رواية عاشقه مغلفه بالقسوه الفصل الثالث 3 - بقلم Norhan Labib

فى شركات الشافعى
كان يجلس فى مكتبه وعلى وجهه معالم الحزن والهم وكأن هموم الدنيا تراكمت عليه فمنذ ما حدث بينه وبين اسيل وهو اخذ يبحث عن الحقيقة الكامله بعيداً عن عمه اسامه وقد عرف حقائق واسرار يعجز العقل عن التفكير فيها فقد قتل عمه والدته وكذلك ورط والده والشركه فى اعمال مشبوهة من تجارة مخدرات وسلاح كان يأذى بها الألف من ابناء وطنه
وكذلك لم يكفيه كل ذلك بل كان يضع الأعشاب السامه له حتى يقتله بالبطئ اخذ يتذكر كيف كان عمه يزرع فى رأسه الاكاذيب اتجاه اسر الطحان كالسم الذى يجرى بالعروق
فلاش باك
فى احدى الجامعات الداخليه بإنجلترا كان يجلس ادهم يفكر فى كلام والده وما حدث له وكيف الت به الامور منفى خارج وطنه قطع شروده صوت طرقات على غرفته من احد المعلمين الذى اتى ليخبره ان هناك احد اتى  لزيارته خرج من حجرته متوجه لمكتب مدير الجامعة طرق على الباب بأدب منتظرا اذن الدخول وحين دخل وجد عمه اسامه الشافعى يجلس بصحبة مديره اتى لذيارته
المدير متحدثاً بالإنجليزية
المدير:أدهم لقد اتى عمك لزيارتك ساتركما على انفراد لبعض الوقت

ادهم :شكرا لك حضرة المدير
بعد خروج المدير توجه ادهم ناحية عمه معتقدا انه طوق النجاة بالنسبة له ولكنه لا يعلم ان خلف ذلك الوجه البرئ والشخصية الطيبة شخص اخر خبيث
حاقد تسبب بموت عائلته وموت الكثير غيرهم
ادهم:عمى انت وحشتني قوى
اسامه:وانت كمان يا حبيبى وحشتنى خالص هو ده المكان الى رماك فيه ابن الطحان
ادهم :اه رمانى هنا بعد ما الوصيه قالت انه هو الواصى عليا
أسامة :فكرك ان ابوك كان هيخلى الواصى عليه صحبه ويسيبك تحت رحمته
ادهم بعدم فهم:قصدك ايه يا عمى
اسامه بخبث:قصدى انت فاهمه كويس ابوك كان كاتب فى وصيته ان انا اللى اكون الواصى عليك
ادهم:طب لما بابا كان عوزنى اكون تحت وصيتك
ازاى واللى إسمه كان فى الوصية اسر الطحان
أسامة :على فكره فيه حاجه اسمها تزوير واكيد ده هو اللي عمله زور فى الوصيه عشان ابوك مش هيحطك تحت وصاية صاحبه واخوه موجود
ادهم:يعنى بكلامك اللى انت بتقوله ده يمكن يكون
هو اللى قتل ماما وكمان يكون هو اللى حط الاعشاب لبابا عشان تجبله جلطه
قاطعة اسامه وكأنه لا يفهم حديث ادهم
اسامه وهويمثل عدم الفهم:انت تقصد ايه بكلامك ده يا ادهم
ادهم:بابا حكى ليا انه........... ثم اخذ يقص عليه ما قاله عاصم الشافعى
أسامة مدعى بصدمه :يا نهار اسود هو عمل ده كله
اتارى كنت بشوف نظراته لمامتك انا قولت لابوك اكتر من مره عاصم مش كويس اقطع علاقتك بيه
بس هو ما كنش بيسمع الكلام والنتيجة اهية
هو وامك ماتو واسر اهو اخد الشركة تحت جناحة
ادهم بغضب :بس انا مش هسكت والله لاندمه على كل اللى عمله وهخليه يكره اليوم اللى اتولد فيه
