رواية اعشقه كرهآ الفصل الخامس والعشرون 25 - بقلم زينب عبد المطلب

هالبارت طبعا راح يغير كل احداث القصه جذريا واتاسف منكم اذا هالبارت راح يقهركم
متابعه شيقه

البارت الخامس والعشرين
زينب عبد المطلب

أحبك انتي
ومابين واحدة ودعتني وواحدة سوف تأتي

افتش عنكي هنا وهناك
كأن الزمان الوحيد زمانك انتي

كأن جميع الوعود تصب بعينيك انتي

فكيف افسر هذا الشعور الذي يعتريني
صباح مساء

وكيف تمرين في خاطري ك حمامة. ...
حين أكون في حضرة أجمل النساء
أحبك انتي لا أحد غيرك حبيبتي ❣

غزل كاعده وتتحضر حتى تطلع لامير وتكوله علمود حملها اجتها صديقه جوري وطلبت منها تنزل حتى تروح تشوف امير دينتضرها بالحديقه الخلفيه
غزل. هسه حنزله
حبيبي سمعت ابوك دينتضرنه بالحديقه حروح اكوله وافرحه

اما غزوان فبعده يتوسل بامير علمود يرحم باخته وهي مالها علاقه وهي تحبه
وامير سكت وظل يضرب بيه
اجتي غزل وبهاللحظه اتاكد انو غزل هي الي طلبت منه يجي
غزل اول مشافت غزوان انصدمت   انت انت شجابك اهنا غزوان شنو السالفه اميرر شجمعكم اهنا
انجمدت غزل مدتحس بشي ومتكدر تتحرك لا حياه لا امل لا نور كل الكدامها ظلام وتباوع ع اخوها وجهه كله دم وعيون امير كلها
كراهيه اتريد تعرف شنو الي صار وشنو السالفه متعرف
غزوان يباوع عليها والتعب مبين عليه من الضرب الي اخذه من امير وهو مقاومه حتى لياذي اخته
غزل ضلت جامده بمكانها كانو انشلت متعرف شنو الي ديصير
غزوان. حبيبتي اختي ياالله شكد كبرانه هسه لو اموت مراح يهمني يكفي شفتج يروحي
غزل تباوع عليه وتبجي  راد يمد ايده حتى يمسح دموعها بس هي بعيده عنه
تريد تتحرك متكدر وامير يباوع عليهم وماسك غزوان من كتفه وجان متاكد من خطتها لغزل لان اجتي بنفس مكان اخوها ظل يباوع ع غزل ودمعته نزلت وكال
اني احبج غزل وضرب غزوان سكينه بطنه و وكع ع الارض
غمضت غزل عينها و وكعت بالكاع وتصرخ شالت روحها وكامت تزحف باتجاه غزوان وتبوس براسه
كوم يا روح اختك كوووم ليش اجيت فهمني ليش اني مشتاقتلك هوايه فتح عيونك حبيبي وتبوس بخده وبراسه وبعيونه يله اكعد اني اهنا يمك اششششش لتخاف اجيتك اني وراح احميك بس اكعد  ااااااااااااااااه
غزوااااان كوووم اروحلك فدوه كووووم لتعوفني وحدي امي وابويه راحو وبس انت بقيتلي كوم يروح اختك

امير. مو كتلج راد اقتله انتي ردتي اصير وحش وصرت وحش هذه خيانتج الثانيه الي والنهايه السعيده
كامت غزل وباست راس اخوها و وكفت كدام امير اخذت منه السجينه
امير. ههههه شنو لمفكره تقتليني مثلا
غزل. لا طبعا
امير. اذا مفكره تنتحرين فعادي سويها لان صدكي هالشي مراح يهمني ولا راح اهتم لان اصلا ما اريدج اني بعد
غزل. هم لا
انت اخذت اعز شخص بكلبي ونفذت وعدك وهسه اجه دوري وادري انت ماعندك كلب اساسا حتى اقتلك  بس الي راح يتاذه مثل ما هو غزيز عليه هو هم عزيز عليك

