الفصل العاشر

رواية على حافة قلبه الجزء العاشر 10 بقلم حبيبة سيد على حافة قلبهرواية على حافة قلبه الحلقة العاشرة ادم الدكتورة دي تبقي بنت خالتي ، وجت تسألني علي حالتي مش اكتر الصمت لحظه وبعدين ليان بخجل وهي باصه بعيد .. وانا مالي اصلا ادم ضحك لاول مره من قلبه ، من فترة طويله قبل ما ليان تبعد ادم مسك أيدها بهدوء ليان قلبها اتلخبط ادم في فرق كبير بين اللي كنتي خايفه منه زمان وبيني ليان بصت له وعينه كانت صادقه بشكل يخوف

ادم .. انا عمري ما هخليكي تحسي انك اختيار مؤقت الكلمه دي دخلت قلبها مباشرة ، دموع خفيفه لمعت ف عيونها مش حزن راحه ادم قرب منها اكتر أيده لمست وشها بخفه .. انتي بقيتي اهم حاجه عندي ليان أنفاسها اتسحبت وادم لاول مره ما تراجعش قرب وباس جبينها بهدوء طويل قبله مليانه وعد وامان ، ولما بعد كانت بتبصله وكأن قلبها اخيرا بدأ يصدق بس طبعا الهدوء مش هيفضل كتير ، لأن ف حد لسه برا السجن المؤقت وبيخطط يرجع ينتقم من الاتنين

ليان كانت باصه لادم بصدمه خفيفه .. يعني ايه هخرج ادم كان واقف قدامها بس كاجوال لاول مره تشوفه بيه ادم ابتسم .. يعني هتسيبي المستشفي ساعتين والدنيا مش هتقف ليان بصت لنفسها بتوتر .. بس انا لسه ادم قاطعها بهدؤ .. بتقدير تمشي و لو تعبتي انا معاكي القلب دق بالطريقه اللي بقت تخوفها منه بعد ساعه ليان كانت ماشيه جنبه ببطء أيده قريبه منها طول الوقت مستعد يسندها لو احتاجت لكن من غير ما يضغط عليها وده كان اكتر شئ مطمنها

ركبوا العربيه ،، ولاول مره من شهور ليان شافت الشارع ،، الناس ،، الحياة فضلت باصه من الشباك بصمت ادم لاحظ لمعت عيونها وسأل بهدوء .. مبسوطة ليان ابتسمت .. حاسه اني خارجه من سجن ادم بص لها لحظه واتوجع لانها فعلا كانت محبوسه جوا خوفها العربيه وقفت ، ليان نزلت ببطء واول ما شافت المكان اتسعت عيونها البحر الهوا هادي الشمس قربت تغيب والمكان شبه فاضي ليان وقفت تبصله بدهشة.. انت جبتني هنا ادم هز كتفه بخفه .. حسيته شبهك

ليان ضحكت لاول مره بصوت واضح ،، والضحكه دي خليته يسرح فيها اكتر من اللازم ليان كانت ماشيه علي الرمل ببطء كل خطوة لسه فيها الم بسيط لكنها كانت بتحاول وفجأة توازنها اختل قبل ما تقع أيده لفت حوالين وسطها بسرعة ليان اتسعت عيونها بقوا قريبين جدا ، الهوا بيحرك شعرها وانفاسهم متلخبطة ادم بصوت واطي .. خلي بالك ليان همست بخجل .. بحاول بس ولا واحد فيهم كان بيتكلم عن المشي اصلا قعدوا علي الرمل بصمت مريح بينهم

ليان كانت باصه للبحر وبعدين قالت فجأة .. انا زمان كنت بحب البحر جدا ادم بص لها وسكت مستني تكمل ليان .. بعد اللي حصل بقيت بخاف من اي حاجه واسعه اي مكان مفتوح ،،، صوتها كان هادي لكنه موجوع ، كنت حاسه اني تائهة ومفيش حاجه تثبتني سكتت لحظه لحد ما ظهرت انت .. ادم قلبه دق بعنف لف وشه لها بالكامل ليان بصت له لاول مره شاف في عيونها نفس اللي جواه ادم .. انا بحاول كل يوم اكون الشخص اللي يطمنك ليان ابتسمت بخفه .. ونجحت

