تحميل رواية «علمني كيف الحب يداوي» PDF

#علمني_كيف_الحب_يداوي 31

شامل :صارلنا شهور مسافرين يم دعاء ابوية تعب سويناله عملية مقبلت نرجع الا لما يصير احسن خابرت امجد اي امجد بعد شنو اخباركم أمل شلونها ويا الحمل خو امك متأذيها ديربالك عليها

أمجد : مابيها شي اصلا متبين حامل يااخي غشيتوني بيها عبالك رامبو مو أنثى لاتدلع ولا شي تدري منو شفت قبل فترة حامد

شامل : منو حامد

أمجد : جماعة ميرا سلمت عليه وجانت ميرا وياه

شامل : راسا تذكرت عيونها من توسلت بيه اي شلونهم ونور اختي لازكة بيه تريد تسمع شنو نحجي وخري شوية

امجد : هاي وي منو اكيد نور عبالك سماعة لاقطة منو حامد لو ميرا

نور : اكيد ميرا لحد يمتى افهمك

امجد : والله تخبل مو نفسها وجهها يفتح النفس

امل : رجعت من الدوام سمعت امجد يحجي بالتليفون تقربت منه واني اشرلته منو عرفت اخوية ونور هاي منو تخبل

نور : ها ام نور الله يساعدج زوجج شايف ميرا حبيبة شامل

شامل : وخري مخبلة متستحين شنو حبيبتي

شلونج امولتي لاتسمعين هالحيوانة ماكو شي

أمجد : خلص وكعت بيد نور وامل اللي ميخافون الله راح تتورط وياهم متشوف نفسك الا متزوج ميرا ومخلف منها جهال وانتي نور خاتون تحلمين اسمي بنتي على اسمج

شامل :ماعليكم ببنت الناس واني ماتزوج وغصبا ماعليك تسمي ابنك بأسمي

نور :نسيت ايام زمان امجد تتوسل بيه اساعدك واخلي ورود ورسايل بغرفة امل بس ارجع دواك عندي

ام شامل : شامل منو ميرا هاي حبيبتك الجديدة

شامل : 😨

دعاء : اي حبيبته الجديدة على الاساس عنده درزن يوميا ويا وحدة ابنج توم كروز

ام شامل : تضحكين عليه اني الج شمدريني فرحت كلت بلكي تطلع حبيبته

شامل : لعد انتي مو حبيبتي وروحي وكل حياتي قبل لا انسى راح نرجع بعد اسبوع عندي شغل اهواية وبابا صحته زينة

دعاء : هم ترجعون وتعوفوني وحدي صدك شامل هي حلوة لو لا المن تشبه

شامل :منو هي انتو تحبون السوالف اهواية اروح اتمشى واخذ بابا يسوي رياضة تصدعون الواحد

ام شامل : اخوكم بيه شي لو مسحور مو طبيعي ابد

نور : يمكن منار ساحرته لو وحدة من بنات الجوارين اللي عينهم تطلع من يروح ويجي شامل شتكولين من نرجع ماما نفك السحر

دعاء : وبطريقج فتحي دماغ نور اللي مزنجر شنو هالسوالف مشفتو وجهه من حجينا على ميرا عيونه لمعت مثل قبل

ام شامل :لاتكون هاي اللي جانت مخطوفة مستحيل يفكر بيها استغفرالله ياربي

دعاء ونور : ماما هي مالها ذنب وهو شامل جبير يعرف خياراته احنا ماعلينه .

مرمر :كملت ترتيب الغراض راح نرجع ونعيش

ويااهلنا نزار نقل دوامه سمعت صوت الباب ونزار جان بالحمام فتحته شفت سمر

سمر : شتسوين اهنا وين نزار وخري خليني اشوف

مرمر : لحظة وبن داخلة نزار مو موجود شتريدين وهذا مو بيتج تدخلين بكيفج

سمر : سمعت متزوج لايكون انتي باوعت عليها لابسة ملابس نوم

مرمر : اي اني عندج مانع رجاءا روحي بدون فضايح

سمر : منو يحجي على فضايح ولج انتي كلج على بعضج فضيحة نسيتي نفسج شلون جيتي لبيتي وربيتج ومقصرت بشي وياج اخرتها تاخذين زوجي مني تروحين تلعبين ويا عشيقج بعدين تجبرين ابن عمج يستر عليج واختج الفلتانة الثانية لعبو بيها شهر ورجعوها المن ناويين تكسرون ركبته وتنطوها اله

مرمر : مردت ارد عليج واجرحج اني واختي اشرف منج على الاقل مطلعونه من بيت ساحر وساقط هسة طلعي برا سمعت صوت نزار رحت قفلت باب الغرفة ماريد يشوفها طلعي من هذا البيت هو طلكج بعد شتردين

سمر : حسبي الله ونعم الوكيل مراح تتهنين بيه الله لايوفقكم

نزار : سمعت صوت مرمر وسمر يتعاركون الباب مقفل من برا مرمر تعالي فتحي الباب ردت انهي هالمهزلة سمر يوميا تطلعلي بمكان تريدني ارجعها واني ماتقبل وجودها بحياتي مرة ثانية

مرمر : طلعتها برا وفتحت الباب ليش تصيح واني ابجي مشتاقلها لو حنيت

نزار : ليش تبجين حبيبتي انتي عندي بالدنيا كلها جريتها لحضني وهي ماضي اسود وانتهى

مرمر : صدك نزار تحبني مثل مااحبك لو تلعب بعقلي

نزار :بعدج مو متأكدة لعد زواجنا وجبتج لهنا هالفترة تكونين يمي على شنو يدل احبج ياروحي انتي منو يكدر ميحبج غير تطلعين عين أهله

مرمر : الله لايحرمني منك كمت اتدلع عليه واسويله حركات بعيوني وهو يتخبل عليه

فرح : ميرا كومي ساعة وحدة يالله حبيبتي حتى تصلين ونحضر الأفطار

ميرا : زين كمت اليوم راح يجون ضيوف لو لا مليت أكعد واجاملهم مليت من نظرات الاتهام واسمع الهمسات كافي اني هم بشر غسلت وجهي سواد وجهي صاير جاف بشرتي خربانة هاي اني

فرح : كافي انسي وعيشي حياتج باجر تتزوجين وتنسين

ميرا : تضحكين عليه لو على نفسج يازواج منو ياخذ وحدة متعرضة للأغتصاب كافي مليت من هالاسطوانة اريد ارجع اعيش ببيتنا انطيني المفاتيح ماريد اعيش وياكم بعد

فرح : تخبلتي مو سكتي هالكلمة اذا كلتيها اكص لسانج شنو ناقصج بيت فلوس عائلة

ميرا : ناقصني شرفي افتهمتي بعد كافي تتدخلين بحياتي كله من وراج اني هيجي صار بيه من ورا اهتمامج الزايد وخوفج انتي مريضة روحي تعالجي ابوج خلاج متثقين باحد ودايما تشكين بينا لو عندي تليفون مجان صار بيه هالشي

فرح : حرام عليج والله حرام هاي جزاتي هسة اجيبلج المفتاح ومراح اتدخل لابيج ولا باختج بعد انتو احرار بعد كل هالسنوات شايلين كره لأبوية مع الاسف نزلت للمطبخ وطلعت قهري بالطبخ اطلع هذا وذاك واعجن ماعرف اصلا شسوي

مدينة : بنتي شتسوين ليش تبجين خلي اللي بايدج وكعدي اليوم حامد يجيب جاهز مو كلنا مراح نطبخ اليوم راحة

فرح : تعبت خالتي ميرا تتهمني اني السبب باللي صار بيها شسوي وياها مو راضية تفهم هذا قضاء وقدر وهي احسن من غيرها رجعوها ألنا مو جانو كايلين لحامد حارقيها وميته والله بكلشي راضية اني وشاكرة ربي المهم اشوفها كدام عيوني تتنفس ماريد شي ثاني

عامر : اليوم اشوفج واخيرا اشكد مشتاقلج وخصوصا انفج الاحمر يخبل شمسويتلي فطور من ايدج الحلوة

عفرا : هههه واني همينة مشتاقتلك ولو متستاهل يومين متخابرني ليش هيجي

عامر : والله دخت وبا الطلاب والامتحانات وتدرين رمضان والعزايم والسهر كلش تعبان هالفترة بس خلي نتزوج واعوضج

عفرا : مستعجل اهواية وبعدين اني مطابخة جايبين حاضر اليوم اني عروسة احضر نفسي لعمورتي اليوم راح تحجي بخطوبتنا لو لا

عامر : قبل يومين حجيت ويا اخوج المفروض اليوم يردلي خبر ليش ممبلغيج

عفرا : لا مكلي شي بعدين احجي وياك امي تصيحني نزلت ببالي ليش مسألني حامد اذا اتزوج عامر لو لا ماما حامد مبلغج عامر طلبني منه

مدينة : اي وانتي ليش تسالين مو دايما ترفضين قابل هو اول واحد وبعدين منين عرفتي لايكون تحجين وياه

عفرا : ماما انتي تدرين اني احجي وياه من فترة وتدرين اريده بعد ليش تغيرين المواضيع

حامد : دخلت جايب غراض سمعت عفرا ضحكت عليها يعني شتريدين نزوجج لو لا

عفرا : كمزت من صوت حامد ورجعت ورا امي اشكد خجلت من نفسي شيكول عليه هسة جاوبته بكيفكم صعدت لغرفتي واني ادور شي ساتر حلو البسه رحت على ميرا كومي ولج مخسيتي من الفراش بدلي نروح للسوك بسرعة

