامه: جيبوو نقاله بسرعة وهو عينه عليه والله لو يصير فيه شيء ماراح يسامح حاله
بسرعه جابوو النقاله ..وهو يصرخ عليهم : تكفوون الحقوه وجلس على ركبه وهو منهار ...
أول مادخلوه الغرفة والدكاتره دخلو له ...
ناظر أبوه وهو يمسح دموعه :غدر فيه الخايس بس والله مايروح حقه وانا أخوه والحين الشرطه بتجيبه مثل الكلب

ابو أسامه وهو قلقانه : الحين اهم شيء عندي يعيش رائد
وهذاك بيأخذ جزاه بس ولدي ربي يعطيه عمر... إصابته ماهي
هينه في بطنه مدري اشلون يطلعون هالرصاصه

اسامه بهمس وهو حده متوتر ناظر فهد الي يصيح :ان شاءالله خير يبه شهاب ارجع القاعة عشان أمي لو سمعت بالخبر وأنت بعد فهد بسرعة حالووا تتطمنوها لو سمعت ...
آه يحس بحقد على هالسمير وعلى أمه وعلى اخته من يوم مادخلو هالعائله تدمرت حياتهم... ..اللحين بس يبي ..يطمن على أخوه ويعرف كيف يأخذ حقه ...رفع جواله ودق الرقم بسرعة وقال بحقد : هاا ان شاءالله مسكتونه
: باقي
صرخ بقوه...وشهوو باقي وشلون كذا الظاهر بيهرب من الديره كلها وانتم باقي ماسويتو شيء ...
: لا وين يقدر يهرب معمم البلاغ استهدي بالله وبإذن واحد أحد الليله يبات في سجنه
قفل وهو مقهور.. ناظرهم بسرعه وهو يطلعونه من الغرفه وينقلونه لغرفة العمليات .. قرب منهم يبي حد يطمنه بس الوضع أبد مايطمن ...سند حاله على الجدار ..وهو منهار.و يدعي لاخوه
ابو اسامه قال بحزن وهو يشوف جواله يرن باسم زوجته : امه آلحين وش يفهمها منتظرته عشان تزفه والحين يجيها هالخبر
الشين يآرب لطفك فتح الخط وهو يسمع صارخها
: وش اللي صار يقولون فيه رصاص في قاعة الرجآل عسى
محد تعور بس ..

ابو اسامه ارتاح يوم عرف انه ماهي عارفه السالفه زين : مابه شيء بس اصحاب رائد متهورين شوي ويقال فرحانين به ورموو رصاص في الجوو والحين مسوي لنا سالفة راعي
القاعه لأنه ممنوع يطلقوو في مكان عام ...وصاله مغلقه

ام أسامه :الحمدلله طمنتني ورائد ذا وشهوله يعزم هذولا الهمج
المهم قوله يالله زفته الحين ..يآربي هالولد بموت من بلاويه ...حتى في زواجه ساحب شلته الخايسه ...وبعد
ادق عليه مايرد حضرته اخخ من هالولد جننني عرس عرس والحين مسويه فيها ثقيل ...وكل مره يطلع بشيء. ...

ابو اسامه قفل عيونه وهو يمسح دموعه آه لو تدري ان المعرس وين يآرب رحمتك بس ولطفك مسك حاله بالقوه وقال بغصه: زفي العروس رائد صعب دخوله راعي القاعه مسبب لنا سالفة وهو تمشكل معه عشان أصحابه والحين زفوها ولموو هالليله

ام اسامه بقهر : وش تقول أنت كيف نزفها بدون معرس ابو أسامه لا تجنني أنت بعد .يكفي أمها مطلعه لي قرون ماغير تتذمر والحين أجي اقولها كذآ والله لا تشب فيني ....

ابو اسامه :هذا الي بيصير وقفل وهو يسمع احتجاجها
ناظر اسامه وهو يتنهد براحه: الحمدلله ماعندها خبر ولا كان
اليوم بتصير حوسه أكثر من اللي حنا فيه الحين آللهم لا اعتراض على حكمك.. وبقهر كم مره اقول له لا تصاحب
الهايتين ذولا بس ذا وين يسمع مره حبوب ومره سرقة والحين الله أعلم بحاله ....هالمره مصيبتنا كبيرة ...
أسامه هز رأسه وهو يسمع كلام ابوه مافيه يتكلم ..ويقول انه ماقدر يدافع عن أخوه هالمره... كل مره يدافع ويطلعه منها بس هالمرة لا صدق فيه وقف ضده ودبس حاله بعد تذكر ريوف حس بحقد عليها أكثر هي وعايلتها ...
ابو أسامه : خليني ادق على ابو عصام يكلم زوجته تمشي الليله على خير ..

،،
،،
،،
،،

في القاعة
،،،،

ام اسامه ناظرت بنتها وهي مقهوره: بعد يقفل في وجهيي
وش نقول لهن آلحين يآرب فشله ي زيني وانا اقول لهم زفووا بنتكم.. معرسنا ماهو بداخل ...وضربت على وجهاا وهي متفشله يمه وش الدبره ..

لطيفه ابتسمت بنصر: أفضل لها والله وبعدين المفروض انه
مايدخل مايجوز في الدين انه يدخل على الحريم

ام اسامه : بس ذولا وش يفهمن
لطيفه : مع نفسهن نقول لهم أخونا يخاف ربه ومايبي يدخل على الحريم وش فيها ذي بعد اففف ناس غثيثه ...وبعدين والله المفروض مايدخل ...بس حنا عندنا هابين فيها ..لازم يدخل ويزف عروسته ..
ورجعت جنب ريوف وهي تشوفها زعلانه قالت بهمس: ..ودي اقوم ارقص فيني شماته على الدلوعه ...اخخ ودي تقومي معي بس والله لو يصير شيء في الي بطنك ..أسامه يقتلني ...شافتها ماردت عليها قالت بحزن عليها : خلاص ي قلبي فكيها وحقك بطريقتك تعرفي تأخذيه منه ..وإذا جاا أعتذر لا تعطيه وجهه على طول خليه يتعب عشان يحصل رضاك ..

ريوف تنهدت بحسرة وحزن آه اي حق أخذ واي أعتذار ي لطيفه ...أخوك ماعندي غير اشكيه لربي هو الي بيأخذ لي حقي كله وكان بعد تقولها أخوك يوم المنى يوم اطيح هالحمل ..ماوده فيه وهو مني . ...تحس بقهر كل ماتذكر الكف الي أخذته قدام أهله كلهم. .هالمره كسرها حيل ...ناظرت ام أسامه وهي زعلانه ومعصبه ..ابتسمت بشماته ...ان شاءالله بعد اشوف فيك أكثر ..بسبتك اليوم انذليت ....
ناظرت صيته الي سأسرتها : وش بها ام رجلك وجها تسذا انقلب فجأة ...
ريوف صغرت عيوني من اللقافه الي فيها ليه ..انا وش دخلني فيها يكفي الي فيني وعساها ان شاءالله من هالحال واردى ..قلت بهمس: مدري
صيته بهمس أكثر : خشمها في السماء...أخوي على طيبة قلبه
يستاهل مره غيرها والله ودي في هذيك الطويله ..له يجدد فيها شبابه ...
ريوف بصدمه ناظرت وين تأشر ..شفت البنت ماشاءالله قمر بقوه بعد قالت بهمس:حرام عليك هالبنت في أخوك شايب مره ..

صيته مسكت يدها وقربتها منه وهمست لها: ي غبيه العبيها صح وقربي من عمك وحببي بنفستس عنده وخلينا نخطب له ..
والله ماغير تحرقي قلبها مثل مارمت عليتس هذاك الحكي اليوم وأخذتي المقسوم من ولد أمه مصدومه للحين في أسامه

ريوف عضيت شفتي بقهر هذي وين وانا وين ...اخخ حرقت قلبي يوم قالت المقسوم ...الله يقلعك ي أسامه مثل ما فضحتني وذليتني قدامهن
صيته : والله اني صادقه يمه والله قلبي محروق منها سوت المشكله ورحتي فيها ..وبعد أقولها لتس من غير زعل الضعف الي إنتي به ماهو عاجبني أبد...والله لو تشوفي بنتي كيف محدن يقدر يدوس على طرف لها ...

