رواية اعشقه كرهآ الفصل الثالث والثلاثون 33 - بقلم زينب عبد المطلب

البارت الثاني والثلاثين
زينب عبد المطلب

وكف فراس كدام غزل وجسمه كله يرجف وهو يباوع عليها وانفاسه متقطعه صوت امير وهو يكوله انقذ زوجتي باذنه يرن
يباوع ع غزل وهي كدامه وشكلها يقطع كلبه وجها شاحب مثل الميتين وشفتها زركه يريد يتقرب الها يريد يصرخ ميكدر جسمه جمد بمكانه يخاف ليلكاها ميته يفكر بامير اذا عرف بموتها شنو حيسوي انشل عقله بمجرد التفكير لان يدري اذا ماتت معناتها امير يحط حط لحياته ويلحكها بنفس اللحظه لان هو وياها يتنفسون سويه كلبوبهم تنبض سوه اذا راحت غزل اليوم امير ينام ع كبرها وبدون رجعه
بلع ريكه وعيونه ع جسمها الساحب لازم يتحرك لازم يصرف بس مديكدر دخل بحاله ذهول لحد موعى ع صوت لمياء وهي تصرخ
وذبت روحها ع غزل وتصحي بيها وتمسح الدم من حلكها
لمياء وبهستيريا مسيطره عليها وتصرخ. لا لا لا لا لتموتين لا دخليلج كعدي غززززل فتحي عيونج لسوين هيجي بيه كعدي فدوه اتحرك بجسمها وتصرخ كوومي اياج تموتين بعد الي سويتيه لا لتموتين دمرتي الكل وتريدين تنهزمين
شكد محجت وصرخت عليها وغزل ماااكو راحت متحس بشي
كلبها مديتحمل الم فضيع وعقلها حينفجر متكدر تستوعب انو غزل ماتت
رفعت راسها ع فراس والي وجهه كان شاحب مثل غزل اتريده ايكوللها انو غزل كاعده ومراح تموت بس ماكو كان كانو هو بعالم ثاني من الصدمه الي دخل بيها
كلب فراس ديكطع وهو يسمع لمياء من تكول ماتت راحت غزل غمض عيونه ميريد يشوف ولا يكدر يخفف عنها لان هو ديخس بيها اليوم خسر اخته واخوه خسرهم سوه نزلت دموعه بحركه العالم كله اسود كدامه بس يسمع صوت لمياء وهي تصرخ
خافت لمياء اكثر من ملامح فراس لان ملامحه تكول انو هي راحت خلص بعد خسرناها
لمياء. اني اكرهج اصلا فرحت من رحتي كلش فرحت واخيرا خلصت منج انتي وحده انانيه متفكر بس بنفسها لج اشلون تعوفيني وتروحين كامت وتضرب ع الكاع وتصرخ اندارت ع فراس الي مغمض عيونه وكلتله. منضر يقهر صح لدرجه متكدر تفتح عيونك مووو افتحهم وشوف غزل الطفله غزل اختنه واخيراا نجح صديقك وخلص منها هو حر هسه روحله وكوله اركض مثل الكلب وبشره بموت غزل
فراس بعصبيه. كااافي
لمياء. علساس انت مهتم
بعد فراس وجهه عنها ويبجي
لمياء. ليش تبجي مو هذا الي انت وصديقك وشيخك ردتوه روح كوله وبشره اتحرر من غزل بعد شيريد يله روووح
فراس. كااااااافي كتلج
اندارت عليه لمياء وهي تضرب ع صدره روح كوله واضحك لتبجي اضحك انتو ردتوها اتموت ليش تبجي اضحك وافرح وهي تضرب ع صدره وهو مرفع اصبعه حتى يمنعها من ضربه وضلت تضرب لحد ما تعبت بعد متكدر رادت توكع مسكها من ايدها وهي تكول بهمس اضحك لتبجي اضحك حضنها وكانو يريد يرتاح ويريحها وكال. مو بس اختج غزل اني هم اختي والله احبها وانتي تدرين بهالشي
لمياء بصوت تعبان. اختي راحت اختي الله يخليك رجعها الي كامت تصرخ وتنعي فراس ماسكها من ايدها حتى متوكع
فدوه رجعها هي عائلتي فدوه رجعها
كلامها ونحيبها وجع فراس وجاوبها بضعف. والله ما اكدر كااافي
بس هي استمرت بالصراخ والبجي وتدفع بيه وهو متمسك بيها
روووح هذا كله صوجكم انت وشيخك الي موتوها انشالله تموتون سوه هي تصرخ وهي ميقبل يتركها لحد ما سمعو صوت ملاك وهمه جمدو بمكانهم من كالت
ملاك. ماما دتتحرك
كانو انضربو ع راسهم من سمعو هالكلمه بس محد يتحرك خايفين
ملاك. والله شوفي ماما خاله غزل مسكت ايدها وعي ضغطت عليها
دفعت لمياء فراس وراحت يم غزل وفعلا كانت ضاغطه ع ايد ملاك حطت ايدها ع حلكها وخشمها ومسكت النبض جانت اااي عايشه بعدها
انما فراس جامد مثل التمثال لحد ما لمياء صرخت عليه حتى يصيح الدكاتره
وهو ركض ع لمياء ميعرف شيسوي شال غزل وحطها ع فراشها
لمياء. بسرعه انطي خبر للدكاتره يجون لان نبضها كلش ضعيف
فراس مسطور يفكر انو هي عايشه لعد ليش مديعرف شيسوي
كامت اله ملاك ومسكت ايده وكالت. لتخاف بابا خاله غزل حتصير زينه باوع ع الملاك الي كدامه وبنفس ملامح خوفه ع غزل اجددت من سمعها تكول بابا نسى انو عنده طفله وصفن عليها