ميرا : زين متخلون الواحد يرتاح بنومته مرة فرح مرة انتي رحنا للسوك هي تختار واني اتذكر قبل الحادثة جنت اي محل ادخل بيه اشتري غراض باوعت على أثنين يختارون ويضحكون سويه اكيد زوجها هذا حتى من هالشي راح انحرم شفت الرجال يباوع عليه بيني وبين نفسي سألت شبيه هالحقير زوجته وياه ويباوعلي حجيت ويا عفرا كملي بسرعة ضجت

شامل : رجعنا من السفر صارلنا اسبوع نور لحت عليه اوديها للسوك تشتري هدايا لصديقاتها ومتعرف شنو تختار بس تحجي شفت وحدة من بعيد تشبه ميرا بقيت مركز هي لو لا وبداخلي اكول شبيك شامل تخبلت نسيت اللي راح لو تأثرت بحجي امل ونور لحد ماشفت وحدة وياها عرفتها اخت حامد يعني هاي ميرا مادري ليش فرحت بشوفتها نسيت نور وطلعت وراهم اريد اشوفها من قريب

عفرا : اني ليش جايبج ويايه اختاري اليوم لازم اطلع توب شبيج صافنة وين تباوعين وي هذا شامل ليش متسلمين اشكد عيب تقربت سلمت عليه وميرا وكفة بمكانها فشلتني حيوانة

ميرا : منو هذا منين تعرفيه

عفرا :عفية عليج شبسرعة نسيتيه مو هذا رجعج للبيت مردت اذكر السالفة واكثر من مرة اجه لبيتنا وتعرفنا عليه انتي مشفتيه

ميرا : من كالت هيجي رفعت راسي اشوفه من جديد مادري شنو صار بيه من راح هو مرته

نور : شامل البنية اللي حجت ويانا وسلمت عليك وراها جانت واكفة ميرا لو اني غلطانة

شامل : لا هي شلون عرفتيها

نور : واني اكول ليش حضرتك نسيتني ونسيت نفسك حقك متنلام تستاهل شفت صورتها بالملفات اللي موجودة بغرفتك 😉

شامل : متجوزين من سوالف التفتيش ديربالج تحجين شي لأمل اموتج والله غير تسووها قضية براسي تذكرتها اشكد متغيرة عن اخر مرة شفتها الله يوفقها بعدها صغيرة والحياة كدامها

عامر ؛ خطبت عفرا وننتظر بعد اسبوع ثاني ايام العيد نتزوج زواج عائلي وحتى مقبلت نسوي حفلة علمود ابوها غيرت اثاث بيتنا وديكورها ماريد تدخل هالبيت وتتذكر الماضي أمي وابوية اكثر مني فرحانين وجهالي نفس الشي حجزت غرفة بفندق ماكدر اسافر علمود دوامي اجلت السفرة للعطلة

فرح : نظفت بيت ابويه وقنعت حامد نرجع نعيش بيه لان مرمر ونزار رجعو يمنا وميرا تريد ترجع اهناك تكول مو مرتاحة كلش تعبنا وياها تجهيزات عفرا بس احلى شي بالموضوع ميرا كدرت تتقبل وضعها وتطلع ويانه مثل قبل

ميرا : صورة شامل حركاته بالمحل ونظراته متروح من بالي حجيت لمرمر كالتلي انتي عاشقة وكل مانطلع للسوك الح عليهم نروح لذاك المحل بلكي اشوفه من جديد عين على الغراض وعين على الباب اشتري اي شي حتى لو مااحتاجه بس اظل فترة ادور حتى اشوفه

مرمر : دخت حيوانه مراح يجي خلي نروح لاتخليني ادور على بيتهم واخذج اكوله حن على اختي العاشقة

ميرا : من زين اختج مو خلي نرجع مصدكت أوصل لغرفتي متت من القهر والبجي بقيت اضرب على خدودي شنو تحبين نسيتي نفسج ومنو اللي شاف كلشي بعينه الله ياخذني وارتاح

مرمر : اهواية ادوخ هالفترة فكرت لايكون حامل بس منو يصدكني راح يكولون شبسرعة أشتريت اختبار وفعلا طلعت حامل نزلت بسرعة للصالة مهتميت منو كاعد صيحت نزار الحكني واني بيدي الاختبار وابجي من الفرحة اني حامل

نزار : كاعدين ويا اهلي نزلت مرمر وهي تبجي بيدها اختبار تصيح خجلت من حامد المخبلة ولا يمها من كالتلي حامل ماعرف شنو صار بيه ردت اوكع من الصدمة اللي انتظرته سنين واخيرا راح اصير اب بعد مايأست أمي من الفرحة متعرف شتسوي وحامد نفس الشي ضميتها ولج لو مالخبر حلو جنت اموتج مو عيب كدام حامد فشلتي نفسج تصيحين حامل تدرين يعني شنو

مرمر : باوعت عليهم يضحكون عليه اي صدك فشلة بس شسوي من فرحتي نسيت خلي ابشر ميرا صعدت يمها تبجي مواسيتها مثل كل مرة خليت ايدها على بطني تدرين شنو اكو اهنا راح يجينا طفل نلعب بيه اني وانتي ونخبله واللي انحرمنا منه نسوي اله راح تصيرين خالة يا احلى ميرا بالدنيا

ميرا : شنو يمتى صار مو صار بسرعة واني امسح دموعي واضحك على مرمر اللي صارت كتله من النار 😠 على كيفج ماقصد شي مو زين ادري كله من نزار انتي بريئة مو ههههه

عفرا : اليوم مو عيد عيدين رغم مخاوفي يصير شي بس فرحانة موكفنا تليفونات ويا عامر من الصبح اخاف اسده واسمع خبر مو زين طلعت من الصالون رجعت للبيت ويا نزار عامر ينتظرني بيت اهلي نزار وحامد حلفو همه ياخذوني ويرجعوني من الصالون لبست فستان سهرة ذهبي من شافني تقرب مني وباس راسي

عامر : بعد هاهية احنا نروح مع السلامة شلتها واخذتها للسيارة بعد مانتظر لاتصيحين هسة العالم تطلعلنا عبالك خاطفج

عفرا : والله انت مخبل حتى مخليتني اودعهم وكعت كلبي وين رايحين واني ايدي بايده

عامر :وصلنا للفندق اني مرتبها قبل عفرا روحي للغرفة بسرعة غيري لبسج اذا تاخرتي اجي انزعج بنفسي دخلت واني خابرت مصورة فندق تصعدلنا حتى تاخذلنا صورة

عفرا : شبيه ممصدك فتحت الكيس عبالي ملابس نوم شفته فستان ابيض مال عرس شنو هذا اشكد منحرفة اني وتفكيري مثلي تعال عامر ساعدني كلش مرتب وبسيط لبسته ورتبت مكياجي اخذني بايدي شفت مصورة واكفة ومحضرين ميز ورد وشموع وكيك ماريد ابجي بس اشكر ربي بعد المعاناة اللي مريت بيها عوضني

عامر : اني كلش فرحان عفرا لأخر يوم بعمري اظل احبج يااحلى شي بحياتي اخذنا صور اهواية واحنا منسجمين ونضحك والمصورة متونسة من تجاوبنا وياها وحركاتنا مخلينا شي بكلبنا عفرا انتي احلى هدية من ربي 😘

#علمني_كيف_الحب_يداوي 32

حامد : حبيبتي روحي كولي لميرا تروح يم الدكتور ينتظرها اليوم لازم تروح وحدها أكدلي على هالشي

فرح : زين ليش وحدها اخاف مترضى تروح متعرفها وخصوصا هسة رجعنا من يم عفرا تكول تعبانة

حامد : الدكتور يفهم اكثر من عدنا حتى تكدر تتجاوز اللي صار وتعتمد على نفسها .

هاي اخرتها شامل افندي كذبت على الرجال علمودك انشالله يطلع براسك خير وتساعدها مثل ماتكول والله استحي من نفسي

شامل : هههههه كذبة بيضة دكتورنا متأثر عادي كتلك تهمني وانت تعرفني صدكني اني بنفسي ماعرف شريد منها بس اريد اشوفها واساعدها

الدكتور : هي شوية بدت تتقبل حالتها وتحجي وتسمع كلامي الله يستر لاتخرب اللي سويناه ديربالك تحجي حبيات وياها راح تنتكس حالتها اكثر ولو وجهك مو مال هالسوالف بس ننتظر

ميرا : شنو اروح وحدي لا ماريد خليها غير يوم لو تعالي انتي

فرح : ماكدر اعوف الجهال وحدهم ومرمر طالعة ويا خالتي وحامد مريض السايق يوصلج للعيادة ويرجعج الدكتورة أكد على حضورج الجلسة

ميرا : محبيت اتناقش وياها هاهيه ميرا اوكفي على رجلج كافي تعتمدين على غيرج كلهم ضاجو وملو مني ويعيشون حياتهم بدلت ملابسي وامسح دموعي صرت عالة عليهم ركبت السيارة ويا السايق رجال جبير كلش احترمه وانقهر عليه بهالعمر ويشتغل وصلت اريد انزل ماكدر احس بخوف بقيت بالسيارة 10 دقايق افتح الباب وارجع اسده

السايق : عمو بيج شي تحبين انزل وياج لو ارجعج للبيت

ميرا : مسحت دموعي لا عمو راح انزل بس ابقى بمكانك لاتروح شوية وارجعلك باوعت على تليفوني تاكدت يشتغل باوعت على المحلات الموجودة بصف العمارة مطاعم وكوفي شوب ماكو شي يخوف الناس تروح تجي عادي صعدت وصلت للشقة الموجودة بيها العيادة جم واحد موجود شايفتهم من قبل دخلت يمه سلمت

الدكتور : شلونج اليوم ميرا تحبين انتي تحجيلي موضوع لو اني اسئلج وانتي تجاوبيني بس قبلها جيتي وحدج ويا السايق لو ويا اخ حامد

