رواية على ذمة الحب الفصل الأول 1 - بقلم نيرة السيد

_إتخرجتي !؟
=اخيرا… مش هعتب امها تاني
_الدور علي العريس!؟
= هعمل ماچيستير بقا
_ واللي مش هتعبيها
=دي زله لسان
_شايفه مامتك بتنقيلك عريس ازاي؟
=شايف انت مامتك بتنقيلك عروسه ازاي او هيا خلاص اختارتها
_ايه العبث ده..انتي يحجه !!!؟
°في ايه؟؟.. شوف القمر دي
ـ قمر ايه بس ؟..يماما انتي بتعملي ايه!؟
°بص كويس بس
_ياستي هوا انا اعمي،. بس ي ماما الله يكرمك هتفضحينا
=متأكد انها ها تفضحنا مش فضحتنا
_ بالله شوفي مامتك وبعدين اتكلمي
= دي هُزلت بجد
_يجماعه اهدوا بقا الله يستركوا انتوا بتعملوا ايه!؟
© شايفه يبت الشباب ماكنتيش عارفه تجيبي منهم واحد
_هوا كيس شيبسي ي امي ،، اسكتي الله يرضي عليكي
©يابت عاوزه افرح بيكي قبل اما اموت
_ايوه انا عارفه انا الجمله الحمضانه دي
=طب يخالتي كنتي استني لما تربعن حتي
_اربعن!؟
=من التخرج وكده يعني
_بس يبابا الله لا يسيئك ,صحيح بقولك ايه؟
= لا
_لا ايه هوا انا اتكلمت؟
=ماليش مزاج اسمعك
_وحياه سوسن
=سوسن دي تبقا خالتك اتلمي
_طب شغلني معاك وخليك جدع
=اعمل ايه مسمعتش!؟
_شغلني معاك
=لا مش فاهم عاوزه ايه؟
_ده عبيط ده ولا ايه؟ اشتغل معاك يابني ؟
=بالجزمه علي دماغك قدام الناس
_ايه قله الادب دي بقا
=يابنتي انتي عبيطه !؟، عاوزه تقفي في ورشه !؟
_اه .. انا دخلت زخرفه عشان كده
=عشان تقفي في ورشه
_يابني اسمع مني والله هنفعك
=يا امي الورشه كلها رجاله هتقفي في وسط الرجاله تعملي ايه؟
_اكيد مش هرقص، هشتغل عادي
=يلا يابت امشي من هنا
_والله الاقول لامك سوسن
=والله لو قولتي لمين ،مش هيحصل الكلام ده
…
_بتهببي ايه هنا!؟
=اسلوبك في الكلام مش عاجبني
_لا ده مش اسلوبي وبس دي ايدي كمان مش هتعجبك
=ده مش تصرفات واحد متحضر
_انتي يابت مش كنتي بتقولي محتاجه راحه بعد التخرج كده سنه ولا حاجه!!؟
=اه ، بس غيرت رأيي عادي
_مالكيش شغل عندي امشي من هنا
=يرضيك اتمرمط عند الغريب يعني؟
_لا غريب ولا قريب مفيش الكلام ده
=انت بتقف قدام طموحاتي علي فكره
_ياستي روحي حققي طموحاتك في مكان بعيد عن الرجاله
=لا عاوزه احققها هنا
_انتي مش هتسكتي غير لما اخرجك من قفاكي صح!؟
=مش ماشيه من هنا بقولك هشتغل يعني هشتغل
ـ وانا قولت لا يعني لا
_لا بس ايه رايك في الرسمه كده؟
=حلوه بس عاوزها اكبر شويا
_ده اللي عندي متصدعنيش
=انا المعلم بتاعك وانا اللي اقول تعملي ايه!؟
_معلم علي نفسك مش عليا
=جاوبيني بأمانه هتحترميني امتي!؟
_مش عارفه بس أكيد يوما ما
=…
_احم ادم انت كويس؟
=…..
