تحميل رواية «على قمة الحكيم» PDF

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يا من سرق قلبي مني

يا من غير لي حياتي

يا من احببته من كل قلبي

يا من قادني الى الخيال

......

ملاحضة : خليت الكلام 3 اجزاء حكيم ونجاة ونرمان حتة تفهمون الاحداث

_________________________________________

اصيلة : الووو ولككككك يمةةةة الحك اخوووك رااااح يموووت

نرمان : حسيت على شخص يضربني راشدي فتحت عيني وصرت اسمع اصوات متداخلة الكل يحجي سوة

عبير : ولج يمة كعدت

غربة : خلني اجيس نبضها واشوف

عبير : صرتي دكتورة

نرمان : فتحت عيني ورجعت من شفت اشكالهن ضليت اباوعلهن وكل جسمي يرجف .. ا ءء .. اني وين

عبير : يمنة عيونيييي

نرمان : باوعتلي العجوز وقربت وجها من وجهي ..

غربة : ولج اصيرين عاقل وما تفكين حلجج ارجعج لرجلج سالمة والااااا تفكين حلجج احط سجينة بزردومج

نرمان : هزيت راسي و ضليت ساكتة ودموعي تطافر بلعت ريكي بخوف .. كامو طلعو من الغرفة وسمعت صوت قفل الباب لزمت راسي شراح اسوي وين اروح شلون اطلع منا منو ذولة .. كمت اسمع اصواتهم برة

عبير : البنية نضيفة وثوبها غالي

غربة : خلنة نشوف يجينة شي منوراها لاع ..

عبير : كولي يا الله حيدوري شكال

غربة : خوفي من حيدورج لا يطلع جذاب واكمع راسة من لغلوغة

عبير : يااااااا لاتكولين علية هيج هسة يجي ونتفاهم جدامج

غربة : منتضرة شعدي

نرمان : ضليت بالغرفة ابجي اخاف يسون بية شي .. باوعت على ارجاء الغرفة قديمة والرطوبة ماكلتها احس السكف راح يوكع على راسي .. مرت ربع ساعة وطبت البنية

عبير : هاااج هاذة زقوم اطفحي حتة اشيل الصينية واطلع

نرمان : كعدت على سرير حديد كبالي جان شكلها سمينة كلش وشعرها قصير وكفشة ضلت تخوز ربية شمرت الصينية ودفعتها بالكاع

عبير : ما تاااااكليييين

نرمان : ما .. ماريد

عبير : اذا ما اكلتي اخليج بلاية اكل الباجر

نرمان : ما اريد .. انتو ليش ماخذيني شتريدون مني

عبير : شغل بس يخلص نكلعج منا

نرمان : ضليت ساكتة ومادة رجلي واحس بألم براسي مو طبيعي

عبير : انتي مو مال احترام

نرمان : شالت الاكل من كدامي وطلعت وسدت الباب ..

فاروق : اني قدمت بلاغ للمركز وانطيتهم الورقة المكتوبة والملابس وراح يسون DNA للدم الفوك الملابس

نزار : الاخذ نرمان والتهديد من البيت هدوم نرمان من اختفن ما جان عدنة احد غريب بالبيت لحد ما رجعت من السفر وهم ما اجانة احد غير خطار شوية وراحو وين لكو هدوم مرتك

حكيم : اشششش مااريد اسمع شي ..

نجاة : كلنة مجتمعين بالصالة اريد نوصل الحل وحكيم مدد على القنفة مشكليلة سيروم لان ضغطة صاعد .. كام من القنفة وكف وكال ..

حكيم : راح ابيع محلي مال منطقة الجزائر وابيع المخازن مال بغداد

نزار : واني ابيع سيارتي

فاروق : وشلون تنتضر لحد ما تبيع يلة ترجع مرتك

حكيم : لا راح اداين واسحب جم فلس بالبنك اكمل المبلغ لليل ما اخليها اضل

فاروق : واني اخابرلك على جماعتي وفراس وايهاب هم ناخذ منهم بين ما تبيع

نجاة : ضل ساكت ولازم راسة

فاروق : وشلون راح نوصللهم

حكيم : ادك باب السما واجيبها

نجاة : عافنة وراد يطلع

نزار : وين رايح

حكيم : للمركز

نجم : اجي وياك

حكيم : لااااا خلييييك .. اريد فاروق

نجاة : طلع فاروق وراه وضلينة وحدنة بالبيت

روان : اني اريد اروح لاهلي ما اضل هنا لا انوب يجيني السرة

اسراء : اني هم ما اضل بعد لو طالعة وفاكة الباب جان اني هسة مكان مرت حكيم

نجاة : بدل ما تدعولها ترجع بالسلامة امداجن

حكيم : اريدك اجيب ايثار للبيت بس ما اريد احد يحس

فاروق : شاك بايثار !!!!

حكيم : مرتك هية الجانت تاخذ ملابس نرمان وجنت اكول يجوز غيرة نسوان وبنفسها البس وتاخذة بس نفس الي اختفن طلعن

فاروق : امشي هسة اجيبها واجي

حكيم : لا اريد اروح للمركز ومن ارجع اريد الكاك جايبها وما اريد واحد من البيت يعرف ايثار اجت للبيت

فاروق : ماشي .. بس خل اوصلك للمركز واطلع البيتهم

حكيم : يلة امشي

نرمان : ضليت لليل على هاي الحالة محد طب وصار البيت هدوء وضلمة اختنكت من المكان كمت ابجي بصوت عالي واصيح .. طلعووووووووونييي فدددوة طلعوووووني ما ارررريد اضللل هناااااااا شترررريدووون منيييي .. كمت اردد بالكلام واصرخ مابيدي شي اسوي

عبير : ها وغسل

نرمان : حبابة طلعيني شتريدين مني اني مسوية حادث ورجلي مكسورة وعندي ارتجاج بالمخ والله اموت اذا اضل هنا

عبير : اريد اناااام والصباح رباح واذا سمعت حسج وابو فاضل ادزلج غربة اطلع مصارينج

نرمان : ضليت ساكتة شغلت الضوة وسدت الباب وقفلتها وطلعت .. كمت ابجي بخنك حسيت المكان ياكلني الضوة اصفر والجو يخنك اريد اطلع ما اكدر اتحمل بعد

حكيم : رجعت من المركز بعد دوخة وركضة ماكو نتيجة .. سحبت فلوس من المصرف وخابرت على الناس الاعرفهم وباجر يلة يكدرون يجهزولي المبلغ كامل .. السلام عليكم

فاروق : عليكم السلام

ايثار : اءء شلونك عيني

حكيم : هزيت راسي .. زين

ايثار : شكو شبيكم تريدون شي

حكيم : تعرفين نرمان وين !

ايثار : سمعت مسوين حادث الحمدلله على سلامتكم

حكيم : الله يسلمج .. احم ايثار باوعلي يابة

ايثار : ها

حكيم : اني ادري جان بينكم مشاكل انتي وفاروق وما متوالمين ..

ايثار : اي

حكيم : انتي جنتي تاخذين ملابس نرمان

ايثار : انييييي لاااااااا طبعااااا

حكيم : اششش اهدي سمعيني وباوعيلي .. نرمان انخطفت

ايثار : بصدمة .. شنووووو شنووو انخطفت صدك تحجي

فاروق : اي وهسة مضرطي وكولي السلابات منو جان ياخذهن

ايثار : اءء ما ادري

حكيم : تنهدت .. يعني مو انتي الجنتي تاخذين هدوم نرمان ولا تدرين بيها مخطوفة

ايثار : اي

حكيم : فجأة رفعت راسي على صوت فاروق ضرب ايثار راشدي

فاروق : لججججج مو ما اريد احجي زايد ايثاررررر اذا طلع الج ايد بخطف نرمان قسما برب العزة ما اخليج اطلعين منا سالمة

حكيم : لج مرتي ما ادري بيها وين ولا ادري شيسون بيها تدرين روحي شبيها روحي مشتعلة احجي اذا تعرفين شي احجي وصدكي ما اخلي بشر يمس شعرة منج

فاروق : اخر مرة اسألج مثل الاوادم وراها ما اخليج تعرفيني .. ملابس نرمان انتي جنتي تبوكيهن لو لا

ايثار : لا

حكيم : حسيت بردودها جامدة واكو شي ورا هاذة الهدوء .. كام فاروق وصار يضرب بيها وهية تصرخ سمعت صوت الباب يندك بقوة اشرت الفاروق يعوفها

نجاة : افتح الباب

حكيم : نزلي جوة وحلكج لاتفتحي

نجاة : منو يمكم

حكيم : معليييج يلة ولييي

فاروق : لج بت الكلب اذا صار شي بالبنية اشرب من دمج وحق الخلقج

حكيم : انتي من ضمن الشكوك ومن حقي اسلمج للمركز وهمة يحققون وياج ويتعاملون

ايثار : لااااا بروح ابوك لاسلمني للمركز

حكيم : ماعندي خيار ثاني همة يحققون وياج

فاروق : اي ماكو غير حل

ايثار : شلون ترضوها اسلموني للمركز واني حامل لاسون بية هيج والله ما ادري بنرمان مخطوفة وداعت الي بطني

حكيم : هاذة الحجي جمعي وكولي بالمركز

ايثار : انطيني مبايلي اريد اخابر ابوية

حكيم : طب فاروق للغرفة وطلع بيدة مسدس سحب اقسام حطة براس ايثار

فاروق : وربج اكتلج واذبج بالنهر وعندي احلى من العسل

ايثار : والله والقران ما ادري بنرمان مخطوفة

حكيم : السلابااااات منوووو جااااان يبوكهن

ايثار : اني

فاروق : ايا ك***

حكيم : كعدت على التخم كبالها .. وين توديهن

ايثار : انتة وعدتني اذا احجي متخلي واحد يمس شعرة مني

حكيم : تعال اكعد فاروق

فاروق : اني الج عرض السكط

ايثار : جان ياخذهن اخوك وينطيني فلوس

حكيم : وكفت على رجلي حسيت حيلي باد .. يا اخو

فاروق : ولج ك*** يا اخو

ايثار : نجم

فاروق : كالها نزار كالها

حكيم : ليش جان ينطيج فلوس وشيسوي بيهن

ايثار : ما ادري وداعت الي بطني ما ادري اصلا اني ما اريد الفلوس الي

فاروق : اليوم اعراضكم **** انتي واهلج

حكيم : اسكت خل تكمل

ايثار : امي جانت محتاجة فلوس واخذهن واديهن الج

حكيم : وفلوس القاصة وحلقة نرمان

ايثار : راح احجي بس

حكيم : ااااااااحجييييييي

ايثار : اي اي

الرجوع الى الماضي ..

من نرمان بدت تجهز وتفتح القاصة جنت اخذ كل يوم من الفلوس واجمعهن حتة متحسون و مرة جنت فاتحة القاصة وسحبت ورقة ورجعت اريد اسدها

نجم : هااااا قرامة

ايثار : انداريت علية مفزوعة .. اءء

نجم : اءء وجعةةةة

ايثار : نرمان تريد فلوس ودزتني اجيبلها

نجم : ايبااااخ

ايثار : عقدت حاجبي .. وانتة شسوي هناااا مو اتوقع ميقبلون واحد يصعد فوك بس اهل البيت

نجم : چا غير احنة اهل البيت

ايثار : قفلت القاصة وكمت اريد اطلع

نجم : راح يجي اخوج ياخذهن

ايثار : انتة شتريد

نجم : اذا نتفق نتفاهم

ايثار : ماعندي حجي وياك انزل جوة لا اعيط والم العالم عليك

نجم : لاه لاه لاه .. راح انزل جوة المغرب الكاج ورا البيت واذا ما اجيتي تندمين ها

ايثار : عافني ونزل بيومها خفت وقررت اسولف الفاروق حتة اذا يضربني لان اخاف اروح ورا البيت ويا للمغرب وما اجة فاروق باوعت من شباك غرفتي لكيتة واكف ينتضرني لبست حجابي واتأكدت ماكو احد بالحديقة طبيت ورا البيت لكيتة واكف

نجم : والله لو ما جاية جان خليتهم يطردوج بالقنادر

ايثار : شتريد

نجم : انتي مو تبوكين فلوس حكيم .. يعني مسلط على مسلط

ايثار : ما ابوك اني محتاجة واخذتهن وبس يرجع اكولة

نجم : يعني متريدين اضاعفلجياهن

ايثار : شلون

نجم : كلما مرت حكيم تشتري هدوم اجيبيلي الملابس الحلوة البيهن يعني ملات نوم وهل سوالف

ايثار : وانتة شسوي بيهن تلبسهن

نجم : اكلي تبن .. اريدهن الصاحبتي وانطيج على كل قطعة اجيبيها 50 الف

ايثار : يعني تريد بس اخذهن منها واجيبلكياهن

نجم : اي ..

ايثار : يعني انتة جنت صاعد فوك تبوك هدومها مووو

نجم : كلنا بالهوى سوى

ايثار : ماشي بس على كل قطعة 50

نجم : خوش

ايثار : وبديت اخذ الملابس ومرات البسهن يلة انطيهيا لان يعجبني شكلهن .. وصدك صار ينطيني على القطعة 50 الف واوديهن لأمي

حكيم : والحلقة

ايثار : جنت ضايجة منها وردت احرك كلبها وكسرتها .. بس والله ماعندي شي وياها بعد

فاروق : والله لاكسر روسكم وادحسها بالقنادر

حكيم : كام يريد يطلع .. فاررووق اذا سويت شي بدون علمي لا اخوية ولا اعرفك بعد .. لك اني راح اتخبل تعرف شنو راح اتخبل مرررتي ما ادري بيها وين لو شيسولي بيها لك تدري بالدقيقة شيجي براسي

فاروق : ليش اريد افتهم ليش انتي شمسويلهم

حكيم : مرتك لازم اسلمها للمركز

فاروق : وذاك الكو***

حكيم : اول شي مرتك وبعدين نجم

ايثار : لا ابوس ايدكم لاسلموني للمركز انتة مو وعدتني مسوي هيج ليش اجذب ليش ماعندك كلمة فاروق تقبل يسلمني للمركز واني حامل بأبنك

حكيم : ضل يمها ..

نجاة : كاعدين جوة وطب كمال بيدة 4 ملاين حطهن على الميز

كمال : ذني الكدرت ادبرة الحكيم

نجم : اني لو عندي شي ما اقصر ويا

اصيلة : رحم الله والديك زين اسوي بلكت يدبر فوكاهن ويرجع البت قبل لا يصخمون وجوهنا ذولة ناس شرانية وماندري شيسون بيها

نجاة : حطيت ايدي على خدي وكمت اسبح .. يا ودود .. شفت حكيم طب للهول عيونة تريد تنط على نجم وصدرة يصعد وينزل بسرعة .. كمت وكفت اباوعلة

نجم : شبيك اول مرة اشوفني

نجاة : اجة علية حكيم شالة من ركبتة وركعة بالحايط

حكيم : مرررررررتي وين

نجاة : لطمت على وجهي .. طلع مسدس وحطة براس نجم وشمرة بالكاع وكعد على صدرة

حكيم : مرررررتي وووووين

نجم : و وخ وخر راح اموت

نجاة : لزم راسة وركعة بالكاع ضربة بوكس على وجها حسيت حكيم تهستر صار ميشوف كدامة يضرب بنجم بعشوائية .. كلها التمت علية لازمي ميكدرون يفلتو من جوة ايدة

كمال : ادرررري نجممم شعليةةةة وخررر عنةةة

اصيلة : ولك وخررر راح تكتلة تخبلت انتةةةة

نجاة : طب نزار شاف حكيم يضرب نجم بدون ميدري شكو دخل على الخط وكام يضرب بي التمو ثنينهم علية ملخو تملخ صار الدم يطلع منة من كل مكان .. طفرت عمتي للشارع اصيح

اصيلة : يبووووووو الحكوووووونة راااااح يكتلوووون ابنيي

نجاة : كمت الطم على وجهي مجاي اصدك اجاي يصير بالبيت نزل فاروق جرها وطببها للبيت

فاروق : ولج انتة مخلفة كوا*** مو زلم

كمال : ادري شكووو غير تفهمونة

فاروق : عوفة راح يموت قبل لا ندري بمكان مرتك

حكيم : ولك احجيييي مرتي ووووين

نجم : م ما ادري

نجاة : صار صوت دورية بالباب اشرلي فاروق اطب جوة .. رحت الغرفتي مصدمة .. الجاي يصير بينة صدك

نرمان : سمعت صوت اذان الفجر كمت اردد ويا الله اكبر .. الله اكبر .. اذكرت من جان يأذن ونصلي اني وحكيم اذكرت من اول مرة صليت بحياتي ولبسني شماغة وطكلي صورة .. نزلت دموعي وسمعت صوت هوسة برة

_ فجأة اندفرت الباب من قبل مسلح ماشوف غير حكيم طب يركض علية كعد على ركبة يم رجلي وشبكني عصرني بين ادية وكمت اشهك بصوت عالي واسمع صوتة

حكيم : نرررمان هددديتي حييييلي

نرمان : خايفة خايفة احضني

حكيم : اشششش محد يكدر يسويلج شي بعد

نرمان : شالني من الكاع ضامني الصدرة طلعني من بين كل الهوسة والاصوات صعدني بسيارة فاروق وقفل السيارة

حكيم : هسة ارجعلج

نرمان : لاتعوفني اخاف وحدي كلبي راح يوكف .. عافني وطلع يمشي سمعتة كال

حكيم : راح ادزلج نزار

نرمان : ضليت بالسيارة وحدي مرت ربع ساعة واجة نزار فتح الباب الي بصف السايق وصعد

نزار : الحمدلله على سلامتج

نرمان : بجيت وباوعتلة .. الله يسلمك .. ضل ساكت ومبايلة كل شوية يدك ويرفضة اجت اكثر من دورية تقريبا ساعة احنة بالسيارة .. شفت حكيم من بعيد سلم على ضابط وضل فترة يحجي ويا واجة صعد بالسيارة

نزار : مو كافي

نرمان : باوعتلة بالمراية مسح عيونة وشغل السيارة

حكيم : نرمان احجي اكو واحد اذاج لو سوالج شي

نرمان : لا ابد ماشفت احد بس نسوان ثنين هددني يكتلني ومرة طبن جابلي اكل

حكيم : بس

نرمان : والله

نزار : يعني ماشفتي نجم ابد

نرمان : نجم ؟؟ لا ابد وين اشوفة

نزار : راح ترجع للبيت

حكيم : حجيت ويا الضابط ما اكدر اوديها اليوم للمركز باجر يلة

نزار : اي احسن خل ترتاح

نرمان : بس اني ما اريد ارجع للبيت اخاف ما اريد اطبلة ولا اشوفة

حكيم : يابعد راسي بس اليوم تحملي

نرمان : ما اكدر

نزار : اروحلج فدوة سكتي البي كافي وين يوديج بهل ليل اتحملي بس اليوم لحد ما يطلع الصبح

نرمان : ضليت ساكتة لان حسيت بحكيم اعصابة تلفانة .. وصلنة للبيت اول ما طب للكراج كلبي انقبض .. اجة من جهتي فتح الباب وشالني

حكيم : كل فرحة بسنيني دفعت ثمنها بيج

نرمان : حاوطت ركبتة ما اريد اعوفة ولا ابتعد عنة بعد .. دخلنة للبيت الكل بس شافوني وكفو عافهم ومشة بية طببني الغرفتي الجوة وكعدني على السرير .. فجأة انفتحت الباب

نجاة : لج نرررمان ررررجعتييييي

نرمان : اجت حضنتني وبجت

نجاة : الله لا ينطي الجان السبب

حكيم : كولي النزار لايطلع من الباب وفاروق راح يبات بالمركز ويا مرتة

نجاة : ايثار ؟؟؟

حكيم : اي طلعي وسدي الباب راسي راح ينفجر

نرمان : باوعتلة بصدمة .. ايثار ليش بالمركز .. ضل ساكت وكام فتح الكنتور وطلعلي ملابس اجة كعد على ركبتة وبدة يبدلي ملابسي

حكيم : جنت مستعد ابيع روحي واشتريج

نرمان : كلة بسببي اني فتحت الباب

حكيم : باجر اخذج البغداد ما اخليج بعد هنا

نرمان : اي اني ما اضل بعد هنا اخاف .. شال ملابسي القديمة من الكاع وبدة يشكك بيهن بيدة

حكيم : كل ملابسج اذبيهن كلشي ما اريد اشوف منهن كلهن راح احركهن

نرمان : فتح باب الغرفة وشمرهن حتة شالي .. رجع طب للغرفة وركع الباب تقرب مني حاضني

حكيم : احبج

نرمان : حاوطتة بثنين ادية .. اعشقك حكيمي

حكيم : باجر اخذج للمركز تحجين كل الشفتي والسمعتي هناك بالحرف الواحد وراها اخذج واطلع البغداد

نرمان : نضل هناك

حكيم : اي فترة بين ما ترتاحين وافرغ البيت وارجعج

نرمان : يا بيت تفرغة

حكيم : هاذة ..

نرمان : ضليت ساكتة خفت اجادلة وهوة بهاي الحالة حضني وغمض عينة حسيت بروحة شكد تعبانة

نجاة : ضلينة كاعدين اني ونزار للصبح صارت ساعة 7 وطب فاروق عيونة حمر نزع جواريبة شمرهن وكعد على صفحة مرجع راسة ليورا

نزار : وين مرتك

فاروق : يم اهلها

نزار : شصار

فاروق : اخذو اقوالها وكالت الي تعرفة وكدرت اطلعها

نجاة : حرامات ما سجنوها

نزار : وذنيج والك***

فاروق : يومين ويحولهن محكمة ويا نجم .. وضل كمال يمة

نجاة : مرتة راحت لاهلها و اصيلة راحت البيت اخت عمة نهاد

فاروق : بعد احسن

نجاة : شلون عرفتو نجم هيج مسوي

نزار : اكل راشدين وكتهن كلهن

نجاة : زين وين اخذ نرمان ومنو اخذها

نزار : متعرف على كح*** ثنين يلمن قواطي بمنطقة الح*** ومصادق وحدة منهن على اساس يريد يزوجها وكايللها اسمة حيدر وتاجر

نجاة : كبر لفة والله لو تدري مرتة بعد تفلة متتفل بوجها

فاروق : كومي شوفي حكيم خل نفض هاي السالفة

نجاة : اي .. كمت دكيت الباب عليهم

حكيم : طبي

نجاة : فتحت الباب لكيت نرمان نايمة وحكيم كاعد كبالها ولازم ايدها .. فاروق يريدك

حكيم : اششش لاتكعديها ..

نجاة : هد ايدها وطلع وياي وسد الباب ..

حكيم : شوية وكعديها وساعديها تبدل

نجاة : ماشي .. انتة ما نمت ؟

حكيم : ما كدرت

فاروق : ها وين مرتك خل ناخذها تنطي اقوالها

حكيم : ساعة ونطلع

فاروق : مستحي احط عيني بعينك بعد الصار

حكيم : انتة ما الك ذنب

نزار : راح تطلع البغداد

حكيم : اي

فاروق : شلون والمحكمة لازم تحضر

حكيم : ارجع بيوم المحكمة

فاروق : راح تتبهذل

حكيم : ميخالف ما اكدر اخليها هنا نفسيتها تعبانة واخاف تتدهور حالتها

نزار : ومدرستها

حكيم : اسويلها انتساب واقريها بالبيت

نجاة : يعني بعد مترجع

حكيم : لا ارجع بس فترة اريدها ترتاح

فاروق : خابروني عمامي يريدون يطردون نجم من العشيرة

حكيم : شوكت لحكو يسمعون

فاروق : ما ادري منو كايللهم

نزار : اني خابرت عمي نضال وسولفتلة حتة يطردون نجم من العشيرة

فاروق : خرب عرضك

حكيم : روحي كعدي نرمان

نجاة : حاضر .. رحتلها فتحت الباب على كيفي ودغيتها نرمان .. ما اشوفها غير طفرت من مكانها لازمة كلبها

نرمان : هاااا شبيج

نجاة : انتي الي شبيج ..

نرمان : ما ادري فزيت

نجاة : تعالي ابدلج حكيم يريدج

نرمان : وين اروح ما الي خلك

نجاة : ما ادري تعالي كعدتها على السرير وقريت عليها الم نشرح حتة تهدء

نرمان : لبسيني جبة فوك ملابسي

نجاة : تدللين

نرمان : حكيم بالبيت

نجاة : كاعد يم فاروق .. جبتلها ملابس لبستها وطلعت برة ساندة علية .. لان لكينة عكازتها مكسورة

نرمان : صباح الخير

نجاة : كام حكيم سندها وكعدها على التخم بصفة ..

حكيم : متحسين راسج احسن

نرمان : اي احسن

فاروق : يلة امشو ما ضل وكت

نرمان : اخذني وطلعنة من البيت ساندة علية صعدني بالسيارة ليورا وصعد بصف فاروق

فاروق : وسيارتك شلون

حكيم : راح ابيعها واخذ من بغداد

فاروق : وشلون تروح

حكيم : اروح بسيارة نزار واحاول اشتري ومن تجي على المحكمة ارجع نزار وياي ياخذ سيارتة

فاروق : متخاف علية يرجع طريق البصرة وحدة

حكيم : ما علية شي مو صغير

فاروق : الله كريم

نرمان : وصلنة للمركز نزلني من السيارة طبينة والاغلبية عينهم علية حسيت روحي مجرمة من نضراتهم .. دخلنة الغرفة الضابط سلم على حكيم وكعد

الضابط : الحمدلله على سلامتج

نرمان : شكرا

الضابط : بنتي احجيلي من اخذوج لحد ما طبينة للبيت

نرمان : باوعت على حكيم بخوف لزم ايدي واشرلي براسة بمعنى احجي .. بديت احجيلة من دكت الباب لحد ما طب حكيم

الضابط : وقعي هنا

نرمان : وقعت بدفتر اخذة مني وباوع الحكيم

الضابط : صار 4 مرات ناخذ اقوال نجم وكل مرة يكول شكل والبنات الويا هم متفقين على هاذة النمط

حكيم : اني جدا ممنون الجهودكم ومشكور الك شخصيا سيادة المقدم

الضابط : اني حاضر بأي وقت

نرمان : طلعنة من المركز حسيت براحة من خلصت من هاذة المكان

فاروق : نجم جنة ك*** عورة

حكيم : الكو *** عبالة يلزمني من ايدي التوجعني

نرمان : وصلنا للبيت ضليت بالسيارة وحكيم نزل طب جوة

فاروق : خوية اني اسف

نرمان : لا على شنو

فاروق : هواي حاولت أذيج بالبداية وجرحتج واجت مرتي كملتها

نرمان : الله يسامحك ويسامحها اني هسة ماريد شي غير ارتاح لان هواي تعبت

فاروق : الله كريم

نرمان : اجة حكيم مبدل وبيدة جنطة مال ملابس صغيرة فتح سيارة نزار وصعد الجنطة اجة علية ونزلني من السيارة

فاروق : يعني هاي هية نويت

حكيم : ارجع ما اتأخر

فاروق : تروح وترجع بالسلامة

نرمان : صعدت بالسيارة .. طلعت نجاة من البيت تركض اجت باستني وتبجي

نجاة : ديري بالج على نفسج وعلى حكيم

نرمان : اني محتاجة واحد يدير بالة علية

نجاة : ههههههه امداج ضحكتيني

حكيم : فاروق .. نجاة امانة بركبتك تخليها

فاروق : ان شاءلله

حكيم : قفلو البيت الفوك ونزلو جوة لحد ما ارجع هم عينك على نجاة لان اصيلة متقبل ترجع هسة وماكو احد بالبيت وها لاتنسة عينك على نزار اريدك كد المسؤلية لو مرة وحدة مو الخاطر احد بس الخاطري

فاروق : روح ولا دير بال اني هنا

نرمان : اجة نزار بوس حكيم واجة يريد يبوسني

حكيم : هااااا خالي

نزار : مثل اختي

حكيم : مثل اختك مثل خالتك امشي ميمشن عندي

نزار : لعد بالعباس مرة من جنتي صغيرة بستج من خدج وهوة ميدري .. وكولي ما اذكر

حكيم : ايا عار

نرمان : شكد حقير ما اذكر اصلا

نزار : تروحون وترجعون بالسلامة بس اذا لكيتها مشخوطة لا ترجعون

حكيم : ارجع للكلية بالفورتات

نزار : عووود فولهااااا بانزززززززين للقبق

حكيم : اني ويامن ابتلشت

نجاة : حكيم .. راح اشتاقلك

حكيم : واني هم ديري بالج على نفسج وصيري عاقلة ما اوصيح بعد

نجاة : لا ابد والله لاتوصيني

حكيم : كرصت خدها .. بعد انتي هنا ام البيت

نجاة : فدوة الطولك

نرمان : صعد حكيم وقفل السيارة .. طلعنة من الكراج واشرتلهم باي

حكيم : اذا نعسانة نامي ومن نوصل اكعدج

نرمان : ما اكدر ممرتاحة .. داس دكمة من الصفحة ونزل الكشن صار شبه سرير

حكيم : وهسة

نرمان : اي احسن .. انداريت علية اباوع وهوة يسوق .. ماجبتلي ملابس

حكيم : لا شتريدين اجيبلج مناك

نرمان : ماشي .. ومدرستي

حكيم : جبت كتبج كل يوم اني اقريج واخذج تمتحنين نص السنة واخر السنة

نرمان : ماشي .. فتحت الجكمجة لكيت بيها جبس وببسي ومي ابتسمت من اذكرت سوالف نزار من ابوك حلوياتة

حكيم : طلعي الجبس وفتحي

نرمان : خطية .. بس يلة نشتريلة غيرة .. فتحتة وكعدت اكل وانطي الحكيم منة

حكيم : لقد فقدت الكثير من الأشياء التي كنت اضن بانها ستدوم ألى الأبد ، وعشت اشياء كثيرة لم تكن من المفترض ان اعيشها في عمري ، لكنني قاومت وبقيت صامدا حتى ادركت بأن الحياة دائما لا تأتي كما نريد ، انما هي اختبار من الله للصبر ومدى تحملنا ؛ من الصحيح ان استيقظ كل يوم لأحارب حزني واحداث منزلي توتري وضياعي الكلام الذي له رؤس اقلام حادة احارب انكساراتي ثم انهض واجمع شظايا السنين بكف عارية احارب عمري الضائع .. فالحمدلله دائما .. من مذكرات الحكيم ..

نرمان : بردت طفي التبريد

حكيم : تدللين

نرمان : نفسي تلعب

حكيم : اليوم من نوصل ارتاحي وباجر اخذج لأحسن دكتور بالحارثية

نرمان : هم راح تخليني وحدي وتروح الشغلك

حكيم : والله ما اخليج

نرمان : غمضت عيني حاولت انام .. ماحسيت شوكت غفيت وفزيت على صوت حكيم

حكيم : نمنمة كومي حبيبي

نرمان : هااا اي

حكيم : اساعدج

نرمان : ارتاحيت من لكيت نفسي بغداد شميت هوى وغمضت عيني نزلني من السيارة

حكيم : خوش نمتي نوم

نرمان : حباب خليني كاعدة بالباب اريد اباوع للشارع ولجهال من يلعبون

حكيم : وين اكو جهال هسة طبي والعصر اطلعج تكعدين بالباب

نرمان : اوووف ماشي .. طبينا للبيت كبل نزع حذائة وشمر تشيرتة وتمدد على القنفة

حكيم : شغلي السبلت وتعالي بحضني

نرمان : ورجلي !!

حكيم : نسيت

نرمان : سحل نفسة من الفراش شغل السبلت وطفة الضوة .. سحبني الحضنة ونيمني ونام على صدري يلعب بشعري

حكيم : احبج بكثر ماترمش جفوني

نرمان : اووف حكيمي شكد كلبي حبك

حكيم : تذكرين اول مرة جبتج هنا

نرمان : اي جنت خايفة منك وانتة ترزل بية

حكيم : غير من حرصي عليج

نرمان : لا والله

حكيم : ااااخ لو الزم ابن عمج اطلع بي قهر السنين كلها هسة كفيلج الله افرغ بي نار كلبي كلها

نرمان : شلون اجة على بالك تصدك اني ناسيتة .. حتى كفاح مرت عمو بعد ما سألت علية

حكيم : ذولة العارات شنو

نرمان : انتة مو تعرف صلة الرحم ؟

حكيم : اي

نرمان : وانذكرت بالقران

حكيم : خاف تريدين اوديج البيت عمج ؟؟؟

نرمان : لا اريد اروح القبر ابوية

حكيم : اني مقصر بحقج تأمرين امر

نرمان : بست راسة وهوة مركز يلعب بشعري ويعكد بي

حكيم : راح انام لاتتحركين وتقلقيني

نرمان : انطيني مبايلك اكلب بي

حكيم : هاج بس نصي

نرمان : ضليت متمددة اكلب بمبايلة واباوع فيديوات باليوتيوب .. للمغرب يلة كعد يتثاوب

حكيم : ماخلص شحن المبايل

نرمان : بي 4 شحن

حكيم : مطلعة ط*** للمبايل

نرمان : ههههههه

حكيم : كومي اسبحج

نرمان : رفعت ايدي معنى شيلني

حكيم : حمال الخلفوج

نرمان : اجة شالني ودخلني للحمام يسبحني ..

_مرت الايام وحكيم اشترة سيارة واخذني للطبيب انطاني علاج انتضم بي لفترة .. رحنة بيها للبصرة بعد اسبوع لأن اتأجلت المحكمة مال نجم .. وصلنة واحس كلبي صار طبل

حكيم : كلما تحسين نفسج خفتي شربي مي

نرمان : ماشي .. نزلنة من السيارة وطبينة للمحكمة لكيت عمتي اصيلة وفاروق ونزار وكمال واصلين قبلنة .. السلام عليكم

_ وعليكم السلام

نرمان : تقدمو يحضنون حكيم ويسلمون علية عدى عمتي وكمال ضلو كاعدين ويخوزرون بينا

نزار : سيارتي وين

حكيم : بغداد اخذك وياي بات يمي وراها اخذها واطلع للبصرة

فاروق : رحت للشرع وطلكت ايثار

نرمان : من كال هيج بهتت ملامح حكيم وزمخ بية

حكيم : مرتك حامل !!!!

فاروق : بس اجيب تتنازل عن الطفل وعن الحاضر والغايب

حكيم : شلون يابة !!!!

فاروق : ابني اني اربي واول وتالي اهلها يريدون يسافرون لايران يم خوالها والطفل متكدر اسافر بي بدون علمي وماعدها غير حل

حكيم : ليش اصرفت بكيفك

فاروق : لا تدخلون بحياتي بعد

نرمان : ضل حكيم ساكت لحد ما صاحو بأسم نجم دخلنة للمحكمة جان اكو قاضي واحد كعدنة كبالة ونجم خالي بمكان مثل القفص بس كلش بعيد عنا وشكلة من بعيد وجها كلة مورم وازرك

_ بدة القاضي يسألني وبديت احجي حتى عمتي اصيلة حجة وياها

اصيلة : ابني ماعندة هاي السوالف ونجم من هوة وصغير فقير ومايفتح حلكة بس من ابو مات وسجل الاملاك بأسم اخو صار بينهم حقد وراد ياخذ حقة من الورث وهاي كبالك كلشي ما سوالها .. سألوها

القاضي : ابنج اعترف على نفسة هوة الدز سايق التريلة ودعم اخو وزوجتة حتى يؤدي الوفاتهم

نرمان : فتحت عيني على وسعها بصدمة باوعت الحكيم مرتخي .. لزم ايدي وعصرها

اصيلة : چا تفوووو عليك وعلى البطن الشالتك يا ابن الكلب صارلي 9 ايام لا ليلي ليل ولا نهاري نهار

نرمان : ضرب القاضي على الميز ينبها على كلامها خلصت الجلسة وطلعنة من المحكمة

كمال : لا اله الا الله ضيع نفسة وضيع عائلة بأكملها و

عندة 3 بنات جهال منو يعيشهن

نزار : ارجعو ويانة للبيت والعصر نطلع البغداد

نرمان : اي حباب اريد اشوف نجاة

حكيم : انتي تأمرين واني انفذ

نرمان : ابتسمت ومشيت صعدت بسيارة شفت عمتي تمسح بوجها صعدت ويا كمال انقهرت عليها مهما يكون هاذة ابنها

نزار : هاي سيارتك الجديدة بوووية صبر ونال

حكيم : ما عاجبتني تصرف بانزين خل افض هاي الطلابة وابدلها

نزار : اخذ سيارتي وانطيني فرق واخذ هاي

حكيم : وياها وقطعة ارض مجانية للطيبين

نزار : رحم الله والديك انتة طيب واحنة نستاهل

حكيم : ع*** بيك

نرمان : كعدت ليورا وبصفي فاروق فاتح الجامة ويدخن فاصل عنهم بغير عالم

حكيم : ابو الفوارق وين شارد

فاروق : بهل دنيا العوجة

حكيم : كول يا الله ما ضاقت الا لتفرج

نرمان : وصلنا الشارع بيتهم لكيتنا هاذة الولد الجاب الدولمة مرة

فاروق : هاااااذة ابن الك*** اجابة هنا شيسوي بالباب واحنة ماكو

حكيم : بالعكس مؤيد خوش زلمة واعرفة من احنة وجهال عمرة ما فك عينة على عرض العالم يجوز اجة يسأل على واحد بينا

نرمان : بلعت ريكي بخوف نزلت من السيارة شفت بيدة صينية بيها سمج زوري وتمن احمر ويدك بالباب لزمتني الضحكة علية

حكيم : فكي الباب وطبي

نرمان : اول ما فتحت الباب صارت كبالي نجاة حاطة حنة ولافة راسها بعلاكة ورافعة دشداشتها واكفة

يتبع ...