لمياء. ولك ارجع لوعيك وروح صيح الدكاتره ركض وصرخ ع الخدم حتى يدزون هير ويجون الدكاتره وعقله حينفجر من الصدمه لا الصدمتين
بعد اقل من نصف ساعه اجوي الاطباء ولمياء استلمتهم بالصراخ حتى ينقذوها وهمه من وراها طلعو الكل من الغرفه
اليوم كان اسوء يوم ع فراس منا غزل ومنا امير الي بلغوه انو حالته مثل حالت غزل وزوجته گمر يمه عرف انو السم بدا يدخل بيه وياكله اكليخاف يروح عليه وميعرف شيكوله وكله بصفحه ولمياء الي رايحه وجايه كدامه بصفحه وهي تصرخ وتامر بالرايح والجاي لوما ملاك كاعده يمه كان كام وكسر رجعها بس خلي تصبرلي بعدين اتفرغ الها
دكت لمياء الباب واتصرخ. وينكم اريد واحد منكم يطلع ويطمني عليها
فراس. الدكاتره ديشوفون شغلهم كعدي وسكتي لصيرين عايقه
لمياء. يا متستحي ولك لتفكر ولو لحظه انو تهيني اختي جره دصارع الموت من وراكم فاسكت وجوز عني
فراس. اهوايه احترمتج وشفتي نفسج صرتي محترمه مو
اتمنى ترد عليه بس بنته عرفت انو لمياء متكست وفعلا بعدها دتريد تحجي ركض ملاك الها وكالت. ماما اني خايفه ع خاله
حضنت لمياء بنتها ووكفت معصبه ع فراس
طلع واحد من الدكاتره يركض وحتى مرد ع لمياء وهي تصرخ عليه
وبعد فتره رجع وبيده اكياس دم دخل بس اول مدخل طلع الدكتور و وكف كدام لمياء وفراس
لمياء. احجي شبيها اختي احجي شنو هالدم شسون بيه وهي تصرخ
فراس. انتي يس لصرخين احجي دكتور شنو وضع غزل
الدكتور. الصراحه وما اريد اكذب عليكم وضعها خطر السم واصل لكل دمها يعني مسسم دمها وفكرنه نسويلها نقل دم بس ما اعتقد تتحمل السم حيوصل لكلبها اني اعتذر
لمياء. لا لا شنو انت شنو تكول غزل لا لا متموت اسكت انت كلشي متعرف
بهالاثناء اجتي گمر تركض
گمر. الحكني فراس فدوه امير امير راح يموت جسمه كله يوجعه
وميقبل احد يلزمه الدكاتره اجوي عليه يريدون يسمكوه حتى يفحصوه ميقبل بس يصرخ تعال انت فراس بس احجي وياه اترجاك
فراس اهنا دخل بدوامه ميعرف شيسوي منا غزل الي حتموت ومنا انير الي ميكدر يروحله شيكوله غزل حتموت حتى ينهيه والله
اندار ع لمياء. لزمي روحج وصيري قويه وانت باوع ع الدكتور
انت تدخل وتشوف شغلك واذا غزل ماتت احسب حساب موتك وياها يله ادخل وانتي گمر امشي ويايه
راح فراس لامير وخطواته تثكل ميكدر يمشي يخاف من وعلى امير لان ميعرف شيكوله وكلما يقرب ع غرفه اميرر صوته يقوى ويسمعه وهو يصرخ
انفتحت الباب وشاف منظر عمره متوقع يشوفه اخوه وصديقه بالفراش واربع رياجيل لازميه وهو يتلوى جوه ايدهم يريد يكوم ميخلوه والدكتور يريد يفحصه هو ميقبل
شكله تعبان اول مره يشوفه هيجي عيونه حمره حلكه كله دم عرف انو هو مسمم بس حالته اخف من غزل لان امير عنده مناعه لان زوجه ابوه اهوايه حاولت تسممه حتى تتخلص منه ويعالجوه بالاعشاب وصل مرحله مو اي سم ياثر عليه وخصوصا السم هذا شغلته يشل الجسم ويثكله بس قوه امير مأتر عليه وظل يقاوم حتى يكوم
اتقدم عليه فراس بخطوات ثكيله وخر الدكتور عنه و وكف يمه ونزل راسه ع امير الي حتى شرايين وجهه واضحه وكاطع النفس عنه ويريد بس يكوم
فراس. اهدا امير اني يمك
امير من شاف فراس تجمد عن الحركه ولزم فراس من ياخته وبالكوه يحجي بحيث الكلمه تطلع منه بصعوبه مسح الدم من حلكه وساله. بعدددهااا عااايشه
فراس خاف ع امير ومعرف شنو يكول شكل وحاله امير كسرت كلبه اول مره يشوفه بهالضعف وبعد ما سكت فراس سحبه امير
بقوه اكثر وساله. جااااوبني مرررتي بعددهاا عااايشه
فراس وبدون تفكير جاوب. اي بعدها عايشه
اهنا امير اخذ نفس وقبل الهوه يدخل ويتنفسه
بس امير عرف انو غزل حالته خطره ملامح فراس مكشوفه عد امير
فمتحمل امير يبقى حاول بس يرفع نفسه ويكوم الكل حاول يرجعه بس بنضره من فراس الكل بعد عنه لان فراس عرف انو امير مادام كام فمستحيل يرجع واذا ادخل احد حتصير مجزره صح امير تعبان بس ميوكف شي كدامه اذا الموضوع يخص غزل

