رواية اعشقه كرهآ الفصل الثلاثون 30 - بقلم زينب عبد المطلب

البارت التاسع والعشرين

فزت غزل من النوم وهي كلش عركانه وخايفه كلش وايدها ترجف  حطت ايدها ع كلبها وهي خايفه باعت ع كل الغرفه محد موجود بس كرم ونايم  هذا حلم حطت ايدها ع عيونها لان حسته كان حقيقهحست اكو شخص ثالث جان بالغرفه ويباوع  عليهم  حست بيهم من كل جهه  وشكد محاولت تفتح عيونها مكدرت بس تدري هو ديباوع عليها اكلها بنضراته الي كلها رعب وكراهيه
بس حمدت ربها انو هذا حلم وهي حتعيش سعادتها ويه امير متكدر تعاقبه او تلومه ع شي سواه ومديذكره فالنسبه الها هو امير الطيب الي حتكضي عمرها كله وياه
ورجعت نامت....

الصبح
كعد كرم ويباوع ع غزل وهي واكفه كدام المرايا وكلش حلوه طالعه وبس تبتسم حس كرم اكو شي بس فضل انو يسكت يكفي يشوفها تضحك
كرم. اليوم تضحكين واني من اجيت لحد هسه عبالي ضايجه مني واشوفج مضحكين
غزل. بالعكس جيتك جانت احلى مفاجئه الي
صح غزل دتكذب بس اختارت سعادتها ويه امير
غزل. كرم اريدك تعرف شي اني حبيتك وحاولت بكد ما اكدر احبك صح قصرت وياك بهوايه امور بس انت عوضتني عن كلشي انطيتني الاحترام والتقدير فما اريدك يوم من الايام تنسى هالشي نزلت دموعها وصح كرم مفهم معنى كلامها هذا وشنو سبب بجيها بس حضنها ورادها تسكت لان ميحب يشوف دموعها

نجي ع الحب (امير)😍
الليل كله كضاها بالاسطبل كاعد ورافع راسه ويفكر بالكلام الي سمعه من الرياجيل الي جوي ويه غزل ولمياء مبقى شي مسالهم عنه عرف خلال هالخمس سنوات شنو سوه كرم و ويامن اتصالح ومنو الي عاداه وعرف منو من الي كانو شيوخ ويه امير ضلو رافضين كرم وعرف منهم راح يبدي الحرب مالته
وعرف منو الي مات ومنو البقى وعرف انو فراس صارله كل هالفتره بالسجن وفكر شلون يدزله خبر انو بعده عايش حتى ينتضره ويطلعه
كل هالفتره يفكر شنو جانت تسوي غزل ويه كرم اذا حضنها او باسها او عاملها كزوجه اصعب شي دمره هو هالمرضوع حقج غزل تزوجين اني متاكد انتي اكثر وحده فرحت بموتي حققتي انتقامج واتزوجتي كرم وخنتيني وهسه خنتي كرم بجود
ما ادري اذا انتي عرفتيني اني امير وفرحتي بيه لو تفكيرج جان بس بجود وطيبه كلبه هو انتي تحبين الضعيف حتى تسيطرين عليه
كرهت جود بكد كرهي لكرم صح هو اني نفس الشخص بس يكفي انو هي فكرت بيه وربي يا غزل راح اتفنن بتعذيبج وراها اقتلج انتي والكلب كرم ما اعرف شلون اليوم الفجر مسكت نفسي ومقتلكم بالغرفه سيطرت ع حالي لان انتو الي حترجعوني لولايتي ولازم اصبر وبعدين الانتظار حلو حتى اعرف شلون احركم حرك

