رواية أعشق أنانيتك عندما تتمناني لك وحدك الفصل الحادي وثلاثون 31 - بقلم nona_A

توقعت شوق ..مثل العادة ..بس انصدمت ريتاج وبعد
جايه تطلب وليد ...شخصياً. .بعد .. قالت بقهر وهي ودها تذبحها يوم سمعت وليد يسأل مين : لا موممكن وقفلت الباب في وجهاا بقوة ...
ريتاج انصدمت من الحركة. ...آخر شيء اتوقعه تصل بها
الوقاحة لهالدرجه مشيت ...لغرفتي بس وقفت يوم سمعت الباب الجناح يفتح وليد ينادي باسمي
وليد خاف أكيد فيه شيء ولا ماتطق الجناح قال بفزع :ريتاج ايش فيه
ريتاج لفيت له وقلت بفشله من للي صار لي وبعد من الفزعه اللي باينه عليه : كنت ابيك توديني ...لبيت أهلي
وليد بسرعة عصب قال بحده : جايه مسويه أزعاج الحين عشان اوديك في هالليل بيت أهلك وش تحسي فيه أنتِ
ريتاج عضيت شفتي بقهر: آسفة اذا أزعجتك بس عصام اخوي وصل ودي اشوفه
فيها شيء ذي بعد بعدين قلت لك ودني بيت أهلي ماهو بيت غريب عشان تعصب كذا
وليد اعطاها ظهر: بكرة وخير ..
ورجع الجناح ناظر لطيفه بعتب ..وقال بزعل: أشلون تقفلي الباب في وجهاا كذآ
لطيفه وقفت وهي معصبة : خير خير جاي تنافخ علي عشانها
وليد تعوذ من ابليس وقال بحده :شوفي مثلك مثلها
لطيفه فتحت عينها بصدمة : ايششش
وليد بحده: مثل ماقلت
لطيفه بعصبية :بعد في وجهي ي وليد ايه قول من أول إنها
أخذت عقلك
وليد قاطعها بحده : لطيفه أبد ماهو فايق لك وسحب المفرش وغطى حاله وهو مقهور من صدتها له ..ليه ي ريتاج
كذآ تصديني ..عض شفته بقهر كان واثق حيل منها

لطيفه
عصبت ولعت بعد ...ناظرته بقهر ..طيب لو خليتك
تتهني ي ريتاج معه ..وأنت ي العاشق أبشر والله
ماتأخذ مكاني كذآ ...ايه لازم اهدي شوي ...ولا فعلاً
بيميل لها اللي مسويه فيها اتكيت ...وعاقلة ..وصوتها مايطلع يمه على خبثها ..مات رجلها خذت رجلي وبقهر وش ذنبي بالله استغفرالله بس
ريتاج

من وقت مارجعت الغرفة وانا لابسة العبايه ..وقفت وخلعتها وانا فيني غصة ..افف أكره هالبيت ...
تعوذت من إبليس ورحت أخذت لي شور ...
ونشفت جسمي وتمددت وانا أنتظر. .بكرة متى يجي ...
ومتى اشوف أخوي ....آه بجيتك رآح انفك من هالعذاب
مسحت دموعها الي نزلت ...حركة لطيفه جرحتها حيل ...

ماله داعي أبد كذا تسوي .......
ودها تروح بيت أهلها معاد ترجع خلاص كفايه ذل ...
قفلت عيونها وهي تستغفر .....تبي الضيقه تروح عنها

،،
،،
،،
،،
،،
،،

في بيت ناصر
من وقت مارجع البيت ..وهو زعلان ...وحالته حالة. ..
من فين يلقاها من أبوه ..ولا من منيرة اللي معنده وطالبة
الطلاق ..سحب جواله من على الطاولة...ودق رقمها
وهو متأكد إنها ماراح ترد ...بس فرح يوم سمع صوتها
بصوت تعبان :الو
عدل جلسته بسرعه وقال بفرحه: هلا والله
منيره وهي تقاطعه وبحده: شوف رديت عليك بس أبي مصروف وش فيك معاد تجيب لهن أغراض ومصروف
صرت مستحيه وأمي تعطيني وعيالك نشبه كل شيء يبونه
ناصر عقد حواجبه .: دايم ارسل لك مصروف
منيره بقهر : لا بالله تقولها صادق ولا يكون قصدك اللي أعطيتني أول ماطلعت من المستشفى لسى مكفيني
ناصر بقهر جالسه تتهجم عليه :اقولك أرسلت لك مع أخوك
قبل يومين وبعد قبلها أرسلت معه لأني دقيت عليك مارديتي
منيره حست بفشله عضت شفتها وش تقول له ..قالت وهي تحاول ترقع : قصدك الفلوس اللي مرسلها معه هذيك ماتكفي
أبد

ناصر عرف انها تصرف بس مايبي يفشلها أكثر ..او يتكلم على أخوها قدامها قال بجمود: طيب حددي كم تبي وانا حاضر بكرة احولها لك على حسابك
منيره بفشله وخجل منه .حاولت تتكلم مافيها عاد يوم قال طيب
احولها عرفت الحين انه عرف ان أخوها يأخذها ...آه ي خالد وينك تعرف له هالحرامي..يكفي الضرب اللي يأخذة منك سلطان بعد تسرق فلوسهم ...الله يهديك بس : على حسب ظروفك
ناصر: الخير واجد الحمدلله وأبشري بكرة تشوفيها في حسابك
منيره : شوف مافي أحد يروح فيني يصرف وبعد ماثق في أحد يصرف لي ...إلا أنت جيبه .. وأعطى أمي
وهي تعطيني
ناصر بضيق : وشهوله هالمشوار كله ي منيره ليه ماتكبري عقلك وترجعي لبيتك معززة مكرمه ومثل ماقلت لك اللي تبي
منيره ودها تصيح ..عضت شفتها وقالت وهي تبي تسكر قبل مايأثر فيها : لا وقت ماتجي ارسل لي واخلي امي تتطلع لك ويالله مع السلامة
ناصر. ..عرف الحين انها خلاص ...ماودها بالرجعه أبد
قال ببحه:اوك وقفل .....وهو يدعي ربي يعطيه الصبر ..
،،
،،
،،
،،
،،
اليوم الثاني

