رواية اعشقه كرهآ الفصل التاسع والعشرون 29 - بقلم زينب عبد المطلب

البارت الثامن والعشرين
زينب عبد المطلب

بعد ما عرفت غزل الي وره الباب كرم حست بخنجر دخل بكلبها حست بخوف برعب مو خوف ع روحها لا ابدا همها هو امير واذا شافه كرم كيد حيقتله وتنحرم منه مره ثانيه وخافت لتفقده مره ثانيه كل هذا وهي صافنه عليه امير عيونه اسوت من الاعصاب لزمها من ركبتها وقرب حلكه ع اذنها وكال.
منو هذا؟؟؟؟؟
غزل متكدر تحجي تحس روحها اختنكت لحد ما رجع كرم وصاحها. غزل بيج شي فتحي الباب
غزل ولا حركه اتحركت شافت عيون انير رجعت مثل قبل واذكرت كل ماضيها وياه ومحست بشي الا من كام امير وراح ع الباب ديفتحها وهي ركضت عليه وكالت.
هذا زوجي
اهنا امير بحس روحه راح يوكع من سمع كلمه زوجي
امير. شنو زوجج هسه اطلع اقتله انتي الي وتبقين الي
وغزل متاكده من امير اذا كال شي يسويه صح هو حاليا فاقد الذاكره بس اطباعه متغيرت
امير حس انو غزل اله عيونها متشوف غيره ايدها محد يمسكها غيره حس بنار داخله لفكره انو غزل احد غيره راح يمسكها وغزل تفكر انو هو فاقد الذاكره ومتقبل كرم لعد اذا اذكر وعرف انو اني مزوجته شنو حيسوي

امير. غزل انتي الي اقتله واقتل كل واحد يوكف بوجهي زين لتفتحين الباب خلي ننهزم اني وياج صح اني فقير ومو شيخ مثل زوجج ولا عندي بيوت ومزارع بس حبي الج كبير وصدكي حسوي كلشي تريديه زين شوفي اصير الج امير وانسه انو اني اسمي جود وحبيني ع محبه امير والله قابل حتى لو تشوفيني واحد ثاني المهم تبقين ويايه والله جسمي كله يرجف من احس حتروحين لاحد غيري
كلامه كلش اثر بغزل وكامت تبجي  بحيث هي الي محتاجه هالكلام من زمان محتاجه تعرف شكد حب امير لغزل هالشي فرحها وبنفس الوقت زعلها لان تعرف حتى اذا فكرت تنهزم فكرم حيلكاها وين متروح واحتمال اصلا امير ترجعله الذاكره وهي تفكر واندكت الباب للمره الثالثه وكرم يحرك بيده الباب ويدكها
غزل جاوبيني بيج شي
غزل اهنا قررت لازم تصرف بطريقه تخلي امير يروح لان خايفه عليه وباست امير هو فرح لان باسته بس بعدت عنه وكالت
غزل. انت مو تسوي اي شي علمودي اذا اختارك الك
امير. اي اكيد وكلش فرح لان اختارته
غزل. بس مو بهالطريقه لان زوجي عنده فضل عليه ومستحيل انساه
امير. لعد اقتله
غزل. دير بالك اسويها
امير. يعني تحبيه
غزل. احبك وهذا كل الي اكدر اكوله الك وحسوي كل شي تريده بس روح هسه
ابتسم امير باستهزاء   تريديني اروح واتركج بحضنه انتي مسمعتي كلامي لو شنو كتلج ما اتحمل اشوفج ويه واحد ثاني
غزل. اني الك بس انطيني صبر مو هسه
امير مااا اكدر
عرفت غزل مراح يروح فغيرت طريقه تعاملها وياه
غزل. شوف جود اذا مرحت منا واني اتوسلك فأمرك انو تروح رجاءاااا واحترم كلامي واطلع لان وربي مراح تشوف وجهي بعد ابدااا تكدر تقتل زوجي بس قبل ميموت حكون اني ميته قبله
امير صافن عليها ويضغط ع اسنانه ع كل كلمه تكولها وعيونه منزلها عنها حست غزل انو كسرت كلبه بس ماكو غير طريقه حتى يروح
راح امير من الشباك وغزل دموعها موكفت مسحتهم ابسرعه وسوت ابتسامتها المزيفه وفتحت الباب
وكرم وهو و وجهه القلق عليها ونضراته الي كلها حب لغزل انقهرت ع حاله بعمرها مفرحت كلبه بأي شي منها وهو يلحكها وين متروح
كرم. الظاهر محبيتي تفتحين الباب ومتريديني تجي بس اشتاقيتلج ومكدرت انتضر رجعتج وشاف دموعها
كرم. لا لا لتبجين هسه اروح بس لتبجين والله يكفيني شوفتج بس لتبجين
شهكت غزل وحضنته لان حست بالذنب اتجاهه مشافت منه بس الحب والاحترام وهالشي مشافته من امير حضنته اكثر وبجيها يزيد اكثر حضنها كرم بالرغم من اتفاجئ من تصرفها هذا
كرم. اششششش سكتي يروحي شنو مضوجج اذا جيتي ضوجتج هسه اروح