ميرا : لا وحدي انت بكيفك اسئلني شوية ارتاحيت

الدكتور: عفية عليج ميرا هاي اول خطوة نجحتي بيها باقي اهم شي تثقين بالناس وتكونين صداقات مثل ماعلمتج المرة الماضية

ميرا : هاي صعب بس راح احاول دكتور اني اشكرك ساعدتني اهواية

الدكتور : زين ميرا شنو رأيج بالحب والزواج اريد اتناقش وياج هالموضوع اعتبريني مموجود ولا تخجلين اهم شي من تفكرين تفكيرج لازم ايجابي يكون

ميرا : حالي حال كل بنية تحلم ببيت واسرة خصوصا اني واختي تيتمنا واحنا صغار نسينا طعم حضن الام والاب حبيت اعوض نفسي من اتزوج بجهالي وحلمت بزوج يحبني ويقدرني بيه مواصفات بابا اللي اسمعه من اهلي واصحابه بس

الدكتور : بس شنو ميرا لاتقتلين احلامج ماكو بس استمري وراح تحقيقها لاتوكفيها على ماضي انتي مالج ذنب بي زين

ميرا : بقيت يمه فترة وطلعت من عنده ردت اصعد للمصعد شفت شامل بوجهي اني تخبلت اكيد هذا يراقبني ومتقصد يطلعلي بكل مكان محجيت شي ردت اروح وكف كدامي

شامل : شلونج ميرا

ميرا : اذا مااشوفك اصير بخير متستحي تراقبني بكل مكان اروحله حضرتك موجود ساعدتني شكرا الك ماريد اشوفك بكلبي اكول الله عليك لاتطلع كدامي راح اضعف وانت متزوج ميصير

شامل : اني مااراقبج عزيزتي عندي موعد ويا الدكتور اذا يزعجج احجي وياج بعد ماسلم عليج استغربت من وقاحتها اشكد ندمت على تسرعي

ميرا : متحملت كلامه بجيت مو وكتك والله انت وين اني وين اول مرة اجرح انسان بحياتي ومنو هو اللي صار بكل احلامي

شامل : جريتها من ايدها لاتبجين اوعدج مااضايقج بعد

ميرا : لا اعتذر ماقصد شي عن أذنك واني اسفة

طلعت للسيارة واتذكر هو شلون يحجي بأدب واني شلون جنت رفعت ايدي امسح دموعي شميت عطر غريب اي هذا عطره الله اشكد طيب انشغلت ونسيت اللي صار من رجعت واشوف مرمر تاكل وتحجي ويا عمتي من شافوني يباوعون عليه فاتحين عينهم

مرمر : ولج شنو هالفلم اللي صاير بوجهج عمتي هاي ميرا لو باندا

فرح : ليش جنتي تبجين روحي غسلي وجههج وتعالي كعدي ويانه

ميرا : أستغربت منهم يضحكون عليه رحت للمغاسل شفت وجهي لا الكحل والمسكارا نازلة وصدك صايرة باندا يعني خوفته بشكلي هم فتحت المي اغسل ايدي تذكرت عطره قفلت المي وجريت كلينس مسحته رحت للصالة كعدت سويت نفسي مابيه شي بين فترة وفترة اشم ايدي فكرت راح تروح شسوي لازم اشتري منه عمتي خلي نروح للسوك عفية هسة الله يخليج

فرح : زين حبيبتي علمود هالضحكة اروح وياج لأخر الدنيا صارلي فترة انتظر تطلبين مني هالشي كومي نروح

مرمر : تعالي ولج شعندج اليوم وضعج مو طبيعي لو تخبلتي رسمي لو رجعتي ميرا العاقلة روحي سويلي عصير وتعالي مشتهية عصير

ميرا : لا طبعا روحي كولي لنزار اني شعليه مااوسخ ايدي

مرمر : اي صح شبيج لازمة ايدج عبالج معوقه متستعمليها

ميرا : شفته مرمر

مرمر : باوعت منا منا فرح ماكو منو شفتي

ميرا : شامل بس جنت غبية حجيت عليه ماعرف شكول

مرمر : ههههههه وايدج شدخله بالموضوع اكصها الج اذا ملزم ايدج اللي مخبيته بحضنج وشنو حجيتي وياه اصلا انتي هالفترة متغيرة لسانج طولان وغير مؤدبة تشبهين وحدة زمان جنت اعرفها جان اسمها مرمر الوكيحة بس تزوجت واحد حلو اسمه نزار صارت عاقلة

ميرا : متجوزين من سوالفج ابد احبه والله العظيم احبه شسوي حتى مااحبه كوليلي على طريقة تخليني اكرهه مثل غيره من الرياجيل ماعرف شنو صخمني احب واني ناقصة شمي ايدي بجنن عطره مو

مرمر : خلي اكوم اروح لرجلي قبل لاتطيري عقلي الباقي وياج احبه وعطره واريد اكرهه الحمدالله على نعمة العقل واحد ميعرف قيمته الا من يشوف امثالج وهو عطره مال حاجة بمية

ميرا : ماكو راح تجين ويانه لعد تردين اروح لمحل عطور رجالي حتى فرح تطير راسي على الاساس انتي تاخذين هدية لنزار

امل : رجعت تعبانة من الدوام وبطني كدامي دخلت للبيت المطبخ هوسة والمواعين الوسخة متروسة على المغسلة واني الصبح رتبت المطبخ وطلعت سمعت اصواتهم الخاتونة عمتي عازمتهم وتنتظرني ارجع انظف المزبلة حتى اكل ممبقيلي سديت باب المطبخ بهدوء اني الج سديت فتحة السنك وفتحت المي عليها وطلعت من الباب الرئيسي اروح لبيت شامل ضحكت على افكاري الجهنمية هسة المطبخ يغرك ويوصل المي للصالة بدل مايغسلون المواعين لازم يغسلون كل البيت خابرت امجد واستأذنت منه محجيتله شي لان دايما يكول طلعوني من مشاكلكم

نور : هلا ومية غلا الله جابج حبي وداعتي كولي لشامل ياخذنا للمول اريد اروح اتعشى بالمطعم

امل : دوخري متت من التعب وميته من الجوع يامول يابطيخ يادوب اكل شي وانام تعبانة هسة رجعت من المستشفى ماما وينها

نور : ويا العصفور مالتها طالعين خو مامثلج عايفج وباقي بالمحل يتعامل ويا النسوان

شامل : اشكد احس نفسي سخيف وعقلي صغيري من كل عقلي ادور حبيات بعد المصايب اللي وكعت على راسي بس مادري ليش من اشوفها انسى نفسى وتعجبني طلعي من راسي ميرا اني وياج مانلتقي ابد سمعت صوت باب غرفتي شفت امل ونور داخلين عليه الله يستر من هالدخلة الشيطانية

امل : هذا ابني مشتاقلك ويحب يسلم عليك ويكولك خالو حبيبي طلع امي وخالتي الخبلة لمطعم يرضيك من الصبح مماكلة شي تقبلها اختك حامل وجوعانة

نور : اي يقبل ليش ميقبل المهم ميطلعج روحي سويلج لفة جبن مو كلتلج هسة يفشلج ومياخذج

شامل : هههههه انتو شنو والله الشيطان راح ياخذ دروس من عدكم خلي ابدل ملابسي واخذكم امري لله

نور : لا شنو تغير هسة لازم ننتظرك ساعة حتى تبدل اصلا لبسك كلش حلو ويخبل

شامل : لا كرهته راح ارمي بالزبالة لو احركه احسن نحس تذكرني باشياء مو حلوة

نور : احنا ننتظرك بالسيارة تدرين اخوج تخبل هو لبسه جديد وقبل ساعتين لابسه شبسرعة صار عنده ذكريات بي والله حايرة شلون اعرف السالفة

امل : لاتدخلين بكلبي اكيد فشل لقائه بميرا خابرت امجد حتى نور تسكت ومتسألني اخاف

لساني تزل كدامها وتسويها سالفة وشامل يزعل مني

فرح : دوختوني والجهال ميتين من الجوع انتي مرمر خاتون شمعرفج بالعطور لزكتي بيها تاخذيه هدية لنزار اخذي غير شي اني اروح فوك جهة المطاعم وانتو دورو براحتكم

مرمر : ارتاحيتي ست ميرا اني مرمر انهان ويكولون عليه ماعرف شي دخت من الروايح اللي تلعب النفس اللي ببطني هم داخ

ميرا : كتلج نروح لمحلات الماركات جلبتي بهالعطور الرخيصة تعالي نروح هذاك المحل

مرمر : اذا جان من العطور الغالية مثل ماتكولين والله اشتريها على حسابي واذا لا افضحج كدام فرح واكوللها ميرا تكره الرياجيل بس تحب عطرهم شتكولين

ميرا : دخلنا للمحل جربنا اكثر من عطر مجان موجود مرمر جرت ايدي كالت للولد شم هذا نريد منه شوية واضربها الولد ضحك علينا وانطاني باوعت لمرمر يالله دفعي فلوسها

مرمر : 😲😲الله ياخذك شامل يعني شبيها العطور الرخيصة تبقى وثابتة يالله على هالخسارة ينكص لساني مرة ثانية اذا تحديت وياج خسرتوني

شامل : كعدنا ويا أمجد نحجي بامور اهواية وامل واختي يفترون بالمول بالي مو يمه كل ماتذكر الموقف اللي خليت نفسي بيه انقهر

امجد : وين صرت المن احجي هاي مو ميرا كاعدة بذاك الطرف مكملت كلامي شامل فز يدور بعيونه عليها الاخ واكع ومسوي نفسه مو يمها

