تحميل رواية «على قمة الحكيم» PDF

الكاتبه : ( Duha al amer ) 🦋

《 المقدمه 》

اذا عجبكم صوتوله حته انزل باسرع وقت علما القصه حقيقيه 100/ التنزيل اسبوعي راح يكون البارت طويل والسرد بدقه اعلى

بسم الله الرحمن الرحيم

لا تكتب على قلبك حسره البؤس والتنهيد

تطيب ذكرياتنا مهما بكينا ، وتسقط جبال الاوجاع فينا

يسخر الله ما لم ننتظره ، لانه اليقين والرجاء والحق وهاذه كفايتنا في الحياة وبعد الموت

في كل مكان تجدين الظلام في حياتك ماعليك الا اشعال النور بروحك .

لتحكمون على الروايه من أول بارتات خلي عدكم صبر ..

_________________________________________

حسيت احد فتح الباب ودخل بقيت على نفس نومتي ومتحركت الغرف ضلمه ماكدرت اميز منو فجئه انحضنت كمت من مكاني وشغلت التيبلام شفت

نرمان هااي انتيييي

_ عمو نيمني يمك الله يخليك والله اخاف انام وحدي واذا تريد حط مخده بينا

_ تنهدت استغفرلله بابا مو حجينه بهاذه الموضوع انتي كبرتي ميصير تنامين يمي بعد حرام حته اذا مخده يعني انتي تفكرين بس اذا اطخ بيج حرام ميصير تنامين كدامي بجسمج وملابسج

_ بجيت وكلت عموو البس جبه ونيمني يمك حباب والله اخاف وحدي حتلو بس اليوم وباجر وديني يم امي

_ ههه يعني اني امنعج تنامين يمي الي اخاف عليج اكثر من روحي تريدين ترحين يم امج ورجله ؟؟ شايفتني ملمعهن

_ خلص لعد ما انام اضل كاعده بلغرفه للصبح ولا اروح لغرفتي تخوووف حته باب الحمام ينفتح وحده

_ هاي منين جبتيه باب الحمام ينفتح وحده خلص تعالي نامي على الجربايه واني راح انام بلكاع بس باجر نحجي بلموضوع ونلكه حل اني ما ارضه بهاذه الوضع فتهمتي

_ هزيت براسي ونمت اباوعله فرش بصف الجربايه دوشك رحت ادنيت وصرت فوكا بصف الدوش

_ هاي عود انتي عجربايه لو تنزلين بحظني احسن

_ انزل ؟

_ ليش تخليني اطردج ؟

التنزيل بين يوم ويوم حته البارت طويل وتستمتعون بي ادعموني وصوتو للمشهد

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

في الحب خطابات نبعث بها واخرى نمزقها واجمل الخطابات هي التي لا نكتبها . ♡

_________________________________________

_ سقت باعلى سرعتي اريد اوصل للبيت كلش تعبان وجسمي نحلان طبيت صفيت السياره واني اباوع على واجهة البيت توجهت البيتي صعدت من درج الحديقه مالي خلك يطلع احد ويوكف يلغي عيوني ما اكدر افتحهن طالع من صبح الله فتحت الباب كلعاده شفت فاروق فاتح البلي وغافي بحضنه الجوستيكه توجهت الغرفتي طبيت وسديت الباب تمددت بملابسي ضليت ساعه ذاب نفسي بلفراش مابيه اكوم بس عيوني مجاي تغمض

كمت اتمغط بضلوعي اريد شويه عظامي تفك طلعت ملابسي من الكنتور ورحت للحمام سبحت وتنشفت وطلعت حسيت نفسي شويه احسن طبيت للمطبخ كلش جوعان فتحت الثلاجه باوعت مالكيت كلشي بيه الزمايل ميسوكون من اني ماكو رجعت للغرفه

دك مبايلي المتصل نبأ سويته صامت لان راسي كلش يوجعني ومالي خلك الحجي رحت للمكتب مالتي فتحت الابتوب دخلت على سجل الذكريات و بديت اكتب

الرجوع للماضي ارياف مدينه البصره سنه 2002

______________________________________

وكلما زارني الحنين كنت ارتشف معه جرعه من الماضي الى ان نثمل سويا لوعا والما ما جعلني اخشى سكون اليل وحشه لمن كان اسير ذكرياتي ذكريات غير قابلة للنسيان ..

نرجس : كاعده اكلي سمج وراسي انصكع صكع من الشمس ولج رحااااب وين وليتي تعاااي اخذي البلم راح تاكله البزاززززززين

رحاب : رحتلها لكيتهه مغندبه لويش اصيحين علي تايهتلج

نرجس : اخذي البلم لا ومحمد اذبه للبزازين واخلي الحجي يدكجن بالصونده راح اموت الشمس حركتني حرك وانتي تروحين منا وتجين منا .. طبت على صوتنه مرت الحجي

اصيله : المن يدك ولج احجي عدل ويا بناتي لا ادير الطاوه على راسج الفاهي يله بله حجي زايد صبن الغده

رحاب : اخذت البلم منها وسفطت السمج والتمن بالصواني فرشنه السفره من الحايط للحايط التمينه كلنه عليه منتضرين يكعد أبونا يلا ناكل شويه وطلع يغسل ايده ونسمه تكرص بيه موتتني

نسمه : لج رحيبه راح اموتن من الجوع والحجي يمط بروحه مط

رحاب : صمي حلكج خل يكعد يلا انمد ادينه ترا امي تحطج وادمغج ..... شويه واجه الحجي يمشي بهيبته ورزانته كعد على ألسفره وسمه بسم الله بدينه ناكل من بعده طبعا

فاضل : منو مسوي الغده

نرجس : بابتسامه اني شيخ

فاضل : عاشت ايدج حطيت الخاشوكه بالماعون .... الحمدلله والشكر .. صحت نرجسه لحكيني

نرجس : كبل نفضت هدومي من الخبز واجيت اكوم انتبهت على اصيله تخوزر بيه تريد تاكلني عفتها ورحت للحمام اسمعها تصيح

قندررررررره كووومي لمي السفره لا اركعج بالنعال تاكلين وتكومين مثل الحيوانات .. تعودت كلما الشيخ يطلب كربي اطلع حركتهه بجهالي غسلت ايدي وجهي ورجليناتي وطلعت من الحمام شفت نجاه تلم بالسفره وتشيل طاسه طاسه تقربت يمها واخذتهن منها عاطت

اصيله : عوووفيها خل تتعلم صارت مرة بناتي مو خدامات الج والجهالج

نرجس : يا مرة كل عمرها 5 سنين خليها اني اغسلهن اخذتهن منها وبديت اغسل بيهن مرت قريب الساعه اذكرت الشيخ رادني بدلت ثوبي ورحت دكيت الباب وطبيت

_ طلعي برا

_ بس شيخ

_ امشي ولي زماله اصيحلج تنطيني الاذن الطرشه وعلى مزاجج تجين انتي بعد متفيديني طلعي وسدي الباب

_ نزلت دموعي شيخي ابوس راسك واعتذر منك اني طبيت بسرعه كعدت على السرير وحطيت ايدي على جتفة وراسي على صدره

_ وخري عني نرجس مو اني جلمتي تنضرب بالحايط

_ الله يضربني اذا ضاربه كلمتك بالحايط تدري بيه احط كلمتك على راسي رفعت ايده وبستها

_ كومي سدي الباب وتعالي

_ سويت مثل ما راد .. رجعت للسرير تقربلي وخلص كمت اخذت هديماتي وطلعت من الغرفه شفت اصيله والبنات يباوعلي بخبث ودهن يكطعني جان شعري مخربط وملابسي مبهذله طبيت للحمام سبحت وطلعت

حكيم : طبينه للبيت اني ومؤيد ركباتي مجرحه وحنجي مضروب بس شافتني امي كامت تصيح

سوووده بوجهي عليك يمااا بعد روحي روحك منو مطلع دمك

فلاح : خاله رحنة نلعب طوبه وانجبح لاتخافين مابي شي

حكيم : اتعصبت من سوالفها حجيت بحده جم مرا كتلج لتحرجيني كدام اصدقائي من اشوفيني مجروح ترة مامركوع چيله عفتها وطبيت للحمام نزعت هدومي وسبحت ..طلعت لكيت امي مسويتلي لفات لان مامتغدي من شفتهن انقهرت لان نترت بيها اخذت الماعون ورحتلها للغرفة دكيت الباب وطبيت بوستها .. لازعلين مني بس ذوله السرسريه من يشوفوج تخافين عليه يضلون يضحكون عبن امهاتهم مسيبتهم بالشارع

نرجس : غير اخاف عليك انته واخوتك طلعت بيكم من هاي الدنيا وتعرفني ما اكدر اشوف واحد منكم متأذي

حكيم : فدوه الطولج يما لاتخافين علينة احنه ولد حجي فاضل اكبر سبع ميكدر يمسنا

نرجس : الله يحفظكم يمة

حكيم : شفتها تحوس شبيج يمة كولي

نرجس : اريد اروح لهلي البغداد والله روحي طاكه عليهم واخاف الشيخ ميرضه

حكيم : تريدين اني احاجي

نرجس : علوى

حكيم : مو تأمرين أمر طلعت من الغرفه رحت للشيح وقررت اني احاجي صح كل عمري 16 سنه بس عندي كلمه مسموعه عند الشيخ عبني راشد مو بزر ودمعتي بخدي واني جبير خواني من امي .. دكيت الباب وسمعت حسه فوووت .. السلام عليكم رحت بست ايده ورجعت المكاني شلونك يبوي

فاضل : وعليكم السلام كل الهلا بيك وليدي

حكيم : صحتك شلونها

فاضل : الحمدلله بيد الجريم

حكيم : الله يطول بعمرك وميحرمنه منك حجي رايدك بسالفه

فاضل : كول بويه

حكيم : بويه امي تريد تروح لابوها البغداد والله كلبها طاك عليهم وتدري مالها احد هنا غيرك كل اهلها وعزوتها بغداد طبعا من بعد عزوتك .. ضحك بصوت مسموع

فاضل : بويه بس اريدن افتهم انته شتحجي يالهجه مو خبطتهن عليه

حكيم : يابه امي بغداديه وانته بصراوي كلمن احاجي بلهجته

فاضل : هههههههههه عاشت ايدك

حكيم : ايدك العايش هسه بويه شتشور عليه اودي امي لبغداد

فاضل : بابتسامه .. لشوفه حبيب

حكيم : بداخلي فرحت لان ماردني تشكرت منه وطلعت لأمي حته افرحها .. البشاره

نرجس : شنوو

حكيم : ابوي قبل اخذج البغداد

نرجس : يما حبيب رحت شبكته حيل سمعت صوت شي انكسر درت وجهي شفت اصيله

اصيله : بحديه لمي الكزاز وطلعي

حكيم : انتي كسرتي انتي تلمي امي شعليها

اصيله : والله طالعلك السان حكيمو وكمت اترد مجان امك

حكيم : شكلولج عليه اخرس

اصيله : لترد بوجهي لك

حكيم : لتكولين لك وخليني محترمج عيب من واحد بعمري يهينج

اصيله : مشيت سريع ولزمته من ياخته سمعت صوت الحجي

_ اصيييييييييله

نرجس : درت وجهي وشفته واكف مغندب وشراين وجه طاكه رجف كل جسمي منه ردت علية

اصيله : بخوف .. نعم حجي

فاضل : بغضب .. لحكيني

اصيلة : هديت حكيمو الجلب ورحت ورا طبيت للغرفه اول ما شافني ركعني راشدي بكل كوته لزمت وجهي واني مصدومه بالسواااا الشيخ يضرررربني انييييي

فاضل : سمعي ولج ما اسمح الكائن من يكون يمس حكيم بحرف امحي حته اذا انتي امحيج واكسر خشمج اليابس فتهمتي لو لاااااا

اصيله : رفعت راسي وصمدت وماسمحت الدمعه تنزل من جفوني .. ماجان العشم تضرب حرمتك الي عاشت وياك 35سنه خدامه جوا رجلك تضربني علمود بزر حجي

فاضل : واكسر راسج .. تنوعيلي خن احاجيج مالج غرض لا بنرجس ولا بجهالها خط احمر فهمتي

اصيلة :  شيخنه اني اصيله ام كمال هيج العشك سوه بيك نساك ام كمال منو اني الداريت والسندت والوكفت وياك والي تزوجت علي اشكال وارناك النسوان وسكتت والصمت واني مابيه عيب كامله والكامل لله خلفتلك الولد كبل البنات وهاي جزاتي

فاضل : شخلفتيلي كمال الدثو لو نجم ابو المكسرات استحي حته اكول هاذه ابني وبناتج وحده انكس من الثانيه لا خلقه ولا اخلاق اني ماشفت خلفه اله من بعد زواجي من نرجس لجيبين خلفتج اله

اصيلة : نتفضت اعصابي هزيت راسي و مسحت دموعي وطلعت رحت الغرفتي سديت الباب كضيت المكص وكمت انبته بلحمي اريد جسمي يوجعني اريد وجع لحمي اقوى من وجع كلبي كمت اشخط بلحم فخاذي علما كام الدم يجري اخذني الرجيف لزمت راسي واني اصيح .. اله انتقم منكم اله انتقم الشبابي اله انتقم العمري الضااااع كامت تجي افكار بمخي تخوف رفعت راسي شفت نهاد واكفه تعاين ومبحلقه بيه ..

نهاد : ولج منين تنتقمين ام الخلاجين

اصيله : كمت سديت الباب كضيتها من زندها اريد اشرب نرجس من نفس الكاس الشربتني منه اريده تحس بيه من جانت اطب ويا للكبه ( غرفه ) شيصير بكلبي

نهاد : ضحكت باستهزاء ما كفاج التسعه الاخذهن على راسج تريدين اسويهن عشره امرج عجيب يمرت اخوي

خوب مجان متفكرين هجي كومي لبسيلج هدمه عليه العين مكان خلاجين جدتي الازكه بيهن ليش تفكرين بس بالحقد خوب فكري سوي مثلها ليش كلبه يريدها لان تدرين برجلج يحب الاخضر والاحمر والنهار كله لابستله و ايدها ورجولهة محنايات وريحت المسج تعط بيها خنينه

اصيله : تريدين بعد 35 سنه البس اخضر واحمر شجاني انجنيت

نهاد : جا خليج هجي

اصيله : صارله 16 سنه مامزوج من يوم اجت غراب البين وهوا مستعبدها

نهاد : تريدين ازوجي؟

اصيله : اي اريده يفوت للغرفه وياها جدامي وجدامها اريد اشوفن شتحس

نهاد : هزيت بيدي تهي بهي عجيب امرج وشلون تقنعي يزوج بعد

اصيله : تنهدت بغضب اني اعرف شلون اقنعه

حكيم : ورا اسبوع امي حضرت جنطتها وطلعنه البغداد اني وياها ويا السايق وصلنه ورا اذان العشه

عمي جابر بس اودع امي واجيك نزلت امي وغراضها طبينه البيت جدي سلمت عليهم وبوستهم وطلعت لان من عوايدنا ماروح البيت الجد ابوي معلمنه المرة من تطلع من بيت اهلها لازم تنساهم وتعتبرهم غرب عليها فخلاها تروح كل سنه يمهم سبوع ويرجعها بشرط محد من عدنه يوصل لا اني ولا اخوتي صعدت ويا السايق .. رجعنه للبيت بعد ساعات من الطريق الطويل .. اول ما فتت شافتني اصيله وهلهلت شفت رحاب طبت فرحانه سألتها .. شصايرر المن هل هلاهل شنو كمال عرس

رحاب : لا ابوي عقد

حكيم : شنو ابوي عقد عليمن

رحاب : على بت الحارس حجي سلمان

حكيم : صفنت .. اريد اصدك السمعته ضليت مصدوم بمكاني ابووي عقدددد على راس امي بعد هل عمر

فلاح : ضحكت وهمستله ولك ابوك سواهن درزن عشره بعين العدو وانوب ماخذله وحده من جابوها حته يعقدون عبالي جايبها من الروضه

حكيم : عفتهم يحجون ورحت على عمه نهاد افتهم منها طبيت لغرفتها شفتها واكفه عالمراية تحط ديرم لعيونها

نهاد : تعال عمه فوت

حكيم : حجيت بفحيح غاضب .. صدك ابوي عقد

نهاد : ضحكت .. وانته شبيك مغندب شنو مزوج عليك هوه

حكيم : امي هاي امي تريدين ارضة ابوي يزوج عليها

نهاد : وشسويله تجلده حته يخاف ويبطل

حكيم : ليش ليش ازوج اريد افتهم

نهاد : ابوك من يوم يومه يزوج على باجيتك اصيله شهر شهرين ويطلكها وياخذ غيرها علما سواهن ثمانيه والتاسعه امك وعبالنه هم فرة عروس جم يوم ويطلكها بس شالت بيك ولزك بيها وبقت هيه واصيله على ذمته وهسه راد يثالثهن .. لاخاف البنيه عمرها 12 سنه متتحمل جم يوم ويطلكها

حكيم : عفت كلشي وركزت على حجايتها 12 سنه انتي تحجين صدك عمه

نهاد : اي والله بت سلمان الحارس حجت ويا اصيله وما رفض كبل قبل وسويناه مفاجأة للشيخ ومن سمع عبالنه يسويلنه طلابه اصلا من شافها كيف 

حكيم : يعني اصيله ورا هاذه الموضوع هنا الحجي تريد ترد الصاع .. مرت ثلاث ايام وابوها جابها لبيتنة اكراما لبوي الشيخ اباوعلها جنها فروجة ملبسيها ابيض عود عروس ومكبعين راسها بوصلة كعدوها على التخم

سلمان : تفضل شيخنه هاي الجطعه تحط بيه بياض وجهي

فاضل : يزيد فضلك عمي

حكيم : اخذ منة القماش وباوع للبنية من فوك ليجوة كام سحبها من ايدها وطبو للغرفة ..

نور : اول ما لزم ايدي كمت اختظ واحس اختنكت وكلبي صار النبض يدك براسي رفع البركع عن وجهي وهمس

_ليش ترجفين لتخافين على كيفي وياج

حكيم : مجتمعين بالهول وصار صوت الصياح مسموع انتبهت على امها وابوها يتهامسون ومبتسمين شكد احتقرت منضرهم الحقير تقريبا ربع ساعه وطلع الحجي بيده بياض بتهم تعالت اصوات الهلاهل فرحانين بجريمتهم البشعه عفتهم وطلعت ..

نهاد : ها اصيله برد كلبج هسه

اصيله : هيهات يبرد النار صارت نارين

نهاد : انتي شرايده شو زوجتي ونحتي عليه لتستعجلين على رزقج عكب باجر تجي نرجسه وذاك الوكت نوحن سوه

اصيله : بس خل تجي ميطلع اسمي اصيله اذا ماطفي ناري بيها وخليت لكمتها ودمعتها سوه ..

حكيم : ثاني يوم الحجي قرر يسوي عزيمه حته يشهر بزواجه عزم بيت عمامي وعماتي والشيوخ عندي 3 عمام نضال وسامي وكريم اجو همه ولدهم وبناتهم ونسوانهم وعندي عمات ثنين سرور وعطيه

_عمي نضال مزوج وعنده فراس وايهاب ونجوى .

_عمي سامي عنده اربع بنات رتاج وزينه ومريم ورشا

_عمي كريم عنده شريف الي انفقد بسنه 1999 طلع من البيت وما رجع الى يومنا هاذه ماخلو مكان مادورو عليه ماله اي اثر وغيره عنده فلاح الي هوا صديقي المقرب

_اما عن عماتي فمزوجات بالناصريه اخوه سرور عده عبدالله ومصطفى توم وعمه عطيه عده بس بنيه اسمه بنفسج

_لبسنه دشاديش واشلهنة وكمنه نطبخ بالبستان

كمال : راح اشك زيجي اذا متجون اساعدوني مصختوها

نجم : لزاكط خوط وانجب

كمال : شخوط راح احط الجفجير براسك تعال انته خوط

نجم : لعد سبع البرمبه حكيم وين ميجي يطبخ حاله من حالنه

كمال : مادري شوفه وين اذا لكيت فلاح تلكا

نجم : طلعت بالبستان ادور عليه شفتهم ثنينهم مسلقين النخل ويكطفون بالتمر

حكيموووو انزل اطبخ ويانه لا اصعدلك

حكيم : اذا انته زلمه اصعد غير ثربك يطك

نجم : زلمه وغصبا ما على شواربك جبت( التبليه ) وطببت روحي بيه وبديت اصعد وصلت لنصف النخله وكتله هااا منو المو زلمه

حكيم : اباوعله واضحك نفسه مكطوع وميكدر يتنفس وصل النص النخله وجان اطك التبليه وينجبح على راسه نزلتله بسرعه رفعت راسه بيدي كام يصيح من وجع ضهره

_ولج يما لحكيني ضهري انكسر ولج يما راح اموتن اخخ يابه اخخخ يما ااا

فلاح : شني خايب جاي تطلك

حكيم : ضحكت بصوت مسموع اي والله الي يشوفك يكول جاي تطلك

نجم : اضحكون علي والعباس ماعوفكم الى ماكول لبوي عليكم واخلي يفشلكم كدام العربان ما اسمه نجم

كمت واني اون رحت للمضيف اول ما طبيت صحت بويه الحكني

فاضل : كاعدين والعالم المعزومه كله كاعده تباركلي شويه وطب نجم يصيح ويستريح ودشداشته مطينه كمت على حيلي تلكيته شبيك بويه ياهو المسوي بيك هجي

نجم : بويه حكيم يريد يموتني شمرني من النخله صعدت اجيبلكم تمرات كلت تحلون بيه ورا الغده ماشوفه اله كضني وتكاونت بلكاع اصيحن من الوجع مايديرلي بال

فاضل : ولك زمال خوما زمال جنك دثو جايني مطين وتشكي من اخوك امشي ولي بدل وتعال

_ بتحذير ويصير خير بعدين كفخته على دماغه اليابس ورجعت كعدت خجلان من سوايته اشرت الواحد من الويلاد ينده الكمال حته يستعجل بالغده

كمال : استعجلت بلصب تقريبا ساعه وكلشي جهز مدينه ميوزه على طول البستان و على كل ميز صينيه ام العراوي ..... حكيم تعااااال شيل وياي انفطر ضهري

حكيم : شووو دوخرررر شلت الصينيه وحطيته على الميز وبديت اشيل بيهن بلسره واسفط

فلاح : موش عامود فقري حديد

حكيم : صلي على محمد لا افكس عينك

فلاح : لا يخوي شتفكس منها بيمن اشوف حوريتي بعد ورمش بعيونة

حكيم : ههههههههههه حوريتك جنها نجم من جان صغير

فلاح : ولك لا تعيب صحيح تشبه نجم بس كلبها

حكيم : قاطعته .. كلبها مثل كمال مسويه خلطة .. شفتة لازم ضحكتة ..

فلاح :  صح احبه بس صدك مسويه خلطة بت الحصيني

حكيم : خلصنه صب وطبو الشيوخ كلها بدت تثرد كشت نفسي من شفتهم كل 5 نايمين على صينيه وهاذه اليوكع من حلكه يجي ذاك يشيله وياكل والي يهرس الحم بديه اخر شي واحد شال طاسه التشريب وداره بحلكه وركعنه بتريوعه

فلاح : متاكل

حكيم : كل عقلك اكلي بيضه محد ماسه ولا اكل لحم بخمسين أيد

فلاح : غير تتعنطز

حكيم : لك بابا الله نطانه اجسامنه امانه الى يوم نبعث اني شمدريني المقابل شلاعب وجاي حاط ايده بالاكل وياي يجوز بي مرض وينقله الي ذاك الوكت منو يفيدني

فلاح : يابه غير تفكير لعد شراح تتغده اليوم

حكيم : كلت الرحاب تعزلي غدايه

فلاح : صارلي ساعه اجوعر وانته مرتب وضعك

حكيم : لا حبيبي جنت تنهق مجوعر...... ضربني برجلي وراح ياكل وياهم عفتهم ورحت اغسل بالجدوره ويا نجم كملنه وبدت العالم تسلم وتطلع .. ثاني يوم الصبح طلعت ويا السايق متوجهين البغداد وصلت البيت جدي اخذت امي .. وطلعنه للبصره

نرجس : شبيك شو وجهك مصوفر

حكيم : احم لا يمة بس راسي يوجعني شويه

نرجس : سلامه راسك اخوتك شلونهم نجاة شلونه تاكلون اشربون خوما احد سمعكم حجايه لو مرت ابوك ضربت نجاة

حكيم : يووو يما كلنه زينين لاشيليهن همنه ضلت طول الطريق تسأل وارد عليه علما وصلنه نزلت غراضها وطبيت وطبت ورايه تلكوها نزار ونجاة وفاروق حضنوها وهيه فرحانه بيهم جانت كلش فرحانه ومرتاحه لدرجه تمنيت لو ادوم فرحتها لحد ما طبت اصيله

اصيله : نور البيت اليوم بجيتج

نرجس : منور بوجودج ام كمال انتي الخير والبركه

اصيله : اكيد رفعت راسي وصحت نووويره نووويره وصمخ

نور : ها باجي

اصيله : تعاي سلمي على ضرتج ام حكيم اجتنه من بغداد

نرجس : ضحكت ضررتي ؟

اصيله : يااا متدرين الحجي تزوج نويره بت سلمان الحارس شافه صغيرونه وتلبي حاجته تدرين بعد اني وياج كبرنه مو حمل احتياجاته

نرجس : وكعت من طولي بالكاع كمت ادك على رجلي يماااااااا يمااااااااا الحجييييي تزوج عليييييه لزمت شعري وكمت اهلس بي لج كلبه حاااااقده كللللله من وراج كمت على اصيله شمرتها بالكاع وكمت املخ بيها ما اشوف اله بناتها التمن فوكانة ملخني تملخ وسحلني منها والتمن عليه يضربني

حكيم : رحت اركض على امي جريت التوثيه وطبعتها على ضهورهن كامن يوخرن بالسرة شفت راس امي يكطر دم شلتها وهيه تبجي وتون على ابوي طببتها للغرفه شمرت روحها على الجربايه وخنكت صوتها وكامت تصرخ خنك احس كلبي صار حجر على ابوي قسما بالله لو مقصره بحقه بكد الشعره جان كلت تستاهل طلعت وسديت الباب صار البيت سنطه لليل طب ابوي وكمال ونجم وعمي نضال

اصيله : سمعت صوت الحجي وشكيت زيج الثوب وطلعت انحب بس شفت نضال لميت نفسي ليطلع صدري بجيت وصحت ترضاه حجي ترضاه نسوانك وبناتك ينهانن وينضربهن ابيتك وبجالك

فاضل : بعصبية .. ياهو المد ايده عليج خل اكسرلهيا

اصيله : نرجس نرجس طبت نويرة حته تسلم عليها وتولتنة اني والبنات ملختنه تملخ واسألهن ..

فاضل : ونرجس كدرت عليجن كلجن

اصيله : ماصدكني احجي نويره انتي

نور : اءء اي حجي باجي نرجس ملختنة

فاضل : انتفضت اعصابي وكمت على حيلي طبيت لغرفتها وسديت الباب سحلتها وضربت راسها بالحايط منين جبتي هاي الصلافه من اهلج الكو***

نرجس : بحديه لجيييب طاررري اهلي كااافي اتحمل منك ومن اهل بيتك لهنا وبس كلمن يروح بطريق ما اريدك بعد مو كفو انته واصيرلك مرا .... تعمدت اهينه حته يعتقني وتعم عليه كرامته

فاضل : منو مو كفو بت الك*** كمت اضرب براسها بالحايط جريت شالها ولفيته على ركبته وكمت اخنك بيها مووووتي يا نجسه

نرجس : كمت ارفس وانازع بروحي دفتعتة من حلاة روحي وطلعت مفرعه كدامهم طلكنييييي ماررريدك تطلكنييييييي

فاضل : واني ميشرفني الفي وحده ساقطه ابيتي صحت نجممممم وصل هاي القندره لبيت اهلها الماعرفو يربوها وهااا يكون بمعلومج جهالج تنسيهم لو على كص ركبتج تنسين عندج اولاد يمي طلعوووووها برةةةةة

حكيم : اباوعلها .. وكعت بالكاع تبجي وتلطم على رجلها الكل عافها وطب ماعدايه اني واخوتي ونجم واكف منتضر ياخذها رحت كعدت يمها بالكاع ولميتها الحظني وشميتها حيييييل لأن جنت اعرف راح انحرم منها كل اخواني يبجون ويفرفحون ماشوف غير هدوم امي صارت بكل مكان رفعت راسي شفت اصيله ونسمه يشمرن بيهن

_كمت واني عيوني تريد تطلع من مكانها طبيت للغرفه وركعت الباب رحت على اصيله و نبتت اصابيعي بركبتها غمضت عيني وحجيت من بين سنوني .. نكسسسسسه عبالج اذا نرجس راحت راح ترتاحين والله لصيرلج عظم ينبت بزردومج خنكتها علما حسيت نفسها انكطع وعيونها انكلبت و نسمه اجر بيها واصيح ما هديتها اله كامت تنازع .. جريت جنطها وهيه اصيح وتدعي عليه جنه ك*** عوره لميت هدوم امي كلهن وطبيت لبوي

_حجي اريد تسمحلي اني اخذ امي لبغداد

فاضل : بحده اي واحد خل يجفنها وياخذها

حكيم : هزيت راسي بغضب واخذت امي وطلعت ويا السايق

نرجس : بجي .. يما سامحني اني بعد ما احمل من يوم الاخذت ابوك لليوم ماشفت يوم راحه جذب عليه ولعبو بعقلي ماجنت ادري شكو من اخذته طلع كل فتره يزوج بنيه صغيره وحليوه ويشبع منها ويطلكها واخذني على حساب يشبع ويطلكني علما حبلت بيك واني ما ادري بروحي شفت انواع العذاب من حبلت بنجاة بيوم لزمني رحاب واصيله ما هدني اله واني جثه وانزف رادن يوكعن الي بطني يما دير بالك على اخوتك امانه بركبتك خاف ما اشوفكم بعد انته امهم وانته ابوهم

حكيم : ضلت تحجي عن ضلماتها تريد تقنعني هيه ماعافتنة بسبب زواجه بيومها ماعرفت المن اشفع وصلتها البيت جدي وهيه تبجي نزلت على ايدي وباستها

نرجس : يماا امانه بركبتك اخوتك كمت ابوس بي بكل مكان اريد اشبع عيني منه عافني واخذ روحي ويا وراح

حكيم : بيومها كد ما فكرت توصلت الى امي ما تركتنه علمود زواج ابوي حسيته من راحت وشافت بغداد وعيشت اهلها جانت تريد حجه حته ترجعلهم ماعرف اذا اني دخلت بذنبها او لا تعب راسي من التفكير ..

الحاضر...

______________________________________

فاروق : كعدت ساعه 00 : 7 الصبح طبيت للصاله شفت حذاء حكيم كبل رحت الغرفته جان باب غرفتة مفتوح دخلت لكيتة كاعد على الكرسي وحاط راسه على المكتب ونايم طلعت على اطراف اصابيعي بدلت ملابسي ونزلت جوه شفت الكل كاعد

_صباح الخير

نهاد : صباحك مسج بعد روحي تعال اكعد يمي

فاروق : لا عمه عندي دوام لازم اطلع بس حبيت اصبح عليكم

نهاد : علي ولك صحت نجاااااااة تعاااي سوي ريوك لخووووج

نجاة : رحت اركض شفت فاروق يو عبالي حكيم اجه

فاروق : لج ادبسز يعني حكيم تتلكي بس اني ابن الخايبه مووو

نجاة : رحت حظنته انته الروح والريه

فاروق : لعد روحي سويلي شي اكله قبل لا افطس

نجاة : رحت سويت ريوك وصبيتله جاي حطيت الصينيه كباله وكعدنه اني ويا ناكل سمعت اكثر صوت احبه بحياتي كال

حكيم : السلام عليكم

نجاة : شهكت وكمت من مكاني حضنته بكل قوووتي

حكيم : ضحكت وبوستها ضلت شابكتني مترضه تهدني

نهاد : ولج وخرري خل نشوفه لطشتييي

نجاة : وخرت عنه وحته ايده بستها صارلي 3 اسابيع مشايفته مفتقدتة

فاروق : كمت تحاضنت ويا طبطبت على كتفه تو مانور البيت

حكيم : منور بيكم نزلت على عمتي صرت بمستواها بست راسه وكعدت وياهم

نجاة : بابتسامه اصبلك جاي

حكيم : صبي

نهاد : ضل بالنه عليك 3 اسابيع تغيب عنه وابوك كلما يسأل انكله اجه وراح

حكيم : مديت رجلي ..... عندي شغل مجاي افرغ لعد مرت الحجي وين

نهاد : حطيت ايدي على خدي يااا ماتدري مو اخوها مات وصارلها يومين بالفاتحه

حكيم : عقدت حاجبي ياهو منهم

نهاد : عماد الصغير المزوج بغداد

حكيم : عرررفته الى رحمه الله شنو سبب الوفاة

نهاد : هوه مو كهربائي مدري جاي يشتغل ومنتول وميت ومحد يدري بي ورا ساعتين لاكي يابس

حكيم : ميستاهل خوش زلمه جان الله يرحمه

نهاد : اي والله

حكيم : شربت الجاي وكمت حته اشوف ابوي

دكيت الباب وطبيت لكيته كاعد ومشغل تلفزيون يشوف اخبار بس شافني ذب الرمونت وفتح ايده حظنته وبست راسه ابتسم وحجه بكلام كوه ينفهم

_ا شلو نك

_الحمدلله بخير دامك فوك روسنه حجي

_و و يين جنت متسأل واشر على نفسه

_حجي انته الخير والبركه شلون ما اسأل عليك بس تدري شغلي كله بغداد ولازم اراوس اروحن واجيكم

_هز براسه لان يواجه صعوبه بالكلام بسبب جلطه بالدماغ عدت بدون منفقده بس انعوج حلكه واجه صعوبه بالكلام من يومه وشلل نصفي بسبب خلايا المخ الي تأذت راجعت بي اكثر من طبيب بس ماكو امل يرجع يمشي حكم عمره حجيت ويا شويه وطلعت من الغرفه شفت ابن كمال الصغير اجه باسني ..  بسته وكلت روح صيحلي ابوك هز براسه وراح شويه ورجع

باقر : يكول كوله اني بالحمام همس بس جذب كاعد بلغرفه ويا امي

حكيم : ابتسمت وصرت بمستوا ليش تفتن

باقر : انته مو تكول ميصير نجذب

حكيم : اي وهم ميصير نفتن

باقر : يعني ثنينهن ميصير

حكيم : اي

باقر : هزيت براسي ماشي عمووو

حكيم : كرصت خده رحت تمددت بالديوان فتحت مبايلي شفت 29 مكالمه لم يرد عليها 20 رساله وارده من نبأ

فتحت الرسائل ..

