رواية أعشق أنانيتك عندما تتمناني لك وحدك الفصل الثاني عشر 12 - بقلم nona_A

ماتمنيت البكاء يومأ ولكن هم الزمان بكاني
تمنيت ان... اعيش كما تريد نفسي
لكن عاشت ...نفسي كما يريد زماني
::
::
::

ناظر امة والشرر يطلع من عيونه يحس بصدمه ماقدر حتى ينطق ... او يحرك رجوله.. من اللي شافه ...

ام سميرر وهي تلطم في وجها طالعته وبسرعه قالت : الحق اختس فصحتنا ومع خويك
اللي دخلته بيتك حاولت ارده بس ماقدرت فيه يمه شوفت عينتس دفني

سميرر بسرعه دخل الغرفه وقال بصرخه:ي ال******
وش مدخلك غرفتة اختي

طبعاً رائد ماهو.. أقل صدمه منه ...وهو يشوف قدامه البنت الي فزت وهي تسحب مفرشها... وتغطي حالها فيه جااا يطلع بس شافه
في وجههه سميرر اللي ثايرر قال وهو يبررر: فيه حرامي

سمير بصرخه وهوو يمسكه ويعطيه بكوس على وجههه وبطريقه عشوائية من غير مايحس بنفسه : حرمي ي ال****** سبه قويه
رائد حاول يدافع عن حاله ويفهمه بس ماقدر ولا اعطاه فرصه ... مسك على خشمه اللي صب دم جلس على ركبه خلاص يحس بدوار رفع يده وهويبرر له: قسم بالله واسأل خالتي
وناظر في امه اللي تبكي

سميرر بصرخه : يمة جيبي المسدس خليني اغسل عاري

رئد حاول يوقف قال بصدمه: وش مسدسه ي خاله قولي له ليه دخلت ماهو انتي اللي فزعتي بي

ام سميرر بخبث الدنيا: حسبي الله علتيس اللي ماقدرت خويك و مارحمت ضعفي انت والخايسه هذي ومتفقين من وارنا
بس ربي فضحكم وطلعني من غرفتي آه حسرة قلبي عليك ي سمير ..
وطالعته وهي تمسح دموعها بخبث : هذا اللي ماشي معه هذا هو
خانك في وسط بيتك آه يمه ماتستاهل اللي يصير من خويك واختس الخاينه

سمير بصرخه وهو يرجف : يمه جيبي اللي قلت لتس عليه وبس وناظرريوف اللي ترجف وهي مغطيه نفسها بالمفرش واقفه في الزوايه خايفه وبصرخه طيب ابشري ي ل ****الحين يجيك اللي تستاهليه انتي وهالزفت والله لا اخليكم عبره لامثالكم
ريوف بصدمه ...وخوف من اللي يصيرر قدامها .... وهي تغطي وجهااا والبجامه اللي لابستها : والله مدري بشي ي سميرر والله هو دخل علي

سميرر بصرخه خلتها ترجف في مكانها وتسكت : انكتمي

رائد

مصدوم من اللي هو فيه جالس يشوف ...الوضع قدامه بصدمه
....ماهو قادر يسوي شي ...طلبت فزعته وجايه تنكر الحين
يعني ايش تتدبس لا ماهو انا اللي هذولا الخايسين يلعبن علي
قال بعصبيه: ي عجوز ابليس خافي ربك وقولي الصدق

ام سمير خافت سمير يصدق وهي ما تستفيد شي قالت بقهر: الصدق الحين تشوفه وبسرعه راحت غرفتها وطلعت المسدس بس لا مستحيل تضيع ولدهااا أكيد الحين معصب وحالته حاله ... وأكيد بيرميه هي تبي تتخلص بس من ريوف بلاها هيا
بخبرة فضت المسدس وابتسمت بخبث
وراحت لهن تركض.. وهي تناول المسدس سميرر.. اللي واقف
ومقفل على الباب ...عشان مايطلع رائد اللي ...كل ماحاول يطلع اعطاه بوكس ويرجع يعنف.. ويدوخه ..
سمير آخذ المسدس بعصبيه وبثقه ان رائد معاد بيقدر عليه وهذا مصوب عليه بيفضيه في راسه لو قدر يطلع من هنا اليوم قال بعصبيه : بتملك على الزفته هذي وتنقلع لا اشوف وجهك وجها ولا اغسل عاري هنا في هالغرفه وادفنكم ولا من شاف ولا من دري

رائد
لما شاف السالفه مسدس لا ...والله مايقدر فيهن أجل كذا ي عيال ابليس ... فكر بذكاء متورط متورط بس وكاد اسامه يقدر يسوي شيء
وقف بتعب وهو يترنح من الدوخه ..ومقهور من اللي هو فيه وش دخله بيت الفقر ذا

آه ليت الزمن يرجع.... شوي ..قسم مايطب هالبيت
قال بتوتر ليته بس يصدقه ويفهمه: اسمع ي رجآل ابي اتصل
بأخوي أسامه وبعدها لك اللي تبي

سمير.. وهوو مصوب بالمسدس عليه : تتصل عليه وتفضحنا زود

رائد ام البلشه ذا كيف يفهم: لاوصدقني بيصير اللي تبي

سيمر بصرخه : ي ***** دخلتك بيتي وتسوي فيني كذا
رائد مافي يفقد اعصابه أفضل شيء يهدي عليه لان اللي في يده ماينلعب معه ..موت بحق وحقيقه وهذي الحيه جالسه تحرضه بس فرح يوم سمعها تقول

ام سميرر: يمه خليه يتصل بأخوه وكاد يستر على التسلبه ذي ويتزوجها ويفكنا من اللي سودت وجيهنا ولا تبلش عمرتس فيهن

رائد بسرعه : ايه تكفى خلني اتصل

سميرر ناظر ...امه وهو يرجف من العصبيه ...متردد وده يثور فيه ويبرد قلبه بس يناظر امه مين لها لو انسجن بسبب هذولا الخايسين ...الوسخين ..
رجع ناظر ريوف اللي جالسه تصرخ وتحلف انها ماهو فاهمه شي ...ولا تدري عن بشي آه وده يتقرب منها ويبرد حرته بس
خايف يبعد عن الباب والزفت يهرب

قال وهو يبي يشوف ايش آخرتها معه : بسرعه دق عليه ي ل***انواع السب والشتم سمعه هوو وكمل ..

