رواية على صراط امي الفصل الحادي والثلاثون 31 - بقلم Shaqraa

السلام عليكم

على صراط امي
الجزء الثامن والعشرون

حاولت اتملص منه بس مقيدني بايديه وخشمه
بركبتي
احطلج العصارة حتى تطيبين..
ماا مزعجة ماريدها..
متأكدة..حجاها وايده تتجول وشفايفه تنقش..
فقدت قوتي واستسلمت بين ايديه
نسيت الخجل نسيت الوجع ونسيت كلشي..
اصلا العقل بهاي اللحظات يغادرنا..

بعد دقايق هواية مرت وبديت اتوجع ..
جرني لحضنه وهو يبوس راسي ويهدأ بيه..
لا تصيرين جبانة دلوعتي مو جنتي ذايبة بيدي
وتتمنين مااتركج..
اي هو صح بس يعني اذيتني..
بالعكس ع كيفي وياج وعيونج ..
اي بس طولت جنك ممصدك..
ههههه قابل بيدي هي لج جنج ماعاجبج..
لا عاجبني ههه ..

بعدها حضنا بعض ونمنا..
ماكعدنا الا ع صوت الباب يندك حيل
طفر حر من حضني وهو يفرك بعيونه يدورله ع ملابس
كعدنا مخروعين
باوعت للساعة بالتسعة حتى موعد دوامه فايت وماندري
عود كال ياخذ اجازة الصبح ..

فتح الباب واسمع امه تحاجي..
صدك جذب يمه شعدك نايم لهسه لا دوام لا صلاة
شنو تزوجت لو طلعت من الدين..
اخ حجية مكعدتنا من النوم ومفلشة الباب عبالي احد مات..
لا محد مات ارجع انت ارجع لا تموت جنك ابوك..

سد الباب ورجع يضحك ..باوعتله مبتسمة بخجل..
راح عليك الدوام..
لا راسلت حارث الفجر وكتله ..
اها زين لعد اكوم اسبح..
باوعلي بنص عين وهو ياشر ع نفسه..شوفي
وضعي مال سباحة بلة؟
اي اي بس تسبح ترتاح ههه...
خوش ميخالف بس ورا موعد العصارة..
وذب نفسه فوكي وخلاني افقد ...

بعدها خابرت ماما وطمنتها وبس حجيتلها هلهلت..
اسمع بابا صوته بعيد صاح شصار ..
جاوبته بعدين وضحكت ..
وبقينا نحجي شوية وسديته منها..
ورا شوية خابرتني سبأ وتضحك..

هااا واخيراً حنيتي ع الرجال..
يااا شمدريج ولج..
وج يكل لعلاء واخيراً ذبحت الحمامة
علاء يكله ترى اذبح الخلفوك كو...غير بت عمتي ولك جاي تذلني..
ههه هو علاء هم لوتي مو ذب لحم بعرسي ..
اي يركص اي بس مو يتبشر هههه...
هم صح يلا خليني اروح ابدل عزمني برا نتعشى..
عافيات مقدماً ..
يلا بااي..

سديته ورحت بدلت ومكيجت وطلعت كعدت يمهم..
سلمت امه ماجاوبت بس ابوه واخو
كعدت يمهم وبقينا نسولف هي كامت للمطبخ شوية ورجعت
يمنا..
التفتت لعمو كلتله..شنو فخري شعاجبك تتعشى؟
يا عشىا ام حر صارلي عشر سنوات تارك العشا..
ولدج دومهم وكت العشا مو بالبيت ..حسيت عمو عرفها
تبسمرني وسكتها..

لعد عمو تعالو ويانا غيرو جو وتعشو..
لا بابا روحو وتونسو واصلا احنا مانتعشى  خالتج تسوي
مرات للولد
انة وهي ماناكل بالليل هي ترشق ههه وانة معدتي وقولوني
تعبانات كلش..
سلامتك عمو ماتشوف شر..