ليششش مترد

الووووو

وينك

حكيم ليش مجاوبني حاكرني يعني

هوا صوجي اني لو اموت بعد ما اخابرك

الووو وينك

كل هاذه نوم

خاف زعلان مني

_ انسطرت من كميه الرسائل رديت عليها

مشغول

مباشراة .. اتصلت فتحت خط اجاني صوتها المايع

_الووو حبيبي

_ليش تلحين

_غير احبك شبيك وياي

_نبأ من اكلج مشغول لدكين اخر مرا احذرج

_ترة سوالفك مو مال واحد يحب

_اني كايلج فديوم احبج؟

_لا لعد ليش تحاجيني اذا متحبني

_منو خابر منو ليش تكفرينه شرايده هسه

_ طوط طوط طوط

_اني اعلمج يا قندره فتحت الشريحه وشلت الخط وبقيت بس الاسيا محد يعرفه مال شغل علما اصعد فوك احط وحده جديده للعصر طبو نجم وكمال ونزار بس شفته كفخته على راسه زمااال من البارحه جاي هسه اذكرت اسلم عليه

نزار : غير جنك خفاش بس بالليل تضهر

حكيم : عار لا حكم عليك

كمال : عاش من شافك والله اليوم البيت مضوي بيك

حكيم : مضوي باهله

نجم : والله مشتاقيلك

كمال : دريت خالي توفه

حكيم : اي كالت عمتي الى رحمه الله خاتمه الاحزان

روان : شلونك خويه عساك بخير

حكيم : تسلمين انتي شلونج الحمدلله على سلامتج ويتربه بعزكم

روان : رحم الله والديك يوم الالك ويرزقك بالولد الصالح

حكيم : رحم الله والديج

روان : تقدمت وكعدت بصف زوجي

نجم : همست الروان هاذه راح يكضيها خاتمه الاحزان مو ادري الي يصير عدهم فاتحه ينطو فلوس شو هاذه ايد ورا وايد كدام

روان : وينطيك انته ماليش هوا خالك وحته للفاتحه مارحت وكول الحمدلله ليش تنتظر من بشر يتفضل عليك وانته الله منعم عليك بلخير

نجم : سكتي انتي مو وجه نعمه حاسبه الجم فلس الطبلنه بلشهر خير الخير هناااك كبالج الله اليعلم شكد شايل بجيبه هسه بس جكايره الي يدخنها بالفين ونص وانتي فرحانه رجلج كاض ام الربع

روان : باوعتله وهزيت راسي

نجم : كومي حطي بتج بحضنه بلكت يحطلها نكوط

روان : شلت شمس وحطيتها بحظنة ابتسم وحط ايده جوه راسها

حكيم : مشيت اصبعي على خدها شكد نااعمه ردت ابوسها بس ماكدرت خاف تتأذه بشواربي بستها من صدرها وطلعت محفظتي وحطيت بكماطها 100 دولار وانطيتها لامها انتبهت على نجم انشرك حلكه من الضحك

نجم : بابتسامه عريضه .. يمعووود بس جيتك كاافيه بيناتنه واجب غير انته مثل ابوها

حكيم : لا عاب حلكك ..... طب الحجي بالكرسي المتحرك كعد يمنا للضهر صبو غده البنات اكلت واستأذنت منهم اروح ارتاح صعدت البيتي اول ما طبيت توضيت وفرشت سجادتي بغرفتي صليت الضهر والعصر وكعدت اقره سوره القيامه

أقسم الله سبحانه بيوم الحساب والجزاء, وأقسم بالنفس المؤمنة التقية التي تلوم صاحبها على ترك الطاعات وفِعْل الموبقات، أن الناس يبعثون. أيظنُّ هذا الإنسان الكافر أن لن نقدر على جَمْع عظامه بعد تفرقها؟ بلى سنجمعها، قادرين على أن نجعل أصابعه أو أنامله -بعد جمعها وتأليفها- خَلْقًا سويًّا، كما كانت قبل الموت .

هل جزء من السوره يقشعر البدن واحس نفسي من اقرا ارجع الوعي ساعات انسى نفسي واحتاج ارجعله .......

يتبع ......

نهايه البارت : فرحوني بتعليقاتكم الحلوه ان شاءالله بدايه خير وتنجح الروايه بفضلكم تابعو حسابي وصوتو للبارت ونشروه بيت اصدقاكم ♡' التنزيل بين يوم ويوم

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

هواي اثار ضلت بس الم لا

المخطط يسموني الكثرهن !

عندي جروح من التفت تلتاف

لن واحد بواحد صرت اشدهن ؛

. صباح الهلالي .

_________________________________________

حكيم : هل جزء من السوره يقشعر البدن واحس نفسي من اقرا ارجع الوعي ساعات انسى نفسي واحتاج ارجعله .

نزار : صعدت ورا لكيته جاي يقرا قران مشيت بدون ميحس اريد اجفله بس وصلت يمة دار وجها

حكيم : شوكت تعقل

نزار : ليش كدامك شاك هدومي وافتر بالشارع

حكيم : عوف التمسلت شوكت النتائج مال صفكم

نزار : بعد ما ادري مو هسه كالو احنه نبلغكم

حكيم : شلون يبلغوكم بله ؟

نزار : بالتلفزيون يكتبون

حكيم :  هاااا هاي طرق حديثه بالتلفزيون يكتبون (نزار روح للمدرسه استلم صخام وجهك وتعال) مووو؟

نزار : اي

حكيم : وجعي اسمع بااجر الصبح انروح اني وياك للمدرسه نسأل على النتائج اذا طالعه ومامبلغني الي حساب ثاني وياك

نزار : ماشي

حكيم : اووكف اوكف وين مولي ليش الثلاجه فارغه و متسوكون اني جم مرا كايللكم ما اريد تعتمدون على اصيله لعد اني ليش عزلت البيت غير حته نرتاح منهم شو انتو النهار كله مكركين يمها

نزار : ترا مانازلين بس نشوف نجاة وعمتي ومرات هيه تصعدلنه اكل بكيفها بس احنة يوميه نجيب فلافل اني وفاروق ونتغده ونتعشه من برا

حكيم : شنو هل سوء التصرف ترا ما ارضه بي

نزار : شو ذاب الصوج كله بيه اني شعليه بس اني بالبيت مو فاروق الجبير روح حاسبه

حكيم : نزار احتررررم خوووووش

نزار : نصيت راسي وهزيته ما اكدر ارد لان هوا ابونا وامنه والي ربانه من بعد ما امي تخلت عنه وابويه حاير بنسوانه اني طالب خامس علمي وجنت رااافض نهائيا ادخل علمي بس بعد حكم الحكيم وغصبا ما عليه لازم اطلع معدل كل سنه و طبعا محد يرفض شي الحكيم حته ابوي خاضعله .. كاعدين اني ويا بالصاله كل شويه يسألني عن احد بالبيت ولازم ارد بصراحة بس مو بكلشي

حكيم : فاروق هم جاب احد بغيابي

نزار : منو قصدك

حكيم : لاتغشم روحك وتسوي نفسك كلشي متفتهم

نزار : اا لا

حكيم : يعني ما جاب وحده

نزار : لا

حكيم :  وصديقه طارق بعد ما اجه من يوم المنعته يفوت

نزار : اي

حكيم : ترة اذا عرفت بيك اجذب ميصير خير هاي كلها نقاط تنحسب عليك وتنضاف لحسابك بالذات بعد ما اروح المدرستك .. و قد اعذر من انذر

نزار : ما جاب وحده للبيت بس صديقه طارق اجه وجابو شرب بالبيت

حكيم : شوكت ؟

نزار : عليك الله بروح الحسين لاتكله اني كلتلك والعباس يموتني

حكيم : تؤ تؤ اني اعرف شلون احاسبه .. كووم جيب البمبكشن من الغرفه

نزار : ياهيه منهن

حكيم : التركيه

نزار : كمت جبتها وانطيتهيا وطلعت اركض صاح

حكيم : ووووين

نزار : بكلبي كلتله بط*** عوين بس خل افلت .. كمال صاحني

حكيم : هااا يلا روح بس لاتتأخر .. عرفته يجذب يريد يشرد مني .. فصخت السلاح وكعدت انضف بالسبطانه علما طلعت تلمع من الداخل خلصت .. وكعدت بملل لإن ماعندي شي اسوي مامتعلم اكعد بدلت شريحه جهازي وفتحته .. ضليت اصفح بالمواقع علما سمعت صوت سيارات بالكراج سديت المبايل وكمت وكفت بالبلكونه شفت فاروق وفلاح جاين سوه .. فاروق طالب كليه هندسه مرحله ثانيه وبنفس الوقت يشتغل ويا فلاح بمعمل شيش بناء مال بيت عمي اما عن كمال ونجم فذوله يستلمون وارد من بساتين ابوي .. نجم ميروح ولا يوصل النهار كله كاعد بالبيت بس كمال المسؤل عن الشغل قاطع افكاري صوتهم

فلاح : حييييي الله الررفيييج

حكيم : الله يحيك ابن العم

فلاح : والله بس سمعت بيك جاي للبصره عفت كلشي وجريت فاروق من اذاناته واجيت

حكيم : زين اسووي جنت كاعد كاتلني الملل والجفاف

فلاح : افاااا اني موجود وانته اضوج .. خاب اجاي اسوي

حكيم : جنت انضفه قبل لاتجوون

فلاح : دجيبنه تفكايتين من العدك خل نطلع نصيد

حكيم : متسوه بعد غربت خليه باجر امرلك ونروح ارتجيت على التخم .. اي مرتك جهالك شلونهم

فلاح : بخير دامك بخير بعد روحي

حكيم : تسلملي .. الغالي التفتت على فاروق اي شكو ماكو اخبار البيت بغيابي

فاروق : لوز كلشي ماكو فاكدين نورك بي

حكيم : اخبار نشاطاتك المعنويه

فاروق : شقصدك

حكيم : يعني هل فتره لا كح*** لا شرب لا طارق الك***

فاروق : لااا اني انطيتك كلمه بعد

حكيم : يعني هسه اذا ادك على طارق وتحجي ويا كدامي واتأكد لا ملتقين ولا شاربين

فاروق : هاي شبيك حكيم شنو جهال احنه ادري انته اخوي الجبير وعلى راسي بس مو من حقك تدخل بخصوصياتي ويامن اطلع ويامن اطب

حكيم : ما ادخل بخصوصياتك لو واعي وعقلك جبير بس اني مربيك على ايدي واعرفك شنووو لك انتتتته متووووب تسكر ويا هاذه المطي وتبلعون وضلون تعربدون للصبح جنكم كح*** لتخليني اطلع من ديني فاااااروووق ترا اني ساكت قسما بالله اطردك وميرفلي جفن يعجبك تمشي عدل بهل بيت اهلا وسهلا ميعجبك حته بيت ابوي ماخليك بي اني مافاتح ملهى

فلاح : شهل حجي صلو على محمد شنو شيطان دخل بينكم وبعدين انته هم رجعت تشرب مو حلفت راح تبطل

فاروق : محد اله دخل بيه عسما اروح الجهنم موسى بدينه وعيسى بدينه واذا على البيت فما اكعدلك بي لتخاف ..

حكيم : صكيت سنوني وجريتة من قميصة .. فاروق اذا طلعت منا مالك رجعه لان بعدها مراح اصير من اهل البيت وتدري اني من احجي انفذ

فاروق : طز بالبيت .. وبيكم

حكيم : نزل يركض للبيت الجوة .. نزلنه ورا للبيت شفته لازم نزار وجه اصفر ومايكدر يتنفس بالكوه حسيته اختنك لان عنده سكر وميتحمل اي هبطه .. دفعته عنه وهوا وكع بالكاع لازم صدره ويشهك صحت نجااااة جيبي ابرته

نجاة : اي اي

حكيم : جر نفس .. رفعت تشيرتة افرك صدرة .. ووووين صارررت هاي 

نجاة : اجيت اجيت ..

نهاد : شكد خسيس ولك كدرتك على هاذه البزر

فلاح : دفع ما كان اعظم الحمدلله هيج ولا تجي غيبوبه ادمره

حكيم : حطيت جوة راسه مخده وكمت حكيت ارنبه خشمي بخفه ومباشراة انطيت بوكس الفاروق شمرته بالكاع طفر الدم من خشمه هااااي لإن مديت ايدك على نزار ضربته مرا ثانيه وهااي لإن كسرت كلمتي ردت اضربه مرا لخ جروني عنة ..

كمال : بسسسكم كافي من بطن وحده وهيج شنو جهال انتم

حكيم : باوعت على كمال وخزرته سكت ونصه راسه .. كومت نزار حته اخذه يمي فوك سندته وصعدت اجت ورانه نجاة كالت

نجاة : بابتسامه ابقه يمكم اليووووم

حكيم : هلا بيج اخليج بضلوعي

نجاة : فرحت بحجايته الوحيد الي يعاملني بهل اسلوب الحلو .. اول ما طبيت جانت دنيا ليل فرشت فراش النه كلنه بالصاله حته انام سوه اليوم تمدد نزار اول واحد واجيت بصفه واجه بصفنه حكيم جان تندك الباب

حكيم : كمت حته افتحه سمعت صوت فلاح اشرت النجاة تلبس حجاب فتحتله وطب

فلاح : يمااااا فراش وتبريد وهاي المه الحلوه بالعباس ما ارجع للبيت اليوم

حكيم : ابتسمت وطببته كعدنه على الفراش عرفته جاي على شنو

فلاح : احم .. يابه ترا فاروق بعده جاهل ماعليه عتب كله 21 سنه

حكيم : 21 سنه جاهل ويحتاج واحد يركض ورا اني تعبت كلش منه والله ساعات افكر اشغله بالفلاحه بساتين ابوي بلكت الله يصيح براسه ويضوك الضيم ويعقل حاير فلانه وعلانه وصارحت هاي ورقمت ذيج راد يحس برجولته شربله بطل بيره وكام يهوبز وين احنه بملهى قبل 4 شهور اني بغداد جايبله وحده للبيت ونزار موجود اني اربي واحد يجي الثاني يفسده غير اليوم لزمت روحي ما شكيته

فلاح : يابه حقك وادري بيك بس هم على كيفك ويا خد وعين

حكيم : مو انطيته خد وع** شيريد بعد قبل اربع سنين جانت المشاكل للضالين عزلتلهم البيت وحد علمود دراستهم كمت اعوف شغلي ابغداد الي مكوم على راسي واجي لهنا حته اطمن عليهم هيج الكاهم اشرت على نزار هاذه الزمال عباله ما ادري طالعه النتائج ويسوي روحه اثول من اسألة ذاك حاير بالمكسرات وفوك هاذه كله نجاة مالها غيري ومحد كاسر ضهري بهل بيت غيرها

فلاح : ميخالف هل مرا الخاطري اسامح فاروق وخل يصعد يمكم جن شي مصار

حكيم : هزيت براسي بس مراح اعبرلهيا لازم القنه درس

نجاة : طبيت للمطبخ واسمع كلامهم اريد اطلع اسلم بس مستحيه اخر شي جريت نفس وطلعت كلت

_ السلام عليكم

فلاح : وعليكم السلام شلونج بت عمي

نجاة : بخير الله يسلمك حجه وضل صافن عليه عينه ماوكعت مني للحد ما شفت حكيم خزرني طبيت للمطبخ ركض هزيت بيدي بفرحه اتذكرت عيونه التلمع كلما يشوفني وكمت اكمز من الفرحه علما سمعت صوت الباب اركع عرفته طلع رجعت للصاله تمددت يمهم وخدودي صايرات حمر

حكيم : باوعتلها بخزره وحجيت بحديه .... نجاة خفه ماريد وهمرعه زايده ماررريد افتهمتييييي

نجاة : رجفت من حجه وياي هيج يعني انتبه سوده بوجهي رفعت راسي اريد احجي بس شفتي كامت ترجف جليت صوتي وكلت

_ا ءء ليش شسويت

حكيم : بحديه الصار قبل شويه مينعاد مفهوم

نجاة : باستنكار والله مسويت شي غير طبيت سلمت على ابن عمي

حكيم : ماردت اوضحلها اكثر حته ما اخلي ابالها لفيت السالفه وغيرت الموضوع مددت وفتحت المبايل اكلب بي دخلت على الفيس شفت رسائل من المازنجر  هم نبأ خرب يومها متمل دخلت على المحادثه لكيت مسجات واتصالات واعتذارات انطيتها بلوك ومسحت المحادثة ..

نجاة : ركز بالمبايل اكو وحده مراسلته انتابني الفضول وكلت منووو هاااي

حكيم : زبونه

نجاة : ليش اكو بنات يشترون اسلحه ؟

حكيم : طبعا اصلا اكثر زبائني نساء لن يحتاجون شي لدفاع عن النفس لا سامح الله حرامي معتدي كلشي يصير لذالك هواي عندي زبائن نساء

نجاة : وشلون يرمن بي ميخافن

حكيم : ماكو شي يصنعه البشر ويخاف منه احنه اقوى سلاح بالعالم فما اعتقد اطلاق النار مخيف اكو ناس تعتبره متعه

نجاة : زين علمني

حكيم : ابتسمت ودرت وجهي الها شنو سبب تردين تتعلمين

نجاة : شي اخلص بي وقتي

حكيم : ههههههههههه شي تخلصين بي وقتج ليش معلمج على مسدس ابو المي

_ بهل اثناء دخل فاروق بدون ولا كلمه كبل راح الغرفته

نزار : شفته شلون طب الحقير

حكيم : انجب ولتجاوز

نزار : بس هوا يجاوز عليه

حكيم : هوا اكبر منك مهما يسوي ماكلك هوا صح بس ميجوز تجاوز عليييييييه ماشي

نزار : ترة مليت من هل قوانين التشريعيه تطبق بس علية

حكيم : كاااافي فتيتو كلبي .. مرت دقايق ودخل فاروق كعد على صفحة ..

فاروق : اريد انام يمكم

حكيم : بعدم لا مبالا تعال

نجاة : افرش هناك ونام ميشرفنه ابو العرك ينام يمنة

فاروق : انجبي لج لا اجي ادكج بالنعال

حكيم : لزمتها من اذنها ولج انتي منين متعلمه حجايه ابو العرك هاااااا

نجاة : اخخخخ والله اشاقه والنبي

حكيم : بوووويه ويكلولي ليش متزوج اذا اني حاطلي روضه اعلم بيهم لتحجين هيج ولتكول هيج ولتطلع ولطب اددررري لو جهاااال جان افتهمو

فاروق : نزلت يمهم على الدوشك .. بعد ما اشرب

حكيم : سمعناها قبل

فاروق : والله شبيك

حكيم : اولا لاتحلف بالله على شي انته مو كده ثانيا اني مداخل بجيبي شي علمودك وعلمود صحتك باجر عكبه يصير عندك تشمع بالكبد وتسكط

فاروق : اسم الله عليه لااا بعد ما اشرب بس لتحطلي هاذه المطي يراقبني يصير جنه صخله ماكلين عشاه يروح ينام وكل شويه يجي يكول فززيت مادري بروحي عود يريد يشوفني جايب شرب لو لا

الكل : هههههههههههههههههههههههههه

حكيم : بذيج اليله كلنه نمنه سوه انعادت اول ليله تركتنه امي بيه بيومه لميييتهم كلهم بغرفته ونمنه للصبح على اثر عطره الي للاسف كام كل يوم يختفي لحد ما بعد ماشمينا

"في مكان اخر في العاصمه بغداد "

_________________________________________

اردت اخبارك يوما عن عظمه امي ومدا حبي لها لاكن اختارت هي من تخبرك عن عظمت تخليها !

نرمان : بجي يما لتعوفيني اخذيني وياج

عواطف : ما اكدر اني لازمه عده وانتي شايفه بيت جدج شكبره ابقي ابيت عمج هم مثل ابوج وهاي عمتج اصيله هم يمهم

نرمان : يمه اخاف والله بدونج لتعوفيني كافي ابويه عافني انتي لتعوفيني ابوس رجلج يمااااا .. فلتت اصابيعي من ملابسها ونزلت البوشيه على وجها وفتحت باب السياره .. صرخت بجي يمااا لتعوفيني اروحلج فدوووه وين اضل انيييي

عواطف : امشي عصام ما اكدر اشوفها كلبي يتكطع

عصام : عليمن وين امبقيها بالشارع بيت عمها شيال همها

احسن ما اجيبها يمنة وابويه يكومها بكتلة ويكعدها بكتلة انتي تدرين ابوي شكد يكرها

عواطف : امشي عصام .. يمة حبيبتي سمعي كلام عمج ومرتة لا شلعين كلبهم

نرمان : كعدت على الرصيف مبندة من البجي لزمت ذيل عبايتها .. عافتني وصعدت بالسيارة وراحت

مصطفى : امشي طبي جوة لاتلعبين روحي

نرمان : ارررربد اميييي ااااااااخ .. كمت على عمي اتوسل بي عموووو فدوه اروحلك وديني الها ما اريد ابقه يمكم

مصطفى : هيه عافتج وراحت يعني بعد متريدج وميعجبج اضلين يمي يطبج مرض نامي بلشارع هوا البيت بس ناقصج حته يكمل

اصيله : اووووف المطي كتله لاتخلف من هاي الك*** بت فكر ومشايفه وعلى ساعه بس اشوفلها واحد تعوفك يصيح لاااا احبها ما اكدر اعوفها هاي لفتك الكبور خل يفيدك الحب

نرمان : عمه لتغلطين على ابويه و بعده ترابه مانشف

اصيله : نوب عليه بنات الك*** امشييي ولي لججج

نرمان : طبيت جوه ابجي وافرفح واضرب على صدري اجت يمي مرت عمي مصطفى باااجي امييي عافتني وابوي ماااات وين ارروح

كفاح : لميته الحظني صدكيني يومين وتشتاقلج وتجي تاخذج وبعدين اني موجوده مو عيب تكولين ماعندي ام

نرمان : بس اني اخااف بدونهم اريدهم مسحت عيوني بملابسي

كفاح : اششش يابعد كلبي سمعت صوت اصيله تصيح

اصيلة : كفااااح انه راجعه للبصررره وينج

كفاح : كمت طلعت سلمت عليها ودعته طب مصطفى حاد سنونه عماد يمووووت واني ابويه يستلك .. شكو شبيك

مصطفى : تكليلي شبيك بركبتي سبع جهال واجتني الثامنه شوكلهم ذوله تبن واسد جوعهم شصير اني

كفاح : والله على عينهم رزق والبنيه تيتمت ولو تدري شنو اجر الي يربي يتيم

مصطفى : ما اريد اي اجر بس الله خل يجفيني شرها روحي ولي جيبيلي زقنبوت على لحم بطني من الصبح

كفاح : رحت صبيتله الغده الزاد من الفاتحه وحطيته كباله كعد ياكل

مصطفى : هاي لازم الكالها حل ماخليه بركبتي

كفاح : شسوي متكلي

مصطفى : بس خل امها البربوك تخلص عده واخذها واوديلهيا وذا مارضت وابو فاضل اذبها بالشارع اني ما اتحمل وحده السانها السان دلاله

كفاح : سكتت ماكدرت اجاوبه لن صاير اعصاب بس احجي يكوملي

نرمان : اسمع كلامه وابجي بكتمه ..... بيومه مانمت للصبح ضليت كاعده بالمطبخ وجهال خالي نامو بالصاله واحد فوك الثاني اذن الفجر وجان صوت كلش عالي كمت ارجف لن اخاف من صوت الاذان احس بي رهبه مو طبيعيه ما اتحملت ابقه وحدي رحت لغرفتهم جانت الباب مفتوحه مشيت بخفه ندست باصبعي باجي كفاح ما كعدت خفت اطلع صوتي ويسمعني عمي ويضربني رجعت للصاله حشكت نفسي بينهم غطيت راسي ونمت

_مر شهر واني كل يوم انام يم ولد خالي واضل ارجف واذكر امي وابويه علما اغفى بيوم فرشتلنه باجي بالسره وطفت الضوه وشغلت المبرده خالي عنده 5 ولد وبنات ثنين نمنه بالسره واجه مكاني بصف احمد تغطينه اني ويا بنفس الغطه ضليت كاعده وفاتحه عيني بالسكف ودموعي تنزل تقريبا ساعتين والكل نامو نمت على صفحتي وانطيتهم ضهري حسيت ايد انمدت كبال وجهي خفت وغمضت سويت نفسي نايمه شويه وندسني ..

احمد : نرمااان انتي كاااعده

نرمان : ضليت ساكته ماحجيت علما حسيت ايده انمدت على جسمي لزم فخذي وعصرة بيدة فتحت عيني والدموع تجمعت بيها التفتت اله شفته مغمض حجيت بصوت مخنوك .. احمددد انته لزمتني احجي هزيت كتفه دار وجها وبقه مغمض كلت خاف ممتقصد جريت الحاف وغطيت نفسي بي وحدي ونمت .

كعدنه الصبح جان يوم جمعه وخالي ميروح للشغل قررت احاجي واسئله على بيت اهلي شراح يسون بي

نرمان : عمو

مصطفى : ها

نرمان : بيت اهلي راح يبقه فارغ

مصطفى : ضحكت باستهزاء بيت منو كلتي

نرمان : اهلي

مصطفى : ههه استغفرلله بيت اهلها

نرمان : ليش تضحك

مصطفى : قزلقرط بيت اهلها بت التاجر لتخافين غراضكم شمرناهن بالشارع بس سلاباتج جبتهن الباجيتج والبيت سلمنا لأبو الملك

نرمان : ومدرستي ؟

مصطفى : شنووو مدرستج ليش متصمين حلكج لا اسده بلنعال ترا صارلي شهر اريدلي حجه عليج

نرمان : بلعت هضمتي وسكتت ما اريد ابجي كدامهم ويضحكون عليه عفتهم وطبيت للحمام كمت ابجي اندكت الباب فتحته شفت

احمد : اريد اطب للحمام

نرمان : جاي اطلع وماحس غير حصرني وطخ جسمه بجسمي متعمد رجعت على الباب واركعت حيل صاح

احمد : شبييييج مطيييه

نرمان : لااا طلعت من الحمام عيوني مورمه اذكرت من لزم فخذي وهسه من طخ بجسمي شنو يعني .....!

كفاح : شفت احمد يتحارش بنرمان انصدمت معقوله بلغ وهوا كل عمره 14 سنه قررت احجي ويا نرمان بعد متلبس تراكات صح هيه جاهله 12 سنه بس اخاف لصير مكسوره وثنينهم جهال وميفتهمون

كفاح : حبيبتي جيبيلي خيار من الثلاجه

نرمان : هزيت براسي ورحت جبت

كفاح : تعرفين تثرمين 

نرمان : اي كلشي اعرف بديت اكطعه واحطه بمواعين

كفاح : نرمان يما اذا احجي تسمعيني

نرمان : اي باجي كولي

كفاح : يما علمودج اني اريد اذا تحبيني متلبسين تراكات بعد لبسي دشاديش وجواهن بجايم

نرمان : اتفاجأت من طلبها .. بس ليش

كفاح : الخاطري بنيتي لبسي اني علمودج جاي احجي

نرمان : بس ماعندي دشداشه

كفاح : اني اجيبلج

نرمان : ماشي .. ثاني يوم اخذت قياسي وطلعت دشداشة قديمه عدها كصفتها وقصرتها صارت على طولي لبستها وباوعت بالمراية .. مضيعه جسمي كلة

كفاح : لبسي جواهن ستريجات حتة من تنامين وترفع ميطلع منج شي

نرمان : حاضر .. صارت كلما يصغرن عدها لو يتعبن اسويهن على قياسي صح مبهذله بس ما اكدر ارفض بيوم اجه عمي شايط اول ما طب صاح ..

مصطفى : نرمااااااااااان قندرررررران وينجججج

نرمان : رحت اركض على صوته حجيت بخوف هااا

عمو .. ما اشوفه غير سلحني من زندي وطلعني من البيت فتح باب السياره وصعدني

مصطفى : سددددي الباب

نرمان : كمت ارجع واسمع صوت مرت خالي اصيحح

كفاح : وللكككك وين ماخذ البت سوده بوجهييييي مصطفى الخاطري جيبها بداعت جهالك

نرمان : صعد بدون صوت واخذني ومشه بالسياره صار يسب بإبويه وبيه ضليت مثل السمجه المزوهره لا اني بالمي ولا اني اشتم الهوه الوج اريد اعرف وين ماخذني وصلنه يم بيت جدي ابو امي .. بداخلي فرحت راح اروح لأمي اول ما وصلنه نزلت من السياره ودك الباب بقوه فتحها خالي

عصام : ليش ادك الباب هيييج شبييييك

مصطفى : وين اختك صيحليااااها

عصام : عندك حجي احجي وياي اختي مالها طلعة

مصطفى : هاي بتها انيييي ماريدها تريدون تاخذوها متريدون اشمرها بالشارع

عصام : الي يعجبك سوي طبيت وسديت الباب

مصطفى : لككككككك انته غير كو*** وم**** انعل ابوكم لابو نسبكم

و**** لابو كل *****

نرمان : تربعت بالكاع واني اصرخ اررررريد امييييي ويييين امييييي كاااافي عمووو كاااافي شفته يريد يصعد بالسياره رحت ورا اركض ضربني على ايدي ودفعني صار صوتي صياحي عالي طلعت العالم وبدت تلتم وكله تسأل هاي وين اهلها .  وعمي بالسياره كاعد وساد الباب تقريبا 10 دقايق ونزل شالني من شعري كدام الناس وصعدني بالسياره الطريق كله يكفر ويسب ويلعن علما وصلنه للبيت واني فاحطه من البجي نزلني وطببني للصبه ودفرني برجله على بطني .. تمددت بالكراج وافرفح وجهال عمي كلهم واكفين يضحكون عليه

مصطفى : اذا سمعت واحدددد منطيييها مي لو مطبببها للبيت يطللللع وياااااها افتهمتووووووو

الكل : حاضر

نرمان : طبو وعافوني لازمه بطني وابجي والشمس عاليه كمت اعرك وابرد وحلكي ناشف فتحت الشباك

كفاح : لج فتحي الصونده وشربي منها كاعد بالمطبخ ما اكدر اجيبلج مي

نرمان : ماررريد مارررريد اريد امووووت واخلللص ضليت على كعدتي حسيت حته جفوني يبست من الحر غمضت عيني بقيت للعصر علما فتحت الشباك مرت خالي كالت

كفاح : بابتسامه ولج تعاي طبي عندي خبر حلو الج

نرمان : بصوت تعبان يقبل عمي اطب

كفاح : اي تعالي

نرمان : كمت واني اسحل بروحي اول ما طبيت اجت عينه بعيني كال

مصطفى : تعااي كعدي كبال المبرده

نرمان : كعدت وضربني الهوه حسيت روحي رجعت

مصطفى : باعي راح يجون عليج ياخذوج بيت عمتج اصيله اضلين يمهم سبوعين بلبصره وسبوعين هنا حته شويه اشيل الحمل عني

نرمان : ضليت متفاجئه ..... يعني اني حروح للبصره بس اخااف اروح وحدي واني عمتي ماشايفته غير مرتين مرا بلفاتحه مال ابوي ومرا بفاتحه جدي

كفاح : ميخالف باجي تتعلمين ذيج عمتج وهاذه عمج

نرمان : انتبهت عليها كرصتني .. وسكتت شويه وطلع عمي باوعت على باجي وبجيت

كفاح : ولج سكتي بالعكس فرحي على الاقل هناك تاكليلج لكمه بيها خير عمتج عدها عز وخير هنا اشفتي حته تبجين

نرمان : باجي وين ما اروح ما ارتاح بدون امي و ابوي اشلون راح اضل بدونهم امي ليش متريدني

كفاح : امج حسبي الله ونعم الوكيل بيها جريت نفس عميق وكلتلها .. امج تزوجت

نرمان : شنووو شنووو ازوجت المن وابويه شصارله حته تزوج باجي صدك تحجين

كفاح : وداعت جهالي عمج خابر ابوهة وكله عواطف ازوجت ماليش اجيبولنياه

نرمان : جان املي بامي وهسه ماعندي كل امل حظنت مرت خالي وبجيت بحركه لحد ما سمعت صوت الباب عرفت عمي اجه عدلت كعدتي وطب

مصطفى : يلا بويه لمي هدومج حته ترحين البيت عمتج واسبوعين وتجين وهيج علما نشولفج ابن الحلال اليستر عليج

نرمان : سكتت وكمت رحت للكنتور اخذت ملابسي كلهن ماعدا دشاديش مرت خالي يفشلن حطيتن بلجنطه واني دموعي عشره عشره

كفاح : رحت حظنته وبسته حبيبه ذوله بيت عمتج مو غرب

نرمان : باجي بهذلوووني

كفاح : سوده عليه مسحي عيونج عيب من العالم جريت مشط من الميز ومشطت شعره على السريع لبسته بنطرون اسود وتشيرت اسود وطلعته للباب

نرمان : طلعت بلشارع شفت سياره عاليه بلباب نزل منه ولد شاب لابس بنطرون اسود وقميص ابيض نزع نضارته وتفل العلج الي بحلكه وكال ........

يتبع ........

نهايه البارت : انتضروني بارت جديد لتنسون تصوتون وتشجعوني اتمنى تقدرون تعبي وان شالله التنزيل بين يوم ويوم ❤🦋

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

هلي وشهكات كلبي كله منكم °

هلي وعضات الاصابع كله منكم

هلي وسواد عيني كله منكم

هلي لو بيدي جا ماضليت عدكم ¿ 《...》

_________________________________________

نرمان : طلعت بالشارع شفت سياره عاليه بالباب نزل منها ولد شاب لابس بنطرون اسود وقميص ابيض نزع نضارته وتفل العلج الي بحلكه وكال

حكيم : السلام عليكم

الكل : وعليكم السلام

حكيم : البقية بحياتك ان شاءلله خاتمة الاحزان

مصطفى : بدموع كسر كلوبنه بروحته حطيت ايدي على عيني .... والله ياعمي عاف بنيه بركبتي واني عندي سبع جهال كلت نتعاون اني واصيله عليه اذا مابيها زحمه

حكيم : الى رحمة الله وكافل اليتيم مكانه الجنه دورت بعيوني على البنية بس ماشفتها

مصطفى : عمي هاي بت عماد الله يرحمه شوفها جنها ورده

حكيم : طلعت البنيه من ورا الباب الله مصلي على محمد جنها كمر وصغيرونة وناعمة والترافة تشع منها جان شعرها كارية اسود وبيضة وعيونها سود وكبار بس القهر لاعب بيهن جولة .. نصيت المستواها وباوعت على عيونها وشفايفها الحمر المبرطمتهن .. ليش تبجي الحلوة

نرمان : مسحت عيوني .. مابية شي

حكيم : بس جيبو غراضها اصعدهن بالسياره

نرمان : صعدو غراضي واني جامدة بمكاني اخاف اصعد ويا واخاف ارجع البيت عمي لزمت ثوب مرت عمي ورفعت راسي اباوعلها بتوسل

حكيم : تعالي عمو صعدي

مصطفى : لجج غبيييية مو جاي يكلج امشي صعدي انتي ثوله

نرمان : بجيت واني ارجف باوعلي الرجال ابو السيارة وتقرب سحبني من جتفي بهدوء فتح الباب وصعدني بالسيارة سمعتة ودعهم وصعد بصفي .. اندار علية وكال ..

