رواية عد الى قلبي الفصل الأول 1 - بقلم الكاتبة روجمان

اسمي ريمان عمري 20سنه طالبه كليه مخطوبه

اني من عائله وضعها  المادي طبيعي عندي اخوان اثنين واني واختي 
واختي مزوجه والدي موظف  يعني عائله بسيطه وعايشين والحمدلله تبدي قصتي لمن  انخطبت لاابن عمي

.....الو
.....ها حبيبي وينج
.... هاي شبيك خبصتني انتظر شويه
....موصارلي فوك النص ساعه دانتظر
....اي شنو يعني انتظر بعد
....اوكي حبيبتي دانتظرج

سديت التلفون وكلت لنفسي اوف شكد يزعجني اوف
وتمشيت وطلعت من الكليه وشفت سيارة مال سيف
واكفه رحت تقدمت على السيارة وفتحت الباب وصعدت

كلي
.....هلو حبي اتاخرتي
....اهوووو شبيك سيف شسويلك متصبر متريد بعد لتجي
تنتظرني محد طالب منك توصلني

...لاحبيبتي اني تعرفين شكد اخاف عليج  ومااكدر
اخليج تروحين ويا واحد غريب
...سيف اني مو طفله حتى كاعد اسوي هاي سوالفك
رجاءا بطل هاي الشغلات
...ريمان شبيج بسرعه اصيرين عصبيه
....موانت اضوجني كلش
....اوكي اني اسف بس الجو حار وجنت واكف دانتظرج
....سيف كافي اريد اروح للبيت
...اوكي هسه اوديج
سكت ورة شويه كلي
...حبيبتي حياتي لظلين ضايجه تعرفيني شكد احبج وروحي
بيج واخاف عليج موبيدي
اني مجاوبته  ظليت ساكته
...رمونه حبي كافي زعل امشي نروح نتغدة اني وياج
واذا محتاجه شي تشتري وارجعج  للبيت
..مجوعانه اريداروح انام
....براحتج
وظل سيف ساكت لحد موصلنه للبيت واخذت الجنطه مالتي ودانزل وجان يكمش يدي وباسها ...وكلي...
....والله احبج والله اموت عليج وكلبي يوجعني من اشوفج
زعلانه تعرفين شكد اتاثر اني من اشوفج ضايجه
...باوعت عليه وجريت يدي قوي ونزلت وكلتله
...باي سيف
سمعته يصيح ريمان بس سويت نفسي مداسمع
ودخلت للبيت وسديت الباب
واول مادخلت للمطبخ تلكتني ماما
....هلو رمونه
....هلو ماما بس الله يخليج لدكوليلي رمونه
.....ليش ولج
....هذا سيف كاعد ويصيحني رمونه بحيث كرهت اي احد يكلي هيج
....ريمان شنو مشكلتج ويا سيف لان يحبج هيج تسوين
وياة
....اني مااضوج من عندة لهذا السبب وافقت عليه من اجى
خطبني بس بي هوايه شغلات اضوجني ودورات تخليني
اكرهه
....شبيه بله مدكوليلي لولان خوش ولد وشاريج
وعيونه متباع غيرج تعرفين هو يحبج من جنتي طفله وكبر
على حبج بس اذا اظلين ‏بهل النكرزة ترة يعوفج
.....اوي دخيل الله ميعوفني واخلص
.....والله ياماما اني خايفه عليج بعدين يعوفج من ورة سوالفج
وتعظين اصابيعج ندم ‏
....لاماااتندم
....اوف منج ريمان لشوكت اظلين بهل الخشم العالي
والراس اليابس لاعبالج لان حلوة الدنيا بس تفتر عليج
الرجال يحب المرة الي تحتوي وطالع عيونه يحب المرة
الي تحترمه وانتي هوايه ددوسين بطن سيف
....عوفينه من سيف هسه اريد اصعد ارتاح محتاجه شي مني
....لابنتي روحي
....اوكي
....صدك ماما اليوم عيد ميلاد تغريد صديقتي عزمتني اني وياج
....اي روحي اني بالنسبه الي مااروح
بس ها اكلج شوفي سيف يقبل لا
....لاوالله يستجري يكلي لامتروحين
يله راح اصعد
ولمن جنت اصعد الدرج جنت اسمع امي دكلي ظلي
انتي بهاي سوالفج لحد مطفشي  للولد
حجيت بصوت ناصي
اي خلي يطفش
دخلت لغرفتي وغيرت ملابسي وتلفوني دك شفت الاسم جان سيف
سويته صامت ونمت وكعدت العصر ونزلت كعدت يم اهلي
وبعدها كلت لوالدتي انو راح اروح ابدل حتى اروح لبيت تغريد
...خابرتي سيف كتيله
..هسه اكله
وشلت التلفون ودكيت على سيف ماكو تلفونه مغلق
مهتميت كلت من يكلي اكله خابرتك وتلفونك مغلق شسويلك
وكملت تغير ملابسي ونزلت وكلت لااخويه الصغير يوصلني
ورحت للحفله وجانت حلوة وتونست ويا صديقاتي وبعدها اجاني
اخويه هم رجعني
وعد ماما صاحتني كلتلي ريمان
...ها ماما شكو
...اكلج هذا سيف من الظهر لحد الان ماراجع للبيت وتلفونه مغلق
مخابرج
....لا
...لعد شلون طلعتي مكلتيله
....لا دكيت عليه تلفونه مغلق
...بله شحجي وياج انتي مااعرف ليش بس ويا هذا الولد
هيج تتصرفين بحقارة
....اني حقيرة
....اي والله ويا سيف حقيرة كلشً
...شسويله

