رواية على صراط امي الفصل التاسع والعشرون 29 - بقلم Shaqraa

مساء الخير

على صراط امي
الجزء السابع والعشرون

نمت فترة كلش هواي واحلامي مخربطة ومتداخلة
انوب شكد حلمت ..
فتحت عيوني ع النص واترنح مامستقرة
بس احس مبللة وماي فوكي
ياا انة بالحمام..

فتحت عيوني عدل ..واباوع لحر مكعدني بحضنه
والدوش مفتوح
من شافني فتحت ضرب خدي وحاجاني..
وطن واعية تسمعيني؟؟
اممم ليش انة مبللة شبيك ماتنشفني ..
اوو سكرت الثولة ..
موو ثولة انة مو و ثوللة..
دسكتي ام الحبوب..
حجاها وكعدني ع الطبلة وكام..جر الخاولي وبدا
ينزعني ..

يا حظك المگير يا حر فوك ضيمك بعد تتفرج
ع الجبن وماتضوكه..
هو ينشف بيه وانة ادفع بيده ومسطورة اتصرف
مثل السكران
كافي عففية نعسس انة..
كافي نوم صحصحي الساعة بالاربعة هسه مدام..حجاها ولبسني
الروب وفتح الباب تلفت وطلع..
دخلني وكعدني ع السرير وانة راسي احسه منمل
مسطورة ومصدعة كللش..

طلع من الغرفة وشوية ودخل بيده كوب..
كعدني عدل ..
شربي حتى تصحين ..وثبت راسي بيده وشربني كهوة
خلصت الكوب كله وهو يدردم
خلصت وحطه ع الميز وكام..
انة راح اسبح واجي بسرعة دربالج ع روحج..حجاها
بقلق وعيونه يتفحصني...

انة وعيت وصحصحت بس خايفة منه مابينتله
بقيت اكل باظافري وخايفة
اكيد راح يطيح حظي ع هالسالفة السويتها خصوصا
هو محذرني ..
جريت الغطا غطيت روحي حتى راسي وخنست..
شوية وسمعت الباب انفتح
يومه انمغصت ورجليه بادت اخاف من حر اذا تعصب
شكد ماباله طويل وياي
ومايتعصب ع اسباب تافهة بس من يتعصب يصير
نار ومايرحم..

شنوو رجعتي نمتي؟؟؟؟؟
انة حتى النفس كطعته بس ماكدر ثانية وحدة انوب
صرت اتنفس حيل..
بسرعة انجر الغطا مني وانشمر بالارض..
حطيت ايديه ع وجهي وقرفصت..

كعدي خلينا نحجي شوية..حجاها بنبرة جافة وهالنبرة تخوفني
معناها قافل عليه كلش..
مو احجي؟؟؟؟
فزيت من الخوف وكعدت لحيلي بسرعة ..
ارتجى ع الميز وباوعلي وحواجبه معقودة..
انة شنو كلت؟؟مو حذرتج ماتاخذين منوم؟
سكتت ما جاوبت..
جاوبي..
اي كتلي بس..
بدون بس وطن كافي نتر بيه حيل وتقدم يمي..

يمتى تكبرين ها؟؟؟
يمتى تفصلين بين حياتج قبل وهسه؟؟انت صرتي زوجة
ومسؤولة
سوالفج البروضة مايسويها
سالتيني وكتلج لااا يعني لاا
تروحين تشربين حبوب حتى تفقدين؟؟حتى ماتحسين بيه
من انام وياج؟؟؟
لهالدرجة متقززة من الموضوع احجي ليش ساكتة؟؟
تدرين هذا تصرفج شيدل؟؟؟
يدل على انه انت ماتحبيني ولا تردين تحسين بمتعة وياي
يااما تلعب نفسج مني
يااما بعدج بالماضي وابد ما مرابطة وياي بالفراش...

هزيت راسي وطاحت دموعي وكمت ..لا لا حر غلطان..
اذا غلطان ثبتي العكس..حجاها وطلع من الغرفة..
كعدت بالكاع وبقيت ابجي بخنكة
حقه كل اليسويه حقه
انة غبية ومااعرف اتصرف..
كمت اخذت الفون وخابرت ماما ..

هلا وطونة شلونج ماما..
مسحت دموعي وحاولت احجي بصورة مفهومة..
تعبانة ماما محتاجتج..
اسم الله ياساتر شبيج؟شصاير وياج امي احجي ..
حجيتلها الصار وكلشي وهي انتظرتني خلصت حجي..
وهسه وين راح رجلج؟
ماعرف طلع بس اكيد يم علاء..
راح اجي لبيت خالج وتعاي ونحجي مو مال مكالمة هالموضوع...
ها يلا انتظرج لعد..

