رواية أعشق أنانيتك عندما تتمناني لك وحدك الفصل السادس وأربعون 46 - بقلم nona_A

،،
فتحت النقاب وقالت بحده: الخير ماهو يمنا مدام هذي علومكم أنت وأخوك ..
عض شفته بقهر ...مايدري وش يقول بس مسك حاله وقال تفضلي يمه أجلسي وعيني من الله خير

ام اسامه جلست وهي متضايقه : ايش اللي وصلكم لكذا لدرجة اخوك وصلني ورفض يطلع شقتك حسافه ي أسامه صدقت في أخوك على طول من غير حتى ماتسمع منه

اسامه قال بضيق : يمه هذي سالفة طويله وماهو وقتها أبد آلحين وقلت لك من قبل خلاص الي بيني وبين بنت الناس الي مو راضيه عليها بينتهي وبتشوفي لي البنت الي تختاريها

ام اسامه بسخريه :كذآ تقولها بسهوله ومن أصله مين قالي ان وجود البنت مضايقني الي مضايقني شيء وأحد ليه خليتوو مره تفرق بينكم ليه ودي أعرف وبقهر تعبت اسمع كلام من خالتها يقهر ويوم أجي اسألك تنكر.. ويوم شفت اللي صاير بينك وبين أخوك سألته وقال أسامه مريض بالشك ...وجالس يلفق فينا تهم على الباطل البنت شريفة وانا اشرف بس مايبي يصدق وسكتت وهي تشوف المدرعمه عليهم ...
:
قالت بلهفه : ايه وهو صادق والله ..وهالي جالس يمك حالف يممين إلا بينا شي ...وسكتت وهي تشوفهم يناظرونها بصدمه وفي نفس الوقت كره ..قالت بسرعة وهي تناظر اسامه: سمعت امك وش تقول وقلت اطلع ادافع عني نفسي وكاد تصدق اني
بريئه
وقف وصرخ بقهر : أشلون تسمحي لنفسك تطلعي وتتكلمي بعد
ريوف بقهر : قلت لك سمعت الكلام عني وقلت بحاول يمكن حد يصدقني .. حرام عليك حتى عن نفسي ماتبيني أدافع
اسامه قرب منها بعنف وده يذبحها

ام اسامه وقفت بسرعه وقفت في وجهه : أسامه وش فيك تحط حيلك على مره هذي تربيتي لك ..

أسامه يحس حاله مقهور ومتفشل قدام امه أبد ماعمره تخيل هالموقف يعني ينفضح كذا وهو ناوي الليله يرجعها لبيت أهلها

ريوف ناظرت ام اسامه وهي مستبشرة فيها خير وقالت: مالومه ي خاله والله بس كان مدبره صح من مرة أبوي اشوف فيها يوم وهي من حقه يصدق الي شافه ماهو قليل ..وايه بعد ولدك ماقصروطول عمري بشكره على الي سواه معي يكفي ستر علي وسكني في شقه وماهو مقصر بس ماغير رافض يصدق الحقيقه ومع الأسف مصدق مرة أبوي ...

أسامه انصدم توقع تشكي لها ماهو تشكره ..بس مهمها قالت مايهمه غبيه لو فكرت أنها تجيب رأسه بهالطريقه ...قال بحده: خلاص يمه كل شيء بيتصلح واليوم برجعها لبيت أهلها والباب هذا يتسكر كله ...
ام أسامه قالت بقهر :كذا ترجعها وأنت ماهو ضامن وش تسوي فيها مرة أبوها ...
ريوف ناظرت ام اسامه وهي محتاره هالمره حيرتها مره توقف معاها ومره شديدة ...

أسامه بقهر: يمه الله يخليك من أول انتي مالك يد في هالسالفه كلها والحين تكفين يمه شيلي يدك منها وانا بطريقتي أعرف كيف اتفاهم مع الأشكال هذي ومنها لمرة أبوها ينطقوومع نفسهم

ام أسامه ناظرت ريوف وقالت بقساوة: لو مو الي بطنها كان قلت مره تفرق بين إخوان لا بركه فيه بس مدام ولدنا عندها لا تنثبر عندك لما تولد وبعدها الباب الي دخلت من تطلع

ريوف
ابتسمت بسخريه ..يالله توي وانا محتاره فيها سبحان الله
آلحين خايفه على الي في بطني ..قالت بقهر: اللي يسمعك يقول فعلاً انا فرقت بينهم ..وبعد ي قو قلبك تأخذي ضنا من امه ليه
وش سسويت لك

اسامه بعصييه:أقول انكتمي ويالله البسي عباتك ..

ام اسامه لبست الطرحه وقالت بحده وهي تناظر اسامه ومطنشه
ريوف :قلت لك تجلس لما تولد وبعدها في ستين داهيه

اسامه قال بعتراض : يمه

ام اسامه قاطعته بحده :أقسم بالله لو يصير وخالفت الي قلت لك
عليه هالمره بغضب عليك ومن قلب ي أسامه يكفي الي سويته في العايله وهي تناظر ريوف بتصغير ...

أسامه نزل رأسه بعجز مايدري وس يسوي. ..ياربي وش طلع امه اليوم له ...رفع رأسه بصدمه من كلام أمه
وبكره لو ماتحضر العرس بعد بزعل ي أسامه
وناظرت ريوف وبحده : حياك بكره على العرس وبعد ي اسامه جيبها عشان تسويها الكوفيرا معنا وبدون اعذار يكفي اليوم ماشفتك في الملكه يالله مع السلامه

اسامه بسرعه حرك وراء امه نزل

ريوف
جلست على الكنبه... وهي مخنوقه حدها تحس.. بكره لها قاسيه وبقوه بعد ...بعد كلامها السم الي سمعته لها ..تقول لها حياك يالله اي ناس هذولا ماعمرها شافت كذا ولا بتشوف ..
حطت يدها على بطنها يعني آلحين انت.. بعد بيحرموني منك ..

ناظرت أسامه الي دخل وقفل الباب وجلس مقابلها وقال بغيض:اتحملك باقي يالله اي حكم ذا

ريوف بسخريه هزت رأسها :والله باقي مصدومه افتكرت على كلام لطيفه انها تعرف دوابير زوجات الأب لا كرهووا
ومجربه بعد .وعضت شفتها بألم. .بس ...
اسامه بحده قاطعها : طيب ممكن أعرف وش يعرف امي بالحمل
ريوف ايه صدق وش يعرفها قالت بصدق : مدري اممم
وتذكرت كيف طلبت من لطيفه الجاهز أكيد هي قالت لها بس ..هي ماقالت لها بالنتيجه يالله ي لطيفه الله يسامحك ...بس

اسامه بعصبيه صرخ : انطقي كيف امي درت

ريوف يالله الحين نشب لي قالت بطفش: أنت ماغير تحقق يالله ماتعجز

أسامه بقهر : وليت طلعت بشي على هالتحقيق أقسم بالله مثلك ماشفت

ريوف وقفت وقالت بقهر : ومثلك ومثل عائلتك ماشفت
قلت جاا الفرج وكاد امه توقف معي لانها مجربه بس آه
ي حسافه والله اني ندمت اني طلعت من الغرفه ليت انثبرت وماسمعت الكلام الي قالته آه

أسامه بحده: تدري ليه محد بيوقف معك الآن الكذب باين عليك وشكلك مفضوح والتهمه عليك ثابته
ريوف ابتسمت بألم : لا ماهو كذا إلا قول لأني حطيت مع ناس قلوبها قاسيه وماتخاف الله فيني وفي ضعفي لكن ربك كريم مصيره يأخذ حقي
أسامه بعصبيه:انقلعي عن وجهي ريوف قبل ما أخذ عمرك اليوم
ترا حده قلبي مليان عليك
ريوف ابتسمت بألم : من يومه مليان بس تصدق ليه لأنك تبي
تظهراني فعلاً فيني عيوب الدنيا كلها عشآن ايش ماتحس أنك ظالم أحد. ..
اسامه صرخ بقوه: ابعدي ي ريوف

ريوف وقفت وابتعدت عنه بس مادخلت الغرفة الي كان محبسويه فيها. ..حرام تجلس في الحر وهو متنعم ..دخلت غرفة النوم ..وجلست على السرير ..
وهي تعض يدها ندم ليه طلعت وقابلت امه ليه ....آه لو فكرت بس شوي ...شوي بس كان ماسمعت الكلام الي ذبحها زود ..يارب ليه الكل ضدها. ..ليت على هالعقاب سوت شيء رفعت رأسها وقالت بهمس يآرب أنت معي وتكفيني يآرب طلع برائتي يآرب وتمددت بضعف وهي تصيح ..تعبت ..خلاص
كل يوم يمر عليها اقسى من قبل .....
،،
،،
،،
في السيارة
قال بضيق : يمه حرام عليك والله ماطعتك اجيبك هنا غير يوم وعدتيني ..انك تفهمي اخوي أني مظلوم

ام اسامه بضيق: خلاص رائد مدام انك واثق من حالك
خلاص ماعليك والعقرب الي دخلت بينكم هذي وفرقت بينكم يجي لها يوم وتطلع وبقهر والله جيتي لهنا في هالساعة كان بيوديها لبيت أهلها بس تذكرت كلام لطيفه يوم قالت إنها حامل
وبعدها حلفت على اسامه مايوديها غير يوم تولد وتعطينا ولدنا وتفارق الله معاها ..
رائد مصدوم من كلام امه قال بقهر:يمه حرام والله أقولك البنت بريئه وش فيكم عليها كذا ..وبقهر أكثر يومه لا تخليني ان حكيت لك ...كل شيء معنا. ..