لطيفه ناظرت عمتها بشك ..وهي تسأسر ريوف قالت : أقول عمه ماودك تقومي ترقصي .

صيته بقهر: والله ودي امردغ أخوك على الي سواه في مرته
لطيفه شدت يدها بقهر وعضت شفتها وهي تتمنى ربي يعطيها الصبر هي تبيها تنسى وهذي حالفة يمين تذكرها كل وقت وحين ..وقفت بصبر: يالله ي أحلى عمه بالدنيا ...نرقص
صيته وقفت بحماس : يالله ..وترا من الحين بصك عليك في الرقص ..
لطيفه بسخريه :المسرح لك ..

وطلعوو على الكوشه يرقصون بس لطيفه ..يوم شافت عمتها بدت تزودها قالت بهمس : عمه على هونك شوي شوي

صيته قالت وهي ماتسمع:وش تقولي ي بنت

لطيفه بسرعة نزلت وقربت من ريوف وهي متفشلة : يمه ليتني ماقلت لها قومي ارقصي اخخ ..شوفي بس الحركه ذي يمه تذبح ..
.
ريوف والله على الحزن الي انا فيه بس صراحه هنا فكيتها ضحك ..على رقصها قلت وانا اضحك: حرام الكل يضحك على رقصها روحي نزليها

لطيفه وهي تضحك : خليها ترقص لما تدوخ وتفكنا من لقافتها ....وسكتت وهي وتشوف ..ريتآج طالعة الكوشه وقربت من الدقاقه وعطتها ..شريط حق الزفه وتتفق معاها ...حست بقهر وهي تذكر الخاتم تحس حالها مخدوعة منها ومن وليد ..قالت بهمس: خاينه ...انتي على ولد عمك ...

.ريوف بهمس: وش تقولي
لطيفه بقهر: لا يوم شفت هذيك تعكر مزاجي ..
ريوف ناظرت وين تتطالع وتأشر قلت بستفاسر: ليه وش فيك على البنت
لطيفه بقهر: سلامتك بس هذي الي كانت صديقتي وسرقت رجلي ..
ريوف فتحت فمي بصدمه : هذي . اللي...وسكتت ماتبي تكمل

لطيفه : ايه هذي الي جت على رأسي حسبي الله عليها ..هي ولد عمها وبحسرة وشوفي القهر وين الكذب الي عايشته منها ومن زوجي المحترم ...وسكتت ماتبي تقول عشان الخاتم الي من وقت ماشفته وهي مقهورة. .بس تحاول تتطنش ..لأنها خلاص وليد معاد له مكانه عندها أبد...

ريوف شافت ريتآج وهي تنزل ..ناظرت لطيفه وهي مقهورة ..حست بحزن عليها ..البنت قمر وبقوة بعد ..هذي لو طبينتي مقدر اتحمل ...الله يعينها ...

لطيفه يوم شافت نظرات ريوف المعجبه بريتاج قالت وهي رافعه رأسها بشموخ: أقسم بالله ماشوفهم لا هي ولا رجلي المحترم .....كلها أيام ان شاءالله وأطلق ولا قدامنا المحاكم اخلعه في اقرب فرصه ...

ريوف قلت بحسرة على حالي: وليت بعد انا اخلع أخوك بس حسره علي ..
لطيفه
كان ودها تقول لها أخوي مافي أحسن منه ..بس قلبه الي لاعب
في حسبته ...تحس حياتهم ملخبطه هي على أخوانها مافي حد
فيهم مرتاح والسبه مين ريتآج وأختها .....ناظرت عمتها الي باقي ترقص قالت بفشله: هذي بعدها تتدبك ماتعبت...خليني انزلها مثل ماطلعتها

ريوف هزت رأسها وهي تناظر جدة أسامه وهي تأشر عليها ودها تعرف وش تقول للي بجنبها ..أكيد ماراح تقصر بتذم ..لما يبرد قلبها...ودي تعرف وش مشكلتها معاها....
هزت رأسها بقوة غبيه ي ريوف جالسه تفكري آلحين في هالعجيز وناسيه المصيبه الي على رأسك...آه الله يستر ..يوم ترجع الشقه ..وش بيسوي فيها. .إذا قدام أهله مد يده عليها أجل لحالهم أشلون...

،،
،،
،،

في غرفة العروس
ام عصام :يالله جهزي حالك المره تقول بتدق على ولدها عشان الزفه

اسيل بقهر : وين زفه أول تصوير وبعدين

ريتآج وهي تعدل مكياجها : خليه مع الزفه وبعد الزفه
اسيل بقهر : لا اكيد ينحاس بعد الزفه افضل قبل الزفه ومع الزفه وبقهر أهله اغبياء ولا ايش.. افف سكتت يوم رن الجوال حق امها

ام عصام بقهر وهي تناظر جوالها : افف خلاص اسكتي هذا ابوك ..فتحت الخط : هلا

ابو عصام بحزن على الي صار :وش الأخبار

ام عصام : تمام الحين نجهز للزفه
بتدخل تصور الحين مع بنتك نتظرك

ابو عصام قفل عيونه بصبر : اسمعي اطلعي من الغرفه حق اسيل واطلعي من عند باب العروس ابيك
ام عصام قلبها قرصها وقفت وطلعت من الغرفه شافته واقف بدون بشت تأكدت انه بلى صار : بسم الله ايش فيه وليه المعرس كذا تأخر ومادخل صور..
ابو عصام بحزن : زفي بنتك لحالها وخلي هالليله تعدي على خير والتصوير ملحوق عليه
ام عصام بقهر :وشهو ازفها كذا بدون معرس آه يقال مغصوب على بنتي مو كأنا حنا اللي مانبيه لا هو ولا أهله

ابو عصام بحده : اسمعي وبلا كلام فاضي الولد تصوب ومايقدر
يدخل يزفها والحين هو في المستشفى أدعي له
ام عصام بصدمه ضربت على صدرها: يمه من ذا الخبر
مين صوبه

ابو عصام : الحين زفي بنتك وخلي هالليله تعدي على خير بدون متأثر على أسيل تعرفيها ماتتحمل وإذا قالت لك شيء ام المعرس قولي لها ان شاءالله وخليك لهم عون ترا المره ماتدري بولدها الله يشفيه لهم ..والحين دق علي ..أبوه وقال تتسهل وتزف بنتها ولا تقول لام المعرس ...عشان خايف عليها ....

ام عصام وهي لسى مصدومه: اشلون ازفها بعد الي صار ويمكن البنت تترمل

ابو عصام بحده : فالك ماقبلناه زفي البنت الولد إصابته هينه في يده قال كذا بكذب عشان ماتهول فيها زياده ويبي هالليلة تعدي يكفي القاعه كلها شرطه والرجال كلهن انسحبووو وخرب العرس كله ... ...

ام عصام هزت رأسها ..وقفلت وهي لسى مصدومه من اللي سمعته دخلت شافت ام اسامه حست بحزن عليها وهي تشوفها ماتدري وين ولدها فيه.... ولا وش صار به ...
ام اسامه بفشله قربت منها وقالت: معليش والله حصلت مشكله بسيطه واخويا رائد رموو رصاص بتهور وصاحب القاعة عصب عليهن والحين .. طاحين في مشكله وخلينا
نزف العروس بسرعه عشان صاحب القاعه يبي يفضيها ...
ام عصام قالت بحزن وهي تسمع تبريرها :ان شاءالله
ام اسامه حمدت ربها وهي ماعصبت ولا فكت لسانها مثل كل مرة .. يكفي هي مقهوره الحضور أكثره راح ماتدري ليه

ام عصام بسرعه جهزت بنتها وهي تسمع اعتراضها
اسيل بقهر :طيب لا ينزف يدخل يصور بس اففف وش هالليله

ريتاج حست بشيء صار بذات يوم امها كذا هجدت فجأة ومشت السالفه بدون إعتراض
ام عصام : امشي ساكته بس....وكلمة زياده ادق على أبوك يتفاهم معك ...