اسامه بخبث وكأنه وصل لمبتغاه:تعجبنى يا ابن اخويه انا همشى بقا يا ادهم ومتخفش انا اللى هقفله بس اوعى تقوله على زيارتى ليك وإلا ممكن يأذينى ويأذيك ده شرانى والبلد كلها فى جيبه وكل ما افضى هبقى اجى ليك
رحل اسامه الشافعي تاركا خلفه أدهم نيران الحقد تأكل فى قلبه والشعور بالانتقام داخله بيذيد
ولم تتوقف زيارات أسامة الشافعى عند هنا فقط بل تكررت مرات عديدة وفى كل زياره كان يبث كلامه السام عن اسر الطحان وافعاله حتى جعل انتقامه يعميه ولم يبحث عن الحقيقة فكان كلام عمه فرمان مصدق به
عوده للحاضر
آفاق ادهم على صوت صديقه سيف
سيف:ادهم.. ادهم
ادهم بتوهان:ها فيه ايه
سيف:لا ده انت مش هنا خالص ايه الى واخد عقلك ومخليك تايه كده ده المفروض انك حققت انتقامك والراجل مات خلاص وخلصنا منه يعنى نحتفل ادهم بتنهيده:لا نحتفل ايه احنا هنشمت فى الموت ولا ايه وبعدين انت شكلك ما تعرفش اللى حصل وانا خايف يكون صح
سيف بتسأل:خايف يكون صح هو ايه اللى حصل
ادهم بتنهيده:اخذ يقص على صديقه كل ما حدث بينه وبين اسيل فى المطعم الى ان انهى حديثه هو ده يا سيدى اللى حصل
سيف:يا نهار اسود انت عارف ان اللى انت بتقول عليه ده حقيقى ده معناه انك السبب فى موت اسر الطحان بس ده مش معناه انك تاخد كلام اسيل حقيقه مسلم بيها لازم نتأكد احنا هنروح ل حسن المحامى ونشوف الادله اللى اسيل بتقول عليها دى موجوده ولا لأ
ادهم:طب يلا بينا بسرعة
سيف:يلا
خرج ادهم وسيف من مكتبه خارجاً من الشركه بأكملها متوجهاً الى مكتب المحامى حسن سالم
الذى تحدثت عنه اسيل
________________________________
امام برج شاهق الارتفاع يظهر عليه الفخامة والرقي
اصطفت سيارة ادهم وخرج منها هو وصديقه متوجهين الى مكتب حسن سالم المحامى
صعدفى المصعد الى الطابق العاشر
الذى يوجد به المكتب دخلا الى شقه تتميز بالرقى بها
عدة غرف ومكاتب عديده
توجها الى احد الموظفين
ادهم:لو سمحت فين مكتب استاذ حسن
الموظف:المكتب بتاعه اللى هناك ده
ادهم:طب شكراً

ذهبا اتجاه السكرتيره
ادهم:لو سمحتي ممكن أقابل استاذ حسن
السكرتيره برسميه:حضرتك عندك معاد معاه
ادهم:فى الحقيقة لأ بس انتى ادخلى وقوليله ادهم الشافعى بره وعايز يقابله وهو هيوافق
السكرتيره:طب اتفضل حضرتك استريح
دخلت السكرتيره الى مكتب حسن سالم
السكرتيره :أستاذ حسن فى حد بره عاوز يقبلك ضرورى
حسن بأهتمام :ما تعرفيش مين
السكرتيره :بيقول اسمه ادهم الشافعى
حسن:ايه طب دخليه بسرعه
خرجت السكرتيره من مكتب حسن تعطى ادهم اذن الدخول
السكرتيره :اتفضل يا ادهم بيه حسن باشا مستنيك
ادهم:طب شكرا
دخل ادهم وسيف تحت عبارات حسن المرحبه
حسن: اهلا وسهلا يا أدهم
ادهم:اهلا بحضرتك انا ادهم....