ام اسامه بشك : والله من كثر ماتتدافع عنها صرت اشك فعلاً بينكم علاقه
رائد حس بصدمه أكثر وقال :لا لا يمه أقسم بالله العظيم مابيني وبينها شيء ...ومثل ماقلت لك وحكيت القصه لك بالكامل

ام اسامه هزت رأسها وهي تستغفر : طيب خلاص انكتم أكره يوم اتكلم في عرض أحد او اظلم أحد

رائد فتح عينه بصدمه أكثر من كلامه امه : يمه طيب يوم تأخذي ولدها ماهو ظلم بعد
ام اسامه بسرعه : ماظلمتها بس كذا كذا اسامه بيطلقها اخوك أبد ماهو طايقها وتبييني اترك الي في بطنها يتربى عند خالتها والله تبهذله لا لا ولد اسامه يعيش ملك في بيت أبوه وهي أكيد بيجي لها ولد الحلال. ..
رائد يحس بعجز مايدري وش يسوي . قال بحزن على حالها : يمه البنت أخوها متحلف فيها والله ماغير يذبحها
ام اسامه بقهرمنه : في ستين داهيه قلت لك مليون هي وأهلها ينطقوو وانت ي الغبي فكر في حياتك مع أسيل لأن هالاشياء والله ماغير تأثر على حياتك معاها
رائد فكر في كلام امه فعلا ..لو استمر زواج أسامه وريوف .. ..يمكن ...وقتها المشاكل تأثر على حياته مع أسيل....ايوه لازم تطلع من العيله كلها...
ام أسامه يوم سكت عرفت ان كلامها جاز له قالت بسخريه : ان شاءالله دخل في هالرأس المتهور ...
رائد ناظرها وابتسم. ....

،،
،،

فزت بخوف يوم دخل وجلس عند رجولها وناظرها وقال بوجع: لمتى بتحمل ي ريوف

ودها تقول له ...طيب آيش عني انا عاد أنت محد يجرح كرامتك محد يسمعك كلام يهزك في مكانك من قوته ويشطرك شطر ...
أنت عايش معزز مكرم أفضل مني أتوقع في اي لحظه انطرد
هزت كتوفها وهي ماتدري وش ترد عليه ..دفت المفرش ..ورفعت حالها على ظهر السرير وهمست له وهي تناظره كيف زعلان : هالمره لاتسمع كلام أمك وفك نفسك ويالله انا جاهزة ودني بيت أهلي ...

اسامه ناظرها وقال بضيق: على ماظن سامعه ايش قالت

ريوف وهي تجس بذل:عادي صدقني بترضى ...بعدها

أسامه بقهر: ماتعرفيها باقي والله لو قالت كلمه ماترجع فيها

ريوف هزت رأسها بعجز وقفت:على العموم اناجاهزة وقت ماترضى امك ودني لأهلي وطلعت للصاله ..وجلست على الكنبه
وهي ماتدري وش تسوي ..كل مايجي حياتها تتبهذل أكثر وأكثر ...صاحت بضعف ...حرام الي يصير فيها ..ذلوها واجد ...حسبي الله عليهم ...

،،
،،
،،
،،
،،
من وقت ماقفلت من عنده طلعت غرفتها وهي مقهورة ..ومعصبه ...طيب هين لو فيك خير تمنعني عن الي بسويه سيد وليد بقهر ناظرت جوالها ودها تسمعه كم كلمه يحبها قلبه ....بس آه مافيها تصدع رأسها أكثر تقلبت بقهر عيا حتى النوم يجيها ........سمعت دقت الباب قالت بضيق : اسيل ادخلي ...

: كيفها حبيبة أبوها
فكت المفرش وجلست وهي مفزوعه : هلا يبه ..آيش فيه .

أبو عصام إبتسم : بسم الله عليك لا تخافي مافي شي غير زوجك ازعجني ويقول خلي ريتاج تجي المجلس ..

عضت شفتها بقهر ...يعني الحين يقال يحرجني مع أبوي. .
قالت بقهر : جاي الحين غريبه وانا قايله بنام هنا عشان اسيل

ابو عصام : لا لا جاا يعتذر مني انه مايقدر يحضر الزواج عشان
عنده رحله العصر ...ومايمدي يجي إلا اليوم الثاني بعد الزواج ....وقال بيسلم عليك قبل يسافر

ريتاج ودها تذبحه ماهو طول عمره يسافر من غير مايسلم ...يعني مسوي فيها آلحين راعي واجب ...آه بس الله يصبرني ..هزيت رأسي : ان شاءالله يبه آلحين أنزل له ...أنت روح نام ي الغالي ..
ابو عصام بتعب :اي والله بنام وبعد عزابي اليوم امك طردتني تقول بتدوع دلوعتها وبتنام عندها يالله تصبحي على خير

همست له وانا بالي بعيد : وأنت من أهله ...وقفت وناظرت بجامتي تنفع انزل بها ...ناظرت وجهي لسى باقي فيه آثار المكياج ....تنهدت بصبر ..ونزلت وانا متضايقه مابي اقابله واتعب حالي عارفته بضياقني ويروح وانا أجلس أكل في نفسي مثل كل مره .. ...
دخلت المجلس شفته جالس قدامي على أول كنبه ومعصب بعد رفعت حاجب ..
ورديت السلام
وليد ناظرها وقال بجمود:عليكم السلام

ريتاج قربت منه وجلست على نفس الكنبه وقالت بهمس: الحمدلله على سلامة ولد أخوك
وليد بجمود: الله يسلمك
ريتاج ناظرته وبهدوء: ليه مانمت وبكره وراك سفر ....
وليد رفع حاجب وبقهر: لا ي شخيه لا تحسسيني الحين انك
مفكره في راحتي ...

ريتآج ابتسمت غصب عنه تحسه انه مقهور ....وده يذيحها
قالت ببرود يقتل : بسم الله علامك شايل علي كذآ

وليد بقهر: بعد تسألي وبحده ريتاج وش تبي

ريتاج ابتسمت بستفزاز : بسم الله فيك شيء أكيد مين الي طالب الثاني آلحين و منزلني من غرفتي ومزعج أبوي بعد

وليد بقهر: ريتاج خلى عنك هالأسلوب اوك ..وبعد ليه ماتكبري عقلك وتفكري في حياتنا مثل ماانا جالس أحاول أن الأمور تزين بينا

ريتآج ناظرته وبهدوء:حنا اتفقنا وليد وماله داعي نتكلم الحين في اي شيء خليني انبسط في زواج أختي تكفى لا تنكد علي

وليد فتح عينه: يعني آلحين لو تكلمنا عن حياتنا تنكد عليك

ريتآج : خليك من جوابي قولي تجي تتعشى معي ..
وليد فتح عينه بصدمه :آيش
ريتآج ابتسمت على تقاطيع وجهه وهو مصدوم وقالت بأبتسامه :فيها شيء اني اعزمك وهزت راسها بدلع اف لا يكون شايفني بخيله

وليد هز رأسه بلا وهو مصدوم باقي تعزمه على العشى ...
ريتآج ضحكت غصب عنها :هههههه اوك أجلس كذا مفهي يالخفيف لما أجيب العشى ...طلعت وهي باقي تضحك عليه
وبسرعة أخذت من الحم والرز الي باقي وسخنته وأخذت صحن سلطه وصحن ورق عنب ومعجنات وبيبسي وطلعت وهي شايله الصنينه في يدها .فكرت بعقل يوم شافته معصب ...متحبت تزيد الجو ..بينهم وبذات وهي تعرف انه مسافر ...على الفجر ...دخلت وحطت الصنينه في الأرض وقالت : حياك تفضل

وليد وقف وراح غسل يده وجاا وجلس بهدوء ..