أسيل جلست بقهر يوم سمعت شريط الزفه بدأ ..صرخت بقهر : يعني أشلون تحطوني في أمر الواقع ..
ريتآج مسكت يدها ومشتها وقالت بهمس: أمشي ساكته لا تخربي زفتك وصديقني شكله المعرس بيسوي حركه ...بتكون لك مفاجأة
..أول ماطلعو من الغرفه ..
ريتاج انصدمت من قلة الحضور بسم الله وينهن قبل ماتدخل عند اختها القاعه كلها حضور ..وش صار كذا فجأه ناظرت امها اللي الزعل باين على وجهاا وبعد ناظرت اسيل بحزن

اسيل بهمس: ليه كذا مافي حضور
ريتآج : فيه فيه بس شكلهم حضروا ..العشى وشكل الكل راح يتعشى
اسيل بهمس : وش ذي الحركه البايخه ليه يحضرونه الحين بعد
الزفه كان...وبحقد أكيد من طبينتك ذي ..

ريتآج : خلاص اسكتي وكملي ليليتك وماعليك
وصلت اسيل للكوشه حست بزفتها باردة حيل ...
حست بحقد عليهم ليه يسوون هالحركه كانوا انتظروا لما تكمل زفتها بس آه ناظرت لطيفه بحقد كلها منها عارفه عقلها الصغير ...وبعد ناظرت ام زوجها بقهر ....طيب حركات النذاله حقتكم بطلعها من ولدكم هذا الخيخه الي سمع كلامكم وحتى زفه مانزف معي مالت عليه اففف يقهر طيب اليوم بأخذ حقي كله...

بس انصدمت من الدقاقه يوم قالت تفضلووا ي حريم العشا
يعني وشهووو معقول مافي حضور ..صغرت عيونها بقهر ..
صدق الكرم ماهو يمهم .. ماعزموو أحد ...طيب وين صديقات امها بعد ...وبعد كذب ريتآج يوم تقول لها القاعه زحمه ..

ام اسامه قربت من ام عصام :عارفه انك زعلانه من الي صار ومن حقك بس والله كلهن دقوو عليهم اهلهم وطلعوو خايفين
عليهم من المشاكل الي صارت ودي اعرف مين تسبب في ذا كله ..الله لا يسامحه ..لا دنيا ولا آخرة...

ام عصام وهي تناظر حتى معازيمها انسحبووو.. : خير خير ان شاءالله قومي ضيوفك على العشا قبل مايروحون
أم اسامه قالت بحسره : معاد به ضيوف ...عشان اكرمهن ..الكل انسحب
ام عصام بتوتر: الي باقي فيهن الخير....
ام أسامه. .تناظرها مصدومه معقول كل الي صار وماعلقت
..الله يهديها ان شاءالله .لفت على صوت أختها وهي تناديها

ام فهد قربت من اختها وهي تساسرها : اسمعي مني الحضور طلوعهم ماهو مطمن كذآ وش فيه ....

ام عصام قالت بسرعه : مافيه شيء الله يهديك ..

ام اسامه يوم شافت فعلاً القاعه فضت بقوه بعد حست بخوف: صدق والله السالفه شكلها كبيره وبسرعه دقت على زوجها.مره ثانيه مارد ضربت على صدرها ...يمه لا يكون ولدي تورط وسجنوه مع اخوياه ..حسبي الله عليهم خربووا ليلته ..

ام عصام : استهدي بالله مافيه شيء ان شاءالله كلها تحقيق
ويطلع ان شاءالله

ام اسامه : تحقيق ليه بسم الله لايكون حد تصوب من الحضور. .

ام عصام اخخخ وش هببت انا الحين : اقولتس مابه غير العافيه واستهدي بالله
ولفوو كلهم على صوت اريج وهي جايه تركض
: ي يمه ي خاله رآآآآآآئد تصوب ...
ام اسامه صرخت بصوت عالي وهي مفزوعه من الي سمعته : يمه ولدي يمه قربت من اريج مين قالك وكيف

اريج وهي تصيح : والله خويتي تقول قال لها أخوها ان المعرس تصوب

ريوف
وقفت بصدمه . .وانا اناظر لطيفه الي قامت تركض لأمها. .
حسيت الدينا تدور فيني ..أكيد. .أخوي الي سواه...بس معقول تصل بسمير ..لكذا تذكرت مكالمة زوجة أبوها ..وقفت وهي تحاول تمسك نفسها ...وتدعي الله أن أخوها ماله يد في السالفة...ي حسرتي لو ضيع حاله ...وضيع الولد وهو مظلوم ..حسيت الدنيا حوسه صراخ وصياح .. ..العرس انقلب لمصيبه ي الله لطفك ...

ام اسامه بسرعه وهي منهارة : دقوو على أسامه يجي يأخذني بسرعة بشوف ولدي حست الدنيا تلف فيها اغمى عليها الكل التم عليها وهو يصيح على حالها الي يحزن ويقطع القلب. .
لطيفه وهي ماسكه في امها تصيح وتصرخ : يمه تكفين اصحي الحين ادق على أسامه ..ونتأكد من هالخبر ..
يجي يأخذنا له يمه يمه تسمعيني ...
ام اسامه وهي تحاول تقوي نفسها ماهي قادرة مصيبتها كبيرة ..قالت وهي يالله قادره تنطق: انا بخير ودوني عند ولدي بس
...الله يخليكم بسرعه دقووا ...على اي أحد ...يدويني له .. ام عصام قالت بشفقه وهي تحاول تشربها مويا : والله مابه شيء تطمني إصابته خفيفه ..والله اني صادقه طمني ابو عصام عليه
وبسرعة ناظرت اريج بحقد: غبيه كذآ تفزعي خالتك اريج كان ودها تصرخ عليها بس مافيها آلحين الي تفكر به رائد ...والله تموت لو يصير به .شيء ...حسبي الله على بنتك وجهه الللبوم

...

اسيل
تحس حالها مصدومه من الي تشوفه ...قدامها ..وتسمعه قالت بهمس وهي تمسك يد أختها بخوف: مات
ريتاج هزت رأسها وهي تحس بقلق الوضع أبد مايطمن ضمتها وهي تهدي عليها :بسم الله الولد مابه شيء بس الحريم تعرفينهم يحبن يكبرن السالفة أهدي حبيبتي لا تخافي ..

اسيل بحزن: مين غدر فيه ليلة عرسه وصوبه بلعت ريقها بخوف لايكون عمي سواها وأرسل حد يسوي هالشيء..آكيد بينتقم والله لأنه مقهور وحده من بنات جاسم ماتكون لواحد من عياله ...

ريتآج بشك من كلام أسيل مسكت يدها وبعدتها شوي وهي تناظر وجها : اوش انكتمي وش تقولي لحد يسمعك سحبت يدها ويالله أمشي معي انزلك وسكتت وهي تفكر في كلام اسيل يمه لايكون فعلاً سواها عمي....وصلوواالغرفه وبسرعه قربت من أختها وهي تسأعدها
تفك فستانها وغيرته وهي ومصدومه من الي صار ولبستها العبايه
وهي بعد لبست العبايه وجلست تنتظر ابوها يدق عليهم شافت
أمها جايه تركض ..وتلبس العبايه وتقول إنها بتروح معاهم هزت رأسها ...وهي تناظر أختها الي ساكته والصدمه باينه عليها ....سحبت جوالها ...دقت على وليد.. بتعرف ايش صار ...بالضبط وبعد عندها شك... انه من طرفهم الي صوبه.. هزت رأسها وهي تتعوذ من ابليس الله يقلعك.. ي اسيل دخلتيها في رأسي بس...
مارد عليها عضت شفتها وهي تتذكر .انه مسافر نزلت جوالها وهي تناظر أسيل .. قالت بحزن عليها : لا تخافي ان شاءالله مافيه شيء وعريسك هوو الي يزفك للاوتيل الليله

اسيل هزت رأسها بحزن على حالها : اي اوتيل ... بنزف له ...
وبقهر صرخت عمك ذا مافي حد يتهنئ معه وصاحت منهارة ..والله لا أخذ حقي وحقك منه الشيطان ...