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

قَد كُنتُ أَرجُـو وَصلَكُم * فَظَلَلتُ مُنقَطِعَ الـرَّجاءِ

أَنتِ الَّتِي وَكَّلتِ عَيـنِي * بالسُّهادِ وَبِالبُكاءِ

إِنَّ الهَوَى لَو كَانَ يَنفُذُ * فِيهِ حُكمِي أَو قَضائِي

لَطَلَبتُهُ وَجَمَعتُهُ * مِن كُلِّ أَرض أَو سَماءِ

فَقَـسَمتُهُ بَينِي وَبَينَ * حَبيبِ نَفسِي بِالسَّواءِ

فَنَعيشَ مَا عِشنا عَلَى * مَحضِ المَوَدَةِ وَالصَّفاءِ

حَتَّى إِذَا مُتنَا جَميعا * والأُمورُ إلى فَناءِ

مَاتَ الهَوَى مِن بَعدِنا * أَو عَاشَ فِي أَهل الوَفاءِ

_________________________________________

حكيم : فكي الباب وطبي

نرمان : اول ما فتحت الباب صارت كبالي نجاة حاطة حنة ولافة راسها بعلاكة ورافعة دشداشتها واكفة

نجاة : نرمانوووو

نرمان : بهمس .. عزززة بعينج وخري عن الباب

نجاة : شكو

نرمان : راحت الة تباوع شكو مدت راسها ورجعت شاهكة .. اذا متاكلين كتلة منهم مترتاحين

نجاة : هاذة اجابة

نرمان : شمدريني حالف يغدينة كل فترة بس شلون زوري وتمن احمر يسلم على الكلب بس لو يطبون اريد اكل

نجاة : لج بس لا شافني

نرمان : ما ادري .. ابتسمت بخبث ..

نجاة : حطيت حنة حمرة

نرمان : راح اسوين شعرج احمر ؟

نجاة : احمريكو

نرمان : خبلةةةة بس يلوكلج

نجاة : غصبا ما عليج

نرمان : طبينة للمطبخ عدلت دشداشتها

نجاة : شصار على ذاك الخايس

نرمان : بعد اتأجل الحكم

نجاة : اخخخ كون يسمطو بعشرين سنة ويطلع من السجن ويشوفو بناتة ويتفلون علية

نرمان : غير دعوة هاي

نجاة : ثلاثية الابعاد

نرمان : طب نزار بيدة الصينية حطها على الميز وكعد ياكل بيدة

نجاة : الله انطيني

نزار : ماعدنة نسوان تاكل قبل الزلم مايشبعون

نجاة : طييييط

نزار : مو اكوملج بالنعال

نرمان : يعني اذا اني اريد زوري متنطيني .. مد ايدة منطيني عظم بي شوية لحم

نزار : كرطي

نرمان : شفت حكيم طب عفست وجهي وصحت .. هيج اليجيكم اذلوووو

حكيم : ها شبيكم بعدكم ما تكابلتو

نرمان : مينطيني سمج .. بس كلت هيج راح طر الصينية من جوة ايد نزار وحطها كبالي جرني وكعدني على رجلة وبدة يوكلني

نزار : الله قبيلكم

حكيم : الله يشيلك

نجاة : حبيبي شلووونك

حكيم : بشوفتج صرت زين

نجاة : ابووس روحك

نرمان : باسها من خدها وصاحلها تكعد بصفة وصار ينطيني الي لكمة والها لكمة

نجاة : اكلو بالعافية اني هستوني متريكة

حكيم : اخبار فاروق !

نجاة : بهمس .. صارلة يومين يشرب من الصبح لليل .. احم وسمعت بي مطلك ايثار مو ؟؟

حكيم : تنهدت .. اي كال

نزار : الحالة جاي يأذي روحة انعل ابو الراح لابو الاجة

حكيم : الله يهدي

نجاة : وكمال كاعد ويا اصيلة ابيت اختها العمة نهاد .. يستحي يرجع للبيت

حكيم : اليوم اخابرة هوة معلية وياما وكفلي

فاروق : هااا جاي تتغدون

حكيم : تعال اكل

فاروق : مالي نفس

نرمان : ضيقت عيني وشاورت نجاة .. باجر عيد ميلادي خل اشوف ابداع اخوج

نجاة : عزززة اسكتي خية احنة عدنة العيد ميلاد محرم بالبيت

نرمان : وليش !

نجاة : فاروق يتهستر وبكسر البيت على روسنة اذا شاف كيكة لو شمعة هوة متعقد من ورا اصيلة جانت تحبسة بيوم عيد ميلاد بناتها علمود تحرك كلبة

نرمان : من كالتها انهضمت ضليت ساكتة وقررت ما اذكر حكيم ابد

حكيم : ترتاحين شوية ونطلع

نرمان : اي

نزار : اكوم الم هدومي

حكيم : كوم لم الماركات

نرمان : طلع نزار وكعدنة بالهول طبت نجاة سبحت وطلعت تشسور شعرها صار باوعت على جمالة

نجاة : ها حلو

حكيم : يلعب النفس جنج شونذراية

نرمان : والله يخبل .. اريد اسوي شعري هم

حكيم : اذا لعبتي بشعرج شوفي ديرة تلفيج

نرمان : حباب

حكيم : راح احجي غير حجي

نجاة : عوفي المهم اني عاجبني ..

نزار : هاي منو عاصر طماطة فوك راسج

نجاة : اهووو نزار ماعندة واحد يصنف علية يستلمني

نزار : شو افتري

نجاة : ليش

نزار : فتري سوي فريرة

نجاة : افتريت

نزار : مركة بانية جاي يخوطوها

نجاة : والله تافهة

حكيم : كافي عوفها

نزار : ابات يمكم اليوم

حكيم : هلا بيك

نزار : بالمهلي

نرمان : طب فاروق يحوس بالهول ما ادري شيدور

حكيم : شبيك

فاروق : ادور على شغلة

نجاة : شنو كول اني ادور وياك

فاروق : معليج انتي

نرمان : ضل يدور بالغرفة شوية وطلع يركض من الهول

حكيم : الله يعينا على روحة

نجاة : ابقو هنا بعد لاترجعون

نرمان : باوعلي حكيم يشوف ردي .. اءء مو اختنك من هاذة البيت احس راح يصير شي بعد اخاف منة

نزار : اني هم صاير اخاف جني بعد ما ارجع لهنا

نجاة : انتة بكل عزة لطامة

نرمان : للعصر محد قبل يتغدة اكلنا حلويات ونجاة سوت جاي

حكيم : كافي بعد ورانا طريق

نجاة : والله اضوج لاتروحون

نرمان : راح حكيم باسها من خدها وحضنها

نجاة : لا تتأخرون والله مليت

نرمان : كمت بوستها واخذت جنطتي طلعنة من الكراج بسيارت حكيم

نزار : تكعدين بصف حكيم اكعد اني بمكانج

نرمان : لا عادي مرتاحة

حكيم : حاولي تنامين حتى متحسين بالطريق

نرمان : ماشي ..

نرمان : وصلنة البغداد بس احس روحي تكسرت من الكعدة

حكيم : امشي بوجهج نامي تكسرتي اليوم

نرمان : اي والله .. نزلنة من السيارة طبينة للبيت كعد نزار على التخم يتمغط

حكيم : اذا تريد اسبح بين ما افرشلك بالصالة

نزار : اي راح اسبح

نرمان : طب للحمام .. رحت الغرفتنة نزعت ملابسي ولبست تراك عريض لان ما ارتاح انام الة بملابس عريضة

حكيم : ماعندي دواشك خل ينام على الديوان

نرمان : انطي بس مخدة وغطة .. بهل اثاء سمعت صوت نزار يصيح

نزار : يمعوووووودين الحكوووووووني

حكيم : وزقنبووووت شبيييييك

نزار : الحكنييييييييي

نرمان : عزززة شبي روح شوفة

حكيم : نامي انتي اني اشوفة واجيج

نرمان : طفة الضوة وطلع حطيت راسي على المخدة احاول انام ..

حكيم : هااااا شتريد

نزار : هاذة شنو

حكيم : ** عرضك هاذة زيت مساج

نزار : غسلت بي راسي

حكيم : طيح الله حضك هسة شيطلعة من راسك

نزار : شكلة حلو عبالي شامبو مال مرتك

حكيم : اجيبلك مزيل مال دهون

نزار : لا انوب يصير بية جرب

حكيم : اغسل راسك بذاك الشامبو الابيض 4 او 5 مرات بلكت يطلع واذا ماطلع اعتبرة مرطب

نزار : يلة روح

حكيم : باوع ذاك الشامبو الابيض مو تسبح بالقاصر لأن انتة ميزة القراءة معدومة عندك

نزار : رحم الله والديك بس حضرلي ملابس نسيت احضر

حكيم : بعد

نزار : سلامت ائلبك ابن عمي

حكيم : جنك قوطية مال فازلين

نرمان : نص ساعة وحسيت حكيم اجة بصفي على السرير ضليت مغمضة تحسس ضهري بأيدة مثل المساج مباشراة نمت

صباحا

نزار : كااااافي نوووووم اريد ريوق

حكيم : نمنمة كومي هاذة راح يجيب بالصالة

نرمان : ابو الريوق

حكيم : اي

نرمان : سحلت نفسي من الفراش نزل حكيم رجلي لأن الجبس بيها ما شلتة كمت على العكازة فتحت الكنتور وطلعت شال لبستة ويا ملابسي وفتحت الباب لكيتة متربع على التخم

نزار : صباح الوز يسعدلي هل بوز

نرمان : صباح النور شتريد ريوك

نزار : شيطلع من ايدج الله يزيدج

نرمان : رحت للمطبخ فتحت الثلاجة وطلعت قشطة وجبن وبيض سويت الاكل شلون ما جان لأن نعسانة وراسي مسطور صحت .. نزار تعال شيل الصينية

نزار : انذلينة

نرمان : ولا تحرك روحك

نزار : من عاشر القوم

نرمان : شال الصينية وتربع بالكاع مال هول ياكل .. رحت كعدت بصفة وغسل حكيم واجة كعد ياكل

حكيم : خلصي وجيبيلي كتبج حتى تبدي نقراء

نرمان : اي ماشي .. خلصنة وشلت الصينية جبت كتبي وكعدت كبالة

حكيم : انسي كلشي وركزي وياي اريدك اعفاء وليدي

نرمان : كعد يقريني واني اغفي ما ادري شبية بس اريد انام .. حطيت ايدي جوة راسي ساندتة حتى اغفى

نزار : هاي راح تطلع اعفاط مو اعفاء

حكيم : نرمان .. نرماااان

نرمان : ها شبيك

حكيم : نمتي

نرمان : لا اسمعك

حكيم : شكلت

نرمان : اءءء ..

حكيم : كومي نامي ساعة واكعدج

نرمان : كمت من القنفة مطفية طبيت للغرفة وشمرت نفسي وكبل نمت .. ما ادري شكد مر وقت وحسيت حكيم يدغ جتفي

حكيم : نونو

نرمان : ها

حكيم : ما شبعتي نوم صارت 3 الضهر

نرمان : كمت اتمغط .. ابتسمت بوجها

حكيم : صايرة تمبل

نرمان : لا شبعت نوم

حكيم : كومي اتغدي

نرمان : كمت ويا للهول .. لعد نزار وين

حكيم : راح للبصرة

نرمان : صدددك خطيةةةة ما شفتة

حكيم : ميخالف ..

نرمان : فتح مبايلة ودك على نزار ضل يحجي ويا .. باوعت على الطاولة لكيت ماعون سفري بي برياني ودجاج كعدت اكل

حكيم : ما اريد استهتار بدراستج

نرمان : بعد ما استهتر

حكيم : اكلي وغسلي المواعين مال ريوك

نرمان : كرصت خدة مبتسمة شبيك عمووو متنطي مجال

حكيم : بعد عمج ما ضل مجال حتى انطي

نرمان : رجعت اكل .. كملت وشلت الماعون باوعت المطبخ هوسة بديت الم بي .. خلصت ورجعت حتى يقريني .. مرت الايام وبديت اتعافى وقررو يفتحون الجبس مال رجلي بعد اسبوع حتى نرجع للبصرة .. بيوم كاعدين نشرب جاي دك مبايل حكيم ..

حكيم : هاي عمتج اصيلة

نرمان : استغربت .. شعجب

حكيم : ما ادري

نرمان : فتح خط وسلم عليها شوفية وملامحة تغيرت وكف وكال بصدمة ..

حكيم : اجااااي يصيرررر شنووو هل همجيةةة

نرمان : وكفت اباوعلة .. شكوو .. سدة ورجع يتصل صار وجها دم

حكيم : انتةةةة لشوكت اضل همجييي اذا الزمك اشكك بنص

نرمان : حطيت ايدي على حلكي بخوف

حكيم : انجببببب يلةةةة انجبببب لا ادوس بكلبك ..

نرمان : كلشي ما افتهمت بس صياح وغلط طلع بالكراج يخابر ويحجي بهدوء مرت نص ساعة وطب كعد على التخم مرجع راسة ليورا مرتجي

حكيم : ذولة اذا ميموتوني ويضلون ملطلطين ميرتاحون

نرمان : فاروق !!

حكيم : قندرة مو فاروق

نرمان : شبي

حكيم : تنهدت .. جاين ناس على نجاة وطاردهم وضارب نجاة ومتهمها الها علاقة بي

نرمان : عزززة صخام بوجها

حكيم : شكد عيب من الولد وين اودي وجهي منة

نرمان : ياولد

حكيم : مؤيد

نرمان : عرفت هاذة نفسة الولد ابو الدولمة والسمج

حكيم : حضري غراضج بس افتح الجبس مال رجلج نرجع للبصرة بعد ما نضل هنا

نرمان : اي اكيد

حكيم : تعبت منهم كاسرين ضهري

نرمان : الله كريم .. كمت انطيتة مي ضل ساكت وكل شوية يخابر نزار ويهدد فاروق .. مر الاسبوع وفتحو الجبس مال رجلي بس بيها الم يدك بالعظم رجعت للبيت امشي على العكازة لأن ما اكدر ادوس عليها

حكيم : كعدي بالكراج بين ما اصعد الجنط واطفي كهرباء البيت

نرمان : جريت كرسي نايلون وطلعتة بالباب كعدت علية كمت اباوع للرايح والجاي جريت نفس عميق والسما مغيمة

حكيم : ها شو بالباب

نرمان : اريد اباوع للشارع .. رجع طب يصعد بغراضنة لأن هواي اشترينة ملابس وسوالف منا

حكيم : يلة بابا صعدي

نرمان : صعدت بالسيارة وصعد بصفي شغل السيارة وساق ..

حكيم : طالع حبوب بوجهج

نرمان : اي ما ادري ليش وجهي هيج جاي يصير .. ضل ساكت شوية والتفت علية تحمحم ..

حكيم : شوكت اخر مرة اجتج الشهرية

نرمان : ما اذكر ليش .. ضل صافن بالطريق شوية وكال

حكيم : صار 3 اسابيع مقطوعة

نرمان : اي يجوز خربطة كالعادة

حكيم : لا من ازوجنة ما صار عندج خربطة اني حاسبلج

نرمان : خجلت من كال حاسبلج بكلشي حاط روحة .. ضل ساكت فترة

حكيم : خاف حامل !

نرمان : صدك يعني هيج اصير حامل ؟؟؟

حكيم : اي هسة لاتحجين كدام احد نهائيا على ما نتأكد

نرمان : ابتسمت وهزيت راسي بس شكلة ميتفسر لا هوة فرحان ولا هوة ضايج

حكيم : اني ما اريد طفل هسة

نرمان : ليش متريد طفل مني مووو

حكيم : بعدج صغيرة واخاف عليج

نرمان : لا مو صغيرة الي بكدي فاتحات بيوت

حكيم : ههههههههههه سوالف البرابيك

نرمان : حطيت ايدي جوة راسي افكر يعني صدك يسويها البخت واطلع حامل ويجيني طفل ويصير عندي سند ثاني .. ضليت على تفكيري لحد ما غفيت

حكيم : نونو كومي وصلنة

نرمان : شبسرعة

حكيم : غير جبتيها شخير من الدولي

نرمان : ما ادري بنفسي .. فتحت باب السيارة اريد انزل جسمي مكسر وكفت وعدلت ملابسي .. فتح الباب حكيم وطبينة

اصيلة : شلونكم يمة

نرمان : رحت سلمت على عمتي وبوستها شفت شكلها متغيرة كلش وضعفانة

اصيلة : البيت وحشة بلاكم

حكيم : شلونج يابة كمال شلونة

اصيلة : على الله

نرمان : طبيت للهول شافتني نجاة بوستني وباست حكيم واجة نزار هم سلم علينة وكعد

حكيم : اخوك العار وين

نزار : طالع

حكيم : من يجي اني اعلمة

نرمان : كبل بجت نجاة وزادت الطين بلة

نجاة : الحقير ضربني وطلع الدم من خشمي يكلي هاذة الولد وين شايفج وخطبج

حكيم : اني الة هاذة الكو***

نرمان : ضل حكيم على اعصابة كمت واشرت النجاة تجي

نجاة : تعالي نصعد غراضكم

نرمان : سندتني وصعدتني فوك كعدت وبدت تصعد بالغراض والجنط .. لج شلون طرد المرة

نجاة : ياااا غير بس سمع تريدني لابنها طب وعاط بيها .. مااااعدنة بنية للزواج وهاذة ابنج ابو عين النكسة الة اطفيلهيا .. طلعت المرة ترجف انوب اجة علية ملخني تملخ

نرمان : شكد همجي وماعندة اسلوب مو حقها ايثار شردت منة

نجاة : هي انكس منة

نرمان : اي والله .. ما اشوف غير فاروق واكف يم الباب ومجتف رفعت راسي اباوعلة خزرني وراح الغرفتة ركع الباب بقوة

نجاة : سمعنا !

نرمان : ايييي عزة خل انزل يم زوجي لا يجي يخبزني وياج

نجاة : ميسترجي كعدي خل نسفط ملابسج ونوديهن بالغرفة

نرمان : زين

نزار : اجة العار

نرمان : بس الله شبيكم كل شوية واحد مجفلني

نزار : مو وكتج فاروق وين

نجاة : جوة

نزار : بووووية هسة حلت السالفة

نرمان : نزل جوة فرحان .. راح اصير مشكلة

نجاة : بلكت يكتلون فاروق

نرمان : لا حكيم مسوي عملية وموزين علية اخاف يصير بي شي

نجاة : لا ميضربة بس يتعاركون

نرمان : ضليت كاعدة على اعصابي دقايق وصعد حكيم طب بوجها الغرفة فاروق وركع الباب صار صوتهم عالي ..

حكيم : لكككك فهمنيييي شلوووون بعد شكم يوم اصير اب شلون راااح تصرف .. لك هاي اختك مو عدوتك

فاروق : نسيت اختك شسوت

حكيم : لا ما نسيت واذا نحجي بالذكريات ونفتح المواضيع القديمة راح اذكرك بهواي امور انتة ناسيها

فاروق : تهددني

حكيم : لك بوية افهم اني ما هددك .. بس انتة مقتنع بتصرفك ويا نجاة

فاروق : اي شتريد هسة

حكيم : دامك مقتنع بسلوبك الخايس خل يفيدك .. والصراحة اني مقتنع بمؤيد خوش ولد وزلمة محترم وماعندة بس امة واخو

فاروق : يعني راح تنطيها

حكيم : اي والله

فاروق : ويدري بمصايبها لو يسولفولة عليها

حكيم : طاحضك شكد عار ومو محترم واسلوب اخيس من فعلك وحرامات تصير اب بيوم من الايام

نرمان : طلع حكيم من الغرفة كعد على التخم ويهز برجلة

نزار : چا ما كتلتة

نرمان : باوع النزار وخزرة طبينة اني ونجاة الغرفتي وسدينة الباب

نجاة : سمعتي ؟؟

نرمان : هاذة الولد صديق حكيم

نجاة : اي

نرمان : والله خوش ولد واحلى من فلاح المعفن بمليون مرة

نجاة : لا جيبين طاري ذاك الخنيث

نرمان : يعني لو حكيم راد ينطيج تقبلين

نجاة : معودة اني شكول زواج بعد واصلا هوة يدري اني مطلكة ؟

نرمان : والله ما ادري

نجاة : اسكتي من اذكر شكل امة من طردها فاروق اموع من الخجل

نرمان : شكد ميستحي .. لملمنة الغرفة وطلعنة لكينة بس فاروق كاعد يباوع تلفزيون ونازع ملابسة باقي بالداخليات عبرتة ونزلت جوة

نجاة : هاذة نازع المستحة ولابس بمكانها

نرمان : صارت كبالي اسراء دغيتها قبل ماتكمل ..

اسراء : الحمدلله على سلامتج

نرمان : الله يسلمج ..

اسراء : والله اشتاقينالج اصبلج غدة

نرمان : بالعافية ..

اصيلة : رجلج وين

نرمان : طلع !

اصيلة : غير اني اسألج

نرمان : يجوز طلع انداريت على نجاة .. اني راح اسبح وانام شوية نعسانة

نجاة : براحتج

نرمان : رجعت صعدت فوك بدون ما اباوع الفاروق اخذت ملابس وطبيت سبحت وطلعت الغرفتي حضنت المخدة مال حكيم ونمت

حكيم : نمنمة وين

نجاة : نامت

حكيم : شلون بيها هاي صايرة تمبل

نجاة : اروح اكعدها

حكيم : لا تعالي اريدج وراها اني اروحلها ..

نجاة : طب الغرفتي وسد الباب كعد على السرير شابك ايدة ويباوعلي

حكيم : شلونج

نجاة : زينة

حكيم : اكو ناس جاين عليج

نجاة : بلعت ريكي بخوف وهزيت راسي

حكيم : والولد اني اعرفة كلش زين الي اشوفة ممكن تتوفقين ويا وتعيشين مرتاحة صدكي اني ما متعاجز منج انتي مكانج بكلبي وفوك راسي وانتي ام هاذة البيت هسة لو بعد عمر طويل بس اني ما اريد العمر يركض بيج وتندمين على شبابج من يضيع وتباوعين على روحج بيوم من الايام لا بيت ولا عيال وتشوفين الاصغر منج عاشيات ومخلفات .. ويجوز الله يعوضج بي واني ما انطيج الة اتأكد منة كفو

نجاة : بس اني ما اريد ازوج مو ابالي هاذة الشي كافي الشفتة بحياتي

حكيم : ربما ضارة نافعة ما اكلج السويتي بسيط ونعبرة بهاي الجملة بس بعد ما اكدر اخليج تصرفين بكيفج لازم تتحملين قراراتي واني اعلم بمصلحتج

نجاة : ويدرون بية مطلكة ؟

حكيم : والمطلقة ناقصة ايد لو رجل لو تك عين ترة الرجال البي خير ميقلص فكرة بليلة العرس هاي ينحط جواها وصلة بيضة لو لا ..

نجاة : خجلت من كلامة ضليت ساكتة حط ايدة على جتفي ولمني الحضنة

حكيم : انتي غير بنيتي واريد مصلحتج

نجاة : الله كريم

حكيم : يلة كافي لغوة خل اصعد اشوف ذيج النايمة شنو فلمها

نجاة : خطية تعبانة

حكيم : يلة كومي سويلي جاي وصعدي فوك فدوة الفركج

نجاة : عافني وطلع رحت للمطبخ اسوي جاي وافكر احس ما اريد ازوج ولا ارجع اعاني تعبت بما فية الكفاية

نرمان : فزيت على دغدغة بخشمي لزمت وجهي احك وفتحت عيني ..

حكيم : شوفي شنو جبتلج

نرمان : نستلة !

حكيم : كومي سوي شخة خل نشوف النتيجة

نرمان : ضحكت لا اراديا اخذتة منة وفتحة من الجيس شكلة جنة نستلة من برة

حكيم : هاذة تسحبين بي الادرار

نرمان : اخذتة منة وطببت للحمام سويت مثل ما كال وكفت انتضر النتيجة

حكيم : بشرررري

نرمان : بعدددد

حكيم : وهسةةةةة

نرمان : بعدددد

حكيم : فتحي الباب

نرمان : فتحت الباب وانطيتة الجهاز باوع علية وعلية .. هااا ؟

حكيم : خطين

نرمان : شنو يعني .. بهل اثناء ما ادري منين طفر نزار وصاح

نزار : مبروك حامل

نرمان : كول والله

نزار : شو راويني

نرمان : حط راسة بالتحليل يباوع وحكيم هم صافن بي .. خوفتوني وين جاي تباوعون

حكيم : حامل

نرمان : انتبهت على ملامحة وحجيت .. ليش ما فرحان ؟

نزار : خاف مستحي اعتبرني ماكو

نرمان : ضل ساكت شوية وكال

حكيم : بدلي خل اخذج للدكتورة

نزار : يا دكتورة كاعدة ساعة 10 باليل

حكيم : ميخالف بدلي وتعالي

نرمان : طبيت للغرفة بدلت ملابسي وطلعت لزم ايدي وسحبني نزلني جوة عاصر على ايدي

حكيم : صعدي

نرمان : صعدت وركعت باب سيارتة .. شبييييك ليش هيج تعاملني

حكيم : افتهمي يا بشر بعدج صغيرة واخاف عليج انتي شكل وحدة تحبل واجيب

نرمان : لعد شبية ايش تضوجني ومتخليني فرحانة

حكيم : لج بوية اني ما اكيف يصير عندي طفل بس مو عمرج 17 سنة لو صار بيج شي منو يفيدني الطفل

نرمان : لا ازودها اني مو صغيرة

حكيم : اصيرين عجوز وبنضري طفلة

نرمان : هاذة نضرك بس اني اكدر اخلف واربي واصير احسن ام ويصير عندي كووومة جهال

حكيم : ما ادري شلون ما حسبت حسابها حتى مدرستج راح تقصرين بيها

نرمان : بعد الله راد

حكيم : ونعم بالله

نرمان : وصلنة لمجمع طبي نزلت من السيارة طبينة للاستعلامات سألهم على دكتورة ماكو بس المختبر مفتوح اخذني وطبينة للمختبر وطلبنة تحليل دم كعدت وسحبو مني دم

حكيم : ربع ساعة يلة يطلع

نرمان : مشتهية زيتون اخضر ومحشي جزر وبي ملح وحامض

حكيم : صوووتج

نرمان : جيبلي بين ما يطلع التحليل

حكيم : تعالي

نرمان : طلعنة نتمشى برة المجمع وصلنة يم محل طرشي طبيت وكمت اختار انواع الزيتون واضوك منها وحكيم كل شوية يصيح للرجال عن الحلال والحرام اكلنة منا

حكيم : كافي اكلتي كيلو بحجة اضوك واختار

نرمان : اخذلي من ذاك الرصاصي مدري يا لون واريد اخضر واريد المقطع البي شطة

حكيم : متريدين ابو المحل الفة بعلاكة ويا الطلب

نرمان : علوى خل يجي يطبخ بمكاني بعد اني مرة حامل ..

حكيم : والله لانعل ابو شكلج

نرمان : وشكلك هم .. كرصني من صفحتي وخزرني اخذ الزيتون وطلعنة كفخني بالشارع

حكيم : ولج شكل منو

نرمان : شكل نزار

حكيم : خوش تكلبيها بكرك

نرمان : ابتسمت وفتحت العلاكة اكل طبينة للمجمع اخذنة نتيجة التحليل

المحللة : مبروك حامل

نرمان : اخذتها وشهكت من الفرحة افتريت على حكيم لكيت الابتسامة شاكة وجها دفع الحساب وطلعنة

حكيم : بربوكة صرتي حااامل

نرمان : صعدت بالسيارة مبتسمة راح يصير عندي عماد

حكيم : عماد بعينج ابوج ميت الله يرحمة و وعلى راسي بس مال اسميلي الفرخ عماد لهنا واوكفج عند حدج

نرمان : شبي اسم ابوية كلة فخر عمااد عامود

حكيم : ** امي اذا بعد هاذة العمر ويصيحولي ابو عامود

نرمان : عمدة

حكيم : راح ابدي اترحم للوالد

نرمان : خزرتة الله يرحمةةةةة

حكيم : يجوز تجينة بربوك صغيرة

نرمان : الله واكص شعرها والعب وياها يمة .. انداريت علية غمزلي

حكيم : وبعد متلعبين وياي

نرمان : لا نلعبببب .. رجعنة للبيت اول ما طبينة كمت امشي سريع

حكيم : سبحان الله حتى مشيتها تعدلت

نرمان : طبيت للهول مبتسمة واستحي اكللهم اني حامل ضليت اباوع بالوجوه

نجاة : لججججج حاااامل موووو راح يصير عدنة حكيم ونمنمة صغيررر

نرمان : بهتت ملامحي .. شمدريكم ؟

نجاة : نزار حتى العمامي خابرهم

نرمان : اريد اعرف ام زكي شتصيرلة

اصيلة : مبروك يمة حبيبة

نرمان : الله يبارك بيج عمة .. صارو الكل يباركولي حتى نزار اجة يبارك عود هوة هسة عرف

حكيم : امشي نونو نامي باجر وراج كعدة

نرمان : وين

حكيم : تقررين بعد ماكو استهتار

نرمان : اشرتلهم بيدي بااي طلعت ويا صعدني فوك طب ورانة فاروق انداريت وانصدمت بأيدة ملفوفة وطالع منها قطرات دم

حكيم : شبيهااا ايدك

فاروق : مابيها داك وشم

نرمان : فتح ايدة من الفاف مغرغرة دم داك وشم ما فهمت شمكتوب راح حكيم لزمة من جتفة

حكيم : هاذة اخر ما توصلت الة

فاروق : سمعت مرتك حامل

حكيم : اي !

فاروق : روح التهي بيها احسلك

نرمان : نتر ايدة من ايد حكيم وطب للحمام

حكيم : حسبي الله ونعم الوكيل بكل شخص ساهم بتدميرة

نرمان : الصراحة ! هوة هيج من يوم الشفتة الناس شعليها .. سحبني من ايظي وطبينة للغرفة وسد الباب وبدة ينزع ملابسة

حكيم : الانسان يخلق ويخرج من رحم امة نضيف وصافي ونقي والحياة والناس الي يعاشرها يكونون شخصيتة .. وللاسف فاروق ما مشى غير ويا الخايب وهاي النتيجة

نرمان : بدلت ملابسي ورحت يمة كعدت على السرير بدة يتلمس بطني ويحط اذنة

حكيم : اكو صوت وشة

نرمان : يجوز الطفل كاعد بالحمام

حكيم : عمري ما اتخيلت يصير عندي طفل من صلبي .. كل عمري ما اكدر افضل احد على اخواني لدرجة اتخيلهم اطفالي رغم مو فارق سن جبير بينة

نرمان : وراح يصير عدنة بيبي ويلعب ويا ابن فاروق يااااي

حكيم : شو تهيلكتي .. المهم كومي فتحي الكنتور

نرمان : مابية حيل

حكيم : كومي فدوة الكرشج الابيض

نرمان : كمت من الجرباية فتحت الكنتور وباوعتلة

حكيم : طلعي هاي الكارتونة السودة وفتحيها

نرمان : اخذت الكارتونة وفتحتها لكيت بيها علبة حمرة فتحت العلبة ولكيت كلادة ذهب اسمي وياها تراجي صغار كلش نجمة وهلال مديلهم تك وتك حطيت ايدي على حلكي من الفرحة

حكيم : مو كلش فاشل بالهداية !

نرمان : يجنن

حكيم : هاي مال عيد ميلادج جبتها من زمان بس

نرمان : حك حاجبة وضل ساكت .. تستحي موووو

حكيم : ما استحي بس ما مسوي مفاجأة الوحدة قبل

نرمان : وشحدك اسوي مفاجأة الوحدة قبلي

حكيم : يا يابة

نرمان : رحت يمة وبستة من شفايفة بسرعة وحضنتة انتة احسن اب وحبيب بهاي الدنياااا

حكيم : من كرم اخلاقج بربوكاية

نرمان : يلة لبسني انداريت منطيتة ضهري لبسني الكلادة وباوعت الاذني ذني شلون البسهن واذني ما مزروفة ؟

حكيم : مرت الحكيم واذانها ما زروفة يا حيف الشوارب

نرمان : كام من الجرباية اخذ شمعة من الميز ودنبوس واجة شغل الشمعة وحط الدنبوس يحمي بي لحد ما صار احمررر ناررر

حكيم : نامي على رجلي

نرمان : هااا ؟

حكيم : تعالي ازرفلج اذنج

نرمان : مو لازم اروح للصيدلية ؟

حكيم : نامي ومعليج

نرمان : حكيم حتى رجلي مكسورة وما اكدر اركض

حكيم : شبيج مثقين بية

نرمان : نيمني على رجلة وكمت ارجف من الخوف رش عطر على اذني وبحركة سريعة دخل الابرة بأذني كمت مضل المركوعة راشدي صافنة بوجها ولازمة اذني

حكيم : شفتي شلون بسيطة

نرمان : شوية وحسيت بألم لزمني برجلية حاصرني ودخل الابرة بأذني الثاني باوعتلة وكمت ابجي

حكيم : يمةةة حبيبي يبجي

نرمان : وجعتني

حكيم : سودة علية بنيتي

نرمان حضن راسي واخذ التراجي لبسنياهن وباوعلي مبتسم

حكيم : تخبلين

نرمان : والله سوالفك للمخبل متسولف

حكيم : عود حطيلها عصارة مال عيون اسبوع واطيب

نرمان : لزمت اذني احس نار تطلع منها

يتبع ...

باجر انزل بارت التكملة واسفة على الانقطاع خلص الاشتراك وهسة يلة اشتركت

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تكملة خفيف لطيف للبارت السابق وصار 6150 كلمة ويا مال البارحة كولو مقصرة ؟؟

_________________________________________

حكيم : عود حطيلها عصارة مال عيون اسبوع واطيب

نرمان : لزمت اذني احس نار تطلع منها

حكيم : طفي الضوة وتعالي

نرمان : كمت طفيتة ورحت تمددت بصفة

حكيم : دائما قبل لاتنامين كولي اللَّهُمَّ جَنِّبْنَا الشَّيْطَانَ وَجَنِّبْ الشَّيْطَانَ مَا رَزَقْتَنَا ،

صباحا ..

نرمان : فزيت ما لكيت حكيم يمي .. كمت

سبحت وبدلت ونزلت جوة

نجاة : صباح الخير

نرمان : هلا صباح النور .. حكيم وين ماشفتي

نجاة : طلع ويا فاروق البيت اهل ايثار

نرمان : ليش شكو

نجاة : ما ادري بس هيج سمعت ..

اصيلة : لادكن سوالف من الصبح كل وحدة تروح اسويلها شغلة بالبيت اكو ناس جاين العصر ما اريد البيت بي كشاية

نجاة : منو جاي

اصيلة : روحي نضفي ومعليج

اسراء : اي والله اني وحدي ادك واشتغل عبالك خدامة

نجاة : بهمس .. مو البارحة تلكتج بالغدة واليوم تريد تاكلج

نرمان : عدها انفصام بالشخصية

اصيلة : نجاة انتي نضفي الهول والديوان والحوش ونرمان تنضف الدرج والمطبخ والغرف

نرمان : اخذت ماسحة ومكناسة ورحت انضف الفوك ونجاة راحت تكمل شغلها للعصر واحنة نشتغل حتى عمتي تشتغل ويانة

نجاة : اريد افتهم ليش يشمرون كطوف الجكاير ورا القنفة همة جهاااال

اصيلة : اشتغلي وانجبي

نجاة : حاضر

نرمان : عرفت هاي الكطوف مال ابن كمال بس ماحجيت اني شعلية .. كملنة شغل والعصر طبو الولد وياهم كمال

حكيم : السلام عليكم

نزار : منو راش ديتول بالبيت ليش تلعبون نفسي

نجاة : اكو اطيب منها

نرمان : جانو الكل ضايجين واولهم فاروق كاعد يدخن

حكيم : انتة عليمن ضايج

فاروق : سمي وموتي الفكور والماشايفين

حكيم : ما الك علاقة النفقة اني ادفعها كل شهر بين ما يجي ابنك

اصيلة : شبيهم بعد

نزار : ابوها يريد مليون وربع فلوس الدكتورات الي تروحلهم كل شهر ايثار ويريد نفقة 500 الف منا لما اجيب ويريد فلوس للولادة وميقبلون بتهم اجيب بأي مستشفى الة بالخاص والة عملية ..