_عمو ليش تبجين متكليلي

_بصوت تعبان .. مابية

_كل هاي الدموع ومابيج

نرمان : ماجاوبت لان ماعرفة واستحي منة .. شفتة عافني عدلت كعدتي ومسحت دموعي الي تنزل لا اراديا شويه وطلع جبس وكعد ياكل

حكيم : تريدين

نرمان : لا

حكيم : زين جوعانة

نرمان : لا شبعانة

حكيم : اذا جعتي لا تترددين تكولين .. ماشي بابا

نرمان : ضليت ساكتة طول الطريق ما نطقت بحرف بس دموعي تشرح الي بداخلي .. انداريت على الجامة اباوع على المناطق الي نفوت من يمها وجمال الاشجار والخضار وبنفس الوكت كلبي محاصرة الخوف من المكان الرايحتلة ..

حكيم : تنزلين وياي نسوك

نرمان : لا

حكيم : ضلي هنا اسوك من ذاك ابو المخضر واجيج

نرمان : نزل من السيارة مرت دقايق ورجع صعد بيدة الاكياس حطهم بالكشن الورا ورجع يسوق .. وصلنة يم منطقة بيها بساتين وخضار وكف يم بيت واشر الشخص يفتح الباب .. باوعت على المكان واني مبتسمة شميت ريحت الاشجار وغمضت عيني

حكيم : عجبج المكان

نرمان : اي كلش حلووو

حكيم : صفيت السياره ... يلا نزلي

نرمان : نزلت ودكات كلبي تسارعت لان اول مرا اجي هيج مكان ويم ناس كلشي ماعرف عنهم غير بيت عمتي

حكيم : شبيج صافنة امشي

نرمان : مشيت علما طبينه للبيت فتح الباب وصاح

حكيم : اهل البييييت ويييينكم

_ شويه وطبو هواااي ناس بنات ولد وجهال كووومة ناس وكفت تسلم عليه وتبوسة عبالك اول مرا جايهم .. واني محد عبرني خفت كلش وكفت ورا الولد الجابني علما كعدو بمكانهم جرني من ورا

حكيم : اصيله هاي امانتج سحبتها من ايدها .. وديتها الها

اصيله : رحم الله والديك الله يحفظك الشبابك بعد روحي

حكيم : هزيت راسي .. اني اترخص

كمال : وين خل نتغدة

حكيم : دايمه ما اكدر كلش تعبان صحت على نجاة

_اجت تركض

نجاة : أمرني

حكيم : ميأمر عليج يالغاليه بس اريد منج هل حلوه تغديها لان ما اكلت شي طول الطريق

نجاة : تدلل .. نصيت المستواها .. انتي شكد حلوة معقولة هاي عمتج ؟

_ منو كاصلج شعرج يجنن اريد مثله

نرمان : امي ..

نجاة : الله يخبل راح اكص شعري والله

نزار : حته اطلعين مثل ابو علي الشيباني

نرمان : حطيت ايدي على حلكي وضحكت وهمه هم كامو يضحكون

نجاة : لاا والله اضحكون عليه اله اكصة واخليكم تتخبلون وتتندمون لان ضحكتو عليه

نهاد : دكصي حته امرد اصابيعج

نجاة : ضربت رجلي بالكاع اوووف كلشي ميصير حتموتوني

نرمان : ضليت كاعده مثل الاطرش بالزفه ما اعرف ولا واحد بيهم وحته عمتي اصيله شويه وكامت طبت لغرفتها ضليت بالهول ميته من الخجل علما حجت وحده من الكاعدين

روان : انتي بت اخو الحجيه مو

نرمان : هزيت راسي .. بنعم

روان : ياعمري فدوه لهل وجه جنج تفاحه

نرمان : ابتسمت بخجل

روان : باعي خل اعرفج علينه اني روان مرت نجم واشرت علية ابن عمتج .. وذوله جهالي الثنين شمس وهاب وهاي مرت كمال وهاذه ابنه باقر وحيده والولد الجابج اسمة حكيم واخوانة اشرت على نزار وفاروق من يجي اشوفي ونجاة الملكوفة الي تريد مثل شعرج ذوله اخوان .. ولد حجي فاضل يعني مثل ولد عمتج يعتبرون بس من غير ام وهاي عمه نهاد تصير بت عمه للحجي عايشه ويانه من سنين ونكدر نكول هيه وعمتج اصيله امهات البيت وبعد اكو بنات عمتج رحاب ونسمه مزوجات من يجن عود اشوفيهن

نرمان : هزيت براسي عالساس افتهمت العائلة .. كلشي محفظت منهم عائلتهم شكبرها

روان : وانتي عرفينه عليج

نرمان : اني بت اخوها العمة اصيله

اسراء : اي شكد عمرج بيا صف امج وين

نرمان : عمري 12 سنه صف اول متوسط

اسراء : يعني رحتي للاول

نرمان : لا رحت للثاني

اسراء : يا ولج شلون 12 سنه وشلون بالثاني يعني عمرج 13 مو 12

نرمان : هزيت براسي .. بكلبي كلت كلشي ما اعرف لان محد جان يسويلي عيد ميلاد لو يكلي شكد عمري حتة اوراقي ما ادري بيهن وين

روان : وين صافن الحلو

نرمان : ها لا مصافنة بهل اثناء طبت البنيه الاسمها نجاة بيده صينية حطتها كدامي

نجاة : يلا حبيبتي مدي ايدج

نرمان : خجلت بالزايد كلهم كاعدين كبالي متت بدمي

_بالعافيه ما اشتهي

اسراء : يا ولج شنو متشتهين اكلي

نرمان : والله مو جوعانة .. اجت البنية كعدت كبال الصينية وبدت تاكل حطيت ايدي على خدي اباوعلهم بصمت

اسراء : تعالو خوش ثريدة

روان : خل اصيح الجهال هم اغديهم

نرمان : اجت وحده ثانية كعدت كبالي والتمو الجهال والكبار كلهم ياكلون واني اباوع عليهم

نجاة : ياا ترا ما صبيته الكم متستحون انتوو

نرمان : لا بالعافيه اصلا مو جوعانه

نزار : اني راح اروح للاسواق واشتريلج خاف ماعجبج الاكل

نرمان : سكتت ماجاوبتة استحيت كد ماكلت مو جوعانه .. ضليت على كعدتي خلصو اكل وكامو بقيت وحدي بالصالة واستحي اكوم الاي مكان شوية وطب ولد شاب يشبه الولد الجابني

فاروق : السلام عليكم

نرمان : وعليكم السلام

فاروق : باوعتلها مستغرب منين انتي خلقتها مو مال كرايب احنه كلنه جلح

نرمان : اني بت اخوها العمه اصيلة

فاروق : هااا بت اخو الحية ..

نرمان : خفت من كال عليها حية .. بحلق بوجهي مثل اخو وكعد صاح ..

فاروق : نجااااااة جيبيلي مي فحطاااان

نجاة : غضب الله على راسي كلها اصيح نجاة جبتلة مي واجيت لكيتة كاعد يم نرمان

فاروق : اخ بوية .. الشمس حركتني حرك ..... عاشت ايدج .. اشرت على البنية ..... هاي الفرخه بت عماد الله يرحمه

نجاة : اي شلون عرفت

فاروق : سألتها

نجاة : عيني دورة .. ملابسج وين حتة انرتبهن بغرفتي وتنامين يمي

نرمان : بالسياره

نجاة : يجوز نسى ينزلهن حكيم

فاروق : ليش اجه حكيم ؟

نجاة : اي وصعد فوك نام اصلا هوا جابها من بغداد

فاروق : يلا همزين اجة رايده بموضوع

نجاة : كومي خل اشوفج البيت وراها نجيب ملابسج

نرمان : كمت وياها طلعت من الصالة جان اكو ساحه جبيره كلش ..

نجاة : باعي هاذه المطبخ كبل وهاي الغرفه البابها سمائي مال ابوي حجي فاضل وذني الغرف وحده مال باجي اصيله وحدة مال .. عمه نهاد

نرمان : ليش اصيحيلها باجي

نجاة : لان اصير مرت ابوي

نرمان : لعد امج وين

نجاة : تنهدت وغيرت الموضوع .. باعي هاي غرفتي

نرمان : طبينة الغرفتها جانت عاديه بيها جربايه ام النفر وكنتور ومراية طويلة بس متروسة فراش استغربت وكلتلها هاي شنو شكد عندج فراش

نجاة : هاي عمتج اصيله تنكط خباثة اله تحط نضدة الفراش بغرفتي

نرمان : ضحكت ..

نجاة : ولج مو ازعلين لو تكليلها .. والله انشك حلج اني واخواني

نرمان : لزمت حلكي وتخيلتهم يشكو .. سكتت وبهت وجهي

نجاة : لج شبيج اشاقة وياج تعلمي منا ورايح على سوالفي المهم امشي خل اشوفج باقي البيت اخذتها وصعدنة فوك باعي ذني غرف كمال ونجم

نرمان : شفت حايط مسدود بطابوك ضاهر اشرتلها وهاي ليش هيج باني

نجاة : هاذه بيت اخوي حكيم الجابج امشي اشوفجيا اخذتها ونزلت طلعنة بالحديقه باعي درج البيت من الحديقة معزول

نرمان : ليش هيج عايش وحدة ؟

نجاة : لا اخواني كلهم الي من امي نرجس عايشين بي .. بس اني بقيت علمود اداري ابوي

نرمان : هااا حسيت توني بديت افهم .. مشينة وصعدنة الدرج دكت الباب نجاة فتحلها .. نزار جان لابس شورت بس شافني صار ورا الباب

نزار : هااا شتريدن جاي العب بلي كل شويه واحد داك الباب

نجاة : دنجب وطب البس لا اصيحلك حكيم

نزار : لبست بجامتي .. تعالن فوتن امري لله

نجاة : باعي هاذه البيت مال اخواني

نرمان : جان البيت كلششش حلووو بي ديوان لونه احمر والمطبخ مفتوح على الصاله هم ديكوره احمر وابيض واكو ميز طعام وممر رفيع طبينة بي جان بي غرفتين فتحت الاولى جان بيه سراير نوم ام النفرين مفصولات مرتبة كلش .. سدت الباب واشرت على الي بصفها ..

نجاة : وهاي غرفة حكيم نايم بيها ما اكدر ادخل فديوم من يسافر ادخلج الها

نرمان : هزيت راسي

نجاة : باعي اني كلش فضولية وعاملتج بطبعي حتى ميبقه شي بنفسج ..

نزار : ادري ياهو اليجينة خطار وجبتي وصعدتي وفريتي بالعباس اخلي حكيم يفر وجهج براشدي اذا تعيديها بعد

نجاة : دنجب ولك انوب عليه نزارووو

نرمان : اباوعلهم يتعاركون خفت ليطردوني احس بعد ما اتحمل عفتهم ونزلت جوة ضليت واكفة اباوع للحديقه انتضرها .. شويه ونزلت بيدها مفاتيح كالت

نجاة : ترا عادي احنه هيج نضامنة منتراهم ابد من ننجمع نصير من الروس بس بكلوبنا .. واحد يموت على الثاني

نرمان : بصوت تعبان .. الله يحفظكم

نجاة : اخذت المفاتيح من حكيم حتة افتح السيارة وانزلج ملابسج .. فتحتها ونزلتهن ..

_ بس اودي السويج واجيج رحت رجعتهن ونزلت طبينة للبيت لاكتني اصيلة

اصيله : اوكفن اوكفن شنو هيه سفردحه وطابات طالعات باوعت على نجاة وعطت بيها .. ولججج وين وديتي البت

نجاة : تخوصرت وكفتلها جنت اراويها البيت عندج مانع

اصيله : وانتي ياهو وتفرجيها على البيت وشلون تاخذينها يم اخوتج السرسرية ..

نجاة : ياسرسرية حكيم لو مزوج بنتة بكدها

اصيله : وفاروق ونزار شنوووو بلة باوعت على نرمان ورفعت اصبعي يتحذير باعي لج انتي جاية لهل بيت تكعدين باحترامج هيلكة وهمرعت امج ماريدنها بالبصرة ذبيها بغداد وتعالي

نرمان : ضليت ساكتة وعيوني غوشن بس لزمت روحي حته مينزلن ويفشلني كدامها ضلت تصيح وتنتر بوجهي علمى ملت وراحت

نجاة : هزيت ايدي عمتها وهيج تعاملها لعد لو غريبة جان اسوت كبر حته كبر للمسمومات امشي حبيبة معليج بيها اخذتها من ايدها وطببتها للغرفه طلعت ملابسها وبديت ارتبهن بكنتوري انتبهت عليها وجها احمر وعيونها محتقنة بالدموع

_ حبيبتي شبيج

نرمان : ما تحملت اكثر وانفجرت بجيت بصوت عالي .. اررريد ارجع البغداد رجعووني البيت عمي ما اريد ابقة هنا اختنكت الهوى خنكني

_ يا ولج شبيها البصرة تروحيلها فدوه هيه وهواها غير يرد الروح

_ هسه اني جبت طاري البصرة

_ اشاقة وياج ولج لتبجين حبابه

_ ارررريد ارجع كولي العمتي ترجعني

_ عفتها تبجي وطلعت فتت للصاله لكيتها كاعدة صحت .. هاي بت اخوج جاي تبجي تريد ترجع البغداد مخنوكة من البصرة

اصيله : كليلها خل تلصم وتنام موزين لفيتها

نجاة : خرب يومها .. هاي لو غريبة جان اسوت عفته ورجعت للغرفه لكيتها مقرفصة ونايمة غطيتها وطلعت ميته من الجوع رحت للمطبخ شفتهن ديسون عشة

اسراء : ها ولج جنج بزون مال مطابخ اطلعين راسج تاكلين واضمي

نجاة : جووووعانة

اسراء : اني اگلي وانتي تاكلي ...... صدك هاي الفرخة الاجت وينها

نجاة : نامت

روان : سوده علية خطيه تكسر الكلب هم ابوها مات وهم امها ذبتها متريدها

نجاة : يعني امها عايشة

روان: اي ولج ومتريدها

روان : شمدريج

رولن : سمعت من خالة اصيله

اسراء : خاله شكبرها بحلكج تخلخلت حلوجك

روان : نجبي ولج

اسراء : اخ لو يخلوها بيدي يوم اله اعضها من كمت راسها

نجاة : لااا ولج لتكولين هيج باجي اصيله وين اكو منها كافي شايلتنه بالصلوات

اسراء : يا ولج مني هاي التحجين عليها تقصدين اصيلة الحية ماكو منه

اصيله : ولج مني حيه ام الكلك ام الكمل ام الوصخ جنج مشتهية كتلة ما خليها بنفسج ..

نجاة : تربعت بالكاع من الضحك اباوع على اسراء جمدت بمكانها وكامت تبلعم اصيله شالت النعال وكامت تركض وراه وذيج اصيح كومال الحكني كومال واحنه فاطسين عليها

روان : يما همزين ما حجيت جان النعال اركض بي وراي

نجاة : ديري بالج هاي الغاليه ام كومال

روان : ههههههههههههههه امشي خبيثة من شفتيها ليش ما حجيتي

نجاة : ختولي تستاهل شفتي شلون اكلت غده البنية

روان : اي سوده عليه حتة عشة متعشت

نجاة : اي والله .. رحت اخذت ماعون البتيته منها وطفرت للحديقه كامت تصيح حته ارجعة بس هيهات ارجعلهيا صعدت فوك يم اخواني فتحت الباب لكيت حكيم يصلي قيام اليل سلم وباوعلي ..

حكيم : جم مرا كايلج من اطبين ادكين الباب

نجاة : نسيت

حكيم : حجيت بتحذير مرا لخ لاتنسين

نزار : باوعتلها وابتسمت .. حيل

نجاة : شفتةة شيسويلي هاي كدامك

حكيم : نزار بسسس ..... وبعدين تعال شو انته مصلي ؟

نزار : هوا انتو مشوفوني لا من اقرة ولا من اصلي بس من العب بلي كلها تحضر

حكيم : حضر روحك بس انزل البغداد وارجع البلي ينضم بغرفتي وينقفل علية .. عندك سادس والمدارس جاية

نزار : تئفئفت ورجعت العب بدون ما جاوب

حكيم : يعني معاجبك الحجي

نزار : لا عاجبني

_ عبالي

نجاة : همستلة .. حييييل

حكيم : خزرتها .. كومي نزلي اريد اولي انام

نجاة : خليني ابات هنا هاي الفرخه الجبتها بس تبجي مسوية مناحة جوة تريد ترجع البيتهم

نزار : خطيه يول يتيمة

نجاة : والله كلبي مكسور عليها لا عبالك من اضحك مدايرتله بال ..

حكيم : هزيت راسي واستغفرت يلة اني راح انام .. بس اذا سمعتلكم حس اطلع اكطع الحزام على ضهوركم .. عفتهم وطبيت للغرفه سديت الباب ونزعت ملابسي تمددت فتحت جهازلي لكيت رساله من رقم وصورة مال ايد بيها كانولة ومكتوب جواها ..

_( شوف فراكك شسوه) ضحكت باستهزاء سوالفها مال مزعطة يا محمد .. كتبت

_ كلهن طاكات جواية ترا هاي انتي دارسة ومثقفه وهاي سوالفج لو جاهله جان شسويتي مباشرا طلع مرئي ردت

_ احبك حكيم لتعوفني

_ رديت .. نبأ .. احنه كلشي ماكو بينة انتي اجيتي اشتريتي مني سلاح اتصلتي علمود خلل حليتلج المشكلة وخلص كلشي ماكو بينة اني ما واعدج بشي حته اعوفج

_ دزت .. بس اني علقت نفسي بيك وكمت اتخيلك بكل مكان ..

_ هاي مشكلتج مو مشكلتي ..

_ دزت .. انته ليش رافضني اريد افتهم

_سبق وكلتلج .. لا اني من ثوبج ولا انتي من ثوبي وانتي بت ناس ومثقفة واعية وتعرفين العادات والتقاليد اني من الجنوب .. وانتي من بغداد وشايفة لبسج وجسمج الي ما ضامة منة شي تريدين اصير كرن واخذج ؟

_ شتقصد يعني مو عيب هل كلام وبعدين انته مكايلي لبسي حجاب لو احتشمي واني رفضت

_ ما يحتاج اكلج لن اصلا مو بالي انتي ..

_ وذا اتحجب والتزم اصير ابالك ؟

حكيم : رجعت راسي ليورة .. سديت الجهاز خرب يومج بالعة سماعة متسكت منين ما اجيها تجيني غمضت عيني وحاولت انام ضليت اتكلب علما حسيت فقدت الامل من النوم .. رجعت على مكتبي وفتحت الابتوب صرت اكتب كل ذكرياتي الي تقرر ازورني بدون متطرق بابي .. شغلت جكارة وجريت منها نفس ..

مدينه البصره سنه 2003

_________________________________________

من صلب المعانات ولدت على هيئه فرج ، ومن باطن الغيوم السوداء ينشق شعاع النور ، ومن ارحام الحنين ولد عوضي على هيئه بشر ♧ ..

نجاة : طببتني رحاب للحمام حتة اسبحني لزمتني بكونية البصل تفرك بجسمي واني افرفح جوة ايدها

رحاب : ولج الصمي خل اطلع الوصخ من جلدج

نجاة : عووفيني راح اموتن خلي الوصخ كاتلني ولا اصلخين جلدي ..

رحاب : امج البربوك تروح البغداد ادور رجولة واني هنا ابتلي بيج

نجاة : لتكولين على امي بربوك انتي بربوك

رحاب : ضربتها على ضهرها بيدي .. ماحسيت عليها الة وفاحطة كمت ارجف خاف احد يسمع حسها ويجون يكفخوني اسكت بيها متسكت نفخت بوجها اريد يرد بيها النفس فاتحه حلكها وشاهكة عفتها وطلعت من الحمام اركض طبيت للمطبخ

اصيله : ولج شبيج تركضين

رحاب : ولج يما ضربت نجاة .. وفحطت وعفتها وشردت

اصيله : صخام الصخمج خاف تموت ولج

رحاب : يما لشتي كلها ترجف اخافن اذا ماتت لتكولين انه ابوس ايدج

اصيله : الصمي خل اروح اشوف البت رحت باتجاه الحمام واسمع صوت بجيها يرن بالبيت فتحت الباب جان تركعني بالسطل مال حمام رجعت للمطبخ اركض

رحاب : ياا منو هيج سوه بيج ..

اصيله : نجاة المجلوبه شمرت علي السطل

حكيم : طبيت للبيت واسمع صوت بجي بالحمام دكيت الباب حتة اعرف منو محد يجاوب صحت ..

_نجاااة انتي بالحمام

نجاة : فتحت الباب ابجي

حكيم : بهت وجهي من شفت عيونها .. شبيييج

نجاة : رحاب كتلتني

حكيم : ليش

نجاة : صلخت جلدي بالكونية عود دسبحني حكيم منو يسبحني ماعرف من امي راحت لحد الان رحاب كلما اسبحني تكتلني نزلت دموعي

حكيم : تنهدت بغضب ..

_ لبسي اني اسبحج

_ لا عيب امي متقبل ..

_ هزيت راسي هية وينها امج

نجاة : بجيت بالزايد ولبست شورت وصحتلة

حكيم : طبيت وكعدتها بالطشت وكمت اغسل بشعرها وبجسمها بالصابون كملت .. ونشفتها عاينتلها .. مبتسمة .. هااا صلخت جلدج

نجاة : هزيت راسي برضا لااااا بستها بخدها وجريت دشداشتي ولبسنياها وطلعني كعدنة بغرفت امي جاب مشط وكعد يمشط بشعري كمل ولمه ذيل حصان

_ باوعت على نفسي فرحانة طلعت من الغرفه شافتني باجي

اصيله : ولج مضروبة الجلوه منو سبحج ومشط شعرج

نجاة : حكيم وطلعتله لساني

اصيله : شهكت وضربت على صدري ولكم انتو كفار عبالكم امكم ولت البيت يصير مكوده

حكيم : اصيله ضبي السانج لا اجي اكصلجيا

اصيله : اذا ماكول لبوك اصبرلي

حكيم : لج انتي شنايم براسج مطييييي اصيله طلعي منها لشوفين شي ميعجبج ترا متحملج على اعصابي

نهاد : هاي شكو شبيكم

اصيله : شوفي ابن فاضل يسبح اخته مثل ما الله خلقه يصير بيا بيت هاااي السالفه

نهاد : ياااا شهل استهتار

حكيم : لتكفررروني نجاة كل عمرها 6 سنين لبست شورت وسبحته لان بتج الهايشه ضاربتها ومنا ورايح اني اسبحها محد يمد ايده عليها افتهمتو

نهاد : باوعت على اصيله تفهمين السالفه من ط*** وتسويلج طلابه

اصيله : غميت نجاة وطلعت اذاااا ما اشردكم مثل امكم ما اسمه اصيله

نهاد : امشو عمه معليكم بيها لبسو ماضل شي للزفه

حكيم : طلعت من البيت روحي طالعه خر* بامي وخر* بهل عيشه وخر* بهل بيت بيومها اول مرا اقرر اشرب جكاير حسيت بداخلي محتاج هل شي مو تباهي برجولتي او قله عقل بس مجرد شي اطلع بي غضبي اخذت باكيت وطبيت للبستان جوه شعلت الجكاره وحطيتها بحلكي سحبت اول نفس منه شركت وكحيت حسيت روحي راح تطلع ذبيتها بالكاع ودست عليها ضميت الباكيت والجداحه بملابسي رحت الغرفتي لكيت اخواني بالغرفه مدلغمين

_شبيييكمم

فاروق : ماروح اني

نزار : واني هم مالوح

حكيم : ليش

فاروق : ابوي ما جابلي غتره

نزار : واني هم مادابولي حتره

حكيم : انته بغبغاء شيكول تعيد ورا اسكت خل نفتهم

_ ولك انته كلك 11 سنه ياغتره وين تلفه على ط*** وجهك جنه راس بصل

فاروق : شبكت ايدي اي ماروح لعد

حكيم : لعد ضلو واني اقفل البيت عليكم لن محد راح يبقه غير سلمان الحارس

نزار : لا اني الوح

فاروق : ضليت مصر على قراري

حكيم : خلص لعد خلي فاروق يبقه واقفل عليه باب الغرفه خاف يجي ابو طبر

فاروق : لا ارووووح

حكيم : ههههههههه يلا لعد بدلو راح يطلعون وروح وراهم ركض

_ لبست دشداشه بيضه ولفيت شماغ بيجي على راسي لبست ساعت ابوي الذهب وبدلت النزار لان بعده صغير طلعنه كلنه وكفنه بالباب منتظريهم تقريبا نص ساعه وحركت السيارات .. صاحني ابوي

فاضل : حكيييم بووويه

حكيم : ها حجي أمر

فاضل : شطالع اليوم راح ازوجك

حكيم : ضحكت وكتله الله وايدك

فاضل : ساقط هههههههههه تعال سوق سيارتي خل اروح بيها اني وياك ونجاة وامك اصيله وعمتك نهاد والباقين ويا كمال ونجم

حكيم : هزيت راسي وصعدت بالسياره حسيت الكل كام يباوعلي ركبو وياي وسقت الطريق كله احس بنضرات ابوي ..

اصيله : جان خليت نجم يسوق هاذه كسر السيارة ماخلة طسة ما فوتنه بيها

فاضل : اذا حكيم يفوتنه بطسه نجم يفوتنه بلحايط

حكيم : تعمدت اضحك بصوت عالي اباوعلها باامرايه دارت وجها على الجامه ادردم

فاضل : ذبنه هنا لا طببها زايد هسه اصير هوسه وطلقات واخاف تلوحها جيله

حكيم : ماشي يابه نزلو كلهم كرصت نجاة الفرحانه من خدها طبينه وبدينه انبارك لعمي سامي على زواج بته رتاج جان كمال جايب سلاح اخذته منه وبتعدت عن البيت ورميت بلجو

فلاح : بويه دوده اله ترمي

حكيم : لك ريحه البارود بيه هيبه وشرف

فلاح : شو اني داشم ريحه وحل كتلتني

حكيم : باوعت عليه ولزمت ضحكتي واشرت على رجله

فلاح : شبيك

حكيم : بس باوع انته وين واكف

فلاح : دنكت راسي واباوع حذائي طامس نصه بلوحل طلعت ورجلي تلزك احتركت لشتك

حكيم : شلت صونده وحطيتها على رجله .. تنكعت جوراريبه والحذاء صار وزنه 4 كيلوات من المي كام يمشي ويعرج وصلنه لبيت عمي شويه وكفت سيارات ونزلو منها شيوخ وشباب يهوسون اول ما طبو صاح المهوال

_الف مبروك اكلك من كلب والسان يا ملكه نشامه وملكت الديوان اهلكم بلمعارك ثبتو نيشان

_دبج وصاح بعرسك هاذه جم شامت دسنا بعرس هاذه

هاااا وهااا وهااا وهااا

_ طب العريس سلم على عمي وباس راسه طبو للديوان ياخذون العروس بعاداتنه العريس ياخذه ويروح لبيته وتروح بس امه وياه وهناك ياخذ نيشانه ويركص بي بين الوادم اصر ابو العريس يكسر العاده ونروح نتعشه كلنه ابيته وابو بما انه الشيخ مارده توكلنه البيتهم بسيارات الزفه اول ما وصلنه صبو العشه وتعشينه وضلينه كاعدين منتضرين النيشان حته ناخذ النسوان وروح طب العريس قريب الساعه وطلع بيده النيشان ابيض

سامي : هابويه بشر كطعت راسه

رافد : البت موش بت بنوت

فاضل : تخسسسسى شنو هل حجييي

_ حجه ابو العريس الشيخ ظافر

ظافر : طبو للديوان نتفاهم مو كدام الوادم

حكيم : طبينه بس العمام والولد والعريس واخوته وابو

رافد : عمي هاذه النيشان ابيض بتكم مو بنيه

فاضل : رتاج زينه البنات ممسموح هل حجي

رافد : شمرت عليهم البياض وكلت اذا شاكين بكلامي مستعد ادخل عليه جدامكم

سامي : ضربت على رجلي وانا موافق

ظافر : الي يريحكم سو بس اذا موش بنيه مراح نسكت

سامي : الي اشور عليه يصير ذاك الوكت

_ دخلو الغرفتها النسوان ملتمات

رافد : يلةةةة طلعوووو برررة

رتاج : ش .. شراح اسوون .. يابه والله جذاب والله

رافد : تعاااي يماااا

رتاج : حسيت كلبي راح يوكف بمجرد الي راح يسو تنتهي حياتي وبشي مالي ذنب بي

رافد : طبت امي للغرفه وحجيتله الصار

رتاج : اباوع لبوي وجها محتقن صاحت بيه ام رافد

_ ناااامي خل نشوف صخام وجهج

_ تمددت ورفعت ثوبي واني روحي مايعه من الخجل ودي اكوم الطم على راسي واكللهم اني اشرف منكم

كلكم صارو الكل بعيدين عني اتقربلي بابشع صورة واقذرها ابتعد واني ارجف كل جسمي نمل من الخوف لحد ما شفت جفية الدم بيدة ضل مصدوم ويباوعلي بخوف

رافد : الحمدلله والشكر حجي اعذرني

رتاج : ابوي شاف الجفية واجة تفل بوجها وطلع دفرني وراح وراه ..

فاضل : بشرو

سامي : بنتي اشرف من الشرف طلعت النيشان وراويتلهميا

ظافر : باوعت على رافد الله يصخم وجهك ردت احجي قاطعني

سامي : بتي ترجع وياي

ظافر : صلو على محمد كووم رافد اركص بنيشان مرتك وضربو طلقات عيب من الوادم البره

سامي : ميحتتتتاج اني راح اخذ بتي واطلع ومثل ما دخلنه بلمعروف نطلع

ظافر : وشذنب بتك تصير مطلكه

فاضل : اصير مطلكه وماخليكم اطعنون بشرفها

سامي : كمت اريد اطلع واخذ بتي وحرمتي جانو كل الكاعدين يتعذرون بس كلبي مايخليني اعوفنه يم واحد خسيس

فاضل : خويه اكسر الشر وخلي البت النصيبها والولد غلط وجاي يستسمح

حكيم : باس ايد عمي وراسة .. نهو المهزلة وطلعنة والكل جان ضايج ومحتقن .. رجعنة والطريق كلة عمي يصيح على بناتة ويغلط

سامي : عفت البت واخذت حرمتي وبناتي وطلعت والناس كلها تباوعلي بنضره حقيره اي يالجايب البنات يالشايل الهم للممات طلع رافد يركص بنيشان مرته رجعنه للبيت والدرب كله كلبي ممرتاح ابقيها يمه بعد الصار

فاضل : هاذه الغلط من عدنه المفروض نختن البنات حته ليتكرر غلط بتك

سامي : من حجو الشيوخ مارضينه وهاي النتيجه

حكيم : ضليت مصدوم بكلامهم معقوله يردون يدمرون البنات كلها على حساب غلطت رافد الخنيث ما كدرت اسكت

_ هاذه مو حل دمرون حياة بنيه وتسلبون منها كلشي يخليها تحس بروحها مرة

فاضل : انته اسكت اني ابو وعمامك هم عدهم بنات تريد يوميه تصخم وجوهنا

حكيم : سو التردو بس ما اسمح الواحد يمس شعرايه من نجاة عفتهم وطلعت واني روحي محتركه وقررت الي يمد ايده على نجاة اكسرلهيا كائن من يكون

فلاح : رحت ورا امشي .... ادرري ليش مترضه

حكيم : لييييش لان الاف البنات الي تعرضن الهاي العمليه الخطره توفن على اثر نزيف واكثر من نصهن اطلقن بسبب الحياة الزوجيه المعدومه ترضه تزوج وحده حالها حال القنفه لا تحس ولا تهش ولا تنش

فلاح : وشريفه ارضه

حكيم : اني مضيع وكتي ويا واحد شايلين مخه وحاطين مكانه مطي

فلاح : لك والله احسن شفت عمي سامي راسه كام ميكدر يرفعه

حكيم : منسبه الكم سو اليعجبكم بس نجاة خط احمر

_ بوكتها قررو بالقريه يختنون البنات بيوم الاثنين حسب قول البخاري بيومها ما طلعت ولا داومت مدرسه كعدتلهم مثل العظم بالبلعوم جانت الجده تفتر بالمنطقه حته تاخذ انوثتهن من كل بيت لحد ما وصلت البيتنه وكفت بالباب ادخن جان كلبي محروك على خواتي حتلو مو من امي بس اسمهن بنات ابوي والاضفر عمره ميطلع من الحم جان صوت الصياح يتعاله واني ابتعد من البيت لحد ما اجاني نجم يركض

نجم : .........

يتبع .......

