رواية اعشقه كرهآ الفصل الرابع والثلاثون 34 - بقلم زينب عبد المطلب

البارت الثالث والثلاثين
زينب عبد المطلب

بعد ما طلعت گمر تنتضر كرم واجاها
كرم. شنو الي يخليني اثق بيج
گمر. لان ثنينه نحب اني اريد زوجي وانت تريد زوجتك
ادري هي تعتبر زوجه امير لان طلع عايش بس اكيد انت مراح تتركها اله
كرم.  اذا عرف امير يقتلج
گمر.  مراح يعرف اي شي لان اني رتبت الوضع وعندي فكره اسويها وهي  اخدر الحراس واشغل امير وفراس ويايه وانت تدخل تاخذ غزل وتطلع من بيتي هذه فرصه الك تاخذها فكر بالموضوع

كرم باوع عليها بنضرات وهو يفكر انو حياخذ زوجته من ايد اخوه القدر يعيد نفسه

كانت غزل كاعده واي ملامح بوجها ماكو غير الفراغ وهي متمدده تباوع ع السقف  جسمها ما بيه حياه بس جروح وكدمات
شنو الجديد عدها بالموضوع كلما يصير بيها هالشي وينتهي بهالطريقه يكولون الحب معقد لان مفهمت من امير شلون يحبهاا وياذيها بهالطريقه ماكو شخص يحب وياذي الي يحبه الحب حلو بس مشافت منه بس الالم والوجع كسر كلبها بابشع طريقه خلاها تكرهه وكرهت نفسها لان حبته  قتلها من بره ومن جوه خلاها فاارغه بمعنى الكلمه متحس بشي حتى الالم محست بيه بعد وكل الي صار اليوم تحملته لان عرفت هذه المره الاخيره وراها تروح لاي مكان المهم تروح بعيد وتخلص من الكل نيهمها لا امير ولاكرم عساهم واحد يقتل الثاني  كضت حياتها بين حبها لامير وحب كرم الها تعبت منهم ومن كلشي

امير كان كاعد اكبالها بس ضهره عليها ظل ع هالحال اكثر من ساعه عرفت انو هو ديلوم نفسه ع الي سواه بيها بس مهمها بشنو ديفكر لان سكوت امير يخوفها امير من يسكت يخوف اكثر من ما يحجي وهي كل خوفها لغير رأيه وميخليها تروح
وبعد ما كان الصمت هو سيد اللحظه حجه امير وكال
امير. اذا رحتي منا حتروحين اله
غزل. لا لان مليت منكم اثنينكم اريد اروح لابعد مكان ما اشوفك بيه لان ادري اذا رحتله معناتها اشوفك وهذا اخر شي افكر بيه هو شوفتك
امير. فهمت واني عد وعدي الج راح اخليج تروحين منا بس تحسني و اوكفي ع رجلج
غزل. تمام
سكت امير ومنطق ولا كلمه وطلع من الغرفه بدون حتى ميلتفت الها
عرفت من نبره كلامه انو فعلا وافق تروح واخيرا حتتخلص منه وتبعد عنه هذا كل الي رادته بس ليش تحس كانو احد سحب كلبها من مكانه ليش تحس بالموت  حست بتعب وكامت تبجي وكان هذا انسب حل الها انو تختفي عن الكل
اندكت الباب ودخلت لمياء تباوع ع غزل ومبين عليها التعب  ولمياء صفنت عليها وعرفت غزل انو هي دتشوف حالها الي وصلت اله وشكلها التعبان

غزل. لتكولين شي بس تعالي حضنيني وركضت عليها لمياء وبجو سوه كالت غزل سامحيني لانفكرت اموت واتركج اسفه بس تعرفين يا مرحله وصلت الها
لمياء. اشششششش اسكتي ولا كلمه يكفي انو انتي عايشه وشمين الهوه وكدامي يله كاافي تبجين كوومي اغسلج وابدلج ومحضره الج اطيب الاكلات واهم شي ملاك الي اكلت راسي عليج واريد احجيلج الي صار بيه اول شي ردت اقتل بنتي
ضحكت غزل وعرفت شنو قصدها. عندي شعور انو فراس كفرح بغيابي
لمياء وهي ماسكه غزل دتوصلها للحمام. راح اقتله وعد مني اقتله كل وقتي كاعده وافكر شلون اقتله وشنو الطريقه وبنتي الحكها وياه صدكي غزل اقتلهم سوه
غزل. بشرفج كافي اضحكيني تره جسمي كله يوجعني

بعد ساعات وغزل كاعده ولمياء ترتب فراشها تباوع غزل من الشباك وتشوف لان حبسها لاسابيع وكلشي مكانت تشوف واكيد اهوايه امور تغيرت باوعت ع الهدوء البره وعرفت هذا الهدوء الي يسبق العاصفه فكرت انو حتبدي المشاكل بس بعد ما تروح وتخلص بس تتحرك رجلها

