تحميل رواية «على كتف القبطان حمامة» PDF

التَصويت و المُتابعة لُطفاً

عَلى كتِف القُبطان حَمامة

-رُسل فَهد

...

فصيحاً:

من شِدة حُبي لَقد أحتفظت حتى بكلماتك

في صندوق اسراري الثمينة

كيف أستطعت انتَ برميّ الهدايا التي أهديتها لَك ؟

شعبياً :

بَعدك التفكير يذبح

مثل واحد باگ بوگة

وطلع من عدها بشطارة

وعاين مضيع هويته !!

ليش هديت الحلم ؟ توني بنيته

واني محسوبه عليك وأنتَ تدري

السلف من ينعاب شيخة

يضيع صيته

ترجع الهدايا الـ مني أجن !

وأنا الحچي التحچي الي ضميته ..

- رُسل فَهد

....

آلماس

رحت للدوام وي السَيد بس كل تفكيري بيهم

كأن طول هاي السنين عايشة وياهم بحيث من لقاء واحد

احس روحي تعلقت بيهم و كل شوية اسولف للسيد عنهم

عبد العزيز : مو كتلج تحبيهم بس تشوفيهم

الماس : اي والله

حجيتها و خليت ايدي على ايده

- بس اني ما أنسى الي أحتواني كل هاي السنين

عبد العزيز : لا انسي حبيبتي انسي

ضحكت و لمن وصلنه ركن السيارة كبال المدرسة

لحد ما ما دخلت و درت وجهي عليه لوحتله يالله راح

كنت ابتعد من كل بنية تريد تكون صداقة وياي مو لان كل البنات

مو زينات بس لان اني ادري ما عندي حظ

لمن طلعنا بقيت واكفة انتظر السيد مثل كل مرة

اكو كثير امهات منتظرة بناتها و اخوان ، درت وجهي على الجهة الثانية آثر سماعي لصوته

لكيته واكف مبتسم اشرلي تعالي

رحت ويا اخذ الجنطة مني

السيد : راح الطفل حتى ظَهرة انكسر

الماس : يعني خايف على الطفل ما خايف علية

عبد العزيز : اكيد اخاف عليه لان امه ما يهمها

الماس : طبعا يهمني بس هو قابل شايلها ترى اني

- الطفل ببطن امه اذا تبجي يبجي وياها و اذا تضحك يضحك وياها

فـ اكيد اذا تشيل شيء ثگيل هم يشيله وياها

يحجي و هو مبتسم

الماس : يعني اذا اغسل وجهي بالصابون هم وجه ينغسل

عبد العزيز : ههههههه ، اي

- زين كتلي حتى ادير بالي لا تنعمي عيونه من الصابون

كان يسوق و اكتافة تهتز من الضحك

بالبيت و اني جنت انظم جدولي حتى تكون حياتي مرتبة و ما اتضايق صرت لمن اكعد بوقت الصلاة و ما انام كلت استغل الوضع و اطبخ الغداء و لمن ارجع بس أصب انام و لما اكعد

ابدي اقرا لحد الليل انظف البيت و انام و لان حياتي فارغة ما

احس بأي تعب

راح السَيد للغرفة ينام الظهر و اني افتر اتفقد البيت

اجيت يمه و سولفتلة عن اسلوب المُدرسات منو حبيته و منو لا

عبد العزيز : الشاطر كُل المدرسين يحبوه لان المُدرس

يحب الطالب الي ميتعبة اسأل مُجرب و لا تسأل حكيم

و كفت كباله و اني كاتفة ايديه مثل الطالب المؤدب

الماس : يوم العِلم تسجلني بالحوزة

عبد العزيز : هههههه ، ما تحتاجيهة اني موجود اسألي و اني اجاوبج

الماس : لا والله اني من البداية گلبي حاس انتَ متقبل

ليش كول سيد ؟؟

عَبد العزيز: أني الله شاهد ما كان عندي مانع بس شوية

لان ممكن تنشغلين و نصير اخر أهتماماتج

باوعتله بعدم رِضى

الماس : اكيد ما تصير بس انتَ مدري شيدور براسك

عبد العزيز : الناس تگدر تغير اكبر تفكير

و لما انتِ متعودة على عِيشة و تنتقلين لمكان ثاني الكُل اكبر منج

و يعرفون شلون يكسبون عقلج ، راح ادخلج و ادخل نفسي دوامه

اني في غنى عنها

الماس : شلون ؟

عبد العزيز : اني لو ما شايف ما اتكلم

دائمًا عدو المرأة مرأة و انتِ مو واعية حتى تعرفين الصح من الخطأ

فـ اكيد الانفتاح راح يغيرج و ممكن للاسوء

اكبري بَعد و تشلعين عيوني

الماس : يعني مثلاً راح اجي اكلك ما اريدك ؟ طبعا لا

عَبد العزيز : طبعا لا ، بس ممكن تصرفاتج تبدي هي دكول لا

احجيلج بصورة عامة لاحد اصدقائي

- اي ؟

عبد العزيز : واحد من اصدقائي تزوج بنت شابة بالعُمر

لكن هاي البنت جداً مُغرمة بي و هوَ على حُبها صارت روحه من الدُنيا

كانت اذا تزعل او تروح لاهلها كلنا نعرف بدون ما يكول

يبين عليه لان بس هي الي قادرة تغير مزاجه

ابتسمت على علاقتهم الحلووة

عبد العزيز : اي فـ صارو عنده اطفال و الشيخ صديقنه نفسة بس هو و زوجته و امه بالبيت بعد اكثر من خمس سنوات على زواجة

تغير و ضل يكتم بداخلة الى ان من العالم عرفنا هو مطلق زوجته

الماس : يمه ليش

عَبد العزيز : كانت البنية صغيرة و الي مصادقتها احد جاراتها

لاعبة بعقلها لِعب بـ معنى ليش متقيدة و ليش ماخذة واحد اكبر منج

و بعدج صغيرة ليش بركبتج اثنين اطفال شوفي البنات

تطلع و تدخل براحتها

صارت البنية تريد تخرج عن المألوف تريد كلشي ما يرضي لا الله

و لا رَسوله و لا عادات زوجها لحد اخر نقطة وصلو بيها الطلاق

و هسة زوجته حتى الحجاب تخلت عنه و انتقلت من مرأة صالحة

الى ما لا تُسمى

الماس : عزه

- طلعت من الاساس جارتها تريد زَوجها و حاولت

تتواصل ويا ولو ما والدته تعرف هي سبب تغيير زوجته

جان ضاع السِر بأرضة

فـ هاي هي الحقيقة دائماً معشر النساء بينهن ما يخلى من هواي

قُصص صادمة خلتني أنفر اخليج انتِ او وحدة من بناتي

بأماكن تواصل اجتماعية و كُل مكان بي الزين و بي الشين

و الغيرة هي سبب دمار هواي علاقات

بقيت ساكته و مصدومة اجيت تمددت على أيدة

الماس : عود هم خلي انام و اسحب راسي

عبد العزيز : ههههههه لج ايدي تخدر اضطر ابعدج

بين ما يروح الخدر

باوعتلة بخَزرة أنصدم مني

عبد العزيز : نزليهن لِج ، شو من يوم الي طلعتي حامل

ظهرت شخصية جديدة يجوز مو انتِ تتحكمين بنفسج

الماس : اي ابني من اتعب ياخذ الدور بمكاني

ضِحك و نَيمني كنت احلى فقرة احبها لما انام يبقى

يحرك ايده على زَندي و ظهري الى ان انام

مثل الام الي تنيم ابنها

ثاني يوم العصر جنت كاعد اقرا و السيد بالجامع

اندك الباب و اول ما خطر على بالي الاء

كلت منو و ابتسمت لما

راكان : اني اخوج لِج

فتحت الباب و اني مبتسمة دخل و بأيدة علاكة حلويات

الماس : شلونك الظهر اجيت على بالي

راكان : زين و حصلت شوية من تفكيرج السيد ماخذة كله

استحيت و غيرت الموضوع بسرعة

كعد يمي بالصالة

الماس : عبالي شاطر السيد كال اخوج يقريج بالعربي

و اني و لا طگة بي

راكان : ما يقريج هو لو بس يعرف يتزوج مو يدرس عربي

الماس : شبيكم ويا ترى هو غير شكل

راكان : اويلي يابة على گولة النسيب الثاني

الماس : يومية تعال ترى البيت ضوجة و ما عندنا احد

راكان : صار بس بعد جوهرتي شلون اشوفها لو تجي تعيش هنا

لو احنه نروح يمها يصير الوضع تمام

الماس : احنه اثنين هي واحد خلي هي تجي

سحب راسي خلاه على كتفة

راكان : لا ، رجلها ما يفارك مكانة و شغله تصفى تصفى

المهم انتن موجودات و مرتاحات

الماس : اني لسه ممصدكة

راكان : ابوي عرف و هسة مريض

الماس : يعني شنو غير احنه اهلك الحقيقيين

راكان : حقة بَراء حبيبتي اني ما الومه هو تعب عليه هذا العمر كله

و تحمل كلشي لخاطري فـ اكيد ما يقبل و يضوج لان عبالة اني

راح اعوفهم و اتخلى عنهم يبقى خايف

الماس : لا طبعاً هو حتى السيد كله هن الاثنين متزوجات يعني هو ما راح يعوفك و يكعد يمهن ، و حتى اذا تريد تكعد تعال والله اني اكيف

راكان : ههههه حبيبتي ، ولج شلون اعوفهم

ترى عندي اخوات بعد اثنين فد يوم اجيبهن شوفيهن

الماس : منو تحب اكثر احنه لو هنَ ؟

ضِحك

راكان : هن هم حبيباتي و مهتمات بيه صغار ترى صف خامس ابتدائي ، بس اكيد انتن اكثر دائماً الغياب هُمَ الاعز

الماس : جوهرة شكد تحبنه ؟

راكان :جوهرة على الي سولفة الي رجلها اذا

نسويلها تمثال هم منجازيها

خليته كاعد و كمت اجيبلة شيء رحت للمطبخ اقطع فواكه هو صافن

و مبينه الحيرة على وجهه

الماس : شبيك راكان اكو شيء ؟

راكان : لا حبيبتي تعاي

- لعد ليش محتار ؟

- مو محتار بس مقهور من طلعت من البيت ابوي يسمع اغنية

رَبيتك صغيرون دادة حَسن ليش أنكرتني ؟

مُرد گلبي مَرد

الماس : خطية هسة لو يقتنع انتَ متعوفهم

راد يجاوبني دَگ تليفونه جاوب بسُرعة

- هايمة ، اني يم جماعتي شويه يجي .. بقى ساكت مبتسم

وراها كال گلب والدة ، اي يمة يم اختي مرت السيد

شوية و كال اروح و من كد ما الكعدة ويا حلوة حتى الوقت يمشي سريع بالباب نقاش اني ويا

الماس : اذا تجي جايب شيء بعد ما افتح الباب

راكان : صيري خوش بنية و سدي حلكج ترى چنة صغار

اني نايم و تبوكن حلوياتي

راح و اني اضحك اباوع للحلويات و اكول معقولة يا اللهي

بعد كل سنين الفراغ هاي اعيش المشاعر الي اني جنت اتمناهن

لمن اجه السيد شافني اضحك سلمت عليه ابتسم

عبد العزيز: اليوم مبتسمة الحلوة

الماس : راكان جان هنا

عبد العزيز: اهلا بي

الماس : شو صاير مختفي عبالك ما اشوفك هواي

عبد العزيز : هههههه وين مختفي لج الماس والله عندج سوالف

بس كولي انتِ مشغولة اكيد ما تشوفيني

الماس : اني متعودة اسبح بالمي الا حار خو ما ينچوي الطفل؟

هد ايدي و كعد على القنفة يضحك

عَبد العزيز: هاي الفترة راح يجون هُمام و زوجته

لان ما رحنا الهم

كعدت اقرا بصوت عالي و افتر بالصالة و السيد بالغرفة يقرا قرآن

كملت و اجيت يمه

عبد العزيز : الله وكيلج يايابه انطرشنه

رحت يم الميز اخلي عطر و فتحت شعري حتى اظفرة و انام

الماس : يعني ما يصير يتأجل الحمل على العطلة

عبد العزيز : هههههه لا ميصير

جان هو متمدد و اني طفرت على السرير

صرخ بوجهي بقيت مصدومة

عبد العزيز : مجنونة انتِ بابا مجنونة

- ليش تصيح ؟

عبد العزيز : استغفر الله حبيبتي ما يصير هاي الحركات

انتِ بداخلج روح لازم تحافظين عليها

ما جاوبته درت وجهي و غطيت راسي

رفع الغطى حاجاني ما جاوبت

طَفة الضوه و اجاني من الجهة الثانية

عبد العزيز : اني شلون بالصغار الي يتزعلون

بقيت ساكته

عبد العزيز : الصراحة هو الشرع حلل اربعة و الماسة

انتِ صغيرة لازم يجي احد يساعدج

رفعت راسي و كعدت و خليت ايدي على صدري

الماس : والله امي كالت الزلم ما يعرفون الله بس بهاي

باوعلي مصدوم و هو خافي الضحكة

عبد العزيز : يعني اني اعرف الله بس بالزواج ؟

الماس : تريد تتزوج عليه ؟ سيد ؟

عَبد العزيز : لان انتِ كاعد تتعبين

اباوع بملامح وجهه طبيعية يعني ما كاعد يتشاقة

خليت ايدي على عيوني و الدموع بالانتظار ما تصدك واحد يكول الها انزلي

عبد العزيز : والله صدك طفلة اش حبيبتي اتشاقة والله

يالله نامي باجر وراج دوام

تركت الغرفة و طلعت و اني كل عقلي ابجي بصوت عالي

صاح وراي و ما جاوبته

وصلت يم الدرج لزم ايدي و حُضني وهو يضحك

عبد العزيز : والله اتشاقة يالله تعالي نامي

الماس : لا سَيد ما تتشاقة صدك هو اني من زمان كلبي حاس انتَ

ما تحبني و هاي حوبة الاء بية مثل ما اني تزوجتك

راح تتزوج عليه

اني احجي و هو اكتافة تهتز من الضحك

عبد العزيز : اي بعد هذا اخر شيء توصله خيالج

لو تخيلتي يوم الزواج و لما تصير حامل ؟

صار صوتي بالبجي عالي

تركته و صعدت فوك للغرفة و قفلت الباب صاحلي و صعد دك الباب اكثر من مرة واني بس ابجي ما فتحت الباب

و الصبح لا سويت غداء و كلت ما اسوي ريوك بس لمن شفته يبدل استحيت شلون يطلع بدون ريوك

سويت و خليته على الكاونتر

و اني واكفة بالكراج منتظرته بعصبية

رفع الردن ياكل و اني اباوعلة متنرفزة راح نتأخر

باوعلي و رفع اصبعة للتهديد

عبد العزيز : ما تتريگين ماكو دوام

ضغطت على ايدي بقوة و درت وجهي على الباب

هو راح للغرفة يلبس العمامة و العباءة

اجه وما باوعلي فتح الباب ردت اطلع ورا اشر بـ ايدة لا

الماس : ما اشتهي ما اريد

- مو مشكلتي حبيبتي سوي لفة و تعالي للسيارة منتظرج

رحت للمطبخ بعصبية سويت لفة و طلعت كعدت ليوره

ما حچة وياي اي شيء لحد ما وصلنه المدرسة وكف السيارة ردت افتح الباب مقفول

عبد العزيز : اكلي و انزلي

- ما اريد اني

عبد العزيز : ما كاعد اسألج تردين او لا بنتي

غصباً عنج تاكلين

كنت و ما زلت بيه خوفة من التأخير بالمدرسة

اكل و اني دموعي تجري

عبد العزيز : شراح يخلصهن ذني التسع اشهر يا الله

فتح الباب و اني نزلت عصبية

فتح الجامة و كال

- لا تمشين سريع ماكو احد يركض وراج

كلامه عادي بس اني احس بي يغيضني و يستفزني

بقيت طول اليوم بالمدرسة عصبية

لحد ما طلعت واكفة انتظره و عاقدة حواجبي احس العالم

كلها تباوعلي من بعيد هو اجه مبتسم مِسح لحيته بكف ايده

اخذ الجنطة من ايدي و اخذني للسيارة

يسوق و كل شوية يشمر كلمة اني مخلية راسي على الجامه و مغمضة عيوني

عبد العزيز : هو طفل و راح نشوف الضيم حتى يجي

هي الامهات تحمل و الاباء تبتلي

- تردين تزعلين زعلي الاكل ما اله دَخل هاي روح ما الها دخل

بسوالفج فـ هالله هالله بالطفل

ابد ما جاوبت و هو بالسيارة جايب النه اكل

مَرن يومين و اني ما احجي ويا

راكان يومية يجيني جايبلي شيء يخلي راسي على كتفة و يتصل بـ جوهرة نحجي وياها و بعدين يتصل بـ امي

بالليل اجه السيد اني كاعدة على الدرج اقرا

كعد على القنفة بدون كلام لازم راسة باوعتله بأستغراب

راح للكاونتر اخذ حباية وراح للغرفة هديت الكتب و تركت الزعل

و توجهت للغرفة لكيته نازع العمامة و يريد ينزع المحابس وما بي حيل

اجيت سحبت ايده اخذت السبحة و نزعته المحابس و الساعة

و نزلت العباءة من اكتافة

تمدد بمكانه اخذت التليفون اتصلت بعمي ضُرغام

يجيب جهاز الضغط دقائق و اجه

قسته شوية مرتفع بقى عمي كاعد يمه شوية و راح

قفلت البيبان و اجيت يمه لكيته نايم

سحبت ايدة و نِمت عليها هو كعد باوعلي مبتسم

الماس : يالله صير زين ترى اني ادري ضغطك ارتفع لان اني زعلانه عليك

عبد العزيز : اكيد

الماس : عبالك اني ما اشور تريد تتزوج عليه مو

عبد العزيز : هو اني كادر عليج حتى اتزوج

اكيد لا بس انتِ مو مال شقة

- ما اريد هيج شقه

عبد العزيز : لا بعد ما اتشاقه اسويها صدك

الماس : استغفرررر الله

- ههههههه دتعاي تعاي ، مشتاقلج

الماس : حتى اني شكد مشتاقتلك

عبد العزيز : لا ؟؟

الماس : والله كلش كلش حتى ما نايمة عدل صار يومين من وراك

عبد العزيز : اذا تحبيني تديرين بالج على الي ببطنج

حركات بغباء ما اريد

الماس : يعني غبية ؟

عبد العزيز: الصبر يا اللهي

مَد ايدة بشعري و خلة راسي على صَدرة

عبد العزيز : يالله نامي عدل

مديت ايدي و حُضنته هوَ فتح شعري و طُبع بوسة عليه

بعدها نمت نومه عميقة ثاني يوم كعدت بكد دلالي اله

و من كد ما اخاف عليه من المرض ودي حتى للجامع ما يروح

و لا للشغل شايلة العباءة بأيدي و الا اني البسة

وهو طول الوقت مبتسم

عبد العزيز : يابة ترى الضغط مرض مُزمن يعني لازم طول الوقت

اني هيج اتعامل

الماس : صير زين و ارجع ازعل ترى حتى تجي تراضيني مو عبالك

اني اجيت صالحتك

عبد العزيز : سُبحان من صَب سوالف امي بيج

العصر اجاني راكان صرت انتظر العصر يجي علمودة

و يروح قبل لا يجي السيد يكول استحي من السيد اكثر من رجل جوهرة اني ويا ميانه

راكان : اريد اطلعج وياي انتِ متضوجين هنا وحدج ؟

الماس : لا والله متعودة اصلا من اطلع اريد بس ارجع للبيت

احس بس هنا ارتاح

سولفتلة على الاء الي هي عقدة حياتي كل الي اشوفة

اسولفلة عنها بسبب خوفي منها

راكان : و انتِ شعليج و شنو تايهتلها يابة

هي مره فاشلة و ما تريد رجلها

بعدنا نحجي و اندك الباب خفت و جريت الربطة

راكان : ابقي بمكانج اني اطلع

فتح الباب

و اني واكفة يم باب المطبخ كال منو سمعت اصوات زِلم مو غريبة

دخلو علي و اخو الاء الي اكبر من امير و امير

راكان : تفضلو

علي : منو انتَ

امير : و بعين صلفة هو اليفتح الباب

علي : احجي انت شتصير منها

امير : هذا منين جبتي

حجاها و راكان سحبه من بينهم و شُمره بالارض

و فقَد بي بالضرب

راكان : لك شنو منين جايبتني اني اخوها مُنحرف

....

جوهرة

- هذا بيتمن ؟

- بيتنا

دخلت مصدومة بالجمال وين البيت الي احنه كاعدين بي ووين هذا

ووين البيوت العشت بيها طول حياتي و وين هذا من المساحة

و البناء

كان البيت خالي من الاثاث بس نظيف يلمع

ابو تُراب: هاي منو نظفة

تُراب : عمال يابة كلت بس اجيبك و هو وسخ تكربني حتى انظف

بقينه نتجول بالبيت و هو يكول يأشر النه على الغُرف صعدنا فوك اني ويا جانت اكو ثلاث غُرف

تُراب : هذيج مالتنا و هاي مال ولدي و هاي مال بناتي

جوهرة : هاي انتَ محضر الهم غُرف من هسة

- طبعاً شعندي غيرهم

بسبب حُبة للاطفال جنت صدك اتمنى اصير حامل

و جان عندي امل بهذا الشهر اكون حامل

هو يسولف النه شنو راح يجيب و احنه نوافقة الرأي

الا عمو يكلة لا سوي هيج

طلعنه و اني احس الفرحة مو بس غمارتني لا مشبعتني و زيادة

رحمه يَم امي و نويرة و بقو تُراب و ابو يسولفون عن المنطقة و ناسها

نويرة سريعة الانجذاب بسرعة خلت خالتي وياها

وصارن مجموعة وحدة تريدها تبقى تبات

اني ركضت بحضن اميرة اسولف الها شلون التقيت بيهم

و اوصفلها اشكالهم و اني دموعي تجري وهي تبجي وياي

اميرة : شگتلج اني ؟

حضنتها بقوة

اميرة : كتلچ راح تلتقين بيهم

و تصيرون احلى قصة كتبها التاريخ

العالم تقراها و تنبهر بجوهرة شسوت لاخوانها

جَوهرة: تتذكرين من كتلج قصتي بدون بَطل ؟ و دعيتيلي ؟

و التقيت بـ احسن بطل بالدنيا منو كال اني مُستقبلي

الگا يم السفينه ؟

نويرة : مرت الطقبان صايرة متكلمة

جوهرة : من اكوللجن تُراب يحبني و يقرا افكاري ما تصدكن

اشترالي بيت كبالجن حتى اراقب كل تحركاتجن منا و منا

نويرة : هاه هاه يمه صابتنه رجفة ولج انتِ الخنفسانه تصگريني

انا زِلم مشوربة ما كدرتلي

جوهرة : الما تكدرلة الزلم تكدرلة النسوان

رحاب : هههههه لا صدك هذا بيتكم كبالنة

جوهرة : اي والله يُمه مو كتلج تُراب ماكو منه بكل الدنيا

نويرة : من رخصة الحجية بس هو شكلة ملعب ما يتأمن

سُعاد : والله كبل جان صدك عندة نسوان

بس من يوم الطبت بيتنه بعد ما كام يلهج بغير اسمها

رحاب : لعد هو ابو طبع ما يغير طبعة

اميرة : لا دكولن هيج هو لو ما يحبها ما يترك كلشي لخاطرها

سُعاد : والله يموت عليها كلنه نموت عليها

اميرة : هي منو ما يحبها جوهرتنه

رجعنه للبيت و من نزلنا هم لكيتهن واكفات ثلاثتهن سرحانات بي

باوعتلة و اشرتله عليهن بعيني ما رفع عينه و دخلنه للبيت

بقى هو يسولف وي ابو و اني باوعت لكيس الملاكمة لبست الكفوف و لميت شعري و بديت اضرب

شوية و انفتح الباب

تُراب : اويلي يابة اويلي النسوان الزينة

ما جاوبته و اني مُستمرة اضرب

نزع قَميصة و اجه يمي

صار وراي لزم ايدي و ضرب بقوة

تُراب : مو كلنه هيج الضرب وجه المَلحة

جوهرة: أبتعد رجاءًا و عوفني بحالي روح وي الزعاطيط

هو انتَ لو ما منطيهن مجال ما ينسحرن بيك هيج

تُراب : ههههههه اويلي اشم ريحة حرگ

طلع ابو الجواهر گلبة مشعوط

جوهرة : اي مو ميته عليك

تُراب : طبعاً حبيبي انتَ دربك لُبناني

ضلت بنفسك ما جربت شغل الوشم

جوهرة : اي والله فاتتني

ضرب راسي انركع بكيس الملاكمة ما اهتميتله

وعدلت شعري بعصبية و استمريت اضرب هو كعد كبالي

على السرير و اجتني الحالة بيها بحيث اريد ابتعد

و ما ابتعد

سَد التليفون و اجه يمي يضحك

تُراب : اويلي مو كلبك راح يطگ حبيبي

ما جاوبته رجع كعد بمكانه

تًُراب : اقوى حبيبي الاملح اقوى اني استاهل هلكد تغارين عليه

تنرفزت و شمرتهن بالارض و اخذت ملابس حتى اسبح هو بس يضحك

اجيت شمرت مخدتي بالارض و تمددت

اجه شالني واني اضرب بي بقوة

تُراب : اني انام بالكاع بنت رحوبة

خلاني و طلع من الغرفة شوية و اجه نام بصفي باوعتلة بخَزرة

تُراب : غرت من ابوي شنو هو شابگ امي و اني ما شابگج

جوهرة : ترى اني ما احب هاي السوالف مال الغيرة

بس اني ضايجة من عندهن

تُراب : طاح حظج ولج المَلحة هو اني اشوف غير خلقتج الزفرة

- و ليش هن هيج من يوم الاجن لحد الان ؟

- انتِ جبيرة و هن صغار كبري عقلج

جوهرة : مو اني هذا الخايفة منه خاف بطلت تدور كبار

صار ذوقك صغار

تُراب : لاااا ابو الجواهر بعدك ما تعرفني اني استقبل جميع

الانواع جنت بس بشرط تكون هايمة بية

ضربته راشدي بكل قوتي و عبرت من فوكا ركضت ردت اطلع

و هو لزم ايدي لواها صرخت و خليت ايدي على حلكي

تُراب : لج المَلحة تضربيني

جوهرة : وحق الله ما ادري مو اني هاي ايدي

ما جاوبني وسحبني من ياخة التيشيرت

خله ايده على رگبتي راد يعلگني مثل هذيج المره

من خوفي كتله

جوهرة : تُراب اني يمكن حامل

- شنوووووووو ؟؟؟؟

من واحد ثائر و وجه مُخيف بكلمة وحدة هدأت كل ملامحة و لزم اكتافي بقوة

تُراب : جوهرة حامل ؟

تعاي تعاي خو ما أذيتج من سحبتج ؟

بقيت ساكتة

نيمني و غَطاني وبقى يمسد بجبيني

كعدت الصبح هو ما موجود تذكرت شصار البارحة و دموعي تجري على خدي ليش جذبت و خليته يتأمل

كعدت الم بشعري و من الخوف و القهر للعصر

انتهى اخر خيط امل جنت مچلبة بي و احتاريت شلون اصارحة و اني اباوع معاني الفرح بوجهه

اجيت لخالة كعدت يمها سولفت الها و كمت ابجي

كالت عادي هو هسة جاي يحضر لعرسكم وراها ابدي راجعي

يجوز الدكتورة تنطيج علاج

بقيت كاعدة بالغرفة مقهورة و هو و عمي يجهزون بالبيت

اجوي بالليل و هو تأخر يالله دخل للغرفة و اني كاعده صافنه

دخل يبتسم و بأيدة لفة

تُراب : هاج المَلحة تعشي و انجبي شنو جايبلج طاري جهال اني

غير انتِ كتيلي و اني خفت عليه لان انتِ اجتج الحالة بالملاكمة

جوهرة : اريد اروح للدكتورة

تُراب : و عليمن يابة شوكت ما يجون هلا بيهم

كعد بصفي و يمَسد بظهري و يسولفلي شنو اشترو

جوهرة : مو ضروري تسمع لامي وتسوي عرس امي اني اقنعها

خلي نكعد ببيتنا الجديد وخلاص

تُراب : و اني مو علمود امج اني علمودج انتِ و جهالج باجر يسألوجً

شسوالج ابونه من عرس ؟

جوهرة : ههههه فدوة الهم و لابوهم

ثاني يوم الصبح اندك الباب و اني اسوي ريوك طلع هو وبعد ما دخل

صبيت الريوك و طلعت اصيحلة هو ماكو

مديت راسي من الباب جان باب بيتهن مفتوح و اسمع صوت ضحكهن العالي احس روحي احتركت جريت عباية خالة من على الباب و طلعت

فتحت الباب لكيته واكف يسويلهن الدكمة مال السخان

و بس هن واكفات يحجن و يتمضحكن

ووحدة منهن صافنة بغير عالم من شافني سكتن

جوهرة : انتَ هنا ؟ عمو يريدك

باوعلي مصدوم وهو يشد بالنقطة

تُراب : يالله باعن عمو لا تفتحنها لحد ما يجي ابوجن يجيب كهربائي لان الوايرات كلها منتهية

طلع و لزم ايدي

تُراب : شعندج طالعة

جوهرة : شعندك يمهن

- النقطة مال السخان و محتركة ابوهن ماخذ امهن للمستشفى

جوهرة : اذا ما طلعن هن حاركاتها تعال عاتبني

تُراب : ههههه اي هنَ

تعبت منهن و من تصرفاتهن و بكل مرة اكول صغار كبري عقلج

طلعت العصر اغسل الكراج هنَ واكفات يباوعلي

- خالة رجلج عندة اخوان

جوهرة : لا خالة ما عندة بس هو

- حرامات ، شنو رأيج نصير صديقات

جوهرة : راح نشيل ما افيدجن حتى لو صرنه صديقات

- تشيلووووون ؟

كلت الهن وحتى بالبلكونه ما وكفن هو المغرب اجه

كال ورا العشاء اخذج نطلع رحت اسويلهم عشاء اندك الباب فتحته

دخلن ثلاثتهن كاشخات

- هلاوووو خالة بالكوة قنعنه ماما نجي يمكم

جوهرة : اي هلا

دخلتهن هو جان كاعد بالصالة كتله عليهن بقى يضحك

و دخل للغرفة و سَد الباب بقت خالة تسولف وياهن

و هن اشكالهم طفولية بس تصرفاتهن مال كبار

عمي يروح و يجي يفتر بالبيت يتفقد

صاح تُراب تعال جيبلي هاي المسامير

طلع من الغرفة يخابر و هن بنص الحديث سكتن يباوعن اله

باوعت لخالة لكيتها تباوعلي مَصدومة

طلعن و دخلت ضايجة

تُراب : يالله حبيبي الاملح بدلي خلي اخذج

- وين ؟

- ويايو تسألين وين ؟ مَا عيب والله

رحت ابدل و هو اسرع مني بالتبديل من طلعنه على جامة السيارة

ورقة فتحها و رفع راسة انطبگ باب البلكون و البردة تتحرك

فتحها و اني واكفة بصفة

- كابتن تُراب احنه ثلاثتنه نحبك انتَ اختار وحدة

و اكيد البقية ما راح يزعلن

تًُراب : هههههههههه وحق هذا الله اطفال ذني

جريت الورقة من ايدة و دكيت الباب

ما وكفني و لا حچة صعد شغل السيارة طلعتلي امهن

دُرة مال الله بالكلام

انطيتها الورقة

جوهرة : خالة اقري المكتوب و احكمي بناتج ما ادري شيردن

واحنه كاعد تصير مشاكل بينه بسببهن ياريت تعالجين الموضوع

انصدمت من و بقت تلطم على خدها صعدت

بالسيارة

تُراب : و الابيض محد بحالة صار الصيت للجلحان

جوهرة : هو انتَ ذوق المراهقات

تُراب : ما عيب والله اني اناسب جميع الاذواق

بقيت ساكتة و دايرة وجهي

نزلنا و لزم ايدي

تُراب : هيّ سَمرة و خَربت سوگ الشُگر

بالله هسة لو حوريات انا غير الاملح ما اريد

كرصته و اني اضحك

دخلنا لصايغ وهو يخيرني بالحلقات

باوع لايدي و من شافني لسة لابسة الحلقة لسواها

هز راسة بتعجب

اختارينه الذهب و اني احس روحي يمه خاف ما شايل هلكد

لمن طلعنه و صعدنا بالسيارة

درت وجهي عليه

جوهرة : خاف ما عندك ترى والله ما اريد

تُراب : لسة لابسة حلقتي لج انتِ شنو انتِ

جوهرة : و طبعاً للابد

تُراب : حبيبتي المَلحة

رجعنا للبيت و كال اني انطيت لامج فلوس هي تجهزج خليته احنه محتارين بالبيت و من ثاني يوم صار يومية ياخذنة الظهر نرتب مكان و نرجع

تُراب : الخميس الزفة من هذا البيت للبيت الجديد

هاي هيَ يابة ؟

ابو تُراب: اي عفية هسة خوش رجال

اجه يم امه و گعد يم رجلها

تُراب : مو كتلج ما تطلع زفتي اذا مو انتِ تهلهلين بيها ؟

...

الراحة الغامرتني وياك

يا فَرحة الـ تعادلها

فرحة والدة بعرس الوحيد الها

- رُسل فَهد

شُكراً لكل دعوة حلوة بخصوص عيوني

انتن ماي العيون والله 🎀🤎🫶🏻🪞✨

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

فصيحاً:

من ذا الذي يأخذ حق الروح

و اصحاب الروح هُم من قاموا بـ سَلبِها ؟

شعبياً :

ياهو ياخذ حگها روحي ؟

وهيَ منهوبة من إهلها

مسألة أني بدرس ما يحويلة شاطر

يعني بَس أستاذها اليگدر يحلها

المُشكلة بالعشگ نَفسة

ماشفت بي أي عدالة

عود شنهو العاشگة تحن للـ خذلها ؟

- رُسل فَهد

....

الماس

راكان : لك شنو منين جايبتني اني اخوها مُنحرف

علي و عَمة بقو صافنين بين الي يصدكون او لا

ويسحبون امير من راكان و ما ينسحب اباوع تيشيرت راكان كله دَم اجيت عليه اركض و اني خايفة

الماس : يمه راكان تيشيرتك كله دم

راكان : مو دمي دم هذا القذر

ايديه يرجفن هو من شاف ايدي و وضعي تركه و خله ايده على راسي وقرب راسي على بَطنه لان هو جداً طويل

راكان : يالله اخذو هذا الجبان الي وياكم و طلعو برا

علي : مرت عمي صدك هذا اخوج منين انتِ مو ما عندج اهل

راكان : لا عندها ليش ما عندها جاية من فطر الحايط

روحو للسيد عبد العزيز هو يفهمكم اني منو

بقو صافنين اخذو امير و طلعو اخذت تيشيرته اغسل بي بالصابون

راكان : غسلي زين الماس هذا ابوي اذا شافه هسة ينجلط

شويه و اجه السيد سولفوا هو و راكان وتعشو لبس تيشيرته وراح

الماس : يمه اليوم شلون خفت خوفة

عبد العزيز : يا يابة ليش عيوني

الماس : من وره هذولة عبالك عصابة يتهموني بشرفي

عبد العزيز : ما عاش تربيتي ما عاش سوء تفاهم و اجوي اعتذروا

الماس : امير يكله منين جايبته

عبد العزيز : اي منين جايبته ؟ من بطن امج غير

الماس : بس هو مو هيج حجاها بطريقة مو حلوة

عبد العزيز : طريقة تشبه اخلاقة و انحطاطة و اجا الرَد المُناسب

الماس : يستاهل

- ابنج عندة خوش خال

بقيت صافنة النوب استوعبت ابتسمت

صبيت اله و الي چاي و كعدنا نسولف هو شرب الچاي مالته و اني بعده عَلى حطته منتظرته يبرد يالله اشربه

عبد العزيز : ترى چايج صار ثلج و الچاي ما ينشرب بارد

الماس : ادري بس غير علمود الطفل

- شعليه ؟

- لا ينچوي

باوعلي بنظرة عود انتِ صدك تحجين ؟ و هو مبتسم

عبد العزيز : والله يا الماسة اني اذا جبتي بالسلامة

لازم احتار بتربية اثنين اطفال

الماس : ومنو يكول توأم ؟

عبد العزيز : لا مو توم حبيبتي بس انتِ و ابنج

باوعتلة و اني ما راضية

الماس : ترى اني كبيرة لا تستهزء بيه

يريد يجاوبني و فاتت بزونه من باب المطبخ صرخت بقوة و مدري شلون صرت بحُضنه البزونة من الخرعة شردت

عبد العزيز : يعني بشرفج بشرفج هاي طفرة وحدة عاقلة وًببطنها فل

الماس : سَيد انتَ ادور ادور و ترجع على الطفل مسويلة كيان وهو بعده مجاي للدنيا

ضحك بقوة

كمت من حُضنة و رحت للغرفة متنرفزة و عصبية و خوفة البزونة بيه

عبد العزيز : و تكولين اني كبيرة و انتِ من ابنج تغارين

الماس : لا ما اغار شنو طفلة بس يعني انتَ تحترمه اكثر مني

- هههههههه ، احترمه شنو لج انتِ شنو من كارثة

الماس : كله كله دير بالج عليه انتبهي عليه لا يصير بي شيء

و لا دكول ديري بالج على نفسج انتِ و انتبهي على حالج

هو انتَ اصلا مو بحالي حجيتها و من كل عقلي بجيت

عبد العزيز : يابة صدك تحجين عمي حتى الطفل ماريدة

لا مو ما اريدة خطية ، بس عمي وين يجي لمعزتج

انتِ عزيزة الروح

درت وجهي و تغطيت ابجي

عبد العزيز : امشي اطلعج نتونس صارلج هواي ما طالعة اكيد ضايجة و منا حامل يالله كومي

الماس : ما اروح ما اروح

حچة بنبرة جّدية كأنه عصبي اكثر نبرة اخاف منها

عبد العزيز : گلت كومي

باوعتله بنظرة خوف

الماس : لا تحجي وياي هيج و اني زعلانه حتى اخاف و تروح الزعلة

عبد العزيز : يالله يا روح و عزيزة عبد العزيز گومي

بنص الضوجة ابتسمت بس احاول اخفي الابتسامه حتى ما اخسر عنادي

بدلت و اني معصبة هو واكف يخلي عُطر

مِسح بأيدة و خله على دشداشته و مسح

من دشداشته خلة على ربطتي

عبد العزيز : نساءً طاهرة من غير عُطراً يفوح منها المسكِ و العنبر

درت وجهي على الكنتور گرص خدي و طلعنه

و كالعادة اكثر حركة احبها لما يدنك يشيل اطراف عباتي و يخليهم

بالسيارة وكفنه كبال عيادات دكتورات

عبد العزيز : هم اله حق علينه نشوف وضعة

الماس : و حتى الطلعة خصيصاً اله مو الي حتى ترضي مزاجه

عبد العزيز : اكيد ، هذا سيدنا الصِغير

بنص العصبية و أبتسمت على الاسم

نزلت مبتسمة و دخلت ما جان اكو احد و الدكتورة تريد تطلع بسرعة السكرتيرة دخلتني بقت تستجوبني الدكتوره مبتسمة

- يجنن يخبل كل الاوضاع تمام

الماس : وهو مبين ؟

- اي وًحلو على امه

طلعت و بيدي الوَصفة مبتسمة

عبدالعزيز: يا الله

الماس : يخبل يجنن و طالع حلو عليه

- هههههههه ، حتى الايام الجايه تروحين ويَ مرت ضُرغام

انتِ وحدج متعرفين

نزلنه للسوگ و اول ما اشترالي لَعابه

بقيت لازمتها بأيدي طول الطريق و العالم تباوعلي مبتسمه

الماس : سَيد

- عيونه

- اريد عصير عليه بسكت

- شنو

الماس: يعني هيج اريد عصير بكلاص و عليه بسكت مطحون خبط

عبد العزيز : و منين اجيبلج هسة شنو هالنساوه الغريبة

خلي نوصل للبيت

الماس : لا اريد هسة

اخذلي بسكت من اسواق و كعدنا بمحل عصائر طبيعية

جابو العصير و هو كاعد يطحن بالبسكت و يستغفر بقلة صَبر

داره على العصير و احس العالم كلها مستغربة

شربته كله و هو يباوعلي مبتسم

عبد العزيز : لو عايفج زعلانه يابة هواي اشرفلي

على هاي الدكة

رجعت للبيت اشعر بالسعادة بسبب اللعابة

وهو اخذلي علاج من الصيدلية علمني على العلاج

و اخذت الي بالليل و مديت ايدة ، خليت راسي على صَدرة

الماس : اختي جوهرة مشتاقتلها

عبد العزيز : الخميس عرسها و نروح ان شاء الله

....