كمال : عبالهم يسون هيج يكسرون ضهرة

فاروق : انطيهيا على القندرة بس خل اجيب .. قسما بالله ماخليها تلمح وجهة

اصيلة : چا ما حجيتولهم بتهم اسوت

حكيم : يدرون بس عينهم ما مكسورة .. ومالة داعي اضوج وغصبا ما عليك لازم تدفع كل هاذة حتى اذا طلكتها البنية شايلة ابنك

فاروق : انتة شفتة شلون يحجي نذر علية بس اشلع ابني منهم اطلع حليب امة من خشمة

نزار : هاذة يريد يطلع مصرف البيت براسك

نرمان : صار الوضع كلما يهدء نزار يشعلة بحجاية لحد ما فاروق طلع عيونة ميشوف بيها .. بهل اثناء اندكت الباب وراح نزار يفتحها

حكيم : استلم

نرمان : طلعو الولد من الهول وطبت مرة لابسة عباية سودة وبوشية رفعتها وفتحت عبايتها وبين سمارها الطاغي

ام مؤيد : السلام عليكم

اصيلة : وعليكم السلام هلا حبيبة تفضلي

نرمان : كعدت على التخم حسيت شكلها مريح للنضر سمينة وايدها كلها حنة وابتسامتها ناصعة .. تركناهم ورحنة للمطبخ

نجاة : عزززة هاي امة

نرمان : ليش محد كال كدامنة

نجاة : سوالف عمتج .. روحي سوي جاي وحطي كعك

نرمان : متروحين انتي مو عمتج ام زوجج

نجاة : بعد ما شافتني بهاذة الستايل ضل بيها عمتج

نرمان : ادري ليش ما حجو حتى تبدلين باعي كفشتج

نجاة : راح اروح ابدل واجي

نرمان : سويت الجاي وحطيت بماعون كعك اخذتة وطبيت للهول اقدم

اصيلة : هاي مرت حكيم

ام مؤيد : الله يحفظها

نرمان : تسلمين .. تريدون شي ثاني

ام مؤيد : چا نجيوة وين ما شايفتها صارلي عمر

نرمان : هسة تجي .. طلعت من الصالة اريد اروح الغرفة نجاة صدفة لمحت فاروق بالمطبخ فتح علبة مال مواسة واخذ واحد وبدة يجرح اطراف اصابيعة لزمت كلبي بخوف وحسيت وجهي صخن عبرتة وطبيت الغرفة نجاة

نجاة : لج فهميني شلبس

نرمان : هاا؟

نجاة : شبيج مو احجي وياج

نرمان : لبسي ثوب عادي ولمي شعرج عدل وحطي كحل وطلعي

نجاة : يلة اي

نرمان : ضليت صافنة عليها وبالي يم فاروق خاف هاذة مخبل وجاي ينتحر ..

نجاة : ضلي صافنة

نرمان : ضليت ساكتة خفت احجي اي شي يخص فاروق لان ادري بي ميتفاهم اذا سمع واحد يحجي علية .. باوعت على نجاة خبصت روحها كامت تروح منا ومنا متعرف شتسوي دقايق وكملت طلع شكلها مرتب

نجاة : ها

نرمان : تخبلين بس امشي .. طلعنة من الغرفة والتوتر مسيطر عليها وعلية طبت للهول سلمت على المرة وبوستها

ام مؤيد : متغيرة صايرة تخبلين

نجاة : حلات عيونج

ام مؤيد : ما صار عندج شي من ابن عمج

نرمان : كامت نجاة تباوعلي وتبلعم انقهرت عليها لأن غلط تكول هيج وهي جاية تخطب

نجاة : لا خالة انفصلت من زمان

ام مؤيد : هية هاي القسمة تجي لا على البال ولا على الخاطر ومن تنتهي نفس الحالة

اصيلة : انتي شلونج خية بنيتج ازوجت

ام مؤيد : صار عمر تزوجت من ابن حماية حسيون وراحت ويا للعمارة

اصيلة : واصار عدها جهال

ام مؤيد : ولد وبت

اصيلة : الله يحفظهم

ام مؤيد : وضل عندي داود ومؤيد .. تدرين بداود يدرس بالخارج ومصارلة هواي من رجع ومؤيد عسكري دوامة سبع ايام يروح وسبعة ينزل

اصيلة : اي ادري بي جان ويا حكيم بالمدرسة بس ابنج للسادس وبطل

ام مؤيد : اي والله وتدرين بي كبر مو صغير صار 31 سنة واريد ازوجة

اصيلة : بيها الخير

ام مؤيد : خير يصيبج وكال يمة شوفيلي بيت ام كمال ما عدهم بت بعد همة زينة الناس الخيرة بالمنطقة

اصيلة : رحم الله والديج .. والله بناتي كلهن مزوجات بس نجاة بت شريجتي اني مربيتها ونعم الاخلاق والله ما امدحلج بيها بس اخواتها تعبانين عليها

نرمان : طلعت نجاة وطلعت وراها ضلينة واكفين بالدرج نسمع

ام مؤيد : تدرين بية ما ادخل روحي بأختياراتهم ليش بعدين يصير ميصير ويكلولي انتي وانتي خليهم يختارون ويندكون كبة ولو انا بعد الصار ذيج الجية حالفة ما اطب بيتكم بس لجل عين تكرم الف عين

اصيلة : ياا خية ولا تخليها بخاطرج هاذة اخوهم فاروق الوسطاني مخبل مدري شبي هوة تجي الحالة حتى مرتة ما طولت جم شهر وشردت

ام مؤيد : شنكول بعد الله يهدي .. المهم حبيبة اريدج اشورين الزلم وترديلي خبر حتى نتفق

اصيلة : يصير خير ان شاءلله

ام مؤيد : يلة عيني اني اترخص الكعدة وياكم حلوة

اصيلة : كل الهلا بيج وان شاءلله هل يومين اردلج خبر

نجاة : بهمس .. شو هاي مبينة تكرهني من هسة خاف ارجع المأساة سهى

نرمان : لا هاي مهما تكون اسمها عمتج مو ذيج ضرتج

نجاة : اني ولا اريد ازوج ولا الي خلك بعد اعاني

نرمان : لاتكولين هيج اذا صار نصيب .. بلكت ترتاحين

نجاة : الله كريم

نرمان : بعد يومين عمتي ردت خبر الامهم وصارت المشية وحددو الخطوبة والعقد بيوم واحد بيوم الخميس

نجاة : وين صايرة حتى عرس ميريدون بس خطوبة وعقد وفترة ويزوجني

اصيلة : امة متقبل تكول اهلة وعمامة بالعمارة وميكدرون يجون بعد المن العرس

اسراء : لا عمامة ميرضون ياخذ مطلكة وماقبلو يحضرون العرس

نجاة : شمدريج

اسراء : البارحة رحت يم بيت ام سيف وامهم كلتلي

نرمان : باوعت على نجاة الي ملامحها تغيرت رحت يمها وطبطبت على ضهرها .. همست يمكن جذابة تريد اضوجج

نجاة : لا مبينة صدك قابل ليش اضوجني شعندي وياها

نرمان : المهم هوة رايدج شعليج بمعمامة انتي مزوجتة الة لو العمامة

نجاة : ما ادري اريد احجي ويا حكيم ما اريد اتبهذل اكثر

نرمان : اخذتها وصعدنة فوك لكيت حكيم كاعد يقرة كتاب ومركز بس شافنة سدة

حكيم : ها شو البوز واصل للركن

نجاة : اني ما اريد ازوج

حكيم : صاير شي

نرمان : كرصت نجاة حتى متحجي

نجاة : لا بس اني ما مرتاحة

حكيم : مو احنة نشتغل على الراحة

نرمان : كيموووو لاسووي هيج نجوتة ما مرتاحة

نجاة : لعبتي نفسي شهل مياصة

نرمان : رحت حضنت حكيم وكعدت بصفة .. متحس بطني كبرانة

حكيم : خل اشوفها !

نجاة : اني ويييين وانتوووو وين

نرمان : باس ركبتي وفتح الكتاب متجاهل نجاة الصايرة اعصاب تريد تبطل متزوج

حكيم : اسمعي وركزي .. ممنوع الانناس وممنوع الفراولة وممنوع الدارسين وممنوع الهيل وممنوع المشروبات الغازية وسوالف الزعاطيط مال المصاص الي يطكطك بالحلك

نرمان : ابتسمت عندي وحدة جابها نزار

حكيم : روحي نجاة اخذيها

نرمان : طبت نجاة الغرفتي ضربتة بجتفة ليششش توزع من كيفك

حكيم : موزين ما اريد يصير عندج سكر الحمل لو اكياس بالمثانة

نرمان : انتة مشتغل دكتورة قبل .. طلعت نجاة من غرفتي بيدها علاكة سودة

نجاة : والله عندج اكلات كلها موزينة عليج

نرمان : لا عليج الله

حكيم : نزلي قبل لا تلحكج

نرمان : طفرت نجاة ضليت كاعدة ومخنزرة بوجها

حكيم : كومي اخذيلج راشدي

نرمان : راح اعبرلكياها هل مرة

حكيم : حاضر ماما

نرمان : اكول

حكيم : كولي عمري

نرمان : حبيبي اليوم اكلب بالمبايل شفت دكتور يحجي عن العقد النفسية والامراض

حكيم : اي !

نرمان : ليش متخلون فاروق يروح يتعالج والله تصرفاتة كلها تخوف قبل كم يوم شفتة يجرح اطراف اصابيعة بالموس

حكيم : اذا على الموس من يصعد ضغطة يجرح اصابيعة بالموس علمود اللزوجة

نرمان : يعني شنو ليش

حكيم : مو يشرب وياكل لحوم يصير عندة لزوجة بالدم ويصعد ضغطة وبين فترة وفترة يسوي حجامة

نرمان : بس ميخالف انتة ما شايف تصرفاتة واربع وعشرين ساعة يتعارك وحتى نجاة تكول منورا عمة اصيلة جانت تأذي

حكيم : ميقتنع بشي اسمة طب نفسي هواي حجيت ويا قبل

نرمان : بس تكدرون تعالجو بدون ميحس

حكيم : شلون بلة يا فهيمة .. نصف العلاج ان المريض يعرف نفسة مريض ويكون مقتنع والا

نرمان : والله ما ادري بس انقهر علية وفوك كل هاذة حاط دوبة ودوب نجاة

حكيم : عوفج من هاذة الموضوع وامشي خل اقريج بالغرفة

نرمان : بس اكل اندومي واجي

حكيم : بين متولدين صايرة جاموسة

نرمان : كمت ويا ضايجة .. طبيت للغرفة وكعد يقريني

_ مرت الايام واجة يوم العقد مال نجاة وبيمها طب الولد وجان شكلة كلش مرتب ونجاة جانت لابسة فستان وردي قصير ومنفوش ومن فوك ردان تول وقبل لا يلبسها الحلقة طبو الولد وعلى راسهم حكيم وكعدو داير مدايرهم والولد كام يبلعم

نجاة : باعي شلون يخوزرون بية

نرمان : هههه فاروق جاي يخزر ام الولد

ام مؤيد : چا متعوفون الولد ياخذ راحتة ويا عروستة

نجاة : حسيت الخوف سيطر علية من جهة نضرات فاروق ومن جهة نضرات مؤيد شوية وشفتة جر ايدي ولبسني الحلقة ومد ايدة لبستلهيا وكمت حتى ناخذ صور حط ايدة على ضهري وقربني عليه وهمس

مؤيد : بيهن نتيجة الغديات

نجاة : شلون يعني

مؤيد : النتيجة واضحة

حكيم : ان شاءلله الف مبروك

مؤيد : الله يبارك بيك ياخوي

نجاة : دقايق واشرلهم حكيم اخذهم وطلعو بقينة بس احنة مؤيد عاصر ايدة على ضهري ما هدني

مؤيد : من كلتلهم تسوى البنيات ما جذبت

نجاة : اءء شكرا

مؤيد : احمر وردي شعلتي شيب الخلفني

نجاة : تريد كيك

مؤيد : العندة مصنع جكليت هم يكلب الكيك

ام مؤيد : يلة يمة خل نترخص عيب من الوادم

نجاة : حضني وباسني بعمق حسيت جلدي كزبر

مؤيد : اشوفك على خير ياحلو

نجاة : حسيتة سحل روحي وطلع كعدت على التخم والناس بدت تباركلي وتطلع

نرمان : غمزتلها .. ها جوجو

نجاة : ينعل امة شكد ينحب

نرمان : هسة يسمعج فاروق ويجيج بالبرنو

نجاة : اخلي زوجي يسجنة

نرمان : عسكري مو لواء

نجاة : ميضر كلهم في خدمة الشعب

نرمان : لا انتي انهبلتي .. بدت العالم تطلع والبيت فرغ كمت الملم وياهم حسيت الضروف بدت تتحسن بهاذة البيت نجاة صارت نفسيتها احس وليل ونهار تخابر مؤيدوباليوم العندة واجب للصبح تسهر ويا .. وبهل فترة بدت بطني تكبر بس مو كلش صار كل تركيزي بالدراسة وحكيم سوالي جدول طباعة معلكتة بالحايط كل يوم اكتب عدد الاوراق القريتها من كل مادة وبيوم الما اقرا احط علامة خطاء بيوم جنة كاعدين بالهول مجتمعين عدى فاروق

نزار : شبيك خل اروح لاربيل شكو علية

حكيم : انسى هاي السالفة خل اجيب نرمان واخذكم اني

نزار : ما رايح وحدي ويا جماعتي ومنتأخر 4 ايام ونرجع

حكيم : سد الموضوع ولا تلح

نزار : اني مو جاهل لا تعاملني هيج وتخليني اروح بدون متدرون

حكيم : سويها واطلع كو*** اذا ما اجيبك من اذاناتك للبصرة

نرمان : ضلو يجادلون والوكت اتأخر صارت 12 باليل

حكيم : كوم نام والله كريم

نزار : ما انام

نجاة : فاروق وين صار من الصبح ليهسة ما اجة

حكيم : من طلع من الدوام ما رجع للبيت !!

نجاة : لا والله

نرمان : فتح مبايلة يتصل وميرد مرت ساعة والوضع متوتر وحكيم صار على اعصابة .. فجأة شفنة فاروق دخل وبيدة طفل ملفوف بطانية بيضة كلها وكفت من شافو المنضر

نجاة : هااااذة منين الطفل

فاروق : بصوت تعبان .. ايثار جابت

يتبع ..

توضيح : المحللين ترة ايثار حامل قبل نرمان 5 شهور

وشغلة ثانيا بخصوص فاروق انه ميتعالج الكلام من لسان حكيم وهوة قبل انشرة .. فاروق يعتبر الطبيب النفسي بس المخبل يروحلة وهوة مو مخبل هاذة تفكيرة

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يُقشِّرُني الحبُّ كالبُرْتُقَالة يفتحُ في الليل صدري ويتركُ فيه نبيذاً، وقمحاً، وقنديلَ زيت ولا أتذكَّرُ أنّي انْذَبَحت ولا أتذكَّر أني نَزَفْت .. عميقة

خليت اسم الطفل حقيقي لأن عمو حكيم ما قصر حرك القصة بالستوري ..

_________________________________________

نجاة : هااااذة منين الطفل

فاروق : بصوت تعبان .. ايثار جابت

حكيم : شوكت ليش ما حجييت

فاروق : اليوم جابت

حكيم : شلون جبت الطفل من امة

نرمان : بهتت ملامحة كعد على القنفة حاضن الطفل بيدة ضل ساكت ومدنك وعيونة حمر عرفتة يبجي .. كعد حكيم على ركبتة كبال فاروق

حكيم : شلون اخذت الطفل

نرمان : جر نفس ومسح وجها ..

فاروق : ابوها خابرني اجي اخذة

حكيم : وامة وين شلون انطوكيا

فاروق : ما شفتها بعدها بالبنج دفعت تكاليف العملية واخذت الطفل من الخدج وطلعت

حكيم : يعني امة ما شافتة

فاروق : لا

نزار : شلون تاخذ الطفل من امة شنو من كلب انتة

فاروق : همة خلوني اخذة قبل لا تكعد وتشوفة همة ميريدوها اشوفة وتتعلق بي .. اني ما جنت مستعد اخذة وبعدة لحم

حكيم : دخيل ربهم شكد مخانيث

نرمان : صار الطفل يبجي بحضن فاروق راحت نجاة اخذتة منة والطفل كام يلوع بيدها

فاروق : هسة اني شسويلة فهموني

نزار : ولد !

فاروق : اي

حكيم : نجاة .. نزلي الطفل الاصيلة لو صيحيلها تصعد فوك

فاروق : لا ما اريد اصيلة تلزمة انطونيا

نرمان : اخذة من ايد نجاة وكام يفتر بي بالغرفة والطفل ما سكت بس يفرفح بيدة

حكيم : خاف جوعان

فاروق : ما ادري

نجاة : اكيد جوعان لازم اجيبلة حليب وممية ودوة مال غازات وهواي سوالف

فاروق : شلون اعرف اجيبهن شكول وينطونياهن

حكيم : اني راح اخذ اصيلة واروح للصيدلية هية اعرف من عدنة

نرمان : ضل يفتر بالطفل ويخض بي منا ومنا والطفل فاحط اخذتة منة وكمت افتر بي حطيت اصبعي يم شفايفة فتح حلكة يريد يرضع

نزار : هاذة ميشرب حليب عادي

نرمان : لا ابد موزين

نجاة : خطية سودة علية ما اشاف امة

نزار : شنو اسمة

فاروق : كنان

نزار : ما سميتة فرحة الزهرة ضل بنفسي

فاروق : عود سمي ابنك

نجاة : باعي خل نكلبة على بطنة وندك على ضهرة اني شايفة روان هيج اسوي

نرمان : لا خطية بعدة صغير

نجاة : حكيم وين صار

نرمان : ما ادري .. مرت نص ساعة وطبو عمتي وحكيم

اصيلة : انطيني البزر

فاروق : بهمس .. انييي مو كلتتتت ما اريد اصيلةةةة

حكيم : مو وكتها الطفل يلوع

اصيلة : شغلن صوبة وجيبلي قوري بي مي معقم

نرمان : جبنالها التريدة وشغلنة الصوبة كعدت ونزعت عبايتها حطت الطفل بحضنها وسوتلة حليب دافي وكعدت تشربة

نزار : شو هاذة ناعم جنة بنية

حكيم : چا تريد شواربة طاكة

اصيلة : هاذة كل ساعتين اسويلة ممة رقم واحد واضل وحدة منجن سهرانة ويا للصبح ترة مينعاف .. وبدلن الحفاضة بين وكت وكت

نجاة : واذا ضل يبجي وماقبل ينام

اصيلة : ميخالف البجي زين الة يقوي كلبة يفتح صدرة خلو يبجي وجبتلة دوة مال غازات انطو مرتين باليوم

نرمان : اخذت الطفل منها وحطيتة بحضني باوعت الملامحة وجها صافي وهادي ضل بنفسي ابوسة بس اخاف من فاروق يعيط بية

اصيلة : يلة اني اترخص ديرو بالكم على البزر

حكيم : رحم الله والديج

اصيلة : والديك

نجاة : انطونيا

نزار : لا جيبو اني انيمة يمي

حكيم : انتو صدك تحجون

فاروق : صدك هاذة وين انيمة

حكيم : جيبلة كاروك وجرباية وملابس

فاروق : ميخالف بس خل يطلع الصبح

نرمان : بهل اثناء دك مبايل فاروق باوع بوجوهنا وفتح خط

فاروق : الو

ايثار : اررررريد ابنيييييي وين اخذذذذذت الطفلللل فاررروف اجيبةةةةة وغصبا ما علييييك

فاروق : امشي لج ماعندج طفل يمي

ايثار : والله فارررروق والله اذا ما جبتة احرك روحي

فاروق : حركتهم

ايثار : ولكممممم انتووووو بشرررر الله ياخذذذك وياخذذذ ابووووية وياخذذذذكم كلكم جلاااااااب

نرمان : سدة بوجها وشمر المبايل على التخم ضل كاعد ولازم راسة

حكيم : اخذلها الطفل اشوفة

فاروق : لاحددددد يدددددخل معلييييكم بيةةةةة

نرمان : عم الهدوء بالمكان ما طول فاروق شوية وطب الغرفة ضل الطفل على التخم واحنة واحد يباوع بوجه الاخ

حكيم : هاذة راح يخبلني

نجاة : اذا اهلها ذبو الطفل وميردون بتهم تصحى اشوفة يعني اكيد اذا ضل يمهم راح يعذبو وميريدو

نرمان : هسة لو بعدين ايثار تعوف هاذة الطفل وتشوف حياتها احسن متركة بالشارع تعوفة يم ابو

حكيم : بلا زحمة ابو وين !

نزار : ادري مابينة واحد بي خير وعندة اهل مثل الاوادم

نجاة : مكتوب حتى ابنة يتبهذل مثلة

حكيم : مو كل ام مثل نرجس وعواطف لا تاخذون غيبة واحد مهمى يكون هاي ام و (نفسة) وكلبها محروك

نرمان : خطية والله اني لو اجيب وتاخذ ابني اموت والله .. حسيت خنكتني العبرة ولزمت صدري .. خاف اسوي مثل فاروق وتاخذ الطفل مني

حكيم : اخذة وين اودي

نجاة : بلا خبالاتج الطفل كام يبجي

نزار : خل اشيلة

نرمان : هاك حطة بحضنك شوية وانطينيا

نزار : ليش يبجي الازرك

نرمان : يا يخبل جنة امة

نزار : والله ياعمو لو عندي حليب ارضعك

نرمان : خربت من الضحك ونزار متأثر شوية ويبجي على الطفل

حكيم : اخذي الطفل كام يمسلت

نرمان : اخذتة منا وضلينة كاعدين وكل شوية نشربة حليب صارت ساعة 4 الصبح توضينى وصلينة الفجر كملنة وراحو حكيم ونزار كل واحد على قنفة ونامو

نجاة : اني راح انزل احجي ويا مؤيد عندة واجب ويريد اسهر ويا

نرمان : براحتج .. نزلت جوة وحسيت روحي انثولت من النعاس حطيت راسي بصف الطفل ونمت وكل شوية افز الكا يبجي صارت 7 الصبح وسمعت صوت فاروق بالحمام يتقيئ كمت دكيت الباب علية ..

فاروق : هااااا

نرمان : رجع يتقيئ ويكح سمعتة صاح ..

فاروق : ماكو شي روحي

نرمان : رجعت كعدت يم الطفل حسيت طاقتي خلصت تمددت بصفة وغمضت عيني شوية وسمعت صوت همس ..

فاروق : شارب حليب !

نرمان : فتحت عيني .. اي

فاروق : راح اخذة يمي شوية بين ما ابدل وقبل لا اطلع للدوام ارجعة يمج

نرمان : ماشي .. شال الطفل وراح ضليت مغمضة عيني بس طارت النومة دقايق وسمعت صوت قران كمت عدلت كعدتي ممصدكة الجاي اسمعة

يس (1) وَالْقُرْآنِ الْحَكِيمِ (2) إِنَّكَ لَمِنَ الْمُرْسَلِينَ (3) عَلَى صِرَاطٍ مُسْتَقِيمٍ (4) تَنْزِيلَ الْعَزِيزِ الرَّحِيمِ (5) لِتُنْذِرَ قَوْمًا مَا أُنْذِرَ آبَاؤُهُمْ فَهُمْ غَافِلُونَ (6) لَقَدْ حَقَّ الْقَوْلُ عَلَى أَكْثَرِهِمْ فَهُمْ لَا يُؤْمِنُونَ (7) إِنَّا جَعَلْنَا فِي أَعْنَاقِهِمْ أَغْلَالًا فَهِيَ إِلَى الْأَذْقَانِ فَهُمْ مُقْمَحُونَ (8) وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ (9) وَسَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لَا يُؤْمِنُونَ (10) إِنَّمَا تُنْذِرُ مَنِ اتَّبَعَ الذِّكْرَ وَخَشِيَ الرَّحْمَنَ بِالْغَيْبِ .. جزء من سورة يس

نزار : شنو الجامع نقلو بغرفة فاروق

نرمان : تسمع !!!! مشغل قرأن للطفل

نزار : چا ابنة ينام واني اكعد عمييي ارررريد انااام

نرمان : بداخلي الدنيا ما لمتني من سمعتة مشغل قرأن حتى النومة راحت من عيني سمعتة سد باب غرفتة اجة انطاني الطفل وراح يلبس حذائة

فاروق : اي شي تحتاجون خابروني اذا انتكس لو ضل يبجي هم خابروني

نرمان : ماشي

فاروق : وامانة بركبتج لاتقصرين ويا ادري اضغط عليج بس اختي عار .. واعتبري مثل ابنج

نرمان : تدلل اصلا اشوفة مثل ابني .. طلع وسد الباب فتحت مبايلي ودكيت على نجاة مشغول .. اخذت الطفل وطبيت الغرفتي نيمتة على الجرباية ونمت بصفة للضهر

حكيم : نرمان وين !

نزار : راحت الغرفتها الطفل للصبح ما نام

حكيم : ونجاة ماضلت يمها

نزار : نجاة بس شافتنة غفينة طفرت الغرفتها

حكيم : اكوم اشوفها

نزار : كعدها خل اسويلنا ريوك

حكيم : سوي الروحك

نجاة : صباح الخير

حكيم : تعاي تعاي

نجاة : ها

حكيم : انتي ليش عديمة المسئولية

نجاة : ليش

حكيم : نرمان حامل ولصبح ما نامت ويا الطفل

نجاة : اني كاعدة وياها للصبح

نزار : جذابة وروح ابو حسيبة

نجاة : حاروكة

حكيم : استغفرلله .. عفتهم وفتحت باب غرفتي لكيتها نايمة والطفل يبجي بس ما حاسة علية شلتة من يمها مباشراة فزت

نرمان : راح ابجييييي ميخليني انااااام شلون راح اعيششش ويا هاذة الطفل وانوب راح اخلف

حكيم : شعبالج الخلفة سهلة مو كتلتي روحج اكليها

نجاة : انطينيا اني اشربة حليب

حكيم : طفيت الضوة وطلعت عفتها نايمة للعصر ..

فاروق : السلام عليكم

_ عليكم السلام

حكيم : دخل بيدة كارتون وغراض للطفل فرحت من شفتة مهتم بي

فاروق : اريد درنفيس اشد الكاروك

حكيم : تربعو بالكاع هوة ونزار

نزار : جايبلة ليفة !!!

فاروق : مو صغير وجسمة يتحسس يسبح وحدة بيها

حكيم : يمعوووود هاذة ميليف

فاروق : خليها من يكبر متنشمر

نجاة : الله شكد حلو هاذة الكرسي

فاروق : الموضفة كالت هاذة ينام بي ويشتغل على الريمونت يهز الطفل حتى ينام

نجاة : يجنن

نزار : والله اب حوك حتى عوادين اذان جايبلة

نجاة : ليش هلكد جايب حفاضات ورقم واحد راح يصغرن وهوة ملابسهن

فاروق : اليبقة لبسوهن للطفل الجاي

حكيم : رحم الله والديك وفرت

نرمان : طلعت من الغرفة راسي مسطور حطيت حجاب على راسي وفتت .. صباح الخير

نزار : تعالي شوفي فاروق مجهز الكنوش منا لما يعرس

نرمان : باوعت للصالة هوسة ومكلوبة بالغراض والاكياس .. حسيت حكيم يتلمس بوجهي

حكيم : مصخنة !

نرمان : ما ادري

حكيم : هاذة اهمالج من تسبحين ومتنشفين شعرج وتنامين على البنكة

نجاة : اسويلها حامض شلغم للعشة يفيد اذا فلاونزة

نرمان : لا بس اريد برودة محترة ..

حكيم : اشوف بلاعيمج

نرمان : تلمس بلعومي بيدة

حكيم : مورمة اليسرى

نرمان : اي توجعني

حكيم : بلا أمر عليج سويلها مي حار وشكر

نجاة : تدلل

نرمان : لليل ضليت ما اكدر اكل شي وجسمي ابرد واحتر بنفس الوكت صارت ساعة 9 وحسيت نفسي اتخربطت لفيت نفسي بالبطانية وكمت ارجف

حكيم : شلون صرتي

نرمان : ارررجف

حكيم : تكومين اخذج للمستشفى

نرمان : لا بس اريد خافض حرارة راح اموت .. تقرب يتلمس بيدي وجهي

حكيم : كومي انتي مشتعلة نار

نرمان : فتح الكنتور وطلعلي ملابس اخذني للحمام وفتح المي البارد شهكت .. راااح يوووكف كلبيييي

حكيم : لازم تبردين

نرمان : رلح اتمرض اكثر

حكيم : اسكتي ومعليج

نرمان : كمل وبدة يلبسني ملابسي طلعني من الحمام وشغل صوبة كعدت يمها جاب شسوار وكعد ورا ضهري ينشف بشعري

حكيم : ليش هيج اسوين بروحي .. مو اكلج ديري بالج على نفسج

نرمان : رجعت راسي على رجلة وغمضت عيني .. تخاف علية

حكيم : انتي نفسي والنفس عزيزة

نرمان : وانتة روحيييي .. كمل وربط شعري سمعت الباب تندك

حكيم : منوووو

نجاة : اني

حكيم : طبي

نجاة : ها نونو شلون صرتي

نرمان : زينة

نجاة : جبتلج حامض شلغم

نرمان : حطت الصينية كبالي .. اكلت منة

نجاة : ها عجبج

نرمان : اني ما احبة بس انتي مسويتة طيب

نجاة : شغل ادية وحياة عنية

حكيم : الطفل وين

نجاة : كاعد بحضن فاروق وانطيتة ممية يشربة خل شوية يشيل مسؤلية موتني

حكيم : السانج طولان

نجاة : منيلة

نرمان : كعدت اكل اجت كابلتني وكعدت طلع حكيم برة واحس نجاة تريد تكول شي

نجاة : نونو

نرمان : هممم

نجاة : مؤيد يريد يجي بس يستحي

نرمان : خل يخابر حكيم ويكولة اريد اشوف خطيبتي

نجاة : ميقبل يكول استحي

نرمان : شلون لعد

نجاة : كولي الحكيم نعزمة

نرمان : ماشي

نجاة : حبابة قنعي مو بس تكليلة

نرمان : منو يطبخ وينضف !!!

نجاة : ااااااني

نرمان : ابتسمت .. اذا هيج باجر نعزمة

نجاة : استغلالية

نرمان : شالت الصينية وطلعت .. حسيت نفسي احسن .. اجة حكيم وكلتلة نعزم مؤيد وقبل مر اسبوع وصرت زينة ورجع الطفل يمي ونجاة مدير بال وكلشي وكع براسي وفوك كل هاذة عندي امتحانات

حكيم : ليش منطهرة

فاروق : لا بعدة صغير اخاف علية

حكيم : صغير احسن ميحس .. باقر طهرنا عمرة 4 ايام

فاروق : خل يطلع اربعينة ونطهرة

حكيم : بكيفك

نزار : اجة النسيب

فاروق : ادري شنو المناسبة عزمتة !!

حكيم : الة مناسبة

نرمان : اخذت الطفل ولبست حجابي عدل رحت للمطبخ

نجاة : لجججج اجةةةة

نرمان : يلة هل نصب لا يبجي كنان ويخليني الطم

نجاة : هوة اكوو مثل كنوش

نرمان : شالتة نجاة نيمتة بكاروكة وراحت تسلم على خطيبها .. بديت اصب بالغدة

نجاة : ها وين وصلتي

نرمان : ودي السفرة

نجاة : لج فاروق اكلة للولد

نرمان : الله يستر انتي وحمرتج الوردية

نجاة : تخبل

نرمان : بدينة نودي بالمواعين للهول .. شفت الولد كاعد بصف حكيم ويحجون وما ادري شيراوي بالمبايل

نزار : تفضل ضلعي

مؤيد : يزيد فضلك

نرمان : كعد حكيم بصفي وخلا نجاة بصفة وفاروق حتى لكمتة كامت متنبلع

مؤيد : عاشت ايدج حبيبي

فاروق : انطووووني ااااااالبن

نرمان : لزمتني الضحكة ونجاة حتى وجها عرك من الخوف انطيتا البن وسمعت صوت كنان يبجي ..

فاروق : نجاة كومي شوفي كنان

نجاة : اي

نرمان : ما ادري ليش هيج يتصرف بس عندة نجاة خط احمر ويا الكل .. مرت العزيمة على خير وراح الولد ..

نجاة : لج شفتي .. خابرني مؤيد يكلي شبي اخوج بس ينتر وماعندة اسلوب

نرمان : شكد عيب

نجاة : الة اكول الحكيم والله عيبببب والله

نرمان : شيسويلة مثلا لاتحجين ولاتخلي يكرهج

نجاة : لج ايثار من جابت لحد الان ادك علية وميجاوبها حتى على حكيم ونزار دكت

نرمان : خطية والله كلبي انمرد

نجاة : اي تريد تشوف ابنها وفاروق قافل

نرمان : شكد كلبة قاسي .. بهل اثناء فتح الباب حكيم

حكيم : هاج جاوبي ايثار وكليلها كلهم طالعين واذا سألتج على ابنها كليلها بخير وزين وفاروق مداري

نرمان : اخذت المبايل منة وفتحت خط .. الو

ايثار : الوووو

نرمان : هلو حبيبتي

ايثار : منو انتي اريد احجي ويا حكيم

نرمان : طالع اني نرمان كولي شبيج

ايثار : فدوة نرمان ابوس ايدج اريد ابني كليلهم اريد ابني ما اكدر بعد حتى عيوني ما اشوف بيها راح اعمى اريد اشوفة تقبلين !! تقبلين ياخذون ابنج منج

نرمان : ابنج زين الحمدلله لاتخافين علية والله حاطتة بعيني

ايثار : يعني يمج موجود الخاطري افتحي كامرة اريد اشوف وجها

نرمان : جيبي نجاة .. راحت نجاة تجيب الطفل وصار صوت بجي ايثار عالي فتحت كامرة وصورتة

ايثار : اااااااخ يمةةةة حبيبي شلووونك حرموووني من شوفتك بس والله ما اعوفك يم احد نرمان حبابة لاسدي

نرمان : ضليت فاتحة كامرة وهية تحجي ويا

ايثار : ملابس كلها عندي شتريتلك كووومة ملابس ان شاءلله ميصغرن عليك وتلبسهن .. نرمان فتحي من الكماط خل اشوفة

نرمان : فتحت الكام وصار يتمغط ابتسمت على شكلة الحلو

ايثار : حبابة لاتكمطي هواي شوفي شلون ارتاح من فتحتي

نرمان : لا ما اكمطة

ايثار : اسفة طولت عليج بس اريد اشبع عيني منة

نرمان : لا عادي .. دقايق وسمعت صوت باب البيت انسد خفت لا فاروق اجة .. ايثار لازم اسدة

ايثار : لا فدوة بس شوية وسدي

نرمان : ضليت امتمت اشرلي حكيم اسدة كبل سديتة وطفيت الانترنيت

فاروق : ووووينكم

حكيم : طلعيلة ابنة لا يعرف بالسالفة مالنة خلكة

نرمان : اخذتة نجاة وطلعت انقهرت على ايثار احس اني لو بمكانها اموت

حكيم : تعاالي اقري

نرمان : معدتي تريد تكلب وراسي يوجعني خليها باليل

حكيم : عوفي كلاواتج

نرمان : جاب كتبي وكعد كبالي يشرح وين واصلين حسيت معدتي كامت تكلب ما اتحملت وكمت اركض للحمام اتقيئ

حكيم : الله الله شجاج

نرمان : ما ادري اطلع .. تضفت الحمام وطلعت راسي يموتني

حكيم : ضغطت عليج

نرمان : لا بس اني ما اتحملت .. حباب خل اجل السنة

حكيم : اشضل حتى تأجلين اسبوع الجاي امتحاناتج

نرمان : شلون اروح امتحن خاف اتخربط

حكيم : لا متتخربطين بس كولي يا الله

نرمان : تنهدت ورجعت للفراش ما استسلم ورجع يقريني .. بهاذة الاسبوع هواي اتأذيت من الصبح لليل بس اقرة ودايخة وحكيم منع كنان يجي يمي بس يم نجاة حتى ما التهي عن دراستي .. اجة اول يوم امتحانات كعدت ويا صلاة الصبح

حكيم : عفية بابا صلي وراجعي حتى الله يوفقج

نرمان : كمت توضيت وصليت كعدت على السجادة وتعلمت من حكيم اكول 7 مرات بعد كل صلاة ( لا إله إلا أنت سبحانك إني كنتُ من الظَّالمين،) راح ينفتح كل باب مسدود وهاذة مأخوذ من دعاء الكرب ..

_ كملت وكعدت اقراء

حكيم : يلة استعجلي بدلي ما ضل وكت

نرمان : اي سديت الكتاب وكمت لبست قميص وصدرية يادوب اطب بية

حكيم : هاي شلووون اداومين بيهاااا !!

نرمان : حبيبي ما ضل وكت الخاطري لا تعلق .. رحت الف حجابي على المراية وهوة واكف وراية متخوصر وفاتح حلكة ويباوع على الصدرية سويت نفسي ما اشوفة

حكيم : لبسي شي فوكاها

نرمان : رحت عالسريع لبست كوت رصاصي هم الجو بارد وهم يغطي قفلتة واخذت محفظة مال اقلام وطلعنة

نزار : ها نمنم

نرمان : ادعيلي نزار ادعيلي

نزار : روحيييي ان شاءلله مجاوبين

حكيم : من حلكك الباب البيت

نرمان : صعدت بالسيارة ماعندي وكت اجادل وصلني للمدرسة نزلت ونزل وياي وكف باب المدرسة

حكيم : سمي بسم الله واول شي جاوبي على الاسئلة التعرفيها والتصعب عليج عوفيها اخر شي فكري وجاوبي

نرمان : اي ماشي .. طبيت للمدرسة اول ما شافوني البنات باوعلي بنضرة غريبة عفتهم وطبيت ادور على قاعتي .. لكيت اسمي وطببت كعدت بدو البنات يجون طبت المدرسة واخذت الجنط والكتب والمبايلات وفتشو الرحلات .. سلمو الاسئلة وكعدت احل

المراقبة : ما ضل وكت ربع ساعة والم الدفاتر

نرمان : بقة اخر سؤال طار من راسي اذكر حكيم كالة قبل لا نطب بس مجاي اذكر شنو الحل اجت سحبت الدفتر من الرحلة كمت ابجي ..