بيت ابو وليد
نزلت من الظهر ....تبي تكلم خالتها تخلي الخدامه تركب مع السواق وتروح بيت أهلها مستحيل. ...عاد ترجع تطلب منه
دخلت المطبخ. ..شافت خالتها حايسه في الغداء ردت السلام
وقالت بسرعة:ممكن ي خاله ...ميري تركب مع السايق يوديني بيت أهلي ... عصام اخوي وصل واخاف ازعج وليد وكاد نايم
ام وليد بأبتسامه : الحمد لله على سلامته يمه ...وناظرت ميري روحي يالله معاها
ريتاج سلمت فوق راسها : الله يسلمك والله لايحرمني منك ي الغالية ....
طلعت بسرعة وانا فرحانه بس تضايقت يوم شفت وليد ولطيفه نازلين مريت من عندهن وطلعت لفوق ....بسرعة لبست العبايه
ورجعت ... نزلت ..شفت وليد جالس لحاله في الصالة
وليد شافها لابسه العبايه قال بحده: وين وين
ريتاج وقفت وناظرته : قلت لك امس اخوي وصل رايحه أسلم عليه
وليد وقف وقابلها:اوك انتظريني انا اوصلك بسلم عليه بعد
وبسرعة طلع غير ملابسه ولبس ثوب ورش عطر زيادة
وأخذ جواله. ..ومفتاحة وهو يدعي انه لطيفه ماتطلع من المطبخ
...وتشوفه طالع معاها ...مافيه على الحنه والاتصالات ....
نزل شافها واقفه تنتظرة عند الباب تقدمها وقال بجمود : يالله
في السيارة بع ماحرك وطلع من الحي قال بجمود : :آخر سنه له ولا باقي
ريتاج وهي تناظر الدريشه : لا باقي له سنة زود
وليد :وش رايك نتغدى في مطعم ونروح بعدها
ريتاج وهي تذكر امس كيف كان يوم جلسوا لحالهم : لا وصلني والله يستر عليك
وليد رفع حاجب على قلة الذوق اللي صاير فيها بقهر:اوك
على راحتك ...

وبعدها وصولوا ...
وقف السيارة وقال بهدوء: ابي اسلم عليه
ريتاج : اوك حياك تفضل المجلس
وليد نزل معاها ومشى لناحية المجلس ...
ريتاج بسرعة دخلت داخل البيت ..وشافت اسيل تتفرج قالت بشوق له :وينه
اسيل وقفت :اول سلمي
ريتاج قربت منها وسلمت عليها وبسرعة طلعت الدرج
اسيل صرخت: هيي ي خبله جالس مع امي في المطبخ
ماهو في غرفته
ريتاج بسرعة رجعت و ركضت للمطبخ وفعلاً كان هناك بسرعة قربت منه وهي تشوفه مبتسم .. لها ضمته بقوه بكت غصب عنها : وحشتني حيل
عصام بحنان سلم على راسها وقال بهمس: وأنتِ أكثر وبحنان وشهوله هالبكي الحين
ريتاح في نفسها ...من حقي أبكي ..بجيتك ي خوي. ..بنفك
من الضغط ..اللي عيشني فيه ولد عمك .

ام عصام :هذي هي ريتاج ام دمعه ماتعرفها
ريتاج وهي تمسح دموعها : سنه ي الظالم سنه
عصام :وش اسوي غصب عني.. والله وباقي هالسنه رب يقدرني عليها بس
ريتاج وهي تتذكر : وليد في المجلس ينتظرك

عصام بفرحة:صدق والله وحشني الدوب ومسكها من عند كتوفها امشي نغلس عليه شوي هالمتكبر ....
ريتاج ماتبي تروح وتشوفه ...بس خجلت ترده وبعد خافت يحس بينهن شيء : اوك
مشت معاه لناحية المجلس ...ودخلوا
عصام بصوته الجهوري رد السلام
وليد بأبتسامه :هلا والله ب ولد العم قرب منه... وسلم عليه
عصام :هلابك زود ي الغالي كيفك وكيف عمي
وليد : الحمدلله يسرك.. حالنا أنت بشرني عنك
عصام: ربي لك الحمد....
ناظر رتياج :تعالي اجلسي وشهوله واقفه
ريتاج قربت من عصام وجلست جنبه ..ناظر ت وليد ..اللي ينظرها رفعت حاجب مثل اللي تقول ايش فيه
وليد وقف :يالله استأذن
عصام :وين الغداء
وليد :خيرك سابق الغداء اليوم تغدى مع أهلك وبكرة غداك عندي وابي اعزم الأهل جميع بمناسبة رجعتك
عصام وقف : ي رجآل لا.. تكلف على عمرك مابينا هالشيء
وليد :مابه كلافه وتستاهل أكثر
عصام : تسلم والله بس بكرة مايمدي .. اخوياي عازميني. ..
وليد : اوك بعد بكرة ان شاءالله
ريتاج وقفت وقلت بهدوء: اجلس تغداء وروح بعدها
وليد ناظرها بزعل: لا عليكم بالعافية. ..
والوقت اللي تبيي تروحي دقي علي
ريتاح :ان شاءالله
عصام بعد ماطلع وليد :نشمي هالكابتن ...
ريتاح ابتسمت ..بحب له: خلينا من الكابتن قول لي ناوي ملكه. .
عصام :وش ملكته عرس على طول وبعد تسافر معي .. طقيت من الوحدة صاير أكلم حالي ....
ريتاج بخبث:آه طقت نفسك أقول ماهو بكفيك مدام ابوي وعمي مقد حددوا
عصام بقهر: ريتاج دقي على رجلك وروحي معه