جوهرة

تُراب : مو كتلج ما تطلع زفتي اذا مو انتِ تهلهلين بيها ؟

سُعاد : و چبتلي من الچناين زينتهن و احلاهن

ابو تُراب: يكولون اذا العمة حبت الچنة بليس يطب للجنة

تُراب : چا خل يتفضل بليس للجنة

سُعاد : انا ما حاسبتها چنتي جوهرة بنتي الما جبتها

ابو تُراب: والله انا مثلج دوم ما حاسبها چنة

تُراب : يامن تعب يامن شگة و يامن على الحاظر لگة

انا خلصت عمري و فلوسي عليكم تالي جوهرة تصير اعز مني

جوهرة : لان اني وياك واحد فـ هم ما يفرقون بيناتنا

جان يحجي و هو كاعد و متوجه نظرة على امه

وكف و دار وجهه عليه و فتح ايده

تُراب : اويلي لَك اويلي

و كلنه ضحكنة

راح للدوام حتى يجي الخميس

اني فرحتي بأخواني غِنتني عن كُل فرحة ترك جهازة الثاني لان تعودت يومية العصر يتصل عليه راكان و بَراء يمه

نبقى نسولف و نعيد الذكريات مره نضحك

و مرات ننهضم على فراغ زهراء

يعني شيصير لو هي موجودة ؟

فَزيت على دكة الباب القوية سديت الجهاز

و طلعت و عمي طلع قلبي لكيته دعبول

تعارك ويا عمي على دكة الباب العالية

ابو تُراب: انت مو محذرك انا من دكة الباب هاي مدكول منا عالم

دعبول : ديالله هو انتو حتى جيران ما عندكم

دخل خاوه عوج حلكة من شافني فات للاستقبال و اني اجيت يمه

جوهرة : انت وين تغط تغط و تطلع شنو سمجة ؟

باوعلي شكلة مهضوم كام يبجي انفطر كلبي اجيت يمه

يكسر خاطري شكلة التعبان و الشيب الي بشعرة

و ملابسة التعبانة اظافيرة الطويله

- شبيك دعبول ؟

دعبول : ليش اخذتي تُراب مني ؟ جان يحبني بس اني

جوهرة : اني ؟؟ والله ما اخذتة بالعكس اني كلش احبك

و اتمنى تبقى ويانه لان انتَ كلش لطيف

دار وجهه عني و بقى يبجي

رحت للغرفة تذكرت لمن نظفنه الغرفة اكو ملابس ردت اذبهن

كال تُراب هذني مال دعبول مابيهن شيء عزلتهن بالمجر

رحت للغرفة طلعتهن و كاسرت المي بالحمام

جوهرة : نلعب و اذا فزت اسويلك اندومي على حسابي ؟

- لا

بقيت اتشاقة ويا الى ان اقتنع

جوهرة : شنو اكلك تنفذ و ما دكول لا

تحمست زيادة و شغلت المكينه ردت ازينه و اجه عمي بالثواني الاخيرة نقذ دعبول من ايدي و زَينه و هم بينهم دعبول يجفص و عمي يرزل

جان دعبول يطلع عمره قريب الخمسين بس شكله ناعم

يعني ايده و رجله ناعمات بس وجهه مليء بالتجاعيد

خلصه عمي و راد يبطل من اللعبه و يبقى بدون سبح كمت الطم رجعت اشهي بالاندومي دخل يسبح طلع لابس التيشيرت بالمكلوب عدلته و كعدته بالغرفه فرضتله و خليتله مرطب و عطر

صار جديد

جوهرة : المفروض العطور الجنت تاخذهن

من محلي تخليهن الك مو لـ تُراب

دعبول : هواي ينطيني و يبوكوهن بعد ما انطاني

طلعت فلوس و انطيته يشتري النه و يجي

و اني حطيت المي على النار

الجو بارد فتحتله الباب و ردت ادخل

انضرب الباب بشيء قوي وتطشر الگزاز عليه

خليت ايدي على وجهي و صرخت

اجه عمي و خالة مصدومين اباوع لاديه تحركني

لكه عمي بطل كزاز مكسر و باقيه قطع منه بالارض

طلع بسرعة فتح الباب ما لكه احد

بس دعبول بالشارع يمشي و يصفگ

جوهرة : بس عمو مو دعبول ما احس هو

عمي مُصر على ان هو دعبول

لمن اجه بقى عمي يرزله و هو يكله مو اني ما خايف منك

كف ايدي انجرح شديته و اني اسوي لدعبول اندومي

خلصته و رحت خابرت تُراب سولفتله شلون اهتميت بدعبول

و رحت يمه سولفت ويا و اثناء الحديث سولفت لتُراب عن الضربه

تالي تُراب كال انطينيا احاجي

سولف ويا

تُراب : وداعتي مو انتَ هيج سويت

دعبول : وداعتك مو اني

تُراب : جا هذني الثلاثة الكبالج ماكو غيرهن

انطيني ابوي

حچة وي عمي و بقى عمي مصدوم يكول انطونياهن اني وياهن بغرفة الا اربيهن من جديد و دعبول محتار بالاندومي

الصبح ثاني يوم اسوي ريوك و فاتحة الباب كل شوية تنشمر حجاره صغيرة باوعت من الشباك هن يفتحن شباك الغرفة

يشمرن الحجارة ويسدن الشباك

اني عصبية عمي ما احبها عندي تُراب اهون قـ ما كتله كلت يروح يكول لابوهن و خطية اجه يغسل كال شنو هالصوت كتله ما ادري بقى

واكف انشمرت حجارة رفع بردة الشباك و يباوع

ابو تُراب : انا ما اضن جيرانه خاف دعبول هو وينه

- لا عمو دعبول نايم

بعده يحجي و انفتح شباكهن و هم ضربن الباب

ابو تُراب: له له له هاي صدك هنَ انا غلام ابوي

طب لبس دشداشته و طلع دك الباب اني وكفت ورا الباب اتصنت

اسمع صوت رجال يحجي وي عمي و من سلامه مبين خوش رجال

ابو تُراب: بعد عمك تسلم بس عمي جايك بطلب عندك جهال فوك هاليومين سالبين راحتنه البارحة شمروا بطل على جنتي لو جاي براسها جان هسة ميته و هسة حصو يشيلن و يشمرن على الشبابيك

اذا بيهن شيء مريضات حتى نعذركم

- لا والله عمي ما بيهن شيء اصلا انتَ صدمتني

لثاني يوم بعد ما انسمع الهن حِس راح عمي يتسوك النه

و دعبول انطيته التليفون يلعب العاب بدأ يحبني يا الله

اندك الباب كلت منو صوت بنية ناصي فتحته و فاتن. بسُرعة منهن اثنين ووحدة ماده راسها من السطح تباوع و هن يباوعن الها انطيتهن

الاوكي و انجريت من شعري

خليت الحنيه و الاخلاق على صفحة

شكولهن بيها اثار الضرب الظاهر جايات ياخذن اثر الضربة

تذكرت عركتنه وي الي اجن على نويرة و كتلناهن

جريت وحده منهن من شعرها و صفگتها راشديات

الثانية رادت تجي ضربتها راشدي قوي و على الصوت طلع دعبول

هن من شافنه خافن فتحت الباب و دفعتهن و سديته يردن يغلطن بس يخافن لان طلعتهن صايرة بالبسكوت

خابرت تُراب و سولفتله

تُراب : اويلي المَلحة يابة هذا كلة علمودي

جوهرة : والله عايش اللحظة

تُراب : ليه يا ئلبي شو المانع

حچيت بنَرفزة

جوهرة : ترى مصختها

تُراب : ليش حبيبي ذكرناج بالاعزاز

جوهرة : نعم

تُراب : قابل طاير الخميس

سديته و بقيت كاعدة يم خاله اليوم ثلاثاء و تُراب اتصل على ابو ياخذني لبيت اهلي جنت ضايجة و ما صدكت

و استغربت من عمي كال ابقي هنا ليوم الخميس

بالليل بدلن ثلاثتهن و رحنا للسوك امي تجيب النواقص

و نويرة تمشي و تحشش على العالم و احنه خربانات من الضحك حتى العالم تباوع النه

نويرة : هسة لو حامل جان سوينه زفة و البطن للخشم

و هذا اول فرخ حاضر بعرس اهلة

تحجي و تهوس بعبايتها و احنه نضحك

شاورت امي ليش لسة ما صرت حامل شو خايفة

سمعتني نويرة و صفكت بيدها

نويرة : شني حبها و لُبط كولي يا الله بعدكم توكم

بقيت ساكتة و افكر و اكثر شيء اكرها تفكيري

كعدنا ناكل و اني طلبت فنكر

نويرة: ولج هسة انتِ ماكلة و دافعة فلوس تاخذين بتيته شو المطبخ مَتروس بتيته و الزيت من الحصة و هذا الكجب بألف

دطلبي شيءٍ يضب كلبج

جوهرة : نويرة مال المطاعم مو مثل مال البيت اطيب

و احنه كاعدين الي يقدم عينه على امي و واحد ثاني واكف بعيد

يباوعون النه و يتشاورون و يضحكون نويرة و اميرة ميشوفن لان ظهرهن عليهم اخزر بيهم و يضحكون عادي

رُغم هي امي ابد ما تعير الهم اهتمام بس ابقى اني احترك حرك

خلصنه و رحت ادفع الحساب كال واصل خليته على الميز و تكتفتله

جوهرة : يالله رجع الباقي

- و شدعوة هلكد عصبية

جوهرة : لان ابو المطعم مشغل ناس زفت و ميدري بنفسة

رجعلي الباقي وهو يضحك و لا تنكسر عيونهم

واحد رجعلي و الثاني راح يمهن قريب الميز حچة وياهن و نويرة ضحكت اجيت عليه بعصبيه و ما اريد اسوي مشكلة

- منكدر حتى نحجي وياكم حارس

نويرة : لا انتَ بكد ولدنه احنه امهاتك

باوع لامي و كال

- لا عمي هنا الانسة صغيرة مو مال بكد امي

جوهرة : متزوجة و عدها عشر جهال يالله كومن

اخذتهن و طلعت و اني اهدد

جوهرة : وحق هذا الله وحق هذا الله التطلع بعد و بوجهه مكياج متلوم الا نفسها رايحات تتونسن لو تدورن زِلم

اميرة : ههههههه ولج والله بعدج على سوالفج ما كبرتي

هي هاي الشوارع بيها اشكال و الوان الواحد يمشي و يسكت

نويرة : جا شني هي ديرمايه و خبطه مال وجه وجوهنة مطعونه من الشموس ياهو اليباوع لخلقنه بالله انتِ حتى الي يحط عينه بعينج على هذا التخوزر يشرد

جوهرة : اي اني ما اخلي واحد يباوعلي ما اريد افكس عينه

و انتن جايبات النه الشبهه انتِ مو ما تقبلين

رحاب : و هو منو مكلبهم بس انتِ شايلة روحج و راكعتها طبهم مرض

تجيبين الهم لو طار

جوهرة : ديالله يالله امشن اجرنه تكسي ونويرة كعدت بالصدر

دار وجهه شافهن كلهن مليانات و هو شايب مبين يخاف على سيارته

كال انزلن عمي انزلن ما تكفي السيارة نزلت نويرة و سدت باب السيارة قوي

نويرة : يايمة هي سايبة مسكربة جا لو كاعد بجكسارة شسويت

صار مرادد بالحجي بينها و بينه

و كف شاب يضحك سيارته حديثة

كال صعدي يمه صعدي

صعدن ويا و نويرة تعد و تصف على الرجال ذاك و هذا ميت من الضحك نويرة ارتاحتله سولفتله قصة حياتها كلها

جنها اني من ارتاح لواحد

توسلت بي ياخذ كروه ما قبل

طَبيت شمرت الجنطه و الربطة

جوهرة : بابا هو انتن ما تتطلعن انتن كارثة هاي اخر طلعة الجن سوه

نويرة : يمه يمه تالي الوكت تحكمنه الخُنفسانه ولج انا كلبي مجمر منج لا توازيني اشوه وجهج قبل العرس

امي كالت لا تنامين ترتاح و نروح نرتب غراضج بغرفتج

تحمست و حتى النعاس طار من عيوني اميرة نامت تعبانه و نويرة وراح طلعة الصبح رحنه اني و امي المفتاح مخلي تُراب يمها

ضلينه ندخل بالغراض و قفلته الباب صعدناهن نرتب بيهن

فتحت باب الغُرفة و بقيت مصدومه بالجمال

اخر توقعاتي بيوم من الايام اني اكعد بمثل هيج بيت و انام بهيج غرفة

احس رب العالمين انطاني اكثر من ما اني استاهل و اتمنى

شفت امي ما مخلية شيء ما مشتريته ارتب حسب كلامها لان اني واثقة هي ذوقها احلى من ذوقي

رحاب : حضري روحج تصبغين شعرج

جوهرة : لا والله ما اصبغ ما يلوكلي غير لون شعري شتردين

اصبغ اصفر لو احمر حتى اطلع سعلوة

ثاني يوم الاربعاء اخذتني امي للصالون و حجت وياها

رضيت بخيار واحد هوَ التخصيل باللون السِلفر

و النتيجة جانت حلوة كلش رجعت و بالليل دخلت نويرة

و بيدها طاسة الحِنه

نويرة : الليلة حنته و باجر يزفونه

ولو هو شابع بيج من قبل العرس بس ميخالف

جوهرة : يعني انتِ متعرفين تمشيها عدل لازم تجفصين بيها

اميرة : هههههههه ولج نويرة عوفيها

نويرة : و يم السفينه المُلتقى اها اها يم السفينه

حطت الحنه بأيدي و اني ميته من الضحك

نويرة : و يا ابو حاجب المطبور جبنالك التهواها

و امي و اميرة يردن وراها وعايشات اللحظة

لحد ما تعينه نمنه

الظهر جهزت نفسي و رحت ويَ امي للصالون

لحذ ما خلص المكياج اني مخلية دمي بشيشة لان ما متعودة على المكياج لحد ما خلصت و لبستني امي البدله حتى تسويلي التسريحة

بقيت فاتحة حلكي كبال المرايا على الطَلة الحلوة

الي ابد ما توقعتها

يا خيبة تلكَ الالوانِ

منُذ ارتداء سمرائنا أبيض الفُستانِ

فَـ ليصمُت اصحاب الجمال جميعهم

وَ يَهتفوا

- حَيَّ على السُمرانِ

حسب تعليماته الزفة من البيت القديم و اني كل بالي بَراء و راكان موجودين لو لا ما اريد اسأل خاف انصدم بالاجابة اذا كالو لا

بعد ما خلصت دك على امي و كال اجيتكم و اني ولا عبالك هذيج

الي خلصت كل هاي الفترة ويا

احس شلون راح يشوفني بهذا الشكل ما متعودة

بقيت منزلة راسي و صعدت وي امي هو يستحي من امي كلشي ما حجة لحد ما نزلنه لكيت السيارات تارسة الساحة الي بصف بيتنه يمه ذوله منين اجوي صار العشاء بالشارع و اني عيوني تدورهم

لحد ما طلعت امي و دخلت بأيدها بَراء خجلانه تباوع بالوجوه

احس هسة صدك تكحلت عيوني

سألت خالة منين هذولة الناس

كالت كلهم اهل اصدقائة واعدينه بس يتزوج يسووله عرس

رَنان و ما صاير مثله

بَراء : الله جوهرة طالعة تخبلين تجننين

جوهرة : انتِ الحلوة يا روحي

بقت طول الحفلة لازمه ايدي و خلص العشاء و اشتغلت الموسيقى

و تُراب و جماعتة بدون خجل دخلو يركصون من الشارع

للاستقبال و تُراب جماعتة شايلينه وهو مُحترف بالركص

امه تهلهل وابو يركص وياهم

و من كد الحماس حتى اني اريد اركص

بَراء اختفت من يمي و شفتها طلعت برا

و صدمتي الجبيرة من شفت راكان دخل تگابل ويَ تُراب و يركض ويا اجه يمي باسني حضنته بگد ما مشتاقتلة

جوهرة : ولك راكان اني اختك ميصير تركص بعرسي

راكان : اويلي يابة جوهرة عوفيني فرحان شارد من الواقع

امتحنت امتحانين و اثنينهن مامجاوب بيهن

عِلى صوت الموسيقى و عافني و دخل بنصهم يركص

أمي خربانه من الضحك لحد ما صار تُراب قريب مني ولزم ايدي

صعدنا اني ويا بالصدر و امه و ابو ليوره

تُراب : بعد شتردون صحيح انا العريس بس راح ازفكم

الزفة كلها اني اباوع لسيارات اصدقائة

مطلعين روسهم من الجامه وسدو الشوارع

و هو وياهم يحجون بالالغاز و هو يمد راسة من الجامه يجاوبه

ابو يرَزله و خاله تضحك دكلة عوفهم

وصلنه للمنطقة اميرة و نويرة واكفات بالباب يصفكن

نزلت و السيد زوج بَراء راد يروح و تُراب ما قبل و لا ابو هم يجرون بالرجال و الرجال يجر بروحة تالي استسلم الامر الواقع

و دِخل للبيت

رجعو سوو هوسة الثانية بالشارع و ولا تعبو من الركص

اني من يمي تعبت صعدت للغرفة و امي يمي

رحاب : انتِ يمه حتى ما يحتاج اعلم تستحين مني

و منه ما تستحين

هي طلعت و اني مبتسمة من اتذكر شكل تُراب شلون فرحان

و كأن فايز بالدنيا كُلها و خالة فرحتها ما تنوصف

و هلاهلها ترست الدنيا

وكفت گبال المرايا مبتسمة و اني اول مرة بحياتي اوكف كبالها راضية

اباوع لشكلي الي اني اول شخص معجب بي

و متحمسة اذا شافني تُراب شنو ردة فعلة

من جوهرة الي ما يهمها شكو بالدنيا غير احلامها

و حتى لنفسها ما مهتمة لـ جوهرة الي حققت حلمها و صار عندها هواي اشخاص جابتهم الها الصدفة تحبهم تحب تطلع كدامهم

بالشكل المناسب بدأ الهدوء يعم و صوت گلبي يعلىٰ

لحد ما انفتح الباب بهدوء و اني واكفة

دِخل هوَ بـ بأيدة سترته النيلية و يفتح بالرباط

باوعتله و الباب مفتوح نِسه يسد الباب

تُراب : اويلي لَك اويلي

جوهرة : الباب

تُراب : انعل ابو الباب

- انفضحنا

رجع ليوره بدون ما يدير وجه قفل الباب و اجه

تُراب : هاي شطالعة

جوهرة : حلوة ادري بس تعبانة اريد انام

تُراب : اويلي يابة تعبانة شمسوية

- ما مسوية من الكعدة تعبت

وگف وراي و حُضني بأيد وحده و التليفون بأيده

اخذلنه صوره و جانت احلى صورة بحياتي

بده يسحب المَاشات من راسي و يحسبهن

تُراب : الله يساعد راسج حبيبتي

ضحكت و دخلت اسبح الحمام بنفس الغُرفة

لمن طلعت هو واكف يباوع من الشباك و فاتح القميص

جوهرة : انتَ شكد ركصت

تُراب : فرحااااااااان

جوهرة : قابل هستوك تزوجتني و فرحان ترى احنه متأقلمين

احس فرحتك مشكوك بيها

تُراب : جان وضعج ياكل و يشرب وياي شلون

انتِ حبيبتي و روحي و مگعدج بـ بيت چنه خَرابة

و الاحلى انتِ من النسوان القنوعات بكلشي خفت خاف قناعتج

تنسيني حقوقج و ما اسويلج العليه

خليت راسي و شعري الي ينقط مي على صَدره

و الهوى البارد يكفخ وجوهنا

جوهرة : اني قانعة لان انتَ بحياتي معيشني بگلبك وحدي

شايفة روحي اميرة ما تهمني كل الماديات لا عمري ردت منك ذهب

و لا بيت و لا فلوس اني ردت مطلب واحد و انتَ سويته

و ثبتتلي انتَ شكد تحبني

تُراب : لا ، اني لكيتلج اخوانج غصباً ما عليه لان انتِ عرضتي حياتج

للخطر في سبيل تلكين ابوية و هذا كله الصار و السويته قليل بحقج

نِهى كلامه بـ قُبلة على شعري

جوهرة : تُراب انتَ حَبيبي يعني من صدگ حبيبي

تُراب : انتِ حياتي و عمري و بَناتي انتِ المَلحة ما تنوصفين

دخل يسبح و اني اضحك بقيت اباوع للمنطقة هاي شكد احبها

و شكد هادئة تشهدلي ذكريات هواي هاي الارصفة

و الشارع الكراج مال بيت نويرة صاير كبال شباك غرفتي بالضبط

تُراب : سدي الشباك لا تتمرضين حياتي

تمدد و اجيت نمت على ايدة

جوهرة : شو ما جبت كيس الملاكمة بيمن اطلع حرگتي اذا عصبت

غُمز و اشر على صَدرة

تُراب : بية حبيبي

- تروح تموت و ابتلي بيك و اصير ارملة يبووو شلي بهاي الدوخة

تُراب : لااااا؟

جوهرة : والله

تُراب : دكومي حبيبتي طفي الضوة و تعاي اسولفلج اليوم شصار

جوهرة : شصار ؟

- دطفي و تعاي

انقبض كلبي لان طريقة كلامة ما تطمن ابداً

طفيته و اجيت بسرعة كعدت كباله

جوهرة : شنو شكو تُراب

- اويلي اموت ع الخوافات

و ضربته بقوه لمن عرفته شنو يريد ..

كعدت الصُبح على صوته يخابر و يضحك على جماعتة

تُراب : طاح حضكم عبالي دكولون محتاج شيء ، شلونك

كعدت و الضوء خفيف داخل من الشباك

جوهرة : شنو دنيا الفجر ؟

تُراب : لا يا عروستنه المَلحة راح يأذن الظهر بس الدنيا تمطر كومي

اختج هنا

انشف شعري غصباً عني حتى انزل

بدلت و امي تدك عليه تُراب ما يقبل ينزل الا اكمل

خليت مكياج خفيف و نزلت ويا

و استقبلتنه امه بالهلاهل بَراء احسها كاعدة على اعصابها

اجيت يمها لزمت ايدها

- شبيج حياتي

الماس: عندي امتحان باجر و احس عيب باقين هنا

جوهرة : انجبي شنو عيب قابل احنه غُربة

و اذا على الامتحان يتأجل

الماس : مو خاف اجي الاسئلة صعبة للمؤجلات

جوهرة : يا بَراء شبيج هسة من السيد تخافين من المدرسات هم تخافين عاد خلي عندج شخصية راح يجي ابنج

الماس : ولج لا دكولين بَراء اني احب الماس

جوهرة : طبعا غير السيد مختارة

الماس : اكلج شعدكم وي السَيد ترى حباب حبوّ يستاهل خطية

جوهرة : احسج تخافين منه مادري احساس

الماس : هو اني اخاف بس من الله و من السيد و المدرسات

جوهرة: ههههههه ولج لعد شبقى ، لا بس هو شلون يعاملج يعني ؟

الماس : اني والله يموت عليه يعاملني مثل الوردة الخايف عليها لا تذبل

هو هيج يكلي و صحيح كلامه لان هو السيد ما يجذب ترى

جده رسول الله (ص)

جوهرة : يا يا دخيل جده و انا شكلت

الماس : هو بس جاي اسولفلج وحق هذا الله فد يشوّر مره اجتي وحدة

فاصل ابنها من الجامع لان عنده سوالف مكسرة حاول ويا السيد ما اجه للطريق يكول عرفت غايته هو ما جاي يصلح نفسة

بس جاي يخرب الي ويا و يسحبهم لـ طريقة وهم مراهقين

فـ من فصل ابنها اجتي علينه هاده

حجت عنه اشكال والوان بباب الشارع و هو واكف مبتسم ما جاوبها

من خلصت كاللها خَصيمنا الله وهو على كُل شيءٍ شهيد

بس هو شنو دخل اعصاب للبيت لان هي مره وما يكدر يسويلها شيء

اول ما كعد صار صياح بالشارع و اندك الباب

طلعت المره اول ما عابرة اندعمت و الجيران كلها مصدومة

و لمن طابت اجتي اعتذرت منه

جوهرة : يمه الله كون هيج اشور بكل واحد أذاني

الماس : لو كلها هيج و رب العالمين ياخذ الحق بسرعة جان انتهت البشرية لان كل واحد مأذي واحد شكل فـ هو حتى تأخير

العقاب بي عِبرة من رب العالمين

اجتي امي و اميرة و نويرة جابن كيمر وًكاهي و نويرة دكلة

دير بالك على جوهرة ترى عندها ثلاث امهات

تُراب : لا حجية اربعة امي وياجن انا بيش الكيلو

نويرة : يالله انتَ ابوك وياك لا تبجي

تُراب : تهي بهي والله بطرانه حجية ابوي قبل لا اجي للدنيا

واكف ضدي مو النوب اتعارك وي جوهرة حتى يشحتني من الباب

للعصر رادو يحرون الماس .. الماس .. اعود نفسي على اسمها

و زوجها و عمي ما قبل لان الدنيا مُطر و الطريق طويل وًيخوفً

و بقو الليله هاي هم ويانه نايمين بغرفة عمي و خالة الجديدة

اني نيمت تُراب و هي نام زوجها و نزلنه كعدنا بالصالة

نيمتها على رجلي وشغلنه تلفزيون على مسلسلة هندية

تركت السوالف و بقت تحجي عليهن

الماس : يعني هذني صدك يحجن مطلعات خصرهن والله خطية ما يعرفن بعقاب الله و شراح يسوي بيهن

جوهرة : هم ميعبدون الله ترى

استنفرت و كعدت على حيلها

الماس : لا تحجين هيج جوهرة و تتعذرين الها بهذا العذر القبيح

ليش هو منو يستحق العبادة غير الله بس هذا الجهل المُتعمد

مخليهم للان متمسكين بمعتقداتهم شلون اعبد شخص او حيوان

او شيء و اني اعرف منين جاي و شلون اجه للدنيا

يعني شلون الي عندةً عقل يعبد الي ما عنده عقل

جوهرة : دنامي شنسويلهم الله يهديهم

الماس : اتمنى قبل لا يموتون و يخسرون الدُنيا و الاخرة

تحجي وهي عصبية و منهارة

مديت ايدي على جبينها امسح عيونها

جوهرة : السَيد هم يحاسبج على الصلاة ؟

الماس: اكيد لعد شلون هو المسؤول عني اذا باجر يوم القيامة

بدر مني تقصير هو اول الي يتحاسبون لان هو مشرف عليه

فـ جان يحاسبني و بعدها اني التزمت لان ما اريد اخلي بموقف مو حلو يوم القيامة وهو تعبان على حياته

ابتسمت على تفكيرها

جوهرة : العباية تحسيها مقيدتج ؟ اكو لبس هم مُحتشم عادي

اذا يعجبج يعني قنعي السيد

الماس : يمه و ليش اتقيد ؟ والله احسها بروحي شايفة من اغسلها

على كيف احسها عندها احساس و الها هيبة ميصير اشيلها و اشمرها

جوهرة : يعني انتِ تحبين تلبسيها

الماس : اموت عليها لان اني متعودة عليها و احس بس بيها

ما اتقيد و من امشي امشي براحتي السيد يكول العباية

الي على رَاسج مثل العمامه الي على راسي

و اثنينهن لازم نعاملهن معاملة خاصة لان مو اي احد يتحمل

مسؤوليتهن

جوهرة : والله يعني السَيد تعبان بتربيته

الماس : يكول السيد المُلتزمات بالحجاب الشرعي باجر بيوم القيامة

السيدة فاطمة الزهراء (ع) تستقبلهن بـ باب الجنة

و اني منتظرة هاي اللحظة

ابتسمت على تفكيرها النظيف و تعليمها ان هيَ ابد ما مهتمه للدنيا

بكد ما مهتمة للاخرة صدك رب العالمين لمن فرقنا عرف وين يوزعنا

راكان صار بأيد اب مُتشدد لان مراهقته صعبة وبس هو عرف يتوبه

ممكن لو ويانه جان امي ما كدرت وحدها

و الماس خلاها بأيد شخص من عبادة الصالحين

يعني مطمئن عليها وين راح تكبر و انتِ جان عليج الحمل

الاكبر لان رب العالمين يعرف انتِ كدها

من الفجر طلعو الماس و السيد

و بيومها كعدت مطنگرة على تُراب الا اروح للدكتورة

و هو ابد ما قبل كمت ابچي بقى مصدوم

تُراب : صدك تبچين علمود الجهال شبيج جاهلة ؟

جوهرة : اي اريد اطفال اني كلبي حاس بيه شيء

ضربني علىً حلگي

تُراب : اششش طاح حظج على هذا الاحساس بعد

اذا حسيتي افلش وجهج

جوهرة : اخذني للدكتورة يالله

تُراب : يجوز هسة حامل شمدريج اني ما ماريد تتعلعلين

عند الدكتورات ونفسيتج تتعب خليها على الله

مَد ايده يمسح دموعي و خلة راسي على صَدرة

جوهرة : اني احب الاطفال و اريدهم

تُراب : اخذج بس ما تجين يومية تجيني بسالفة

جوهرة : اي والله ما اسوي شيء

تُراب : تاخذج امج لو اني اخذج

جوهرة : لا انتَ

العصر تجهزت بسرعة وكعدته من النوم بالكوه يالله كعد

بدل وهو ماقابل يروح خالة لحد ما طلعنه تدعي الله يسهل

تُراب : يمه هسة اني عاتب عليها والله ما رايد

سُعاد : ميخالف يمه هم من حقها تحبك و تريد ولدك يترسون البيت

هو انرسمت الابتسامة على وجهه

وصلنه للدكتورة و كعدت انتظر السره وهو منتظرني جوه بالسيارة

من وصل سراي صحتله لان ما اعرف احجي وي الاطباء

تُراب : الج خلگ تصيرين حامل و اكعد اتنمر على بطنج

شلج بهاي الدوخة

ضحكت و دخلنه للدكتورة

ما ادري المكان الي تدخلة بـ ابتسامة غالباً ما

تطلع منه و دموعك على خدك ...

....

للحلوة الحزن مَخلوق

انتِ جميلة ؟ هذا يعني عليكِ دفع ضريبة جَمالك بالدموع

عداً نقداً حتى انتهاء المَطاف

- رُسل فَهد

التَصويت و المُتابعة لُطفاً

عَلى كتِف القُبطان حَمامة

- رُسل فَهد

....

بعيداً عن الفصيح نعود لاول ابيات كتبتها

عام ٢٠٢٠/١٠/٢٣م

هـَلي زحمـة مـن أعاتبكم

هـَلي المفروض حگي أنتم تردونة

هـَلي المفروض من الدنيا تكسرني

اجيكم و اگعد بسدكم

هلي بتكم يبچوها

عليّ مترف شواربكم؟

هلي چا انا مو منكم!

هلي أحلامي الذبحتوهن يغثني

وحگ دمعي الجرة منكم

أموت و ما أسـ ...

أحبكم راح أسامحكم ..

- رُسل فَهد

...

جوهرة

ياخوفي من احساسي الي ما احبة اذا صار يوز بشغلة

احس وشه بأذاني صارت و ايد تُراب صارت على ظهري

فتحت عيوني كل وسعهن على كلامهَا و أهز راسي بـ لا

- يا ماما انتِ عندج تشوه خُلقي بالرحم ما يكدر يحتوي اي

نُطفة لا تتعبين نفسج عند الاطباء عندج فلوس اصرفيهن

على نفسج ، عيشي حياتج

تُراب : دكتورة شنو الموضوع كولي يا الله

جانت هاي اخر كلمات اسمعها و بعدها فقدت الوعي

كعدت و اني بالسيارة و تُراب شكلة ما يتفسر من خوف وقهر و صدمة

جوهرة : اخ يمه گلبي

- اسم الله على گلبج حبيبتي

شغل السيارة و اني متمدده ليوره و دموعي على خدي

تُراب : باجر اخذج لغير دكتورة ارتاحي اليوم و نامي

معليج بكلامها تلكين الاجهزة يمها متشتغل

بقيت ساكتة طول الطريق و هو يقنعني

من وصلت للبيت صعدت اركض و قفلت الباب

اضرب راسي بالحايط واندب حضي ليش ليش ليش

بس اني لازم اعاني و اتعب و انحرم حتى من الاطفال انحرمت

شوكت ارتاح شوكت

تُراب يدك بالباب و صوته عالي و اني ما مهتمه

انهاريت صرت كلشي اشوفه كبالي اكسره نزعت الحلقة و شمرتها

شمرت التراجي كسرت المكياج ما ادري شوكت و شلون كدر يدخل

بس حسيت بأيدة لمن حاوطتني تهديني

تُراب : جوهرة هاي انتِ جوهرة القوية والله عيب

جوهرة : مو قوية مو قوية و ما اريد شيء بعد من الدُنيا

طلكني و عوفني بحالي اني اريد اموت اخواني شفتهم و مرتاحين

خلي اموت و ارتاح تعبت والله تعبت

هزني بقوة حتى اصحى على نفسي

تُراب: و احنه هيج تعودنا ؟ نستسلم

و ننزل الدرج من اول باية ؟

جوهرة: كعدت بالارض و دموعي على خدي سندت راسي على رجله

هو واكف و اني امسح ايدي بفستاني لان تدمرت باودر

بسبب المكياج الي كسرته ضَمني لصدرة و يطبع قُبلاته بشعري

تُراب : و تسوين هيج بنفسج علمود طفل عمي والله ما اريد اهم شيء عندي انتِ يروح يصير بيج شيء يا جهال يا قنادر

جوهرة : اذا تحبني مَوتني

ضغط على شفايفي بقوة

تُراب : تموتين و اموت وراج و تنتهي سُلالتته بدون ذكر

جوهرة : طلكني و تزوج انتَ من حقك تصير اب

تُراب : انا ابني اذا مو انتِ امه ما اريدة

بقيت كاعدة و دموعي على خدي من الي سمعته و من الم رجلي

بسبب الروماتيز اجوي عمي و خاله يهدوني و شكلهم مقهورين اكثر مني ضليت اكل بروحي اكثر و اكثر

تُراب اجه رتب الغرفة و كل الفوضى الي مسببتها اني

خليت راسي على الوسادة و وجهي على الشباك و امسح بكل دمعة تنزل احس اني لسة ما مستوعبة الي سمعته

انطفة الضوة و اجه يمي ايده تمشي على زَندي

تُراب : ترى اني من شكلها ما ارتاحيت الها و هي حتى لو اكو هيج موضوع من باب الانسانية المفروض ما تحجي بهاي القساوة

اني شاك بأمرها تلكيها متعاركة وي رجلها و طلعت الحرگة بيج

جوهرة : تُراب اني ما الي خلگ سوالفك الله يخليك عوفني بحالي

تُراب : مَا عيب ابو الجواهر اني مثل ضلج وين ما ترحين وياج

جوهرة : يعني اني شمسوية و كل هذا القهر يصير بية

اني اكثر شيء جنت اتمنى من الكة اخواني يصير عندي اطفال و تالي حتى الاطفال اتحرك من عندهم شنو وحد من البنات اني

تُراب : طبعاً وحد لان انتِ مو اي وحدة

و بعدين اني وياج لحد بيعة الشَورت بشرفي

مستعد ابقى مصلخ و مضحكة لامة محمد بس اهم شيءٍ انتِ مرتاحة

جوهرة : و انتَ هيج ما هامك الموضوع و كاعد تضحك عليه

بس حقك لان انتَ تكدر تتزوج مابيك شيء

عندك عادي مكيف

تُراب : طاح حظج يا مَلحة لج اني ابدلج

مَا عيب والله ما عيب شنو قحط الجهال و ابدلج بيهم

سحبني و خلاني بحُضنه و هو يلعب بشعري و يهديني

تُراب : باجر اخذج لاحسن دكتورة هنا و نشوف شنو دكول

و كلشي بي امل نسوي لا تمصخيها يعني انتِ هاي السنين

كلها صبرتيها على اخواني و ما تبعتي و على جهالج ما تصبرين

جوهرة : لان تعبت اني بعد ما عندي طاقة

تُراب : اشتريلج تايگر و لا يهمج

صرخت بوجهه بقوة

جوهرة : لا تتمضحك لا تتمضحك كوم من يمي يالله كوم

دفعته و هو حاوطني مبتسم

خَله راسي على كتفة و يمسد بظهري

تُراب : اني ما اضحك عليج بس ما دام انتِ موجودة

كل المواضيع الباقية تافهة

كعدت الفجر توضيت و اجيت اصلي فرشت السجادة و ابجي

بكل قوتي بالصالة طلع عمي من غرفتة

ابو تُراب : كولي يا الله عمو كلشي بي غاية

و رب العالمين رحيم ما يخلي عبادة محتارة ان شاء الله خير

جوهرة : عمو اريد اروح لامي

ابو تُراب: روحي بابا

- تُراب ما يدري

- روحي اني اكلة معليج بي

بچادر الصلاة طلعت و عمي واكفلي بالباب دكيت الباب

ادري بي وقت كعدة نويرة طلعتلي مستغربة شكلي

نويرة : هلا ، زعلانه العروس

طَبيت للاستقبال فراشاتهن ثلاثتهن مفروشة دموعي تجري

فتحت الضوة نويرة و هن رفعن روسهن مستغربات

رحاب : شبيج

اميرة : يمه شبيها جوهرة

خنگتني العبرة و بجيت بصوت عالي وكفن يمي ثلاثتهن

يردن يعرفن شكو

رحاب : تحجين لو اروح استفسر منه و اهججه اني مو كتلج ما مرتاحتله مبين ورا سالفة جبيرة

جوهرة : معليه هو معليه

نويرة :جا شبيج ولج احجي كلبي وكع بين رجلي

جوهرة : الدكتورة دكلي ما تصيرين حامل

حجيت الهن كلشي كالته الدكتوره و اني ابجي بشهگة

وهن ساكتات لطمت امي على خدها

نويرة خلت ايدها على كتف امي

نويرة : اش اش ماكو شيء

اميرة : يمه اسم الله الزهرة ام الحسن و الحسين وين هاي الدكتورة

الله يبعدج شر حجيها ان شاء الله ماكو. شيء

نويرة : يا و تبجين دهر صابج ياما و ياما الدكاترة آيست نسوان من الحبالة و هاي قدرة ربج خلت بزرهن يترس البيوت

جوهرة : اني جان كلبي حاس

نويرة : امداج و امدا احساسج المابي خير

ولج صاحبتي كبل مو هسة تزوجت و بيها سكر كالت الدكتورة اذا تردين تموتين احبلي و العالم تدك و تلطم و حبلت المره و كلها خافت

كالت الها الدكاترة راح يطلع مشوه

و طلع ذاك الطفل هالكبره وهسة رجال

جوهرة : و اني مثل حظها قابل

نويرة : و احسن ان شاء الله ولج بعدج صغيرة يمه و منين اجاج التشوه مابيج شيء انا رايحة اليوم اكول لهذا الوليد يمنه

ياخذنة لكربلاء واشدلج علگ هناك وانذر

و انا الحُسين يحبني دوم ما يخيبني و ينطيني مرادي

بقيت ساكته و ايدي على خدي ونويرة بدلت تريد تروح للشغل

و وواكفة منتظرتني اسكت

نويرة : ترى اذا تصلين تنوحين كلشي ما تحصلين صيري مثل خالتج

الدنيا لعبت بيها طوبة و بعدها تضحك و كاسرة عين الدنيا

انا اخليها تتشمت بيه و تشوفني ابجي لو تموت والله

رحاب : كافي بجي اليوم اخذج لغير دكتورة و نشوف شدكول

هي هاي الدنيا بيها اشكال و الوان موًكلشي نريدة نحصلة

رجلج شيكول

جوهرة : يكول اني حتى جهال ما اريد بس لا تبجين

نويرة راحت و امي ما راحت للشغل وياها

بقت يمي

للعشرة اندك الباب و دخل تُراب

تُراب : اويلي هاي بعدج تبجين لج بابا هاي عود انتِ الجبيرة

رحاب : ناخذها اليوم لغير دكتورة

تُراب : اي هسة مو كلت الها قنعيها بنتج قنعيها

- هو اني بنتي اكدرلها وين اكدرلها

اميرة : والله ماكو شيء ان شاء الله الله ومحمد و علي وياكم

لا تخافون هسة يجون و يترسون البيت و دكولون ياريتنا ما خلفنه

تُراب : كون كلهم عليه يطلعون حتى تبقى المَلحة حايرة بزمانها

تلزم منو و تعوف منو

اميرة : ههههههه لا نريدهم جواهر مثل امهم يكبرون و محد يحس بيهم النملة ما يأذوها و يبجون حتى على الحمامه اذا ماتت

اباوعلة معاني وجهه تغيرت و باوعلي

لزمت ايده و رحت ويا للبيت بقى كاعد بالاستقبال

و صافن

بنص وجعي و كسرتي بس ما اريد اشوفة مكسور و ضايج

نضفت المطبخ و اجيت يمه كعدت يم رِجله

جوهرة : تذكرتهن مو

تُراب : ليش اني ناسيهن ؟احس بيهن زعلانات عليه

من عفت هذاك البيت حتى بأحلامي ما يجن بعد

جوهرة : انتَ بعته ؟

تُراب : شلون ابيعة و هنَ بي ابيع روحي وًما ابيعة

جوهرة : الله يرحمهن

حجيتها و تمددت على رجله خله ايده على راسي

تُراب: بالدنيا هاي ما عندي غير انتِ و امي و ابوي

و اذا واحد منكم مامرتاح حتى روحي اكرها

خليها على الله و هي تصفى من اشوفج هيج مقهورة

اريد بشوية نفط و احرك روحي

اني ما دام يمج ما اريد اشوفج مكسوره

جوهرة : ان شاء الله

حجيتها و سكتت و بقت فكرة تجيبني و فكرة توديني

العصر رحت وياهم هو و امي و نويرة اخذت اميرة وًراحن يزورن

تُراب : اني من اداوم و انزل اخذكم و اخذ امي هم

سولف لامي على دكتورة زوجة صديقة تراجع عندها

دكتوره على مستوى حتى كشفتها اغلى من الكل

المكان جان ازدحام كلش و طول الانتظار اني كلبي يريد يطلع

من سُرع دكته

اصعب فكرة لما يكون هذا اخر خيط امل بحياتك

و مية فكرة و قرار ببالي اذا جان كلام دكتورة البارحة صحيح

و خلاص اني اقتنع لهنا و تنتهي حياتي بهواي امور

من وصل سراي امي بأيدها تسحبني و رجلي ما تعيني اكوم من الوجع نزلت تركض تصيح لتُراب صعد وياها اجه مستغربني و العالم كلها تباوع

تُراب : شبيج حبيبي شو باوعيلي

دموعي تجري و صرت شهگتي عالي اباوع حتى امي كامت تبجي

جوهرة : رجلي توجعني

بدون كلام خلى راسي على صَدرة و مَد ايده على رجلي لحد ما صرت كُلي بحُضنه و من الخجل اتمنى اختفي وهو شكله طبيعي و عنده

الموضوع كلش عادي

كالت الدكتورة سلامات سلامات شبيها

تُراب : مابيها دكتورة بس رجلها توجعها بسبب الروماتيز

- يا عيني تعالي يا حلوة زَوجها انتَ مو ؟

- نَعم وهاي والدتها

انطاها التحاليل الي سويناهن البارحة

سوتلي سونار و بعدها لغرفة الفحص و معاني وجهه ما تبشر بخير

هذا اكثر شيء خوفني بقت تسأل عن يوم زواجنا

ووضعي لمن جنت بنية

- هسة كومي ارتاحي حتى اسولف

اباوع لتُراب و هو للان يباوعلي بنظرة تطمني و مخلي الوضع عادي

رغم اني ادري هو شكد مبين خايف من هالموضوع

مسح جبينه و بِلع ريگة و لزم ايدي

خليت راسي على زَندة و غَمضت عيوني

- زوجتك هنا عندها نسبة تكيُس مُخيفة و ما اعتقد بالعلاج نكدر نتخلص منها تتوجب عملية و بعد العملية بثلاث اشهر تبين النتائج

اباوع لتُراب باوع لامي و امي مثله مصدومة

رحاب : دكتورة احنه البارحة اخذناها ما كالت هيج

كالت عندها تشوه بالرحم

- اسم الله هههههه يا الله منين هذا الاستنتاج شافته

ماكو اي كلام بس الموضوع و ما بي اصلاً شكل الرحم ما واضح

بسبب كمية التكيس القوية وعادي ياما مراجعات اجوني

اجريت الهم عملية و صار عندهم طفل و اثنين و ثلاثة

تُراب : و الا عملية ؟

جوهرة : اي اسوي

- اكو علاج بس مايفيد هاي النسبه يفيد الي نسبة تكيسهم قليل بالعلاج يروح بس مثل هاي النسبه لا ما اعتقد مجرد فلوس على العلاج تنصرف بدون فايدة

جوهرة : بس اصير حامل

- ان شاء الله كلشي بيد رب العالمين

احس تُراب بقى محتار و حتى اني بقيت محتارة بين اصدك هاي الدكتورة لو هذيج كلامها أصح طلعنه منها و من الحيرة ماكو

اي راحة بالموضوع

تُراب : اخذكم لدكتورة ثالثة و اذا كلامها نفس هاي نرجع لهاي

لان انا مرتاح لهاي

طلعنه و طول الطريق هو لازم ايدي بقوة

ينبهني على وجوده بصفي

و جان كلام الدكتورة نفس الثانية و ما جابت اي طاري لتشوه الرحم

و آيستنا مثل ذيج تُراب انرسمت الابتسامه على وجهه

قربني لحُضنه نسى احنه كاعدين كبال الدكتورة

رجعنه للبيت و اكو خيط امل انزرع بقلوب الكُل

و احس هم فرحانين اكثر مني

ابو تُراب: هاي الرحتولها البارحة انطوني اسمها اخليها تعزل

شكم واحد كسرت خاطرة و ركبته بحجيها الغلط

صعدت اسبح و طلعت لكيته واكف يصلي فتحت عيوني من الصدمة

بقيت كاعدة منتظرته يخلص

جوهرة : من شوكت انتَ تصلي ؟

تُراب : من اليوم انا البارحة نذرت اذا يطلع حجيها غلط

و اكو امل التزم بالصلاة للابد

جوهرة : و تسوي روحك ما مهتم !! ليش تكذب

سحب ايدي و تمدد الى ان صرت بحُضنه

وجهي قريب على وجهة سحب تيشيرته الي جان مشمور على الجرباية

و فتح القراصة ينشف بشعري بتيشيرته

تُراب : انا مو همي الجهال اني همي انتِ

والله عسى ما اموت وماعندي ولا طفل بس انتِ يمي عندي احلى من العسل كلشي خلي يصير قابل

و لا اشوف هاي الرموش مذبلتها الدموع

تقرب لخدي طُبع بوسه طويلة

جوهرة : اني اموت على الجهال احبهم و اني ادري بيك هم انتَ شكد تحبهم بس علمودي تسوي نفسك ما تريد

باجر يجوز ما اكدر احمل و انتَ يقنعوك تتزوج و يجوز اني بنفسي

اخليك تروح تتزوج احس اني ما استاهل كل هذا يصير بيه

انتَ اكثر شخص حبيته بهاي الدنيا و ارتاحيت ويا

و ما اريد اشوفك تنحرم من الاطفال بسببي

تُراب : حبيبتي المَلحة. اني متعود عليج انتِدائماً تحبين الدراما

فـ اني عاذرج ، بعدين المَلحة تعاي شو عندج عادي اني اتزوج ؟

جوهرة : طبعاً انت تريد تصير اب و من حقك

تُراب : يعني عادي وحدة تصير بمكانج ؟ عندج الوضع عادي

بقيت صافنه و اتخيل

نزلت دمعتي و مسحتها عضيت شفتي اهدأ نفسي

حسيت روحي راح انهار من صدك

حضنته بقوة بـ اثنين ايدي و غرست وجهي بصَدرة

حاوطتني اديه الاثنين و هو يضحك

تُراب : اويلي يابة اويلي

جوهرة : اني من كد ما احبك اريدك تبقى مرتاح

تُراب : و انا احب التعب وياج خلي هاي المعلومه براسج

جوهرة : رجع الشتاء و رجعت رجلي تأذيني

كعدني عدل و مَد ايده على رجلي يمسدها

- بوسها تطيب

تُراب : شو عايشة اللحظة

جوهرة : يالله على اساس انتَ ما جنت تبوسها

- بيج جني حبيبتي ؟

جوهرة : عود ليش تنكر ترى اني بعيوني شايفتك

تُراب : خايف منج و انكر يالله نامي نامي

لحد ما غَمضت عيوني ما اعترف بالحقيقة

فَزيت بنُص الليل كان حاضن رجلي بأثنين اديه و راسه عليهن و نايم

كعدته حتى يعدل نومته

تُراب : اويلي صار النه شكد نايمين شنو هذا لليل الشتاء

شكد طويل

جوهرة : حتى اني صاحية

تُراب : مرررتي

- ها

- رجلج جوعان

جوهرة : ترى رجلي توجعني

تُراب : سويلنه اكل و اني امرغهن من تخلصين متفقين ؟

لميت شعري و نزلت هو نزل وراي

سويت اكل و صافنه البيت الجديد بي شيء مو حلو هو كل اصدقائي

الحيوانات ماكو اباوع للسكف ماكو اي شيء دخل هو للمطبخ

تُراب : ها تدورين على صاحبج

- ياهوَ ؟ البريعصي ؟

تُراب : صحيح حبيبتي يا هوَ متيهة لان انتِ صحبانج هواي

جوهرة : يالله روح اكعد لا توكف يمي تضل تحجي و تنرفزني

تُراب : مَا عيب والله هسة احنه صرنه مو خوش

- ما كلت مو خوش لا تقولنا بشيء ما كايلته يالله روح بالصالة

دك تليفونه و سند التليفون على الكاونتر و سحب ايدي صرت كبال الجهاز خليت ايدي على وجهي و بعدتها من سمعت صوت راكان

راكان : هلا لك هلا بالعُمر

تُراب : انجب لك مرتي ما اسمحلك

جوهرة : شونك حياتي

تُراب هد ايدي واكف خازرني

راكان : سولفتلي امي عليج و دكيت عليج تليفونج مغلق

حتى الماس طبعاً لان ما تقبل نكول براء رجلها اشترالها

تليفون و تدك عليج ما تحصلج

جوهرة : اي شمرته التليفون

راكان : كولي يا الله حبيبتي كلشي بيد رب العالمين

وشنو فد قنادر الجهال و تبجين عليهم

تُراب : هيوووو لا دكول حبيبتي

راكان : ماشي حبيبتي ؟

تُراب : باع لا تخليني اخليك براسي عوف جوهرة احسن

راكان : اختي حبيبي انتَ ليش ضايج

تُراب : شلون بهذا اني هم نزل و هم يدبج فوك السطح

جوهرة : شبيكم صغار لا تسوون هاي الحركات

راكان : والله حياتي كلنه ما نوصل لعقلج انتِ العقل كله

جوهرة : حياتي انتَ

بسرعة تُراب مَد ايده و سَد المكالمه رجع راكان اتصل انطا رفض

جوهرة : صدك تحجي ؟

تُراب : لا تستفزيني جوهرة لا تستفزيني

شنوحياتي شنو عمري شنو حبيبي انتِ ذني الي ما دكوليهن

- ترى اخوية يعني لتبالغ

تُراب : لا ابالغ والله انا وياج صدك ابالغ

شمر الجهاز و راح للصاله فتحت خط و احجي ويا راكان يضحك

جوهرة : زعل تُراب

راكان : ههههههههه ادري لان هو محذرني ما اتغزل بيج

جوهرة : والله انتو تخوفون

بقيت اسولف ويا شويه و سديته صبيت الاكل لكيته بالصاله متمدد

و ايده على عيونه

جوهرة : يالله تعال اكل

- ماريد

اجيت يمه مديت ايدي على بطنه اقرقرة مثل ما هو يسويلي كل مره

بس هو ما يضحك بس مبتسم و يوخر بأيدي

تقربت و طُبعت بوسه برگبته

سحبني اله اقوى ..