فراس. امير شوف بس خلي يفحصك الطبيب واني حروح يمها بس ابقى باوع امير عليه بنضره وبدون ميحجي شي بعد عنه فراس بدون اي كلمه

كام امير وخطواته حييل ثكيله ديشوفه فراس شلون ديصارع بس حتى يوكف ويروحلها بس محد يكدر يدخل

گمر. كافي امير لازم يفحصك الطبيب

مدارللها بال ابد واخذ قميصه حتى بدون ميسد الازار وتقدم بصعوبه وصل للباب بس ركضت گمر ووكفت كدامه وكالت.
ما اسمحلك تطلع انت حتموت خليهم يعالجوك ليش تخاطر بحياتك ارجع لفراشك
باوع عليها امير بكل برود ومسكها من ايدها ودفعها بكل قوه عنده وظل سااكت

عصبت گمر لان دشوفه ديموت كدامها وهو تفكيره بس بغزل
گمر. هي الي رادتك تموت مو صح لعد ليش لازك الها عوفها عساها تموت
امير وبكل برود باوع عليها وكال. متكدر تموت لازم تعيش حتى اكسر كل عظمه بجسمها ع الي سوته

سال فراس الدكتور. طمني ع حالته
الدكتور. والله ما اعرف شكولك يعني هذا مو بشر صحيح هو عنده مناعه قووويه بس هسه ع الاقل لازم انطيه مسكن وانطيه علاج حتى يتخلص من السم الي بداخله بس امت مثل مشوفه هو رافض
لعن فراس نفسه واذكر غزل
فراس. اكولج گمر انتبهي محد يعرف انو الشيخ اسمم لان تعرفين اكو هوايه يريدون يستغلون اي نقطه ضعف نمر بيها
وبالنسبه لامير لتخافين عليه اني يمه

طلع امير وهو ميكدر يمشي بسهوله اتكأ ع الحايط ويمشي بخطوات ثكيله وصل فراس يمه حاول يمسكه دفعه امير ميحب احد يساعده وشكله خوف فراس وخصوصا هدوء امير وصلو لغرفه غزل وامير كال لفراس. روووح وشوفلي كرم وينه
فراس. كرم بالسجن
امير. لا انهزم وكل الي صار بس علمود يهربوه
باوع فراس ع امير وخاف من شكله يعني اذا غزل سوت كل هذا حتى تهرب كرم يا ويلها من امير يعني لو تبقى فاقده هووايه احسن الها
امير. الحرس كلهم اتحاسبهم وتعاقبهم ولو اضطريت اقتلهم وكرم تروح تجيبه لو من جوه الكاع فهمت لو لا
راح فراس بعد ما سمع كلام امير واوامره

دخل امير ولمياء ممصدكه امير كدامها واكف يباوع ع غزل بكل جمود منضره مينوصف ابداا كدر يوكف بالرغم من هو مسمم بس رغم كل هذا مبين ع شكله تعبان ولو يحاول يخفي هالشي
تقدم امير ع غزل وركضت لمياء كدامه لان تعرف بغزل هي الي خططت علمود كرم بس بنضره من امير خلتها لا اراديا تبتعد من كدامه
تقدم امير ونسك غزل حتى يتحسس نبضها
امير. دتموت مو
باوع عليه الدكتور وكال. نبضها ضعيف ودمها مسمم وحاولنه انغير دمها بس مراح تتحمل هالشي وبس يوصل السم لكلبها تموت
امير. يعني اذا وصل السم لكلبها تموت
الطريقه والبرود الي يحجي بيه خله لمياء تفوور رادت تصرخ عليه بس الي كاله امير خلاها تجمد بمكانها
امير. انطيها كلبي
حجه هالكلمه بكل بساطه وبدون تردد استغربت لمياء ومكدرت تحجي اي شي والدكتور صفن ع امير
امير. انطيها كلبي اني كلبي قوي وحيخليها تتحمل وتعيش
الدكتور. هم ميفيد اذا حطينالها كلب هم حيوصله السم وتموت

لمياء. لعد يا دكتور مو هو هم اسمم ليش ميموت
محد رد عليها ضلو ساكتين لحد ما امير كال الكل يطلع بره
الدكتور. خلي نجرب
امير. كلت الكل يطلع بره اريد ابقى ويه زوجتي وانت ابقى اهنا

لمياء. اني ما اطلع ابدا لو ع موتي ما اطلع اريد ابقى يمها باخر لحظات حياتها صاح امير ع الرياجيل البره واجوي وسحبو لمياء شكد ما صرخت وغلطت وفشرت عليهم بس مكدرت تبقى