بصرخه صدقني مالك مفر تملك ومن فوق خشمك ولا دمك يطشر على هالبلاط
ريوف بصرخه خوف وهي تردد نفس الكلام : والله مالي دخل هو هو هو اللي دخل علي

سميرة بصرخه قويه : انكتمي لا افضي ذا في رأسك
رائد طلع جواله من جيبه ويده ترجف بسرعه دق على اسامه
تنهد براحه يوم سمع صوته قال بتوتر: تكفى ي خوي تعال بسرعه

اسامه اللي جالس في مكتبه ومتضايق من اللي يحققق معه ..
لف له رأسه. ..كل مره كذبه في كذبه قال وهوو كاره نفسه : رائد ماهو ناقص والله مشاكلك اللي دايم تورطني فيها
يكفي اللي عندي اللحين دار لي راسي

رائد برجي: اقولك هالمره ماهو مثل كل مره متورط حدي
شوي ويبكي يحس نفسه مقهور ويتألم من خشمه ومن ضلعته اللي يحسها انكسرت وخايف من ان سميرر يفقد اعصابه أكثر ويرميه برصاصه تموته
اسامه بخوف: وش فيه

سميرر سحب الجوال من يده وهو مصوب المسدس على رائد عشان مايهرب : تبي تلحق أخوك تعال بسرعه ولا قتلته

اسامه وقف بدون فهم: وش فيه متهاوش معاك شيء

سميرر بحرقه وده يبكي : ليته متهاوش وليته بعد ذبحني ولا سوى سواته تبي تعرف وش مسوي أخوك تعال شوف بعينك وصدقني مراح يرضيك
اسامه بسرعه سحب مفتاحه ومشى وهووقلقان على رائد
طلع شاف الجندي ... قال مشور حق ساعه .. وراجع اذا أحد
سأل عني ...رجع كلم سمير وين العنوان

ناول رائد بحرقه :خذ أعطه العنوان
رائد سحب الجوال : وجلس يوصف له آه بس دوخه ماهو عارف وين قال بتعب : دق على فهد وهو يجي معك يدل البيت
سكر وهوو يحاول فيه: تكفى ي سمير لا تضيع حالك وتضيعنا معك بسبب خطه مدبره من أمك

سمير بصرخه :لا تتكلم على امي لا اذبحك
ام سمير بقهر من حكيه وخايفه لا يصدقه سمير : خطه مني ولا
متفقين ..من ورانا .. وناظرت ريوف بتوتر .آه ي قهري على تربيتي فيتس يالخايسه وتقربت منها وجلست تضرب فيها ..شوفي كيف فضحتي اخوتس وفشلتنا وبصرخه قلت لتس يا سميرر من اول هالبنت ماتبي تجيبها للببر ...

سميرربصرخه:آه ليتني صدقتك
رائد بحزن على البنت اللي تصرخ بألم : قال ي خوك افهم
سمير بعصبيه : مابي اسمع صوتك لا اثور فيك
رائد سكتت كيفهم معاها اهم شيء انا اطلعها منها
سمير قرب منه زياده وهو مصوب المسدس على راسه وبصرخه : اخوك الزفت متى يصل
رائد برجفه وهو يناظره بخوف : صبر ي خي لسى داقين عليه تكفى ي خوي تركد
والله اني مظلوم واختك مظلومه مثلي
سمير بغيض رفسه بسرعه في بطنه : لا تقول أختك
رائد رجع جلس وهوو منحني خلاص يحس نفسه بيموت ذبحه
بها الرفسه اللي جته فجأة
ناظر العجوز وهو يتحسب عليها ...قفل عيونه مع صرخة البنت
آه رحنا فيها انا وهالبنت ..فرح يوم سمع... الجرس يرن

سميرر ناظر امه: يمه افتحي الباب بسرعه
ام سمير بسرعه دفت ريوف ..وسوت جلالها زين وغطت نص وجهاا فيه ومشت متجههه لللباب و فتحت... شافت اللي لابس عسكري هيبه ارتجفت في مكانها وبجنبه واحد زود ...
قالت وهي مسويه نفسهاا قويه: مين فيكم اخوو رائد
اسامه بسرعه: أنا
ام سمير ناظرت اللي بجنبه : أدخل لوحدك يكفي فضايح

اسامه ناظر فهد اللي يبي يعترض و مصمم يدخل قال بعصبه: خلاص فهد ارجع السياره وانا اشوف وش مهبب الزفت ذا

وجاين اللحين وراك
فهد بقهر..ي رجال انا اعرف سميرر أكثر منك ...وصدقني بتفاهم معه

ام سمير خايفه يدخلن كلهن ويقدرن على ولدها والسالفه تخرب وخطتها تروح على الفاضي : لا بس أخوه
اسامه بغيض: فهد خلاص ودخل وقفل الباب وراه عشان فهد مايلحقه ..