ريتاج ضحكت بصوت عالي:ههههههههههه خلاص خلاص
بنفسي اتوسط لك بعد
عصام :ايه كذآ ....خليك عون ...
بعد يومين

بيت ابو اسامه

نزل وهو ناوي ..يروح لابوه..ويكلمه ..أفضل ..من أمه
اللي ماهي معطيته وجهه ..وبعد إذا قال للطيفه ..
بيكون رد فعلها أكيد اقوى من امه...زفر بضيق
ي شين غيرة الحريم ....وش بيضرهن يعني لو أخذت
اسيل ...شاف امه في الصالة تتقهوى ..قرب منها وسلم فوق رأسها
ومسوي فيها زعل وثقل...جلس بدون مايفتح فمه
ام اسامه سحبت حبة تمر. ..وأكلتها ...ورفعت الفنجان. ..
وكله ذا ماتكلم. ..قالت ببرود : غريبة جالس ومافريت رأسي
بسواليفك
رائد بزعل:سواليفي ماهي جايزتلك أكيد
ام اسامه برفعة حاجب :من ناحية ماهي جايزتلي اي والله ماهي جايزة
رائد وقف بزعل:آجل اروح أحسن وخلي ولدك الكبير اللي دايم يبسطك بعلومه ....
ام اسامه بحده قاطعته : أجلس وخليك من اسامه الحين وأسمع مني ي رائد اسيل تطلعها
من راسك فاهم ..ويكفي اني متحمله بلاوي من جهتك
فلاتبليني زيادة
رائد عصب :وش بليتك فيه وبعدين اسيل وش بيضرك لو أخذتها
ام اسامه : البنت ماتصلح لك وبعد صدقني ماراح توافق عليك
فأخذها بقاصرها من الحين ولا تروح تفشل حالك وتفشلنا
رائد بقهر: وش يعرفك يمكن توافق

ام اسامه : شفت حتى أنت ماهو متآكد انها توافق
رائد بأمل ان أمه تقتنع : عادي انا متحمل اي شيء وبتقبله بكل روح رياضية بعد تدري فيني ..دايم ماهو مثل ولدك ....

ام اسامه بقهر قاطعته : ذابحك هالولد وش ذي الغيرة من أخوك شافته بيتكلم قاطعته بصرخة رائد قوم عني وجهي لاتعصبني زود
رائد بقهر توه يقول بدت تقتنع وقف بقهر:والله اني لاروح لابوي
وأخليه بنفسه يخطبها لي
ام اسامه ميلت فمها بسخريه : لقيت خير والله ابوك وين وسالفة خطبتك وين ..والله إنه ماهو داري عن شيء ..
رائد بقهر: ماهو داري عنك أنتِ
ام اسامه رفعت الفنجان وبسرعه رمته عليه وبعصبية: انقلع صدق مافيك خير وهذا وجهي لو راح خطبلك وبعصبية أكثر والله ان اسامه احسن منك بكثير ماعمره رد علي ي العاصي
بس انا استاهل دلعتك
رائد طلع وهو معصب. ...اشلون يعني يدق مشوار للبر
...ايه والله لعيون اسول ...نحرك الموتر للبر . ..
تذكر روحته وهو سامي للبر ....عض شفته بحسافة ...
اشلون سوى كذا فيه ....تنهد بضيق حسبي الله عليك ي سمير
أنت. ...اللي فرقت بينا ...وخليتني اتهم صاحبي ..بعد
وده يرجع علاقته ب سامي ...بس رفض اي صلح
يأما أعتذر ويأما حاول يسوي مشاكل معه بس عشان
يحتك فيه ...بس بعد قابله بالصد ......
وليته استفاد من سمير شيء. .غير خرب بعد علاقته ب أخوة

وبعد ليت أخوة فهمه بس ..إلا ذبحه وهو شاك فيه. ..

،،
،،
،،
،،
بيت أبو عصام
نزلت من الدرج وهي مستغربه ..وليد مادق ..ولا سأل غريبة اليوم قال بيعزم عصام ..فشله لو إنه نسي . ..شافت ..أمها وابوها. و.أخوها متجمعين ..ردت السلام وجلست بعد ماسلمت على ابوها وامها
أبو عصام ناظرها بحب ..يغليها ..عن عياله كلهن ..
وأكثر شيء يحب فيها عقلها ..: حيا الله ريتاج من زمان مانمتي عندنا
عصام بلقافه: الكابتن أكيد واقف لها بس الحين انا داق عليه وتوسط يالله نشبه وهذا وهو معه حرمه ثانية
ريتاج رفعت حاجب : صراحة ماقصرت وأنت فكرت تتوسط لي

ناظرت أبوها بعتب :حتى انا وحشتني النومه هنا يبه
ام عصام بضيق: الحين أنت..معزم خلاص تبي شوق
ابو عصام بعصبية: وش ذا الحكي الولد محيره له من هي صغيرة الحين جايه تسألي هالسؤال
ام عصام بحده : كرهت تحكمكم أنت وأخوك وقلت أشاور
الولد لا يبتلي مثل أخته الي حاستن فيها بس آه معاد فيني اتكلم
ابو عصام بعصيية : اكيد عقلك به بلى وماهو شيخه الي أعرفها
ام عصام بقهر : الحين لاني مابي عيالي يتعذين في حياتهن تقول عقلي به بلى

عصام بضيق قاطعها:يمه أبيها وبعد من زمان محيرة لي أشلون الحين تقولي كذا وناظر ناحية ريتاج وليد وش مسوي فيك
ريتاج ناظرت أمها ...
وش ذنب شوق اذا أمها كاره وليد ...صح أمها عندها حق