طلع كرم حتى يتريك وغزل لحكته جانت دتمشي بالممر وحست احد وراها وسحبها وحط ايده ع حلكها
امير. اششششش هذا اني
رادت تندار بس هو منعها لان يدري اذا يشوف وجها يشوها اكيد وحط راسه ع ركبتها وبدا يشم بيها كانو اول مره يتنفس بعد خمس سنوات راد يمسك راسها ويعصره بيده ويفلشها بس كره روحها لان بعده يشتاقلها  قرب جسمها عليه خمس سنوات وهي بعيده عنه زين فكرت بيه بجت عليه لا اكيدد يريدها بكل شي بيها ونفس الوقت يكرها شلون لحد هسه بلمسه منها تخلي جسمي كله يرجف
اتمنى هسه وبهاللحظه يقتلها يطلع كلبها يسلخها يحركها بس عرف كل هذا مو وقته
حضنها حييل
غزل. كافي جوود
اميرر😡عيونه صارت نار بس كالت اسم جود حس انو هي تخونه ويه روحه
غزل شبيك
امير. لا ماكو شي ورجع باسها من كبتها وكلما تريد تندار ميقبل بقى يبوسها وهي تضحك لحد ما كدرت تندار واضحكتها راحت من شافته عيونه كلها ظلام وحقد وكره واشمئزاز ابتسامه خبث لوما متاكده انو امير فاقد الذاكره والا جان هسه هي ميته فقنعت روحها بهالشي بس ليش احسه هذا امير رجع بنضراته مو جود حطيت ايدها ع خده وكالت. احسك متغير اليوم
امير. ادري صاير احلى صح
غزل. اي صح وضلت لدقائق هي صافنه عليه وهو صافن عليها جانت ملامحه جامده وابتسامته ميته حست اي هو هذا امير اعرف نضراته بس لا هو ميذكر شي
غزل. اليوم ع اتفاقنه ننهزم مو صح رتبت الوضع
امير.  اكيد وظل يباوع عليها
غزل. شكو صاير شي
امير. اليوم طالعه حلوه وخصوصا شعرج المفتوح صدك يلوكلج اكثر من القصير
راحت ابتسامه غزل
وانت منين عرفت شعري كان قصير
امير. لان دائما رافعته فعبالي هو قصير
واليوم كلش حلوه طالعه
ابتسمت غزل وحضنته وهو اشمئز منها لان مستحيل هالمره حيصدكها ولو يعرف يحرك روحه ميصدكها بعد وغير الكراهيه الي بكلبي الها مراح يكون غير شي
امير. فكرت انو مننهزم
غزل. شنو
امير.  تدرين اذا انهزمنا منا بسهوله يكدرون يلكونه وخصوصا الي يساعدون ابو مها حيلكونه ففكرت اجي وياكم ومحد يشوفني حتى اهناك نكدر ننهزم واكيد انتي تعرفين هوايه اماكن نروح ننهزم بيها
غزل. اي صح شلون فاتتني هالسالفه بس لازم ننهزم بسرعه لان ما اريد اظل افكر بخيانتي كرم

فكرت غزل انو غلط تاخذه وياها وترجعه بس مو بيدها تحبه وهو حاليا فاقد الذاكره واليوم حتشربه حتى يظل ناسي كلشي