وبسرعه دخلل وراهاااا ..انصدم من شكل... رائد اللي خشمه
يصب دم واللي صدمه أكثر البنت الللي مغطيه بمفرش واقفه ترجف
في الزاويه .... كل شيء واضح قدامه ..حس بتوتر..وعصبيه في نفس الوقت من اللي يشوفه آه مايحتاح يسأل ايش فيه ....
كل شيء واضح قدامه
سميرر ناظره بعصبيه: وش جزاه .. قول يالعسكري المحترم ياللي تحافظ على أمن دوله وبحرقه قول وش جزاء اللي يخونك في وسط بيتك
رائد غصب نفسه وقف وهو يسند نفسه على الجدار وقال بصدق: قسم بالله مظلوم
أسامه بعصبيه تقرب من رائد واعطاه كف قوي خلى وجههه يلف لف وقال بصرخه: وش اللي مسويه ى ل*******
رائد وهو عاجز منهن صعب يفهمواعليه: والله مالي دخل امه فزعت بي وطلعت خطه منها وطحت انا فيها وأنا اخوك

ام سميرر ببكي : حرام عليتس وانا امس تظلم مرة كبيره

وناظرت اسامه : شوف انا ماسكتن ولدي لا يقتل أخوتس ويغسل عاره بس الحين نبي شي واحد تجيب مملك وتزوج اخوتس على الخايسة ذي وبس وتكفى مابي ولدي يضيع نفسه ويقتلهن بسبة هالسالفه انا مالي حدن غيره

ريوف صرخت بخوف أكثر يوم سمعت حكي ام سمير وخوف من اللي دخل لابس عسكري :لا لا والله انا مظلومه ماسويت شيء
اسامه زم شفته بقرف .. وهو يسمع صوتها ..ورجع ناظر سمير
الللي مصوب المسدس.. ويرجف يحسه .. شوي ويرمي ..قال بحكمه وخبره : تم ولكم اللي تبون بس بالعقل نحكي مملك في هالحزه وين نلقى وثانياً مافي ملكه بدون تحليل في هالزمن الحين خليني أخذ اخوي ...
وصدقوني من بكره الصبح أسحبه ونروح نحلل لهن وبعدها نملك

سميرر قال وهو يهز راسه :لا مايمشي علي هالكلام وهال**** لو طلع من هنا صعب يرجع

أسامه بصدق: والله لايجي ومن فوق خشمه وهذا أنا وعدت ولا خليته يعفن في السجن وفكر بعقل خلينا نلم الموضوع الحين
وبكره خير
سميرر تقرب منه : واذا
أسامه قاطعه وبصدق : والله هالبدله ماستاهل أجل البسها انا قسمت قبل مالبسها اني بعد الله حامي الوطن و المواطن وحقك عندي

سميرر ناظر امه مترددد
ام سميرر بدموع.. التماسيح: ماترضها علينا تتخيس سمعتنا
تكفى وانا امتس نخيتك تجيبه بكره ويملك عليها ولا نبي عاد نشوفهااااا وخلاص ي سميرر انا مصدقته
لان اللي مثله وهو يدافع عن دوله بروحه واللي مثله وشرواه ما يطلع منهن الشين
اسامه بضيق: تسلمي ي خاله
سميرر قال بتهديد : اقسم بالله لو مايجي بكرة أني لا اقتله لو
أطلعه من تحت الأرض وهذا شرف وانت اخبر

اسامه : مثل ماقلت لك لو ماجا والله لاخليه يعفن في السجن والحق عليه يقوم ..مثل غيره قولي وش تبي بعد

سمير قال بحده: نشوف وبعدها صدقني ماراح اعطيه فرصه لو خون فينا والله مايردني عنه شيء وهذاني حلفت
اسامه ضرب في صده بنخوه : مثل ماقلت لك عندي
وتقرب من رائد يوم نزل المسدس سمير ومسكه من بلوزته
وسحبه ....قدامه وهوو يسب فيه ومعصب عليه
وطلع شاف فهد قدامه معصبب

دفه عليه وهو يقول ساعده يركب هال******
وشغله عندي

عند سميرر
الللي بسرعه اتجهه لاخته ومسكهااا بشعرهاا واعطاها كف ورا كف ودفهااا وهي تصرخ على الأرض سحب حزام بنطلونه ونزل فيها ضرب بدون رحمه وهوو يصرخ : ليه سويتي كذا ليه ي ل*****
ريوف تحس نفسها خلاص راح تموت تحت يده آه صرخت
بوجع وظلم وألم وهي تسمع الخبيثه تحرضه عليها

صرخت وصرخت بس بدون فايده كل مره يزود الطق عليها

ام سمير لما شافت خلاص سميرر فقد اعصابه ... والبنت يمكن تموت في يده بسرعه تقربت منه وهي تحاول تبعده : خلاص لا
توسخ نفسك فيها ...بكرة يجي التسلب ويقلعها من هالبيت كله
سميرر اللي يصرخ بكل انواع السبب رجع رفسها بقوه
على ظهرهاااا
ريوف صرخت بوجع :آه

سمير ...رجع بيكمل عليها يحس نفسه ثايررر وميت قهر... وبذات يوم يسمع صوتها وهي تحلف كذب .....وتقول مظلومه
سميرربصرخه: مظلومه وهو وسط غرفتس قولي وش كان ناوي
يعمل هنا غيرر وساختكم ي وسخين

ام سمير مسكته بقوه : خلاص يمه والله مافيني عاد حيل عليتس وناظرت ريوف وداست على يدهاا بحقد: انتي سكتي خلاص
ريوف صرخت بألم ..ي ناس هي ماتدري بشي جالسه مثل كل مره في غرفتها .....وحيده ..فجاة حست بالشاب دخل عليها وفجاة سميرر لحقه وصار ذا كله بسرعه
قفلت عيونها وهي تحس نفسها بتغيب عن الوعي تتفكر نفسها خلاص ..راح تكون من الأموات الدنيا سودة... قدامها

ام سميرر مسكت ولدهاا
وطلعته وجلست مقابله له في اللصاله : شوف من بكره تدق على
التسلب واذا مارد روح له وفكنا من العله اختتس بعد اللي سوته مالها قعده في بيتي

سميرر دموعه نزلت غصب عنه قال ببحه: وش نقصت عنها عشان تسوي كذا ليه ليه ي ريوف ذبحتيني كذا

ام سميررر بخبث : من زمان اقولتس ماهي صاحيه لعوب
بس انت تقول يمه تظلميها وقالت وهي تزيد عليه شوف كيف دخلت التسلب غرفتها وحنا فيه أجل لو حنا ماهو فيه وش سوت استغفر الله بس مابي أخذ في ذمتي