هي ماهي مرتاحه أبد مع وليد ..بس أبد ماهو وقته هالحكي كله
عصام عقد حواجبه يوم شافها ساكته: ماهو مرتاحه مع وليد
ريتاج هزت رأسها : لا مرتاحة وبعدين يمه وش ذنب شوق
ام عصام بحده:و أنتِ وش ذنبتس يوم ابتليني فيه بعد
جالس مكرم الغريبه ومخلي بنت عمه ولا تكذبي ازود
اعرفك بنتي وخابرتس دايم تخبي الي في خاطرس
ابو عصام بقهر وقف: صاير أكره هالبيت من حنتك
وهالكلام اللي ينعاد ...على طول
وبصرخه .. وش تبي اطلق البنت وبعدها تجلس لك مطلقه
ريتاح ناظرت ابوي ..ودي أقوله ايه بطلق ...وبجلس لك مطلقة
عصام وقف ومسك ابوه : تكفى يبه أجلس عشان نتفاهم وناظر امه ...يمه تكفين عندي هالشهر إجازة وأبي أملك واسوي العرس بعد
تكفين لا تنكدي علي وبنت عمي ابيها ..وإذا فيه مشاكل
بين ريتاج وليد ..ان شاءالله تنحل ..وأنا متأكد ان مافيه إلا كل خير وليد وعارفة مستحيل يضيم بنت عمه ..
ريتاج قربت منها ومسكت يدها : يمه ايش فيه..قالبه وأنتِ أكثر وحدة كان تبي شوق لعصام .. وفعلاً كلام عصام انا ووليد مابينا إلا كل خير
ام عصام بقهر: آيه اسكتي عن حقتس حتى يشيب راستس
وأنتِ ساكته بعد وقفت بعصبية كلكم الحين وقفتوا ضدي
وهذا وأنا مقهورة على بنتي
ريتاج مسكت يدها وبغصة: بنتك مافيها شيء عايشة أحسن عيشه بيت رجلها وش له هالقلق يمه
عصام وقف ومسكها وقال بعتب: ليه يمه كذآ شوفي بنفسك ريتاج تقولك مرتاحه وحتى لو وليد وريتاج بينهن شيء بنفسي أعرف اوقف وليد عند حده وأخذ حق أختي ولا حد يقدر يذلها وأنا موجود. .. بس وش ذنبي أنا وشوق ...وهي محجوزة لي من زمان قاطع نصيبها ..
ابو عصام ناظر عصام: أقول ماعليك بس في هالحكي كله
اليوم بكلم عمك واتفق معه ...
عصام ناظر امه وبرجى: أتمنى تكوني راضيه يمه
ام عصام حزنت عليه : ربي يسعدك معاها وراحت غرفتها .

وناظر ريتاج : دق علي زوجك وأعتذرت منه
قلت له خله بكره عشا.. ..عشان مره وحدة نتفق .. ...
ريتاج
هزيت رأسي .وانا مرتاحه خفت انه طنش او نسي كان فشله صدق بتكون لي ..قدام أخوي بس الحمدلله .. .وقفت رجعت غرفتي أبي ادق عليه
يجي لي عشان أخاف بجلستي اخرب على عصام ازود
وبذات. .وليد ماسأل ولا جااا وأكيد امي وقتها تبدأ تحقيق
وبعد بكرة علي دوام واغراضي كلها هناك ......
دقيت رقمه ...مارد ..اوففف دايم يقهرني يوم يحقرني
فتحت الواتس ..شفت آخر ظهور ..له
أمس في الليل ..أرسلت له ((تعال أبي أرجع البيت عندي جامعة بكرة .. ))
وقفلته ورميته
وانا أفكر في رد فعل عصام ..حسيت فيه يبي يثبت لامي
اني انا وليد مرتاحين. ...خايف لا يفترقون ..ابتسمت تحبها ..من قلب
الله يسعدكم ..فتحت الواتس على رقم شوق ..وهي ناويه تغلس عليها ..........
،،
،،
،،
،،
،،
،،

،، نرجع لرائد الي توه وصل
نزل من السيارة ...وشاف أبوه جالس يتكلم مع رجآل معطيه
ظهره قرب منهم وهو يرد السلام
ردوا عليه السلام
ابو ا سامه بقلق:هلا يبه خير ان شاءالله
رائد قرب سلم عليه :خير يبه بس جاي اتمشى .. شوي .
وناظر شهاب ...من زمان عنه يذكره قبل خمس سنوات يمكن
ابو اسامه : سلم على شهاب
رائد بعربجه سلم عليه : هلا هلا كيفك ي ولد العمه وينك مختفي افتكرت إنك انقرضت
شهاب ناظره بجمود : هلا والله الحمدلله يسرك حالي وبحده
الدنيا مشاغل
رائد ي شينك ...اي مشاغل مع وجهك ذا يكره شوفة حالة مدري
على شهوو ..وانا اقول اسامه لمين طالع ..اتاري ولد العمه ماهو أقل منه.....
شهاب :يالله انا استأذن ومثل ماقلت لك ي خال..السعر
ماهو زين ..أصبر وبيجيك شراي أحسن ...وبعد بعرضهن لخويايي ...وبرد لك خبر ....أنت تمهل بس
ابو اسامه وهو ماوده تروح عليه : تكفى ابي أجمع المبلغ بسرعه
رائد هذولا عن وشهووا يتكلموا ....سكت يبي شهاب يروح
ويتكلم مع ابوه....تنهد براحه يوم شافة ركب سيارته
ابو اسامه رجع للخيمه ..وجلس وسحب المسنده ..وتكى عليها وقال بحده: صب لي فنجان قهوة ي الفاهي
رائد مسك الدله وبسرعة صب له
ابو اسامه ،،،،ناظره ساكت وشكل عنده شيء جاي له أكيد ماهو خالي ولد امه قال ببرود وهو يرفع الفنجان ويتقهوى :شكل أمك رفضت تعطيك فلوس وجاي تترزق عندي
رائد بقهر وبدون سابق إنذار :لا يبه بس رفضت تخطب لي
ابو اسامه بصدمة حط الفنجان : من متى تبي تخطب... أذكرك داج بس ...وماهو حق زواج بعد