امير يباوع عليها لو بيده يخنكها الكلبه تفكر بالخيانه شكد علساس انتي زوجه وفيه

غزل. تمام تجي ومناك ننهزم ونعيش بيتنه وحتكون احسن اب
امير. وانتي تحلى ام
بس ذكر هالكلمه اذكرت غزل ابنها الي خصرته من وره الانتقاام
شاورها امير اليوم حنتضرج حتى نتناقش
ابتسمت
امير يا الله شكد مشتاقلج بس لازم اسيطر ع روحي وبعدين اتمتع بتعذيبها صحيح هي جانت الضوه الي بداخل كلبي بس هسه كلشي ماكو الها بكلبي وهالشي فرحه لان ماكو شي حيوكف بوجهه حتى ينتقم منه وخس بالحرريه من غزل
غزل. جود اني احبك
امير. ادري واني هم يله روحي ليحسون بتاخيرج راحت ابتسامه غزل وعرفت اكو شي بس مثلت الضحكه بوجهه حست اكو شي وره ضحكته البارده وملامحه الغريبه  اششش غزل انتي دتتخيلين
من راحت غزل رجع امير لملامحه الواضحه وكلها استحقار وكراهيه مسح خده لان مسكته حس بالاشمئزاز منها بس صبريلي الا اخليج ادفعين الثمن غالي ومحس الا وصوت طفله
ملاك. ليش واكف هيجي
اذكر امير ملاك لان نساها تماما وظل صافن عليها
ملاك. ليش تباوع عليه
امير. خررب راح يتخبل من يدري بيج
ملاك. منوووو
امير. روحي لامج وديمشي ومسكت ايده  اتجمد امير بتصرفها وباوع عليها حتى عيونها تشبه فراس
ملاك. شكلك مختلف اليوم
امير. شلون يعني
ملاك. ما ادري  مبين عليج معصب وعاملتني برود احنا مو اصدقاء
امير. اني ما اصادك الاطفال
عوجت حلكها عود زعلت
امير.  لتحاولين ويايه بنضراتج هذه
ملاك. ليش متتقشمر هالحركه بس اسويها لخاله غزل تتقشمر بيها
امير.  اي مو خالتج ثوله واصدكج
ملاك. انت اليوم شكلك يخوف شبيك ليش عصبي
امير.  الي معصبني وحده اريد اذيها بس لازم اصبر بعد
ملاك. اتفهمت مبين عليك حيل ضايج منه
امير. اكثر ما تتخيلي
غزل. اشسوتلك
نزل امير ع ركبتها حتى يصير بطولها.  حركت روحي وحط ايده ع كلبه تعرفين شنو احقر طريقه للقتل هي تطعنين كلبه الوجع الي يطلع من هالطعنه مستحيل احد يتحمله ويتغلغل بعضامج تتمنين تخلصين منه كل جسمج تحسيه يحترك الوجع هذا يشبه المووت هي هذا اسوء طريقه وضرب كلبه
ملاك. فهمت يعني الي طعنك بكلبك وجعك
امير. اي بس هالوجع اكثر بالاف المرات اذيه
ملاك. بس انت بعدك عايش ممتت
امير.  بس من بره بس هالشي زين خلاني اصير اقوى من قبل واقسه
امير. يله روحي لامج
راحت ملام بس رجعت اندارت وكالت. اسمع
اذا تريد تعاقب هالشخص اني وياك واساعدك حتى لو متعترف بهالشي بس احنا اصدقاء
ضحك انير. صدك انتي بنت ابوج وراح قبل مساله اي شي بعد

كعدت غزل وبالها بس بامير وشلون حسته رجع مثل قبل حاولت تقنع نفسها انو الصار مجرد اوهاام وامير بعده ممذكر اي شي بس جانت حاسه بخوف من نضراته
فزت من شافت لمياء مسكت ايدها
لمياء. شبيج غزل 
هذه المره الاولى الي لمياء تحجي وياها بعد متعاركم و وحده هددت الثانيه
باوعت عليها غزل لان جانت مشتاقتلها مشتاقه لصديقتها لاختها لان لمياء هي الشخص الوحيد ال بقالها من ذكريات اهلها

لمياء. شبيج وجهج اصفر
غزل. عبالي اني وياج متعاركات وحتضلين متحجين ويايه يعني مكرهتيني
لمياء. اكيد لا اني احبج انتي اختي واعرف كل الي كلتيه مو من كل كلبج واصلا كلامج صحيح اني من وره فراس تغيرت بس صدكيني غزل والله مكنت ادري انو كرم حيقتل هارون عبالي بس حيحبسه مثل فراس فكرت بس احميج هذا كل همي جان والله العظيم انتي وملاك اعز اثنين عندي
غزل. ولج لوما كاعدين العالم جان حضنتج احبش يحقيره
ضحكت لمياء وكرم وملاك باوعو عليهم وابتسمو
غزل. ولج كوومه عندي حجي اريد اكولج عليه ولج ممصدكه انو اني لكيته كمت احبه اكثر من قبل لج هذا دمار كل الي سواه بيه بعدني احبه وهسه هو ميذكر شي يعني عادي الي داسويه موو
لمياء.  ما اعرف تعالي لغرفتي واحجيلي كلشي بالتفصيل فرحت غزل للن فعلا تريد تحجي واشتاقت لصديقتها