بعدها اجه حر وطلعنا اخذني للجزائر تعشينا
افترينا شوية بالمحلات
دخلنا لسوق الخيمة..كال تعاي اريد اشتريلج هدية..
اخذني لمحل ساعات كتله اريد ع ذوقك ..
اخذلي وحدة فضية وناعمة كلش عجبتني..
حبيبي انت ليش هلكد ذوقك حلوو..
لو ما ذوقي حلو مااختارج ..
اوي ترى استحيت..
مدام اوي امشي نرجع صار موعد العصارة..
يبووو ترى طبت طبت ماريد..
العلاج علاج بلا كسل امشي ههه...

ومر هاليوم بسعادة وراحة نفسية ماكو مثلها
يوم ثاني كعدت ويا وسويتله ريوك ونظفت
وابو واخو طلعو للشغل..
خلصت تنظيف واخذت الملابس شريتها..
بدخلتي من باب المطبخ وخالتي طالعة تضاربت وياها ..

اسفة خالة مانتبهت..
دفعتني من صدري طحت ع الميز واجه البوز بظهري ..
اجتلي بسرعة خافت من شافتني صرخت
كومتني وكعدتني بالصالة..
عذريني خالة عذريني مادري ودفعتج
وجهها صار اصفر وانخطف لونها
وراحت جابتلي ماي ..
خالة حبوبة مو قصدي ادفعج بس سكتي لا تبجين
لا تحجين كدام عمج لو الولد مايصدكون مامتقصدة..

بس خالة انت دفعتيني واذيتبني شسويتلج انة
حجيتها وبجيت من الوحع..
دفعتج بس بس مو بالقصد ماعبالي تتعورين
بلة خل اشوف ظهرج خاف بيج شي..
اجت رفعت التشيرت وحجت..شوية منا صاير احمر
لزمته وفزيت موجوعة..
عفية خالة يوجع عوفي هسه اروح اتمدد بلكي يتحسن..
نزلت التشيرت وهمست..
حقه حر مايشوف دربه.. حجتها وابتعدت بس
سمعتها...

كمت ورادت تساعدني كتلها لا اكدر امشي..
رحت للغرفة تمددت واحس ظهري يفور حرارة
ووجع..
راسلت يمامة سولفت وياها شوية وحجيتلها
ابد مااضم عنها شي..
كالت لا تحجين كدامهم خطية تبقى مرة كبيرة
وزحمة تنهان بسببج
هالحجي بعد ماسبتها وحشتها تالي كالت لا تحجين..
هو اصلا قررت مااحجي لان ماريد اخرب وانة
بيتي اقل الشهر ويكمل..

بقيت بفراشي للظهر صليت وطلعت لكيتها
طابخة الغدا
رجعت للغرفة نمت بعد مااخذت مسكن
لان الوجع موتني..
كعدت ع حر حاشك روحه بظهري ويبوس..
بحركة لا ارادية صحت من لزمني بمكان الضربة...
بس هو عباله اغيضه..
مااهتم وبسرعة رفع التشيرت وذبه ودارني ع بطني..

حسيته سكت وحجه باستغراب..شبي ظهرج وطن ؟؟
حبيبي انضربت بالميز..
يمته وشلون؟ اندار وكعدني ويحجي بقلق..
مساع دخلت ركض وانطخيت بي..
بلة خل افحص ظهرج شوية..
كعدني عدل وفحص ع كيف صرخت شوية
كال مابي شي ع كولتج اثر الضربة ههه تذكرين...
اي لازم تحرجني ماتكدر..
اي انت هسه تنحرجين بس احط خشمي بركبتج
تصيرين عجينة واشكلج بكيفي..
اممم كافي خجلتني ..

كام راح للحمام وانة صبيتله الغدا وكعدت انتظره..
من طلع وشافني صابتله بقى يحجي ماقبل
كتله لا تحسنت..
كعد ياكل وسالته..حبيبي شوكت ننتقل لبيتنا؟
كلشي كمل بس الغرفة يجو هالاسبوع اجيبها
وهاي الغرفة ابقيها لابوي يريد يجدد شبابه ههه...
يا يتزوج! شبيج مستغربة هو متزوج و يومية يتزوج .
تحجي صدك!