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

'شيء اليه يشدني ، لم ادري ماهو منتهاه ، يوما اراه نهايتي وياما اراه الحياة ●°

_________________________________________

بوكته قررو بالقريه يخنتنو البنات بيوم الاثنين حسب قول البخاري بيومها ما طلعت ولا داومت مدرسه كعدتلهم مثل العظم بالبلعوم جانت الجده تفتر بالمنطقه حته تاخذ انوثتهن من كل بيت لحد ما وصلت البيتنه وكفت بالباب ادخن جان كلبي محروك على خواتي حتلو مو من امي بس اسمهن بنات ابوي والاضفر عمره ميطلع من الحم جان صوت الصياح يتعاله واني ابتعد من البيت لحد ما اجاني نجم يركض

نجم : وكفت يمه الهث .. امي تكول وين مفتاح غرفه نجاة

حكيم : ليششش

نجم : علمود الجده تشوفها

حكيم : *** بيك وبالجده عفته ورحت للبيت .. ركعت الباب وطب وراية نجم يركض

نجم : اوكف خل افهمك

_ لج اصييييييله

اصيله : خيرررر شرايد وسم وزقنبوت

حكيم : اذا كربتي على غرفه نجاة حسبي الله ماخلقج

اصيله : ليييش يمااا وحد اختك لو بس بناتي

حكيم : يطبكم مرض مالي دخل ابناتج عسى ما اذبحوهن دام عدهن ام مثلج كلشي ما استغرب

اصيله : ترا انه ماجبت السالفه من جيبي ابوك هوا حتم وقرر واني انفذ .. وتدري كلام الشيخ على عيني وراسي

حكيم : مشوفي يوميه حاط وحده على راسج

الجده : انه عندي شغل اريد اروحن فضوها عاد

حكيم : متولين منو لازمج

اصيله : يلا افتح باب غرفه اختك لا بالله اصير جبيره

حكيم : باستهزاء يمة يمة لزموني ولك نجم جاي ارجف بس اني لو انتة هم

نجم : حتى اني

حكيم : كفخته على راسه وصحت يلاااا عاد موووو وكلتيهن تبن البناتج خلي هاي ام حلك تكمل على بنات المنطقه طبيت للهول وهيه تصيح وتهدد

اصيله : ولكم اني اسوي بناتي هيج وبت الك*** تبقه والله ما اسكت اني اعلمك انته وهاي السافله

الجده : هسه اروحن

اصيله : والله سبيتيني روحييي

الجده : والبت

اصيله : اني اعلمها اذا ما اكسر خشمها وخشم اخوها بت ام ***

حكيم : كاعد بالهول طلعت نور مرت الحجي عيونها مورمه وشعرها كله مملوخ

نور : حباب وديني لهلي خلصني من ابوك الوحش

نجم : لج اكلي تبن بت النعال ابويه وحش مو اكوم افرك حلكج بالقندره

نور : انجب حقير

حكيم : كام نجم لزمها من راسها وقبض ايده وكام يضربها بكل حقاره طبت اصيله فرحانه حطت رجل على رجل ما حاولت ادخل لان ميخصني

اصيله : بعد ايدي ايدك

نجم : اليوم اسمط جد جدج

حكيم :  مددها بالكاع وصار يضرب بطنها لحد ما دخل ابوي

فاضل : لك نجممممم

نجم : بخوف ها يابه

فاضل : تمدددد ااااايدك على مررررت ابوك

نجم : يابه تغلط عليك تكول انته وحش

فاضل : انه .. ولج منو الوحش

نور : م م مو انته

فاضل : لعد منو ابوج الك*** هااااا

نور : اي

فاضل : ههه باوعت على نجم عوفها ختولي متعرف تحجي ما شايفه العين الحمره يله ولي جيبي مي وملح اريد  انكع رجلي

حكيم : راحت للحمام 10 دقايق ورجعت بيدها الطشت وتمسح بوجها الاحمر

فاضل : اييي المي دافي فركيها عدل

حكيم : انتبهت عليها تفرك برجله ودموعها توكع وتنخلط ويا المي

فاضل : رفعت راسي وتنهدت ..... اجت الجده

اصيله : اي بلمبارك عليك شيخ بناتي عمرهن مينزلن راسك

فاضل : الله يبارك بيج

اصيله : بس

فاضل : بس شنو

اصيله : بت نرجس ما سولها شي اخوها مارضه وكسر جلمتك

فاضل : باوعت على حكيم ليشششش مارضيت

حكيم : اني كلت اختي محد يكرب عليها لا بالعباس اخذها واروح اعيش يم امي ومتلكولنه اثر بعد كافي انحرمت من امي تريدون تمارسون الرياء عليها بويه نجاة طفله وهل وحيده من ريحت امي بقت

فاضل : عود انته تهددني

حكيم : ما عاش الي يهددك بس انته تدري اني ما ارضه بهل موضوع عوفو نجاة بحالها

فاضل : راح اسكت هسه لان بعدها صغيره بس تبلغ حالها حال خواتها

حكيم : الله كريم بداخلي كلت تحلمون تمدون ايدكم عليها

الرجوع للحاظر

_________________________________________

حكيم : تنهدت بتعب واني اكتب ذكرياتي سديت الابتوب وشمرت نفسي على السرير علما سمعت بسبسه برا طلعت من الغرفه شفتهم مجمعين

_ خير شبيكم ؟

فاروق : باستهزاء هاي الفرخه كاعده بالدرج تبجي تريد امها

نزار : بشرفك برشلونه جابت كول وكوه لازم روحي ما جيتت من فوك عبالي نايم ماردت اهبطك طلعت كاعد

حكيم : كفخت نزار وحجيت

_ يا فرخه

فاروق : بت عماد كاعده بالدرج تبجي تريد امها

حكيم : باوعت على نجاة .. ليش ما نزلتي يمها

نجاة : والله نزلت ومتقبل تنام شافت كابوس وخايفه وتريد امها

حكيم : مباشراة اذكرت نجاة من عافتها امي احممم .. لعد عمتها وين شنو جابتها واحنه بتلينة

نجاة : يوووو هسه لو اكسر الباب عليها متكعد

حكيم : جيبيها هنا خل تنام وباجر احاجي عمتها ونشوف

نزار : بابتسامه راح تنام يمنه

حكيم : لا يمي

نجاة : لعد اني هم انام يمك معليه

حكيم : باوعتلها بخزره

فاروق : ليش متنيمها بالصاله مالعبانه روحك من الزعيط

حكيم : لا بغرفتي احسن .. باوعت على نجاة فرشيلها بالكاع واني انزل اجيبها

_ نزلت بالدرج شفتها كاعده وحاطه ايدها على وجها بس شافتني مسحت عيونها وبرطمت

نرمان : حباب عمو رجعني لبيت عمي

حكيم : كعدت بصفها .. تدرين الساعه بيش

نرمان : لاا ماعرف

حكيم : ساعه 4 الفجر

نرمان : والله اخاف مو بيدي

حكيم : منين تخافين

نرمان : اني ماعرف احد هنا بس عمتي وهيه اصلا متريدني

حكيم : وشلون عرفتي متريدج

نرمان : اني سمعتها تغلط عليه ومتريدني

حكيم : لعد ليش عفتي بيت عمج واجيتي

نرمان : همه كلولي روحي

حكيم : زين امج وين

نرمان : حطيت ايدي على وجهي وبجيت .. تزوجت ومتريدني

حكيم : حضنتها وحطيتها على صدري لاتبجين امشي اني انيمج يمي

نرمان : ابتسمت وكمت ويا برغم هم اخاف انام يمه ما احس بالامان الة يم امي صعدني فوك شفت اخوانه كاعدين

فاروق : بووويه الخشم صاير طماطايه عليمن هل بجي

نجاة : ولج هسه صرت اني كخه ادري شلون قنعتها تصعد صارلي ساعه اتوسل

فاروق : خايبه نسيتي حكيم منو حته الصخر يقنعه

نزار : خل تنام يمنا ونلعب بلي للصبح اني وياج

نجاة : من يوم الشتريته اتوسل بيك نلعب وهسه تريد دوره تلعب وياك

نزار : هيه دوره وانتي موزو

نجاة : كمت ادبج برجلي وركضت ورا علما عاط بينة

حكيم : راح تكفررروني اريد انام عندي كعده بالسته الصبح

فاروق : بس لا راح ترجع البغداد

حكيم : اي لازم استلم بضاعه من الميناء واروح ويا السايق نوصلها البغداد وارجع بنفس اليوم

فاروق : بووويه شيوديك

حكيم : لازم ما اكدر ادزهن وحدهن ما أمن

فاروق : تروح وترجع بالسلامه

حكيم : الله يسلمك .... اخذت نرمان ورحت للغرفه لكيتها فارشتلها بالكاع اصريت تنام يمي لان نجاة تنام يم نزار وما أمن عليها رغم طفله بس نزار مراهق

_ تعاي نامي هنا

نرمان : جانت الغرفه ضلمه كلش باوعت على فراشي ومكاني يخرع حجيت بهدوء

_ وحدي

_ لا هسه اجيبلج ابويه ينام يمج غير اني بصفج على الجربايه

_ بس اني اخاف انام وحدي

_ تنهدت ... منين تخافين

_ من الجني

_ يا طلابه الجني المتخلص عدكم

_ تعاي نامي عالجربايه وفضيني

_ ركضت يمة تمددت على الجربايه كبل وجانت الغرفه بارده وريحتها كلش طيبه .. تمدد بصفي ..

حكيم : العب بشعرج حتة تغفين

نرمان : اي .. صرت قريبة علية صار يلعب بشعري يمنى ويسرى لحد ما حسيتة غفة .. جريت الغطة ونمت

حكيم : دك المنبه ساعة 6 طفيته وكمت سبحت وطلعت شفتها على نومتها اخذت ملابسي ولبست برا حته ما اطلع صوت واكعدها  طلعت من البيت متوجه للميناء استلمت السلاح ودخلته كمارك طبعا ماكو شي يمشي بلاش انطيت للضابط مبلغ وقدره .. سلمني البضاعه وحملتهن بسياره جبيره طلعنه من البصره ودخلنه سيطرة بغداد دخلونة للسونار طلعت اوراقي الرسميه ختمولي ورقه دخوليه بسلاح مرخص وصلت للمخزن بمنطقه المنصور نزلنه البضاعه بعد 12 ساعه تعب رتبنا كلشي وقفلت وطلعت متوجه المحلي

_ السلام عليكم

الكل : وعليكم السلام

عبدلله : وصلت البضاعه

حكيم : اي وخزنتها

عبدلله : عاشت ايدك معدل

حكيم : ايدك العايشه اليوم اسلم كل الطلبيات عدا (السمنوف ) و ( البرنو ) مالي خلك السيطرات وصالح مطي ميعرف يفصخن عدل

عبدلله : وشنكول للعالم

حكيم : كوللهم القناص مفرد ممرخص الي يعجبه يلزم بي اربعه ارهاب خل ياخذه والميعجبه خل ينتضر ترا راسي مصدع ومنايم لتلح وياي

عبدلله : يلا ماشي اني ادبره

حكيم : جردت دفتر البيع واخذت حساب المحل وطلعت عبريه للبصره بعد عناء طويل وصلت واني هلكان شفت سيارات بلكراج طبيت للبيت كلت

_ السلام عليكم

الكل : وعليكم السلام

كمال : هاذه اخوي حكيم وذوله بيت عمي اهل اسراء

حكيم : الله بلخير

الكل : الله بلخير والعافيه

ابو اسراء : عمي شلونك

حكيم : بخير الله يسلمك انتو شلونكم

_ باحسن حال

كمال : تعال اكعد يمنا

حكيم : والله تعبان هاي طبتي من بغداد

كمال : الله يساعدك بس ميخالف طب عندي كلمه وياك

حكيم : ترخصت منهم وطبيت للحوش الداخلي اجة وراي كمال

كمال : امشينه للمطبخ

حكيم : طبيت للمطبخ شفت نسوان سلمت عليهن ومن ضمنهن وحده ضلت تباوع ما شالت عينها استغربت من السالفه

كمال : همست عاين على زهيره

حكيم : هاي ام الاصفر

كمال : اي شفتها

حكيم : طلعنه بره وصحت بي شكووو شنو جاهل عندك مجرجرني وراك

كمال : لا يول باوع هاي زهراء اخت روان واني قررت اخطبلكياها

حكيم : شلون تريد الزيج ؟

كمال : مقبوله منك

حكيم : ولو تدلل

كمال : اوكف وين رايح

حكيم : اريد انخمد راسي صاير هورن

كمال : والبت

حكيم : فاتح فاروق بالموضوع يموت عالطوال

كمال : هزيت ايدي ما منك فايده بلكت فاروق يقبل عفته ورحت ادور على فاروق

حكيم : صعدت بالدرج خربان من الضحك تالي متالي كمال مشتغل خطابه

_وصلت لنهايه الدرج شفت نرمان كاعده وحاطه ايدها على وجها استغفرلله

نرمان : عمو اجيت

حكيم : لا بعدني

نرمان : اريد امي

حكيم : حطيت ايدي بجيبي ادورها .... شو ماهيه يمكن نسيتها بالجاكيت

نرمان : لتضحك عليه اني اريد ارجع البغداد اريد امييي

حكيم : استغفرلله ياااااالله رفعت مبايلي اريد ادك على عمها .. صاحت

_ المن راااح تخابررر

_ عمج

_ ليش

_ لو يجي ياخذج لو اني اوديج مو تريدين امج

_ بس امي متريدني

_ ليش

_ باجي كفاح تكول ازوجت وبعد متريدج

_ عقدت حاجبي مستغرب ازوجت ؟

_ اي

_ ليش هوة شوكت طلع اربعين ابوج

_ ما ادري

_ ضحكت باستهزاء ك*** ياوطن يابو الحضارات ......

دكيت على عمها فتح خط

_السلام عليكم

_ عليكم السلام شلونك حبيبي

_الحمدلله بخير

_ خير محتاج شي ضل بالي

_ اي والله هاي بت اخوك تريد ترجع تجي تاخذها لو ارجعها اني وياي

_ منووووو نرماااان

_ اي

_ خل تاكل تبن وتنجب شعدها راجعه مو كلنه سبوعين وتنكبر وتجي

_ قاطعته ... اول شي لاصييييح ثاني شي هيه ابيت النسيب وانتو بيت عمهااااا يعني عدكم بالاصول يموت اخوكم اذبون بته على نسيب

_ والله اني ما مجبور ابقيها يمي يعجبك تخلوها سبوعين يمي وسبوعين يمكم ميعجبكم ذبوها بالشارع ماريدها

حكيم : انصدمت بالكلام الجاي اسمه معقوله هاذه عم يحجي هيج عن بت اخو

_لك انته صدك عار وماعندك غيره ولا شرف الك*** اشرف منك يانكسس سديت المبايل ونزلت جوه صاير بركان من الغضب طبيت للمطبخ وصحت على اصيله

_ تعااااي اريدج

اصيله: خير شرايد

حكيم : جريتها من ايدها وطببتها للغرفه .. ركعت الباب

_ لكم انتو عائله منهوله بنيه جنها ورده تيتمت تريدون اشمروها بالشارع ولج انتي كلبج شنو صخر ادري بيج مسمومه بس حته اهلج ما خلصو منج ادري هاي مو بت اخوج لو نغله

اصيله : انته منين جايب هل حجي شنو كدامك لعد اني مو جبتها يمي

حكيم : اي جبتيها يمج دايرتلها بالك تدرين بيها شكلت اشربت من البارحه لليوم وين انخمدت هاااااا

اصيله : اكلك اني كلبي خلصان تريدني بعد كل هل عمر ارجع اربي من جده وجديد اني خواتك زوجتهن بالموت وخلصت منهن انوب تجيني هاي البزر تكوم تهامص على كلبي

حكيم : نعلعلا ابهاتكم تصمطون عشيرتة اليوكع بديكم شوفي حوبت هاي الطفله متتعداكم طلعت وركعت الباب رجعت البيتي اعصابي فايره بس شافتني نفرت من مكانها ونزلت صحت

_ وين رايحه

_ للبيت

_ متردين تنامين

_ هاا اي

_ يلا تعاي

_ اخذتها وطبيت سديت الباب وشفت نزار نايم بالصاله وبالكاع متمدد فاروق يباوع تلفزيون

فاروق : هاا ماراحو خطارهم .... رفعت راسي شفت نرمان

_ يما اليوم هم الحلوه زايرتنه

نرمان : شكرا 

فاروق : فتحت جيس مال جبس .... تعالي اكلي

نرمان : جنت جوعانه كلش صارلي يومين على لحم بطني رحت كعدت يمة وكمت اكل ضليت كاعده وهوا يشاقه وياي وكل شويه يطلعلي شي من العلاكه

فاروق : شوفي ذني نستلتين فراوله وككو ياهيا تردين ؟

نرمان: حطيت اصبعي على حلكي وكلت ممممم هااي اشرت على ام الككو

فاروق : بس اني احب ام الككو شلون بهيج حاله

نرمان : لعد انطيني الفراوله

فاروق : هم احبها

نرمان : لعد ما اريد

فاروق : يمااااا عزت النفس والكلاوات هاجياهن ثنينهن

نرمان : اخذتهن وكعدت اكل بهدوء دقايق وطلع عمو حكيم من الحمام ينشف بشعرة

حكيم : ها شتاكلون يا خونه

فاروق : حلويات نزار ههههههههههه

حكيم : يمعود ليش تندك بي وانوب بحلوياتة

فاروق : خيولي اني اجيبله عود

حكيم : باوعت على نرمان كاعده تاكل وضاربه الدنيا بالعرض ضحكت على منضرها شكد بريء حلكها ملطخ ككو .. كومي غسلي حته تنامين

نرمان : ماشي لميت الاكياس مال حلويات كلها وذبيتهم بالنفايات .. غسلت ايدي ورجعت

فاروق : هم نادره وهم حلوه

نرمان : كرص خدي وسحبني من ايدي عمو حكيم

حكيم : يلا امشي نامي امري لله

نرمان : مشيت ويا للغرفه بس طبيت ضليت واكفه مستحيه

حكيم : تعاي كعدي اريد احجي وياج

نرمان : رحت كعدت على السرير منتظرته يحجي باوع بعيني مبتسم وكال

حكيم : انتي شكد عمرج .. اباوعلها رفعت ايدها تحسب واصابيعه كصار وناعمات فتحت عينهه وكالت

نرمان :  لو 12 لو 13

حكيم :لو 14 نحطه بالاحتمالات ترا مو كاعده برنامج من سيربح المليون

_ انتي يا مواليد

نرمان : 2001

حكيم : بعدج عجينه حسبتلها طلع عمرها 13 سنه يعني مو صغيره

نرمان : ها عمو وين صافن

حكيم : عمرج 13 سنه يعني مو جاهله بابا

نرمان : باحباط اي

حكيم : شو باوعيلي ..... انتي تعرفين اصلين ؟

نرمان : هزيت براسي لا "

حكيم : ومتعرفين .. انتي مكلفه قبل 4 سنوات لازم تتحجبين واصلين ؟

نرمان : لا ما اعرف

حكيم : زين اذا اعلمج تحبين هل شي لو كارهته .. ردت اشوف شنو ميولها الديني والاخلاقي

نرمان : اي عمو عادي اصلا اني محد علمني حته اكرها

حكيم : زين وبيت عمج محد كلج صلي صومي اي شي

نرمان : لا اصلا ما شفت احد يصلي بيهم ولا شايفه احد يصلي ابد

حكيم : تفاجأت يعني لا اهلها ولا بيت عمها يصلون زين امج محجبه مسلمه ؟

نرمان : اي تلبس عبايه وبوشيه

حكيم : ضحكت باستهزاء .. والله امج عليها حركات .. زين انتي بيا صف

نرمان : رحت للثاني متوسط

حكيم : شاطره ؟

نرمان : اي زينه

حكيم : وين راح اداومين هل سنه

نرمان : هزيت جتفي ما اعرف

حكيم : حلووو الله كريم كمت حته اتوضه وصلت يم الباب والتفتت عليها .. عيب تهزين جتفج من واحد يحاجيج

نرمان : هزيت راسي اي '

حكيم : يعني لازم تهزين شي متكدرين كومي اني ممصلي من الصبح ليهسة راح اتوضى واصلي قضاء انتي هم وياي ماشي

_ ماشي

_ اخذتها للحمام وبديت اعلمها شلون تتوضه خلصت وفرشت سجادتين بس ما عندي جادر الها جبت صاية نجاة وشماغي لبستها وكفت اباوعلها طلع منضرها يخرب ضحك

نرمان : ليش تضحك عليه

حكيم : بس باعي وجهج بالمرايه ههههههههههه

اخذت مبايلي وفتحت الكامره ضحكي .. كبل ابتسمت وبينت خدودها طكيتلها صوره وذبيت الجهاز

_ يلا هسه نقطع الحديث لازم نصلي لو شيصير متقطعيها اوكفي ورفعي راسج وشكول ردي ورايه بديت اصلي وهيا ورايه جبتها من صلاه الفجر للعشاء اخر شي وكعت بالكاع وفتحت الشماغ

_ عمووو راح انجلط بعد ما اكدر اتنفس

_ هاي من الكسل هيج صرتي لو تكومين وتكعدين واصلين جان كلشي مابيج

_ فتحت الجبه ونزعتها عدلت شعري بيدي وكفت اريد اتنفس

_ يلا روحي طفي الضوه حته تنامين

_ كمت طفيت الضوه واجيت تمددت بطرف السرير مباشراة نام ضليت الوب خايفه اريد انام بصفه بس اخاف ينطيني دفره يلزكني بالحايط اوووف ياربي ضليت اتكلب لحد ما صرت قريبه يمة وصوت الشخير واصل للحديقه حسيت بالامان نوعا ما وغفيت

نجاة : سمعت صوت الجهاز يرج بملابسي استأذنت منهم اروح انام طبيت للغرفه وقفلت الباب فتحت الجهاز 

_ الووو

_ اروح سبع فدوات لهاي الو

_ بسسس فلاح بطل هل حجي ليش ادك من كيفك مو كلت بس انتي ادكين عليه

_ هوا غير لازم المبايل من الصبح لسه حته شغلي ما خلصته منتضرج ادكين اخر شي يئست ودكيت اني

_ يعني متخاف حكيم يمي لو فاروق والله يشعلون عشيرتي

_ انجبي لج محد يشعلها غيري

_ ضل بهاي سوالفك علما يلزموني يشكوني شكتين

_ شو صايره جفصين شنو يشكوج شو متعرفين تحجين

_ اسفه والله بس اخذتني الغيره على نفسي وكلت انطيك نبذه عن الراح يسو بيه

_ ديلا بس نجبي

_ زعلت

_ تؤ تؤ

_ بمياعه كوول والله

_ باع بت الكلب شسوي لج لتحجين هيج ما اتحمل

_ شنو متتحمل

_ هيج معليج المهم اريد اجي احاجي حكيم عليج

_ لاتعب نفسك مراح يقبل

_ وانتي شمدريج

_ انته تدري واني ادري حكيم ما انطاني لعزابي ينطيني الواحد مزوج وعنده جهال لا واكبر مني 11 سنه

_ اشششش كافي سدي الموضوع اني اعرف شسوي اول وتالي اخذج ان رضا وان مارضا

_ تنهدت ماشي .... انته وين كاعد هسه

_ بالسطح

_ شسوي لعد ليش مو بغرفتك

_ مو سهى نايمه بالغرفه ما اريدها تحس

_ تحبها ؟

_ نجاة لتفتحين هاذه الموضوع هيه ام اولادي وانتي حبيبتي مممممم تغارين ؟

_ لا ما غار كتله بكلبي احترك بليوم الف مرا من اتخيلك تجي يمها

_ نجاة ليش سكتي

_ انته ليش علقتني بيك فلاح اني تعبت كلش صار سنه واحنه على هاي الحاله متخاف ازوج واعوفك

_ شنو تزوجين وتعوفيني لضلين تمضرطين ترا مستعد انهي عليج ورجال شاربه عليه اليفتح حلكه

نجاة : ردت اجاوب .. فجأة سمعت صوت مرته تصرخ وهوا يسكت بيها وكلشي ما افتهمت بس صوت العياط والبجي وهوا يفشر عليها ويسكتها مباشراة سديت المبايل وكعدت ارجف كمت اختض مثل السعفه وخفت ادك عليها بعد اريد اعرف شصار بس اخاف ادك كعدت اكل بضافيري وادعي كون مرته مادرت بعلاقتنه

_صارت الساعه تقريبا 7 الصبح سمعت صوت فلاح بالهول يحجي بصوت عالي حسيت شويه وافقد الوعي من الخوف لزمت كلبي علما انفتحت الباب وطب حكيم عيونه براسه ..

يتبع .......

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

_________________________________________

حكيم : دك مبايلي ساعه 6 الصبح شفت فلاح فتحت خط واجاني صوته

فلاح : حكيم انته بالبيت

_ اي

_ انزل ابيت ابوك اني جاي

_ خير خوماكو شي

_ لا ماكو شي بس رايدك بكلمه راس

_ بالسبعه الصبح رايد كلمه راس

_ مو سالفه شقه بالقران .. اني جايكم ..

فلاح : بعد ما عرفت سهى بعلاقتي بنجاة لمت هدومها وراحت لهلها الفجر .. حلفت راح تروح لبيت عمي واسولفلهم .. قررت اروح اخطبها قبل لتلوص السالفه وتنكلب عليه خابرت على حكيم وانطيته خبر راح اجي وخابرت على فراس وايهاب ولد عمي نضال حته نروحلهم سوه بدلت وطلعت بسياري رحت عليهم بالسياره اخذتهم وطلعت متوجه البيت عمي فاضل

فراس : لك مو عندك مره وجهال ثنين المن بعد تزوج

فلاح : اخخخ ويا هويت كلبي ولك مكايل شي عندي مرا وجهال بس انه رايد نجاة ولتسئلني ليش هيه

ايهاب : ولك انته مدوهن كل عقلك ينطوك بنيه عمره 17 سنه جنه فلكة وانتة مزوج وعندك جهال

فلاح : مزوج مزوج مزوج ادررررري بروحي مزوووج كافي لتلحون خرررر* باليوم الي ازوجت بي

فراس : ولك خاف عدك شي وياها

فلاح : درت وجهي على فراس وخزرته .. يعنيييي شعندددي وياه ؟؟؟

فراس : دير بالك ليطكلك عرج كلت يعني خاف همسات لمسات حبجيات

فلاح : فراس لاجفص رحمه لبوك

فراس : يلة يابه شكلنه الله يرحم امواتنه جميعا

ايهاب :وصلنه لبيتهم .. استهده بالرحمن خل انطب وانشوف رأيهم وان شالله ميصير خاطرك الا طيب

فلاح : ترا اني رايدكم عون مو فرعون

فراس : ان شالله خير

فلاح : صفيت السياره ونزلت شفت حكيم توه نازل من درج بيته الصاير بالكراج بس شافنة اجة باتجاهنة .

حكيم : حييي الله من جانة ..

الكل : الله يحيك

حكيم : تفضلو تفضلو ...... رحت فتحت باب الهول ودخلتهم كعدنه وكامو واحد يباوع بوجه الثاني منتضرهم يحجون

فلاح : اشرت الايهاب يحجي لان هوا الجبير بينه

ايهاب : خويه احنه ولد عمك وموش غربه وكلنه خوان

حكيم : على راسي صدك جذب

ايهاب : جايكم بطلب واتمنه ما تردنه وتدري اهل بيتك همه اهلنه وانته اخونه والشور شورك والكلمه كلمتك جينه طالبيك لن انته اخو نجاة الجبير والكلمه الك بعد عمي فاضل طبعا

حكيم : استغربت من جابو طاري نجاة ..... اي خويه تفضلو انتو تأمرون

فلاح : قاطعته..... انه رايد اختك نجاة على سنه الله تصيرلي حرمه

حكيم : كمت وكفت على حيلي واني مصدوم من كلام فلاح ...... ادري شلون حجي هاذه وانته مزوج وعدك جهال بركبتك ونجاة بعدها بزر

فلاح : واذا متزوج وعندي جهال لا عيب ولا حرام والشرع حلل اربع نسوان

حكيم : فلاح انته صدك تحجي يعني انته اخونه وبينا عشره ترا نجاة شويه اكبر من بتك

فلاح : الرجال ميعيبه شي مو ابوك اخذ نور جانت بكد احفاده مو بته

حكيم : انته جايب نجاة على نور ترا ذيج اهلها باعوها بيع تدررري لو لاااا ولتقارن نفسك بابويه ذاك زمن وهاذه زمن واذا تريد اصير مثله كومه اكو بنات جهال وعلى كولتك انته ميعيبك شي روح اخذلك اي وحده بس نجاة انساها

ايهاب : خويه هدي مو هيج الحجي خلنه نتفاهم بالاول

حكيم : ما اتوقع الموضوع قابل للنقاش

فلاح : ترا اني لهنا وساكت واذا تجبرني مستعد انهي عليها افتهمت لو لااااا

حكيم : ماضل عقل براسي من كام يهدد رحت لزمته من قميصه .. صحت

_فلاااااح لهنا اني محترمك انته عبالك سوالف العشاير تاكل عندي بعد

فلاح : عادي لتاكل عندك بس تاكل عند السلف كله

ايهاب : صرت بينهم .. يمعووودين كااافي والله عيب راح اضحكون العالم علييينه

فراس : يابه صلو على محمد لزمت فلاح وخرته عنهم وضل حكيم يصيح ويهدد

حكيم : قسما بالله اذا انفتح هاذه الموضوع اكتلك وميرفلي جفن ونجاة اله ازوجها وغصبا ما على خشمك

فلاح : انته موجود واني موجود والي يدنالها اكطم راسه واعلكه بالباب

حكيم : لك كووووووو*** تتحداني

_ بهل اثناء طبو نجم وفاروق

فاروق : سمعت صوت الصياح ونزلت اركض شفت منضرهم ضليت جامد بمكاني صحتتتت .. شكوووو شبيكككككم

ايهاب : يابه ماكووووو شي اشرت الحكيم يسكت رحمه الولديكم سدو السالفه واعتبروها ما انحجت

فلاح : شنيه التنسد قسما برب الكون والكائنات نجاة مصير الواحد غيري لو تنطبك السمه عالكاع

فاروق : يا نجاة !!!!!

حكيم : ضليت واكف وحسيت عيوني تريد تنقلع من مكانها وراسي يريد ينفجر صحت بيهم الكل يسكت .. باوعت على فلاح

_ بعد مالك طبه الهاذه البيت ونجاة تنسى موضوعها ولد عمي نضال الهم الحشيمه من الصار بس هاذه الكلب بعد ميطب وخل ينسى عنده بيت عم من اليوم

فلاح : طلعت وركعت الباب .. طلعو ورايه ايهاب وفراس سمعت صوت فاروق اجه يركض بيده توثيه صاح

فاروق : لك ك****** شعندك ويا نجاااااة جريت التوثيه وركعت فلاح على راسه ردت اكمل عليه لوما لزموني نزلت راسي وشفته واكع بلكاع ودم ماخذه

ايهاب : فرررراس شغل السياررره

فراس : جريت السويج من جيبه وفتحت السياره شغلته ونجم وايهاب شالو فلاح صعدو بالسياره طلعت بي متوجه للمستشفى

حكيم : لك انته مطي شلوووون هييييج تصرررف

فاروق : يطبه مررررض وهاي الك*** نجاة عبالك راح اسكتلها

_ طلع يركض الغرفتها

حكيم : باوعت على البيت جانو الكل طالعين من غرفهم ميدرون شكو همست الفاروق بغضب .. اذا مديت ايدك عليها اكسرها فاررروق لاتشمت العالم بينا اصعد فوك واني اجيبها

فاروق : هزيت راسي هد ملابسي وكفت انتضرها

نهاد : شكووو شمسويه نجاة

اصيله : تعاي خيه خل نفتهم شداكه دروب بت نرجس

فاروق : سدددددي حلكج اصيله

اصيله : انوب عليه فارروق هزيت ايدي وضليت واكفه

حكيم : دفرت باب الغرفه وطبيت سديتها وباوعت على نجاة جانت كاعده وترجف وتبجي حجيت بهدوء

_ انطيني مبايلج

نجاة : من كال هيج كمت اختض مثل السعفه شلته وانطيتهيا نتره من ايدي وحطه بجيبه لف شعري على ايده وحجه بفحيح غاضب

_ راح اسوي نفسي كلشي ما ادري وكلشي ما افتهم اريد اسألج وانتي اجاوبين بس كلما اجذبين راح تاكلين نصيبج

_ هزيت راسي واني ابجي شد على شعري بقوه ...

_ عندج شي ويا فلاح ؟

_ غمضت عيني نزلت دموعي واني ارجف لا "

_ حط رجله على جف رجلي وضغط عليه بقوووه حسيت رجلي راح تنخلع وهوه يضغط بقوه صرخت اااااااااه

_ اششششش لزمت اذنها وهمست عندج شي ويا لو لا

_ هزيت راسي اي "

_ ابتسم باستهزاء شفتي شلون الزمن كام يعيد نفسه بلبدايه امج وهسه انتي مكتوب عليه كل يوم اندم على حبي الكم

نجاة : باوعلي بنضره تمنيت امووت ولا اشوفه بعينه وجها ينفض دم جان يتنفس بصوت مسموع ويزفر نار وعروكه ناطه وشفايفه بيض صاح بصوت رج البيت رج

_ بشنووووووووووو قصرررررررررررررت وياااااااااج

_ بلعت ريكي شويه ويغمه عليه من الخوف نزلت على ايده ورجله ابوس بيهن اروووحلك فدددوه سامحنييي والله ماسووويت شي غلط وداعت ابوووويه وداعتك انته الماعندي اغلى منك مااااااسووووويت شي غلططط وياااااا

_ هزيت راسي ادرري بيج جريت نفس والتفتت عليه صفكتها راشدي انضربت بلكنتور وطفر الدم عالباب همستلها بهدوء كومي مسحي حلكج حته ترحين وياي

_ و و وين ار وح

_ جريتها من ملابسها جبت كلينس ومسحت حلكها اذا سمعت حسج تبجين اجنزج

_ مسحت دموعي واني ارجف كمت ويا فتح باب الغرفه شفت عمه نهاد واصيله ومرت نجم واكفات يباوعن عليه ويشاورن

اصيله : شبيها اختك حكيم

حكيم : مابيها

اصيله : لعد شبي حلكها مورم وعيونها حمر

حكيم : ادخلت بشي ميخصها واكلت نصيبها

اصيله : ....

فاروق : باوعت على نجاة بغضب ودي اكطعها هنا بس ما اكدر احجي كدامهم اخذها حكيم وصعدها فوك فتحت الباب وطبيت قبلها شفت نزار ونرمان كاعدين بالهول ياكلون

حكيم : اشرت الفاروق يسكت

فاروق : كاااافي بعددد هنا ما اسكتتت

نجاة : سحلني من شعري وصار فوكاية يضرب بية بديت افقد من الخوف كلها صارت علية .. ضليت على نومتي لحد ما ادخل حكيم واجة ضربة بوكس شمرة بصفي ..

حكيم : لككككك انته مطيييييي كااافي لا انعل والديييكم تعبتتتتت

فاروق : تمد ايييييدك عليه منورا هاي الك****

حكيم : واكطم راسك هم

فاروق : لك هاي مصادقه فلااااح لك كاسره عيني وعينك تفهممممم

حكيم : من تتأكد عود كول هل حجي

فاروق : باوعتلها وحجيت .. مبااااااايلج وين

نجاة : ع عد حكيم

فاروق : انطيني مبايلها واني اشوفك شلون ماعدها علاقه بي

حكيم : تدلل هسه اجيبلكيا فريت عقله وطببت للغرفه فرمتت الجهاز بسرعه وسجلتله دخول وطلعت شمرته على التخم وكعدت مرتخي بس اعصابي تفور

نزار : شنو منو عده علاقه بفلاح

حكيم : اششش انته معليك

.