امير كعد وهو عرف واستفسر ع كل الاشياء الصارت بغيابه رفع راسه للحديقه وشاف غزل ولمياء كاعدات كانو غزل دتنقنعها ع شي لان اعرف سوالفها
اووف يلمياء بس لو يعرف فراس بنته وربي اله يدمرج احسابج وياه
راحت لمياء وامير اتبسمر بمكانه ميكدر يتحرك  وهي كاعده وحدها وصافنه ظل يراقبها باكثر من ساعه واتمنى يبقى هيجي للابد كرها لغزل بكل ذره من روحه
بس اشتاقلها وهو ميذكرها اشتاق لضحكتها لنفسها كلشي بيها تغير وصارت احلى واقوى بس بعدها حزينه اذكر من جانت تهينه كدام مها وابوها اكيد فرحت الكلبه
زين هي ليش ازوجت كرم وليش حبت جود
زين تدري بيه هو اني نفسي امير لو فعلا حبت شخصيتي الثانيه وعبالها مو اني
الف سوال براسي ديدور والف عذر انطاه لنفسه حتى يبرر سوالفها الي سوتها بس بدون فائده ايريد اياذيها حتى تدفع ثمن كل الي سوته بيه والي تعذبه من وراها
كامت غزل بس حس بيها مثل الداخت خاف عليها بس بلحظه اجاها كرم وسندها هالمنظر دمره لامير ودمر كل ذره بداخله
مبعد عينه عنهم وهو يشوف كرم يبتسم الها وهي هم عيونه صارت حمره دم واعصابه شدت هذه زوجتي شلون والي حاضنها مو اني حس الدم يطلع من خشمه اليوم هو ثالث يوم يموت بيه اول موته اله من ماتت امه وثاني موته من وكع بالوادي وهذه الموته الثالثه
بس حس فعلا بالكرهه وياها وفعلا راح يقتلها
فعلا منضركم حلوو شوف يكلبي حتى بعد متحن عليها واذكر هي الي قتلتك وراح اخلي الكل يدفع الثمن واولهم كرم وكل الشيوخ الي باعوني اما انتي يزوجتي الحبيبه زوجتي القديمه انتي الج حصه الاسد كلشي حيبلش من هالليله وراح
اندارت غزل حست اكو احد جان ديباوع
كرم.  شبيج
غزل. ما اعرف حسيت احد ديباوع علينه
كرم.  ايجوز الحارس بس اكولج من البارحه كل الرياجيل الي اجوي ويايه وياج اغلبهم ماهمه
بدا الشك يدخل بغزل شنو يعني لا لا بدا جسمها يرجف حاولت تهدا واذكرت لازم متخليه يذكر وجابولياه واني قنعت لمياء بهالشي و وافقت اذا يظل ناسي كلشي
غزل. شنو رايك بعد باجر نرجع وبلغ ابو معا لان اني اضوج اروحله هوايه يحجي
ضحك كرم. ههههه تمام
وانتي روحي نامي شويه حتى نتعشى سوى راح ورجعت غزل تفكر لتخافين مراح يذكر واصلا لو اذكر جان هسه انتي ميته لازم اكو سبب اختفو بيه الرياجيل وبعدين فكره انو امير رجع يذكر ابدااا ما اريد اتخيلها
ههه اول مره احس انو اريد امير ميت ونفس الوقت اريده عايش
يله صيري قويه الشغله سهله روحي وخليه يشرب وبعد ميذكر وهذا هو النهايه السعيده