رائد بزعل من كلام ابوه :افاا يبه تقولها بعد في وجهي وهذا وانا
جاي لك ابي فزعتك
ابو اسامه :افزع في وشهوو
رائد برجى قرب من ابوه : تكفى يبه وهو يسلم فوق رأسه انك تقنع امي تخليني أخذ بنت جاسم . يبه فزعتك معي يبه .
ابو اسامه عقد حواجبه :تبي عند ابو عصام
هز رأسه صدقني هذي امك لو تتطير للسماء ماهي خاطبه لك
عندهن وقوم انثبر مكانك ولا فارق حرك سيارتك
وخلني أشوف شغلي ..
رائد بقهر من كلام أبوه : يبه وش ذنبي إذا لطيفه هي اللي جاية عليها الضرة مرتاحه مع رجلها وانا يعني اللي أدفع الثمن وكله عشان .. ليه اختها جايه على رأس اختي يبه وش ذا التخلف
حتى متى وحنا كذآ وبعد مفروض كلام نسوان مالنا فيه يبه
ولا وش رأيك
ابو سامه رفع العصا الي جنبه: رأي قسم بالله بذي العصا لو ماتثمن كلامك
وبحده أنت ليه كذا ماتعرف تحكي مثل الرجاجيل
رائد مد يده ونزل العصا وسلم فوق راسه برجى : تكفى يبه
ابو اسامه : خلاص بروح واخطبها لك وماعلينا بكلام النسوان الفاضي على قولك ...بس فكنا حنتك شوي
رائد وقف بفرحه : يبه وش اسوي ارقص لك سامري
ولا وشهو يبه.. والله انك سنافي خشمك ...خشمك ي الذيب ..
ابو اسامه :أجلس بس والحين الراعي يجيب لك لبن النوق واشرب وعين خيروالموضوع عندي وانا أبوك. .
رائد في نفسه استغفر الله لبن نوق يبه ...والله إني ماحبه
بس أخاف اقول مابي يقلب علي لأنه يحبهن أكثر منا آه
لعيونك ي اسول بشربه .....قال وهو نفسه في الصيد: آه من
زمان عن البر والصيد
ابو اسامه :الصيد ماهو لك أبد خله لاسامه
رائد : اسامه ماهو الأول يبه

،،
،،
،،
،،

من الدمام ...وهو كاره عمره مايبي ..يرجع. ..
بس غصب عنه يوم دقت عليه ام سمير ..تبي..ريوف ..ضروري ويوم سألها ليه مادقيتي على رقمها .. قالت ماترد ....
.حس بشك ..وش عندها تدق ..لايكون كان بتقول له شيء
وخافت بعدها
اطر يرجع .نزل من السيارة ..
شاف الصدليه اللي في يميننه عند باب العمارة ...
دخلها وأخذمنها وطلع ...اتجهههه للشقه وهو يتمنى بس لسى المفتاح باقي عالق في الباب ..عشان فعلاً يبرد قلبه فيها ..بس أول مادخل المفتاح فتح معه على طول ......

شافها قدامه متمدده على الكنبه ... تتفرج ...ابتسم بسخريه بعد لها نفس
ريوف
اول ماسمعت باب الشقه . فزت جالسه وهي تناظره ..بخوف .وآخر موقف بينهن ينعاد عليها ...يالله الحين وش يفكني منه
أكيد بيجرم فيني ليه قافلة الباب. ..بعدين توقعت يتأخر ماهو
يومين بس ويرجع .. .. بس ارتاحت يوم مر من عندها بدون صوت رمى كيس على الكنبه ..ودخل غرفة النوم ...يالله ماهي مصدقة ..
إنه ماكلمها ..او رمى عليها كم كلمة تغث ...
تنهدت براحة وهي تناظر الكيس بفضول. ..عرفت إنه دواء ..معقول مريض .بسرعة قفلت التي في ..ورجعت تمددت تبي تنام تخاف يرجع يشوفها صاحية ....

قفلت عيونها ..وهي ماهي مطمنه..أكيد ورا... سكوته ذا
شيء يآرب ..الطف فيني. .وأبعد شره عني يآرب ...
بعد نص ساعة ...ارتحت أكيد نام ..مدام معاد طلع
حسيت ببرد
بسرعة سحبت الريموت وطفيت التكيف ..بس جسمي ارتجف
..يوم فتح باب غرفة النوم .. قفلت عيوني بسرعة بس أكيد مكشوفه إني صاحيه مدام توني اقفل التكيف. .. غبيه من جد يعني وش بيضر لو أنتظرت شوي....
يمه أكيد الحين جاي بشره ..فتحت عيني بخفيف ..شفته وكان مأخذ دش ..جلس على الكنبه المنفرد ...قريب من كيس الصيدلية

فرحت أكيد جاي يشرب دواء ويروح بس عضيت على شفتي
يوم تكلم
اسامه ناظرها بسخريه : مسرع نمتي
ريوف

ثبت حالي وماسويت اي حركة. ..عشان يتأكد اني نايمه
اسامه بحده صرخ: بنت
ريوف يمه صوته يخرع ..أعوذ بالله فيه ثقل وحده تخوف
غصب عني بسرعة جلست وقابلته ...وقلت برجفه: ايوه
اسامه : ليه مطنشه ..ولا ماكفتك حركة الباب
ريوف فركت يدي في بعض بخوف وبعد... ندمانه
ليتني ..مابعدت المفتاح اليوم الثاني ...كان الحين رجعت
وبعد ماقدرت تدخل ...هزيت راسي بلا بدون حس
اسامه بصرخه: لا بالله ماكفتك ..وبعد تقولي لا كذآ بكل جرأة
ريوف بخوف : آسفه ماكان قصدي والله

اسامه ناظرها بقهر ...مايدري وش يسوي فيها سأل بحده: وش تبي فيك خالتك وليه ماتردي عليها