وظلت امي تحجي وتعيط عليه واني عفتها وكعدت اباوع تلفزيون
وخابرت على سيف تلفونه مغلق بعدة
وخابرني عمي سئلني على سيف كتله
.....والله عمو هو جابني من الكليه وراح 
....والله يابنتي مارجع  واحنا كلبنه مثل النار
...اي عمو اني هم دكيت عليه مغلق تلفونه خاف يم احد من اصدقائه خاف خلص الشحن مال تلفونه
....خابرنه كل اصدقائه وماكو يمهم وهو عندة شاحنه بالسيارة
وانتي تعرفين سيف يخلص دوامه ويرجع للبيت مهلكد
يحب يطلع
.....والله ياعمو مااعرف اني هم ظل بالي عليه
....يله بنتي انشوف شيصير ويانه ونتخابر
..ان شاءالله عمو
....مع السلامه
....مع السلامه عمو
،،،سديت التلفون  وياعمي بس قلقت على سيف ومااردي شعجبً
اهتميت
وظليت افكر بسيف
‏ ‏ومشى اليوم  وسيف مابين منه خبر
وثاني يوم بدو يدورون على سيف بمراكز الشرطه وبالمستشفيات
ومالكو وصار عدنا عزة بلا ميت
ورة مايقارب اربع تيام جتني رساله على تلفوني
الرساله مكتوب بيها اني سيف خابريني
خفت انو احد دينصب عليه نزلت على اهلي كتلهم اجتني هاي الرساله كام والدي خابر على الرقم وسمع صوت سيف وكام
يصيح ويكله الحمدلله انت عايش وكام يسئله انت وين وهسه نجيك
وبعدها والدي كلي تعاي ريمان سيف يريدج
.....كلت،،،
....الو هلو سيف حمدلله على السلامه
.....الله يسلمج حياتي
.....شلونك انت زين
....هسه صرت زين من سمعت صوتج
(كلت لنفسي ليش احس بلملل من احجي وياة)
.......الحمدلله انت بخير
....الحمدلله على كل حال اوكي اني هسه راح اسد التلفون
وكولي لعمي خلي يخابر اهلي يطمنهم
...اي زين هسه اكله
وكلت لوالدي
...بابا سيف يكول خابر عمو خلي يطمن
...اي بالله نسيت اخابر من الفرحه بعد دخت
وباوعت وشفت اهلي شلون فرحانين  والدي اتصل بعمي وكله
وبعد ماظلت اتصالات بين عمي وسيف
راحو جابو سيف ودو للمسشفى  وكلهم راحو للمسشتفى الاانيً
مارحت ماادري ليش  اوشنو السبب
ولمن طلعو للبيت رحت ويااهلي واول مادخلت
حسيت سيف فز كلبه باوعلي وابتسملي ابتسامه ذبلانه جان مبين عليه التعب والمرض وجان ملابس قميص وجتفه مضمد ورجله
هم وطول مجانوً يحجون وياه هو عينه عليه حتى اخته الجبيرة
كامت تشاقه دكللهم كومو نطلع برة لان سيف ميريدنه
عيني بس يريد ريمان
والكل ضحكو بس اني ماادري جان شبيه جنت مثل المخنوكه
وجنت بس اريد اطلع من يمهم
بس بعدين كعدنه وسولفنه سيف  علي الي صار وياة