لم يستطع ادهم اكمال حديثه بسبب مقاطعة حسن له
حسن:ادهم ابن عاصم الشافعى انا وابوك واسر الطحان كنا اعز اصحاب انت متعرفش انا مستنى زيارتك من زمان
ادهم:فى الحقيقة انا كنت عاوز أعرف كل حاجه حصلت زمان بين عمى أسامه وبابا الله يرحمه بس ياريت من غير ما تكدب عليا فى حرف
حسن:اخذ حسن يقص على ادهم ما حدث منذ سنوات بين اسامه من (بداية وصيه جده بأن تذهب كل الاموال لعاصم وحب اسامه ل مها والدة أدهم  ورفضها له وكذلك اكتشاف عاصم انه السبب وراء موتها وكذلك الموت المفاجئ لعاصم والذى اكتشف اسر الطحان بعد ذلك انها كانت جريمة قتل وليس موته طبيعة وكذلك وضع ادهم تحت وصايه اسر)
انتهى حسن من كلامه:بس ياسيدى هو ده اللي حصل
سيف بتسأل:يعنى اسر الطحان ما زورش خالص فى الوصيه ولا خان صحبه
حسن بنفى:لا طبعاً الوصيه انا اللى كتبها بنفسى وكانت برغبه ابوك الكامله يا ادهم ده حتى اسر ما كانش يعرف عنها حاجه
ادهم:طب هو ليه بعتنى لندن لو ما كانش طمعان فى حاجه من الثروة وكان عاوز يسرق من غير ماحد يقوله تلت التلاته كام
حسن بغضب:بص انا ما اسمحش لأى حد انه يتكلم عن اسر بالطريقة دي وعلى العموم يا سيدى انا كنت مع اسر فى كل خطوه بيعملها عمك كان مورط ابوك والشركه فى شغل مشبوه من غير ما حد يعرف
فعاصم وداك لندن عشان يبعدك عن كل ده ويبعدك عن خطر أسامة لانك لو كنت ادام عينه كان زمانه قتلك من زمان اسر حط عيلته ونفسه فى خطر زى ما بيقولو وش المدفع وهو اللى وقف وساخة عمك السنين الفاتت وكان بيحميك منه وتيجى انت تتهمه بالخيانة ده مراته وحب عمره كمان راحت ضحية عمك قتله بدم بارد بس عمك كان ذكى ما سبش دليل وراه
ادهم:يا استاذ حسن انا مش عايز كلام ان عايز دليل ملموس على كلامك ده
حسن:فى تسجيل صوت وصوره لابوك فيه الكلام اللى انا قولته لا ناقص كلمه ولا زاد كلمه
ادهم بسرعة :طب وريه ليا بسرعة
ذهب حسن لخزينته واخرج منها ذلك التسجيل
استمع اليه ادهم وسيف وكذلك حسن وكان التسجيل يؤكد كلام اسيل وحسن شعر ادهم بالندم الشديد على ما فعله مع اسيل ووالدها وهو الذى
لطلما كان يحميه من بطش عمه ووقف امام ودفع ثمن ذلك غاليا كانت ذوجته الحبيبه والان عليه ان يصلح ما فعله عليه ان يعيد مجموعة الطحان كما كانت وكذلك عليه ان يحاول ان يعيد اليه اسيل ولكن يجب ان يفعل ما خربه سابقا
_________________________________________
فى مطار القاهرة الدولي
كانت تجلس اسيل بجانب اخو والدتها صالح حسان
وعلى ملامحها معالم الحزن والأسى
صالح:أسيل حبيبتى انتى متأكده من فكرة سفرك دى
اسيل بحزن:اه يا خالو متأكده انا عرفه انى هتقل عليك انت وطنت ميرا يا ريت تستحملونى لحد ما الاقى مكان اعيش فيه واظبط امورى
صالح:انتى عبيطة ده لو ما شلتكيش الأرض نشيلك فوق راسنا وبعدين انتى ناسيه ان مامتك الله يرحمها كان ليها نص الاقصر وكمان نص المجموعة بتاعة حسان يعنى انتى هتقعدى فى ملكك يا اسيل
وكمان ده غير انى خالك ميرا كمان كانت صحبت مامتك الانتيم وكمان انتى بنتها فى الرضعة
تنهدت اسيل:انا عارفه كل ده يا خالو بس مش عاوزه اتقل عليكو
صالح بجديه:بصى ما تفكريش فى حاجه غير انك رايحه تعيشى فى بيتك وصت اخواتك
اسيل محتضنه خالها
اسيل:شكراً يا خالو انا مش عارفة اقولك ايه
صالح مقبلا جبينها:ما تقوليش حاجه انتى بنتى اختى يعنى انا زى ابوكى
صدح صوت يعلن عن
على ركاب الرحله512المتوجه الى نيويورك التوجه الى الطائرة فوراً
صالح:يلا يا اسيل دى الطيارة بتعتنا
تحركت اسيل مع خالها الى مدخل الطائرة التى سوف تقلع بعد دقائق تاركه خلفها ماضيها الجارح وعاشق قسى عليها بأنتقامه الى بلد اخر ومدينه اخر لترسم مستقبلها كما تريد مبتعده عن كل الاحاسيس من الحب والعشق فهل ستنجح فى ان تعيش بعيده عن الماضى والامه ام سيعود الماضي ليفتح جراحها من جديد
:
:
:
:
توقعاتكم
يترى ادهم هيرجع اسيل ليه؟
ولا مصيرهم هيكون الفراق الابدى؟
:
:
:
;
يتبع