امير. مممممم
غزل.  مسكت السكين وضربتها بطنها
امير. مو كتلج اني اذا حتموتين نفسج فمراح تهميني
غزل. اعرف قيمتي عندك وبدات تتاذه وطلع الدم منها ومسحته بيدها وحطته ع وجه امير
غزل. تعرف دم منو هذا تره مو بس دمي ومسكت امير من كتفه حتى لتوكع
امير. دم منو
غزل. ابنك الي هسه قتلته اني
انصدم امير وكام يباوع عليها مصدوم
غزل. ونسيت اكولك شي.  اني هم احبك واغمى عليها
وكعت بالكاع ومسكها امير وحضنها ويصرخ
ويباوع عليها وكل. لتكعدين اترجاج اذا كعدتي راح اقتلج
انما غزل. صح قتلت الطفل الي بطنها واحتمال هي هم اتموت بس كل الي فكرت بيها لحضتها انو تنتقم من امير بعد ما اخذ منها امها وابوها واخوها انتقمت الهم وبقى انتقامها لذاتها وابنها ولهالسبب ضحت بطفل قبل ميجي لدنيا ويشوف امه وابوه بينهم بس الانتقام
بلحظه امير رفع راسه وشاف لمياء وهي تصرخ وهارون وفراس واكفين مصدومين من غزوان شلون اجه وهسه واكع وغزل الي واكعه بحضن امير
امير. فراس هارون اخذو غزل ودوها لغزفتي وعالجوها وممنوع منعا باتا احد يدخللها غير الدكتوره
لمياء. ليش هايه انت شسويت مو حانت حامل منك ورادت تكولك وتفرحك وتبجي وتصرخ
فراس وهارون انصدمو شنو حامل
امير. وهذا شيلوه من كدامي
كامت لمياء اتصرخ لا لا وين ماخذيه حضنت غزوان حيل ومتقبل اتركه
فراس.  يباوع ومصدوم بس مابيده شي يسويه
ديسحب لمياء وهي قبل متكوم لمحت ورقه بجيبه سحبتها وكامت وراحت وياهم حتى ياخذون غزل لغرفتها
اتوسلت بيهم بس تبقى يمها لحد ما الدكتوره اطمنهم وفراس وافق وبقت يمها
فحصتها الدكتوره وحانت كلش تعبانه فقدت هوايه دم والطفل راح واحتاجت هوايه وقت لحتى تكدر تنقذها بس حالتها حرجه
اما امير   ظل بمكانه ويمسح بوجه بدم ابنه وساكت راح للمجلس وكعد وحده ويفكر بس عرف انو الي سواه صح وانتهى الموضوع عنده
مرو اسبوع ع هالحادثه غزل الباب مقفوله عليها بس الدكتوره تدخل الها وبعد ما كعدت وتكدر تتحرك طلب امير بعد محد يدخل الها نهائيا
كعدت غزل وكامت تباوع ع روحها بوجها الشاحب وعيونها الذبلانه مسكت بطنها وتبجي ع الي سوته بطفلها بس راح انتقم الك ولنفسي وهذه اخر دمعه تنزل علمود امير الا اخليك تبجي دم يا امير
طبعا الخبر وصل لكرم انو غزوان راح لامير وقتله وتوعد هو والشيوخ الا يقتلون امير
امير كان متحضر الهم بالرغم من كان موقفه صعب بس ميهمه شي
هارون.  بالنسبه لابو جوري اني ما اثق بيه اذا يوكف ويانه
امير. ولا اني واي غلط يغلطه اقتل بنته وادزها اله
كل هالفتره امير نهائيا لا راح ولا سال ع غزل ولمياء يوميا توكف وره الباب تصرخ ع لمياء ومترد لحد ما كالت. غزل اني اعرف انتي دسمعني بس جاوبيني وريحي بالي زين لجاوبين بس اريد اكولج شي غزوان جان بجيبه ورقه واني اخذتها والي شفته بيها مستحيل انتي كاتبته حشمر الورقه جوه الباب وشوفيها
اهنا غزل انصدمت وكامت وراحت للباب واخذت الرساله لمياء فرحت من شافت خيالها من جوه يعني مابيها شي
غزل جانت هالايام متفكر بشي بس لمياء ذكرتها باخوهاوفعلا ليش اجه غزوان قرت الرساله صح خطها بس هي مكتبت هيجي
ورجعت تذكر من صديقه جوري اجتي عليها حتى تنزل لامير ليش مجتي لمياء تصيحها ليش صديقه جوري واهنا عرفت انو هو هذا انتقام جوري الها ومو امير الي قتل اخوها بسبب جوري مات
غزل. لمياء بعدج موجوده
لمياء. اي حبيبتي بعدني كولي
غزل   لمياء اتكدرين اطلعيني
لمياء.  راح احاول