كال
.....بعد ما جبت ريمان من الكليه ورجعتها للبيت رحت
داشتري هديه مال عيد ميلاد ريمان لان بعد كم يوم عيد ميلادها
فرحت اشتريتلها تلفون وجنت خال السيارة مالتي بالفرع
والدنيا ظهر ماهلكد جان اكو ناس وصلت يم سيارتي وحسيت فدشي ديطخ براسي من ورة اول منداريت شفت واكفين اربعه ملثمين وشايلين اسلحه واحد ‏موجه المسدس عليه
وكالولي اي حس منريد ودفعوني صعدوتي ليورة بسيارتي واخذو
المفتاح من يدي واول ماصعدوني سدو عيني
وضربني واحد على راسي من بعدها ماحسيت الااني  بيت
بسيط بيت ناس فقرة
لمن كعدت وسئلتهم كلي الرجال اني جنت اسرح بالغنم مالتي
وشفتك بالكاع وبيك روح وجبتك لبيتي ولدي ودوك للمستوصف
ولمن كعدت  وردت اتصل بيكم جان الرقم الوحيد الي اعرفه جان رقم ريمان
ودزيتلها رساله وبعدها اتصلت بيكم وجيتوني وهسه اني هنا
وباوع عليه وكال الحمدلله اني هسه موجود بينكم
كلهم كلوله حمدلله على سلامتك  امه كلتله الحمدلله اخذو السيارة ولا سولك شي  جانت كل شويه تبجيً وتبوسه
وابو همين وجانو فرحانين بس اني مادري شبيه
المهم ظلو سوالف وبعدين كامو كالو خلي نعوف سيف يرتاح
ولمن كمت اني صاحني
....ريمان تعاي
....اي اجيت
وكعدت على الكرسي الي يم سيف
وسيف جر يدي و ‏وخلها على كلبه
كلي
.....تعرفين انتي مفاركتي بالي ولا لحظه وليل ونهار اني مشغول بس بيج جنت بس اريد ارجع الج ولخاطرج
....حمدلله على السلامه سيف جنت قلقه عليك والحمدلله رجعت
بخير
...صدك قلقتي عليه واهتميتي
....اي اكيد اهتميت
...لعد ليش مداشوف شي بعيونج

وجريت ‏إيدي ‏وخليتها بحضني
....شتريد اشوف بعيني
....اريد اشوف الي اني احس بي من اني وياج اريد اسمع
دكات كلبج
.....انت تعبان سيف مو وقت هذا الكلام ارتاح وبعدين نحجي
.....اريد ادكوليلي احبك اريد  ‏أحسها
....احبك
....ابتسم ابتسامه بس جانت حزينه
للاسف ‏ماحسيتها بس اني احبج وعمري مراح احب وحدة غيرج
واذا ‏آجى يوم ‏وماصرتي الي  ،،،،،وسكت ماكمل كلامه
.....شتريد دكول سيف
....لامااريد اكول شي
اذا تريدين روحي
.....لاعادي كاعدة يمك
.....شنو الفائدة كاعدة يمي وكلبج مويمي روحي ريمان
روحي
....شبيك سيف
....سلامتج  يابنت عمي ياحب الطفوله ياعشقي
ياخطيبتي يلي شفت الدنيا بعيونج  روحي اني زين واصلا
راح انام لان تعبان
....على راحتك سيف
.....بس اريد اكلج شي
يتبع......
#الكاتبه #روجمان