نزار : شنو معليه

حكيم : اخذ نرمان وطبو جوه

نزار : ما اطب شنو زعطوط كدامكم اريد اشوف هاي القندره شمسويه

حكيم : اكل خر* واسكت

نرمان : اباوع على الوضع كلش متوتر ضليت ارجف بمكاني ساعه اكول اني شعليه وساعه اكول خاف يلتمون يكتلوني انوب للعصر ضلو على حالتهم كل شويه يكبون على نجاة وهيه تبجي

فاروق : هااااذة فارررغ مابي شي مفرمت

حكيم : شلون عرفت دور زين

نجاة : ضليت اشهك وارجف اخاف احجي كلما يتقرب عليه فاروق يخزرني حكيم

حكيم : كاااافي فاروق مو شفت ماعدها شي ؟

نزار : انطيني الجهاز اني اودي الصاحبي يطلع كلشي ممسوح بي

حكيم : انته لضل تهوبز اكعد وانجب

نزار : صكيت على سنوني بغضب بس خل يطلع حكيم اني اعلمج

حكيم : كااافي ينسد الموضوع

فاروق : لا ماينسد

حكيم : كللللتتتتت كافي جريت منه الجهاز وركعته بلحايط سويته كل قطعه بمكان صحت على نجاة اطب لغرفتي وسد الباب عليه نهيت النقاش وطلعت من البيت صعدت بلسياره ودكيت على فلاح يدك وميجاوب .. حركت السياره البيتى اول ما وصلت دكيت الباب بقوه عرفت ماكو احد بلبيت رجعت اتصل وميرد

_ جبااان وعاررررر ضليت واكف والم راسي موتني علمى شفته طبك سيارته ونزل راسه ملفوف نار وشبت بيه نزلت عليه صاح

فلاح : انتو عبالكم سباعيه هاي اكسر خشومكم ومحمد واخذها

_ليششش فلااااح ليشششش صارلي جم سنة محافظ عليها لك لو وحدة من الشارع جايبة ما اتصور بيوم انتة تطعني بيها

_ ضليت صافن بوجه ما اعرف شجاوبه ضربني على صدري بقوه وحجه بصوت مبحوح

_ ليييش سووويت بيه هيج مو غربلتها بيدي ربيتها بقفص ضبيته بيدي فلاااااح اني جاهل طففففففل صرت اب وام الها تذكر لووووو ناسي مووو انته مووو انته شاهد على عذابي ليش تطعني باعز شي عنددددي

فلاح : نزلت راسي بخذلان ، حبيتها عشكتها كلبي هواها اريدها بالحلال والله مابوعتلها بنضره حرام فديوم وراس جهالي وروح ابويه لزم راسه بتعب اتقرب عليه وحطيت ايدي على جتفه خلي نطب نحجي جوه

_ ماجاوبته فتح الباب ودخلنه للبيت كعدنه بلهول طب جاب مي واجه ماشربته كلبي موجر

_ بس اشرب مي وارتاح

_ ماريد سم

_ براحتك يابه حطيت الكلاص وكعدت ، حكيم

_ باوعت عليه منتظره يحجي

_ انطينياها واعيشها احسن عيشه وروح ابويه وحك ابو فاضل اخليها تاج على راسي

_ جريت حسره ، ومرتك

_ اكعدها بيت وحدها بعيد عن مرتي وجهالي وماخليها اشوفهم ولا تلمحهم ومرتي اذا ميعجبها اطلكها واودي جهالي لامي

_ ضحكت باستهزاء .. نجاة طفله اذا ماجبتلها جبس تكوم تبجي تريد تكعدها وحدها

_ خلص اخليه بيتي وعلى شرط اخلي سهى هيه تخطبها

_ هزيت راسي بعدم رضا ..... يصير خير عفته وطلعت ضل يحجي وتعذر حد ما وصلت للسياره صعدت وحركت بسرعه ومرديت عليه تعبان كلش بيومه قررت انطيه اله لن هاذه خياره وهيه راضيه واني طلعت من خطيته وصلت للبيت طبيت سلمت عليهم ودخلت لغرفه ابوي حاجيته بموضوع فلاح وابوي ماعنده مانع بتعدد الزوجات صعدت فوك جانت عصريه طبيت للبيت ما لكيت احد بلبيت طبيت لغرفتي وشمرت نفسي بلفراش بدون ما انزع غفيت وما حسيت غير على لمسات ايد وهمسه باذني

_ عمو

_ هممم

_ كوم اكل شي انته مماكل

_ طلعي وسدي الباب لتكعديني

_ كعدت على السرير حايره

_ فتحت عيني وكلت ليششش مطلعتي

_ مو نزار وصديقه بالصاله

_ اي ومتنزلين جوه مو عمتج هناك شنو ابتليت بيج

_ انقهرت كلش طلعت من الغرفه ضليت كاعده بالممر ما اريد اطلع ويشوفني صديقه يضل بس يغمز لو مدري شيسوي ونزار يضحك واني اضوج

حكيم : من كعدتني بعد ما كدرت انام واني بهدومي حتى جواريبي منازعهن كمت اخذت ملابس اريد اسبح طلعت من الغرفه شفته كاهده بالكاع ولامه رجليها الصدرها نصيت عليها وكلت .. شبيج ؟

_ مابيه

_ لعد شعدج كاعده هنا جنج مجديه

_ حجيت بعصبيه .... يعني انته تقبل اطلع ويضل يغمزلي ونزار يضحك عليييه

_ عقدت حاجبي منو هاذه

_ صديقه

_ عفته ورحت للصاله بس طبيت شفتهم لازمين مبايل واحد مدري شيشوفون بس شافوني سدو باوعت على نزار بغضب واشرت على صاحبه منو هاذذذه ؟

_ حسين صديقي

_ باوعت على الولد وخزرته ..... ونعااال كاعد ابيتي ويبصبص على اهل بيتي

_ هيوووو شبيك لتروح زايد شنو نعاااال

_ اكل خر* لك بطول النعال وتلاسن يلا كوم ولي

نزار : ليييش عليمن باوع

_ على نرمان

_ ترا جنه نشاقه وياها هوا غمزلها واني ضحكت

_كام الولد يريد يطلع زعلان طردته وسديت الباب لزمت نزار من ياخته شوووو انته مستهتر

_ ليش تطرد صاااحبي علمود هاي الجلبه

_ انجب نزارر انجب عبالك الغيره بس على خواتك زماااال دفعته وطبيت للحمام اسبح كلشي ديصير غلط كلهم جاي يغلطون واني ماجاي اكدر اوكف اتفرج عليهم فتحت المي البارد اريد راسي يبرد خلصت وسديت الدوش لبست وطلعت مالكيت ولا واحد كلهم نازلين لليل اجو فاروق ونزار كلمن راح لغرفته تمددت بغرفتي للفجر واندكت الباب

_ عرفته نرمان فتحت الباب بدون صوت طبيت ودرت وجهي ونمت وهيه اجت نامت مثل الحبابه مر اسبوع على هل حال واجه موعد نزولي البغداد طول هل فتره يخابرني فلاح يسئل على موعد العقد واني اخلي على اشعار اخر بيومه بليل اجت اصيله بيده جنطه نرمان

_ حبيب هاي وديها بدربك باجر لبيت مصطفى

_ اخذت جنطتها واجت نرمان مبرطمه فرشت بالكاع وهاي اول مرا من اجت تنام بلكاع طول اليل ما نمت من صوت شهكاته للصبح دك المنبه ساعه 00 : 6 كمت سبحت وبدلت لكيته مبدله وبيده جنطته اخذته وطلعت تقريبا ساعتين هيا متحجي شي باوعتله وضيقت عيني اشاقيه مباشرا باوعتلي بعيونه المورمات راح تجي عليه بعد

_ ان شالله بعد اسبوعين

_شبيج

_ حته انته جنت تحبني كمت متحبني بعد انته متعارك ويا نجاة اني شعليه

_ اسوق وعيني على الطريق هممم يعني هاذه الشجعج تنامين وحدج

_ اي

_ وجعي ومن البارحه لسه تبجين عليمن

_ وديني لمي ما اريد اروح البيت عمي

_ ليش شبيهم بيت عمج مو تكولين امج متريدج

_ ما اريد احمد ابن عمي يضوجني وعمي يغلط عليه ويضربني اني شنو ذنبي ابويا مات يسون بيه هيج امي راحت شافت حياته وازوجت واني الوكعت بيه شذنبي بس فهمني

_ انصدمت بكلامها حسيتها واعية ضيقت عيني بتعجب زين عمج ليش يضربج وابنه ليش يضوجج

_ احنى مو ذاك اليوم متمددين وحطيت ايدي على ضهرك وما قبلت كتلي حرام ومن سألتك كلت اني غريب عنج وميصير اي شخص يلزم جسمج او تلزمي وهل شي غلط واي شخص غيرك راح ياخذ نضره موحلوه عليه صح ؟

_ اي

_ مرا جنت نايمه بليل واحمد رفع ثوبي ومشه ايده على فخذي ومرا جنت طالعه من الحمام واجه حصرني ولزك جسمه بجسمي كمت احجيله وهوا يهز براسه بهدوء خلصت ضل فاك عينه ويباوعلي ويباوع على الطريق شويه وحجه

_ انتي وين تنامين يمهم ؟

_ ويا ولد خالي ويجي احمد يلزك بصفي

_ زين انتي شحسيتي عادي .. سكتي ؟

_ رفعت راسي خفت احجي ..

_ يعني قصدي شنو جانت ردت فعلج شصرفتي

_ مسويت شي كمت البس ملابس عريضه ملات باجي كفاح حته ميباوع عليه

_ مباشرا نزلت نضري على جسمها اباوعلها رغم قصرها بس جسمها بارز بشكل حته زنودها طالعات بيض كلهن لحم يضون استغفرت ونزلت عيني عنها احممم .. انتي ليش متتحجبين

_ ماحبه يخنك

_ يخنك ؟

_ اييي مرا لبسته بالفاتحه متت من الحر

_ ابتسمت على برائتها ميته من الحر ام زنود زين انتي عادي عندج واحد يباوع على جسمج ويفكر يلمسه

_ كلت بعصبيه لاااااا طبعاااااا

_ لعد ليش متلبسين شي مستور اكثر يعني بس احمد تلبسين كدامه عريض من بغداد للبصره اكو مليون احمد يباوعون عليج

_ حسيت كلامه صح .. بس ماعندي غير الابستهن اطلع بيهن

_ اممم وذا اشتريلج ؟

_ لااا ما اريد اني اكول العمي اذا يكدر يشتريلي

_ ليش اني مو مثل عمج

_ لااااا انته احسن منه

_ ههههههههههههههههه رحم الله والديج وصلتها البيت عمها نزلت واخذت ملابسها لوحتلي بايدها

_بااي

فتحت الباب بالحبل البرى انتبهت عليها من طبت البنطرون لاطش على جسمها عفتها و طلعت توجهت على شغلي وقررت الاسبوع الجاي اروح اخذها ما اخليها اكثر واشوف سالفة مدرستها لان هل شهر موسم المدراس تبدي

_ طلعت المحلي حتى اطمئن على الشغل كل مرة اطول بس هل شهر راح ارجع من وكت للبصره خلصت جردت القوائم وبعنا كم قطعه مال سلاح وادوات احتياط خلصت وطلعت البيت مستأجره بحي العدل 60 متر ابات بي من انزل طبيت للبيت ذبيت ملابسي وبقيت بطرك الشورت وصل اكل طلبته من المطعم اخذتة وعمرت نركيله .. كعدت اكل مر اسبوع واني على هاذه الروتين

_ اخر يوم خلصت شغلي واتصلت بعمها النرمان حتى اخذها بس سمع الدنيا ما لمت فرحتة .. ثاني يوم رحت اخذتها وجانت بنفس ملابسها استغفرلله

نرمان : صعدت بالسياره مبتسمه

_ هلاو شلونك

_ هلاوات ام زنود شفتها مبتسمه حركت السياره كل شويه اباوعلها صافنه لحد ما وخرت شعرها من ركبتها رجعتها ليوره انتبهت على ركبتها بيه اثر مال بوسة شحطت السياره وكفت

_ حجيت بهبطه شببببيك

_ بصدمه ، هااااااي شبيها ركبتج

_ ا اء اءءء شبيها

_ لزمت وجها وخرت شعرها وشفت طكعتين زرك وحده نازله على صدرها وحده بركبتها لفيت شعرها على ايدي هاااي شنو منو مسوي بيج هيج

_ مسيطرت على نفسي اكثر نزلت دموعي واني ارجف صاح

_ احجيييييييي

نرمان : ...........

نهايه البارت : لاتنسون اصوتون للبارت احبكم🤎🍃

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

_________________________________________

حكيم : لازمها من فكها اررريدها تحجي ضلت ساكتة ودموعه تنزل لجججج احجي منو .. سوالج هيييج

_ اءء احمد

_ فتحت عيني بصدمة .. ابن عمج الك***

_ هزيت راسي اي "

_ شلوووون شسووووالج احجي بوية لاضلين ساكتة

_ كمت اشهك بالبجي لميت شفتي ومسحت دموعي ..

جنت هستوني كاعدة من النوم جانو بس ولد خالي وبناتة بالبيت كلهم جاي يلعبون دورت على عمة كفاح مالكيتها شوية وصاحني احمد كال ..

_ امي جاي تصيحج بالغرفة

_ طبيت للغرفة ادوره بعيوني .. سمعت الباب اركعت التفتت .. شفت احمد قافل الباب واكف مرتجي عليها .. لعد وين باجي

_ راحت للسوك

_ لعد ليش اجذب عليه وخر اريد اطلع

_ مطلعين

_ والله اصيح والم الناس عليك وخرر احمد ..كام يتقرب شويه شويه لحد ما وصلنه للسرير دفعني انشمرت .. وصار فوكاية كمت املخ وخرمش بي اريدة يوخر بس ما اكدرلة لزم ملابسي وكام يجر بيهن لحد ما

حكيم : بعصبية ولزمتها من راسها عتيتها .. ماااا شنووووو احجييييي

_ بجيت .. لحد ما عضني من ركبتي ومن صدري وسمعت اخوانة يدكون الباب ويصيحون امي اجت كبل وخر وفتح الباب طلع للشارع بعد ما شفتة واجت باجي شافت ركبتي وملابسي مكطعة كامت تلطم على وجها

حكيم : يا م**** حسيت روحي وجت من سولفتلي .. شخطت السياره ورجعت رون سايد لبيت عمها اول ما نزلت التزمت الهدوء ودكيت الباب .. فتحها ولد صغير .. بهدوء احمد موجود

_ اي اني تفضل

_ انصدمت اكثر من شفتة بكد القندرة لزمتة من زندة وجريتة برا البيت طلعت صوندة مال بانزين من الصندوك واول ركعة انطيتهيا .. على ضهره كام يصيح ويغلط انطيتة الثانية على فخذة تمدد بالكاع وكمت اشطب بي اشطب لحد ما طلعو اهلة والجوارين على صوتة يصرخ جنه ك*** عورة

مصطفى : ليششش تمد ايدك على حميد ..

حكيم : انجب لك اكص ايدي اذا مت*** انتة وابنك

مصطفى : هاااي عليييمن ابن الك****

حكيم : من جاب طاري امي رب مابقة براسي لزمتة بالشارع ملختة تملخ كدام العالم وهوا والم*** ابنه ادخلت الناس وصارت هوسة عفتهم وصعدت بالسيارة اسب والعن كبل حركت السياره وطلعت ..

نرمان : ملخت روحي واني الطم اريدة يهدهم راح يموتون جوة ايدة ماهديت الة  من صعد بالسياره وتحركنه بس بقه جسمي كله يرجف .. اباوع على وجها كام ينفض دم خفت كلش من منضر وجها .. ويتنفس سريع بحيث يلفح وجهي الهوى الحار كلما يلتفتت اخر شي باوع عليه وكال ..

_ شووو راويني ركبتج

_ حطيت ايدي عليها ما قبلت وخر ايدي وهوا يباوع على الطريق رجع عينة عليها .. ضرب على الستيرن بغضب

_ ابن الك*** عبالج هاي هيه كتلتة وحق الانبياء ماعوفة مو بكد النعال بس ماعوفه ورب العزه اني الة

_ ضليت صافنه علية وفاتحه حلكي خفت يكفخني مشينة شوية بالسياره وكف .. باب بيت دنك على الستيرن حاط راسة صاح

_ نزلي

_ وين انزل وصلنة ؟

_ وين وصلنة الكبر ابوج نززززلي

_ انقهرت من جاب طاري كبر ابوي خنكتني العبره ونزلت قفل السياره وطلع مفاتيح فتح البيت سحبني من ايدي ودخلني

_ هاااي شنو بيت منوو ما اطب وخر

_ اهوو صارت عفيفة اسكندر براسي

_ عفيه وخررر شبيك

_ دنجبي وطبي بكد بتي انتي راح اغتصبج ..

_ ضليت فاكه حلكي وارجف على الكلام الكالة مستحيل اطب ويا للبيت بعد السمعتة

_ باعي ترا ضغطي معلك لضلين تهوبزين شويه ارتاح ونطلع للبصرة يعجبج طبي ميعجبج يطبج طوب خوووش

_ هزيت راسي وعيوني مغوشة شبي هاذه خاف جان يمثل عليه وبين على حقيقتة هسة .. ضليت واكفه بالصبة وهوا طب حركت راسي الشمس طبيت للبيت جان بدايتة .. مطبخ بي بكاونتر وطباخ وثلاجه صغيرة كلش حلو ومرتب بس فارغ عبالك ممستعمل تمشيت علما شفتة متمدد بالهول ونازع كل ملابسه باقي بس بالشورت ومغمض عينه وحاطها عكسة على وجها انتبهت على اثاث الصالة بي ديوان زيتوني وطبلة خشبيه واكو غرفه ماطبيتله كعدت بصفه على الديوان بقينه فتره محد حجه علما سمعت صوته يون بالم كلت بصوت يرجف شبيك

_ راسسسي موووتني

_ افركلكيا

_ تعرفين

_ اي رحت كباله كعدت بالكاع وحطيت ايدي على راسه واسوي مساج خفيف

_ هاااي شنو ددغدغيني ؟

_ ليش

_ عصري راسي حييل بكل قوتج

_ كمت اعصر بي بيدي حسيت اعصابي حطك وهوا مراضي

_ بشرفج هاي كل قوتج

_ اي والله

_ كمت عدلت كعدتي ولزمت راسه وعصرته صرخت

_ ااااااخ

_ باعي هيج عصري

_ لزمت راسي بألم .. وكفت كبالة لزمته وشكد ما اعصر براسه ميفيد

_ دوخري يلفاهيه ، رجعت تمددت شغلت السبلت ..... اذا تريدين تنامين طبي للغرفه شغلي السبلت الكنتوري ونامي

_ ما اريد ابقه هنا

_ شكددد جبانه دخيل الخلقج

_ لميت نفسي على الديوان وحطيت راسي قريب راسه والهوى كام يضرب بوجهي كبل غفيت محسيت اله الدنيا  ضلمه والمبايل جاي يدك فزيت مخروعه صحت

عمووووو مبايل كوووم

_ شبيييج يمعوووده ، فتحت عيني كوه شلت المبايل المتصل اصيله فتحت خط وخليته سبيكر صحت هااا

_ ولك بت اخوووويه ويييين اليوم احرك بغداد على راسك ولك انته انته تكتل اخوووي ولده وتاخذ بت الك*** وتهج بيه اذا ما رجعت البت منا الساعه حته الشرطه ابلغه

_ اول شي لصمي وصيحين ، ثاني شي بت اخوج لكيته مصمصه تمصمص تريدين اعوفه علما تحبل واجيبه الج

_ شني انته متفهم جهااااال يلعبون بينهم سويتليا تحبل ومصمصه وبعدين البنييه وين وديته

_ لعد اذا هيج اني هم راح امصمصه بلشقه شرايج ؟

_ ان كربت عليه يا حكيمو الدنيا اهبده على راسك فاهم

_ باااعي لج فكيي عينج وعرفي ويامن دتحجين ام حلك الملزك صار ساعه منطيج مجال كمتي تاكلج بخر*ج سديته بوجه اباوع على نرمان تتنفس سريع ومبرطمه ، شفتج وشفتيني تبجين دكااافي

_ عمو رجعني حباااب

_ عود باجر

_ ليش مو هسه حباااب

_ مو اخاف عمتج تحرك بغداد حته اخذ جويلاتي وانهزم هههههههههههههه

_ اووووف زفرت بغضب وكمت طبيت للحمام شفت شهريه جايه حطيت ايدي على حلكي بخوف ملابسي مدمرات بس بنطروني اسود ميبين رجعت للصاله ادور على كلينس على الاقل ما اوصخ المكان الجواي

_ شبيييج شدووورين مو خبلتيني

_ اريد كلينس

_ جريته من الطبله البصفي وانطيتهيا شو هااي اخذت نص الباكيت جرته وراحت صحت عليه ولججج هاااي المن

_ اءء هاي الي

_ شسوين بي هلكد

_ عفيه عمو معليك اخذت الكلينس وطبيت بسرعه قبل ليحجي حطيت الكلينس بملابسي وطلعت شفته يباوعلي صفح وعينه تتحرك وياي خفت كلش وكعدت كام وراي ودخل للحمام فتره طويله يلا طلع يباوعلي متفاجئ عزززا شبي هاذه اشاف

_ كعد كبالي بصدمه وفاتح حلكه حطيت ايدي كباله اشرله شبي هاذه اسم الله خاف راح يتحول

_ هسه اجيج

_ وين

_ للاسواق هاي بصفنه لتخافين

_ لا عفيه ما اضل وحدي

_ نرمان نجبببي شوكت تكبرين مووو اصخمتي بعد شكووو

_ اتفاجئت بكلامه صخام بس لا دره لبس تراك من الغرفه وطلع ما اتئخر دقيقه ورجع بيده علاكه سوده وخربان من الضحك بس طب طلع الايلويز وشمره بوجهي

_ هاااج وطبي غسلي الحمام تلعب نفسي ترا ومرا ثانيه انتبهي قبل لطلعين وتعوفينه وصخ ترا بيت اهلي يشروج علحبل

_ خجلت متت من كلامه اتمنيت الكاع تنشك وتبلعني شلووون انسه الحمام بس والله ما انتبهت خرررب

حكيم : ضليت متفاجئ من طبيت للحمام بكد البرغي معقوله بالغه ضليت صافن عليه من طلعت اباوع على وجه مال جهال بس جسمه بي لحمه زين طلعت جبتله حفاضات واجيت شفته تاكل بضافير ماكدرت الزم روحي وما اضحك شمرته عليه وانطيته رزاله حته مرا لخ تنتبه وراه واصلا ما كدرت ادخل للتواليت تلعب نفسي كامت دخلت للحمام شويه وطلعت طبيت وراه شفت الحمام نضيف ابتسمت برضى سبحت وطلعت واني افكر بيه ميجوز بعد تنام بصفي لازم تتعلم اتصير قويه ومتخاف وتنام وحده حته لبسه ميجوز ضليت دايخ شراح اسوي وياه حته تعقل وتنام وحده طلعت من الحمام انشف بشعري رحت للصاله خابرت على مطعم قريب يمنا وصيت اكل لان من الصبح كلشي مماكلين باوعتله كاعده بملابسه تباوع تلفزيون احممم كوومي سبحي

_ هااا ماشي .... بكلبي ، هاذه شبي اليوم حاط دوبه ودوبي كل رزاله ولا الثانيه معقوله شم بيه ريحه مو طيبه كمت اخذت ملابس وطبيت للحمام سبحت وطلعت واتئكدت الحمام نضيف رحت كعدت بلصاله شفته دياكل ويتفرج فلم

_ تعالي اكلي

_ بلعافيه ما اشتهي

_ ميصير تكولين ما اشتهي كولي شبعانه

_ ليش؟

_ رفع حاجبه وكال عيببب ميصيررر حسيته يستهزء بيه شويه ومدلي لفه مسلفنه اخذته منه وكعدت اكل اذا اضل اسوي شبعانه وما اشتهي راح اتخربط من الجوع كملت اكل وذبيت السفري بالنفايات ورجعت كعدت شويه وباوع عليه وكقد حابه وصاح

_ تعااي تعااي هااي شلابسه

_ شكو شلابسه

_ لج بابه انتي ترضين اني اباوع عليج واتخيل بجسمج عادي

_ بفهاوه ، شتتخيل

_ لبسي شي عيب عليج جسمج كلة ضاهر انتي ماعندج غيرة على نفسج

_ لا تنتر بوجهي معليك بية انتة

_ تنهدت استغفرلله باعي كعدي كبالي خل احجي وياج

_ كعدت كباله مغندبه وعيوني مغوشه

_ اول شي لتبجين ثاني شي انتي تدرين احمد ليش عض ركبتج

_ لا

_ لان شاف شكلج وجسمج حلو فحاول يتعده عليج ويعضج ويبوسج وهل شي ميصير اله بين المزوجين يعني جسمج من يطلع ميجوز اله الزوجج الي يعقد عليج بشرع الله وكدام الناس واصيرين بس تخصي وهوا عادي بعد يشوف بيج كلشي وانتي كذالك بس غير شخص حرام وميصير اذا كلها شافت ايدج ورجلج وشعرج هيج راح اصيرين مثل الجسر ياهو اليجي يدوس عليج ويعبر تقبلين ؟؟؟ مو مثل ما اذا لابسه ومستوره وميبين شي منج غير جفوف ايدج وقرص وجهج الحلو راح كله تتمنه تلمح شي منج بس ميكدرون وبسهوله راح تخلين خط احمر للكل بدون مدافعين عن نفسج ..

_ هزيت راسي اي " حسيت كل كلامه صح

_ وهسه ابقي بهاي ملابس الباجر اني اخذلج ملابس وبشرط الي يعجبج مراح ادخل اني

_ ماشي

_ بما انج اليوم حبابه وسمعتي كلام تعاي نامي يمي ، طب للغرفه ورحت اهرول ورا طفه الاضويه وشغل السبلت وتمدد واجيت اني بصفه بسرعه نز وكام فتح الكنتور وطلع مخدات حطهن بنص الجربايه

_ يلا نامي انتي مناك واني منا وهااا باجر خاف يسألوج على ركبتج كولي حساسيه وحكيتها وهيج صارت

_ هزيت راسي برضا وغمضت عيني احاول انام

حكيم : ااااخ بوية لو عندج اهل بيهم خير جان ما خلوج تنامين وياي على سرير واحد تنهدت و غمضت عيني بتعب ونمت لثاني يوم الصبح كعدت .. غيرت ملابسي وكعدتها من النوم غسلت وجها ولبست ويا التراك مالتها حذاء .. مخبله مدري بالعه مدري شبيه هاي

نرمان : طلعنه بالسياره وكل شويه يشعل جكاره وينفخ الدخان بوجهي علما انثولت .. عمو افتح الجامه اختنكت

_ مشغل تبريد ما اكدر افتحه

_ حطيت ايدي على خشمي عاد شويه وطفه التبريد وفتح الجام انوب متت من الحر .. عمو سد الجامه وشغل تبريد حموت من الحر

_ صبرني يا الهي صعدتهن وشغلت تبريد هااا استقريتي لو ارجع اطفي وافتح

_ لا هاي هيه ضل طول الطريق ضايج مدري شبي علما وصلنه نزلت من السياره انتضره يجي حته انطب استحي اطب وحدي شويه وكال

_ امشييي طبي

_ طبيت ويا للهول انصدمت بنسوان وزلم وبنات هوواي ضليت جامده بمكاني

حكيم : اول ما طبيت تلكني عماتي جايات من الناصريه

سرور : هلااا عمه حبيب مشتاقين ادري متسئل اتكول اسئل على عماتي ميتات عدلات

عطيه : اي والله شكد ادك على اصيله اتفكدك بس انته كطعي

حكيم : والله حياتي عباره عن شغل وذا ماكو شغل اكو مشاكل

سرور : اسم الله عليك من المشاكل الله لا يضيعلك تعب

حكيم : رحم الله والديج اجو من الحديقه الخلفيه مصطفى وعبدالله ولد عمتي سرور سلمت عليهم وكعدت

عطيه : ولج بنفسسسج تعاي سلمي على ابن خالج

نرمان : اجت بنية سلمت عليه وكامت ترمش بعيونها وتباوع على وجها .. رحت وكفت بالزاوية وحدي .. شوية وتقرب سحبني من ايدي .. وهمس

حكيم :  طبي جوة بابا يم نجاة

نرمان : طلعت بدون ما اسلم دكيت الباب على غرفه نجاة فتحت الباب وابتسمت باستني وطبيت يمها للغرفه

نجاة : عمري تدرين شكد اشتاقيتلج والله جنتي مونستني بالبيت من رحتي اكتأبت فوك الكأبة اضعاف

نرمان : حته اني اشتاقيتلج حضنت وهيه هم حظنتني

نجاة : تعاي ولج ام المصايب وين بتي ويا حكيم البارحه غير مرت ابوي كامت تشاهد

نرمان : مادري كال بيتة

_ عزة يابيت

_ بيته مالته

_ هااا الي بغداد وانتي عندج عادي تنامين ويا بيت واحد وبغرفه وحده لازعلين مني بس ترا هل شي غلط وميجوز تنامين ويا وين احنه باوربا

_ لج والله ماحس بالامان غير يمه اني مو قصدي شي حته هوا حط مخده بينه حته ما اطخ بي

_ اي اني ما اخاف عليج يم حكيم من يوم يومه عنده اهم شي الشرف ولو اذبحي ميباوع على وحده محرمه عليه شبيج مبحلقه بيه والله مجاي اشاقه حته باقي الشباب بعمره كلهم عدهم مكسرات اله هوا من يوم يومه يصلي ويصوم وحاط الله بين عيونه

_ الله يحفظه عادي اسأل سؤال

_ اي

_ لعد امكم وين وليش كاعدين وحدكم وهاذه البيت مال ابوكم

_ جريت حسره باعي امي مطلكه من ابوي الشيخ وسافرت بغداد واني عمري 5 سنين ومن ذاك اليوم كلشي ما اعرف عنه اصلا حته شكله ناسيته تكدرين تكولين حكيم امنه وابونا هوا اهتم بينه وربانه تصدكين حته من بلغت هوا علمني شسوي وشلون اغسل واطهر بس صارت مشاكل هواي بهاذه البيت وقبل سنتين عزل نص الطابق الفوك وسوه درج من الحديقه حته ناخذ اخواني ياخذون راحتهم ويلبسون بكيفهم لن البيت صار بي جناين وبعدين شو انتي ثوله مو سولفتلج من اجيتي شهل فضول ..... صدك انتي عندج مبايل ؟

_ لا

_ اوووف يلا خوش

_ منو الناس البرة

_ بيت عماتي

_ هااا .. كعدنة نسولف شوية وانتبهت على ركبتي وشهكت

_  لج هاااي شنو

_ شنو

_ ركبتج

_ ها لا هاي حساسيه وحكيتها وهيج صارت

_  ياعمري شصاير بيج ... بهل اثناء طب حكيم بسرعه حجه وية نرمان وهوا مجاهلني

حكيم : نرمان تنامين هنا اليوم الباجر يفرغولج غرفه

_ ضليت ساكته بس هزيت راسي طلع وركع الباب

_ راح انام سوه اليوم لج روحيي طالعه لا مبايل ولا نت ولا بشر احجي ويا حبابه لضوجين منام للصبح اليوم اكت سوالف العائله كلها بس تعاي خل نطلع يمهم وبعدين نرجع للغرفه مالي خلك عمتج

_ كمت وراها طلعت من الهول شفتهم ديصبون غده كمت انكل وياهم الاكل التمو كلهم واني اباوع على الباجه 4 روس مال خروف مسفطات بالمنسف حسيت راح اتقيئ واني اشوف ابن عمتهم يشلع عينه وياكله .. شوية وحسيت عمتي كرصتني .. اوووي 

اصيله : كومي ازقنبي

نرمان : ما اريد مو جوعانه

حكيم : باوعت على نرمان خجلانه ومعتكفه على صفحه صحت تعااي عمو بصفي اجت تمشي وكعد بصفي كمت افلسله لحم واحط كباله

مصطفى ابن سرور : يا عمو رحمه الربك هيه غير جنه فرس

حكيم : باوعتله بصدمه هاذه شديمضرط ...... سالمين مصطفى

_ شبيك ما اقصد بس قصدي حديثه مو جاهله واصيحلها عمو

_ هاا كتلي !!!