غزل. لا لا لتروح ابقى
فرح كرم وحضنها اقوى وكال. ما اروح وكلشي مراح يبعدني عنج يا روجتي وحبيبتي واميرتي وباسها من راسها

ثاني يوم
كعدت مها وهي قلقه ع امير قررت تروح لغرفته وتشوف شنو سالفته حييل متغير عليها وحتى من هي يمه يكون شارد فكره انو تخصره هالشي يموتها فتحت الباب بلهفه بس اتفاجئت من شافت كلشي بالغرفه مكسر وجود الي هو امير مموجود بيها

كرم ظل الليل كله وعيونه ع غزل الي منامت عينه ولا لحظه اجاها وهو ملهوف لان لمياء دزتله رساله وكلتله انو غزل مريضه ومحتاجتك ترك كلشي واجاها ومنصدك هسه هي كدامه باسها من راسها وكام للحمام
اول مدخل فتحت غزل عيونها والليل كله جانت كاعده بس مغمضه عيونها حتى كرم ميسالها شي وبالعا يم امير وشنو الي سواه
يعني اذا شافه كرم يقتله هذا اذا اصلا مذكر امير كلشي وهو يقتلنه
اووف منج يا لمياء ادري بيج انتي الي كتيله تعال اعرف سوالفج بس صدك انتي غبيه يعني ابدا مراهمه جيه كرم
وهي صافنه حست تحد وره البرده عينها ع باب الحمام ليطلع كرم لان عرفت هذا امير
شافته وهو بنفس ملابس البارحه الدم بعده بخده جامد ومماسحه شعره مخربط مبين عليه حتى منايم  وريحته كلها شرب
غزل مذهوله. شدتسوي اهنا روووح وعيونها ع باب الحمام
امير وهو ساكت ومبين عليه ماسك روحه بكل صعوبه
غزل. رووح كتلك اندارت حتى تبين انو هي معصبه جرها امير اله وسالها. مسكج زوجج
اندارت غزل وتريده بس يروح
اترجاك رووح
امير وهو يضغط ع اسنانه ويحجي.  مسكج
غزل. لا لا ممسكني
امير يضغط ع ايدها بكل قوته. تدرين البارحه شصار بيه من وره التفكير انو هو مسكج او باسج ردت اموووت
غزل انعصر كلبها رادت تحضنه بس كالت. روووح
امير. لتكوليلي اروح امشي اروح سوه اني وياج والله اصير عبد الج اصير الج كلشي وانطيج روحي وحياتي وكلبي شتريدين بعد بس امشي ويايه زين اني مو اذكرج بزوجج امير يله امشي واتخيليني هو والله قابل تحبيني ع واحد ميت بس هذا لا
عرفت غزل انو الحجي الي ديحجيه دياذيه بس مابديها شي تسويه
غزل. راح اجي وياك مثل مكتلكبس اصبرلي
(طبعا غزل تعرف الي دسويه مو حرام لان اصلا امير زوجها مميت ويعتبر زواجها من كرم باطل بس دتفكر انو هي متريد تصدم كرم بعد ما انطاها كلشي واحترمها))
غزل. يله رووح واني اوعدك مراح اخلي كرم يمسكني وروح اخويه ما اخليه بس روح
واريد منك شغله ابدااا لتخلي كرم يشوفك اذا شافك كلشي راح يدمر ويعرف كلشي
امير. ههه لان اشبه زوجج الاول وحيعرف كرم بخيانتج اله لان شفتيني متكوليلي شنو سالفت امير الكل يعرف بعشقج اله وحبج تدرين كمت اغار من واحد ميت
غزل. اترجاك احلفلي متخليه يشوفك
دفعها امير حييل وكال. هذا امر؟؟
وهو يدفعا وهي عيونها ع شفايفه مشتاقه لزوجها لان محد مسكها قبله ولا بعده مشتاقه لهلانسان الي بلياه هي تنتهي
امير حس بضعفها وفرح
غزل. هااا لو امر اني داتوسل الك واكولك هالشي
قرب امير شفته عليهت بس مباسها وشاورها