سميرر بقهر : تأخذي في ذمتك وكل شيء واضح يمه
ام سميرر : يالله يمه روح نام وان شاء الله بكره تنحل
وننفك من غثاها

سميرر بغصه: مين يجيه النوم بعد ذا كله وبحده والله ماهو رجال لو نمت وانا لسى ماغسلت عاري ورجع وقف بعصبيه وده يذبحها
ام سميرر مسكته بقوه : اجلس وحرك عقلتس شوي
سميرر بقهر: اي عقل يمه هي بقت عقل فيني عاد
ام سميررر بخبث: ذبحتها طيب وش يصيرر بعدين
سميرر بعصبيه: يصيرر الللي يصيرر اهم شيء بردت قلبي وبس
ام سميرر :لا يمه والله بتندم لما تضيع شبابك اللي مثل الزهر
في وحده وسخه.. مافكرت في شرفها وشرف أهلها وبعدين انا مين لي قول عشان تروح بسبب .. بنت أمل اللي ذبحتني وهي
عايشه واللحين بفعلة بنتها ذبحتني وهي ميته
سمير بحرقه: ليت ابوي ماتزوج وجاب لي هالاخت
ام سمير بحرقه حب حياتها خانها وتزوج بنت الفراش اللي
يشتغل في نفس الشركه اللي يشتغل فيها كان ....قالت بحسره:آه أجل انا وش اقول يمه اوبوك ذبحني وأكثر شيء ذبحني يوم خلاني اربي حفيدة الهنديه ... وانا ماهو مسؤوله عنها
سميرر ناظر امه :ليتنا تخلصنا منها وهي طفله يوم جت

عندنا
ام سميرر : كيف نقدر و ابوتس جالس لنا ومدلعها شوف كيف عمايل دلعه لها معاد نقول غير ربي يرحمه هو ارتاح وحنا ابتلينا ... وكملت وهي تنفث سمها ..و دخلت غريب عليها وفي غرفتها ... وبوجودنا لا حيا ولا مستحى ....
سميرر رجع يهديد: لو بكره الزفت مايجي لا أكون ذابحه .....
.
ام سميرر بخبث وهي مسويه تبكي وتغطي وجهااا بالجلال : حقتس يمه تذبحهم جميع بس انا مين لي قول تكفى يمه ابيتس حولي ....
سميرر نزلت دموعه غصب عنه الشرف غالي حيل ...
ويوجع حيل ...آه مثل وجعه مافي ...والله فعلاً لو بكرة مايجي
بيكون تصرفه ثاني ....والله لا يشرب من دمه ....
ويبرد حرة قلبه ....وبعدها في سيتن داهيه ..اللي يصير يصيرر

وقف السياره

وهو معصب قال بصرخه: قسم بالله ي رائد لااربيك من اول وجديد وتستاهل مدام ...مشيت ولعبت مع هالاشكال الواطيه

فهد بعصبيه قاطعه : اسامه ماهو وقتك شوف كيف خشمه يصب دم دمه كله راح بدل مانجي البيت خلينا نوديه المستشفي

اسامه بحده: ليته مات ولا سوى سواته وبصرخة قهر في وسط بيت خويك ي التعبان ...
رائد
يخاف من اسامه... آه وبذات إذا عصب حتى ماقدر يدافع عن نفسه قفل عيونه بألم ....

اسامه نزل بعصبيه وهو يقفل الباب بقوه وفتح باب اللي ورا وبصرخه خلت رائد يرجف في مكانه : انزل يالحقير
فهد نزل من الباب الثاني وبسرعه داور يبي يساعده عشان ينزل

اسامه مد يده يمنعه وبعصبيه : انت فارق عن وجهي اللحين ابي اتفاهم مع الزفت ذا لحالي

رائد ناظر فهد برجي مايخليه
اسامه بصرخه : وش موقفك فارق اقول

وهو يسحب رائد من بلوزته وينزله بعنف ومشاه بقساوه .. قدامه

ورجع ناظر فهد : لا تفكر تحلقنا
فهد من نظرة اسامه خاف آخ راح فيها... رائد مدام اسامه كذا حالته
وقف مكانه يبي شوي يهد ى... ويعرف كيف... ينقذ رائد منه آخ ارتجف في مكانه... يوم سمع صرخة رائد آكيد ذبحه

اسامه بضرب عسكري متدرب : قول وش بينك وبين ال**** اخته واعطاه بوكس على فمه بقوه
وبصرخه هذي الحقيرة الثانيه ماتخاف.. ربها في وسط بيت اهلها.. تخون آه من هالزمن

رائد اللي يحس واحد من سنونه طاح من البوكس اللي جاه على فمه قال وهو يمسح الدم :والله مظلوم ي خوك
عيال الفقر دبسوني

اسامه رجع اعطاه رفسه خلته ينحني وبسرعه نزل له وهو يسحبه ببلوزته ويوقفه ...وقال بصرخه: اصطلب وخلك رجال قد حركاتك ي الوقح

رائد
مافي يتكلم اخذ ضرب ....اليوم مقد أخذ ... في حياته كلها

قال ودموعه تنزل من كثر الام والظلم اللي تعرض له : والله

اسامه اعطاه كف قوي قاطع حكيه :لا تقول شيء غير خاين ولخويك آه ي المرجله اللي فيك
المهم من بكره الصبح تنقلع قدامي وتحلللل وتتطلع النتيجه تملك على الزفته وبعدها انا اعرف ادبرأهلي

رائد هز راسه برفض وهو يتألم

اسامه بعصبيه: لك عين ترفض ايه الحلال ماتبيه تبي الحرام يالوسخ الللي ماتخاف ربك وين غيرتك على أهل خويك وين

دفه بقوه طاح على الارض بتعب وألم

اسامه بتهديد: بتجلس هنا ي الخايس لما بكره واجي لك وأخذك
ونخلي اخوها يلاقينا في المستشفى ...بالزفته الثانيه