نرمان : خلصو اكل وكامو شلت المواعين وصاحت عليه روان

_ تعاالي غسلي المواعين مو خدم احنه

_ باوعت على المطبخ صاير عركه لميت المواعين وكفت اغسل بيهن علما انكسر ضهري قريب اكمل وسمعت صوت خطوات قريبه عليه لحد ما حسيت شي تحسس جسمي من الخلف مباشرا درت وجهي بخرعه واني لازمه جسمي منورا فتحت عيني مفزوعه شفت مصطفى

_ احم وخري اريد اغسل

_ ابتعدت عنه واني بصدمه معقوله هوا سوه هيج لا لا ماصدك اني متوهمه لو طخ بيه بلغلط ضليت فاكه عيني ابتعد وغمزلي وراح هاااذه شيقصدددد عفت المواعين واني ارجف وطبيت الغرفه نجاة جانت فارغه حسيت نفسي كلش رخيصه ياهو اليجي ويتحرش بيه فتحت كنتور نجاة وطلعت دشداشه عريضه لبسته فوك ملابسي وطلعت كملت المواعين

نجاة : طبيت للمطبخ واشوف نرمان لابسه دشداشتي لج هااي شنو شطوله عليج

نرمان : شسوي لعد

نجاة : شعجب لبستي دشداشتي

نرمان : مو مو ملابسي ضيكه وعيب

نجاة : عفيه عليج وملابسي كلهن تحت امرج

نرمان : ابتسمت وخلصت البيدي وطلعنه اني وياها بالحديقه نفتر جانو حاطين صونده بيه شي يفتر يوزع مي على الزرع يخبل جنه نافوره طبيت بنص وكام يذب عليه مي كمت اكمز واجفص بالطين

نجاة : لج شسويتي بروحج غبيه طلعي

نرمان : المي يجننن تعااالي طبي حبابه

نجاة : لا عيني تتبلل ملابسي وتلزك على جسمي ومنا العالم

نرمان : ممم هاذه بسمار

نجاة : لا والله مو قصدي بس اخاف من حكيم اذا لزمني يجنزني

نرمان : كبل طلعت من المي ضلينه نفتر ونكطع تين من الشجره وتفاح صغار وبترابه ناكل كد ما نقي شكله سمعت نجاة تبسبس على الاكل قبل لتاكل .. شدتكولين ؟

نجاة : ( بسم الله الذي لا يضر معا اسمه شيئا ) حته اذا كان بي اي شي نجس او ممكن يضرنه او يمرضنه راح يطهر وميضرنه

نرمان : مديت التفاحه البيدي اقريلي عليها

نجاة : شكلولج عليه علويه دمسحيها واكلي

نرمان : كمت اكل وافتر وياها

نجاة : امشي خل نصعد فوك نشوف نزار شديسوي

نرمان : تمشينه لحد ما وصلنه للباب دكيناه وفتح نزار طبينه ولكينا حاط علبه بقلاوه ياكل ويقره

نجاة : انته مو عندك سكر منو جابلكيا هاي

نزار : عمه عطيه

نجاة : كون يشوفك حكيم

نزار : دسكتي ترا يجي عالطاري ..صدك بهل اثناء طب لازم رجله بألم بس شاف العلبه بيدي اجه جرها .. كام يسب

حكيم : انته مطي اله تموت يلا ترتاح .. اخذتها منه وشمرتها بالزباله ..كوووم جيب ابره الانسولين لتتخربط

نزار : كافي ما اريد بطني ازرفت شذنبي من اني وطفل هيج حالتي

حكيم: بلا حجي زايد فتحت الثلاجه وطلعت الابره جريت فانيلته وحقنته وهوا متألم

نزار : شبيها رجلك

حكيم : طبت كزازه بيها وطلعتها بس اكو شي بعد داحس بيها

نرمان : باوعت على الكاع بيها دم ممسوح من رجله انقهرت عليه كمت رفعت رجله اباوع عليه واتلمسه

حكيم : لا عمو وخري هسه اغسلهه بمي دافي تطلع

نرمان : توجعك

حكيم : لا عادي بسيطه

نجاة : اكوم للحمام اسويلك مي دافي وملح .. مارد .. كمت ترست الطشت مي وملح وديته حطيته جوه رجله بدون ميباوع بوجهي

حكيم : نترت بيها .. وخررري .... ما اكدر اذيئها بس ما اكدر اسامحها

نجاة : انهضمت وابتعدت عنه

نرمان : اندكت الباب .. كام نزار فتحها .. طبو عبدلله ومصطفى وبنفسج

بنفسج : الله هااذه بيتك يخبببل

نرمان : كامت تفتر بالبيت وهيه صافنه لحد ما وكع تمثال ذهبي وانكسر .. استغفرلله

عبدلله : عميييي مرتاح بيت وفلوس ومخازن مال اسلحه طالب الله بطلابه بعد شتريد

بنفسج : اي والله متزوج حكيم ؟ خل نفرح .. نزلت عيوني بخجل

حكيم : وانته حاط عينك عليه وشفايده كل هاذه .. اشرت على كلبي .. وهاذه ممرتاح

عبدلله : لازم عاشك

حكيم : باع هاذه البطران ياعشك يا *** هسه منا بنات اله تخليني احجي

نجاة : اشرت النرمان نطلع كمنه طبينه الغرفه فاروق واجت ورانه بنفسج

مصطفى : اي عيني انته الله ربك حته النسوان جاياتك عالجاهز كامل مكمل بيت وسياره وراحتك وياك وتفتر بس اول مرا ادري ادور *** عبالي ادور ايجات

حكيم : شتقصد

مصطفى : شقصد يعني عبالك ما شفت

حكيم : اي اشفت ؟

مصطفى : ماشفت شي

حكيم : لعد شنو معنى التمضرط مالك ؟

مصطفى : هاي شبيك منشاقه وياك

عبدلله : عوفه خل ننزل مبين اجينا بوكت مو مناسب

حكيم : اي والله اريد انام .. طلعو زعلانين كلعتهم طبيت عطت بالبنات ينصن صوتهن فتحت باب غرفتي وتمددت بيها علما غفيت

بنفسج : ولجن خل احفلجن حواجبجن

نجاة : لا يما عزا غير يكطعوني

بنفسج : وانتي

نرمان : حته اني اخاف ميقبلون

بنفسج : ولجن سون مثلي اني الكطهن بدون متدري امي ومن تحس اكللها احتركن بالطباخ

نجاة : فطسنه من الضحك اي وبعد

بنفسج : اكلجن جبت وياي قمر الدين حامض من الناصريه تعالن خل ناكل

نرمان : راح انضل كلسا صاعدات نازلات جنه ام البزازين

بنفسج : دكومي خايبه نيالج دتفترين كومتهن ونزلنه جوه طبينه للهول طلعت القمر الدين وكصكصته وانطيتهن كل وحده شويه وكعدنه ناكل ونمص بي

مصطفى : اباوع على نرمان تمص بالقمر الدين نار وشبت بيه همست .. لك عبدلله باوع على حركه شفتها

عبدلله : يمعود شلحيت بيها عوفه ختولي

مصطفى : لعد بس حكيم يشبع بيها احنه جايهم خطار المفروض يضيفونه من هل زنود الست لو منعجب شو هوا عنده *** واني عندي بعد شكووو

عبدلله : اني مالي دخل يطبك طوب

مصطفى : ضليت انتضر لليل حته ينامون حسيت بيه تنطي مجال رحت كلهم نامو وضليت بلهول منتضر عسا ولعل تطلع تروح للحمام صارت ساعه 3 الفجر شفتها طلعت لابسه برموده لركبه وتشيرت ربع ردان تسحبت على كيف للحديقه واني وراها لحد ما وصلت لدرج البيت دكت الباب على كيف وهيه منصيه تباوع من الزرف مال باب اقتربت منها ..

نرمان : كعدت مفزوعه الفجر والغرفه ضلمه ونجاة نايمه طلعت على كيفي اسحب لبيت حكيم بلكت يفتحلي وانام يمه حمووت من الخوف مشيت على كيفي صعدت فوك وكمت ادك بلباب محد يفتح نصيت اباوع من الزرف بلكت اشوف احد ما حسيت اله وشخص شالني من خصري وسد حلكي ونزل بيه الدرج صار صوت قوي مال دبج واني احاول اصرخ حسيت الخوف والرهبه سيطرت عليه واني اشوفه طببني للحديقه شمرني بالكاع وصار كبالي بس شفته ابن عمتهم صرخت بكل ماعندي صوت صار فوكايه وسد حلكلي حاول ينزعني ملابسي واني مكمشه بيهن بكل قوتي رفع دشداشته لازمه بسنونه ما ادري منين اجتني القوه ونبتت اضافيري بعينه غمض عينه بقوه وهوا يسحب برجلي يريد يطببني ورا البيت حته محد يسمع صوتي ما سمعت بس صوت الطلقات واجتني ضربه على راسي قويه خلتني افقد الوعي للحضه حسيت روحي جاي تطلع لحد ما سمعت اكثر شخص أمن نفسي يما وهوا يصرخ باسمي ..

منو يسئل علينه احنه البعيدين ؟

ومنو يسئل علينه لمن نغيب

احنه المحد النه المدري منين

مكتوب بجناسينا غريبين ،

وين اهلي علي مادكو الباب

ترا صحتي عليله وكلبي موزين

يوصلنه السره ويتئجل الموت

ويم الركابنه تعمه السجاجين .

يتبع ...

نهايه البارت : كلش جاي اتعب اتمنى تقدرون تعبي وتصوتون للروايه حته اتشجع وشكرا على تعليقاتكم الي كل يوم تحفزني استمر احبكم والله🧡

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

ولا وحده اجت بلريش ، كلهن بلعظم دكن ! ♡

ضلم اذا متصعد الروايه على هل تعب ☆

_________________________________________

حكيم : جنت كاعد اصلي صلاه الشفع والوتر

( نافله اليل ) سمعت الباب اندكت خفيف عرفت نرمان انتضرت علما اشاهدت وسلمت وكمت افتحه ما شفت احد ضليت اباوع يمنى ويسرى عسى ولعل المح الي دك الباب رجعت اريد اطب سمعت صوت صرخه تنكتم

_ضليت واكف عاقد حاجبي اريد اميز الصوت منين طالع لحد ما صارت صرخة عالية وانكتم الصوت .. ركضت جريت سلاحي ونزلت .. سويت الدرج شبختين

_ماشفت غير فاروق ونزار وراي ضربت طلقه تحذير مجان بالي ولا شويه ممكن هل صوت مال نرمان طلقت داير مداير البيت لحد ما وصلت نهاية البستان اكو حفره بنصها مي شفت نرمان بالكاع والطين مغطي شعرها وجها وتهذري بكلام ممفهوم ركضت عليها واشوف الدم يخر من راسها بويييييييية نرررررماااان اسمعيييييني

نزار : شووف حكيم ملابسها مشككة

فاروق : نزلت يمها بالكاع لجججج منوووو سوة بيج هيييج احجيييي

حكيم : فاروق مو وكتها خل اخذها للمستشفى خاف ضربتها قوية

فاروق : شغلت السيارة وشالها حكيم صعدها ليورة

حكيم : نزار ممنوع احد يعرف بالصار بس خل افتهم شكو ومنو هيج سوة بيها روح نام واقفل الباب .. اخذتها للمستشفى الطريق كله تصيح

_ عوفني اريد ابوية ، اريد امي ، امي

حكيم : اشششش .. وصلنة للمستشفى طببتها واجت دكتورة فتحو راسها حته يشوفون الجرح جان بسيط ويحتاجلة خياطين ضلينه للخمسة الصبح منتضريها تصحة لحد ما فتحت عينه وكامت تصرخ بصوت عالي بحيث ماكو شخص بالطابق ما اجه يشوف شكو

نرمان : ماررررررريدكم ارررررررريد اهلي رجعوووووني عووووووووفوني اررررريد امي الكللللللللبه وابووووويه النذذذذل المااااات وعافني كااافي الخاطر ربكم عتقوووني

حكيم : حاولت شكد الزم حلكها بس العالم كلها جانت تسائل شكو للحضه فقدت اعصابي وعطت بيه .. بسسسسسسس انجبببببببي

نرمان : كمت اشهك وارجف اريد اسيطر على نفسي ما اكدر

فاروق : طلعنة كل الناس اريد نفتهم منها شنو سوه بيها هيج

حكيم : حجيت من بين سنوني بلا اكلان تبن وتمضرط زايد احجي منو سوه بيج هييييج شوصلج الهاي الحاله احجيييييي لتخليني امد ايدي علييييج ..

نرمان : ضليت ساكته وبديت استرجع الاحداث صرت بصعوبه اتنفس واني اذكر معقولة اني مو بنية هسه ضليت بصدمة وماكدرت افتح حلكي محد يعرف بالنار البيه ولا بلي صار بيه وحته اذا احجي شراح يسوي غير يرجعوني البيت عمي خاف هاذه حاول يعتدي علية ذاك هم مراح يقصر حسيت كل شعوري مات بيومها كمت اشعر بدمي من يمشي بشرايني حته دكات كلبي صعدت الراسي خوف ورهبة ورجفة جسمي وشفايفي سيطرت عليها اريد احجي واخاف كمت افكر شلون اذا عرفو شراح يسون بية ..

حكيم : لج بويه مو اعصابي تلفت بس فهميني هدومج ليش مشككه ليش سمعتج ترس اذني اصرخين

نرمان : ما اعرف منين اجتني القوه حته اخلص نفسي من طلابه جبيره اخاف ، اخاف يعرفون بلي صار ويذبحوني حسيت لاول مرا روحي عزيزه صحت جلب ، جلب ركض ورايه

حكيم : جلب ؟

نرمان : اي جلب شكك ملابسي وكعت على وجهي نزلت دموعي وكلت ، راد ياكلني

حكيم : يعني انتي سويتي بينة كل هاذة منورا جلب شويتي ابو ابوية من الفجر لسة حتة من ديني طلعت

فاروق : حته عيوني ماجاي اكدر افتحهن ادري شعدج الفجر تهامصين بالبستان مو من باب تخااافين

نرمان : بلعت غصتي واني كل جزء بيه يختض وبالي مو يمهم بالي كله يم الصار وياي

حكيم : كومي خل اخذج للبيت ركضتينا بهل ليل

نرمان : كمت ويا طلعت .. سجل خروج واخذنة للبيت اول ما وصلنة التفت علية ..

حكيم : تعالي ابيتي ارتاحي جوة هوسة ومالي خلك شصار وليش

نرمان : هزيت راسي ونزلت صعدت وياهم فوك فتح الباب نزار

نزار : بشرو والله عيوني ماضاكن النوم

فاروق : تصدك اذا اكلك طلع جلب راكض وراها

نزار : بالقران عرفت

حكيم : يلا بس روحو نامو خل نرتاح وانتي تعاي لزمت ايدها اخذتها وياي للغرفة اول ما طببتها شغلت الضوة ..

نرمان : بس انفتح الضوه صرت كبال المراية باوعت على شكلي الدم نازل على عيني ويابس وراسي ملفوف وشفتي بيضة انهضمت على روحي الذليلة بيوم وليلة تحولت حياتي جحيم وين جنت وين صرت انتبهت على حكيم الصافن عليه قاطعت صفنتة احم اريد اروح للحمام

حكيم : روحي

نرمان : طبيت للحمام مباشرا نزعت كل ملابسي ادور على اثر بجسمي يدل على انتهاكه الشرفي ماكو حته الشهرية ممقطوعة وماعندي وجع لو اثر صح ما اعرف بهل سوالف بس سامعة بالافلام والبنات بالمدرسة يحجون باليلة الدخلة حسيت براحة شوية بس بعدني خايفة لان يجوز ماكو ألم وشي عادي ويجوز هاي مو شهرية الف فكرة وفكرة اجتي براسي لبست وطلعت من الحمام شفتة بالغرفه كاعد ومرتجي على راس الجرباية

حكيم : تعالي يمي باوعتلها بعطف كلشي بيها يذكرني بنجاة خوفها و خجلها وارتباكها ماجنت اشوفها غير بمقام بنتي طبطبت على ضهرها وسحبتها من ايدها سديت الباب وطفيت الضوة ونومتها على ايدي جانت كلش هادئة وهل شي مو غريب عليها كل شوية واحس بحرارة على ايدي سحبت ايدي ولزمتها من جتفها

_ نرماان بابا انتي تبجين

_ جريت خشمي ومسحت دموعي .. بصوت مبحوح لااا

_ شو باوعيلي

_ عمو اريد انام حباب عوفني

_ شغلت التيبلام وسحبت وجها اشوفة .. هااي شنو ليش تبجين ولج

_ مابية

_ كليلي شنو بيج واني وعد مراح اطلعة من باب الغرفة وكلشي تكولي يبقه سر بينة

_ اخخخخخ لو تعرف شسوو بية جان مابقيتة سر قاطع صفنتي ..

_ نونو حبيبي بابا باوعلي شبيج

_ عمو راسي يوجعني

_ جرحج بسيط لاتحطين بالج يما باجر يصير زين

_ ان شاءلله

_ وخرت من ايدة ونمت على المخدة حسيت هوا هم التفت للجة الثانية ونام بس اني هيهات تغمض عيني ضليت كاعدة للصبح مرت 5 ساعات تقريبا وسمعت صوت نجاة كمت طلعت من الغرفه بس شافتني ضربت على صدرها ..

_هااي شنووو شبي راسج

نزار : مع نرمان مش هتقدر تغمض عنيك

نجاة : خربت من الضحك بس والله انقهرت عليه

نرمان : وكعت بالبستان مالتكم

نجاة : هاي شوكت احنة مو نمنة سوه شوكت طلعتي وكعتي وانوب رجعتي يم حكيم ..

نرمان : هزيت راسي مالي خلك اسولف رحت للحمام غسلت وطلعت .. برطمت وحجيت نجااة بيت عمتج راحو

نجاة : لا العصر يروحون

نرمان : جيبيلي ملابسي من جوه الخاطري

نجاة : متنزلين انتي خيه اشتغل عدج ..

نرمان : لا العفو بس اذا تكدرين راسي يوجعني ما اكدر انزل وذا متكدرين عوفيهن مو لازم

نجاة : اشاقه وياج حبي هسه اجيبهن واجي

نرمان : شكرا .. نزلت شويه واجت بيدها جنطتي اخذتها وفتحتها طلعت ملابس وطبيت للحمام غسلت وبدلت ماكدرت اسبح علمود راسي كعدت بالهول يم نزار ضل يسولف ويشاقة بس اني ساكتة ومخنوكة

نزار : كبر ويامن جاي احجي شنو ماكلة لحم ابو صابر

نرمان : هااا

نزار : وجعا

حكيم : من يوم حادث الحديقه ونرمان متغيره كلش اي واحد يحجي وياه مجاوب وضل صافنه وبالليل تجي وتنام بعيد عني حته اكل متاكل مر شهر على هاذة الحال كل يوم اشوف حالتها اسوء وبعد ما وديتها البيت عمها ابد وبهل فتره ما سافرت البغداد لان بديت اجهز مخزن بالبصره فرع ثاني لحد ما بدت المدارس وقررت انقلها هنا حته تبدي اداوم ويا نزار هوا يوديها ويجيبها .. كاعد بالصاله يم ابوي وطبت اصيله

اصيله : هاي تريد تروح لبيت اخوي علمود مدرستها

حكيم : منو ؟

اصيله : نرمان

حكيم : ماكو روحه اضل هنا

اصيله : ومدرستها شلون

حكيم : لج انتي شنو من كلب متخافين يصخموها ويرجعوها الج ذاك الوكت شسوين

اصيله : بيت عمها يحافض عليها اكثر مني ومنك

حكيم : عوفيها اني انقل مدرستها للبصره وخلي اداوم

اصيله : يااااا واضل هناااا

حكيم : من تكعد ابيتج عود احجي ولج لو غريبه جان شسويتي لوما بت اخوج الله واكبر على راسج

اصيله : اسم الله عليه حكيمووووو

حكيم : وزقنبوت

اصيله : خزرته وباوعت على الحجي الي صار لا يهش ولا ينش امدا حظي الاغبر

حكيم : اريد اوراق نرمان هويتها وبطاقة السكن مال ابوها

اصيله : عد مصطفى مو عندي

حكيم : خابري خل يحضرهن واني باجر رايح البغداد اكمل شغلي واجيبهن وانقلها ..

اصيله : عود اخابرة

حكيم : اني رايح وذا ما انطاهن اعلكة من كراعينة مال هوش ..

اصيله : بلعت ريكي بخوف وسكتت .. هسة اكوم اخابرة

حكيم : اترخصت من ابوي وكمت حضرت غراضي وصعدتهن بالسيارة شفت نرمان جاي تشرب مي من الحب الي بالحديقه ( براد فخار ) صحت عليها

_ نونو

_ التفتت .. عليه ها عمو

_ مشيت باتجاها اباوع لعيونها الجاحضه شبيهن ذني الحلوات ذبلانات

_ مابيهن .. بطني شوية توجعني

_ ليش ما حجيتي اوديج للطبيب

_ ما اريد هسة شويه واصير زينه

_ مممم تدرين راح اداومين ان شاءلله ويا نزار اسبوع الجاي

_ رديت بعدم لا مبالا وين

_ هنا بالبصرة

_ يعني بعد ماروح البيت عمي

_ لا بعد مطبيلهم ابد .. باوعتلها وضيقت عيني عبالي راح تفرحين ..

_ كلش فرحت

_ مبين .. على العموم اني الفجر طالع البغداد كلت الروان واسراء يحضرلج الغرفة حته تنامين وحدج وهم بصف غرفت نجاة شتحتاجين روحيلها ..

_ هزيت راسي وطبيت جوه اتكرضم الشهرية اتئخرت عليه والي شايفته بالمسلسلات تطلع حامل خاف اني حامل المن اكول المن اشكي والله راح اموت وانوب راح يعوفني ويروح البغداد اخخخخ ياربي ساعدني واوكف وياي مالي غيرك انتة حسبي وانتة وكيلي ضليت كالعاده للفجر ما انام اضل افكر وبطني تمغصني

_ كمت فتحت شباك الهول وشفت عمو ديصعد بالسياره بس شافني ابتسم لوحتلة بايدي باي .... طلع سيارتة من الكراج وراح رحت الغرفه نجاة لكيتها كاعده تاكل باضافيرها شبيييج

_ اذا اطلب منج طلب متفضحيني

_ لااا كولي

_ بروح ابوج متفضحيني ومتكولين لحد والله ماعندي غيرج اساعدني

_ شبيج وروح ابويه ماكول

_ اريد اجيبيلي مبايل عمه نهاد اخابر بي

_ فتحت عيني بصدمه المن ؟

_ فلاح

_ عزا ولج يافلاح شتردين منه بهل ليل

_ روحي جيبي واسولفلج

_ وذا لزمتني

_ متلزمج نومها ثكيلي طبي على كيفج جري يم راسها وتعالي

_ لا عفية اخاف

_ مو حلفتي اساعديني فدوة اروحلج نونو لاترديني الخاطري اذا تحبيني ساعديني

_ خرب انه منا بطني ماغصتني ومنا كلبي كام يدك سريع طلعت على كيفي ضليت بالربع ساعة واكفة اخاف افتح باب عمة نهاد وتكعد لحد ما ختمت القران وسميت وفتحتها شفتها ضلمة بس ضوه الحديقه ضارب عالغرفة سحبت مبايلها من الميز وطلعت بسرعه سديت الباب وطكيتها ركضة الغرفه نجاة طبيت الهث وارجف اخذت المبايل وكعدت تبوس بية حتة ايدي باستها

_ فدوه الطولج الله لا يحرمني منج شبكتها حيل واني كلبي يركص من الفرح

_ ما كتيلي شتردين منة

_ دنكت راسي .... احبة واريد اسمع صوتة راح اموت تعرفين شنو راح اموووت لا ليلي ليل ولا نهاري نهار ومن حكيم عرف احاجي كسر مبايلي ولحد هسه ميحاجيني

_عزا بعينج يعني ذاك اليوم من كتلوج منورا فلاح

_ اي

_ ومتخافين

_ غوشت عيوني بالدموع لج ادفع عمري كلة على كلمة وحده بصوتة لج احبة انتي متعرفين شنو الحب بعدج صغيرة

_ ضليت ساكتة ومتفاجئة يعني متخاف من اخوانها

_ حطيت رقمة بلهفه ودكيت واني منتضرة يجيني صوتة لو بس الو كفيلة تخيط جروحي .. مرت ثواني .. لحد ما سمعت صوتة المبحوح ..

_ الووو الوووو الوووو

_ ضليت هايمه ما اعرف شكول كامت دموعي تشرح الي بداخلي صاح

_ منووووو شنو تلعبووون عليييه

_ فلاح اني نجاة

فلاح : نجاة بنيتي .. شلونج يا جرح كلبي

_ غمضت عيوني وكامت دموعي تتسابق للحضه كمت اشهك بدون ما احس

_ اشششش لتهيجين وجع كلبي خليهن نايمات

_ تعال اخذني فلاح اريدك والله اريدك

_ سكتي سكتي ترا وحق الي انزل القران على صدر محمد اجي اخذج واجرج من عيونهم بس ميصير نجاة ما اريدج اصغرين بعيون العالم ما اريد سيرتج اصير على كل السان محد راح يرحمج اضل من جيل الجيل تنذكرين

_ زادت شهكاتي وبجيت بصوت عالي احبك فلااااح احبك واموووت عليك

_ حاير شلون اريد احضن صوتج شعلت جكاره بلكت اطفي نار كلبي جريت اول نفس وطفبته بلحايط مجاي احس بيه مجاي اشربه هيه جاي تشرب بروحي

_ راح تعوفني

_ بس من التراب يطمني اعوفج

_ اريد اسمع صوتك كل يوم مجاي اتحمل راح يصير شهرين لا ليلي ليل ولا نهاري نهار سوي شي فلاح لضل ساكت

_ ما ساكت ما ساكت يوميه ادك على حكيم وعلى فاروق لج فتحو راسي واني مثل الاخرس الخاطرج لن ذوله من ريحتج ما اكدر اذيهم واخاف اذيهم ويئذوج لج خليت بشر يمد ايده عليه علمودج وجاي اذل نفسي واتوسل لجلج لج اني تالي وكت هيج اصير علمود وحده شبر ونص

_ يعني معاجبتك ام شبر ونص

_ عمي عاجبتني وفاكسة عيني هم بس انتضريني هل شهر بحيل الله واهل البيت اعقد عليج ان رضو او ارضو

_ مسحت دموعي مبتسمة باوعت على نرمان الي موتة روحه من البجي خرب يومها شكد حساسه انتي ليش تبجين ولج ..

_ هزيت راسي ماكو شي

فلاح : ولج منو يمج

_ نرمان

_ وشلون اتئمنين الج خلك المشاكل بعد

_ اصلا هيه جابتلي المبايل لوما هيه جان ما سمعت صوتك

_ هااا هاي مو بت اخوها الاصيله

_ اي

_ خوش بنيه حبابه ؟

_ اي ورده فدوه القلبها

_ الله يحفظه ..... المهم مثل ماكتلج صيري قويه وهل شهر بس اعقد عليج رسمي اخليج اتملين مني

_ ان شاء الله ... ما اريد اسده اريد اضل اسمع صوتك بس اخاف عمه نهاد تكعد للصلاه ومتلكة مبايلها

_ روحي ودي وبعد لاتسويه

_ ماشي

_ اعشق انفاسج سمعت صوت وشة عرفتة باس المبايل خجلت وضليت مبتسمه سدية واني اريد اكمز من الفرحة حضنت نرمان حيييل وبستها بخدها

_ ترا اني مو فلاح

_ ادب سزز ولج منيلج هل حجي

_ هههههههههههه من نزار اجه باسة فاروق يكلي ترا اني مو ندى

_ عزززا يعني فاروق هم مصادق وحدة

_ والله ما ادري اصلا مرات يدك مبايلة كل شويه اسم ندى و ليلى و مريم1 ومريم2 كووومة بنات

_ هاا يعني انتي كاعدة يمهم مكيف عالفساد

_ ضربتها على ايدها اصلا مالي علاقة وما احاجي احد بيهم بس عمو حكيم مرات يحاجيني

_ اوووف ياعمج حكيم محد لعب بحالي غيري

_ جيبي المبايل خل ارجعه قبل لا اصيرلنه مصيبه اخذته منه وكمت اسحب على كيفي طبيت للغرفه شفتها كاعدة تصلي بس شافتني عقدت حاجبها .. شعدج هنااا

_ ا اءءء خفت انام باليل واجيت يمج

_ هاااا لعد مو مستكعدج حكيمو شعدج جايتني بعد

_ ضليت صافنه على الكلمه مالتها شمرت المبايل بلا متحس وطلعت اركض النجاة

_ ها وديتي

_ اي ولكيتها كاعدة وخنزرت بوجهي لان طبيت

_ عزا وشكلتيلها

_ كلتلها خفت واجيت انام يمج

_ هههههههههههه هيه شلون تحب واحد ينام يمها شكلتلج بلة

_ تكلي روحي الحكيمو مو مستكعدج

نجاة : شهكت .. هيه كلتلج هيج

_ اي

_ ضليت صافنة للحضه خطر ابالي سوالف استغفرلله هاي بنت ابليس حكيم اشرف منها ومن عشيرتها باوعت على نرمان ممهتمة .. اكلج

_ هممم

_ انتي تعرفين شنو معنى الكلمه الكلتلجياها

_ لا

_ يعني انتي وحكيم اسون سوالف حرام عرفتي ؟

_ شهكت صدك تحجين

_ اي والله

_ كبر لفه بكد بيبتي وتشيل ذنبي هيه والله ان شاء لله باوعت على نجاة تباوعلي بنضره شك .... شبيج

_ والله ما اقصد بالكلام الي اكلجيا بس السالفه عجيبة يعني انتي من تنامين بصف حكيم ميكمشج ولا يبوسج

_ لااااااا شبيج نجاة والقران ميلزمني اصلا ميقبل انام يما ولا اني اتقربلة واصلا بعد ما انام يما سافر البغداد وراح انام بالغرفه البصفج

_ اسفة حبيبتي مو قصدي بس والله ميجوز تنامين يما

_ بعد ما انام

_ اي عفيه فدوه القلبج

_ هزيت راسي بتعب رجع لزمني الوجع غمضت عيني بألم

_ شبيج حبيبتي

_ بطني توجعني

_ منين توجعج

_ اشرتلها على صفحتي

_ يجوز كلياتج

_ ما اعرف يلا اني راح اروح انام تصبحين على خير .. رحت الغرفتي طبيت وسديت الباب باوعت على الغرفه تخنك جنها سجن صغيرة وبيها حمام هية والحمام نفس الحجم .. ضليت بالغرفه لحد ما طلع الصبح ما اعرف شلون نمت مرت الايام مشابها ومن يجيني اليل اضل سهرانة ومرات يلزمني وجع بطني

_ فديوم جنت توني كاعده من النوم سمعت صوت حكيم يم غرفتي يسولف ويا نجم ضليت كاعده استحي اطلع لحد ما اختفه صوتة طلعت من الغرفة ادور عليه بعيوني ما لكيتة رحت النجاة شفتها جاي تكمز كبل جرتني وحضنتني شبييج تكمزين تخبلتي

_لج نونو ما سمعتي حكيم يكول النجم الجمعه جاين على نجاة فلاح ابن عمي يريدها .. ها وها وها وها

_ ضحكت على سوالفها .. سكتي ولج خبله ليسمعوج

_ والله بس نزوج حالفة اكعد كبال فاروق واخابر فلاح اكلة شلونك حبيبي يا روحي وابوس المبايل كدامة

_ اي حته خاف ذاك اليوم ما ذبحج هل مرا صدك يذبحج

_ عيني فلاح ميخلي

_ هوا تاليتها انتي وفلاح بصوندة عمو حكيم تنكتلون

_ ههههههههههههههه بس خل اصير والعباس اوزع حلال مشاكل واكثرلكم مسقول

_ اي حته تنحل اسرع المشاكل

_ اييييي حضنته من الفرحه يارب يتمم

_ امين .. لعد عمو وين ما شفتة

_ صعد فوك يرتاح يكول العصر اطلع عندي شغل

_ هاا خطيه الله يساعده طلعت من الغرفه لاكتني عمه

اصيله : ها ولج اليوم كاعده من وكت لو لان حكيمو اجه

_ لا عمه اصلا ما ادري بي من اجه ولا شفته

_ دروي ويا البنات اشتغلي لضلين امفلكحه مو خدم عندج هنه

_ ماشي ..... رحت للمطبخ شفتهن ديركبن الغده طلبن مني اغسل مواعين الريكوم واكنس سويت مثل ماكالن حسيت بديت التهي ونهاري يخلص كلش تعبت من وقت الفراغ جنت كاعده بلهول وسمعت صوت واحد يصيح رحت على مصدر الصوت فتحت باب الغرفه وشفت زوج عمتي كاعد على السرير هاا عمو تريد شي

_ اااارر يد مي خ خلصت السراحيه

_ بلكوه يلا فهمت شديكول رحت جبتله دوكله مي وانطيتهيا اخذه وابتسم بوجهي طلعت بسرعه من الغرفه رحت للحديقه شفت نزار كاعد بلدرج يكرز حب صاح

_هااا ولج بعدج عايشه

_ ضحكت اي

_ بلخير بلخير

_ رحت كعدت يما كمت اكل حب ويا كال

_ يوم الاحد نداوم سوه

_ اتفاجئت ويين

_حكيم نقلج لهنا صارت مدرستج بضهر مدرستي نروح ونرجع سوه

_ ابتسمت بفرحه ان شاءلله شويه وطلع حكيم بس شفته كمزت نصه عليه وكرص خدي شلونه البطله

_ زينه حجيت واني مبتسمه لا اراديا

_ حبيبتي دومج مرتاحه يلا اني رايح ما اريد اتئخر من ارجع اشوفج

_ ماشي .... ركب سيارته وراح ضلينه اني ونزار كاعدين نسولف شويه ونزلت جوه كمت اروح وارجع منتضرته يجي كلش ضايجه ومخنوكه ودي اكعد ويا اسولف احب كلامه كلش يريحني ضليت بلهول لساعه 11 سمعت صوت سيارته طفرت للحديقه شفته دينزل تقدمت اتجاه

_ تعااي الله جابج نزلي الغراض وياي

_رحت اساعده شلت ويا كومه علاليك رحت باتجاه الدرج

_ وووين تعالي

_ التفتت عليه غير اصعدهن فوك

_ لا امشي وديهن الغرفتج

_ استغربت وخجلت اسئله شنو طببتهن جان البيت هدوء وكله نايمه اشرلي وحجه بصوت ناصي

_ وديهن الغرفتج

_ فتحت الباب وطبيت حطيت العلاليك وكعدت على السرير فتحي الاكياس

_ اني

_ لعد امي فتحيهن وانطيني رايج

_ فتحت اول كيس طلعت صدريه نيليه طويله وبيه عرض وساده كلشي مابيه نقش

_ طلعي الثانيه هم شوفيه

_ طلعت الخ واني ميته خجل منه هم نيليه بس بيه نمنم ناعم كتابه انكليزيه ومن يم الركبه شريط ابيض ومخطط

_ ها عجبنج ؟

_ اي كلش حلوات بس ليش كلفت على نفسك ماله داعي عندي ملات العام

_ افا عليج بقمة الحكيم وتلبسين مال العام

_ ضحكت على حجايته بديت اطلع الباقيات ... قمصان 3 بيض ساده بس واحد بي فيكه بلردان وبوتينات رياضيه 2 بيض وجواريبات ممخلي شي مجايبه حته ستريجات اسحيت منه معت ضليت مدنكه لميتهم وكعدت اسفط بيهن اريد اضيع وقت ما اريد ارفع راسي خجلانه منه ومن كرمه

_ شو باوعيلي

_ ها عمو

_ شبيج ليش احسج ما مرتاحه

_ مابيه والله

_ لتحلفين جاوبي على كد السؤال صارلج فتره ملاحظج تعبانه وهزيله وضعفانه حته خدودج رايحات شنو السبب كولي اكو احد مئذيج لو مسمعج حجايه لتخافين اي واحد يسويلج شي اني اوكفه عن حده ابد لتخافين بابا

_ لا عمو ماكو احد مئذيني اصلا ماعندي علاقه باحد غير نجاة

_ لعد شكو حته وجهج اصفر وعيونج منفخه

_ فكرت اكولهة على وجع بطني بس اخاف لا يعرف الصار ويطلع البالي صدك بس الى متا

_ شو صفنتي

_ لا هيج

_ احجي بابا لتخبليني

_ ما اعرف صار فتره بطني توجعني كبل عكد حاجبه

_ ليش منين توجعج شو اشري على مكان الوجع

_ اشرت على صفحت بطني

_ لا عادي لتخافين يجوز كلياتج لن مشربين مي اني باجر اجيبلج عشبه شربي منه ترتاحين عليه

_ ماشي

_ يلا محتاجه شي بعد

_ لا سلامتك

_ الصدريه اذا طويله حته اخذج للخياطه تقصين طوله قبل المدارس

_ اي طويله وعريضه هم لازم اسوي عرضه كبل عاط

_ لااااااا كلشي مابي عرضه بلعكس قياسج بس الطول نكصره

_ بس عمو اني البس 36 وانته جايب 40

_ هم يادوب ترا جاي تكبرين مو جاهله

_ سكتت

_ لضوجين بابا غير اخاف عليج ما حب اليسوه والميسوه يباوع عليج محد يستاهل يشوف منج شعره

_ هزيت راسي مبتسمه

_ صدك شخبار النومه بدوني

_ مو حلوه

_ لا حلوه لازم تتعلمين تنامين وحدج صرتي مرا ما اريد اسمعين حجايه فديوم

_ بس والله ما مرتاحه حته ما انام للصبح

_ ميخالف تتعودين شويه شويه تكومين تنامين من العشره

_ هزيت راسي بيئس ميفيد لو شحجي ويا

_ يله بابا تصبحين على خير

_ وانته من اهل الخير

_ طلع بس ضلت ريحته تخبل بلغرفه كمت اشهك بيه ماريده تروح حته ريحته امان منسبه الي حطيت الملابس بلكنتور وضليت كاعده حته تلفزيون ماكو بلغرفه حرت شسوي كمت سبحت وطلعت نشفت شعري بلخاولي ولبست تراك اسود برموده ضليت للفجر على كعدتني لحد ما روحي طكت بعد ما اتحمل اصعب شعور هوا عدم الامان او بالاكثر اشتاقيت المكاني صار سبوع ممرتاحه اشتاقيت انام جفي بصفه مشطت شعري وطلعت للحديقه شفت فاروق ويا شباب ثنين كاعدين يدخنون نركيله حرت شلون اعبر من يمهم كبل دنكت وصعدت فوك سمعت واحد منهم كال