امير كاعد بغرفته ودخلت مها وكامت تصرخ ع امير. ليش انت هيجي مجاهلني صار كم يوم متغير عليه واحنا عرسنه بعد كم يوم وانت ممهتم شسويت اني كول احجي
انطيتك كلشي صوت عبده الك حبيتك  وانت طول عمرك جنت تحبني شتريد بعد ليش متغير
هي تحجي وامير صااافن عليها وبكل برود جندت مها من انتبهت عليه هذا مو جود لا عيونه ولا نضراته ولا ملامحه جمدت من الخوف بمكانها
امير. عندج خيال واسع وفوك كل هذا اجيتي بوقت غلط كلششش
غزل وصلت لغرفه امير تمشي خطوه وترجع عشر خطوات اتفكر شلون اذا اذكر لا مستحيل يذكر وحتشربه حتى يظل ناسي كل شي ويظل امير الجديد الي حبته اكثر بشخصيته الجديده عيونه كلها حب وحنان مابيها كره وحقد
دكت الباب وانتضرت دقائق ياله فتحها ومن فتحها جان شعره مخربط
امير. شبيج تعالي دخلي
غزل. هااا اي اجيت
شبيه اني عبالك اول مره اشوفه لوما هو زوجي وشايفته بكل حالاته
دخلت وشافت الفراش مخربط والغرفه مخربطه شوي
غزل. يمكن اجيتك بوقت مو مناسب
امير. بالعكس شوفي اصلا حضرت اكل الج
غزل. اكيد مذكر شي لان امير لو يموت ميسويلي عشه رومانسي
امير كعدي هسه شويه واجيج
دخل للحمام يروح ويرجع لو بيده هسه يطلع ويقتلها بس مبقى شي بس اصبر يوم واحد  بس صعب عصر ايده حتى تروح العصبيه وره شويه سيطر ع حاله  وباوع ع المرايه وطلع
غزل. رتبت الغرفه كلها
طلع امير وصفنت عليه
دخل وكعدو سوه وهي تباوع ع ملامحه البارده وهو ساكت
غزل. رتبت الغرفه والاكل شنو رايك نشرب عصير
وكامت وانطته ضهرها كامت وحطت السحر الي يخليه بعد مترجعله الذاكره حطته كله حتى ترتاح ايد ميذكر بعد وجسمها وايدها يرجفون
امير. شكتيله واجيتي يمي
غزل. منو كرم. هاا يدري بيه بالغرفه باقيه ومراح اطلع منها
اندارت وجابت العصير ومتباوع عليه بس عرفت انو هو ديباوع عليها
امير متاكد انو غزل مسويه شي لان من هي صغيره يدري بيها من تسوي مكسوره متباوع عليه وترجع شعرها وره اذنها  وهو اتاكد انو غزل تعرف بيه هو امير بس عاجبها شخصيتي الجديده لان جبان وضعيف
شربت غزل من عصيرها وهي ترجف
امير. طالعه حلوه
غزل رفعت راسها وشافت النضرات والجمود الي بيه هذه تعرفها كلش زين هذه نضرات امير بس لو هو صدك اذكر جان هسه قاتلني اني وكرم وحتى لمياء لا لا بعده ممذكر لازم اخليه هسه يشرب حتى ارتاح
غزل. اشكرك
اشرب عصيرك
انير. تعالي كعدي بحضني
اتفاجئت غزل من طلبه وعباله يشاقه بس ملامحه جانت اكيده انو هو رايدها
كامت وكعدت بحضنه ونزلت راسها
امير. ليش خجلتي الظاهر زوجج مجان يكعدج بحضنه صحيح انتي مو مزوجه اثنين منو تحبين اكثر
صفنت غزل ع كلامه وهو منتضر ردها
غزل. الاول اخذ كلشي مني
والثاني انطاني كلشي
بس انت رجعلتلي كلبي وروحي ونسيتنياهم اثنينهم حبيتك انت اكثرهم
اهنا امير كره نفسه وغار منها لان حبت شخصيته الجديده
امير. اي زين يعني من تباوعين عليه تشوفيني اني جود مو امير
غزل. اي اشوفك انت جود وامير راااح صار ماضي
امير. اي الاموات راحو وهو بنار جهنم ديتعذب مو لان يستاهل