ميرا : صارت عيوني بعيون شامل نزلت راسي صدفة هاي لو شنو

مرمر : مال اروح اضربه بالعطر على راسه شتكولين اطلع قهري عليه

فرح : اشبيكم تبسبسون وتباوعون منا ومناك نزلو عيونكم لا اجركم جر للبيت زعاطيط اخر زمن

شامل : كوم امجد نطلع من هالمكان سويت نفسي مو شايفها

ميرا : رجعت للبيت خليت العطر بدولابي ورشيت شوية على ايدي اشكد حلو ويسحر بس ليش سوى هالحركة كأنه مشايفني رجعت لواقعي اصحي ميرا انتي وهو بعيدين على بعض ومتزوج

عفرا : ايامي كلها سعادة عمري متصورت راح اعيش واجرب الحب مرة ثانية وعامر واهله وجهاله كل واحد بيهم ينقلي فرحة بحياتي ناقصني طفل منه وتكتمل سعادتي اخاف يأثر عمري على الخلفة ولو جهاله يصيحولي ماما واني اعتبرهم جهالي واحبهم بس أحب اربي طفل عامر بداخلي

عامر : حبي هم زين منايمة تعالي جبتلج مفاجأة

عفرا : شنو المناسبة

عامر : بمناسبة عيد ميلاد حبنا هذا اول سنه احنا سوية من اليوم اللي كلتيلي احبك عامر شوفي الهدية بالباب

عفرا : طلعت شفت سيارة حمرة كلش حلوة والمفاتيح بايده لايكون مشتريلي سيارة على صوت صياحنا طلعو اهله خطية جانو نايمين استحيت من نفسي جنت بحض عامر وابوه شافنا ضربته على صدره دايما تفشلني وياهم احبك يااحلى شي بالكون الله لايحرمني منك

ميرا : مرت شهور مشفت شامل بيها شوية واتخبل عليه كلش مشتاقتله كملت علاجي وقررت ارجع اداوم بالكلية بس مو نفسها القديمة وحدة ثانية ومختلطة لازم اتغلب على نفسي واثبت نفسي من جديد جنت كاعدة العب ويا الجهال فرح وخالتي مدينة بالمطبخ حامد مسوي عزيمة لأصدقائه دخلت مرمر وهي تركض

وكفت خايفة عبالي بيها شي شكو

مرمر : كومي خايبة لغرفتج عندي حجي وياج مو كدام هذولة اشرت على الجهال غلست تقربت منها شامل موجود اهنا حامد عازمه

ميرا : بدون وعي ركضت لغرفتي بقيت واكفة ساعة انتظرت يطلع من الباب واشوفه

شامل : ابتعدت عن ميرا والتهيت بشغلي من جديد استغربت حامد خابرني وعزمني بالبداية رفضت بس اصر عليه رحت لبيتهم جان موجودين اهواية رياجيل اقاربهم واصدقائهم تعرفت عليهم من طلعت ودعني نزار حسيت بحركة بالطابق الثاني نزار انشغل رفعت راسي شفت ميرا من حست بيه سدت الستارة ركبتي سيارتي واني اضحك على تصرفها.

أمل : جبت بنية كلش تعبت بالولادة واتمنيت امي يمي ام شامل مقصرت ويايه حتى اخذتني اكمل فترة نفاسي ببيتهم ام امجد كلش مو زينة ويايه وتكهرني دايما تحجي عليه وعلى امي مرات اجاوبها مااتحمل مرات اغلس واكثر شي تكولي ابني تزوجج علمود شامل ولا انتي محد ياخذج

امجد : ام نور شلونها اليوم يمتى ناوية ترجعين للبيت البيت ظلمة من دونج لو يحن شامل عليه ويقبل ابقى يمكم صاير نذل ساعة 9 بالليل يطردني أشوف بيه يوم

شامل : تحجي عليه مو ماعدنا نسيب ينام ببيتنا شفت اهلي كلهم كاعدين كتلهم عندي خبر اكيد تفرحكم اني قررت اتزوج

ام شامل : صدك الحمدالله ومنو هي البنية نعرفها

شامل : اي تقريبا تعرفوها كلكم ميرا

ام شامل : شنو تخبلت اكيد مستحيل اقبل مادري شبيك انت تروح للمتاعب برجليك ماقبل وانسى هالسالفة راح اسوي نفسي مسامعة شي منك

ابو شامل : شفت شامل مستغرب من امه ومبين يريدها كعدي ام شامل البنية مابيها شي واهلها ناس معروفين واللي صار هي مالها دخل بيه

ام شامل : لاتصير وياه حبيبي وتشجعه الناس شتكول علينا وانت شامل افندي شلون تكدر تعاشرها مو حضرتك وديتها بنفسك للمستشفى وحتى ملابس مو عليها وانتي امل جنتي تعرفين اخوج ناوي على هالشي وساكته وتعرفين حالة البنية

أمل : الفرحة انقلبت موقفي جان صعب ام شامل مو راضية بميرا جاوبتها ماما هي ماالها ذنب وشامل يحبها واحنا سنين ننتظر هالشي الله يخليج النا لاتخربين فرحتنا

ام شامل : اللهم لاشماته والله مو قصدي شي مو زين عليها هاي اعجاب وتنتهي أبني حرام بعدين تمل منها اكو بنات اهواية بس انت اشر عليهم واني اروح اخطبها الك لو بنت منو ماتكون

شامل : اني فكرت بيها اهواية ومتهمني اللي راح صار سنة اراقبها مشفت شي مو زين عليها من الاخير كلبي رايدها ماما لاتعترضين ادعيلي الله يوفقني تعبت بحياتي محد يحس بيه

ابو شامل : يمتى ماتريد نروح نخطبها الك والف مبروك مقدما

ام شامل : باوعت عليهم كلهم موافقين ماعدايه ميفهمون عليه اني ام واحس اكثر منهم مبروك ابني عفتهم ورحت لغرفتي ادعيله من كل كلبي الله يوفقه

شامل : بقيت ويا ابويه لوحدنا بابا اكو شي ثاني مراح ناخذ نسوان ويانه اني وانت وامجد نروح ماريدها تعرف منو خطبها بالضبط لان راح ترفض من تعرف اني العريس ونفس الشي اتفق ويا اهلها لحد مانتزوج

ابو شامل : والله ماعرف شباب هالوكت شلون يفكرون الله كريم ابني اللي تشوفه

ميرا: منو هذا العريس منو كال اني اريد اتزوج

حامد : انتي ماعندج ثقة بيه مراح نلكي احسن منه ولاتتحججين بوضعج هو يعرف وراضي وانسان يخاف الله اني اكدر اطمن عليج وياه لاتكسرين كلمتي ميرا انتي مو بنت طلعت انتي بنتي هم كبرتي على ايدي واعرف مصلحتج

ميرا : بكل الاحوال اني مجبورة اوافق من هسة اكوللكم لااريد حفلة ولا اريد اشوف شكله ولا اي شي حتى صوته ماريد اسمعه لحد منتزوج

#علمني_كيف_الحب_يداوي 33

أمل : أشتاقيت كلش لأمي رغم اللي سوته بيه ولا حسيت بحنانها من اباوع على بنتي انسى كل شي واتمنى احضنها من كل كلبي بس خايفة اروحلها ومتستقبلني صارلي اهواية مشايفتها حتى نفسيتي تغيرت امجد يلح يعرف اكوله تعبانة من شغل البيت والركض ورا بنتك سمعت صوت ام امجد وهي تصيح عليه

ام امجد : تعالي خاتون اخذي بنتج ام الكفشة صدعت راسنا البنات عدهم امتحان

امل : لعد اخليها وحدها فوك واني بالمطبخ اطبخ وانضف البنات عدهم غرفهم وهي بالصالة

ام امجد : اللي يشوفج مخلفة 10 ولد هي بنية عبالك جنية وشعرها كفشة طالعة عليج بيج خير جيبي لابني ولد قبل لاازوجه وارجعج للشارع

أمل : طكت روحي وياها اي طالعة عليج مابيه خير وزوجي يتزوج عليه وهاي الجنية بنتي كل الناس تكول متشبهج تشبهه حماتج اخذت بنتي وصعدت لغرفتي ابدل ثيابي لازم اطلع هسة قبل لاارتكب جريمة بيها حتى مخابرت امجد اكرهه تسلط امه وخواته عليه بحجة ماعدهم غيري اخذت تكسي وصلت البيت نفسه جهال يلعبون كدام الباب ماعرف مال ياهو بيهم اخواني لو اخواتي دخلت امي بالصالة شافتني

ام امل : هاي انتي حبيبتي بستها وحضنتها واني ابجي ماصدك عيوني يوميه اكعد بالصالة واباوع على برا انتظرج تجيني الحمدالله شفتج قبل لااموت

امل : بجيت على حجي امي بقينا متحاضنين فترة ونشكي سنين العذاب والفراق سمعت صوت رضا

رضا : منو جايين هاي صوت امل

ام امل : اي هي وجايبة بنتها بنتي رجعت

امل : مو هو نفسه رضا اللي جان يتحارش بيه ويستقوي عليه واني ضعيفة بين ايده صاير جلد وعظم على الفراش شلون منتبهت محبيت اقترب منه

رضا : تعالي بنتي سامحيني ابوس رجلج سامحي عمج هسة اني لاحول ولا قوة الله انتقم مني هاي دعواتج عليه دعوة يتيمة حلليني

امل : تقربت منه الله يسامحك ميركز عليه عينه بغير مكان امي اشرتلي ميشوف كعدت وياهم احجي ويا امي وهو هم يشارك بس اني ماحجي وياه بعدني مصدومة من نهايته بس الله يمهل ولايهمل كلش ارتاحيت امجد حرك تليفوني بالاتصالات مجاوبته راح اخلي حد لأهله وعلاقتي بيهم