كمت وراسي يون من الوجع ونحلانة كلش
طلعت عباية وشال لبستهم ورجعت كعدت..
ورا وقت وطبعا حر ماكو ماشفته بعد ..خابرتني ماما كالت تعالي..
زين هسه اخابره واجي ماكدر اطلع بلا ميدري..
يلا بنيتي انتظرج...

خابرته ما جاوب ثلث مرات وهو مايجاوب
اخر شي دزيتله مسج..اهلي اجو ببيت خالو ويردون يشوفوني..
كعدت انتظر يجاوب
انفتح الباب ودخل..
ليش خابرتيهم؟
مشتاقتلهم..حجيت ولزمتني العبرة..
تقرب مني ومسح خدودي..روحي شوفيهم بس تجين
مفهوم؟
اي طبعا اجي..
يلا غسلي وجهج وامشي ..

غسلت وجهي بس هو امبين منا نايمة ليلة ونص يوم
ومنا بجيت خشمي احر عبالك اشارة ..
طلعت ويا وامه بالصالة كاعدة بس شافتني..
ياا عاش من شافج حبوبة شنو ميتة طلي طلعي شاركي بشي..
حر كلي طلعي كدامي وانة جاي وراج..
طلعت انتظرته بالطارمة..دقايق واجه..
لا تضوجين من حجيها ترى هي طيبة ومو حقودة..
حركتله نظراتي وطلعنا..

دخلت لبيت خالو وهو دخل للاستقبال علاء ينتظره الظاهر..
قبل الكل شفت بابا كاعد ركضتله
ذبيت نفسي بحضنه وبقيت ابجي بسكوت..
هدأت ووخرت من حضنة وحضنت ماما وكعدت يمها
وراسي ع كتفها..
سالوني شبيج وشبي وجهج كتلهم ضغطي تخلخل شوية
كامت مرت خالو كالت رح اسويلج كجرات..
بس يمامة وسبأ جنهم يعرفون شبيه ..
خالو كال لبابا امشي نصلي ونطلع بالطارمة الجو حلو..

وانة ماما اخذتني ورحنا لغرفة يمامة..
كعدي ارتاحي واحجيلي ترى رجلج امبين مقهور كلش..
وين شفتي لعد ..
من اجينا هو جان هنا يم علاء وطلع سلم علينا وراح عليج جابج..
اي هو بس يقفل يجي لعلاء..

وليش تخلي يحتاج غيرج وانت موجودة؟
ماما ممخليته محتاج بس هالشغلة ماجاي تصير بسلاسة..
هه لج ياماما هي هالشغلة اساس كلشي
لا تجذب عليج وحدة وتكلج شي ثانوي وشي تكميلي والرجال
اليريدها دوم هذا ماخذج بس رغبة وبس حاجة
ترى هاي جذابة وكاتلة نفسها ومامحصلة..
ههه ..ضحكت ومسحت دموعي..

اي ماما ترى جاي احجيلج واقع
رجلج شاب يشتغل بمجمتع اللهم يا كافي منه
المستشفى بيها اشكال الوان ومجتمعهم ماريد اذمه لو اعمم
بس اكيد يحجيلج واكيد سامعة..
اي صح يحجيلي..
اي ومدام يحجيلج يعني المفروض تكسبي وماتخلي يباوع برا بيته..
هاي انة كدامج وحجتلج يمامة طبعا عني انة وابوج
شكذ ماهو يحبني بس ببداية زواجنا عذبته وتعذبت
جنت متعلقة بفخري هواي
ومااخلي ابوج يتقربلي ولو تقربلي من ورا خاطري
واذا عاندته ياخذ غصب..

انت رجلج متفهم وضعج ويعرف عندج عقدة من هالشي
لو واحد غيره جان كال طبج طوب
واخذ برضاتج او غصب عنج ترى الرجال مايتحمل
صح المرة عاطفية اكثر من الرجال
بس تكدر تكتم
وهو الولد صبر عليج وانطاج فرصة
واحنا كل احنا تزوجنا محد ماتت شفتي وحدة ماتت من الزواج؟؟
لا..

هذا هو لعد صيري سبعة انت كبرتي ودخلتي
حياة جديدة
والحمدلله رجلج يحبج ومثقف وواعي..
هو مقهور منج وعليج ترى..اليوم لبسيله هذا السيت..
فتحت علاكة وطلعتلي ثوب ابيض
قماشه ستن ويوصل للفخذ ومن الصدر كيبور وينشد
ع الرقبة وويا الروب مالته...

هذا توة بطريقنا جبته الج حتى تراضينه عدل
دللي وتدللي عليه والحياة تصير يامحلاها..
ها تدبريها لو لا؟
اي اي انشالله ..
كومي نصلي حتى تتعشون هنا وترحون..