بعد مطلعو وبقى بس الدكتور صعد امير ع الفراش وباوع
غزل وكللها. اني ادري دسمعيني فهمي كلامي زين اذا متي وربي اخلي كلمن عزيز ع كلبج يلحكج واولهم لمياء وبنتها وراها اقتل الكل وابقيج انتي وجثتج المتعفنه بهالدنيا مسكها من خدها
شوفي اذا عبالج الموت يخلصج مني فانتي غلطانه فاريد منج هسه تفتحين عيونج وتباوعين عليه اريدج تصحين هو هذا الشي الي حينقذج بس فتحي واتحملي الي حسويه
انتضر اي رده فعل منها ماكو ابداا كلم من يمها وشكد مديتوجع مو بكد ما فكره انو يخصر غزل دتوجعه حس انو روحه حتطلع منه ميعرف شيسوي كلبه يحترك مخاف يوم بحياته بكد مهاف ع غزل بهالحظه حط ايده ع راسه ورفع راسه وكال. يااارب لتحرمني منها يارب خليها تعيش والله اموت بلياها هي نفسي وروحي اني متحمل كلشي علمودها هي كل الي املكه بهالدنيا
حاول يمسك نفسه حتى ميضعف بعد
صاح الدكتور وكله يله
الدكتور شنو يله
امير حضرلي الدم حتى ننقللها الدم
كام وحضن غزل وحطها بحضنه وكال. ادري حيوجعج هالشي بس اتحملي لان هالطريقه حتخليج تعيشين واخذ شفره من شفرات الدكتور وبدا يجرح غزل بايدها ورجلها وبكل مكان حتى تنزف
الدكتور. مو هيجي حتمووت
امير. معليك انت كمل شغلك لو اعرف اسحب كل دمكم المهم هي تعيش
بهالاثناء. صرخت غززل بكل حسها
امير. ادري دتتوجعين بس لازم اظل اجرحج لان بهالطريقه تعيشين باوع ع عيونها الي كلها دموع وكراهيه
اي ادري بيج كارهتني كرهيني ميخالف وبس تتحسنين قتليني المهم تحملي اني يمج وحبقى يمج
غزل كوه تشوف كلشي ضباب كدامها جسمها مشلول حسها كوه اطلعه اتفكر انو هي ماتت لعد ليش امير بعده يمها شنو وين متروح تلكاه اشجابه يمها زين هي مو سممته شو ممات بعده عايش عيونه حمره و وحهه شاحب مبين عليه التعب بس ليش ميعوفني يتركني اموت واخلص ليش ميعوفني اغمض عيوني واناام وارتاح بعد ما اكعد
عرف امير الي ناويه تسويه غزل تستسلم وتروح قرب حلكه ع اذنها وكللها. اذا غمضتي ونمتي صدكيني راح اقتل لمياء وبنتها عرفت غزل الي يكوله يسوه ضلت تقاوم والدكتور بدا بتحويل الدم الها وكلما تفقد دم هو ينطيها دم اكثر
بدات حرارتها ترتفع عرف امير انو السم بدا يروح والي سوه نجح
طلب من الدكتور يعالج جروحها ويلفها وبعد ميكمل يطلع وهو بعد ميكدر يسيطر ع حاله كلم ودخل للحمام حط المنشفه بحلكه حتى متسمع غزل صراخه و وكع بالكاع وبدا بجرح ايده ويصرخ بدون صوت كل الي رايده هو اينام لو بس دقيقه وحده المهم بس ينام واستسلم للنوم
غزل بدات شويه تصحى وتريد امير يطلع من الحمام مديطلع ضلت تنتضر بس مديطلع خافت عليه ومتكدر تكوم جسمها مثل المشلول حاولت تصرخ بس صوتها مكان ينسمع ابدا. ضلت بحدود الاقل من ساعه تحاول وماكو لحد مدخل الدكتور وهي مباشرتا اشرتلته ع الحملمرهو عرف ع امير لان قبل ميطلع دخل امير للحمام دخل عليه ولكاه واكع بالكاع وكله دم مكدر يسحبه بس طلع وطلب منهم يجيبون اله دم لان هوايه فقد ونبضه ضعيف
غزل مفهمت شكو الي ديصير وحست بعد متكدر تفتح عيونها واستسلمت للصخونه ونامت
بعد 8ساعات فزت ولكت امير يمها وميين عليه التعب و وجهه مصفر بس الكلام ويه امير ميفيد بعد ما الدكتور عالجه وتحسن النبض عنده وبدا يصحى حاول ايكوم بس الدكتور اترجاه بس يكمل شغله ويكوم وهو شاف غزل نايمه فبقى لحد ما فعلا حس روحه صار احسن كام ع غزل وحرارتها كانت مرتفعه حييل وبلش يسويلها كمادات حست غزل عليه وفرحت بداخلها من شافته كدامه وعرفت انو هو هسه احسن
باوعت ع نفسها ملابسها متغيره وماكو اي دم اندارت ع امير وهو ابتسم وكال. ع شنو متفاجئه ليش اكو شي بيج مشايفه قبل
سكتت غزل وفكرت بهاللحظه الي جامعتهم سوه اتمنت متطلع من الغرفه وتبقى بس وياه وبنفس الوقت منزعذكر سوالفه تضوج منه وتكره ملت من هالعيشه ملت من الانتقام وملت من كلشي حياتها مثل الدائره كلما تتفتر ترجع بنفس نقطه البدايه ضلو ساكتين لحد ما نطق امير
امير. تدرين جزء من عقلي يتمنى لو هسه يكطعج والجزء الثاني يحولي انتضرها تتحسن برائيج المن اسمع
غمضت عيونها ماكو فايده رجعنا وين مكنا
امير. تدرين الي سويتيه غباء يعني اذا تريدين تخلصين مني اقتليني وحدي لضحين بروحج بعد ومن تتحسنين حنطيج فرصه ثانيه وسكت
مفهمت غزل شنو قصده ورادته يكمل بس هو سكت

