رواية اعشقه كرهآ الفصل الثاني عشر 12 - بقلم زينب عبد المطلب

البارت الثاني عشر
(زينب عبد المطلب )

بعد كل هالفتره الي راح بيها امير نرجع ع غزل الي صارت انسانه ثانيه معدومه المشاعر والاحاسيس نضرات الشفقه الي نضرها الها كلهم بيوم الي راح بيها امير منستها واغلبهم كسبتهم الها ضد امير يا اما بالخوف او بالاقناع منها حتى يكونون ضده واخوها ضلت ترسله كل الي يفكر بيه امير وهو مكان يدري واما فضه فباليوم الي راح بيه امير قتلتها وعرفت نفسها من هاللحظه مشاعرها ماتت لان كانت تباوع الها وهي روحها تطلع ومنقهرت عليها ابدا وباللحظه صارت غزل ام الكلب الاسود
دخلت لمياءع غزل وهي صافنه عليها من شكلها ولبسها وطريقه كلامها كلشي بيها تغير حتى شعرها من رغم من هو قصير وكلما يطول شوويه ترجع تكصه بس صارت بعد احلى
غزل/شبيج لمياء احجي اكو شي ليش صافنه
لمياء/لا بس اباوع عليج
غزل/اكيد صرت احلى مو
لمياء/انتي دائما حلوه بس طريقه لبسج اتغيرت وحتى لون الاحمر الي بشفتج الي حاطته انتي كنتي طول عمرج تكرهين هاللون
غزل وبنضرات جديه /ابويه انقتل كدامي واغتصبت وصاحولي بالعاهره واهاني كدام الكل مو زين لحد هسه اكو عقل براسي
لمياء/اريد اكولج شي بس هو مو شي واحد والخبرين واحد اتعس من الثاني
غزل/احجي ولو شاكه بشغله
لمياء/امير راجع
غزل /توقعت وشنو الخبر الثاني
لميا/ممممممم
غزل/احجي عاد لتضوجيني
لميا/ايكولون جايب  وياه وحده هي واهلها علساس خطيبته
غزل ونار بكلبها اشتعل/عاادي واصلا هو شيخ ولازم يتزوج (زينب عبد المطلب)
لمياء وهي تعرف انو غزل ادمرت من هالخبر لان هي تعرف من زمان حب غزل لامير
لميا/حبي غزل اتريدين تحجين احجي لتضلين ساكته
عزل ادارت عليها وباللهضه وكع كوب المي عليها /ااوف شوفي وكع المي ع ملابسي منبهت خررب
لمياء/لتهتمين اني هسه امسحه
غزل/لا لمياء انتي مو خدامه اهنا صيحي وحده تجي تمسحه وبعدين لتخافين عليه اني كلبي فااارغ و وصلي خبر لكرم انو امير راجع حتى هو هم يرجع اهنا
ابتسمت لمياء وطلعت
وعزل ضربت روحها راشدي وكالت/ديري بالج بعد تنقهرين عليه او اتحزنين انتي بعد طلعتيه من كلبج فهمتي لو لا
وضلت غزل بغرفتها تخطط شلون ادمر امير واجه ابالها اكو شخص يكره امير وهو كلش معجب بيها بالرغم انو مزوج بس هو ابو نسوان وهي بس توعد بيهم وميحصلون منها شي لان هي حلفت محد بعد يمسك منها شعره وحده بعد واتفقت انو تتواعد وياه باجر بيوم رجعته امير
وباليوم الثاني الكل كان فرحان برجعه امير ومتحضرين حتى يستقبلوه هو وخطيبته واهلها وقبل ميوصل طلعت غزل وهي لابسه وكاشخه وشافها فراس وين رايحه يمعوده مو امير راجع غزل/عندي موعد ما اكد اجله
فراس/يمعوده مو يكوم يحجي
غزل/لا ميحجي شي وسلملي عليه هو وخطيبته
فراس/تدرين هالزواج حيكون بس شكليات وهو يحبج
غزل/فراس اسكت ولتخليني اعصب وكمت تعرف من اعصب شسوي يلا بااي وتره اني حتاخر
وراحت وفراس واكف هو ولمياء وصافنين ع غزل (زينب عبد المطلب)
فراس/شفتيها بله شلون ترد
لمياء/حقها بعد الي صار بيها وبعدين انت معليك
فراس/زين انطيني بوسه
لمياء/لا
فراس/براحتج يروحي انتي
لميا/ابو نسوان مو بيدك