وطلع وهو ثايرر قفل عليه الباب من برا عشان مايقدر يهرب

::

::
::
::
عند سامي
اللي توه .وقف قدام البيت ...وهوو متأكد انها جالسه تبكي ....واللحين تتطول لسانها عليه ... مسك راسه وهوو يحسه يبي ينفجر من كثر الصداع ...وقرفان من نفسه مفلس حده ...ولا في جيبه ريال ....حتى دخان ماقدر يشتري ...وامه رافضه تعطيه مثل قبل ... نزل من السيارة . ومشى وفتح باب البيت ....شاف الحوش فاضي أكيد الكل نايم ...اتجههه لغرفته وهوو يدعي ربي يصبره على اللي منتظره حاول يفتح الباب بس رفض اخخ عرف انها مقفله من داخل ...
الله يستر لا تعاند وترفض تفتح ..دق بخفيف مايبي ابوه يسمعه ...وبحده: غلا افتحي
غلا
اللي متكوره على حالها .... تحت الباطنيه ذي اللي ماافيها اي دفئ ....ااه برد ذبحنا مع هالمطر ..وش هالحظ ياربي من فقر لفقرر....
وكمان احس اني تعبانه وفكي يعورني ...ليت يدك تنكسر اليوم ي ساميوه ...ولد خدوج القشرا ...سمعت طرق على الباب تذكرت إني مقفله من داخل ...صراحه من حقي اقفل على عمري في هالبيت اللي كلهم وحووش ....جلست افكر شوي ...اتمنذل فيه ومافتح له ...والا اقوم افتح أحسن عشان مايرجع. ....يطقني مره ثانيه ....الحقير مستغل غياب ابوي....وجالس مستقوي علي ...طنشت شوي بس زاد الدق وشكله عصب ...بس أبتسمت بخبث كيف يدخل ويطقني والباب مقفل ...اخ

اجلس ي ولد خدوج في هالبرد والمطر ... وقابلني لوو امك
اعطتك وجههه.. ودخلتك تنام داخل البيت ...والله تلقاها الحين . .مسكره حتى على المطبخ ...عشان محدن يدخله ... ويأخذ أكل ...أعوذ بالله بخيله بشكل ماعمري شفت مثلهاا ...لي أسبوعين عندهن وانا أكل
مثل الناس ماحصل. ..بس الغبي ذا يجيب معه بعض مرات ...ويحسب لي مسوي كريم ....ادري عند مصلحته ...بس اليوم طلع على حقيقته

خف الدق ....قلت بسخريه وانا ارفع صوتي ابي اقهره اني صاحيه : دق حبيبي دق

سامي بقهرر ذبحه البرد في هالحوش وافتكر انها نايمه بس يوم سمع صوتها في الاخير عصب يعني تسمعه ومطنشه : افتحي
غلا بقهروهي ترفع صوتها عشان يسمع : ليه خبله ولا نسيت وش مسوي فيني الظهرر يالصايع

سامي وهو صاك على سنونه :افتحي وخذي حقكك

غلا بسخريه :لامراح افتح يالله هناك ابي انام
وحسك عينك تتدق الباب من ثاني ناس فاضيه صايعه حتى انصاف الليالي وجايه تتدق وتزعج خلق الله

سامي بعصبيه: أقسم بالله لو مافتحتي كسرته
غلا وهي متأكده ان هالباب مستحيل ينسكرر لانه حديد من عام
الستينات بعد قالت وهي تبي تقهر زود: اقسم بالله لوو قدرت تكسره لك مني اخليك تنشهرر وتصير أقوى رجل في العالم ورفعت صووتها برجلك تبي ترفسه ولا بأيش.. عشان الذمه لازم أكتب وش اللي حصل بالتفصيل ي ابضاي

سامي بعصبيه يسمعها تهذر وكلامها كله تافهه ...عرف انها مو
ناويه تفتح مشى ناحية الجلسه اللي امه مسويتها تحت النخله فرشه في الارض ومساند ....فرك يدينه في بعض .. يحس ببرد والارض مبلوله والفرشه كمان نصها مبلوله ..توجهه لباب الصاله .حاول يفتحه كمان مقفل ...يدري بأمه لو يموت ماتخلي بااب الصاله مفتوح. ..رجع مكانه وهو يتحلف فيها ..

غلا
تنهدت براحه يوم وقف الدق ...شكله عجز ههههه ..وزود ثقالة دمي عليه ...يستاهل ..ليت اقدر أخذ حقي كمان واطقه ....بس وين ذا اقدر له بس هين والله لا اطلع الكف من عيونك ي ل*******....آه نفسي اذبحه ..قليل الخاتمة ....رجعت تمددت على السرير المعفن ذا اللي اربعه
وعشرين ساعه ...يطلع صوت ....وجع خدوج ارحمي ولدك واشتري له سريرر....ايوه كذا أنا مرتاحه اني أخذت حقي ولو شوي ...قمت بشويش فتحت الدريشه اللي تتطل على الحوش والجلسه مباشره ...ي دوب بس فتحه بيسطه وانا عاضه شفتي خايفه لا ينط لي منها بس وين فيه شبك حديد ..مستحيل يدخل
...
شفته سادح ومخلي يده على راسه ..ويناظر السماء ....
هههههه والله هوا يذبح انا ي دوب فتحت الدريشه لفحني نفحة
هواء.. وكمان الدنيا مبلله هههههه..بس يتساهل هوو الللي جنى على حاله .....صراحه لساني تحكني ولازم اقط عليه كم كلمه تعصبه زود... وكاد يدفى من العصبيه ههههههه قلت بتشمت : خلي خدوج تعطيك مفرش شكلك صراحه يحزن
سامي لف بسرعه ناحية الدريشه وناظرهاا بعصبيه
غلا بضحكه :يمه خفت من هالنظره

سامي طنشها واعطاها ظهره وهو يغلي

غلا بسخريه :اخس يالمطنش الله يزيدك عقل أكثر وأكثر اقول ساميوه روح خذلك دش وكاد تدفى شوي آه الجوو ذاا ناقص دش بارد وبعدها نومه في الحوش صراحه شيء يرد الروح شافته مطنش زودت عليه في الحكي ...ترى حسدتك على نومتك يالله الدنيا حظوظ

سامي بقهر لف وسحب نعاله الله يكرم القارئ ..وحذفها ناحية ..الدريشه وبصرخه: لوو في امك خيرر افتحي الباب وبعدها بربري هالبربره كلها
غلا ببرود: امي ماتتت الله يرحمها لو هي موجوده ماراح توافق ان ابوي يرميني ع واحد مثلك
سامي بعصبيه:وانتي ان شاءالله على يدي تلحقيها
غلا بسخريه : لا لا صراحه مره تخوف اقول نومه تعيسه ...وقفلت الدريشه بقوه وهي مبسوطه انها عصبته ...