بعد ايام
دخلت لمياء ع كرم وهو كاعد ودخلت مثل الاعصار وبس تصرخ
لمياء. اريد اشوف غزل تره وربي احرك كلشي
فراس معصب وضايج منا ضغط الشغل عليه ومنا كرم الي انهزم ورجع هم يجمع الشيوخ ضد امير يعني رجعو لنقطه البدايه
ومنا التعب والسهر وگمر الي اكلت راسه ع امير

لمياء صاار كم يوم وهو حابسها بالغرفه اخاف ليسويلها شي
خصوصا انو كرم انهزم من وراها
فراس. هي زوجته ومحد يدخل بيناتهم بس فرحي انو همه بخير اثنينهم والدكتور بلغني انو همه هسه بخير
لمياء. بس اخاف عليها
فراس وهو يصرخ. ع شنو تخافين عليها ولج خافي ع امير وهسه طلعي برره
ضاجت لمياء لان ديصرخ عليها وكدام بنتها الي من عرف هي بناه لحد هاللحظه ميفاركها ومدللعا و وين ميروح ياخذها وياه
وهي الحقيره باعتني الي علمود اب مصارللها ايام من عرفته
فراس. اوكفي اكولج انتي مبين عليج ملانه ولا شغله ولا عمله نسيتي اصلج شنو كنتي وهسه صرتي محترمه فاني ارجعج مثل مكنتي وهسه اطلعين بره وتروحين تشوفين اكو بركه صايره وره البيت اريدج اتنشفيها
لمياء. شنوووو شنشف ولك هذه متنشف
فراس. شوفي مثل ما اني اكولج اسوين وبعدين تنشف واصلا لو اشوف محيط واكولج هذا مو محيط هذه بركه اتكولين اي صح يله انطلقي وهاا من تكملين اريد منج تمسحين البيت كله واريد اشوف صورتي بالكاع
لمياء. لك يا بيت شمسح منه انت متشوفه شكبره وكم غرفه وحمام بيه وين اكدر بعدين اكو خدم هذه شغلتهم
فراس. كملتي حجي الي كتلج عليه اتسويه والا اطردج بالشارع وما اخلي احد يحويج فهمتي لو لا
رادت تحجي لمياء بس تدري اي حجايه منها مو لصالها اندارت وهي معصبه وطلعت
عصبت عليه ملاك وهو يباوع عليها. شكووو
ملاك. ليش هيجي سويت زعلتها
فراس. خليها تستاهل هي الي بلشت بكلشي واني حجيتلج الي سوته
ملاك. بس خطيه امي
فراس. لا لا اني الخطيه سودت عيشتي امج
ملاك. راح تبدي تغلط واني ممستعده اسمع خلي نكمل شغلنه بسرعه قبل ميحي امير ويشوفنه ممسوين شي
فراس. انتي تحبين امير وغزل
ملاك. اي كلش احبهم وخصوصا تصرف امير كلش احترمته وحبيته اتمنى اتعرف ع واحد مثله
فراس انجبي لج مثله شنو ممنوع اصادقين اي احد من تكبرين
ملاك. زين ما اكدر بس احب
فراس. بس بموتي تسويها وهاا وره وفاتي ب3ايام ياله تسويها حتى تتاكدين من موتي وهسه رجعي كملي الشغل ويايه تره ادزج يم امج تنضفين وياها جفلت ملاك من هيجي كال ورجعت ترتب وياه الاوراق وهو يغلط ع نفسه

نرجع لغزل وامير الي كاعد مقابيل غزل والدكتور ديفحصها وهو ساكت وحامد مرت الايام وهو ميحجي شي وياها ايوكلها ويشربها ويغسللها بس كان ساكت حتى الدكتور من ايكوله اطلع حتى افحصها مكان يقبل ويخزر الدكتور ويبقى يمها
خافت غزل من بروده وسكوته ومتاكده انو هو عرف انو هي الي سوته بس علمود تهرب كرم بس ليش سااكت سكوته ديخوفها كلش شنو الي ناوي يسويه هي كدرت تحجي بس متكدر تحجي لان شنو الي تكوله تشكره علمود عالجها لو تغلط عليه لان نقذها جسمها بدت تكدر تحركه ماعدا رجلها متكدر تحركها وهي دتفكر قطع تفكيرها صوت الدكتور
الدكتور. انتي هسه اتحسنتي والخطر زال عنج بس حتحسين بوجع بالجروح الي بجسمج بس ماكو شي خطير عليج ومنا لاسبوع تكدرين تكومين تمشين هذا الكلام يكوله الدكتور وغزل وامير يسمعون مسك غزل الدكتور من ايده وكالت