لمياء. اكولج غزل يعني انتي مصدكه بامير يعوفج تروحين
غزل. اي حيسويها
لمياء. شنو الخلاج متاكده
غزل. لان اني اعرفه اكثر من نفسه وصل مرحله كلشي بيه تعب  صحيح اتاخر من عرف انو اني وياه مستحيل نبقى سوه وحنفكر دائما انو نريد واحد يقتل الثاني وعرف انو اني نقطه ضعفه الوحيده اصلا الكل عرف من نقذني من السم  وهو مستحيل يتقبل احد يلوي ذراعه بيه وبعدين ضاج من الي بيناتنه

لمياء. صدك كلامه
اندارت غزل عليها. منو
لمياء. فراس دائما جان يكول علاقتكم شي معقد ولتحاولين تفهميها لان تتخبلين
غزل. هههه كلام صحيح من واحد غبي

فراس. دتحجين عليه
ابتسمت غزل واندارت عليه. ليش اكو احد غبي بحياتي غيرك
تعال
اتقدم عليها ومهتم لمياء وكعدو سوه ومسك ايدها. تدري كلت بس تصحين اقتلج ولج كلها تكول عليه غبي من وراج دترد عليه غزل وهي تضحك صاحتها ملاك    خااااله وركضت عليها وحضنتها
غزل. شو خليتي اشوفج يا الله شكد اشتاقيتلج يروح خالتج فديت هالجمال شلون صايره بعد احلى
لمياء وهي متنرفزه. اي تكدرين تحطين شغلات حلوه بالزباله بس تبقى زباله
فراس. اي يكولون الزباله تعرف نفسها واذا بعد حجيتي ع بنتي اكسر راسج
ملاك شاورت غزل. ساعديني امي معصبه عليه عبالها احب بابا اكثر منها وهمه النهار كله عراك
غزل. اني موجوده حبي لتشيلين هم اي شي
فراس. يله بما انو اطمنج عليج اروح اكمل شغلي لان فعلا طااامس بالشغل واصلا اهنا بالغرفه ديتلوث اكيد مو منج غزل وباس بنته ولا منج يروح ابوج

غزل. والله خبل عود تعال اريد احجي وياك
فراس. تمام غزل
وانتي لمياء لج نضفي زين
يله بااي
وطلع
ندارت لمياء ع ملاك. اااي وهسه منو حيخلصج مني ابوج وراح تعالي وكامت تركض وراها وملاك اتصرخ ع غزل حتى تحميها وغزل تصحك عليهم لان فعلا حتشتاق الهم
مرت الايام والاسابيع ومر شهر وغزل بلشت تتحسن ونهائيا مطلعت من الغرفه محبت انو تشوف شنو بره لمياء جانت دائما تمر عليها اذا فراس منطاها شغل وملاك متركتها ابد وحتى فراس جان من يخلص شغله يجي يكعد وياهم
الا امير الي من طلع من غزفتها قبل شهر لحد هسه مشافته ولا سمعت اخباره تباوع مرات من الشباك تتمنى تلمحه من بره بس ماكو وحتى فراس ميجيب ابدا اسمه ومتعرف اذا صار زين وتحسن لو بيه شي
زين ليش مسال عليه ع الاقل يعرف اذا تحسنت لو لا كمت امشي لو لا بس هو ابدااا ماكو بس مره ملاك غلطت وكالت انو هو مره سوه حفله وجمع اهل زوجته وكعدو سوه وتونسو عرفت انو  هو نساها وهي هذا الي تريده حتى تروح منا ومتفكر باحد مبقى شي كم يوم وتروح

فزت گمر من النوم ع صوت دك الباب وهي جانت نايمه ع صدر امير دخلت الخدامه وكالت انو فراس ينتضر الشيخ ع العشه وراحت
كلم امير ديبدل ملابسه.  يلا كومي متتعشين
گمر. لا اني ما اريد تدري بيه ما احب فراس ولا يحبني ودائما يضوجني بكلامه وبعدين مابيه حيل اكوم حتعشى اهنا بغرفتي

لبس امير ملابسه وظل ساكت وطلع
گمر. برووود بس برود صار شعر ع هالحال تفكير بس شلون يلزم كرم ومستغربه شلون ترك غزل وميروح الها ميخمني شنو الصار بينهم يكفيني انو ميروحلها بس شلون اتخلص منها الخطه اجلتها لان امير غلق كل الابواب وبقى بس الباب الرئيسيه مفتوحه ولغمها بالحرس

كاعد فراس وهو ياكل وامير صافن وحاط اوراق كدامه
فراس. طبعا كلامك صحيح هم رجعو ويه كرم ضدك وهمه مجتمعين يم الوادي يعني كم يوم ويوصلون
امير. لا مراح يجون ايريدني اني اروحله واخو گمر محاصرهم من وره واني حروح بعد فتره واصير كدامهم
فراس. بعد شي نسيت اكوله الك وهو ياكل ويحجي.  ابو مها هم صار ويه كرم الظاهر عرف بنته
امير. يعني صار موقفهم اقوى من عدنه بس هم ميكدرون الي
دخلت ملاك وركضت ع ابوها
فراس. فديت البنات مشتاقلج
ملاك. مو الصبح شفتني شوكت لحكت تشتاقلي
كرم.  اوف من لسانج يله اكلي
ملاك باوعت ع امير الي حتى مهتم بوجودها ولا دارللها بال كان هالشي يزعجها للن هي تحبه كصديق الها ومانسى انو هو الي رجعلها ابوها
ملاك. بابا ليش شكله معصب
فراس. هذه من اولد معصب شغلته معقده
حاولت ملاك تتحارش بيه وتساله اي شي
ملاك. ع شنو دتباوع عندك شغل مهم
رفع راسه امير وابتسم الها. اي شغل مهم
فرحت ملاك هم رد عليها وهم ابتسم