وجعها كلبها غزل رادت تكوله لا لتحجي ع روحك انت امير حبيبي بس لازم تسكت لان فعلا لازم امير يموت ويحيا جود بمكانه
مجاوبته بس هزت براسها يعني اي
امير ملامحه تخوف غزل بس محب يشككها بيه
امير يله منشرب العصير باوع ع عصيره وهو يعرف غزل حطتله شي بس متاكد مو سم من وره مرت ايوه كل انواع السموم والاسحار عرفها هلكد مشربته ورادت تخلص منه
بس حس انو هالشي الي حطته علمود تبقي امير مدفون وتكعد جود
امير. تعالي انتي شربيني بيدج
خافت غزل وانخطف لونها
ابتسمت بكذب وتعرف هالشي صعب عليها متكدر تسويه  وامير اتقصد هالشي حتى تمون هذه المره الثانيه الي تقتله بيه
تباوع ع العصير وصفنت
اتمنى امير ترفض ميريدها تسوي هالشي وتتخلص من مني علمود شخصيه مو حقيقيه هالشي دمره عنده استعدا يقتل الدنيا علمودها بس هي حتضحي بيه
باوع عليها ورفعت الكلاص وكالت شنو نسمي هاللحظه
امير. نسميها النهايات السعيده
قرب الكلاص ع شفايفه وهي ترجف
امير. شبيج شنو حاطتلي سم
وحتى لو حاطتلي هم اشربه مسك ايدها حتى تبطل ترجف وشربه كله وهي دمرعها نزلت شنو حموت ليش تبجين
غزل. اني اسفه بس هذه هي الطريقه الوحيده اني احبك واريدك تتاكد من هالشي
سامحني وحضنته والله سويت هالشي حتى نبقى سوه كلبي كام يوجعني والله سويتها علمودك
امير. اششششش شبيج مدافهم شي
رجعت تبجي وامير يباوع ع الكلاص
ياغبيه اول مجبتي الكلاص وجبتج بحضني بدلته بس بعدين راح اشوفج المعنى الحقيقي للاسف
ابتسمت غزل لان هذا هو خلص امير شرب وانتهى كلشي ممصدكه امير القديم رااح

وكف امير وسحب غزل وحضنها حيللل

نروح لمكان ثاني موجود بيه اخطر الرياجيل الي يحبسوهم وحتى ضوء الشمس ميوصلهم
الحارس. متكولي هذا شكو نوكل بيه شوف عيونه عبالك يريد يقتلنه والله لو نقتله ونرتاح
لك اسكت يوميه مسوي مكسوره وحتى مره مقفلنه الباب عليه كلنه خلي ينهزم ونقتله علساس هرب ولك حتى متحرك خطوه
فراس. وينكم كعدين تكصون بيه ولكم جوعااان يله ينسوان مكافي سوالف واشتغلو

الحارس. هاك اكلك وكمله للاكل وروح راح نطلعك روح انهزم

فراس. لا لا جرحت مشاعري  اصلا ما اروح منها لان ما اكدر بلياكم انتو الاثنين ويله روح خلي اكل براحتي
الزمن غير هوايه بفراس  حس انو هو ميت كل هالاسنين ممهتم شنو بره حيكون لان خايف يعرف الي بره شنو  لان يدري الحياه الي مابيها امير ميريدها

كمل اكله ونزل الصينيه جوه الباب رجعت الصينيه من جوه وبيها ورقه فتح الورقه وظل صافن كمل قرايتها وصفن  وكال
ههههه واخيرا راح يبدي اللعب
ثاني يوم
اليوم هو موعد رجوع كرم وغزل وامير لولايتهم واجتمع كرم وابو مها وغزل للوداع بس معا مكانت موجوده سالت غزل عليها وابو امير بلغها انو هي وجود راحو سفره ويه اصدقاءهم وحيتاخرون بالرجعه غزل استغربت من هالشي بس اتوقعت انو انير اصرف ويه مها لكن بالحقيقه مها مكانت رايحه سفره لان بعد ما راحت لامير وعصبت عليه هو شمرها من شباك غرفته وماتت ونزل عليها واخذها بمكان ودفنها حتى محد يعرف بيها وين
وبعد ما كمل رجع لغرفته واجته غزل وسهر وياها
نرجع لوداع كرم وغزل فهمت لمياء الخطه انو يكون امير وياهم من ضمن الحرس ويرجعون للبيت
امير جان واكف من بعيد ويشوف غزل وكرم يودعون ابو مها وكله حقد وكره
ملاك. متحب كرم مو
استغرب امير من شافها يمه وجاوبها اي شمدريج
ملاك. لان نضرات عيونك مبينه واني هم ما احبه صح يجيبلي كلشي بس ما اعرف ليش بداخلي ما احبه
امير. صدك انتي بنت ابوج شغله وراثه بعد
ملاك. شنو
امير. ولا شي يله امج تريدج
وبعد ما ودعو الكل واتوجهو لولايتهم وامير جان وياهم والطريق كله يراقب غزل وتصرفاتها ناار بداخله وهي يم كرم بس يدري كل هالحقد الي بداخله ديكبر وهالشي فرحه
وبعد سااااعات طويله وتعب وصلو وامير يشوف العالم والشارع ويشم هوه ولايته وممصدك هذا حالها
لمياء. تعال ورايه اوديك لمكان محد يشوفك بيه بين متجي غزل وتشوفك
امير يمشي ويتلفت
لمياء. اميد مشايف هيجي بيت وبساتين
امير. بس مستغرب شعجب مصابغين البيت وردي لان هاللون يوالم شيخكم
لمياء. شنو
امير. ولا شي