اكولك دكتور روح وشوف امير هو مو مثلي اتسمم انطيه من المسكنات الي اني اخذها لان ديتوجع
الدكتور بصوت ناصي. صدكيني حاولت وفراس حاول بس ميقبل
امير. دكتور اذا كملت فحص اتفضل اطلع
تركت غزل ايد الدكتور واعتذرت منه وراح
ورجعت غزل هي وامير كاعدين بالغرفه وحدهم وبدون اي كلام بينهم هو عيونه ع الاوراق الكدامه وهي ضاجت ليله جديده حتكضيها ويه هالمختل تدفع عمرها كله بس علمود تعرف شنو ديفكر
ضلت كاعده بملل وتباوع ع الحمام تنطي اي شي ولو بس تدخل وتاخذ دوش حاار
واخر شي قررت تحجي
غزل. اريد للحمام صيح لوحده اساعدني
امير ولا رد عليها واجاهلها
عصبت غزل حيلل وصرخت. اريد احد صخااام يساعدني اريد اسبح
رفع عيونه عليها وكل العصبيه العدها تحولت لخوووف اعرف انو هو يتخبل ولا احد يأمره حركه غلط سوتها. وابداا مو وقتها ضل يباوع عليها بنضرات اتمنت غزل لو الكاع تبلعها وتتخلص من نضراته وبعد دقائق من نضراته المرعبه
امير. اني ما اشتغل عندج عندج شي تريديه طلبه بادب

غزل. عفيه اريد احد يساعدني اروح للحمام
امير. وليش اسوي هالشي
غزل. عفيه امير
ظل يباوع عليها وفجاه كام هي عبالها حيضربها حطت ايدها ع وجها بس اتفاجئت من شالها واخذها للحمام وهي تصرخ انت شدتسوي ما اريدك انت تاخذني وكفها ع رجلها ومسكها من خصرها حتى متوكع
عوفني ما اريدك اساعدني واذلني بعد اكثر
امير. مو تريدين تسبحين ماكو غير هالطريقه يله اختاري
غزل. عفيه بس صيحلي وحده اساعدني
رفع حاجبها وديشيلها يرجعها لفراشها وهي صرخت لا لا بقيني لان فعلا محتاجه تسبح ابتسم امير ابتسامه حقيره وعرفت قصده وكالت اسبح بس ابقى بملابسي
امير. شنو الظاهر نسيتي اني كل انش من جسمج حافضه
خجلت غزل هلص رجعني لفراشي
فتح امير المي عليها ومباشرتا اول محست المي ينزل عليها كل جسمها حست براحه مو طبيعيه فعلا جانت محتاجه تسبح
حست ايد امير مسكت جسمها اندارت وشافته هو هم اتبلل ويمسك بجسمها بايد ويلعب بشعرها بالايد الثانيه شكد ما كانت ضايجه منه ومن تصرفاته بس جسمها مباشرتا استسلم جوه ايده الي تحسسها بالامان عيونها منزلت عن امير وحست بلش يريد ينزعها كالت. طلعني خلص بعد ما اريد
بدون اي كلمه منه طلعها وسحب المنشفه ولفها بيها

غزل. دير وجهج اريد انزع
رفع حاجبه من طريقه امرها اله
عرفت ضاج. حباب امير اترجاك
كعدها وطلع وهي مباشرتا نزعت ملابسها المبلله ولفت روحها بمنشفه دخل وشالها و وداها لفراشها ولكت حاط الها سيت نوم ابيض ع الفراش ابتسمت يعني فعلا عايشه ويه واحد مختل عقليا كل لحظه ع مزاج شكل تركها ودخل للحمام يسبح هي بكل سرعتها بدلت ولبست وملامحها عود مدايره بال ع شي بس من طلع وشافته كدامها وهو سابح وبس المنشفه ع خصره وعضلات جسمه المرسومه احمرت ولعنت روحها لان متكدر تقاوم اندار عليها وسوت روحها دتتغطى رجع اندار وبدل ملابسه وهي تباوع ع ضهره وصافنه لحد مندكت الباب وحست ع روحها
امير. دخلي
دخلت الخدامه وهي شايله صينيه الاكل وعيونها ع امير وهو ديبدل واول مشافت ملامح غزل الي معصبه طلعت
غزل. اني مجوعانه ما اريد لبسها امير ومرد عليها وشال الصينيه وذبها كدام غزل وكال. اكلي

غزل. شنو انت اطرش مو دا اكول مجوعانه وبعدين انت ما عندك التزامات روح لتظل كبالي تره مللتني او تعال واضربني ادري بيك تريد هالشي لان هزمت كرم
امير. تاكلين لو اربطج بالجربايه واوكلج بطريقتي
غزل. روح عالج روحك لان انت صدك مختل عقليا
احمرت عيون امير عليها
غزل. ها هو هذا الوقت الي حتضربني بيه حتى تثبت قوتك
امير. اي هو هذا الوقت المناسب وضربها راشدي قوي جان ميت ع ضربتها وهسه كملي اكلج والا
غزل صاجت رجع يتامر عليها ويهدد سحبت جسمها حتى تكعد وهو رجع يقرا الاوراق جانت حيل جوعانه بس تحب تعانده وراها اكلت بحيث حست روحها حتنفجر
غزل. امير شبعت
امير يباوع عليها وع الاكل. ويعني
غزل. شنو ويعني والله بعد ما اتحمل معدتي حتنفجر احس بروحي طلي ديحشون بيه علمود يذبحوه
وبعدين انت مو عندك زوجه روح عليها اني ادبر نفسي
امير. اي انتي قويه بس قويه بتعصيبي وتره صدك انتي حاليا الطلي مالتي ومنتضر شوكت اذبحج
سكتت غزل وبعد محجت وياه ولا كلمه

وره يومين وهو ابدا مطلع من غرفتها ع كد الاكل يدخل واي كلمه ماكو بينهم وهدوء امير مخوف غزل
وبالليل جان امير ديعدل بكعده غزل قتلت السكوت الي بينهم وكالت. اني ردت اموت ليش مخلتني اروح
امير. كتلج بعده حسابي وياج مخلصان هوايه شغلات بعدني اريد اسويها بيج
مرادها تعرف انو هو خاف عليها من شربت السم حتى متكررها وبين الها انو هو ممهتم بيها