كعد امير هو وكرم وامير ظل لساعات صافن لحد ما فراس كسر الصمت
فراس.  اني اسف
امير. ع شنو
فراس.  علمود سالفه ابنك
امير. لذكرني هالسافله قتلت الطفل بس تدري فراس احسن وين يجي ويشوف امه وابوه بس واحد يكره الثاني واحد يريد يأذي الثاني
باوع عليه فراس وسكت محب يكوله ع غزل حتى يروح يشوفها او يعرف اخبارها لا بعده امير معصب

نرجع لغزل الي كدرت لمياء اطلعها وراحت لجوري وقفلت الباب عليها
جوري نايمه وفزت ع صوت غزل  وكاعده بمها وعيونها حمره من كثر البجي
غزل. بوووووو
خافت جوري من شكل غزل. انتي شدسوين اهنا
لمياء. اجيت اسلم عليج لان تدرين بيوم الي تركج امير مثل الحشره ومزوجج واخذني الي ومشفتج وراها
جوري.  اي بالعافيه عليج من اختارج واني اصلا مضايجه منج
غزل.  بس اني ضايجه شو ايدج وااو هالمحبس حلو منيلج
جوري. هديه من امير
غزل. ابن النعال عمره مجابلي هديه وانتي جابلج وتضحك
جوري عبالها غزل تخبلت لحد ما طلعت غزل خنجر وطيرت اصابعها
غزل.  اووو اسفه عندي مشاكل ويه الغيره من امير
جوري.  اخخخخخخخ يا خبله طيرتي ايدي يخبله الا اخلي امير ينتقم منج
وكامت حتى تطلع بس لكت الباب مقفوله
غزل. وين رايحه هسه بدت اللعبه واذا تحجين ع الانتقام اني اعلمج بعد ما اخذتي اخويه مني ودمرتي حياتي
جوري.  اسفه والله اسفه سامحيني
غزل.  اسامحج ودخلت الخنجر ابطنها صرخت جوري
غزل. صرخي شكد متريدين اليوم اعذبج
ونامت فوكاها وشوهت وجها وجوري اتصرخ وخربت كل وجها وشوهته 
اووو شوفي وجهج هسه منو يباوع عليه وااو طالعه محلوه خلي اصلحه الج جوري متكدر تحجي لان حتى شفتها اتشوهت بس عرفت غزل انو هي دتتوسل بيها
غزل. اي صح وهسه اريد اكولج شي الي يلعب بالنار يحترك وشمرت الشمعه ع جوري وتركتها تحترك وطلعت لكت الخدم بره واكفين ومصدومين و وياهم لمياء
غزل. لمياء شوفيلي وينها صديقه جوري وانتقميلي منها
لمياء. حاضر
غزل. وانتو روحو وصلو خبر لزوجي العزيز وكلوله مرتك اتريدك عدها شغلات لازم نحلها سوه

دخل امير لغرفته بعد ما كلوله انو غزل كسرت باب غرفتها وتريدك مكلوله علمود جوري واجاها لغزل دخل وشافها كاعده و وجها كلها دم لعن نفسه الف مره ع حالها
غزل. واووو زوجي العزيز اجاه ليش اتاخرت تدري اضوج من انتضر كامت وامير بعد عنها
غزل. هههه وصلتني الاخبار الكل ميريدك وتركوك
امير. شنو هالدم البيج
غزل. هااا الدم اي هذا دم جوري كتلتها وشوهتها وحركتها
امير متفاجئ بالرغم جان ابو جوري حيفيده بس سكت