ميرا : خابرت دكتوري ارجع اخذ كم جلسة احس نفسي مخنوكة رغم هو كال بعد متحتاجيني اعاتب نفسي ليش وافقت شلون اتزوج منو هذا الغبي اللي يرضى ياخذني وشامل اللي صار طيفه يلاحقني حتى بالنوم داومت بالكلية اول اسبوع كلش جان صعب احاول أغير نفسي واك

ون صداقات بس الولد ماتقرب منهم طلعت من الكلية السايق ينتظرني شفت سيارة شامل بس هو مو بيه كلت ويا نفسي حتى سيارتك كمت اتخيلها شنو هالعذاب انتظرت البنات يجون اشتركت وياهم حتى ماكون وحدي شفته ويا وحدة لازم ايدها ويضحكون اي هاي زوجته ميرا غبية تفكرين بشنو انتي نزلت راسي حتى ميشوفني الله يصبرني واوصل للبيت وماابجي وانفضح

نزار : حضريلي جنطة باجر مسافر احضر ندوة نسقي الملابس لاتخلين شلون ماجان وتخلصيها

مرمر : شنو تسافر واني وأبنك مفكرت بينه لو مسويها حجة تخلص وتروح ترتاح

نزار : هههه عفية عليج انتي وابنج المتوحش اللي طالع عليج متخلون الواحد ينام بالليل انتي ترديني وهو يريدج

مرمر : 😶على الاساس انت متريد واني اغتصبك مو اني ألك اذا مخليتك تتمنى قربي فلا اني مرمر بنت طلعت

نزار : تهدديني بنت طلعت تقربت ابوسها احبج يامتوحشة من ارجع اوعدج اشغلج ويايه بالمختبر بس تعالي اعلمج الشغل هسة 😍

مرمر : وخر ماريد تعلمت واخذت نتيجتي هذا كدامك نجحت مية بالمية بعد شريد منك باوعت على ابني يشبهني بحركاته وصياحه شكله على ابوه عمره شهور لحد الان اتذكر من جبته فضحت نزار بالمستشفى دخلته ويايه لغرفة الولادة مقبلت ادخل وحدي وهو جان خايف عليه ميريد يدخل

عفرا :قدمت على دراسات عليا عامر يشجعني أقرا واستغل وقتي لحد مايصير عدنا طفل وانشغل وياه رجعت لاجواء الكلية والدوام ماعرف على شنو اشكره لو اجازيه كل يوم اكتشف اني ضيعت عمري من غير عامر على الفاضي صح جنت احب حسن بس مجان مثله تفكيره يختلف يريدني بس اله جان اناني ياخذ مينطي الله يرحمه كدرت اتغلب على كل اللي مريت بيه نسيت الوجع والالم والدموع بس اضحك

نور : ماما تدرين منو تداوم بكليتنا ميرا خطيبة شامل صدك حلوة وحقه الاخ متيم بيها الولد اللي بقسمنا متخبلين عليها

ام شامل : ليش الخاتون مو عاجبها تكولولهم مخطوبة لو متلبس حلقة مادري شلون زواجه هاي الله يستر لاشايفتنا ولا شايفيها والخطوبة بالسر مسويها حتى استحي اكول ابني خاطب من يسألوني هي منو لو وينها شكوللهم اني بعدني مشايفتها خليني ساكته

أبوشامل : مو كتلج لاتحجين هيجي مو انتي ليل نهار تدعين لابنج يستقر ويرتاح بحياته هاي دعواتج الله استجابه الج متشوفين ابنج فرحان ورجع مثل قبل بعد كلمة اعتراض ماريد اسمع بهالموضوع وانتي بنتي حاولي تتقربين منها وصيري مثل اختها

شامل : رحت للعيادة اليوم ميرا تروح طبعا اشوفها اهواية واعرف تحركاتها بس مااقترب منها اخذت فكرة عن علاجها من الدكتور لازم اخليها تحبني وتتعلق بيه شافتني من دخلت يم الدكتور جنت احجي ويا السكرتيرة معبرتها حسيتها ضاجت

ميرا : شبيه هذا صدك زعلان وماخذ موقف مني شلون احجي وياه واعتذر الدكتور يسالني واني بالي يم شامل اريد اطلع واشوفه حتى احجي وياه

الدكتور : ميرا شلون علاقتج بخطيبج

ميرا : ماكو اي علاقة بيناتنا دكتور اني ماكدر اعيش وياه ولااتقبل وجوده بحياتي شسوي

ميرا انتي مخلية حاجز بيناتكم شوفيه واحجي وياه مثل اي خطيبين عادي لازم يصير بيناتكم لغة حوار حتى تبنون على اساسها علاقتكم ميصير انتي بعيد وهو نفس الشي بعدين احتمال تنصدمين من تدخلين لحياتج الزوجية وترجعين لمرحلة الصفر يعني علاج ميفيد وكتها

ميرا : والله استحي منك بس تعرف انت الوحيد اخذ راحتي وياه المشكلة اني احب شخص ثاني ومستحيل نصير لبعض

الدكتور : وهذا الشخص قريب عليج لو شنو علاقتج بيه

ميرا : لا مجنت اعرفه اصلا بس هو انقذني من جنت مخطوفة وساعدني وصار بيناتنا مواقف ودايما اشوفه باحلامي اني بالبداية حسيت امتنان وشكر بعدين اكتشفت غير شي وهسة احس باحساس فظيع من الندم

الدكتور : عرفت تحجي على شامل كوة لزمت نفسي لاأضحك صدك الدنيا عجيبة الاخ يموت ويعرف شبيها رجعت يمي بعد ماخلصت كورساتها وهي طلعت عاشقة جاوبتها ميرا انتي مابيج شي هاي مرحلة وتنتهي وانتي ماكو مثلج حلوة وحساسة ومتربية وبنت ناس المستقبل كدامج

ميرا : طلعت من يمه نزلت جان واكف كدام العمارة يحجي بالتليفون هاي فرصتج ميرا اعتذري تجرئي لالا شيكول عليه بعدين ميرا روحي كافي شنو حصلتي من جبنج تجرئي مرة وجربي احجي ويا روحي تقربت منه سويت احم احم

شامل : باوعت عليها محجيت شي انتظرت هي تحجي منظرها عبالك طفلة وتنتظر يعاقبوها لو لا خوفي منها جنت احضنها

ميرا : مرحبا ممكن احجي وياك معرفت شكوله استاذ لو اسمه تيهت وضاعت الحروف مني من باوعت بعيونه

شامل : تفضلي محتاجة شي مبروك على الخطوبة

ميرا : اخ لو بس اعرف ياحيوان مبلغه اني مخطوبة اني اعتذر عن تصرفاتي وكلامي ويا حضرتك اسفة بس شكيت بيك من شفتك اهنا يم الدكتور عبالي تراقبني

شامل : اني جنت يمه قبلج من زمان جنت مثلج بس صرت زين الحمدالله

ميرا : 😲 يعني انت هم جنت تتعالج مستحيل اصدك شخص مثلك شنو عنده مشاكل حتى يتعالج

شامل : وليش حكمتي عليه ماعندي شي مريت بظروف صعبة ممكن اعزمج على كوفي شوب مو بعيد خطوتين من هنا طبعا اذا ميزعجج هالشي

ميرا : لا طبعا عادي بس خلي انطي خبر للسايق ينتظرني واجي كعدنا بدون ميسألني طلب عصير اليه وقهوة اله شنو شايفين صغيرة يخاف على صحتي اول مرة اكعد بمكان عام ويا شخص غريب شلون وافقت ماعرف بس مادري ليش احس وياه بأمان وماخاف منه

شامل :فرحت مخجلتني جنت منتظر تفشلني ومتقبل دزيت رسالة للسايق مالتها حتى يروح ناوي اليوم اسوي مغامرات بيها حجيتلها على خطوبتي وغسق واللي صار بيه من بعدها وعلاجي شجعتها أكثر طبعا اني متعالجت يمه هو صديقنا اني وامجد بس حبيت اطمنها شي عادي ومتخجل من نفسها

ميرا : لعد هاي مو زوجتك اللي بكليتنا اشكد خطية كلش انقهرت عليه مكدرت الزم نفسي بجيت

شامل : ههههه تقصدين نور لا هاي اختي اني مرتبط بس مو متزوج الله يسمعها منج ادعيلي اتزوج باسرع وقت صبرت عليها اهواية

ميرا : ها واني عبالي متزوج الله يجمعكم سويه شلون كدرت تحب بعد خطيبتك اني من هسة اكرهه خطيبي وناويتله على نية سودة بس الرجال ماعنده امان دايما خاين وميكدر يصير وفي

شامل : تألمت وصبرت بما يكفي غسق ماضي جميل انتهى بوقته وحبيبتي حاضري بس الله يستر منها شنو ناوية عليه

ميرا : اني متاكدة متزوجني علمود فلوسي لو اهلي مشترينه اليه مو بعيد عليهم حتى يخلصون مني ومن العار اللي جبته الهم وبفلوسي راح اشتري راحتي واخليه يطلقني واروح أعيش بشقة من عمارتنا اني واختي بعد محد يكدر يدخل بحياتي

شامل : ماشالله خوش مخططه الله يعينه واذا طلع مو محتاج وتفكيرج غلط شتسوي الله يعني عليها نيتها مو زينه

ميرا : ادبرها اطلع عين اهله مراح اسكت وارضى كافي انت متكول صيري قوية باوعت على ساعتي تاخرت اهواية لازم امشي عزة ميرا خاتون كاعدة 3 ساعات ويالرجال نسيتي روحج ودعته وطلعت خابرت السايق رايح تعبان هو من جابني جان مريض خابرت حامد مقفل انداريت شامل وراية والدنيا بدت تصير ليل