_ منو هاي

فاروق : التفتت شفت نرمان صعدت فوك خرب يومج هيج حظنه يدفي

_ لك منوووووو دحجيييي

فاروق : جريت نفس من النركيله وزفرت كرايبنه

_ ممم حلووو وشعده فوك

فاروق : ضحكت باستهزاء تخاف تنام وحده اذا ميدفيه حكيم

_ بووويه هل حكيم شبعاااان الله ربه

فاروق : اي واني اذا ردت اجيبلي وحده يصير بي شلل نصفي

نرمان : كمت اسمعهم وارجف خفت كلش منهم حته فاروق ما رحمني وهوا يعرف شنو ضروفي ركضت بسرعه الغرفته فتحت الباب وطبيت واني كلبي يدك سريع امداااني لو راجعه الغرفتي ولا هل حجي السمعته تف عليه سمعت صوت خطوات بلممر مال بيت خفت اكثر وافتريت من الصفحه حضنت عمو حكيم كبل اجتني ريحته الما اله مثيل بي ريحه حنيه ما شايله بشر

حكيم : حسيت احد فتح الباب ودخل بقيت على نفس نومتي ومتحركت الغرف ضلمه ماكدرت اميز منو فجئه انحضنت كمت من مكاني وشغلت التيبلام شفت

نرمان هااي انتيييي

_ عمو نيمني يمك الله يخليك والله اخاف انام وحدي واذا تريد حط مخده بينا

_ تنهدت استغفرلله بابا مو حجينه بهاذه الموضوع انتي كبرتي ميصير تنامين يمي بعد حرام حته اذا مخده يعني انتي تفكرين بس اذا اطخ بيج حرام ميصير تنامين كدامي بجسمج وملابسج

_ بجيت وكلت عموو البس جبه ونيمني يمك حباب والله اخاف وحدي حتلو بس اليوم وباجر وديني يم امي

_ ههه يعني اني امنعج تنامين يمي الي اخاف عليج اكثر من روحي تريدين ترحين يم امج ورجله ؟؟ شايفتني ملمعهن

_ خلص لعد ما انام اضل كاعده بالغرفه للصبح ولا اروح لغرفتي تخوووف حته باب الحمام ينفتح وحده

_ هاي منين جبتيها باب الحمام ينفتح وحده خلص تعالي نامي على الجربايه واني راح انام بالكاع بس باجر نحجي بالموضوع ونلكه حل اني ما ارضة بهاذه الوضع فتهمتي

_ هزيت براسي ونمت اباوعلة فرش بصف الجربايه دوشك رحت ادنيت وصرت فوكا بصف الدوش

_ هاي عود انتي عجربايه لو تنزلين بحظني احسن

_ انزل ؟

_ ليش تخليني اطردج ؟

_ لا لا والله سكتت وراح اوخر ابتعد شويه وسمعته كام يشخر مباشرا استسلمت للنوم

حكيم : كعدت الصبح جسمي مكسر من نومه الكاع ما متعلم كمت واشوف نرمان نايمه على الجربايه بوضعيه غلط وتشيرته مرفوع عن ضهره لابسه برموده سوده ضابه على جسمه وبارزه بياضه اتعصبت كلش من منضره ندست جتفه وصحت بيه كووووومي

نرمان : فزيت مخروعه على صوته ..... شكوو

_ لج انتي متستحين لشوكت اضل اعلم بيج شلون صعدتي هيج بهاذه لبسج شنووووو انتي متفتهمين لو متعمده اسوين هاي السوالف صار اكثر من مرا اكول جاهله ومتفتهم بس طلعتيه من ماعونه كومي نزلي جوه ولتراويني وجهج بعد افتهمتي لو لا من تعرفين الصح من الغلط ذاك الوكت تعاي وانتي لابسه خر* يغطيج

نرمان : فتحت حلكي على الكلام الجاي اسمعه جسمي كله رجف كمت ابلع غصه ورا الثانيه ما اريد اضعف وتنزل دموعي كدامه طلعت من الغرفه بدون ما ارد نزلت جوه جانو بعدهم محد كاعد طبيت الغرفتي سديت الباب وكعدت حسيت حته الدموع متشفي غليلي كمت الطم على رجلي بالم لو اموووت بعد ما اصعد يما لو يذبحوني يطبني الف مرض اني استاهل اني بلا كرامه اااااه حسبي الله ونعم الوكيل بامي محد دمرني وشردني غيره عساه بحضه وبخته كمت احس بالم بطني يزيد كلما ابجي وافرفح ضليت طول اليوم ما طلعت من الغرفه للساعه عشره تقريبا اجت نجاة ادك بيه

_ لججج وينج من الصبح لسه ما شفناج نرمان اسمعيني

_ احم اي مريضه شويه عوفيني بس اصير زينه افتح الباب

_ ليش مريضه وقافله الباب طلعي خنشوفج تريدين اكول الحكيم ياخذج للطبيب

_ لاااا اني زينه بس حبابه عوفيني ولتكولين لحد

_ ماشي

_ راحت نجاة ما ادري شكد مر وكت واني عيني على الساعه حسيت راح اتخبل الم بضهري مو طبيعي ما اعرف شلون نمت لثاني يوم الضهر اندكت الباب فزيت فتحته شفت نجاة دخلت شافت وجهي وشهكت

_ لج هاي شنو شصاير بوجهج ليش هيج

_ حجيت بالم بطني توجعني

_ ضليت جامده بمكاني حرت شسويله عفته ورحت ركض لبيت حكيم فتحت الباب شفته يخابر اشرلي ما اطلع صوت

_ اي ، اي ، اي ، خوش ان شاءلله على اتفاقنه لا لشيل هم الاربعاء الجاي يمك ، والديك تدلل سديت الخط وباوعت على نجاة شكو ؟

_ واكفه الهث من الركض..... نرمان بطنه فدوب صارله فتره اصيح منه بلكت تاخذه للطبيب

_ كلشي مابيه رحت للمطبخ طلعت عشبه اسمه ( كفشه الاذره ) انطيتهيا هااي خلي تفوره وتشربه اصير زينه وها كليله الاحد بلسبعه هيه جاهزه حته اخذه للمدرسه ويا نزار

_ ضجت من تصرفه اخذته منه ونزلت جوه كفشه الاذره انوب البنيه حتموت وهوا جايبله كفشه كون انتف كفشتك على هاي الدكه رحت للمطبخ بلكت صدك اصير زينه حميت مي وسويتلهيا واخذته للغرفه طبيت شفته شويه احسن انطيته الكوب ....... هاي حكيم دزه

_ اخذته منه شربتها مرا وحدة جان طعمها مينجرع مره وتلعب النفس ردت بس شي يسكن المي حسيت ماكو شي اهم من العافية بالدنيا ومحد يفيدني صدك اذا صارلي شي

_ ترا يكول الاحد دوام بالسبعة انتي جاهزه

_ ماشي

_ لج نونو مبقة شي للجمعه بعد 13 ساعه انام واكعد الكاها جمعه ويجي فلوحي يخطبنييييي

_ متت من الضحك عليها

_ شكو اضحكين من تحبين راح تكومين تحسبين دقايق مو ساعات وعود اذكرج

_ ويع الله ليكوله

نرمان : ثاني يوم العصر اجه حكيم انطه خبر انو راح يجون فلاح ومرته وامه يخطبون نجاة رحت دكيت الباب عليه وكلتله

_ حبيبه غير من الفجر ليهسه اسوي ماسكات ماخليت لا خيار ولا لبن ولا كركم مالطخته بوجهي

_هههههههههههه مبين وجهج صاير اصفر من الكركم

_ صدك لج صارلي ساعه اجلف بي مجاي يروح شسوووي

_ مسحي بمي ورد او كحول يطلع ماما جانت تحط وتسوي هيج

_ كمت جبت مي ورد وغسلت وجهي بي شويه الون خف هسه اذا اطبلهم عبالهم طالعه من الكبور ريحتي كلها مي ورد .. كمت بدلت ولبست فستان بنفسجي ولفيت شال نيلي على راسي وشحاطه كعب وسط رشيت عطر وكعدت انتضرهم شويه وسمعت هوسه برا كلبي صارت دكاته الف شويه واجت باجي اصيله

_ تعالي يردون يشوفوج

_ طلعت امشي برزانه طبيت للهول جانو الكل كاعدين سوه لن بيت عم مو غربه طببت مدنكه بس رفعت راسي اجت عيني بعينه ابتسم ابسامه جانبيه لزمت نفسي كدامهم جان التوتر والخوف سيد الموقف جنت فرحانه الحد ما اجت عيني على مرته الي كاعده خازرتني تريد تكوم تاكلني

ام فلاح : تعالي يما كعدي يمي

نجاة : رحت كعدت يمها مدنكه جانو حكيم وفاروق ونزار وكمال ونجم وابوي كلهم موجودين شويه واشرتلي باجي عمه نهاد اطلع كمت على كيفي امشي طلعت من الهول وكفت باب غرفه ابوي اسنط

_ عمي انته شفتني واني مو غريب عنكم ربات اديكم وهاي مرتي وهاي امي كدامكم جايات يخطبلي

حكيم : باوعت على ابوي هز راسه واشرلي احجي لن ميكدر يحجي بوضوح ..... بيه الخير وجيتكم على راسي بس اني كتلك وارجع اكوله نجاة بعده صغير وماواعيه على هواي امور لذالك اني افضل اذا تمت الخطوبه تستمر فتره تتئالف ويا وضعك وتفتهم شنو يعني رجال مزوج وان عجبه خير على خير وان ما عجبه على الاقل متسمه مكسوره كلمن يروح الحاله بستر

فلاح: من حقكم يابه واني موافق ندست سهى حته تحجي

سهى : واني ماعندي مانع ازوجه والشرع محلله اربعه

حكيم : هزيت راسي ، الله يتمم على خير

ام فلاح : يابه اذا موافقين احنه موش غرب واشتلونه بلكتن اسمع جلمه الحجي على يوم العقد خو منضل بس فاتحه اريد شي رسمي

حكيم : قاطعته اذا يعجبكم الخميس الجاي ماعندي مانع وهم الجمعه التجي اسافر لذالك اقرب موعد الخميس

فلاح : تروح وترجع بلسلامه هاي هيه الي تكوله وان شاء لله شتردون اني بلخدمه من الحاضر والغايب على لسانكم

حكيم : يابه انته حجايتك كافيه شتجيبون هوا الكم مو النه

فلاح : السانك سالم ضلعي

فاروق : كمت طلعت وعفتهم لن كل هل حجي ميعجبني شنو زعطوطه امشي حجايته وازوجه للي تحبه احطه وادوس راسه بلقندره وانعل ابوه اخخخخ لو الله يوكعه بيدي هل عار

حكيم : انحرجت من طلعت فاروق ادري بي معاجبه الحجي

نجم : علخير ابن عمي

كمال : علخير وان شاءلله زواج الدهر

نجم : همستله يادهر ولك كول دهرين

كمال : حطيت ايدي على حلكي لازم ضحكتي الحد ما خزرنه حكيم وسكتت

حكيم : تسالمت وياهم وكامو طلعو واتفقنه على الخميس العقد طبيت النجاة الغرفته جانت واكفه عالمرايه تحط حمره بس شافتني مسحتها بيدها

نجاة : اءءء مادري بيك العفو

_ تعالي كعدي اريد احجي وياج

_ رحت كعدت يما خجلانه منة

_ اسمعيني وفتحي اذنج عدل انتي تريدين فلاح ؟

_ اي

_ تتحملين مرتة وجهالة ومسئولياته تتحملين يوم الج ويوم الها تكدرين اتشوفي يكعدكم على سفرة وحدة ويهتم بيجن ثنينجن بس باوعيلي لادنكين نجااة انتي هواي امور مفاهمتها بالحياه من راح تزوجين وتطلعين عليها راح تندمين راح تكولين اني مناقصني شي حته ازوج واحد مزوج وليلة الي وليلة الها راح اصير مشاكل ومشاحنات انتي مو كدها انتي سمعتي يردون العقد الخميس ؟ الخميس راح ينتهي كلشي واصيرين على ذمته عندج مهلة اتفكرين منا للخميس اذا بدلتي رايج تعالي كليلي باي وكت اني جاهز اسمعج ..

_ هزيت راسي بقلق كمت افكر بكلامة حسيت هاي الحضة الحاسمة مامنها رجعة لازم افكر زين بس المشكلة اني احبة حبي الة مسيطر على كلشي كلبي وعقلي وكل ذره بيه مرت دقايق واحنة كاعدين ما شفت غير نرمان فتحت الباب وطبت لازمه بطنه وكعت بالكاع وهية تشهك من الالم ماشفت غير حكيم شاله من الكاع حظنها الصدرة وطلع يركض بيها ..

يتبع ..........

نهايه البارت : جان البارت كلششش طويل تعويض الكم اتمنى تقدرون تعبي وتصوتون للبارت الاحداث الجايه كلش مشوقه ومختلغه راح تنصدمون مثليييي ولتسون تعليقاتكم الحلوه التفرح باااي❤

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

امس" بليل طيفك مر بلعيون ،وكعدت وياك ساعه وعاتبيتك فجئه وراح طيفك فزت الروح ، كلبت اليل كله ومالكيتك ♡

_________________________________________

هزيت راسي بقلق كمت افكر بكلامه حسيت هاي الحضه الحاسمه مامنها رجعه لازم افكر زين بس المشكله اني احبه حبي اله مسيطر على كلشي كلبي وعقلي وكل ذره بيه مرت دقايق واحنه كاعدين ما شفت غير نرمان فتحت الباب وطبت لازمه بطنها وكعت بالكاع وهيه تشهك من الالم ركض عليها حكيم شالها من الكاع حضنها الصدره وطلع يركض بيها صاح

حكيم : نجاة لبسي بسرعه ولحكيني للسياره .... كمت اسمع صوتها بوضوح تون من الالم وايدها على بطنها عقل ما ضل براسي حطيتها بالسياره واجت نجاة واصيله يركضن صعدن وياها وطلعت بيهم للمستشفى

اصيله : ادري شجاها خاف ماكله شي ومتسممه

نجاة : لا شتاكل قابل غير ويانه

نرمان : راح اموت بعد ما اكدر

نجاة : عفيه استعجل حكيييم

حكيم : ادررري اطيرررر .. لما وصلنة صوتها ذبحني فتحت باب السياره الخلفي وشلتها طبيت بيها للمستشفى ماقبلو يدخلوها للطوارئ الا دكتوره نسائيه حجزت ودخلوني اول واحد بسبب حالتها طبينه كلنه وياها

الدكتوره : تعالي نامي على السديه وروايني مكان الوجع

نرمان : انشليت من الالم وكمت ارجف بشكل مو طبيعي كبل شالني حكيم ونيمني على السديه اشرت مكان الالم للطبيبه حطت السونار على بطني وعكدت حاجبها

حكيم : ضليت واكف على راسها بخوف كمت امسح بقطرات العرك الي بكصتي واني انتضر اعرف شبيها

اصيله : متوخر منا واكف تتفرج هاي غيرتك تباوع على عرض العالم

حكيم : تعمدت تحرجني .. حجية جايبها للدكتوره رفعت حاجبي .. ما ذابها بالشارع

نجاة : استغفرلله

الدكتوره : بلا زحمه منو امها

حكيم : اني

اصيله : باوعتله بخزره .... حبيبه اني عمتها

الدكتوره : وينكم عنها كل هل فتره البنيه عدها تكيس بالمبايض اتمنى نتلاحكلها قبل ليصير مزمن .. تعالي ماما

نرمان : نزلت من السديه سندتني نجاة وكعدت على الكرسي واني اتكطع من الالم

الدكتوره : كليلي الشهريه شلونها ؟

نرمان : باوعت على حكيم باحراج واكف وحاط ايده على ركبته بس انتبهلي دار وجهه ..... صار شهرين

الدكتوره : نهائيا منقطعه ؟

نرمان : اي والم مو طبيعي يجي ويروح

الدكتوره : اي حبيبتي بسبب التكيس ان شاءلله على العلاج ترتاحين وتصير الشهريه منتظمه هسه لازم انطيج علاج تستمرين عليه منا الشهر الجاي اذا ما نزلت لازم ترجعيلي اكتبلج ابره بس هاي للحالات الضروريه

نرمان : هزيت راسي واخذت الوصفه وطلعنه جان الالم تقريبا خاف اكدر امشي

اصيله : ادري منين اجاج التكيس اني ادري هاذه عد المزوجات

نجاة : باجي عادي سمعتي الدكتوره شكالت

اصيله : اي سمعت

حكيم : صعدتهم بالسياره واخذتلها العلاج من الصيدليه رجعتهم للبيت بس طبينه جانو اصدقاء فاروق بالحديقه من ضمنهم طارق النكس ..... صحت دنكن ونزلن

نجاة : اخذت نرمان ونزلنه ويا باجي اصيله

حكيم : ضليت اراقب مشيتهن لحد ما طبن جريت نفس واني اباوع على نرمان تتمايل بجسمها كدام اليسوه والميسوه شوكت تفتهم هاي البنيه الي لا حسيب ولا رقيب نزلت من السياره

_ السلام عليكم

الكل : وعليكم السلام

_ عفتهم وصعدت فوك فاير من وجود طارق الف مرة نبهت هاذه النكس ماريده يطب للبيت محد فسد فاروق وطلعه من الطريق غيرة ضليت كاعد بالصاله مرتجي طلع نزار من الحمام بس شافني توتر وتلعثم

_ احم هاا اجيت

_ اي ششوف يعني

_ اي هلا بيك

_ عقدت حاجبي على منضره يجر بخشمه كعد على التخم ولم رجله الحضنه .... شكو شبيك جنت تبجي ؟

_ لا عليمن ابجي صدك تحجي

_ لعد ؟

_ ما ادري شطب بعيني وجنت اطلعه على مرايه الحمام

_ بعدم تصديق هاا وطلع ؟

_ اي

_ خوووش كمت نزعت ملابسي وطبيت لغرفتي رررراح يخبلوني ذوله منين اتلكاها كلمن يرادله كلب شكبره بدلت ملابسي ونزلت للبيت الجوه كعدت بالهول وفتحت مبايلي لكيت رسايل من نبأ

_ حبيبي شلونك اخبارك مشتاقتلك موت اترجاك اريد نلتقي ونحجي من تجي البغداد اجيت للمحل مالتك وكال العامل مسافر الاهله بس ترجع ضروري نحجي

_ يا ستار شتريد هاي مو بزعتني دزيت

_ ميخالف .... سديته وذبيته على صفحه حطيت ايدي على راسي هواي افكار اضاربت بمخي لحد ما اجت صورت نرمان من حطت الدكتوره السونار على بطنها جانت بيضه وناصعه لدرجه وقوامها ممشوق جنها شطب ريحان كمت افكر شستعمل وياها اسلوب في سبيل تعرف الصح من الغلط وتستر على نفسها تنهدت .. طلعت باكيت الجكاير وكمت ادخن ما اعرف شكد مر وكت واني على كعدتي

نرمان : رحت الغرفتي سبحت بمي دافي وبدلت ملابسي شربت علاجي حسب ما الدكتوره علمتني تمددت شويه حسيت براحه ما اعرف شلون غفيت لحد ما سمعت صوت طكطه بلغرفه فزيت شفت نجاة

_ حبيبتي اسفه كعدتج

_ لا عادي

_ كومي اكلي سويتلج لفه

_ اي والله اجت بوكتها اخذتها منها واتشكرتها وكعدت اكل كعدت بصفي وكامت تلعب بشعري

_ شوكت يجي الخميس

_ يا طلابه فلاح يما شوكت ياخذج وارتاح

_ لاحكه ترتاحين عوبه اريد اشوف ويامن تكضين الوكت بعد

_ لا لج اشاقه والله شايله هم اذا رحتي يمكن اموت

_ شفتي حكيم يكول اني امها

_ ابتسمت لا اراديا على حجايتها من اذكرته

_ ها وين شردتي

_ هيج

_ اني حروح لغرفتي اسبح وابدل

_ اخذي راحتج ..... طلعت وضليت كاعده ضايجه كلش حرت شسوي الغرفه تخنك اخر شي ضجت وطلعت لكيتهم ديتعشون بس شافني حكيم لوحلي بايده اجي رحتله

حكيم : تعااي اكلي

نرمان : ما اريد بالعافيه سبقتكم

اصيله : شوكت

نرمان : نجاة سوتلي لفه اكلتها

حكيم : الف عافيه عكب باجر لتنسين الداوم

نجم : هاي شنو حداوم هنا شوكت انقلت شنو بعد متروح البيت خالي ؟

حكيم : لا

نجم : شو اني اخر من يعلم

حكيم : اشرتله بحاحبي وشتريد هسه ؟

نجم : ما اريد شي بس .... نرمان شتحتاجين اني ابن عمتج من هاي عيني قبل هاي عيني

نرمان : شكرا

اصيله : شكرا شنو ولج كليله رحم الله والديك لو عينك سالمه مو صرتي مرة ومتعرفين تردين

حكيم : هيه لو لاكيه وحده بيها خير تعلمها جان صارت احسن منج

اصيله : اي والله لو امك كارصه روحها وكاعده جان هيه علمتها

حكيم : نار وشبت بية كمت على حيلي .... مو اكو كح*** هيه هججتها لو الك*** كارصه روحها ومتحمله جان امي ما هجت

نرمان : ضلو الكل صافين على الحجي كام طلع .. طلعو وراه اخوانة

حكيم : اااااااااالف مرااااااا كلتلكمممم زقنبووووت جوه مااااكو هيييييج احسن هااااااي الك*** المتسوووووه فلسسسس بسوك النسوان تحجي على امي بس مالومها امي هم ك*** وتساااااااااهل يطبببببها مرررررض هيه السوت بينا هيج سمعووووووني .. ممنوع بعد واحد بيكم ينزل جوه ياااكل لو جاي ينازع هم ماكو زقنبوت جوه اني من باجر اطيح حطها النجاة غصبا ما عليها تجييي تنضف وتطبخخ وانعل ابووووويه الك**** كعدت على التخم غمضت عيني غوشت كمت ماشوف شي افتحها واسده بثكل

نزار : حكييييم حكييييييم تسمعني ابووويه حبيبي

فاروق : شبيك حكيم ضغطك موو شفته كام يرمش بثكل ركضت على الثلاجه طلعت حبوب المدرر و مي انطيتهيا كووم .. صرت احجي ويا ميجاوب

حكيم : كافي عوفوني كمت طبيت الغرفتي وسديت الباب تمددت احاول انام ما اعرف شلون غفيت ثاني يوم كعدت جانت الدنيا ضهر باوعت على الساعه 12 حيييل شكد نمت كمت طلعت ملابس وسبحت وطلعت انشف بشعري لكيتهم بالصاله يمهم نجاة كاعدين ومبوزين ..... شبيكم ؟

فاروق : ترا جوعانين

نزار : عصافير بطني هاجرت لن نادت نادت اخر شي هجن

حكيم : وانتي ماعرفتي اسويلهم لكمه ؟

نجاة : كلتلهم يكلولي اكلج يلعب النفس شسويلهم

حكيم : كل واحد جنه تيس ماعرفتو تكومون اجيبولكم حاجه من برا تاكلوها

فاروق : انته شايف الحر برا

حكيم : اوووي سندس لا حقج اذا هيج خاف بشرتج اصير داكنه الون

فاروق : هاي شبيك وياي

حكيم : عطت بيهم .... عسررريع تكومون اجيبوووون زقنبوت لا ومحمد اقفل الباب عليكم واطلع اكل وارجع

فاروق : زفرت بغضب وكمت بدلت وطلعت بهل حر المطي يبول دم اني طالع اجيبلهم اكل والله اني لعبت روحي لو يزوجني لو يشوفلي حل

_جبت دجاج شوي ومقبلات ورجعت لكيتهم متمددين عالتبريد انطيت الاكل النجاة رتبتة بصينيا .. كعدنه ناكل

حكيم : شنو بطلت من الشغل ؟

فاروق : اي بعد ما اروح

حكيم : ليش

فاروق : لو يبقه بس هوا بالدنيا مادوس كاعهم بعد لهاذه الم***

حكيم : باوعت على نجاة الوجها كام ينطي الوان خزرته حتى يسكت

فاروق : راح اداوم هل سنه بعد مالحك اشتغل واحاجي ابوي ينطيني وارد من المزرعه مثل كمال ونجم علما اتخرج

حكيم : يا مزرعه الي تريد منها وارد ؟؟؟ تريد تكعد بالبيت ويجيك وارد عالحاضر نجم وكمال يوميه يطلعون عالمزرعه والاحواض ومرات يشتغلون ويا العمال اذا الشغل قوي منو يرضى ينطيك وارد عالحاضر

فاروق : جا شلون اني هم اريد اكون نفسي والصراحه اريد ازوج كافي تعبت من هل وضع

حكيم : يا وضع ولك هوا انته ذاك اليوم صرت رجال

نجاة : عززا الحجي صار فشك كمت نزلت جوه وجهي صاير نار

حكيم : عود من تتخرج وتعتمد على روحك ازوج محد يكلك على عينك حاجب

فاروق : الله كريم

نرمان : مر اليوم عادي مثل كل يوم جنت كل سنه اكون متحمسة على مدرستي وصديقاتي ومرات البس ملابس المدرسه من الليل بس هل سنه جان كل واهس ماعندي بالليل اندكت الباب كمت فتحتها

حكيم : جيبي صداريج خل اخذج للخياط

نرمان : هزيت راسي وحطيتهن بعلاكه ورحت لبست حذاء وكفت انتضره يجيب سويجه نزل مخنزر بوجهي ياستار

حكيم : اشرتلها بيدي تروحين هيج ؟

نرمان : باوعت على نفسي اي

حكيم : چا اني ما اروح

نرمان : وباجر شلون اداوم والصدريه تسحل

حكيم : طبي لبسي شي بي خير وتعالي اخذج بس بهاي هدومج ما اطلع

نرمان : طبيت جوه مخنوكه ليش هيج يحجي وياي شبي لبسي يكدر يكول باخلاق بدلي ملابسج ولبسي شي مستور .... رحت طبيت على نجاة اخذت منها جبه لبستها فوك ملابسي وطلعت بس شافني ابتسم

_ يلا امشي فتحت السياره وصعدت مشينه بشوارع البصره وهيه مطلعه راسها من الجامه تباوع

_ طببي راسج يمعوده

_ استغفرلله كلشي اسوي ميعجبه

_ كلتي شي ؟

_ لا سلامتك

_ وصلنه وصفيت السياره ونزلت طبيت للمحل جان خياط مال بدلات عسكريه ماكو غيره مفتح باليل سلمت عليه وطلعتله الصداري مالتها

_ اخي لازم تلبسها حتى اشوف طولها واحدد شكد اقص

_ اشرتلها تجي تلبسها

نرمان : اخذت منه الصدريه ونزعت الجبه ولبستها فوك ملابسي اجه اتقرب عليه الولد وكام ياخذ القياس نزعت ولبست الثانيه هم نفس الحاله لحد ما انتبهت على عمو يباوعلي بخزره عيونه تريد تنط وعروكه برزت ما انكر خفت من منضره

_ نص ساعه وتعالو عليهن

_ جريت نرمان من زندها .. صعدتها بالسياره

_ شبيك عمو شو ضايج

_ نعال عليج وعلى عمج لج انتي متفتهمين زماااااله هوووش

_ حجيت بنتره شبيك ليش تغلط

_ لتنترين لجججج .. نزعتي الجبه وطلعتي زنودج وزرورج كدام الولد ارتاحيتي موووو هسه فختيييي من شافهن

_ وجهي كام يطلع نار من الكلام مالته صدك انصدمت بي صحت نزززززلني هناااااا ميرد ... موووو احجييي وياك ليييش تغلط عليه

_ لضلين تمضرطين براسي

_ سكتت ماجاوبته

_ باعي اني هاذه الوضع ما ارضى بي انتي من اجيتي انحسبتي علينا من تريد تحجي العالم ميكولون نرمان يكولون بيت ابو فلان وماريد تجينه حجايه راح اكتفي اني اشتريلج جبه وحجاب ومن باجر اداومين بحجاب واطبين واطلعين بالبيت بحجاب بس اتمنى تعصين حجايتي واشوفج مفرعه كدام واحد قسما برب العزه اندمج على الساعه الفكرتي بيها تعصيني واخليج عبره لمن اعتبر

_ هزيت راسي بخوف حسيت اذا فتحت حلكي راح انكتل بنص الشارع ضل يفتر بالسياره شويه ورجعنه للخياط

_ لتنزلين اني اجيبهن واجي

_ ضليت بالسياره جابهن واجه شمرهن عليه وساق بسرعه جنونيه شويه وتنكلب بينه ضليت ساكته لحد ماوصلنه للبيت اخذتهن ونزلت شمرتهن بالغرفه اريد انفجر من القهر اخر شي لفيت راسي ونمت للصبح اندكت الباب حيل كمت فتحته عيوني مغوشه وشعري كفشه

_ يلا لبسي وتعاي منتضرج بالسياره راح نتأخر

_ ماشي سديت الباب ولبست بسرعه واذكرت الحجاب ركضت على غرفه نجاة اخذت منها حجاب ابيض لبسته وباوعت على شكلي بالمرايه صدك طالعه حلوه ومرتبه طلعت اهرول للحديقه شفته واكف بصف السياره يفر بالسويج فصلته بعيني لابس قميص رصاصي وبنطرون قماش اسود وحذاء اسود وريحته نضااافه تخبل اشمها من الهول وبصفه نزار كالب وجها واكف ينافخ .. صباح الخير

الكل : صباح النور

نزار : يلا صارلي ساعه لابس ومشتول ترا اذا يوميه هيج اسوين بينه اعوفكم واروح

نرمان : والله ماعندي منبه لو شي يكعدني

حكيم : ميخالف ما صار شي باوعت على شكلها بالحجاب جنها ملاك برز شكلها اكثر خدودها حمر وشفايفها دم عقدت حاجبي وكلت حاطه حمره

نرمان : تلعثمت وخجلت لا والله

حكيم : ها عبالي

نزار : ها حكيم سالمين

حكيم : انجب ولك ..... وصلنه للمدرسه جانت وحده بصف الثانيه نزل نزار لمدرسته ونزلت ويا نرمان دخلته للمديره وسلمت فايله بعد ما خلصت كل اوراق القبول من التربيه شافته المديره وانعجبت بشكله واخلاقه اخذته للصف وطلعت اباوعله من بعيد تتلفت ادري بيه خايفه وجبانه ركبت سيارتي ورجعت للبيت شفت فاروق توه ديطلع اذكرت نرمان ما انطيته مصروف ضربت كصتي

فاروق : شبيك من الصباحيات تكفخ بروحك

_ لك نسيت انطي نرمان مصروف

_ اني هسه امر انطيه قبل لا اطلع للدوام

_ خوش لعد بحبح جيبك مو تنطيه الف والفين

_ لعد شنطيه ورقه

_ انته ومروتك

_ لتخاف اخوك جريم وبلجرم معروف

_ ادري بيك مشوف داوصيك

فاروق : طلعت سيارتي لمدرسته قريبه على البيت اول شي ماخلاني الحارس اطب تماطلت ويا ساعه يلا طبيت سئلت على صفه شفته كاعده بين البنات بنص لزمت روحي كوه ماضحكت جنه فروجه بينهن كل وحده زنده يمشي عليه التيس بش فاتني كامت

_ العفو ست قاطعتكم بس اريد انطي النرمان مصروفه ناسيته

_ رفعت حاجبه ... وانته شصيرله ؟

_ ابن عمه

_ باوعت على نرمان صدك ابن عمج هاذه

نرمان : اي ست .... تقدمت الناحيته طلع 5 الاف وانطانياه كدام البنات حسيته متعمد يلفت انتباه ابتسم وحجه بصوت عالي

_شتحاجين بس كولي

_طلع ورجعت الرحلتي ورا شويه دك الجرص والتمن عليه البنات يسئلن عليه منو هاذه وشيصيرلج وشكد حلو وحباب وشيشتغل فصلنه تفصال هسه يلا طخت بعقلي شنو معنا سوالفه حته يلفت نضر الوووتي خلص الدوام كل شويه اطبلنه مدرسه تتعرف علينه لو تنطي محاضره بالاخلاق وتطلع تعرفت على كم بنيه عرفني عن نفسهن ضليت كاعده بلصف موت من الحر والحجاب موتني اول مرا البسه كمت اهفي واحس اذاناتي صارن نار هااي شلون يلبسونه ما ادري صارت وكت الحله طلعت من المدرسه اتلفت شفت نزار واكف ويا اصدقائه اشرتله ما شافني رحت تقدمت يما وكفت بس شافني ابتسم

نزار : هسه بجي حكيم روحي اوكفي باب مدرستج همستله لتوكفين يم الولد

_ رجعت المكاني انتضر كلما تفوت سياره عبالي هوا اخر شي فرغ الشارع بقه بس نزار وجماعته رحت يما شو ما اجه ؟

نزار : والله ما ادري امشي نرجع للبيت مشي الشمس حركتني هزيت راسي وسلم على جماعته ورحنه نتمشه اني ويا جان نشوف سياره حكيم نزل الجامه

حكيم : اتئخرت عليكم

نزار : اي والله متنه من الحر وخطيه باوع نرمان غدت طماطايه

حكيم : تعالو صعدو ونحجي

نرمان : ركضت صعدت ليكدام باوعت على نزار يخزرني .... ميته حر حباب بس اليوم اريد هوووا بارررد

نزار : زفرت بضجر وصعدت ليوره

حكيم : شلون جان يومكم

نرمان : حلو اتعرفت على بنات وعلى المدرسات

نزار : لعبان نفس بلعبان نفس

حكيم : غير سلبي وبعدين تعال وين جنت طالع عماله شو وجهك مجولح وهدومك سيان شنو ماسح الصف بهدومك

نزار : لا بس صلحت دراجه صديقي

حكيم : هااا صاير فيتر ابو الزوز

نزار : غير على باب الله

حكيم : ضحكت ... الله يرزقك ابو الوصخ ..... وانتي نونو انطاج فاروق مصروف

نرمان : اي انطاني

_ شكد ؟

_ 5 الاف

نزار : شنووووو بالعبااااااس اني هم تنطووووني 5 شنووو ربي وحد

حكيم : انته لتنط خل افتهم

نرمان : ضحكت وكلت ... البنات الي بلصف رادن ينجلطن مثل نزار

نزار : انجبي ولج عايز على فلوسج اني

نرمان : لا العفو بس كلهن كامن يسئلن عليه وهوا كال اني بت عمه

حكيم : بت عمه ؟

نرمان : اي المدرسه سئلته وجاوبه واجت تتئكد مني هم

حكيم : حلووو صايره بت عمه

نزار : اذا صار بيه بنات حضري روحج باجر يوميتج 10

نرمان : ههههههههههههههه

حكيم :ضحكت على ضحكته ولج شهل ضحكه هاي

نرمان : خجلت وسكتت .... وصلنه للبيت ميته جوع بس طبينه صاح

حكيم : امشو ابيتي جبتلكم غده

نرمان : صعدنه يما شفنه جايب كباب كعدنه اني ونزار وعمو اكلنه علما تخربطنه اول مرا اخذ راحتي بالاكل يجوز لن محد باوع عليه لو قيدني كلمن ملتهي يثرد

نزار : رحم الله والديك عضيدي

حكيم : بلعافيه

نرمان : عاشت ايدك الله يرزقك

نزار : فدوه شلون فطيره ولج هاذه نايم عليهن

حكيم : صجيجه بعينك

نزار : والله ليش نغش البنوه

نرمان : ابتسمت الله يزيده كمت غسلت واستئذنت منهم نزلت جوه تلكتني نجاة اسئله

_ هااا ولج بعتيني صار عدج مدرسه وصديقات حته ماكلفتي روحج تتغدين وياي بعد ابد لتحاجيني خوووش

_ ولج اوكفي شعندي غيرج اصلا بلمدرسه كلهن مدري شلونهن يتعنتكن عليه وميرضن يحاجني ويباوعلي من فوك ليجوه

_ لن يغارن منج

_ ابتسمتله يعني مزعلانه

_ اشاقه وياج اصلا الدنيا ملامتني من شفتج مداومه وبايكه حجابي غمزتله هاي سوالف عمج حكيم مووو

_ اي ولج هددني اذا ما البس يخليني عبره لمن اعتبر

_ هههههههههههههههههههه خرب يومه

_ والله شبيج

_ تستاهلين حته الكيمر لا ياهو الجاي ياخذ منه لطعه

_ ايع شهل مثل

_ ديلا بدلي وتعالي خل نكعد نسولف روحي طاكه

_ ماشي .... سبحت وبدلت لبست دشداشه نجاة الاخذته ذاك اليوم وحجابي مال مدرسه طلعت من الغرف صارت كبالي مرت كمال كامت اصنف وتضحك لن لابسه طويل

اسراء : هاااي شنو ماعرفناج شنو هل ادب وهل اخلاق لازم كبرتي وكمتي اضمضمين باشيائج

روان : معليج بيه والله تخبلين طالعه صح جنج عجوز صغير وطكته بضحكه بس المهم محتشمه

نرمان : ضليت متصنمه وعيوني غوشت وحده ترفع والثانيه تكبس طلعت امشي سريع للحديقه كمت ابجي وادردم ويا روحي .... يعنيييي شيرردون بعد احتشم ضحكو عليه اصلخ يهنوني شيردوووون بلضبططط كمت ابجي بحركه لحد ما حسيت ايد انمدت على جتفي ...