ريتآج مدت الملعقه وقالت بهدوء: سم ..

وليد أخذها من يدها وهمس: وش اللي ناويه عليه ريتآج

ريتاج ناظرت عيونه ووقالت : كل آلحين

وليد مد يدها وكل ..وحس نفسه انفتحت يوم شافها بعد تأكل ...
وبعدها بدقايق. سند ظهره على الكنبه وقال : الحمدلله
ريتآج حطت الملعقه وقالت بهدوء: في حلى يحبه قلبك
اجيبه لك آلحين

وليد ناظرها بحب وقال : بعد هالاكل حلى لا خلاص الحمدلله شبعت
ريتآج : ودي فيه وماحب أكل لحالي
وليد بسرعة : ابشري بعزك روحي جيبي حلاك
ريتآج ودها تضحك ..عليه تحسه طاير ..من الفرحه
وقفت وراحت جابت حلى وقهوه ..وجلست جنبه .صبت قهوة وقطعت قطعة حلى وناولته : تفضل
وليد أخذها منها وأكل شوي و حطه على الطاوله وقال بهمس:ريتآج حسي فيني شوي
ريتآج ناظرته بعجز وهي ودها تقول له تكفى لا تبدأ مابي اسمع اي شيء على الأقل اليوم بس غصب عنها قالت يوم شافته انه مستحيل يسكت الا يوم تقوله الصدق والي في خاطرها: وليد بيني وبينك أشياء واجد صعب نقدر نعيش مع بعض ...

وليد بسرعة : قصدك بداية حياتنا ومعاملتي لك أقسم بالله ي ريتاج لا اعوضك ...ولك الي تبيه ..وحقك علي ..

ريتآج هزت رأسها بلا: لا بينا لطيفه وبينا بندر والكلام الي قلته
وليد عصب وقف : لطيفه زوجتي مثل مانتي زوجتي بس بندر الله يرحمه خلاص ريتاج كم مره أقولك طلعيه من حياتك

ريتآج رفعت رأسها وناظرته : وليد لا تقاطعني واجلس وافهم ايش بقول و فهمني الحقيقه الحين صدق مثل ماقلت ان بندر فعلا جاا خطبني عشانك ولا تكذب مثل عادتك

وليد وهو يتهرب : خلاص ريتآج سالفة وانتهت وبعدين آلحين
وش طرى عليك

ريتاج بغصه: قولي ي وليد بندر بعد كان مغصوب علي
وليد بغيره: وش يهمك فيه خلاص افهمي عاد انك لي والي يهمك مفروض انا وبس

ريتآج ناظرته وهي ودها يكون هالمره فعلاً كذاب ..ومايكون بعد بندر مغصوب عليها مثل ماقال ...وايه أكيد كذاب لأنه دايم تسمع شوق تقول ان أبوي يقول في البيت ريتآج لبندر وبندر لريتاج ....قالت وهي تبي تفشله: ايه تكذب أكيد وليد والدليل دايم شوق تقول ان بندر يبيني وبعد تقول البيت كله يقول إني محيرة له

وليد شافها تناظره تبيه يتكلم ..غبي لو يسكت لازم يقول . لها ..الحقيقه ..وبعد وكاد قلبها ..يميل له ..يوم تعرف ان بندر مايبيها ويوم أخذها عشانه بس ...قال بجمود: تبي تعرفي الحقيقه وتبي تعرفي ليه شوق تقول لك كذآ اوك . ورفع أصبعه..والله العظيم اني صادق في كل كلمة اقولها لك ..اسمعي قبل خمس سنوات يمكن او اكثر لاني وقتها باقي في الجامعه ..يومها ابوي جا وقالي بكره جهز حالك ..نروح نخطب بنت عمك ريتاج ...
عض شفته يوم ناظرها كيف خايفه من الي بيقوله بس لازم يكمل قال ببحه ..وطبعاً انا وقتها
رفضت ..وابوي عصب وصارت مشاكل المهم بعدها ابوي طردني ...يوم كنت بطلع خلاص ..امي تعبت ..علينا ...
وقف اخوي بندر وقال انه يبيك ..ومن زمان وده فيك بس يبيك تكبري شوي وتكملي الثانويه .وكمل بصدق وهو كان مايبك
يبي غلا بنت خالتي ....مره شافها عند امي واعجب فيها ..
ريتآج بصدمه:غلاااا

وليد :ايه غلا وحلف يأخذها الثانيه ولازم أول يرضي أبوي عشان كان عارف أنه ماراح يوافق عشان أبوها وسمعته قال حلوو ارضيه وأخذ بنت أخوه وبعدها أكيد ماراح يرفض يوم اروح اخطب غلا اهم شيء آلحين اوصل لريتاج عشان غلا ..وبعد لازم يكف هالمشاكل صايره
ريتآج حست بالدينا تلف فيها ومن الكلام اللي تسمعه ...
قالت وهي عندها امل انه يكذب : وليد أشلون اصدقك انه مايبيني وانه يبي غلا .وهو يوم الملكه كان فرحان وبعد كلام شوق أكبر دليل
وليد ناظرها وعارف انه يكسرها بهالكلام بس لازم تعرف ..: اصبري ويجيك كل الي تبي تعرفيه . تصدقي ايش قالي يوم الملكه بعد ماشافك قال بنت عمي بريئه بس القلب لاحب حب معاد يشوف غير الي يحبه وبإذن الله ماقصر معاها ولا اكسر قلبها في يوم وان شاء الله بنفس راضيه اخليها تخطب لي غلا وتقنع أبوي بعد
ريتاج صرخت وهي تقاطعه:دقيقه دقيقه أنت جالس تتكلم عن حالك وعن حياتي معك بالضبط
وليد ابتسم بألم : صدقيني نفس الحكايه كان بتنعاد لو ربي كتب لك نصيب مع بندر انا طلبت منك ووقفي معي عشان لطيفه وهو يبيك توقفي معه عشآن غلا ..وبعد ..ودك تعرفي بعد ليه شوق كان تكرر عليك هالكلام انك محيره له ومن هالحكي لأنها عآرفة بحبي للطيف .
ريتآج قالت بألم : كلنا عارفين بحبك للطيفه
وليد هز رأسه وكمل : وشوق ماتبي تخسر لطيفه ..وكان ودها تلزقك غصب في بندر وكان تتمنى تكوني لبندر وكان تقول متاكدة ي بندر لو أخذتها بتنسيك غلا والي جابها ....وناظر عيونها بحب وهي صادقه الي يأخذك ينسى عمره بعد ...

ريتآج تحس بكلامه يذبحها ليتها ماسألت ولاعرفت هالحقيقه كلها همست له وهي مصدومه :يعني الفرحة هذيك كلها تمثيل. .

وليد : خلاص ريتآج الله يرحمه وهذا الشيء انتهى وانتي الي حديتني أقوله
ريتاج ناظرته وهي تهز رأسها : يعني كلكم كان مغصوبين عليه وكان السلم الي يصولكم ...ليه طيب

وليد : ماله داعي الحين هالكلام ...ريتآج
ريتآج ضحكت بسخريه : تصدق ان غلا بعد خويتي ...
واحبها وبعد لطيفه صديقتي المقربه والروح بالروح ي الله شوف كيف لعبة القدر ...يعني كان لو بندر عايش كان جاب غلا على رأسي يعني نفس الحكايه ...دايم انا الداخله ...على حياتكم
مع الي تتمنوهم .... مسحت دموعها الي نزلت غصب عنها ونزلت رأسها بوجع ...
وليد حس بشفقة عليها وقرب منها وقال وهو يرفع رأسها : والله ي رتياج لو تعرفي غلاك بقلبي
ريتآج وقفت ورفعت يدها مقاطعه للكلام اللي بيقوله : خلاص وليد بجلس لحالي تكفى
وليد وقف وهو مقهور للحاله الي وصلو لها : اوك على راحتك
..ودعها وهمس تكفين لا تزعلي حالك وفكري في حياتك آلحين ولا تضايقي حالك على شيء مضى ...