ما اخذ اوامري من مراه فهمتي يروحي وعضها من اذنها
هي بقت مغمضه عيونها ومحست الا وباب الحمام انفتحت جسمها اتجمد ولا قطره دم بقت بوجها فتحت عينها بس ملكت امير ارتاحت بس كلبها راد يطلع من مكانه
غزل. سولفلي اشجابك البارحه مسالتك لان كلت يجوز تعبان
كرم. ليش مفرحتي بشوفتي
غزل. اي فرحت بس اتفاجئت
مسك كرم ايدها وصفن عليها
خليني اباوع لعيونج بس ثواني
صفنت غزل عليه وهو وعضلاته ومبين عليه القوه بس مستحيل مثل امير لان امير دائما محط الانظار من هو صغير والكل يحبه ويحب شكله وجان كرم دائما المرتبه الثانيه وره امير
كرم. شبيج شو سرحتي
غزل. هااا ولا شي يله بدل حتى اعرفك ع ابو مها
كرم. الا اليوم والله تعبان وعاجبني بس ابقى وياج حست بكلامه خناجر بكلبها
غزل. لا امشي بدل ونروح نزوره يله اسمع كلامي
كرم. ههههه حاضر
غزل. يله امشي بدل بالحمام حتى اني هم ابدل كرم. والله اني زوجج زين بدلي وما اباوع عليج
دفعته غزل للحمام وسدت الباب وراحت ابتسامتها. اني اسفه

طول النهار ولمياء ادور ع امير ولكته وحان مبين عليه معصب
مها. متكولي وينك
امير. جان عندي شغل
مها. يا شغل اصلا بابا مدزك ع شي
امير. كاافي اني ما اشتغل عده لابوج
استغربت مها من صرخ وحست بخوووف اول مره هيجي تشوفه عيونه تخوف وجسمها كله يرجف
امير حس ع روحه واتاسف منها. اني اسف عذريني شويه مضغوط بالشغل
مها وهي تبجي. اني خايفك منك وعليك حاسه بيك بعد متحبني مثل قبل انت متدري شكد احبك واعشقك حياتي بلاياك ما اطيقها  انت حب طفولتي لتعوفني
امير. هالحجي شيليه من راسج ما اتركج ابداا
طبعا ديكذب وهو منتضر اشاره من غزل حتى ياخذها ويروح
فرحت مها وحضنته

بمكان ثاني

غزل وكرم ولمياء وابو مها كاعدين يسولفون طبعا ابو مها فرحان بكرم وطول الكعده غزل عيونها ع لمياء الي تتهرب منها وتدري هي الي دزت عليه
كرم انتبه ع غزل معصبه. شبيج حبيبتي
غزل. شويه تعبانه
لمياء. ربي يديم فرحتكم سوه
غزل حبت تضرب لمياء بوكس لو بس تسكت
ابو مها طلب من امير يطلعون يشوفون البساتين والشغل
بقت لمياء وغزل بقن ساكتات لحد محجت لمياء
لمياء سويت كل هذا لمصلحتج
غزل. لا انتي الي تفكرين بمصلحتج من اليوم الي عافج بيه فراس
غزل تعرف هالكلام حيجرح لمياء بس لازم تحجي
لمياء. مبين عليج معصبه بعدين نتفاهم
غزل   ولج الي سويتيه خيانه الي وتدرين كرم اذا شافه يقتله ونتحمل ذنب شخص برئ انتي تغيرتي مو لمياء الي اعرفها ولج عبالج ما ادري من رحتي ع كرم وكتيله ع هارون من اجه علمود ياخذني لان امير طلب منه ياخذني ولج انتي فتنتي ع مكان هارون وخليتي كرم يقتله وتدرين بيه شكد احب هارون واحترمه ومكتلج وقتها وسكتت ومعاتبتج لان كلت صديقتي واختي  رجعي مثل قبل لمياء الي اعرفها