_ اخذت جنطتي وطلعت من المدرسة كمت ادور على حكيم بعيوني لمحت طولة بس صايرة كبالة مرة ومطيتني ضهرها شفتة يضحك ومندمج يسولف رحت علية امشي سريع بس شافني اختفت ابتسامتة

حكيم : ليش تبجين

نرمان : رحت بصفة والمرة الجانت تحجي ويا بس شافتني ضحكت ضحكة مال رقاصات

_ اوي هاي بنتك ؟

حكيم : هاي مريتي

نرمان : فتحت الكوت وبينت بطني حطيت ايدي على ضهرة .. اليوم كلش تعبت

حكيم : سلامتج

_ يا عيني صغيرونة وحامل

نرمان : استأذن منها واخذني للسيارة .. فتحت الباب وصعدت ضلت تباوعلي وتعلج حسيت ودي انبت اضافيري بركبتها

حكيم : شلونج بالامتحان

نرمان : رديت بعدم لا مبالا .. زينة

حكيم : ليش اجيتي عيونج مدمعة اكو شي يوجعج

نرمان : لا

حكيم : شبيك حبيبي

نرمان : مابية .. ضل ساكت ما حجيت ويا وكلبت وجهي وصلنة للبيت ساعة 10 ونص نزلت من السيارة وركعت الباب طبيت جوة سلمت على عمتي

اصيلة : شبيج كالبة جهرتج ما عاجبج احد

نرمان : مابية

حكيم : بطي السالفة لا اطكين

نرمان : شعندك واكف ويا ام حواجب

حكيم : شافتني واكف اجت ادك سوالف اطردها !

نرمان : لا عيني شلون تطردها وتجرح مشاعرها غير تسمع سوالفها

اصيلة : رهيف مثل ابو

نرمان : باوعتلة صفح ورجعت اكلب بالكتاب متجاهلتة عافني وطلع شمرت الكام وباوعت العمتي ..

اصيلة : اني شعلية تخزريني

نرمان : خاف يصادقها و يزوج علية

اصيلة : دام ابن فاضل كلشي اتوقعي

نرمان : والله اذبحة والقران اذبحة هوة ونايم وذيج عجوز البين اني اعلمها

اصيلة : العقل من الله

نرمان : اخذت غراضي وصعدت فوك طبيت للبيت شفت نجاة حاطة كنان على رجلها تهزة

نجاة : هاج من البارحة ما نايمة

نرمان : اخذتة منها وطببت الغرفتي بدلت ملابسي ونزلت جوة افتر بي بالحديقة

اسراء : ولج طبي موزين على الطفل يطلع برة

نرمان : اخذتة وطبيت جوة حطيتة على القنفة وكمت انضف وياهم بالبيت شفت اسراء شالتة تلعبة

اصيلة : نضفي اخشاب الهول وتعالي غسلي الطرمة

نرمان : اي .. رحت للهول اول ما فتت سمعت الطفل يفحط .. شبيييي

اسراء : ما ادري مكروص مثل ابو

نرمان : رحت شلتة اسكت بي والطفل فاحط وميجر نفس اتخبلت كمت ادك على ضهرة واصيح .. عمةةةةة تعااااالي شووووفي كنااااان فاحط لجججج اسراء اسوووويتيلة

اسراء : اني شعلية جنت كاعدة يمة وفحط

نرمان : ما ادري شلون رد بي النفس وضل يبجي كلبي انمرد علية فتحت كماطة وطبطبت على ضهرة

اصيلة : اخذي وصعدي فوك اذا صار بي شي شيخلصنة من ابو

نرمان : اخذت الطفل صعدتة فوك وضليت يمة ما عفتة للضهر طب فاروق بس نزع حذائة اجة شالة وباسة

فاروق : مو كبران

نرمان : اي ماشاءلله

فاروق : امتحنتي اليوم

نرمان : اي بس اخر سؤال ما جاوبت

فاروق : ميهم خوفج من السادس يعتمد على المعدل

نرمان : بس خل تعدي هاي السنة مو متت

فاروق : بعدج ما شايفة شي

نرمان : حسيتة صار احسن من قبل تصرفاتة وكلامة حتى طلعاتة صار ميطلع الا قليل ومن يجي مو طافي مثل كل مرة ..

فاروق : محتاجين شي اجيبلكم

نرمان : اي العصر جيب حليب الكنوش وحكيم يكول لازم باجر تلقحة

فاروق : ان شاءلله

نرمان : اخذ ابنة وطب الغرفتة وكالعادة يشغلة قرأن

نزار : مساء الموز لعيونك الجوز

نرمان : هلا

نزار : الحكيني بالغدة

نرمان : تدلل .. رحت للمطبخ صبيتلة غدة وديتلهيا وجبت كتابي وكعدت كبالة اقرأ .. مرت دقايق وطلع فاروق من الغرفة وجها ميتفسر ويريد ياكل اوادم

فاروق : شبيهاااااا ايدددد كنااااان

نرمان : شمرت كتابي وكمت اباوع علية رافع ردانة ومطلع جتفة ازرك وداير مدايرة احمر .. هاااي شنووو

فاروق : ما ادررري اني جاااي اسألج هاااي شنو ايدة

نرمان : اتذكرت من فحط بيد اسراء .. يجوز نايم عليها

فاروق : شنو كدامج اثول ! هاي كرصة

نرمان : ما ادري والله الضهر فحط يجوز منوراها

فاروق : راح اخلي الكاروك مالتة بغرفتي وممنوع اطلعي نهائيا واني اجيبلة جهاز ارسال كامرة اخلي يمة ويمج واذا بچى اسمعي

نرمان : اي احسن

نزار : خاف عمتج المسمومة كارصتة

نرمان : اشرتلة يسكت .. راح فاروق وباوعلي نزار

نزار : عمتج كارصتة

نرمان : لا اسراء لأن جان يمها والصراحة اني ما شفتها بس قابل منو يكرصة وهوة فحط بيدها

نزار : اني الها فتون ام الخبط بس خل انام وارست وارجعلها

نرمان : هدء البيت وكل واحد راح الغرفتة طبيت الغرفتي وضل بالي يم حكيم طلع وما رجع .. اريد ادك علية بس ضايجة منة للمغرب وشفتة فتح الباب وطب

حكيم : شبيها مدام نفيخة

نرمان : العفو تقصدني

حكيم : لا احجي ويا ام حواجب

نرمان : خل تفيدك .. كمت اريد اطلع جرني وصاح

حكيم : وين مولية

نرمان : انام جوة الغرفة خنكة

حكيم : لاصيرين ام عقلين

نرمان : تقبل اوكف اسولف واضحك ويا ولد !

حكيم : اشك حلكج

نرمان : خلص .. فتحت الباب جرني وسدها

حكيم : والله هي وكفت تسولف وصدفة من طلعتي ضحكت

نرمان : شكلتلك وضحكت !!

حكيم : حجت على بتها حتى ما اذكر شكالت

نرمان : ما اكدر اصدكك ..

حكيم : وراسج

نرمان : زين صدكتك وبعد ممنوع توكف وياها

حكيم : حاضر ماما

نرمان : يلة افرح رضيت عليك

حكيم : امشي لج

نرمان : عافني وراح للحمام حبيت اسوي اجواء شغلت كل الشموع العندي بالغرفة ورتبت الفرشة وبدلت وكفت على المراية احط مكياج .. فتح الباب وطب حكيم

حكيم : احبك والمسافة وياك جرباية وثنعش بوسة

نرمان : حضني من ضهري وباس ركبتي يطبع بيها اثر سمعت الباب تندك .. حبيبي الباب

حكيم : شبي

نرمان : يندك

حكيم : عوفي

نرمان : شتعمق بلمساتة رجعت الباب تندك اقوى

نزار : شنو نايييمين بعد وكتتتت

حكيم : شتريد

نزار : اذا كاعد متفتح الباب تخليني واكف ياحيف الخوة هيج اصير

نرمان : وكفت ورا الباب وراح حكيم فتح الباب الة كبل مد راسة يباوع للغرفة ..

نزار : شعدكم ليلة الوحشة

حكيم : انجب واحجي

نزار : اسأل مرتك وين حاطة الفحم

حكيم : شسوي بي !

نزار : اريد اشوي تكة

حكيم : بالحديقة اكو كونية مال فحم

نزار : لا اريد الفحم ابو الكارتونة

حكيم : تشوي تكة على فحم مال نركيلة !

نرمان : عرفتة يريد يسوي نركيلة ويخاف من حكيم .. تلكا بالمجر مال كاونتر

نزار : هاي وين خاتلة

نرمان : سد الباب بوجها وباوعلي

حكيم : هاذة يدخن !

نرمان : تؤ تؤ

حكيم : متأكدة

نرمان : والله .. بكلبي استغفرت لان يومية ورا 12 باليل يسوي نركيلة ويكعد بغرفتة

حكيم : انعل ابو كرشج

صباحا ..

نرمان : كعدت الصبح متأخرة كمت ما اشوف بعيونة لبست شلون ما جان وطلعنة

حكيم : حبيبي والله توصلين بالوكت بس لاترجفين

نرمان : راح يفوتني الامتحااان

حكيم : سمي باسم الله

نرمان : صعدت بالسيارة وساق بسرعة اول ما وصلت للمدرسة نزلت اركض بيدي اقلامي طبيت ولكيتهم جاي يوزعون الاسئلة الحمدلله ما كالو شي كعدت وبديت احل والتوتر مسيطر علية .. ما ادري شلون مر الوقت بدون ما احس بدو يسحبون الدفاتر وطلعت اخر وحدة من القاعة

_ طلعت من المدرسة مطنكرة باوعت على حكيم هم واكف ويا هاي المرة رحت يمهم

حكيم : هلا حبيب كلبي

نرمان : هلاو .. شلونج خالة

_ الحمدلله انتي شلونج شلونها الاسئلة

نرمان : زينة .. انتي ام الطالبة زينب

_ لا اني مو امها اني اختها الجبيرة

نرمان : عبالي امها .. يلة حبيبي راسي يوجعني ونفسي تلعببببب

حكيم : ما ضل شي وتهون

نرمان : عفتهم وصعدت بالسيارة شفتة يسلم عليها وهز راسة واجة صعد مبتسم

حكيم : شلونها جفون عيني

نرمان : يااا جفووون يا رموووش سوق واسكت لا انزل من السيارة واعوفك واهج انوووب ويا اخت زينب حكيم اشرررب من دمك

حكيم : اعصابج حبيبتي

نرمان : يا اعصاب خليت بيها اعصاب .. باجر نزار يوصلني

حكيم : براحتج حبيبتي اهدي موزين عليج

نرمان : شفتها شلون اطك بالعلج اخخخخ كلبي .. وصلني للبيت وطول الطريق يباوعلي ةساكت نزلت من السيارة وصعدت فوك

نجاة : شبيج

نرمان : اريد مي بارررد كلبي معطب

نجاة : هاج كنان حطي بحضنج

نرمان : اخذتة منها .. اليوم حبيبي لابس احمر

نجاة : اي هاذة التراك جابلهيا فاروق

نرمان : فدوة يخبل انووب ملبسي جواريب حمر راح اكلة

حكيم : نمنمتي

نرمان : وين صرتي اريد ميييي

نجاة : هاج

حكيم : نونو

نرمان : فاروق جابلة حليب

نجاة : اي وجابلة ممية جديدة

نرمان : يمة شلون يحبة .. ينكرط كنووش

حكيم : حبيبتي

نجاة : شبيج مو يحاجيج

نرمان : كولي لاخوج العصر عندي روحة للدكتورة

نجاة : اصاير !

حكيم : كوليلها تشلعين عيونة

نجاة : معناتة انتة غلطان

حكيم : يابة اسويت شبيكم

نرمان : اني اريد انام بغرفتي الجوة بعد

حكيم : لاطلعيها من ماعونها

نرمان : استمريت متجاهلتة مل وطلع ضليت ملتهية ويا كنان ابدلة والعبة ومرات اقرأ للضهر طب نزار

نزار : احم يا الله

نرمان : شبيك من الباب

نزار : كمال وين !

نرمان : بالشغل ميجي غير العصر .. شمر غراضة ونضارتة ونزل جوة نزلنة وراه اني ونجاة

نزار : شلونج سرسور

اسراء : هلاو بيك عيني

نزار : عندي بحث بالكلية واريدج اساعديني بي

اسراء : اني مكملة سادس ابتدائي .. على شنو يحجي البحث

نزار : عن احساس الحاقد بممارسة حقدة وضخ السم في جميع انحاء المنزل

اسراء : يا ادب سز هاي ويامن تحجي

نزار : ولج هايشة تريدين تموووتين تموووتين من الحقد بالعباس اكطع عطوبج واخليج تفرين بيهن منا ومنا

اسراء : ولك شمسويتلك

نرمان : صفك بيدة وصاح ..

نزار : ولج انتي تكرصين ابن اخوي واسكتج اهمداني وامداج

نرمان : لزمت بطني كد ما ضحكت ..

نزار : اني اكدر اشلع الحار والبارد مال وطنية واشكلهن باذناتج بس راح اسكتلج هل مرة .. بس المرة الجاية اخليج ادكين جوبي ويا الوطنية

نرمان : وجها صار احمر دم ومتعرف شتحجي راحت طلعت التبسي من الفرن حطتة على الميز

نزار : نجاة شيلي التبسي ولحكيني فوك

اسراء : يا هاذة غدانة

نزار : اختاري التبسي لو الوطنية

اسراء : احنة شنتغدة

نزار : مو مشكلتي

نرمان : شالت نجاة التبسي وصعدو فوك باوعتلي اسراء وشالت الصينية الستيل تريد تركعني بيها طفرت وراهم صعدت فوك .. لكيت حكيم جاي

حكيم : ام رجلهاااا

نرمان : خيرررر

حكيم : لج ابوية اني اعمى وياج و بدونج .. ماشوف غيرج بالدنيا

نرمان : البارحة شحجينة !

حكيم : يابة واذا حجيت وياها جريمة

نزار : لا حكيم خطية نونو يومية ويا وحدة شكل مو راح يجيك طفل شوكت تعوف هاي السوالف

نرمان : غرغرت عيوني .. صدك انتة يومية ويا وحدة

حكيم : ناوشيني النعال

نزار : بالعباس اشاقة وياك

نرمان : اجة كعد بصفي يراضيني اتنفقنة يوصلني ويضل كاعد بالسيارة لحد ما اطلع .. للعصر اخذني للدكتورة وسوينة سونار ثلاثي الابعاد بوكتها الدنيا ما لمتني من شفتة علت الصوت وسمعت دكات كلبة ..

حكيم : صدك هاذة كلبة

الدكتورة : اي

حكيم : ليش سريع

الدكتورة : عادي هاذة نبضة الطبيعي

حكيم : زين دكتورة .. انتي شنو اشوفين الافضل الها والعمرها اجيب طبيعي لو عملية

الدكتورة : اكيد طبيعي افضل

حكيم : مو بعدها صغيرة

الدكتورة : لا بالعكس اصغر منها ويولدن طبيعي

حكيم : بس اني اشوف العملية احسن الها لا تتأذة ولا تطلك تنام وتكعد جايبة

الدكتورة : ابد ما انصح بالعملية بعدها صغيرة تدخل عمليات وفتح بطن صدكني ما عليها شي اجيب وتكوم بالسلامة وان شاءلله اني اجيبها

حكيم : ان شاءلله

نرمان : مسحت الجل من بطني وكمت .. زين شوكت نعرف ولد لو بنية !

الدكتورة : ولد

نرمان : باوعت على حكيم فرحانة ..

حكيم : صدك

الدكتورة : اي

نرمان : نزلت من السدية ورحت حضنت حكيم بكل قوتي نسيت اني وين

حكيم : اشكرج دكتورة الله يبارك بيج

الدكتورة : اهلا وسهلا

نرمان : طلعنة من المجمع وصعدنة بالسيارة .. حضني وباسني من راسي مغمض عينة

حكيم : نسمي ادم

نرمان : شنو

حكيم : اسمي على اسم نبي الله ادم

نرمان : حلو يجنن

حكيم : اتمنيت تجيني مؤنسة واسميها فاطمة

نرمان : ميلت راسي اباوعلة .. تحب البنات

حكيم : زينة الحياة ..

يتبع ..

نهاية البارت : صوتو للبارت .. بقة 3 بارتات واختم الرواية .. البارت القادم بي احداث مهمة .. احبكم ♥️

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

كضوء الصبح يلقاني أمات الحب عشاقا وحبك أنت أحياني ولو خيرت في وطن لقلت هواك أوطاني ولو أنساك يا عمري حنايا القلب.. تنساني إذا ما ضعت في درب ففي عينيك..

تابعوني انستا duu_199

_________________________________________

حكيم : اتمنيت تجيني مؤنسة واسميها فاطمة

نرمان : ميلت راسي اباوعلة .. تحب البنات

حكيم : زينة الحياة ..

نرمان : كافي اني ونجاة ما مونساتك

حكيم : لا شلون غير مكرهيني بعيشتي

نرمان : طلعت الساني اعيب .. انداريت اباوع من الجامعة كرص خدي واخذني للاسواق اشترالي حلويات الي والنجاة .. رجعني للبيت نزلت فرحانة اريظ ابشرهم

نزار : فرحان ابو علي

نرمان : راح يجينى ولدددد

نزار : لااااا

نرمان : كالها وعقج وجها .. شبيك خاف ما عاجبك

نزار : عمي اريد بنية باجر عكبة تخدمني اني ومرتي

نرمان : لا والله مو حاطتلكياها وقف

نزار : تاج راسج انتي وجهالج العفطية

نرمان : دشوف منو يزوجك

نزار : اني ازوج ميرادلها واحد يزوجني

حكيم : لااصير ساقط

نرمان : نرفزني عفتة وطبيت جوة شلت كنان وبوستة

فاروق : من اجيت ليهسة يبجي

نرمان : نجاة وين

فاروق : مطمورة

نرمان : فتحت حفاظتة لكيتة محروك كلش حتى دم طالع من عندة

فاروق : طيح الله حضج نجاة

نرمان : سودة علية لازم تروح اجيبلة كريم مال حفاضة .. اخذسوية ونزل جوة ضايج

حكيم : نجاة صايرة مهملة كلش

نزار : اي يرادلها سحلة من شعرها تمسح بيها البيت

نرمان : اخذت كنان غسلتلة ورجعت نيمتة وحطيت جوا قماش بي نايلون .. كعدت بصفة انتضر ابو يجي حتى البسة حفاظة

حكيم : باجر المحكمة الاخيرة مال نجم .. وراها اطلع البغداد

نرمان : وامتحاناتي !

حكيم : نزار يوصلج لازم اطلع البغداد اكو مشكلة

نرمان : هزيت راسي وضجت كالعادة اختنك من يروح البغداد

نزار : بس خل اخذ الباج اسجن حتى فاروق

حكيم : المحامي العفطي نزار فاضل

نزار : اريد افتح مكتب محاماة

حكيم : الله كريم تخرج ومن عيني هاي قبل هاي

نزار : واسوي بوفي مفتوح اول يوم

نرمان : هاذة مكتب لو مطعم

نزار : افتح نفسهم على الدعاوي والمحاكم

حكيم : امشي ولي شوف فاروق وين صار لا افتح راسك بالممية

نرمان : ضليت واكفة علما دخل فاروق بيدة عصارة رحت اخذها منة ..

فاروق : لا اني البسة انطيني الحفاظة

نرمان : ضليت فاتحة حلكي رحت انطيتة الحفاظة وكعد يحطلة دهن .. حط نص العصارة صار الطفل مينشاف حتى بصرتة طب .. لبسة الحفاظة بالمكلوبي وباوعلي

فاروق : هيج تلبس الحفاظة

نرمان : غلط الاسق من كدام

فاروق : لا ميصير معليج

نرمان : لبسة الاوفر ولفة بالبطانية وخلا بحضنة يلعبة

نزار : شو هاذة ميشبهك

فاروق : يشبه امة

نرمان : دخلت الغرفتي بدلت ونزلت جوة فتحت الباب على نجاة ودغيتها .. نجاااة كااافي نوووم

نجاة : بصوت مبحوح .. طلعي نرمان

نرمان : كاعدة !! شبيج تبجين !!

نجاة : طلعي عوفيني

نرمان : لزمت وجها مصدومة كلة مطكع احمر من البجي وعيونها مورمات .. لج شبيييج ..

نجاة : لج نرماااان فلاح طلع من السجن

نرمان : ضليت صافنة بوجها ما ادري شحجي ..

نجاة : اصيلة كالت طلع البارحة ومرتة ناشرة صورتة بالواتساب

نرمان : يطبة مرض وانتي شعليج

نجاة : لج اخاف منة خاف يعرف اني مخطوبة ويدمر حياتي اكثر واني هسة يلة حسيت بديت ارتاح واستقر ..

نرمان : ميكدر يسويلج شي والله يكسحو بس يسمعون بي

نجاة : يكدر .. لج هاذة نذل واحد خسيس وماعندة غيرة

نرمان : ذبيها ورا الله ولا تفكرين احسن من الدموع كعدي ادعي ربج يحفظج من السوء ويبعدة عنج

نجاة : اي اي بس .. اخاف يروح المؤيد ويسولفلة اني جنت اروح ويا للشقة .. لو خاف عندة صور الي ويدزهن من رقم الة ويطلع منها .. لان جان يطك وياي صور بالجرباية

نرمان : عزة بعينج وانتي ليش تقبلين

نجاة : غير رجلييي شمدريني انييي

نرمان : والله ماكو شي .. واي شي يصير لو بسيط فلاح مشكوك بي اول واحد من قبل الكل

نجاة : مو اخاف اخسر مؤيد وكل احلامي البنيتها تنهدم فوك راسي

نرمان : حضنتها بس بداخلي خفت من جابت طاري الصور كلبي كرصني من السالفة

نجاة : يعني انتي شتكولين ميسوي شي

نرمان : لا ابد ميكدر وحتى اذا سوة اخوانج ميعوفو

نجاة : هاي اخر ذرة من كرامتي كدامهم اذا انمحت احرك روحي

نرمان : اسم الله لاتكولين هيج

نجاة : الله يريح كلبج مثل ما اطمنيني

نرمان : بست راسها وضليت حاضنتها واحس بيها ترجف اذكرت ايام فاروق من جان يهددني والرعب الجنت اعيشة بسببة

ايثار : بعد ما طلعت من المستشفى ما ضل ذرة عقل براسي حسيت نفسي كمت افقد يوم عن يوم اريد اشوف ابني ..

راضي : عبالج متاكلين تلوين ايدي يطبج مرض اني جاي اصفي غراضي بس يطلعن الجوازات اهج

ايثار : اني ما اطلع من العراق واعوف ابني

راضي : انتي وذاك النعال

ايثار : كعدت بالكاع كمت املخ بشعري .. اررررريد ابنييي ارررريد اشوفة

عاشور : يابة عوفها خل تولي تبجي وتسكت مثل يومية

ايثار : ولكم ليش متحسون بية اني مو اختك ترضى ياخذون بزرك الطالع من كلبك .. عافوني وطلعو .. لزمت المبايل ادك على فاروق ميجاوب

شروق : كافي ادكين علية مو صخمتي وجه ابوج

ايثار : الله يصخم وجهة دنيا واخرة .. اجت جرت من ايدي المبايل

شروق : اخليج اشوفي بس ترجعين مثل قبل تاكلين وتلمين غراضج واسافرين ويانة .. والله محد يفيدج لا ابنج ولا غيرة تربي وتكسرين ضهرج علية وبعدين يروح لمرتة وميندلج وين

ايثار : ميخالف بس خليني اشوفة

شروق : لبسي وكعدي راح اكول لبوج راحين للسوك واخذج البيتهم اذا ما طردونة

ايثار : اي اي .. طلعت برة لبست طويل وحجاب لميت نص الملابس الي اشتريتها وما لبسها قررت انطيهن الهم حتى اشوفة لابسهن .. مرت نص ساعة واني كاعدة انتضر امي تجي

شروق : يلة امشي بس ديري بالج اجفصين كدام ابوج لو اخوتج يكطعوج ويحرموني من الطلعة

ايثار : ماشي .. طلعنة من البيت اخذتة تكسي البيتهم واحس كلبي يريد يوكف من الخوف من وصلنة كمت ما اكدر اتنفس و ما اعرف شنو ردت فعلة اذا شافني

شروق : نزلي ..

ايثار : نزلت ورجلي مشيلني لكيت باب الشارع مفتوحة كبل طبينة شفت نزار واكف يغسل بسيارتة

نزار : هااا شكووو !!!

ايثار : باوعتلة وضليت ساكتة

شروق : شلونك يمة

نزار : اهلين

شروق : اخوك موجود

نزار : فوك ضلي واكفة هنا هسة اصيحلة

ايثار : نزار حباب لاتكلة اريد بس اشوف ابني واطلع والله ما اخذة لو اسويلة شي اترجاك ارحم بية وخليني بس اشوفة ما اريد شي

نزار : تنهدت .. امشي .. وانتي خليج هنا رشي السيارة بين ما ارجع

شروق : شايفني اشتغل بالكراجات

نزار : ضلي هنا لا اصعدين اكسر رجلج

ايثار : اشرت لامي اضل واكفة .. صعد كدامي وصعدت ورا جسمي كلة يرجف طبيت للبيت اول ما شافني انصعق

فاروق : هاااي الك*** شجابها هنا

نزار : خل اشوف ابنها وتروح

فاروق : هسة اذكرتي عندج طفل من جنتي تبوكين وتكو***ن

ايثار : قاطعتة .. ابووس ايدك فاروق بس اشوفة اني ام وكلبي محروك

فاروق : امشي طلعي برة وانسي انسي بعد

ايثار : ما اطلع شسوي سوي .. كمت اشهك كعدت على ركبي كبالة .. فاروق خل نرجع سوة

فاروق : بعد بعد رخصي شكد متكدرين

ايثار : رجعني على ذمتك وخليني يم ابني والله مالي علاقة بيك طب واطلع واشرب حتى ازوج ما اكلك ليش والله ما افتح حلكي لو شسوي بية بس خليني يم ابني

فاروق : خلصتي !! يلة برة

ايثار : رفعت رداني وطلعت اثر موس بيدي .. باووع باوووع .. انتحرت بس ما متت مكتوبلي احترك كل يوم .. ليش كلبك ميحن علية

فاروق : عساج

ايثار : دكيت على صدري .. لككككك ليشششش متررررحمنيييي انتةةةةة ارررررريد اشووووف ابني طزززز بيك طززززز اريددددد ابنييييييي كاااافي ذل كااافي

فاروق : وهم مشوفي

ايثار : تهسترت ضربتة على صدرة بكل قوتي .. الله يااااخذك الله يااااخذك نذذذذل

حكيم : اصايرررر شبييييكم

ايثار : ابوس ايدك اشوف ابني بداعت مرتك اتذكرلي لو زينة وحدة سويتها وياك بحياتي خليني اشوفة

حكيم : روح جيب كنان

فاروق : كنان ميطلع من الغرفة

حكيم : مو بكيفك

نرمان : صعدت بالدرج ويا نجاة ما اشوف دربي طبيت وانصدمت من شفت ايثار واكفة وجها صاير خريطة من الطم والبجي .. دقايق وطلع حكيم من غرفة فاروق بيدة كنان حطة بحضنها اخذتة منة وايدها ترجف ورعشة جسمها مبينة ..

ايثار : بصوت مبحوح .. حبيبي امي

نرمان : شالتة على صدرها وصارت تبوس بي بكل مكان

ايثار : انحرمت اخليك تنام يمي بيوم لو افز على صوت بجيك انحرمت ابدلك والبسك على ذوقي واصبح بوجهك واخذك بحضني

حكيم : شوكت متريدين تعالي شوفي

ايثار : هزيت راسي .. احتمال اسافر وما اشوفة سنين

حكيم : الله كريم

ايثار : خلوني هنا حتلو خدامة بس ما اريد ارجع للبيت شلون راح ارجع وانام واكعد هيج عادي ما صاير شي .. خلوني هنا واشتغل عدهم وادير بالي علية

نرمان : كامت متعرف شتكول والرجفة مسيطرة عليها .. ضلو الكل ساكتين راحت كعدت على القنفة وخلتة على رجلها وفتحت كماطة وصارت تلعب ويا وتتفحص ايدة ورجلة

فاروق : يلة كافي لحيتي كومي طلعي

نرمان : من كال هيج حسيت حكيم راح ينفجر .. راح لزمة من ركبتة وركعة بالحياط وصاح بصوت يرج البيت ..

حكيم : شنووووو فرررررقك عنننننن فاااااااضل نفسسسس المشهددد والدموووووع والوجععععع والرجفةةةة والخووووف شفت روحك شلون طلعت عار من القسوووة تريدة يصير مثلك تررريدة يعااااني

فاروق : هي متفرق عن نرجس

حكيم : تفرررررق هااااي اجتي على طفل يرضع ذيج ما اجتي على اربعة مو واحدددد

فاروق : اذا تبقى راح يصيرون اربعة وراح ينشمرون انتة قاومت اني ما اقاوم وياهم

نرمان : صارت غصة بلعومي ما اعرف شلون اصرف كل واحد بحالة حكيم وفاروق يريدون يضاربون وايثار لازمة ابنها وتون لزمت راسي بألم .. لمحت من بعيد امها صعدت بالدرجت دخلت للبيت تباوع

شروق : السلام عليكم

نرمان : محد رد عليها باوعت البتها وكالت ..

شروق : يلة امشي اتأخرنة

نرمان : كامت ايثار وحطت الطفل بحضني وباوعت على بطني

ايثار : تكومين بالسلامة .. اعتبري مثل ابنج

نرمان : هزيت راسي وعيوني مدمعة طلعت من البيت ويا امها الما كلفت نفسها تلقي نضرة على حفيدها

نجاة : ليش بس احنى هيج

نرمان : الحمدلله والشكر احسن من غيرنة .. شفت حكيم طب للغرفة وسد الباب وفاروق ضل على كعدتة ولازم راسة .. انطيت الطفل النجاة و رحت للمطبخ اعصر ليمون اخاف على حكيم ضغطة يصعد

نزار : خلصت الابر العندي !

نرمان : لا اكو كارتون بالعلبة مال ثلاجة حكيم جابها البارحة

نزار : اني ناسي

نرمان : اي يدري بيك ناسي .. طلع من العلبة ابرة ومدري اسوالها طلع بطنة وحقن مكان بصف صرتة قفلها وشمرها

نزار : نسيت المي مفتووووح بالحديقة .. ادري بية سكر لو زهايمر

نرمان : ضحكت على سوالفة حتى على نفسة يحشش .. طلع من المطبخ اخذت اليمون وانطيت الفاروق واخذت الثاني ودخلت الحكيم ..

حكيم : نمنمة

نرمان : ابنييييي

حكيم : تعبان

نرمان : سلامة روحك

حكيم : حضنيني

نرمان : خليت العصير على الميز ورحت حضنتة

حكيم : صايرة بطانية ام النمر

نرمان : نمر بعينك

حكيم : ادفين

نرمان : اشرب اليمون .. اخذ الكلاص وشربة وخلا على الميز

حكيم : شعرج طولان .. جيبي مكص اسويلجيا سرة واحد

نرمان : تقبل اكلك شواربك طولانة وجيب المكص اسويلكياهن سرة واحد .. تقبل ؟

حكيم : مبين هل فترة كثرانة كعداتج ويا نزار

نرمان : خل يولي حقير

حكيم : شبي

نرمان : يريدني اخلف بنية حتى يشغلها عندة مو جهالي خدامين

حكيم : يخسي

نرمان : اي والله .. سمعت صوت فاروق يصيح ..

فاروق : نرمااااااان وووووينج

حكيم : كومي شوفي

نرمان : كمت لبست حجابي فتحت الباب لكيتة واكف

فاروق : هاذة يبجي خلي يمج

نرمان : اخذتة منة وطبيت للغرفة حطيتة على السرير .. حكيم شيلة

حكيم : لا اخاف يوكع من ايدي

نرمان : يا غير هوة نتفة

حكيم : لا ما اعرفلة

نرمان : شلتة وخليتة بحضنتة وابتسمت بخبث

حكيم : راح يصيرون ثنين ويتربون سوة

نرمان : راح يربوني

حكيم : هههههههههه حبيبي انتة كدها

نرمان : نجاة راح تزوج ويوكعون براسي محد يساعدني

حكيم : الله كريم لكل حادث حديث

نرمان : مر اليوم كنان يمي وفاروق طلع وما رجع للصبح ثاني يوم اخذني نزار للمدرسة وحكيم راح للمحكمة ..

نزار : مو تتأخرين

نرمان : اني شعلية غير يخلص الامتحان .. نزلت من السيارة نزل وياي

_ خالة انتي ويا نورس

نرمان : اي خالة

_ طببي ذني وياج انطيهيا نستهن يمي

نرمان : اخذتهن منها اريد اطب سمعت نزار يحجي ويا المرة

نزار : والله ما مبين عليج عندج بنية عبالي انتي ويا نرمان نفس الصف

_ لا وين بعد راحت علية

نرمان : طبيت للمدرسة اهز براسي واضحك ميتوب من سوالفة .. رحت القاعتي انطيت الاقلام النورس وبديت امتحن خلصت وطلعت لكيت نزار كاعد على بلوكة ويمة كومة نسوان ملتمات

نزار : يعني اذا تريدين تطلكين من رجلج العار جيبيلي نسخة من العقد واوراقج الرسمية ونرفع دعوة

_ عندي حتى صور من جان يضربني ويزوركني

نزار : راوينياهن

نرمان : ضربتة بضهرة اريدة يسكت ..

نزار : يلة اني اترخص باجر هيج وكت هم تلكوني هنا

نرمان : صعدنة بالسيارة وباوعتلة مصدومة .. لكككك انتة شوكت صرت محامي

نزار : جاي الم زبائن

نرمان : انتة تجلط

نزار : لا تدخلين بشغلييييي

نرمان : سكتت ورجعني للبيت .. طبينة جوة صوت بجي كنان واصل للشارع

نزار : نجاة اليوم اذا ما اسحلهاااااا

نرمان : طبيت جوة لكيت الطفل بيد عمتي وبس يبجي ونجاة مسويتلة ممة وميقبل يشرب

نزار : انتي ليشششش غبيةةةةة متكولين هاذة ابن اخوية ويتيم الام

نجاة : والله كاعدة يمة وميقبل يسكت

اصيلة : اخذنة اني كلبي موجر

نرمان : ما اجوي

اصيلة : لا وادك عليهم ما يجاوبون

نرمان : اخذت الطفل حطيتة على رجلي اهزة وميقبل يسكت .. مرت ساعة واحنى نحاول وميسكت

حكيم : السلام عليكم

اصيلة : هااااا بشرررر

نرمان : كعد كمال على التخم حط ايدة على وجها

اصيلة : شنو يمةةة كول نجم ميطلع

كمال : الله كريم ان شاءلله يطلع

اصيلة : يعني شكم شهر

كمال : 18 سنة

نرمان : عضيت شفتي بخوف باوعت على عمتي ال ما مصدكة الي اسمعة

اصيلة : 18 سنة تحجي صدك 18 سنة ميطلع .. سوووودة بوجهي عززززة العززززاني 18 سنة هنا هنا وجهالة وشبابة راح .. هاي هية بعد

كمال : يمة شروع بالقتل وخطف وابتزاز من غير الكالو البنات الويا

اصيلة : شيكولون بعد لا لا ما اصدك راح نجم بعد هاي هية ما اشوفة يجوز اموت وبعدة ما طالع

نرمان : كامت ادك وتلطم وتون علية خفت اضل كبالها احس الصار بسببي واني مالي ذنب .. اخذت الطفل وصعدت فوك .. مرت الايام وخلصت امتحانات وحكيم سافر البغداد وكال هل مرة شهر يلة يرجع .. بيوم كاعدين بالهول الجوة

كمال : شبيج يمة صارلج يومين تلوجين

اصيلة : ما ادري احس دعبلة مورمة بصدري ونايمة على افادي

كمال : اخذج للدكتور

اصيلة : ما ادري

نجاة : العصر نرمان تروح للدكتورة روحي وياها

اصيلة : منو ياخذها

نرمان : حكيم خابر فاروق راح يوديني

اصيلة : چا اروح وياج واشوف

نرمان : للعصر بدلت وبدلت الكنان الصار عمرة 3 شهور ونص .. بهل فترة كلش اتعلقت بي صار جزء من يومي وحياتي وبذات امة من يوم الي اجت ما سألت علية غير مرة وحدة

فاروق : يلة اريد اوصلكم واروح عندي شغل

نرمان : كملت ماعندي شي

فاروق : امشي يلة

نرمان : نزلت جوة لكيت عمتي لابسة عبايتها واكفة صعدت ويانة وفاروق ضل يخوزر بيها ما عاجبة

فاروق : ليش ما خليتي كننان يم نجاة

نرمان : راح تطلع ويا ام مؤيد يجهزون للعرس

فاروق : وحدها !!!!