غزل. كذب ع روحك ادري بيك ردت تموت علمودي مهووس بيه لحد الموت متتحمل تخصر لعبتك المفضله مسكين انت متكدر بليايه ولك ردت اقتلك اني
امير. اي صح مهووس بيج اني هوووايه وبهالحاله راح اتمسك بيج اكثرر
غزل. مو مهم ارجع واموت نفسي عن قريب هالشي اياثر بيك فكره انو اموت روحي تخليني افرح لان اخلص منك وما اشوف بعد وجهك ملامحه تغيرت بكلامها وهي ابتسمت
امير. مراح اضربج واخليج تفقدين الوعي انتهت هاللعبه بعد كله ابقيج صاحيه حتى اجيب كرم واكطعه كدامج
اصفر وجه غزل
غزل. تدري لو باقيه بسجني هوايه احسن من شوفتك كلاكها ضوج امير وهو يعرف شنو تريد
امير. لا ما ارجعج بيها بعد لان تدرين اني مهوووس بيج

غزل. انت فعلا مختل عقليا
كام امير ونام بصفها وهي انطت ضهرها اله فكره هي وياه وبنفس الغرفه بدا يضوجها وخصوصا من تنام وتصحى وتلكي روحها نايمه ع ايده فضلت ترجع لغرفتها بس هو ميقبل مستغربه تصرفاته يحبها وبنفس الوقت يخاف عليها
استسلمت للنوم وبعد ساعات بالليل فزت ولكت روحها هم بحضنه لعنت روحها وحاولت تبعد بس هو جان غافي وايده الحاضناها حست بدفوها باوعت ع الوشوم الي بصدره حاولت انو تبعد عيونها عنهم لان كلش تحبهم بس مكدرت ومسكتهم
مباشرتا امير مسك ايدها وعرفت هو كاعد
امير. لتلزميهم
غزل. ليش
امير. لان نهايه هالشغله مو من صالحج😉
غزل. شكد مقرف انت اتمنى تمووت وبعدت عنه
ابتسم وسحبها عليه وحضنها حاولت تبتعد بس مكدرت تبعده عنه
وضلت بحضنه وهمه ساكتين لحد محجه امير
امير. شنو حسوي بيج هالمره يعني استخدمت وياج كل انواع العقوبات ومفاد بيج شسوي هالمره
غزل. انت مبدع بهالشي ادري بيك حتلكي عقوبه جديده الي
امير وهو يحجي بداخله. يا الله شكد مشتاق للسانج الطويل
رفعت غزل راسها ع امير وكالت. اريد اموت امير
امير. واني اريد اكطعج تكطيع بس مو كلشي نريده يصير

غزل. والله مليت وتعبت والله بعد ما اتحمل اريد امووت واخلص مدتشوف كلما ابقى عايشه مراح يتغير شي من حياتنه كلما نتقدم خطوه ليكدام نرجع الف وره اكولج من هسه شنو حيصير اول شي انت حتنتقم مني وارجع اني انتقم منك وتضربني وتهيني ونرجع نصالح وراها ممليت من هالحاله
امير بكل برود. يعني ردتي تموتين بس علمود اتخلصين مني

غزل. لا امير سويت كل هذا حتى اخلص من حياتي لان مليت والله ممليت انت من يوم الي قتلت اخوك واحنا بنفس الدوامه كل الي دنسويه دنعذب روحنه شنو الي بينه لازم يخلص لان بعد ما اتحمل
كام امير من يمها وكعد ع الكرسي
غزل. لازم نحجي امير لتتهرب من هالموضوع
امير. سدي حلكج غزل
غزل بعصبيه. لا مراح اسكت وراح تسمعني اني تعبت تحجي وجسمها يرجف لان وصلت لاخر حدها اني تعبت منك عمري كله اركض وراك وكانو اكدي الحب منك وحتى من كرهتك كمت تعذبني شوفني باوع عليه اني انسانه مو طبيعيه خبلتني ما اعرف شنو اسوي حتى انت مختل ساعه اتعاملني مثل الحيوانه وساعه احس روحي كانو اني الهوه الي انت تتنفسه تحبني وتكرهني اني تعبت الشي الي بيناتنه اسمه مرررض لازم نتخلص منه
امير يسمعها ويباوع عليها وملامحه تخووف
امير. يعني حياتج كانت تعيسه لعد واني شلون كانت مثلا جاوبيني وصرخ عليها باعلى صوته دارت وجها عنه من خوفها
امير. باوعي عليه وجاوبيني خافت من نضراته ومنه
اكير. يله مو تريدين نتناقش احجي وكام وسحب الكرسي وكعد كدامها هي تباوع عليه وتخاف حتى ترمش
يله غزل خلي تنحاسب حياه منو كانت اتعس
خافت منه غزل. كاافي
امير. لااااااا جاوبيني انتي تحبين تحجين يله احجي
شهكت غزل. يعني تريدني احجي مو لعد اسمعني اني الي شفت كل اهلي ماتو كدام عيوني وبيد اكثر شخص احبه ع وجهه الارض
امير. هسه دوري واني شفت امي تتعذب بحياتها وتتعامل مثل الحيوانات كدام عيوني وابويه محسيت بحبه وازوج وحده كان كل همها تموتني وتسممني وها اذكرت وابوج كان يعامل امي باحتقار كلما يشوفها اكو شي بعد مكلته او لا اجاه دورج يله احجي
غزل دموعها موكفت مرادت تحجي بعد بس مجبورره تحجي خوفاا منه