تُراب : اويلي

جوهرة : يالله كوم و بطل هاي الكلمه لان حتى اني لزكت بحلكي

تُراب : شبيها بشرفي جانن الحبايب يموتن عليها

مديت ايدي على زنده گرصته

- اويلي

جوهرة : عيب عليك هسة انتَ رجال متزوج

تُراب : مره اثنين تعاركن هههههه اويلي هن صديقات

اني عندي علاقة بوحدة ف هاي مسولفة لصديقتها

فـ هذيج هم اجتني كلت الها يابة انتِ مو صديقة فلانه ؟

كالت اي و من كد ما تسولف عنك دخلت بدماغي

هههههههه ،، يعني لا تضوجين بس شوفي شكد جنت ابو نسوان

بس وفيت للملحة

اني مخليه ايدي على خدي و صافنه و مصدومه بماضيّه

تُراب : انا مشيت الامور طبيعية مالي خلك مشاكل

فـ بيوم الاولى كاعدة و دكت صاحبتها انا ضحكت اخذت التليفون

دخلت للمحادثات كالت هسة دكللها تجي

هن فري و بكيفهن يطلعن و يطبن كلت الها تعاي

اجت لكت صاحبتها موجودة حركت السيارة و شردت

وذيج راحت الها للبيت صارت بيناتهن عركة من العيار الثقيل

جوهرة : تكدر تطرد الثانية

تُراب : هو انا ما منطيها مجال بس هي فد وحدة تلح ما تنطاق اصلاً

عفتها لحد ما تتعب و تمل بس ما ملت

اخر شيء اجيتي انتِ شبعتج دعاوي

جوهرة : متشوف حياتي ما مستقرة

و انتَ والله عيب عليك تحجي كدامي

تُراب : مو انتِ ام عقل الجبير

حجاها و غُمز

جوهرة : يعني اخوي اني احجي وي اخو مو وي واحد

تُراب: اي وي واحد اي ، شو النجف و بعدها جبيرة تكفي

سكتنا حتى ناكل و اني افكر اذا هاي هيج مواضيع عادية لعد شكد جانت عندة نسوان و هل يا ترى راح يوفيلي للابد لو ابو طبع ما يغير

طبعة ؟؟ نويرة الظهر اجتني بيدها علگ

نويرة: شفتي شلون يحبني بعدني ما واصلة وانطاني مرادي

العَصر رحنه للدكتوره الثانية الي اقترحت العملية

بس اني و تُراب

جوهرة : اذا كالت باجر اسويها هم اسويها

تُراب : بس أنچبي حبيبتي المَلحة

وصدمنا كلام الدكتوره لمن كالت راح تروح امتحان

بالهند و ما معلوم شوكت ترجع

تُراب : كولي يا الله دكتوره سويها و روحي

- والله حتى هنا اني مو كادره لان المستشفى مالتي تحت الصيانه

تكدرون ترحون لايران انطيكم اسم دكتورة عراقية نسائية جداً شاطرة

و شرط كل نتائجها مضمونه

احس بكل يوم ينسد بوجهي باب ثاني

طلعت و القهر كله بعيني

تُراب : و لا تضوجين والله حتى لو للهند هم اخذج

جوهرة : و منيلك فلوس انتَ

- كتلج حدي وياج للشورت هم ابيعة لخاطرج

رجعنه للبيت و هو كبل صعد يحضر جنطته

و اني خالة تهدي بية و تطمني

ابو تُراب: اخذلكم خيرة بالقرآن

تُراب : لا يابة راح اسأل عن هاي الدكتورة بأيران واشوف اذا مو زينه

اخذها للهند

سُعاد : يمه شيوديكم

اني عفت كل الموضوع و افكر اذا رحت للهند راح اشوف رشا و لارا

واكوللها حتى اني لكيت اخواني مو بس انتِ لكيتي اختج

تليفون تُراب كل شوية يدك و يرفضة

بعدهم يحجون و انضرب باب البيت قوي

وصار صياح زِلم عالي

سُعاد : يمه هذا هذا صوت طلقة

تُراب بدون تفكير سحب اقسام و طلع

عمي لزم ايد تُراب يرجف

ابو تُراب: اوكف يابة اوكف انا افتح الباب

تُراب : يااااااابة دعوفني اني متحلفلة هذا عوووفني

و من فرزنت واحد من الاصوات احس كل حيلي انتهى

....

الماس

كعدت الصبح اليوم جُمعة السيد رايح للجامع

والبنات اليوم يجن كلش مشتاقة الهن جانت عمتهن مريضة

و ما يطلعن بسبب الخطار بديت اتفنن بالطبخ

و نظفت الغُرفة تذكرت لما جنت بالختله اجي ابوس العمامة

الصبح اجن البنات سولفت الهن عن اخواني

مامصدكات

ورقاء : سُبحان الله شلون يعني وين صاير هيج وهم يحبوج

الماس : يموتون عليه

ورقاء : اني شكد جنت اتمنى اصير حامل

هسة نسيت نفسي و متحمسة شوكت يجي اخونة

قمر : هو اني جنت ما طايقتج بس لان راح تجيبين النه اخو حبيتج

الماس : ولجن يجوز بنية النوب السيد يكول هذا السيد الصغير

ورقاء : هسة اذا طلعت علوية خير و بركة يجي وراها سيد

كثري نسلنا كثري

بقينه نسولف و نضحك و لاحظت على قمر اسلوبها متغير

و صاير حلو كلش

الماس : ورقاء رجلج يكلي مرت عمي

ورقاء : يا ههههههههههه غير اجاني كالي يكول بقيت صافن بوجهه

شكوللها كلت الها مرت عمي من طالعين خالي كايلة

وين كاعدين بـ باب الحارة

الماس : هههههه ولج هم غير صارو على اخوية دائرة

قمر : خلي اكلجن الصراحة فضل جنت ما اطيقة ابد

تالي بنت خالته تموت عليه و لكيتها تحجي لعمتي شلون

تحبة كلت هسة عمتي تقنعة و يتزوجها و ابوي يكلي ماكو طلاق

و انتِ مثل امج ما حافظتي عليه عدل

ورقاء : منية بس لا سارة ؟ عزة بعينج شو مدكليلي

قمر : نسيت و النوب احنه تعاركنه نسيت اكثر

خطية لمن كمت اعاملة حلو عباله ناصبتله كمين

الماس : عزة

ورقاء : هههههههه اي اجه كال لفضل والله بوقتها

حتى فضل سألني امج هم عندها تواصل وي قَمر كتله لا

الماس : ترى هو يحبج مبين

قمر : اي حتى اني احبة اكثر بعد يعني من عاشرته و شفته شلون يخاف عليه من اتمرض وحتى ملابسي يجيبهن من السطح من يصعد يجيب ملابسة ركزن على هاي النقطة كلش حابتها

ورقاء : ههههههه لا اني احب علي من يطلع وياكل بي طبع لو تذبحي

ما يخلص اللفة فـ يطلعون هو و خالي و اصدقائهم

يشتري وياهم ياكل و يضمها الي

يكلوله يعني فد يوم انساها و اكل اللفة يكلهم ما اكدر توكفلي

بالزردوم

الماس : خطية فدوة

ورقاء : و انتِ ؟ شنو احلى شيء بأبوي ترى ادري ابوي رومانسي

ولطيف وهاي بس جان الوضع مو مثل ميريد

- اني ها لا يعني ماكو هو روتين طبيعي و عادي طبخ و دراسة وًتنظيف

قمر : اكو جذب بالموضوع

ورقاء : اني هم احس

الماس : ترى السيد ذاك اليوم كلي من يجن البنات اخذكم ازوركم

يمكن نخلي ياخذنه اليوم جهزنه الغداء و خلصت صلاة الظهر

هو اجه جايب مسواگ ما وكفت بالباب خليت البنات براحتهن يسلمن عليه و لمن دخل كال السلام و جاوبته

راح للغرفة و اني وياهن تراب بالمسواك شوية و صاحني بالغرفة

عبد العزيز : جاهز الحمام عيني

الماس : اكيد جاهز

- الظاهر شبعتي بَعد ما توكفين بالباب تنتظرين اشبگج لو لا

استحييييت و احس خدودي صارن دمً

الماس : لا طبعاً بس يعني كبرت وهاي صرت افتهم

عبد العزيز : ام .. ام خوش كلام

دخل للحمام وهو ما مقتنع و طريقة كلامه احسها جافة وياي حتى من تغدينه بقينه كاعدين ويَ البنات لحد العصر هو ما نام الظهر

عبد العزيز : اليوم راح اجي قبل المُغرب حتى نصلي

صلاة المُغرب بالضريح

البنات كلش فرحن و اني على فرحتهن فرحانه

و اتمنيت لو جوهرة هنا و اخليهن يتعرفن عليها و يشوفن شگد أختي

تحبني و تعبت حتى تلكاني

اخذت دشداشته اكويها و هو بالغرفة منتظرني

انطيتها اله و اني مبتسمه ابتسامه خفيفة

عبد العزيز : اي يابة اي

الماس : شبيك سيدنا ؟؟؟؟

ضحك لمن كلت سيدنا

عبد العزيز : حتى السلام انلغى

الماس : اذا ما تطلع ضايج لان ما شبگتك اني والله ما افتهم

عبد العزيز : صحيح والله و تفتهمين

الماس : البس عبايتك خلي اشبگك

عبد العزيز : لا بعد خلَاص منريد

الماس : ابداً ابداً البس يالله

يلبس العباية و هو مبتسم وكف يخلي عُطر

حُضنته مثل كل يوم لمن يجي بالليل

الماس : شونك سيد ؟

عبد العزيز : كلنه مثلي بس مو لهاي الدرجة تضبطيها

ضحكت و هو راح قفلت الباب ورا و اني و البنات نتجهز للزيارة

ورقاء : نسولف؟

قمر : بس مو دكول لابوية

الماس : شنو شكو

ورقاء : خلي تسولفلج على عمتي شلون شادة ويانه هههههه

بس لا تجيبين طاري لابوية كلشي يصير

قمر : كليلها على مال التوصيل هههههه

هن يحجن و خربانات ضحك

ورقاء : ههههههه باعي هاي ذاك اليوم عجبتنا تيبلامات

من الفيس بالكوة قنع علي و قمر قنعت فضل بسرعة

و طلبهن النه علي عادي يعني شبيها

الماس : اي يعني شنو بالفيس ؟

ورقاء : اني اكلج يعني تعجبج شغله بالتليفون

تطلبيها يجيبوها بيد سايق للبيت

الماس : اي ؟

ورقاء : اي تالي جابها علي اني واكفتله بالكراج انطانياهن و طب للاستقبال يم فضل و عمتي كالت جيبي هاي شنو

انطيته الها بقت تسأل شنو و وين يتخلى

وهي تشكلً بي كسرت واحد من مالتي كالت يا ما ادري هذا مالمن

كلت الها يالله فدوه طبعا اني انجلطت ، هذا مالتي و هذاك مال قمر

هي منا شلون تطيق قمر لزمت مال قمر هم كسرت واحد منه

الماس : عزه

قمر وكعت بالارض من الضحك

ورقاء : تالي قمر اجتي انجلطت شافت مالتها مكسور

كالتلها ليش عمه ليش انتِ راح تشتريلنه ببداله

كالتلها اشتريلج قُز القرط انتن مضاحك ضالين يضحكون عليجن

النوب عليه التوصيل هو مو صوجن صوج الكاعدين يلعبون

و مخليجن براحتجن

الماس : عزه عزه

قمر : ههههههه مو هنا المشكلة النوب سوت روحها عصبية

شالت الاثنين الباقيات و شمرتهن بالكاع

و ورقاء كامت تضحك الا شويه تنكتل

ورقاء : ولج والله لا ارادي شر البلية ما يضحك خاني التعبير

كمت اضحك و هي دكول لعلي مرتك تضحك و ما تكتلها

قمر : يكلها يمه فوك اكتلها فوك منا الجهال عيب

ههههههههه

ورقاء : و قمر زعلت على فضل و ما رضت الا وصالها من جديد

و هم شافتهن عمي فضحت الدنيا عود حجتها شنو يجون

اهل التوصيل للباب

الماس : اي عادي غير رجلها يطلع للرجال

قمر : اي طبعا و بوكتها علي اخذ ورقاء يونسها و اشترت مناك

اسبوع هي ما تحاجينه

الماس : عزة و اني اكول ليش ما تجن هواي

ورقاء : يمة ولج هي غير حارس بالباب كاعدة هي و بنتها الصغيرة

خوب هاي السوسه كل البلاوي منها يربي اليوم شكد اخذنه غيبة

قمر : هاي فضفضة مو غيبة على كولت فضل

الماس : هههههه

ورقاء : هاي اني وقمر مو نتعارك مرات على الشغل هي عمتي تكيف طبعاً نتعارك اي فـ من نتصالح نكعد نسولف كل الحچي الضامي

يشوفنه فضل رجل قمر نسكت يكول كملن كملن

هاي فضفضة اسمها مو غيبة

الماس : يعني بس اهم شيء ازواجچن وياجن

ورقاء : اي خطية هم يدفعون ضريبة سوالف امهم يعني اني اذا

امه صيحت عليه اكلب وجهي عليه اكيد لان هي امه

الماس : مو جانت تحبج و فضل يسولف للسيد

ورقاء : يا ولج فرة عرس و منا لان اثنينه ما حبلنه بعد كلش شادتها

الماس : قابل بكيفجن شنو مدري شبيها الناس

اجه السيد لكانه جاهزات

عبد العزيز : هاي بابًا هو انتن بوكت الطلعة ماكو اندر منجن

ورقاء : لا تظلمنا يابة من كاعنه احنه نادرات

ضحك بقوة و طلعنا

زرنا و صلينه و تعشينه و اشترينه من السوگ بنص السوگ و لكيت

الاء واكفه تأشر الهن باوعت بصدمه و باوعتلهن ما مصدومات

دارن وجهن عنها بعصبية و مشن

الماس : شوفيها يجوز تريد شيء

ورقاء : امشي الماس لا ينتبه ابوي

يستحن البنات يشترن و السيد الا ياخذن واكفلهن لمن

خلصنه ردنه نصعد بالسيارة قبل لا يفتح الباب الي بجهته حجيت يمه

بصوت ناصي

الماس : اريد شاميه وعليها كجب

عبد العزيز : شنوووووووو ؟؟؟؟؟ لِج الماس

فتحتله ايده بمعنى شعليه

عبد العزيز : اصعدن اصعدن اني هسة اجي

راح يم ابو العربانة جابلي شاميه و اجه و بقى يدور على اسواق

وكف و نزل جايب النه كل وحده علاكة حلويات وَحد

و لازم الكچب وحد

ما تحملت مسافة الطريق فتحت كيس الشامية و درت الكجب و ضليت اكل البنات اخذو شويه كالن حشى نعمة الله بس ابد مو طيب

و آني اكله مستمتعة جداً

رجعنه للبيت شويه و البنات اجه علي اخذهن

السيد باوع لقمر

عبد العزيز : الحمدلله علي لو فضل جان كلت قمر شو من

مصيبة مسوية

قمر : لا يابة صرت حبابة

عبد العزيز : عفية يابة

راحن البنات و هالمرة اكثر مره استمتع بجيتهن

دخل السيد و اني كاعدة على القنفة بالصاله

مَد ايده قريب شِفتي و مِسحة

عبد العزيز : شلون اني بالاطفال الي ما ياكلون عدل

كمت متنرفزة لازم يفشل لازم رحت غسلت ايدي و وجهي و رجعت يمه

الماس : هسة لو يصير يعني لو يصير

عبد العزيز : شيصير ؟

الماس : اني و الطفل الي ببطني مو نقرأ سوه ؟

- اي ؟؟؟؟

الماس ظي ليش ما يصير من اني انسى هو يذكرني ؟

لو بعدة مصايرله عقل

عبد العزيز : ما شاء الله حبيبتي على ذكائج شلون

وصلج للرابع ما اعرف

الماس : يعني اني ترى كلامي معقول

- هو انتِ الماسة لو تعقلين لو احنه نتخبل بالنهاية

الماس : زين اني بعد عندي سؤال ليش هو الطفل ما ينحسب من عمر امه يعني من يجي هو عمره عشر اشهر و هيج يعني ثلاث اشهر و يصير سَنة ليش من يجي ينعاد الحساب من البداية

عبد العزيز : كومي نامي طبعاً انتِ طفيتي

الماس : جاوب سَيد ليش تتهرب

عبد العزيز : امشي لِج امشي

رحت للغرفة مبتسمة و هو اجه وراي مبتسم

تمدد و اني كاعدة منتظرة ينام عدل و يفتح ايده

و لا فتح ايده و اني كاعدة انتظر

باوعلي مبتسم كأن منتظرني احجي باوعتله بعصبية

الماس : يعني هي ايد ايد ما راح تنگطم راسي مو منشار

عبد العزيز : هااااا تريدين ايدي نسيت نسيت

تعالي عيني تعالي

الماس : ماريد حتى ما اريد

عبد العزيز : لا تردين ابني يريد

خليت راسي على ايده و اني معصبة قربني اكثر

الماس : هي ايد ذليتنا عليها

عبد العزيز : ما عاش الي يذلچ ام السَادة

تعالي نامي عيوني

راسي علَى زَندة و غَمضت عيوني

الماس : اتمنى تبقى هيج تعاملني للابد لان اذا متعاملني هيج

ما اكدر اعيش

عبد العزيز : تدللين طبعاً شعندي غيرج

الماس : تحبني يعني ؟

عبد العزيز : شگد انتِ كلبج شايل اليه حُب ؟

- مادري بس هواي يعني هواااااي ما ينوصف بكد الدنيا

عبد العزيز : و اني اكثر منه

باوعتله و عيوني صافنه بعيونه انرسمت الابتسامه على وجهي

عبد العزيز : احلى ذكرى من أمي انتِ

بيومها حتى الصبح من كعدت احس الفراشات لاعبة لعب بيه

وًبدون طلب مني الظهر لما اجه جايبلي تليفون و فرحتي بوقتها ما تنوصف دخل الي اربع ارقام هو و امي و راكان و جوهرة

راكان صاير ما يجي فـ اتصلت عليه اول واحد

و بكد فرحتي بالجهاز راحت لمن سمعت شصاير بجوهرة

و اتصل عليها ماكو

لحد الليل هو راح عنده عزيمه مثل كل

مره و بكل عزيمه يجي مبتسم

و حتى لو نايمة يكعدني نمت و ما كعدني ابداً

فَزيت بُنص الليل لكيته كاعد

ردته يحجي وياي ويسولفلي رِجع نيمني

عبد العزيز : نامي وراج دوام

مَرن يومين و هو احس شايل على كلبة حمل ما يقبل يحجي لاحد

و لمن صار يتردد علينه عمي ضرغام عرفت الموضوع مو خالي

لحد ما صرت مثل خياله اتصنت ورا بكل مكان و زمان

باليوم الرابع الظهر و احنه نايمين طلع من الغُرفة

على دگة الاتصال

وكفت قريب حافة الباب و هو بالاستقبال يحجي بتعب

بالبداية ما فهمت الموضوع الى نهاية الحديث

احس بطني صار بيها وجع مو طبيعي مثل التقلصات

بسرعة سحبت نفسي للسرير تمددت

و الكلام يرن بأذني ..

....

- رُسل فَهد

*الكاتب تعبان ماكدر يكتب شِعر

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

فصيحاً :

يُستحال ان نكون أحباباً انا و انتَ في احد القصص

فـ انتَ السِحر و انا ذلك الحَرمل الذي تحُضرهُ والدتي

كُل غروب من اجل ان لا تدخل بيتنا ...

شعبياً :

ما نتراهم أنا و انتَ

سحر و حَرملّ

لا تقربلي

گلبك عاشگ وادم گبلي

و مو طبعي اقبل بالمُستعمل

- رُسل فَهد

....

الماس

بسرعة سحبت نفسي للسرير تمددت

و الكلام يرن بأذني ..

هدية هدية و اني عبالي يقصد هدية شيء ثمين طلع

ينطو هدية مَره ؟ تجي وحده هنا يُمه ؟؟؟؟

اريد استوعب ما اكدر ايدي ترجف و ما عندي القدرة اسيطر عليها

وجع قوي أحتل بَطني بقيت دموعي كأن لكن سبب ينزلن عليه

شوية و انفتح الباب اني فاتحة عيوني بس

ما اكدر حتى احجي اباوع بوجهه وهو كل معاني الخوف واضحة عليه

عبد العزيز : شبيج الماسة شبيج حبيبتي

درت وجهي عنه و هو كعد بصفي مَد ايده على وجهي

عبد العزيز : غير افتهم شبيج شيوجعج

بس دموعي تجري و ما بدرت مني اي ردة فعل ثانية

بأيدة الجهاز اتصل على عمي ضُرغام يجيب نبأ

خفت على الطفل لان حسيت صدك اكو شيء ببطني

كاعد يأذيني و أتأذه مده قصيرة و اجتي نبأ خلت ايدها على بطني

ووصفتلي الوجع هزيت راسي بنعم

اخذتني هي و عمي ضرغام للدكتورة السيد ما اجه ويانه

طلعنه من العيادة و هي خلت زوجها يجيب

العلاج بوقته و بالسيارة انطتني

نبأ : ميصير تتركين المُثبت ترى الطفل امانة بركبتج

و انتِ ليش هيج صار بيج مشتغلة هواي

ترى الشغل ما طايرة و انتو وحدكم تكدرين تكعدين

تحجي و ودها تضمني بروحها

درت وجهي على عمي ضُرغام

الماس : انتَ تعرف بي يريد يتزوج مو و مدكلي يعني تعرف

عمي بسرعة ارتبك و باوع لنبأ معاني وجهه ما مصدومه يعني حتى هي تُعرف

الماس : و مدكلولي ؟ شمسويتلكم اني

ضُرغام : ترى الماس هو حتى السيد ما رايد و بكل طريقة يريد يخلص وشايل همج بس غير انحرج و صار كدام الامر الواقع

الماس : شنوووو عمووو شنوووو كدام الامر الواقع و اني لعد اني

محد حاسب حسابي شنو يتزوج عليه اني اموت والله اموت

نبأ تهدي بيه و تثبت ايدي

لحد ما وصلنا للبيت اني منهارة دكيت الباب قوي و هُم نزلو وياي

فتح الباب و مستغربني

عبد العزيز : هيج تدكين الباب ؟ بشريني شلون صرتي

ما جاوبته و دخلت سريع صعدت للغرفة فوك و قفلتها عليه

لحد ما ملو افتحلهم الباب وما فتحته اخير شيء

هو كاللهم أتركوها هي تهدأ و تفتحة

اعض بأيدي و اني واكفة كبال المرايا مديت ايدي على بطني و نظري عليها تنزل دموعي و امسحها

الماس : شفت حبيبي شفت ابوك يريد يتزوج ويجيب وحدة بعد هنا

ما جذبت بيبي من كالت ديري بالج شفت شلون غدرو بيه كلهم ؟

اندك الباب وسمعت صوته

عبد العزيز : أفتحي حبيبتي الباب خل احجي وياج

الماس : اني ما اريد احجي وياك ابد ابد ابد ابد

عوفني و روح

عبد العزيز : الماسسس

نطقها بنبرة صوته الي اخاف منها دائماً و الوحيدة الي يخضع الها عنادي اجيت مديت ايدي الترجف حتى افتح الباب

دِخل و لزم ايدي

الماس : ما انزل خليني هنا

عبد العزيز : باردة هاي الغُرفة امشي نزلي بابا

سحبت ايدي قوه قَبضته عليها لحد ما دخلنه للغرفة

- روحي تمددي و نامي مو زين عليج

الماس : مو علمودي علمود الطفل انتَ خايف تريد انام و ما اخلي ببالي و عادي على اي لحظة انتَ تدخل جايب الهدية وياك

اني جان كلبي خايف و ما مرتاح و صدك احساسة صحيح

عبد العزيز : هو احنه شخَبلنه غير تخيلاتج

الماس : وحق الله وحق الله اذا تتزوج اغضب ربي و انتحر و هذا تعبك كله اشمره بالشط و احمل ذنبي و ذنب ابنك و اخليك تدخل النار من ورانا ...

بقى فاتح عيونة من الصدمة

و اني بداخلي اكول اسفة يا رب يا حبيبي

على هاي الكذبة اكيد و مستحيل لو مهما جارت عليه الدُنيا ما افكر هيج تفكير و اروح برجلي للنار

عبد العزيز : الماسسس الانتحار شنو انتِ و تفكرين بالانتحارررر

الماس : انتَ تزوج و شوف

حجيتها و غطيت راسي ابجي

و من صدمته حتى ما طلع من البيت بقى كاعد بالصالة يقرأ قرآن

و اني اتخيل راح يسوي عرس و تجي لهنا و تسوي مثل سوالف هُدى

بس هالمرة حقها و ما اكدر امنعها و تشاركني بكل شيء موجود بالبيت و بحياتي ، يُمه

كل شوية اريد اتصل على امي و لان ادري راح تحجي

على السيد ما اريد اتصل عليها و لا اكوللها لا دموعي وكفت

و راسي هدأ من الوجع و لا ايدي هدأت من الرجفة

غَمضت عيوني بقوة و انصي صوت شهگتي

صارت ايد على كتفي و اجه يمي

عبد العزيز : انتِ طفلة بابا طفلة كافي دموع لا تخلين واحد

يكعد ويفهمج و لا انتِ جبيرة وتسكتين

الماس : لا اني مو جبيرة و لا اريد افهم انتَ من كلامج مبين تريد تتزوج

عبد العزيز : ترى والله كل هاي الهوسة و الخنگة هي لخاطرج

محتار بيا طريقة اخلص نفسي هسة اني بيها عليها

شيخنا جبير اجه و مسوين عزيمه و كاعدين نضحك

سألني اذا صار عندي ولد او لا

كتله كل الي يجي من الله هلا بي ان شاء جاي

بعدني شلت الكاسة اريد اشرب المي كال و هاي الك بنتي هدية

كَثر نَسلك و احنه نعلم بتربيتك شنو

اقسم بمعزة امي المي بقى بحلكي بوقتها من الصدمه لا اكدر

ابلعة و لا اطلعة

اباوع لاصدقائي فرحانين لان احنه نحبة هذا الشيخ شلون ما اوصفلج

نقدرة و نحترمه ما تفتهمين فـ ما براسي غير انتِ

وشلون وبأي طريقة تستوعبين و لا بية اكدر ارفض لان هاي امور

انتِ ما تعرفين بيها شنو

الماس : تتزوج عليه ؟ اني حتى الاشياء الي ما احبها

علمودك تقبلتها و حبيتها شلون تجيب وحده ثانية لبيتنا ؟

عبد العزيز : و اني كايل انتِ مقصرة ؟ والله تسوين عشر نسوان

و انا اصلاً من الاساس ما احب تعدد النساء

ادري بالمشاعر الي راح تنولد شنو بزمن الاء و كل تقصيرها ما تزوجت اجي اتزوج هسة ؟

الماس : كوللهم الماس متقبل

عبد العزيز : هسة ترهم ترهم انتِ بس اكبري شوية وصير عاقلة

لا تبجين لان صوتج فتح گلبي نُصين

الماس : و ابقى ابجي لحد ما اموت و اخليك انتَ تبجي علينه

من حجيت هيج تغيرت كل ملامح وجهه

لزم وجهي بأثنين اديه بقوة

عبد العزيز : الماسسس لا تخبليني شنو هاي الافكار انتِ جاهلة

شنو منو مخلي فكرة الانتحااااار براسج

الماس : لعد تجيب وحدة هنا و تسويلها عرس و غرفة و تاكل ويانه

و تشرب ويانه و تسلم عليك و تغسل ملابسك و تطبخ

و تجيب اطفال و تطلع ويانه وتشيل هم مشاعرها

ميصير تبوسني بالباب يمها ويجوز تبوسها هي هم لان انتَ رجل عادل و تجيبلها الي تحتاجة واني اروح للدوام تجي للبيت

تاخذ راحتك وياها لان اني اقيدك

و تريد عادي ما اسوي شيء و افتهمك

عبد العزيز : هاي شنو هاي مكونتلي حياة كاملة براسج

وين واصلة انتِ

الماس : صحيح لو مو صحيح

سحبني لحُضنه و اني ابعد نفسي ضغط على ايدي و قربني

عبد العزيز : الدنيا كلها بـ ايد عندي و انتِ وحدج بـ ايد

طبعاً ما يهون عليه أقهرج بس كتلج ان شاء تنحل

حُضنتة و اني ابجي

ماعندي غير هذا الحُضن بهاي الدنيا يفهمني حتى لو رحت لامي و اختي اني اعرف طول هذا العمُر راح ابقى محتاجته و اريدة

و اصلاً ما تخطر براسي فكرة اني ابتعد عنه

يارب يا حبيبي لا تجبرني على عيشة ما أتمناها لاعدائي

خوفي من مُشاركة الاحضان

انا لا اقتنع بفكرة ان يستعير احدهم مَلابسي

فـ كيف لو كان ذلك الحُضن الذي لطالما انتظرت من الله ان

يُحلل لي فكرة انام بهِ مُطمئنة

و اليوم يُريد احد الغُرباء من غير تعبٍ و عناء

ان يُشاركني ما اهوى و ما أحب

من حسيت نفسي ارتاحيت ابتعدت بقوة وغطيت راسي

عبد العزيز : خلصتو منه و شمرتونا

رفعت راسي بعصبية و امسح عيوني

الماس : شنسوي نشمر قهرنا بحضن الي سبب النه القهر

لان ما عندنا غيره

سحب ايدي و تمدد بصفي

عبد العزيز : انتِ بس من تشتمين ريحة نسوان يطلع لسانج

نامي يالله باجر دوام بعدت راسي و ما نمت على ايده و هو

ما رجعني كأن يعرف اني شكد متعلقة و متعودة

هسة يجيني النوم هسة يجيني و انتظر و ماكو

تأخر الوقت و انتظرته ينام درت وجهي عليه لكيته نايم على كيف سحبت ايده و خليت راسي عليها و اردد بكلبي

يارب يارب ميكعد و اباوع لرموش عينه

عدل ايده و خله راسي عدل

عبد العزيز : من البداية و نامي هالعناد المن

بقيت ضاغطة على عيوني لحد ما نمت كعدت الصبح

ما احجي ويا صعدت بالسيارة و هو هم ملتزم الصمت ابد ما حجة

خلص الدوام و اني بالي ابد مو يم الدراسة ابد

لمن رجعت للبيت انتظرته يدخل للحمام و اخذت التليفون مالتي

اتصلت على رقم امي

اول ما كالت الو احس عيوني تصُب دموع صارت

رحاب : شبيج براء منو وياج

الماس : يمه السَيد يريد يتزوج

رحاب : لا والله و شنو بكيفة هذا عود الزين مو كتلجن ما يعرفون

الله غير بالزواج حلل اربعة

الماس : لا يُمة بس هو يعني هاديلة مَره مدري شنو

يكول حتى اني ما اريد بس ما يكدر يرفض اني كتلة انتحر

رحاب : خوش دروب هاي مال ما يكدر يرفض باعي هسة

انتِ لا تسوين اي مشكلة خلي الوضع عادي بيوم

الي ينوي يروح شتسوين اخذي مفتاح الشارع و ضمي

و خلي لا يروح هو ما راح يضربج لان حامل

الماس : لا يمة هو اصلا ما يضرب ترى خوش رجال

رحاب : و بعدها تدافعلة ولجن انتن شنو من بنات

الماس : يمه اخاف اني منه شنو اضم المفتاح اني اذا صيح عليه

اتخربط

رحاب : ياااا اوهمداه حظي اي والله عَبنه ما ساوى النسوان

اني كتلج و اذا حاول بغير طريقة يفتح الباب و راح اني اجي اخذج

و اخلي حاير بزمانه

فتح باب الحمام سديت الجهاز بسرعة و بديت اصب الاكل و اني افكر

شلون اروح وي امي و المدرسة و الامتحانات راح تجي نصف السنه حتى بعد ميصير انقل ، جان اكثر شيء يتعبني بحياتي هو التخيل

و تكميل الاحداث الي هي بعدها ما صايرة و محد حاجي بيها

ثلاث ايام و اني بعدت نفسي عنه و قررت ما انزل من الغرفة

الفوك الا ينهي هذا الموضوع كله ، اليوم كله انام بي مايقارب اربع ساعات و ابقى طول اليوم نحلانه و نعسانه

بحملي دخلت الشهر الثالث و بسبب خُصري و نعومة جسمي

بدت تظهر الي بَطن صغيرة

منظرها جان اكثر شيء اني حابته اخلص لليلي الي ما انام بس اني احجي وي بطني الي ما اعرف شنو داخلها و اسولف كل الي قاهرني

و انهي الحديث بـ اني ادري دوختك بس ماكو غيرك يسمعني

كلها الناس و العالم نايمة

اكثر من مرة حاول السيد يحجي وياي و اني ما قبلت لان اعرف بروحي اضعف كدامه و اني ابد هالمرة ما اريد اضعف

الفجر نزلت اصلي و لبست الجادر و صعدت فوك

نمت على السجادة و كعدت على صوته

عبد العزيز : متداومين ؟

رفعت راسي و احس الغُرفة تفتر بيه غَمضت عيوني كلت هسة اصحى اكيد وكفت صار الدوار و الوجع اقوى رفعت الصدرية

و وكعت بالارض قبل لتلوحني الارض حسيت بروحي صرت بين اديه

عبد العزيز : اسم الله اسم الله

تذكرت اني من البارحة بالغداء ما اكلت شيء بعد

الماس : انطيني شيءٍ اكله واصير زينة و اداوم

هاي لان ما ماكلة

اني حجيت هيج و هو انهار عليه بالرزايل بصوت عالي

عبد العزيز : جاهلة انتِ بابا جاهلة هذا الطفل شنو ذنبة

انتِ ليش هيج عاملة نفسج موضوع كتلج اني احلة

ليش تكبري و تعقدي لهذا الحد

بقى يرزل و اني حتى حيل ما بية اريد

نزلني و هو حاملني بأثنين ايده كعدني بالصالة على القنفة جانت العباءة بأيده يريد يلبسها خلاها على القنفة

و رفع ردن الدشداشة و العمامة براسه فتح الطباخ و يسويلي ريوك

اجه بأيدة الصينية يسويلي لفات و يشربني جاي

راح للغرفة و جايب بأيده العلاج الي المفروض ينوخذ الصبح

عبد العزيز : لا اكل و لا علاج و لا نوم و لا راحة

على شنو كاعد تعذبين روحج و روح الي ببطنج

الماس : تأخر الوقت

عبد العزيز : و حتى دوام اليوم ماكو خليها ببالج

- اداوم

- ابد والله شوفي شكلج شلون صاير

- كله منك كله منك

عبد العزيز : تمام كله مني و هاي هم مني اليوم ماكو دوام

لحد مَتصفه

الماس : انتَ مرتاح بأذيتي سيد ؟

عبد العزيز : ما عاش والله ام السَادة انتِ عزيزتي شنو ارتاح

بأذيتج غير هلكان و اني اشوفج تاكلين بنفسج اكل

الماس : كوللهم مرتي متقبل ما اريد

عبد العزيز : صار والله تأمرين امر بس صيري زينه و معليج

خليت راسي على صَدرة

الماس : يعني متجيبها

- لا ما اجيبها طبعاً

الماس : خلي اداوم انتَ تعال وياي للمديرة

عبد العزيز : لا ابقي نامي اليوم شوفي عيونج شلون صايرة

و اني مثل الطفل ادك الباب متفتحي مو ادري بيج متناميين

الماس : كلشي و لا احد ياخذك اني ما احب احد يشاركني

بس البنات عادي لان خطية ما عندهن غيرك

عبد العزيز : لا ؟؟

- والله وداعتك

- هيج اني عزيز و تحلفين بمعزتي يمج ؟

الماس : مثل ما انتَ نكول اني عزيزتك انتَ هم عزيزي

و ما احب اي احد بكدك بس الاطفال ما ادري ليش اكذب

عبد العزيز : ههههههه هسة يصيرون و تعاركيني علمودهم

الماس : لا لا خيولون لو شكد ما احبهم ما يجون بكد ما احبك

تقرب باس جبيني بوسة طويلة

و ابتعد يعدل بردنهَ

عبد العزيز : يالله اني من وكت اجي نامي على وسادتي

و لا تسوين شيء اني اجيب غداء

الماس : و الواجب

- هم اجيبة يالله روحي نامي

رحت انام وشوية بدت الراحة تحتلني لان طريقة كلامة متغيرة

مبين تارك الموضوع اتصلت بـ امي وكلت الها

رحاب : يالله زين زين اخذنه عرض الرجال

الماس : مو كتلج هو حباب

رحاب : لعد حافظي عليه و ديري بالج هالايام مودة

صايرة النسوان راكضة على المتزوجين

بعدها حجت بصوت ناصي .. و انا اول وحدة

- شنو ؟

رحاب : مو وياج يمة

سولفت الها اني شلون تعاملت ويا هاي الايام

رحاب : لا عيب ما يصير هو مو بكدج لا تضلين كل شوية جايبة طاري الموضوع يمه انسي و حتى هو ينسى

ما دام يخاف على خاطرج ما يتزوج

الظهر بعد الاذان دك الباب سمعت صوت عمي ضُرغام فتحته

ضُرغام : السيد وين شو سيارته ماموجودة صارله فترة من طلع

- مو هنا

- وين لعد منو جابج

- ما مداومة اليوم و يمكن راح للمدرسة يجيبلي الواجب

ضُرغام : خوش خوش يالله سدي الباب

سديته و بقيت انتظر اباوع للساعة كل ما تتقرب اكثر للرقم اكثر

اني اضوج اكثر و اتعقد

لحد ما مر وقت اجيت للمطبخ سمعت صوته هو و عمي

ضُرغام يضحكون انفتح الباب و دخل هوَ مبتسم

وكفت يم الباب واني عاقدة حواجبي

الاكل بأيدة خلاه على الكاونتر

عبد العزيز : بدون ما تحجين اعرف تفكيرج شنو ووين راح

عمي والله تأخرت بالمطعم

الماس : و جبتلي الواجب ؟

عبد العزيز : والله رحت قبل لا ينتهي الدوام

المديرة عبالها مسوي مداهمة عليهم بسببج انا و عمامتي

رايح اجيبلج واجب

الماس: استاهل استاهل سيدنا

باوعلي مبتسم

- خلي اسلم عليك لا تدورلك حجة تزعل عليها مثل هذاك اليوم

ضحك بصوت عالي كرص خدي

عبد العزيز : شو انتِ صايرة وكحة

صارت روحي متعلقة بي اكثر

قبل لا يطلع العصر طلعت ورا

الماس : اقلامي الجاف خلصن و اريد بطيخ مادري بس مشتهية بطيخ

عبد العزيز : وحدة لو عليه شيء لان احنه تعودنا على لعبج

الماس : احم ، عليه شَكر

- نعمة شكر و لا ملح

سديت الباب و دخلت اجيت للغرفة ارتبها انتبهت

جهازة على الشحن ناسي

ركضت اخذه حتى اصيحة لكيت رسالتين من رقم من الظهر

- سيدنا الله يشافيها ، بس الهدايا ما تنرد

- الشيخ زعلان عليك يكول واجب عليه يرد اعتباري

انا حاجيت ضُرغام كالك لو لا

ويَ رجفة ايدي انفتح باب الشارع و طاح الجهاز من ايدي

....

جوهرة

و من فرزنت واحد من الاصوات احس كل حيلي انتهى

اسمع صوت راكان يمه جريت شالي و طلعت عمي ما خلاني

اباوع رجال ضخُم مبين من منعاني وجهه شكد مُتسلط

و بأيده سلاح و ويا ثلاث زِلم و راكان لازم ايده

- لكككك انا مو كتلك عوف ابني منو انتَ حتى تاخذ ابني مني

اليوم ما اطلع منا اذا ما اخذ روحك

تُراب : وحدك لو بس انتَ دتعال خل افرغ هذا الشاجور براسك

راكان : تُراب حبيبي احسبها عليه ابوي عصبي ما يعرف شيتصرف

هو حجاها و صرخ دفعت عمي و طلعت اشوف واحد من الي وياهم

ضربة على وجهة

- لك عار شنو ابوك جاهل و ميعرف شيتصرف

انهاريت و اني اشوف الدم صار ينفض من خشم راكان

جريته منهم و الحجار تارس بابنه بسبب البناء بعدهم ما منظفين الشارع شلت وحدة منهن و شمرتها على الي ضربه اجتي برجله

تُراب ملتهي بالصياح هو و الي مربي راكان من شفني فتح عيونه

جوهرة : اذا تمد ايدك على اخوية اكسر ايديك و رجليك

طرف شالي بأيدي و مخليته على خشمه و تُراب يجرجر بيه

طلعت امي و نويرة

جوهرة : اضربه تُراب اضربه هذا بمسدسك منو هذاً يضرب اخوية

- اني عمة لِج و انتِ منين اجيتي اخته خوش دروب هاي

تُراب : شنو لج لك منو انتَ و دكوللها لِج

اباوع لتُراب عاف الي مربي راكان و نام على الي ضربه

يردون يشيلوه منه ما ينشال

اني واكفة يم راكان يغسل بوجهه الدم ما ينكطع

اباوع لملابسي الحمدلله مستورة لان ما مبدلة من اجيت من الدكتورة

اباوع للشارع ابو راكان اتخربط كل وضعة من شاف الدم

بوجه راكان

راكان : جوهرة قنعي تُراب والله ابوية زين بس ذولة عمامي الحقراء ضلو يحشون براسة

دخلت امي بعبايتهة

رحاب : شنو ولج شكو

لطمت على خدها من شافت الدم التارس الدنيا من خشم راكان

رحاب : هاي هذاك الخنزير ضربه شلل و مرض بأيدة ان شاء الله

طلعت دخلت تُراب

رحاب : تعال فوت خليهم و طبهم الف مرض

ذولة من شكولهم يردون فصول ما كاتلهم الحسين

ميتين على التمن و قيمة

ابو راكان : انتِ منو النوب

رحاب : اني امه

صارت نظراتهم تخوف على امي

تُراب : تاخذ الجايبهم و تروح لان اني علمود شبياتك محترمك اكول رجال بكد ابوي و اشوف ابويه بيك لا وحق من انزل القرآن اخيسكم بالسجون و اخليكم ريحة بغداد متشتموها بعد

وهو يحجي وكع ابو راكان و ركضت راكان للشارع خلاه بحُضنه

تُراب : امشي دخله للبيت و انتو ،

اشر عليهم ثلاثتهم واحد منهم مدَمى بالكاع و الثاني سارح لو ادري بوكتها وين جان خليت تُراب ينيمه يم الثاني

تُراب : احسب منا للعشرة اذا ما اشوف عُرض چتافكم وحق هوَ علي

انيمكم بهاي الچولة و اخلي الجلاب اليوم خوش تتعشى

راكان : عمي ابو تُراب اخذ سويج السيارة

مال ابوي لا ياخذوها

دخلو ابو راكان للاستقبال و اصوات المكالمات ما سكتت لا من تليفون راكان و لا من تليفون تُراب

اجن اميرة و نويرة كاعدات بالصالة يم امي و خالة و اني واكفة يمهم بالاستقبال لحد ما صحى الرجال شمرت الشال الي كله دم و اخذت المنشفة مال تُراب خليتها على راسي كل ملابسي بيها دم

تُراب نيم راكان و رفع وجهه حتى ينكطع الدم

تُراب : جوهرة جيبي ثلج

خله قريب خَشمة ثلج

تُراب : ادري شكد مايع كول يا الله و اسحب نفس قوي

خل ينكطع الدم

ابو راكان : ابني راكان وينه خشمه كله دم هسة امه تموت

تُراب : مابي شيء هذا زين چنه حصان

بقى تُراب لازم وجه راكان لحد ما كطعة الدم كعدو

و ابو راكان منزل راسه

تُراب : حجي راسك مرفوع و من رخصتك بس اخوتك شراية مشاكل

وانا من زمان ناهيها وياك الولد ابنك و انا ردت بس اخواته

يشوفنة لا ماخذي منك و لا رايدين منك شيء

ابو راكان : اني توني صحيت من المرض و كالولي

ابنك توه جاي من البصرة هو جذب وكلي ما رحت و امه و خواته

مشاركاته الجذبة يعني فوك ما راح بدون علمي يجذبون عليه

اني انهاريت بوكتها و للان منهار اني احس ابني بديت

اخسر ابني و ينسحب مني

راكان : يابة هسة اني عايفك والله ما عايفك بس عرس اختي و اجيت

يعني اشوفهن اني ما عايش وياهن و اني من زمان كايلة عمامي طماعين و يكرهوني هذا كله يسوو حتى نتعارك و تطردني

اكيد مية الف فكرة و مخطط براسهم

تُراب : واضح اصلا بدون ما تحجي

ابو راكان : وينهم هسة

تُراب : شردو

ابو راكان : و السيارة

راكان : اخذتها ادري بيهم عينهم عليها

- جاوب امك راح تموت

جاوبها و هو يحلف الها بمية امام ماكو شيء

ابو تُراب: ابو راكان عيني انتَ مو من حقك اصلا تمنع اخ من اخواته لو هسة انتَ دافع مليارات هذا حق الدم الي بينهم

و هم ما مأذيك بشيء اذا يجي يسير ع اخواته اخوهن و الهن حق بي

ابو راكان : انا بكل حياتي اصلاً ما مرتاح اكو شيء

اريد اطلع خارج العراق

تُراب : صفي كلشي و تعال هنا بالخارج مو حَل الغربة

حلاتها بس اول اشهر و انتَ عندك بنات و راكان ما راح يعوف اخواته اخذها مني فـ لا تتصرف تصرف سريع يندمك الباقي من عمرك

ابو راكان : اني دكيت بيتك شلون طببتني بي

تُراب : انا ادري بيك خوش رجال ولو انتَ بمصاريني چفصت لحد ما الله كلك بَس ، بس ميخالف المره تستاهل نتحمل علمودها

ضحكو كلهم بصوت عالي و اني أستحيت

بقى تُراب صوته عالي من يسولف وي ابو راكان

و اني اجيت يمهن بالصالة

نويرة : هلا بقائد قوات ذيج الصفحة شلون هيج تطكين الزلمة

جوهرة : و افكس عيونه انتِما شفتي شلون ضربة ضَربة شافت روحه

رحاب : هم شلون شكول مشيطنه غدي حتى غدي

جنهم وحوش

اميرة : وشلون صار الوليد

جوهرة : لا زين

نويرة : هسة زلمتج يكول عمي انا شماخذ زلمة نثية ما تتعارف

جوهرة : لا حبي اطمئني يمه انقط انوثة تنقط

بس اني مثلج وكت المراجل زلمة و وكت الانوثة ترفة

نويرة : انهجم بيتج ولج موش لسان

شوية و راحن و ابو راكان كال نروح تُراب ما قبل كله انتَ اذا تسوق كلشي يصير خلي احجيلكم وي صاحبي يوصلكم و يرجع