عند سامي
معصب ومولع...هذي الذبح فيها حلال هين ي الزفته

اذا ماكسرت عظامك مثل هالبرد اللي كسرني

...قال وهو يرفع صوته : حسابك بيكون عسيرر
سكتت لانه عارف انها ماراح تفتح له لوقال ايش هذي ماينفع
معاها إلا امه خدوج ...من اليوم ورايح ماراح ....يدافع عنها ولا يجلس خايف عليها من امه ...جلس يتقلب ويتقلب ..رفع نفسه شوي ..ودف المسند من تحت راسه ...وهو يحرك رقبته يمين..
وشمال تمتم بحسبي الله على ابليسك ..عض شفته بقهر وهوو يتحلف فيها ...طيب راح اوريك ولد خدوج وش يسوي ..
نفخ بضيق ... يوم قلب المسند بعد مبلل دفه بعصبيه .. يعني اشلون ..
وقف ..ومشى ناحية غرفة ابوه اللي في الحوش .ونفخ بعجزز يوم حاول يفك باب الغرفه ...عارف ابوه مستحيل يخيلي الباب مفتوح عشان بلاويه ....
رجع طق الباب وكاد تشفق عليه ....قال بقهر :بنت افتحي وسوي اللي تبي فيني

غلا سمعت الطق بعدت المفرش عنها وهي تنفخ بقهر : افف اشلون يعني اليوم ماننام

سامي وهو يتكي بظهره ع الجدار قال بطفش : فكي وماراح ازعجك بعدها

غلا طنشته
ورجعت غطت نفسها وقفلت عيونها وهي تضحك بخبث .....قال ايش افتحي ...فتحوا قبرك يالهايت

جلست تتقلب بقهر وهي تسمع طقه ...ع الباب والله... لو تموت ماارح افتح ...سحبت المخده... وقفلت اذونها.... وهي معصبه ازعجها بقوه
سامي
رجع مكانه بعجززز ...وقهر من امه ومن هال*****
طيب افتحي بس والله اطلعها من عيونك هالحركه ....
::
::
::
::

اليوم الثاني
بيت ابو وليد

ابو وليد وهو يفطر شاف وليد جاي من برا قال مستنكر : وينك انتظرتك تروح تصلي معي
وليد قفل عيونه وهو يدعي ان الله يعطيه صبر : كنت ضايق وطلعت اتمشى والحين صليت الفجر وجيت
ام وليد بحنان وهي تشوف وجهه تعبان : تعال حبيبي افطر وتقهوى
وليد بتعب : معليش مافيني ابي انام
ابو وليد بحده: تارك مرتك وسهران برا آه خساره فيك ريتاج

وليد بضيق : يبه الله يطول في عمرك وش مسوي فيها انا الحين
عشان تقول كذا
ابو وليد بجمود: سلامتك ماسويت شيء ورجع يفطر
وهو متضايق من ولده
ام وليد : خلاص حبيبي اللحين ارسل لكم فطور انت وريتاج
روح ارتاح
وليد بيرفض ..ماله نفس في شي ...بس قال وهو يبي يرضي ابوه: ايه يمه ارسلي فطور ابي افطر مع ريتاج وطلع وهو
يدعي انه هالريتاج يرتاح منها قريب

آه قلبه واجعه على تفكيره امس...فيها بهالطريقه ...ومقهور من حاله كثيرر .....
ابو وليد : مدري ليه حاس انه منكد على بنت أخوي
ام وليد بضيق : الله يهديك انت وتفكيرك ذا وليد ماينكد على أحد واكبر دليل شوفه يطيعك في كل شيء ومرضينا الله يرضى عليه دنيا وآخره

ابو وليد هز راسه وهو ماهو مصدق بس لو يدري انه مسوي فيها شيء راح يعرف كيف يأخذ حقها منه قال بضيق وهو يتذكر
: ايه نسيت ماقولك لك
ام وليد ناظرته : ايش فيه
ابو وليد : بنت أختك تزوجت
ام وليد غصت بالللقمه وبصدمه:غلا
ابو وليد بجمود: ايه وهو يناولها كوب المويا ....
ام وليد خذته وشربت شوي وهي لسى مصدومه : مين قالك قبل فتره داقتن عليها وماقالت شيء
ابو وليد بجديه: ي مره اقولك قالي واحد صادق يقول تزوج وزوج بنته
ام وليد بقهر: حسبي الله عليه على مين رماها كذا بدون أهلها مايدرون ...
ابو وليد : مدري عنه هذا يجي منه خير اعوذ بالله من سيرته
تعصبني
ام وليد وقفت بتعب وجلست على الكنبه
وسحبت سماعة التلفون ودقت رقم غلا حصلته مقفل
قالت بضيق: مقفل جوالها
وش الدبرة كيف اعرف ان الحكي صدق
سكتت شوي وقالت ...طيب ماقال لك مين خذت

ابو وليد : يقول ولد جارهم
ام وليد بحيره: مين جارتهم ام محمد ولدها صغيرر وصرخت بفجعه قلبي ..على بنت اختي لايكون ولد خديجه جارتهم الثانيه
ابو وليد بضيق من سيرتهن : ي مره صجيتي رأسي

عادي وش فيها زوج بنته وتزوج مافيها شيء مدام بالحلال

ام وليد بقهر : والله اني رايحه واتأكد بنفسي واطمن على بنت اختي الوحيده هي بقت لي من ريحة هلي ..