ريتاج قربت منها وهي تقفل فمها ومصدومه من إنهيارها
المفاجئ : أسيل ي مجنونه اصحي للي تقوليه لا حد يسمعك ويفكتر صدق هالكلام ...وخلاص قلنا لك بخير ...ودقت على ابوها بسرعه تستعجله يجي وكلها دقايق وابوها دخل عليهم ....وهو حزين على بنته وزوجها
قال بهمس وهو يقرب من اسيل الي تصيح ضمها على صدره بحنان : ماعليه ي قلبي لا تصيحي أسيل وهي تبكي : يبه مين له مصلحه يخرب ليلتي كذآ مين

ابو عصام بحزن: تتعوض هالليله ان شاءالله بس الحين أدعي لرجلك يقوم منها
سمع صوت صياحها يزيد ....قلبه تقطع على حالها ناظر ريتاج
وقال بهمس : قولي لامك يالله
ريتاج : امي راحت مع ام اسامه لأن مره وضعها صعب وقالت لي اخبرك ..

ابو عصام هز رأسه :الله يجزاها الخير يالله أجل اطلعووا ..

،،
،،

ريوف
كنت واقفه وانا أشوف الكل يلبس العباية...ويطلع ..وانا مثل البلههه مدري وش اسوي..وكيف أروح
صيته وهي تلبس العباية مستعجله: وشهوله واقفه كذآ أمشي معنا ...
ريوف وهي تبلع ريقها من الخوف حاسه إن أخوها له يد في السالفة ماحست إلا بيد صيته تسحبها وتلبسها العباية وتهاوش إني اخرتهم حسيت بندم ليت رحت مع لطيفه.. آلحين هذي مع مدري مين بتركبني شفت الجمس إلي واقف قدام الباب .ركبت معاها ...السيارة .. وانا مدري مع مين رايحه ... قلبي قرصني من سؤال الجده .. الجده قالت وهي مفزوعه : شهاب لا يكون إصابته قويه
شهاب بحزن على حالة رائد قال وهو يحاول يطمنها: ان شاءالله
خير
صيته بسرعة : والله قلبي ماهو مطمن قول ي الصقر مابي انفزع يوم اشوفه ...
شهاب :طيب اوصلكم لبيت خالي منصور ..ماله داعي روحة المستشفى هذي ..
صيته صرخت معترضه: وشهوو والله ماروح البيت إلا يوم أطمن عليه بنفسي ... آه ي حسرتي على شبابك يمه في يوم عرسك غدر فيك هالخايس حسبي الله عليه وقدمت حالها شوي....قول قول كيف صوبه قدامكم ليه مابه حد دافع عنه

شهاب قال بجمود : كنت ماهو موجود وقتها احضر العشا وبعدين كل شيء جاا بسرعة والكل ماحد توقع ان بينهم خلاف يوصل للقتل ..

ريوف حسيت قلبي وجعني وهي تدعي عضيت شفتي بخوف ورفعت يدي على فمي ...يوم قال بينهم خلاف ..آه والله انه سمير ..ي قلبي ..الموجوع من وين ألقاها يآرب ...صبرني ..
صيته وهي تصرخ : خلاف وشهوو بينهم عشان يذبحه في لليلة عرسه الي مايخاف ربه

الجدة قالت بحده: صيته قفلي فمتس ذا وادعي له آلحين وخلي الولد ينتبهه للطريق... ريوف
دموعي تنزل ...بصمت ...قلبي يتقطع ..يآرب مايكون له يد
فيها يآرب...أول ماوقفت السيارة حسيت قلبي وقف ..
مابي أنزل وانصدم...ناظرت لطيفه وامها وخالتها يركضون ورا الرجآل الي نزل من سيارته ....
صيته : يمه شهاب نزل ميمتك انا بلحق ام أسامه المره منجنه على ضناها آه مين يلومها .
شهاب هز رأسه بجمود وهو يحس رأسه صدع من صياح عمته
وكثرة كلامها نزل ميمته ووناظر الي راكبه وراء ..نزل جدته وهي لسى مانزلت. .قال بهمس لجدته: يمه الي جت معاكم خليها تنزل ..
الجدة تقدمت وهي مطنشه الي يقوله ..ومسكت في يد ام فهد ..عشان توصلها ..
شهاب توهق ..حس بخجل انه يقول لها تنزل. بس صد عنها و.قال بجمود: يالله انزلي ..وإذا ماتبي قطع كلامه يوم شافها تفتح الباب ونزلت ..
ريوف حسيت بضياع ..ليه مانزلت مع عمته ولطيفه ..
مديت يدي ..وفتحت الباب ونزلت من غير مارد عليه ..
تخيلت أسامه لو يجي بس وهو يكلمني هالرجال ...والله ماغير اموت ...دخلت المستشفى ..وانا أركض .. وراء الجدة ..وام فهد بس ماحلصت أحد ..وقفت محتاره في مكاني .. ..وانا اتلفت..ادورهن ...حسيت بصوته الرجولي وراي : من هنا ..
واشر لي بيده
بلعت ريقي بخوف. .مشيت لوين أشر ..وحسيت فيه يمشي وراي بس بينا مسافة بعيدة ...وقفت بصدمه أول ماشفت الكل قدامي ويصيح ..
..

وقف اول ماشاف امه مقبله عليهم هي وخالته وأهل ابوه
ناظر ابوه الي يناظرهم قال بهمس:مين قالهم ذولا آلحين ليتك يبه مارسلت فهد وشهاب للقاعه

ام اسامه صرخت :ولدي وينه بسرعه قولولي وينه

قرب من أمه وهو يضمها قال بهمس وهو يهديها : والله بخير ي
الغاليه والحين في غرفة العمليات يطلعون الرصاصة وتشوفينه وتتطمني بنفسك ..

صاحت بحزن وخوف وقلق وقالت بهمس : أخوك مين اللي تسبب له هالليله مين قولي ..

همس لها بحزن: والله يمه حقه مايروح كذا وانا أخوه بس انتي الحين اهدي شوي الله يطول في عمرك ...
وقرب من لطيفه وضمها وقال بحده شوي وهو يهمس لها: مفروض توقفي مع امي وتهدي عليها ماهو تخليها تجي هنا خلاص رائد بخير الحمدلله

لطيفه ..هزت رأسها بقهر الحين ذا جالس يلومها قالت بقهر: ليه ماتحس كذا أنت انا مفزوعه أكثر منها وصاحت بقوه ذا رائد تعرف ايش رائد ذا زينة البيت الكل صاح مع كلامها ...قربت
من أمها وضمتها وهي تصيح معاها .....

اسامه قرب منها وسحبها لحضنه ..وصاح غصب عنه ...والله
غصب ..عنه مافيه يقدر يمسك حاله أكثر...ماحس إلا بصرخة أبوه....
صرخ بعتب: بدل ماتطمنهن جالس تصيح معاهم وش فيكم
تتفاولو عليه الولد بخير ....
أسامه رفع رأسه وهو يمسح دموعه أبوه صادق بدل مايهدي عليهم يقوم يصيح معاهم ..بس انصدم من الي واقفه بعيد وتناظرهم ..صغر عيونه ..قال بهمس ريوف . قرب منها وقال بهمس اي والله هي ..قال بحده: وش جايبك هنا كان خليتهم يوصلونك البيت ..
ريوف مصدومه حيل يوم شفت أسامه يصيح معقول عنده قلب ويحس مثلنا...والله لو إني ماشفت بعيوني كان ماصدقت ..يوم قرب مني حسيت بخوف ... وانا اسمع كلامة ..خايفه لا يهاوشني قدامهم .بس آلحين مايهمني إلا بعرف ان سمير له يد أولا قلت وقلبي موجوع : سمير الي سواها
أسامه بحده هز رأسه.. وبعد عنها ورجع لأمه الي منهارة وهي تصرخ بتعرف مين قال بحزن: يمه خلاص هدي الله يعطيك العافية والله مثل ماقلت لك حقه مايروح كذآ
ابو أسامه بسرعة صرخ فهد : حرك بأهلك يالله وأنت ي شهاب
فهد بسرعة سحب امه وام عصام واخته وطلعووا من المستشفى .

ام أسامه وهي مطنشه كلام زوجها .. صرخت بقهر ليه مخبيين عليها ..مين الي صوبه .. : منصور قولي مين الي سواها. .فيه
مين الي حرمه من هالليله ..ورجعت ناظرت اسامه أكيد عرفتوه صح عرفتوه وتذكرت كلام رائد عن أخو سمير وبعد نظرات أسامه ..خلتها تشك أكثر قالت :لا يكون أخو مرتك ..نفذ تهديده
...