ريتآج
ناظرته وهو طالع ...مازعل حالي ...آه ليت عشت على الوهم الي كنت عايشته ....ولا عرفت بهالحقيقه ....حاولت تكذب وليد مثل كل مره بس هالمره ...لا لا مصدقته وتحس كل كلمه قالها ...صدق ...آه ي حسرة قلبي.يعني حتى شوق متفقه معاهم وتكذب عليه وقول العيله مسميتكم من كنتم في ...بسرعة طلعت غرفتها .
صغار لبعض ....آه كله كوم وفرحة بندر يوم الملكه كوم ثاني ....وبعد كلامه و كذبه عليها يوم شافها ..يعني كله طلع كذب في كذب ..وانا وقتها مصدقه عمري ..انه منتظرني هالسنوات كلها ....طلعت غرفتها ...وبسرعة فتحت الدولاب ..وأخذت صندوقها الي فيه صورها يوم الملكه وحرقته من غير حتى ماتناظر في وجههه ...بعدها
شافت العقد اللي لبسها ..فيها يوم الملكه ....وهو تذكر كيف مبتسم ويسمعها احلى كلام مدح . انهارت تصيح ..رجعت ناظرته ..فكرت ترميه بس حرام ترميه ..الشغاله تأخذه أفضل وبعد تكون له صدقه ...ورفعت رأسها بشموخ وهي تمسح دموعها الي رافضه توقف ... والله ماتكسروني ي عيال عمي .....بس آه القلب موجوع حده منهم ...آه قلتها بوجع ..وقفت بسرعه وراحت لغرفة أسيل شافت امها واختها نايمين ...جنب بعض ...بسرعه قربت منهم
وتمددت معاهم وقفلت عيونها وهي تتمنى تنام بعد الي سمعته ..
،،
،،
،،
اليوم الثاني
في شقة أسامه ...
طلع من الغرفة وهو يحس بصداع ..ذبحه ...امس طول الليله مانام ..اشلون ينام واليوم خلاص فقد كل أمل له ...
دخل المطبخ شافها قدامه جالسه تفطر ..أخذ له كوب مويا وحبوب صداع ..وسحب الكرسي وجلس ..وهو يفرك رأسه بيده...قال بضيق: ودي أعرف آيش قال لها رائد
ريوف رفعت الكوب وشربت العصير يوم سمعته يقول كذا نزلت الكوب بقهر ...الله أعلم آيش قايل هذاك بعد لأمه وجايه متحاميه علي زود بلعت العصير وهي تحسه مر ..وقالت بغصه:الكتاب باين من عنوانه
أسامه عقد حواجبه وناظرها مستغرب من ردها
ريوف ابتسمت بقهر: آكيد ماهو مقصر والدليل امك كيف كان كلامها
أسامه ابتسم بسخريه: ي قلبي يوم طلعتي مدرعمه افتكري جايه توقف معاك اخخخ كل ماذكر طلعتك اضحك
ريوف حست بعصبيه جالس يتمسخر عليها ....قالت بألم : توقعت فيها خير وبتوقف مع المظلوم بس مع الأسف اتاري الولد طالع لأمه
أسامه فتح عينه بصدمه من ردها بسرعة سحب كوب المويا الي قدامه على وجهاا على طول وقال بصرخه: هيي اصحي
ريوف شهقت بفزعه من برودة المويا
أسامه كمل بعصبيه: من أول جالسه تحذفي كلام أكبر منك وانا مطنش بس توصل لأمي لا أخذ عمرك واحمدي ربك جت على
كذآ ...
ريوف ..
وقفت وأخذت فاين ونشفت وجهاا ..وهي تحس بقهر ...ناظرت العصير ليتها عندها القوة عشان تقدر ترمي ذا في وجهه بعدد
شافته معطيها ظهره ...وطلع من المطبخ ...تعوذت من إبليس وجلست وكملت فطورها..وهي نفسها منسده بس غصب عنها من الصبح الدوخه ماخلتها ...بسبب قلة الأكل. ..
،،
،،
،،
،،

في بيت ابو عصام

الساعة 2 /م

ريتآج
دخلت الغرفة وهي معصبة على أختها : سؤال ماتبي هالزواج ليه وافقتي
رمت المفرش ببررود :خير وش فيه

فتحت عينها بصدمة: وش فيه الكوفيرا لها ساعة مسنترة تحت وحنا كل مارسلنا لك الشغالة قلتي لها شوي وتطلع من أمس وهذي علومك ومطلعه أعذار. ..فيه فرق ي غبية امس كانت ملكه وفي بيتك الوقت الي تحبي تكمل لك .. بس الحين لا وراك روحه لصالة وزفة وحوسة وش ذا البرود اللي فيك مو خابرتك كذآ
دايم ودك بالزين ...

ناظرتها بألم : امس طول الليل تصيحي صح ...وجعك وليد ...حيل صح ...
ريتآج بلعت ريقها ...وقالت وهي تتهرب: أقول أمشي بس وفكينا من لقافتك ....

وقفت أسيل ومرت من عندها ...رجعت لفت لها وناظرتها امممم ماذكر يوم زواجك تجهزتي وتسنعتي من بدري
اذكر الدموع تسيل ....

ريتاح قالت بسرعة : كذابه والله كنت يومها فرحانه

ومبسوطه لاتنسي وافقت على بندر وسكتت تذكرت كلام وليد والخدعه الي عيشوها فيها عيال عمها ...

اسيل ..شافتها سكتت ..قربت منها وهمست:ماقصد بندر اقصد الكابتن

حست بغصة من كلامها ...بس رفعت يدها وهي مطنشه : يالله بسرعة خذي شور عشان تطلع لك وقربت منها وهي تمسك وجهاا وبغصه:لا يكون حاقدة علي يوم قلت لك أفضل وافقي عليه انتي عارفة اني ابي مصلحتك

اسيل ناظرتها بشفقة ليه تقسى على أختها وش ذنبها وبعدين
خلاص صارت زوجته قربت منها وباستها وقالت بدلع مصطنع: لا قلبووو بدعي لك لأنك اقنعتيني اوافق على رودي

ريتآج كشرت بوجها وضربتها على كتفها : اكرهك لما تحكي كذا ويالله بسرعة بس اخلصي علينا ورانا معازيم
،،
،،

،،
،،

،،
،،

بيت ام أسامه
بعد المغرب

صرخت بصوتها كله: ماهو غصب مابي أروح اوف ماتخيل انه خلاص تزوجها واتعب حالي عشانهم

ام أسامه بعصبيه:لا لا صرآحة مره زودتيها أمشي بس خليها تسوي لك بسرعة مافي وقت وبصرخة وبعد الغبية مرة أخوك ماجت باقي هي بعدوش ذا الزواج البارد من حقها الكوفيرا تعصب أخذنا من وقتها على الفاضي

لطيفه بقهر : أحسن فكت نفسها ريوف من زين المعارس عشان
تتعب حالها وع كل ماتخيل أسيل ورائد على الكوشه تقلب بطني .

ام أسامه بعصبيه:لطيفه أحسن لك تسنعي قبل ماعطيك الوجه الثاني ترا والله ماسكه نفسي عليك بالقوة ...ومابي فضايح قدام أهل ابوك وبقهر امشي لا تسمعك عمتك صيته

دخل على الصوت العالي صرخ بعصبية: وش فيها اصوتكم كذا طالعة أهلي في المجلس وأنتم اصواتكم لما عندنا

ام أسامه بعصبيه : ربي بنتك

ابو أسامه بحده ناظر لطيفه بحده : وش فيك أنتي بعد

لطيفه بقهر : مابي أحضر هالعرس

ابو اسامه بعصبيه: أقول أقسم بالله هي كلمة وحد لو ماتتسمعي كلام امك وتكبري عقلك لا اربيك من اول وجديد بدل ما توقفي مع امك وتوجبي المعازيم وتفرحي لأخوك تكون هذي علومك
كلها عشان غيره أعوذ بالله منك

لطيفه بهمس : الله المعازيم آلحين كلهن أهلك الي طفشت امنا فيهم ولفت تبي تطلع . عشان تتجهز غصب عنها آلحين مدام تدخل فيها الرأس الكبير... شافت رائد داخل وهو مضبط حالة قالت بقهر : ماهو كنه بدري افف على وشهوو مستعجل
لاحق على الغثيثه اللي بتأخذها

رائد ناظر قميص البيت اللي لابسته وقال بقهر : بدري من عمرك وانقلعي روحي تكشخي حسسووني أنه زواج مافيكم خير لا أخ ولا أخت ..ماغير حلوة اللبن معي وهالشايب ...
الحلوو
ابواسامه قال بعصبيه :دق على أخوك وشوفه فين
ام أسامه بقهر: اسامه خلوه علي هو مرته ....