ابووليد بحدة: كم مره قلت لك الحارة الخربانه هذيك ماتروحي
ام وليد ودموعها تنزل : حرام عليك ي سلطان ليه كذا دايم تمنعني من بنت اختي
ابو وليد وقف بقساوه: أكره سيرتهن من ابوها اللي يفشل
ولا تنسي فعايله الشينه آخر مره زريتيها
ام وليد بضيق من زوجها دايم قاسي
بس لازم تحاول ترجع تدق عليها .....وتخلي وليد يروح فيها ....

::
::
::
::
في جناح وليد

فتحت عيونها بضيق آه توها غفت .. بعد صلاة الفجر ..ياربي وش هالإزعاج . شافته قدامها جالس يفطر ويتابع التلفاز والصوت على الآخر ...ودها تقوم وتعصب عليه ...بس وش راح ينفع ...احسن شيء تسكت ...ليت يوافق انها تنام في الغرفه ...المقفله ..رافض يفتحها .لها..صراحه طفشت من هالحال .. ..ناظرته بقهر ...عصبت وهي تشوفه يقال.. منسجم من اللي يشوفه زفرت بضيق . ..وهي تعطيه ظهرها ..وتذكرت ايش صار امس حست برجفه ...سحبت الخداديه وقفلت اذونها فيها ..بس صراحه... زودها آه ودها تصرخ يوم رفع الصوت زياده قالت بعصبيه وهي تقلب تناظره : اشلون يعني مانام

وليد االي مقهور وده يذبحها وده يقول لها حاولي تغطي وجهك مني مابي اشوفه صار خايف من جمالها طالعها كان شعرها مبهذل على وجهااا بس آخ طالعه قمر حتى وهي قايمه من النوم
..... نزل راسه وبنرفزة وهو يرجع يأكل : والله على حد علمي البيت بيتي والجناح جناحي إنتي اللي مضيقه علي المكان

ريتاج بضيق : مين قال اللحين اطلع من بيتك ومن جناحك شافته رجع يأكل ومطنشها زفرت بضيق وهي تقوم الله يصبرني وبس
وليد بعصبيه رمى الكوب اللي في يده وبصرخه: يصبرك على ايش قولي .. مين اللي انجبر ع الثاني مين اللي صابر ومتحمل

ريتاج بخوف ابتعدت يوم شافت الزجاج منثر في كل مكان قدامها قالت بخوف من عصبيته : آسفه قد قلت لك كل شيء غصب عنا وكلن رافض الثاني بس حكم القوي

وليد وقف و تقرب بسرعه منها ونزل نفسه لهاا وهوو يسحبها من كتفها وقرب وجهااا منها وبفحيح : ان شاءالله قريب اتخلص منك واشوف هالحكم يمشي علي مين

ريتاج ناظرته بتحدي وعيونها في عيونه التعبانه : مستحيل لاتنسى مين اللي جمعنا مع بعض

وليد بصرخه : ماسوى خيرالله يسامحه

ريتاج
تعوذت من ابليس وش فيها ترادد جالسه وهو معصب .. ...احسن شي تسكت مثل كل مره ماهي ناقصه وجع رأس ....من الصبح ...
وليد ناظرها كيف ساكته هزها بقوه :وين لسانك اللي من توو فاتحتها علي
ريتاج ناظرته بصدمه وبعدها نزلت عيونها للارض خافت منه : انا مطوله لساني حرام عليك

وليد بحده : يعني أكذب

ريتاج سبت نفسها وش خلاها تقوم كان تحملت صوت التلفزيون افضل من عصبيته ذي على هالصبح ..و بقهر من حالها كم
مره وعدت نفسها تسكت لما يسوي مشاكل ..
: حشاك من الكذب خلاص فكني خلني انظف المكان

وليد ...حط يده على رقبتها وشد عليها شوي وهو صاك على سنونه : ودي اشد ازود وارتاح بعدها
ودفها بقوه ع الطاوله اللي قريب منها ومشى حس بزجاجه
انغرست في رجله قفل عيونه بألم نزل نفسه شوي وسحبها
ودمه سال بقوه سبها سبه قويه ودخل غرفته واتجههه للحمام الله يكرم القارئ يغسل الدم

ريتاج
حست وسطها انفك قفلت عيونها بألم . ...عدلت نفسها شوي وهي تتحسب عليه وعلى عمها وابوها والعايله كلها ...مثل مابلوها فيه ...وش ذنبها هي عشان يصيرر فيها كذا . ...غبيه لو سكتت هالمره ..صراحه مره الموضوع زاد عن حده ...مشت ناحية الغرفة وهي معصبه اول مره تحس كذا وفكت الباب بقوه
شافته ناظرها مستغرب لانها ماتدخل هنا بالمره قالت بعصبيه: لاتفكتر ماعندي مين يردك كم مره قلت لك ماراح اسكت لو مديت يدك علي
وليد قاطعها بضحكه عاليه وهوو جالس على السريرو مقفل على جرحه ب فاين : ههههههههههههههه
هههههه ايشش قلتي عيدي لوسمحتي بالله

ريتاج ناظرت بعصبيه أقوى من قبل رفعت شعرها اللي طاح على وجهاا وبغيض وهي مسكرة على سنونها :وليد لاتفكتر اني صابره عشان خشتك ترا انت عارف بالحال