غزل. ها ضجت مو
امير. عادي مثل مقتلتي ابنج اتكدرين اتقتلين بعد
غزل. اندارت وكامت تضعف عضت ايدها حتى متبجي لان حلفت متبجي كدامه حجايته هذه كانو خنجر نزل بكلبها
امير. ليش ضاجت وضعفت مو هي الي دزت ع اخوها مو هي الي قتلت ابنها
امير. انتي السبب الي دمرتي كلشي ولج ردت الغي كلشي وانسى واصالحهم علمودج وشوفي انتي شسويتي
دفعته غزل. 
امير. ها ناويه تقتليني مثل ابنج
غزل.  لا مو اني كرم الي حيقتلك وصلت اله خبر انو اريدك مقتول
وراها اعيش لنفسي واخلص منك
امير. شوفي اني هوايه صبرتلج وصدكي اقتلج بس مو هسه بس تقتل كرم واحيب راسه يمج وراها اقتلج
غزل   هههه صدكني انت غلطان انت الي راح تموت وراح اخلص منك واعيش حياتي
امير. شوفي باجر اني رايح الهم وتدرين اني رجال ومزوج وعندي حقوق عليج
غزل.  احرك روحي وما اخليك تمسكني وضربته راشدي ولاول مره واحد يضرب امير راشدي
احمرت عين امير ولزمها من راسها وضربها
وشالها للفراش
وجانت هذه من اتعس واحقر الليالي الي قضتها غزل ويه امير
فراس جان يدري انو باجر مراح يرجع وحيكون مصيره هو وامير وكل الي وياهم هو الموت فكان لازم انو يزوج لمياء قبل ميروح  وفعلا دز ع السيد واجه وعقد الهم ولمياء فرحت كلش وقضت اول ليله وهي بحضن زوجها
الصبح اجه هارون ع فراس لان حيطلعون وكله. انت ابقى فراس ع الاقل احنا نعرف ماكو احد ينتضرنه بس انت عندج زوجتك هسه
فراس. صح اعشقها لمياء اكثر من اي شي بس وفائي لامير اكثر وخليني اروح اشوف ابويه فوك ع الاقل اخلص من دوخه امي 😂😂
هارون.  ولك تبقى خبل يله بدل وانزل
دخل فراس وجانت عيونه كلها دموع ندم لانو ازوجها من اول يوم راح تكون ارمله فكتبلها رساله انو هذه كانت احلى ليله بيناتنه واشكرك بيها وباسها بدون متحس وراح
كام امير وبدل ملابسه وعيونه ع غزل الي جسمها كله كدمات وضرب جان يدري حيروح وحيخصر بس حزنه جان انو يدري بعد ميشوف غزل
اما غزل بملامح ميته وهي لاخر لحظه خايفه من فراكه تذكر اخوها من ضربه كدامها ورغم هالشي  بعدها تشتاقله شنو هالعشق هذا الي دمرهم
امير. كومي لبسيني حذائي
كامت غزل وكعدت يم رجله لبس هو حذاءه ورفعها وكامت باوع عليها غمضت عيونها
امير. اذا رجعت فراح اقتلج واذا متت فاريدج تعرفين شي
عمري محبيت مراه بكدج وانتي سعادتي الي عمري مراح اندم عليها
وشنو الي صار بينه لو يرجع الزمن الف مره هم اعيده واذا متت حسبي حساب كرم هم اموته ويايه واذا بقيت عايش مراح اضل ضعيف مثل هسه من وراج
باسها بس قوه وراح وطلع وكعدت غزل ع الكاع تبجي بكل قوتها
طلع امير وراح هو وهارون وفراس واخذ وياه الكل الي يخدموه والشيوخ الي سانديه راحو كلهم
بعد يوم وغزل ابد مطلعت من الغرفه كضتها نوم وبجي وصلت الها الاخبار انو امير راح ع كل شيخ رافضه الي ميريده قتله والي خاف رجع ويه امير وسانده ابو جوري عرف بنته من ماتت وصار ضد امير وعرفت انو الي ويه امير قل عددهم من وره ابو جوري ومبقى بس كرم والشيوخ الكبار سوه الي منتضرين امير وجانو كاعدين بمكان مابيه احد بس همه حتى من يقتلوه ميهددهم لا بام ولا بولد ولا بزوجه لان يعرفون هذا اسلوب من اساليب امير
وتوجه امير الهم وهو مخايف
غزل طلعت من الغرفه تريد تشوف لمياء الي متقبل تطلع من الغرفه وبس تبجي ومن دتطلع اجتها وحده وكلتلها انو امير واجه الشيوخ وتعاركو وانو امير اصوب ولازم تنهزم قبل ميجون هذه اوامر امير
انصدمت غزل وكامت ترجف ومتكدر تتحرك
كعدت غزل وتصيح حيموت اي حيموت احسن شي هو موته هوايه ناس حتخلص منه
كامت ومتعرف شسوي كسرت اغراض الغرفه بس لكت صندوك فتحته وشافت احلى محبس موجود بيه و ورقه وياه مكتوب عليها
هذا جان محبس امي وكلتلي انطيه لزوجتك  واني ادري انتي تكرهيني بس اريدج تعرفين انو اني احبج وراح اظل احبج للموت
قرتها غزل وكامت تصرخ لان هي حتى مباوعت هليه من راح
لمياء اجتي و وكفت وكالت. روحيله غزل  وشوفيه حتى لو لاخر مره
غزل. وغزوان
لمياء اني مراح تكولج روحي حبيه لان قتل اخوج بس ع الاقل روحي شوفيه من ديموت
غزل. صح لازم الزوجه تروح وتشوف زوجها وهو ديموت
لمياء. يله لعد استعجلي حتى تروحيله
غزل. وفراس متريدين تشوفيه
لمياء. فراس مات من يوم الي راح بيه مات بالنسبه الي