كانت غزل وحدها بالغرفه كامت تحرك رجلها ومحست بأي وجع عرفت انو وقت روحتها منا قربت مستغربه انو امير محاول حتى يشوفها يعني ع الاقل يعتذر من الي سواه بيه وع شنو يجي اصلا علاقته ويه زوجته الجديده زينه ومرتاح وياها وحاير شلون يتخلص من كرم لازم اروح اخاف من نفسي لا اغير رائي وبما انو تحسنت وهو ميجي عليه حروح اله واكوله اجه وقت توفي بوعدك هو هسه موجود ويه فراس وملاك ديتعشون لمياء الي كلتلها هالشي وهمزين موجودين يمه حتى ميسويلي شي اروح مو لان مشتاقتله لا طبعا لان اريد اروح منا وكفت تعدل ملابسها وتباوع ع شكلها واستغربت ع شنو ارتب روحي كاافي غزل يله اطلعي
كان امير كاعد ع نفس كعدته يشوف بالاوراق الكدامه وفراس وبنته كاعدين سوه  يلعبون ورق ولمياء واكفه تنظف الميز من الاكل

فراس. كاافي انتي تغشين مليت من هاللعبه وشمر الورق وملاك تضحك عليه
امير. ماكو مكان تلعبون بيه غير اهنا
فراس. بعد فتره نروح اريد اقضي كل وقتي ويه عائلتي واشبع منهم
امير. اخذ عائلتك واطلع بره
ديرد فراس عليه بس اندكت الباب
امير. ادخل
وبس انفتحت انصدم بمكانه
غزل. اكدر ادخل
الكل سكت لحد ما طلب فراس انو تدخل وامير رجع يباوع ع الورق ومهتم الها
غزل ندمت لان اجتي وامير مهتم الها باوعت عليه واول شي اجه ابالها شكله الحلوو وملامحه ابرد من قبل وعيونه ميرفعها عنه ضلت تباوع عليه وعريد تسال علمود اتروح بس متي الجراه
غزل. شنو كنتو تسون
فراس.  اني وملاك نلعب ورق وامير يفكر شلون يحتل العالم😂😂 ولمياء تشتغل
غزل. تعالي لمياء لتشتغلين عوفي الشغل وخزرته لفراس
لمياء. لا عادي احب شغلي
فراس شفتي مو اكولج تحب شغلها وحنت عليه اصلا
خزرته غزل وحجت ملاك. شنو رايكم نلعب لعبه اسمها منو يعرف اكثر
فراس.  اي اللعب
وبلشت ملاك سالت ابوها. شنو اكثر شي يكرهه امير
فراس. كلشي يكره مو صح امير وامير مهتم ولا رد عليه
فراس. شفتي مو كتلج باباتي يله نفطة الي حسال غزل
شنو اكثر شي تحبه ملاك جان مسيطر عباله هو وجاوبت غزل. اكثر شي تحبه ملاك هو النساتل وبعدها تحب امها وبعدين انت
ضحكت ملاك اي صح 😂
غزل. زين فراس جاوبني شنو اكثر شي تحبه لمياء
راحت ابتسامه فراس وسكت
ملاك. مو اكولج يا خاله بابا مو كلشي يعرف
فراس. تحب الورد الابيض والمطر واكثر شي تحبه من اسوي شغله غلط تضل تضحك عليه
اندارت غزل ع لمياء صح هي وجها مو عليهم بس عرفت غزل انو لمياء ابتسمت
ملاك. هسه دوري اسال امي. ماما شنو اسعد لحظه بحياه بابا
الكل سكت وكالت لمياء. اني اهنا بس انظف ممنوع اللعب مو صح فراس رادت تطلع بس فراس كال
اسعد لحظه بحياتي من اجتي امج تعيش بيت غزل وقتها شفتها وعرفت حتكون الي وبس من لحظتها مشفت السعاده وياها
طلعت لمياء وهو ضاج
ملاك. يمكن الاصت بالزايد
غزل. لا يصالحون انشالله
فراس يله نكمل
غزل. كافي فراس روح الها انت تحبها وهي تحبك كاافي فكرو بنتكم كبرو شويه
عرفت غزل انو كلامها اثر ع فراس وحيصالحون اندارت وشافت امير يباوع عليها وصافن شكله مبين معصب عليها وكارها امبين انو سمع الكلام الي كلته علمود فراس ولمياء وضاج وع شنو يضوج ماكو مقارنه بينه وبينهم اندارت ع ملاك حتى لتظل تباوع عليه
امير. فراس اخذ غزل ع غرفتها ترتاح
غزل. ما بيه شي اني اروح وحدي احيت حتى اكولك انو اني تحسنت واريد اروح
امير. ليش اجيتي اني ودت اوصلج خبر بعد يومين حتروحين منا
ملاك وفراس يبتوعون ع غزل مقهورين
غزل انعصر كلبها بالرغم من انو هذا طلبها حست انو كلبها حيطلع من مكانه بروحتها بس اتشكرت من امير وحتى مباوع عليها وسلمت ع فراس وملاك وطلعت
السكوت هو سيد الموقف بهاللحظه محد اجرأ يحجي ولا كلمه ويه امير لحد ما هو كام وكسر شنو كدامه
خافت ملاك وحضنت ابوها. بابا ليش هيجي سوه اذا يحبها لخاله ليش وافق تروح
فراس. حبيبتي شغلتهم معقده لدوخين راسج بيهم امشي انومج يله
ملاك.  زين تتراهن انو امير ميخليها تروح
فراس. ما اعرف ليش اني حاس انو جينات المراهنه الي بيج من ورايه يله اتراهن وياج