شامل : اذا تردين خليني اوصلج بيتنا قريب عليكم

ميرا : لا هسة يجوني اشكرك

شامل : ميرا انتي خايفة مني لو ماعندج ثقة بيه

ميرا : لا طبعا ماخاف منك بس استحي وميصير اخاف اهلي يحجون بعدين

شامل : محد يحجي اهلج يعرفوني صعدي بالخلف تعالي ركبي

ميرا : اليوم اني لو صرت زينه لو تخبلت رسمي ركبت وياه بنص الطريق طلع علبة

شامل : ميرا هاي هديتي بمناسبة خطوبتج اتمنى تقبليها شي بسيط أحتمال بعد مانلتقي اشكرج اليوم سمعتيني وكدرت افتحلج كلبي ارتاحيت اهواية

ميرا : انقهرت يعني شنو مااشوفه وين يروح شلون اساله نسيتي نفسج لازم تنسينه وانتي هم تتزوجين محجيت شي اخذت العلبة ونزلت من السيارة بقيت اباوع عليه اريد اشبع منه يمكن صدك هاي اخر مرة ودعته ودخلت للبيت موجودين يتعشون كلهم حتى عفرا سلمت وصعدت لغرفتي شفت العلبة وفتحتها بيها خاتم لبسته كلش حلو وعلى مقاسي نقوشاته غريبه اخ شامل حتى ذوقك يجنن مثلك بدلت وغسلت وجهي نزلت كعدت وياهم تمنيت يسألوني ويا منو رجعتي بس مشغولين يسولفون

أمجد : شامل اكلك يومين هي ماكو عبالي مثل كل مرة ببيتكم وقافلة تليفونها واني انشغلت بامي جانت مريضة بالمستشفى متعاركين سوية وين راحت راح اتخبل

شامل : هسة جنت بالشقة مو اهناك وين رايحة وامك يمتى تعوفها ترتاح مو كافي انت وعدتني توكفها عند حدها اخواتك يتجاوزون عليها وامك نفس الشي نبهتك راح تخسرها ومتفيدك الندم

امجد : اني ممقصر وياها روحي وكلبي بيدها شسوي بين نارين اعوف امي وحدها ميصير ابقى وياها امل مترضى وين انطي وجهي

شامل : فكرت تكون رايحة لأمها بس جانت تكوللنا تذكرت اخر فترة جانت تعبانة ومتحجي تكول من الشغل طلعت تليفوني خابرت اخوها نكر هي يمهم حسيته يكذب تعال امجد عرفت وينها

امجد : مستحيل تروح يمهم اخوها ميكذب وين موديني مو وقت نفتر بالشوارع هسة كلبي نار عليها

امل :ظليت كل فترة ازور امي بدون علم احد تصالحت ويااخواني وخواتي ارتاح من اروح يمهم تعبت من ام امجد وبناتها رحت ازور امي شفت جادر يم الباب رضا مات متصورت بهالسرعة راح يموت بقيت وياهم يومين نسيت تليفوني بالجنطة جنت مخليتها بدولاب امي التهيت بيها امي صحتها مو مثل قبل سمعت صوت امجد برا وياه شامل يحجون ويا اخويه طلعت

امجد : انصدمت شفت بنتي بحضن اخو امل يعني هي موجودة يمهم عافتني ورجعت يم امها صحت عليها وطلعتلي

امل : شكو ليش تصيح متشوف حالنا هسة تذكرتني روح وين ماجيت ارجع يم امك تعبت بعد ماتحمل

شامل : اخذت نور الصغيرة وكلت لامل تحضر روحها بسرعة هي متناقشني رحنا للشقة خليتهم ياخذون راحتهم يتعاركون ويحجون واني العب ويا نور واتذكر ميرا وحركاتها

عفرا : اي ست ميرا احنا نروح نجهز غراضج وانتي تصفنين على الحيطان ويا منو احجي ساعة عجبج الغراض شفتيها لو لا

ميرا : لا مشفتها اني مو كتلكم ماريد شي متسمعون كلامي تحبون الخساير ميحتاج البس شي

مرمر : عفية اختي تعرف اكثر من عدنا سمعتوها ميحتاج تلبس شي والله تحجين صدك اصلا هالغراض بس صرف فلوس وانتي تنامين من غيرهم شغلة دقايق وتنرمي منا ومناك والصبح تعالي دوري عليهم

عفرا وفرح هههههههه

ميرا : مو متربية والله العظيم شنو هالحجي انتي شنو الله ياخذج اني احجي بشنو هي وين راحت والله حقه نزار بين فترة وفترة يهج من وراج

عفرا : والله مرمر احسن من عدنا مخبلة اخوية من جان يتصور نزار ينسى العفريته سمر ويتزوج مرمر ويحبها ويخاف منها تدرين ميرا الزواج اشكد حلو عمرها خسارة اللي متجرب مو فرح

فرح : واني يمتى احجي بهيجي مواضيع هاي سوالفج انتي والخاتون مرمر لاتدخلوني بيها اني عاقلة مو مثلكم ولج مرمر ابنج طلع عين بنتي هالمرة بس اشوفه يخرمش اموته شنو هالوكاحة ولا يكعد

عفرا : فديت ابن اخويه طالع عليه روح اضربهم كلهم زين ابدي من ابوك لعمك وخصوصا ابوك خرمشه من ركبته حتى امك تموته بالليل كرصته من خدوده وعضيته

مرمر : ويكولون طالعة عليه هاي عفرا تعلمه هالسوالف هو اصلا بريء ميسوي شي بس كسر كل عطور ميرا اليوم

ميرا : باوعت عليها لايكون عطري الجديد اموتج وياه مصدكت حصلته امسح بيج الكاع انتي اخت لو عدوة وابنج ليش دخل لغرفتي اكيد رحتي تبوكين من ملابسي

مرمر : استري علينا وعلى نفسج ان الله يحب الستر واني اهددها من جوا السيارة السودة يمدحون بيها يكولون مريحة ليش مااخذتي منها عفرا

ميرا 😨😨

عفرا : واللون شعليها واني ماحب الاسود وعامر ذوقه يخبل والدليل اختارني 😘

مدينة : الحمدالله اشوفكم متجمعات كلكم وفرحانين الله يديم علينا هالفرحة ميرا حامد بلغني اكولج حضري نفسج هالاسبوع تتزوجين باجر نروح نختار فستان عرسج وياها كملي غراضج الناقصة

امل : بقينا اني وامجد فترة بالشقة لحد مايرتب الطابق الثاني ويعزلها ماريد اخسره وهو نفس الشي امي يوميا احجي وياها واخواتي يخابروني أنشغلنا هالفترة بترتيب البيت شامل هم يحضر لعرسه اللي محد مقتنع بيه القاعة بس للنسوان خايفين لا وحدة تعرف ميرا وسالفتها وتخرب العرس وشامل محذرنا محد يذكر اسمه كدامها يريد يفاجأها

امجد : لو يكولولي هاي امل قبل سنوات جنت اكول كذب ياريتنا من زمان متزوجين مادام احلويتي بهالشكل شتكولين نخلي نور يم امج ونروح نسافر يومين نسوي شهر عسل جديد بس احذرج مو تنصبين عليه ترى حركاتج كلها اعرفها راح اغلبج

امل : اي والله ايام زمان أصلا اني حلوة بكل حالاتي بس اليوم زواج الغالي غير والله يمكن اني خايفة اكثر من العروسة الله يستر ويعدي هالليلة على خير

ميرا ؛ شفت الفستان كلش حلو اهل العريس جايبينه هدية يمكن حسو اني مجنت اروح اشتريه ايام منايمة من القلق والخوف لبسته مضبوط عليه نزعت خاتم شامل بقيت اباوع عليه هاي اخر مرة راح افكر بيك لحد مااتخلص من المصيبة اللي اتورطت بيها اليوم واصلا يمكن هو تزوج ونساني رجعته وخليته باصبعي اصلا محد يعرف هو مالته مراح انزعه

فرح : اللهم صلى على محمد واخيرا شفت وحدة بيكم بالفستان الابيض الله يحميج حبيبتي ياريت امي وطلعت ويانه هسة

مرمر : متحملت حضنتها واني ابجي اريد اكوللها منو العريس اخاف تخرب العرس ومتقبل سكتت دايما جنت اكول انتي احلا مني انسي كلشي اليوم زين صيري عاقلة لاتضيعين هالفرصة بين ايدج راح تندمين طول عمرج حضرتلج غراضج مثل ماطلبتي مخليت شي بيها من اللي اشتريناه طبعا كذبت عليها اني وعفرا خلينا على ذوقنا يمكن تموتني بعدين بس مو مهم

عفرا : لاترحمين العريس اليوم طلعي عينه واتدلعي عليه ولا تصيرين سهلة مثل فرح ومرمر همه تعدو على اخوتي صيري مثلي شرسة

فرح : ولا جنت اعرف شي جذابة على الاساس اخوانج مساكين اذا انتي اختهم فماكو خوف عليهم صيري مثل عفرا ميرا راح يجيبلج سيارة مو اني ميخليني اسوق سيارة يخاف عليه

ميرا ؛وصلت للقاعة كلشي حلو ومثل ماجنت اتمنى واخطط زمان بس هسة لا عبالك دخلت للقفص برجليه دموع متحجرة بعيوني ماشوف شي من الهم اريد بس ينتهي هالكابوس وابقى وحدي