لطيفه وهي مقهورة ...مرت من عنده وبسخرية ميلت فمها:الله والزوجه الي الكل يهاوشنا عليها ...بقرف وع بتنفجر من دلعها وصوتها ....

رائد ميل فمه بقهر: مالك شغل وصوتها بيكون لي طرب

لطيفه .. فتحت عينها بصدمه :طرب اخخخ بس
وطلعت الدرج...وهي تسب ..على ريتآج وعلى عائلتها كلهن
فيها قهر ...آخر شيء يناسبونهم آه بدل ماتنفك تندبل زيادة وش ذا الحظ الي شابكها فيهن ..وبقهر والخايس الثاني خلاص دق مرة وحدة حرام يرجع مره ثانية. ... يدق . لكن طيب هذا وجهي لو رجعت لك وليد ولا رديت عليك. ....وبعاند لبست بسرعة وسوت حالها هي وطنشت الكوفيرا الي أمها جايبتها ...
ايه خليهن يحسووا انها ماهي فرحانه ولا هي موافقة على هالعرس كله ...نزلت بسرعة بعد م شافت حالها قابلت أمها عند الدرج
ام أسامه بصدمة : أجل ليه جايبة كوفيرا
لطيفه :خليها لك لأنك فرحانه بولدك أما انا ليه اتعب حالي واتعب بشرتي بالمكياج الي بتسويه لي وانا كارهه هالزواج كله

ام أسامه صفقت يد بيد وهي مقهورة منها وبهمس : لا حول ولا قوة إلا بالله ودي أعرف كم عمرك على هالعناد وتصغير العقل

لطيفه ابتسمت بنصر انهن خلاص فكووا عنها :والنعم بالله
والسالفة ماهو تصغير عقل بس مابي هالعروس لاخوي

رائد نزل وهو متكشخ بالبشت سمع كلامها الأخير وقال بزعل: مشكورة
لطيفة حسته فعلاً هالمرة زعل وحست بعد نفسها سخيفة بقوه .. قلبها وجعها عليه قربت منه وهي حزينه عليه هوو وش ذنبه تنكد عليه مهما كان هذا أخوها وتحبه غير غير عن الكل مافي حد يفزع معاها في الشين والزين غيره ..حطت يدها على كتفه ورفعت نفسها شوي وهي تسلم فوق رأسه وقالت بهمس : مبروك يالغالي

رائد بزعل:الله يبارك فيك

لطيفه ابتسمت : اخس ي ثقيل ومسوي فيها زعلان أقول فك الخشه أبد ماهو لايق ...

رائد ابتسم بحب لاخته: يالله بسامحك هالمرة بس عشان اسولتي
لطيفة حاست بوزها : وع ي شين ماطريت

رائد هز رأسه : ماتعرفي شيء أسمه مجاملة انتي

ليطفه ضحكت : ههههه لا وتعال يالمعرس وهي تشبك يدها في يده رفعت رأسه له وقالت بضحكه بزفك انا ونخلي أسيل تمشي ورانا

رائد بسرعة دفها على الكنبه وبقهر: فارقي معاد إلا هي انزف مع خشتك واخلي القمر ورانا

لطيفه بقهر : وجع ان شاءالله لك ولها غبي كذا تدفني وكاد حامل والله ماسامحك لو صار به شيء
رائد :أمشي بس وأول ماتوصلي قولي للحب بجلس معاها قبل
الزفة يكفي شوفتها انحرمت منها ...

لطيفه بقهر: عندك جوال ارسل لها. ..

رائد بزعل: ماهو عندي رقمها

لطيفه بسخرية: اخخخ بعد حتى الرقم رفضت تعطيك هوو

رائد صغر عيونه وهو مقهور : أقول بلى شماته ولو عندك رقمها اعطيني هوو بسرعة
لطيفه بكذب : ماهو عندي ...ولا ابيه يكون عندي

رائد عض يده بقهر: وش اسوي فيك من توو تعذرتي والحين رجعتي تحذفي كلامك السم ونفض البشت بقوة وطلع

لطيفه ضحكت بصوت عالي ... وبسرعة طلعت جوالها من الشنطه وأرسلت له الرقم ... ...وكتبت (( بدعي لك ان ربي يصبرك على مقبل عليه ))
،،
،،
ناظرته بقهر وهو ينشف شعره ...ماتبي تروح .بيت أهله ...ولا تبي تحضرهالزواج كله . رجعت ناظرت جوالها وهي تفكر وش تبي مرة أبوها لها أسبوع ماغير تدق ...افف لايكون بعد تبي تقولها إنها معزومه لا يآرب ..ان شاءالله ماتشوفها ماهي ناقصه تفضحها زود ..تدري فيها ماتخلي فرصه تفوت عليها ...
.
ناظرها في المرايا بحده يبيها تطلع من الغرفة. ..بس أبد مطنشه وجالسة تلعب بجوالها بكل برود..وهو يحترق ..رفع يده بعصبيه يهددد ..: ترا أقسم بالله نفسي بخشمي ..

ريوف رفعت رأسها وناظرته ...خير ينافخ وش قالت هي آلحين. ..ماغير انتظره يكمل عشان تتهبب وتروح لبيت أهله
اسامه كمل بعصبيه وهو يرمي العطر الي على التسريحه بقوه في الجدار : وش مجلسك في غرفتي اليوم انقلعي عن وجهي مابي أشوفك ...
ريوف وقفت وهي تبلع الغصه ...فعلاً هي وش مجلسها ..
أسامه رن جواله ...مد يده وسحبه من الشاحن ..زفر بضيق وهو يتعوذ من إبليس رد وهو مقفل عيونه ...من الكلام الي امه بتسمعه أكيد : هلا بتاج رأسي
ام أسامه صرخت بعصبيه : أسامه تعاند مين جالس
اسامه قفل عيونه بصبر: أروح فيها ان شاءالله لو فكرت بس اعاندك ي الغاليه
ام أسامه بحده :مرتك وين
اسامه بضيق: ..مسافة الطريق يمه ..وبسرعة لبس ..وتشكخ وهو ضايق ...رش عطر على السريع. ..وطلع من الغرفة ...شافها جالسه ..بعد تناظر الجوال. ..
قال بشك : وش عندك اليوم ماغير تناظري بهالجوال تنتظري اتصال ولا عندك باقي أمل يهون ...ي الغبيه صارت زوجته
خلاص طار من يدك
ريوف ابتسمت على جنب : قصدك طارت عليك

أسامه عض شفته بقهر : أقسم بالله العظيم لو ماهو ضيق الوقت كان الرد بيكون ثاني ..أمشي قدامي
ريوف ..وقفت ومشت معاه ..وركبت السياره ..وهي ضايقه حدها.....جلست وراء...على طول
اسامه ناظرها في المرايا بقهر : كم مره اقولك وحنا رايحين بيت أهلي اركبي قدام وضرب على الطاره بعصبيه ناقص فضايح

ريوف نزلت وركبت ..حطت الجوال قدامه عشان مايرمي اي كلمه عليها ويعرف انه يظلمها ...شافت الشاشه تنور برقم خالتها حمدت ربها وهو صامت اف ..وش عندها للمليون داقه

أسامه نزل نظره للجوال وقال بحده :شوفي مين

ريوف ناظرت الشارع من الدريشه وقالت بدون نفس: مرة أبوي مالي مزاج لها
أسامه بقهر : باقي تدق عليك وأنتي مطنشه يالله ردي شوفي
ايش تبي منك ..وبصرخه ردي

ريوف بقهر: أسامه تكفى مابي والله اموت يوم اسمع صوتها واتذكر الي انا فيها آلحين بسبتها ...

أسامه زفر بضيق : الله يأخذك انتي على خالتك
ريوف
طنشته ....وهي خايفه ومتوتره ..لو تحضر الزواج ..
وتسوي لها شيء . تحس بقلبها ينغزها..ماهي مرتاحه أبد. .
أول ماوصولوا ..على طول نزلت ..ودخلت البيت ..
شافت الكل موجود حتى أهل الديره ..حست بضيق وهو تشوف نظرات العجيز ...جدة أسامه يالله هي تحصلها الحين...من أمه ولا من جدته ..سلمت على الكل وهي متوتره .

صيته وهي ترحب فيها : حياا مرة أسامه القاطع

الجدة بحده : في حريم سنعات يذكرن رجالهن بصلة الرحم وفيه حريم الله المستعان بس ..

ريوف يالله كملت ..الحين العجيز ذي وش يفكها منها وقفت .وقالت بهمس: وين لطيفه ...ماترتاح لحد في هالبيت غيرها .
..
ام أسامه بحده :خليك من لطيفه وادخلي الغرفه الكوفيرا تنتظرك لها ساعة ...