كمت وياها صلينا ورحنا يم البنات بالمطبخ
مرت خالو انطتني كجرات شربت ..
بعدين دخلو مرت خالو وماما ويمامة وسبأ استلمني
ونصايح مثل ماكالت ماما..
وتعشينا وياهم  وانة كاعدة يم بابا
يلفلي لفات وينطيني
ماعرف شنو صار بس بابا ابتسم لحر وحر ابتسمله..
بقيت اتلفت بينهم بس ماعرفت شنو...

وخلصنا وودعت اهلي ورجعت ويا للبيت
دخلنا وجانو اهله يباوعون فلم..
دزت بيدي مرت خالو ماعون كاستر وماعون جلي
انطيتها لخالتي كالت مشكورة شبعانين..
حر كعد يمهم وباوعلي انة هم كعدت ..
كال عمو انطيني انة اكل صار هواي عاجبني كاستر..
كمت جبتله خاشوكة وتشكر مني واكل منه شوية...

مشكورة بابا عاشت ايدكم ..
الف عافية عمو ..صدك تذكرت بابا كال يسلم عليك هواي..
الله يسلمج شعجب مامر شفنا ..
بعد كالو مستعجلين غير مرة اكيد..
هلا بيهم بكل وكت..

وطول ماهو يسولف وياي خالتي تخزر وتباوع وتدور وجهها..
حر كال نعسان يلا كومي خجلني كدامهم..
عمو كلي روحي لوليله ههه ..
ترخصت منهم وكمت..

دخلنا وهو ذب ملابسه وراح للفراش
بدون كلام ..
انة اخذ العلاكة الجابتها ماما ورحت للحمام..
اووف هسه وكتها..حتى الموعد مامنتبهتله..
تالي تذكرت صدك هذا موعد الشهرية..
رجعت للغرفة اخذت شورت اسود وبدي مالته منقط ابيض واسود
واخذت غيارات ورحت..

رجعت للغرفة وضميت السيت بالكنتور واجيت تمددت
هو يلعب بالفون
بقيت اباوعله وهو مستمر يسوي نفسه مشغول ويتصفح امبين..
حجيت بهدوء وتقربت منه كلش..
شلون عرفت شربت حبوب؟
سد الفون حطه ع الميز واندارلي..

شلونج هسه خو ماتعبانة؟
راسي يوجعني وشوية الم ببطني عادي اخذ علاج مايضر؟
راسج شي طبيعي بس بطنج ليش خاف تسممتي..
ها بطني منو كال بطني..
انت غير..
لا قصدي راسي..
اي المفروض ماتشربين لان انت ماصارلج هواي من سويتي عملية
ليش تتحارشين بصحتج..
صح تصرفت بدون تفكير..

بس يعني انت ماشسمه؟
لا ماشسمه ولا شيسمونه ولا شسمه هذا
وحضرتج نمتي من البارحة لليوم الظهر
شبعتج تكفخ وضرب ومافاد بس ردتج تكعدين
اجيت انجلط بسببج تالي تذكرت سالفة الحبوب
تحلفت بيج بس تكعدين اكتلج كتله اشلع ذاناتج..

اممم يعني بعدك مقرر تكتلني؟
لا بعد راحت الطناكير وهدأت شوية من شفتج زبنة ومابيج
شي..
زين عندي سؤال فضولي..
احجي انت بس بالفضول فالحة..
يا صدك خوش مشكور..
لا تسوين روحج ثكيلة عود ترى ادري فضولج قاتل وماتتحملين
شنو ردتي تكولين..
ههه شفتك انت وبابا ابتستمو لبعض شنو صار..
بكل السوالف مفتحة بس بسالفة الزواج عمية اخ الك
الله ياكلبي..

صفنت عليج وانت تاكلين من ابوج ومبتسم
من اشوفج ويا اتمنى تصير عندي بنية
حتى ادللها واخليها قريبة مثل ماانت قريبة من ابوج
هو من انتبهلي ابتسملي وانة رديتله الابتسامة...

اممم يعني انت تتمنى نجيب بنوته..
شوفة العين لا راح اشوف البنوتة ولا حتى ريحتها ...
اممم بسمر عيني بسمر..
انشالله نجيب بس اصبرلي هالاسبوع بس بس..
اصبر بلة..طلعت اصابعي احسب بيهم ..تالي التفتت عليه..
بعد اربع ايام ونجيب بنوته..

ههههههههههه ههههههههه ههههههههههه
ياا شبيك شكلت انة..
هههههه شبيج خجلانة عود ماازري عبالج؟
شنو شنو تدري..
اعرفج من مشيتج ترى مو غشيم..
نمت ع وجهي واصيح عابت عييييب..
ضربني ع ظهري وكال..طفلة ههه..