ثاني يوم
لمياء. يله غزل كوومي كاافي نوم
كعدت غزل وعيونها مورمه من البجي مقهوره انو حتروح وتفارك امير مرادت تعترف بهالشي لاي احد ولا حتى لنفسها
لمياء. اذا هيجي متكدرين تعرفيه ابقى ع شنو رايحه ادري بيج متتحملين
غزل بعصبيه.  لا باااجر اروح انتهى النقاش بهالموضوع
لمياء. تمام تمام سكتت

حطت غزل ايدها عر وجها فكره انو تترك امير دمار الها بالرغم من انو هي الي رادت هالشي وبعدين طريقه تعامله وياها وبروده دمرها
لمياء. ولو اني ممصدكه انو امير حيتركج بس حضرت كل اغراضنه
غزل. كتلج حروح وحدي وبعدين فراس ميقبل تاخذين ملاك
لمياء. تمام لعد اعوفها ويه ابوها تكدر تعيش بليايه بس انتي لا
غزل. ما عندي طااقه اناقشج طلعي وما اريد احد يدخل عليه اليوم
لمياء. تمام بكل الاحوال اروح اكمل ترتيب اغراضي وياج وطلعت ودخلت ملاك تركض وحضنت غزل
غزل. ها كلشي تمام سويتي الي كتلج عليه
ملاك طبعااا كلشي تمام بس تتوقعين ينجح
غزل. ينجح حبيبتي ما اروح منا الا امج وابوج مصالحين
ملاك. حبيبتي خاله والله حشتاقلج يعني الا تروحين
نزلت دموع غزل وحضنتها اي حبيبتي لازم اروح
وقت الضهيره كعدت غزل وملاك بالحديقه حتى ينفذون خطتهم
صح غزل تعبانه وما الها قابليه ع اي شي بس لمياء وفراس من زمان وياها ويعاملوها مثل اختهم ولازم تخليهم يصالحون
ملاك. فهمت هسه اروح
غزل. لا بس اشوف ابوج انطيج اشاره وبلشي
اجه فراس وشافته غزل. يله روحي اركضي بين ما اشغله شويه
راحت ملاك وغزل دتبتسم بس من شافت كرم ديمشي. و ياه امير وزوجته الي حاضنه ايده عبالك حيطير هذا مكانها الي دائما جانت تحلم تكون بيه وهي زوجته لامير
شافها امير وعيونه كلها فراغ اتجاه غزل وتركهم وراح بقت گمر وفراس واجوي عليها وگمر تمشي وبس تبتسم حتى تضوج غزل بامير
غزل. ضلي ابتسمي وحشوفين شلون يشمرج من يمل منج مثل الباقيات
فراس. صباح الخير ياحلوه ليش كاعده وحدج اهنا كومي ادخلي جوه
گمر. اووو فراس عوفها هي تعلمت تبقى وحده هم بالغرفه وهم اهنا
مهتمت غزل الها وكالت لفراس. روح لمياء جانت بغرفتك تنضفها وكعت واتاذت والدكتور يمها روحلها اذا صار بيها شي اموتك والله
فراس. شنوووو والله حتموتني هذه وراح يركض
وغزل تضحك عليه لان هذه اغبى خطه اسويها وهو صدكها