_طب ايه !؟ هتتحول ولا ايه انت مالك!؟
=بفكر اللي زي امثالك المفروض اتعامل معاهم ازاي؟
_زود المرتب بتاعهم
=ده اللي مع امثالك!؟
_اللي زيي يابني عمله نادره لو لقيتهم يبقا يبختك ويهناك
=طب حاسبي التواضع طرف عيني
_طب امشي من هنا بقا لانك معطلني عن شغلي
=حوش يابت الشغل بقالك سنه في القطعه دي تقومي تزخرفي جزء وتقعدي قصاده شهر
_باخد راحه عشان صحتي ، ولا عاوزني اأهمل صحتي ، دي هُزلت
=نور
_نعم
=روحي
_طب ..سلامو عليكو
_وبس ي ماما مش عاوزه اقولك انا بهراه في الشغل ازي ، كل اما يشوفني في الراحه والجايه يقول انا مش عارف كنت هضيع مبدعه زي دي ازاي
°بجد ينور
_اه طبعا ي ماما هكون بضحك عليكي يعني
=نور خراب بيتي علي ايدك ، هيا دي الرسمه اللي اتفقنا عليها
_منا محستهاش
=وانتي مالك العميل عاوز كده انتي مالك؟
_ما العميل زوقه وحش اوي بصراحه قولت ابهره انا
=واحد
_ايه؟
=اتنين
_انت بتتعلم جديد ولا ايه؟
=تلاته
_يلاهوي ….اهدي بس بتجري ورايا ليه!؟
=يا انا يا انتي النهارده
_مش معقول ي ادم يعني هتعمل عقلك بعقلي
=انا هريح البشريه منك،، هوا احنا بنلعب بتشتغلي علي مزاجك!!!؟
_امال هشتغل علي مزاج الناس انا امشي بكيفي
=تعالي ينور.. انا مش هعملك حاجه انا بس هفهمك غلطك بس
_بالشاكوش ده؟؟
=ما هوا كمان هيفهمك غلطك
_خلاص بجد مش هعملها تاني
=اعمليها تاني وانا هقطع ايدك
_عنيف اوي ادم ده
=مش عاوز اسمعلك صوت
_عجبك كده الشاي برد
=شاي ،، شاي
_اه مبتحبوش ولا ايه؟
=انا ماشي اصل دقيقه كمان وهتـ.ـشل
_اهدي بس وتعالي اقعد ، مين مضايقك بس ؟
=امي ،، امي وانا نازل قالتلي تعالي اضايقك شويا
_اخص عليها سوسن اشوفها بس وانا اوريها
بصلي بقرف وسكت
=طب بص عدل بدل ما ازعلك
_كنتي راضعه بجاحه ولا ايه؟
=اقول ومتزعلش
_هزعل واسفلت وشك بالارض والله
=عنيف عنيف يعني مفيش كلام
_لا وايه يماما يقولي محدش ينفع يروح للعملا غيرك انتي بتعرفي تتفاهمي حلو ودماغك عجباني
=برافو عليكي يبت ينور، تربيتي
=بقولك اهو ماشوفش وشك في المكان اللي عميل فيه!؟
_عالفكره بقا ده مش نظام شغل خالص
=ده اللي عندي عاوز اشتغل بقا ، ارحمي امي
_طب خدني معاك ومش هفتح بوقي
=لا
ـ لا ليه؟
=عشان انتي بوق
_وعد مش هتكلم عشان خاطري بقا
After 5 minutes later
_تعالي بقا عشان انتي وليه قليله الادب
=ينور اسكتي بقا
°انتي بيئه اوي
_انا بيئه يراس بخاخه انتي
=يابنتي اسكتي بقا واهدي شقتها وحره في اللي عاوزه تعمله
_زوقها وحش ده زوق ده عاوزه تقلبيها خرابه
°وانتي مالك يبتاعه انتي
=طب تعالي هنا وانا اوريكي انا مالي ،، سيبني ي ادم انا هوريها بس
_بجد بجد ي ماما انا مبهوره بيا