ضحكت لمياء. ههههه صديقتج الي زوجها تركها اول يوم بعد ما اخذ الي يريده وتركها
خليني مثل ما اني وعندي سلطه وهسه احب اكولج حضري روحج باجر نرجع
غزل.  تدرين انقهر عليج اني تدرين فراس متركج علمود غايه بداخله انتي ضايجه منه لان فراس اختار كرم وتركج 
كامت غزل دتطلع بس لمياء حجت شي وكفها
لمياء. اني اعرف الحقيقه ادري هو هذا امير مو جود ماكو هيجي شبه قوي بين اثنين اني عرفته هو ونضراتج اله ونضراته الج خلتني اتاكد هو امير بس فاقد الذاكره وهسه نجي ع الكلام الي لازم اسمعيه
بما انو هو امير فلازم هسه احنه نرجع بااجر ومترجعين اهنا بعد ابدااا والا احجي كلشي لكرم واخليه يقتله وحتى ميعرف جود شنو السبب اصلا
اتفاجئت غزل من كلام لمياء. تهدديني
لمياء. اي اعتبريه تهديد. كالت لمياء هيجي لمصلحه غزل
غزل. لعد اسمعيني زين اذا حجيتي حرف واحد اخذ ملاك واوديها لابوها واحركج منها واشمرج بالشارع
لمياء. مستحيل اسويها
غزل. نسيتي اني مرت الشيخ وكلشي اكدر اسوي اذا كلتي حخسر امير بس انتي كلشي تخصرين
لمياء. تدرين لو امير هسه سمعج حيفرح بيج هووايه صرتي نسخه عنه

غزل. خسرته مره ممستعده اخسره بعد الحب يحولنه لملائكه بس العشق يحولنه لوحوش
الحب حلو بس العشق لا
واني اعشقه واحرك الدنيا علموده هالشي لتنسيه بعد ابدااا
وهسه يله بااي يا صديقتي
طلعت غزل ولمياء مصدومه كامت و كسرت كلشي كدامها

كل الي سوته غزل لمصلحت لمياء اول شي حتى تبطل تهددهاوتصحى ع روحها وترجع مثل قبل وع الاقل تكدر تصرف وبدون متدخل

غزل عرفت انو اكو وحده سحاره موجوده بنفس الولايه راحت الها بدون علم احد وطلبت منها شي محد طالبه قبل وهو شي يخلي الشخص ميسترجع ذاكرته ويبقى ناسي كلشي راح
وعدتها السحاره انو تحضره اله وادزه الها باقرب وقت
فرحت غزل ومنتضرتها ترسله