غزل. اتعذبت واغتصبت من اكثر انسان احبه عاملني مثل الكلاب ومعرفت ليش وهو نفسه الانسان الي كبرنه اني وياه سوه حاولت انتقم فشلت كسر كلبي اكثر من مره وشهكت وكالت قتلت ابني بسببه شفت حب حياتي يموت كدامي وكان لازم اعيش واتحمل كلشي علمود وصيته وراها الكاه عايش وميذكرني وخاطب فكرت اخذه وانهزم واعيش وياه احلى ايام حياتي بس طلعت غلطانه رجع لجبروته رجع قتل كل شخص احبه واتهمني اني خنته وهسه تصير مشكله كبيره وحينكسر كلبي من جديد لان دائما اني الخسرانه
امير وهو يبتسم. كل الي كلتيه خررريط بلي عشته اني ميعادل ذره بوجع حبج الي كل دمعه نزلت منج عندي تساوي اضعاااف الوجع الي بكلبي خمس سنوات مشتاقلج مثل المخبل وكل هذا ما اذكرج كنت فاقد الذاكره ومن رجعت اذكر اتمنيت لو كرم فعلا قتلني زواجج اله دمرني وبعد وبعد بس انتي مراح تفهميني
كام عنها وهي صاحته
غزل. بقى شي مكلته اتجمد امير بمكانه وهي مسحت دموعها الشي الي حرك كلبك كل هالاسنين انداو عليها. ادري كرم كلي
امير. سكتي
غزل. دائما اسال نفسي سؤال لو الكل عرف او انت كتلهم هالشي مكان احد اجرأ و وكف بوجهج وكان صرت الشيخ الاول بدون قتل احد صرخ امير عليها حتى تسكت بس هي مسكتت
غزل. انت تفضل تضل تقتل ولا تكول انو انت الطفل الاول لابو كرم يعني انت الاخو الاكبر لكرم وهو اخوخ الصغير
اصفر وجه اميرر من دتحجي امه مكان يصير عدها اطفال وهي اتفقت ويه ام كرم انو تاخذ امير الها وتتبناه وتربيه وبدون محد يعرف ولهالسبب ابوك كرهك ومساعدك لان انت مو ابنه وانت عرفت من زوجه ابوك قبل متموت كلتلك والغريب بالموضوع انو كرم سمع وياك هالحقيقه ومتقبلها مثلك وانت كرهته بلحضتها
امير يباوع عليها وعيونه حمره ودموعه متنزل
غزل. شوف حتى دموعك وفيه الك ومدتنزل المهم هسه مبقى اي سر بعد واني كل هالسنوات اعرف هالسر وساكته وهسه حظل ساكته بس بمقابل شي
ابتسم ورجع كعد وايده ع عيونه
غزل. اريدك تتركني اروح عيونه حست بيها توجعت
اريد اروح لمكان بعيد وما اشوفك بعد طوول حياتي الباقيه بمعنى اصح اريد نهايه حلوه لحياتي
سكت امير وعيونه ع الكاع كام وهي تشوف وجهه الي صار نفس اليوم الي قتل بيه ابوها واخوه متعرف شديفكر وخافت منه
امير. تمام راح اخليج تروحين اني هم ضجت احتمال من تروحين اني ارتاح مثل متعرفين ردت اخسر روحي من تسممتي انتي عرفت وقتها شكد اني ضعيف كدامج وحتى فكرت اشلون اقتل روحي علمودج اذا رحتي من هاللحظه لا راح احبج ولا اكرهج راح اطلعج من كلبي حتى لو اضطريت اطلع كلبه من مكانه من هاللحظه انتي حرره بس بشرط
غزل عرفت شنو الي يريده منها وصرخت. لا لا مستحيل لو اموت ما اخليك تلمسني
امير. اعتبريها وداع الاخيررر
وراح عليها وهي تصرخ باعلى صوت عدها و.......

بمكان ثاني
كانت گمر كاعده وحدها كدام الشط وملامحها مثل الميتين طول حياتها تتمنى تزوج امير لان هي تحبه وهسه صارت زوجته بس ليش تحس انو هي بس حاطها للتسلايه مثل اللوحه المحطوطه بالبيت الي سواه امير قبل اسبوع من سمعت كلام الخدم وهمه يتهامسون ويحجون عن حب امير لغزل ولهالسبب قررت تسوي شي يخليها تخلص من غزل طوول العمر
كرم. انتي اهنا
گمر. اي ومن زمان منتضرتك

يتبع ...
زينب عبد المطلب

✨✨✨✨✨✨✨✨✨✨✨✨✨✨✨✨
اسفه اتاخرت عليكم ساعه ونص عن الموعد بس هسه ياله كملت هالبارت
والي يسالون هل القصه حقيقيه فالجواب هو لا مو حقيقيه من الخيااال
رايكم بهالبارت وتوقعاتكم بالبارت الجاي
احب اقرأ رايكم مو بس تقرون
صوت مع متابعه وتعليق فديت متابعيني
وفديتكم بدون كملي اني كلت يوميا بارت ومبقى شي ع النهايه هذه امكانيتي اكتب بارت واحد فقط واشكر متابعتكم😘😘