°ربنا يوفقك ياحبيبتي
=يوفق مين يخالتي ، دي خرابه ،،المكان اللي بتحط رجلها فيه بتخربه
_وليه الغلط ده بقا
=انا جاي بقولك قدام مامتك اهو ماشوفش وشك في الورشه
_هتخسرني عالفكره
=ياريت انا الخساير اللي زي دي انا احب اخسرها جدا
_خد بالك ان كلامك جارح
=ايه زعلتي ؟
_لا
=ومعندهاش دم كمان يخالتو
ادم ابن خالتي اقربلي من اي حد بطلع عينه وبيعمل مش طايقني ومش هيشوف وشي تاني بس خمس دقايق وبنتكلم وبنضحك ولا كأن حصل حاجه،،اكيد مش عاوزه اخربله شغله ،،بس لا الاقي واحده بتتمايع عليه وقتها بس احب اطفش اشكالها جدا ، اه متعلقه بيه واه بحبه واول واحد بجري عليه لما اكون زعلانه او واقعه في مشكله ،، بس البعيد معندوش دم
_بتعملي ايه هنا ؟!مش قولت ماتجيش هنا تاني؟؟
=وانا عمري سمعت كلامك؟
_لا
=خلاص بقا امال مستغرب ليه
-جايبه البجاحه دي منين
=اقولك ومتزعلش
_اعتقد انتي عارفه ردي
°مساء الخير
_مساء النور
=مش ممكن مصطفي
_لا يشيخه
°نور ازيك ،،بتعملي ايه هنا؟؟
=انا

الحمد الله بخير،،بشتغل مع ابن خالتي
°برافو عليكي والله
_مش اسف خالص لو بقاطعكوا ،،بس متعرفناش ؟
=ادم ده مصطفي كان جارنا في بيتنا القديم قبل ما ننقل هنا
_ايوه خير يعني
°والله ي استاذ ادم انا كنت محتاج اعمل شغل في الشقه واعرف انكوا هنا بتزخرفوا علي السقف والحيطان وفي نفس الوقت محتاج الزخرفه اللي علي الخشب قريبه منها
_طب اتفضل نقعد جوا نتكلم،، روحي ينور شوفي هتعملي ايه!؟
=لا انا جايه معاكوا
_وانا بقولك روحي شوفي هتعملي ايه
= انسان مستبد
_معلش
_ها ينور كله تمام هتنزلي مع التيم
=اه ي ادم
_نور ممكن لحظه
=خير
_انتي اكيد عارفه ان لما بقولك انتي خرابه او اي كلام من ده فهوا مش حقيقي صح
=ايه المناسبه مش فاهمه
_اول مره تنزلي فعليا شغل بعيد عن الورشه او حتي مشاريع كليتك فحبيت بس اقولك انا عارف انك شاطره وانا فخور بيكي
=ادم انت كويس ؟
_اه ليه
=اخدت عليك لسانك متريين ف مستغربه بس
_صدقي انتي ماينفعش معاكي الزوق غوري يبت من هنا
=ايوه كده يجدع متقلقنيش عليك تاني
ضحك=يلا روحي عشان متتأخريش
_مش هتيجي
=هحصلكوا اكيد هخلص شغل هنا واجيلكوا
…..
_بترغي مع مين!؟
=ده مصطفي
_وعاوز ايه سي مصطفي مش خلص شغله!؟
=ايوه بس عوده علاقات زمان وكده بقا
_اه ، طب اعمليله بلوك
=ايه!؟
_اعمليله بلوك بقولك
=يلا ي ادم روح بيتكوا
_وانا مش منقول غير لما تعملي بلوك
=والله ي ادم اللي يشوفك يقول غيران عليا
_ومغيرش عليكي ليه؟
=ايه!؟
_عارفه طريق البلوك ولا اعرفك ؟
=توء مش عارفه
_ حلو اعرفك انا بقا
=ماتبقاش قفوش بقا ي ادم عملتله بلوك بقولك
_….