و اكف هو برى يخابر و اني بالمطبخ دخلي راكان

جوهرة : ها شلون صرت حبيبي

بدون كلامي حُضني و كل شوية يطبع بوسة براسي

راكان : اني شلون راح اجازيج فهميني

جوهرة : بس اشوفك مرتاح هاي هيَ الماس شونها هم تروحلها

راكان : لا والله بس باجر اروح الها مشتاقلها

ادعي ابوي يقنع نجي لهنا شوية احسة قنع و بي مجال

- ان شاء الله يا رب

- مشتاق تلعبين بشعري و راسي على رجلج مثل قبل

و انتِ بعيدة كلش عني

جوهرة : اني مو بعيدة اني بكلبك موجودة شوكت ما تريدني

راكان : صحيح احب الماس و اخاف عليها كلش لان صغيرة

بس انتِ اكثر وحدة احبج شلون اقنعج حتى اكثر من امي

من اتذكر شمسوية علمودنا احس العبرة تخنكني

لو مية سنة بعد ما تجي اخت مثلج

بست خَدة و رجعت حضنته

جوهرة : حبيبي و روحي انتَ

انفتح الباب مال المطبخ الي على الشارع بسرعة

تُراب : راكان ابوك يريدك رااا

دار وجهة راكان مبتسم گرص خدي

- خو ما محتاجة شيء

تُراب : تعال لك تعال خل افلش وجهك من الجهة الثانية

لزمه من ياخته و صارو واحد يعت بالثاني راكان يضحك

بَـس تُراب ابد

عاد راكان حُضن تُراب يالله ابتسم

تُراب : انتَ حبيبي جلدك يحكك بس متعرف شلون دكول

راكان : ههههههه عمي اختي مشتاقلها شنو انتّ و الزمن علينه

- يالله ابوك واكف عيب

طلعو و خالة سُعاد تمشي و تحصن البيت

سُعاد : يمة عين الحارة باردة يارب اكتبلنه الراحة

بي وخلي عتبة خير علينه

كلت اكيد ما راح يروح شوية و اجه الجهاز بيده اخذ الجنطة

- يالله في امان الله اني رايح

سُعاد : مودع بالحسن والحسين يُمة

باسها و طلع

مشيت ورا

تُراب : هواي مُلاحظات نتحاسب عليهن من اجي

بس اذا عتبتي باب الشارع جوهرة وحق من انزل القرآن

رجليج اكسرهن

جوهرة : وحدك لو بس انتَ ؟

حجيتها و سديت دگمة قَميصة

تُراب : اويلي المَلحة يالله انطيني بوسة خلي اروح

اعلمج من اجي

جوهرة : شتعلمني عربي لو انكليزي ؟

تُراب : طبعا انگليزي حبيبتي مندور عربي احنه

حجاها وضحك

- استغفر الله ترى يعني انتَ كلش مُنحرف

تُراب : لا والله ؟ عدليني

بِسته و لزم فكي طبع بوسة بخدي و راح

و راحت روحي ويا و بقيت احسب لرجعته دقيقة دقيقة

بالليل حضنت مُخدته و نمت تذكرت تليفوني طلعته من الجرارة

و خليته على الشحن على اعصابي كاعدة منتظرته يشحن

لكيت راكان و رقم هواي متصلين عليه هذيج الفترة

عرفت هاي الماس

الوقت متأخر مو واهمة اتصل

اتصلت عليه بسرعة جاوبني

- اويلي مشتاقلي الاملح

جوهرة : ليش تحسسني انتَ ابيض ثلج تُراب ترى انتَ

اجلح اصلا بعد شوية و تصير اسود

تُراب : بس الخارج هذا حبيبتي انتِ شاهدة الداخل يا لون

- استغفر الله ترى صاير فد مرة

تُراب : وجه الثولة ترى اني من اكول ملحة مو معناها اعيب عليج

يعني اني جاي اتغزل بحظرة جنابج لان هم الملحان ينگعون بالگلب

و انتِ ناگعة بگلبي هيج هيج غرگانه بحيث كلًما ترفعين راسج

اصكعج و ارجع اغرگج

جوهرة : لا والله شلون عرفته قبطان سفينة

تُراب : ههههههههه لج ترى ممشيج على راحتج اذا يسمعون جماعتي

تسميني قبطان الا يسووني ميز مال ضحك كابتن كابتن

يعني اني كابتن مو قبطان

جوهرة : لا والله شنو هو الي يسوق السفن يسموه قبطان

تُراب : هاي هيَ عمي قبطان قبطان

جوهرة : شوكت تجي حتى نروح للدكتورة

- صار و تدللين ابو الجواهر

- يعني اكو امل اصير حامل

تُراب : كتلج لبيعة الشورت اني وياج ما تصدكين

جوهرة : تُراب هو انتَ بس تريد تنزع خصم الحجي

ضل طول المكالمة يضحك على هاي الحجاية يسكت و نكمل الحديث ويرجع يتذكر و يضحك

جوهرة : اني اتمنى اصير حامل يعني لمن تجي انت الدوام

تلكاني شايلة ابنك و منتظريك

تُراب : الله اويلي يابة

جوهرة : يعني انتَ اريد بس متبين

تُراب : يبووووووو عمي زلة لسان ، شوفي حبيبتي المَلحة

يعني اني اريد بس بس الا منج

جوهرة : بس تتمنى يصير عندك

تُراب : اتمنى ليش قابل هيج الموضوع صعب كولي يالله

خلي اجي و معليج ابنج على حسابي

جوهرة : دروح يالله روح

سديته منه واني مبتسمة الصبح كعدت على مكالمات راكان الفائته

خفت و اتصلت عليه بسرعة

راكان : لج ابوي ابوي قبل والله راح نجي نعيش يمكم

جوهرة : صدك ؟ ان شاء الله يا روحي

الظهر مديت راسي نويرة من بعيد تمشي هي و امي

بقيت واكفة منتظرتهن من وصلن شافني

نويرة : ها اها شوفي مو كتلج راح توكف النه شرطي ما

دام صارت كبالنة

جوهرة : وراجن وراجن قابل اخليجن تسرحن و تمرحن بكيفجن

نويرة : شعدنا لا واحد اليحكمنا و لا يكوللنه على عينجن حاجب

بكيفنه السجة و القطار النه

جوهرة : مشتهية سمج من تسون دزلي

رحاب : باجر نسوي

نويرة : جا لا تسوين باجر غداء احنه نشوي و ندزلج

دزيتلهن بوسة بالهوى و طَبيت

اتصلت على الماس تحجي وياي بس احس صوتها مو على بعضها

وصيت راكان يروح الها بس هو محتار وي ابو من الفرحة

اني ادري بي هو كلش يحب تُراب و متعلق بي و ملاحظة هذا الشيء

و حابته

قبل لا يجي تُراب بيومين العصر ضايجة و كلت لعمي و عمتي

اروح يم امي خابرت تُراب ما قبل نزلت ضايجة

عمي كال امشي روحي معليج شنو تضلين هنا محبوسة

كلت خاف هم يردوني اروح صعدت بدلت و طلعت

لكيتهن مسويات كعدة تخبل بالاستقبال

اميرة : هلا بهذا الطول

نويرة : شعجب فك اسرج المحروس

جوهرة : لا اصلاً ماله دخل بهيج سوالف ومخليني على راحتي

اميرة : جا يومية تعاي يمنه

نويرة : اكعدي اكعدي بعدني ممسولفة اليوم شصار

امي تشتغل ويَ وحدة يخبزن لمطاعم وجبات قوية

و الراتب زين لان ما تحب شغل نويرة كلش

بس يرجعن سوه الظهر دكول امي فرت بية الدنيا و رديت لشغلة امي

نويرة : اليوم كاعدة و اجوي اثنين مبينين آبيه

الدشاديش تلمع و الشوارب تبرج و الجتاف كل جتف هَاعرضة

يكعد عليهن نِسر كالولي يالسماچة اكبر

سمجة عندج شجم كيلو

طلعت الهم والله اخذو كل الكبار

و حاسبوني ابو دشداشة البيضة كال يُمة

شني احسن طريقة للشوي نريد نشوي احنه عزيمة زِلم هاي النسوان الصغار كلشي ما تعرف

كتله يا لا دكول يمه انا صغيرة بس الشيب ولاني

و هم هدو السمج و طكو من الضحك و انا يالله حسيت على نفسي

غطيت روحي بالعباية و بعدني مستحية

جان يكلي الثاني خالة ادعيلي اخذ العرفتها بالتليفون

امي معاندة دكلي من يطلع تابوتي يالله تفوتها وانا احب امي

و احبها عودين اذا اخذتها اخذج مرة ثانية

كتله ياااااع لو وحدي لو ما اريد

اني و امي وكعنه بالكاع من الضحك

نويرة : ضلت تلعب بكلبي هاي الحجاية كلت دميلي المستحى غادي و احجيها وهم ضلو شكثر يمي يسولفون و يضحكون

شني عمي وعلي ذيج الخشوف الحلوة هنيال حظ الماخذاتهم

يشبهون رجلج و بعد احلى

جوهرة : يايا نويرة هسة يطلع حتى رجلي ابو حاجب عينج عليه

نويرة : لا ماريدة هذا سايح بخلقتج شلي بي

ما طلعت منهن الا و اني بطني انتهت من الضحك

و كل وحده جايبتلي شغلة شكل طَبيت فارغة و طلعت محملة

بيوم الي يجي تُراب كعدت من الصبح نشيطة ما معلوم هو يا ساعة

يدخل بس المهم اني منتظرته عمي و عمتي عايشين اللحظة

كلت لو تُراب هنا ينصب عليهم اموت عليهم وعلى شكلهم

جنت واكفة الظهر اطبخ و صعدت فوك اجيب التليفون اتصل عليه

نزلت و دخلت للمطبخ عمي بره و باب الشارع مفتوح اني مشغولة احرك بالجدر و اتصلت انفتح باب المطبخ

تُراب : اجيتك حبيبي اجيتك

ابتسمت و حضنته بقوة اشرحلة اني شكد مشتاقتلة

و بديت اتعلق بي

تُراب : شلونها المَلحة

- زينه و مشتاقتلك

تُراب : يالله امشي صعدي

ضربته بقوة على زَندة و هو يضحك

عَلى الغدة كاعدين و هو يسولف النه على الدكتورة

تُراب : ان شاء الله لايران الدكتورة كلش كلش مضبوطة

جوهرة : وشوكت نروح

تُراب : فد شهرين هيج ثلاثة

هزيت راسي و احس الغصة خنكتني

اني تعبت من الانتظار مابية بعد ما بية انتظر

كملت تنظيف و صعدت هو طلع سابح و ينشف بجسمة

اجيت اعدل البردة

تُراب : وين المُرطب مال شعري ابو الجواهر

- هذا يمك بالمجر

اجاني عاقد حواجبة لزمي فكي و قرب وجهي اله

تُراب : شبي حبيبي الاملح

- لا ما بية

- علينه ؟ لك ابو الجواهر اني حتى رموشج حافظهن شكم رمش

خنكتني العبرة بوكتها و ما كدرت اكتم

كعدت ابجي و كتله رجلي توجعني رجلي

تُراب : طبعا ضايجة لان بعد وقت هواي يالله نسافر عرفتج

- لا بكيفك

تُراب : نستعد و ننزع الشورت لخاطرك حبيبي تأمر

نبيع الالنه و العلينه بس كون الخلق التجي تستاهل هذا التعب و الصرف

جوهرة : لا خلي انتظر منين راح تجيب فلوس بعد شهرين

- اخلقلج والله صدك جذب

تمدد و اني تقربت لايده غرس ايده ببطني يقرقرني

و اني صرت اشهك و اجر النفس كوة من الضحك

و اني اضحك انجرت اذاني صرخت

تُراب : اكو وحدة ملحة صايرة تطلع بكيفها

لزمت وجهي بأثنين ايدي وبسته منا و منا و قريب شواربة

جوهرة : لان ادري بالحب ما يخلي مرته تضوج و من رفض اكيد جان تعبان من الشغل و الا هو ما يرفضلها طلب

خنكني بأيدة الاثنين و اني خربانه من الضحك

لحد ما ... كمت و اني اضحك

جوهرة : هذا الاثر حتى ما تخنگني بعد

تُراب : ماكو دوام عادي حبيتي اخذي راحتج حِچة وصاح بصوت

ابوي لج طاح حظج يا مستهترة

جوهرة : يمه عزه النوب هنا مبينه هسة ياخذ عليه مو خوش نظرة

كام يشوفها .. ضحك

تُراب : اويلي حلگ لو مسقولة هاي شگدوتها

تعاي لج خلي اخذ بثاري ...

متمددين اثنينه وهو يباوع تلفزيون اني كاعدة امشط بشعري و المي

ترس المخدة انضرب الشباك بشيء قوي و انكسرت الجامه

وصوت سيارة شخطت

كام تُراب بسرعة وهو مستغرب رفع البردة وباوع للكاع

دنك جوه الجرباية و بأيدة حجاره مغلفة بورقة

يقرا و اني من الخوف ما بية اكوم رفع البردة بسرعة

يباوع شمر الحجارة و نزل يركض

بحياتي ما شفت انسان ركض بهاي السُرعة و القوة

و اريد رجلي تعيني حتى اشوف شكو من جهة

و هاي اول مرة فضولي يسحب ايدة و ما يريد يشوف

من جهةٍ ثانية

....

من الارشيف عام ٢٠٢٠م

زينب عليج حسين و الـ ع النهر طَاح

تعثريلي ذاك الگال ما أروحن و راح

- رُسل فَهد

احم احم بعيداً عن القصة فضفضولي

شنو اكثر شيء تتمنون يصير ؟ اكتبو هنا ممكن بيوم

ترجعكم الذاكرة للرواية و تبحثون عن امنيتكم

لان احنه عددنا قليل منضيع 🤎🥹🫶🏻

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

ايضاً من الارشيف عام ٢٠١٩ م

هاي اني من زمان احب الشوراب طلعت السالفة فطرة 😂

- هل الشارب يا جدتي رمزاً للرجولة ؟

- سَالفة ينقاس زلمتنه بِشوارب لا بعد بيتي

الحَچي هذا خُرافة

احنه زلمتنه نقيسة من الحچاها

و من يذب حچايته تنگط صَلافة

- و ما هو رَمز الانوثة ؟ اذن !

- هَيبة النِثية التَرافة

- رُسل فَهد

...

الماس

ويَ رجفة ايدي انفتح باب الشارع و طاح الجهاز من ايدي

بقيت خايفة و محتارة ابرر لو انزل اشيل الجهاز

بقيت واكفة مثل الصنم حتى وحدة من ايدي من دخل

بقيتها على صدري لحد ما وصل يمي اني مبقيتها ثابته

ما حركتها

نزل اخذ الجهاز و اتفحص الشاشة و اني الكلمات ترن بأذني

الماس : سَيد

عبد العزيز : ها حبيبتي

خاني التعبير و بقيت ساكته اباوع بعيونة

عبد العزيز : لا تخافين ادري مو متقصدة تفتشين و اذا فتشتي

فـ هو حقج لان نحنُ داخلين في شراكة دائمة مثل ما الي الحق اتدخل بكل خطوة تخطيها انتِ هم الج بالمِثل و اذا عن الكلمات الي تمت قرائتهم فـ انتِ بعينج شفتي اني شكد رافض الموضوع

و حتى كذبت لخاطرج

الماس : و هم ليش هيج يلحون و انتَ متريد يعني واحد يكول ما اريد

شنو يغصبونه يعني هو الانسان ما ينجبر على شيء ما يريدة

هو براسة عقل و يفهم و يختار

عبد العزيز : والله صحيح كلامج عمي صايرة مرة

- قابل اني جنت رجال سَيد ؟

عبد العزيز : و التالي وياج ؟

الماس : كلت الهم مرتي مريضة ؟ اي خلي اتمرض عادي

عبد العزيز : اسم الله عليج من المرض طبعاً

صاحب هاي الرسائل انسان حقود و حسود الى ابعد حد

اني دائماً مبتعد عنه و لمن حاجيت الشيخ عن الرفض

من وحده انتفض و كال ميصير النبي محمد (ص) ما رجع الهدية

كتله الله و النبي يهديك

الماس : و هو شعليه حارك روحه

عبد العزيز : من زمان هذا مو هسة ما يهضمني ابداً خطية رُغم شكد حاولت اقربة و اكسر حاجز الكره الي بداخلة اتجاهي

لكن ما يفيد بأي موقف يغتنم الفرصة حتى يخَجلني

الماس : سَيد فهمني شغلة سَيد

عبد العزيز : كولي عيني

الماس : العالم تنطي هدايا فلوس سيارات بيوت

اجهزة مال بيت لو عطر بس مو نسوان

عبد العزيز : على حظ الماسة هاي بعد صارت

الماس : ابقى مسويني مريضة و معليك لحد ما تنتهي

ضحك بصوت عالي و باسني و طلع

امشي بالبيت و اتحسب على الي مكبر هاي السالفة كلها

كاعدة بالصالة و باب المطبخ مفتوح و الهوى بارد يدخل للبيت

كتابي بصفي ،مديت ايدي على بطني مبتسمة

الماس : كاعد لو نايم حبيبي حتى لو نايم اكعد شنو عايف امك وحدها

ضربت راسي بخفة ايدي .. ولج الماس هو شمعرفة

على كعدتي بقيت للمغرب وَ وي كل صيحة الله اكبر من الاذان ارفع ايدي ادعي لجوهرة يصير عندها اطفال و تفرح و اني احجي

رجعت ايدي على بطني

الماس : ادعي لخالة يصيرون عندها اطفال لان انتَ ما تدري اني شكد احبها و هي شكد تحبني و تعبت علمودنا اني و خالو راكان

بالليل كاعدين هو يقرا كتاب و اني اقر احياء الفرق بينا هو ما مجبور يحفظ و اني غصباً عني احفظ اباوعلة و مدري شصار بيه

احس روحي مشتاقة و اني بداخلي اكول الماسة الثكل حلو الثكل حلو

تقربت و كعدت يمه و بدون سابق انذار طُبعت بوسة على خده

هو بسرعة سَد الكتاب

مَد ايدة على ظهري و قربني اله مبتسم

عبد العزيز : شلون وكحة حلوة هاي

الماس : يعني مو وكحة بس هيج يعني عادي انتَ مو تبوسني ؟

عبد العزيز : اكيد عادي يعني و بكل وقت

هزيت راسي بـ نعم

عبد العزيز : هذا ابني مشتاقلي

الماس : يايمة النوب عليه ابنك

- يعني هو هم ابنج

- لا انَت ابونة و هو ابنك و اني بنتك و انتَ ابونه

و احنه كلنه جهالك و انتَ الاب

ضحك بصوت عالي

عبد العزيز : يعني تعترفين انتِ طفلة ؟

الماس : لا اني جبيرة بس احب ابقى طفلة حتى ابقى دلوعة

هسة بس اصير جبيرة بعد تعتمدون عليه

و اني روحي ما طايقتها

عبد العزيز : شنو هالاعترافات الخطيرة هاي

الماس : صار كومه اسئلة براسي و اني ما سائلتك

عبد العزيز : يا الله

الماس : سَيد يعني اذا اجه الليل و نمت و الطفل

كعد بنص الليل منو يرجع نومته ؟

لو هو يبقى نايم اذا اني نايمة

عبد العزيز : يبقى نايم و اذا كعد مو مشكلة اني ارجع انيمه

الماس : بعدهم يلحون بهذا الموضوع ؟ اني ما اريد اتذكرة

بس اتذكره مدري شيصير بيه

- ههههههه سلامتج عيني

- و انتَ شدعوة هلكد بارد جنك مكيف ؟

عبد العزيز : ههههههه هيج ما عندي احساس و افرح و اني أإذيج

الماس : صدك سيد تريد اصدمك ؟

- صدميني حبيبتي هو انتِ معودتني على الصدمات

ضحكت و خليت ايدي حلگي بقى يتأمل بوجهي

الماس : من جنت صغيرة يعني جان عبالي المرة تحمل تجيب بنات و الرجال يحمل يجيب ولد و لان احنه بس بنات جان عبالي انتَ متخلف

بقى فاتح عيونه بصَدمة و كل معاني الاستغراب واضحة بوجهه

اني مبتسمه و كاعدة كباله لم شفته لداخل حلكه

عبد العزيز : الماس كومي نامي كومي

دخلت انام و اني اضحك

ثاني يوم الظهر اجه عمي ضُرغام وويا نبأ و بناتهم

فرحت و طِرت بيهم كعدو بالاستقبال و اني اذن تسمع

لنبأ و اذن تتصنت الهم

نبأ : ولج حرام التصنت عوفيهم يعني شيحجون

الماس : الله حبيبي يسامحني ما يدخلني النار علمود خطأ صغير

اذا ما اتصنت ممكن ينهجم بيتي الصغير

نبأ : ولج لا السيد يخاف على مشاعرج ، بس شايفة ذني التايهات

انا كلت لضرغام اذا اصير وياك اخذ بناتي و اهج

و اصخم راسك و راس الخلفوني

الماس : اني كتله انتحر

شهكت و خلت ايدها على صدرها بفَزع

نبأ : ولج عابت الج على هذا التفكير تخسرين روحج العزيزة

علمود الراح يرتاحون بموتج

- اني قررت بعد

اباوع الها أرتبكت و صار وجهه ينطي الوان اخير شيءٍ جرتني

للغرفة و ايدها على حلگها

نبأ : ولج انتِ ما تدرين هم ليش هيج ضايجين و محتارين

غير الاء تزوجت بلاية ما يدرون اخوتها

و خلتها كلها صافنة و محتارة حتى بناتها قاطعنها

الماس : عزه هذا اليوم شفناها بالسوك و بناتها ما سلمن عليها

نبأ : اي و أخوتها اجوي للسيد يشوف الهم صورة حل

كال الهم شسويلها اجتني تريد ارجعها

مثلاً ازوجها بيدي و ارجعها هي مو تعرف بَعد تحرمت عليه

الماس : يمه خاف تريد السيد

نبأ : انتِ حافظي على رجلج و خل يخلص من سالفة هاي الهدية

و شوفيلج صورة حَـل ويا كلها عرست وي عرسج

صار عزيز و كلها تريدة

الماس : و هسة شراح يسوون

- والله ما ادري

عفتها و طلعت للصالة قربت راسي على باب الاستقبال و البنات يلعبن

كنت اريد اسمع شيء بخصوص هذا الموضوع

و بقيت صافنة لمن عرفت اني موضوعهم اصلاً

عبد العزيز : انتَ شتحجي ضُرغام أكلك آلماسة تموت من اكلك تموت

مو يعني من القهر لا من صدگ تموت اني هستوني ماصدكت

اشوفها مرتاحة وياي اجي احطمها مره ثانية ليش

و هي ما مقصرة وياي والله لو اجيب الي عمرها ثلاثين سنة ما راح تهتم بأمري مثلها هيَ مثل الشريان مجرد ما يصير بيها شيء

كل جسمي ينتهي و اني انتهي لان هي هدية و امانة امي

شلون افرط بيها

ضُرغام : والله سيدنا و أحتلت گلبك

عبد العزيز : والله أحتلت الگلب و سيطرت على العقل

مره حلمت هي الخضار الي يدخل حياتي و فعلاً اني من يوم

الي صارت تحت جناحي كُل يوم احمد رب العالمين

على الراحة الي اني بيها رغم جنت طول ذيج السنين اطلبها منه

هواي لِمت امي بداخلي على كل الي سوته و شلون زرعت هاي الفكرة

براس الماس لكن بمرور الايام ادركت امي شكد جانت شايلة همي و تعرف راحتي حتى من ماتت و اذا احجيلك عن سوالفها ضُرغام

امي امي حباية و مفصولة سبحان الله نفس الاطباع

و نفس الحنية و الندارة رُغم هي ما عاشرتها هواي

ضُرغام : الماس يا الماس دير بالك منها بالعصبية

لان تعرف امي سجانت تسوي بينه اذا زعلت

عبد العزيز : الصمت العقابي

ضحكوا بـ غِصة كأنها محملة بهواي ذكريات

انسحبت ايدي بقوة

نبأ : شتسمعين و هيج مبتسمة ولج لا ينفتح الباب

الماس : السيد شكد يحبني

نبأ : طبعاً يحبج وين يلكة مثلج ان شاء الله يبعد عنكم

الما محسبيلهن

ما جانت كلمات نَستني كل شيء مضوجني

رحت للمطبخ كبل سويت الهم كيكة

نبأ : هو شلون تعرف الماس ضايجة لو فرحانه من تسوي كيك

الماس : هههههه وشرط اذا ضايجة اطلع اطيب من اذا

فرحانة

العَصر راحو و راح السَيد وياهم هم طالعين برا و منتظرين السيد

يكمل تبديل و يجيهم صاح الي وهو بالغرفة

اجيته مبتسمة و احس روحي فراشة طايرة

باوعلي مبتسم

عَبد العزيز : اهلاً اهلاً شكد حلوة هاي الفرحة ليش حارمتنه منها

الماس : كول ليش حارمتك شنو حارمتنه ليش تحجي بصيغة الجمع

عبد العزيز : من هسة حاسب حساب السيد الصغير

ضحكت بصوت عالي و هو انصدم خليت ايدي على حلكي

حَك خَشمة و ابتسم

عبد العزيز : اليوم اكيد اكو شيء

الماس : ماكو بس مرتاحة احس روحي فراشة

عبد العزيز : تحسين ؟ تأكدي انتِ فراشة البَيت

الماس : احم احم سيد اريد وردة لون وردي وريحتها طيبة كون

جان يخلي عُطر و تركة على الميز باوعلي بقلة صَبر و فاتح ايده

عبد العزيز : لا دكوليلي تاكليها

الماس : بس شوية سَيد دورت بالسنادين الي بره ماكو

ما بيهن ريحة قوية

عبد العزيز : الماس حبيبتي حاولي تجيبين بسرعة لان

اذا انطيج مجال بعد تاكليني

الماس : لا بعدني ما تنسيت بالكيك

هو جان مبتسم اختفت ابتسامته و تحولت كل معاني وجهه لـ صدمه

رمش اكثر من مره و مسح لحيته

عبد العزيز : ما اريد احلف بس صدگيني هذا ابنج يتحكم بيج

باس خدي و هو يضحك و لسة مستغرب

طلعت ورا سديت الباب

و انتبهت على نفسي صدك هاي ليش هيج صرت جريئة

و كل حواجز الخجل الي بيني و بين السَيد بدن يختفن

بديت اتذكر كل كلامة بـ لليلة الزواج

و صوت بداخلي يكول والله ما تستحين

و الثاني يكول عادي زوجج

ايام مَرن اكثر من يوم و اني تحت تأثير كلامه الحلو

بدت امتحانات نصف السنه و اليوم اخر امتحان

لمن اجه اخذني السيد كال البنات بالبيت

رجعت لكيلتهن يسون غداء و اني عصبت عليهن شلون يتعبن نفسهن

قمر : بس لا تعيشين دور الام رجاءً ترى جنتي المكفخة مالتي

الماس : لعد يالله ثرمي لا اكول لابوج يكتلج

سولفت الهن على سالفة الهدية

ورقاء : ما حچينه عبالنه متدرين

قمر : يالله مو زين وحدة تساعدج بالبيت تربيلج الجهال

الماس : والله اذا ما تسكتين هسة اطلع حرگة گلبي بيج

ورقاء : لا كال علي ابوي ما قبل ابد بس هذا سليم قمر تتذكري

الجان يتعارك ويَ ابوية لان يأذن بالجامع

قمر : يااا لسه لعد شكد يكرهه

الماس : شو اني ما اعرفة

ورقاء : مو انتِ جنتي متكعدين هواي ويانه مُنعزلة بعد عيني

قمر : لان ضامنة حصة الاسد

الماس : هيو لا تحجن وياي هيج اتحسس

ورقاء : اش يالله اسمعي لج هذا يغار من ابوية يعني كلش

فـ مره تعارك شنو بس ابوي يأذن ابوي كاله تعال انتَ ما عندي اي مانع و صار يأذن ما يعرف يجيد النبرة حتى العالم اجتي

كالت هذا ماعندكم غيره الي يأذن

ليش السَيد عبد العزيز ما يقرأ

رجع ابوي يأذن و هذاك حقده يزيد كل مره ابوي يسولفلي عن شيء يسوي و اكله يابة ليش متوگفه عند حده

يكول بابا مريض بالغيرة و ما على المريض حَرج

و هسة من ابوي رفض هم حاولو يسدون الموضوع

بس هو يمشي و ينبش

الماس : الحمدلله و الشكر يا اللهي عود صدك يحجي

و هذا الشيخ يعني عاف السَادة كلها الا ابوجن على حظي

قمر : الشيخ يدور خوش نسابة لبناته ابوي ما يتفوت

الماس : قمر خاف تردين كتله

ورقاء : شاهد اخر الاخبار ام اب تعنف بنات زوجها

الماس : اسويلجن كيكة ؟

قمر : جلبتي ادري جلبتي هذا ابوي يمكن حتى غداه كيك

- لا والله الكيك من علامات الندارة خلي يكون بعلمج

- و اني اصير نادرة حتى عمتي دكلي عفية

ولج اني هسة بس اسوي كيك تسوي عركة دكول

انتِ مخلصة الغاز و الطحين

الماس : و راح تبقن هيج ؟

ورقاء : لا علي و فَضل جامعين فلوس و سوو سلفة كبيرة

من يطلع اسمهم راح نشتري ذاك البيت ابو الشجره براس الشارع

بس مو دكولين كالو اسكتن يعني

الماس : الله و نصير جيران ؟

قمر : اي حتى نخلص الكيك مالتج بعد شتردين

الماس : و عمتجن منو يكول تقبل تطلعن

ورقاء : ولج هي ما تريدنه تريد تزوج ابنها بنت اختها

و من هسة تتغزل ببنت اختها لعد اذا جابتها للبيت شتسوي

همزين ما عندنا غرف الا لو يبنون لو واحد يطلع

الماس : يالله تعالن هنا احسن

الظهر لمن اجه السيد كالت اله ورقاء

قمر : انتِ ضلي بشري الدُنيا كلها تالي ما يشترون

باوعلها السَيد يضحك

عبد العزيز : اي مو كلنا كبرتي و صرتي حبابة

انجح خطوة ممكن يسووها بحياتهم و اني موجود اساعدهم

بكل نقص يصير بالمبلغ

ورقاء : لا بابا متقصر

عبد العزيز : انتن بناتي و هم الولد احبهم و يستاهلون

زين و خالجن و زوجته يدرون ؟ مو تصيرن انتن بوجه مشاكل الاهل

لو الولد عندهم مشاكل وي اباؤهم ابداً محد تتدخل لان لو مهما كان

وصار هم ابنائهم و مجبورين يتحملونهم

اما انتن فـ ما راح يتحملكم احد غيري يعني لما تخطأون

راح يجيبوكم الي ليش ؟ لان بس الاهل يتحملون ابنائهم

ورقاء : لا يابة تربيتك احنه

- لذلك مطمئن

راح للغرفة و بقينه كاعدات نسولف و دكيت على امي كدامهن

انعجبن بصوتها رحت اخذت تليفون السيد وهو نايم طلعت الهن

الصور وشوفتها الهن

قمر : هاي شنو ما توقعت امج تجنن انتِ نسخة منها

ورقاء : الله هاي شنو رموش اختج شتستخدم

الماس : كلشي متستخدم والله هنَ هيج من جنه صغار

قمر : اخوج شوية عبالك مو عراقي دلوع

الماس : هو شنو دلوع لا والله رجال شايفه صوته شكد خشن

ورقاء : لا مبين خوش ولد يعني بس عدهم فلوس وهاي

قمر : شقصدج صوته خشن يعني هو رجال يعني اني هسة رجال

الماس : ههههه لج لا يعني صوته يخوف وهاي ورقاء اي صحيح هو ابو

يصير صديق السيد كلش زنكيل بس متشدد يعني بناته

حارمهن من الطلعة حتى راكان لو ما يطلع بالختلة ما يخلي

ورقاء : يا ليش شنو هاي

قمر : ما دريتي صدك خل اسولفلج ورقاء تدري

عمتي عندها ابن اخ يموت على بنتها و عمتي شكد تحب اخوها بس ما تقبل تنطي و حماتي بس تبجي فنج طلع ليش

- ليش ؟

قمر : عمتي مرضعته من جان صغير و خالي ما يدري

الماس : اذا اقل من اربعين يوم عادي بس هي ليش مدكول لرجلها

انفتح باب الغُرفة و كلنا سكتنه

عبد العزيز : التليفون الماس

انطيته اله و راح للمطبخ اخذ كلاص مي

الماس : جان كتلي اني اجيبلك

- ابقن كاعدات

ورقاء : يابة هو مو الرضاعة من غير ام اذا اقل من اربعين يوم عادي يحل على بنات الي رضعته

عبد العزيز : نعم لكن الرضاعة بيها هواي شروط اولها لازم تكون بعلم

الزوج لان اللبن الي بصدر الام يعود لابناء الاب فقط

فـ الا هو يسمح الها ترضع يالله ترضع و غيرها حرام

و ثانياً واجب التشهير بيها يعني لما ترضع الام شخص غير ابنها لازم كلها تعرف حتى ما تكون مستقبلاً علاقات مُحرمة

ورقاء : يابه زين و اذا ما يعرفون ؟

عبد العزيز : الساكتين يتحملون ذنبهم

أنا خلقنا الالسنه للنَطقِ

لا تصمتوا عن غلطةٌ تَهزُ عرشَ الخالقِ

اكو احد القصص الي مرت عليه امرأة و زوجها متزوجين

و ابنائهم على وشك زواج و اجت امرأة اقاربهم من بعيد

سامعة بعد كل هالسنوات هالشخصين متزوجين

كالت الهم انتو اخوان بالرضاعة

ما صدقوا و راحو يسألون حتى جيران البيوت الي كانو ساكنين بيها و تأكدوا صحة الكلام وجب عليهم الانفصال و انفصلوا و بقو الابناء

بحالة صدمة و كله يتحملوه الي سكتو لذلك الرضاعة من غير الام صعبة جداً و بيها كثير اشكالات

الماس : عزه شلون هيج ؟

عبد العزيز : كثير من القصص الي تمر تنافس الخَيال

ندعي من رب العالمين يستُرنا الى يوم سِتر الجسد بقطعة قماش ابيض

تركنا و راح للغرفة و احنه بقينه نتسائل عن هاي القصة

من كد غرابتها

راحن البنات بالليل و السيد جان ما موجود

و اني فرحانة من الامتحانات خلصتها

اتصلت على امي و بعدها جوهرة راكان راد يجي و لان

عرف اكو بنات ما اجه

ظُفرت شعري و خليت مكياج خفيف على الي يصير بأيدي اخلي

كنت لابسة قصير لانِ صايرة وقت النوم اختنك

حسب معلومات نبأ هاي المره اذا رحت اعرف جنس الطفل

خليت عُطر و اني مُعجبة بنفسي

سمعت الباب أنطبگ شكل بطني مضحك جداً

طلعت من الغرفة وهو بأيده المسواگ و بأيدة وردة

و أستغربت حيل صار شگد من تنسيت عليها وحتى نسيتها

لمن شافني أبتسم و صَغر عيونه

عبد العزيز : منين هاي الفراشة ؟

الماس : من گلبك سيدنا

خلى الورده و المسواگ على الكاونتر

عبد العزيز : لااااااا اكيد انتِ تعبانة و ابنج يحجي بمكانج

ابتسمت

الماس : سيد والله احتاريت وياك

عبد العزيز : اسم الله عليج من الحيرة شلون ما چنتي اني مرتاح

-زين سَيد و اذاطلعت بنية ؟

عبد العزيز : علوية و منج شنريد اكثر بعد

الماس : يعني متضوج ؟

عبد العزيز : الاولاد نِعم و البنات حسنات

الحنسة تُشكر عليها و النعمة تُحاسب عليها فـ شوفي شكد رب العالمين رافع منزلة البنات منو اني و اجي اتعاجز منها

الماس : ارووح باجر وي نبأ للدكتورة ؟

- بكيفج

كعدت ثاني يوم من الصبح متوترة بدون سبب

و كل ما اشوف السَيد اكله ولد لو بنيه شدكول

اخير شيء كال بس روحي و فضيني

اخذته عمي ضُرغام و گلبي يدك سريع

دخلت الدكتوره تسويلي سونار و واني اباوع لمعاني وجهه ..

نبأ : بشري دكتورة

-

......

جَوهرة

و هاي اول مرة فضولي يسحب ايدة و ما يريد يشوف

من جهةٍ ثانية اسمع صياح تُراب و ما ادري شوكت رجلي اخذتني و نزلت من الدرج اركض لمن وصلت للكراج يالله انتبهت على رجلي

ضاغطة على كزازة و الدم يتبع اثري

اباوع لتُراب بحُضنه دعبول و دعبول من كثر التعذيب ما ينشاف شكله

خالة تخربطت و عمي واكف صافن ما بدرت منه اي ردة فعل من الصدمة دعبول يون و تُراب من تأنيب الضمير محتار شيسوي

شاله و دخله للبيت وفتح قَميصة و ركض للمطبخ اخذ

القطن و الديتول و يعقم و الجهاز بأيدة يتصل على احد يجي بسرعة

و انعاد عليه مشهد نصورة لمن اجتنه معذبيها و ماتت

وكعت بالكاع لان حيل بعد للوكفة ما بية عمي محتار بـ خالة

و تُراب طلع بالسيارة سريع صوت دعبول يخترق حتى الدماغ و يفشلة من القهر اجه تُراب بسرعة كال كومي بالغرفة

باوع للدم برجلي بقى مستغرب اجه شالني و خلاني على سرير اهلة

باب الغُرفة مفتوح و اختنكت اكثر لمن شفته نفسة الي خيط جرح نصورة اجه لدعبول يعالج الجروح و دعبول يصرخ و تُراب يبوس بي و يهدئه ابتسمت بقهر من سمعته يكول بصوت منتهي لتُراب

دعبول : اصير زين و المَلحة تسويلي اندومي

جريت رجلي و شفت الكزازة مبينة ردت اسحبها بس ما كدرت

صرخت بصوت و الدم ينفض اجه عمي و صار يصيح لتُراب

تعال طلع الگزازة من رجِل مرتك تنزف

اجه و عين عليه و باله يم دعبول لزم رجلي و اني اسحب بيها و ابجي بصوت عالي سحب رجلي بقوة و ظغط عليها و سحب الكزازة

احس مو بس شاغت روحي لا احس هي روحي طلعت

وي الصرخة اجتي خالة يمي و عمي يشد برجلي

انجمعن الم الروماتيز و الجرح سوه

و حالي من الوجع مثل الي اريد تولد

اسمع صياح تُراب بالبيت و هو يسولف لامه و ابو

تُراب : يمهههه اخوتج شيردون مني يمههه

كتلو ناسي واحد واحد

دازيلي رسالة هذا هدية و الوراه مرتك

يمة جوهرااا جوهرااا اذا تقربولها اخوتج اكتلهم كلهم بشرفي افوت للسجن اكتلهم و اكتل نَفسي

سُعاد : لا دكول اخوتج لا تهيني و تحرك كلبي من دكول اخوتج

ابو تُراب: هم مو بالسجن

تُراب : يابة عصابة هم يلزمهم سجن لزمت جودت و دخلته سجن

و كلت راح اعيش وياكم بسلام و جوهرة جبتها بس الظاهر

نسابتك ما ناويها على خير يردون اكتلهم كلهم وحق هو علي اكتلهم

طلعت من الغرفة و اني امشي عرجة اباوع الهم

خالة اجتي لزمت ايده تبوسها

سُعاد : لا يمه اروحلك فدوة يمة تضيع شبابك و تنسجن

و نبقى احنه نتنطر نوالات الغربة شعدنا غيرك احنه هاي مرتك

المكرودة الما تهنت

تُراب : جا شتردين يمة ابقى كاعد لحد ما ياخذون مرتي

و يدزون جثتها الي يمه ذولة وحوش تعرفين الفلوس شلون سوتهم وحوش هسة انتِ اختهم و مستعدين دمج يشربونه

سُعاد : خل يشربون دمي الا انتَ ما اريد مكروه يصيبك

دعبول كعد يون و تُراب مكابله و كاعد

بقينه عايشين بقلق و خوف عكس تُراب الي نار العصبية واضحة

من عيونه اجيت يم دعبول و دموعي تجري

اباوع لشكله لزمت المرهم و اخلي على جروحة و هو يصرخ و اني بكل

صرخة اضغط على عيوني

اثار حرگ و ضرب بسوط حتى اثار تجريح بشَفرة

شَعرة بالسكين مقطعي تُراب يباوعله و حتى ايده من العصبية

ترجف اتصالاته مستمره و أخذ صور لدعبول

كتله شبيك صرخ بوجهي و اشر على حلگة اششش

انهضمت حيل بوكتها بس ما ردت ابين لان كل وضعته متوتر

اتصلت بأمي و سولفت الها بقت خايفة و مصدومة

لحد الفجر و اني و تُراب كاعدين

ما ادري شوكت نمت بس حسيت بصوت زِلم و تُراب يحجي

بصوت ناصي

تُراب : شنومني اني شنومني و المَلحة الا تنام كبال العين انعل ابوكم

لابو ساعة السودة

فتحت عيوني اني نايمة بالارض بغرفة اهله

عمي عبر من فوكاي و طلع و لحد الـ ١١ و اني وخالة محبوسين

تالي عمي سوالنه ريوك و جابه

الظهر و راحو و تُراب مستمر بالاتصالات

النوب صار كل شوية يروح لمكان و اني و خالة گلبنه يبقى بي النار من يروح الى ان يجي و دعبول تُراب مشغول عنه بقيت اني محتارة

بي و اني اعالجة يسولفلي شسووه بي و تبقى دموعي تجري

كل شويه اسويله اكله و اكعده ياكل النوب صارت روحة بيه

يون من الوجع ويصيح المَلحة تعاليلي

تُراب نار و ما يتحاجة ابد و اني من يوم الي صيح عليه

ما احجي ويا امي و نويرة ما عافونه ابد على طول هاي الايام هن يسون النه الغداء

بالليل سهرانه على دعبول و طلباته و كل ما اغفى يكعدني صوته انفتح باب الشارع دِخل تُراب خاله الا اسمع صوته بالليل يالله

تنام دخل وكعد على القنفة بدون كلام

دعبول : اريد مي بارد

كمت اجيبلة و رجلي لحد الان تأذيني و مورمه

احس بعد بيها كزازة بس اخاف احجي

شربته مي و انطيته دوه

دعبول : راح اطيب

جوهرة : اكيد اصلاً طبت بقت بس شوية جروح صغار

حتى من تمشي ميوجعنك

- طلعتي انتِ حبابة كمت احبج عادي اخذي تُراب

ابتسمت و مسحت جبينه

تُراب : ليش لسه رجلج ما طابت

اشرتله ما اعرف بدون كلام هو هم بقى ساكت غطيت دعبول

و اجيت على القنفة تمددت و تغطيت حتى راسي

شويه و حسيت الغطى ينرفع من رجلي

كعدت مستنفرة

جوهرة : رجاءً وخر

ما جاوبني بس ضغط على رجلي خوفاً لا اسحبها و من فتح قطعة القماش باوعلي بصدمه

تُراب : لج هاي شنو شلون متحملتها

جوهرة : عادي تحملت الاكبر منها

قربني اله الى ان صرت على صدرة

شالني و صَعدني فوك و رجلي كل ما تطخ بالحايط تأذيني

و تشوغ روحي نزلني على السرير و فتح الكنتور اخذ وحده من ربطاتي يريد يشد بيها ايدي

جوهرة : وخر تُراب تخبلت شنو

تُراب : رجلج مخزنه يعني اكو كزازة ناعمة خلي اطلعها احسن

من ما اخذج للمستشفى يفتحوها

جوهرة : لا توخرها و لا أروح للمستشفى وخر تُراب

اني اسحب نفسي منه و هو ضاغط على ايدي يشدها

تُراب : اش اش لتصيرين جاهلة الناس كلها نايمة

جوهرة : تُراب لا تخبلني شبيك وخر رجلي تأذيني والله

- ادري والله

مَد ايدة على رجلي و اني اباوعلة مصدومة منه شلون يكدر يأذيني

جوهرة : شلون تكدر تُراب اني حبيبتك

تُراب : ادري حبيبتي بس اسكتي شوية صيري قوية

فتح المجر و اجه بأيده ملقط و فاتح ضوء الجهاز و خلى رجلي بحُضنه

و اني ارفس مثل السمجة و واصرخ و اني عاضة اصابيعي

بكل برود انطاني الكوشة

تُراب : خليها بحلگج هسة ثواني

صار يضغط على رجلي و هُو يحُفر بيها و اني روحي راحت

اهمش بأيدي و اجر النفس بقوه و احس اني مختنكة راح اموت

و هو يا جبل ما يهزك ريح و لا متأثر بالعاصفة الي ورا

و اكول بكلبي هذا تُراب شكد كلبه قاسي معقولة نفسة الي يحبني ؟

لحد ما هَد رجلي و دار وجهه عليه

تُراب : يالله خلصنه هد رجلي و طلع و اني اون من الوجع

بصوت ناصي والهج بـ اسمه ليش تُراب ليش

رجع دخل للغرفة و صارت بيه خوفة لا هم يرجع يلزمها

فَزيت بكد ما باقي بيه حيل و ارجع شعري ليوره

جوهرة : تُراب لا عوف رجلي بروح اخواتك تُراب وخر

تُراب : اشدها شبيج حتى تطيب

- لالا

اجه و بأيده قطعة قماش منگعة بالمي الحار يمسح بيها رجلي و اني

كل جسمي رجف عَقمها و شَدها بـ شاش و كل ما اصابيعة تطخ الجرح تشوغ روحي كمل من شَدها و مَددها عدل و اني

أشهك من البجي

جوهرة : رجلي ليش هيج سويت بيها

ما جاوبني مَد ايده على عيوني وبـ أبهامه مسح رموشي من الدموع

تُراب : نامي يالله

جوهرة : اطلع اطلع و انام بس اطلع تُراب رجلي راح تموتني

تمدد بصفي و هو ساند نفسة بـ تاج الجرباية

سحب ايدي و خله راسي على صَدرة

و سحب وحده من ايديه خلاها قريب كتفه

تُراب : مرات نتأذى حتى نرتاح

جوهرة : بس مو هيج تُراب مو هيج ليش

تطلع حرگة كلبك بيه

تُراب : انجبي حبيبتي المَلحة و نامي جا اعوفج متأذيه احسن

ايده تلعب بشعري و اني اتنفس سريع

بوسات كثيرة انطبعت بشعري لحد ما نِمت

الصبح كعدت على صوت دعبول يصبح بأسمي

نزلت اله و اني كوه امشي اشوفه شيريد

مر اسبوع علينه و احنه كلنه داخلين انذار من عصبية تُراب

جنت بالمطبخ اسوي لدعبول عصير سمعت صوته يبجي

لكيت تُراب مخلي بحُضنه و يبوسَة

و هو يسولفله

دعبول : يكلولي هذا هذا الـ تحبة الا نذبحك و نوديلة راسك

يضربوني و يكولون اغلط عليه و نعوفبالبداية ما قبلت اغلط و ضربوني قوي تالي غلطت و جذابين ما عافوني ضحكوا عليه

تُراب : اذا ما طيحت حظهم الك واحد واحد و انتَ واكف تضحك عليهم

ما اوكف بين الزلم و لا ابن سُعاد اني

جبت اله عصير باوعولي و سكتوا

دعبول : المَلحة كمت احبها

تُراب : لا ابقى اكرهه لان اخذتني منك محد عاتب عليك تحبها

جوهرة : شراح تسوي

تُراب : لزمتهم الي جابو دعبول و هسة كاعد يخبرون على الي وياهم كلهم و محمد لگوه شانق روحة

فتحت عيوني من الصدمة

تُراب : هي هيج لو هيج هم اعدام بس غير الدوله تنفذ الحكم

تخليهم مخمرين على شنو ما ادري

لان طلعوا كشف على كل الجثث الي بالبستان و كلها

عوائلها تبحث عنها

جوهرة : الله ينتقم منهم شلون هيج

راكان ويانة على اتصال خايف خاف ابو يغير رأيه و ميجي لهنا

لان زعلان على اخوانه بعد ما كايلين اله احنه احق بأملاك مو هذا الي متبني هسة ياخذ الفلوس ويعوفكم

و راكان كايله اني اصلا ما اريد شيء من املاكك اني اكمل كلية

و اتعين و اكون نفسي

طول هاي الفترة و تُراب بكل اتصال يطلع برا

و خبرنا نجهز نفسنا نروح لايران كلنه و حتى دعبول

يمشي بمعاملته و يريد يطلع اله جواز

جوهرة : دعبول شعجب تاخذة ؟

تُراب : أعوضة الي شافه مني مو شوية اريده يتونس

جوهرة : اتمنى اعرف قصته

تُراب : تبجين خليها على غير مره

امي و نويرة و اميرة جانن اكثر ثلاثة مهونات علينه هاي الشدة

و تُراب بكل الايام قلق لحد اليوم الي دخل بي يضحك

و اني و عمي مكيفين لان عصبيته عيشتنا حرگ اعصاب

الا خالة ، سُعاد

جانت بهذا اليوم حالتها غير عن كل يوم

لا اكلت ويانه و لا طلعت و عمي مستغرب وضعها

و يسأل تُراب ميجاوب

فتحت باب الغُرفة عليها لگيتها تبجي و تعاتب

كلمات جنوبية بحِت

يمه تعاي و شوفي بيه أخوتيّ شعملوا

يمه گتلو بناتي و إعله ابني رَدوّا

يمه خوان يوسف اشوه منهم

يمه الكاتل اخوتي انا ابن اختهم

بقيت فاتحة حلكي على اخر كلام كالته و صعدت اركض

للغرفة و مية الف جواب اختار لسؤالي قبل لا اوصل

فتحت الباب بقوة

جوهرة : تُراب تُراب امك شبيها ؟

تُراب : خوالي انعدموا اليوم

رغم كلشي جرى و صار بس بقيت متصمنة من هذا الخبر

و كأن صاب جسمي صعقة شلتني عن الحركة

دموع صابتني على حالة خالة بمثل هيج موقف

مرت ايام علينه كأن الحزن خلانه نتنافر

و كلمن بجهة صافن حتى تُراب الي دخل بأول يوم مبتسم

كانت ابتسامة مزيفة حتى يخفي كلشي بداخلة

جنت اوكف باب الغُرفة اسمعة يضرب الحايط بكل قوته

و يعاتب نفسة

تُراب : جبرتني هيج اسوي جبرتني حكمت شلون تذبح بنات اختك

شلوووون شلون تريد تسطي على عرضي

لو ما تنعدم و تموت عندك استعداد تاخذ مرتي و تحرگ گلبي بيها

لان متعود تلزمنه من ايدنه التوجعنا

لك كله علمود فلوس فلوسسس هيج سويت بأختك

و صوت الضرب يكزبر الجسم افتح الباب حتى يبطل

و الكة ايده تصُب دَم و ياخذ وحدة من ربطاتي يشد ايده بيها

عدم اكثر الالوان بالدم بس مخليته على راحته

أيده ترجف و هو يشد بيها

و يكعد صوت انفاسة السريع يحرك البيبان من قوته

اجه ابو راكان يختار بيت و ما حصل غير بيت بنهاية الشارع

و طلعلة تُراب عمال يرممون بي من جديد

تكتمنه عن هذا الموضوع و حتى لراكان ما كلت

رُغم هو يسأل طول الوقت ليش ضايجين و رجلج شبي

رجلي راح كل ذاك المها و ورمها بعد ايام من الي سوا بيه

و خلصت من كل وجعها الي جان مقيدني وعرفت

صحة العبارة الي كالها الي و فعلاً مرات مجبورين

نتأذه بكمية قوية لفترة حتى نرتاح باقي عمرنا

و نفس الشيء وضع بيتنا حالياً

جان عمي هو الضماد لروح خالتي و اقل شخص تأثيراً

و كل ما يشوف تُراب صافن يخلي ايده على كتفة

ابو تُراب : انتَ سويت الي لازم يصير

راح للدوام و رُغم كل البرود الي صابه اني بعدني نفس ما اني جوهرة

الي ما ممكن بيوم تصير مشاعرها قديمة بعدني انتظر

ايامنه تصير احلى و بعدني انتظر الطفل الي راح يحلي ايامي

دعبول رغُم كل عُمرة بعد ما تحسن صار يحسب نفسه كأن ابني

و حتى اني صارت مُعاملتي اله بمثل هذا النطاق

ما صدكت بيوم يرجع يصحى لان لو صاير بي شيء

و روح بدون ذنب هم تكون ضحية تُراب و خواله

جان متت بوقتها

ابو تُراب : يالله كعدو من النوم تُراب جاي باجر نسافر

نزلت سريع أتأكد من صحة الكلام انرسمت الابتسامة على وجهي

اجه العصر تُراب و يحجي شوكت راح نطلع و شوكت نجي

رُغم صار النه شكد فاقدين صوته ويانه

بالليل نزلت اسبح جوه لان المي ما صعد فوك

سويت عصير لدعبول و انطيت لعمي و خالة و صعدت واحد وياي

على امل ياخذة و يرجع مثل قبل لـ سوالفة الي امثل ما احبهن

و اني ادري بنفسي اكثر شخص مُغرم بشخصيته و جرائته بالكلام

دخلت و الجو زين مو بارد هو كاعد يلعب بالجهاز

وكفت كباله و انطيته الكلاص

جوهرة : تشرب ؟

تُراب : الوضعية مال عرگ جوهراا

جوهرة : المَلحة اني مو جوهرة

باوعلي رافع حاجبة

تُراب : هاي من شوكت

جوهرة : أهم شيء ترجع زين مثل قبل

خله العصير على الكومدي و سَد الجهاز و فتح ايده

تُراب : تعاي

تمددت يمه مبتسمة بِست خده

تُراب : گولي مشتاقة عليمن هاي الحركات

جوهرة : هو اكيد طبعاً مشتاقتلك

تُراب : اويلي

- لا هسة يعني صدك رجعت زين

تُراب : المَلحة

- هاا گول

- خلي امج تتزوج حبييتي المن هاي الانانية

بلعت ريگي و باوعتلة

جوهرة : ها ؟

....