اول موصل كرم راح حتى يشوف شصار بغيابه وغزل تنفست براحه من وصل بس مستغربه من تصرفها يعني هالانسان هو الي قتل اهلها ومديذكر اي شي ورغم كل هذا مكرهته
وهسه حتروح تشوفه لان طلبت من لمياء توديه لغرفتهم القديمه صح هي متريده يذكر بس هذا المكان الوحيد الامان لان مقفول من يوم الي مات امير بيه و قررت تروح تزوره
انما امير اول مدخل للغرفه عرف بطريقته الخاصه واكيد اكو جان اله اشخاص مخلصين يحبوه بس مبينو هالشي كدام غزل او كرم او اي احد
عرف منو الي ضده ومنو الي وياه وشسوه كرم وهو ماكو ويفكر انو يوم واحد بس يفصله حتى يرجع لكرسيه لان اليوم مسوين حفله وكل الشيوخ الي خانوه حاضرين
وفراس طلع واكيد راح لكل مناصرين امير واتفقو بكلشي
فراس. يعني صدك  انت موجود
اندار امير وباوع ع فراس كان واكف وعيونه دموع
شكد اشتاق لغباءه متغير بيه شي بس ملامحه صارت اكثر رجوله لان السجن غيره
امير. بشر لكيتني بسرعه لو تعبت
صفن فراس ع امير والف سوال بداخله يعني معقوله بعده عايش معقوله ممات اني جنت حاس بيه عايش بس اتاخر لحد مطلع حاول متنزل دموعه كدام امير
امير. الظاهر منتضرني احضنك ونبجي مثل النسوان
ضحك فراس ومسح دموعه وكال. سامحني اني مكدرت احميك لا كتابع الك ولا كصديق
اني اسف 
ابتسم امير وتقدم وحضنه
فراس. ولك اشتاقيتلك ضعت بلياك اذا متت مره لخ اموتك والله
امير. يله كافي
فراس. ولك جسمك صاير اصلب يمكن الموت فادك
ضحك امير
فراس. يله هسه احجيلي شنو الخطه منو اول واحد حنقتله الله عليك نقتل كرم اول واحد

امير.  بعدين اكولك
فراس. ليش مو هسه احجيلي
زين انت مو رجعت وين جنت شنو جنت نايم
ولك انت من رحت سجنوني واخذو كلشي مني ولك حتى هيبتي راحت
امير. جنت عبد وجنت فاقد الذاكره
ضحك فراس. هههههه شنووو  ارجع عيد نن البدايه عقلي الصغير مديستوعب انت شنووووووووو........

يتبع
زينب عبد المطلب

✨✨✨✨✨✨✨✨✨✨✨✨✨✨✨✨✨
اسفه اتاخرت عليكم بنزول البارت بس نزلته الكم وبارت فوك ال3000كلمه يعني بدون كملي لان باجر موعدكم مع بارت جديد
وهسه رايكم بهالبارت وتوقعاتكم بالبارت الجديد شوفوني تعليقاتكم الحلوه
وصوت مع متابعه😘😘