يتبع ........

نهايه البارت : اذا عجبكم البارت صوتوله مو تنسون هواي اكو مفاجئات جايه انتضروني بارت جديد

الكاتبه : ( Duha al amer )🦋

_تابعو حسابي

_صوتو للبارت❤

_ فرحوني بتعليقاتكم الحلوه

مو مالت وداع ستونه متلاكين

بعده عيونه من المستحه مدنكه

بعده تشوفنه عيون الشمس ضلين

مالحكنه نكسر عينه بشبكه .

_________________________________________

نرمان : ضليت متصنمه وعيوني غوشت وحده ترفع والثانيه تكبس طلعت امشي سريع للحديقه كمت ابجي وادردم ويا روحي .... يعنيييي شيرردون بعد احتشم ضحكو عليه اصلخ يهنوني شيردوووون بلضبططط كمت ابجي بحركه لحد ما حسيت ايد انمدت على جتفي التفتت شفت

حكيم : شبيج ادردمين

_ حجيت بحركه ..... ملييييت احاوووول ارضيكم ومحدد راضي

_ منو مراضي عليج

_ طلعت لابسه مثل متريد كامو يضحكون ويعيبون عليه عاجبك هيج

_ اي عاجبني هزيت جتفي صوجج انتي لو بيج خير جان من حجو عليج رديتيهم

_ شلون اردهم بله شكوللهه

_ مثل ما ضحكت عليج انتي هم باوعلي على مضهرها وضحكي عليها وخجليها وذا فكرت تتماده عليج حطي اصابيعج بعيونها

_ اي حتى ابات بالشارع

_ نجبي ولج تبات بالشارع ام حلك

_ عمو انته تريد العدل لو الاعوج

_ ايبااااه كامت تحجي بالعدل والاعوج بله شنوه العدل

_ العدل انو هاذه مو بيتي ولا انتو اهلي ومن حق اي واحد يطردني لو رفعت صوتي عليه او حتى رديته ماعندي خيار غير دموعي حتى تخفف عني وهاذه اصعب شي انو اشوف واحد يهينك وايدك مربطه

_ ضليت صافن عليها من تحجي منو نرمان ؟ والله يابويه يوميه جاي تبهريني اكثر رغم كلامج حلو واعي ومسفط بس ماعجبني

_ ليش

_ لان متفكرين ابد اصيرين قويه وتوكفين اليجاوز عليج اقوى شي اسوي تتحملين واسكتين لييش ؟ تخافين يذبوج بالشارع ؟ اذبهم كلهم واخليج عبالج هاذه بيت كمال لو بيت نجم لو مال عمتج اصيله ترة لو اريد اركعها ميت جلاق هاذه بيت حجي فاضل هوا الأمر الناهي بي ماكو كلمه من بعد كلمته من يوم يومه وللان

_ كلامه شويه ريحني بس مع ذالك ابقه غريبه وموبيتي

_ لصفنين شدي ضهرج بيه ومعليج انتي مو تكولين اني عمج

_ اي

_ طيح الله حظج دكولي وسبع تنعام

_ هههههههههههه

_ وبعدين شهل جمالج جنج بسكت بنصه حلقوم يروحلج فدوه امهات الوصخ

_ يمااااااا من كال هيج شهكت بداخلي من الخجل فززني صوت نجاة ..

نجاة : صارلي ساعه ادور عليج وتاليتها كاعده هنا

حكيم : كمت جاي اطلع واذكرت .. نجاة عود صعدي نضفي .. من اليوم وجاي البيت الفوك عليج تنضيف وطبخ اريد من يرجعون من الدوام يلكون غده وباليل اسوين عشا ممنوع الكا البيت وصخ لو ملابس وصخه افتهمتي يلا خلصي سوالف ولحكيني

نجاة : زفرت ماااشي

نرمان : ليش قبل منو جان ينضف البيت ويطبخ

_ مرات اني ومرات نزار وحتى فاروق وحكيم يشتغلون بس بالسنه مرة والاكل لو من برة لو يمنا جوه ومرات قليله يسون شي بالبيت الهم وياكلون

_ هااا

_ اييي ولج ابتليت بيهم بلووووه

_ ميخالف لضوجين اني اساعدج

_ كولي والله

_ والله شبيج شتردين اسوي وياج

_ لعد خل نقسم الشغل انتي عليج المسح والكنس وغسل الملابس والعشا والمواعين

_ وانتي عليج توكفين اشجعيني ؟

_ ههههههههههههههههههههه لاااا اني امسح الاخشاب واسوي الغده واغسل مواعين الغده شكلتي

_ ماااشي

_ يلا امشي .... صعدنه فوك شفناهم مجمعين على التلفزيون

نرمان : السلام عليكم

الكل : وعليكم السلام

نزار : لااا دا كدا كتير كتير اوووي

فاروق : شو كلبت فيفي عبده

نزار : ايه الايمان والتقوى دا يشيخااااا

حكيم : خزرته بس مافاد نزار بعد وانفتك

نزار : مو اكلكم ما اختلط بحكيم هاااي كدامكم اجته طفله بريئه طبق عليها الحوزه العلميه كلها بوووويه لو يشوفج عماد هسه الا يغم روحه ويرجع ينام

حكيم : نزارررررر

نرمان : ضجت كلش من جاب طاري بابا الله يرحمه عود يصنف على تربيته

فاروق : معليج بي خيولي لضوجين اصلا طالعه تخبلين بلحجاب

نرمان : شكرا

نجاة : المهم اسمعووني وركزو وياي اليوم مطعم نجاة الصغيره للوجبات السريعه يقدم اقوى العروض نستلم اول طلب

نزار : اريد فاست فود

فاروق : شني هاي انوب

نجاة : ابو الزوز لتتمقلج هنه بتيتات اعرف اكليهن واندومي

حكيم : هاي كل قوتج ؟

نجاة : اي والله

فاروق : شالج الله

نرمان : اني اعرف اطبخ اسويلكم عشا ؟؟ .... الكل باوعولي

فاروق : اليوم تسمم جماعي مابيها مجال

حكيم : شتعرفين اطبخين ؟

نرمان : كلشي

نجاة : لعد كومي راوينه ابداعاتج

نرمان : كمت اتمشى للمطبخ اجت نجاة ورايه طلعنه لحم موعنا وثرمن الخضار دورت على ابهارات كلشي ماكو .... لازم كمون وكاري وملح وبابريكا وفلفل اسود

نجاة : وذني منين اجيبهن

نرمان : من بيتكم الجوه

نجاة : نزلت جوه لكيتهم بلمطبخ خمطتهن وطلعت قبل لا تبدي الاسئله صعدت فوك الهث

فاروق : وين رحتي وذني منين جبتيهن

نجاة : سلبت مطبخ اصيله

نزار : عفيه عليج اخت رجال

فاروق : ههههههههههههههههه

نجاة : طبيت للمطبخ انطيتهيا وكطعت خيار وطماطه وحميت الصمون ودينا للصاله

نزار : هلاااااا كعدت على السفره الاكل يشهي بدينه ناكل ..... امممم يخبل عاشت ايدددج تروحلج فدوه نجاة الزركه ام البتيته

نجاة : غير يستقر ابو الدويحات

حكيم : عاشت ايدج نونو

نرمان : بالعافيه

فاروق : يوميه تعاي طبخي بشرفج

نرمان : هزيت راسي ماشي " ..... خلصت اول وحده وطفرت حته انزل جوه صحت نجاااة عود غسلي المواعين اني حنام عندي صبحي نزلت اركض قبل لتشبط بيه

نجاة : يااااااا جلببببه عكلتني بلمواعين وشردت

حكيم : مو هيه سوت العشه انتي غسلي المواعين

نجاة : امري لله كمت لملمتهن وكفت اغسلهن واسب بيها كملت وطلعت صحت تريدون شي بعد

فاروق : لا سدي الباب وراج من اتنزلين

نرمان : مرت الايام كل يوم اداوم ويا نزار شويه بديت اتأقلم كام يودينه ويجيبنه عمو لحد ما اجه يوم الاربعاء وباجر العقد مال نجاة

نجاة : لج حبابه على كيفج حمووووت من الوجع

نرمان : اي شسويلج ادري قابل حيشوف زرورج

_ معليج انتي من تعقدين عود لسويهن واتخزي

_ اوووف اصابيعي فركسن

_ حبابه كملي لتخليني نص ونص

_ لزمت ركبتي بتعب ورجعت اكمل لحد ما انكسر ضهري هااا عندج شي بعد

_ فدوووه القلبج اردلجياه بعرسج اله اخليلجيا صافن

_ نجبي لج انتي غير فاسده

_ استحت نصره

_ كمت غسلت ايدي وهيه دخلت سبحت وطلعت .... اكلج اني راح انام تعبانه وباجر عندي امتحان

_ لاااا لتعوفيني حبابه باتي يمي اليوم وهم اني اسويلج جسمج وجهج

_ لااا حبيبتي ما احب احد يلزمني اني اعتني بروحي وبعدين شسوي الوجهي بله انتي راح تزوجين اني شكو

_ شكد نحسه

_ دنامي حته يصير باجر بسرعه لضيعين وكتج

_ هههههههههههه وجع اضحكين عليه

_ ما اضحك عليج بس انتي يوميه تحسبين للخميس فنامي حته تعقدين بسرعه ههههههههه

_ امداج ولي

_ طلعت من الغرفه وهيه ادردم عليه طبيت الغرفتي داسد الباب شميت ريحه مو غريبه عليه فتت شفت على السرير جنطه شفافه وبصفها علاكه فتحت الجنطه شفت فستان اسود شيفون كلششش حلوووو عيوني كامت تلمع من جماله شميت ريحته ... اييي هاي ريحته غمضت عيني بثكل حطيته من ايدي وفتحت العلاكه طلعت كارتونه متحمسه اشوف شنو بيها لكيت مبايل ضليت فاتحه حلكي هاااذه الي لو ناسي هنا دست الدكمه اشتغل جانت صورتي الطكها الي من جنه نصلي محطوطه خلفيه كمت اضحك لا اراديا كعدت على السرير وفتحت المبايل شفت بي برامج اول ما دخلت على الواتساب دزلي اجت رساله من رقم

_ عجبج الفستان ؟

_ ضليت متصنمه لحد ما شفت صورت حكيم واكف وبصفه واحد صيني جانت مو بالعراق بالخارج كتبت ..

_ كلش حلو يجنن هاذه انته جبته ؟ والمبايل الي ؟

_ لا الفستان امي جابته والمبايل الاصيله

_ متت من الفشله حرت شكتب اخر شي سديته ادري بي ديقلد عليه شويه ودز

_ باجر الصبح لتتأخرين وقتتلج المنبه ساعه 7 من يدك طفي وكومي بدلي

_ دزيت .... ماشي شكرا

_ العفو

_ كمت اكل بضافيري المفروض اروح اشكره لو بس شكرا هنا كافيه باوعت على المبايل مبين غالي مو رخيص سديت المبايل وقررت باجر اشكره وجه لوجه احسن شلت الفستان اباوعله من فوك ليجوه ذبيت ملابسي ولبسته وكفت على مرايه الحمام اباوعله يجنن على جسمي

مثل /

نزعته وعلكته حضرت ملابس المدرسه وضميت المبايل جوه راسي ونمت ثاني يوم الصبح دك المنبه كمت احاول اطفي ما اعرف حسيت كل البيت كعد على صوته اخر شي طفه وحده كمت غسلت وبدلت لفيت حجابي وطلعت بيدي الجنطه كالعاده واكفين نزار وعمو بصف السياره ينتضروني بس شافوني صعدو صعدت ليورا

_ صباح الخير

_ صباح الخيرات

_ جانت الابتسامه شاكه حلكي واباوعلهم ثنينهم مبوزين مديت راسي اباوع النزار شبيك مبوز

_ لتحجين وياي مااالي خلك

حكيم : انجب ورد عليها عدل

نرمان : كعدت بثقه من رزله ولازمه ضحكتي

نزار : من الصباحيات عيوني ما اكدر افتحهن والقران لو تموت ام الاحياء ما جاوب اليوم حته اذا اعرف الاجابه ماجاوب عناد بيه واحد يكعدو ب 7 الصبح يابه شنو عنده امتحان مصارلنه سبوع من داومنه خل تص

حكيم : بسسسسس شنووو بالع راديو من الصباحيات مكان هل خريط اقرالك ايه صلي على محمد خلي الله يفتح دماغك

نرمان : اي والله اني هم عندي امتحان والبارحه قريت دعاء التوسل ورا ماخلصت قرايه

حكيم : هاا تسمع

نزار : عود اذا نجحتي دكيلي مسكول

نرمان : استغفرلله ..... اذكرت المبايل والفستان بس استحيت اشكره كدام نزار وصلنه للمدرسه نزل نزار وبقيت اني اندار عليه طلع فلوس وانطانياهن حطيتهن بالجنطه ردت انزل صاح

حكيم : ديري بالج على نفسج

نرمان : التفتت عليه وباوعتله بخجل ... احم وانته هم .... نزلت ومر اليوم عادي امتحنت وطلعت شفت عمو حكيم سافط سيارته واكف مرتجي عليها منتضرني بس شفته ابتسمت ورحت اهرول لحد ما وصلت للسياره فتحلي الباب وصعدت ليورا ونزار كاعد ليكدام شغل السياره وطلعنه الطريق كله ساكتين لحد ما طبينه للكراج نزل نزار وبقينه بس اني ويا ضل بالسياره التفت عليه ردت انزل كال

_ دقيقه لتنزلين اريد احجي وياج

_ هزيت براسي وضليت كاعده وكلبي صار خفقان منتضرته يحجي

_ اريد اسمعيني زين واتخلين بالج يمي

_ ماشي

_ شفتي المبايل والفستان

_ احم .. اي

_ عجبنج ؟

_ اي كلش حلوات عاشت ايدك بس ليش كلفت على نفسك المبايل غالي

_ بلعكس انتي تدللين دامج حبابه واسمعين الكلام الغالي يرخصلج ... تدرين ليش اشتريتلج مبايل ؟

_ ليش

_ لن اثق بيج وما اريد هاي الثقه تخرب بيوم من الايام ماحبيت اكتم على نفسج وامنعج من شي الاريده منج كلشي يصير وياج تجين تحجي الي ومضمين اي شي عني وتحافظين على الثقه البينه ما اريده تخرب بيوم من الايام اعتبريني قريب منج باي وكت تردين اني جاهز اسمعج وهم اذا اسافر البغداد اكو تواصل بينه ماشي

_ ماشي عمو وان شاءلله احافظ على هاي الثقه

_ حطيتلج بي خط وانترنيت وسويتلج برامج بس ما حطيت اسمج وياريت متكتبين اسمج

_ ماشي

_ احم ... واذا لبستي الفستان اليوم وطبو الولد لبسي فوكا جبه وحجاب

_ حاضر

_ عفيه ... ترا جايات بسمه ورحاب اذا طبيتي سلمي ولتختلطين بيهن ولا بجهالهن ولصعدين فوك اليوم

_حاضر

يلا هسه تكدرين تنزلين

_ نزلت بس حسيت نفسي ضجت من كلامه ماحب يحاجيني بصيغه امر بذات هوا انقهر منة طبيت شفت البيت هوسه كلش هواي بنات ولد بس شافوني ضلو يباوعولي من فوك ليجوه استحيت كلش وكلت ... السلام عليكم

الكل : وعليكم السلام

نرمان : كمت اتلفت بعيوني شفت عماتهم و بنفسج وبنات ماعرفهن ولد هم كمت ارجف خاف اشوف مصطفى الجلب ضليت ادوره بعيني بس ما شفته

رحت النجاة لكيته متمدده بغرفته وحاطه خيار على عينه وتارسه وجه دهن شالت الخيار من عينه وشافتني

_ واخيرااا اجيتي كمزت للكنتور طلعت الفساتين باعي البيجي الي اشتريته احلى لو الزيتوني القديم احلى شو احس الزيتوني احلى

_ لبسيهن خل اشوفهن عليج

_ ديري وجهج

_ لا راح اطلع ابدل ملابسي واجيج ... رحت الغرفتي لبست تراك وفوكا جبه وحجاب وطلعت الغرفته لكيته لابسه البيجي ومعبسه

_ هاا حلو

_ والله يخبل احلى من الزيتوني كله لمع هاذه اهدء واحلى ومطلع جسمج مرتب ذاك هوسه

_ صدك لو جبرين خاطري

_ يجنن شبيج .. باعي زين غير يموت

_ خووش الله يبرد كلبج

_ شوكت ترحين للصالون ؟

_ بعد ساعتين

_ منو يوديج

_ حكيم منو يعني فاروق الحقير حتى بالعقد ميقبل يكعد ويفرفحون ويا

_ ميخالف هم حقه

_ حقيش ترا ماسويت مصيبه هوا يضحك على بنات الناس عادي بس اني انخطب الحبيبي يتخبل ويحاربني

_ ما ادري الله يهدي

_ امين .... تجين وياي موو

_ لا روحي انتي واني انتضرج

_ لا حبابه تعاي وياي الخاطري يردن يجن رحاب وبسمه واني ماريدهن كلشي ميفتهمن ذني

_ رحاب وبسمه شيصرلج

_ بنات عمتج حبيبه هههههههههههه

_ اصلا ما اعرفهن ولا شايفتهن بحياتي

_ اي رحاب عده 3 ولد وبسمه بنات ثنين ولد بس شنو الله ميجرعهم جنهم حيوانات

_ ضحكت على كلامها .. باعي اني راح اروح انام ساعتين وكعديني حتى اروح وياج لان كلش تعبانه وراسي يوجعني كاعده من الصبح

_ ماشي حبي واذا ماكعدتي ارش عليج مي وما على الرسول الا البلاغ المبين

_ خبله ... عفته وطلعت جاي اطب الغرفتي سمعت وحده اصيح عليه

بسمه : تعاي تعاي

_ اشرت على نفسي اني ؟

بسمه : اي انتي

_ طبيت للهول مستغربة اول مرة اشوفها يمكن وحدة من بنات عمتي ..

بسمه : شبيج تتمطرحين امشي عدل

_ يعني شلون جاي امشي مثلا ماشوف غير شالت ابنها وحطته بحضني

_ هاااااج شطفي

_ نكزت منه وذبيته عليها شنوووو اشطفه ؟

_ اي شطفي مابيه حيل راح اموت فقراتي هاجن عليه وذا شطفتي راح ينقص من وزنج

_ والله ما اشطفه لو يبقه اخر واحد بالدنيا عفتها ورحت اتمشى ماحس غير لزمتني من راسي وجرتني عليها وضربتني راشدي غوشت عيوني ولزمت وجهي صرت اعصاب وكمت ارجف اريد املخها بس اخاف يلتمن عليه يكتلني

_ جايفه عرمه ساقطه ولج امج وين تتنكسين من ابني انضف منج ياوصخه

_ عفتها ورجعت الغرفتي سديت الباب وكمت اشهك الله لا يوفقها كعدت اهز بروحي ودموعي تنزل كله بسبب امي خلتني جوه الايد كله سببها المن خلفتني المنننننن ليش يخلفون اذا مابيهم خير يربون كمت انبت اضافيري بزنودي اريد ابرد كلبي ليش ما ضربتها ليش ما رديت عليها شكد جباااانه غمضت عيني واعصابي تنتفض ما ادري شكد مر وكت ودموعي ما نشفت لحد ما انفتحت الباب وطبت

نجاة : وينج نرم بس .. شبيييج نرمااان

_ مابيه عوفيني

_ احجي شبيج منو اذاج باوعت على ايدها مخرمشة هاااااااي شنوووو احجيييي

_ وخررري نجاة عوفيني وطلعي معليكم بيه معليكم

_ انهضمت من نترت بيه ...... يعني يهون عليج تعوفيني بهيج يوم وحدي ؟

_ باوعتلها عيوني مغرغره بالدموع لا ميهون عليه بس ما اريد اجي ولا اريد اطلع من غرفتي عوفيني هسه الخاطري لازعلين مني

_ ماشي حبيبتي براحتج عفتها وطلعت اضرب اسداس باخماس لبست جبتي وحجابي طلعت لكيت حكيم برة وفاروق حاط كرسي بالحديقه يدخن نركيله بس شافني وجها صار ميكصه الطبر عبرته وصعدت بالسياره اجت رحاب ونسمه صعدن وياي طلعنه والطريق كله يسألن

رحاب : هاي ابيش سيارتك مبينه غاليه

نسمه : اقل شي بخمس شدات

رحاب : اذا عندك هيج امكانيه متزوج المن باقي

نجاة : لو يريد يزوج مينتضرج تكليله

رحاب : والله بت حمايه تخبل جنها فلكه وفقيره وحبابه لا مبايل ولا انترنيت ولا مدرسه

حكيم : هوش الله بارض الله موو

رحاب : والله بنيه متربيه ليش هوش لعد امهات المبايلات والفيس عاجباتك كل وحده حاطه جوه اباطها خمسه سته وتجي انته تاكلها بالاخير

حكيم : انتي شلج بهل تمسلت عسا ما اخذ ك*** شعليج انتي منو راح ين**** اني لو انتي

نجاة : عزززا من كال هيج عم الصمت بالسياره لحد ما وصلنه

حكيم : يلا من تخلصن دكن عليه

نجاة : بسته بالهوى

حكيم : لاصيرين خفيفه

نجاة : اوووي عفتة ونزلت طبيت للصالون رحبت بينه الماكيره طلبت منها مكياج ترابي وحمره غامقه علمود فستاني فاتح حته المكياج يكسر عليه حفتلي وحطيت ثلج حته ما اطكع حطتلي مكياج جان شغله كلش حلو سوتلي شعري كيرلي على طوله كملت وخليت رحاب ادك على حكيم يجينه طبعا هنه كلشي ماسون لن الصالون غالي ورجولتهن ماقبلن يطوهن اجانه حكيم حته يرجعنه للبيت

حكيم : نزلي الحجاب على وجهج

_ صعدني ليكدام حته يحط عينه عليه خاف اصعد الحجاب خرب يوما متفوته فايته وصلت للبيت مغشايه طبيت كبل لبست الفستان مالتي حضرو غراض الطقوس مال العقد طلعتلهم حته يشوفوني كله تعجبت بمكياجي ولبسي رحت على نرمان فتحت الباب وصحت غمضي

_ غمضت

_ فتحي شنووو رايييج

_ عزززا تخبلين والله جنج باسكال

_ باسكال فرد مرا المهم فلاح اليوم ينجلط لو لا

_ ان شاءلله

_ نجبي لج اسم الله وبعدين شوكت تبدلين ؟ راح يجون

_ حبابه لزعلين بس ماريد اطلع

_ شنو مطلعين صدك تحجين ؟ لعد منو يوكف يمي من يحجي الشيخ ويكلي موافقه وانتي اصيحين موافقه اي ويعيط بيج الشيخ لااا اريد اسمع الموافقه من العروس رجاء واني خجلانه وما اكدر احجي

_ يماااا على كيفج ولج هسه عرفت نزار عليمن طالع

_ ههههههههههههه امانه لتكسرين بخاطري بدلي وتعالي بداعتي

_ هزيت راسي وتنهدت يلا طلعي خل ابدل واجي

_ مراح اسولفيلي شبيج

_ لااا بعدين .... اخذت الفستان وطبيت للحمام بدلت وطلعت لبست ويا الفستان بوتين رياضي ابيض طلع كلش حلو مشطت شعري وعفته على طوله طبت نجاة تكمز

_اجوووو اجوووو اجوووو

_ بسم الله خرعتيني

_ لج كلبي رااااح يووووكف

_ مترحين تكعدين يمهم

_ عمتج الحيه متقبل اله يكعدون العالم يلا اطب ... راح اطلعين بوجهج الاصفر ؟

_ اي

_ وجعي

_ ما اشوف اله حطت اصبعه على شفته ومسحته بشفتي وخدودي

_ هاااج ضحيت باعز ما املك

_ ضليت فاتحه حلكي على سوايته دمجته بوجهي وبشفتي

_ اييي هسه بيج شوفه

_ والقران انتو مو عاقلين العائله كله شاخطه

_ دباعي وجهج شلون ورد

_ باوعت على وجهي بلمرايه صدك صارت بي روح رغم شي بسيط

_ يلا تعاي خل نطلع ونفرسه فرس الصيله الحيه

_ طلعنه اني وياه تمشينه للهول جانت العالم صايره لحم ناس كاعده على ناس وكله اسولف سوه كلشي منسمع بس طبت نجاة كل العيون صارت عليه كامت الي تباوعله من فوك ليجوه والي تشاور البصفه وتضحك كعدت وجانت احلى وحده بلحضور

نجاة : طبيت ادور بعيني وادعي كون مرته ما جايه وصدك مالكيته غير بس امه جانت حاضره وبنات عمي وبنات اصيله وعمه نهاد وكم شخص من المقربين للعائله كعدت وطب اصيله حطت شال على راسي وحطو رجلي بمي وياس وفتحو قران بحضني وكبالي مرايه وحطو ببن اصابيعي هيل اجت رحاب وحطت بصدري سكر نبات وهمست

_ بس تعقدون ويجي يلبسج الذهب حطيه بحلكه

_ هزيت براسي " الي اعرفه هاذه الطقس يكوم يحبني بكد حلاه السكر عادات اهل كبل

اصيله : يلا عيني راح يعقد الشيخ لبسن

نجاة : من كالت هيج رجف كلشي بجسمي صرت قريبه على الباب وسمعت الشيخ يحجي عن اهميه الزواج والموده والرحمه لحد ما بده ياخذ الموافقه اول ما سئل فلاح مباشرا صاح مووووافق كلبي فز ويا صوته اجه دور يسئلني عبالك الساني اربط من الخوف اتقربت اصيله

_ لج جاوبي الشيخ صار مليون مرا يسئلج

_ هااا رفعت راسي وطلع صوتي برجفه موافقه بس حجيت تعالت الاصوات والهلاهل والمباركات كل النسوان اجت تبارك ما اتئخرو وكالو

_ سووو طريق راح يطب العريس

نجاة : حسيت كلبي راح يطلع من صدري اول ما طب رفعت عيني بعينه شفت طوله وهيبته وريحت عطره السبقته استنشقته وهسيت توازني اختل لحد ما اجت ايده على خصري وصاح

_ حلااااالي

_ عرفته ديسمع الكل تقرب باسني براسي واخذني الحظنه جانت اول مرا جسمي يطخ بجسمه قرب شفته يم اذني وهمس

_ شوكت شفتي تحضن شفتج للصبح

_ فلاح راح اخرب عفيه على كيفك وياي

_ هاي حضنتج وهيج جااااا لو وجريته من خصره على جسمي صارت كله طاخه بيه

_ همست راح اوكع عضيت شفتي واني افتح عيني واغمضه بثكل باس ركبتي وكعد بصفي وبدت النسوان تباركله اجت مرت عمي وفتحت علبه الذهب كبالي بده يلبسني واني بغير عالم بالي كله ويا لمساته الطبعت بجسمي اثر

نرمان : من عقدت نجاة الدنيا ما لمتني واني اشوفها فرحانه لحد ما كالو راح يطب فلاح طلعت لبست جبه وحجاب ورجعت للهول شفته حاضنه عزززا اليوم شيخلصني منه راح تكرع راسي باس ركبتها وهيه ذابت شويه وتوكع ردت اروح انبها لان النسوان كلها كامت تضحك وهيه ولا يمها كعدو ولبسها الذهب

_ شويه وطبو حكيم ونزار جان شكلهم يخبل لابسين دشاديش بيض ولافيت شماغ على راسهم باوعت على عمو حكيم حسيت نفسي فصلت عن كل العالم ما كمت اشوف احد غيره كمت اباوعله وارمش بثكل شكله كلش هيبه والدشداشه والشماغ زايدي جمال على جماله عيونه الناعسه ورموشه الثخينه ولحيته الخفيفه وشواربه ثخان طوله وكتافه العريض همت بتفاصيله ما صحاني غير كرصه من نزار صحت

_ اووووي شفت الكل كامو يباوعن عليه خجلت وتلعثمت ركزت على عمو حكيم عض شفته وخزرني خرب يومه شكد يخزر بينه وخرت عن نزار وحجيت بهدوء .. شبيك ليش تكرص

نزار : صارلج ساعه صافنه جنج ابو صابر كلت خاف اجمدت البنيه

_ ايدك سم وخرت من يمه وكفت اباوعلهم يطكون صور فلاح وحكيم وراح نزار يمهم ونجاة واصيله وبناتها كل شويه يجي احد يطك صوره وياهم الحد ما اشرتلي نجاة اروحله رجعت اشرتله لاااا

_ حبابه تعاااي

_ انحرجت من حجت بصوت عالي اضطريت اروح وكفت بصفه وطكولنه صوره طلعت من الصاله كعدت برا بلحوش روحي طاكه سمعت احد يهمس

_ منو مزعلك ياحلو

_ درت وجهي شفت ولد شاب مشايفته قبل مد ايده يسلم مادرتله بال

_ ترا السلام لله

_ ولزمه الايد هم لله ؟

_ هنا عندج الحق ... اسمي هادي وانتي

_ مرديت

_ انتي بت حجي فاضل

_ لا

_ شصيريله ؟

_ يصير زوج عمتي

_ هاااا يعني يقربولج يا صف انتي ؟

_ مرديت

_ جنه مزاجج بنزركي اليوم

_ ضل يسولف علما راح من وحده كل شويه يطلعلي واحد صفح طلع عمو من الصاله باوعلي بنضره شك وراح ورا فتره بدت الناس كله تطلع مابقه احد غير بنات اصيله ونجاة وعمه نهاد طبيت الغرفتي ذبيت ملابسي ولبست ملابس مال بيت حته اطلع اساعدهم بلتنضيف البيت يضرب يكلب مالي خلك اسمعلي حجايه لفيت حجابي وسمعت صوت المبايل اجته رساله رحت فتحته من عمو حكيم مكتوب

_ ليش طلعتي من الحفله ؟

_ راسي يوجعني ما اتحملت صوت

_ لجذبين احنه شتفقنه

_ ضايجه

_ من شنو

_ اريد اكله على بسمه بس متردده دز

_ الووو وينج

_ بسمه ضربتني .... قره الرساله وبعد ماكتب شي مرت 10 دقايق تقريبا ورجع دز

_ ليش

_ لن ما شطفت ابنه

_ اشطفين ابنه ؟

_ اي

_ وانتي شسويتي من ضربتج وليش ماكتيلي

_ كلشي ماسويت

_ نرمان راح انزل الكاج ضاربته اذا ما ضربتيه مثل ما ضربتج اجنزج كدامهم

_ كلبي صار يدك سريع كتبتله ما اضربه اخاف

_ قسما بالانزل القران على صدر محمد اذا ما ضربتيه اسكطج

_ دزيت ما اضربه عمووو عووفني انته وياه والزمن عليه ضليت انتضره مارد كمت اكل بروحي حته اضافيري شلعتهن امدداني شكوو حجيت طلعت برا شفته طب باوعلي بنضره وكعت كلبي اجه يمشي ناحيتي بيده صونده بس شفته حسيت شي صاح براسي لتخسرين كرامتج مرتين رحت على بسمه جانت كاعده تاكل كيك مشيت سريع وكفت باوعتله بس رفعت راسه صفكته راشدي حته ايدي كامت توجعني منه كامت على حيله لزمتني من شعري وكامت تغلط وتفشر ماشفت غير حكيم شال بسمه من شعره وشمره على التخم وكال..........

يتبع ..............

نهايه البارت : كولو ممداريتكم البارحه بارت واليوم هم ادعموني وصوتو للبارت واريد اسوي استفتاء

تحبون انزل صور الابطال الشباب حقيقيه واضم عيونهم والبنات بس اشباه لن مقبلو او تحبون صوره بس اشباه انزل لو ثنينهم سوه يعني كلت نسوي شي جديد بس الحقيقيه تنزل ماعرف بعد بكيفكم