رواية اعشقه كرهآ الفصل الحادي عشر 11 - بقلم زينب عبد المطلب

البارت الحادي عشر
(زينب عبد المطلب)

بعد ما راح امير حتى يجتمع مع كل الشيوخ ولازم يروح من عشيره لعشيره حتى بالاول يقنعهم انو هو يترأس ع الكل بعد اخوه الي قتله ونفس الوقت يريد يقتل اخو غزل وطبعا اكو عشائر رفضته رفض قطعي بس هالشي موكف بوجهه لان كان اي احد يرفضه بعد ما يطلع امير من يمه بحكم ساعه وحده يلكوه ميت والكل كام يعرف انو هذا امير الي قتله بس محد يحجي لان يعرفون بيه صار مثل المتوحش بس علمود ياخذ الكرسي ويصير شيخ الكل وكلما كان يعرف مكان اخو غزل يم احد من بيوت العشائر يتوجه اله وميلكاه وهو استغرب من هالشي لان شلون ديعرفون تحركاته وكل بيت يروح يمه ايطول من اسبوع الى 10ايام لان يخافون منه ويبقون يخدمون بيه وهو يكعد ويأمر بيهم وهو كان كل تفكيره بغزل وكل همه شوكت يرجع ولو بس يشم عطرها وحتى من كان يروح كل وحده يشوفها يتمنى هذه لو غزل كدامه لحد ما مره راح ع شيخ سعد وهالشيخ كان معروف بحبه لزوجته بس كانو الكل يعرفون زوجته سحاره والمصيبه هالشيخ رفض يخضع الامير وهو معروف الي يرفضه يقتله لان وصلو مرحله محد يكدرله من قوته وجبروته وحتى الي وياه من حرس كامو يعشقوه لان كان يشاقه وياهم وطلباتهم وين ميروحون مجابه فهالشيخ من عرف امير برفضه وعرف بزوجته طلب من احد الحرس يجيب زوجته اله ويجي
هارون/شيخنه هذه زوجته كامت تصرخ بالغرفه تريدك
امير/وانت شبيك متكدر تسكتها
هارون/شيخنه شسكت منها اتكولي اذا تتقربلي اكلبك فار
امير/ههههه وصدكتها مو
هارون/اي ليش لا لعد انكلب فار احسن
امير/زين انت تخاف منها لو مني
هارون/لا والله منك انكلب فار ولا راسي اخسره واموت
امير/لعد اسكت وروح جيبها
وهاا هارون زوجها خلوه محبوس وعينك عليه لان انت اكثر واحد اثق بيه
هارون/من عيوني
كعد امير وهو كل تفكيره بغزل لحد ما دخلت زوجه سعد وباوع عليها سبحان الخالق شنو من جسم شنو من شعر ومن عيون ظل يباوع وهي كانت كلش خايفه بس تحاول متبين هالشي
امير/خير شرايده ثابره الدنيا وتصرخين حتى تشوفيني
محاسن/اني دخيله عندك الله يخليك لتقتل زوجي والله اموت بلياه
امير/شلون ما اقتله وهو ميريدني
محاسن/زين اقتلني اني بمكانه ولا تقتله اذا تريد تعذبه ع قراره الغلط اقتلني بمكانه
امير/يعني تقدمين حياتج بمكانه
محاسن/اي فدوه رحمتك
امير/باوعي ع وجهي دتشوفين اي رحمه اكو بعيوني بعدين انتي مو سحاره شوفيني زين(زينب عبد المطلب)
محاسن/اني ادري كلبك اسود بس دا اكولك عاقبني بمكانه
امير/شوفي اني بامور الحب فاااشل بس مبين عليج تحبيه ولهالسبب راح اسالج مستعده كلشي تسوين علموده
محاسن/ابتعدت عنه وعرفت شنو قصده بهالحجايه
امير/صدك مبين تحبيه
محاسن/شوف اقتلني وبس ما اكدر اسوي هالشي الي تريده
امير/شوفي يسحاره اني من النوع الي ما ارحم ومن اريد اقتل واحد ماااا ارجع عن قراري بس اذا سويتي الي اريده افكرررر احتمال اغير رأيئ
محاسن/يعني اذا اسويه تتركنه اني وزوجي
امير/اذا سويتي الي اريده احتمال اتركم
اقتربت محاسن اله  وهو يباوع ع هالجمال وهالجسم وكال حقه زوجج كان ميت عليج  وهي كل تفكيرها انو الي دتسويه حتى تنقذ زوجها منه وبدا امير ويترقب منها وهي ترجع وره
امير/عيونج ابد لتغمضيها فهمتي لان لون عيونج تذكرني بوحده سافله
وبدا امير يتقدم وهي ترجع وكلتله كل الي حتسوي بيه راح احاسبك عليه
امير/ومنو كلج اني اباوع ع وحده مثلج
محاسن/بس انت وعدتني انو انت مراح تقتله
امير/ اي مو افتهمنه
طلع امير ودخل وشافه محبوس ومربوط مثل الكلب و وجهه كله دم  واول مدخل تفل عليه
امير/شتحب اسوي بيك هسه يا زوج السحاره
سعد/لك وربي اموتك اذا تلزم شعره منها وين زوووووجتي😡
امير/بالصاله
سعد/شسويتلها وربي اقتلك
امير/الصراحه هي كلش تحبك حتى كلتلي اقتلني واترك زوجي يعيش
سعد/لا معليك بيها هذه خبله متعرف شنوتحجي
امير/لا لتخاف مقتلتها طلبت منها غير شي وهي وافقت بس اني ماا اريد هيجي قذاره
سعد/لك يا ناقص وربي الا اقتلك شلون تتجراه وتمسكها
امير/ولك النسوان لتامن بيهم
روح هارون وجيبلي محاسن اهنا
اهنا سعد نزل راسه وكام يبجي ومن اجتي زوجته جابوها وهي تباوع عليه وتبجي
امير/هو رادج اني معليه