اي لعد احنا شلون خلفنا ..
يوو ليش تنصب عليه عبالي صدك..
ولج هو زواج واحد وبالكوة صار نفسه طابت من كلشي
الله يساعده..
كافي حبيبي هذا ماضي..
صح بس الرجال ماينسى...ذاك اليوم
يحجيلي وعيونه بيها عبرة..
يكول الصار كله بكفه ومن شفتها حامل بهذا العمر
هذا الشي قتل كلشي بداخلي..

اكله يابة نست وكبرت وراحت السنوات..
مشت يمها بس يمي واكفة..بس الشي الحلو الصار من
بعد الحطام هو وطن صارت مرتك..
اتفاءل من اشوفها احسها بنتي ...
الله يساعده ويساعد الكل..حجيتها بتنهيدة واريد اسد الموضوع...

بعدها دخل حر نام شوية وانة طلعت دفتر مذكراتي الي بديت
اكتب بي
بعدين عمو سمع واجه تطمن عليه بس خالتي ابد
ماشفتها
عمو كال تكول دايخة ونامت
سوت هالشي عبالها راح احجي..
بس عبرت الموضوع وسكتت..

ومن وراها صار تعاملها حلو وتحسنت هواي
وانة الالم خف بقى قليل بظهري
بس اثر الضربة بقى واضح بخصري..

اليوم خطوبة عابد وانة رحت من الصبح
طبعا بالاول جانو مقررين بقاعة
وهو قنع بابا حجي..بس ابو جنتهم توفى ولغو الفكرة
عابد انزعج بالاول بس بابا كله عوض بالعرس..

تجمعنا كلنا مثل كل مناسبة وشغل وترتيب وسوالف..
شفت شهد بس هالمرة وجهه ذبلان وضايجة..
اخذتها فوك بحجة ننظف وسالتها...
شبيج شهودة وجهج مايطمن؟
تعبانة وطن كلش تعبانة ومقهورة..
خيرج؟
افترقنا انة ومختار..
ليششش؟؟

كتله خل نتزوج احنا وعابد سوا يكول لا
ماريد اسوي عرس
اريد اخذج ونسافر احسن من الهوسة والشكليات...
ههه ولج هو مختار من يومه هيجي منغلق
ومو اجتماعي
بس مو لدرجة تفترقون يمعودة..

اي هو خيرني بينه وبين العرس والحفلة
كتله اريد عرس وهو ماصدك
بسرعة عافني..
دروحي زعل حبايب ترجعون عادي..
صدك ؟يعني نرجع؟
اي معليج نحوكلج الموضوع ونرجعه بس لا تضوجين..
ياعمري فدوة الج تعاي ابوسج ههه ..

صدك وطن انت مرتاحة بزواجج؟
سوالي الج تفسه من تتزوجين مختار..
اوف اطير اطير اطير..
عقفية عليج هسه انة طايرة كلش ههه...
الله يسعدج و..دنكت..ويعوض خالد..
تدرين وطن خسرج وامه تحجي لامي تكلها دمر روحه
وفسخ مرة ثانية ماجاي يستقر..
يو ليش فسخ؟
يكول بعدني مو مال اربط نفسي بمرة هسه بعد وكت..
الله يوفقه..امشي نكمل شغل...

سديت الموضوع ونزلنا.. التهينا بالغدا والهوسة
بعدها تحضرنا حتى نروح
اجه حر وي طلعتهم ورحنا لبيت البنية..
نزلنا نمشي سوا ونسولف
وهو راح وي الولد وانة دخلت..

بس احس النظرات عليه وبيها تبسبس بس
اعرف الموضوع شنو
وسويت نفسي بالي مو يمهم..
ورا مادخل عابد يلبسها سوينا لمة وبقينا نركص ويا
بالنص ..

وانة ويا شبعنا ركص وحركات وواحد يقصف الثاني
هو طبعا كله يسمي حر الخال..
لازم ايدي يفرني ويكلي الخال وجدج بالكعدة اباوعلك
حقد وبداخلي اتمناك ههههه...
يا صدك هو كال ماكعد كدامه ولا اريد اصادفه..
وج هو الحجي ليكول مرايات سيارة
منين ماتباوعين تلكينه..

