رواية اعشقه كرهآ الفصل الرابع والعشرون 24 - بقلم زينب عبد المطلب

البارت الرابع والعشرين
زينب عبد المطلب

سكبت..دمي..في..قلم
وسردت..حياتي..على..ورقه
كي..تقراء..حروفها..
وتعلم..مقدار..المي
ليتني...اكره....صوتك..
ليتني..اكره...صمتك..
سالت....الناس..كيفيه
نسيانك...؟؟؟
وعرفت...ان
..النسيان...هو
ذكر..اسمك...
تمنيت..ان..أعلم
.حبك..للناس
فعلمتهم..سبل..كرهك..
جعلتني....بشخصين..
كانفصام..في..روحي..
شخص..يحب.
.واخر..يكرهك..
كم..اتمنى..ان
..يتغير..الزمان
واعود...لحضنك...انت..
كطفله..صغيره...تنسام...
في..احضان..من..احببت
تشعر...بالامان
..في..راحتيك
قل..لي..مااذا.
.افعل..الان..؟؟؟
عقل...يتمنى..موتك...
وقلب..يتمنى..عشقك..

اليوم الثاني وبعد معناه عانتها غزل من امير الي متركها ولا ولحظه وكل الي نامته ساعات معدوده كعدت الصبح وشافت امير واكف ومنطيها ضهره التفت  الها
امير. صباح الخير يا احلى انسانه شافتها عيني
غزل. صباح النور ليش واكف
امير. جبتلج احلى ريوك يله كومي حتى ناكل سوه
وكعدو اكلو وامير بس شرب الشاي وعيونه منزلت من غزل
صفنت غزل شلون هذا الي صار وخايفه من المستقبل لان تعرف هالفرحه مراح ادوم
حس امير بيها وكام وكف يمها ولزمها من ايدها وكفها كدام المرايه وكللها باوعي
غزل.  ع شنو اباوع
امير باوعي ع اجمل واحلى انسانه شفتها بحياتي
غزل. شوفني شصايره وجهي اصفر وضهري اتشوه
امير. لو وجهج يحترك كله هو وجسمج هم ابقى اشوفج احلى وحده بهالدنيا
غزل. هذا كلامك هم جنت تكوله لجوري وفضه وغيرهم من البنات الي عرفتهم
امير.  تدرين اموت عليج من تغارين
غزل. ومنو كلك اغار اصلا انتو الرياجيل مثل الذئاب الوفاء عدكم معدوم
امير يعني انتي متغارين اذا شفتيني ويه وحده
كلب غزل راد يوكف بمجرد بس كال هيجي
وكالت/اي عادي روح واني اروح ع غير رجال
امير. السانج يرادله كص انتبهي ع كلامج

غزل. واضح هسه منو الي يغار
زين شسوي بله

امير. احرك كلمن يباوع عليج واسلخ جلده اذا مسكج واقلع عينه اذا باوع عليج واطلع كلبه كدامج اذا حبج 
وانما انتي وحط ايده ع ركبتها اسوي بيج شغلات متخطر ع بالج يعني الي سويته بيج قبل اعتبريه لعب اطفال بس الي تشوفيه مني حتى الصخر يبجي ع حالج اخليه تدرين بيه عندي مشاكل ويه الغيره وانتي تعرفيها كلش زين ومسك ايدها وباسها واذكرت من جرح ايدها من سلمت ع كرم

غزل. يالله حبيبي وزوجي شكد رومانسي هنيالي بيك
تدري امير مرات اسال نفسي شنو اسم الي بيني وبينك لا هو حب ولا هو كره كلما نوصل لنهايه علاقتنه نرجع لنقطه البدايه كلما اطلعك من كلبي ارجع احبك من جديد
امير. اني هم ما ادري واصلا ما اهتم يكفي انتي هسه زوجتي ردت اقتلج لكيت روحي مزوجج
غزل. وداعتك الي صار اقوى من الموت نفسه
امير.  هذا حلكج مال
غزل.  مال شنو