ووا ثلث ايام اجو اهلي لبيت خالو واخواني كلهم
رحت يمهم العصرية وعابد كال ..
باجر اودي امي لبيت البنية ..
هو حجالي عنها متعرف تصير من قرابتنا مو غريبة
بس بيتهم هنا بمنطقتنا
ومن حاجي لبابا حجي مشجعة وكايلة زين سويت وخوش بنات
هن ..
وقبل الاذان راحو وانة رجعت للبيت وصلني فقار
هو صح باب بباب بس انة ماطلع وحدي ابد
حر جان طالع بشغلة وفقار وصلني..

دخلت جاي يأذن رحت للغرفة توضيت وكعدت اسبح
متعودة حتى بهيج ايام وكت الاذان ابقى اسبح بس..
خلصت تسبيح وطلعت..
خالتي متمددة ع القنفة وعموماشفته..
بس شافتني طلعت كالت منو رجعج؟
ها خالة فقار جابني..
مو جنها صارت ماصخة كل يوم ببيت خالج واهلج رايح راد..
ليش خالة هسه هم جاييلج..
لا بس جايين لكرايبي مرت خالج..
خالة احنا ماعدنا هيج كلنا اهل والبيوت وحدة وحتى الاكل
بابا يجيب اكثر من الطابخي وماكو فرق كلنا نحب بعض ..

كلها تحب بعض جا شبيها امج ماتطبخ مكسرة..
من حجت بامي انقهرت بقيت ابجي..
ليش تحجين ع امي شمسويتلج..
بقيت ابجي وعمو اجه من المطبخ وصاح بيها..
عديلة..للغرفة بسرعة...
وتقربلي بسرعة جرني وكعدني وكعد يمي..

مسحي دموعج بابا ليش هالبجي ولا تزعلين منها هي
هيج ماتعرف تحجي..
لا عمو العفو بس ماما مالها علاقة ليش تحجي عليها..
اشك حلكها اذا حجت معليج ولا تزعلين
وباسني براسي وكام..

رحت للغرفة وخابرت حر يجيبلي ويا لفة وضجت كلش
من رجع ماحجيتله شي ولا بينت..
ويوم ثاني رجعت تحجي وياي امه عدل
يمكن محاجيها عمو مدري مرزلها..

اليوم تحضرت ولبست السيت الجابته ماما
وشعلت شموع معطرة
دخل هو وانة متمددة بالفراش ولابسة الروب فوك ملابسي..
اوييلي شنو هالعطر..
كمت يمه وهو ينزع وتقربت عليه جرني لحضنه
وينزع بايدني ولازمني بايد
اخذ شفافي ببوسة لهفة وانتظار
وغزاني بالبوسات واللمسات ونمنا بالارض
باوع للسيت وغمز..هذا راح يشهد ع الاسوي الليلة..

جر الخيوط ونزله نثر بوساته عليه مثل ماينثر الورد
باحساس ورقة
حط ايده جوا راسي ورفعه اله ..تحبيني..
اعششششقك اه...حجيتها وصرخت من الوجع ..
بهاللحظة ملكني وانة اعترفله بعشقي ..
واخذ الثوب حتى يخلي بي النيشان ..ماخلاني اباوع لان
اخاف من الدم..

رجع تمدد يمي وبحضنه يمسح شعري..
شفتي ياجبانة شكد سهلة..
منين سهلة هسه انشليت ماكدر اتحرك مساع اثر الضربة
وماحسيت قوي..
ههههههه وج ياضربة بس لان جنتي ذايبة وهسه صحصتي..
كومي غسلي حتى اجيبلج عصارة وعلاج
حتى باجر تكعدين تمام..

وكومني واجه وياي للحمام وبعد مفاوضات
بقى وياي سبحت واسترخيت ومامصدكة خلصت من هالشدة
توقعت الم ماينحمل
هو صح قوي بس مو مقزز وممزوج بشي حلو..
ورجعت للفراش جابلي العلاج  اخذت والعصارة
تكافشت ويا وماقبل بيها وكوة اقتنعت..وراها نمت ..
يمكن اول مرة ورا زواجي انام مطمئنة..

فزيت الفجر هو شابكني ونايم درت وانطيته
ظهري
حس بيه وكعد وجرني لحظنه..
فرك شفايفه بركبتي وارتخيت احب هالحركة..
بزدا يتجرأ وحاولت اتملص منه..
همس باذني..اهدي اهدي
غير هسه موعد العصارة..

للحكاية بقية
بقلم شقراء(قمر كانون)