گمر. اي كلش المهم شلونج غزل
غزل. تره احنا وحدنه ماكو داعي تمثلين كدامي
گمر. اي صحيح اجيت حتى اشمت بيج واكولج روحي من بيتي لا اني ولا زوجي نريدج تبقين اهنا بعد
غزل هههه بيتج اكولج شي تره عمررج مراح يحبج امير ولا شووويه ولج بابا اني شفت امير تعرف ع نسوان بكد شعر راسج قبل ميزوجني وبعد مزوجني وهم صادك وكل وحده مثلج تجي وتكول هو بس الي وتاليتها خوش شمره تنشمر
گمر وبكل عصبيه. انتي شكد مغروه شنو عبالج حيبقى بس الج يحبج
غزل. اني متاكده من هالشي مو بس عبالي وبعدين مثل ما هو يحبني اني اعشقه بس ادري حبنه حياذينه اثنينه فلازم اتركه دتحجي گمر بس غزل كالت. اسمعيني زين اني ما عرف شكد حتبقين وياه بس ديري بالج يوم اتاذيه صح حروح بس حظل اراقبج من بعيد ديري بالج عليه وحبيه وسمعي كلامه يله اروح اكمل تحضير غراضي ورايه سفر وراحت بدون متسمع حتى رد گمر الها

وصل كرم للغرفه وفتح الباب وشاف لمياء كاعده ومنطيته ضهرها حلف بداخله اذا مابيها شي حيسامحها ع كلشي ويخليها اسعد وحده مثل موعدها قبل
فراس. اشبيج لمياء
لندارت لمياء عليه وكانو شافت شبح وعيونها كلها دموع كامت تركض وحضنته وتبجي
لمياء. انت عايش الحمد لله اني احبك والله
بعدها فراس ويباوع ع وجها
فراس. انتي زينه مابيج شي ديوجعج شي اني اسف والله وبدا يبوس بكل وجها والله لو صاير بيج شي ما اسامح نفسي
انتبهت لمياء ع كلامه
لمياء. لحظه اجتني ملاك وكالت انت مجروح وحتموت
فراس. لا غزل كلتلي انت دتنضفين و وكعتي واجيتج اركض
عرفت غزل ودفعته وراحت ع الباب لكته مقفول اني الج يا خبيثه ياغزل انتي وملاك
فراس. يعني قشمرو علينه
لمياء وهي اتصرخ. ولج ملاك فتحي الباب لا اكسره ع واسج فتحي الباااااب
ضاج فراس من صواخها بس طل يفكر من كلتله احبك اول مره تكولها كام وراح يمها. كافي تصرخين اندارت عليه وهي معصبه

لمياء. انت هم اتفقت وياهم
فراس   لا والله قشمرو عليه مثلج والله مدا اكذب
اذكرت وهي تباوع عليه اشلون اجاها وهو خايف عليها بعدت من يمه
بقو اكثر من ساعه ساكتين وعيون فراس منزلت عنها وهي تحس بيه يباوع عليها وكلش خجلت منه
لمياء. بعد ما اتحمل ابقى وينكم تعالو فتحو الباب
فراس. بالنسبه الي متونس اني وياج بنفس الغرفه شنو رايج نسوي اي شي حتى نتسلى😉
لمياء. طلعوني منا
فراس. ليش شبيها غرفتي شنو اضوجين تبقين يمي
لمياء. اي اكره وجودك واكره هالغرفه انام بالشارع ولا ابقى بيها لحظه وحده لان هالغرفه هي الي اخر مره تركتني ورحت بيها وعفتني كانو اني وحده رخيصه
فراس. رحت ويه امير للموت مرحت اتونس واني الي احبست سنين وانحرمت من بنتي لو نسيتي عالشي
لمياء. لا كل الي اذكره من عفتني ورحت كل الي صار بيك ميهمني
كام فراس وراح عليها ويصرخ. سويت هالشي حتى احميج وحتى تعيشين  مهمني اذا انجرح كلبج كل همي تبقين عايشه
عرفت حنموت اني وامير وجانو حيعتبروج خاينه لان انتي زوجتي  جان قتلوج وقتها فاني اسف لان ردتج تعيشين
حط راسه ع راسها وغمض عيونه.  متت الف موته واني تركتج بلحضتها اذا انتي كلبج تحطم اني كلبي هو الي توجع
نزلت دموع لمياء وكدرت بعد تسكت. اني اكرهك اكرهك بس عمري موكفت عن حبي الك
رفع فراس راسه ويباوع عليها وبدون اي مقدمات باسها وهي اتمنت الزمن يوكف وحضنته وبادلته القبله
لمياء. بس لحظه اكولك وغزل شلون علساس اروح وياها
فراس. وكل عقلج تتوقعين امير يخليها تروح وداعتج يكسر رجلها وميخليها تطلع
ولج هسه وكت السوالف صار خمس سنوات منتضر هاللحظه وشالها وحطها ع الفراش وووو........

ضلت غزل تتقلب بفراشها متكدر اتنام يعني بس تطلع الشمس هي لازم تترك هالبيت الي بيه كل ذكرياتها هالبيت الي بيه الناس الي تحبهم كله بسبب امير وهو حتى عيونه ميرفعها عليها نساها بعد ميحبها زين ليش نقذها كل هذا تفكر بيه ودموعها تنزل حطت المخده ع راسها وتصرخ يارب ساعدني وقويني رجعت تبجي لحد ما حست احد ديفتح الباب اتفاجئت من شافت امير واكف او بالكوه واكف ريحه الشرب وصلت ليمها مبين شارب لدرجه السكر تباوع عليه وعيونها المليانه دموع وهو واكف بروده بس التعب مبين عليه. تباوع بس متكدر تنطق ولا كلمه