نرمان : لا امة وياها وحكيم يعرف هوة كللها روحي .. هز راسة وضل ساكت وصلنة للمجمع

فاروق : شكد تتأخرون !

نرمان : ما ادري على الحجز شكد اتأخر

فاروق : ما خابرتوووو نزاررر ياخذكم اني مالي خلك هاي الهوسة

نرمان : عفتة ونزلت ما رديت علية اخذت عمتي وكنان ودخلنة للمجمع سجلت اسمي واسم عمتي .. دفعت فلوس وكعدنة ننتضر .. مرت نص ساعة وصلني السرة ودخلنة سوة

_ سويت سونار

الدكتورة : مي الراس قليل

نرمان : ليش شلون

الدكتورة : الطفل صاير على راسة بالحوض لازم تنامين على ضهرج واكتبلج مغذي يعوض مي الراس المفقود وان شاءلله خير

نرمان : خفت من كلامها .. نزلت من السدية كعدت كبالها

الدكتورة : ديري بالج انتي بنهاية السابع والولادة بهيج وكت موزينة .. ما اريدج تخافين بس نامي على ضهرج

نرمان : ان شاءلله .. بدت تحجي ويا عمتي

اصيلة : صارلي فترة اهيس دعبلة نايمة على كلبي

نرمان : اخذتها الدكتورة وراحت ورا الستارة

الدكتورة : انحني للامام ورفعي ايدج

نرمان : طلبت منها تسوي كم حركة بايدها بعدها سوتلها سونار ..

الدكتورة : اكو كتلة مو واضحة بسوناري لازم سونار ملون تسوي وترجعيلي

اصيلة : يعني ورم

الدكتورة : ان شاءلله ماكو شي بعد منعرف

نرمان : طلعنة من الدكتورة وعمتي بس تصفن

اصيلة : كون هينة لينة

نرمان : اسم الله لاتكولين هيج

اصيلة : چا شلي بعمري اذا ضليت عالة عليكم

نرمان : يا عمة يجوز مابيج شي وحميد لاتفاولين على روحج

اصيلة : بيد الله بعد .. والعمر الطويل ميراد

نرمان : ضليت ساكتة طلعنة برة لكيت فاروق كاعد بالسيارة صعدنة ويا وابنة بس شافة كام يبجي

فاروق : انطينيا

نرمان : هاك .. بلا زحمة عليك انزل للصيدلية اريد دوة

فاروق : انطيني الراشيتة اني اجيبة

نرمان : انطيتهيا ونزل جاب الدوة ورجع

فاروق : منطيج مغذيات وكانونة خوماكو شي

نرمان : لا ان شاءلله ماكو شي

فاروق : مكتوب يومية واحد لمدة 7 ايام

نرمان : اي

فاروق : چا اني اخذج للمضمد باليل

نرمان : ماشي .. ولاتكول الحكيم خطية خاف يقلق

فاروق : خوش

نرمان : ضل كنان بحضنة ويسوق .. انداريت على عمتي لكيتها تبجي انقهرت عليها لزمت ايدها اطبطب عليها ..

_ وصلنة للبيت نزلت واخذت كنان .. طبيت جوة وعمتي راحت الغرفتها وسدت الباب ..رحت وراها دكيتها .. عمة شوكت ناخذج اسوين السومار الملون

اصيلة : روحي يمة كلشي ما اسوي كلمن حد يومة

اسراء : شبيها

نرمان : مابيها .. عفتها وصعدت فوك حسيت نفسي مخنوكة وكل الدنيا على راسي .. جانت من اصعب الفترات المريت بيها حمل ودراسة وطفل لا على البال ولا على الخاطر .. حطيت راسي على المخدة حاولت انام سمعت المبايل يدك فتحت خط ..

حكيم : شلونج بنيتي

نرمان : بس سمعت صوتة بجيت .. زينة انتة شلونك

حكيم : تبجين !

نرمان : مشتاقتلك

حكيم : واني كلبي مورم عليج ما ضل شي اسبوع وارجع

نرمان : اسبوع هواي

حكيم : مشيها الي شلون ما جان

نرمان : ماشي

حكيم : رحتي للدكتورة

نرمان : اي الحمدلله كالت الطفل زين

حكيم : الحمدلله

نرمان : هم تباوع على البنات هناك

حكيم : يا طلابة البنات

نرمان : مو عينك زايغة هل فترة مو لكفتك ويا ام حواجب

حكيم : لو لاكفتني صدك جان اسويتي

نرمان : ادفنك عايش

حكيم : اويلي يابة صاير عنيفة

نرمان : والله

حكيم : اجاي اسوين

نرمان : كاعدة وكبالي حبيب كلبي

حكيم : فتحي كامرة اشوفج

نرمان : فتحت كامرة واشرتلة هلااااا .. ضل صافن بوجهي ومبتسم .. انتة وين كاعد

حكيم : بمطعم اريد اكل من البارحة على العشة وطلعت من الصبح للمحل

نرمان : حبيبي الله يساعدك .. رجع صفن بوجهي ..

حكيم : سدي شوية واخابرج

نرمان : نزل الكامرة وسمعتة يحجي ويا واحد .. سديت المبايل ودزيتلة صورتي بفستان اسود قصير وبطني بارزة .. فتحها شوية ودزلي ..

حكيم : بعينيك يبدأ تاريخ نهر الفرات .. ويبدأ حزني الجميل الذي يتكلم سبع لغات ويبدأ عشقي العظيم الذي يتسلق جدران نهديك مثل النبات ما الذي وضعته بي حتى اصبح جميع الخلق لا يملون الفراغ ؟ ..

نرمان : بس قريتها رحت المكتبة فتحت وحدة من الدفاتر العندة نقلت الكلام برسالة ودزيتلة

_ واذا التقينا والعيون روامق .. صمت اللسان وطرفها يتكلم تشكو فأفهم ما تقول بطرفها ويرد طرفي مثل ذالك فتفهم .. دزيتها شافها وانتضرتة يرد شوية وبدة يكتب

حكيم : رجعي الدفتر بمكانة

نرمان : عزززة شمدريك

حكيم : لا تلعبين بغراضي بعد

نرمان : ضحكت و سديت المبايل وبدلت ملابسي سويت ممة الكنان وكعدت اقرة صارت المغرب طبت نجاة للغرفة هية وعلاليكها

نجاة : تعااالي اراووويج اجبت

نرمان : اششششش بالموت يلة نام حبابة لا يكعد

نجاة : ماشي ماشي

نرمان : سدت الباب وتربعت بالكاع

نجاة : باعي جبت كارتووون مال حمر

نرمان : اخذتهن منها وكعدت اجرب على ايدي بدت تراويني الملابس المشتريتها

نجاة : الي يعجبج اخذي منهن

نرمان : بالعافية حبيبي بس انطيني 3 من الحمر وعلبة الشادو وذاك الفستان

نجاة : كلتلج حجاية التنكال

نرمان : حبابة والله جاي اقرة وحامل وما اكدر اطلع للسوك

نجاة : ابجي بعد

نرمان : جريتهن منها وضميتهن بالكنتور

نجاة : الحنة اسبوع الجاي وراها الزفة سكتة بسكتة

نرمان : ليش هلكد مستعجل بعد وكت

نجاة : يكول احسن والتأخير ماالة فايدة

نرمان : بكيفكم الله يهنيكم يارب

نجاة : تسلمين حبيبي .. ما كلتيلي رحتو للدكتورة

نرمان : اي ومي الراس قليل والطفل نازل ولازم انام ..

نجاة : ياااا سودة علية

نرمان : اسم الله .. وعمتي عدها كتلة بصدرها

نجاة : عزززة صدك تحجين

نرمان : والله بس لاتكولين كدام حكيم هسة لا علية ولا على عمتي خل يرجع يلة

نجاة : ماشي

نرمان : لازم اروح اشكل مغذي واستحي اكول الفاروق

نجاة : اجة نزار كليلة ياخذج

نرمان : يا اجة

نجاة : اي شفتة بالحديقة

نرمان : يلة خلي كنان هنا اروح للمضمد وارجع

نجاة : ماشي حبيبتي

نرمان : لملمنة غراضها ولبست جبة وحجاب اخذت علاكة الدوة و نزلت وياها .. لكيتة كاعد بالحديقة يرش الزرع صحت علية .. نزارررر

نزار : خير

نرمان : اخذني للمضمد

نزار : شبيج

نرمان : اشكل مغذي

نزار : ابو علي مريض

نرمان : بطل حجاية ابو علي

نزار : امشي جنج موزو بهاذة شالج

نرمان : صعدت بسيارتة وضل يفتر يدور على مضمد وكل ما اروح على واحد مموجود

نزار : خلي اني احطلج الكانونة

نرمان : لا عيني ما اريد

نزار : شبيج اعرف

نرمان : يمة مرايدة روحي .. اخذني للصيدلية وصدفة لكينة بنية قبلت تحطلي الكانونة .. شكلتها ورجعت للبيت

نزار : راح يجن خواتي الغاليات

نرمان : نسمة ورحاب

نزار : اي

نرمان : شلت هم من كال راح يجن كعدت على التخم منتضرة المغذي يخلص

_ ثاني يوم من الصبح سمعت هوسة جوة عرفت اجوي .. نضفت البيت وطبيت سبحت وسبحت كنان .. طلعت بدلت الي والة اخذتة ونزلت جوة .. السلام عليكم

_ عليكم السلام

رحاب : هاذة ابن فاروق .. فدوة لله

نسمة : شووو

نرمان : اخذتة رحاب تباوعلة ضلن يتبسبسن بينهن

نسمة : يشبه ابو نفس الطينة

نرمان : كمت اخذتة منها .. طبت نجاة حاطة ماسك بوجها وصبغ بشعرها

رحاب : والله يلوكلج تفرحين مرتين

نجاة : قابل عجزت لو رجلي يبخل بية

نسمة : عوفيها تكول دلالة .. يا لون حاطة صبغ

نجاة : احمرررر حبيبي يحبة وجاي اطوخة

نسمة : چا حطيلي

نجاة : جيبي فلوس ادز باقر يجيبلج واحطلج

نسمة : لا عبالي عندج زايد

نرمان : عفية حاولو تاخذون عمتي تسوي سونار ملون لا سامح الله اذا بيها شي تلحك تتعالج ليش هاملين الموضوع

رحاب : منو كال هاملين الموضوع چا جيتنة على هاي ام عطوب حمرة .. اليوم اخذها لاحسن دكتور بالبصرة

نرمان : اي وان شاءلله خير ومابيها شي

اسراء : من يوم راحت للدكتورة متاكل وبس نايمة

رحاب : يمة سودة علية

نرمان : طلعت عمتي من الحمام سابحة طبت للهول بوست بناتها وكعدت يمهم

نسمة : حبيبة مريضة ونعوفج

نرمان : تمددت على القنفة ولميت رجلي

اسراء : كومي وياي نضفي لاضلين نايمة بس انتي حبلتي

نرمان : هسة نضفت الفوك .. نضفي انتي الجوة

اسراء : هوة الفوك شكبرة وتعبتي عيني .. كومي وياي اني اطبخ وانتي نضفي المطبخ .. جوة الطباخ كلة دهن

نرمان : بس اصعد كنان بفراشة واجي .. اخذتة وصعدت فوك نيمتة بفراشة وخليت الجهاز يمة واخذت الثاني وياي حتى خاف يبجي اسمعة .. نزلت جوة وبديت انضف وياها

اسراء : رجلج طول هل مرة

نرمان : اي عندة شغل

اسراء : شغليش يروح شهر يلة يرجعلج

نرمان : بعد شغلة هيج شسوي اني

اسراء : بت خالتي جان رجلها يروح لاربيل ويرجع .. وين رايح للشغل منين جاي من الشغل .. لحد ما طلع مزوج وعندة بنية ولد

نرمان : قصدج حكيم هيج ..

اسراء : لا بس اذكرتة

نرمان : حكيم ماعندة هاي السوالف لو يريد يزوج او مزوج .. لعد ليش اخذني

اسراء : حتى وين ميروح يرتاح هنا عندة وحدة وهناك عندة وحدة

نرمان : شبيج شنو هل حجي .. شمرت الجلافة من ايدي ورحت جريت كراسي ميز الطعام وبديت انضف جواهن

اسراء : اعصابج عيني هاي حجاية ما تحملتيها لو تعرفين شسوين تنجلطين ؟

نرمان : اتنرفزت من كلامها كمت ما ارد عليها ..

اسراء : اذا خلصتي فتحي الثلاجة وفرغيها ونضفيها ورجعي سفطي المسواك

نرمان : نجاة وين خل تجي تساعدج

اسراء : حايرة بروحها

نرمان : تنهدت وكملت الكالت علية خلصت وكعدت بالصالة احس صار عندي وجع بس غريب مثل الضغط من الاسفل .. غمضت عيني بألم

نجاة : شبيج

نرمان : بطني توجعني

نجاة : نامي على ضهرج

نرمان : راح اصعد فوك انام ..

نجاة : براحتج

نرمان : صعدت فوك جبت المغذي ونزار ساعدني اخلي بالكانونة تمدتت بغرفتي والخوف مسيطر علية

نزار : تريدين شي بعد

نرمان : لا شكرا

نزار : ولج شبيج وجهج اصفر

نرمان : مابية لاتخوفني

نزار : اذا ردتي شي اني بالصالة

نرمان : ماشي .. طلع وسد الباب جريت كتابي اقرة اريد الهي نفسي .. قرب عرس نجاة واني كلشي ما اشتريت ولا اكدر اطلع للسوك .. اجة يوم الحنة وانخبصنة خبص

نجاة : امشي وياي للصالون

نرمان : وكنان !

نجاة : ابتليتي بي خلي يم ابو

نرمان : اذا قبل

نجاة : استعجلي ودي لابو حتى نطلع

نرمان : اخذتة وصعدت فوك لكيت فاروق مبدل يريد يطلع .. فاروق

فاروق : ها

نرمان : خلي كنان يمك اريد اروح ويا البنات للصالون

فاروق : عندي شغل

نرمان : يلة براحتك .. كعدت على التخم ضايجة نزع حذائة واخذ كنان من ايدي

فاروق : يلة روحي

نرمان : ابتسمت بوجها كمت بدلت ودزيت رسالة الحكيم طلعت برة لكيتهم منتضريني

نجاة : يلة استعجلي

نرمان : صعدت وياهم بالسيارة اخذنة مؤيد خطيب نجاة للصالون

_ طبينة وجان اكو اكثر من ماكيرا .. بدو بنجاة واخت مؤيد وراها اني ورحاب كالعادة بس تكعد وتحط مكياج بالبيت ..

الماكيرا : شنو تريدين الاوان

نرمان : العيون ترابية والحمرة (حمرة ) .. راوتني صور وعجبني واحد من شغلها مثل الوصفتة الها .. بدت تحطلي مكياج وجان شغلها حرفيا احلى من مكياج عرسي

نجاة : يلة ما كملتو اجة مؤيد

نرمان : بس اكمل شسوار .. خلصت شعري شلون ما جان لبست وخليت الحجاب على وجهي رجعت وياهم للبيت طبيت

_كبل الغرفتي طلعت فستاني الاحمر الشافني بي حكيم لبستة وباوعت بالمراية الجاكة البي صاعدة ليفوك بسبب بطني رتبت شعري ورشيت عطر لبست حذاء كعب اسود .. بهل اثناء انفتحت الباب وشفت حكيم طب وسدة وكف ورا الباب باوعلي ..

حكيم : قمة نهديك هدفي والورد لن يغنيني زهر ورمان .. ساحرق سفني خلفي وازلزل ارضك وافجرك كالبركان اما ان ارفع علم احتلالي او اقتل فوق جسدك كالفرسان

نرمان : تقرب علية يمشي ويباوعلي بخبث ركضت عنة ورا الجرباية .. نيتك مو صافية ..

حكيم : مذبوح فيك من الشريان الى الشريان ..

نرمان : بدت الحنة اريد انزل

حكيم : ما مشتاقتلي

نرمان : مووووت .. ابوسك واشمك وانزل

حكيم : متنزلين

نرمان : والحنة

حكيم : انعل صاحبها

نرمان : تقربت علية اتمسكن حضنتة بقوة وبستة ..

حكيم : اي هيج بعد حضني اقوة

نرمان : اصعب شهر مر علية بغيابك .. احتاجيتك هواي

حكيم : حبييي اسف ما اتأخر بعد

نرمان : اشتاقيت الريحتك الكلشي بيك الايام متمشي بدونك لاتعوفني بعد .. صار يبوس بية من وجهي وينزل

حكيم : ما اعوفج

نرمان : لزم ايدي يبوس بيها نزل على بطني حضني

حكيم : اشتاقيتلكم .. كو***يد

نرمان : احنى هم .. لزمني وبمكر جتف ايدي ودارني نزع حزامة وربط ايدي ..

حكيم : هسة راح اعلمج الشوك شيسوي

نرمان : شمرني على السرير وصارت الباب تندك بقوة

حكيم : منوووو

باقر : عمووو صيح الخالة تجي يريدوها جوة

حكيم : كللهم خالة مريضة متكدر تجي

باقر : امي تريدها

حكيم : شكلت !

نرمان : اهئ يعني ما احضر الحنة

حكيم : اني احنيج

نرمان : لا حكيم حباب مو هيج والله اكوم ابجي

حكيم : ابجي

نرمان : سوة البراسة وما خلاني انزل والمكياج كلة سال صار وجهي خريطة

حكيم : صايرة دنكة

نرمان : عضيتة من ايدة وكمت اعدل بوجهي

حكيم : رموشج جوة المخدة تعالي اخذيهن

نرمان : خليهن نزعت التك الثاني ومسحت جوة عيني وكفت اعدل بي شكد ما اكدر

حكيم : اخليلج حمص بطحينة

نرمان : اصلا راح اسبح .. حقير

حكيم : السان يرادلة كص

نرمان : وانتة كلك يرادلك كص

حكيم : لحم لو دجاج

نرمان : مضحك

حكيم : شو رموشج وكعن عدساتج وكعن نزعي الباروكة وخرعيني اكثر

نرمان : فدوة الشعري

حكيم : بربوكتي

نرمان : بلة ليش هيج سوووويت

حكيم : احبج

نرمان : كرهتككككك .. طلعت من الغرفة اخذت ملابس وسبحت وبدلت لبست فستان مقفل وطبيت الغرفتي حطيت مكياج وشغلت الشسوار

حكيم : تؤ تؤ تؤ طفي اريد انام

نرمان : تقربت خليتة يم اذنة واشسور

حكيم : هاي وراثة !

نرمان : مثل وراثتك حبيبي .. حط المخدة على وجها كملت شسوار ورتبت شعري لبست شال

_طلعت من البيت اباوع نزار جوة ويا اصدقائة وباقر ابن كمال كاعد على اخر باية ويا جهال اصدقائة حطيت رجلي على اول باية من الدرج حسيت بلزوجة برجلي لزمت المحجر .. ليش الدرج وصخ

باقر : لاااااا خالةةةةةة لا تنزلييييين

نرمان : قبل لا اسمعة نزلت باية ثانية دست على دعابل وماحس غير ادحرجت من الدرج وكعت على ضهري ..

_شلت راسي بألم اجة نزار يركض علية كومني من الكاع

نزار : غير اديرين بالج

نرمان : لزمت ضهري وبطني صار عندي وجع مو طبيعي عصرت على ايد نزار ونزلت راسي اباوع .. حسيت بحرارة مني رفت ثوبي شوية وشفت النزيف ماخذني

نزار : هااااااي شنوووو رااااااح اصيييييح حكيم

نرمان : صعد فوك نزار يركض واني فقدت من الالم عضيت ايدي كمت ما اشوف كبالي ثواني وسمعت صوت حكيم ونزار ينزلون بالدرج

يتبع ...

نهاية البارت : البارحة حسابي رااااح من الصبح لساعة 12 باليل يلة رجع متت بقيت على اعصابي حسيت كل تعبي راح .. المهم اليوم من الصبح اكتب لحد الان انحولت

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

انه همومي جهال وترضع ادموع

اكضي اليل اللولي وما يهيدون

اغفي ابهذا يكعد ذاك ويلوع

ويفزون اعلى صوته ماينامون

الكبر منهم فطمته وياكل اضلوع

شسوي اشلون لو كلهم يكبرون

جنح بيه انكسر والثاني مخلوع

وطرت كوه على اعناد اليكرهون

بس اسمك نهر والماي مكطوع

وانة اعلة الجرف الهث بلعيون

اون بسكوت موش ابصوت مسموع

وانه اجروحي علج والوادم اسنون

من عرگه الفرح من روحي مشلوع

بهاذي القصة كدرت اثبت النجاح مو ضروري يكون بالعنف والقتل والاغتصاب .. اني فخورة بهيج عائلة كدرت اتعامل وياهم واسرد قصتهم بشكل يعجبهم ويعجبكم شكرا للدعم ولكل كلمة حب سمعتها منكم لكل شخص صوت وساندني اشكر متابعاتي ومتابعيني الورود .. بفضلكم كدرت ابدع .. احبكم

تابعوني انستا duu_199

_________________________________________

نزار : هااااااي شنوووو رااااااح اصيييييح حكيم

نرمان : صعد فوك نزار يركض واني فقدت من الالم عضيت ايدي كمت ما اشوف كبالي ثواني وسمعت صوت حكيم ونزار ينزلون بالدرج

حكيم : شبييييييج شلوووووون وكعتييييي

نرمان : حجيت بصوت متقطع .. ا انزف .. حسيت راح يغمى علية غمضت عيني واني ما ادري شلون حاملة هاذة الالم

حكيم : جيب السوووويج ومحفظتي والحكنيييي

نرمان : شالني حكيم واخذني للسيارة كمت اصرخ من الالم طلعو الكل على صوتي .. ثواني ونزل نزار بيدة السويج فتح السيارة وصعدني ليورا

اصيلة : اوووكفووو اجيب عباتي

نزار : متاخذولها هدوم

حكيم : ما ادري شوف البنات

نرمان : ح حكيم راح .. راح اموت

حكيم : جري نفس اهدي انطيني مجال

نرمان : دقايق وصعدت عمتي .. حرك حكيم السيارة يمشي بسرعتة ..

اصيلة : راح تكلبنة

حكيم : ما ضل شي راح نوصل

نرمان : كل شوية يندار علية يلزم وجهي يمسد علية

حكيم : كولي يا علي

نرمان : اخذني النزيف صرت الزم ملابسي ناكعة مي ودم

اصيلة : لا تخافين طك مي الراس

نرمان : وصلنة للمستشفى .. نزلني كبل اخذوني الصالة الولادة بقيت وحدي ويا كومة نسوان الي تصرخ والي تبجي نسيت وجعي وسيطر علية الخوف

الممرضة : انتي بيا شهر

نرمان : طبيت بالثامن

الممرضة : خطرة الولادة بالثامن راح اصيح الدكتورة تجيج ..

نرمان : عافتني وراحت واني روحي طاكة من الوجع صار جسمي يبرد ويحتر وارعش لا اراديا .. اجت وحدة شكلتلي مغذي وضربتني ابرتين بي .. مرت دقايق وطبت دكتورة فحصتني وراحت تحجي ويا الممرضة بصوت ناصي ما سمعت شكالت ..

الممرضة : يلة حبيبتي حاولي ادفعين حتى اجيبين بخير وسلامة

نرمان : كمت ادفع بالطفل وعروكي نطت من الالم اتخربطت وما اكدر اجر نفس

الممرضة : هيج راح يختنك دفعي

نرمان : حجيت واني فاقدة .. ما اكدر بعد

الممرضة : ولج يموووت الطفل وخطيتة بركبتج

نرمان : كمت اردد ياعلي ياعلي قبضت ايدي وكمت اصرخ من الوجع لحد ما حسيت شي وطك بية سحبت الطفل وشالتة بس هنا اني غمضت عيني وجسمي مات من الوجع

الممرضة : جبتي وليد مثل البدر الله يحفظة

نرمان : هزيت راسي جابتة وخلتة على صدري حضنتة بثنين ادية وكلبي يدك سريع حتى وجعي راح من شفتة رفعت راسي باوعتلة مغمض عينة بس مابي نفس ولا يبجي مثل ابن فاروق .. ثواني واجت وحدة اخذتة وطلعت حجيت بصوت يرجف .. ليش مابجى

الممرضة : هسة يضربو ضربتين يكوم يبجي .. لاتخافين كلبة يدك ولازم يخلو بالحضانة فترة

نرمان : يعني صدك مابي شي

الممرضة : اجذب عليج ! .. ثبتي خل اخيطج

نرمان : بدت تخيط بس ما حسيت بوجع .. كثر الوجع الدك بكلبي بالولادة

الممرضة : هسة اريد حلاوة الوليد

نرمان : عرفت قصدها فلوس اني ما شايلة ولا ربع باوعتلها .. بس اطلعيني منا تدللين

الممرضة : چا هسة اطلعج

نرمان : نزعتني ملابسي وطلعت جابت غيرهن .. ما ادري منو جايبلي هدوم .. بدلتلي وطلعتني من الغرفة ساندتني وامشي خطوتين واكف .. فتحت الباب صار بوجهي حكيم اجة ملهوف بعد الممرضة ولزمني يمسد على شعري بحنية

حكيم : الحمدلله على سلامتج كليبي

نرمان : الله يسلمك

نزار : لو متأخرة بعد ساعة جان حكيم طب الصالة الولادة بهمر

نرمان : ابتسمت بتعب .. طببوني بغرفة خاصة كعدت وباوعت الحكيم .. وين ادم

حكيم : بالحضانة لازم احنى اروح انشوفة

نرمان : اخذني اشوفة

نزار : اروح اجيبلكميا

حكيم : لا

نرمان : كومني حكيم ولزم ايدي طلعنة نتمشى للخدج .. ماقبلو انطب بس حكيم حاول وياهم ودخلنة اول ما شفتة ملبسي بس حفاضة ونايم مثل الملاك اكو فتحة صغيرة مديت ايدي بستة ايدة الي كلها بحجم اصبعي ..

_تقرب حكيم من الفتحة غمض عينة وبدة يأذن بصوت مسموع خلص وكال ..

حكيم : اسمك علي

نرمان : باوعتلة وابتسمت .. راح اسمي علي

حكيم : طلبتكم من الامام علي بس تكومون بالسلامة واشوفكم اجرون النفس

نرمان : فرحت بالاسم .. طلعنة من الخدج وراح حكيم يخلص الاجرائات مال البيان

اصيلة : تمددي خل البسج جواريب انتي نفسة وعضامج تصل

نرمان : اتمددت على السرير لبستني جواريب ولفت حجابي عدل

نزار : اجيبلج كباب

اصيلة : لا يرادلها تشريب يلزم كلبها بس خل نرجع للبيت

نرمان : انصدمت بعمتي وفرحت من شفتها خايفة علية

نزار : باجي شبيج مصخنة جنج انتي يرادلج تشريب حتى تصحين

اصيلة : انجب ولك لا اكفخك

نرمان : ضحكت على سوالفهم من يتناكرون .. دقايق ودخل حكيم

حكيم : يلة لمي غراضها ارجعها للبيت

نرمان : غير يجيبون علاوي

حكيم : مو بوية لازم يضل هنا صدرة تعبان

نرمان : من كال هيج كلبي نغزني اختنكت وكمت ابجي .. اني ما اطلع اذا مو ابني وياي

حكيم : لاتبجين ابوس ايدج رجعي للبيت واني يومين واجيبلجيا

نرمان : لا ما اعوفة اضل هنا .. حكيم الخاطري ما ارجع للبيت حتى باوع كلشي مابية .. حجيت هيج واوجاع الدنيا كلها بجسمي حتى مشي ما اكدر امشي بس اكابر ما اكدر اعوفة وحدة

حكيم : روحي انتي لاسوين هيج بية رجعي واني اجيبلجيا واجي

اصيلة : ولج موزين عايش بالثامن حمدي ربج وكومي خل نرجع ويومين ويجيبة

نرمان : كمت اشهك ما اطلع بدونة .. بهل اثناء دخلت الممرضة

الممرضة : لازم ام الطفل علي تجي ترضعة

حكيم : ليش مو حليب صناعي

الممرضة : حليب الام افيد وهم يغذي اسرع حتى تاخذو

نرمان : كمت وكفت وباوعت الحكيم .. اجة ساندني اخذني وطلعنة رحت كعدت على كرسي قريب منة طلعو وانطونيا طلعو الكل بقيت بس اني كعدت ارضعة بس ما اعرف

_دقايق ودخلت عمتي بدت تساعدني وتعلمني شلون ارضعة بديت اسيطر علية .. كملت واخذتة الممرضة بستة ورجعتة طلعت واني ابجي ما ادري شبية بس مخنوكة .. شفت فاروق وكمال ومؤيد وامة والباقين ولد ما اعرفهم

فاروق : الحمدلله على سلامتج ام علي

نرمان : الله يسلمك

كمال : يتربى بعزكم

نرمان : تسلم

مؤيد : الحمدلله على سلامتج خوية يتربى بعزكم

نرمان : شكرا الله يخليك .. عبرتهم وطبيت للغرفة اجت ام مؤيد تحمدتلي بالسلامة وكعدت ادك سوالف ويا عمتي

ام مؤيد : سمعي خالة اني مثل امج واحنى امهات كبل نعرف بهاي السوالف اول ما اطلعين من المستشفى وترجعين بخير وسلامة .. اطكيلج بيضاية وتكعدين عليها

نرمان : من كالت هيج عفست وجهي لعبت روحي .. ليش عود

ام مؤيد : البيضاية اطب بالرحم تنضفة وتسلمج من شر

نرمان : لا خالي عوفي الوصخ و الشر اني اريدة

ام مؤيد : لج خالة سمعي كلامي عوفي التنعوص

نرمان : ميخالف خالة بس ارجع اسويها .. حجيت هيج اريدها تسكت .. كل عقلها اكعد على بيضة

اصيلة : اني بناتي معلمتهن بس يجيبن يطكن البيض ويكعدن علية

نرمان : كشت روحي .. حطيت راسي على السدية جسمي تعبان ويرجف .. شوية وطب حكيم بيدة اكل سفري .. سلم عليهم وكعد كبالي فتح الاكل جايب شوربة عدس ومعلاك ومقبلات

حكيم : اشربي الشوربة وراها اكلي

نرمان : حكيم نفسي مسدودة اريد اخذ ابني وارجع تعبانة .. شال الشوربة بيدة وبدة يوكلني غصب عني

حكيم : اكلي واخلي ابنج يرجع وياج للبيت

نرمان : بهت وجهي .. كول والله

حكيم : وعيونج

نرمان : ما جادلتة كمت اكل سريع اريد الاكل يخلص

حكيم : راح تغصين والله اطلعة وياج بس اهدي

نرمان : شبعت يلة اروح

حكيم : ام كمال بلا امر عليج لمي غراض نرمان نرجع للبيت

اصيلة : ماعندي شي لميتهن

نرمان : كمت من السرير لبست عباية اسلامية لفيت حجابي شلون ما جان وكفت انتضر حكيم شوية واجة كال ..

حكيم : اجرت حضانة مال طفل اخذة بيها للبيت وبس يتعافة بأذن الله ارجعها

نرمان : صدك حكيم

حكيم : والله حتى بطل اوكسجين راح اخذ وبين يوم ويوم اجيبلة ممرضة تشوفة

نرمان : الدنيا ما لمتني من الفرح دمعت عيوني ودي احضنة كدام العالم كلها وافتخر اني عندي رجال مثلة سند وامان وضهر ويعادل عائلة باكملها

ام مؤيد : يا هيج الزلم يا متراد

نرمان : صليت على محمد بوجها .. طلعنة من المستشفى اخذنة الطفل وجانو ملبسي دشداشة ولافي بملحف .. الطريق كلة ممصدكة وصلنة للبيت تقريبا الساعة 3 الفجر نزلت من السيارة جسمي مخيط

حكيم : نزلة وحط الصوندات بخشمة موزين يتغير علية الجو

نرمان : نزلة فاروق وطببنة للبيت ربطولة الحضانة وخلو بيها تمددت على وحدة من القنفات نوعا ما مرتاحة لان ابني وياي بالبيت

نجاة : لج نونو الحمدلله على سلامتج تاليتها لا انتي حضرتي الحنة ولا اني حضرت ولادتج

نرمان : بصوت تعبان .. الله يسلمج كلة من اخوج الا خلاني اجيب .. بهل اثناء دخل باقر عيونة مورمة من البجي لزمة فاروق من ملابسة وزمخ بي

فاروق : لزمتتتتتك كو*** منو خلا الدعابل بالدرج

باقر : و وا والله جنت اشاقة ويا عمو نزار ردت يصعد بالدرج ويزحلك ويوكع

فاروق : وهوة بكددك تشاااقة وياااا

باقر : عمو التوبة ما اعيدها والله

نرمان : هدة فاىوق ولزمة نزار عاط بي حكيم بس ما عافة ..

نزار : تريدني ازحلك وامووووت منو دازك علية انتة المن تابع احجييييي

نرمان : فحط الولد بيدة اجة حكيم جرة وخلا ورة ضهرة

حكيم : تحط عقلك بعقلة

نزار : ولج فتون علف خاف انتي دازتة

اسراء : ولك معزة اني شعلية تبلشني بيها المرة جابت والله دفع عنها بلاء

نزار : ارجع الكامرات واجيج

حكيم : كافي نزار لاتلح

نزار : اذكري الوطنية ام باقر

نرمان : مرت ربع ساعة وطبن بنات عمتي تحمدلي بالسلامة منورا خشمهن وكعدن

رحاب : هاذة ابن فاروق سبة البيت يبجي

فاروق : وينة جيبي

نرمان : جابتة نجاة الطفل يلوع حتى دموع نازلة من عينة لزمة فاروق وكام يهز بي ويغنيلة

فاروق : انا وياااج يا ام شامة انتي بسطح واني بسطح واثنينة ننطح نطح

نزار : مستقبلة زاهر اذا ابو ينطح

فاروق : تعلمت منك يا تيس

نرمان : اجة حكيم كعد يمي وفاروق مل من صوت ابنة الميسكت خلا بحضني كلبتة على بطنة وكم ادك على ضهرة سكت

فاروق : عمي همزين ما جبتي عملية جان الفرخ داح

نرمان : الحمدلله .. حسيت بهاذة اليوم بدت مسيرتي ويا اطفال ثنين شوية والكل راحو نامو بس حكيم ضل على القنفة حط كوشة جوة راسة وارتجة يباوعلي ما ادري شلون غفيت من التعب .. ثاني يوم الصبح فزيت على احد يبوس بية فتحت عيني شفت نجاة

نجاة : راح اروح للصالون والبس بدلة بيضة والعصر ياخذني مؤيد البيتة .. نمنمة اني ممنونة الكل يوم عشنى سوة الكل دمعة وضحكة ورجفة عشتيها وياي جنتي ام واخت رغم عمرج تحملتي وياي الي محد يتحملة .. دائما ضلي قوية حتى من احتاج حايط اميل علية الكاج .. صح راح اروح بس روحي اضل بهاذة البيت وبذيج الغرفة .. انتي اختي الما جابتها امي يجوز لو من لحمي ودمي متوكفيلي وتسانديني هلكد

نرمان : من شفتها تحجي وتبجي ما لزمت نفسي حضنتها وكمت ابجي .. لاتكولين هيج شلون راح اتحمل فراكج

نجاة : هاي كلاوات مال يوم الزفاف والنبي يومية اجي اذا مو يومية بين يوم ويوم شو بيناتنة بيت كل شوية ازبك منهم واطبلج

نرمان : اذا هيج موافقة .. باوعت على حكيم نايم على كعدتة

نجاة : خطية ما قبل افرشلة بالكاع كال بعدني كاعد شو ما اشوفة الا يشخر

نرمان : سودة علية عدلي ركبتة

نجاة : خلي لا يفز هاج ابنج رضعي حتى ارجعة

نرمان : اخذتة منها ميبجي على هدوئة بديت ارضعة كبل كام يتقيئ مسحت حلكة ورجعتة بالحضانة

نجاة : للصبح عمتج ما نامت تحوم فوك راسة وتبدلة

نرمان : خطية

نجاة : صدمتني صدمة عمري

نرمان : بناتها ما اخذوها للطبيب

نجاة : لا وحدة تكللها خرافات مال دكاترة والثانية تكللها بس رجلي يستلم الراتب

نرمان : اني اخلي حكيم ياخذها ذني مابيهن خير

نجاة : ميخالف .. يلة اتأخرت مع السلامة

نرمان : طلعت مستعجلة بقيت كاعدة وحدي افتقدت كنان .. صارت ساعة 10 الصبح نزل فاروق بيدة كنان مبدلة ملابسة ومغير حفاضتة وحاطلة عطر رجالي يخنك

فاروق : شلونج اليوم

نرمان : الحمدلله

فاروق : خلي يمج بعد ساعة لازم اطلع عندي شغل ضروري ومن ارجع اجيبلة حليب وحفاضات محتاجة شي العلاوي

نرمان : ابتسمت .. سلامتك .. اندار على حكيم وراح يمة تقرب وعاط بأذنة

فاروق : ابو عليييييييي

حكيم : *** بيك يامطي

فاروق : والله لوما مرتك كاعدة

نرمان : دنكت سويت نفسي العب كنان

حكيم : اليوم مزاجك عالي

فاروق : اي والله راح يزيدون راتبي

حكيم : هنا الحجي چا اعزمنة على سفرة حلاوة الراتب

فاروق : معزوم البيت الشيخة سناء

حكيم : خليها الك

نرمان : ليش اكو شيخ وشيخة

فاروق : اي شعبالج هاي شيخة معروفة شوفتها بيها بركة

نرمان : يعني هاي ميتة واروح انزورها

حكيم : هاي شيخة مال كاولية

نرمان : صفنت بوجها وباوعت على فاروق يضحك ضربة حكيم على ضهرة وطردة

فاروق : الميريد حسنات بكيفة اني رجال خير ادور حسنات بركات

حكيم : جان حجيت

نرمان : كام حكيم شاف علاوي وابتسم

حكيم : رافع ايدة

نرمان : صدك خل اشوفة .. كمت اباوعلة يرفع بايدة وينزلها جريت مبايلي اخذتلة صور وحكيم طك السوار مال مستشفى من ايدة اخذتة منة وضميتة احتفضت بي

حكيم : ابوية اسبح وابدل واجيج

نرمان : طلع برة صعد فوك ضليت على كعدتي وبصفي كنان انطيتة الاسوار يلعب بي تمددت راسي يوجعني فجأة صار صوت كلام صدى بالممر

نسمة : لج امووووت منة هوة واخوتة اشوف عزرائيل وما اشوفهم بعيني عبالك بس همة عدهم فلوس والله مباوعلهم

رحاب : شنو الفايدة عدهم فلوس لا ام ولا اب الوسطاني ازوج مرتة ضربتة بعرض الحايط وشمرت ابنة وذاك الجبير من مصيبة المصيبة الله مطيح حضة والصغير الله مبتلي بالسكر

نسمة : الفلوس تعوضهم كلشي بالفلوس ينحل اني لو عندي جان مو هاذة حالي اجدي من كمال الخمسة والعشرة وهنة يلعبن بالفلوس لعب ونجاة ام الرجولة يومية واحد يكح فلوس

رحاب : عبالج نجاة اضل ويا هم يومين وضربني وتجي تتبجبج واخوتها يهمبلون ويكتلون الولد ويطلكوها

نسمة : يطبهم مرض اختنكت من هاذة البيت اريد ارجع

رحاب : خابري رجلج حتى ارجع وياج

نرمان : انصدمت بكلامهن حسيت نفسي اختنكت الله واكبر عبالهم الفلوس كلشي ميدرون الانسان بدون راحة ميسوة شي .. التفتت على كنان خليتة بحضني وراسي يوجعني .. طب حكيم لابس بجامة وفانيلة تعلاكة وينشف بشعرة

حكيم : اخذج فوك نتريك

نرمان : والجهال

حكيم : خليهم هنا

نرمان : لا ما أمن خل نصعدهم فوك ما اريد انام هنا بعد

حكيم : ليش حبيبي هنا احسن البنات يداروج من اني ماكو

نرمان : لا ما اريد احد يداريني اني اخدم نفسي صعدني فوك حبيبي

حكيم : يابة اني بخدمتج وخدمة جهالج

نرمان : ابتسمت اجة باسني بخفة بشفتي شال الحضانة مال علي صعدها فوك وراها اجة سندني وشال كنان صعدنة فوك خلاني بالغرفة وراح للمطبخ كمت وراه

حكيم : راح اسويلج كباب عروك

نرمان : كعدت كبالة وحطيت ايدي على خدي اباوعلة .. برش بتيتة وخلا طحين وبيض حطلها ملح وفلفل اسود وكركم وبدة يكلي .. هاذة كباب !!!

