رواية على ذمة الحب الفصل الثاني 2 - بقلم نيرة السيد

_بس ازاي احنا لسه معرفناش، الانسان بيروح فين لما بيحس ان كل الاماكن مش منسباه!؟
=بيروح ياكل والله ينور متكبريش الموضع
_انتي جايه ليه!؟
=مامتك قالتلي انك مكتئبه ومطفيه، فقولت اما اجي انعنشك !؟
_ملك انتي من ساعه ماجيتي وانتي بتاكلي
=منا قولت مش هيبقا انا وانتي يعني ،فقولت اكل عشانك
_كتر خيرك والله
=ايه يابنتي الجو ده ماتفكي كده
_مش قادره يملك والله..ازاي جاله قلب يعمل فيا كده
=والله ياختي مش عارفه،…. ثانيه مين ده !؟
_المدير
=مدير مين!؟
_مدير الشغل
=عمل فيكي ايه!؟
ـ طردني عشان شتمت العميله وخسرته الصفقه
=لا مالوش حق والله
_شوفتي
=كويس انه مطردكيش من الحياه كلها
_الاه انتي صاحبتي ولا صاحبته
=اطبلك في الهبل يعني ولا ايه ،وبعدين مالك ومال العملا انتي؟
_دي كانت بتحاول تشقطه
=ماتشقطه وانتي مالك؟
_بحبه يملك
=يابنتي فوقي لنفسك بقا ، هوا مش شايفك اصلا
_لا بيشوفي كل يوم والله ،،وبيقولي صباح الخير.. وبيقولي قوليلي جدول النهارده
=لا ليكي حق تحبيه فعلا
_مش كده
=الا قوليلي الهبل ده ليكي لوحدك ولا بتوزعي منه
بصتلها بقرف_اسكتي انتي مش عارفه حاجه،، ده عليه قميص اسود يملك مقولكيش يخطف كده،،فيسكوز كده و تحسيه براند
=حبتيه عشان قميصه يمعفنه
_براند بقولك
=وده مبرر يعني
_ايه مش مبرر!؟
=ربنا يشفيكي ينور بجد والله
_اوعي كده خليني اقوم اكوي هدومي
=متنيله راحه فين؟
_لا ده للشغل بكره
=طب والطرد
_لا مابيطردني كل تلات واربع عادي
=مفيش دم وربنا
….
_صباح الخير يبشمهندش
=هوا انا مش طردك امبارح
_ايه ده بجد
=اه والله
_فكرتك بتهزر يفندم كالعاده يعني
=بس انا مكنتش بهزر ..لا امبارح ولا قبل كده
_بتوجع دي.. اوجع من صدمه المداح في امه
بصلها بقرف=امه!؟
قالت بسخريه_اه أمه
=عاوزه إيه ينور؟
_الورق ده مبعوت من المحاسب عاوز إمضتك
=تمام سيبي الورق واطلعي بره
_بره فين؟
=علي مكتبك ينور
_اه اهي كده معقوله شويه
=الا عندي سؤال
_خير
=براند القميص ده !؟
_بره
=طب ولا فيسكوز!؟
-بره بقولك
=حاضر
_استني
=يادي الليله اللي مش معديه ،،اطلع ولا استني!؟
_…….
