الفصل الثالث

رواية عائلة الحاوي الجزء الثالث 3 بقلم تقى محمد عائلة الحاويرواية عائلة الحاوي الحلقة الثالثة _آسرررر. _ايه جدي كويس؟ _اه كويس. _طب ايه مرات عمي فيها حاجة انطقي يا رنا!! _لأ لأ متخافش مفيهاش حاجه والله. _امال ايه انتي فيكي حاجه؟!! صرخت فيه _يبني اتهد بقى خليني اقول اللي جايه عشانه. _ارغي. _انا عاوزة حبايه مهدئ بالله عليك. _لأ يا رنا احنا قولنا مهدئ لأ. _مش قادرة يا آسر دماغي هتتفرتك من الصداع والله.

_تعالي ننزل نجيب حاجه حلوه إنما مهدئ لأ. _اووووف بقى،طب بص هي واحده بس وهنوقفه خالص اوعدك. _لأ برضو و جهزي نفسك عشان تعملي اللي اتفقنا عليه. _ايه اللي اتفقنا عليه مش فاكرة؟ _والله مش فاكرة؟ _مش فاكرة يا آسر. _طب أحلفي كده انك مش فاكرة؟ _يووووه،فاكرة يا آسر بس انا مش هقدر اعمل كده. _ليه يا حبيبتي مش هتقدري. _عشان دول صحابي يا آسر مقدرش ابعد عنهم. _هسألك سؤال؟ _لأ متسألش مش عاوزة اسمع. _صحابك دول امك؟ _ايه يعني ايه؟؟

_يعني امك هي الوحيده اللي متقدريش تبعدي عنها هي و جدك،صحابك دول امك او جدك؟ _لأ. _يبقى تقدري تعيشي من غيرهم عادي عشان نشوف كمان حوار الكليه اللي سيادتك مش بتروحيها. هربت بعيني للسقف تجنبا لنظراته _كليه ايه؟ _وحياة امك اللي قاعدة تحت دي؟! _تؤ طب ايه دخل الست الوالدة في الموضوع دلوقتي بقى؟ _بت متتغابيش عليا. _طب ايدك و الشاكيت طب يعم. _طب علفكرة بقى انتي المفروض هي دي آخر سنه عشان تتزفتي تتخرجي زي ما جدو قالي صح؟

_امممم صح. _هو انتي في كليه ايه اصلا؟ _اصلا،طيب انا في طب أسنان. _طيب عاوز أسألك سؤال؟ _انت اخدت عليا اوي خد بالك ها. _معلش استحمليني. _و انا استحملك ليه يا عم هو انا كنت امك ولا ابوك؟! _معلش خديني على قد عقلي. _ماشي اتفضل. _انتي دخلتي الكليه دي بسهوله و لا تعبتي في الثانوي عشان تدخليها؟ دموعي بدأت تنزل و انا بتكلم _انا كنت دخلاها عشان بابا كان نفسه في كده و هو سابني و مشى و انا مش عاوزة اروحها عشان

بفتكر بابا وهو بيشجعني أنجح فيها. طبطب عليا بحنيه _طب سؤال معلش لو عمي الله يرحمه كان معانا دلوقتي كان هيفرح بنجاحك ولا لأ؟ _اكيد طبعا. _طب انتي تعرفي ان عمي شايفك و فخور بنجاحك بس الفرق انه مش معاكي و مش عارفه تكلميه. مسحت دموعي وبصتله _يعني ايه؟ _يعني هو سامعك و معاكي بس انتي مش شايفاه بس لو اتكلمتي معاه هيسمعك. عيطت تاني _بس هو وحشني اوي اوي يا آسر بجد. _انا عارف والله و وحشني انا كمان.

فضلت تعيط بإنهيار و هو مش عارف يهديها _طب بصي اهدي و انا هخليكي تروحي القبر بتاعه و نتكلم معاه كمان،ايه رأيك؟ _بجد؟ _اه والله. _بس هو هيسمعني؟ و دموعها نزلت بغزارة على خدها و هي بتقول _بس هو كان زعلان مني. _اهدي بس مين اللي قالك الكلام ده؟ _محدش قالهولي انا اللي عارفاه. _طب احكيلي ايه اللي حصل. غمضت عيوني بألم و دموعي على خدي و انا بفتكر _Flash Back _سباق عربيات يا رنا؟

_يا بابا انا بحب العربيات و بعدين انا لسه بدأه من فترة صغيرة والله. _يا حبيبتي هو فيه دكتورة سنان حلوه كده تروح سباق عربيات؟ _اه انا عادي. _يا رنا الحاجات دي بتبقى للشباب مش للدكتورات الحلوين زي دكتورتي. _طب بس اروح السبق بتاع انهاردة عشان مهم و خلاص هبطل اروح، وعد مني. _رنا لو روحتي السبق الزفت اللي بتقولي عنه ده انا هزعل منك اوي و ملكيش كلام معايا بعد كده. و خد مفاتيح عربيته من على الشيفونيرا و موبايله و نزل

و انا طبعا مقدرش ازعل بابا حبيبي مني ف دخلت غيرت هدومي و قعدت استناه عشان اصالحه بس و انا قاعده موبايل ماما رن و لقيتها بتعيط ف قومت بسرعة ناحيتها _فيه ايه يا ماما مين بيكلمك؟ _ابوكي عمل حادثه و في المستشفى يا رنا. انا فعلا اتصدمت بس مش وقت صدمه نزلنا بسرعة انا و ماما في عربيتي و روحنا المستشفى بسرعة و هناك لقينا جدو و عمي مهدي و كمان آسر و ملك فضلنا مستنين شويه و بعدين الدكتور طلع و هو وشه في الأرض

_لا الدنيا لنا و ما كنا للدنيا انا لله وإنا إليه راجعون. _Back فتحت عيني بعد ما خلصت و انا مش قادرة اتنفس كويس من كتر العياط و هو ناولني منديل من قدامه مسحت بيه دموعي و بصتله _شوفت هو مشي و هو زعلان مني و انا ملحقتش اصالحه حتى كل ده بسببي انا! _طب بصي اولا هو مش بسببك ابدا ده قضاء وقدر و ده نصيبه عمره خلص ربنا كان مديه روحه امانه و حان الوقت انه يسترد أمانته.