ريوف حسيت بتوتر دقت عليه الظالمة :مابي ارد عليها

أسامه رفع حاجب : وشهوله طيب
ريوف سؤاله غبي يعني بعد المصايب الي سوتها فيني تسأل بعد
بس أكيد لو قلت كذآ بيعصب ف أختصرها أفضل لي قلت ببرود ظاهري : مابي أرد وبس
اسامه ناظرها بشك : طيب امي دقت عليك شيء
ريوف هزت رأسها : لا
اسامه :لطيفه
ريوف اوفف وش ذا التحقيق :لا بس أرسلت لي اصور لها مناظر من أبها

اسامه ضحك بقوه: ههههههههههه بعد تصوري لها صدقت بقوة بعد ورجع ضحك قلتي تصوري لها ههههههههههه
ريوف استغربت من ضحكته كان ودي أقوله أكيد تصدق
مدام مكذب عليهم ..بس سكتتت ...اخاف يقبرني مكاني ...
لاني متأكده هالضحك وراه مصايب .... شفته يأخذ كيس الدوء ..تنهدت براحه آكيد بيأخذ دواه الحين وبيرجع الغرفة بس انصدمت من كلمته ...
اسامه وهو يطلع كرتون الحبوب وقال بسخريه : هذي لك
ريوف بصدمه فتحت فمها :وشهو انا مو تعبانه الحمدلله بخير

اسامه ببرود: هذي حبوب منع الحمل
ريوف عقدت حواجبها ..وهي مستغربه : منع الحمل وشهوله
اسامه رفع كتوفه ببرود: مابي عيال منك
ريوف انصدمت أكثر من حكيه ..يعني وشهو قصدة يعيش معاها مثل اي زوجين ...وبعد مايبي يخلف منها ..وش ذا الخبث اللي فيه ..ومن أصله هي ماتبي تخلف منه ولا تعيش معه بس مايدزك على المر إلا اللي أمر منه ...وبقهر من اللي يسويه فيني صرخت بدون حس : طيب وين اللي قرفان الحين اشوفك جايب بعد معك احتياط
اسامه بعصبية وقف وقرب منها وسحبها من يدها : من أنتِ عشان ترفعي صوتك كذآ هيي لا تنسي حالك ...وعلى القرف قرفان من كل شيء يخصك ..بس ودي اذلك أكثر .. فاهمة .وعار علي اذا خلفت منك ...
ريوف راسي دار .. من قوة كلامه و خوف منه يوم عصب ومن قربه مني وهو كذا ...قلت بقهر :مدام عار مثل ماتقول اختصرها
على عمري وعمرك وخلنا مثل قبل ...وإذا على الذل ترى ماهو مقصر مكفي وزود
اسامه فكها وسحب العلبة.. وطلع وحدة منها وقرب منها من ثاني .وسحبها بعنف وهو يمسك وجهها .. ودسها في فمها....
ريوف دموعها نزلت من الذل اللي تحسه .... كسرها اسامه حيل ...وجالس بعد يتفننن في ذلها ...
وكل يوم له طريقة ..تجرحها أكثر ...يآرب أنت معي
وعالم بحالي الطف فيني ....
في بيت ابو سامي

جالسة في غرفتي ...آه تعبانه وحالتي حالة ...

زكام ذبحني ...سمعت صوت صراخ خدوج بسرعة طلعت
انصدمت .. وانا اشوف بدريه .. وامها ماسكين ملاك وهاتي ي طق فيها قربت منهن وانا مصدومه ..قلت بصرخة:هييي فكوا البنت بتموت في يدكم ...
ام سآمي بعصيية : عساه صدق ان شاءالله الموت يأخذها ويفكنا منها
غلا ناظرتهن ..وانا عيني من بدريه الخبله ناسيه إنها حامل ولا وشهووو ... عضت شفتي يوم سبتني
ملاك وشعرها طاير : أنتِ فكيني ي الزفته بدل وقفتك كذآ
غلا بعصبية : وانا بنت ابوي بعد تسبيني ابشري بالفزعة اللي
يحبها قلبك وبسرعة .. طقيتها . معاهن .وناظرت ام سامي ايه بردي خاطرك وهاتي ي طق فيها .....
ابو سامي طلع على صوت زوجته صرخ اول ماشافهن ....: ابعدن عنها
ملاك وشعرها طاير راحت تركض له وهي تبكي ..: ذبحوني بالطق ي وافي ...بذات العجيز المخرفة
ام اسامي بصرخة :لا تقولي عجيز عجزت رجولتس ي الخايسه
ابو سامي بعصيية قرب منها وطاح فيهة طق وهو يصرخ :كم مره قلت لك لا تحطي رأسك برأسها ...
غلا وبدريه حاولوا يفكوا عنها بس ماقدروا فيه طول وعرض
..
بدريه وهي تصرخ : يبه تكفى خلاص يبه بسرعة ي غلا دقي على سامي وخليه يجي بسرعة ..تكفين

غلا بسرعة ...ركضت للغرفة
وسحبت جوالي ودقيت عليه ....بس مارد رجعت دقيت عليه

ورد وهو معصب : بعدين ادق عليك ماهو فاضي الحين
غلا بسرعة تكلمت : الحق أمك ابوك ذبحها وانا مافيني افكها منه وبعد بدريه ماقدرت فيه
سامي سكر بسرعة وطلع من الدوام و حرك للبيت ..
حتى بدون مايعطي خبر للمدير ....