صيته وقفت : فديتس والله ي انك وحشتيني تعالي تعالي بوصي
عليتس الكوفيرا ...

ريوف تذكرت الحناء والي سوته لها ...همست الله يستر من هالتوصيه ...دخلت وهي تسمعها توصي الكوفيرا عليها ..

صيته : ان شاءالله عجبتس بس ...الي قلت لها تسويه لتس هذا المكياج طلبته لبنتي يوم ملكتها ..وأهل رجلها انجنوو عليها ...
ريوف ابتسمت مجامله : آكيد مايبي كلام وناظرت الكوفيرا برجى إنها ماتسوي اي شيء طلبته منها
الكوفيرا همست لها بعد ماجلست صيته: ولا يهمك بسوي لك مكياج مميز لأني من وقت مادخلت هالبيت ماغير العجايز يتحذفن علي ..اسوي لهن ...
ريوف ابتسمت لها البنت شكلها روحها طاقه .
شوي ودخلت عليهم لطيفه ...وهي تصرخ: القمر عندنا لا لا وش ذاا وقربت منها وباستها ..
ريوف ابتسمت لها ..وهي عتابنه عليها .....لأنها قالت لأمها بسالفة الحمل ...
لطيفه جلست وناظرتها ..وهي تذكر كلام أمها عنها ...يالله ليه ماهو طايقتها والله عسل هالبنت وينشفق عليها. .تحسها ضعيفه وبقوة بعد ....وقفت وهي تذكر الفستان : بروح اجيب الفستان
اوك يوم الحناء روحتي من غير ماتأخذيه ...

ريوف هزت رأسها.... وهي متضايقه ...وخايفه بعد ..من الي بيصير اليوم لو حضرت مرة أبوها ....الله يأخذها مسبب لها رعب ...غير طبيعي ...
كلها ساعة وكملت منها الكوفيرا ...وبعدها لبست ..وطلعت ..
من الغرفة ..مع لطيفه ..وجلست في الصالة ..
لطيفه بهمس: الله يعين اليوم عمتي صيته ترتبش وهاتي ي رقص اللي متأكدة ان الحضور بضحكن عليها
...
ريوف بهمس :حرام عليك بس تعيبي فيها والله انها ضعيفه. .

لطيفه بقهر : ضعيفه والله ماغيرك ضعيف ..
وبهمس شرف العريس
ريوف نغزني قلبي يوم قالت كذا. .وقفت بروح من غير ماناظر وين أشرت لطيفه
لطيفه بهمس مسكت يدها : وين

ريوف بقهر سحبت يدها : أشلون اجلس ورائد موجود
لطيفه فتحت عينها بصدمه: ي الغبيه وينه رائد أقصد أسامه

ريوف لفت بسرعة لجهة الصاله الثانيه ...فعلاً كان أسامه وجاي مقبل عليهم ....قالت بقهر: مدري عنك قايله العريس
لطيفه بهمس: مفهيه صدق ...وقفت ترحب هلا هلا بالزين والله اني زعلانه منك وأنت خابر ليه ..بس يوم شفت كشختك ذي
هونت الله يقلع الزعل

اسامه إبتسم بحب لها : فديت اللي زعلانه وابشري بلي يرضيك

لطيفه : خلاص رضيت يوم شفتك وناظرت ريوف شوف شوف
بس الحلوة هذي ..
أسامه نزل نظره لها ..وناظرها ..وهو مقهور ..حرام هالجمال ..ضيعته ...هز رأسه وهو متضايق ...فز بفزعة من صوت عمته صيته : وينك وينك ي القاطع

أسامه قرب منها وسلم عليها وهو يرحب فيها وقال بضحكه:
و ينك انتي لي ساعة من وقت ما دخلت حصلت جدتي ...وماشفتك
صيته فتحت عينها بصدمه: اسمعوا هالكذوب والله توني رحت للمطبخ مالي دقيقه ولا لا ي بنات
لطيفه تحب تعاند عمتها: افف ي عمه دقيقه ماشفتك في الصالة أبد. .
صيته بقهر: يالله أكيد بتشهدي مع أخوك وانتي ي ريوف

ريوف بلعت ريقها ماتبي تتكلم ولا تبي تتدخل في شيء وهو موجود . بس فرصتها تبرد قلبها شوي.رفعت رأسها وقالت :ماعليك فيهم ي حبهم للظلم والافتراء..

صيته صرخت بفرحة : عاشت بنيتي

لطيفه صرخت بقهر :والله ي ريوف وهذا وانا أحبك

أسامه ناظرها ورفع حاجب ..عارف وش تقصد من ردها ...
صيته قربت من ريوف : تعالي يمه برقيك خايفه عليك من العين بسم الله عليك مأكله الجووو ...وناظرت أسامه ي بختك ...
ماشاءالله جمال الهنود مشهور ..وأنت أخذت الزين كله. .
.
أسامه ناظرها ..وهي ترقيها ..وبعد شكل ريوف خجلانه وجها قلب أحمر. ..احتار في هالبنت ...من شوية كلام قالته عمته خجلت وحالتها صارت حاله. .أجل أشلون سوت سواتها مع أخوه. ناظر امه وهي جايه يمهم إبتسم لها وهو يرحب ويمدح فيها: هلا والله الزين هنا وسلم فوق راسها ....

ام اسامه قالت بحده وزعل: شفت أخوك

أسامه بضيق: باقي يمه

ام اسامه بقهر : خلاص فرقت بينكم بنت إبليس

اسامه وهو يناظر أهل أبوه خايف يسمعووا أمه ايش تقول
ومستغرب بعد.. دايماً تسعى أن اي شيء مايدرون عنه تقوم ترمي حكي قدامهم ...

ريوف حت بقهر من كلمة امه يعني انا آلحين بنت إبليس وقفت وهي روحها طاقهه منهم خلاص تعبت وهي تسمع كلام وتشوف نظرات التعالي والتحقير.لها بس تصل لابوها وتقول عنه إبليس لا والله ماتسكت ...قالت بصرخه: والله إني بنت رجآل والي بتفرق بينهم صدق جايه في الطريق زوجة رائد اللي صدق بيتذابحو...عليها ...الإخوان ناظرت الكل وهو مصدوم بس طشنت وكملت واشوف كيف بعدين تعرفي تحليها ... ماحست إلا
بالكف الي جاها خلاها تسكت .. ناظرت الكل وهي تحس
بصدمه من قوة الكف ... ..
اسامه بصرخه بعد ماعطاها الكف: انكتمي ....

لطيفه قربت من ريوف ومسكتها وهي تصرخ على أسامه
: حرام عليك
صيته بسرعة قربت منه وهي تدف : الله يقلعك وش بك على البنت ...،،
ام اسامه قربت من ولدها وهي ندمانه إنها رمت هالكلميتن هالوقت ...بس فيها قهر على عيالها يفترقون عشانها ..بس أبد ماتوقعت ردها بيكون كذا..آلحين أشلون بتفهم أهل زوجهاا
قالت بقهر من حالها: عشاني يمه تعوذ من إبليس وناظرت ريوف بحقد وهي تتحلف فيها ...

الجده ناظرتهم من الجلسه الثانية ..قالت بصوت عالي: ابعدي ي صيته خليه يأدبها بنت الهنديه ...مطوله لسانها ام زوجها ...تستاهل ..

ريوف ناظرت الجده بحقد بس مافيها عاد تتكلم يكفي الي جاها ...حست بذل همست للطيفه طلعيني من هنا ...
أسامه وده يذبحها....فشلته بقوه ..الحين كيف بيحلها ...
ناظرهم وقال بحده: الي بيجي معي ي مرحبا .وقرب من ريوف وسحبها من يدها ...أمشي قدامي ...
لطيفه بسرعة قربت منها : مستحيل اخليها معاك لحالها ..
وبسرعة لبست العبايه و ناولت العبايه لريوف ..
ريوف
سحبت يدها وأخذت العبايه ..وهي ودها تصرخ وتقول فكوني مابي اروح معكم ولا ابي شيء ...بس شافت نظرات أسامه ماتطمن أبد ...لبست العبايه وسوت نقابها ..ماحست إلا بيدها تنسحب مره ثانيه بعنف ..ناظرته ..تترجاه مايفشلها زود ...
أول ماركبت السياره ..حست براحه يوم لطيفه ركبت معاهم
أسامه اول ماركب قال بعصبيه: الحين عجبتك الفضحيه الي صارت بسبتك ... ...
والله ي ريوف ماخليها لك خليني بس اختلي فيك ...