ابتسم امير.  ها بعدج كاعده اي طبعا متحمسه حتى تروحين باجر
غزل. ارجع لغرفتك قبل مسوي شي تندم عليه بعدين
امير. لتخافين مراح اسوي شي غلط لان ممحتاجلج

غزل. اذا ممحتاجلي شكو اجيت
امير. اي صح شكو اجيت وراد يطلع بس مديكدر يمشي وراد يوكع
شهكت غزل من خوفها عليه وكامت اله رهو رفع ايده وكللها اياج تجين اطخيني ما اريد اشوف وجهج
غزل. لعداذا متريد تشوف وجهي شكو اجيت ع العموم اتحمل بس تطلع الشمس وبعد متشوفني حياتك كلها
امير. صدكي ما ادري منعت روحي حتى ما اجي وشربت وما احس بشي وصلت مرحله حتى ما اكدر اوكف بس رجلي جابتني الج  بعد ما اتحمل صدكي ما اتحمل ما اشوفج يوميا ما اتحمل اجاهلج كل دقيقه انتي براسي ما اتحمل يوميا اجي بالليل وانتي نايمه بس حتى حتى اباوع عليج عبالي حتحمل بس ما اكدر والله صدكيني حييل صعبه اتحملت كلشي بالحياه بس فكره انو تروحين وما اشوفج بعد هذه لا ابدااا ما اتحملها  فهو هذا سبب جيتي الج
كانت غزل تباوع عليه وابدااا مسمحت لدموعها بعد تنزل وكالت. ارجع لزوجتك امير باجر كلشي يخلص
امير.  السانج هو حيكون سبب موتج صدكيني غزل وبعدين ذاك اليوم اتنصحين فراس ميترك لمياء تدرين من حجيتي هيجي بوقتها مسكت روحي ما اكوم اضربج يعني اذا انتي هيجي مصلحه اجتماعيه صلحي بينه ليش بس اصلحين بينهم

غزل. انت مو فراس علاقته هو بلمياء مختلفه لان همه مو احنا همه يستاهلون انو يعيشون سوه هو يحبها من كل كلبه فهمت هسه ليش
امير. يعني فراس هو الي يستحق السعاده فراس هو الي يستحق المسامحه فراس هو الي تعذب وهو الي انغدر بيه من زوجته وهو الي انحبس خمس سنوات بدون ذاكره وبس كان مشتاقلج مووو هذا مو فراس هذاااا اني
خافت غزل منه ومن عصبيته وصراخه صار هوايه مشافته بهالطريقه وهالعصبيه خافت ليضربها وهو حس بنفسه حس بخوفها منه حط ايده ع حلكه وحاول يهدء نفسه
ضلت غزل ساكته لحد ما هو حجه
امير. شسوي كوليلي شنو اسويه حتى تبقين ويايه بس كولي
شهكت غزل من البجي
غزل. كافي الله يخليك كاافي
امير يضحك ودموعه تنزل. بس كوليلي شنو اسويه علمود تبقين  اسوي كل الي تريديه مني ولج والله احس روحي حموت اذا رحتي اسوي اي شي تريديه بس ابقي
صوت غزل وبجيها صار كلش عالي وهي تكوله كااافي اترجاك
امير بصوت عالي ولج ما اكدر متفهمين مااا اكدر كوليلي شنو تريدين بس كولي هي ساكته وبس تبجي وهو حس روحه دتطلع منه كولي غزل شتريدين اذا تريدين اتوسل بيج ما عندي مانع
وراح و كعد يم رجلها شوفي غزل اتسولج بس ابقي بعدت وجها عنه وهو يعرف انو هي دتتوجع مسك خدها حتى تباوع عليه ونزات من عيونه دمعه هالدمعه كانت تكفي تبين الوجع الي بداخلها عليها