غلا سكرت ورمت الجوال وطلعت بسرعة وهي تحس بألم في ظهرها ....شافت ام سامي
طايحة على الأرض وجالسة بدريه تهدي عليها ... وتبكي معاها
بقهر وعصيية ناظرت ابو سامي اللي جالس يهدي على البزر اللي معه ...:أنت ماعندك رحمه
ابو سامي بعصيية:اقول ي بنت السكير انصحك تنفكي من شري
غلا بعصبية: بنت السكير ..الحين جالس تعاير بعد مابليته أنت ي الخبيث ....
ابو سامي بعصبية:أقول أنتِ شكل يبي لك تربية من اول وجديد
وترى ماهو عاجز الحين الحق فيك هالعجيز منسدحه على الأرض
غلا بعصبية أكثر صرخت : اشوف بس فكر تلمسني اقسم بالله احوسك أنت والي جنبك وطقيت عشانها ام عيالك وبقهر أكثر
ليه ليه انتم الرجآل كذا تنكرن المعروف

ابو سامي وهو يتعوذ : أعوذ بالله منك ي إ بليس .....

وقطع عليهن فتح الباب وكان سامي
ابو سامي صرخ:خذ امك وقلعها
ام سامي بعصيية وهي تحس بألم في جسمها كله ..: والله التقليع لك ولها ماهو بلي هذا بيتي
ابو سامي رجع بيكمل عليها
سامي بسرعة ابعده عنها وهو يناظر أمه بحزن ......
غلا صرخت بقهر: صدق مافيك خير ابعد عنها
بدريه وهي تبكي : يبه حرام خلاص ارحمها شوي
سامي جلس على الأرض و ضم امه لصدره .. بحزن وقال بعصبية وقهر : يبه مستحيل من اليوم رآح اسكت لك
راح اطلعها بالمرة من هنا ....

ابو سامي بصرخه: في اللي مايردك لانت ولاامك
غلا بقهر: صدق ماتخاف ربك بس وش يطلع منك اللي حتى فرضك ماتصليه
وسكتت وهي ودها تذبحه ...متخلف ..ودها تبلغ عنه ...بس أكيد ابوها بيروح فيها بعد .
ابو سامي بعصبيه: كم مرة قلت لك لا تحشري حالك بيجيك شيء مايسرك وبصرخة سامي ابعد مرتك عني
ام سآمي بعصبية وهي تسمح دموعها: اشوف سوى لها شيء
والله لااذبحك
ابو سامي بسخريه: اشوف العوبه اللي في نظرك كان اليوم زانت وصايرة تتدافعي عنها بعد وضم زوجته وهو يقول:أمشي حبيبتي مصيري اقلعها من البيت ويكون بعدها لك بعد
ام سامي ناظرت سامي وهي خلاص مكسورة ..كان تقول
مستحيل تتطلع من البيت ..بس الحين والله كرهت تجلس فيه :يمه ابي أطلع تكفى مابي أجلس هنا وخليهن يشبعن فيه
بدريه بحزن عليها : يالله يمه تعالي عندي وناظرت ابوها خلي
هالللخمه تنفعك
ملاك بقهر: أشلون ي وافي تسكت لهن
ابو سامي :خلاص حبيبتي الحين يروحن بشرهن وبعصبية يالله فارقوا ...لا أطلع من الغرفة واشوفكم ...
سامي
مشى مع امه وهو مقهور ....والله لو يطلع جنونه شوي بس
لا يعرف كيف يرد حق امه كله بس آه مايقدر ابوه ....و مايبي يغضب عليه ....وبعد مايبي أمه تنضر أكثر .....
قال بهمس وهو يسلم فوق رأسها : لا تبكي ي الغالية الحين روحي مع بدريه وغلا وانا رايح ادور شقه على بال ماستلم الراتب ..وادفع المقدم .و..نسكن فيها عض شفته مايدري من وين يلقى المقدم أكيد بيكون مبلغ كبير
وهو راتبه كله ست ألف يالله يكفيه مصروف...

ووبعد ...لازم على الأقل يبي له أسبوع وأكثر بعد ....عشان يحصل شقه
ساعد امه عشان تقوم .. ودخلها لغرفتها عشان تأخذ اغراضها
ام سامي قالت بهمس بعد مامسحت دموعها وهي تناظر الباب : يمه قبل ماطلع عندي دراهم مخبيتهن في المطبخ ...
سامي فتح عينه بصدمة: كيف
ام سآمي بهمس: اوش لا يسمعك ويجي يأخذها يكفي اللي خذه
مني الحين اطلعها ونأخذ شقه مفروشه هاليومين حتى تحصل شقه إيجارلاني مافيني اجلس بيت راجح مابي منه من حد
سامي بفرحة انحلت حتى هو ماهو راضي يروحن بيت راجح
بس مافي جيبه غير مصروف يكفيه لبكرة .....
: وينها يمه بالتحديد اروح الحين اطلعها
ام سامي وهي تمسك كتفها بألم : ماراح تحصلها هذي تعب سنين وانا أجمع فيها وأنتي بزر ..بعد . ويالله صيح على غلا تجي عشان تروح معي ....وهو مايدخل وزوجتك موجودة تأكله بلسانها

سامي إبتسم بحزن عليها وهي تقول كذآ : والله وطلع لسان غلا بفائدة. ..وبصرخة : غلاااااي
غلا اللي معصبة لسى وهي تناظر بدريه بقهر.. : خلاص لعبت بعقله الخايسة ذي
بدريه : بقوة بعد
المهم روحي كلمي سامي ..وانا رايحه أجهز الغرفة لأمي
هزيت رأسي و مشيت للغرفة وقلت بقهر :آه فيني حرة ودي امردغ ابوك واللي جنبه تعلك اربعة وعشرين ساعة
ام سامي : ماعليتس فيهن امشي معي المطبخ ابي اطلع دراهمي
غلا فتحت عينها بصدمه تتطلع دراهمها وقدامي بعد ..قالت بدون حس: وش ذي الثقه
سامي بقهر: اقول انكتمي وسوي الشي اللي ينطلب منك ساكته
غلا بلعانه ماهي وقتها : وش المقابل