ريوف
ماردت عليه ..تحس برعب .....فعلاً هي ايش سوت ..مستحيل تمر كذا هالسالفة. .والله ماغير تروح فيها بس هي تتحمل كل شيء إلا حد يغلط في أبوها ....

لطيفه بقهر: خلاص أسامه. .يكفي ..وبعدين هي صادقة الي جايه في الطريق هي الي بتخرب بينكم ...

اسامه بعصبيه صرخ واشر للباب: انزلي من السيارة بسرعة

لطيفه بقهر: مشكور على الطردة ..ي خوي
ونزلت وهي مقهورة ..وخايفه ..على ريوف بعد ..
ناظرت سيارة أهلها مشت ...وبعد أسامه ..
مشى ..حست بعمتها صيته وهي تنادي عليها بعد ماطلعت جدتها السيارة
: وش فيتس كذا واقفه ...
لطيفه بفشله : بجي معاكم

صيته : هوو ماهو كان مع ريوف حرام عليتس خليتيها معه ..
لطيفه بصبر: قلت بخليهم لحالهم ..وكاد يزين الجوو بينهم
صيته : اركبي يمه ..معنا والله انك خليتي له الجو عشان يستقوي عليها حسبي الله على عدوينه طقها قدامنا ...
لطيفه ركبت وانا متفشلة .
صيته : آه ي قهري عليها والله مايستاهلها ..والله لو يطلقها لاازوجها لك يمه
شهاب عقد حواجبه: بسم الله مين الي بتتطلق وتزوجيني عليها

صيته بقهر:والله فيني غبنه عليها هالبنت أعطاها هذاك الكف
ياويل حالي ماغير فشلها قدامنا والله ماتستاهله تستاهل صقر مثلك يمه ..

الجده بحده: أقول اسكتي بس وماضربها إلا من طول لسانها إلا هذاك حكي ينقال وشهاب مايأخذ هالاشكال
لطيفه تحس بقهر وفشله جالسين ..يتكلمون عن البنت قدام الرجآل وهو غريب عليها وبعد يزوجون ويطلقون على كيفهم همست لعمتها صيته: خلاص فضحتوو البنت ...ومشكله صغيرة وتنحل بينهم

صيته : هوو اي فضيحه بسم الله. .عادي حنا كذا دايم نقول لصقرنا بكل شيء..وهو ماشاءالله سميع
لطيفه عضت شفتها بقهر منهم ومن صقرهم هذا ...الي عنده علوم الحريم. ..
شهاب عض شفته بفشله .بعد سميع الله يسامحك ي خاله .آلحين وش تقول عنه ..يسمع هروج الحريم والله..ماغير يتضايق لو سمعهم يتكلمون قدامه بس ..مافيه يكسر خاطرهم ويقولهم مايحب هالشيء...بس يطر ويسمعهم ويطنش دايماً. .
،،

في القاعة ...

ام عصام بقهر: مفروض ام المعرس تكون قبل اللكل

ريتآج ..ايه والله مفروض. ..يمه ...بس مستحيل تقول كذآ قدام أمها. ..لانها ..تبي شوي بس وتسوي مشكله قالت وهي تحاول تدور لها عذر: ماعليه يمه يمكن انشغلت تعرفي أنتي الحوسه اللي تصير في هالليلة

ام عصام بضيق: آه من هالزواج اللي محد راضي عنه
أعوذ بالله بعد نحس شكله هالمعرس ولد ناصر بغى يموت تقول خالتك
ريتآج بحزن عليه: اي والله قالت لي شوق ..

ام عصام : وشوفي بعد وين القهر عمك المحترم خلاص ماوده يقول لابوك شيء ولا يحضر لنا شوفيه اليوم بعد أعتذر يقول
ماله نفس يحضر ولد ولده في المستشفى

ريتآج : يمه عذره معه صدق يمه وشلون يحضر والولد تعبان

ام عصام بسخرية : عشان تعبان ولا مقهور عشان هالزواجه كلها وبعد زوجك أبوك يقول أعتذر ودي أعرف مين بيوقف مع أبوك. ..
ريتآج تذكرت امس يوم جاا آه ي إنه وجعها حيل ...هزت رأسها بضيق... وهي تشوف ام اسامه .داخله همست الله يستر من هالليلة...ناظرت امها وقالت:الحمدلله وصولوا

ام عصام بقهر وقفت :أخيراً شرفووا مشت ناحيتهم

ريتاج مشت مع امها وهي خايفه لا يصير شيء ...حاسه ان امها ماراح تعدي هالليله ...على خير ...
ام عصام بزعل:ليه تسذا متأخرين

ام أسامه ناظرت الحضور اللي قليل مره قالت بتعالي : مابه تأخير انتم جاين بدري

ام عصام بعصبيه : وشهوو وهذولا طيب

ام أسامه ببررود: هذولا من طرفك
ام عصام فتحت عينها بقهر: من طرفي وإذا من طرفي ماهو
لازم تكرميهن

ام اسامه بهدوء وفكرت بعقل لو جلست تأخذ وتعطي معاها أكيد ليلة ولدها اليوم بتخرب ...:ان شاءالله نكرم الكل ومشت من عندها وهي تتعوذ من إبليس

ريتاج وهي تهدي امها :يمه عشان اسيل

ام عصام بقهر:محد كسر ظهري غير أسيل

لطيفه طول الوقت تشوف يد ريتاج بصدمه ...هذا الخاتم الي شافته يوم سافرت شهر عسلها ايه والله هو مستحيل تنساه كان ودها فيه بس وليد ماحبه أبد. .بلعت ريقها ..معقول وليد خذه لها ..تذكرت يوم قالت انه عجبها... طلع مليون.. عيب فيه
لا لا مستخيل تنخدع ...بها الطريقة ..بلعت الغصه ..وصبرت حالها الليله بس تعدي.... ولها تصرف ثاني ..ابتسمت للحضور.. مجامله وهي ترحب فيهن مع أمها ... ...يآرب يصبرها ...ويعطيها القوة ...
كل يوم تنصدم في وليد ...أكثر من اليوم الي قبله ..كرهته حيل
كذب عليها وقال انه خايس وابد مايستاهل قيمته الغالية ...عشان تلبسه ريتآج .الغالية على قلبه ..وعزه علي
ياولي على حالي. ..ضيعتي نفسي مع وأحد مايستاهل بس والله
مثل ماورطت حالي ..بطلعها بأقل الخساير..ايه وبطلع بكرامتي
من حياته كلها. ....حست بأمها تضربها على كتفها : بنت
قالت وهي مفزوعه:هلا يمه
ام اسامه بحده: ساعه اكملك وانتي ماهو معي
لطيفه بغصه :ايوه

ام اسامه بقهر :زوجة أخوك وين ادورها ماشوفها أهلي يسألون عنها
لطيفه هزت رأسها بضيق: قالت بتضبط مكياجها وتجي وبرجى تكفين يمه لا تزيدي عليها البنت حالتها حاله

ام أسامه بسخريه : ي حظي آلحين هي تعرف تضبط شيء روحي بس شوفيها لا تخرب مكياجها وتفشلنا ...وبحقد والله فيني قهر عليها بس طيب خلي هالليله تعدي
لطيفه هزيت راسي لأمي وانامو معاها أبد أتخيل شكل الخاتم في يدها......

::
::
::
::
::
في بيت ام سمير

شافته ينزل بسرعة من الدرج ...حست بخوف ..قربت منه
وهي توقف في وجههه وتمسك كتفه : يمه وش ناوي عليه
سمير قرب منها وسلم فوق رأسها وهو يطمنها:مابه شيء لا تخافي

ام سمير بخوف : وشهوله نازل كذا من الدرج أكيد فيه
فيك شيء

سمير بكذب :واحد من اخوياي مسوي حادث ورايح اشوفه

ام سمير بشك:تقولها صادق يمه

سمير هز رأسه وقال بهس وهو يسلم فوق راسها مره ثانيه :ايه يمه صادق ومشى رجع ناظرها وقال بحزن عليها يوم تدري باللي بيسويه :وشهوله هالخوف يمه

ام سميروهي تمسح دموعها:خوفي عليك من نفسك يمه ادحر الشيطان عنك وخل الولد في حال سبيله مدام أختك انستر عليها
ودها تقول له الحقيقه بس خايفه تخسره ..
سمير بقهر: ترضيها علي يمه مأخذ حقي من الي دنس شرفي

قربت منه بخوف شكها في مكانه ماهو ناوي على خير أبد قالت وهي تترجى فيه : يمه والله ماتضيع حالك عشان شيء صار وانتهي افهم عاد وضربته بقوة على صدره وهي تصيح لا توجع قلبي تالي عمري ..