=احم خير يبشمهندش
_ الا انا ايه اللي مسكتني عليكي!!؟
=عشان انا في شغلي مش هتلاقي ليا زي
_بس انتي خربالي معظم الملفات والصفقات
=يمكن عشان برتب مواعيدك حلو؟
_كنتي جايبه العملاه كلها في وقت واحد عشان تخلصي بدري وتروحي
=يبقا مفيش غيرها كوبايه القهوه بتاعتي
_يمكن ،منطقي برده
=شوفت
_بره
=لا دي مابقتش عيشه بقا
_بتقولي ايه سمعيني
=بقول انا بره بعد اذنك
مش عارفه فعلا ازاي جالي الجرأه من اول مره طردني فيها اعمل نفسي مش سامعه واجي وكأن محصلش حاجه، يمكن عشان محتاجه الشغل جدا ..محتاجه اصرف علي مامتي وعلاجها والمسؤليه كبيره..وبعد كده حسيت اني مابقتش عاوزه ابعد عنه عاوزه اكون قريبه ..بشوفه مع الناس ازاي جميل ومتواضع حتي لما اغلط اه بيتعصب بس بيرجع يهدي تاني،، من جوايا عارفه اني ببص لبعيد جدا وانه اكيد هيختار اللي تناسبه ،، ومع ذلك برده مش عارفه ابعد
تلفوني رن= الو
_اكيد مش نايمه
=لا نايمه والله وانت عامل ازعاج مين!؟
_نور فوقي وخلال ربع ساعه تكوني قدامي ي اما هولع فيكي
=…….
اعتقد انا المرادي مطروده بجد “وسلم علي الشهدا اللي معاك”
…..
After 5 minutes later:
_سايبه الشغل حضرتك ونايمه
=راحت عليا نومه
_يابنتي لو ليكي اسهم في الشركه وانا معرفش قوليلي ؟
=خالص يفندم
_لا لو ليكي قولي!؟؟
=والله مافي ، وهوا انا هخبي علي حضرتك يعني!؟
_يعني يمكن في حاجه كده ولا كده
=لا اطمن مش هخبي عليك اكيد
_احنا هنهزر
=لا بس تحفه القميص ده يبشمهندش؟
_بجد
= اه والله فيسكوز ده؟
_بره
=هوا اكيد في شغلانه تانيه للمدير غير انه كل شويه يطردني؟
_ بره
=تحفه الفيسكوز يبشمهندش ، استأذن انا
…
=دي مابقتش شركه دي بقت هم علي دماغكوا!؟
_بتقولي ايه!؟
=مابقولش يبشمهندش ،،بس عندي تعليق
– خير
=الا هيا الانسه مش حاسه بنسمه هوا كده ولا كده؟
_ خليكي في حالك ينور
=يابنتي بقولك قاعده صواريخ متحركه البنت جامده
_ينور ارحمي نفسك بقا
=ارحم نفسي ايه بس قاعدين في المكتب وقافلين الباب ليه دول دي اسمها خلوه
_ معلش متربوش
=اقفلي انتي خرجوا اهم
° لينا لقاء تاني اكيد يبشمهندش
_ان شاء الله
°باي
_مالك ينور بتبصيلها كده ليه!؟
=اسمع اما اقولك شغل العوج ده انا مبحبوش
_عوج ايه !؟. نور اتجننتي ولا ايه؟
=اه هوا اللي يعرفك يفضل عاقل ،، انت ازاي تقفل الباب عليكوا كده وانتوا لوحدكوا؟
_ ايه المشكله؟ مش فاهم ايه اللي مضايقك
=لا وانا هضايق ليه مش مضايقه خالص ،، بس دي اسمها خلوه ومينفعش متقفلش الباب تاني لو سمحت لما يبقا معاك واحده
_حاضر
=مفيش حاجه اسمها ل… حاضر!!!