حكيم : هاذة بس حرف الكاف

نرمان : هههههههههه ليش اجرب بية

حكيم : طيبة اني اسويها بغداد

نرمان : وكف يكلي ويغني كمل وصب الجاي وخلا كبالي

حكيم : اكلي وانطيني رأيج

نرمان : اكلت اول لكمة .. كلش طيب ومكسب ..

حكيم : هااا كولي رجلي مايداريني

نرمان : طك راسة براسي وكعد يسويلي لكم لحد ما سمعت صوت كنان فحط وعلي هم بجى

حكيم : اركض خوية عامر

نرمان : كمت من الكرسي راح قبلي شال كنان مخرمش روحة ويبجي

حكيم : اذا انتة زمال اني ياهو مالتي

نرمان : لاتكولة هيججج .. شلت علي وكعدت على صفحة ارضعة .. طب نزار صاح

نزار : ام حكيم

نرمان : عدلت ملابسي ودخل الغرفتنة بيدة كتبة شمرهن وتربع على الجرباية شال ابن فاروق من ياختة

نزار : شكدددد تشرب حليبببب وجنك فارة ماكلين عشاها

نرمان : على كيفك ويااا

نزار : لازم اربي قبل لا يصير مثل ابو

حكيم : عوف الطفل وباوعلي ..

نزار : هاا

حكيم : العصر تاخذ اصيلة للدكتور واطب وياها وشنو الاجرائات تمشي بيها ..

نزار : اخذها انتة

حكيم : شكلت !! العصر تاخذها ومتقصر وياها الك بيها اجر

نزار : الله كريم .. اريد غدة

نرمان : انزل جوة اكل ما طابخين هنا

نزار : امري لله

نرمان : نزل جوة وضلينة كاعدين اني وحكيم ملتهين بالجهال للعصر صعدت نجاة حاطة مكياج ومسوية شعرها ولابسة ثوب بينصل ابيض مفتوح من الصدر حاطة فوكا شال ابيض .. اول ما دخلت حضنت حكيم

حكيم : استودعك الله الذي لا تضيع ودائعه

نجاة : حكيم سامحني على كلشي وادعيلي دائما

نرمان : حضنها حكيم ومسد على شعرها باسها وباوعلها

حكيم : ارفع راسي خليهم يكولون عرف يربيها خليني بين عيونج

نجاة : انتة بعيوني وبكلبي

نرمان : شبكت ايدي على المنضر راح حكيم لبس دشداشة بيضة اجت نجاة بوستني ونزلت نزل وياها حكيم صار صوت هوسة جوة عرفت راح ياخذوها ضليت على كعدتي لليل يلة طب حكيم بيدة عشة

حكيم : اسف اتأخرت عليج انشلع كلبج من الجوع

نرمان : لا عادي .. كعد كبالي كمنة ناكل سوة لليل حكيم حضن كنان وذب نفسة ونام ..

_ كمت افتر بالبيت صارت بالوحدة ونزار وفاروق ماكو ضل بالي عليهم بس اخاف اكول الحكيم وينهبط صارت ساعة 2 باليل انفتحت الباب وطب نزار لازم فاروق شمرة على التخم وكعد بصفة يلهث

نزار : كسررت ضهري متنشال انعل يومك

فاروق : اررريد ااااااسبح

نزار : كوم اسبح لازمك

فاروق : سبحني

نرمان : تمدد على رجل نزار لام نفسة .. حجيت بصوت ناصي .. وين جان

نزار : ضارب شرطي بالسيطرة ولازمي ورحنة اني ومؤيد طلعنا

نرمان : يا شكد عيب عود هوة عريس اليوم

نزار : ضل بيها عريس

نرمان : شالة من جتفة واخذة للحمام سمعت صوتة يتقيئ وانفتح الدوش .. رحت للمطبخ سويتلة ليمون لان عيونة حمر وضغطة صاعد طلع من الحمام نزار ملابسة كلها مبللة طب الغرفتة فاروق جابلة ملابس ورجع للحمام .. دقايق وطلع لابس تراك وينشف بشعرة

نزار : كافي بطل انتة مو جاهل صار عندك ولد

فاروق : اششش

نرمان : اخذ اليمون شربة وراح للحمام شوية وطلع باوعلي وصفن بوجهي

فاروق : اريد سجادة

نرمان : باوعت على نزار بصدمة طبيت الغرفتي اخذت سجادة حكيم طلعتها الة وفرشتها بالكاع وكف على القبلة متوجه

فاروق : صلاة الصبح ركعتين !

نرمان : اي

نزار : سلم نفسك واعترف منو انتة

فاروق : انا المامش وراها جنازتي صياح ..

نرمان : توجه يصلي سجد واشرت النزار يسكت لان خربان من الضحك

نزار : قلبك عامر بالايمان

نرمان : سلم ولم السجادة راح الغرفتي شوية وطلع شايل ابنة طب الغرفتة وسد الباب

نزار : حكيم فاتة مشهد يسوة عمرة

نرمان : لاتعيب كول الله يهدي .. عبرتة ورحت الغرفتي جسمي مكسر تمددت وعلاوي بجى ومانمت للصبح

_ مرت الايام بديت اتعافى وكل يوم يجينة خطار ويجيبون شي العلاوي مر على ولادتي اسبوعين وصارت صحت ابني احسن وطلعتة من الحضانة ورجعها حكيم

نجاة : لج انطيني الشسوار خل اطفر لا تجيني عمتي بالساطور

نرمان : ازوجتي وكمتي تتعيقلين

نجاة : لج كلتلها اشوف مرت اخوية مريضة واجيج وصارلي ساعة افتر بالجهال

نرمان : انطيتها الشسوار وطلعت تركض عبايتها على راسها من ازوجت لليوم تكول العمتها راح انام وتجي يمنة تكعد تطلع من باب الخلفية شاردة

اسراء : شنو ابتليتي انتي بجهال ثنين اني لو مكانج ما اخلي عندي كافي عليج ابنج بس يبجي

نرمان : كنان هم ابني الام الي تربي مو الي اجيب

اسراء : تريدين اعاونج بيهم

نرمان : علوى اضلين يمهم بس اسبح واجي .. عفتهم ورحت للحمام سبحت وطلعت مرتاحة مأمنة الجهال يمها ..

_ طبيت للهول واشوف كنان لازم شعر علاوي ويعت بي وثنينهم يبجون رحت افك ادية صحت .. اسرررراء وينج

اسراء : اصيحيلي !

نرمان : مو امنت الجهال يمج صدك تحجين

اسراء : نسيت وانتي اتأخرتي يلة طلعتي

نرمان : حطيتهم واحد منا واحد منا وحطيت كتابي اقرأ ما ضل شي لاخر السنة وتعبت هواي وبالي مو يم المدرسة بقيت على هاذة الحال تعب وارهاق ومسؤلية اكبر من عمري وبهل فترة صار عمر علاوي 3 شهور و كنان 6 شهور ونص وبدة يزحف ويكعد

حكيم : من اليوم فاروق تاخذ ابنك حتلو تاخذ اجازة بين ما نرمان تكمل امتحانات ما مستعد بعد هاذة التعب تعيد السنة ويروح تعبها كلة .. كلمن يحير بزرة حتى اني اخذ ابني وانام بالهول

فاروق : چا هوة كنان مأذيكم صوتة ميطلع

حكيم : لا ابنك وردة مال الله .. صدك وينة !!

نرمان : انطيت علي الحكيم وكمت ادور علية صحت .. كنانووووو .. ووينك

_ فتت الغرفتي والكا لازم وصولات حكيم وكلهن مشككهن وماكلهن لطمت على وجهي وشلتة وديتة لابو على وضعة

فاروق : وين لكيتي

نرمان : اءءء .. ياكل وصولات حكيم .. بس كلت هيج حكيم نط من مكانة

حكيم : يا وصولات

نرمان : رحت جبتهن جرهن من ايدي

حكيم : لا يا كلببببب يا ابن الكلبببب

فاروق : رحم الله والديك

نرمان : ابن فاروق هادء بس من جوة ليجوة تلكي كاعد وساكت فجأة اكتشف مصيبة وراه

حكيم : شلووون وكعن بيدة اريد افتهم شمخلف جرو

فاروق : بابا انتة هيج مسوي .. سمعت يكول لا هاذة علاوي

نرمان : تجي التهايم وهوة نايم ..

حكيم : ام علاوي شراح اسوينة عشة

نرمان : عفتهم وطبيت للغرفة صحت .. سوي الروحكم

_ كعدت اقرا وبديت امتحن كل يوم وارجع لحد ما خلصت ونزار تخرج وصار المحامي نزار فاضل هويدر

نزار : اريد حفلة تخرج

حكيم : مو يسولكم بالكلية

نزار : اريد اسوي حفلة الي بالقاعة

حكيم : عليمن الصرف بمكان القاعة اجرلك مكتب

نزار : ها انتة هيج تكول ..

نرمان : سمي زوزو للعنف المنزلي

نزار : اسمي ابو علي الحيال

نرمان : احس حكيم متقصد يسمي ابنة علي

نزار : هاي استخبارات بيناتنة

نرمان : بهل اثناء اندكت الباب راح نزار فتحها شاف ايثار .. بس مو ايثار شخص ثاني لبسها ومكياجها ولا عبالك ايثار الي اجت باست ايد فاروق حتى اشوف ابنها ضليت مصدومة بلبسها وحجابها لنص شعرها دخلت مبتسمة وكالت ..

ايثار : السلام عليكم

حكيم : وعليكم السلام تفضلي

نرمان : استقبلتها وبوستها دخلت واشرت الابنها يروحلها .. رحت شلتة وديتلهيا بس شالتة فحط واستغرب

ايثار : حبيبي ماما يا روحي انتة

نزار : يا ماما

ايثار : ليش يخاف .. مخروع المغرب !!

نرمان : اخذتة منها وسكت الطفل كمت اهز بي ضلت تباوع علية

حكيم : تفضلي كعدي

ايثار : اريد اروح بس جبتلة شغلات وياي من ايران

نرمان : دخلت جنطة مال سفر خلتها بالهول وفتحتها كلها العاب وملابس وقصص الكترونية

ايثار : كل ما اروح مكان اذكرة واجيبلة حاجة جمعتهن واجيت للعراق اخذ اوراقي اريد اقدم هناك كلية

نرمان : حبيبتي كل الهلا بيج

ايثار : خلي بحضني وكعدي يمة حتى ميبجي

نرمان : خليتة بحضنها ورجع يبجي حطيتة على رجلي وصارت تلعب بي وهوة مبرطم

ايثار : كبران صاير نسخة ابو

نرمان : اي صح .. ضليت على نار اخاف يطب فاروق واصير مشكلة بذات تنورتها شوية جوة الركبة صح ما الة دخل بيها بعد بس فاروق تصرفاتة ما محسوبة

ايثار : اريد ابوسة ميخليني

نرمان : باستة غصب عنة وهوة عاكد حاجبة وضايج شكلة يضحك من يعبس وجها

ايثار : راح اروح مستعجلة اخوية منتضرني وامانة اصوري من تلبسي الملابس

نزار : محرم حبيبي برة

ايثار : اي بالتكسي

نزار : انزل ادفعلة الكروة

ايثار : ههههه لا اجة هوة وخطيبتة وياي

نزار : شدو عشكهم براية العباس دخيلك يا ابو فاضل لا تفاركهم وصلولهيا

ايثار : ان شاءلله يلة بيباي .. حبيبي ماما اشوفك على خير بحفظ الله والرحمن

نرمان : نزلت ونزل وراها نزار يصوفر صاح ..

نزار : محرررم فرقنا الزمن

نرمان : اثناء ما طلعت طب فاروق باوعلها من فوك ليجوة عبرتة وركعت باب الشارع .. فتح باب الشارع ضل واكف يباوعلها لحد ما صعدت بالتكسي سد الباب وصعد يركض

فاروق : هاي اجابها هنا

حكيم : تشوف ابنها

فاروق : هاي منين جاية من الملهى

حكيم : ما الك سلطة عليها بعد

فاروق : اذا وصلت بعد اكسر رجلها

حكيم : امشي طب وعوفها

فاروق : ما الكم طلعة

حكيم : وين

فاروق : اريد اجيب جماعتي ونكعد هنا

حكيم : ممنوع جماعتك يطبون للبيت

فاروق : جماعتي بالدوام كلهم موضفين محترمين واريد اسويلهم عشاء عمل

حكيم : اعزمهم بمطعم

فاروق : لا مو وعدتهم اعزمهم بالبيت

حكيم : شوكت

فاروق : ساعة ويجون

حكيم : اني اخذ نرمان واطلع بس لا يتأخرون

نرمان : والجهال

حكيم : خليهم يم عمتج

نرمان : اخذت الجهال نزلتهم يم عمتي صعدت بدلت وخليت مكياج اخذني وطلعنة نتمشى

حكيم : فاروق متغير

نرمان : هواي

حكيم : تنهدت .. عمتج عدها ورم بالثدي ولازم تضرب كمياوي واذا ما استجابت يستأصلون الثدي

نرمان : حطيت ايدي على حلكي بخوف ما مصدكة الجاي اسمعة

حكيم : جان ابوي يحبها اكثر وحدة دارتة هية واتحملت هواي الخاطرة .. ما اكدر اعوفها

نرمان : راح تاخذها تضرب كيمياوي

حكيم : احاول وياها

نرمان : لزمت ايدة شغل جكارة وصار يدخن وينفخ بالجو ..

حكيم : جبتج مثل بزون ما فاتح عينة للدنيا

نرمان : بعدني بزون

حكيم : صرتي عتوي

نرمان : ضربتة بعكس ايدي وعبرتة امشي سريع

حكيم : شادة محرك مال باجيرو

نرمان : اذا انتة صدك الحكني .. كمت اركض وصار يركض وراية سريع عبرني يركض وكمت ما الحك بي سرعت بالركض وما حس غير وكعت على وجهي وتمددت بالشارع وهوة مستمر يركض

حكيم : هااا وينة السانج شو انبلع

نرمان : كمت من الكاع بنطروني ممزوك من الركبة وايدة كلها مجرحة ومغرغرة دم .. شفتة اندار علية ورجع يركض خربان من الضحك

حكيم : وكعت بزونتي

نرمان : خلص البانزين

حكيم : هههههههههههه كومي ورجتي العالم علية

نرمان : شيلني

حكيم : مدي ايدج خل ارفع جك

نرمان : رفعت ايدي شالني ورجعنة نمشي الشارع ضلمة صدفة نشوف رجال جبير معكل كبل شمرني بالكاع وعدل وكفتة وتحمحم

ابو زيد : شلونك عمي حكيم

حكيم : احم الحمدلله حجي انتة شلونك

نرمان : سلم علية وراح لزمني من ياختي طببني

حكيم : راحت هيبتك حكيم

نرمان : شكد عيب انوب جنت العب برجلي يمنى ويسرى

حكيم : راحت هيبتك حجي فاضل جنتك صخمت وجهك ..

نرمان : راحت هيبتك يلحقوقي مرت اخوك سودت وجهك

حكيم : طبي لا اعضج من اذنج

نرمان : طبيت اهرول شفت محد جاي فوك

حكيم : خاف ما اجو

نرمان : مبين حتى احذية ماكو

حكيم : اوكفي خل اشوف

نرمان : ضليت واكفة على اخر درجة واسمع صوت تلفزيون والاخبار عالي فتح الباب حكيم وما اشوفة غير فتح عينة على وسعها ونزع حذائة وشمرة عليهم اني ما ادري شكو بس سمعت صوت فاروق ..

فاروق : اوووكف على كيفك ..

علاوي اول ما انولد لا يغركم بس نتفة

يتبع

نهاية البارت : باجر اختم كلتلكم بالانستا علساس اليوم بس ماقبلت نمنمة اكرط الاحداث .. اسفة على التأخير سامحوني

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

من طين مثلي نعم ....بس عود جنك طين

ذرات منك بقن لمهن واسوه العين........

عشره بالميه ندى ويمكن ورد عشرين ...

ومد روحه نهر الخمر كملك للسبعين....

تابعوني انستكرام duu_199

( طب عام موازي صباحي ) قبل لا اسألون

_________________________________________

نرمان : ضليت واكفة على اخر درجة واسمع صوت تلفزيون والاخبار عالي فتح الباب حكيم وما اشوفة غير فتح عينة على وسعها ونزع حذائة وشمرة عليهم اني ما ادري شكو بس سمعت صوت فاروق ..

فاروق : اوووكف على كيفك ..

نرمان : نزع التك الثاني مال حذائة وضرب فاروق بي صار وجها احمر من العصبية وعروكة نطت

حكيم : انعل ابوك لابو الك*** الجايبها امشي اطلع برررة لا اشبعك اهاين كدام العالم

نرمان : نزلت جوة مفزوعة من اصواتهم صار صوت بنية عالي تصرخ وتتنعوص

_ لااااا عفيةةة اعصابك لا هيججج

فاروق : اكعد احجي وياك منا العالم الخاطري

حكيم : تف عليك وعلى خاطرك يا كلب يا كو***

نرمان : طبيت للمطبخ الجوة حاطة ايدي على حلكي واسراء تلوب تريد تعرف شكو

اسراء : شكووو شكووو شبيهم تعاركوو ؟

نرمان : ها .. ما ادري

اسراء : انتي متدرين اكص ايدي اذا مو من وراج

نرمان : عبرتها ورحت للصالة لكيت عمتي حاطة الجهال تلعبهم وتبدل العلاوي .. شلونج عمة

اصيلة : هلا

نرمان : ضوجوج مو

اصيلة : لعبو روحي

نرمان : بعد ما اخليهم ادري يتعبوج

اصيلة : شبيهم ولد نرجس جنهم حصونة

نرمان : وكفت بالشباك شفت حكيم جار فاروق من ياختة وفتح باب الشارع وطردة وذاك بس يصيح

فاروق : هوووو مو بيتك وبكيفك تطررردني افتهمت بكيفي اجيب اليعجبنييي

حكيم : اذا وصلت للبيت بعد اكسر رجلك

فاروق : مو بكيفك بيتيييي هااااذة

حكيم : اراويك بكيف منو

نرمان : طب حكيم اعصابة ترجف صعد بوجها فوك وسمعت صوت ركعت الباب

اصيلة : ها ديج دجاجة

نرمان : عمة خلي الجهال يمج دقايق وجاية .. صعدت فوك اركض فتحت الباب لكيت حكيم بيدة علاكة سودة ويلم بقواطي واكل حتى مواعين وكلاصات كزاز شمرهن بالعلاكة

حكيم : تعالي لمي الزولية

نرمان : ادري بي يتنكس من هاي الامور ركضت شلت الطبلة ولميت الزولية برمتها وسحلتها برة

حكيم : فاروق ممنوع يطب للبيت بعد اذا شفتة مايلوم الا نفسة

نرمان : نزار وين .. طلع برة شمر العلاليك بالحاوية ركعها وفتح مبايلة يتصل

حكيم : الوووو انتة وين وليت .. يلة 10 دقايق والكاك بالبيت ..

نرمان : صعد فوك فتح باب غرفة فاروق ورجع سدها كال ..

حكيم : نضفي الطبلات وصعدي الجهال فوك

نرمان : اخذت قطعة قماش ورحت انضف بالطبلات كملت ونزلت جوة اخذت الجهال وصعدت لكيت نزار راجع ..

نزار : بهمس .. يا ستار شكو

نرمان : لا تسأل هسة

نزار : شكو شبيك فاروق وين ليش شايلين الزولية باردة

حكيم : انتة تدري بي جايب ك*** للبيت

نزار : لا اشم كفة ايدي كال راح يجون جماعتي وطلعت

حكيم : شو ما استغربت !!

نرمان : حسيتة فكس بنزار اخذت الجهال نومتهم بالغرفة وطلعت .. اسمع نزار يحلف حلفان يكسر الضهر

حكيم : متدري مو

نزار : وروح ابوية ما ادري عساني بالعمى ما ادري .. ليش استغرب فاروق غريبة علية الك***

حكيم : هاذة هو بس اني الك والة

نرمان : مر اليوم على خير وفاروق ما اجة بعد ولا بات بالبيت .. ثاني يوم كعدت الصبح غسلت وبدلت وكفت انتضر حكيم اروح للمدرسة استلم النتيجة

حكيم : يلة ماعندي شي امشي

نرمان : باوعلي من فوك ليجوة وصاح

حكيم : هيج تروحين

نرمان : اي وفوكاه جاكيت

حكيم : مسحي حلكج الازرك

نرمان : انطيتة بوسة بالهوى

نرمان : طلعنة بالسيارة .. وصلنة للمدرسة ختمت القران ادعي كون درجاتي عالية

حكيم : نزلي بابا حبيبي

نرمان : نزلت طبيت للمدرسة كبل بوجهي للمديرة انطيتها اسمي وكعدت تكلب بالشهايد وصلت النتيجتي انطتنياها

المديرة : مبروك ناجحة

نرمان : باوعت على درجاتي وبجيت

حكيم : فدوة الطولج لاتبجين وعيونج السنة الجاية نطلع طب

نرمان : سلمت على المديرة وطلعت امسح بوجهي واباوع الدرجاتي كلها 50 و 60 اقوى درجة 72

حكيم : الحمدلله من تعبج ما راح

نرمان : هزيت راسي وصعدت بالسيارة

حكيم : مو كافي !

نرمان : مسحت دموعي وفتحت الجامة صار الهوى يضرب بوجهي .. انتبهت على الطريق مو طريق البيت

حكيم : راح اغديج بمناسبة نجاحج ودرجاتج الترفع الراس

نرمان : من كال هيج غصيت وفحطت بالبجي

حكيم : ليش تبجين يمعودة

نرمان : تضحك علية مو

حكيم : وعيونج ما اضحك عليج ليش شبيهن درجاتج نمنمة لا ازوديها

نرمان : سكتت لحد ما وصلنة للمطعم نزلت وطبينة كعدنة على طاولة وطلبنة اكل

حكيم : اجيب الاكل واجيج

نرمان : راح يجيب الاكل ضليت اكلب بالمنيو رفعت راسي واشوف واحد كاعد بالطاولة الكبالنة هوة واصدقائة وماشال عينة مني .. درت وجهي وسويت نفسي ما اشوفة ..

_ درت وجهي مرة ثانية لكيتة مبتسم .. كمت رحت للحمام اريدة يكف عني .. طبيت غسلت وجهي وطلعت انصدمت من شفتة واكف بالباب حسيت كلبي راح يطلع من صدري من الخوف حجيت بغضب .. خيرررر شكووو لاحكنيييي

_ اني !

نرمان : لعد امي

_ لعددد شبيج دادة مو داكولج مو يمج

نرمان : ضل يعيب علية من عرف لهجتي بغدادية .. مشيت عنى وكلت بصوت ناصي .. همجي غير محترم

_ منو هاذة الغير محترم انتي تتبلين علية .. هااا عرفتج انتي من ذني

نرمان : التفتت عليه يحجي بصوت عالي والعالم كلها التمت تباوع علية متت من الخوف وهوة يصيح لحد ما سمعت صوت فزز كلبي التفتت شفت ..

حكيم : هااااااااي علييييييمن كووووو****

نرمان : ماشوف غير حكيم ضربة بوكس على وجهي نيمة بالكاع وكفت على صفحة ارجف .. اجو جماعة الولد وحكيم كسر المحل على راسهم بلحظات كلشي انكلب كلاب

حكيم : اطلع حليب امك من خشمك انتةةة تتعددة على عرضي ..

_ وابو فاضل ما سويتلها شي تتبلى علية

حكيم : وابو فاضل ما اعوفك

_ مسدسي وووووين

حكيم : بشيب الخلفك كو***

نرمان : التمت العالم كلها لزمو حكيم بعدو عن الولد يسب ويلعن بي اجة علية جرني من جتفي وطلعنة برة فتح السيارة صعدت وصعد بصفي

حكيم : شعنددددج بالحمااااام عفتج عشرررر دقاييييق

نرمان : اغسل ..

حكيم : اشششش ما اريد اسمع صووووتج

نرمان : الطريق كلة يحجي ويصيح لحد ما وصلنة للبيت اني ميتة

حكيم : نزليي نزليي عود لطخي وجهج زين قبل لانطلع

نرمان : انوب رجعت علية

حكيم : على امي خل اشوفج لابسة هاذة البنطرون بعد

نرمان : انطيتة الاذن الطرشة ونزلت من السيارة صعدت فوك لكيت الجهال كاعدين وسابين البيت بالبجي ونزار على نومتة

نزار : تؤ تؤ تؤ متخلون واحد ينطمر

نرمان : راح حكيم دفر نزار وعاط بي يكوم

حكيم : كوووم كااافي نوم شو تخرررجت واندثرت

نزار : استغفرلله مو اعوفلكم البيت واروح ويا اخوية فاروق ابات

حكيم : ليش اخوك العار وين جاي يبات

نزار : يم صاحبة

حكيم : طارق

نزار : اي .. يريد يجي يصالحك

حكيم : لا يوصل للبيت

نزار : يريد ابنة

حكيم : خل ياخذة يربي يم الك***

نرمان : سمعت صوت ركعة الباب عرفت حكيم طلع .. رحت للصالة لكيت نزار يتصل وفاتح سبيكر اشرلي اسكت

نزار : الووو ..

فاروق : ها شتريد

نزار : حكيم يكول عندي شروط اذا رجع للبيت

فاروق : وهي !

نزار : يبطل شرب ويصلي فرض بفرضى ويصوم ثنين وخميس .. يكسر خط جهازة ويبدلة .. يغسل الحديقة وسيارة حكيم ونزار يومية .. وجبة العشئ علية يومية يجيب من برة

فاروق : ميريد اسبحة واغنيلة من ينام

نزار : لا هاي سويها الي

فاروق : امشي لك ناصب علية

نزار : بكيفك هسة جان يمي وكلتلة فاروق متندم ويريد يرجع كال هاي شروطي واذا ما عجبة حتى ابنة يجي يلكاه كاعد بالباب ويا جنطة هدومة

فاروق : هوة وين راح

نزار : يصلي الضهر بالجامع

فاروق : هاي هية روح اني اتصرف ويا

نزار : براحتك

نرمان : سدة وكام يضحك اجة كنان يزحف توة متعلم

نزار : اذا مااربي لابوك

نرمان : شكد خبيث .. رحت للمطبخ سويت غدة بعد ما حكيم طلعة زقوم بالمطعم للعصر طب حكيم باوعلي صفح وكعد على التخم

حكيم : انتة مخابر فاروق !

نزار : انيييي يااااع شعلية

نرمان : هز راسة وضل ساكت .. صبيت غدة وديتة بالهول كعدنة اني ونزار وحكيم ميقبل يتغدة صحت بصوت ناصي ..

_ حبيبي متتغدة ! عدل كعدتة وباوعلي مضيق عينة ومبين علية الغضب كال ..

حكيم : اذا ضليتي بهاذة لبسج وحمرتج الكلية كطنة بيضة مسحي بيها الحمص بطحينة البوجهج وذبيها

نرمان : ميلت راسي اتمسكن .. كيمووو حبيبي

حكيم : حبيبج

نرمان : بعد ماحط وردي احط جوزي .. باوعلي صفح كمت يمة بست خدة وكعدت على رجلة .. انطيني بوسة

حكيم : ام الطكة لو طباعة

نرمان : ام الطكة

نزار : الله كملو

نرمان : انتبهت على نزار صخام الصخمني عدلت كعدتي وباوعت على حكيم يعدل بملابسة .. نزلنة نكعد على الاكل

نزار : خابرك فاروق

حكيم : اي يريد يرجع للبيت ويصلي ويصوم

نزار : يا الله ياهادي

حكيم : افرك خشمة يلة اخلي يرجع

نزار : كفووووو

نرمان : مر اسبوع وفاروق يبات برة لحد ما بيوم كاعدين نشرب جاي بالحديقة طب فاروق

فاروق : السلام عليكم

نزار : عليكم السلام

نرمان : باوعت على حكيم ما انطا وجه اجة وكف وراه وباس راسة

فاروق : اعتذر ماتنعاد

حكيم : انتة زعطوط ماعندك حجاية

فاروق : وروح ابوية ما اعيدها تدري بية اني ما اجيب وحدة للبيت بس هل مرة صارت

حكيم : ابنك اذا كبر شنسولفلة

فاروق : كافي لا ضل تلوم بية بروح هويدر

حكيم : اذا شربت ترجع تنام بالشارع

فاروق : هاذة هو

نزار : دغيتة .. اليوم خميس كلة صايم

فاروق : ها اني صايم

حكيم : صايم !

فاروق : اي راح التزم اصوم

حكيم : الله يهديك

نرمان : عرفت هاي سوالف نزار لزمت روحي ما اضحك اجة اخذ ابنة وكام يبوس بي ..

حكيم : باجر اروح للنجف واخذ نرمان لابوها وازور ابوية

نزار : اجي وياك

فاروق : اني هم اجي

حكيم : اطلع ساعة 1 باليل علمود الازدحامات ونوصل ويا الفجر

نرمان : صارت غصة بلعومي من جاب طاري المقبرة صارلي من يوم وفاة ابوية ما زايرتة اخجل ازورة بعد هاي السنين .. بلعت غصتي وكمت العب علاوي ..

_ لليل طلب مني اخذ غراض للجهال وابدل واخذ عباية وياي علمود الزيارة .. كملت كلشي وطلعت لكيتهم مبدلين وكاعدين

حكيم : اروح سيارة وحدة

فاروق : انطوني الغراض اصعدهن

نرمان : صعدو الغراض وحكيم راد جاي ناخذ ويانة .. اخذت الجهال ولبستهم زين صعدنة بالسيارة وكعدت اني ونزار ليورا

فاروق : انطيني كنان انيمة بحضني

نرمان : انطيتهيا وخليت علاوي على صفحة صبيتلهم جاي وانطيتهم ..

نزار : اني ما اريد

نرمان : اباوع علية طلع علاكة بيها جبن انكور وصمونتين وحليب بالفراولة كعد ياكل

نزار : شبيج هيج تباوعين راح تنفسيهن

نرمان : هههههه بالعافية

نزار : الله يعافيج

فاروق : انطيني صمون

نرمان : ضلو ياكلون واني غفيت لحد ما سمعت حكيم يكعدني ..

حكيم : نونو كومي وصلنة

نرمان : فتحت عيني دنيا ليل وضلمة حجة بصوت ناصي ..

حكيم : خلي الجهال نايمين بالسيارة ونزلي

نرمان : نزلت من السيارة نزار مشغل فلاش مال مبايل ومنضر المقبرة يقبض الكلب .. فتحو الصندوك وطلعو بطالة مي وبدو يغسلون بالقبور وحكيم كعد يم ابو على صفحة وبدة يقرأ قرأن

نزار : هاذة جدي هويدر وهاذة ابن عمة بحر وهاي بيبتي شلغم

فاروق : حرام مطي حتى الموتى ماخلصو منك اسمها .. غلامة

نزار : بت عم راغب علامة

نرمان : كعدت بصف حكيم اقراء زيارة اهل القبور .. قريتلهم الفاتحة بالسرة رحت اصعد بالسيارة واشوف فاروق ونزار صافنين وفاتحين حلكم اخترعت من شفتهم وفجأة سمعت صوت واحد كال

_ سلامااااا على اهل القبوووور

نرمان : من سمعت صوتة عثرت بالطابوكة وكعت من الخوف درت وجهي شفتة رجال ملثم بشماغ ابيض ولابس دشداشة بيضة ويقرة قرأن

حكيم : شبيكم انطو فلوس

نرمان : ضلو واكفين وراح حكيم انطا 5 الاف قرة شوية وراح

نزار : عبالي ابوية

فاروق : واني عبالي بيبتي لان حجيت عليها

نزار : لا بيبتي سمينة هاذة ضعيف

فاروق : صارلها 17 سنة اكيد ضعفت لا اكل ولا شرب

حكيم : كافي انتو متستحون

نرمان : قرو الفاتحة وصعدو بالسيارة صعدت وياهم وضل شوية حكيم يلة صعد .. اخذني المقبرة ابوية نزلت من السيارة وحكيم نزل ضلو الباقين بالسيارة

حكيم : سلمي واقريلة سورة يس

نرمان : لزمت قبرة وايدي ترجف كعدت بالكاع كبالة وبديت اقرأ سورة يس ودموعي تنزل

حكيم : غسلي القبر اني راح اصعد اخذي راحتج

نرمان : درت مي وكمت انضف بي بيدي .. استحي احجي ويا بعد كل هاي السنين اني ما زايرتة بس والله مو بيدي منو يجيبني اشوفة واشم ترابة .. بست القبر وكمت نفضت هدومي ورحت باتجاه السيارة صعدت امسح بوجهي

حكيم : اقريلة الفاتحة وترحميلة دائما احسن من البجي

نرمان : صارلي 4 سنوات ما زايرتة .. حكيم هاذة ابوية

حكيم : چا اني ياهو خراع خضرة

نرمان : هم ابوية بس الثاني

نزار : رومانسية حموضة

نرمان : تغاررر

حكيم : ولسوف يمضي بك الزمن وتعلمك الايام الحياة مليئة بما لا تتوقع وعليك ان تكون مستعد على الدوام وستدرك ان كل خسارة هينة الا خسارتك لذاتك ..

فاروق : صح السانك ابو علي

حكيم : راح اوكلكم يم سيد حسين باكلة ودهن

فاروق : هاذة الحجي الزين

نرمان : صار الصبح وهوة يسوق وصلنة يم مطعم نزلنة واباوع كلها شباب اشرلي حكيم البس عباية على راسي ..

_ طلبنة اكل وكعدنة ناكل خلصنة وتوجهنا الامير المؤمنين علي ابن ابي طالب

حكيم : السلام عليك يا اسد الله

نرمان : حكيم اخذ علي وفاروق اخذ ابنة .. طبيت من باب النساء وهمة راهو من ذيج الجهة

_ اَلسَّلامُ عَلَيْكَ يا أَمِينَ اللهِ فِي أَرْضِهِ وَحُجَّتَهُ عَلَى عِبادِهِ، أَشْهَدُ أَنَّكَ جاهَدْتَ فِي اللهِ حَقَّ جِهادِهِ، ..