و بعدين مين قالك انه زعلان منك انا عارف ان عمي الله يرحمه عمره ما كان بيزعل منك ده كان بيحبك اكتر حد فينا كلنا. _هو مشي عشان متضايق مني لو مكانش متضايق مني مكانش مشى. _مين قالك كده بس انا قولتلك انه قضاء وقدر يعني كده كده كله مكتوب يمكن لو كان قعد في البيت كان برضو اتوفى ده قدر مكتوبله. انهرت تاني _بس هو مشي و هو زعلان مني!! _طب ايه رأيك نجيب ورد و نروح للقبر بتاعه و تكلميه و تعتذريله؟ _بجد ينفع؟

_بجد والله بس الاول تلتزمي في الكليه شويه و تبعدي عن الشله دي و انا لو لقيتك ماشيه تمام هاخدك و نروح،ديل؟ _ديل،الراجل ميرجعش في كلامه. ضحك _المهم الدكترة مترجعش في كلامها بس و احنا عنينا والله. _عدى اسبوعين تلاته و فعلا كل اللي في البيت لاحظوا تغير رنا للأحسن الحمد الله و كنت ماشي معاها على أننا صحاب و ان هي تحكيلي كل حاجه و بعدت عن الشله الفاسدة دي و انا كمان بعدت عنهم بس الحاجه الوحيده الي لسه

متغيرتش أننا لسه قاعدين مع جدو في الفيلا. _يا آسررررر. _ايه يا بنتي دخله المخابرات دي بالراحة يا ماما. _انت وعدتني و احنا عاملين ديل ها؟ _مش ناسي و هنروح النهاردة كمان يا ستي يلا يكش يطمر. قومت ضربته في كتفه بغيظ و روحت اغير هدومي و جبنا ورد التوليب اللي باللون الأحمر اللي انا و بابا كنا بنحبه و روحنا. و قفنا قدام القبر و لقيت آسر قرب حط إيده على القبر و قال _السلام عليكم يا عمي وحشتنا يارب يجمعنا بيك

في الجنه بإذن الله،روني حبيبتك كانت جايه تقولك حاجة. و بعدين بصلي _انا هبعد شويه عشان تتكلموا براحتكم. و سابني واقفه و بعد _بعدت وقفت وراها بس بعيد شويه بحيث متكونش شايفاني كانت واقفة في الأول ماسكه الورد بس و بعدين قربت حطته على القبر و قعدت جمبه و سمعتها وهي بتتكلم لإني مكنتش بعيد اوي _بابي انا آسفة متزعلش مني انا آسر ساعدني و بعدت عن السباقات خالص و بحاول التزم في الجامعه عشان اتخرج و افرحك. و بعدين بدأت تعيط

_انا مكنتش عاوزاك تسيبني دلوقتي و تمشي انا كنت عاوزاك تفضل معايا شويه كمان لسه مشبعتش منك مش لاقيه حد يقولي دكتورتي الحلوة زي ما كنت بتقولي انت آخر مره قولتهالي و احنا بنتخانق قبل ما تسيبني و تمشي، وحشتني بجد انا عارفة انك سامعني دلوقتي آسر قالي كده ف لو حضرتك سامعني انا آسفة اني زعلتك مني في يوم. و بعد شويه لقيتها مسحت دموعها و بدأت حوار كأنها بتتكلم مع حد و بما اني طبيب نفسي ف

احب اقولكم ان ده عقلها الباطن بيرد عليها كأنها بتكلم باباها بالظبط و الحاله دي بتشتغل لما تكون الصدمه شديدة ف العقل بيبدأ يسأل و يرد على نفسه في نفس الوقت. _بعد تقريبا اسبوع كمان حالتها اتحسنت اكتر و بقت تنزل تقعد معانا شويه بعد ما تيجي من الكليه و رجعت علاقتها مع ملك تاني و بقو احسن من الاول كمان. _آسر عاوزك في مكتبي. كنت لسه جاي من الشغل و يدوب هطلع اوضتي بس جدو نده عليا ف رجعت تاني عشان اروح ل يحيى بيه.

_نعم يا جدو اؤمر. _اقعد يا آسر. _متقول يا يحيى فيه ايه عشان هموت و أكل. _اترزع يا حلوف قلب جدك. قعدت و بصتله _حاضر يا يحيى،ادينا قعدنا. _اسمها جدو يا حلوف. شاورت بإيدي على عيوني بمعنى”عيوني” _انا قولتلك لو عرفت تتصرف مع رنا هكافئك صح؟ _حصل يا يحيى. برقلي برفعة حاجب ف عدلت كلامي _قصدي حصل يا يحيى بيه. _بص يا حلوف قلب جدك انا قررت اكافئك مكافأة فريدة من نوعها. _بلا فريدة بلا ولاء بقى انا هموت و اكل اقسم بالله.

_اتكتم عشان اكمل. _اتفضل يا جدو. _انا قررت اجوزك رنا بنت عمك. _….