وراحت غزل واتمنت توصل قبل ميموت امير
وامير طبعا اتعارك وجانت العركه مثل الجيشين متقابلين الي مناصرين امير والي رايدين كرم امير قبل ميروح طلب من هارون يرجع وباخذ غزل بس هو رفض بالبدايه ضربه تمير وخلاه يروح
هارون.  انتضركم ترجعون
وبدا امير يضرب والكل خايف منه جانت قوته مو طبيعيه لحد ما بقى هو وكرم وتواجهو
كرم. كافي امير هوايه ناس ماتت من وراك وبس فراس بقى وحخليه كدامك عايش حتى يشوفك وانت ميت
امير.  باحلامك اوكف
وبدو يضاربون بيناتهم وكرم يستفز امير بغزل وهو وعدها يقتله ويزوجها وامير من يسمع اسمها ع لسان كرم يضربه اكثر لحد ما حس احد ضربه من وره
كرم. مو كلت لحد يضربه بس اني
ابو جوري. كافي لعب جهال يله كاافي فضوها وخلي نخلص من هالمجرم

ضحك امير وكل الي اذكره هو غزل وشكلها ولون عينها وعرف انو هذا هو انتهى كلشي جسمه كله ضرب ودم وانطعن بضهره مبقت عنده اي قوه بس مستحيل يستسلم وسمع صراخ فراس عليه لان ربطوه حتى ميتحرك
كام امير والكل اتفاجا وبطريقه ضرب ابو جوري و وكعه

وصلت غزل وشافت كوومه واكعين وميتين
لا لا مستحيل يكون ميت شافت من بعدين هوايه واكفين و وراهم مثل الوادي بس ليش هالمكان هذا الواكفين يمه هذا ارعب وادي موجود بولايتهم والي يوكع بيه ميطلع
واحت غزل باتجاهم
شافت امير واكف وكله دم و كدامه كرم  راد كرم يقتله بس صرخت غزل وحضنت امير وصاحت لا لا اني اجيت
امير. اني بحلم
غزل.  لا لا اني كدامك لا باوع عليه
امير استسلم للموت ورحب بيه بس سمع احلى صوت بحياته وكتل. اجيتي
ضحكت غزل. اي اجيت مستحيل اضيع هيجي موقف
وكف امير وحضنها وهي خايفه عليه لان ديتوجع وهو نكر كل الالم الي بيه من شافها
حضنها وكال. شكد هالريحه مالتج ادمرني ضحكت غزل وحضنته  وكالت. وهسه شحيصير
امير.  مراح اهتم لان كل همي هسه انتي اني  حبيتج اكثر شي بالدنيا كلها  ولوما انتي محد من هذوله الوراج الجبناء يكدر يتحداني اريدج تبقين عايشه لان اني راجع الج واتحدى الكل برجوعي ومن ارجع حرجع اقوى وهم حترجعين الي وحدي
غزل. بس من اليوم اني مو الك
امير. هذا لسانج يرادله كص من زمان وقرب شفته عليها وكال. اريدج تبقين تحبيني ولتخليهم يقتلون فراس واحمي الكرسي لان اني حرجع
غزل وهي تبجي. لا حيقتلوك همه
امير. لا مراح اخلي واحد يتجرا ويقتلني ويفرح بهالشي
واصلا اني متت من زمان من يوم الي حبيتج
وحرجع حتى اقتلج لو نسيتي هالشي
وحط ايدها ع صدره ورجع وره وراااح بالوادي وعيونه بعيون غزل لحد ما اختفى ومبين اله اثر
تعب من كلشي وقرر يشمر نفسه راد يرتاح
وغزل ضلت عيونه ع الوادي عبالها الي صار كذب اتمنت هالشي بس اتاكدت بعد ما سمعت صوت فراس وهو يصرخ علمود امير
امير فضل يموت ولا ويبقى همه يموتوه صرخت غزل وصراخها جان من كره وحقد وحب وانتقام كانو هي الي ماتت ودفنت روحها ويه امير

يتبع
زينب عبد المطلب

بارت طويل جدا ومحزن والاحداث انقلبت
بعد ما تكملون قراءه هالبارت اريد رايكم وتوقعاتكم شنو