حكيم : ام علي

نرمان : انداريت علية ..

حكيم : نلتقي هنا

نرمان : اشرلي على باب رقم 4 .. هزيت راسي وطبيت .. صليت صلاة الزيارة وكفت ادعي .. بست الشباك وطلعت رحت يم حكيم لان مسويها مشتركة

حكيم : حبيتج اكثر من روحي لدرجة اول شي اذكرة بالدعاء انتي .. نرماني بالدنيا عيوني ماشوف غيرج ولا راح اشوف حملتج مسؤلية اكبر من عمرج وانتي كدها .. انتي غفران لذنوبي وحسناتي كلها

نرمان : بست ايدة وحضنتة هوة ويحجي شفت عيونة دمعت .. وانتة حبيبي وايامي الحلوة باس راسي وحاضني من جتفي والعالم تباوعلنا

_ انتبهت الفاروق يصلي وابنة بصفة يفتر ويلم الترب من الجاي يصلون

حكيم : شوووف الكلب شكد عيب من العالم انتضريني هنا

نرمان : راح حكيم وشالة ورجع الترب للعالم .. كعدو كلهم صف واحد حكيم وفاروق ونزار بيدهم قرأن يقرون حبيت منضرهم فتحت مبايلي وطكيتلهم صورة .. كعدت على صفحة اسبح لحد ما اشرلي حكيم نطلع

_ طلعنة من باب الخروج بوجهنا للكراج صعدنة بالسيارة وطلعنة متوجهين للبصرة

حكيم : حبيبتي نامي حتى متعبين وانطي علي النزار

نرمان : كبل شمرت علي على نزار واناريت على الجامة غمضت عيني احاول انام .. ما ادري شوكت نمت كعدت على صوتهم

نزار : كومي لا ادفرج اطلعج من الجامة

نرمان : احترم نفسك .. باوعت على نزار ملابسة كلها اثار تقيئ من علي

نزار : مو اسحلج عيب من رجلج

حكيم : وووولك لا تلح وياها

نرمان : اخذتة مسحت حلكة ونزار نزع تشيرتة بقى بالفانيلة

فاروق : اغسل المكان والبس تشيرت منا العالم

نزار : لازم انتة خبرة

فاروق : لا اني متعلم البس تشيرتين من اطلع واحد انزعة واحد اشرة

نرمان : خربت من الضحك عليهم ونزار ميقبل يلبس تشيرت ..

_ وصلنة للبصرة بس جسمي كلة مكسر من الكعدة اول ما طببنة اجت نجاة

حكيم : ها ولج رجلج وين

نجاة : اوكف خل اجر نفس .. راح يسبح واجيتكم ادك من البارحة ماكو محد يجاوب

نرمان : رحت للنجف

نجاة : وانييييي ليششش ما اخذتوووني

حكيم : مو عندج رجال خل هوة ياخذج

نرمان : واكفين يجادلون وطب مؤيد لاف الخاولي على بطنة ولابس فانيلة لزم نجاة من ياختها

فاروق : هااا ابو الشباب وين طاب لغرفة نومك

مؤيد : ولكم راااح تخبلنييي شوكت تبطلين طفراتج من البيت

نجاة : اريد اشوف اخوتي شني صلة الرحم واجبة

مؤيد : شكيتيني بهل رحم

حكيم : ادب سز ميصير اطلعين هيج من البيت اذا لكفتج بعد هنا اعلكج من اذاناتج

نجاة : يووو ما اعيدها مو صوجكم

نرمان : طلعت زعلانة اعتذر مؤيد وطلع وراها

حكيم : هاي البنية راح تجلطني

نرمان : على كيفكم وياها خطية .. عبرتهم وصعدت فوك ميتة تعب شمرت غراضي وكعدت

فاروق : اسبح الجهال

نرمان : اي والله علوى بس لفهم زين لا يتمرضون

فاروق : جيبيلهم هدوم وتعالي

نرمان : انطيتهيا وطبيت الغرفتي رتبت غراضم وحضرتلهم ملابس على صفحة .. بدلت ملابسي بشي مريح ويا حجاب .. طلعت من الغرفة دكيت باب الحمام ..

_ فاروق كملت !!

نزار : تحجين ويا روحج

نرمان : لا راح يسبح الجهال

نزار : اخذهم بالحديقة

نرمان : بصدمة .. يا حديقة .. طلعت اركض اباوع من الدرج اشوفة مصلخهم وفاتح الصوندة وبيدة ليفة يجلف بيهم ويرش مي وهمة مكيفين ويضحكون

فاروق : هسة ماما اجيبلكم ملابس ونصعد ناكل جاجيك

نرمان : اجااااي اسوووي بيهم

فاروق : هيييييي اجتتت ماما

نرمان : راح الطم على راسي .. لفيتهم بخاولي وشلتهم صعدت فوك وكنان يبجي يريد يركص بالمي

فاروق : چا مثلج فكيتي الدوش وسديتي

نرمان : باوعتلة صفح وبديت البسهم ملابس .. جاي البس علي تشيرت وانتبه على ايدة بيها عضتين .. هاي منو عاضة

فاروق : كنان يشاقة ويا سوالة ساعة

نرمان : كنان مطلع سنون ثنين ليفوك بس حادات يكصن كص .. لزمت كنان من ملابسة ورفعت اصبعي ..

_ ليشششش تعض هااااا

فاروق : شسوالة هية عضة امشي بابا امشي ناس متتحمل شقة

نرمان : اخذابنة وراح للمطبخ .. انقهر على علاوي لان دائما ينكتل

_ مرت الايام وشوية العطلة نقذتني من الضغط الصار علية بيوم جنت وحدي دخلت نجاة وجها ميتفسر ..

نجاة : حكيم موجود !!

نرمان : وعليكم السلام

نجاة : نسيت اسلم .. شبيج صافنة ترة البية كافيني

نرمان : صاير شي متعاركين انتي ومؤيد

نجاة : لا راح للدوام .. المهم منو اكو بالبيت

نرمان : فاروق نايم بغرفتة وحكيم طالع ونزار ما ادري بي

نجاة : تعالي وياي

نرمان : وين .. جرتني ومشت وكفت كبال غرفة فاروق

نجاة : بهمس .. اجتني رسالة من رقم شوفي شمكتوب

نرمان : فتحت مبايلها تراويني مكتوب ..

_شلونج نجاتي اريدج هل فترة تبدلين وتكشخين زين

نجاة : رديت .. منو !

_ عزائيل

نرمان : لج منو هاااذة !

نجاة : فلاح اني عرفتة من اسلوبة الخايس

نرمان : وشراح اسوين شيريد منج ليش هيج يدزلج بعد مو ازوجتي

نجاة : راح احجي الفاروق

نرمان : لا لا انتضري حكيم وراوي الرسايل

نجاة : ما اكدر انتضر حكيم اخاف عمتي ترجع ومتلكاني ومالي خلك الحجي راح اسولف الفاروق قابل شيريد يسويلي

نرمان : بكيفج .. فتحت الباب ودخلت ضليت واكفة برة والباب مفتوح

فاروق : دكي الباب شبيج

نجاة : عبالي نايم

فاروق : خيرج

نجاة : اكو .. اكو رقم دزلي رسالة وخفت ادزها المؤيد اريد اراويكياها

فاروق : وينها !

نرمان : فتحت جهازها جرة منها وبدة يقرأ .. خفت وبطني مغصتني واني مالي دخل

فاروق : عندج برنامج (....)

نجاة : لا

نرمان : اخذ جهازها وفتح مبايلة ما اعرف شينقل ضل قريب الربع ساعة كبل طفر من فراشة حتى ابنة اخترع

فاروق : اني اعلمك شلون تندك بيها بعد

نجاة : فلاح !

نرمان : هز راسة واخذ كلبية من الكنتور لبسها بسرعة وطلع ميشوف دربة

نجاة : خاف يكتلة واصير فضيحة

نرمان : لا ما اتوقع يتصرف هيج ويدري بيج ازوجتي مستحيل يسويلج فضيحة

نجاة : ما ادري جسمي كلة يرجف

نرمان : روحي للبيت واني اخابرج

نجاة : لا ما اكدر حتى مبايلي اخذة شلون تخابريني .. اني اسويت

نرمان : يمعودة اهدي

نجاة : منين .. منين اتلكاها من فلاح لو من عمتي المطيحة حظي

نرمان : تربعت كبالها .. هم شكووو

نجاة : تمشي واصيح عاكر ومتخلف ومطلكة وطارحة وياهو اليجينة كعدت سولفتلة شريط حياتي

نرمان : يوو مرة جبيرة اخذيها على كد عقلها متذكرين عمتي اصيلة وهية اخت ابوية ..

نجاة : لاااا اصيلة ملاك منسبة الهاي .. لج يجون بنات خواتها تكلي نجاة تعالي سولفيلهم جم مرة حبلتي من ذاك رجلج

نرمان : كامت تبجي وتحجي انقهرت عليها رحت يمها .. ومؤيد شيكول

نجاة : ميجيب طاري الطفل يكول اذا الله كاتبة يصير بس عمتي متسكت

نرمان : روحي لادكتورة

نجاة : يمعودة وين اروح هية معروفة الي تسقط بجر متحبل بسرعة

نرمان : بيد الله قابل بيدج كافي لاتبجين والله كريم

نجاة : ما ادري اختنكت خاف فاروق يكملها ويطربكها فوك راسي

نرمان : لا اسم الله .. اخذت مبايلي ادك علية ميجاوب .. دكيت على حكيم

حكيم : ها حبيبي

نرمان : شلونك يروحي شوكت ترجع

حكيم : ماعندي شي مسافة الطريق

نرمان : تمام انتضرك حتى نتغدة سوة .. سديتة وباوعت النجاة

نجاة : راح يجي

نرمان : اي .. اخذي عباتج وروحي العمتج كليلها راح اتغدة بيت اخوية لان باجي مريضة واريد اداريها

نجاة : صدك شلون صارت عمتج

نرمان : بعدها تضرب كيمياوي

نجاة : الله يشفيها .. يلة هسة اجي

نرمان : طلعت ورحت لامطبخ اسوي زلاطة مرت ساعة ودخل حكيم واجة وراه مباشراة فاروق

حكيم : الله يساعدج بنيتي

نرمان : ويساعدك رحت اريد احضنة انتبهت على فاروق باوعلي عاقد حاجبة ..

فاروق : نجاة وين ولت

نرمان : هسة تجي

حكيم : شكو

نرمان : ماكو شي

فاروق : فلاح دازلها رسالة يهدد النغل

حكيم : شوكت ..

نرمان : فتح مبايلة وشاف الرسالة كعد على التخم منصي راسة

حكيم : وانتة شلون اصرفت

فاروق : اصرفت واذا عادها احطلة رمانة بالمطبخ وانعل والديه

حكيم : عاشت ايدك انتة وبس اذا اصرفت

نرمان : صار البيت مكهرب كملتها وطبت نجاة عيونها مورمة شافها حكيم وصار اعصاب اكثر

حكيم : اني مو كلت من تزوجين تبدلين خطج

نجاة : نسيت

فاروق : كسرت خطها وحطيتلها خطي القديم

حكيم : زين اسوي

نرمان : اخذت مبايلها وكعدت ساكتة بس دموعها تنزل ..رحت صبيت غدة وكعدت اباوعلهم محد يقبل ياكل

حكيم : كومي اكلي

نجاة : معليكم بية اريد الله ياخذ عمري

حكيم : يعني اذا ما تغديتي الله ياخذ عمرج

نرمان : الثولة كبل كامت تضحك اجت كعدت تاكل نست حتى السالفة التمو كلهم ياكلون بس حكيم وفاروق اشكالهم ابد ممرتاحين

_ خلصو شلت الصينية وكفت اغسل مواعين رجعت للهول ما لكيت ولا واحد كلمن بمكان رحت الغرفتي شفت حكيمي نايم طفيت الضوة ورجعت للهول .. ثاني يوم باليل اندكت الباب .. كمت افتحها

حكيم : كعدي اني افتحها

نرمان : راح فتحها صار صوت سلام طلعت من الغرفة لابسة تراك وحجاب شفت كمال ومرتة استغربت وجودة اول مرة يصعد فوك

حكيم : تفضل ابو باقر نور البيت بوجودك

نرمان : طبيت سلمت عليهم ورحت للمطبخ سويت جاي وديتلهم

كمال : والله اني جاي اشكر منك على كل وكفاتك ويانة وبذات علاج امي وكافي بعدك مخلينة ابيتك

حكيم : شنو هاذة الحجي انتة غير اخوي ابن ابوي انتو اهل هاذة البيت

اسراء : مشكور عيني بس احنى رايديك بغير شي

نرمان : عرفت وراهم سالفة ضليت كاعدة استمع والجهال يزحفون بالهول واحد ورا الاخ خبلوني

كمال : تعرف بيت ابو حازم بالشارع الورانا

حكيم : اي !

كمال : يريدون يبيعو

حكيم : هاذة مو بيت شقة طابق ثاني وجوها محل كصاب

كمال : اي هوة .. اني رايد اخذ الشقة ومحل الكصابة اشتغل بي مثل ما هوة

حكيم : ليش اكو واحد غاثك هنا شو معزز مكرم انتة وعيالك وشغلك بالاحواض والبساتين مثل ما هوة وما كايلك فديوم على زايدة واردة

كمال : لا يا خوي ما قصرت وياي بس شفت المشاكل اخر فترة وهاذة بيت عيال وهم تريد ازوج اخوتك باجر عكبة

حكيم : هاذة مو مبرر اخوتي يزوجون البيت شكبرة يوسعهم كلهم ولا تنسى هاذة البيت شكد جانو عايشين بي كبل ومكفيهم وزايد

نرمان : صار كل شوية يطلع بسالفة ولحد الان ما افتهمنة شيريد بالضبط لحد ما حجت اسراء

اسراء : يعني هوة قصدة يكلك اريد نشتري الشقة والمحل من الورث

كمال : اخذ حصتي من ابوي واشتري واستقر هم باقر كبر واريد ازوجة واشوف جهالة

نرمان : ضل حكيم ساكت فترة وهمة يمتمتون

كمال : ها شكلت .. واني هم اريد اسراء ترتاح من العيال تدري مو صغيرة بعد والنهار كلة لابسة حجاب ومجبوسة بي كافي تخدم امي ومراضية عليها

حكيم : هاي امك غصبا ما عليك تخدمها انتة بنفسك

كمال : طبعا على راسي قابل شكايل

حكيم : باجر اجيب محامي وانطيك حصتك وحصة نجم هم تطلع والبنات

كمال : اي هاي احسن فكرة وهاذة حك الله ميزعل

حكيم : يصير خير

اسراء : وحصة نجم وين تودوها

حكيم : اخذ بيت المرتة وبناتة قريب يمنة يكعدن بي وهم عيني عليهم ذني بنات مينعافن

كمال : زين اسوي رحم الله والديك

نرمان : شربو الجاي ونزلو فرحانين بس حكيم ضل ضايج رحت يمة كعدت

حكيم : تاليتها بيت حجي فاضل هيج يصير

نرمان : انتة ليش ضايج هم حقهم هاذة

حكيم : حقهم بس مراح يضل شي على حالة الاحواض تنباع والبساتين وبيت جدي ابوي اشراه من عمامي هم لازم يروح

نرمان : انتة ماعندك تنطي حصصهم بدون ميبيعون

حكيم : شعندي فلس فلسين هاذة ورث

نرمان : حط راسة على رجلي مغمض عينة

حكيم : شفتي الوكت .. كلشي ميضل على حالة

نرمان : مسدت على شعرة حسيت الي بداخلة اكبر من الكلام

_ دخلو نزار وفاروق يتناكرون لان هل فترة يرحون سوة للجم

فاروق : كلتلي ملتزم ومتاكل دهن واكلك صحي مو وبروتينات

نزار : غير كدام المدرب وبعدين من اليوم التزم

حكيم : بدت رحمة الله

فاروق : حاط الولد بالجم يجذب عليهم طلعلهم وصفات ضليت فاك حلكي .. يكلهم اكل الصبح تفاحة وجبن مملح والضهر بروكلي وجزر وبتيتة سلك ودجاج وعشى بيض سلك ابن المسلوكة

نزار : اهوووو لا تلح انتة شعليك .. كوم ابو علي اسلك بتيتة خل اتعشا

حكيم : روح انتة اسلك الروحك

نرمان : لا عادي اني اسويلة .. رحت للمطبخ اجة وراية نزار حطيت بتيتة بالمي وشغلت النار

نزار : شتعشيتو

نرمان : سويت صاج دجاج

نزار : ما بقة

نرمان : اكو ثنين بالفرن .. كبل فتح الفرن وجرهن وتربع ياكل باوعت علية ..

_ والبتيتة المن !!

نزار : البتيتة كدام فاروق

نرمان : صدك جذب .. ضليت واكفة بالمطبخ وهوة نسف الماعون سمعت حكيم يصيحلة

نزار : ايييي جااااي .. بالعباس اذا فكيتي حلكج

نرمان : طلع من المطبخ ضجت من الوكفة واستحيت اروح يمهم حسيت يريد يحجي وياهم علمود الورث كعدت على كرسي بصف الثلاجة واسمع صوتهم عالي

فاروق : يعني هاي هية راح تبيع

حكيم : ما بيدي شي هاذة حك الله وباجر عكبة اتحاسب علية

فاروق : وماليش تنطي النجم

حكيم : اشتري بيت المرتة وبناتة وهم يضلن كبال عيني

نزار : وفلوسنة وين توديهن

حكيم : تريدون اشتريلكم حاجة بيها تستفادون من راتبها لو احطهن بالمصرف

فاروق : عوف الاحواض خليها حصصنة

حكيم : اي اشوف شكد يحق الكم ويصير خير

نرمان : ضلو يتناقشون رحت كشرت البتيتة وديت الفاروق والنزار

نزار : رحم الله والديج بطني كامت توجعني من الجوع

فاروق : لازم تلتزم منا وهيج حتى تنشف

حكيم : منيلة دهون

فاروق : قاس طولة 186 لازم وزنة 86 كيلو ضبط حتى جسمة يتناسق

حكيم : على الكيلوين

نزار : حاط عينة عليهن

نرمان : بالمطبخ صارن 3 كيلوات .. شفتة خزرني وفاروق ضحك عرفت روحي جفصت

فاروق : باجر افضحك فضيحة الكو***

حكيم : تصبحون على خير اني ومرتي

فاروق : كنان وين

نرمان : نايم ويا علاوي بالجرباية

فاروق : اذا بجى باليل جيبي يمي

نرمان : ماشي .. اخذني حكيم وطبينة للغرفة تمددت على صدرة حاضنتة

_ ثاني يوم الصبح راح هوة وكل اخوانة ودز على خواتة يحضرن صار قسام شرعي وقعو الكل وبهل فترة بدو يصفون .. كلشي باسم ابوهم انباع عدى مزرعة والبيت باسم حكيم .. طلعت حصة نزار وفاروق مجيب سعر الاحواض خلوهن بالمصرف

_ بدأ كمال يلم بغارضة حتى ينقل للشقة ويفتح محلة الجديد

اسراء : حبابة نرمان تعالي بس انزل الجنط من فوك ضهري انكسر

اصيلة : لا خلي ابنج يساعدج اريد نرمان تلم هدومي وتحضرهن

نرمان : من كالت هيج ضليت ساكتة ما اكدر احجي ..

اسراء : يا تلمين ملابسج وين ترحين !!!

اصيلة : وياكم بيت ابني كمال شعندي كاعدة بعد يم ابن ضرتي

اسراء : لا عمة كمال ميقبل يكول امي عدها علاج واني ماعندي كل فلوسي ذبيتها بالشقة والمحل

اصيلة : شو اكلي تبن انتي معليج .. كومي نرمان لمي هدومي

نرمان : كمت طبيت الغرفتها انقهرت اكللها ميردوج ترحين وياهم وصدك كلام اسراء

اصيلة : لا تصفنين خلي العبي وحد والدشاديش وحد

نرمان : اي .. كمت اصفط بيهن بالجنط خلت البوم صور عرسها الي حتى شكلها ممبين بي كد ما الكامرة قديمة .. خلت كل التحتاجهن وطلعت ذهب هم ضمتة كملت كلشي وقفلت الجنط

اصيلة : يلة طلعيهن برة من يجي كمال ياخذهن

نرمان : سحلت الجنط برة الغرفة ورحت للهول لكيت نجاة جاية تساعد اسراء شافتني واجت تبوسني

نجاة : عززة تعالي اسولفلج

نرمان : طبينة للهول واسراء ضلت تخوزربيها لان عافتها تشتغل وحدها ..

نجاة : بس اخذت الخط ورجعت للبيت ماكو وحدة ما راسلتني تسأل على فاروق والي تغلطوتسب لان عافها والي تكتبلي نسيت ايامنة والعشرة ملعون .. واني اقرة وخربانة من الضحك

نرمان : يمة بدلي خطج لا يصادقهن رجلج

نجاة : اذبحة هوة وامة

نرمان : عمتج بعدها على سوالفها

نجاة : ايي عادي تعودت الله يهديها

نرمان : الله كريم دائما ادعي ونذري العبدلله الرضيع اذا صار عندج طفل

نجاة : اي راح انذر بيوم الوفاة

نرمان : الله كريم .. دخل كمال حتى ياخذ وجبة من غراضة هوة وسيارة حمل مأجرها

اصيلة : اخذ غراضي بالاول

كمال : هااا .. وين

اصيلة : وياكم چا غير ابن بطني

كمال : هز راسة .. ميخالف خل انقل غراضي وخلي غراضج اخر شي

نرمان : صعد فوك ينزل بالغراض وكبت العيطة مالتهم

نجاة : شكو

نرمان : عمتي تريد تروح وياهم وهمة ميردوها

نجاة : كبرررر عود ابنها

نرمان : نزل من فوك ضايج وجها احمر بدأ يصعد بغراضة وبقت بس غراض عمتي نزلت اسراء لابسة جبة وشال وتفر بمفاتيح بيتها الجديد وحاطتلة مدالية

اسراء : يلة بنات نشاوف بالافراح .. اروح اغسل بيتي وارتبة وراي طلعة للسوك واثاث

اصيلة : ولج وين يل مكموعة

نرمان : عبرت عمتي بدون مجاوبها .. الله يرحم ايام جانت اذا عاطت بيها توكف مثل القلم ..

_ راحو وضلت عمتي تنتضر يرجعون مرت ساعتين وهمة ماكو وعمتي ما الها حس

نجاة : اني راح اروح للبيت اتأخرت

نرمان : طلعت ورحت اشوف عمتي لكيتها بالغرفة دكيت الباب عليها ما حجت فتحتها وطبيت لكيتها كاعدة على الجرباية وحاطة الشيلة على وجها عرفتها تبجي

اصيلة : هاي تاليتها احبل واجيب واربي يذبوني يم ابن ضرتي لا البنات يسألن علية اجن لهفن فلوسهن وطلعن والولد واحد الله ياخذ عمرة عاميتة الدنيا واهلها والثاني يخاف من مرتة ليشش هيج اني شمسويتلهم متعاجزين من لكمتي

نرمان : لا عمة لاتكولين هيج .. اذا انتي مرة جبيرة ولدج هيج عافوج بس الله ما نساج ورحمج بحكيم الي ما مخليج تحتاجين الشي عمة اني بيوم من الايام صارت الدنيا كلها علية انتي وعمي وامي كلكم شمرتوني وتخليتو عني واني طفلة كلشي ما افتهم اتحملت ضرب واهاين منكم ومن جنت اتوسل بيكم ترحمون بحالي شسون !!

اصيلة : يو عمة جنتي طفلة تكبرين وتنسين

نرمان : ضحكت على حجايتها مسحت دموعها بشيلتها وحضنتني وجانت الصدمة منسبة الي اول مرة اسويها بحياتها .. بادلتها الحضن وفتح الباب نزار ومد راسة

نزار : خاف اجيتكم بوكت غير مناسب

نرمان : اخخخ من السانك .. طب وكعد على الجرباية متربع

نزار : سمعيني ولج عجوز البين

اصيلة : اكل تبن لا تركع بالشحاطة

نزار : اهووو صار عدها جم فلس كامت تشمر

اصيلة : شتريد احجي وكوم ولي وسد الباب وجهك يسوي جالي

نزار : نسوي مشروع اني وياج

اصيلة : ماليش وشكد ربحة

نزار : اشتري مكتب بفلوسج وفلوسي واثمن اجارة شكد يطلع انطيج النص

نرمان : صفنت تحسب وباوعت علية

اصيلة : وانتة شسوي بي

نزار : غير محامي الزم قضاية واخذ مبالغ قوية وانطيج شهرية يعني المنطقة الاريد اشتري بيها اجار المكتب رادو بمليون اني انطبج النص وهم المكتب يسجل نص باسمج ونص باسمي

اصيلة : تنطيني 500

نزار : 150 وكولي شايف كل الخير

اصيلة : امشي لك لاتخليني اسب المرحوم

نزار : بكيفج انتي الخسرانة فكري ورديلي خبر واذا صار عندي شغل قوي ازيد الاجار 25

اصيلة : عود افكر

نرمان : ضلو يداهرون رجعت غراض عمتي بالكنتور للعصر اجة حكيم وحجو بالمشروع مال نزار وقنع عمتي تشاركة وصدك اشترو المكتب وصار ينطيها اجار 350 بالشهر

_ بهل فترة صار ابن فاروق يمشي وابني يوكف ويوكع وزاد الطين بلة بدأ دوام السادس .. بهاي الفترة حسيت نفسي انهار

حكيم : جفون عيني انتي اقري ومعليج

نرمان : بجيت بصوت عالي .. حكيم شلون اقرأ فهمني كنان كل ما شاف كتاب حطة بحلكة وعلاوي كل شوية يريد يفكس عينة بقلم

حكيم : زين اخليهم بحضانة هم تخلصين وهم وكت تقرين

نرمان : هااا خاف يضيعون لو يبوكوهم وشلون يرحون ويرجعون

حكيم : الصبح نزار يوديهم واني من ارجع ارجعهم وياي

نرمان : واذا انباكو لو اتعورو خاف محد يديرلهم بال هناك

حكيم : شنو السالفة غير حضانة معروفة والها سمعتها والعالم كلها تمدح بيهم

نرمان : ما ادري بكيفك بس اذا صار بيهم شي انتة السبب

حكيم : عمي ميخالف

نرمان : ثاني يوم اخذهم حكيم وسجلهم بالحضانة كمت اداوم وارجع اطبخ وانضف يجون بس يتغدون ينامون كم ساعة اكعد اخلص دراستي استمريت هيج طول السنة بس من يسافر حكيم البغداد اتعب واضل اتوسل بفاروق يدير باله عليهم

_ اجت امتحانات اخر السنة وبهل فترة اخذت غراضي ونزلت بغرفتي القديمة جوة عفت الجهال وعفت كلشي وراية حتى حكيم نسيتى .. صارت حياتي بس قراية ونفسيتي كلش تعبت ضعفت وشعري بدأ يكوع من التفكير والقلق اخاف ما انجح او اعيد السنة او ما اطلع المعدل الي يدخلني طب ..

_ اليوم جان اخر امتحان الي بدلت وطلعت بدون ما اباوع بالمراية اخذت الملزمة اقرأ بيها وفجأة الكة نفسي اقرأ قران من الخوف

حكيم : ابوية حبيبي انتي كدها اذا طلعتي معدل يدخلج فنون جميلة اني فخور بيج

نرمان : ليش اجذب علية انتة مو كلت اذا ما نجحتي راح اصغرين بعيني

حكيم : غير حتى اشدين حيلج نمنمة سمي باسم الله وثقي الله ميضيعلج تعب

نرمان : ونعم بالله .. وصلت للمركز الامتحاني نزلت واحس كلبي راح يطلع من مكانة طبيت امتحنت وطلعت اني اشوف نفسي جاوبت بس اخاف المصحح ميفهم خطي من الخوف .. ضل حكيم برة لحد ما طلعت اول ما صعدت بالسيارة طكيتها بجية

حكيم : تؤ تؤ ليش بنيتي

نرمان : مخنوكة .. اذا ما طلعت معدل عالي ابطل

حكيم : هاذة شنو الحجي الماصخ

نرمان : اي والله ابطل وادير بالي على جهالي واكعد واسكت

حكيم : هههههههههههه خرب يومج

نرمان : تضحك علية

حكيم : الصبر يا الله

نرمان : رجعني للبيت اني ابجي وهوة يضحك وصلنة نزلت من السيارة امسح بوجهي وكفت يم السيارة اتحجج علية .. جوعانة ما اكدر امشي راسي يوجعني

حكيم : بس هيج تدللين مريتي

نرمان : اجة شالني على جتفة وصعد بالدرج كمت اضحك طبينة للبيت

حكيم : صايرة هايشة متنشالين

نرمان : الله شاهد ضعفانة

حكيم : شتريدين ريوك اكو قشطة واكو جبن

نرمان : اريد كوكو

حكيم : وبعد

نرمان : وعمبة بيها منكة

حكيم : جاي كهوة

نرمان : جاي واريد بي حليب ومي ورد

حكيم : خدام الخلفوج

نرمان : لا والله بس جاي احس راح اتخربط اخ راسي .. غمضت عيني وشمرت نفسي على التخم

حكيم : الله كريم ام الصفارة

نرمان : اذكرت السادس وبهتت ملامحي

حكيم : جذذذذب عمي اشاااقة

نرمان : راح سوالي اكل والجهال بالحضانة البيت فارغ وهدوء جاب الاكل وكعدنة ناكل ..

_ رجعت حياتي مثل قبل ورجعت فوك اشتغل وانضف كمت اصبر نفسي للنتائج واحاول انسى ..

حكيم : نمنمة علاوي يبجي

نرمان : واكفة اسوي جاي سمعت الهوسة صبيتة على ايدي وفرفحت طلعت من المطبخ اركض للغرفة لكيتهم واحد يخرمش بالاخ

فاروق : تكاونو الفروخ

نرمان : بعدتهم عن بعض واشوف كنان خدة كام يطلع دم حطيت ايدي على حلكي وشلتة حطيتلة دهن على خدة وبس يبجي ويصيح اوووا

حكيم : بشري

نرمان : وديتة للهول انطيتة الفاروق شاف خدة ضل ساكت ويلعب بي لان جهال اكيد ميحط عقلة وياهم

نزار : باجر يعلنون النتائج مال سادس

نرمان : من كال هيج حسيتها كملت فوك راسي طبيت للغرفة اسكت بعلاوي لميت الهوسة وعدلت الفرشة ورشيت عطر بالغرفة حسيت جسمي صار يهرشني كمت احك واملخ بجلدي

_ رفعت ثوبي احك برجلي وبضهري وصفاحي ما ادري شجاني

حكيم : بصدمة .. نمنمة شبيج

نرمان : ما ادري جسمي يحكني راح امووت

حكيم : كومي سبحي بمي بارد

نرمان : اي رايحة .. اخذت ملابس وطبيت سبحت وطلعت صرت احك ازيد من قبل والدم كام يطلع من ايدي ورجلي

حكيم : متكليلي شبيييج

نرمان : سحبني من ايدي وجاب دهن طبي بارد حط على ايدي ورجلي وينفخ علية حتى يبرد اكثر

حكيم : لا تحكين بعد هسة انطيج الرمين

نرمان : انطاني شراب من مال كنان هم عندة حساسية اخذتة ونشفت شعري

حكيم : انيمج

نرمان : هزيت راسي وتمددت غطاني وطفة الضوة اجة يم راسي يهمس

حكيم : يافكة عيون الكلب يارجفة اعصابي

نرمان : انتة هم

حكيم : اني شنو

نرمان : ما دامك بحضن الجفن جف النظر خل يكصر

حكيم : كبران وليدي صاير يحجي

نرمان : شعبالك بس من اشوفك يضيع الحجي كلة

حكيم : خايفة !

نرمان : لا على شنو اذا طلعت طب الحمدلله اذا طلعت معدل بسيط اكعد واسكت

حكيم : هاي الحساسية والحكة وجهج صار حليب بالفراولة وتكولين على شنو ! بربوك

نرمان : هزيت راسي مبتسمة لان هوة واكف وياي ومتركني ابد رغم الضغط العلية بس وجودة خفف كل حزن والم .. تمدد بصفي وحضني ما حسيت شوكت نمت .. فزيت ثاني يوم ساعة 8 الصبح

_ حكييييم كافي نوم اكعدددد

حكيم : ليش الساعة بيش

نرمان : 12 الضهر .. بس كلتها طفر من الفراش وصاح ..

حكيم : متواعد ويا واحد على شغل بالعشرة شلون ماكعدتيني

نرمان : جذذذذب والله ساعة 8

حكيم : جيرة بفركج

نرمان : ضحكت وكمت صفكت بيدي .. شتريد ريوك

حكيم : شيطلع من ايدج انعم الله

نرمان : بستة بالهوى ولبست حجاب وطلعت لان نزار موجود وفاروق بالدوام طبيت للمطبخ حطيت جاي على النار ودكيت الباب على نزار يتريك ويطلع اتأخر

نزار : صباح الخير شنو هل نشاط

نرمان : يلة كافي نوم تريك وروح مو عندك روحة للمحكمة

نزار : اي وعلي نسسسسيت

نرمان : جر خاولي من الباب وركض للحمام يسبح دقايق وكملت الريوك اجو ثنينهم دخل بدل ملابسة قميص ابيض وبنطرون قماش نيلي طلع كلشش حلو

نزار : ها محامي لو ابن عمة

حكيم : محامي اطك بالكاع

نزار : انطوني لفة مال جبن خل الحك

نرمان : سويتلة لفة واخذ طاسة الزيتون وطلع صحت وراه .. رجع الطاسة سالمة

نزار : ايييي ادعيلي

نرمان : الله يوفقك زوزو ..

حكيم : بعد كومي سجدي

نرمان : غمزتلة .. تغارررر

حكيم : اغار !! لا على بختج

نرمان : كمت ادغدغة واشاقة ويا وهوة يضحك علية

حكيم : السادس شلع فيشة من راسج

نرمان : اي والله صدكت

حكيم : عمتج شلون صارت

نرمان : الخميس اخر جرعة وراها يعيدون التحاليل ..

حكيم : ضلت وحدها جوة

نرمان : لا كل يوم ننزل يمها اني ونزار وشطبخ انزل الها وهية متكعد بس تنضف وتلم .. قفلت باب غرفتي والفوك كلة حتى اسهل بالتنضيف هسة بس الحوش والصالة والمضيف مفتوحات

حكيم : ديري بالج عليها

نرمان : ان شاءلله .. شلت الصينية شمرتها بالمطبخ ورحت كعدت بحضن حكيم فتحت مبايلي .. لكيت رسالة من ايثار مكتوب ..

( هلو حبي شلونج .. كنان شلونة سلميلي على الكل وبوسيليا وباقرب فرصة اتصل بيج )

حكيم : لا جاوبيها

نرمان : معقولة هاي ام !

حكيم : هاي اول مرة تسأل بعد جيتها !

نرمان : اي ..

حكيم : عوفيها لا جاوبيها بعد متستاهل حتى اذا دكت راح يصير اكثر من سنة هسة اذكرت ابنها

نرمان : اتذكرت شغلة وانداريت علية ..

حكيم : شبيج مخروعة

نرمان : تعرف اخوها محرم !

حكيم : شبي

نرمان : خطيبتة وياي بالمدرسة بس بغير صف شفتها مرة وحجت وياي

حكيم : شكلتلج

نرمان : عرفت عن نفسها وكالت بس انجح نزوج ونسافر وايثار هم مخطوبة

حكيم : مخطوووبة !! شوكت شو ما حجيتي

نرمان : بيومها جنت تعبانة ونسيت هسة اذكرت .. وعلساس مدرس مال انكليزي عراقي بس عايش هناك

حكيم : الله يوفقها دام هيج بعد ابد ماريدج تحجين وياها لو صدك ام حوك وكلبها محروك ما جان عافت ابنها حتى شلونة متسأل

نرمان : اي والله اني من سمعت ضجت منها .. انخطبت الله يوفقها بس ابنها خطية .. هز راسة وضل ساكت شوية وكعد من النوم اجة كنان يمشي لان يعرف ينزل من الجرباية

كنان : ماما

نرمان : حبيبي شلتة واشرتلة تريد عممم ( اكل )

كنان : عممم

نرمان : اخذتة وياي للمطبخ وسويتلة بسكت وجاي كعدت اوكلة وجبت علاوي هم ياكل ويا

حكيم : اني هم اريد بسكت وجاي

نرمان : ضحكت .. كول والله

حكيم : والله

نرمان : رحت حطيتلة بسكت وحد وجاي وحد حطهن وكعد سوة مثلهم خبط البسكت ويا الجاي صار مثل السريلاك واكلة بالخاشوكة

حكيم : طيب

نرمان : ههههههههههه بالعافية متريد سريلاك طيب

حكيم : خلي الج

نرمان : هههههههههه براحتك

حكيم : جيبيلي مي ام عطوب

نرمان : شلت الكوب ورحت انطيتة مي واني اضحك على السوا بالجاي .. سويت غدة ونزلنة جوة يم عمتي نتغدة .. للعصر اجو الولد التمنية بالبيت الجوة

اصيلة : ولك انتة يل مجلوب

نزار : اني !