محاسن /فدوه لتقتله الله يخليك
رفع راسه سعد ع امير وبكل علو صوته وهو يصرخ/صدكني انت راح تموت وراح نخلص منك وكل الي سندوك حاليا يجي يوم ويقتلوك ويصيرون ضدك يا عااار
ضحك امير /محاسن غمضي عيونج
محاسن تصرخ وتحاول انو هارون يتركها لا لا فدوه انت وعدتني لا لا لتقتله
امير/لا كذبت ومباشرتا قتل سعد ومحاسن شهكت وضلت تباوع ع زوجها وهو يباوع ع عيونها واخر شي كاله عمري مندمت يوم ع حبي الج وماات
ضلت محاسن صاافنه وصرخت فجاه بعلو صوتها وضربت هارون وراحت شامره روحها ع جثه زوجها
امير/اووف اشكد اضوج من هيجي مواقف وانت هارون كوللهم ينضفون المكان وخلو محاسن تروح (زينب عبد المطلب)
محاسن وهي تباوع ع امير وكامت تضحك بعلو صوتها
امير/ليش تباوعين وتضحكين شنو حتسحريني لو تگلبيني لحيوان مثلا
انسيه وراح تلكين غير رجال وتحبيه
محاسن/انت اشكد انسان فارغ وعديم الضمير انت متعرف انو مصيرك مقرر اني شفت الي بداخلك وحقيقتك ومستقبلك وعيوني الي حبيت لونهم هي تذكرك بغزل مو صحيح
امير يباوع ويصك باسنانه
محاسن/شوفو الشيخ الي مفكر نفسه عظيم والي قتل كل واحد يوكف بطريقه وهو من داخله محروك بعشق وحده الي هي حتكون سبب رئيسي بدماره انت سالتني قبل شنو اشوف بداخلك انت خايف وميت من الخوف بس بمجرد اعترافك بحبك الها
امير/تسكتين لو اخليج تلحكين بزوجج
محاسن ابتسمت بحزن وكامت تمسح بدموعهاوضلت تباوع ع وجهه امير وحطت حلكها ع اذنه وكالت/العنك انو تذوق طعم العشگ لدرجه الجنون وباللحظه الي تعترف بيها بعشقك الها تنحرم منها مثل ما حرمتني من زوجي
امير/تدرين انو هذه اسخف لعنه سمعتها بحياتي
ابتسمت محاسن/هسه تشوف واني بالنسبه الي مستحيل اعيش بعد لحضه بعيده عن زوجي وسحبت خنجر امير وضربت نفسها اشوفك بنار جهنم يا ملعون
امير/هارون شيلها هي وزوجها وادفنهن سوه حتى ليكولون اني قاسي ومدفنتهم سوه
وحضر نفسك حتى نرجع بس قبل منرجع انروح ع غير عشيره لان اتفقت وياه اخذ بنته وازوجها
هارون/والله انت غريب
امير /اي غريب وحضرو نفسكم بسرعه حتى نرجع واخذ عروستي ويايه

وللحكايه بقيه