امير. احبج والله احبج كل ذره بروحي تحبج حتى من قتلت ابوج وكرهتيني حبيتج حتى من قتلتي ابني حبيتج حتى واني ما اذكرج هم حبيتج حبي الج ماله حدود اعرف اني اذيتج هوايه وضربتج ودمرتج بس صدكي اني جنت احس اضعااف وجعج لان انتي قطعه مني لا انتي اصلا كلشي بيه انتي تمشين بدمي سامحيني انطيني فرصه ثانيه سامحيني والله اتغير واصير انسان ثاني بس علمودج
كلب غزل جان ديكطع وهي تسمع كلامه جان كل كلامه وكل حرف نطقه كان صدك مو كذب بس شلون تنطيه فرصه ثانيه وهي متاكده منه مراح يتغير ابدا مستحيل احد يتغير عن طبعه تدري هالشي وتدري انو الي يكرهوه حيستخدموها ضده لان الكل عرف شنو نقطه ضعفه
حطت ايدها ع خده وهي دتشوف الوجع الي بيه
غزل. صدكني مراح تتغير
امير.  لا حتغير والله
غزل. انت حتحاول بس حتفشل اني اعرفك اكثر من روحك
روحتي هي الحل لكلشي حل لوجعك و مشاكلك بدوني راح تبقى شيخ قوي حتنساني ويه الوقت ابتسم امير لا صدك تنساني لتضحك ولك ماكو لحظه حلوه جمعتنه سوه دائما انتقام وضرب
انطيني لحظه وحده متمالخنه بيها لحظه وحده فرحنه بيها سوه
امير. كل نفس منج يخليني اسعد مخلوق بالدنيا اني احبج ليش متفهمين
صفنت غزل عليه وهي تفكر شلون حتروح وتركه شلون حتروح وهو مراح يكون موجود بحياتها احس كلبها يومف اذا طلعت وتركته زين شكو بيها اذا انطيه فرصه ثانيه ليش لا فجاءه حست انو سبب روحتها هي اسباب تافه كلش
امير. لتعوفيني انتي كلشي الي بهالدنيا تذكرين من كنه اطفال جنتي تكولين عمري مراح اتركك ومحد كدر يبعدج عني فلتروحين انتي برضاتج
غزل. اذا بقيت محيتغير شي بس تعصب مني حترجع تضرب وتهين
ابتسم وكال. اي صح  وحتى هسه لو بيدي اضربج بس حتحمل مثل متحملت قبل لان انتي الي واني الج هو هذا الحب وطريقه حبي الج هيجي وحتى كرم راح اصالحه واتركه وانطيه ولايات هو يصير شبخ بيها واني اصير مسالم
ضحكت وممصدكه الي تسمعه كل الحزن الي بكلبها صار سعاده.  يعني تصير مسالم علمودي
امير.  واخيرا ضحكتي ولج لو تدرين شكد مشتاق لضحكتج ولج مستحيل اخليج تروحين اصلا كنت تاركج ع هواج وتفكرين بالروحه لان وربي اكسر رجليج وما اخليج تروحين ولج حتى فراس وبنته سمعتهم تراهنو ع روحتج
حطت غزل راسها ع راس امير. شكد رومانسي ياالله عندي اكثر رجال رومانسي بهالعالم شكد محضوضه اني
امير. لو تدرين شكد احبج
خجلت غزل لان ممتعوده تسمع منه هيجي كلام حلو
عرف امير بيها خجلت. ولج لتخليني اصيح هسه واكول كدام العالم كله اني احب زوجتك احب الي رادت تقتلني وباسها كانت كلها حب ورومانسيه اول مره تحس بحب امير الها  ممصدكه قبل شويه جانت تبجي وهسه هي اسعد انسانه بالدنيا
غزل. احبك احبك احبك
باوع امير عليها بس نضراته تغيرت استغربت غزل ملامحه رجعت تخوف وهو اندار ع الباب
غزل. شبيك امير شكو كام امير وحطها وراه واخذ الخنجر الي محطوط ع الحايط  مفهمت غزل شكو بس حست اكو شي مو زين حيصير لان كلما تحس بالسعاده ويه امير يصير شي مسكت قميصه من وره بخوف. شكو امير فهمتي
امير.  كان يفكر شلون دخلو والحرس وين وكل خوفه ع غزل
امير. اعرف اني اكو احد بره واكف شلون وليش ميهمني يا اما تروحون واني اجيكم ونتحاسب لو تطلع حتى هسه اقتلكم كلكم

مفهمت غزل الي ديصير شنو بس من انفتحت الباب ودخل كرم منها وراه الرياجيل عرفت ملامحه كانت تخوف متغير هوايه شلون اجاه ودخل وليش اجاه اصلا هذا الي فكرت بيه
كرم. اشتاقيتلي صار هوايه مشايفك خويه
امير. اني ادري بيك غبي الي تخلي مراه تهزمك مني بس مستغرب ع غبائك الي جابك يمي مره ثانيه فواضح انو انت الي اشتاقيتلي بس منو هالمره حينقذك منك يااااااا خووويه
كرم. هي نفسها الي سممت روحها بس علمود اطلعني
زوجتك
غزل. كافي كرم رووح امير خلص حيسامحك وتتصالحون
امير. سدي حلكج انتي
وخرت غزل و وكفت بيناتهم. روح كرم اني اضمنلك ماكو بعد عداوه بينكم بس روح
سحبها امير. كتلج سدي حلكج
كرم. لو اني بمكانج اسد حلكي بس المهم اني اجيت حتى اخذ شنو من حقي صحيح غزل بعد ما انت طلعت عايش رجعت زوجتك الك بس اني اريد اخذها الي

امير. متاخذها واني اشم هوه
استغربت غزل خوف امير عليها كرم بيت امير يعني امير لازم يكون مسيطر وحراسه وكل الي يشتغلون وياه راح يساعدوه