كعدو الكل سوه ماعدا لمياء تحججت بالمرض وامير الي اتحجج بالشغل
سال كرم ع امير لان انعجب بيه هوايه يحجون بيه وبقوته وعقله وشغله
مها. عنده شغل
فرحت غرل حتى خطتها تمشي مثل متريد
طبعا مها من شافت كرم انبهرت بجماله بس هو عيونه بس ع غزل
ابو مها. اي هو كلش زين جود ولهالسبب اختاريته زوج لبنتي مع العلم هو ماعنده اهل
ضاجت غزل من كلامه وكالت بين نفسها والله لو تعرف هذا جود منو يكون هسه تبول ع روحك
كرم. وين صافن الحلو اليوم طالعه كيكه
غزل. ادري صار الف مره كتلي😊
باسها من خدها. ولا راح امل
مها. يالله شكد حلوين سوه وشكد تحلها
كرم. هذا اميرتي بعد
مها. وينه جود حتى يتعلم منك
كرم. اتمنى اشوفه حتى نصير اصدقاء
غصت غزل بالعصير وتفكر. ولا بالف سنه انتو تكونون اصدقاء اصلا اذا جمعوكم سوه بغرفه واحد ياكل الثاني
كرم. اسم الله حبيبتي
غزل. ماكو شي حروح ابدل وانت ظل كاعد شويه وارجع
بمكان ثاني كان امير كاعد بالتسطبل ويحجي ويه حصانه ولك اني حالي كلشي ما اكدر اسوي لو بيدي هسه احركهم كلهم ولك دير بالك تحب احد والله تتاذى وتتندم
غزل. لا لا مو خوش نصيحه اصلا العشق اذا ميجربه الواحد حيندم وميعتبر اصلا عايش
انصدم امير من شاف بلوه حياته واكفه بفستانها وشعرها واناقتها
امير. شششششطالعه هاايه شنو طالعه اتخبلين شنو هاللبس والذهب
اي طبعا عندج رجال غني ويجيبلج دار وجه
وغزل نزعت كل مجوهراتهاوراحت عليه
غزل. هلوو اسمي غزل وابويه وامي واخويه ماتو من وره واحد مريض نفسيا
اكره الحفلات احب القراءه والنوم صرت مرت الشيخ غصب عني اصلا لو بيدي اعيش بكووخ ويه شخص احبه  بدون ميكون مريض نفسيا واني كلش كلش معجبه بيك وغمزتله
ضحك ودار وجهه ضربته ع كتفته وصافحته وهسه عرفني عن نفسك
امير. اسمي جود واشتغل واعيش اهنا نص حياتي ما اذكرها عندي مساكل ويه العصبيه وحاليا اني....
غزل. شنو
امير. حاليا اني حبيت وحده بخبال
انصدمت غزل من كلامه لان متوقعت هالكلمه تطلع منه اخر مره واول مره كللها احبج من ضرب اخوها
امير. حبيتج من اول لحظه شفتج بيها صرتي جزء مني اصلا انتي كلشي صرتي بالنسبه الي روحي وكلبي وعقلي كلهم الج وملكج اريد اعقل كدامج ما اكدر اريدج الي وحدي ادري بيج انتي تشوفيني اشبه زوجج بس
مكمل كلامه وباسته غزل عرف امير سوت هالشي حتى تتهرب من هالموضوع
غزل. تدري انت متشبهه انت احلى منه هو محلو لامن بره ولا من جوه عمره مسمعني شي حلوو كل الي شفته منه هو العذاب
بس انت كلامك  يخليني اطيررر. وصدكني لو عارفتك قبل امير زوجي جان حبيتك اكثر واختاريتك انت
اني احبك هسه انت مو علمود تشبه زوجي لا بس هو ميسوى ضفرك فرح امير بهالحجي بس غزل كالت هيجي حتى تموت امير الحقير ويبقى امير الي ميذكر شي ويحبها بجنون
امير. متاكده
غزل. اي بس اريد اكولك شي مهم اذا فديوم خنتمي ادفنك وانت حي لان عندي مشاكل ويه الغيره
ابتسم امير. حااااضر اصلاعيوني متشوف غيرج
قرب ديبوسها بس سمعو صوت احد يصيح
امير. ابقي ويايه وحضنها وبدا يبوس بيها وهي بادلته هالشي. ونست نفسها ونسكت كلشي
حسو اكو احد قريب
غزل. تالي وياك اريد اطلع روح شوف منو بره حتى اروح
امير. خلي ننهزم من هسه
غزل. باجر صدكني باجر ننهزم سوه
فرح امير وممصدك من كلتله باجر نروح
امير. اشكرج اني هووايه صدكيني حخليج اسعد انسانه بالدنيا مراح تندمين ابد ابد ابد اني احبج لا اني اعشقج  واسوي اي شي علمودج
فرحت غزل وكامت تبجي لان كل ال رادته راح يصير راح تاخذه وتعيش وياه احلى عيشه
وضحكت
غزل. اريدك باجر تحضر النه طريقه ننهزم بيها
امير صدكيني مراح تندمين
غزل. ادري بهالشي وهسه لازم ارجع
امير. لا
غزل. الصبر حلو  يله اريد اروح باوع امير ع غزل وعرفت من عيونه شكال وجاوبته
غزل. واني احبك اكثر
صحك امير وطلع وشاف واحد بره وغزل طلعت بدون ميشوفها
امير. شعندك اهنا
الحارس. اكو عاصفه جايه واجيت اربط الاحصنه واكو بعد بره اكو احصنه لازم ادخلها
امير. اي روح اجمعهم
الحارس صفن
امير. هاااي شبيك وين رحت
الحارس. اول مره اشوف شكلك فرحان
امير. لان هذه احلى ليله بحياتي
يله هسه روح كمل شغلك
وظل امير يفكر بغزل وحبها وشلون خلته يمتلك الدنيا كلها بس اكو شي حس بيه انو اكو شي مو زين حيصير حس بخوف وعصبيه مكبوده جواه
بس مراح استسلم راح احاوب لحد ما اخذها وننهزم سوه