أسامه ناظر ريوف ..عض شفته بقهر ...من غير مايرد...
بسرعة مسك في يده امه يوم شافها متجههه لريوف ..وهي تصرخ : أقسم بالله أخوك ال*** اموته بيدي ..والله دم رائد مايروح كذآ والله ..وقربت منها وهي تبي تضربها ...
ريوف بعدت بخوف وهي تناظر الكل مصدومه منها كيف هجمت عليها بس ماحست إلا بيد أسامه تسحبها ...ويبعدها عن يد أمه وهو يصرخ:يمه ماهو كذآ ...

ام أسامه صرخت وهي تصيح: بعدك ي أسامه تتدافع عنها والله إذا أنت سترت عليها ..على أخوها المجرم ماتقدر فاهم ماتقدر ودم أخوك مايروح كذآ. ..

ابو أسامه قرب بعصبيه منهم وصرخ : البنت وش ذنبها ي مره كفي بلاك عنها والي يسمع كلامك يقول الولد مات
ام أسامه بصرخة: بسم الله على ولدي ...وهذي وهي تأشر عليها دخلت علينا ودمرتنا وفرقت بينهم بس لا هالمرة طال شرهم وصلوها لدم ...هي وخالتها الخبيثه ...

ريوف
جسمي كله يرجف ناظرت اللي حولي وانا متفشله ....الحمدلله وأهل امه ..راحوو .....
تمسكت في أسامه بقوة وقربت منه زود ..وانا خايفه ..قلت بهمس وانا اصيح : تكفى ارحمني وطلعني من هنا الله يخليك..

اسامه قال بحده وهو يناظر شهاب : يالله ي شهاب خذهن للبيت كلهن. ..

ام أسامه وهي تصرخ معترضه:بترسل أرسل زوجتك للبيت لان مالها مكان بينا وجودها يزيد علينا اما انا أقسم بالله ماتحرك من هنا لما اشوف ولدي بنفسي وأطمن عليه .....

ابو اسامه بعصبيه: أقول تعوذي من ابليس وامشي للبيت وبنفسي لما يطلع من غرفة العمليات بجيبك يالله خذهم ي شهاب وأنت ي فهد خذ أهلك ...

شهاب قرب من جدته وهو يمسكها وقال بصوته الخشن: على أمرك يالله ي جماعة
اسامه حزن على امه اللي تصيح وابوه معصب عليها ويصارخ ...قال : خلاص يبه خلي امي بس والكل يروح..

ابو اسامه بحده : وش تقول أنت اقول خلها تروح قلبت المستشفى بصياحها و ماقصرت فضحتنا ماغير تهاوش في هالضعيفه معك ...
ام اسامه بعصبيه: والله لو تموت ماتحركت من هنا والي في
رأسك سوه ذا ولدي ..فاهم وهذي ماهي ضعيفه هذي حيه ..فرقت أخوان عن بعض ..وناظرت أسامه ماراح اسامحك لو صار لرائد شيء ...يما قالك إنه مظلوم وقف معه ...بس أنت
ولا همك ...وحالف يمين إنه ظالم لعبووها صح هي وخالتها ..وأنت اكلتها ..
أسامه نزل رأسه متفشل ومقهور من الكلام الي يسمعه ..آلحين
الي مايدري بيدري ..قال برجى : تكفين يمه لا تزيديها علي..
الكلام هذا كله ماهو بوقته
ابو اسامه بعصبيه:لا لا أمك انجنت اليوم وجالسة تقول كلام ماينقال ..اقول ي مره روحي وفكينا من صدعتك ولدك أول مايطلع بنطمنك ..

ام أسامه صرخت: قلت لك والله ماروح ..
الجده بعصبيه من أول ساكته تناظرهن : والنهاية معك ومعاها فضحتونا خلاص خلها تتطمن على ولدها وفكنا ..

صيته قربت من ريوف وهي حزينه عليها البنت ترجف ..واضح عليها الخوف ...وفهمت من كلام ام أسامه ..إن أخوها هو الي تسبب لرائد الله أعلم وش بينهم ... : خلاص ي أسامه مرتك بتجي معنا .... وربي يطمنا على رائد

أسامه قال بهمس : آللهم امين وناول ريوف المفتاح وقال بهمس روحي الشقه طيب لا تروحي بيت أهلى ماظمن لك ايش يحصل
..ريوف هزت رأسها وجسمها كل يرجف ....بسرعة تحركت ومسكت في صيته ..
أسامه شاف أمه جالسه على الكرسي وتصيح صياح يقطع القلب. . قرب منها وناظر أبوه خلاص يبه بنفسي اوصلها لوتطمنت على رائد يالله شهاب خذهن ...
شهاب هز رأسه : ابشر يالله ي جماعه قبل المستشفى مايطردنا
...
ابو أسامه ناظر ناحية لطيفه : يالله روحي معاهم انتي بعد

لطيفه مصدومه تناظر امها يعني أخو ريوف هو المتسبب ماتدري وش تقول ..ولا هي فاهمه شيء ...حست بصرخة أبوها قالت بعناد: والله مااروح بجلس مع أمي. ..مستحيل اخليها وهي بهالحالة ..
ابو اسامه بعصبيه: والنهايه يعني

لطيفه بدون وعي : سوي اللي تبي والله من هنا مااااتحرك

ابو اسامه عصب : وانا ولد ابوي بعد ذي تحلف علي

صيته قربت من لطيفه وهي تهدي عليها وهمست: يالله حبيبتي ابوك بيعصب عليك أكثر من كذا لو عاندتي وارحمي هالبنت وخلينا نمشي امك شوي وبتأكلها ..

لطيفه مسكت في امها وقالت بقهر: محد يلومها على الي بتسويه أخوها تسبب لاخوي ..وش تبينها تسوي تأخذها بالحضن ..
ريوف ناظرت لطيفه بصدمه ..لا لا تكفين مافي حد غيرك أحبه في هالبيت ..ودايم معي ..آلحين انتي بعد معاهم ..ي وجع قلبي ..
صيته قالت بهمس: حرام عليكم والله هي وش ذنبها ويالله أمشي ابوك ماسك حاله غصب ...
لطيفه صرخت بقهر : ذنبها انه أخوها .وروحه ماراح .اروح
..مدام امي جالسه بجلس معاها. ..

شهاب ناظر ناحيتها ...وهو مستغرب أشلون تقول كذا للبنت ..وبعد ماتحترم ..كلمة ابوها ..مهما كان خوفها على أخوها مايصر تكسر كذا كلام أبوها وتجلس تحلف عليه بعد ..هز رأسه بغيض من هالنسوان كلهن مثل بعض ...لسان طويل ...يبي له قص ...شاف امها تكلمها بصوت واطي مايدري وش قالت لها ..بس والله ماكسر قلبه غير مرة أسامه وهم يحذفون عليها كل كلمة أقوى من الثانية ...قرب من صيته وقال :إذا ماتبي تمشي معنا خليها على راحتها وخلينا نفعل خير بهالضعيفه وونبعدها عن هنا ....ومسك جدته وتقدمهن ..
.
ركب جدته السيارة وهو يشوف ..عمته وثنتين جاين وراها ..عرف إن ام العناد واللسان الطويل اقتنعت أخيراً وجت معاهم .حرك على طول أول ماركبوو ...وهو يسمع ..صوت صياحها ...عض شفته وده يقول لها خلاص اسكتي ...يرحم امك...
صيته بحزن :خلاص يمه أخوك مابه شيء ان شاءالله

لطيفه بقهر : ابوي ليه كذا يقهر ...ليه ماخلاني أجلس مع امي وجنب اخوي الحين وش اسوي اروح البيت اجلس بناري
وقلقي عليه ...وبقهر الله لا يسامح أخوك ي ريوف مثل ماحرق قلوبنا ...الله يحرق قلبك عليه ...
ريوف صاحت بهمس ..وهي ماتدري وش تقول ..ولا هي قادرة تتدافع ..عن أخوها وضعها صعب ...حيل ..
شهاب .. فقد اعصابه وقال بحده يوم هبت على البنت تصارخ ومو محترمه أحد قدامها : احترمي ابوك ي بنت وجلوسك ماراح