=بص عدل طيب
_انا ابص زي ما انا عاوز
=انسان مستفز
_محدش مستفز غيرك
=بقولك صحيح
_ارغي
=اتكلم بأسلوب احسن من كده،انت بتكلم انثي
_انثي!!؟ ياما فوقي لنفسك ده انتي كنتي بتضربي العيال في الشارع
=ده زمان ايام الطفوله انما دلوقتي انا انثي جميله وشيك وزوق وبتلبس ماركات
_ماركات !؟ ده من امتي يابت !؟ من شانيل الجاكت ده!؟
=لا ده من زارا عادي
_زارا وعادي يلا يشحاته
=بيئه، سيبك المهم راحه فرح صحبتي ومامتي مش راضيه اروح لوحدي فقررت انك توصلني
_يلا يبت اجري من هنا
=هتوصلني بقولك
_تدفعي كام!؟
=مادي حقيـ.ـر
_تعالي اقولك الحقير ده بيبقا حقير ازاي
=يماماااا
_بس يصداع انتي، هتروحي امتي؟
=الساعه سته عشان يدوبك نوصل علي المعاد
_ماشي
=بالسهولة دي
_طب مش رايح
=خلاص خلاص والله
……….
_من غير جدال كتير اطلعي غيري بسرعه؟
=ايه ده ليه
_ضيق الفستان ضيق
=ماتخليك في حالك
_منا مخليني في حالي اهو
=ايه!؟
_هتعرفي السلم ده بيطلعوه ازاي ولا اجي اعرفك
=رخم
_طولي لسانك كمان
=طب مش مغيره
….
_شوفتي شكلك قمر في الواسع ازاي
=انجز امشي
_همشي حاضر بس نمسح الميكب ده اول
=لا بقا كده كتير بقا
_ اجبلك مناديل مببله ولا مناديل ايه!؟
=مش همسح حاجه انا انت سامع وكلامك ده مش هيمشي عليا
…
_لا بس قمر من غير الميكب
=ياخي منك لله
_من زارا الفستان ده
=خليك في حالك انا بقولك اهو
_ماقولتلك انا في حالي
=شكلك مش مظبوط ياض
_شكلك يشيخه.. انتي خساره في الكلام
=كلام ايه هوا انت قولت حاجه
_بقول ياريت تسكتي،،ولعلمك قبل اما نوصل اشوفك اتنقلتي من جمبي هزعلك
=لا انا راحه لصحابي مش راحه عشان الزق فيك
_لا معلش خليها عليكي المراضي والزقي فيا
=ده عندها..بس اصلا اصلا انا ماليش في جو الهيصه وكده
_اه انتي هتقوليلي
…
=مبدأيا كده افراح تاني لا
_متبقاش قفوش بقا وبعدين انت مالكش حكم عليا
=لا ليا واتلمي،، ايه روح الرقاصه اللي جواكي ماصدقت وطلعت
_انا متحركتش
=علي يدي ، انا قولت اهو هكسـ.ـر رجلك بعد كده
_وبعدين خد تعالي هنا ليك ازاي يعني
=يعني انتي كلك علي بعضك ليا فيكي
_ ايه!؟
=كنت بقول هتكملي الماچستير ولا اجي اطلبك والمك في بيتي بقا
_ايه!؟
=بيحبوا عندكوا البسبوسه اكتر ولا الكنافه!؟
_ايه!؟
=مالك يابنتي هنجتي ولا ايه!؟
_انت قولت إيه ؟
= بقول اني بحبك من وانتي عيله بضفاير كنت ديما انكر واقول دي اختي بس مينفعش انتي مش كده انا عاوزك ليا في بيتي ومراتي
_…
=ساكته ليه .لو رافضه انا هقدر ده و…
_رافضه مين ؟ هات كنافه بالمانجه وانت جاي..ده انا مصدقت انك نطقت
=ده انتي واقعه بقا
_ من الدور التلاتين والله
=طب والماجستير
_سيبك انا مش وش الحاجات دي
=مش هلبسك ماركات عالفكره
_ماركات ايه ي ادم ، الفستان ده من الوكاله عادي