يا حَبيبي الماكو مِنه

بيك أتعب من اسولف

من ظلام الدُنيا صارت انتَ جيت الها گُمر

انتَ يـالـ تسوه أنتظاري

و لو بَعد عُمرين لأجلك أنتظر

كون بس اني أعرفك

اي شخص ما يدري عنك

مثل سري الما أگولة لأي بَشر

- رُسل فَهد

حلوة فقرة الامنيات و قريت كل أمنياتكم

فضفضولي مَره ثانية

الخطأ الي أرتكبتوا بحق نفسكم او بحق غير بشر

قابل للتصحيح لو فآت آلاوان ؟ ..🤎

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

فصيحاً :

لو قُمت بوضع عباءة رأس أمي على قلوبكم

لن تشعروا بالحياء مرة على ما فعلتم بيّ

شعبياً :

تالي ذيچ العشرة تگضي ؟

و هيج زيناتي الـ مَتنعَد أنمحن ؟

ما أعاتب

هنَ الگلوب الـ يغدرن بـ اليحبهن

لو تلبسهن عِبي ما يستحن

- رُسل فَهد

....

جوهرة

- هاااا ؟

تُراب : اي جوهرة خليها تتزوج ترى انتو كلكم مستقرين الا هيَ

و اليوم حتى ابو راكان حاچاني اخو اصغر واحد هذا الاجة وياهم واكف بعيد عن السيارة تتذكري

- اي ؟

- يريدها على سنة الله و رسوله

انتفضت و كعدت عدل كبالة

جوهرة : شتحجي انتَ تُراب شبيك والله عيب عليك

ترى امي راح تصير بيبي و هذا الساقط والله اكول شبي صافن

تُراب : هي امج حلوة ما تتفوت

حجاها و أبتسم و كعد عدل

من جهة فرحانه لان ابتسم و بنفس الوقت متنرفزة منه

جوهرة : عوف امي تُراب خلينا اصدقاء

تُراب : احنه متزوجين ابو الجواهر مو اصدقاء

بس هي امج حلوة يعني محد ينكر هذا الشيء

جوهرة : ادري امي حلوة بس لا دكول بهاي الطريقة عبالك معجب بيها

تُراب : هو انتِ واكفة بطريقي جان من زمان نسيتها حمودي

بس اني انسحلت برموشج ما انتبهت لوجه رحاب جان ماعت روحي

جريت الوسادة و ضربها بوجها و رفعت اصبع للتهديد

جوهرة : لا تستفزني

تُراب : هههههه اشاقة وياج تعاي نامي ، لا والله يعني اني

اكول تستقر و تعيش باقي حياتها على الاقل مرتاحة

مو دكولين انتِ شكد تعذبت

بقيت ساكته و رفعت نظري للسقف و اني حاضنه رجلي

جوهرة : شافت اشكال المصايب جان جبار الي عود ابوية

يدزها للجيران تطلب النه اكل منها

و جان يخليها تطلع تجدي و تجيبله فلوس و تخاف منه خوف

مووو طبيعي شايف اذا طبك الباب و دخل امي اباوع الها

تصير صفره و تتلفت اني من الخوف يعيط بيه كبل اغطي راسي و أنام

جان يجيب اصدقائة الديانة و يطلعها الهم حتى من يشوفوها

يطولون بالكلام وياها و يرحون مايجيبون طاري فلوس

و ياما و ياما يجون اكو منهم يجون علمودها و يكولولها

الفلوس طايحة و من تجي منهارة تبجي هو عنده كلش عادي

جنت ابجي من الجوع توكلني اي شيء موجود و انام و هي تبقى

جوعانة تمرضت بالكلى و تتداين من الجارات حتى تشتري دواها

و تتأخر ما تطيهن الدين اكو شكد يسون عركة بـ باب البيت

علمود الفلوس

جان لمن يجي سكران وهي تلعب نفسها من ريحته

يكطعها بحجة شنو تلعب نفسج مني بوقتها امي جنت اكعد بالليل

الكاها تبجي و لازمه صورة شخص الي هو احمد هسة

جانت تحبة من هي ببيت جدو و اني اكول هذا شايفته بس ما ادري وين

مره من المرات خنگها و شمرها بالكاع عبالي ماتت

وجهها لون ازرق و اثار ايده على ركبتها و اني لازمه ايدها و ابجي

لحد ما حركت ايدها و حضنتني و الروماتيز جان يموتني

بالشتاء و اني صغيرة رجلي تأذيني

تاخذني وحدة من جاراتنه مرات للمستشفى و ينطوني دوه

و غرفتنه باردة المطر ينزل علينه من السكف و اني اصيح من الوجع

و امي مغطيتني بـ ثلاث بطانيات حتى ادفى و يخف الوجع

و اذا هو موجود كون ما ابجي لان يريد الغُرفة هدوء ..

اضل عاضة اصابيعي من الوجع لان اذا ابجي فوك الوجع يضربني

لح ما امي تزوجت عمار وهي جانت تتمنى شوكت تتطلق من ابوي

حتى احمد يتزوجها جان ممتزوج و عمار دلل امي ما اكلك قصر وياها يعني فلوس و لارقى الاطباء ياخذها حتى تطيب

من كلياتها بس امي ما حبته ابد يمكن بسبب الطريقة

الاتزوجها بيها

او .. يمكن لو باقي عايش جان حبته بس من مات هي رجعت لذكريات

احمد كلها وللان هي ماحبت و لا ردات غيره بس هو ما يحبها مبين

بس يقضي وياها وقت ومستمتع بحبها ووفائها اله

تُراب : يعني اذا تقدملها حتى هسة بعد كلشي توافق

جوهرة : والله توافق امي و اعرفها

تُراب : كملي

جوهرة : جان عمار ما يضرب امي ابد رُغم هي كبال عينه دكله اكرهك

يلزمني اني يضربني لحد ما تبوس ايده يعوفني

و اذا راد منها شيء و ما سوته يعوفني بالكراج بالبرد

و يسد الباب و يخلي كل جسمي يصل عليه و علاج ماكو

تالي تنجبر تقبل و يفتحلي الباب

تُراب : خوالج شكد عارات

جوهرة : اي سُمية امي كالت حشتهم تحشي بحيث يموتون من امي

و تخيل هم من عرفو امي بعلاقة وي عمار يردون يذبحوها

و عمار من سمع اجه يركض خاف يذبحوها

وهم هاي السنين كلها وجهها ما شايفي و لا يدرون بأحوالها

بس سُمية تتردد علينه

اجتي سُمية كالت اله اني اضمها لا تخاف هي و جهالك

وهو متحلف الا يكتل ابوية شلون كاللهم هذا عشيقها

و خاينته ويا ليش ما كال الهم رجلها و اني بعتها اله

وصار كلشي سولفت الك عليه و سمعنا عمار الي كتل ابوية

و خوالي كتلوه عمار و سُمية تعرف بالقصة كلها بس ما حجت

و برأت امي بكل بساطة

تُراب : تصفن العقل قُصة رحاب هي اكثر وحدة بيكم تأذت

جوهرة : لذلك امي من شافت روحها خسرت كلشي قررت

تنسى كل الماضي و تعيش حياتها و نست كلشي الا احمد

جنت اشوفها مراتٍ تخلص الليل تبجي

و مَرات من فرحتها تحُضني و تبوسني رغم البرود الي صابها

وصارت اقصى امنياتي تعاملني مثل الامهات

تُراب : و ما تزوجها العار

جوهرة : لا هو تزوج و عنده اطفال و كل مره مرته تكشفه و ينهي العلاقة بس امي متمسكة بي هواي و يرجع الها

وهاي بنفس الدوامه احنه كل هاي السنين

تعرف مُراد الله يرحمة ؟

تُراب : اخو اميرة مو ؟ سولفتيلي

جوهرة : هذا جان يموت يموت يموت على امي بحيث خاطر

بنفسة واجه العراق علمودها و جان هو بكل مره نريد نرجع بيها يخرب كلشي في سبيل منرجع و يخسر امي و هم ما حبته

تُراب : انتِ شوفيها بهذا اخو ابو راكان عنده ولد و بنية

و مرته متوفية و يريد يتزوج يجوز تقبل

جوهرة : حتى لو تقبل تُراب اني ما اقبل خليها هيج

يمنه احسن حتى لو تزوجت هي ببالها احمد ماكو غيرة

تُراب : تعاي رجعي نامي عدل خلي انيمج

جوهرة : طفلة اني طفلة

تُراب : شلون طفلة مملوحة هاي

ضربته على صدره

- دشوف ايدك و وجه السود

تُراب : غير زِلم خشنه صاگعتنا الشموس

ضرب زَندة وباوعلي

- شوفي الگيمر غير امي متنسيه بحليب

جوهرة : عود تريد تصير دلوع

تُراب : دلوع منو هذا اكلة لو شربت

جوهرة : يعني هيج تصير دلوع مايع

احجي و اني احرك بأيدي حركات الدلوعين

تُراب : هاي مو حركات الدلوعين حبيبتي هاي حركات فد ناسسس

جوهرة : شنو من ناس

تُراب : هيك لا تخلي على بالك مانو كتير الموضوع مهم

فتحت حلكي بصَدمة

جوهرة : هسة حتى اني انسه و انتَ تذكرني

تُراب : لااا يعني متردين تتذكريهم مو

جوهرة : يوووه شبيك شكد تكبر المواضيع يعني والله و لا مفكرة اني

بهذا الموضوع بس انتَ شايل همه

تُراب : و تتمضحكين عادي عندج بالله طيبة التفاحة

جوهرة : الصراحة اي طيبة ليش الجذب يعني هي طعم تفاح

صار وجهه قريب على وجهي واني اضحك مُلص اذاني

بقوه و اني اصيح و اضحك

تُراب : المَلحة تدور مايعين

المَلحة : شحصلنه من الزلم الخشنة

عدل وجهي بأيده عبالي يبوسني بقيت ثابته لحد ما

عض خدي بقوة قريب على شفتي و اني من الصدمه

ارافس بأيدي و رجلي حتى ما صرخت بس ابجي من الوجع

تُراب : شو صايرة فد مرة

دفعته و كمت بعصبية

للمرايا امسح بمكان العضة صاير احمر ضربت رجلي بالارض

جوهرة : شبيك تخبلت تخبلت تُراب

اجه صار وراي و غرس كف ايده بـ بطني و يقرقرني

و اني اضحك بصوت عالي بس اريدك يوخر لان النفس صرت كوه اجره لحد ما صارت انفاسه السريعة قريب اذني

طُبع بوسة برقبتي خفيفة

جوهرة : كافي كافي تُراب بطني موتتني من الضحك تخبلت

تُراب : مشتااااااق ..

ثاني يوم الصبح هوستنه و احنه نتجهز و تُراب واكف يعدل ملابس

دعبول و يخليله عُطر اجتي نويرة جايبة ملابس لدعبول جديدة تُراب موصيها ودعناهن و امي حضنتها بقوة و اني راسي يرن

بكلام تُراب

اتصلت بـ الماس ودعتها و هي طول المكالمة تسولفلي شكد تدعيلي

يصير عندي اطفال راكان اجه هو و عَمه ابو صفنه حتى يودعنا

بستهم كلهم و كلي امل بهاي العملية و بنفس الوقت خايفه

كنت اول مرة اجرب السفر بالطائرة واحلى تجربه

دعبول نعاملة مثل ابنه وهو متقمص الدور جداً من يوم الي صار زين

كاعدة بصف تُراب و اختاريت الا مكان الشباك اريد اشوف الطيارة من تطير اباوع واني مبتسمه و الابتسامة مرسومه على وجهي

حسيت ايد تُراب صارت على ايدي

غَمضت عيوني براحة

جوهرة : تُراب انتَ ماكو منك

تُراب : وين ما تردين أوديچ لو لاخر محطة بالدنيا

حتى يم الله أوديچ اذا ضوجتيني فد يوم

ضربته واني اضحك

جوهرة : فَـد احبككك ، يا احلى وكح بالدنيا

حَك شواربة و باوعلي

تُراب : آه ؟ يعني اني وكح

جوهرة : اي يعني حركاتك و سوالفك هاي مو مال عُقال

تُراب : أدبيني

جوهرة : لا هو اني احبك وكح

گرص خصري و اني صرخت كبل خله ايده على

حلكي و كفخني راشدي

تُراب : شبيها المَلحة صايرة ما تتحمل

جوهرة : عوفني يالله اي ما اتحمل

- اي اي متتحملين صحيح صحيح

لحد ما وصلنه گوه لازم نفسة دعبول منبهر بالجمال و احنه مثله

من ثاني يوم اخذني لعنوان الدكتورة و كالت نفس كلام الدكتوره

بالعراق و العملية كل ما كانت اقرب كانت احسن

اني بس اريد اسويها ما مفكرة بالوجع و لا بذرة

و كان كلامها راحة نفسية انطت اجرائات و تحاليل يكملها حتى

تحدد موعد العملية و بعد ثلاث اشهر يالله تبين النتيجة

و ست اشهر اذا ما صار حمل واجب الرجوع الها

رحت ازور و وياي عمتي رافعة ايدها و تدعي

الله يترس حُضن تُراب اطفال و يعوضوه خساراته

باليوم الثالث من سفرنا خبرها تُراب عن وضعنا و حددت موعد العملية

لبعد يومين امي على اتصال هي وراكان ويانه

كأن امي من شافتهم رجع كلبها يحن علينه و بديت

اعيش الي جنت محرومه منه ،، حنانها

تُراب كل شوية ماخذ دعبول يتونسون و مرات هو و عمي

اني اخذت خالة و طلعنا نفتر و نتونس وحدنه لكيت عمي واكف

النه بـ باب الشقة

ابو تُراب : والله تخوفن انتن شعدجن طالعات وحدجن

جوهرة : قابل وَحد عنكم عمو انتو كل شوية طالعين

بـ الليلة الي بيها باجر اسوي العملية ابين لتُراب اني ما خايفة بس حتى يطمئن لان هو يمشي ويگلي والله ما الها داعي خليها على الله

تمددت بصفة مبتسمة خله ايده على خدي و يحرك اصابيعة عليه

تُراب : والله خايف عليج انتِ وين بيج حيل عمليات

مَد ايده قريب رجلي اثر ثقب عملية القسطرة

جوهرة : اني اريد يصير عندي اطفال تُراب و انتَ ابوهم

اريد اشتري الهم ملابس و انيمهم اني احب الاطفال و احب

كلمة ماما انتَ متكيف يجيك طفل يكلك بابا اريد العاب

لو بابا اني احبك

تُراب : اكيف اكيد بس عندي انتِ اهم شنو اشوفج تتوجعين

علمود الخلق الزفرة هاي

جوهرة : هاي بعدهم ما جايين وقاسي عليهم الا الاطفال تُراب

تُراب : والله اني ما عندي لحية مسرحةَ الما يجر عدل انعل سلفَ سلفاه

جوهرة : عليمن يطلعون ع ابوهم اكيد

تُراب : ليش تمثلين ما خايفة و انتِ الخوف محتلج ؟

كعدت و بعدت ايده بعصبية

جوهرة: يوووه تُراب عاد شبيك لا تعرض خليني اسويها و اخلص

حُضني بقوة وهو يلعب بشعري

تُراب : اخاف عليج والله المَلحة بس لا تخافين هي مو جراحية

كلش ثلاث فتحات ويدخلون كاميره و جهاز المنظار

جوهرة : انتَ خايف و ما تريدني اخاف ، يمه خاف ينسون الكاميرا

ببطني ؟؟؟

تُراب : لا ما ينسوها الكادر وي الدكتورة لبناني

هسة يدارنچ

لحد الصبح عمي و خاله كاعدين قبلنه من القلق

رحت وي تُراب و أحتاجها امي بوقتها كلش دخلت صالة العمليات

و اني اردد بكل الادعية الي علمتني خاله عليهن

غَمضت عيوني بالبنج و اني اتخيل شلون يزرفون بطني

كعدت على وجع ببطني فتحت عيوني تُراب فوگ راسي

و اني اشرحلة الالم شكاعد يسوي بيه

ايام و بديت اتحسن يوم واحد بالمستشفى و طلعت

عمي و خالة خلوني بعيونهم و حتى دعبول يجيبلي كلاص المي و يشربني

دعبول : لان من جنت مريض انتِ هيج تشربيني

منها و حسيت ماكو شيء بالشط

كل زين سويته وي النَاس رجعلي و حتى لو الزين بـ فئة وي الناس

ميغزر راح ينعكس على ناس ثانية و يكونون هُم العوض

كل شيء اثر بهاي الدنيا

لو سويت زين راح يرجع الك زين ممكن مو الا الاشخاص نفسهم

بس رب العالمين يشوف ويعوض الانسان على كد تعبه

خالتي الي جنت اني ابدل و اغسل الها صارت هي تغسلي و تبدلي

و عمي الي ما تعاجزت منه بيوم كل شوية طالع جايب الي فاكهة

او شيء شايفة الي و عاجبة

ابتسمت لمن اجاني بأيده كاسة الشوربة

ابو تُراب : مو بس انتِ حايرة بطبخنا هم الج حق نحتار بيج

و هذا رجلج الساقط بالشوارع يشرب جكاير عبالة ما ادري بي

سُعاد : غير يخاف ويستحي منك و يحترمك والله احتار بيك

هالولد المكرود

ابو تُراب: ضلي انتِ ضلي دافعي طبعاً احفادي محد يربيهم غيري

سُعاد : جا شفايتلهم على ابوهم وين يلكون مثلة شبي متربي مرتين

ابو تُراب : لا خمس مرات هذا ابنج ابو الفشار المستهتر

سُعاد : ديالله هسة سُبحان الما يفشر شلك غرض

عوفة هو وصحبانه

ابو تُراب : ولج لسه ما مستوعب شلون يحجي

وين ومنين جايب هاي الحجايات

انفتح الباب و دخل اني و خالة مبتسمين و دعبول بيده تليفوني يلعب لعبة و عمي صفك ايده

ابو تُراب : هاي سَير رجال البيت شربلة شجم جكارة و اجه

تُراب : هسة يالله يابة جكاير و لا عرگ

ابو تُراب: وحق هو علي اذا متجر عدل احرمك من مرتك و اخليك تدور و ما تندل مكانها وين انا ماعندي هيج تربية منحرفة باجر تصير عندك جهال شلون تربيهم و انتَ روحك ما مربيها

تُراب : يابة شبيك هو كتلة هيج من خواتك كال لا خواتك

كتلة ما عندي خوات

ابو تُراب: لك اني عمري ستين سنه

و ما الفظ هيج حجي انت شلون تكدر تحجي بابا اتعب نفسي

بالحجي وياك انتَ منو مربيك

تُراب : تربيتك اني حبيبي

بقو يتعاركون لحد ما اجه تُراب يبوس بـ ابو و يحضنه يالله تصالحو

بالليل و اني متمددة أون من الوجع

اجه تُراب ينطيني علاج

تُراب : خلصت ما بقى شيء راح الهواي و بقى الـ شوية

حتى نرجع شابع عقوبات لخاطر المَلحة

لحد ما كمت علي حيلي و رجعت للدكتورة كالت كل الوضع تمام

و العملية مُمتازة ان شاء الله منلتقي بعد و تتواصلون وياي

دكولون حامل

اخذ ايدي تُراب و طلعنا نتونس لان بعد يومين و نرجع

اشتريت لالماس و ابنها ملابس و اني فرحانه اخذت ابيض لان ماعرف بنية جانت لو ولد و اشتريت لحبيباتي الثلاثة و راكان

و اخواته شكد ما يسولفلي يحبنهَ و يسترن اله لمن يروح لالماس

بالليل نريد ننام و الشقة هدوء

دخل مبتسم و الجكارة بيدة

جوهرة : يعني انتَ متتوب لو يشوفك عمي يكلب الدنيا

تُراب : لج اني ادري زعطوط طايحلي دك رزايل كدامج

جوهرة : ههههههه يالله ابوك شتسوي

تُراب : كومي نطلع

جوهرة : هسة بهالليل ؟

- دكووومي تونسي المَلحة شكد تنامين

بدلت و شديت الربطة لكيته صافن عليه

تُراب : والله حلوة من تشدين الربطة تشبهين كارتون مدري لعبة شايفها بالتليفون

مخلي ايده على كتفي و نمشي و هو يسولفلي

على ابو راكان كاعد يجهز بالبيت راح يكعدون يمنه

مرينه بطريق كله ورد ما جبت طاري اذكره شكد اني احب الورد

و اتمنى يصير عندي محل ورد لان احسة يكول شنو

أبتليت بيج اني

تُراب : شايفة هذا الورد شكد حلو ؟

جوهرة : اي يجنن

- يتمنى يوصل لجمالج

نسيت كلشي و احنه وين و بوسط الشارع حضنته

كان الشارع فارغ و بس صوت السيارات بعيد واضح رفعني من الارض و باسني و نزلني

رجعنه ثاني يوم و دعبول يبجي ما يقبل يصعد بالطيارة

بالكوة يالله صعد وصلنه و استقبلنه راكان باسني و حُضني

و تُراب لازم ايده يكله منا العالم وخر لا امدك بالكاع

خمس ايام يالله طلعنه من مود السفر و رجعنه طبيعييين

تُراب بالدوام اول ما اجينه نزلت جوه و اخذت التليفون من دعبول اتصلت عليه اروح لحبيباتي كال بس لا تتأخرين

كشخت وطلعت رحت الهن و عيني على بيت راكان

اميرة : كل الي يسون عمليات هيج يصيرن حلوات

نويرة : لا هو السفر يحلي ولجن ليش ما نسافر شناقصنه

رحاب : خلي نسافر

جوهرة : وعلي الـ تطلع باب الشارع اكسر رجلها

خوش النوب عليه سفر وحدهن هو اني بالعراق ما لازمتجن

نويرة : يا هنيالي اذا انتِ تتحكمين بينه روحي ذاك رجلج

نامي بحُضنه تركضين وراها عليمن

جوهرة : وينه رجلي من اجيت لسة ما شايفته المكرود

بدل و راح للدوام

رحاب : تلكين الحبايب مشتاقاتله منو يكول للدوام

نويرة : طبعاً و ما يكدر على فراكهن يجوز زعلانات عليه

يحجن و يضحكن و اني تخوصرت الهن

جوهرة : لا تحاولن اني ماليه عيونه

رحاب : املي حاجبة بالاول النوب عيونة

اميرة : يتشاقن يردن يضوجنج عوفنها يالله

نويرة : اليوم اجتني وحدة تتعارك دكلي رجلي ميت يطلبج ميتين

كتلها هو انا من يوم الـ فتحت ما بايعة بـ ميتين

طلعت مفترة علة الوادم ياهو الشافته دكلة رجلي يطلبك

اخير شيء كالتلي الا اجيبلج الشرطة

كتلها يا نوع منهم البحرية لو البرية حتى اشوف واسطاتي

كالت طبعن انتن تموتن ع الزلم

جوهرة : عزه و ما كتلتيها

نويرة : لا كلت الها شعدنا غير الزلم

مر واحد يگول للگمر غيب و انا بمكانك

كال تروحلج فدوه الزلم تعاي دتعاي انطينه سمجة

جوهرة : هو انتِ رايحة تصيدين حلوين و تبيعين سمج

ضحكنا و طلعت منهن اريد افوت للبيت بس رجلي اخذتني لبيت

راكان دكيت الباب فتحت الباب امه استقبلتني

و دخلت للاستقبال بيتهم ما شاء الله رُغم مو كامل بس

الاثاث يجنن اجن بنات حلوات اثنين صغار

يباوعن الي مبتسمات

- انتِ جوهرة اخت راكان ؟

- اي

وحدة منهن تحجي و تتلفت و تگرص بأيد الثانية

انتبهت الها وكفت عدل

....

الماس

نبأ : بشري دكتورة

- الجنس ولد و ما شاء الله الله كل اوضاعة تمام

ابتسمت لا أرادي و اني متحمسة لردة فعل السيد و فرحته اذا عُرف

نبأ انرسمت الابتسامة على وجهها

طلعنه و اني اسولفلها شكد مخلية اسماء ببالي

عمي فرح اكثر من عندنا و نزلني بالباب

و اني اشاور بـ نبأ اكوللها لا تخلي يگله

دخلت للبيت السيد ما موجود شوية و بعد يأذن و احس الوقت ما يمشي شوكت يأذن و يجي سويت الغداء و اروح منا و اجي منا

توضيت و صليت وبأيدي القرآن اقرا حتى الوقت يمشي

سديت القرآن و بسته من سمعت فَتحة الباب طلعت امشي سريع

و الابتسامة مرسومة على وجهي هو فتح الباب شكله عادي

و جايب بأيده كتكوت صغير

نسيت الاريد اكولة و اباوع للكتكوت لونه اصفر يخبل

اخذته من ايدهزبسرعة و هو ابتسم

الماس : الله صدقة لله يمه فدوه فدوه اروح

عبد العزيز : ههههه ولج تروحين فدوه لكتكوت

لزمته بأثنين ايدي مبتسمة

عبد العزيز : تعالي فوتي شكالتلج الطبيبة

شهگت و خليت ايدي على صدري شلون نسيت اكله

الماس : بيه ولد يعني سيدنا الصغير

عبد العزيز : هههههههه ما شاء الله تبارك الله

الماس : صارو عندي جهال اثنين الكتكوت و السيد

عبد العزيز : لا دكولين سيد اتيه بيني وبينه

الماس : خاف تغار سيدنا

- هههههههههههه

صبيت الغداء و كل ساعة الكتكوت رايح لمكان اروح اجيبه

تالي اجه اخذه و كال صبي اني لازمه ميصير تركضين انتِ عاقلة

اصب وعيني عليه

عبد العزيز : ركبتج راحت ترى ما نبوگة

كعدنا ناكل

الماس : هو منيلك سيد

عبد العزيز : هسة و اني طالع جابه الي واحد من الطلاب

كال اخذه لجهالك سيد

بقيت صافنه بوجهه و اللكمة بحلكي

عبد العزيز : يعني مو انتِ جاهلة هو اني جايبة لابنجً

بس مدام انتِ تلعبين هو يلعب وياج

الماس : صحيح اقتنعت

عبد العزيز : ديري بالج على نفسج مو تضلين مستهانة بروحج

الماس : ها ترى البنات بدن يعرفن اني حامل شوف بطني شكبرها

و حتى الصدرية تخنكني

- باجر اروحلج للسوك اجيب الج وحدة

انتبهي بالمدرسة هم

الماس : و يعني شنو شوكت يتحرك شو لسه خاف مشلول

عبد العزيز : شنو ؟؟؟ اسم الله اسكتي الماس

الماس : خاف اديه مگطومة ؟ لا جان تحرك برجلة

عبد العزيز : انتِ نعستي بابا كومي نامي

متمددة و اني اباوع للسكف اتخيل من راح يجي ابني

و اجه السيد للغرفة

الماس : شنو نسمي سيد

عبد العزيز : قال الامام الصادق (ع)

( سموّا بأسمائنا و أحترموها)

من زمان عاجبني إسم المُنتظر

إلماس: الله حلو

هو اجه تمدد و اني اردد

- المُنتظر عبد العزيز ، المُنتظر عبد العزيز

ترى ظلم سَيد غير اسمه المُنتظر الماس لان اني راح اجيبه

عبد العزيز : الماس حبيبتي نامي

سحبت ايده و خليت راسي عليها و رفعت راسي بسرعة

حتى هو استغرب

الماس : نسيت الكتكوت لا يطلع بالشارع

طلعت سريع وهو يستغفر لكيته يفتر بالكراج يريد يطلع

بس الباب ما بي فتحة من جوه شلته و دخلت للغرفة

الماس : كلبي حس والله جان طلع بالشارع

عبد العزيز : اي گلب والدة

اجيت تمددت و خليته بوسطنا

عبد العزيز : هذا بس لا تردين تخلي هنا للعصر

الماس : اي خطية لعد وين ينام

- دكومي شوفيله مكان كومي بس ايدي تصير عليه يموت

كمت و ضليت محتارة وين اخلي اقتربت البيت كله و ماكو مكان

فتحت الباب ضايجة جان هستوه غافي و فَز

الماس : سَيد ماكو مكان

عبد العزيز : نريد نـنام الماسسس

الماس : بس شوفله مكان بداعت ابنك

ابتسم و كام متظاهر العصبية يمشي و يدور شيء

صعد فوك و نزل بأيدة كارتون نخزن بي اشياء

و خله بداخله غطه و كاسه مي

عبد العزيز : يالله امشي نامي كملنه

تركه بالصالة و راح للغرفة دخلت للغرفة و الكارتون بيدي

هو رفع راسة بصدمه

الماس : خطية يخاف وحده خليه هنا عيني عليه

خله ايده على عيونه وهو يضحك

رجعت لمكاني و كل شويه ارفع راسي اباوع للكارتون

تالي خله راسي على ايده و بأيده الثانية حاوطني

عبد العزيز : نامي بدون حركة

ثاني يوم كعدت الصبح نضفت البيت و غسلت للكتكوت بالمي الدافي

و هو بايدي على السنك رحت للحمام اجيب الشامبو

واني عفته على السنك لكيته واكع بالكاع و يريد يتحرك ميكدر

شلته و هو بأيدي رجله عبالك عوجة

الماس : ليش تطفر حبيبي مو كتلك هسة اجي شبيك بس تركض

سبحته صار يخوف ضعيف نشفته و خليته جوه الشمس احرك بريشه

يالله صار يرجع زين

رحت جبت قطعة قماش صغيرة و لفيت رجله خليته بالكاع ميكدر يركض رجعته للكارتونه مالته و اطبخ و اني بالي يمه ضجت عليه

اجه السيد بدون ما احجي عرفني ضايجة

الماس : سَيد الكتكوت رجله توجعه ميكدر يمشي

عبد العزيز : يا طلابة الكتكوت الما تخلص

اجه شافه و حركه بقة مصدوم

عبد العزيز : ليش هذا التعنيف هذا شصاير بي

الماس : عود سبحته

- كاسرتها رجله انتِ بابا

عافه و اني التهيت بالغداء و اجيت اسوي جاي كلت خلي اشوفه

لكيته نايم الحمدلله رد الدم بوجهي هسة يكعد صاير زين

السيد ابد ما فتح موضوعه وياي و نمت كعدت بعده نايم السَيد راح للجاامع لحد ما اجه وهو نايم

اخذت العباية من ايده

الماس : خطية هذا الكتكوت شكد تعبان من رحت لسة نايم

عبد العزيز : نايم ؟ وين اكو كتكوت ينام هلكد

اجه يتفقده و اني ورا بيدي العباية اباوع شاله و حركه منا و منا

عبد العزيز : الماس هذا ميت

- لاااا

- اي والله ميت

غطيت روحي بالعباية و كمت ابجي افرفح

بعدني حتى ما تهنيت بي و مات اني بسببي وكعته

عَبد العزيز: الماس هي هاي الكتاكيت ما تطول قابل انتِ متعمده تكتلي يالله كولي يا الله و كافي بجي

و لـ نص الليل اني افرفح لحد ما حلف باجر يجيبلي ثاني

يالله سكتت

وصدك ثاني يوم جابلي واحد و اني اكلة كول لاخوك مو اني سبب بكتله والله ردت اسبحة بس هو طفر و انكسرت رجلة ما اتحمل و مات

و هذا اداري مثل روحي حتى صار نص وقتي اله

عبالك ابني

داومت و طلعت ناجحة و درجات تجنن حتى بالعربي

لان السيد درسني بي و رجعنا لنفس روتين الدراسة

الخميس كاعدة من الصبح متحمسة لان اليوم يجون هُمام و مَلك

مشتاقة الها

داومت و رجعت الظهر راح يجيبهم السَيد من المطار و اجوي احنه نضحك و متونسين و اجوي بيت عمي ضُرغام و صار بيتنه

يخبل من الهوسة المغرب دَزيت بنت نبأ تشوف الكتكوت وين

تالي كالت بنت ملك من چنه فاتحين الباب طلع و ركضت ورا ما كدرت الزمه خاف اركض و اتيه البيت بس هم ما اكدر اكذب و اكول

ما شفته كلهم اخذو الموضوع عادي و اني هم تظاهرت عادي

بس السيد يباوعلي يدري بيه كذابه

لحد الليل راحو بيت عمي ضرغام و بقوا بيت عمي هُمام

كملت الهوسة و اني انتظر شوكت يجي الليل حتى ابجي على الكتكوت براحتي طفيت الاضوية و دخل السيد و عمي هُمام

من بره رتبت الغرفة و تمددت بمكاني راسي على الحايط و ابجي بصوت ناصي

حسيت بالسيد من دخل سكتت وبقيت حابسة البچي بداخلي

غَمضت عيوني بقوة لحد ما انسحبت و صار راسي على ايدة

عبد العزيز : لو اني اموت ما تبجين عليه بگد الكتاكيت

بقيت ساكته و اتخيل اذا هو مات فتحت عيوني من الرعُب

عبد العزيز : ساكته يعني صدك الكتاكيت اعز

حضنته بسرعة بـ أثنين ايدي

الماس : لا يُمة اسم الله يرحولك فدوة الكتاكيت

حُضني بـ اقوى و لما خانه التعبير صار يطبع بوسات عشوائية

بوجهي و هو مبتسم

عبد العزيز : الماس يا الماس انتِ صدگ الماسه

الماس : ماعندي حظ بيهن شلون يتحمل الانسان شخص يحبة

يموت اني كتكوت و ما تحملت

اختي زهراء ما اتذكرها و ابجي عليها اكول خطية

همزين ما اتذكرها كلش جان متت

عبد العزيز : الموت صعب على الاحياء اما الاموات يرتاحون

الامام علي (ع) كالو اله ما هو الشيء الذي اشد من الموت ؟

قال فراق الاحبة ..

يعني امواتنا يرتاحون بس احنه شيصبرنا عليهم ؟

الموت راحة و حَق و الاكثر حظ هُم الي يموتون قبل وقتهم

يعني بـ ريعانة الشباب هذولة رب العالمين ميريد يلوثهم

بمُغريات الدنيا قبل لتلطخهم سحبهم حتى يصعدون نظيفين

الماس : يعني انتَ متخاف من الموت و يوم القيامة

عبد العزيز : بالعكس وين اكو احسن من يوم رب العالمين

من دون البشر يصيح بـ اسمي و يكول الهم جيبوا اريدة

لو اني صالح ما اخاف مثل الشاطر الدارس

و اذا عاصي اكيد اخاف مثل الي ما محضر امتحان واجتي الاسئلة

اما عن يوم القيامة فـ الامام جعفر الصادق (ع)

يقول القيامة عِرس المُتقين تخيلي يوم القيامة الي الكُل ترتعب من اسمه

وللان محد كدر بوصفة هو للصالحين عرس لان ما عندهم شيء

يخافون منه

الماس : بس شوف سيد افهمني افهمني

عبد العزيز : افهمج حبيبتي

الماس : مثلاً اني احب شخص كلش هواي هو طبعاً انتَ اكثر واحد احبة بس اسم الله عليك و تموت اكيد انتَ بالجنة و مرتاح

رب العالمين مينقهر عليه ؟

عبد العزيز : شوفي يا عزيزة الروح

الماس : طبعاً هذا الموضوع مو سهل حتى نجاوب عليه بمختصر

- هههههههه

- حافظتك حافظتك

عبد العزيز : رب العالمين من كد ما يحبنه و يشوفنه متعلقين بشخص

نحبنه اكثر من رب العالمين ياخذه من عندنا حتى نعرف احنه غير رب العالمين ما عندنا و نرجع اله بالنهاية

فـ هو يخبرنا بـ احبابنه و اعز ما نملك يشوفنه

گد الاختبار ؟ و راح نبتعد لو نقترب

الماس : يعني هو ميقبل نتعلق بغيره ؟ يريدنه بس اله

عبد العزيز : نعم و لو كل الناس تعيش تحت هذا المبدأ

جان ما صار و لا ذنب على الارض

الماس : و يبقى ينتظر شوكت يموت حتى يشوف حبيبة المات ؟

عبد العزيز : اي و اكو بالجنه مكان لمن شخص يموت و احد يعرفة

صديقة او اقاربة موجود بالجنه ينتظرونه بالباب

ينفتح باب الجنه و يدخل هو يلكى كل الي يحبهم الاموات

واكفين يستقبلونه

- الله شكد حلو

عبد العزيز : كل شيء رب العالمين محضره النه حلو و ما ينوصف

حتى بالخيال بس احنه ناس صلفه و مستمرين مفضلين

النار على الجنه

الماس : حتى صرت اتمنى اموت علمود اشوف يوم القيامة

عبد العزيز : كل بشر يموت بيومه بالساعة و الدقيقة و الثانية

نمت و من كد ما الكلام آثر بيه نسيت حتى الكتكوت

ملك ما تخليني اشتغل بحجة حامل و هي ما تدري

اذا ما اشتغل يوكع الطفل من كد ما احب الشغل

مَلك : ولج والله موضوعنه بيج اني و نبأ كل ما نكعد

تسولفلي عليج و على سوالفج لحد ما نموت من الضحك

الماس : و هاي اني المضحكة مالتجن شُكراً شكرًا

هي الطعنة تجي من اقرب الاشخاص

بالليل رادوا يرحون لبيت عمي ضُرغام و بعدها عمي اجلها

طلعوا بره يسولفون ما اكدر اطلع اتصنت خاف يشوفوني

لزمت وحده من بنات ملك و كلت الها اطلعي

سمعيهم شيحجون اذا تحبيني حتى انطيج لعابة جبيرة

ملك : يا ولج شيحجون قابل هي مواضيعهم دينية معروفة

الماس : لا مو انتِ ما تدرين كعدت اسولف الها على الهدية

ملك : سمعت ولج بس عبالي ما تدرين

يا يا حظج يا الماس صارلها الاء سنين ويا محد انطاه هدية

لعد شكد مرزوقة خية انتِ

الماس : خلي انفكر عمي اني فگر

بقينه كاعدين نسولف و طبت بتها تلطم على خدها

مثل سوالف امها نُسخة

- ابشرج غير عمي راح يتزوج عليج والله حتى ابوي

يكله ياخذولها بيت وحدها وفضو السالفة

خو ما تبقى هيج

ملك سدت حلگها و اني بقيت مصدومة و الف قصة خيالية انرسمت براسي و كلت حتى عمي هُمام اجه حتى يحضرون بعرسه

اخذت تليفوني وسديت الباب و اني ابجي

خابرت امي

الماس : ماما تعاليلي تعاي

رحاب : شبيج حبيبتي شبيج تزوج مو

الماس : يمه يريد ياخذ الها بيت وحدها خاف اني اعرف

ما خايف عليه خايف على الولد

رحاب : يا عشتو والله اخلي يحلم يشوفج و يشوف الولد

باجر اجيج الصبح اني

الماس : تاخذيني ؟

رحاب : اي اخذج هم عوز تبقين يمه والله

الماس : و المدرسة

رحاب : انعل ابو المدرسة اني اخلي رجل جوهرة ياخذلج

اجازة باجر باجر جاية

سديته منها و كلبي يرجف

من الخوف فتحت القفل و غطيت راسي و نمت حتى بدون ما انتظر السيد كعدت الصبح على هوسة السيد بالغرفة

عبد العزيز : راح اخذ هُمام و عائلته وياي لبيت ضُرغام

يعني اليوم ارتاحي

ما جاوبت بس هزيت راسي

عبد العزيز : امج دكت عليج نامي مبينه نعسانة اذا ما كدرتي

تسوين غداء لا تسوين مو لازم اني اجيب

راحوا و اني احس النار تاكل بگلبي اكل و الخوف وياها

دكيت على امي كالت راح اوصل من الفجر طالعة

احس بطني صارت توجعني بقوة

بقيت كاعدة بمكاني مرت اكثر من ساعة و نُص واندك الباب

دخلت امي و وياها مره اكبر منها بس حلوة

رحاب : يالله امشي يالله

الماس : و اذا عرف يمه شلون

رحاب : امشي اني اريده يعرف

النوب جديدة هاي عليه مال هدايا وين عايشين بيا عصر

الماس : خلي اخذ ملابس

رحاب : حتى ملابس متاخذين

نويرة : هو وين يشتغل امشي نروحلة

رحاب : و لا نروحلة هو يجينا ، يالله الرجال واكف

لبست عباتي و طلعت و بس التليفون بأيدي صعدت وياهن

و كل ما تبتعد السيارة اخاف اكثر و يصير الم بـ بطني من القلق

...

أعرفك و أعرف بـ كلشي

الـ يضحكك هَم و الـ يبچيك

من أكول شبيك ؟ جاوبني

لـتچذب ع المرَبيك

- رُسل فَهد

صارت اكثر فقرة احبها

شنو الموقف الصعب الي تمنيتوا الموت و لا صايرين بي

؟ 🫶🏻🥺

و تخلصتوا منه او لا !!

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

من الارشيف عام ٢٠١٩ م

أختلاف الحَرب و الحُب بَس " سواتر"

الما يحلها الرادها موجودة المن ؟

كون تنگص الظفاير

يكفُر الگال العشگ مابي ظروف

و تكفُر من تجيب سالوفة جهال ، گبال عاجر

خيبة الاشجار تكتل

من يجيبها الفَاس يركض

أيد ما عدها تكض بيها الخَواصر

الصرخة بالَمغرب تجيني و خايفة لو تطلع اكفر !!

لان أدري بصوتها يعلى إعلى صوت أهل المناير

- أنا اول وحدة ما رادت تعيش

- و أنا أول وحده ما تتمنى بَاچر ..

- رُسل فَهد

...