_اه
=بسهوله كده
_اكيد مش هجادلك في الغلط
=يعني مفيش طرد
ضحك_ لا ينور مفيش
المعامله بينا بقا فيها تغير انا مش فهماه بقا لو مضايق بحيكيلي ومبقاش يتعصب لما اتنرفز علي البنات المايعه بالعكس بلاقيه ساكت ومبتسم طريقته بقت بتربكني ومابقتش فاهمه حاجه
_ مش خير الاساتذه اللي سايبين الشغل وقاعدين يرغوا سوا اعتقد ده وقت شغل
=ده مستر يوسف كان بس جايب ملف من الحسابات عشان تمضيه
-وجابه يبقا يتفضل علي شغله
°اسف يبشمهندس استأذن انا
=متجادلنيش في حاجه وانتي بتعملي عكسها
– انا عملت ايه !؟
=مش كنتي قاعده تقولي مقعدش مع حد لوحدي عشان الخلوه دي تسمي ايه بقا
-بس هنا مفيش باب يتقفل
=بس لوحدكوا ينور
-كنت هخليه يمشي عالفكره بس انت اللي جيت
=ماشي ينور
– يخربيت حلاوتك يجدع
=قولتي ايه!؟
=فيسكوز ده صح
ضحك وسابني ومشي اصل انا قلبي ناقص
_بقولك ينور
=ايوه يبشمهندش
_انا جعان
=طب ماتطلب اكل،، ايه مش معاك فلوس اسلفك؟
_لا يابنتي مستوره الحمد الله، بس ماتقومي ناكل بره
=لا متشكره بجهز نفسي للمحشي اللي ماما عملاه
_ياستي ماتكلي معايا وروحي كلي محشي، انتي هتغلبي يعني
= ايش تقصد !؟ تقصد اني طفسه؟
_عليكي نور قومي يلا
=مش هرد عليك تدري ليش؟
-ليش ياختي
=لانك مديري وانا لساني طويل ومش عاوزه اطرد
_لا وانتي الشهاده لله بنور بيحوق معاكي يعني
=لا بس مشاعري بتتجرح
قربنا من بعض بقينا صحاب جدا اتعرف علي ماما ،ووقف جمبنا كتير بقا عارف عني كل حاجه وانا برده ومتفاهمين جدا
_ انا مش قولت اللبس ده ميتلبسش تاني
=خليك في حالك عاجبني
_طب روحي ينور غيري هدومك دي، بدل ما ازعلك
=انت مالك لبسي وانا حره انت مالك
_عشان انا صديق ليكي وخايف عليكي
=لا الف لابأس عليك متخافش عليا

_خلصي يابت
=بت اما تبتك
_صوتك علي ولا انا بتهيألي؟
=لا دي نبره صوتي انت اللي بيتهيألك
_طب يلا اسمعي الكلام
=لا
-طب انتي مطروده ينور واطلعي بره
=دي مابقتش عيشه بقا
_بره بقولك
=انت مش حافظ غيرها ولا ايه؟
-اه
=طيب انا مش جايه هنا تاني
_مع الف سلامه
-طردني يملك
°انتوا ربنا يشفيكوا والله، انتوا دماغكوا تعبانه ومحتاجين تتعالجوا ، اه والله
_هوا ماله بلبس ايه ولا مش بلبس ايه يخصه في ايه هوا
°ده علي اساس مش لابسه اللبس ده عشان تهبليه
-انا !!؟ اطلاقا ، ولا فارق معايا بتاتا
°انتي كدابه ينور
-بس مش لدرجه انه يطردني يملك
°طب وايه الجديد؟
_الجديد اني مش راحه تاني يبقا يوريني هيطرد مين تاني
\افتحي الباب ينور
-حاضر يماما..فتحت الباب لقيته هوا
_نعم خير جاي ليه؟
=مبترديش علي الفون ليه؟
-وارد ليه مش طردتني
=وايه الجديد يعني
– يمكن كرامتي نقحت عليا
=يشيخه قولي كلام غير ده
-روح
=اوعي كده حماتي عزماني علي محشي
_مفيش الكلــ….. ماله!؟
=هتفضلي واقفه عالباب كتير
-انت قولت ايه!؟ حماتك مين!؟
=مامتك،،اسكوتي هوا انا مقولتلكيش ؟
ـ لا
=مش انا طلبت ايدك من مامتك ووافقت
_ شوف ازاي
=اه والله ، لقيتك سايقه العبط وقاعده تقولي انت مالك وبتاع، قولت اما اتجوزك والمك في بيتي
-ده علي اساس اني هوافق انا وكده؟
=ومتوافقيش ليه عريس لقطه وحلو كمان
_ والنبي ايه!؟
=اه وبيحبك
_ايه!؟
=فيسكوز الفستان ده ؟؟
هل لنا لقاء !؟ ام سينتهي العمر شوقاً.