ودفعها امير ورجع حضنها وووووووووو
اما فراس وهارون فكان كاعد ينتضرهم وبعد ساعه اجوي وكعدو ياكولون وشاف شكل غزل وشلون فرحانه وابتسامه امير من نزلت من حلكه فرحلهم كلش فراس
هارون. بالنسبه لموضوع ابو جوري رجعت لولايته بس جوري بقيناها
امير. اي حتى اظل اهدده بيها واذا مفاد ازوجها
حضر نفسك فراس حيصير عرس عن قريب
غزل. هي تاكل بهدوء جان تكول. اي فراس حتى نفس اليوم حيكون عرسي بكرم
كام امير وشمر الاكل ع الكاع
غزل. همزين شبغت
فراس. كافي شبيكم انتو مصارللكم كم يوم من ازوجتو كافي عراك واشر لامير حتى يصالحها لان هو غلط
اميرر. حضري نفسج اليوم لمياء ترجع
غزل. صدك تحجي يمه فديتك يروحي
فراس. شو خررب قبل شوي مذابح وحسه فداوي تطافر
هارون.  لو راح نتخبل من وراهم لو راح يعدونه
فراس. لا حبيبي هذا هو الحب سلطان
هارون.  اي تحضر لعد تره حبيبتك راجعه
فراس حقك متدري شمحضر الها
وره ما كملو الاكل استاذنت غزل وراحت تستقبل لمياء
لمياء جانت خايفه بس مو ع نفسها بس خايفه لتسمع خبر موت اختهت وصديقتها ومحست الا واكو شخص حضنها وشافت غزل وبدو يصرخون
لمياء. معقوله انتي حيه
غزل. حنطيج المختصر وره مرحتي جلدني 100جلده وراها ديزوج جوري وباخر لحظه اختارني
لمياء. ازوجتو
غزل. حكولج سر اني اتمنيت ميزوجها ياخذني الي وحتى بجيت بدون ما اخليه يشوف ضعفي بينتله قوتي بس متوقعت يسحبني ويزوجني
لمياء. والله انتو كارثه هسه نكعد واحجيلي كلشي
سولفت غزل كلشي لمياء وممصدكه انو هي زوجه امير صارت وكلش فرحانه بهالشي
غزل. ادري راح يصير شي بس خليني اعيش هالسعاده
لمياء اكيد حبي تستاهلين وهو هو يحبج
غزل. اي صح
لمياء. تردين هسه ياله ربطت السالفه ذاك اليوم اجاني فراس بالليل يبجي يكولي من وراج انتي وصديقتج حخصر صديقي علساس امير صاعد بالسطح وطلب منهم يضربوه ويطلعون كلبه
غزل.  صدك تحجين يعني متركني وحدي اتوجع هو هم توجع ويايه
اني حروحله اشتاقيتله
وطلعت تركض ولمياء حير فرحانه ومن طلعت من غرفتها شافت فراس بس شافها عقد حاجبه
فراس. حمد لله ع سلامتج همزين امير عفى عنج
لمياء. اني اشكرك لان ساعدتني
فراس. ساعدتج لان دائما الخدم يحتاجون مساعده
ضاجت لمياء وراحت تبجي وهو صح انقهر بس تستاهل يريد يأدبها
دخلت غزل ع امير وجان كاعد يم الشيوخ استحت ودنزلت راسها ضحك امير وطلب من الكل يطلع ركضت غزل عليه وحضنته
امير. لازم زوجتي اشتاقتلي
غزل. اي وجيت اشوفك
امير. بس
غزل.  لا وبعد غير شي وباسته
امير. ياهلا بيج يعمري
غزل. تتتتت مو هسه اذا لزمتني اصلا
وراحت تركض للغرفه وامير لحكها
امير. تدرين بعمري مراكض وره وحده وانتي ركضتيني تره عقوبتج قوت
غزل. ممممم نشوف
وهجم عليها امير
وعاشت وياه احلى فتره حياتها مرت الايام والاسابيع بدون اي مشكله بينهم وحست غزل انو بعد خلص قررت تلغي فقره الانتقام وتعيش حياتها وحبت تبلغ اخوها غزوان انو لازم يقتنعون الكل بامير وهو يستاهل يبقى وانو هي تحبهم ثنينهم وممستعده تخسر احد منهم
بهالفتره كانت جوري تراقب غزل ولمياء وقررت اي غلط تشوفه ع غزل تمسكه ضدها وفعلا هذا الي صار
بالليل وغزل كعدت قررت تكتب الرساله امير نايم يمها كتبتها ودزت
شخص يوصلها اله بس مع الاسف صديقه جوري الي وياها وتساعدها شافت غزل انطت الرساله وراحت وقتلت الشخص واخذتها لجوري
هااج شوفي لزمت دليل ع غزل
جوري اخذت الرساله وقرتها
ولج يغبره هالرساله اذا قراها امير اصلا راح يتمسك بيها اكثر فاحسن حل جيبي ورقه وقلم حتى اقلد خط غزل واغير مضمون الرساله