الكلمه خرجت بسيطه بس عملت حاجه كبيرة ، الهوا هدي اكتر والدنيا حواليهم ساكته ادم قرب ببطء المره دي مفيش خوف ولا هروب أيده رفعت خصله شعر من علي وشها ادم بصوت منخفض جدا .. انا بحبك ليان قلبها وقف لحظه ،،، واخيرا اتقالت دموعها لمعت وهي مبتسمه مش دموع وجع ليان .. افتكرتك عمرك ما هتقولها ادم ضحك بخفه .. كنت بخاف ليان .. من ايه ادم بص ف عيونها مباشرة .. احبك بالشكل دا ومتعرفيش ترجعيلي

ليان قربت منه اكتر وبهدوء حطت أيدها علي خده .. انا من اول مره ناديت اسمك وانا تعبانه كنت برجعلك ادم أنفاسه اتلخبطت ،، والمسافه بينهم اختفت اخيرا ادم قرب منها وطبع بوسه علي شفايفها بهدوء كأن اللحظه دي مستنيها من زمان بوسه مختلفه مفيهاش خوف مفيهاش الم بس حب بعد شويه كانت ليان سانده رأسها علي كتفه وهو ماسك أيدها ادم قال فجأة ..عايز اخدك مكان تاني بكره ليان رفعت حاجبها بإبتسامه .. فين

ادم بص لها بنظرة غامضه .. مكان هيغير كل حاجه العربية كانت ماشيه بهدوء وليان قاعدة جنبه لسه حاسه بدفا أيده في أيدها لكن ف حاجه شاغله بالها نظرة ادم الأخيرة ليان بصت له بخفه.. انت خوفتني لاما قولت المكان هيغير كل حاجه ادم ابتسم ابتسامه صغيرة بس فيها توتر واضح .. عشان فعلا هيغير ليان قلبها دق بقلق خفيف ..ادم ،، في ايه سكت ثواني وبعدين قال بهدوء .. عايز اخدك مكان لازم ترجعيه حتي لو مؤلم

تاني يوم ،، العربيه وقفت قدام بيت كبير قديم نسبيا ليان اول ما شافته وشها اتسحب منه الدم .. لاء ،صوتها خرج تلقائي ادم بص لها بهدوء .. ده بيتكم القديم صح ليان هزت راسها بسرعه والخوف بدأ يرجع لعنيها .. مش عايزه ادخل ادم لف ناحيتها بالكامل .. ليان انتي طول الوقت بتحاولي تهربي من كل مكان وجعك ،، سكت لحظه ، بس طول ما انتي بتهربي الماضي بيفضل اقوي منك ليان دموعها بدأت تتجمع .. انا تعبت صوتها كان صغير جدا

ادم قرب منها ماسك أيدها برفق .. وعشان كدا انا هنا ليان بعد تردد طويل نزلت من العربيه خطواتها بطيئة مش بس بسبب رجليها البيت كان ساكت بشكل موجع كل ركن فيه ذكري ضحكه قديمه ، خناقه ليله عياط واخر مره خرجت منه وهي مكسورة أنفاسها بدأت تضيق ،، ادم لاحظ فورا ادم .. ليان بصيلي

لكن ليان كانت سرحانه كأنها رجعت لنفس البيت اللي وقعت زمان ،، دخلت أوضتها القديمه وبمجرد ما شافتها انهارت دموعها نزلت فجأة هنا .. هنا عرفت الحقيقه صوتها كان بيتكسر ليان هنا استنيته بالساعات وهنا اكتشفت أنه كان مع واحده تانيه جسمها بدأ يترعش انا كنت غبية اوي قبل ما تكمل ادم شدها لحضنه بقوة ادم بصيلي صوته كان ثابت رغم وجعه عليها ليان رفعت عيونها بصعوبه ادم مسح دموعها بإيده .. انتي مكنتيش غبيه ،سكت لحظة

انتي كنتي بتحبي ،،الكلمه خلتها تعيط اكتر وفي فرق كبير ليان بتحاول تهدي عينها راحت ناحيه درج صغير اتجمدت ادم بهدوء .. ايه ليان قربت ببطء فتحت الدرج وطلعت صندوق صغير أيدها كانت بتترعش وهي بتفتحه جواه صور قديمة خطابات وسلسله فضة ادم لاحظ تغير وشها .. دي ايه

ليان همست بصوت مخنوق .. دي كانت بتاعة بابا ، قعدت علي السرير ببطء والصندوق في حضنها ، بعد وفاة بابا كريم دخل حياتي بصت للسلسلة كان أول حد يخليني احس اني مش لوحدي سكتت ،، يمكن عشان كدا 1 2الصفحة التالية مدونة كامومنذ 6 ساعات 0 5 دقائق