يقدم شيء غير زحمه على الفاضي والبنت مالها ذنب عشان تلوميها وأخوها مصيرة يأخذ جزاه ..على الي سواه ماله داعي هالكلام والصياح آلحين ....
لطيفه
انصدمت من الي نط فجاة عليها يصارخ ..بقهرناظرت عمتها وهمست :هذي علوم صقركم يتدخل بين النسوان اللي مو محرم عليهن...
شهاب
..سمع همسها حس بقهر ..من ردها ..عض شفته وشد يده على الطاره وده يكسر فمها على هالكلام بس احترم حاله وفعلاً هو
غلطان ..مفروض مايتكلم ويتدخل بينهم ...
أول ماوقفت السيارة ..نزلت بسرعة وهي مقهورة ....
صيته ناظرت ولد اختها وقالت بهمس: الله يهديك وش فيك اليوم على البنت هبيت عليها ...
قال بضيق : عمه نزلي جدتي وخلاص خليني ارجع المستشفى
.
ريوف همست لصيته: تكفين وصلوني بيتي مستحيل أجلس هنا ...
صيته بهمس: ابشري بس أنزل ميمتي ونوصلك ..

الجدة بحده: أقول ي قليلة الخاتمه مفروض توقفي مع أهل رجلك ..ماهو تتخبي في بيتس ..ولا مالتس وجهه بعد سوات اخوتك ..
شهاب قفل عيونه بصبر ..يالله ليه الكل عليها وده يعرف ..
قال بضيق: ميمه الله يعطيك العافية امشي معي اوصلك للبيت
واوصل البنت وارجع للمستشفى ..نزل الجدة من السيارة ورجع حرك فيهم ..على وصفها للشقه ..بسرعة وصلها ..
ونزلت معاها عمته صيته ...قال وهو يفتح الدريشه ويناظر عمته الي ماسكه فيها: انتظرك ولا بتجلسي عندها

صيته بضيق: ودي والله أجلس بس انت عارف ميمتك ماغير تحوسنا .لو جلست عندها

شهاب عض شفته بندم إنه سألها ...يحس ردها يفشل بعد الله يهديهم ليه مايفكرون في مشاعرها ...

ريوف بسرعة قالت : خلاص مشكورين الله يستر عليكم ومشت متجهه للعمارة .
شهاب ناظرها يوم دخلت قال بضيق: الله يهديك ي عمه ليه كذآ قلتي قدامها وبعد ماجلستي معاها شوي مصيبتها كبيرة
صيته عضت شفتها بضيق: اخخ يمه تدري فيني ماعرف امسك لساني ...مدري أشلون قلت كذآ بس والله إني صادقة ماغير ميمتك تهاوشني لو جلست عندها ...
ريوف
فتحت باب الشقه ودخلت قفلت الباب وقفت متسنده عليه وهي منهارة حست برجولها ثقيله عليها جلست وهي تصيح ...اليوم أخوها راح فيها آه ي سمير وش حالك آلحين. .وش صار فيك ..تذكرت كيف قلبوو عليهم وفشلوها قدام اللكل...بس والله مايهمها آلحين غير سمير ..حاولت تقوي حالها وقفت بتعب
ودخلت الحمام الله يعز القارىء وهي تمسح المكياج .وأخذت دش وتوضت فرشت السجادة وصلت ...وجلست تدعي ربها
...إنه ينجي رائد وتسلم رقبة أخوها. .....بعدها وقفت وراحت للشنطه ..طلعت جوالها ناظرته كله مكالمات من مرة أبوها رجعت دقت رقمها وصرخت يوم سمعت صوتها : ارتحتي آلحين خلاص سمير ضاع بسبتك وش استفدتي منه قولي ..
ليه هالحقد الي ضيعني وضيع اخوي بعدي ..

ام سمير وهي منهارة : حسبي الله ونعم الوكيل عليك ماغير انتي الي ضيعتيه ....كم مرة دقيت ورسلت لك تسجيل واقولك ي بنت أخوك بيروح فيها وهذاني اعترف ..اني تبليت عليك بس وين مطشنه اتصالي . وصرخت وهي تناظر ولد أخوها الي جاي لها يوديها للمستشفى ...والله لو يصير به شيء ي ريوف ماغير أخذ عمرك بعده ..وقفلت في وجهاا ..

ريوف مصدومه ماعطتها فرصه حتى تتكلم ..عضت شفتها بقهر ..آلحين اللوم كله عليها وأخوها ضاع بسبة إنها ماردت على مكالماتها ....صرخت بجنون : وش يعرفني إنه بيسوي كذا يآرب رحمتك فيني يآرب. . فعلاً تحس بندم يقطع قلبها يمكن لوردت كان يمكن تقدر تكف بلى .....تذكرت كلامها والتسجيل الي تحكي عنه ايه خالتها دايم ماتعرف تكتب تعرف ترسل تسجيل على الواتس علمها سمير على هالشيء. ..فتحت الواتس بسرعة وشافت أكثر من تسجيل لها فتحت الأول كان (( ردي عشان خاطر أخوك )) والثاني والثالث والرابع كلها تحاول فيها عشان ترد . جت للخامس اللي
قلبها دق وهي تسمعه (( ردي الله يخليك ..مابي أدق على
زوجك ويسجن أخوك قبل مايسوي شيء عشا خوفه على أخوه أكيد بيرمي سمير ويعفن بعد في السجن ..وحقك خذيه مني اناالي تبليت عليك ..وانا الي ظلمتك كله عشان ابعدك عن بيتي ...وبقهر كله من ابوك ...هو إلا خلى هالحقد كله بقلبي ...وفضل الغريبة على بنت عمه ..بس الحين ردي عشان أخوك لا يروح فيها ونعيش بدون عزوه وسند ....والله وعد بنفسي بقول لاخوك وزوجك..عن ظلمي لك ..بس فكي أخوك من دم اخو رجلك.)) كان تسمع وتسمع وهي مصدومه أخيراً برأئتها طلعت ....وبعد اعتراف منها .ناظرت الوقت كان امس العصر... رمت الجوال آلحين مايهمها غير أخوها بس ...إلا أسامه ومرة أبوها آخر شيء تفكر فيهم آلحين. ... ...
،،
،،
،،

في شقة سامي
،،
،،
،،
قالت بقهر وهي تسمعها تصيح : عاجبك كذآ حال بنتك

سآمي بضيق : يمه تكفين فكينا شوي وبدريه تسكتها

ام سامي بعصبيه: وش تسكت فيها البنت تبي امها وانا معاد فيني اتحمل صياح في الصبح والليل حرام ارحمني وارحمها ..
وقف بقهر : يمه وش يعرفها الحين في أمها توها بزر ومو معقول متضايقه من وجودها ..في البيت

بدريه طلعت على صوت امها العالي وهي تهز غرام:أشلون بتسكت واصواتكم عاليه كذآ حرام عليكم كل ماقلت بدت تهجد ترجع تصيح ...من اصواتكم ...
ام سامي بحسرة وهي تناظر الطفله : والله ان محدن قاهرني إلا هالبنت ربي رزقهم فيها وهم مايستاهلوها ..ليتك تفكر شوي ي سامي وتكبر عقلك وتروح فيها لأمها ولا ترد امها...وتفكنا ....

سآمي قاطعها بعصبيه :يمه هي كلمه وحده مابي اثنيها .. غلا مالها رجعه لي وبنتي بتعيش عندي ..
ام سامي بعصبيه : عساك الحريقه أنت وهي ماهميتوني الأثنين

غير هاالاثم اللي حلقها انذبح من كثر صياحها خاف ربك فيها
وبقهر بس وين تروح ظالم مثل أبوك ..

سامي قرب من بدريه وأخذ بنته وحاول يسكتها بس ماقدر
قال بهمس وهو يناظرها : تبي امك والله ماتستاهل هالصياح عشانها ..
بدريه سمعته وقالت بقهر : سامي كبر عقلك وش يفهمها ان امها أخلاقها شينه البنت تبي ترضع بس

سامي رفع رأسه وناظرها وقال بقهر : طيب الحليب اللي مأخذه
لها ليه ماترضعه
ام سآمي بقهر :مافي شيء يعوض عن الحليب أمها والرضعه الي تأخذها ترجعه مدري ليه بعد ...