شامل : سوينا حفلتين بالفندق وحدة خاص بالنساء واحد للرياجيل بطلب من حامد علمود اهله ياخذون راحتهم وهذا احسن شي حتى متشوفني غير بغرفتنا متشوق اشوفها اختي دعاء دزتلها فستان العرس اختاريته بنفسي اتخيلها شلون طالعة وخايف من مواجهتها لازم اكون حذر وياها الله يستر ويعدي على خير

امجد : اشبيك راح توصللها اثقل شوية واكعد ولو من حقك عجزت يالله تزوجت منو يلومك بس عيب شيكولون شامل من ورا زواجه صار خفيف وممصدك مباقي شي ساعات واحنا هم نروح نسافر انطيت لنور رشوة حتى تهتم أسبوع ببنتي اشكد متخاف ربها طلبت طخم ذهب كامل حتى تلبسها بعرسك والفستان من امل يعني مستفادة من الطرفين

شامل : والله تستاهل عاشت ايدها اني صاير خفيف مراح اجاوبك نسابتي اهنا اشكر ربك

ميرا : تعبت من الوقفة والتصوير احلى شي العريس مشفته صعدنا للغرفة اللي حاجزها عريسي التعبان ويا عمتي وعفرا ويانا حماتي شفت بنات اثنين شكلهم مو غريب عليه بس مادري وين شايفتهم عبالك عرسهم هلكد تعبو بالرقص الغرفة جبيرة دورت بعيوني على غرفة ثانية ماكو انتظرهم ينزلون حتى احضر الكلمات اللي اكوله اله ودعوني ردت انهزم وارجع وياهم

ام شامل : مبروك حبيبتي شايفين خير اي شي تحتاجين هاي تليفوني خابريني واعتبريني مثل امج لاتخافين زين

ميرا : 😢زين تسلمين

شامل :جنت واكف كدام الباب انتظر امي تطلع وادخل كلبي يدك سريع ماعرف شنو رايح يصير

ام شامل : فوت حبيبي الله يفرحكم ويسعدكم ديربالك عليها خايفة اهواية خطية مع السلامة

ميرا : ردت ادخل ابدل سمعت الباب جنت منزلة راسي شفت رجله بس هو يتقدم اني ارجع ليوراه ريحته مو غريبة عليه رفعت راسي لا لا مستحيل مو انت ليش

شامل : ميرا على كيفج متصورت هيجي يصير بيها تهسترت من شافتني لااكدر الزمها ولا اتقرب منها تصيح وتبجي حبيبتي اهدي

ميرا : مو انت ليش ليش خدعتني حقير كذاب اكرهك شامل ليش هيجي اكرهكم كلكم اني مانفعك والله مانفعك ضربت على وجهي تذكرت اللي مريت بيها وهو من اجه ساعدني حسيت روحي تطلع والدنيا سودة وكعت بمكاني.

أنتظروني غدا بالبارت الاخير

#علمني_كيف_الحب_يداوي _34والأخير

خذني بيدي

معك أبتدي

آن الأوان أنسى اللي كان

حتى لو طال الزمان

لازم أوصل للربيع

قبل ما عمري يضيع

و ألقى الحنان

أنا لي مكان بين النجوم فوق السحاب

أغسل بألوان الفرح

كل العذاب

متواعدين أنا و هنا روحي

متواعدين نداوي جروحي

يروي ضماي و ألقى هناي

في سنا فجري و حبنا يسري

يا منى عمري أنا

أنا لي مكان بين النجوم فوق السحاب

أغسل بألوان الفرح كل العذاب

مرمر : ضلينا كلنا كاعدين ننتظر ميرا تتصل بينا أحس بيها مو مرتاحة وأستحي اخابرها

عفرا : تعالي كعدي وترتينا أكثر يالله انتي واحاسيسج لو روحي نامي يم ابنج وزوجج اني وفرح كاعدات

فرح : اني بعد شوية رايحتلها ماكدر أصبر نروح اني وانتي عفرا وانتي مرمر ديربالج على الجهال اكوم احضر فطور حتى ناخذها ويانا

عفرا : صدك انتي فاهية البنية غركانة بالعسل ونايمة بحضن القشطة يافطور والله حلو شامل مادري بزماني ليش مجنت اشوف هالاشكال وهو موجود قبلي

مرمر : تتصورين صاير شي بيناتهم أشك بأختي عقلها رايح مادري شلون تفكر اخاف فاضحتنا يم الرجال ومسوية حظر اللمس وممنوع الاقتراب كلشي يطلع منها

فرح : انتي وياها بس فالحين بهيجي سوالف متعرفون شنو اللي مرت بيه صعب حتى لشامل نفس الشي الله يعينهم مراح ارتاح لحد مااشوفها بعيوني مرتاحة عمري مراح انسى وقفة شامل ويانا

شامل : مرينا بأسوء ليلة جنت متصور تعصب وتهدء متخيلتها تسوي هالشي بنفسها داخت وشلتها من صحت راحت للحمام رادت تنتحر لحكت عليها بأخر لحظة تعبت من اللطم والبجي نامت بفستانها مقبلت تحجي ويايه ولا تسمعني اباوع عليها نايمة والتعب باين عليها بدلت ملابسها فتحت جنطتها مو مال البسها هالسوالف تتخبل زايد اخذت تيشرت من عندي ولبستها وبدلت ملابسي وخابرت أمي طمنتها علينا وكلتلها راح نبقى ايام ماريد احد يشوفها بهالحالة

ميرا : فتحت عيني جانت حلم ميرا مو هو مو شامل باوعت على الغرفة ماكو احد غيري شنو صار بارحة ماتذكر بس تخيلت شامل العريس اي ميرا جنتي تتخيلين منو مبدل ملابسي لايكون زوجي ممصدك ملبسني تيشرت مالته عابت ماكدر اكوم من الفراش اريد ارتاح حسيت الم بأيدي باوعت ملفوف بشاش

شامل : صباح الخير شلون صرتي بدون انفعال خلي نحجي ونتفاهم بهدوء ماريد اللي صار البارحة يتكرر راح اتصرف غير تصرف وياج هاي أخرتج تنتحرين هلكد صعب عليج تتقبليني

ميرا : مو حلم واقع نزلت دموعي 😢 انت خليتني اسوي هيجي بنفسي ليش شامل قبلتها على نفسك تاخذني وانت تعرف اني مستعملة ومو نظيفة علمود شنو لاتتصور راح نعيش ونكمل حياتنا سوية طلقني اتوسل بيك ماريد الشفقة منك انت بالذات

شامل : طلاق ماكو انسي ومااسمحلج تحجين هيجي على نفسج جريت ايدها خليتها على صدري تحسين بيه لو أحساسج ميت أحبج تفهمين لو لا انتي ملكي هسة ومااخليج تسوي بروحج شي وكلامج الفارغ طلعي من دماغج

ميرا : لاتتحداني متعرفني زين ومراح نكمل سويه انت متفهمني ولاتتصور اسمحلك تلمسني لو يصير بيناتنا علاقة كمت اروح للحمام شفت جنطة مالتي 😠 شمخلين بيها حقه الرجال مستحي ملبسني تيشيرت مالته هسة يتصورني اني مخليته

شامل : ماريد منج شي غير تهتمين بنفسج واني ملمحت لأي شي ألا اذا انتي تردين أطلب منج بصورة غير مباشرة شوية وتنفجر ههههه وراج لحد ماتجيني بنفسج

ميرا : باوعت على نفسي بالمراية خفت عبالك طالعة من مصارعة هم زين مخاف مني شسوي ويا شامل جنت مخططه غير شي ماكدر اجرحه ليش ميفهمني اني ماريد يحس بنقص جنت اتمنى ياخذ وحدة كاملة وتسعده مو اني صح احبك شامل واموت عليك بس لازم نفترق

شامل : شسوي وياها هاي شلون اخليها تقتنع انه مابيها شي خابرني حامد بلغني زوجته واخته

جايين على الفندق يريدون يشوفون ميرا نزلت حتى ياخذون راحتهم

عفرا : سلمنا وباركنا لشامل دخلنا للغرفة باوعت مو مبين صاير شي بيناتهم فرح تحسين باللي احس بي

فرح : اي حتى هو جان متوتر ومبين تعبان خلي تطلع الخاتونة من الحمام ونشوف شنو صاير راح أرتب الفطور على الطاولة

ميرا : طلعت من الحمام سمعت صوت عفرا وعمتي لو بيدي أموتهم سلمت عليهم ببرود باوعت على عمتي ملكيتو غير شامل تورطوني وياه ابشرج ايام وراجعتلكم

عفرا وفرح : شنو صاير فهمينه أشبيه شامل

ميرا : مابي شي رجال كامل وماعنده عيوب ساعدكم ورجعلكم بنتكم العار المخطوفة بدل ماتشكروه خليتو يتزوجها ليش مكلتو هو اللي يريد يتزوجني مجنت اقبل عليه هو كلش عالي بنظري مو من مستوايه جنت متخيلة اتزوج واحد عادي وينتهي الموضوع متصورت تعقدون السالفة اكثر

فرح : سمعيني حبيبتي عيشي حياتج وانسي اللي صار والله العظيم لو هو ميحبج ومطلبج اكثر من مرة اني مجنت اوافق عليه وانتي مابيج شي كافي دمرتي نفسج

عفرا : لاتصيرين غبية لاتخسرين زوجج راح تندمين صدكيني شوفينا احنا شكد شفنا بحياتنا وهسة احنا عايشين احسن عيشة

شامل : رجعنا لبيت اهلي التهيت بشغلي وهي تداوم بالكلية مرات اروح ارجعهم اذا كدرت علاقتنا مثل ماهو تقدم ماكو من عدها منتظره تمر مدة وترجع لأهلها