جوهرة

وحدة منهن تحجي و تتلفت و تگرص بأيد الثانية

انتبهت الها وكفت عدل

جوهرة : راكان مو هنا ؟

- لا لا هسة يجي راح يتسوگ النه

وحدة تأشر للثانية بعيونها و من دخلت امهن سكتن

تالي صاح ابوهن بصوت عالي وهن وحدة لزمت ايد الثانية

امهن انخطف لونها بسرعة

- شكوو

نسيم : يمه يمه حَياة رسمت راكان و حبيبته و ابوي اخذ الدفتر من عندها و احنه كاعدين بالغرفة وكال انزلن ساعدن امجن

لطمت على وجهه و ما ادري شدعوة و شنو هاي المُبالغة بالخوف منه

- ولجن تردن تموتني انتن امشي امشي شوفيلج چذبة امشي

حَياة : والله معليه اني

الام تباوعلي و خجلانه مني

جوهرة : هو ميعرف ؟

ام راكان : شيعرف خالة مسيحية غير يذبحة والله يذبحة

ردت اكوللها حتى اني اذبحة بس شفت الوضع ما يسمح

صعدت الام دكله اسكت هاي البنية هنا وهو و لا يسكت

ابو راكان : ابنج يحب مو اني ادري شاك بي بس اجذب روحي

ام راكان : شو بالله خل اشوف يا هاي هيج بالتلفزيون طلعت

هو يكلهن حلوة و اخته تريد تفرحه رسمتها

ابو راكان : اي اي مَضحك عندج اني مضحك و هاي

الكتابة الجوه شنو شنو تاريخ اللقاء و الاعتراف زعطوط عندج

و عند بناتج اني

انفتح باب المطبخ و دخل راكان بيده المسواك مستغرب الصياح

شافني ابتسم رغم ملامحة الـ واضح عليها القلق و الخوف

ترك كل الهوسة و اجة باسني

راكان : شكو شبي ابوي

حياة : راكان والله اسفة ما ادري ردت افرحك رسمت رسمة انتَ و ميرام و كتبت موعد اللقاء و الاعتراف و اسمائكم و ابوي شافها

صعد فوك و اني گلبي يمه لا يضربه ابو

راكان : شبيك بابا اهدأ اهدأ امي راح تتخربط و هاي

البنية اي صحيح وياي بالكلية و احبها بس تفارقنا و الرسمة قديمه

ابو راكان : هو انتَ كلك مرحلة اولى شوكت تفارگتو

من لزمتك هذاك اليوم تحجي وي بنية جذبتني

عبالك اني غشيم

راكان : يابة ما اجذبك بس انتَ عصبي و متتفاهم

شلون احجي وياك هيج موضوع

حجة بصوت اعلى من نبرته العالية حتى اني الما اخاف خفت

ابو راكان : والله ثُم والله و الكُل يسمعني يا راكان

اني دازك تدرس اذا سمعتك عندك علاقة وي بنية ، اكتلك

صدك هالمرة اكتلك

نزلت الام و بقى راكان يهدأ بـ ابو

ترخصت و طلعت اباوع للام تريد تكتل بناتها بس اني واكفة

بعينها طلعت و اكول بكلبي الله يساعدهم على عصيبته مشكل الهم رُعب حتى اني من الخوف لسة ايدي ترجف

رجعت للبيت و ورا ساعتين اندك الباب و اجاني راكان

راكان : ما شفتج كلت اني اجيج

جوهرة : هلا بيك حبيبي

- همزين ابو الغيرة العراقية ما موجود اريد اكعد اسولف وياج

- ههههه خطية والله حتى من السفر ما ارتاح

راكان : حسرة عليه ابوسج الما دازلي بصمة فشار

على الماسنجر

جوهرة : شنو قصة المسيحية

- شمدريج مسيحية ؟

- امك كالتلي

راكان : جوهرة اني اعشقها تعرفين شنو يعني احبها حُب ما صاير

شفتها اول يوم بالجامعة هي مرحلة ثانية بس اني اكبر منها بالاشهر

لان اني عايد السادس جوهرة اوكفي خل اشوفج صورتها

فتح التليفون. وهو مبتسم و الفرحة واضحة على ملامح وجهه

و هو يحجي بيها

انطاني الجهاز و اباوع لصورتها فتحت عيوني من صدمة جمالها

كأنها لعابة سُبحان الخالق هي تضحك و الشمس ضاربة عيونها

الخُضر و شعرها اشقر قصير و لابسه بدي ربع ردن

و ايد على زندها مال رجال

جوهرة : عزه هاي ايد مَن ؟

- ايدي

بقيت اباوعله بَعد الصوره و هو واكف بصفها بس جان مقرب بس وجهه حتى اني اشوفها

جوهرة : يعني تحبك

راكان : تموت عليه بس جانت تستحي ما تحجي

قسم انكليزي هيَ حتى اللغة العربية لخاطرها كرهتها

جوهرة : و ابوك شلون ؟

راكان : هو بس ابوي حتى اهلها هي اريد تَسلِم علمودي

بس امها ما تقبل ، كالتلي حتى اشرد وياك

جوهرة : يعني ابوك هاي عَصبيتهُ و ما يدري مسيحية

لعد اذا عرف شيسوي

راكان : ميسوي بس يذبحني

جوهرة : شلون صارحتها و هاي

راكان : كلها تعليمات رجلج خلاني اجيبها للطريق

بقيت فاتحة حلگي

- يعني تُراب يعرف ؟

راكان : اي طبعاً او ايام اني اراقب بيها بعد ما صرت اشوف وحده غيرها مادري شسوت و عمت عيوني سولفت لرجلج كال خليها تحبك

بس ما تعرف انتَ منو و وصي ابو الكافتريا شنو تاخذ يكوللها واصل

بقيت اراسلها بالفيس تعرف اكو معجب بيها بس منو متدري

جوهرة : والله هذا تُراب يخوف من صدك

راكان : هي كل يوم تريد تعرف منو اني بالبداية جانت عصبية

النوب صارت تاخذ الموضوع بضحك جانت تحجي وي شباب ويانه

و اني اموت اشتعل

جوهرة : طبعا منو نسيبك

راكان : كلت الها ترى اضوج من تحجين وي احـد

صارت تبتعد عن الكُل و بس اني تتصل وتراسلني بالجامعة و بالبيت

صار عيد ميلادها طبعاً عرفته من نبذة الفيس مالتها

كلت الها باجر اشوفج

اخذت الها هدية و رِحت لان بعد ما اتحمل شهرين اراسلها و ماعرف منو اني من اجيتها من فرحتها حضنتني گدام العالم

وهسة تبجي لان ما كاعد اداوم عبالها عفتها

جوهرة : الله شكد حلو

راكان : لازم اتزوجها حتى انقلها وياي السنه الجاية

جوهرة : لازم تسايس ابوك

راكان : اي بس ابوي هي اهلها بس امها و اخواتها اثنين

يزعلون عليها و يرجعون ما يكدرون عليها

و اني عادي حتى امها اروح الها اقنعها

جوهرة : خلي امك تأثر على ابوك

راكان : هي امي من الخوف من افتح طاريها تخلي ايدي على حلكي

بس خواتي لا اسولف الهن كلشي

جوهرة : مادري والله ان شاء تنجمعون بس سالفتكم تحير

بقيت افكر بي و بقصته لحد ما راح اتصلت على تُراب

و كتله و عن طريق الكلام چفصت و گتله

ابو غير راد يكتله و امه لزمته

تُراب : و شمدريج انتِ ست جوهرة

جوهرة : هو كلي غير

تُراب : زين يا يعني ما رحتي منا منا

سكتت و كلت خاف يعرف بس يريد يستجوبني ماكدر اكذب اكثر

تًُراب : شو سكتي ست جوهراااا

جوهرة : احم اي هو رحت الهم بطريقي ردت اشوف راكان

تُراب : و بدون ما ادري عادي عندج

جوهرة : كلت من ارجع اكلك

تُراب : اه ؟ و اذا رجعتي و كلتلي و كتلج لا شلون بهالحالة

جان يحجي و مبين يشرب چاي بكل برود

واني بس بهاي المواقف احب البرود

جوهرة : مو ادري بيك مدكلي لا

تُراب : لا حبيبتي انتِ حتى لو كلت لا حجايتي و القندرة

انتِ الـ براسج لازم يصير

جوهرة : لا طبعا ماكو هيج كلام اني وياك ما بينا هيج سوالف

انتَ ثاق بيه و منطيني الصلاحية بكلشي

تُراب : بدون جذب لا تقوليني اشياء ما گايلها

جوهرة : هسة دعوف هذا الكلام مشتاقتلك

تُراب : لا تغيرين الموضوع حبيبتي جاوبيني ليش تجذبين

- ما اجذب حياتي لان انتَ اصلاً حافظني يعني

- جوهرة اني مو قشمر عندج

جوهرة : لا تطوخها و تزعل ما يلوكلك الزعل و اني مشتاقتلك

تُراب : عَن جد مشتائتلي ولا بدك انسى الموضوع

جوهرة : حبيبي شينسيك هو انتَ اللبناني لسه ما نسيته

تُراب : جوهرة المَلحة شو ما احسج مرتي و تخافين مني

حتى اصدقائي يخافون مني اكثر منج ماخذج الواهس

ولا جنج متزوجة

جوهرة : حياتي هو اني كضيت عمري افتر تريد من تالي انتَ

تحبسني الطيور ما تنسجن و اني ... ردت احجي وسكتت

خفت لا يتذكر و ينقهر

تُراب : انتِ حمامة طبعاً

جوهرة : اني ما اخاف منك تدري ليش

تُراب : غردي بالله ليش

جوهرة : لان اني من عرفتك صرت ما اخاف من كلشي لان انتَ

مصدر الامان بالنسبة الي فـ شلون واحد يخاف من مصدر امانه

تُراب : علمته الرماية وصَوباني

ضحكت

تُراب : يعني انا اكلج لا تخافين من العالم النوب

حتى انا ما تخافين مني

جوهرة : هسة شوكت تجي باجر مو

تُراب : اشوف

- شنو تشوف عمي مشتاقتلك

- اويلي

جوهرة : اويلييييي

ضحك بصوت عالي و سديته نمت و اني مبتسمة

ثاني يوم الظهر بقيت واكفة انتظر نويرة و امي ماكو

دخلت للبيت و المغرب اجه تُراب جايب ايباد لدعبول

و دعبول من الفرحة يصعد الدرج و ينزل

ما يدري شيسوي

بس تُراب بسرعة طلع من البيت طلعت ورا مديت راسي

شفته يدك بـ باب بيت نويرة

صحت تُراب ما جاوبني بقى يحجي و طلعت اله امي

شوية و اجه متوتر صعد فوك

صعدت ورا

جوهرة : تُراب احجي عاد

تُراب : اختج بَراء شوكت اخر مرة حاجيتيها

- قبل ثلاث ايام هيج هي دكت عليه ليش شبيها

- رجلها راجع للبيت ما لاگيها هم مسولفتلج شيء هيَ ؟

جوهرة : لا بس امي كالتلي رجلها يريد يتزوج و هي منهارة

حتى امي كالت اذا تزوج صدك اجيبها لهنا و يطلكها

تُراب : اني هم شكيت امج و هو هم شاك لان يكول اتصلت عليها الصبح بس امج دكول ما موجودة

جوهرة : يمه وين راحت ، خاف مرته ورا السالفة

تُراب : يكول لا اصلاً مسافرة و متزوجة

بقيت واكفة مصدومة لزمت راسي

- لعد وين راحت هي اصلا تموت على رجلها

تُراب : دكي على رقمها نزلت اركض اخذت التليفون من دعبول و هو محتار بالايباد و صعدت و اني على الدرج اتصل و ايدي ترجف

طلع الجهاز مغلق

اباوع لتُراب وجهه انطعن

تُراب : هسة حتى خوالي انعدموا و ماتت كل ثاراتهم جان كلت

ما كدروا ياخذوج اخذوا اختج

جوهرة : لا قابل حتى لو هم شمدريهم بأختي

تُراب : جا منو السيد يكول بحياتي كلها ما مار بهيج موقف

و البنية حامل

حطيت ايدي على صدري و دموعي تجري دك عليه رقم اميرة

ما جاوبتها صار يدك اكثر من مره خفت من ملحتها جاوب

اجاني صوت الماس

الماس : الو جوهرة اني الماس يم امي ببيتها هي اخذتني

بقيت مصدومه و الجهاز بأيدي

تُراب يباوعلي هستوه ساد المُكالمة

- شكوو. ؟؟؟ شبيج

جوهرة : تُراب الماس اختي بـ بيت نويرة امي ماخذتها بس شوداها ؟

ما جاوبني نزل يركض و اني اركض ورا طَبيت لغرفة عمتي اخذت

عبايتها و طلعت هو يدك الباب بقوة اول ما انفتح دخل و اني دخلت ورا فتحت الباب نويرة و مبين على شكلها ضامة شيء

تُراب : نويرة وين مرت السيد

زفرت نفس قوي

نويرة : جوه فوت

دخلت اني قبله لكيت الماس كاعدة بعبايتها و ربطتها و تبجي

رحاب : ما ترجع كولي لرجلج لا يتدخل

جوهرة : شجابج شوداج و ليش السيد ما يدري

رحاب : يريد يتزوج عليها شعدها باقية يمه

دك الباب تُراب بطرف اصابيعه

اميرة : فوت يمه فوت

تُراب : جا ليش من اكلج هنا دكليلي لا ام جوهراا شنو هالتصرفات

الرجال عباله مرته طالع و خاطفيها

الماس رفعت وجهها بخوف و تمسح بدموعها

الماس : عمو كله الماس ما ترجع بعد راح تبقى هنا

بس هم كله اني وين خطية لا يصعد ضغطة

تُراب : خويه بعد عمج و انتِ شلون تطلعين و رجلج ما يدري

لو هاي الحالة تمشي بدمجن

بَاوعتله بخَزرة

- و ليش السيد يريد يتزوج

الماس : انطوه هدية

تُراب : اويلي

رحاب : كله خل يطلكها و يتزوج براحته و ابنه من تجيبه ندزه اله

تُراب : عمي الرجال خوش الرجال يجوز ما يتزوج

مادري مادري بس عمي عيب و فشلة تاخذين مرته بدون ما يدري

شلون اخذتيها

رحاب : رحت جبتها و اجيت

تُراب : والله عمي تدكين دروب

رحاب : و انتَ شنو و تحاسبني بنتي مو ماعندها اهل و يجيب ويلطش عليها نسوان و حتى هاي جوهرة بيوم الـ تزل وياها احرمك منها

تُراب : حتى احرمجن شم الهوى انتِ وياها غير

طلع و الجهاز بيده طلعت ورا بالشارع و دخل للكراج اتصل

عَلى السيد و كله سيدنا اعتذر اني دزيت واحد من الجهال لان

توني طَبيت للبيت من الدوام بس هسة رحت اني و اختها

مرتك يم امها ، امها جايبتها لان اكو سالفة زواج يمكن سمعت

شوية و سده

جوهرة : شكال ؟

تُراب : انصدم الرجال كله من جوه راس امج حتى البنية تريد رجلها

- اي هي تحبه والله صدمتني امي بس هو ليش يريد يتزوج

- رجال اجته هدية يعني ليش يرجعها قابل احسن من البني محمد

(ص) هو النبي ما رجع الهديه

جوهرة : لا والله وكفت ويا طبعا لان السالفة بيها نسوان تكيف

تُراب : اني يعني تجيني هدية و ارفضها اي ليش شبيج تسودنت

جوهرة : ما بيه حيل اناقشك بس اكلك اذا عاجبك

تلحك خوالك بكيفك

بقى يراسل و كل شويه يسألني شيء

نزلنه يم عمي و خاله بالليل و تُراب احسه شايل هم الماس اكثر مني

سولفت لخاله كالت ما يصير تصرف امج غلط بس هو هم

ليش يريد يتزوج خطيه مرته

ابو تُراب : باجر الصبح جيب النه صوندة طويلة هاي مو كلش

تُراب : اكيد يابة انتَ اذا ياخذك الواهس برش الشارع تريد

تبلل حتى الشارع

اابو تُراب : قابل مثلك اني حياتي بس نوم و جكاير و فشار

تُراب : جا منو صار اله اسبوع بالدوام

ابو تُراب: لا تخبصنا هو ستيرن حركه مشت السفينه ووصلت

لو ترمي على الحدود شسويت

بقى تراب يضحك و يمسح بشواربه

لحد ما صعدت و اني بالي كله يم الماس مبينه خايفة

و بنفس الوقت صايبني شعور فرح من اشوف امي شلون مهتمه

بأمرها توقعت مابيوم ممكن تدافع النا

شوية و دخل تُراب يراسل و يضحك حجيت و اني اعدل الفرشة

جوهرة : والله هي الزلم ما تتأمن حتى السيد يريد يتزوج

لعد ابو النسوان شيسوي

يسوي نفسه ما يسمعني و هو لام شفته لداخل حلگة من الضحك

تمددت و اجه يمي سَد الجهاز

تُراب : ترى انتن ما فاهمات موضوع الزواج عدل الزواج ع كد المحبة

مثلاً السيد يحب اختج جاب الها وحدة تساعدها

اني تدرين بيه شكد احبج اكيد ما اجيب وحدة

جوهرة : شحدك

تُراب : اي اجيبلج اثنين ثلاثة يساعدنج هو اني متزوج متزوج

جوهرة : كل ما زاد عدد الزوجات كل ما جانت جريمة الموت ابشع

حاوط خُصري و هو يضحك

تُراب : اني الاملح مخلي عندي اشباع ما عَيب ادور غيره

جوهرة : عبالك اختي ما تحبة غير تعشق رجلها سولفتلي شلون حبته

حتى بچي كمت ابجي تخيل هي تحبة و هو ميدري و من دره راد يبعدها بس هي ما كدرت تبتعد تالي استسلم الها و حَبها

تُراب : اويلي بس من طريقة كلامه مبين راح يطلعها من عين اختج

جوهرة : هسة ديالله فوگ حگة طگة فوك ما يريد يتزوج هو المان علينه

تُراب : اني مرتي تطلع بدون ما ادري خرب

باوعتله بـأستهزاء بمعنى اذكره

ضحك و جَرني من شعري

تُراب : عمي بنات رحاب انتن صلفات على امجن حتى

السادة ما تكدر الجن

جوهرة : اي والله و يريد شرطي السمج يكدر النه

تُراب : انعل والديجن اني غير مرخيلج الحبل شوية اكول خطية

ما شافت شيء من حياتها

جوهرة: تؤ تؤ تؤ اويلي

سحب ايدي و صار فوگاي

تُراب : شو صايرة مستهترة حتى الـ اويلي من دكوليها تجريها جَر

جوهرة : أويليييي

- اشتعلو خوالي و خوالج

- طبهم طووب

اضحك بصوت عالي و احرك راسي وهو مقيدني

جوهرة : وخر لحيتك تقرقرني تُرااااااب ...

ثاني يوم الصبح كعدت مبتسمة احب الايام الي هو موجود بيها

حتى الشمس احسها تطلع بضوء اقوى و العصافير

تغرد بصوت اعلى و الچاي يخدر بسُرعة مدري كل العوامل الصباحية

تفرح وياي مدري هذا خيالي هيج واصل مرحلة

سويت ريوك لعمي و عَمتي لغرفتهم و دعبول بعده نايم الظاهر سهران

على الايباد و رتبت صينية اله و صعدت

فتحت البردة هو تگلب و دار وجهه

جوهرة : يالله تُراب سويتلك ريوگ گوم

كال بصوت نعسان

تُراب : شبعان من الليل حياتي

شلت الكوشه من الكاع و ضربته بيها

جوهرة : فضها يالله ولو متستاهل

دخل للحمام يغسل و طلع

تُراب : اني ما استاهل ليش ليش مع الاسف

انظف بالغرفة و هو كعد ياكل

تُراب : متاكلين ؟

جوهرة : لا

- جا انتِ الشبعانة مو اني

جوهرة : استغفررررر الله

تُراب : تعاي خلي عسل على الاكل

جوهرة : عسل ؟ ما عندنا عسل ما جايبين

تُراب : عيب عليج والله جا انتِ شنو يالله تعاي اكلي وياي

كعدت اكل و اني مبتسمة

جوهرة : تُراب و شصار بموضوع الماس اختي

تُراب : الماس شنو كولي بَراء اني متعود بَراء

- هسة دكول

- ما ادري والله بس اعتقد اله جَيه

جوهرة : ياخذ الماس ؟ اذا متزوج صدك مترجع

بعدنا نحجي و سمعنا دگة البَاب اني من كد ما خاف من دكة

البيبان بقت اللگمة بحلگي

تُراب راح يم الشباك و دار وجهه مبتسم

تُراب : اويلي هذا السيد لاعبة بأحواله طفلة هههههه

احس صار الم بمعدتي من الخوف

تُراب فتح الكنتور على السريع بدل و نزل

و عمي جوه فتح الباب

نزلت ورا

ابو تُراب: صبي چاي عمي

جوهرة : شكد هم واحد مو ؟

ابو تُراب : لا ثلاثة السيد و أخوانه

التليفون بأيدي اتصلت على امي كالت اي شفتهم ادري بي يجي

دازلها رسالة حتى للشغل ما رحت

اسمع صوت زوج الماس يگول

- ما اريد اطرق باب ما بي رجال ابداً بس يسوولي طريق

عندي كلمتين وي امها

تُراب : هي طفلة سَيد و امها مفتهمة الموضوع غلط لان هُم كالولي

سالفة زواج و هدية ، و امشي وياي هم محسوبين عليه

اجه تُراب يحك بشواربه

اخذ السيد و طلعو و اخوانه بقو كاعدين يم عمي يسولفون

اخذت العبايه و طلعت ورا هم باب البيت مفتوح دخلت للكراج

تُراب ينزع بحذائه شافني بقى مصدوم فاتح عيونه

جوهرة : الفضول وداعتك الفضول

صگعني على راسي و طَبيت

إمي و لا ذرة خوف بعينها عكس الماس حتى وجهها مغطيته بالربطة

اميرة كاعدة بالمطبخ دكول يروح يشور بينه و احنه ما بينه حيل

تُراب كاعد يم السيد و بس يمسح بشواربه و مبتسم

و اني واكفة يم الباب و تُراب يأشرلي وخري وكفت على الحافة

و بس أذاني مبينه

عبد العزيز : لو لم يكُن السلام واجب ما انطقة

كيف تتجرأين و تاخذين زوجتي و هيَ حامل

بدون علمي و بهذا الطريق الطويل و بالاضافة

انُ حتى من وصلتوا غلقتوا الجهاز و ما أنطيتوني خبر

رحاب : خاف ما تدري سيدنا مرتك بنتي تصير

عبد العزيز : بالجديد صارت بنتج هذا عُمر كامل هي تحت أشرافي اني فـ بأي حق انتِ تهدمين ما بنيت ؟

رحاب : شتريد لعد اخليك تتزوج عليها و هي بهذا العمر

و تبقى يمك ساكته و صابرة و متحملة لا والله لو على جنازتي

عبد العزيز : لو أريد اتزوج ما راح اجي أخذ أذن من حضرتج

و هي اكثر شخص يعرف إني موضوع الزواج هذا لخاطرها

شگد عانيت منه لكن هذا الخطأ الي أرتكبته يُستحال اني

بيوم اسامحها بي

رحاب : لا تسامحها لان اصلاً اذا تزوجت هي بعد ما ترجع

عبد العزيز : تعرفين كمية الذنب لمن اخذتي بنتج من غير علم زوجها

مديت راسي لكيت تُراب يباوعلي

رحاب : ذنب بنتي اني احمله الله غفور و يسامحها

بس انتَ شلون تكدر تتزوج عليها شو الي بعمرها عايشات

حياتهن بس هي بكلشي متنازلة لخاطرك

عبد العزيز : متنازلة ؟ بشنو و من شنو حارم بنتج أني

هاي يمج و سأليها

رحاب : تتزوج طلكها تنهي موضوع الزواج تعال و اخذها وياك

عبد العزيز : لا مو لازم خليها يمج احسن

و لمن تريد تولد انطوني خَبر حتى اجي اخذ ابني

حچاها و عدل عبائته و گام

راد يطلع و يم البَاب حچه ويَ تُراب

اجه تُراب و الماس واكفة يم الباب تبجي

تُراب : جوهرة كولي لاختج السيد يريد يحاچيها

طلعت بسرعة اول ما سمعت و تمسح بدموعها

طلع تُراب و بقى السيد وياها يم الباب واگفين

جوهرة : هسة يمه والله سويتي النه سالفة شكبرها

رحاب : اش انتِ اش

جوهرة : كلنه صيري حنينة بس مو هيج

حجيتها و اني اضحك

رحاب : بالله انتِ لو يكطعج هم ادافعلج لا والله لان اني امج وشيبتيني

جوهرة : وينه الشيب شو يومية عصارة صبغ شكل

....

الماس

واكفة يم الباب و اريد بس يبررلي الي سمعته ليش

للان ما ذكر غير خطئي كاعد احس روحي اموت مرتين

مره عليه و مره على المدرسة و بنفس الوقت من اتخيل فكرة زواجة

احس الدنيا كلها تخنگني

عبد العزيز : عتبي عليج انتِ المُشكلة انتِ حافظتني

تطلعين بدون علمي الماس تعرفين شنو من خطأ ارتكبتي

الماس : اني والله ما ردت اطلع بس امي جرتني قوي

عبد العزيز : زين ابقي يم أمج

الماس : سَيد هو انتَ تريد تتزوج خصم الحجي مو ؟

عبد العزيز : ما جانت هاي الفكرة ببالي و حتى الكلام الي نقلته الج بنت هُمام جان يخص الاء مو يم اي موضوع ثاني أخوانها

يردونها تفسخ الخطوبة و يكعدوها بـ بيت هي و امير قريب على بيوتهم

الماس : شنو ؟

عبد العزيز : بَس مدام انتِ رتبتي الموضوع حسب خيالج

فـ تحملي نتيجة غَلطچ

الماس : لا خلي اروح وياك

عبد العزيز : ابداً

حچاها و هَد أيدي

الماس : شراح تسـوي

عبد العزيز : بَس أتزوج ما أسوي شيء

طلع و مَد ايده على الباب سَده بقيت ابچي

و اجتي جوهرة تشوف شبيه و شنو گلي

الماس : راح يتزوج راح يتزوج

جوهرة : خلي يتزوج و انتِ مترجعيله شنو ما عندج احساس

يتزوج عليج و تروحين ويا

دخلت ابجي و صعدت فوك اني و بطني الي بدت تصير ثقيلة

سديت الباب عليه و ابچي و عقلي اخذ راحته بالافكار و المشاهد

يرتب بكيفة كلشي حتى اللحظة الي راح اولد بيها و يجي ياخذ ابنه

لا السَيد مو بهاي القساوة

لحد الليل صعدت نويرة نزلتني يمهن و تنطيني فواكه

نويرة : يا بعد بيتي هذا الجاهل شله غرض بعركات امه و ابو

كاتله الجوع يكول للملائكة انا جوعان بس اني ما تنطيني اكل

بسرعة تأثرت و انقهرت و اخذت من ايدها اكل

رحاب : يعني هو راكب براسة يريد يتزوج هسة لو بعدين

اميرة : هسة هاي سالفة الهدية ما خلصت شوف العالم

وين وصلت للقمر

نويرة : والله انا كلشي اتقبل من الزلم الا هاي ياااااع انا نايمة

و اعاين من يسد الباب عليها و انا بمكاني كاعدة أنشوي

يمااااااا يا يماااا

اميرة : هسة غيرن الموضوع حَبيبات خلنها ترتاح

رحاب : شو صغيرة و حلوة و حامل الك بولد و شايله البيت كله

و هم تريد تتزوج ولكم هاي الزلم شيغزر بعيونها

نويرة : صدك عايني بوجهي دهر فرج رحيبة على هاي الخلفَة كلهم

حلوين

اميرة : شو مبين ما يدرو هاي السوالف خوش رجال

الماس : والله هو خوش رجال و مدللني دلال حتى كتاكيت يجيبلي

ياخذني للمدرسة ويجيبني ويجيبلي الواجب كلشي اريد يسويلي

بس اني مقهورة شلون كلبه ينطي يتزوج عليه

و هو يدري شكد احبه

رحاب : جا هو هذا الرجال من يعرف شگد تحبي يستغلچ

لان يعرف انتِ ما تكدرين عليه و متعلقة بي يكول ما تعوفني

نويرة : أسأل مجرب و لا تسأل حكيم

رحاب : و نَفس الـ سِده إعلى أمي سِدالي

نويرة : شلج بالزواج ابقي يمنه نشبعج ونسه هاي جوهرة اختج تتحسر على عيشتنه شلج بالرجال ما يوكل خبز هذا بيتي

دار الارامل و المطلقات لا اسم الله عليج من الطلاق خل يموت

لا يمه جده رَسول الله دخيل عمامته شلون ما لون هم نستقبلج عادي

الماس : اسم الله الرحمٰن عليه

بقن صافنات بوجهي

رحاب : انا الله باليني بـ بنات يموتن ع الرجولة

غُمزت الها نويرة

- منو امهن

رحاب : لا تجيبين طاريه انسي يالله ماشفتي شلون جاي هداد

الماس : اني احبة يُمه اصلاً مو بس احبه اموت عليه

اصلاً ما احب اكل الا هو يسويلي لفات صغار

و هو ما حارمني من شيء بالعكس شريد يسويلي

اميرة : مبين من عيونج شكد تحبي والله

الماس : والله اصلاً اني حبيته اول شيء لان هو سوالفة حلوة

تخلي كل الناس تحبه يفتر كل المكاتب بنص الليل علمود يجيبلي

جلاد ابو الورد بس الي ما يخافون الله يردون يزوجوه و يعوفني

نويرة : لا يغرج هو لو يحبج ما يتزوج لو تصير مكاتل للركب

لان هو لو يحبج يدري بروحه بعد ما يتقبل غيرج مره

فرشت الي امي و نمت بالكوه و اني اتذكر كل موقف لمن اسحب ايده و انام عليها و بدت تمُر الايام واهس لكلشي ما عندي

بس الصلاة احسها الشيء الي يربطني بي و من اسولف

احس كلامي يوصلهَ

فتحت تليفوني و أتصلت عليه اكثر من مره ما جَاوبني

بعدها حذفت الرقم خاف بيوم من الايام الي نية اتصل بَعد

بكُل ساعة تمُر دموعي تجري على خدي لان كل حياتي متعودة على مكاني و على هذاك البيت ما احس روحي اكدر هنا أتأقلم

يومية لمن تروح امي للشغل و نويرة تجي يمي جوهرة تسولف وياي

و كالت الي زوجها راح يكول للسيد ياخذلي اجازه بين ما تنحل الامور

و كل يوم احسب هسة شكم امتحان و تحضير راحن عليه

اني بنهاية شهر الخامس و اميرة امشي و تصيح اكعدي بس اني متعودة على الحركة اكعد انظف البيت كله و اغسل ملابسهن لان كلهن كبار و اطبخ الغداء قبل لا يجن نويرة دكول لو يموت رجلج ما نطيج

بعد على هذا الدلال

جنت كاعده بالكراج الـ كلش صغير العصر و اباوع للسماء هسة

الوقت الما يروح للجامع ويكلي محتاجة شيء ؟ اني ما كدرت على فراگة و راح اموت هو شلون گدر و عنده عادي ؟

معقول السيد بعد كل هاي العشرة ما حَبني ؟

و حُبي يبقى من طرف واحد !! بس لا

گدامي تحچي و تبتسم و انا المَرض ماكلني ؟

لو حُبي صاير من طرف واحد سَهل

المُشكلة انتَ تحبني

احس صارت حركة بـ بطني بقيت فاتحة عيوني و ما رمشت من الصدمة رجعت الحركة تكررت صعدت بالغرفة الفوك ابجي

شكد تمنيت هاي اللحظة و لمن صارت انتَ ما موجود ليش عفتني

بالليل كلش نزلت سمعت امي دكول الهن خاف جنت شوية متندمة على هاي الخطوة هسة ابد والله راح يتزوج مدري تزوج يمكن

كعدت على الدرج و أبجي بصوت عالي مثل الاطفال و هن ثلاثتهن اجن يسكتن بيه جانت اكثر لليلة حزينة تمر عليه لحد ما راحن امي و نويرة للشغل و اني كاعدة ابجي و انوح بصوت ناصي

اول ما نمت كعدت على صوت جوهرة جايبتلي ريوك

العصر اخذتني امي للدكتورة و كالت الطفل شوية نازل لازم تمتنع

عن الحركة خوفاً من الولادة المُبكرة

بقت امي خايفة عليه و اني خايفة على الي ببطني اكثر

كتبت الي كومه علاجات و امي كلهن جابتهن

انقهرت عليها نص فلوس شغلها راحن

راكان يوميه يجيني يجيبلي حلويات بس اي موضوع مايفتح وياي

رُغم يعرف بكلشي و راد ياخذني لبيتهم بس ما قبلت

اخلص الليل سوالف ويا ابني و أكلة شفت بابا عافنه ؟

و لا سأل علينه ابد شلون گلبه هلگد حجر ؟ و ما يرف علينه

هسة اذا مو عليه على ابنه بنُص الليل و أتصل

عليه رقم و اني الدموع و النعاس مجتمعات بعيني

شفت رقم غريب رَف گلبي عبالي هوَ بس خابت امالي من شفت

نهاية الرقم مو هو

ما جاوبت بس من اتصل مره ثانية فتحت خَط

اجاني صوت مرهَ هِمس

ورقاء : هلو الماس اني ورقاء شلونج

احس شيء من ريحته هَب

الماس : هلو اني زينة و انتو السيد شلونه

ورقاء : زينة اخذت رقمج من تليفون ابوي بدون ما يدري و هذا رقم رجلي ترى ابوي وصل لامج كلام هو تزوج حتى يعاقبج

هو ما تزوج و لا انفتح هذا الموضوع

الماس : صدك عليج النبي ؟

ورقاء : و النبي و ابوي مريض عليج كلش بس ما يقبل يتنازل و يخلي عمي ضُرغام يجيبج قبل شوية جنت يمه حرارته مرتفعة و بس يلهج

بـ اسمج تدرين كاتب اسمج بالجهاز عزيزة الروح ؟

احس مدري شصار بيه موت الفرح و الصدمة دموعي تجري

امسح بيهن و احجي امي كعدت تأشرلي شبيج

الماس : ما بية شيء ، ورقاء صدك صدك بداعةابوج

ورقاء : وداعة ابوي و مَعزته اني ادري بيج عفتي لان عبالج يتزوج

بس هو كلش منتهي عليج تعاليله

الماس : اي اي راح اجي

- يالله مع السلامة

- اوكفي ورقاء ، حلمت بيج حلم والله انتِ و رجلج علي واكفين لازمين

بذرة و تردون تزرعوها زرعتوها و انتو تضحكون و وراكم

قمر و رجلها منتضرين دورهم

الماس : صدك ؟؟؟؟؟ عليج الله الماس احبج ان شاء الله حامل

احنه اثنينه غايبه النه بس ما نقبل نحلل

سديته منها وامي كاعدة كبالي

الماس : يمه السيد ما متزوج ما متزوج يريد يعاقبني بَس

و هسة مريض لازم اروحله لازم

رحاب : شنو انتِ ترحين هو يجي هاي منو

- بنته ورقاء

- يجوز هاي خطة منه حتى ترجعين مبين

تركت امي تحجي و ما صار كبالي غير رجل جوهرة

اتصلت عليها النوب انتبهت للوقت استحيت امي رجعت نامت و هي تستغفر مني نمت و مره ابجي و مره ابتسم و اريد الصبح

يطلع ....

.....

جوهرة

بقيت محتارة مرة بموضوع الماس و مره بموضوع راكان

اجيت لتُراب و هو مخلي كيس المُلاكمة بوسط الصالة الفوگ

و العرگ يصب من جسمي هو يضرب و يحسب عدد الضربات

جوهرة : اخواني دوخوني

تُراب : حتى اني والله حبيبتي لو ما لاگيهم أحسن

ضربته على صدره و كعدت بالارض كباله

يحجي وهو يلهث من السُرعة

تُراب : ليش ابو الجواهر كاعد بالكاع تعال انتَ مكانك چتافي

جوهرة : العب حبيبي العب خليني صافنه

تُراب : سالفة راكان خليها عليه اني مخاوي ابو حالياً

صاير كلش صديقه بس البنيه تِسلم و تقنع امها الوضع كلش تمام

جوهرة : مادري مادري شلون بي و بـ الماس

تُراب : هاي بَراء مرت السيد احس جذب ما يتزوج عليها

وين يكدر الها هو غير جابته من بغداد لهنا بس حتى يتأكد

هي موجودة و زينه

جوهرة : لا والله داز رساله لامي حتى مدري منين جاب رقمها

تُراب : مني حبيبي اني دزيته اله

جوهرة : لعد يجذب قابل

تُراب : ما يجذب بس راد يعاقب مرته بطريقته الخاصة

بس مادري يعني بس حاس هالاحساس ممتأكد

جوهرة : كول متأكد بس تحب توكف ويا

تُراب : عديلي هَذا شلون ما اوكف ويا

تليفون دك بالغرفة كمت اجيبه لكيته راكان جاوبت و اني امشي

تُراب من يمه كال اني مو كايلك الليل كله لاختك لا تزعجنه

و اني اضرب على خدي و اشر لتُراب لا لا

راكان : مشتاق الها اريد اروح لبغداد اشوفها و امر على السيد

اريد اكله مع الاسف بس و ابوي شلون

تُراب : لا تروح خلي روحتنه نروح نُخطب

راكان : نخطب فد مرة نُخطب بعد ابوي المشكلة الجبيرة

تُراب : ابوك يمي اذا ما اخلي بأيده يحسب فلوس مهرها

اني مووووو رَجُل أختك

راكان : ترى اني هم افشر بس غير محترمك اكبر مني

تُراب : غصباً عنك تحترمني اني مخلي اختك مرتاحة

راكان : اي غصباً ما عليك غير منطيك جوهرة

تُراب : اويلي ، تعاي بوسيني اخت راكان

جوهرة : شلونك حياتييي معليك بتُراب لا تخلي يحُرفك

تُراب : بلسانها اختك دكلي احب وكاحتك

راكان : لا اختي مدكول هيج ما تخرب نظرتي لو تموت

و اني الطم على خدي زعلت و رحت للغرفة

شويه و اجه للغرفة دخل يسبح و طلع يضحك

تُراب : زعلان الاسمر اويلييي

جوهرة : شوف تُراب ترى من صدك عيب عليك جان استحيت

اخوي شلون هيج تحجي ويا

تُراب : اني و صاحبي انتِ شعليج

درت وجهي عنه بعصبية و اجه يقرقرني ضليت اضحك بصوت

عالي لحد ما تعبت خله ايده على حلگي

وصار وجهه قريب على وجهي و أنفاسنه أختلطت

تُراب : بس گُلي

جوهرة : شأگلك ؟

تُراب : گلي يا حلو منين الله جابك ؟

جوهرة: اغنيها ؟

تُراب : و بعدچ لَحد يغنيها

كعدت عدل و عدلت تيشيرتي خليت ايدي على عيونه

جوهرة : احم احم لان استحي صراحة من تباوعلي

تُراب : يالله

و اني مبتسمة صرت اغني بكلمات الاغنية و الغُرفة ظَلمه

وهو مسَلطن و لا تحرك

لحد ما وصلت مقطع كال عيدي

- لو چان الهجر مني سجيه

تعال و نصطلح و هاي هيَ

و اني الي جرحت ايدي بـ اديه

هويتك و انتَ مغتر بـ جمالك ..

بسُرعة انسحب ايدي و صرت بحُضنه

تُراب : اويلي يابة شنو هالصوت اشتعلت رحاب على هاي الخلفة

جوهرة : ههههه حلو مو بس ما مقتنعة بي اني

- يا حلو يشگ شگ غير

كعدت الصبح على دگة التليفون صاح تُراب

- ترى اختج طرشتنه طرش نريد ننطمر

فتحت خط بسرعة

- ها حبيبتي بَراء

الماس : جوهرة رجلج كاعد حبابة

اجيت يمه وفتحت سبيكر

جوهرة : اي حياتي هذا ، هاك تُراب الماس تريدك

الماس : حبابة كولي اله

تُراب : الو .. هاااا

الماس : حباب عمو وديني للسيد مريض و ميقبل احد يجيبني

تُراب : شيوديني عمو باجر وراي دوام

- بداعت ابوك و امك عمو بداعت جوهرة بداعت الله

تُراب : عمو مو شعلتن عشيرتي انتِ واختج ساعة السودة

الـ كيتكم بيها هاي حوبة سُمية بيه طلعت

الماس : هسة شگلت عمو

تُراب : حضري روحج عمو الظهر

جوهرة : راح تاخذها ؟

تُراب : اذا أختها تدللني أخذها

ضربته و نزلت لكيت عمي و خالة و دعبول نايمين

طلعت بالكراج مديت راسي و شفت واحد ركض من

يم بيت نويرة احس مگفى هذا الشخص مو غريب

عليه ان شاء الله مو هوَ ...

....

گالو نايم و يفز بأسمج

عندچ شيء يَمه نوصّله ؟

- گلت الهم لَـ يضن أرجعله

- رُسل فَهد

احم احم

نرجع لفقرة فقوري

شنو أغلى شيء ضامي بغراضكم

و شنو قُصة هذا الشيء ؟

اني قطعة ملابس الي من جنت صغيرة

اريد ألبسها لبنتي البعدها ما جايه 😭🤎🎀

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

من الارشيف عام ٢٠١٨

وصية أم لـ بنتها

أمي وَصتني وَصية و راح أكلكم من إثرها

سِدي گلبچ ، عزي نَفسج من صُغرها

ديرتنه مو مالت عشگ وادم تدور الزَلة

صيري مثل ذاك النَجم محد گدر يوصلهَ

خليج مثل المعركة الـ خاسرها راح تذِله

و أتكشخي بـطبع النَخل

الـ راد من عِدها تَمُر !! يصعدلَه

قَدسي روحج چن ضريح الرايده و من كل گلب يگصدله

و

بالچ يكسروچ ناسچ

بالچ تصيرين غيمة !!

باچر يذموج لو كثرتي خيرچ و انا أعرفنج كَريمة

حققي أحلامج بأيدج

خلي ناسج بيچ تصفن

نِثية ما تُعرف شنو يعني الهَزيمة ! 🤎

- رُسل فَهد

ليش ما تعرف الهزيمة ؟

لانها بكل بساطة هي just girl 🎀😭

...

الماس

تستغفر مني نمت و مره ابجي و مره ابتسم و اريد الصبح

يطلع اتصلت بـ جوهرة و زوجها قبل ياخذني بقيت كاعدة و اباوع للساعة شوكت تمشي و يصير الظهر امي و نويرة بدلن

يردن يرحن نويرة تجهز الريوك و امي طلعت بالكراج تتلفت

اباوع الها دخلت بيدها علاكة صغيرة باوعت الها بأستغراب

هي توترت و صعدت فوك

شوية و نزلت ابتسم و تريد تغير الموضوع

الماس : اني راح ارجع للسيد اليوم ياخذني رجل جوهرة

رحاب : بكيفج انتِ الخسرانة اني الي عليه سويته

جانت تحجي وياي و كأنها بغير عالم.