كعد امير واندار يدور غزل وشافها نايمه يمه حضنه وباسها من كصتها
غزل  /يسعدلي صباحك
امير. يسعدلي احلى صباح
وكعدو سوه وتريكو وبعدها امير كعد ويه فراس وهارون وكان متردد بالكلام
فراس. احجي مو شغلت بالي
امير. شوفو اني فكررت فقط يعني دا افكر انو اسامح غزوان وكرم واسد موضوع قتلهم اذا تراجعو ومأجوي لهنا ويهددوني
فراس يباوع ع هارون ومنصدم من الي سمعه مستحيل يتخيل هااشي يطلع من امير لو بعد الف سنه
هارون. هو هذا العشك يا اغبر
امير.  ضلو تهامسو جاوبوني
والله يا امير احنا وياك شما تقرر
كعدو يسولفون ويفكرون بقرار امير اذا فعلا وافق غزوان وكرم وبقيه الشيوخ ع الصلح دخلت غزل فراس صاح امير ورفع راسه شافها ابتسمتله وراحت
امير. العالم كله خلي يشهد بحبي لهالانسانه
صفر فراس وهارون يصفك وضحكو
راحت غزل لمياء تبلغها انو اليوم حتطلع هي وامير وفراس حتى هي تجي وياهم
لمياء. لا ما اجي لان ادري بيه ديعاقبني شلون اني قبل جنت اخليه يركض ورايه فهسه دوري اركض وراه
غزل. ههههه تحملي يروحي واليوم الا اصالحكم سوه تعالي اختاري فستان مني حتى تطلعين بيه
وراحن واختارت لمياء فستان عجبها بس من اندارت شافت غزل مغمى عليها شالتها بسرعه وصاحت ع الدكتوره
بعد نص ساعه
غزل.  شكو شصار احجي لمياء ليش تبجين شنو حموت
لمياء. اني اسفه عزل وادري انتي بعدج صغيره اصلا انتي محتاجه ام
غزل. شنو قصدج
لمياء. انتي حامل
غزل كامت وركضت وكفت كدام المرايا وتمسك بطنها وومصدقه شلون وشوكت معقوله محسيت بيه
لمياء.  انتي حامل من شهر واحد يعني بعد زواجكم
غزل. احلى خبر سمعته بحياتي حيصير عندي طفل من امير اريد اكوله اليوم لازم اكوله
لمياء.  روحي
غزل. لا حنتضر اليوم بالليل واكوله

نرجع لامير بعد ما تركه فراس وهارون اجتي جوري وطالعه كلش حلوه
امير. شلونج جوري شذكرج بيه
جوري.  الحمد لله الصراحه فكرت انو ماكو داعي للزعل من انسانه خاينه
امير.  الزمي حدج من تجيبين طاري مرت الشيخ
ومرت الشيخ شلون تتامر ويه اخوها حتى تنهزم
امير شنو قصدج
طبعا جوري غيرت مضمون الرساله وكتبت بيها
((اخي ونور عيوني غزوان مشتاقتلك كومه يروح اختك اتمنى تجي وتاخذني من هالمجرم وتنقذني من امير المتوحش بس يعذب بيه ويضربني اليوم انتضرك تجي وحدك باليل انتضرك)
طبعا هذا كلام جوري الي حورته لان غزل مكتبت هيجي واخوها وصلته الرساله واليوم بالليل حيجي
امير. انتي متاكده جوري
جوري. اي متاكده ويحوز هو بأي لحظه يجي وتلكاه بره
رفعها امير من ركبتها.  احجي الصدك لو تكذبين
جوري. اقتلي اذا تريد بس ايد ما اكذب عليك
طلع امير بسرعه وختل بين الاشجار
اما غزوان فكان واكف وينتضر اخته الي صار كوومه مشايفها مشتاقلها حس اكو صوت قريب وعباله غزل اجتي بس الي اجه مو غزل اجه اميرر وظل غزوان صافن بوجه
غزوان. شوف امير اترجاك لتاذي اختي اني ادري بروحي راح اموت بس الله يخليك اختي لتاذيها
امير. اختك ههههه راح اخلي حتى الصخر يبجي ع حالها
وانت...........

نلتقي غدا
زينب عبد المطلب

توقعاتكم شنو
هل امير يقتل غزوان كدام غزل
ام يقتلهم سوه
ام يحبسهم
اريد اعرف توقعاتكم للبارت الجاي😘