وليد وقف ورمى الفاين في السله ... وتقرب منها وهو مبتسم بستفزازلها مد يده.. ورفع الخصله اللي باقيه على وجهاااا : ي حلوة وش بتسوي يعني بتروحي عند ابوك صدقيني ساعه إلا انتي هنا يوم شاف فتحت عيونها بقهر نزل راسه منها وبهمس .. ماجبت شي من عندي ماهو قبل رحتي ورجعك ولو فرضنا بترفعي السماعه على أخوك صدقيني مراح ..ينصفك ونصه الثاني هنا ورفع راسه
وجلس مسوي يفكر عشان يستفزها زود اممم مين مين فيه بعد
وبضحكه : ترا جالس أساعدك وافكر مين اللي يقدر يوقف معك

ريتاج ناظرته بقهر لان كلامه ميه في الميه صح.. ابوها واخوها خيخه قدام عمها بعد ت شوي عنه و بغصه : طيب خاف ربك فيني تدري فيني ماحب المشاكل ولا انا قدك
وليد رجع تقرب منها و قال بهمس: شوفي لو لطيفه وافقت
ورضت عني وموضوع الطلاق ذا انتهى صدقيني راح اعاملك مثل اختي شوق وماراح تشوفي مني إلا كل خير

ريتاج ناظرت عيونه وبفرح هي ودها يعاملها مثل أخته حتى بس تنفك وترتاح بعدها من وليد ومن سيرته قالت وهي تأكد كلامه : اذا وصلت لها برتاح يعن...
وليد قاطعها : اخليك ملكه
ريتاج : واذا ماوصلت
وليد بوقاحه وهو يضرب باصبعه على خدها : جاريه

ريتاج ابتعدت و صدت بوجها : حسبي الله ونعم الوكيل
وليد وهو مبتسم بحقاره :صدق اخوي بندر يوم قال شكل لازم

واحد فينا يتدبس في هالريتاج عشان ابوي يرضى علينا

ريتاج بعدم تصديق : كذاب بندر مايقول كذا عني وماهو مثل قلبك الاسود
وليد برفعة حاجب : كذاب ...بس عشان صدمتك ابي امشيها لك
وبسخريه كمل واثقه بعد في حبه لك اقول تراه فزع لي يوم ابوي يبي يحيرك لي ..قال يبه انا ابيها وخلى وليد يآخذ اللي يحبها
ريتاج ناظرته وهي مكذبته مستحيل هالشي صار
قالت بحقد: هذا كله من تفكيرك انت انا محيرة له من يوم انا صغيره
وليد ولع منها وهي تحكي كذا بثقه بس غطى على قهره وبسخريه ميل شفته وهو يمد يده : يالله انقلعي من غرفتي ابي انام
ريتاج تحس نفسها مولعه منه : طيب لا تموت علينا عشان غرفتك

وليد جلس على السرير وهو يناظر رجله اللي رجعت تصب دم
قال : تعالي مكانك هنا وهو يشيرللارض عند ..رجله
ريتاج بصدمه آخر شي توقعته تصل فيه لكذا: ماهو لهالدرجه يا وليد
وليد أبتسم : تعالي شوفي صرفه لها الجرح
ريتاج قالت بقهر وصدق: مهما كان كبره ماهو مثل جرحك لي

اعطته ظهرها بس تذكرت مكالمة امها
ورجعت ناظرته وهي تتمنى عنده رحله عشان يمديها تروح تجلس عند أهلها وقت أكثر تكره هالبيت : ماعندك رحله اليوم
وليد برفعة حاجب: وش دخلك
ريتاج اللهم طولك يا روح : لا بس ابيك كان قبل تروح توديني بيت أهلي امي ارسلت لي تقول فيه جمعه عندها اليوم

وليد : ايه عندي بس مافي طلعه لك انثبري مكانك

ريتاج : خلاص اخلي السواق يوديني

وليد بغيض: اطلعي وشوفي وش يصير فيك

ريتاج بقهر: ماما راح تزعل مني والله
وليد بستهزاء: ماما ليه كم عمرك

وليد بعجز: تكفى وليد والله راح تزعل مني وزود عشان اساعدها ليت توديني الحين
وليد تمدد وهو يسحب المفرش : ي كثر الخدم في بيتكم واسيل زود موجودة
ريتاج: لا بس ماما ماتحب تتدخل الخدم عند الضيوف تحب هي تحضر الضيافه بنفسها وتعتمد علي في ترتيب الضيافه

وليد بقهر: اقول ي بنت الماما فارقي احسن
مدام لسى مروق لا اقوم واحوس خشتك ذي اللي عاله كبدي فيها من هالصبح
ريتاج : بس
وليد قاطعها بعصبيه: انقلعي برا مواصل ما نمت وجايه تقولي وصلني
ريتاج
صدق مخبوله وش فيها الرجآل مواصل مقد نام تتطلب منه يوديها بس والله من حر مافيها ...ماتبي تجلس دقيقه في هالجناح ..صراحه مافيها عاد صبر وش تقول لامها طيب لو رفض يوديها بعد مايصحى من النوم .. ....احسن خليها تقول لها ..وكذا توقف معاها لو جت وقالت لابوها. ..انه معذبها وماتبيه ...بعدها ضحكت بمسخره على تفكيرها... امها توقف معاها ..وتزعل ابوها و عمها والعائله الكريمه ....لا لا هذي من سابع المستحيل .... .. تمددت
وهي تناظر السقف ...قالت من غير ماتحس
ماعندها ذوق لطوف يوم أختارت نقشة الديكور ...ابتسمت على نفسها ...غبيه في ايش تفكر ...من اصله لو عندها ذوق كان مآختارت وليد ...اعوذ بالله شري بشكل ...

الله يرحمك ي بندر مافي مثلك بس تذكرت حكي وليد هزت راسها تتطرد افكارها يكذب والله بندر يبها كان من خاطره محد غصبه
دعت من قلبها يارب اسكنه فسيح جناتك ....
سحبت جوالها من على الطاوله وفتحت الاستديو وهي تناظر صوره اللي كان يرسلها بعد الملكه ...ابتسمت مع ابتسامته من غير ماتحس بنفسها كلمته بصوت واطي .... فقدتك ي عمري
ماحست إلا بالجوال ينسحب منها وعلى صرخته ..