هههههههه بس انت دواه ولك ..دشوف مرتك امبينه
تريد تركص كومها..
وصدك راحلها كومها وبقو يركصون
واحنا فرغنا النص الهم وكعدنا..
واسمع البصفي يحجن..اي خية هم يخبلون جنهم اجانب
اي بعذ هن البنات لو رادن شي يسونه
تلكينها مصاحبته ورادته
وين اكو شكرا وهيج حلوة تاخذلها عبد
خية هي صح بيضة بس فاهية
خايبة انة الفاهية باوعي رجليها ابيض من خدودي..

وانة استمعلهم بتمعن واضحك..هسه لا اعرفهم
لا يعرفوني
مجرد سامعين بيه زوجي اسمر هالشي مثل
المعجزة بالنسبة الهم..
بس اصلا كلامهم دخل باذن طلع من الثانية..
وهم ماكمت بعد لزمت رضا لان حرك صاير كلش
ومايكعد والتهيت ويا...

وبيومها بقيت ببيت اهلي لليل وتوسلت بي
ابات ماقبل
كال هالايام ننتقل ببيتنا ولازم نكمل مشتريات..
رجعنا وكالعادة اهله نايمين
واحنا هم جنا كلش تعبانين نمنا من وكت...

يوم ثاني هو راح للدوام وانة نظفت ورجعت لغرفتي
لان امه بس تطبخ وترحع لغرفتها
صح اسلوبها تحسن وياي وماكامت تاذيني
بس ماتكعد وياي ولا تسولف ولا معتبرتني
وياها مرة بالبيت
لو بغرفتها لو تروح لبيت خالو
ومرت خالو اجتنا كم مرة هم بس ماتطول بسرعة تروح..

بيومها بغرفتي هيجي ساعة عشرة ونص
وسمعت صوت نسوان وجهال..
مديت راسي تصنتت ماكو بالصالة وتاكدت ماكو صوت
رجال وياهم
لان حنت لابسة بجامة ستريج مخططة وبدي احمر
ربع ردن..

طلعت يمهم شفت خالاته ثنين وياهم جنة الخبيثة التضوج
مني وحهالها ثنينهم وياها..
سلمت عليه وهم بالمطبخ كعدو لان خالتي جانت تطبخ ..
بسطو بالمطبخ وكعدو ماقبلو جوا..
قدمتلهم ماي وطلعت بسكت وسويت نسكافيه وقدمت
وخالتي كاعدة يمهم تسولف
والجدور ع النار واحد مطفي وواحد مفتوح نار جوا..

سالتها الخبيثة..شطابخة عديلة وج فد جوعانة
ماتريكت..
خية طبخت مقلوبة فخري مشتهيها ووصاني..
ياا بس لا بلا بهارات لان اكل فخري مال مرضى..
لا بيها بهارات خل يروح قابل كيفه يوكلنا
ماصخ شنو طناطله..
هههههه فخري يوكلج ماصخ وحر جابلج ماصخ...
ههههههههه وكلتيها يخيه وشبعنا مصوخة...

فهمت قصدهم عليه انقهرت وانة طالعة ومحترمتهم
الثانية وحتى الجنة ماحجو
بس خالتي واختها الخبيثة..
انة من شفتها هيجي مشيت اريد ادخل..
حاجتني خالته..
يابعد وكت وين رايحة ناطيتنا *****
تعاي كعدي يمنا ..

باوعتلها باستغراب من حجايتها..
باوعت لخالتي وكالت..ولج هذا حر خوش يشتغل
دومه رافع راسنا ..
جاوبتها اختها الثانية..شبيج فضيلة بعدها البنية
جديدة وتستحي..
هههههه ولج هي بعد شافت حر تعرف للمستحى..
هو حر يطلع عين اكبر وحدة
بلة تعاي يمنا سولفينا عن بطولاته مثل فلانة
كبل تكعد تنطي قياسات ..
خزرتها اختها ..كافي فضيلة شجاج ع البنية عاد
وذيج هي ساقطة من اول معليه هو..

للحكاية بقية
بقلم شقراء(قمر كانون)