طلعت و اني بقيت يم اميرة اكثر وحدة بيهن تفتهمني و ما تاخذ الي احجي بطريقة مزح بالعكس جانت دائماً حتى شكوكي تخليني افكر بيها بطريقة ايجابيه غير الافكار الي محتله عقلي

صارت بـ ١١ الظهر لبست عباتي و رحت لبيت جوهرة دكيت الباب

دخلتني يمها للمطبخ و هي تطبخ الغداء

جوهرة : دعبول روح اصعد لـ تُراب كله الماس هنا شوكت تاخذها

بسرعة صعد يركض

نزل زوجها يسد بـ دگم قَميصة من شافني

كال السلام عليكم و هو مبتسم

الماس : وعليكم السلام

تُراب : و اذا ما رداج

اباوع لجوهرة تعض شفتها بمعنى اسكُت

الماس : لا يريدني عمو انتَ بس اخذني و معليك

تُراب : بعد عمج شچلبتيلي عمو ما عمو شو هو رجلج اكبر مني

بقيت ساكته خجلانه و بعدها گلت

الماس : لان اني استحي اكو اسم احد يعني متعوده

على هاي الكلمة

جوهرة : تستحي تستحي يعني شلون

تُراب : جا شبيها اختها بساع تذب ميانة و تاخذ التفاحة

و تتمضحك

اني واكفة مستغربة كلامهم

تُراب : عمو خلي نتغده و نروح الطريق طويل وداعت السيد

هزيت راسي بـ نعم وتدنيت يم جوهرة هو طلع من المطبخ

الماس : لج عفية اني استحي من رجلج هواي

جوهرة : طبعاً تستحين هو انتِ وين شايفة زِلم غير السيد و اخوانه

الماس : لعد اني اروح يم اميرة و من تخلصون خابريني

جوهرة : انجبي ابقي تغدي

- لا والله .. بالكوه سحبت نفسي منها و رجعت للبيت

صبيت غداء لاميره و اكلت وياها و اجتي امي و نويرة

رحاب : ها غيرتي رأيج

الماس : لا بس رجل جوهرة يتغدى يالله

رحاب : ما يدز واحد من اخوانه

الماس : يمه هو عنده بس واحد الثاني اكيد رجع لايران وهو اصلا

زعلان عليه يعني اكيد ما يدز احد

رحاب : كرت عين امج منو اختج ذيج الـ وداها بيده للموت

و بقت ويا و تحبة

نويرة : اسكتي لا تحجين على الطقبان عمي وين تلكة منه

شو سوالها حتى الما يصير بس هن العمات نوعين

اكو الـ يحبن النسابه و اكو الما يطيقنهم و انتِ مبينه من يا نوع

رحاب : لان اني اعرف البشر من عيونه

نويرة : جان عرفتي الـ بالي بالج لو بيج حظ صدك

- اعرفة بس اني معمي على عيونه

نويرة : هذا البَط من ذيج البَطة

بعدنا نحجي و اندگ الباب

تُراب : يالله مرت السيد فضينا شمحصلين من بنات رحاب غير الاذية

بسرعة امي مدت راسها

رحاب : شبيهن بنات رحاب لازم ما عاجباتك

ضحك بصوت عالي

تُراب : اويلي عمتي الغالية

رحاب : هسة صرت عمتك و قبل شويه رحاب

تُراب : نسيبج و امون عليج شعدنا غيرج بيبةّ الجهال

رحاب : جوهرة شلونها

تُراب : مدي راسج المَلحة ليش خاتله قابل خايفة يعني

مدت راسها جوهرة تضحك

جوهرة : مو تنسى جيب الي وصيتك عليهن

تُراب : هاي امج شوفيها زين مو العصر دكولين اشتاقيت

اباوع لجوهرة ما حجت شيءٍ كأن ضايجة

صعدت و اني اباوع للطريق شوكت نوصل شوكت

باردة السيارة و هو مطلع اغاني بصوت ناصي و اني استغفر

بيني و بين نفسي بس شفايفي تتحرك

لحد ما سَده

تُراب : ادري حاط جثة كبالج و جاي اذبح بيها هلكد تستغفرين

الماس : عمو الاغاني حرام و احنه رايحين طريق بعيد يجوز يصير بينه شيء و نموت يعني نموت و احنه بأخر لحظة نسمع بيها اغاني

سكت ما جاوبني و لمن تأخر الطريق نزل جابلي مي و عصير

الماس : بعد شكد

تُراب : مو هواي هاي راح ندخل بغداد بس كولي شلون بيه بالرجعة

فاتتني لو جايب المَلحة وياي تسد وحشة الطريق

من كال المَلحة عبالي وحدة يحبها غير جوهرة و بقيت مستغربة

تُراب : المَلحة ترى هي نفسها اختج مو ترحم تسون فلم جديد

ابتسمت همزين وضح

تُراب : اعتبريني اخوج الجبير لا يالله عمج على كولتج

ترى السيد خوش رجال و المو زينة ما تطلع منه و انتِ اعرف مني بعد

اني معرفتي بي قليلة لا تخلين المشاكل الي بينكم اطلع خارج

البيت لان امج ما تعرفة مثلج و اختج كذلك بس انتِ تعرفي

فـ اكيد راح ياخذون الامور بغير شكل و تتعقد

الماس : صحيح

تُراب : و السيد رجال و اله سُمعته و انتو بمنطقة معروفة و مُحافظة

اكيد ما يقسي بالعقاب اذا ما جان الموقف الحاطته انتِ بي

محرج يعني لا تتسرعين دائماً مو كل الامور عاطفية

لان العواقب الي تصير بعد الاخطاء هي تدمر العلاقة

بقيت ساكته لان كل كلامه صحيح

تمشي السيارة و رف كلبي من صرت اشوف بنايات و محلات

اني شايفتها من اطلع وي السَيد يعني راح نوصل

و الفرحة تحولت خوف من دخلت السيارة بفرعنه

وكف السيارة و كال يالله

نزلت و هو قفل السيارة و نزل

جانت الازدحامات قوية و تأخرنا بالطريق بعد المغرب يالله وصلنه

الماس : اذا ما فتح الباب يعني متأخر بالجامع

رجع دَگ الباب و محد فتحة

تُراب : صعدي خلي اروحله بالجامع

درت وجهي و سمعت باب المطبخ انفتح حجيت بـ شهكة

الماس : هذا هنااااا

رجعت ليوره و خليت رجل جوهرة يم الباب

فتح الباب و تسالموا بقيت منزله راسي من الخوف حتى ما ادري

اذا باوع الي

تُراب : يالله فوتي عمي

دخلت من بينهم و اني جسمي و كل وضعي يرجف

انتبهت على ايدي كلش ما اكدر احركها من الرجفة

صعدت فوك نزعت العباءة و نزلت اتصنت الهم ما سمعت اي شيء

يخص موضوعي اجيت اريد احضر الضيافة شفته طلع من خوفي

تيهت وين اشرد بقيت واكفة بمكاني

سمعته من الكراج يحجي بصوت عالي

تُراب : يعني متريدها ؟ ارجعها لامها

تركت الصينية و صعدت فوك والله ما ارجع دموعي تجري

خاف يصيحولي يكلي امشي ارجعي و اني ما اريد ارجع

حتى شكلة مشتاقتله و اريد اشوفه بس اخاف اخلي عيني بـ عينه

من سمعت باب الشارع انطبگ حسيت براحة و خوف

بنفس الوقت

وكفت يم المحَجر اريد اشوفه من يدخل بس بقى كاعد بالاستقبال

لحد العشرة بالليل اني كاعدة على اخر باية من الدرج

و حاطة ايدي على خدي مره اريد انزل و عشر مراتٍ ما اكدر

اباوع لكل زاوية بالبيت احسها تعاتبني و احس اني مشتاقة الها

دخلت للغرفة و نِمت ثاني يوم جان سبت كعدت الصبح لكيته رايح

و يا حلاة روحي لمن أسترجعت كلشي مشتاقة اله

نظفت و غسلت ملابسه و لكيت الثلاجة حتى ما بيها مسواگ

شأطيخ

دخلت للغرفة و استنشق عُطرة الموجود بكل مكان بقيت حاضنه

وسادته و أطبع بوساتي عليها سُبحان الي غرس كمية الحب المخيفة لهذا الشخص بداخلي و اني حاضنتها اندك الباب رجعتها و عدلتها

و طلعت بسرعة سمعت صوت عمي ضُرغام فتحته

سلم عليه بشكل طبيعي بس هو مبتسم

و ينزل من السيارة مسواگ

ضُرغام : خلصت و زوجتكم هسة احتار بزعلكم

ابتسمت لان خجلت و ما اعرف شنو اجاوب

ضُرغام : ان شاء الله تعلمتي من هذا غلطج و تصيرين عاقلة

الماس : تريد مي عمو ؟

ضُرغام : لا مرت اخوي هههههه لا يابة هذا بطل المي بالسيارة

هستوني شربت ديري بالج على نفسج و السيد

و اذا طال الزعل و أحتاجيتي دشداشة كليلي

اني اطلبها منه و انطيها الج حتى ما يسأل عليها بعد

بس عوفي الرصاصية

احس روحي بوخِت من الخجل و اني ضاله اوزع اله ابتسامات

خلة المسواك على الكاونتر و طلع و بديت اني ارتب و اطبخ

حسيت الم ببطني و خفت اكثر تمددت على القنفة الي بالصالة

و غَمضت عيوني ما ادري شوكت نِمت

بس فتحت عيوني متغطية و البيت هدوء و باب الغُرفة مسدود

طلعت لكيته صاب اكل لنفسه و حتى المواعين غاسلهم

عرفت ماكل من كمية الطبخ الي اطبخها

صعدت فوك و طلعت الكتب بديت اقرا من اخر يوم طلعت و لمن بقيت

اتخيل ليوين واصلين خاف و هذا كله اقرا بقيت اغلط على نفسي بالساعة الي نويت بيها اطلع من البيت

و باجر احد و هم ما اكدر اداوم و اريد يجيب الي الواجب حتى

وجهة اريد اشوفه اني لسه ما شايفته و هذا الشيء كاعد ياكل بيه

العصر بقيت كاعد على الباية الاخيرة انتظر شوكت يطلع و اشوفه

وهم من طلع جنت اشوف بس مگفى و بقيت اباوع على امل يدير وجهه

بس طلع و اني بقيت مقهورة

ورا ساعة و اني بغرفته امشي و اتفقد الاشياء و العطور

خليت من عطره و كل شوية اقرب طرف الدشداشة على خشمي

و أ ستنشق العُطر ووصلت بيه حتى ابوسة

اول ما لزمت الوسادة رجع الباب دَك شمرتها بـ عصبية وطلعت

دخلت نبأ و بناتها

نبأ : هلا هلا بـ ام المصايب و الدكات

الماس : شسويت اني نبأ ترى بنت ملك كالتلي هيج و عمي راح يتزوج ما تصدكين روحي سألي مَلك

نبأ : ولج هو احنه نحچي على بنت ملك لو تحجي على طلعتج و ذيج الظهرية الـ خليتي بيها الزلم كلها تدور

الماس : لان اني عصبت

نبأ : نحجي هيج لو هيج ؟ هي لو ما رايحة انتِ صدك جان تزوج

يعني جان اكو خيط لهذا الموضوع براسهم

بس جيت امج و كلشي صار بي صالح خلى السيد يعرف

حياته بدونج شنو

الماس : كالي راح اتزوج و كال لامي تزوجت

نبأ : ولج هو وين يكدر عليج غير من يسولفلي ضُرغام ابقى صافنه

اكله صدك السيد هيج صاير جانت الاء السنه كلها

يمه شهرين و يم اخواتها عشر اشهر و ما يهتم

الماس : شيسولفلج ؟

نبأ : هو انتِ ما شفتي شكله ؟

- لا هو زعلان و ما كاعد اكدر اشوفة

نبأ : المهم اسولفلج على الساعة من عرفنه انتِ ماكو هستوهم طبو

رجلي و السيد همام اجاهم اتصال ما عرفنه شكو بس خلو و طلعو

بقينه حاطين دمنه بشيشة ورا ساعتين اكثر طبو ثلاثتهم متوترين

و وجوههم ما تتفسر و بس نسمع اسم الماس

لحد ما ضرغام من شافنه نلوب كال الماس ما هي بالبيت

بسرعة مَلك كالت شردت خااااف لان بنتي كالت الها عمي راح يتزوج

عاد هم هنا صدك انهاروا و السيد عبد العزيز صار وجهه محتقن و يلوم بنفسه ما خلو مكان ما راحو بي يدورن و مَلك كتلت بتها

و السيد مية الف فكرة براسه يكلوله نكول للشرطه يكلهم لا ما اريد انصدم خلوني عايش بالامل خاف يطلع بيها شيء

اخوته يهدأون بي و هو يكول الهم لو ما بيها شيء جان رجعت لان

هي قبل هم طلعت و من خافت رجعت بس هسة الوقت صار طويل

و هي ماكو خاف انخطفت لو اندعمت هي متندل احد

حتى المدرسة اذا ادزها وحدها تروح متندل

هي تحجي و اني اضغط على اصابيعي

نبأ : و خافو اكثر من رجل اختج كال الهم ما جايه

و احنه الدم ناشف بأجسامنا .. ضربت ايدي

- عابتلج عيشتينا يوم حرگ اعصاب

الماس : اني ورقاء بالليل خابرتني و سولفت الي

نبأ : اي تالي ايام و هُمام و ملك رجعو لايران و يجي ضرغام

يومية شايل هم السيد شلون صاير طول الوكت عصبي و قاسي

حتى على طلابه كال اخوي موت امي ما خلى يقسي على طلابة

اكثر من مره كاله اروح اجيبها كله لا ما اريدها بعد

وراها تمرض و معاند للطبيب ما خلى اخو ياخذه و يكول بكد ما يعصب من اجيب طاريها صرت ما اجيبه تالي من هدهَ

المرض و اخذه للطبيب استسلم و گايله اني بُعدها مرضني

هي تحجي و اني امسح بدموعي

الماس : غير كله من ورا لا هو معليه كله من ورا امي

نبأ هسة شسوي و اخلي يحجي وياي

نبأ: أدي واجبج بس لا تتقربين اله ما دام انتو بنفس البيت ما يطول الزعل اذكر عمتي الله يرحمها

دكول عبد العزيز ابني كل اطباعة حلوة بس مُر بالزعل

الماس : و الاء ؟

نبأ : ولج داهية ما تنعرف زِلم مشوربة ما تكدرلها الـ براسها تسوي

و ما تخاف ولج رجعت من ايران جايبة رجل دكلهم هناك تزوجت

النوب هو يكلهم بس خاطبها كالوله الخطوبة تفسخها بدون ما تدري

هي لا نكتلك انتَ وياها تالي اخذته و راحت لايران

خلتها كلها صافنة

بقيت ملتهية وياهن و اجيت اسوي الهم عشاء اجه عمي اخذهم

و راحو بقيت واكفة بالمطبخ انتظره شوكت يجي

دخلت للغرفة اخذ ملابس حتى اسبح

سبحت و طلعت اشوف الاكل بالمطبخ

بطني كبيرة و شعري لامته بس ينقط مي ... انفتح باب الشارع

و من رهبتي بلعت ريگي و بقيت ثابته بمكاني

دخل و قفل الباب و اني اريد ارفع راسي و الخوف ينزله

الم بمعدتي احتلني و ايدي ترجف و اني احرك الجدر

وَ هاي اول مره بحياتي بيها اشتياقي يتغلب على خوفي

ورفعت راسي بـ تردد حتى اشوفة

لگيت كل نظرة عليه و لما رفعت راسي خله دار وجهه و دخل للصالة

ما فرحت بنظرته بكد ما انصدمت بالمرض شلون مغيرة

و لحيته الي ما محددها و ملامح وجهه المتغيرة

معقولة هيج يتأثر بغيابي ؟ الاء مو جانت اصلاً كل حياتها مو هنا

يعني هو متعود

احس تأنيب الضمير بدأ ياكل بيه صبيت اله اكل و هو يصلي بالغرفة

و خليته بالصالة و طلعت صوت لمن خليت الصينية حتى يعرف و صعدت فوگ اقرأ نزلت ورا ساعتين لكيت الصينية على حَطتها

و هو صاب لنفسهَ هم و غاسل المواعين

احس أختنكت

لمن رجعت اريد اصعد لكيت ورقة على القنفة مال دفتر كانت مطبقة

و هسة مفتوحة اجيت اخذها اقراها شفت بيها كل الواجبات

و انصدمت وين واصلين شراح يقراهن الي

اخذت ماعون فواكه و صعدت كعندت للصبح اقرا التحضيرات اليومية

مال باجر و خلص الماعون و نزلت سويت ثاني احس بروحي

صايرة آفـه شكد اكل و اني جنت عصفور بالاكل لفتين صغار منه

اشبع

طَر الفجر و سمعت باب الغُرفة انفتح حتى يتوضى نزلت توضيت

و صعدت اصلي انتبهت بكل صعدة و نزله يصير الم قوي

بـ بطني صليت و بدلت ملابس المدرسة و بقيت متمددة على السرير

و ايدي على بطني خايفة عليه

الماس : حبيبي صح اني كاعد اتعبك بس اذا مو انتَ توكف وياي

منو يوكف وياي

اراجع و احس نفسي خايفة من المدرسات لا يرزلني رُغم هنَ

يعتبرني من المميزات عندهن من صارت وقت طلعته نزلت و بيدي الجنطة اسحل بيها سويت ريوك و خليت الجنطة يم باب المطبخ

كأن يعرف اني راح اداوم اخذ بطل مي و جنطتي و طلع شغل السيارة رغم فرحت لمن شال الجنطة بس انقهرت لما ما اكل

بقى بره مشغل السيارة و اني مخليه بـ بطني من طفل وحش ما يشبع

اكل و ما احس بروحي شبعانة و اني اكله حبيبي يالله فضها عاد و اشبع اني عود بالمدرسة هم اوكلك رُغم هو حتى ما دَگ هورن بقى منتظرني بره

غسلت و طلعت و دواي اخذته من الكاونتر طلعت و هو بأيدي انتبهت

اني حتى بطل مي ما اخذت بقيت كاعدة بالسيارة بس احس

من كد الهَجر روحي غريبة عنه جان لو اقرب مكان نطلع بي

يبقى حاضن ايدي بـ ايده و اني طول الطريق عيني على ايدي

الي بيها العلاج ضاغطة عليها و المصيبة الاكبر نسيت اخلي بجنطتي فلوس يعني صدك اليوم مُجازفة

رغم ما رفعت راسي بس احس بنظراته تاكلني

جنطتي يم رجلي و بطل المي قريب على ايدي بس ما ادري ليش ما اكدر اخذه و اشرب طول الطريق من التوتر كلبي يدك سريع

بلكي يحجي بلكي ينطق بس ابد لا حياة لمِن تُنادي

وكف السيارة كبال المدرسة و فتحت الباب نزلت على كيفي

لمحته دار نظره عليه يشوفني و اني انزل

قبل لا اسد الباب تجرأت و سحبت نفس قوي و نطقت

الماس : اريد فلوس فلوسي نسيتهن بالبيت

اني اباوعله مَد ايده بجيبه و طلع محفظته سحب عشر الاف

و خلاهن على الكشن مالتي بدون ما يدير نظره و يباوع

ايده على على الستيرن

اخذت العشرة و سديت الباب و دخلت درت وجهي لكيته يفتح الباب و يرجع يسده مثل كل مره اثر سدتي الفاهية الي تبقي الباب مفتوح

امشي و عيني على بطني

الماس : كله من وراك ذليت نفسي و اخذت فلوس لان ادري بيك

اكبر جوعي و تسوي روحك ميت من الجوع و امك حارمتك

شكد جنت خايفة من المدرسات بس جان العكس و الجميع اتساهل وياي بالامتحانات الي راحن عليه و موعدي ويَ المؤجلين

و جانت كثير التساؤلات حول حملي و شنو جنس الطفل

و اذا جان الي يجيني ابوية او زوجي مرات اجاوب و مرات التزم الصمت

ميار سوت بيه خوفة من كل صديقه تتقرب الي رُغم كثير بنات لطيفات يتقربون الي و لمن اسأل وحدة عن واجب جانت تشرحلي و تفهمني كلشي بذمه و ضمير تعاطفاً وي حالتي

و بكل فرصة اروح اشتري و اكعد على صفحة اكل احس حتى البنات

يكولون شكد جوعية

وكفت انتظره و الجنطة مخليتها بالكاع صارت الهوسة قوية و راحت وهو ما اجه مديت راسي لكيته راكن السيارة و كاعد منتظر اني اروحله شلت الجنطة و رحت بأتجاهه بعصبية ليش معصبة ما اعرف

بس المهم عصبية

لان مزعجة فكرة انتَ تعيش كل حياتك مُدلل

و فجأة تصير شخص عادي

و الي تعود على كلمة "صار عيوني" ما تروي كلمة ميخالف

شمرت الجنطة بعصبية و كعدت ليوره هو و لا أهتز اله ساكن جداً عادي و من النعاس الي محاوطني بالسيارة و نمت

كعدت على دكة جام السيارة لكيته نازل و فاتح باب البيت

نزلت و تركت جنطتي بالسيارة ودخلت للبيت شمرت نفسي

على قنفة الصالة و كملت نومتي

كعدت لكيت الدنيا عصر و باب الغُرفة مفتوح كمت مستغربه عبالي دنيا الفجر و راحت عليه كل التحاضير

بس من بقيت واكفة صافنه شوية لحد ما ركزت احس بطني من الجوع

بعد متقاوم

رحت للمطبخ و اني بملابس المدرسه لكيت جدوره و طبخ مال بيت

بس منين ما ادري من الجوع حتى ما فكرت بالموضوع بسرعة شغلت

الطباخ حتى احمي طلعت للكراج اخذت ملابسي من الحبل

وجسمي متكسر من النوم

و اني ادخل للمطبخ سريعة لان اريد ابدل و اكل اصطدمت بي

بدون ما اشوف هو بدون سابق انذار خله ايده على بطني

خايفة عليها

رجعت ليوره و هو بقى يباوعلي ثواني و تحرك و طلع دخلت

ابدل و اني اكول شدعوة عليك يا ابو عِمامة ما تكسر الزعل

خايف على ابنه ما خايف عليه مع الاسف والله

كعدت بالارض اكل و احس روحي مهضومة من معاملته

و من كلشي كاعد يسوي هو حتى القساوة ما تلوگله

و لابيوم شخص يشوف وجهه يكول ممكن هذا الانسان يقسى على احد

خلصت اكل و نظفت و بديت اقرا

على السرير بالغرفة كاعدة و وسادته بحضني حاضنتها بقوة

لحد المغرب كملت بقتلي ماده وحده رتبت المكان و طلعت

اسوي عشاء و گلت بعد ما اصب اله ما دام ما ياكل

لان ما اريد اشيل بخاطري عليه اكثر

وي امي على اتصال دائم بس ما كلت الها أي شيء عن علاقتنه

بس كلت الها حياتنه طبيعية و هي بكل اتصال تنبهني

عن الطفل و لازم ما اتحرك هي ما تدري بـ بنتها

بيها مرض مال حركة

خفت لمن صارت الام بطني تزيد بس من ترجع تهدأ اطمئن

بديت امتحن كل الامتحانات الي اجلتهن و الكتب على وشك الانتهاء

رُغم السيد رجع لكل وضعة الطبيعي و رجع مثل اول و احسن

بس ترعبني فكرة الجفاء بينا كاعد يزيد

الظهر اجن البنات ما خلنيّ اي شي اشتغل

الماس : حللتن ؟

ورقاء : لا والله جبناهن هنا هسة حماتي الصغيرة حتى بالزبل مال الغرفة تدور و دكول لامها ذيج المره قمر جابت تحليل و طلعت مو حامل كلبت الدنيا دكول رايحة الفلوس للتحاليل و الاطباء

و جهال ماكو

الماس : عزه عود صدك

ورقاء : والله مسويه بينه رعُب غير نطلع و نرتاح

الماس : ان شاء الله تطلعن والله اني حاسة انتن حوامل

ان شاء الله احساسي هالمره مثل كل مره صحيح

جنت واكفة احرك باللبن و نسولف اني و قمر و انصدمنه من فرحة ورقاء و هي اجتنه تركض الارض ما سايعتهـا من الفرحة

ورقاء : حامل حامل ولجن اني حامل

كانت وهي تحجي الدموع تطيح عيونها للارض بسبب حركتها

دموعها حتى على خدها ما توكف

الماس : الحمدلله يارب الف الحمدلله ان شاء الله يوم لـ قمر

ورقاء : امشي امشي سوي ان شاء الله حامل

قمر : اني لا ما احس خلني عايشة على الامل عود هذا الشهر

اذا صدك هم غابت اسوي

الماس : انجبي وسوي يجوز اليوم هو يوم الفرح العالمي

- لا

ما ضغطنه عليها و بقينه محتارين بفرحة الماس و حتى السيد من اجه

كالتله و سولفت اله عن حلمي ابتسم كعدنا اكلنا سوه و اني ما بينت

احنه نا نتحاچه و كل ما هنً يجيبن اسمي بموضوع

يكتفي بـ هَز راسه

ورقاء : الماس شوكت تروحين للطبيبة اروح وياج

الماس : ان شاء الله

بقينه كاعدات و هو راح للغرفة نام

بقينه نلح على قمر لحد ما كامت و اني و ورقاء كاعدات ننتظر

اجتي فاتحة عيونها و احنه نصدمنه شبيها نريدها تحجي

تالي صرخت بصوت عالي

قمر : حاملللللل عاااااا الماس انتِ سحارة

طلع السيد مستغرب من الصوت العالي ووعاقد حواجبة

عبد العزيز : هاي شكو ؟

ورقاء : يابة قمر حامل

تغيرت الملامح العصبية لـ ابتسامه و فتح الهن ايده

حضنهم مثل كل مره بس هالمرة عكس جنت انقهر و اتحسر

لمن اشوفه يحضنهن هسة افرح الهن و ابتسم

عبد العزيز : ان شاء الله الذرية الصالحة

قمر : بابا يعني جهالنه و خالهم نفس العمر اني احس

راح يطلعون وكحين ثلاثتهم

هو يضحك و ورقاء تأشر الها اسكتي عيب

من الفرحة احتاريته شنسوي

قمر : كيكة الماس الو مرحبا هل تسمعوني هسة جاية مسافة الفرن

الماس : هههههه لج عابت فوك ما اسويلجن

ورقاء انتن منتبهات ؟

قمر : شكو ؟

ورقاء : الماس اصغر بيبيةّ بالتاريخ

قمر : و شنو يصيحون الها بيبي والله زمن سبحان الخلق

يوزع الادوار بكيفة و يغير

ورقاء : خالهم اكبر منهم بالاشهر وين اكو هيج خال وولد خواته

قمر : راح تجي وجبة مال سادة و علويات كلش حلوة

الماس : خابرن رجولتجن خلي يفرحون

ورقاء : ابداااااااااااً اذا مو كبال عمتي ما اكول و اخليهم كلهم ينصدمون خلصتها علينه العواجر و العواجر و اني يومية انام افرفح

قمر : كلت الها هسة اني عاجر بس ورقاء ترى حملت مره يعني

عادي تكدر تحمل دكلي انتِ بالاخص لا تحجين ماريد ابچيچ

الماس : الله يخلصجن منها يمة شنو هاي

اجينه نسوي اكل و قمر راحت تمددت

ورقاء : ها الوسخة بسرعة فعلتي وضعية الحامل حتى تعرفين الشغل براسي

قمر : لا اني وياج ننام و علي و فضل يخدمون امهم

شنو ابتلينا احنه

ورقاء : الماس شنو متزاعلين انتِ و ابوي

الماس : لا هيج عادي

ورقاء : ترى مبين و مفضوحين ليش متزاعلين

- هو من يوم الاجيت

شهكت و خلت ايدها على صدرها

ورقاء : وشلون عزه يمه يا بوية

الماس : ما ادري هو قاسي و ما ادري شبي وياي

ورقاء : يعني ما صالحتي ؟

الماس : لا ، و ما اصالح لو يبقى يوم بعمري اني ما اعتذر ولو شكد

ما احبه و اتمنى نتصالح بس ما اصالحة هاي احنه بكل عركة مرة طولنه شهر و ما تنازلت تالي هو صالحني

ورقاء : يعني الا هو الا ؟ ما ادري اني جانت امي من تجي

تدري بي ما يصالح ابد هي تراضي و هو ميرجعها يعني

متعودين على ابوي هيج

الماس : خلي الله كريم تهون هو بعدين يتندم

ورقاء : ابوية مكتوبله النسوان تعذبه

الماس : اي طبعاً تدافعين لابوج لعد انتظرج تدافعيلي

رحت ويَ نبأ اني وياهن هي اخذتنا و تصنف علينه

نبأ : ماخذة الام و بناتها للدكتور وين صايرة

قمر : دحملي انتِ يالله حتى نسوي خوش فريق

البنات وضعهن كلش زين بس اني لا جان الطفل كلش نازل

و انطتني علاج بكد الدنيا و كالت عشر ايام لازم بدون حركة

اجه عمي ضرغام اخذنه و رجع البنات لـ بيتهن و اني دخلت للبيت

جانت الدنيا لليل و السيد موجود الوصفة بأيدي خليتها على

الكاونتر و صعدت

بقيت الليل كله ضايجة و لازمه بطني و ابجي

ما اريد بعد هذا التعب كله اخسره الطفل شيصير بيه اموت

يمكن احجي ويا و كأن هو كبير

الماس : مو تعوفني ترى تعلقت بيك كلش و انتَ اكثر واحد سمعني و ما كال اسكتي اني احبك لا تعوفني

جنت بكل لحظة اشتياقي للسَيد يزيد و ابد ما يوم مليت الانتظار

و طبقت مقولة انتَ يمي بس مشتاقلك

كعدت الصبح على صوت الباب حتى الصلاة فايتتني

و اليوم حتى دوام ما عندي هو ليش دَگ الباب !!

لميت شعري و نزلت سمعت باب الشارع انطبگ

لكيته مسويلي ريوگ و مخلي علاگةً الدوه على الطبلة

ابتسمت يعني هذا كله هذا كله وًميتنازل بكلمة

كعدت اكل و احس حتى الاكل مطبوخ بـ فراشات لان معدتي انترست فراشات و اني اكل بعد ما شفت قساوة معاملته الي

و شفت بنفس الوقت هو يضخ الحنية بس بغير طريقة

مِثل الگا مسوي ماعون فواكه ماكل شويه و مطلعه من الغرفة مخلي الي على الطبلة بالصالة

لو يجيب ملابسه من الكراج و يجيب ملابسي ويا يرتبهن قطعة فوك قطعة مثل ما اني اسوي أو صار يشتريلي حلويات و يبقيهن بالسيارة

من يصعد الجنطة يخليهم بالجنطة بدون كلام يومياً

و حتى لما انام صار نومي جداً عميق فـ ما اعرف اذا هو يجيني او لا

فـ جنت اشمر دشداشتي يم المحجر وهو اكثر حركة ينزعج منها اذا جانت الملابس بالارض فـ هو يشيلها و يخليها على المحجر كل مره

ما عباله اني الي اخليها و كل يوم كل يوم ما عبر و لا يوم وهو ما صاعد بي

اكلت و كعدت اقرا ما تحركت لان حتى البيت نظيف و بسبب كلام الدكتورة خفت صارت يومية نبأ تدز النه غداء وحتى هذاك اليوم الطبخ جان منها و العشاء هو يجيب ويا جاهز و الريوك مرات اني و مرات

هو اكعد الگا مسوي

العلاجات بهذلت معدتي و ابر تثبيت كانت تجي نبأ تضربني

بس مرات بيني و بين نفسي انقهر اكول اذا اني حامل عاملني بهالقساوة لعد لو مو حامل جان شسوه

بدت الامتحانات الشفهية و اني نهاية السادس

امي اكثر شخص وياي طول الفترة و هي بكل اتصال

دكلي مو تجهزين شيء اني اجهزلج كلشي و فد يوم اجي و اجيبهن

جنت كاعدة بالكراج و الكتاب كبالي و احس روحي مهضومة

من هواي امور بس لان املي برب العالمين جبير جانت دائماً تنبعث الطمأنينة بداخلي أنفتح باب الشارع و من كد ما ضايجة حتى ما گمت و لا تحركت هو أستغرب گعدتي

بقى واكف يم الباب يباوع و بعدها دخل راد يفوت هم ضَل واكف ثواني

دخل و احس خطواته وراي بطيئة اني ابد ما درت وجهي

و احس مدري شصار بية لمن سمعته صاح .. الماس

مر وقت طوووويل جداً و اني ما سامعة اسمي بصوته

سديت الكتاب و بقيت كاعدة صوت يكول كومي و صوت يكول لا

الم بمعدتي و ايدي ترجف

ضاغطة عليها و عاضة شفتي لحد ما رجع صاح اسمي مره ثانية

المـااس... اتمنى اختفي بوقتها لان ما ادري شصابني

بقيت جامده بمكاني احس خطواته تقترب لحد ما اخر خطوة صارت كلش قريبة على ظهري و وكف من بعدها صوت المسير

غَمضت عيوني بخوف من سمعت صوته قريب عليه كلش

عبد العزيز : مو أصيحچ ؟

حجيت بصوت يرجف ها

- هاا

مَد كف ايده الكبير قريب على وجهي

عبد العزيز : تعالي

بلعت ريكي و رفعت نظري اله رجعت غَمضت بسُرعة

سحبت الكتاب و وگفت بس لزمت اطراف ثوبي بأيدي

رجع حرك اصابيعة بـ معنى انطيني ايدج

هديت وحدة من اطراف ثوبي و قربت ايدي الـ ترجف لحد

ما فجأة صارت بوسط ايده يمشي و اني امشي وراه

دخلت للغرفة و سَد الباب

اشرلي عَلى السرير و احس گلبي دگاته مو طبيعية

عبد العزيز : الاعتراف بالخطأ فَضيلة و اعتقد هاي الجُملة ما ماره على ذهنج بيوم مو ؟

بقيت ساكته بس اتنفس سريع

عبد العزيز : المشكلة انتِ تخافين مني بس ما تحترميني الماسة

كان يحجي و هو لازم قطعة قماش يمسح بيها المحابس و الساعات

الماس : لا

- بلي و نَعم هذهِ انتِ

الماس : اني اصلاً ما اريد تصالحني بعد لان تعودت

حچيتها و فضحتني الدموع كأنها كانت تسولف كلشي بداخلي

امسح بيهن و بعدهن ينزلن وهو لما شاف الموضوع خرج عن السيطرة

ترك الي بأيده و اجه گعد بصفي

سِحب راسي و خلاه على صدره و بأيده يمسح عيوني

عبد العزيز : ابچي لا تكبتين

بقيت ابجي لحد ما حسيت صدك عيوني نشفوا من الدموع صرت اسحب النفس بقوه يالله احس بروحي دا اتنفس

تمدد و سحبني اكثر خلى راسي على ايده ردت اكوم بسرعة

خلى ايده على كتفي و رجعني لمكاني

الماس : اني مقهورة و ما اريد ابقى هنا

عبد العزيز : اني ايضاً بس مجبور

- محد جابرك سيد

- گلبي الماس

سكتت و بقت ذاكرتي تعيد كل مشاهد قسوته و حنيته و اقارن

عبد العزيز : يعني تشوفيني واصل الموت بس عنادج ما يخليج تجين تكولين شلونك

الماس : لان ادري ما راح تستقبلني و لمن اني

رجعت ادري راح تصير زين

عبد العزيز : منو يكول ؟

الماس : لان اني دواك بس انتَ ما تقبل تعترف

عبد العزيز : لا مِعترف

الماس : سَيد عوفني اذا تحب امك

حچيتها و كمت بسرعة ما لزمني احس صار وجع قوي ببطني

لما گِمت بس كلت مثل كل مره يروح وصلت للباب اريد افتحة

صار الوجع اقوى صرخت و بسرعة هوَ حاوطني

عبد العزيز : شبيج الماس

لزمت ايده و بقيت اضغط عليها بكل ذرة وجع تجيني

بقى مستغرب وضعي و هو لازمني اتصل بـ عمي ضُرغام

الماس : بطني عَبد العزيزيززززز

رغم كُل الالم بوقتها بس ما انسى صدمته لمن فتح عيونه كل وسعهن

وابتسم

عبد العزيز : گولي يا الله الماسه خلي تجي زوجة ضُرغام

كانت لحضات وجع و هوسة و دموع و كلمات ما افهمها

لحد ما شفت نفسي بسَديه و الاجهزة فوگ راسي و الم الكانيولا

وهي يدخلوها بأيدي

و اني بس اردد بأسم السيد اريدة يجي يمي و دموعي تجري

الدكتوره تهدأني و هي دكول شنو هالام الحلوة هاي يالله هسة تغمضين و تفتحين ابنج بحُضنج انتِ سباعية

الماس : خل يجي السيد صيحيله بس اشوفه خاف اموت

ابني مات مو لان هو بعد شهرين يالله يجي اني حاسبة

- لا حبيبتي بس اذا تأخرنه يموت هذا هياته يجنن صغيرون ينبض

اهدأي و كولي يا الله حتى يطلع ابنج سليم

الماس : السيد وينه عبد العزيز اسمه كوليله خل يجي اشوفة

- ماشي بس توعديني تهدأين وًمتحركين ايدج

لان راح تأوت و انتِ شلعتي گلب الممرضات على وحدة

بعدني مُصرة اله يجي السيد

الغُرفة فارغة و ماكو احد يمي كل شوية تجي دكتوره تدخل و تطلع و سمعت صوته هو و الدكتورة دكله ما تقبل تسوي العملية و تهدأ الا تشوفك

عبد العزيز : دكتورة اهم شيء هيَ

- اكيد سيد احنه مهمتنه سلامة الام بس هي ولادة مبكره

يعني وضعها مُحرج لازم نستعجل

ما جاوبها و اني مستغربة ليش بطني متتحرك

اجه قريب عليه و الدكتوره طلعت تصيح بـ اسماء دكتورات

عبد العزيز : ها الماسه لا تخافين

الماس : اذا متت لا تنقهر اني ما ضايجة منك ابني مات مو

عَبد العزيز: اششش بلا هالكلام انتِ و ابنج بخير تطلعون

ان شاء الله

الماس : انتَ سيد متحبني لو تحبني ؟

طرف العباءة غطى عيوني و وجهي و انصدمت بـ طبع

بوسة بـ منحَري و رِفع راسه

عبد العزيز : شلون ما أحبج عزيزة الروح انتِ

ابتعد و دخلت الدكتورات اسمع الهوسة يمي بس احس اني بغير عالم

بس ما نسيت اخر جملة كالتها الدكتورة

- ما تحتاج بنج بعد بَنجها السَيد عيني

خلو شيء على خشمي و بديت اسحب من حسيت روحي بدت تنسحب دعيت بگلبي جوهرة تصير حامل لان مره كال السيد الام بوقت ولادتها بيبان السماء كلها مفتوحة الها و اذا ماتت تُعتبر شهيدة

ما بعد ما حسيت بشيء

غير نبأ فوگ راسي و الدكتورة دكول الها خلصنا من مرت السيد

ما تعبتنا رمشت وحسيت بالوجع الـ يذبح

حتى من ارمش عيوني يوجعني كأني مشَرحة

لو اكعد سنة اسولف لاحد عن وجع اول لحظة احس ما اوصفه اون بصوت عالي و حتى كلام ما اكدر اتكلم لحد ما سمعت صوت السيد و عمي ضرغام واكفين يكولون لنبأ ها شلونها

دخلني الممرضات بغرفة وَهْنّ يسحبن ملابس العملية مني

و طلعن بعد ما انطتهن كلهن فلوس

و حسيت بعدها ايد على جبيني

فتحت عيوني لكيته واكف كبالي

عبد العزيز : ها يابة الحمدلله على السلامة حبيبتي

دموعي تنزل و هو يمسح بيهن احسة حتى هو يريد يبجي عليه

الماس : خلي ينيموني سيد راح اموت

عبد العزيز : اسم الله هسة تصيرين زينة و تشوفين ابنج

الماس : بطني مگصوصة يمكن ما خيطوها

هو يجاوبني على كل سؤال و حسيت بوقتها هذا الالم ما مُمكن يهيد

و حاسدة كل بشر واكف و مابي شيء

اغمض عيوني و افز اون و اني عقلي متخيل ابني ميت

وهم ميردون يقهروني

بنص الليل احاجي نبأ بصيغة امر وهي متحملتني لان الوجع

ما ادري بأي طريقة اطلعة و الفجر صار الالم يزيد ما ينقص

و نبأ دكلي هو بس اول يوم تبنجني بهذا الكلام

فَزيت على صوت امي الصبح وهي جايبة علاليگ الملابس وياها

اجتي باستني و صوت زوج جوهرة بره عالي

الماس : هاي انتِ يمه سويلي شيء راح اموت

رحاب : اسم الله لا هسة تطيبين و تگومين هذا السيد دخيل جده

مستعجل على الدنيا حتى بـ بطنج ما ركد

درت وجهي للجهة الثانية على صوت

جوهرة : ها حبيبتي شلون صرتي

الماس : جوهرة ابني مات مو انتِ متجذبين عليه

جوهرة : لا اسم الله حياتي عايش والله ولج هاي ملابسة جابتهن امي

الماس : لعد وينه

نبأ : مو صغير يخافون عليه الا يشوفون وضعة زين يالله ينطونيا

بقن كاعدات يمي للصبح و هَبت عليه موجه وجع قوية

صرت اصرخ بـ اسم السيد

رحاب : لعد ولج هاي احنه جاييج من البصرة لهنا و مكابليج و انتِ تردين السيد صدك البزون يحب كتاله

هن كاعدات يسولفن صرخت بيهن

الماس : اسكتن اني كاعد اتوجع

رحاب : دواج جاي بالطريق يمه نامي

وره شوية درت وجهي على اثر صوته و اباوعله كال السلام عليكم

وهو يباوع لجوهرة مو لامي اجه يمي و خله ايده على جبيني

عبد العزيز: نبأ ليش حرارتها مرتفعة كولي لضرغام يصيح لاحد

اجتي وحدة و علگت الي براسيتول و كالت لنبأ ابنكم هذا السبيعي

فضح الدنيا فضيحة الـ بشهرهم ما سوو سوايته

رحاب : سَيد دمه حار دخيل جده لا يشور بينه

اباوع السيد غَطى وجهه بكف ايده و ضحك

راحت نبأ حتى تجيبه و اني الف شكل رسمتله بداخلي

واني اشرح للسيد شكد بطني تأذيني

عبد العزيز : بَس هالايام و تصيرين زينة و ترجعين مثل قبل و احسن

الماس : بعد ما اريد جهال

عبد العزيز : ابداً خلصي السادس و الله كريم

انتِ اصلاً تأذيتي كلش

الحمدلله طلعتي سالمة

قطع الهدوء الي جان بالغرفة صوت زوج جوهرة

و هو يگول الها رجال عمي هذا والطفل بس يبجي

دخلت نبأ و السيد گام مبتسم انطته اله

ضحك و باسه و يردد الشهادة قريب إذنه

ما أنطانيا خلاه بأيد امي

رحاب : يمه صدقة هذا شكدوته يكبر يكبر ويصير رجال

خلوه يمي و اباوع اله بس يبجي رضعته سكت

يومين وطلعت من المستشفى و امي بقت يمي بالبيت

و جوهرة راحت هي وزوجها

نبأ داخلة ويَ المُنتظر شلت الخيوط واني بعد ما شفته غير بس مره وحده اشوفهم يتشاورون عنه بس ما يكلولي غير زين ردت اروح اله

و السيد كال اليوم يطلعوه و بقيت خايفة لحد ما العصر دخلت

نبأ شايلته خلته بأيدي

امي من تطمنت على وضعي ثاني يوم من الصبح راحت

لان ادري بيها متقيدة بس علمودي باقية

مر اكثر من يوم و صار على ولادتي عشرين يوم كال السيد

بالليل اخذكم تزورون و صدك بالليل جهزت نفسي و احس بشعور حلو و اني حاملته بين ايدي احسه صديقي

وطول المسافة اني مبتسمة

دخلنه للضريح و هو كال اذا متكدرين اله اني اخذه ازوره بس اني ما قبلت اخذته وياي احسه رفيقي بس طول ما اني امشي

احس بوحدة تمشي وراي كعدت كِعدت بصفي باوعت لوجهها مبوشَه

كمت كلت خلي ازور و اطلع بسرعة كان المقام مو كلش ازدحام

زورته و اني اناجي رب العالمين بكلمات على الفطرة

طلعت للصحن و اريد اخرج

صارت ايد على ايدي

درت وجهي خايفة

- عبالج اخليج تتهنين ؟

.....

عن خِصام اباء كان الابن هو سيد الصِلح بينهم

يا ظرف يگدر ؟ يا بشر يِبعدنا و يعادينا ؟

نضحك على الدنيا ترى

نتزاعل و سَيدنا الـ يراضينا

- رُسل فَهد

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

فصيحاً:

لا مَرحُباً بـ صوت طرقة بابٍ

لم تكُن يدك هي الطارقة

شعبياً :

اذا مو ايدك تدگها

فلا نهواها دَكةّ الباب

رد النه

ميلوگ النه نتزاعل

تَرى احنه أحباب .. 🤎

- رُسل فَهد

...

جوهرة

يم بيت نويرة احس مگفى هذا الشخص مو غريب

عليه ان شاء الله مو هوَ ... اخ يا امي تعبتيني

بقيت طول الوقت ضايجة و راح تُراب اخذ الماس

بعدها حاجيت امي نكرت و من ملامح وجهها

و توترها تأكدت من الجواب

و هو فعلاً احمد ..

جوهرة : يمه جاييج خطابة و اني قابلة تتزوجين روحي عيشي حياتج

و أتركي الشغل ان شاء الله تنسعدين و هو متمكن و زوجته متوفية

بس عنده بنية و ولد كبار يعني متتعبين

رحاب : يا و منو هذا

جوهرة : اخو الي متبني راكان هذا الي اجه وياهم ابو

قميص الزيتوني

رحاب : هههههههه لا يمه ما اريد خليني كاعدة بمكاني و مرتاحة

جوهرة : يمة ما مرتاحة بس انتِ لسة تردين احمد و احمد

ما يتزوجج لو شتسوين

- لا يتزوجني

بقيت واكفة محتارة اباوع الها

جوهرة : يمة يعني بعد السوا كله بعد السوا ؟ و انتِ بعدج تردي

رحاب : اي اريدة لان اني احبة و هذا الشيء مو بيدي

و اني مسامحته على كلشي سواا

جوهرة : اذا هيج الحجي تزوجي يالله روحي تزوجي

و انسينا و لا بيوم تدكين بابنه بعد

رحاب : و انتٍ شنو و تتحكمين بية ترى اني امج مو انتِ امي

شفتج اخذتي رأي من رحتي عقدتي وي هذاك ابو النسوان

شو بين يوم و لليلة اجيتيني متزوجة و هسة تردين تتحكمين بيه

جوهرة : لج يمه والله مو هيج بس اني ادري بي قذر و عار

يعني الي يحب يسوي هيج ؟ لا والله ميسوي لو يحبج

جان ما سوه كل هذا و جان من زمان اجاج و تزوجج

بس يمكن مسويلج سحر يخليج متشوفين عيوبة

رحاب : اي يجوز

شفت النقاش ويَ امي ما يجيب نتيجة

بـ ١٢ بالليل اني انتظر تُراب وهو بَعدة مجاي اهله ناموا و بقيت انتظرة بالصالة دخل يعد و يصُف علينه

تُراب : ابوكم انا ابوكم مبتلي بيكم

حضرتله ملابس و اكل و كعد ياكل

جوهرة : اكيد تبتلي بينه لعد شعندنا غيرك

تُراب : طبعاً حبيبتي عندج قشمر بـ حچايتين منج يقتنع

جوهرة : اويلي لو هيج القشامر لو خلي يولون

تُراب : اويلي بِت رحوبة الظاهر مشتاقة تريد الها كتله

جوهرة : كتله ؟ خاف انتَ تريد تنكتل حياتي ؟

تُراب : هسة نشوف منو يفوز

جوهرة. : هسة اسكت بس شوف اليوم كلت لامي على هذا الخطبها

بس ما تقبل تكول احمد يريد يتزوجني

تُراب : امج قافلة يعني هذا احمد شمسوي لامج وهيج تحبة اويلي

جوهرة : شمسوي هو اصلاً فكر و ابو سوالف مكسرة

اخوان مرته جانو كل مره يكتلوه ، مرته دكول لامي من يتعاركن

تُراب : اي ادري ساقط غير اني موجود من حَققو ويا

و گتله اذا تدليني على مكان اهل رحاب اطلعك و دلاني

يعني هم لو ما هو بحياة امج ما لكيت اخوانج

جوهرة : يعني هو زين ؟

تُراب : اسقط من السقوط يا زين

جوهرة : اي مبين والله

تُراب : هو غير يريد ياخذ ثاره مني بس جبان ما يعرف بيا طريقة

گلي اذا ما ادفعك الثمن على كل ضربة حصلتها بالسجن

اني مو احمد كتله اي انتَ عار مو احمد صحيح

و وراها رفعت عليهم دعوة رجعت كل الفلوس زاد الحقد بيناتنا

جوهرة : و شسوه ؟

تُراب : ميسوي يعني شيسوي اكسر ظهره و ظهر الخلفوه

لا مراقب كل تحركاته و اليوم اجه لامج صالحها جابلها

هدية جانو متزاعلين

جوهرة : اي شفته ، تُراب يعني هو يعوف بغداد و يجي علمودها

هنا و و ميتزوجها كل هاي السنين عجيب امره

خلص اكل و بعد الصينية راح يغسل و هو ساكت لمن رجع نُطق

تُراب : بس هاي الفترة مستقتل عليها لان شام ريحة خبر لـ شيء

جوهرة : شيء مثل شنو ؟

تُراب : اخذت حُصة امج من خوالج و كاعد اكمل الاوراق

من اكمل اگللها لان شنو فوك كلشي سوو بيها يحرموها من حصتها

انعل والديهم حشى جدج يكولون خوش رجال

جوهرة : يعني امي طلعت انتَ ورثها ؟

تُراب : اي و لان هو علاقته بخوالج بعدها فـ شم ريحة خبر وبي فلوس

و هو اكبر قفاص و حرامي اكيد يستقتل على امج

و الا يمتى جان بحالها

جوهرة : الله ياخده عزه بعينه اوكف خلي استوعب

مديت ايدي على راسي افكر و مصدومه اجيت كعدت يمه و خليت عيني بـ عينه

جوهرة : تُراب انتَ ليش هيج كاعد تسوي ؟

- شمسوي حبيبي لا ترمشين هواي راح اسكر

جوهرة : يعني انتَ ليش هيج مهتم بـ امرنه شلون طلعت ورث امي

تُراب : كتلج انتِ ما دام وياي نامي رَغد كلشي ممكن يفرحج انا اسوي انا الجندي الخَفي المخلوق حتى يحقق أحلامج

جوهرة : انتَ مهتم بينا كلنه

تُراب : لان انتِ تخصيني و الـ تحبيهم هم يخصوني و بعدين امج ترى

اعزها اني بعيداً عن سالفة هي تشك شك و تستاهل واحد يتعبلها

بس هي ترى ما عندها احد غيرج كل الي تعرفهم كسروها

جوهرة : اكيد امي راح تفرح و تكوم تحبك كلش اذا عرفت

تُراب : مَا عيب يعني هي تكرهني ؟ مع الاسف هو المرتاح بهاي الدنيا

بس احمد الكلب

جوهرة : لا تحجي هيج

تُراب : اضوجك اني حبيبي الاملح

بقيت ساكته و احس كل الكلمات ما تكد توصف حبي و امتناني

لـ رب العالمين على هذا العوض و لا اكدر حتى اوصف حبي لتُراب

و اني صافنه حسيت بـ ايدين حاوطتني

تُراب : ها حبيبتي المَلحة

جوهرة : تُراب انتَ ما تدري اني شكد احبك والله

بطرف اصبعة السبابة ضرب خشمي

تُراب : يكولون اكو وحده ملحة جانت تريد تنتقم حتى توهمني بالحُب

شصار بيها

جوهرة : صار الوهم حقيقة و راح تبقى تنتقم منك بالحب

لحد اخر نفس بيها

تُراب : اويلي يابة لو هيج الانتقام لو ما اريدة

طُبع بوسة قريب شِفتي غَمضت عيوني .. و صار هدوء

فتحت عيوني بـ بُطىء لكيته صافن على عيوني

تُراب : بَهذلني

جوهرة : شنو

تُراب : رموشج جوهرااا

اجيت ابوس خده حرك وجهه و صارت البوسة على شواربه

جوهرة : لا تغشش

تُراب : هو اني غشاش حبيبتي خلصت المدرسة انفصل من

ورا الغش

جوهرة : شو مَرات لحيتك ناعمة و مرات خشنه تجرحني

تُراب : مو اذا اسويها بالموس هستوني تبقى ناعمة اكيد

و من يطلع الشعر تصير خشنة يعني حبيبتي ما ينراد الها روحة للقاضي

جوهرة : يحاسبوكم شنو ؟

تُراب : لا احنه ما نتحاسب مو مثل البقية يعني من هاي الناحية

ذولاك خطية يتلمسون وجههم اذا بي شعراية يطكوهم عقوبة

جوهرة : شدعوة

تُراب : هاي بعد العالم تتحاسب على اغلاطها

الزلم الزينة تتحاسب على لحيتها

جوهرة : لعد اذا ميحاسبوكم ليش متربي لحية

تُراب : شنو اربي ابني هيَ ، لا حبيبتي مو بعد تعودت على

شكل اذا اطولها تكبرني و اني ما اريد اكبر

جوهرة : ها ليش متريد تكبر خاف يرحن الحلوات

تُراب : يا حلوات انا غيرج حلوة ما شوف كمت احس النسوان

كلها فاهية بس انتِ مملوحة

- امممم

تُراب : شوفي الوفاء لعندي و انتِ هناك تدورين لبنانيين

شبيج ما شايفة تفاح تاخذيها منه

جوهرة : يوووووووه حتى التفاح كرهته و من اشوفة صرت اتنرفز من وراك

تُراب : ليه حبيبتي هايدي ذكرى من الاعزاززز

تكلم بطريقة لبنانية و من وصل لاخر كلمة حجاها بلهجة بصراوية

الله شُمر عليه الضحك و هو ضحك على ضحكتي

جوهرة : الاعزازززززز وين يكولون الاعزاز

تُراب : جا شيكولن ها اوكفي احباب الئلب مو

جوهرة : ههههههه لا من الاعزاززز

تُراب : تعاي باجر وراي دوام

- و شتريد ؟

- نيميني امي نيمت ابوي جا انتِ شبيج

جوهرة : اسويلك ممه ؟

- لا گمطيني بت رحااب ، تعاااي لج

بقيت اضحك و اتلاوه ويا لحد ما أستسلمت

تُراب : بشررفي انتِ تموتين عليه بس المستحى لازمج

جوهرة : يا مستحى ؟

- صحيح حبيبتي انتِ وينج و وين المستحى ...