مسك يدها وقال بغبن : ان شاءالله ماينوجع قلبك يوم ينرفع
رأسك ان ولدك رجآل وبسرعة ركض لناحية الباب وهو يسمع صياحها وتنادي بأسمه ..
ام سمير : يمه سمير تكفى تعال تكفى والله اختك مظلومة وانا ظلمتها والله وهذا كله من قهري ...
وقف سمير وهو يسمع كلامها الأخير ناظرها وقال بسخريه:مظلومه يمه وانتي الي ظالمتها أقول يمه والله لو ايش ماصدقت فلا تظلمي حالك وتشيلي العيب عنها مستحيل اصدق غير الي شافه عيوني وبرفع راسي اليوم ...وطلع بسرعة

ام سمير ركضت تبي تلحقه بس قفل الباب عليها جلست على الأرض منهارة ...خلاص سمير راح والله ولدي بسببي رآح. . بسرعة وقفت ..
تركض تجيب الجوال ..وتدق على ريوف ..تقول لرجلها يحمي اخوه ..ولا يبتلي ولدها فيه ...مسكت الجوال بيد ترجف ...
دعت الله ترد عليها ماهو مثل كل مرة تطنشها وماترد ...
دقت ودقت بعد طنشت ..ماعندها غير زوجها ايه بتدق عليه وتقول له كل شيء. ....

::
::
::
::
::

::
في قاعة الرجآل ...
ناظر أخوه بضيق .. كل ماحد قرب منه يبارك له ..حس قلبه ينشطر ...وقف بضيق ماقدر يتحمل ...بذات مع نظرات ابو عصام . قف في زاويه وسوى نفسه يكلم ..ورجع وهو.. يتمنى ان الحيله تمشي على أبوه همس له: يبه .العمل دق عليه ضروري أطلع. ..لا اوصيك ...رجع ريوف معكم ..لأني اليوم المهمه صعبه ومايمديني ارجع لهنا عاد ....قال كذآ وهو يتمنى ابوه يصدقه ..
ابو اسامه بضيق :وش مهمته آلحين

أسامه رفع كتفه بقلة حيله:عملي يبه ولازم البيه لوطلبني

ابو اسامه بفخر : الله يحفظك يبه

أسامه حس بتأنيب ضمير وهو يكذب على ابوه بس والله مافيه حيل يتحمل شوي ..ويقوم يذبح أخوه .....طلع حتى من غير مايسلم عليه ..ركب سيارته ..ومسك خط بيروح الشرقيه ...يبي يطلع من الرياض كلها ...رن جواله عرف انه أمه أكيد أبوه وصل لها الخبر ...بس أستغرب ...رقم ام سمير ...زفر بضيق هذي وش عندها اليوم داقه على ريوف والحين عليه فتح الخط وقال بحده : اللهم اجعله خير
صرخت وهي تصيح: والله مابه خير ..
أسامه هدا السرعة وقال وهو مفزوع: وش فيه بعد
ام سمير...قالت وهي مايهمهاا الحين وش يقول عنها ولا وش يسوي اهم شيء ولدها قالت بصرخه: الحق اخوك والله سمير
ناوي عليه وعلى مرتك وليت بحق ..والله العظيم انهم..
مظلومين من التهمه اللي جتهن والحين ماينفع الحساب الحق أخوك بسرعه يمه انا مالي حيل اطلع واقدراسوي شيء قفل البيبان كلها علي .....
وقف السيارة على جنب ..وهو باقي ماهو مستوعب وش تقول
قال بعصبيه :وش تقولي أنتِ...وكيف مظلومين وانا شايف بعيوني
ام سمير بصرخه : لا تجلس تستفسر آلحين لو عند أخوك في القاعة سوى اي شيء عشان مايدخل سمير قسم بالله العظيم ماطلع إلا ناوي عليه وهذي انا قلت لك ...والله مظلومين ي أسامه ماهو وقته أبد اقولك روح امنع البلى الي بيصير وبعدها بنفسي اجي يمك وأقولك كل شيء
أسامه يحس حاله مجنون وهو يسمع وش تقول قال بصرخة : كيف مظلومين كيف ابي أفهم والي صار
ام سمير وهي تصيح: تكفى الحين الحق أخوك وبعدها تعال وبقولك كل شيء أخوك بيروح ولدي بعد بيروح بنجلس حنا بحسرتنا ....
رمى الجوال وهوولسى مصدوم من الي سمعه . هز رأسه بقوه وهو يرددد ماينفع الحساب الحين صح ماينفع .. بسرعة لف ورجع ..وهو يتمنى يلحق يسوي شيء قبل ماسمير يوصل ...

،،
،،
،،
،،
،،

دخل وهو متشخص على الآخر ...اليوم بيأخذ ثآره
ويرفع رأسه اللي وطاه هالخايس ....ناظرة وهو متربع على الكنبه الذهبيه الفخمه ..في وسط الصاله. ..إبتسم بحقد ..ابشر بعزك اليوم ازفك لقبرك والله ي المعرس
توسط الحضور .. وبالاخص قرب من مكان رائد .وهو راسم على وجههه ابتسامه عريضه مايبي ينتبه اويحس عليه أنه ناوي عليه ...اليوم
رائد
اول ماشافه دخل مانتبه له ..مع الزحمه اللي قدامه بس يوم قرب
منه عرف انه سمير ..حس قلبه قرصه وخاف لا يخرب عليه ليلته بالمطاقق معه وينفضح اليوم وفي ليلة عرسه ناظر ابوه بتوتر ورجع ناظر سمير اللي قرب منه ...بس شكله مايبين انه ناوي على شيء. ..حس براحه بس لسى ماهو مطمن ..يدري فيه خاين ومتهور من يومه تمنى لسى أسامه موجود يحتاجه
الحين وبقوة بعد أكيد محد بيفكه من هالمصيبه مقبله عليه غيره.. تلفت لجهة الباب يدور وجه
اسامه عنده آمل يرجع بس خاب ظنه رجع ناظر سمير ...
قال بخبث :مبروك ي عريس وهو يمد يده

رائد بتوتر مد يده :الله يبارك فيك تفضل حياك سحب يده بسرعة
يوم شدها بقوه وهو يناظر عيونه ...والله الشر فيها الله يستر ...
سمير بقهر وغيض من الي سواه في وسط بيته وغدر به ودنس شرفة قال بحقد : آكيد بتفضل والمكان مكاني بعد ولا به كلام ثاني ي المعرس قرب منه وهو يأشر على ابوعصام وبهمس.:هذا الي رمى بنته على وأحد مثلك صدق حرام والله هالناس المخدوعه فيه
رائد بقهر وهو يناظر الحضور مايبي حد ينتبه او حد يسمع اللي يقوله قال بحده وهو صاك على سنونه : شوف بتجلس وأنت منثبر حياك الله ام اذا في رأسك حرش انقلع من المكان كله
وبعدها نتفاهم ونتقابل في غير هالمكان

سمير رفع حاجب وقال بهمس: اخس ي القوي ..نتفاهم في غير هالمكان بعد .. ليه فيه انسب من هالمكان ...وقف بسرعة وطلع مسدسه وبسرعة صوبه ناحية رائد وصرخ كذا نتفاهم ي الخسيس
وقف مصدوم من الي يشوفه مصوب ناحيته قال بخوف: تعوذ من إبليس سمير
سمير صرخ يوم شاف الحضور كلهم وقفووا : لا حد يقرب فيه حساب بيني وبينه ولازم يدفع ثمنه
ابورائد قرب وهو مفزوع من هالمصيبه اللي انرمت عليهم مسك
كتف سمير وقال وهو يحاول يهدي فيه : نزل سلاحك وصدقني بيجيك حقك وانا أبوه
سمير دف يده وقال بقهر : حقي بجيبه انا وضغط على الزناد
.
،،
،،
،،
،،
وقف بسرعة السيارة
ونزل منها وهو يركض ...ويدعي الله انه يلحق يسوي شيء قبل مأخوه يضيع ..مايهمه الحين غيره ...تخيل بس لو يصير في رائد شيء ماراح يسامح عمره ابد شارك في ظلمه هو بعد ولا أعطاه فرصه يسمع منه ...حسبي الله عليك من مره
بسرعة دخل قاعة الرجآل وهو يسمع صوت الرصاص......
،،
،،
،،