رواية عد الى قلبي الفصل الثاني 2 - بقلم الكاتبة روجمان

.....اي شتريد دكول
.....باوع بوجهي وجر حسرة ‏حسيت بكلبه نار
جان ينزل عينه باوع الحلقه الي بيدة كلي
...بعدها بيدي ماااخذوها هم زين
....اي داشوفها
.....تعودت عليها تعرفين اني كنت البسها حتى من قبل مااخطبج
جنت دائما احس انو انتي بس الي وانو اني بس الج
ومحد يكدر يفرقنا ومتخيلت نفسي فديوم انو اسوي علاقه واحب وحدة غيرج فجنت البس الحلقه دائما حتى دائما اذكر انو الي بيني وبينج صله ‏اقوة من الحب
.....اي صحيح
.....اي اي اي اي هذا الي انتي دائما دكولي 
ريمان روحي حبيبتي داحسج مخنوكه
.....شبيك سيف
.....مابيه شي بس تعرفين مريت بوضع سيء
شويه تعبان وضايح لتواخذيني بنت عمي اذا انزعجتي
اني اسف
......لاعادي ليظل بالك
.......الي بالي هوايه
.....مع السلامه ريمان ‏ و رجاءا من اطلعين سدي باب
الغرفه وراج
واني طلعت وسديت الباب بس استغربت منه ومن تصرفاته عود ليش هيح يسوي شبي على غفله انكلب
ومادرت بال ورحت كعدت  يم اهلي وبيت عمي وبعدها
رحنه للبيت وماخابرت سيف ولاهو خابرني
وظل يومين ميتصل بيه  واني خابرته كلت اسئل عنه
هسه يكول مخابرتني عد خابرت على تلفون مرت عمي وسلمت عليها وطلبت احجي ويا سيف
بس كلتلي سيف ماموجود عود كاللهم داروح على ريمان
المهم اشكرت منها وسديت التلفون
وانتظرت سيف ومااجاني وبالليل دك عليه رقم غريب مجاوبت
بعدين دزلي رساله كلي هذا رقمي الجديد سيف
وبعدها دك وجاوبت
.....الووو
.....هلووو حبيبتي ريمان
....هلوووو شلونك
.....الحمدلله من اسمع صوتج وانفاسج اصير احسن
اول مرة من يكلي هيجي سيف ابتسم
..... شنو جنت طالع
....اي طلعت
....مواني خابرت عليك ومرت عمو كالت انت طلعت علااساس تجي يمنه شو ماااجيت
.....اي صحيح بس من داطلع شفت صديقي فاضل  وكلي الا تجي ويانه  نتعشه  كال مال حك سلامتك واني استحيت
ورحت وياهم جان هو وزوجته واختها وتعرفين اني اعرف
زوجته لفاضل لان جانت ويايه بالكليه  لهذا السبب رحت
وبعد ماكدرت اجيج
...ها اي موانتظرتك
.....الله كريم اجيج باجر
......خلي نشوف
......داومين باجر
.....اي اداوم
.......اي زين
.....تجي للكليه
.....لا
.......براحتك
......باجر العصر اجيج ونطلع اني وياج
...لاباجر مااكدر العصر داطلع
......وين تروحين
..... باجر راح ننجمع اني وصديقاتي بيت تغريد
......وماكلتيلي لعد
.....اي كلتلك هسه
.....ها يعني ا‏أنا رأيي تحصيل حاصل
.....لا بس اعرفك متعارض
......ها اي روحي براحتج
.....يله اني راح اروح اريد انام باجر عندي دوام
.....اوكي براحتج تصبحين على خير
......وانت من اهل الخير
سديت التلفون وكلت هذا شبي شو مااعرف شلون صاير
واجاني مسج من صديقتي نور كاتبه كاعدة لو نايمه
كتبتلها لاكاعدة عد دكت عليه
......الووو
.....ها شعندج كاعدة لحد الان لازم سهرانه ويا حبيبج سيوفي تسولفين
....لاولج حجيت وياة شويه وكتله داروح انام
....بس اريد افتهم شتريدين انتي اكثر من واحد هيجي يحبج
ويموت عليج ليش هيجي سوين وياة
....اهووو شمسويه
....كل سوالفج وياه محلوة مااعرف ليش هيج
ترة سيف حلو كلش  وانيق ومرتب وابن عائله وموظف
وضعه كلش زين وفوك كل هذا يحبج كلش  بس صدك بخت اكو ناس
عندج حظ
.....عاجبج سيف اخذي
....غير لو يحبني واحد هيج بس وين اكو
....دسكتي بله
اوكفي هاي منو ديدك
وج هذا سيف ديدك عليه هسه طلع عندة مشغول بمكالمه اخرى
خلي اسدة يله باي
فتحته على سيف
....الووو
....ويامن تحجين
....وياصديقتي نور
.....موجنتي نعسانه وتريدين تروحين تنامين
....اي صحيح بس خابرتني وجاوبتها
.....مدتكذبين عليه
....اني اكذب وليش اكذب
......ماادري والله سئلي نفسج
...... روح سيف ولتخابرني بعد لان اني وحدة كذابه
وسديت التلفون ودك بس مجاوبته
ونمت واني جنت كلش مزعوجه وثاني يوم كعدت من الصبح
وجنت ممرتاحه وجنت مناويه اداوم بس ماكدرت بدلت
ونزلت على بابا وهو وصلني للكليه
وجنت كاعدة بالكافتريه وسمعت واحد يصيح اسمي نداريت
شفت واحد جان صديقنه  من جنت ‏مرحله أولى  جان  هوالمرحله الاخيرة ولد محترم وحباب فكعد يسولف ويايه
وجانت نور هم كاعدة بس نور كامت كالت اروح للحمام  وهو الولد جان بس يضحك  وهو يحب يشاقه داحجي وياة وكعت الوردة الي ‏انطتنيها نور لان تعرفني احب الورد فلمن وكعت الوردة  الولد شالها وانطانيها وماادري شلون انداريت وجان اشوف سيف واكف ومسمر بمكانه اني ارتبكت وكلبي نخمط بس مابينت
عد كمت رحت عليه جان شايل بيدة باقه مال ورد لونها ابيض
لان اني احب الورد الابيض
ومن اجيت وكفت يمه  جان هو يباوع على هذا الولد الي جنت كاعدة
داحجي وياة
كتله
....هذا صديقنه جان بالكليه ويانه من جنت مرحله اولى جان هو مرحله اخيرة
.....ها بس حلوة هاي حركت الوردة عجبتني
....انت شنو ماعندك ثقه بيه
....لا ماعندي ثقه بيج
وابتسم وجان يجر يدي قوي وجان ينزعني الحلقه
وكلي
......متستحقين تلبسيها وهمين حتى لتقيدج حتى تتصرفين براحتج
.....ترة ماكو شي من الي بالك
...اها
عالعموم اني  اسف لان  حبيتج وجنت طيب وياج لاابعد الحدود وهذا الي خلاج تظنين
انو اني ضعيف
للاسف انتي وحدة جاهله متعرفين تفرقين مابين الحب ومابين الضعف بس اني الغلطان
باوع على الورد الي ‏ ‏بيده وجان يشمر الورد كله بالكاع وداس عليه بحذائه ورفع الحلقه الي جانت بيدي واخذها وخلاها بالسترة مالته وخله يدة بجيوب بنطرونه وعافني ‏ومشى
يتبع .....
#الكاتبه #روجمان