سامي بخوف وقلق ناظرها : ترجع من متى ليه ماقلتوو لي امشي نروح فيها المستشفي ....يمكن يكتب الدكتور حليب يناسبها
بدريه : طيب وإذا سالوا وين أمها ..
سامي وقف وبضيق : قولي انتي امها وخلصيني

بدريه فتحت عينها بصدمه:وشهووو

سامي ناولها وبسرعة دخل غرفته يغير ملابسه ويأخذ مفتاحة..

ام سامي وهي تهز رأسه بعجز : روحي روحي مع هالمخبول وخليتس على خباله بس .. ونشوف لوين نوصل معه ...

،،
،،
،،
في المستشفى ..

يحس قلبه يتقطع وهو يسمع صياح امه قال بهمس: عشاني ي الغالية
ام اسامه بحده : أسامه ابعد عني أقسم بالله فيني قهر منك أنت دخلتهم علينا أنت ...
أسامه قال بضيق : آه يمه لا تحكمي وانتي ماهو عآرفة شيء
ام أسامه بقهر : كل شيء عارفته أخوك قالي عنه وقالي عن
ضربك له وقوفك ضده ولو تفكر بعقل شوي كان ماشكيت في أخوك لحظة ..رائد قالي شكل البنت وخالتها متفقين كان وخلوني اتدبس وادخل غرفتها ..و تصدق وش قال بعد ي حرام وكاد اظلم البنت وخالتها الي دبرتها وبحسافة هزت رأسها وهي متحسرة للي وصلوو له عيالها بسبة ريوف شوف كيف بس من طيب قلبه ونيته الصافية .مايبي يظلم مرتك بعد ...بس بالعقل تدخله عليها كذآ إلا أكيد ملعوب بينهن الثنتين ...حسافه خلت رجل غريب يدخل عليها عشان إتفاق خسيس وتنال الي في بالها منه ...بس لا جاهم الصيده الكبيرة أنت ي المحترم ي الضابط ..وكملت بقهر : ي الغبي لعبوها صح عليكم الإثنين.... ......وسكتت وهي تتمنى يطلع من هنا يرمي عليها الطلاق بعد الي قالته ودها يطلقها الحين تكرها وتكره أهلها كلهم الي جاهم ماهو قليل من هالعائله القذرة ...ضربت على كتفه :أشوف وش بتسوي آلحين
أسامه وقف معاد له حيل عاد يسمع زيادة....ولا هو وقته هالكلام ..أبد بس عارف أمه من قهرها ودها تبرد خاطرها ....
وفعلا غبي لو صدق الي قالته خالتها يوم دقت تبيه يفزع أكيد عشان ولدها ترمي حالها للنار بعد ومثل ماقالت امي ملعوب بينهن عض شفته بقهر بيخسر أخوه بسبب لعبه قذرة لعبوها هي وزوجة أبوها طيب ...ي ريوف أقسم برب البيت ماغير اطلع حقي وحق أخوي واحرق قلبك على أخوك .... رن جواله ..بسرعة رد : هاا مسكتونه ..
: الولد قلب بالسيارة وحالته خطيرة والحين بننقله للمستشفى ..
أسامه ركض بسرعة للطوارئ وهو يصرخ : خلى الإسعاف ينقله
لهالمستشفى ...

وناظر أبو عصام وهو جاي .. وقف وهو يحاول يمسك نفسه ..
ابو عصام يوم شاف حالته قلبه قبض : عساه خير
اسامه : الي صوبه صار عليه حادث وبينقلونه لهنا آلحين ...
ابو عصام :الله أخذ حقه منه ..

وكلها أقل من نص ساعة وشافهم وهم يدخلونه المستشفى ...
حس بحقد الدنيا كله وده يذبحه على الي سواه ..بس ماقدر يسوي شيء وحالته كذآ ...على طول دخلوه ..شاف ام سمير وأهلها جاين يركضون وصراخ ام سمير شايل المستشفى بتشفي قال هذي حوبة رائد الي بيروح بسبة خطط قذرة منك ومن بنت زوجك ...
رجع لأهله وهو يقولهم عن الي صار.....بس ماقال انه بنفس المستشفى عشان أمه ماتروح تتهاوش معاهم ...

...
،،
،،
،، بيت ابو عصام

قالت بحزن على حال أختها الي ساكته من وقت مادخلو البيت : لك حول الساعتين ..ساكته .كذا . سكتت شوي وهي تشوفها حتى
ماناظرتها .. كملت بشفقه خلاص ي قلبي ومثل
ماقالك ابوي أول مايفيق بيوديك له
أسيل بهمس وهي تمسح دموعها :خايفه ارمل مثلك وانا ماشفته
وحتى ما سمعت صوته وي خوفي انرمي على ناصر مثل مانرميتي على وليد ...
ريتآج
ماتوقعت كذا ردها ...ليه أختها دايماً تذكرها وخايفه من حياتها لاتصير مثلها قالت وهي تبلع الغصه .: لا ان شاءالله مايصير فيك مثل الي صار لي ومعاد قدرت تمسك حالها يوم شافت أسيل رجعت انهارت تصيح .. صاحت غصب عنها ماتبي أختها مثلها الله لا يقولها ...ضمتها وهي تهمس يآرب حظك أحسن من حظي ي عمري ولا تخافي ربك كريم
وجلست تقرأ على رأسها حتى حست بنفسها انتظم عرفت انها نامت مسحت دمعه على خدها ...ورفعت رأسها وهي تناظر
امها اللي دخلت ..وقالت بهمس ربي جابك....
ام عصام بهمس : الحمدلله وهي نامت والله قلبي موجعني عليها وقربت منها وهي حزينه عليها
ريتاج بهمس : كيفه يمه وبعد أهله اشلونهم
ام عصام : الله يصبرهم مصيبتهم قويه وانا بسرعة مشيت مع ام فهد لان الوضع مره صعب وكان زحمه وابوهم جلس يهاوش ..على طول انسحبنا .. وبعدها السيارة خربت علينا في الطريق فجأة وجلس الولد يصلح فيها ساعة ودقيت على أبوك قالي انه قريب من المستشفى قلت له خلاص لعاد ترجع لنا ..والله يعين انتظر لما تصلح هالسيارة ....
ريتاج : يالله على هالحظ
ام أسامه وهي تمدد جنب أسيل : أقول يمه دقي على ابوك
وشوفي ايش يقول عن رجل اختس .

ريتآج : ان شاءالله يمه ...وطلعت من الغرفة
ودقت رقم أبوها ..مارد يالله ...تحس براسها يوجعها سبحان الله هالليله تذكرها بليلة وفاة بندر ي خوفي التاريخ يعيد نفسه ....دخلت المطبخ ...وأخذت حبوب وشربتها ...وطلعت في الصالة تنتظر أبوها. ..يجي ويطمنها ..
تذكرت كلام أسيل ان عمها له طرف في الموضوع. .. رجعت دقت على وليد ...بس نفس الحكايه مايرد قلبها قرصها معقول لهم يد ...غريبه دايم يرد على طول ..
رمت الجوال جنبها وهي تضم الشال على كتوفها من قوة البروده الي تحس فيها .......سندت راسها على ظهر الكنبه وقفلت عيونها وهي تدعي لرائد إنه يقوم بالسلامة .....فتحت عيونها على صوت جوالها ..رفعته وشافت رقم وليد ..ردت بهمس :الو

وليد بتعب :سلامات حصلت أكثر من مره لك إتصال. .