ام سامي : يجعلتس اللي ماني قايله وش مقابلههه الحين احمدي ربك بس أبي أحجز لتس شقه

سامي وده يذبحها بعض مرات تعجبه وبعض مرات تتصرف بوقت غلط شيء ماهو وقته أبد قال بحده:بلا ثقالة دم اوك
ترى ماسك حالي بالقوة
غلا ببرود طنشته وردت على خدوج :الشقه أحجزيها لك ماهي لي ابي اروح بيت ابوي انا
سامي رفع حاجب:بأمر مين ان شاءالله مقررة
غلا مسكت كتفه بجرأة : خلاص لاتموت بجلس معك
سامي شفتوا قد ايش غبيه هالبنت ..ابتسم لها غصب عنه : مجنونه
ام سامي بقهر منهن:بالله وقتكن انتن بعد آه ي خدوج ي خسارة
وبعصبية امشن قدامي وينها بدريه
غلا ناظرت سامي الي مبتسم : راحت تجهز البيت
ام سامي : أجل يالله نطلع دراهمي ...
غلا
...فيني ضحكه والله ....مشينا معاها اخس يالكنز اللي بنحصله معاهة الحين ..كلها عشرات وخمسات مجمعتهن من حريم الحارة ومن عطورها المزيفه ...
قلت بهمس: تتوقع تكمل ميه ولا خمسين ....
سامي بضحكه : انثبري وان شاءالله تعدي الألف عشان تنكتمي
ام سامي سمعتهن بس طنشت راح ترد عليهم .. بالمبلغ اللي معاها
ناظرت غلا أنت انثبري عند باب المطبخ عشان تقولي لنا لو جااا وبعد بيشوفك ماراح يدخل وأنت تعال
سامي قرب منها وهو وده يعرف كم معاها على هالتحفظ والخوف ....اللي باين عليها حس بحزن عليها ....يالله ابوه
مسبب لها عقدة .... بس ماعليه ان شاءالله حتى لو خمس ميه بيكون يكفيهم ..لشقه مفروشه لمدة يومين ..
ام سامي وهي تأشر له: اسحب هالكيس ...
سامي مستغرب: كيس الارز وش دخله يمه

ام سامي بقهر:اسحبه ساكت
سامي سوى مثل ماطلبت منه ...
ام سامي قربت وجلست على الأرض ..وبعدت ألبلاطه اللي تحته

سامي فتح عينه بصدمه تحت البلاط .....
جلس قريب ..منها على ركبه وهو يقول : يعني كنت اموت عشان احصل قرش منك وهو بهالسهوله مكانها
ام سامي بقهر: انطم وهي ودها تصيح عشان فلوسها اللي مخبيتها من سنوات طلعت الصندوق الحديد الصغير ....
اللي مخبيته تحت البلاط
غلا كنت اناظرهن ...وانا فمي مفتوح ..مسويه كيس الأرز عشان مافي حد يشك ان ألبلاطه تحته مكسورة ...وتحتها فلوس
مخبيتها ماهو كنت اقولكم انها مقفله على بلى. ....والله كنت حاسه ....ويأما تمسخرت عشان التقفيل .. بس كان تطنش ولا يبان عليها شيء عشان مانشك ...
قربت منهن
ام سامي وهي تناظرهن: فارقوا هناك يالله انت وهي
سامي بفضول وده يعرف كم مخبيه: يمه من الحين مافينا نخبي على بعض هاتي اشوف كم في هالصندوق
ام سامي : فيه خير
سامي بفضول : حول كم يمه
ام سامي بقهر على فلوسها اللي لها سنين تجمعها واليوم تطلع: حول المية
غلا ضحكت بسخرية: مثل ماقلت مية ريال هههههه والله ماتجيب غرفة مفروشه ماهو شقه كاملة

ام سامي بثقه ردت عليها : مية ألف ماهو ريال .. وزود بعد
سامي وغلا مع بعض صرخوا بصدمه :كمممممم
ام سامي بقهر منهن: انكتمن عساكم البلى الحين والله لو يسمع مانشوف ريال
سامي وهو لسى مصدوم: يمه تقوليها صادقه
ام سامي : اي والله صادقه وامش خلنا نطلع كرهت البيت باللي فيه
سامي ناظر غلا اللي لسة مصدومه ...وتناظره وهي فاتحه فمها وقف وقال :يالله ي غلا نأحذ اغراض امي واغراضنا ونطلع
ام سامي أخذت الصندوق وغطت عليه بجلالها خوف لو يقابلها في الصالة
غلا مشيت وانا ماهو مصدقه هالمبلغ مخببته ..معقول ...حسيت بصرخته .. وهو يبيني استعجل ..تحركت بسرعة وجمعت ملابس خدوج انا وسامي اللي كلها تنعد على الأصابع ......وبسرعة سامي سحب خالتي معنا للغرفة والصندوق في يدها لسى
وبسرعة بعد لمينا اغراضنا
سامي وهو مستعجل : هاتي يمه خليه في هالشنطه وهو يقصد شنطته
ام سامي : بعد عليك احطه في شنطتي انا
غلا قلت وانا فرحانه أخيراً بنطلع من هالبيت أكره حيل :ماعليه عندك ولا عندها خلونا بس نطلع
......بسرعة سحبت العبايه ولبستها وساعدت خالتي بعد في لبس العبايه وقلت بهمس وانا أقرب من سامي اللي جالس يأخذ
اجهزته من الدرج : لا تلح على الفلوس
عشان ماتندم انها طلعتها او تفتكر انك عينك منها
سامي هز رأسه ..بدون صوت ...لسى مصدوم وبعد ماهو مصدق ان أمه تملك هالمبلغ جالس ..يأخذ أغراضه
وهو يفكر كيف أمه ملكت هالمبلغ. ..وهي كلها بضاعتها أغلى سعر فيها عشرين ريال ...
وطلع شاف ابوه قدامه ..طالع من المجلس ناظر أمه
وهو يهمس : تكفين يمه لاتقولي شيء له
ابو سامي وهو يناظرهن قال وهو يبي ينفك معاد يبها ترجع لهااالبيت او يكون عندها أمل : قبل ماتطلعي أنتِ طلاق
،،