جانت غزل متمدده ونايمه وتباوع ع كرم وتحس بالذنب اتجاهه اول مرجعت للغرفه بدقايق دخل وراها سوت روحها نايمه ظل يلعب بشعرها لحد مغفى وهي فتحت عيونها وصفنت شلون حتركه وحده وهو وحبه الها واحترامه وكلشي سوه علموده بس هي تعرف انو الي دسويه مو غلط هي حترجع لزوجها مو لاحد غريب
جان حبت كرم بيوم من الايام بس لوماكان امير موجود وكانو هي انخلقت بس علمود امير اصلا من عرفت بيه مات جان موتت روحها وراه بس شي لداخلها جان يكول الها انو هو بعده عايش وحتشوفه مره ثانيه 
كامت وكفت ع الشباك وشافت العاصفه والمطر القوي واذكرت ايام الطفوله ويه امير واذكرت ضربه الها وعقوباته وقسوته وحبه وعشقه وهوسه بيها  عرفت انو هذه فرصتها الثانيه اجتها حتى ترجع تفرح وحتنسى كل الي سواه بيها وتسامحه يكفي انو هو تغير وصار مثل ما تخيلته وباجر حتروح للسحاره حتى تشربه وتخليه ميذكر الي راح
ومن اليوم لا دموع ولا حزن وصحيح راح يزعل كرم بس احنا نستحق انو نفرح اني وامير 
صار صوت رعد قوووي كلش خلاها لغزل ترجف من صوته وخافت منه رجعت لفراشها بس عرفت اكو شي حيصير

امير جان يجمع بالخيول والمطررر كلش قوى
الحارس. هسه شلوون شوف المطر صاار قووي كلش  لازم نستعجل
وامير استعجل وكدرو يرجعون كل الاحصنه الا واحد ظل امير يدور وتعب لحد ما صار صوت الرعد بعد اقوووى وكانو الدنيا صارت نهار برق ورعد سوه وبلحظه شاف غزل واكفه وهو واكف وراه وادي  و واحد لازميه اثنين ويصيح اميررر
وغزل كدامه وكلامها ممفهوم و وحها شاحب وحس روحه يوووكع وحتى وجع الضربه حس بيه  واستغرب سنو الي ديصير
وسمع صوت الحارس وهو يصيح   دير بالك الشجره حتوكع عليك
ومحس امير الا والشجره وكعت ركض عنها بس اوراقها هي الوكعت عليه وحس روحه حتطلع بس سمع صوت وحده تكوله.  كوم امير كوم يا ابني وجعه كلبه لان هالصوت فعلا وجعه من سمعهراد يرد عليها مكدر صوتها كانو سامعه بس ميعرفها شكلها منو ميعرف
ضحكت ومدت ايدها اله. ابني اني يمك كووم
ظل يباوع عليها برعب وكال. امي؟؟
هالكلمه كسرت كل قيود امير  ورجعت كل ذكرياته مثل السهام  صرخ باعلى صوت ومسك راسه الم فضيع بيه بثواني اذكر كلشي طفولته وحياته وكلشي مر بيه  وانقهر ع هالخمس سنوات الي خدم بيها وهو اصلا شيخ واكثر شي اذاه انو هو نسه كلشي بس كلبه منسه غزل وانو هي ازوجك كرم وهسه يمه كام يصرخ وحط ايده ع كلبه كانو واحد راح يشلعه لكلبه
جسمه يرجف مو من الخوف لا من الحقد والكراهيه اخذو كلشي منه كرم انتصر عليه واخذ منه كلشي حتى زوجته
وزوجته خانته اعصابه كامت تسد وهو يتوعد بيهم واحد واحد راح يحركهم ولا واحد راح يخلص من شره
انما غزل.  هههه راح اخليج تشوفين شي عمرج مشفتيه صدكيني الي راح ميجي ذره من الي حيجي
ومن ينتقم منها وراها مراح يستسلم الها ابدااا
اندار والكل صفن عليه شكله تغير ملامحه عيونه وكفته كلشي تغير بيه خافو منه
الحارس. جود شبيك تغيرت
امير. اسمي اميرر مو جود الشيخ اميرر
وكام ضرب الحراس الواكفين كدامه وموتهم كتل
امير. الكل خلي يشهد اميررر رجع وهسه وين زوجتي الحلوه😡......

يتبع
زينب عبد المطلب

رايكم بهاابارت واحب اعرف توقعاتكم بالبارت الجاي
ولحد يكولي بارت قصير صار بيه 3000حرف يعني هد حيلي والله
بس تستاهلون😘😘