كرم. شكد كنت اتمنى هيجي تكول وينكم روحو جيبوها الي
واول متقدمو اثنين ضربهم امير و وكعو بالكاع وشافت غزل انو امير شكله دايخ هو صح شارب مبين عليه بعده مصاحي
هافت غزل عليه وكانت تصرخ تريد الحراس ماكو احد يحي تباوع ع  كرم وهو يباوع ع امير وهو يتعارك وكان بيه شي هي تعرف الشرب ميسوي هيجي بيه ليش مبين عليه حيفقد سافت واحد وكف وره امير ديضربه مباشرتا صارت وراه حتى تحميه
وغمضت عينها مستسلمه للموت بس حست بسحبه امير الها وحضنها وهو الي اخذ  الضربه  فتحت حينها وشافته مضروب بضهره وبدا الدم ينزل منه حضنته حتى ميوكع وتصرخ امير باوع عليه  ومسكت وجهه باوع عليه فدوه
حاول امير يفتح عينه عرف بروحه كان مخدر مو مسموم لان لو سم كان حس بس هو كان مخدر ايريد يصحى ميكدر جسمه مله ثكل مسك غزل حييل حتى مياخذوها لان عرف حتروح منه
كرم حياخذها وهذا اكثر شي دمره يسمع غزل وهي تصرخ بس مديكدر يسوي شي بس حاضنها لو يعرف يكطعوه وميتركها ابد
غزل. اني يمك حبيبي محد يكدر ياخذني منك
اذكرت غزل بلحظه موت امه كان حاضنها لامه ويبجي ومن شاف غزل ركض عليها وقتها وحضنها حتى متركه وهسه نفس الشي حضنته  ومراح اتركه
رادو يضربوه بعد بس كرم كال لا تركوه اني الي حقتله بس مو هنا ولاهسه صفن ع امير وع قوته الحرس اتخدرو ومباشرتا فقدو الا هو ظل صاحي ويقاوم فعلا قوي وديتحمل بوجع قوي
اكثر رجال خاف منه نضره منه تخلي اقوى واحد يخااف
بس هسه لا مراح اخلي خوفي يسيطر عليه  ضاج من المنظر الكدامه مصوب ولاخر لحظه حاضن غزل
امير. يله كافي لعب جيبوها صرخت غزل باعلى صوتها وامير يحضنها كانو يريد يدخلها بضلوعه
رجعو يضربون امير وهي تشوفه ديتاذى واذا بقو هيجي حيموتوه فشاورته وكالت. عمري كلها ابقى بس الك حضنها اقوى كانو عرف شناويه تسوي
امير. لا اياج تروحين انتي الي اني احميج
غزل. اعرف انت راح تحميني واعرف نهايتنه شلون حتكون بس حنتضرك سحبت نفسها منه مسك ايدها والرياجيل سحبوها بس حست انو ايدها حتنخلع هلكد مضغط عليها وسحبها اله
ضربوه بكل قوتهم وسحبوها عيونه عليها ميرمش بس يباوع وميكدر لا يتحرك ولا اي شي شمروها ع كرم وهي تصرخ

انت شسويت لو تاركتك تموت عوفنه شتريد منه
كرم. اكو وحده هيجي تستقبل زوجها بعد كل الي سويته علمودج بعدين لتخافين مابيه شي بس مخدر مراح يموت العار
امير وبصوت ناصي.  دير بالك تلمسها وخر ايدك القذره عنها
اندارت غزل عليه وفرحت من شافته كاعد ويحجي يعني فعلا ممات
غزل. لتخاف عليه مابيه شي
مسكها كرم من ركبتها. شوف يا خويه شوفها اريدك تحفر هالصوره براسك وانتي شوفي منضره الي يقهر شوفي زوجج الحيوان الي كان بس اياذيج  ويعذبج ويعاملج مثل الحيوانات
حتى صدك كل الكلام الي كلته صدك من كتله انو انتي قتلتي ابنه بعد ممات وصدك علاقتي وياج كزوج وزوجه باوع ع امير
اااي كله كذب كل الي كلته مصار لا طفل ولا زواج ولك وحتى وانت ميت هي كانت مخلصه الك حتى وانت ميت حبتك بس كل هذا حيخلص مراح اقتلك هسه لا كلشي حيناهي من تجي وتواجهني وبصوره نهائيه هالمره وهسه لازم نروح وسحب غزل وطلع وهي تصرخ وتصيح باسمه ونضراته الها وهمه ياخذوها كسرت كلبها عمرها مشافته بهالحاله بالضعف عرفت انو هو حيلوم نفسه باوعت عليه ونضراتها كلها حب وكالت.  روحي حتبقى يمك مراح اتركك ابد
حرك عيونه عليها كانو يريدها متروح
ابتسمت. اني احبك
وراحت واختفت من كدام عيونه وبقى هو وحده يصارع المووت.....

يتبع
زينب عبد المطلب

✨✨✨✨✨✨✨✨✨✨✨✨✨✨✨✨✨
اتمنى هالبارت يعجبكم انطوني رايكم بتصرف كرم ويه امير
وامير شنو مصيره حيموت لو لا
وشنو حيسوي كرم بغزل
باجر باذن الله حيكون البارت الاخير اريد اشوف رايكم بهالبارت وشنو توقعاتكم بالبارت الاخيرر
علقو مع صوتكم ومتابعه
نلتقي باجر بعد الساعه التاسعه بالبارت الاخير 😘 مع مفاجئه بالبارت غير متوقعه