ريتآج ماتدري وش تقول له حنا شاكين ان لكم طرف في الي صار ولا آيش. ..قالت بدون حس :رائد تصوب والزواج كله
خرب والولد بين الحياة والموت وبتردد لايكون لكم يد فيه ..حرام عليكم والله..لو فعلاً حد من طرفكم سواها ...
وليد صرخ بصدمه من الي يسمعه :وشهوو و بقهر من اللي قالته أكيد مجنونه أكيد إلا لو عاقلة مستحيل تقولي كذآ

ريتآج بلعت ريقها ...يوم شافت ابوها دخل والله لو سمعها لا يكون اليوم آخر يوم في عمرها ..قفلت في وجه وليد وهي تناظر
أبوها....بخوف وقلق جوالها رجع ..دق بسرعه قفلت في وجهه

ابو عصام رد السلام بتعب وقال كيف أختك آلحين

ريتاج تنهدت براحة الحمدلله ماسمع شيء : يالله نامت آلحين وبسرعة صمتت جوالها يوم ابوها أعطاها ظهره

ابو عصام جلس على الكنبه :الحمدلله وان شاء الله تقوم على علم يطمن قلبها

ريتآج : ان شاءالله بشرني عنه يبه

ابو عصام : باقي في العمليات الرصاصه في بطنه ومكانه خطير مره بس خجلت اجلس أكثر أمه جالسة ومابي اضايقهم قلت لاسامه اول مايطلع بشرني وحسبي الله عليه هالمجرم الي قلب يومنا مدري وش اللي بينهم والله من وقت مادخل ماتطمنت له الخايس حتى ماخلى حد يقربه أو يسعفه بسرعه دمه كله راح
ريتآج هزت رأسه وهي تسمع كلام أبوها قالت بتردد: طيب
ماعرفتم مين الي تسبب في هالشيء

ابو عصام بقهر : إلا ابوه يقول خويه وبعد اخو زوجة اسامه شوفي كيف الغدر خويه يسوي فيه كذآ بس ربي اخذ حقه وقع على حادث الحين وجنبه وبعد غيبوبه وانا طالع وهم مدخلينه لقسم العناية. ...بصدمه : أخو زوجة اسامه
.وسكتت وهي تشوف شاشتها تنور باسم وليد عضت شفتها ...
يالله وش الي هببتت الله يسامحك ي أسيل

وقفت وهي متوتره : ان شاءالله خير أحضر لك لقمه تأكلها قبل
أذان الفجر
ابو عصام هز رأسه وهو مقفل عيونه بتعب وتمدد على الكنبه : لا سلامتك بس أول مايأذن صحيني أنا بريح هنا شوي .....
ريتآج :ان شاءالله
مشت للحوش وهي تضم الشال على كتوفها يالله الجو برد ..
بس مخنوقه ..ناظرت الجوال وشافت كمية رسايل وصلتها ...من وليد...ياربي مافيها ترد عليه وش تقول له
لازم يهدا شوي ...فتحت الرساله ((ردي خليك قد اللي قلتيه ))
الثانية ((عيب عليك عمك تتهمينه بهالشي وهذا وهو رافع رأسه بك ومايرضى عليك والكل في الكل عنده ))
بسرعة كتبت له (( آسفه ولما تهدى أكلمك ))
تنهدت براحه يوم وقف إتصال وبعد معاد أرسل...
الله يهديك ي أسيل ظلمنا الرجآل.... ....
،،
،،
،،
،،
في المستشفى

صاحت وهي تسمك يده وتشد عليها :ماتحس انهم طولو وبزيادة

اسامه قال وهو قلقان اكثر منها : لانك قلقانه تحسي انهم طولوا
قالت بحقد : والله أخو مرتك ذا حتى لو يموت مانسامحه على الي
سواه في أخوك ......

اسامه :صدقيني خذ جزاه واصابته أكثر من اصابة سمير دخل غيوبه والله أعلم متى يصحى منها ..
رفعت يدها بحقد :ليته من ذا الحال واردى و عساه في جهنم ان شاءالله مثل ماقلب فرحنا لحزن

ابو أسامه بحده : أدعي لولدك آلحين وخليك من الولد وصدقيني ماسوى هالشيء اللي بينهم شيء كايد وانتي مع عيالك عارفته هالشيء بس نطلع من هنا على خير ولي جلسه معاكم ...

أسامه عض شفته ...آه يبه لو تدري وش الي بينهم وراح غدر
بسببه زفر بضيق آه ..لهم أكثر من خمس ساعات هنا .. .ولا اي دكتور طلع من غرفة العمليات ..فتح عينه بسرعه يوم امه صرخت : الدكتور ..طلع يمه ...
وقف بسرعه وتقرب من الدكتوروقال وهو خايف من رده :بشر

الدكتور وهو يطمنهم : الحمدلله طلعنا الرصاصه .وربي كتب له عمر جديد ...بس آلحين صعب نطلعه لغرفة التنويم لازم يكون تحت المراقبه وبننقله حالياً للملاحظه ....
ابو اسامه واسامه صرخوووهم يحمدون الله وسجدو سجود شكر مع بعض ... ... اسامه فز واقف وهو
يتنهد براحه:آللهم لك الحمد وقرب من أمه الي تصيح
وشهوله تصيحي الحين الحمدلله سمعتي الدكتور بنفسك طمنا
ابو اسامه :مشكوري دكتور وربي يعطيك العافية ..

الدكتور: هذ واجبنا وربي يشفيه ويبشرك بطلوعه من هنا
الكل آللهم آمين
ابواسامه ناظر اسامه وهو يهدي في أمه :يالله خذ امك ورجعها البيت الحمدلله الحين وطمنا عليه

اسامه :يبه خذ أنت امي وانا بجلس معه

ام أسامه مسحت دموعها وقالت بقهر : لا تجلسووا تتعازمون علي ماراح اروح مكان غير يوم اشوفه طلع لغرفة لللتنويم

ابو اسامه بعصبيه: وين تجلسي كذا قدام الرجاجيل استحى ي مرة

ام اسامه بعصبيه أكثر :ماعلي فيهم انا جالسة بطمن على ولدي بس
ابو أسامه بحده : اسامه خذ أمك قبل مافقد أعصابي أكثر من كذآ

اسامه وهو معترض :يبه بس

ابو أسامه قاطعه بعصبيه :بدون نقاش بسرعه روح فيها وغير ملابسك ذي وارتاح شوي ...وانا هنا تطمن ماراح اتحرك من عنده
أسامه
هز رأسه ومسك يد امه وقال بهمس : يمه عشان خاطري
ماتعاندي. ..أمشي معي
ام أسامه وقفت بعجز...ومشت معه
وصلها البيت واتجهه لشقته بيأخذ دش و يغير ملابسه ويرجع المستشفى ..
أول مادخل شافها قدامه على الكنبه في الصالة
ناظرها بحقد أكثر من أول....

فزت واقفه وهي تناظر ثوبه الي عليه دم عرفت ان أخوه بخير مدام رجع البيت ....قالت بحسرة : وينه سمير الحين

قرب منها بقهر : بعد لك عين تسألي عن أخوك طيب وأخوي اللي مرمي في المشتشفى مايهم أمره صح...

ريوف قالت بحزن : أخوك ان شاءالله يطلع منها بس أخوي آه ...

أسامه قرب منها ومسكها من فكها : أقسم بالله العظيم ي ريوف
لا اطلع حق أخوي من أهلك كلهم. .والله لا ادمركم مثل مادمرتينا و صراخ أمه وكلامها يوم دقت علي قبل مايسويها الخايس ...وتقول عنك بريئه عارف هالشيء كله خايفة على ولدها وعارف هالحركات كلها ..خطط منكم ...

ريوف ..ابتسمت بألم خطط .منا هزت رأسها بأسف وهي تحاول تبعد يده من فكها أول مارخى يده قالت : يعني مرة ابوي دقت عليك وقالت لك اني بريئة ..بعد وانت باقي ماهو
مصدق ...تصدق ندمانه ندم ليتني رديت عليها ..يوم تدق علي
...بس قد قلت لك من قبل ربي بينصفني ..والي صار خيره ان شاءالله وسمير بيطلع منها بإذن الله أخوك قلبه كبير ...وعندي أمل في الله ثم فيه ...
اسامه إبتسم بسخرية : وتقوليها بعد بثقة ..انه بيسامحه والله ي ريوف هالشنب ماهو على رجآل لو ماخليته يعفن في السجن .
واللعبه القذرة بتدفعوا ثمنها غالي .
ريوف. هزت رأسها بألم من هالتهم تتوجهه لها منه ومن امه ... مدت يدها ..وأخذت الجوال وفتحت الواتس .. .وفتحت التسجيل . وقربت منه ..بجراءة .وهي تسمعه ..وتأشر على الوقت والتاريخ ....

......
،،