ثاني يوم راح للدوام و بقيت وحدي اهوجم يومية هو ساتر عليه

ومتحمل سوالفي رحت العصر يم الحبايب و لكيت راكان

واكف بالباب منتظرني اطلع يالله يدخل وياي و ولا يدك الباب عليه

و اني يمهن

جوهرة : شبيك حياتي

راكان : مشتاقلج والله ، تعاي لبيتنا خواتي مستحيات منج يكولن

هذاك اليوم من اجتي صارت العركة

ابتسمت و رحت ويا الهم

بقينه نسولف و شفت علاقته وي اخواته مثل ما چان يعاملنه و احنه صغار بالضبط و بيناتهم ميانه يتشاقون

راكان : لج حياة ليش لابسة تيشيرتي الجديد

حياة : والله حلو و لونه حلو و اني اغار عليك اكثر من ميرام

لا النوب البنات كلها تجلب بيك

راكان : اي مهند اني مهند كول عجبج التيشيرت و فضيها

نسيم : اي هي كالت خل ابوكة شو حلو

راكان : هو اني الله باليني بـ خماطات درجة اولى

عبالجن ما احس الصبح من تسلتن فلوس من المحفظة

هن وحدة باوعت للثانية و طكنها ضحكة

جوهرة : ليش متداومن

حياة : مو من وره استاذ راكان اجينه لهنا و السنه الجاية راح نعيد الخامس بالمدرسة الجديدة هنا

راكان : يالله هسة انتن لبلبان همزين الخامس صارلج سنتين بي

نسيم : يمه منو الشاطر اليحجي يمه

همزين ابوي يكطعك يالله تقرا و يدفع فلوس يالله ينجحوك

راكان : باعي جوهرة شنو مشكلتهن

هاي تقرا الثانية تقرا هاي متقرا الثانية مثلها

نسيم رسبت بالخامس و حياة لحكتها صارن اثنينهن نفس الصف

جانت حياة شوية شاطرة شو هاي صارت ويَ نسيم

امي كالت بلكي نسيم تصير شاطرة تالي حياة صارت كسولة

حياة : اني طالعة على اخوية الحب كسولة كلت من شاطرة ما كعد حظي وي ابوي خلي اصير كسولة بلكي يدللني مثله

نسيم : ديالله هو شلون مدلل راكان شو ايده و الضرب

حياة : وينطي فلوس شكد

راكان : بس انجبن ترى هو ينطيني لان اطلع انتن وين طالعات

شتسون بالفلوس

نسيم : ذاك اليوم كتلة اريد عشرة انطاني عشرة مكيفة

كال انتِ واختج خرب امالي و مشاعري

راكان : اي كافي شتسون بيها هو ميريد يعلمجن ع الصرف

حياة : هاها شو اليوم لوكي خاف تريد منه فلوس

ضحكت و امهم كاعدة تضحك و عينها على راكان تتأمله

ام راكان : ماما سألت على جامعتك اكعد اقرا شبقى

للامتحانات ابوك كال يدزك لبيت عمك تكمل الامتحانات و ترجع

راكان : يمه يا امتحانات مشتاق الها

ام راكان: يمه چفيني شرك اني ازوجك من تكمل

كلية هسة بعدك صغير

راكان : يمه شنو صغير اني اريد اتزوج و هي امها شوية بدت تقنع

لان كالت الها اذا متخليني اتزوج انتحر و امها خايفة عليها

ام راكان: و ابوك انتَ شنو تغشم نفسك عن ابوك ولك يمه استر عليه

ما عولت نستقر هنا و نكعد و اخلص من عمامك و تحشيهم عليك

راكان : اخذها و اشرد يمه والله اني وياها قررنه اذا كل الابواب

انسدت بوجهنا نهج من العراق كله

.. اني خليت و ترخصت ما اريد كل ما اجي تصير مصيبة

بقيت طول فترة دوام تُراب اروح يم امي و اميرة

و مرات اروح لبيت راكان لان البنات كلش لطيفات و راكان هم جابهن يمنه تعلقن بـ دعبول صرت اخذه و اروح و هو حتى نسانه

من كد ما متعلق بـآي باده

من نزل تُراب هالمرة ضايج و امي كل ما اروح الها تفتح موضوع زواجها من احمد و اني اشيل روحي و ارگعها لان ماكدر اكول الها عن سالفة الورث تُراب كال الا تكمل

رحت للدكتورة وي أمي و كالت كل وضعج حالياً طبيعي و تمام

فتحت الباب مال الغُرفة لكيت تُراب مقرب الجهاز يسمع بَصمات

و من دخلت سَد الصوت و عدل كعدته

جوهرة : شبيك ؟

تُراب : مابية حُبي

عقدت حواجبي وما تناقشت ويا اكثر لان حركته لمن سَد البصمة صدك

نرفزتني بقت كلمات امي ترن بأذني ابو طبع ما يغير طبعة

معقول تُراب رجع للعلاقات ؟

غطيت راسي و نمت اجه يتحارش بيه صرخت بوجهه و غطيت راسي

كفخني على راسي

تُراب : هو انتِ مو صوجج صوج الـ يجي يمج

تركني و طلع من الغرفة هنا صدك انهاريت و احترگ دمي حرگ

بقيت اكثر من ساعة الوب بالغرفة لحد ما تعبت و نمت

ثاني يوم ما احجي ويا و لا حتى هو يحجي ويا

اهله حَسوّ علينه و حتى دعبول لمن يريد شغله تُراب مني يدز دعبول

وكف بوسط البيت و كام يصيح

- عود متزاعلين عود عيع تخرعووووون

العصر ردت اروح يمهن هو جان كاعد بالغرفة لكيته بأيده الاساور

يبوس بيهن طبع اخر بوسة لمن دخلت و ضمهن بالمَجر

اجيت جريت الربطة والفستان و اريد اطلع

تُراب : اذا تعتبين باب الشارع بعد لتجين

جوهرة : بعدد احسسسسسن

اخذت الملابس بعصبية و طلعت راكان واكف بالشارع بـ بابهم

اشرلي بأيدة جابج

راكان : انتِ مو رجلج هنا شعندج طالعة

جوهرة : ها راكان النوب انتَ تريد تحاسبني ما احجي ويا

- اويلي ، ليش

- هيج مشكلة

راكان : تعاي يمنه البنات ضايجات و بعدين يم امي حتى ترجعين كبل

ما كلت لا رحت ويا هنَ يسولفن الي ابوهن شكد معقد و متشدد

حياة : للمدرسة مسجلين خط حتى الاسواق نتحسر نشوفها

جوهرة : عزه شدعوة ماكو هيج ترى

اني بقيت مصدومة لان الي يشوف حالتهم الماديه يكول هذوله ماكو اسعد منهم بالدنيا بس فعلاً الفلوس مو كلشي

دخل راكان يسولف وي تُراب اشرتله لا دكله اني هنا

لمن سَده كالي بدون ما اكول هو يدري اصلاً

جوهرة : ليش متاخذ اخواتك يشترن ترى ميصير

راكان : تردن احصل كتله شنو ما رايد روحي

حياة : حتى نتمنى نشتري بكيفنا والله الا هو يجيب النه

و كلهن مو طيبات

راكان : ابوي وين

نسيم : يمكن نايم و امي تسبح

- بدلن بساع

هن واكفات ما مصدكات و اني مبتسمة على فرحتهن اجن بدقيقة لابسات صايات و شالات

طلعن و رحت وياهم اشترينا وَهْنّ ما مصدكات

دكلها شوفي الحلويات شوفي و يكول مخلص

اشترن و راكان دفع الحساب و واكف يقنع بيه اشتري كتله والله ما اريد لحد ما أيس اشترالي على ذوقة.

رجعنه هو يمشي قبلنه و شايل العلاليگ

و احنه نسولف

حياة : بلكي ابوي يتغير من شلنه هنا لان هناك جانو عمامي

اربعة و عشرين ساعة واكفين ببابنه يسولفون ويا دخلنه للفرع

هو بيتهم قبل الركن بـ بيتين

دار وجهه راكان بصَدمة

- ولجن هذاك ابوي

بقينه واكفات و اباوع للبنات يرجفن عاد راكان دز رساله لُتُراب

و هو مال راسة يباوع الهم

شوية و كال راكان يالله بس امشن على كيف

تُراب لازم ظهر ابو راكان و يأشرله على نهاية بيت

دخلن البنات و اني وراهن انطاني المسواك راكان و طلع يمهم

و الام واكفة بباب المطبخ تلطم و هن من الخوف وحده تفتح شال الثانية شوية و دخلو ابوهن و راكان

راكان : جوهرة حبيبتي تُراب يريدج

ابو راكان : اني قبل شوية ليش صوتي راح من

الصياح و محد دكول ها

ام راكان : صعدت الهن جانن يصلن اليوم اعمال مباركة

هن و البنية

عاد شوية رخى عقدة حاجبة سلمت عليهم و طلعت

تُراب : ضلي ضلي سايبة بالبيوت

جَوهرة: لا تتدخل لا تتدخل

- يالله لامج امشي

مشيت سريع ردت اعبره لزم ايدي بقوة

تُراب : شعندج رايحة للاسواق شو بكيفج انتِ و بعدين هاي منو اشترالج

جوهرة : اخوي اشترالي

تُراب : اي مو رجلج ميت و اخوج يشتريلي

- اني اصلا ما ردت لان مو زين عليه

- اي اكلي تفاح زين

جوهرة : هسة الواحد من ميحجي وياك المفروض تستوعب

مو تسوي هيج و هيج حتى ينسى الزعل

تُراب : شبيها المَلحة جايشة علينه بكيفي اني رجلج تمشين حسب ما اريد و انتِ الممنونه اكلج حركي روحج تحركيها

جوهرة : اي احرك روحي يعني احرگك لان انتَ روحي

- اويلي المَلحة حتى بالزعل و القصف تنكطين عسل

وكفت كباب بيت نويرة و رفعت ايدي

جوهرة : يلا باي راح ابقى يم امي

تُراب : دتعاي لج افهمج

جوهرة : روح روح لحبيباتك روح خل يدزن الك صوتيات

تُراب : تعاي بالسيارة اسمعج الصوتية

- اذاانتَ رجال

- جا امشي للبيت وياي اثبتلج و اسمعج

صعد بالسيارة و اني بقيت واكفة اباوعله شغلها و فتح الجامه

تُراب : هسة اروح ؟

اجيت بعصبية فتحت باب السيارة و صعدت

جوهرة : لا تحرك قبل ما اسمع

تليفونه بأيده و فتح الجهاز و دخل على محادثة اسم

و باعثله تسجيل شاشه ما انتبهت للمحادثة بكد ما ركزت للصوت

جان صوت احمد و المحادثة اسم احمد

فتحت التسجيل و إني مستغربة

- لك شبيك حبيبي اخذها وراها فلوس فلوس بيت بـ بغداد

و وورث من اخوتها اخليها تسجلهن بأسمي و أديحها

فتحت عيوني مصدومة

جوهرة : هذا شنو تُراب

تُراب : هذا حبيب امج يريد يضحك عليها

بقيت ساكته و بلعت ريگي شلون يا اللهي وي امي اني تعبتني

حرك السيارة و عم الصمت احد ما هو نطق

تُراب : تردين اني احاجي امج على طريقتي و افهمها لو متقبلين

جوهرة : لا اقبل بس خلي تقتنع هذا النذل ما يحبها ويريدها على مصلحة

اخذني اشترالي وَرد و فنكر

تُراب : بيمن يذكرج الفنكر

جوهرة : بأخر لليلة دللتني بيها و عفتني شسويت بيه متت بوقتها

تُراب : شو موت ما موت حبيبتي لا تئولي هيك

ضربته على زنده

جوهرة : ترى والله تلح و تنرفز

و رجع تُراب التحق و من نزل راكان كل شوية جاي يَمه و تُراب رايح ويا من اجه استفسرت منه

تُراب : هذا اخوج عاف الدنيا كلها راح على اصعب شيء بالدنيا

جوهرة : اني حتى ما مقتنعة ترى

تُراب : يعني البنية ناطقة الشهاددة كبال امها و مخلية امها ياخذوها

للمستشفى و هذا اجه لابو يكله اريد اتزوج وياي بنية بالكلية

و ابو كاتله

جوهرة: وهسة ليش يكتله شنو تايهلة

ما دام تريدة هي هيج وًهو يريدها بعد شكو

تُراب : جاي اقنعة غير يقتنع

يومين و سمعت بي شارد من امي و امي شايله همهَ اكثر شيء

و تُراب يتصل عليه و ما يجاوب و احنه داخلين حالة انذار

و تُراب دَز صديقة لبيت البنية يشوفها شاردة لو لا

بس طلعت موجودة ، و صار التوتر يزيد ما ينقص ..

مر اسبوع و راكان مختفي و احنه حالتنه حاله

اجه ابو لتُراب يبجي .. يكله خلي يرجع قابل أزوجه اني اروح بأيدي

اخطب الـه بس خلي يرجع نتصل عليه و غالق جهازة

اني دموعي تجري اكول يا اللهي لا تفجعني بواحد منهم بعد ما لكيتهم الماس على اتصال اني وياها و كل شوية دكلي صليت

و دعيت يرجع من يرجع كلولي

امه مريضة ما تحرك لا ايد و لا رجل و اخواته بس يبجن

اروحلهم كل يوم ابو لازم الباب و كاعد حتى العالم مقهورة عليه

بنص الليل تُراب نام و اني التفكير ذابحني نزلت

افتر بالبيت و ادعي يرجع سالم احس كلبي بي

عالم بشيء بس ما اعرف شنو

بقيت كاعدة على القنفة و اسمع الباب يدك دكة مو قوية

بدون اي تفكير عرفت هذا هوَ و لا فكرت بشخص ثاني غيرة طلعت بسرعة فتحت الباب حتى منو ما كلت و اشوفه دخل

وهو يتلفت شُمر روحة بحُضني

راكان : ضميني يمج اني تعبان

سديت الباب وصار حمله ثكيل كعدت بالارض وهو بحضني و اني

اضرب خده .. شبيك راكان حبيبي منو وياك

راكان : تعارك ويَ خال ميرام و ضربته و يمكن مات

ضربت وجهي بقوة و اسمع خطوات على الدرج

اجه تُراب وهو يدور عني من شاف راكان بقى مصدوم

تُراب : انتِ وين و راكان شجابة و شبيج

من الصدمه بقيت ساكته لحد ما تُراب اخذه مني يحاچي شبي وضعة

هو سولف اله و تُراب باوعلي بصَدمة

سحبة من ايده بقوة و هو يصحي على زمانه

اخذه مني و صعده فوك اني واكفة يم الباب و ما اسمع غير

صياح تُراب العالي و هو عصبي و منهار

ويسولفله بالعواقب الي تصير اذا مات

راكان شُمر نفسه على السرير و نام و للفجر اني كاعدة و اعض بأصابيعي من التوتر و تُراب كاعد و ايده على جبينه

اول ما طَر الصبح لزم راكان من تيشيرته بقوة يكعدة

تُراب : كوم لك كوم ساقط احجيلي شنو اسمه خالها دك عليها دك

راكان : تليفوني ما بي شحن و حتى السيمكارت كسرته

بس حافظ رقمها تُراب اخذ تليفونه و اباوع لايده ترجف

من العصبية و التوتر

تُراب : رد رقمها رد

كتبه و باوعلي

تُراب : تعاي لج احجي وياها اذا جاوبت سوي نفسج صديقتها بالجامعة و اني اكلج شتحجين

دك و التليفون بأيدي متوترة اكثر منهم اني

ما جاوبت

بقى تُراب كل شوية يتصل و موگفني يمه اهل تُراب عرفو براكان هنا

و شمسوي و حسيت عمي من نضراته ما قابل على كلشي كاعد يصير و حتى تُراب كلش عصبي و ميتحاچة

اردد الصبر يا اللهي صَبرني

لحد الظهر صاحني تُراب كال محاولة اخيرة اذا ما جاوبت

لازم اروح لبغداد اتصل اول مره ماكو بالثانيه جاوبت

كلت الو و اني متوترة

اجاني صوتها ناااعم و هي خايفة

- الووو منو انتِ

- اني صديقتج بالمدرسة

كفخني تُراب على راسي

- بالكلية بالكلية

- منو انتِ شسمج

جوهرة : اباوع لتُراب ما حچة كأن مركز بنبرة صوتها

كلت الها جوهرة

ما كال الي ليش كلتي اسمج كأن مطاوعني

- انتِ اخت راكان مووو راكان وين عفية جاوبيني

جوهرة : خالج مات ؟

- لاااااا لاااا كلشي مابي والله بس كوليلي راكان وين

اشرلي تُراب بـ لا كلت الها ما ادري

سَده تُراب و احسه هسة يالله استنشق الهواء

تُراب : جوهراااا

- ها

- ساعة السَودة بيوم الاجيتي بيها يم السفينة

راح تُراب طمن ابو بس ما طمن راكان

كال خلي يعيش تأنيب الضمير حتى يحس بالغلط الي غلطه

و الدوامه الي دخل نفسه بيها بس اني ما تحملت اشوف حالته

خليت راسه على رجلي و امسد راسه

جوهرة : لا تخاف حبيبي ما مات

راكان : جوهرة احبها

اباوعله دموعة تنزل و يبجي مثل الاطفال

انفتح الباب و دخل تُراب هو غطى راسه و خفى صوت البچي

بقى ثواني تُراب واكف متخوصر يباوعله

اجه عليه سحبة من ايده

تُراب : كوم كوم تبجي طاح حض الزلم

جوهرة : خلي يبجي واذا البجي مو بس للبنات

تُراب : دموع الزلم ما تطيح الا بخسارة وًهو ما خسران شيء

- هل دمع الرجال عادياً ؟

كافي نركض

ما مش من الشوگ اجازة ؟

الزلمة لو من يبچي فد شيء عادي كلش

ما تلَثم بالجنازة ..

حُضنه تُراب و گاله كتلك تاخذها و اسأل اختك اني كد الكلام لو لا

جوهرة : عمي دولة و علم

تُراب : اااااه ؟

جوهرة : شنو دولة قارة كاملة

ضحكوا و عفتهم و نزلت

بقى يومين راكان يمنه بدون ما احد يعرف و تُراب يحجي ويَ ابو راكان يرتب الوضع قطعت فواكه بالليل ودخلت للاستقبال

متمددين على نفس المُخدة يتصفحون بالاجهزة

راكان : لعبي بشعري حياتي

مديت ايدي بشعره مبتسمة و مستغربة ليش تُراب ما رفع راسة

شوية و حسيت راكان انضرب راشدي و ايدي

انسحب من شعره صارت على شَعر تُراب

تُراب : مرغي زين لج المَلحة

ضحكت و كعدت عدل بدون ما يدري تُراب مديت ايدي الثانية

على شعر راكان وامسد الهم اثنينهم بس من احس تُراب تحرك

اسحب ايدي

ثاني يوم تُراب اخذ راكان و راح للبيت من الصبح و قبل الغداء بشوية يالله اجه جنت اريد اصب

جوهرة : كلت ما راح تجي

تُراب : لا اني ما استلذ الا بطبخ المَلحة

جوهرة : خو ما سواله شيء

تُراب : والله لو ما اني حاجوز جان اكله بين سنونه

اخوج عار و يستاهل

تغدو و صعد هوَ صعدت ورا و صار البيت هدوء لكيته يسبح و جهازة يدك تقربت للصورة بنيه اسمها مُزخرف دلوعة ..

فتحت خط اجاني صوتها خشن مال كبار اكبر مني

جوهرة : منو انتِ

- انتِ منو

جوهرة : مرته منين تعرفين تُراب انتِ

- هاااا بالخير كوليله اسو دكت عليك حچتها و طكتها ضحكة

طلع و اني كاعدة بمكاني

تُراب : اويلي شكد مشتاق بشرفي اخوتج يومية طالعيلي

بمصيبة باعديني عنج

ما جاوبته و اني العب بالتليفون

اجه يمي باس خدي مسحت البوسة بسرعة بأشمئزاز

تُراب : ااااه ؟ تمسحين بوستي يعني السالفة مو خالية

مَد ايده و حرك فكي لحد ما صار وجهي بأتجاهه

تُراب : غَرد يا بُلبل

دفعته و طلعت من الغُرفة ردت انزل و استوقفني كيس الملاكمة

لميت شعري و بقيت اضرب بي لحد ما انفتح باب الغُرفة

تُراب : هاي علمود الي اتصلت

ما جاوبته بقيت اضرب

من ورا حسيت بأيد حاوطت خُصري و رفعتني من الارض

بقيت ادفر بي و هو دخلني للغرفة

تُراب : جا انتن النسوان شيغزر بعيونجن اذا هذا كله الـ سويته وًبعدج تشكين بيه مَا عيب والله جان استحيتي

نزلت من عنده و رفعت اصبعي بوجهه للتهديد

جوهرة : تُراب اني ما احب اتعارك مثل الزعاطيط بهيج امور و انتَ تعرفني كلش زين هسة تفتح جهازك و وروح زهراء اذا شفت شيء

ما يعجبني تطلگني

تُراب : مادعيت والله ابو الجواهر مو تدرين بينه ما عندنا نسوان تتطلگ

فتح جهازه و خلاه بأيدي

- خلي يمج فتشي براحتج اني رايح اشرب بروتين

نزل جوه و الجهاز بأيدي افتش بي دخلت بكد كمية البنات الي شفتها بس ارتاحيت من شفت هو ما يرد على اي وحدة ابد و اخر الي راد عليهن نصورة و الي وياها ام شعر الاحمر

و كله مكالمات

دخلت على كل البرامج ما شفت شيء ثاني

دخل هو بأيده يشرب البروتين جرعة كله شَربه وحدة

و باوعلي

تُراب : ها شحصلتي

جوهرة : تكدر تحضرهن

تُراب : زعطوط اني ما عندي شغل و عمل اكعد احضر بالوادم

بعدين شو هذا البروتين يمكن مغشوش

جوهرة : رجعة اذا مغشوش

تُراب : هو اني هم زوج

- ليش ؟

اخذ الجهاز من ايدي شمره و قرب راسه لرگبتي

تُراب : عايف الاصلي و اخذ مغشوش

نزلنه العصر و هو فتح باب الغُرفة على اهله

تُراب : ليش منطي ظهرك لامي اشبكها يالله

امه تضحك و ابو يكله عيب استحي

- شنو استحي عمي اني اريد اخو شنو عايفيني وحدي

اجه يم امه يبوس بيها و ابو يكله احترم نفسك و صير رجال

مره بحياتك اندك الباب و دعبول بالكوه قبل يفتحه

شوية و دخل راكان الفرحة ما واسعته طلعت من الغرفة و حسيت بحضنه قوية

راكان : لج جوهررررة ابوي قبل جوهرررررة

تُراب : تعال لك تعال الزعطوط

راح لتُراب حُضنه و راد يحضن خالة بس وكف

- خاف اشبكج خالة و تگاوموني عشائرياً

بقينه نسولف و نضحك و ابو تُراب طايح الهم دك رزايل

و هم يضحكون راكان ارتاحله و سولفله حتى من اخذته للاسواق

و تُراب ستر النه

ابو تُراب : بابًا هو انتو الغيرة منزوعة منكم هم لو تنباع

جان اشتريتها الكم

تُراب : يابة ترى الزمن تغير يعني بس انتَ ما تقتنع

ابو تُراب : انتَ حبيبي من يوم الـ توكف خواتك بالباب ينتظرنك اني غسلت ايدي منك ما عندك غيرة

ضحك بس احس معاني الحزن أنرسمت بوجه تُراب

قبل لا يلتحق بيوم راح لامي للبيت صعدها بالسيارة و راحوا

و اني بقيت الفضول ياكل بيه شوكت يجي و يسولفلي

اكثر من ساعتين اني انتظرهم لحد ما أيست صعدت

اباوع من الشباك نزلو وهو كبل باوع للشباك يضحك

نزلت البردة و اجيت تمددت

انفتح الباب و دخل مبتسم

تُراب : كومي تعشي حبيبتي جبتلج اكل لان ادري الفضول حتى اكل ما يخليج تاكلين

فتحت الاكل و اني اباوعله منتظرته يحجي

تُراب : اكلي هسة لاحكة على السوالف

جوهرة : دتعال احجي

كعد كبالي يضحك

تُراب : اويلي لو تحبيني بكد ما امج احمد الا انا ملك

جوهرة : هسة لتضل تسوي ذني

- شلون طلعة وي امج اويلي

ضربته راشدي عَض شفته مبتسم

جوهرة : تأدب كتلك الف مرة تأدب

تُراب : ههههههه اويلي رحوبة بشرفي تستاهل واحد يدلعها ما يعذبها

عفت الاكل و اجه يضحك لزم ايدي

- يالله تعاي اسولفلج اخذتها بالبداية مستغربة دكلي

انا مو مرتك حتى تقشمرني وتبيع ذهبي حتى ذهب ما عندي

اخذتها عشيتها و هناك سولفنـه جيبيها منا وديها منا

ما تقتنع سولفت الها على غايته ما صدكت فتحت الها التسجيلات انصدمت

جوهرة : اي

- بس قهرتني يعني و شكد حجيت عليه ما دافعت اله

ثاني يوم رحت الها و اول مره يكسرني حال امي و مابيدي الها شيء

كعدت اغير جو و اسولفلها عن حبيبة راكان بلكي تفكر بغير شغله

و ترتاح و قررن هذا الشهر يسافرن

جوهرة : خاف ترحن فارغات و تجن بيدجن رجوله

نويرة : والله كلشي يصير بكرة القدم ما اضمنلج

احاااا اجي جايبتلج الاشكر ابو كذلة صفح

رحاب : خلي نسافر لتركيا

صفكت ايدي الهن و تخوصرت

جوهرة : خوش عمي والله خوش النوب حتى تبقن هنـاك ما نرجع

نويرة : اكو واحد خطية راح تموت يالله لا تضوجين نصورلج

بدينه تجهيزات لعرس راكان و ما مصدكين

البنية بس امها وياها و راح تجي لهنا يعقدون و يتزوجون گبل

و ابو راكان كلشي يصير على اعصابة بس حتى مايخسر

راكان و امه

اجتي البنية و بقت يم نويرة و امي اني كلت لنويرة خليها يمج

لان اذا مو يم نويرة راح تجي يمنه و اني ادري ابو تُراب

ما يقبل بكل هاي الاشياء و يطلع عصبيته بـ تُراب

ايام حلوة بيها الفرح سَير على بيوتنا

عقدنا لميرام و راكان خطوبة عراقية جداً

تترأسها گولات نويرة و هلاهل امهاته

و اني يومية رايحة ويَاهن يجهزن لميرام و ميرام صار جمالها

حديثنا كلنا شكد ما شفتها حلوة بالصور طلعت احلى

ملامحها كأن لعابه

راكان و يا فرحة راكان ما تنوصف و لا تنحچي

بوقتها رحت مراجعة ثانية و كالت كل وضعج تمام خليها

على الله بَعد و كتبتلي علاج بسيط

رجعت و اني احس روحي تفور من الداخل يارب

شوكت تجبرني ولو اني صرت طماعة بطلباتي

فلوس ابو راكان هواي ما صارت اي عرقلة بالتجهيز و بمدة قصيرة كملو كلشي و باجر الحنه و بعدها العرس

و صار الفرح احلى لمن اجتي الماسه و ابنها و السيد وفى بكلامة

من كال اجيبها

الماس : جوهرة مو باجر تشغلون اغاني ترى حرام

جوهرة : تربية السيد عيني سدي اذانج باجر يشعلوها اكيد

سوينه حنة البنات بـ استقبال بيتنه اجني بس بنات خالاتها

و نسوان عمام راكان و بناتهن كلهم صارت حنه تجنن

و ميرام ما قبلت الا بالعرس تروح للصالون طلعت تجنن

رحاب : لعد هاي باجر شنو من جمال تطلع

لبست فُستان ابيض و حليت شعري

و خليت الاضاءة عَظمة رقبتي و مكياج هادىء

و جان اول فرح احضرة بحياتي و احلى فرح يمر عليه

حبيبي الي خلصت العمر انتظر شوفته

اليوم حنته صارت بـ بيتي دخل حَناها و من فرحته يرگص وياها

و احنه وياهم امه الفرحه ما سايعتها ابد

طگينا صور و تُراب صاحلة يگله شنو جلبت فضها لك

وحدة بصفي صغيرة من جماعة عمام راكان كالت

- الله هذا صوته شكد حلو عاد وجهه هم حلو

جوهرة : ما يفيدج حبي هذا رجلي

من خلصت حفلتنه لـ العشرة بالليل حنة الزلم ما خلصت و ابو

حتى مطرب جاب و العالم كلها تركص و تاكل بالليل

كلش دخل تُراب و عمي و خالة نامو بالاستقبال

لان الماسة و زوجها ناموا بغرفتهم

بدون ما تحجي كال تُراب اليوم شلبستي سِت

بقيت اوصفله

تُراب : وليش ما صحتيلي اشوف

جوهرة : خفت عليك تنجلط حبيبي

- صورتي ؟

اخذت الجهاز فتحته اشوفة بقى فاتح عيونه مصدوم

تُراب : لك هاي منو هاي

- مرتك حبيبي

تُراب اشتعلووو لَك اويلي يابة اويلي

سحب ايدي وكعت على السرير

جوهرة : صدك شوف

- شكو لج

- حضر روحك تسوي تحليل و تروح لطبيب شيء لان صرت

زينة والله يجوز يطلع منك السبب

فتح عيونه بصَدمة

تُراب : مني ؟؟؟ لج مني خرب إنه النوب انداريتي عليه

جوهرة : اي والله معليه سوي تحليل يالله

تُراب : اي الله كريم دتعاي

يقرقرني و اني صوتي عالي بالضحك بقى يسكت بية

تُراب : دسكتي لا يصعد النه السيد

بشرفي اليوم من ورا الاغاني خزرني خزرة خلاني اعيد ماضيّ كله

بقينه نضحك و كل شوية يكول اش كافي ...

طلعت من الحمام اخلي مُرطب

جوهرة : سوي عند دكتور زين

تُراب : بالله هسة دركعي راسج بذاك الحايط

بقيت اضرب رجلي بالكاع و متنرفزة

تُراب : بس لتضلين تنگين بموضوع يصير شكد تنگن النسوان شكد

و عافني و نام

ثاني يوم مخبوصين بالعرس

و اباوع لتُراب واكف يم السيد و شايل ابنه

ويناغي بي و كل شوية يبوسة ويسويله حركات يضحكة

من بعيد رفع نظرة يدورني كأن حتى افكارنا متشابهة

انطى لابو و اجاني

تُراب : هذا ابن اختج نسيبي لوحدة من بناتج الملحات

و أبو زَفه بوقتها باوعت لنظرة امي كسرتني من شافت الي ربته

صعدت بالصدر عاد صعدنا وي تُراب اني وياها و خالة

و نويرة و اميرة وي السَيد جانت الزفة تجنن

و تُراب يسوق و سيارة العرسان ورا

لان ابو مو كلش يندل

و لمن رجعنا الموسيقى مال الاعراس هرجت الدنيا

و هو و تُراب تكابلو يرگصون و حتى ابو الي محد شايف ضحكته

رگص وياهم و حتى نويرة دكول شكد شايفه اعراس حلوة

بس مثل هذا العرس ما شفت

لهنـا و بدأ الهدوء يغمر حياتنه

امي من شفتها شمرت كلشي يخص احمد بالزبل

بس ضمت صورته و هي تبچي

يا ترى لو احمد النذل حَب امي مثل ما حبته ؟

مرت الايام و امي و الحبايب سافرن رادت تسافر خالة وياهم و عمي ما قبل كال الها نروح للعمرة بعد كم اسبوع وًما بيج حيل هلكد تسافرين

تُراب : كول ما اكدر انام و انتِ ما موجودة و فضها

ابو تُراب: طبعا ما اكدر شعندي غيرها هاي الحب

الاول و الاخير

باوعتله بنظرة شووف الحُب

ابو تُراب : شبي لازم عنده غيرج ؟ كليلي حتى ظَهرة اكسره

كتله لا عمي و من كمت تقربت عليه

جوهرة : بس دلوعة و فد اربعين وحدة وياها

تُراب : يئبرني الغيران

قرب موعد الشهرية و لمن ما اجتني خفت بس لا رجعت

تخربط بسبب التكيس ابد ما خليت ببالي حامل من كد ما آيست

رحت للدكتورة و هو اخذني و اني ضايجة

سوتلي سونار

- جوهرة انتِ سويتي تحليل حمل ؟

- لا دكتورة

- كاعد يبين عندي كيس كومي بالله سوي تحليل

طلعت و من فرحتي كالت لتوكعين نسيت اكو حتى نسوان موجودة هو واكف يم الباب ينتظرني

جوهرة : تُررراب يمكن حامل

تُراب : لا ؟ ان شاء الله يارب

اجينه للمختبر نسوي تحليل و ننتظر و جان هذا اصعب انتظار

من بعد انتظاري لاخواني هو لازم ايدي و يهدأني

تُراب : كافي شبيج راح تموتين وحتى لو مو حامل

كلش عادي رب العالمين لسه ما كتب

و اني اردد بداخلي يا رب لا تخيب فرحتي

ام التحليل طول الوقت تباوعلي من جابولها الورقة

كالت اني تحمست اكثر منج

فتحتها وهي مبتسمة

- مبروك حامل

اباوع لتُراب و فرحته و لا كأن هو الي يصبرني كل هاي الفترة

رجعت للدكتورة و من فرحتي احس كل العالم عرفت الي بالورقة شنو

خاني التعبير و صارت دموعي من الفرح ما اسيطر عليها

و يا فرحة عمي و خالة اكثر حتى من عندنا

خابرت امي وًهي بالسفر و اسمع هلاهل

نويرة و اميرة الماس فرحتها ما تنوصف اصلاً ، اركان

و كل الي يحبوني فرحولي

تُراب مبتسم و كاعد على القنفة يتأملني

جوهرة : ما مصدكة تُراب ما مصدكة

تُراب : اني تردين مني تحليل مو ؟

بقيت اضحك و خالة كل ما تشوفني امشي تكول اكعدي

خلي الطفل يركد و حرموني حتى من روحتي لبيت نويرة

ما الومهم لان كلنه تعبنا نفسياً يالله سمعنا بهالخبر

صارن هن يجني و اميرة من السفر مجهزة كلشي اله

دكول انتِ بنتي الما جبتها

جانن يسولفن على البطولات و هن صغار

و اني اسولف الهن لحد ما اخذني الواهس بالكلام

سولفت الهن على عماد بقن مصدومات

سُعاد : اسكتي لا يسمع دعبول ولج هذا فتان و نصي صوتج

لا يكعد رجلج

نويرة : جا لوما صايرة سباعية جان اغتصبج

يا يا يمه فلك ولجن اسكتن

اميرة : بوكتها سدت عليه لليلة كلت ما اصبح الصبح

تالي اخذتها و شلت

بعدني اريد احجي و اسمع

اسم جوهراااااااااا

طلع بنبرة بكل حياتي ما سامعتها نبرة مُخيفة

.....

ضميتك حرز للدنيا خاف تعيل

تميل الگاع بيه و انتَ ابد متميل

شوصفك يا مسچ يا هيل ؟

بوكت هدنه الوكت انتَ النه صرت " الحَيل "

-رُسل فَهد

طلعتو حابين الفقرة مثلي

شنو الـ كلمة الي نگالت الكم و خلت دموعكم تنزل ؟

ما راح اسأل منو كايلها لان اكيد عزيز

ما تطيح دمعات العين غَير أعزازها

⚠️ غداً البارت الاخير ..

التأخير بسبب قاعدة الجهاز و الكيبل 🦦

* جذب اني احبها ما اريد اختمها 😔🤝🏻

لا صدك بسبب القاعدة 💅🏻

الشَذرات : هسة احنه شأفتهمنا

التَصويت و المُتابعة لُطفاً

عَلى كتِف القُبطان حَمامة

- رُسل فَهد

...

الماس

لا تَقربي ، ابتعدي ، صغيرةً ، مجنونةً

بلا نَسب .. كانت حياتي دمعةً و ملامه

تهوى القلوب كل ما كان صَعِب

لذلك

أحببتُك يا صاحب العِمامة

احبك وانتَ تعرفها قبل لا حتى گلنالك

يـاسَگف الضريح و صَعب تفصالك

يـ ساكت و الحچي أفعالك

هنيال العَمامة الـ بيها مهتم دوم

و يهنيال العَباية الكاشخة بـجالك

- رُسل فَهد

صارت ايد على ايدي درت وجهي خايفة

- عبالج اخليج تتهنين

الماس : الاااااء ؟؟؟؟؟

الاء : ايييي

حجتها وهيَ تحرك عيونها مثل المشعوذه مبينات من البوشة

قويت قبضة ايدي عبالي راح تاخذ الطفل من الخوف

مدت ايدها على راسة و اني سحبته لصدري اقوى

الاء : حبيبي ابني انتظرني فترة و اجيك

احس مدري شصار جسمي من الصدمة و الخوف و القهر

اخذته و طلعت اركض بس اريد اشوف السيد وين

ما لكيته واكف امشي و اتلفت ما لكيتها وراي

رحت قريب مكان الرجال بلكي اشوفة لكيته يصعد الدرج يريد يطلع

من شافني وشاف وضعي استغرب سَرع خطواته

عبد العزيز : الماس شبيج ليش وجهج اصفر

الماس : الاء الاء سَيد الاء اجتني تريد تاخذ ابني

قدمته اله حتى ياخذه لان ايدي ترجف و اخاف اوكعة

دموعي تجري و هو للان ما مستوعب لزم المُنتظر بأيد

و لزم ايدي بـ ايده الثانية و طلعنة لحد ما وصلنه للسيارة

انطاني بطل مي

عبد العزيز : غسلي وجهج و شربي مي و سولفي على كيف

بديت اسولف اله هز راسه بـ اسف و معاني وجهة عليها الدهشة

عبد العزيز : مُستحيل هاي تكون انسان صاحي لا مستحيل

رجعنه للبيت و اني من الخوف نيمت الطفل بوسط السرير

عَبد العزيز : هو اني الكتكوت خفت عليه مني و ما نيمته

ترديني اكتل ابني

الماس : و الاء ؟

عبد العزيز : اهتمي بنفسج و ابنج و ما الج اي دخل بالباقي

اني ارتب و انهي كلشي على الصامت لو ما عندج ثقة ؟

الماس : لا عندي طبعاً بس اخاف تاخذكم مني

عبد العزيز : محد ياخذنا منج يالله نامو

تُمر الايام بسلام و اني كل يوم روحي تتعلق بـ ابني اكثر

وهو شكله لطيف و يضحك لان كلش صغير

اني شايفة بنات نبأ كبيرات لما يجن للدنيا بس هو لا

عبد العزيز : و من تالي اجه الـ ياخذ مكاني

الماس : ههههههه لا عيني لا انتَ محد ياخذ مكانك بعدين تغار

ترى هو لان صغيرون و فقير والله مبين فقير شوف عيونه

و انتَ شوف شكبراتك بس اصبعك بكده

اباوعله هز راسه و اكتافة تهتز من الضحك

اجه اخذه من ايدي يباوعله و مبتسم

عبد العزيز : سبحانك يا اللهي على ما صَورت

الماس : يعني يكبر ؟

- اكيد يكبر و ينمو ويصير رجال

الماس : خاف من اكبر ما يتذكر اني شكد تعبت عليه و يعوفني

عبد العزيز : عفت امي اني ؟

- لا

- و انتِ امج مو بفترة قصيرة عرفتيها و كلش تحبيها و متعلقة بيها ؟

- اي

- فـ لا تخافين مثل ما ربيتج اربي

كعد هو يقرأ قرآن و اني شايلته افتر بي بالصالة و اناغيله

بس ميضحك معصب وجهه هلكدوته بس عاقد حواجبة

الماس : لك عليمن عاقد حواجبك اني امك شو انتَ حتى حواجب ما عندك ... السَيد مبتسم يحاول ما يضحك

الماس : اممم اممم طالع على ابوك شخصية بس هو حتى بابا

ما يكدر على امك اريد انتَ تصير شخصية براسي

سَد القرآن وهو يضحك

عبد العزيز : يعني شلون منقرأ ؟

الماس : يا سيد بس دشوفة اربعة و عشرين ساعة اتلوك اله و هو عابس وجهه ما يضحك شدعوة هيج ضايج خاف ما يريدني امه ؟

عبد العزيز : بمرور الايام هذا الوجه الي ميضحك راح يكوم

يبتسم بس من يشوفج لان يعرف غيرج ما يفهمة

الماس : زين جيبلنه كتكوت نلعب سوه يجوز يضحك

عبد العزيز : ابداً الا الكتكوت الي خلك اني يموت و تعاي اكلبيها مناحة عليه ما رايد روحي

الماس : هاي لو هو يكبر و يكلك بابا جيبلي كتكوت

ابتسم و بقى يتأمل

عبد العزيز : اجيبله طبعاً شعندي غيره

فتحت عيوني بصَدمه

الماس : يعني تجيبله و متجيبلي بعدنه من هسة و بينت التفرقة

عبد العزيز : والله انتِ يا الماسه و سوالفج احلى شيء بهاي الدُنيا

- لا تضحك عليه سيد

- ما عاش الـ يضحك عليج هاي حقيقة

باوعتله بـ نظرة ما اكدر عليك

اجه يمي و اني لازمه الطفل عَدل شعري و رجع گذلتي

لزم فكي بطرف اصابيعة و طُبع بوسة بخدي

عبد العزيز : احلى شيء بهاي الدنيا انتِ

يالله تعبج نيمي و خل أنيمج

حجيت بـ ابتسامة

الماس : اني بنتك وهو ابني يعني

بعدني اريد اكمل كال

- لا انتو جهالي و اني ابوكم مو هيج انتِ كلتي

ضحكت و خليته بالكاروك مبتسمة لان غُفه فز على صوت دكة الباب

طلع السيد يشوف منو و من الباب اسمع صوتها العالي يلعلع

من خوفي خاني التعبير وكفت حارس و مخليه الكاروك ورا ظهري

الاء : عبد العزيز اني ما اكدر خليني يمك رجعني على ذمتك اني تطلكت اصلا اني كلشي سويته حتى ترجعني تغيرت اني والله

تغيرت و عرفت أخطائي

عبد العزيز : بَس بوقت متأخر

اباوعلها مدت ايدها على ايده تريد تبوسها وهو سحبها يستغفر

الاء : رجعني على ذمتك رجعني لخاطر بناتك

عبد العزيز : ليش ما حسبتي حساب لبناتج انتِ

مو شرط اني الي دائماً اتحمل نتائج افعالج تحمليهن انتِ هالمرة

الاء : رجعني على ذمتك و اهجرني بس خليني يمك ابقى كاعدة بهذا البيت و لا اتقربلك و لا تتقربلي

عبد العزيز : المشكلة انتِ حجيتي غايتج برجوعج بدون ما تدرين

يعني انتِ لا ترديني و لا حُباً بيه تردين ترجعين انتِ كل همج

تبقين بالبيت و اني و انتِ نعرف شنو تردين تسوين

كامت تبجي

الاء : لا لا والله لا رجعني عبد العزيز اني اليوم ما اطلع اذا مترجعني على ذمتك لخاطر احفادنا رجعني يالله

عبد العزيز : ابداً الاء روحي من وين ما اجيتي اساساً نفسي ما تتقبلج بَعد من بَعد ايدي تلمسج ايد رجل ثاني و تردين ترجعيلي

و كأن ما صاير شيء بُعد السماء عن الارض الي تردي

الاء : لان ماكو غير حل شسوي فهمني شسوي

عبد العزيز : و اني اساساً من يوم الي نطقت الطلاق بالثلاثة

ما رايد منج رجعة و كان القران من گلب و لسان لان تحملتج بما فيه

الكفاية و هسة اطلعي لان كلامي وياج خلص

بقت تحجي بصوت عالي حتى ينجبر يدخلها للبيت

خابر زوج ورقاء و گله تعال اخذ عمتك لابوك

بسرعة طلعت و هي تتحسب و تبجي

اني جامده بمكاني من الخوف اجه هو شافني

عبد العزيز : شبيج وجهج اصفر مدكليلي

الماس : اني اخاف من الاء حتى اكثر من ما اخاف منك

ابتسم

- تصريح قوي هذا

بقت الاء على هذا الحال كل يوم تجي من يجي السيد بالليل و يطول النقاش بينهم بالكراج و بعدها صار حتى الباب ما يفتحة

و يبقى يستغفر طول الفترة الي تدك بيها الباب

الماس : الك نية ترجعها ؟

حجيتها و اني ضاغطة على ايدي اهدأ نَفسي

ابتسم و بعدها تحولت معاني وجهه جديّة

عبد العزيز : نعم

هديت ايدي و فتحت عيوني بصَدمة و شهكت

الماس : صدك تحجي عبد العزيززززززز ؟

عبد العزيز : بَعد و بَعد تعاي ضربيني تعاي

الماس : ترجع الاء ؟

- اممم

- شنو امممم امممم جاوبني كلام صريح

خليني افتهم و حق الله اهج و حتى مكاني ما اخليكم تندلوه

باوعلي بـ ابتسامه

عبد العزيز : شنو هاي الشخصية ما جنت اعرفها ؟

الماس : منا و جاي اعرفها مو لمن تزوجتني كلها صارت تريدك

هاي اني لو وحدي بالبيت لو ما ابقى

عبد العزيز : اما اكون أو لا اكون