اصيلة : اكو مجلوب غيرك .. العصر وديني البيت كمال ابو صماخ اريد ادكة بالصوندة

نزار : اذا هيج انتي لزمي كمال واني ادك فتون

نرمان : اكلك مو اليوم النتائج

نزار : جاي احملهن واذا ما نزلن مال مدرستكم اروح لابو المكتبة

نرمان : حسيت اطرافي رجفت كمت افرك بيدي واهفي على وجهي

نزار : طلعن النتاااااااائج

نرمان : صدددددددك

نزار : ابتسمت .. جذب

نرمان : وججججع ليش تضحك علية حررررام عليك .. كام يضحك ويباوعلي بخبث

حكيم : العصر اني اخذج لابو المكتبة نطلعهن

نزار : ميحتاج اني اخابر صاحبي يطلعهن اختة هم سادس وياج

نرمان : كمت توضيت ولبست حجاب كعدت اقرأ قران وانفخ على روحي ما ادري ليش صارت 5 العصر وماكو

نزار : راح اخابر صاحبي

نرمان : اتصل على صديقة واني ارجف حضني حكيم وعصرني حيل يحاول يهديني ..

نزار : اسمها نرمان عماد

نرمان : انطاه اسمي الرباعي وبقة ويا على الخط تقريب الربع ساعة حسيت روحي بعد ما اكدر اوكف كعدت بالكاع وغمضت عيني ادعي

نزار : شتكووووول !!!! 60 اي اي رحم الله والديك

نرمان : من كال 60 حطيت ايدي على وجهي وسجدت ابجي حسيت كل تعبي وكل المريت بي صار رماد بداخلي اتحطمت وانتهيت انتهى مستقبلي من هاي الحضة خيبت امل حكيم والكل صرت اشهك ولازمة صدري ما اكدر اتنفس

حكيم : ميخالف ابوية فدوة الطولج

نزار : صدك جذب نونو هوة هاذة معدل 96 وين ادخلج

نرمان : شنو 96 تضحك علية مو اتحسب عليك اشايف روحك انتة

نزار : والله 96 وروح ابوية

نرمان : منو جاب 96

نزار : انتي معدلج 96

نرمان : كول ان شاءلله تموت اذا اجذب

نزار : ان شاءلله اموت اذا اجذب

حكيم : تف عليك يا عار .. كووومي فدوة الطولج تسوين راسة انتي دكتورتي

نرمان : كمت من الكاع ما مستوعبة اني طلعت هاذة المعدل من الفرحة حضنت حكيم وكمت ادك على ضهرة

حكيم : راح تكسرين ضهري

نرمان : انيييييييي دكتورة والعباس دكتوووورة .. حضنت عمتي والجهال مسحت وجهي ورجعت ابوس بحكيم حتى من حلكة بستة

نزار : تعاااي حضنيني لا تستحين مثل اخوج

نرمان : انتة بذات لاتحجي وياي

حكيم : لاتحجون بعد لا وياي ولا وياها

فاروق : المفروض هسة نبارك الحكيم انتي تمتحنين وهوة يطلك

نرمان : تااااج راسي حبيبي ابووية حكيم

نزار : ملعونة بجيتيني

نرمان : واكفين يضحكون علية واني ما اعرف شلون ابوس حكيم واشكرة لو انطي عيوني ما اوفي ذرة من تعبة وياي

حكيم : باجر لو متت وكفت كدام الله .. طالع من خطيتكم

نرمان : حضنتة حيييل واجة نزار هم حضنة وباسة

نزار : ابو علي انتة اذا متموتنة متموت

حكيم : لازك على كلبك ابن الماريد احجيها

فاروق : يابة الله يخليك خيمة

نرمان : جابتلي عمتي مي وملح تكول مال هبطة شربتة وكعدت فرحانة جريت نفس عميق ورتبت حجابي ..

_ التمينة كلنة وصينا اكل من برة كعدنة ناكل سوة

حكيم : ماضل عندي هم غير ابو الفوارق

فاروق : شبيه

حكيم : من ازوجك انام ليلي على مغدة نعام

فاروق : باجر اجيبلك مخدة نعام نام عليها

حكيم : نعام مووو .. بوية ازوج محد يفيدك شوفلك مرة بت اوادم ادير بالها عليك وعلى ابنك

فاروق : هاا متعاجزين من ابني بعد ما اخلي يمكم

حكيم : انتة شنايم براسك .. تكلك ازوج تكلي متعاجزين من ابني خليها بعلمك نرمان مداريتة اكثر من ابنها

فاروق : چا لاجيبون هاذة الطاري بعد لو اريد ازوج باجر ازوج بس هسة مو ابالي

حكيم : اني ادري شني ابالك ابو كنان

فاروق : عمي الله شاهد كلشي ماكو من البالك

نزار : لا خوية صاير زلمة

فاروق : الصم

حكيم : الله كريم

نزار : دام كال الله كريم ميعوفك اذا متزوج

فاروق : سدو الموضوع وانسو

نرمان : بيومها جان اسعد يوم بحياتي حسيت لو البيت يحترك ما ادير بال

نزار : يا كلية راح تقدمين عليها

نرمان : ابتسمت .. طب عام

حكيم : كرصت خدها نشوفلج واسطة بجامعة البصرة

نزار : قريبة علية يومية امرلج اذا قبلوج فراشة بالطب

نرمان : باوعتلة صفح ورجعت ابتسم الحكيم

حكيم : راح تبدي الدياحة

نرمان : يوووو كيمووو ..

حكيم : خابري نجاة خل تجي اشوفها مشتاقلها

نرمان : كمت بسرعة دكيت على نجاة وكلتها على معدلي من الفرحة سدت المبايل واجتي لابسة عبايتها وطايرة

نجاة : مبرررك نمنمة شدي حيلج حتى تعالجيني

نرمان : بستها وحضنتها كعدنة بالهول بس شكلها ممرتاحة ..

اصيلة : ولج نجيوة هاي عمتج ام صماخ بعدها تعايرج بالبزر

نرمان : صفنت شمدريها !! انوب كدام الولد كبل باوعت على حكيم عقد حاجبة

حكيم : عمتج تعايرج !

نجاة : لا بس مرات تحجي لان ماصار عندي طفل

حكيم : وهوة بيدج غير بيد الله

فاروق : خاف ابنها الخركة عقيم

حكيم : شنو هل حجي مو عيب

نجاة : لا مؤيد مو مثلها

نرمان : حجتها وبجت كعدلو كعدتهم كلهم شايشين خفت تحجي ويرحون يكتلون الولد

نجاة : جانت قبل بس هية تعايرني هسة الكل يطب ويطلع يعايرني

نرمان : كرصتها حتى تسكت

حكيم : ما رحتي دكتورة

نجاة : رحت

حكيم : اي !

نجاة : سوالف نسوان معليك

نرمان : ضلو ساكتين شوية والكل طلعو الي راح ينام والي طلع يم جماعتة وحكيم راح يرش بالحديقة ادري بي طلع حتى نحجي براحتنة

نجاة : الدكتورة تكول حجم المبايض صغير انطتني منشطات وماكو فايدة هم ماصار ورحتلها مرة ثانية طلعت غير سالفة وهم اخذت علاج وضربت ابر تفجيرية بطني وما فاد

اصيلة : يجوز رجلج مابي خير

نجاة : لا لاتكولين هيج

نرمان : الله مرايد هسة شبيدج انتي العليج سويتي

نجاة : اي مابيدي شي اصلا حتى دكتورة بعد ما اروح

نرمان : الله كريم .. بقت شوية وطلعت .. رغم فرحتي بس ضجت عليها سألني حكيم وحجيتلة مقتطفات ما فهمتة كلش

حكيم : اذا سافرت البغداد اشوفلها دكتورة هناك

نرمان : اكو دكتور نسائي هنا كلها تحجي بي حتى من المحافظات يجون علية بس رجلها ميقبل تراجع دكتور ويفحصها

حكيم : اي اعرفة .. لا اني اشوفلها دكتورة وين ما جان اخذها وماخلي بشر يعايرها بالبزر واذا ربج ما رايد سوت العليها

نرمان : خطية والله علوى تشوفلها دكتورة زينة

حكيم : يصير خير

نرمان : مرت الايام وجنت كلش مرتاحة بالعطلة وحكيم شاف دكتورة النجاة بس مو بغداد بالحلة واتفق ويا رجلها حتى ياخذها تتعالج وصدك صار كل اسبوع ياخذها لو هوة لو نزار .. مشت الاشهر تركض ركض انقبلت موازي واجة اليوم الاداوم بي اول يوم جامعة ..

_ بيومها كعدت ويا صلاة الصبح سبحت و صليت اخذت علي الصار عمرة سنتين خليتة يم فاروق وابنة وطلعت امشي على اطراف اصابيعي رجعت الغرفتي وكعدت حكيم

حكيم : صباحي وجهج

نرمان : خايفة

حكيم : انتي سباعية بنيتي

نرمان : تمددت بصفة صار يتحارش بية بيدة

حكيم : حضرتي ملابسج

نرمان : هزيت راسي وضربتة على ايدة .. ما ضل وكت

حكيم : بعد وكت

نرمان : كمت من الجرباية اركض قبل لا يلزمني اخذت ملابسي ورحت للحمام بدلت وحطيت مكياج وطلعت لكيتة مبدل وكاعد بالهول

حكيم : هم هاي الحمرررة

نرمان : خففتها

حكيم : خرب عشيرتج

نرمان : اخذت جنطتي وطلعت ويا حكيم

حكيم : حبيبي اليوم اول يوم كلية .. خليج سطحية ويا الكل اتركي مسافة بينج وبين اقرب صديقة الج .. سالفة زميلي كطنة طلعيها من اذنج كلامج ويا الدكاترة حدي وممنوع ادخلين مكتب اي دكتور لو اصير حياة او موت

نرمان : ما خفت من الكلية خفت من نصايحك

حكيم : تكعدين بحالج .. سجلي محاضراتج اذا ما لحكتي تكتبين .. اي شي يصير وياج تتصلين بية .. مكتب نزار بينج وبينة ربع ساعة اذا اني مسافر لو مشغول ادكين علية يجيج

نرمان : هاي كلية لو جبهة قتال

حكيم : ها بدينة ارجعج للبيت

نرمان : لا لا هاي هية .. اخذني الطريق كلة يوصي .. وصلنة للكلية نزلت من السيارة .. دخلت ودخل وياي حكيم جان عالم ثاني ومختلف حسيت براحة من شفت البنات والشباب كلها من عمري وعمر نزار

_ دخلت كلية طب عام وبدت رحلتي الصعبة من هاذة اليوم ..

حكيم : حاولي لا اطلعين هواي تفترين دائما خليج بالمحاضرة راجعي

نرمان : باوعتلة وسكتت صدك يحجي عود

حكيم : شلون فهميني اداوم وياج

نرمان : كافي ارجع واني اتصل عليك من نطلع

حكيم : راح انتضرج برة .. هاج ذني خليهن جوة ايدج يصير ميصير

نرمان : انطاني ورقة 100 دولار وياها خردة .. شسوي بيهن

حكيم : خاف اجوعين يصير ميصير

نرمان : ضحكت على سوالفة .. عافني وطلع يتلفت ضليت واكفة ما ادري وين اروح .. شفت بنات ثنين اجو باتجاهي

منار : انتي مرحلة اولى

نرمان : اي

جيهان : مبينة

نرمان : ابتسمت وضليت ساكتة .. طلبو مني اكعد وياهم على مسطبة .. كعدت واحس حكيم مراقبني من الخوف

منار : اني راسبة بالمرحلة الاولى

نرمان : حفزتيني

جيهان : معليج بيها هاي ادور كلية تربية واهلها جبروها تدخل طب بالدفرات

نرمان : انطلقو يحجون عن حياتهم .. ضليت ساكتة واجاوب على كد السؤال .. دخلت محاضرتين وجانو الاغلبية يعرفون عن نفسهم .. خلص الدوام وطلعت

منار : انتي خط لو فورتات

نرمان : لا ارجع ويا زوجي

جيهان : متززززوجة

نرمان : وعندي اطفال ثنين

منار : بهاذة عمررج تشاقين

نرمان : ابتسمت الهم وطلعت لكيت حكيم بسيارتة نزل فتحلي الباب صعدت وصعد بصفي .. حسيت نفسي اميرة ..

حكيم : شلونة يومج

نرمان : صح خفت بس يجنن

حكيم : تعرفتي على صديقات اندليتي الاماكن

نرمان : اتعرفت على بنات ثنين وحدة منهن وياي بالقسم والثانية لا بس كلش حبابات

حكيم : كلش مستفادة من كلامي اذا شفتيهن مرة وحكمتي حبابات

نرمان : حكيمي مرتك ذيبة

حكيم : بيضة فرخ مال دجاج ما اخليج

نرمان : اذكرك

حكيم : بس من هاي خايف

نرمان : رجعنة للبيت نتناكر .. صعدت فوك فرحانة اتلكوني الجهال من الباب يبجون

كنان : هو .. دبني ( ضربني )

علي : ماما .. ماما

نرمان : كنان السان يحجي بس علي اول مينكتل يكوم يصيح ماما .. ليش دبك

كنان : كب .. ( كلب )

نرمان : عيبببب منو معلمك تكول كلب

كنان : امو حكير ( عمو حكيم )

نرمان : عيب بعد لا تتعاركون .. ابوك وين .. اشر على الحمام

حكيم : ليش تضرب ابني مو اطردك من البيت انتة وابوك

كنان : امو علاوي كب عض بابا

حكيم : وين ابوك التحفة

كنان : يبح ( يسبح )

علي : بابا .. ماما

حكيم : انتة خليك بس صيح بابا وماما وهاذة يومين ويكوم يطلع عمالة ويجيب مصرف للبيت

نرمان : مسحت وجها وكعدتة بحضني باوعت على كنان ايشرلة بيدة بمعنى اذبحك .. وووولك منيلك هاي السوالف

كنان : امو زوز

فاروق : شبي فلذة كبد عمة

نرمان : ابنك ليش يضرب علي خطية

فاروق : ابنج من جوة ليجوة

نرمان : اخذت علي ونزلت جوة شفت عمتي كاعدة تحوك جواريب العلاوي وضاهرة عليها اثار المرض .. بعد ما ضربت كيمياوي ضعفت وشعرها كلة اساقط .. كعدت بصفها .. شلونج عمة

اصيلة : على الله

نرمان : تريدين غدة اصبلج

اصيلة : اسراء وين

نرمان : راحت البارحة لاهلها

اصيلة : عمة اريد حكيم ياخذني النجم اشوفة

نرمان : ميخالف اكولة العصر

اصيلة : لا تكليلة دام البيت فارغ عندي حجاية ويا خل ينزل

نرمان : تدللين بس اتغدي بالاول

اصيلة : انطيني ابنج وروحي صبي غدة

نرمان : انطيتهيا وكمت للمطبخ .. اتفقت ويا نجاة كل يوم تجي تطبخ على الاقل تعيني ويا دوامي .. فتحت الجدر لكيتها جايبة تبسي وتمن .. صبيت الغدة ورحت وديتا الها ..

_ كعدت اكل وياها شوية وصعدت فوك .. لكيت حكيم كاعد .. عمة تريدك

حكيم : اني ! .. وينها

نرمان : جوة تريد تحجي وياك .. هز راسة ونزل جوة .. صبيت تمن احمر ولبن من البارحة وكعدت اوكل الجهال

نزار : سلامن عليكم

نرمان : هلاااا .. اليوم فتت من يم مكتبك

نزار : ما اجيتي

نرمان : لا كلت خاف عندك شغل

نزار : شلونة يومج

نرمان : يجنن

كنان : بهمس .. دبيت علاوي ( ضربت )

نزار : عفية بالسبع

نرمان : حرام عليك ليش هيج تعلمة مو هاذة هم ابن اخوك

نزار : فارغ يشبه امة

علي : انجب

نرمان : حطيت ايدي على حلكي .. عيبببب

نزار : هاي عليمن

علي : انجب

نرمان : شكل يغلط على نزار وذاك يريد يضربة كمت اهدي بيهم ونزار حاط عقلة وياهم ..

اصيلة : السويتة الي .. ولدي ما سو

حكيم : هاذة واجبي

اصيلة : لا يمة مو واجبك .. اريدك تبريني الذمة من اليوم الي انولدت بي

حكيم : ميفيد بعد الفات مات والله يسامحج

اصيلة : امك جانت هواي ادك علية وتتوسل بية تسمع اخباركم لو ارقامكم وانا جنت اصدها .. امك انظلمت هواي .. ارجع خابرها واسأل عليها

حكيم : ادري مالة داعي تحجين بذنوبج وتفتحين دفاتر مطوية ..

اصيلة : يعني مسامحني

حكيم : الله يسامحج مو اني .. عن اذنج

نرمان : طب حكيم عيونة حمر وميتحاجة اجو اخوانة كعدو يمة

فاروق : شبيك

حكيم : اريد اخذكم تشوفون امي

فاروق : يا ام ! هااا الله كريم

نرمان : طب الغرفة وضل مكتئب طول اليوم ..

_ مر يومين وهوة ضايج صار نزار ياخذني للدوام ويرجعني ويا .. بيوم جنت راجعة تعبانة طبيت للبيت لكيت الصالة عبارة عن معكرونة وعدس وكنان وعلي يطبشون بي كمت الطم رحت للمطبخ شفت حكيم يصفي التمن

حكيم : شلونها مريتي

نرمان : ليش منطي الجهال العدس والمعكرونة

حكيم : خطية يلعبون بي

نرمان : لا حكيم لا اشاقة مو .. طبيت للهول بوجهي شغلت مكناسة كهربائية وبديت اكنس وهمة خنسو يخافون من صوت المكناسة

حكيم : يلة مرتس سويتلج تمن ومرك

نرمان : حط الصينية بالكاع كعدت واشوف المركة خفيفة مي والتمن معجن كعدت اكل وابلع بالكمة

حكيم : طيب

نرمان : دام من ايدك يخبل

نزار : حشة النعمة

حكيم : انتة ماعندك ذوق

نرمان : طب فاروق من الدوام غسل واتوضى وكف يصلي .. صح يزاغل مرات ويشرب بس ملتزم بصلاتة .. كمل واجة يريدياكل بس شاف الكل كال ..

فاروق : بالعافية شبعان

حكيم : امشووو سرسرية بيكم خير انتو

نرمان : وتستمر الحياة رغم الشجن لا هي تقف على من اشترى ولا هي تقف على من باع بلا ثمن .. وليعلم جميع من اراد دفني .. اني بذور

حكيم : بذرة خلقت من رحم الظلام زرعتها في قلبي انبتت ذات ليلة ثمار .. امطرت عليها حبي لتنمو !

بقلم الكاتبة : ضحى ال عامر

النهاية ..

بنات فترة وانزل بارت عن حياتهم بهاي الاشهر القريبة وراح تعرفون منو الخلف ومنو العايش ومنو الميت .. وطبعا احس ختمتها ختامية تستحقها 8000 كلمة وماخفيت اي احداث .. لاتنسوني بالدعاء احبكم هووواي

شلونهم الحلوووات .. نزل البارت الاخير وصار 8000 كلمة كل الاحداث الكصيتها وما انذكرت تلكوها كلها نزلت بس الي ما اجاهم اشعار يمسح القصة من التنزيل ويرجع ينزلها يلكا البارت بالبداية نفس احداث شوية تمشون وتبدي الاحداث الي انكصت راح تضهر كلها لحد ما نرمان دخلت سادس ونجحت ونزار اخذورثة واشترة مكتب وباااقي هواي احداث ما احرك عليكم بس مسحو القصة ورجعوها تلكوها كلكم رجعو اقرو لان هواي راح يفوتكم واسفة على الاطالة

شلونكم فلذات كبدي 🤍

مشتاقين .. قبل كلشي صوتو للبارت واستمتعو 🤍

_________________________________________

نرمان : خلصت محاضرة وطلعت انتظر حكيم الجو بارد وبلاعيمي ملتهبة اريد بس ارجع للبيت

نسرين : لج عيونج فدنوب ذبلانة امشي احمد يوصلنة

نرمان : لا ميخالف حكيم ميقبل ارجع ويا احد

نسرين : يمعودة احمد من زمان تعرفي وخطيبي مو غريب هسة نوصلج واكيد اذا شافج هيج تعبانة ميكول شي باعي الساعة بيش صارت

نرمان : دقيقة خل ادك علية .. فتحت جهازي اتصلت بي ماكو رد تقريبا اربع مرات وماكو رد

نسرين : خاف صار قدر لا سامح الله وميكدر يجيج امشي عاد

نرمان : ماعندي حل ثاني راسي يون علية وافقت وصعدت وياهم بالسيارة والطريق كلة كلبي يدك سريع اخاف اذا شافني اتفشل كدامهم مشت السيارة شوية وكف

احمد : ابن خالتي يرجع ويانة

نرمان : هنا حسيت كلبي وكع من الخوف انوب ابن خالتة ويانة دغيت نسرين نزلت من السيارة وصعدت بصفي وصعد ابن خالتة .. سلم وكعد

نسرين : لج شبيج فكي شوية راح تموتين

نرمان : لو باقية بالشارع احسن

نسرين : ترة الولد محترم حتى حلكة ما فتحة

نرمان : وحكيم شيقنعة

نسرين : بلكت مموجود وكليلة رجعت ويا البنات بالخط

نرمان : اذا حكيم مموجود اخو موجود

نسرين : منين ما اجيج تجيني

نرمان : وصلنة قريب البيت طلبت منهم ينزلوني براس الفرع بس ماقبلو وكفت السيارة بالباب شفت فاروق والجهال واكفين اول ما شافوني ركضو علية

كنان : ماما عبالنة خطفوج

علي : بجي .. شيليني

نرمان : اجة فاروق سلم على الولد واشكر منهم طبيت للبيت سألت علاوي بصوت ناصي .. بابا وين

علي : يدور عليج

نرمان : صخام بوجهي التفتت على فاروق الكالب وجها فتح مبايلة واتصل على حكيم

فاروق : هاي مرتك رجعت تعال

حكيم : ويييين جااااانت وشلون تررررجع وحدهاااا

فاروق : ارجع واسألها ..

نرمان : اخذت الجهال وصعدت الوم بنفسي لو باقية بالشارع ولا هيج صاير فتحت مبايلي لكيت 40 مكالمة من حكيم ونزار والمبايل صامت .. دكيت على حكيم رفضة ما اتأخر شوية ودخل طبيت للغرفة وسديت الباب طب يباوعلي وايدة ورا ضهرة وعيونة تنط شرار

حكيم : شلون ترجعين وحدج

نرمان : نسرين وخطيبها رجعوني والله خوش ولد ومؤدب وما حجة ولا كلمة غير السلام وكعدت ليورا وحلكي ما فتحتة وداعت علاوي

حكيم : لج اتأخررررت عليج ربع ساعة ترررجعين وحدددج

نرمان : ما صار شي رجعت الحمدلله انتة مو تدري بية بلاعيمي توجعني وفلاونزة .. بدون ميرد عافني وطلع .. بدلت ملابسي وطلعت

نزار : يمعودة وكعتي كلوبنة

نرمان : ضليت ساكتة كلها كالبة وجها عفتهم ونزلت جوة شفت عمتي واكفة على الطباخ

اصيلة : شبيهم جهالج يبجون برة

نرمان : ضحكت واخذت الجفجير من ايدها .. عبالهم خطفوني لان ما رجعت ويا حكيم

اصيلة : شكم مرة كلتلج نزليهم يمي من تروحين للدوام اني اكعد ويا الصلاة بعد ما انام

نرمان : عمة يدوخوج ويكسرون البيت فوك كلشي ما مخلية حتى التحفيات شايلتها

اصيلة : اليوم رجلي توجعني

نرمان : ليش طالعة من غرفتج نجاة ما اجتج اليوم

اصيلة : جابت الغدة وراحت هم بناتها مينجرعن

نرمان : هههههههه .. صبيتلها غدة واخذت الجدورة وصعدت فوك فتحت الباب

نزار : اجتي السايبة

حكيم : نزززار كوم اخذ الجدورة منها

نرمان : ابتسمت بخبث بوجه نزار

نزار : جنج فافونة

نرمان : جنك عامود كهرباء شطولك .. رحت وراه للمطبخ سويت زلاطة وصبيت غدة والتمينة على السفرة

فاروق : ما كلتيلنة منو ذولة الوصلوج ؟؟

نرمان : بلعت ريكي بخوف دائما يتعمد يضوجني وميطلع اسمة فاروق اذا ميخبث علية .. باوعت على حكيم يباوعلي كمت ما اعرف ابلع الكمة لو احجي

حكيم : مو كلتي احمد ونسرين وصلوج

فاروق : وبعد واحد وياهم الضاهر من الشلة

نرمان : اي صعد ويانة قبل لا نوصل للبيت ما اعرفة منو يمكن ابن خالتهم ما طولت دقايق ونزلت حتى ما شفت شكلة .. هز راسة حكيم وما اكل

نزار : خوية بعد عدك شي كتهن مدام كاعدين على الاكل بلكت تنسد نفوسهم ويعوفون الزلاطة

حكيم : عمتج تغدت !

نرمان : اي قبلنة

حكيم : نزار خلص غداك وروح جيب دوة الاصيلة

نزار : خلي فاروق يروح عندي طلعة للسوك

حكيم : اييي جيبة بدربك

نزار : ما الحك ما الحك

حكيم : شعندك مولي للسوك

نزار : لكيتلك شلون غرفة نوم جديدة تموت عارضيها ب ٣٠٠ الف اريد الحك عليها قبل لاتنباع

حكيم : غرفتيش هاي ب ٣٠٠ الف تموت

نزار : جديدة ماخذها عريس ومحتركة قبل العرس هية بيضة بس صايرة بيتنجانية ممبينة عبالك بلادية

فاروق : فكريات اشتريلك غرفة بيها خير وفضها

نزار : هسة اجيبها واشوفها اذا ما جلبت بيها

نرمان : خلصو اكل وشلت الصينية وكفت بالمطبخ اغسل مواعين حسيت احد وراية

حكيم : حسابج بعدين اذا ما طلعها من خشمج

نرمان : التفتت علية وحضنتة .. ينطيك كلبك

حكيم : ميمشن بعد

نرمان : ما اعيدها

حكيم : يومية ادوسين بكلبي وتكولين ما اعيدها حفظت الجملة

نرمان : جر كرسي وكعد كبالي طلع جكارة يدخن عضيت شفتي وكعدت بحضنة .. والله ما اعيدها اخر مرة

حكيم : خل يولن

نرمان : جر نفس من الجكارة ونفخة بوجهي حيل كمت اكح كمت من حضنة رجع جرني الحضنة .. هسة يجي احد

حكيم : تؤ محد يجي

نرمان : فتح شالي وباسني بركبتي غمضت عيني وحضنتة حيل حجيت بصوت ناصي .. ما ضايج مني .. حضني اقوى

حكيم : يابعد اهلي

نرمان : احس بالامان بكلماتة وحنانة حضنة بي حياة

كنان : ماما عطشان

نرمان : فزيت من حضنة اريد اشوف منو طب ما لحكت عدلت شالي وكمت

حكيم : الله الله شبيج

نرمان : خفت عبالي احد اجة ويا كمت انطيتة مي شرب وباوع علية فتح عينة ..

كنان : ماما شبيها ركبتج

نرمان : لفيت ركبتي بالشال .. شبيها !

كنان : منو ضاربج

نرمان : محد حبيبي حساسية حكيتها

كنان : اجيبلج دهن من بابا واجي

نرمان : طلع يركض باوعت على حكيم

حكيم : لاضوجين اني الزكها يمهم

نرمان : شكد عيب هسة ميخلي واحد ميكلة .. عفست وجهي اجة يمي ولف حجابي عدل وضربني راشدين بخفة ايدة

حكيم : خلصي المطبخ وتعالي اشوفج باجر اسافر البغداد

نرمان : هزيت راسي وراح .. لحد الان بعد مرور 9 سنوات اعرفة اختنك من يعوفني واحس نفسي وحدي ماعندي احد بالدنيا غيرة .. التفتت اغسل مواعين سمعت هوسة برة

نجاة : كااافي سكتووو راسي راح ينفجر .. نزار عليك الله سكتهم

فاروق : هوة يراد واحد يسكتة

حكيم : شبيكم شنو سوك هرج

نرمان : خلصت المواعين وطلعت برة شفت نجاة وبناتها التوم بس ابد ميشابهن عبالك هاي من ام وهاي من ام وحدة سمرة وحدة بيضة

نجاة : نمنمة جنت يم عمتج جوة وطردتني

نرمان : خربت من الضحك على سوالف عمتي ابد متحب بنات نجاة لان وكحات ونجاة تلح وياها لو يتعاركن واضل اسويلها ضل البيت لم طيرة وطارت بي الف طيرة .. وعمتي تتخبل ويتعاركن

حكيم : مو تريد تروح للسوك بطلت ؟

نزار : باجر عود

نرمان : راحت نجاة سوت جاي وجابتة نزلو علي وكنان وشهب وشهباء بنات نجاة يلعبون بالحديقة

نجاة : اول بارحة اجتي بت خالة مؤيد شلون بنية تخبل وطالبة كلية مرحلة اولى فكرت اخطبها الفاروق

فاروق : ياااا فاررروق

نجاة : انتة

فاروق : سدي الموضوع

حكيم : عوفي يطبة مرض هوة منو تاخذة مزوج ومطلك وعندة ولد بطولة عبالة جاهل والبنات كاتلات رواحهن علية

نرمان : ضل حكيم يرزل بي منشوف غير فاروق حطة على قناة مال رقص شرقي وعلى الصوت كلش

حكيم : بس هاذة الفالح بي

نرمان : طلعت وحدة لابسة تشيرت شفاف اسود وشورت ابيض وملابسها الداخلية طالعة وتركص وتستعرض ضلينة اني ونجاة وحدة تباوع للخ

نزار : الباسها مثل الباس عادل امام بفلم الهلفوت

نرمان : من نزار كال هيج روحي طلعت من الضحك حتى حكيم جان كالب وجها خرب ضحك

نجاة : نزوري خل اخذلكياها

نزار : الله وايدج

حكيم : نزار يكول لا ؟

نزار : عدى الشقة محتاج سكرتيرة

نجاة : اكلة عروس يكلي سكرتيرة

فاروق : شنو كلبت المكتب عيادة شسوي بالسكرتيرة

نزار : تونسني من اضوج نكعد نسولف

نرمان : همة يضحكون ويتحارشون بي وحكيم كالب وجها

نزار : عدى الشقة خطبولي واخليلكم فاروق يحسبلي جهال ويتحسر

نجاة : ذولة يومية هيج ميفيد وياهم اني راح اروح خلي بناتي يمج اريد اطلع ويا مؤيد

نرمان : تدللين .. سلمت وطلعت

حكيم : بهمس .. شوفي الجهال وين ولحكيني

نرمان : هزيت راسي راح للغرفة ونزار وفاروق ضلو بالهول .. وكفت بالترك اباوعلهم كاعدين على الدرج وكنان يبجي نزلت مفزوعة ..

_ شبييييك مامااااا

علي : خطية جاي احجيلة على امة

نرمان : يا ام !

علي : مرت عمو فاروق ..

نرمان : ليش ماما جنت عايش وياها واني ما ادري !

شهب : عمة هوة يثأل عمو فالوق شلون ثار ابو

كنان : مسح دموعة وكال .. انتي شنو اسمج

نرمان : اسمي نرمان كمت متعرفني

كنان : منرال يعني مو ماما

نرمان : نرماان ولك ولا اني ماما وعندك ايثار هم ماما بس اني الربيتك ايثار جابتك

كنان : وين راحت

نرمان : راحت بعيددد

كنان : يعني مثل جدو فوك

نرمان : لا بدولة ثانية

كنان : ليش متعيش وياي انتي مو جبتي علاوي وتعيشين ويا

نرمان : ليش هيج تكول يعني بعد متحبني انتة مو اني اكوم ابجي باليل عليك .. تقرب يحضني .. حضنتة حيل وبوستة

كنان : لا احبج ماما

علي : اني هم شبكيني

نرمان : حضنتهم والجهال كلها تبجي .. ذكروني من جنت صغيرة وافز باليل ابجي اتخيل امي وابوية يموتون وابقة وحدي ..

_ يلة تعالو كلكم نروح الغرفة عمو نزار عندة ثلاجة بيها نساتل وجبس .. صعدو يركضون طببتهم الغرفة نزار وسديت الباب وبدة الصياح

نزار : تعاي اخذيهم والله اشمرهم من الشباج

نرمان : حباب الخاطري خليهم يمك

نزار : بس هل مرة

نرمان : ماشي .. طلعت اركض للغرفة قبل لاتكب العيطة

حكيم : وين صرتي ..

نرمان : طبيت جوة الغطة رفع راسي وخلاني على صدرة حاضني

حكيم : انعل والديج اريد جهال

نرمان : اني ما اريد

حكيم : مو ازوج

نرمان : محد تقبل بيك شايب

حكيم : يل فصمة يل زعطوطة الشايب بس يأشر الف وحدة تتمنى

نرمان : صدددددك حكييييم شمدررريك الف وحدددة تتمناك لازم عندك علاقااات وتعرف هاااي تاليتها اذبني بالبصرة وتروح البغداد ادور بنات كول كول جذب بس صوج الغشيمة الأمنت روحها يمك

حكيم : جذب والعباس استفزج عمي اني شايب منو تكلبني بس سدي حلكج بروح عمج المشعول

نرمان : الله يرحمة

حكيم : عمج هسة حاطي بحضن ابو لهب ويهفون على اذانة

نرمان : يوووو الله يرحمة

حكيم : نعلت الله علية هوة وابنة ال****

نرمان : هسة اجاب عمي بالنص ابو النسوان

حكيم : عرمة تربية اصيلو

نرمان : ليش متكول تربيتك

حكيم : تربية وصخة .. نمنمة تذكرين من لكيتج تركصين

نرمان : عزززا بيومها ما نمت من الخجل بربك هم اذكرتني بالليل لو فكرت بيا

حكيم : بيومها للصبح ما نمت ذكرتيني بالكنغر من يحط ابنة بجيبة ويكمز

نرمان : جانت الرومانسية صاعدة عندي لحد ما شبهني بالكنغر رفعت راسي وركعتة كلة لان بعد متسوة يضل بية انوثة بعد الحجي

حكيم : بوية صماخ عمي ضياء

نرمان : لمني الحضنة وصار يلعب بشعري

حكيم : اكطم اذاناتج اذا ترجعين ويا بشر بعد اول مرة واخر مرة اذا تكررت يصير غير تصرف

نرمان : مثق بية

حكيم : بوية اني اعمى وانتي تكوديني الثقة وحد وهاذة الموضوع وحد

نرمان : تغاررررر

حكيم : اكلج انتي ما محترة لابسة هواي!

نرمان : لا اصلا بردانة .. ما كلتلي تغارررر

حكيم : تغار لو كبار

نرمان : ههههههههههه بايخة

حكيم : هسة ما كلتيلي ما محترة

نرمان : لو حياتنة كتاب شنو اسمي ! .. غمزلي وكال ..

حكيم : بعد منتصف الليل

نرمان : باوعتلة صفح

حكيم : اسألج سؤال

نرمان : جواب

حكيم : انتي وين جنتي ساكنة قبل

نرمان : جوة

حكيم : واني وين

نرمان : فوك

حكيم : انتي وين هسة

نرمان : شبيك حكيمي مصخن بغرفتنة

حكيم : يعني بقمة الحكيم

نرمان : يعني شنو !

حكيم : نسمي على قمة الحكيم دامج بحضن الحكيم

نرمان : حضني لحد ما اختنكت .. حكيييمي اختنكتتت

حكيم : تنفسيني

نرمان : صرت اشهك هواك .. تلمس خصري وباسني بخدي سمعت صوت اذان المغرب

حكيم : نصلي

نرمان : هزيت راسي وعيوني ذبلانة بديه .. كمت ويا توضينة ورجعنة للغرفة والبيت سنطة كعدنة على السجادة متوجهين للقبلة

حكيم : اللهمَّ لك الحمد والشكر في الأولى، ولك الحمد والشكر في الآخرة، ولك الحمد والشكر من قبل، ولك الحمد والشكر من بعد، وآناء الليل وأطراف النهار، وفي كل حينٍ ودائماً وأبداً

نرمان : دائما من نصلي سوة يقرة هاذة الدعاء (بنية) شكر الله عز وجل .. دائما اشكرو الله ليزيدكم ♡

احبكم ♥️

حبايبي لهنا واختم البارت خفيف ضريف بسيط اكيد هسة عرفتو عمت نرمان عايشة بس صحتها على كدها ونرمان تدرس للان بس شوي مريضة ادعولها الي متابعيني بالانستا يعرفون ونزار الحقوقي اعزب وفاروق اجمل اب لاجمل طفل بالدنيا والسنة الجاية علي وكنان ثنينهم بصف الاول ابتدائي .. بالاخير اذا حابين تحتفظون برواية على قمة الحكيم مدى العمر تكدرون اطلبوها من مكتبة مملكة الكتب على الانستكرام

الكتاب يحتوي على جزئين واكيد تعرفون الكتاب بي اضافات هواي وهل شي مو بيدي بطلب من الدار ما اكدر اذكرة بالواتباد

ختمو البارت وادعولي براحة البال امانة وعمليتي بعد رمضان ادعولي اكوم بالسلامة ♡♡