ووصل امير هو وخطيبته واهلها  ومن دخل مسك ايدها وهي اتفاجئت بجمال قصره وكبره وامير كال هذا اعتبريه بيتج بعد وهي خجلت
واهلها فرحانين بهالنسب الي يتباهون بيه ودخل امير وشاف الكل بالمجلس منتضريه وعيونه بس ادور ع غزل واصلا كان استغرب لو شافها موجوده وتقدم فراس وحضنه وكله وربي اذا بعد رحت لمكان وماخذتني وياك صدكني ادمرك
امير/اسكت ولك وجبتلك كومه هدايا ويايه
فراس/نسوان
امير/لا ولك اشكد ارعن
وتحاضنو وامير شاف دموع بعيون فراس ولك دتبجي فراس /لا ولك دخل شي بعيوني
امير/ولك بعد ما اعوفك صاير رقيق مثل النسوان
فراس/اسكتتت
وقدم امير خطيبته جوري وبلغهم انو بعد شهر زواجهم واخذوها لغرفتها حتى ترتاح وعائلتها بغرفه وبين ميكمل شغله وظل بالغرفه هو وفراس لحد ما صار الليل وفراس ارتاح لانو رجع امير والحمل انشال عن كتفه وحب يطلع يم اصدقاءه و وافق امير بس قبل ميطلع كال
ادري بيك تريد تعرف اخبار غزل اسالني واني اجاوبك
امير اطلع وروح يم الشباب
وطلع فراس وامير كان فعلا يفكر بيها ولج شكد عنوديه مكلفتي نفسج وتجين تشوفيني وكام حتى يروح لغرفته وشاف جوري وهي كاعده بالحديقه وحدها
ليش كاعده لحد هسه و وحدج اهلج وينهم
مو ممتعوده ما انام بيتي واهلي نامو
انتي حقج بس هذا هم بيتج وحتتعودين عليه
جوري/اي انشالله شيخ
امير/لتصيحيلي بعد شيخ لان انتي حتكونين زوجتي صيحيلي بس امير
وهسه يله كومي حتى اوديج لغرفتج لان باجر راح نسوي حفله ترحيب بيج وباهلج وبخطوبتنه سوه
جوري/اي اكيد راح افرح بهالحفله واني اشكرك
ورجعت غزل وهي بطريق تتمنى متوصل ابدااا وهذا الي مقبل ترجع الا تقضي كل اليوم وياه واهذها وشوفها الاحصنه الي بمزرعته وعرض عليه الزواج وبيت هديه
ههه شكد اثول مثل غيرك اني كل نيتي ادمر امير وانت تريد تزوجني
ومن وصلت دخلت وكنت كلش تعبانه وصار كدامي امير وخطيبته الصراحه اختنكت لان اني الي كنت احلم طول عمري اني الي اكون خطيبته مو هذه بس هالشي كان اذاني اكثر لو صاير قبل سفره مو هسه وهذه فرصتي حتى يشوفني وخصوصاا بعد كل هالفتره وهو ميعرف بيه شلون صرت ورحت واني ادلع بالمشي
غزل/وااو شوفو منو اجاه
رفع امير راسه لان كان مشغول يسمع كلام جوري وشاف بلوه حياته وشاف لبسها وبهالوقت راجعه والكل يشوفها و وين كانت بهالوقت الف سؤال براسه
ضلت جوري تباوع ع جمال غزل الي بعمرها مشايفه هيجي جمال وشلون امير تصلب من شافها وملامح وجه اتغيرت وليش هيجي صار من شافها
واجت غزل وخلت جسمها يطخ  جسمه وهي بس بداخلها الكراهيه وباسته من خده ولوما هو معصب عليها كان اخذها كدام الكل ومنع نفسه انو يمسكها وهو يشم بريحتها
غزل/اشتاقيتلك امير
وهو يباوع عليها بمكر
جوري وهي كلشي مفاهمه منو هذه وليش هيجي ملامح امير تغيرت وليش هي هيجي تصرف وياه بس كل الي اعرفه امير الي وحده ومراح يصير لغيري

وللحكايه بقيه
(زينب عبد المطلب)