ميرا : رتبت الفراش وخليت الوسادات بالنص اني اتحرك اهواية من انام مرات اكوم واني بحضنه لو قريبة عليه قبل لايكوم ارجع لمكاني شوفته كدامي عذاب لااكدر اقترب منه ولا ابتعد اهله كلش زينين ويايه وعلاقتي حلوة بيهم يعرفون كل شي بيناتنا ومحد يتدخل شفته يبدل كدامي نزلت راسي يوميه نعيد هالسالفة ليش متبدل بالحمام

شامل : وليش ابدل بالحمام ماكو احد غريب وانت تعودتي تشوفيني لو مسوية نفسج تستحين مني واني اشوفج تسترقين النظر

تقربت منها

ميرا : وخر لاتتقرب باوعت على صدره هاي شنو هالجروح اول مرة اركز بيها يقترب واني واقفة بمكاني افكر اشكد جان يوجع هالجرح يارت اكدر المسه او ابوسه

شامل : استغليت شرودها وخليت شفايفي على شفايفها وبستها هي متتحرك اول مرة تكون هادئة بهالشكل احبج ميرا وانتي تحبيني والدليل تجاوبتي ويايه وانتهيتي بيدي

ميرا : وخر ادبسز لاتقترب مرة ثانية رحت للصالة عفته خليت ايدي على شفايفي شنو اللي صار ليش منقرفت منه ميرا هسة شيفكر بيج مصدكت ابوسها اتمنى ارجع للغرفة ونعيد اللي صار لزمت نفسي لاتسويها سيطري على نفسج رجعت للغرفة جان نايم نمت بمكاني يمتى ارتاح باوعت عليه وتاليتها وياك يوم عن يوم يزيد حبك بقلبي ياريت مصار بيه شي جنت هسة أسعد وحدة بالدنيا وانت ملكي

أم شامل : رحنا معزومين لبيت فرح شفت صورة بالصالة مالتهم تذكرت هالمرة اللي ساعدتني بولادتي من جبت دعاء سالت فرح عليها كالت امي دمعت عيوني عليها عرفت ميتة حجيتلهم شلون ساعدتني وشامل اشكد سال عليهم معرفنا وين رايحين

تذكير بالأحداث السابقة (طلعت للباب الخارجي الدنيا ليل وتمطر شفت طفل مبين اصغر من طلعت يبجي ويصيح لحكوني امي تموت بس شافني توسل بيه اساعده واني ماعرف هو منو وابن منو بدون تفكير صحت طلعت كتله اقفل الباب وجيب عبايتي اللي نادرا مااطلع والبسها رحت ويا الطفل وصوت نحيبه وهو يمسح دموعه نسوني جبار وخوفي منه وصلت لبيتهم بيناتنا 5 بيوت امه واكعة وتجيب وماكو احد يمها ماعرف شلون صار عندي قابلية ولدتها وساعدتها بقت طول مااساعدها تبوس ايدي وتشكرني بقيت يمهم ساعات عرفت هم ساكنين جدد اهنا وزوجها بالعسكرية اضطر يعوفهم وينزل لواجبه وماعدهم تليفون ارضي تخابر أهلها طلعت باوعت على الولد وهو يتشكرني باوعت عليه حسيته رجال مو طفل وهو يحجي ويايه)

فرح : امي جانت دايما تحجيلي هالسالفة الله يرحمها الدنيا اشكد غريبة أمي قبل سنوات ساعدتها وابنها رجع ساعد حفيدتها دمعت عيوني على وصفها لامي اللي مشافت يوم حلو بحياتها

ميرا : استغربت من حجي ام شامل وصفها لجدتي وجمالها اللي اني ومرمر طالعين عليها رجعنا للبيت طول الطريق تحجي لشامل على بيبي

شامل : باوعت على ميرا واني اكول ليش من شفت عيونج حسيت اعرفج وحبيتج طالعة عليها انتي هسه عرفت

ام شامل : جنت احب ميرا من محبة ابني الها بعد ماعرفت هي منو حبيتها اكثر وهي اصلا تنحب مؤدبة كلش ومحترمة وتساعدني دايما رغم مااخليها تشتغل لان عدها دوام عكس نور بس تحجي وتاكل

أبو شامل : سويتلهم عشى بالحديقة فرحان كلش بلمة عائلتي اللي كبرت اباوع على شامل واشوف الفرحة بعيونه ومرته ميرا اللي احبها مثل بناتي دايما نكعد سويه ونسولف خجولة اهواية

ميرا : كلش حلو طبعهم وسوالفهم احس ابو شامل مثل ابويه الصبح من اطلع للكلية ينطيني فلوس رغم اني مااحتاج وعندي اهواية بس احس بيه طعم ثاني كلش افرح بيها وامه نفس الشي متخليني اسوي شغل هي مثل عمتي فرح مرتبة واكلها طيب ودايما تشتغل ونور مثل مرمر غصب عني تضحكني وتدخلين بسوالفها ودايما تسوي بيه مواقف تحرجني ويا شامل

أمل : جنت بالمستشفى جتني منار صايرة نار

جانت مسافرة يم اخوانها وجديد رجعت

منار : صدك اللي سمعته شامل متزوج بارحة امي حجتلي منو هي اللي شافها احسن مني

امل : منار انتهى هالشي وصار ماضي انسي شامل صارله 6 اشهر متزوج ويحبها لاتنزلين من نفسج اكثر

منار : يعني شنو ودم اختي تروح هيجي واحنا نرضى ونسكت الله لايشوفها السعادة اللي حركت كلبي وجددت جروحي

امل : ضحكتيني انتي عينج على زوج اختج من هي عايشة كافي عوفي الولد يرتاح ورجعي سافري وشوفي حياتج انتي وامج ماعدكم شي غير شامل باقي تاخذونه فصلية بدل دم اختج عفتها وخابرت شامل حتى نلتقي بالشقة مثل ايام زمان وهددته احجي لميرا سوالف منار اذا خابرها لو راح لبيتهم خرابة البيوت

نور : ميرا اني ارجع ويا السايق لان شامل ياخذج وياه تطلعون تردين مني شي لو اروح لاتقصرون نريد طفل 😈

ميرا :😨😨 عيب هالسوالف وبالكلية شكرا روحي حبيبتي بكلبي كلت لعد ليش ميخابرني كلش متغير مو مثل قبل كعدت انتظره وحدة كاعدة بصفي تحجي بالتليفون مبين حامل وبطنها منفوخ شلون تحجي حبيات ويا زوجها اندارت عليه

مرحبا انتي ويايه بالقاعة بس ممتعرفين على بعض

ميرا : اي اني ميرا

ماشالله اشكد حلوة متزوجة اكيد اللي مثلج ميبقون كلش تعبنا هم زين اليوم اخر يوم وتجينا العطلة انحرمنا من ازواجنا هالفترة من ورا الامتحانات

ميرا : ضحكت على سوالفها رأسا بدت عبالك من زمان تعرفني بديت اتجاوب وياها نحجي بالمواضيع

ميرا شنو مسوية تحضيرات لليلة مبين من ملابسج انيقة وكشخة هنياله زوجج عليج اني اروح اليوم اشتري جان زوجي بالدوام صارلي 10 ايام مشايفته اليوم يومنا شتكولين

ميرا : ها اي كلت بكلبي ياتحضيرات يابطيخ اني وبن انتي وين غيرت السالفة وين يداوم زوجج

بالجيش حلو هالخاتم بيدج ممكن اشوفه شكله غريب هاي شنو مكتوب بيه

ميرا : ماعرف مكتوب بيه شي من زمان لابسته هاي خاتم هدية من زوجي

ماشالله مبين اهواية يحبج مكتوب علمني حبك كيف الجرح يداوي

ميرا : انصدمت من المكتوب اخذتها باوعت حروف صغيرة ابد مامنتبه عليها حسيت نفسي راح اموت واختنك يعني صدك يحبني واني داويت جروحه هيجي يظن بس بالعكس زودته

سمعت تليفوني شفت رقمه طلب مني اطلع

شامل :ميرا نروح للشقة امل عزمتنا مسوية اكل وهم فرصة تشوفين مقرنا السري ومكاني المفضل شبيج حبي تعبانة ارجعج للبيت

ميرا : لا مابيه شي خلي نروح واشوفه امل ونور دايما يحجون بيها اباوع عليه ايده لابس نفس الخاتم ميرا ركزتي بعلتج ونسيتي حبيبج هيجي تجازينه منو جان يكدر يتحمل هالفترة غيره لزمت ايده ماريد اخسرك شامل ساعدني

شامل : وصلنا استغربت من لزمت ايدي لاتبجين شبيج ميرا صاير شي ليش تخسريني

ميرا : اني انانية كلش شامل والله العظيم من حبي ألك هيجي سويت وياك مردتك تاخذني ردتك تاخذ وحدة ترفع راسك بيها كدام كل الناس انت مقصرت ويايه بشي بس اني خذلتك

سامحني اللي مكتوب على الخاتم جان موجود عليها لو انت سويتها

شامل : روحي انتي اني راضي بيج ومتهمني كلام الناس اشوفج بعيوني كل الدنيا عمري متخيلت راح أرجع أحب واتزوج غير من شفتج لاتتصورين أخذتج شفقة عيونج دمرتني وكسرت كل الحصون بداخل كلبي نسيت الماضي وجروحي داويتيني ميرا بدون ماتحسين الخاتم اني سويتها علمودج ردتج من تشوفيها تعرفين شعوري ناحيتج بس انتي مركزتي بيه

أمل : حضرنا كل شي اني وامجد مثل زمان ردنا نتذكر ايامنا خليت بنتي يم امي حبي شامل وميرا واصلين بس باقين بالسيارة خاف اكو شي روح شوفهم

امجد : رجال ومرته يحبون يحجون لو ياخذون راحتهم انتي شعليج لحد يمتى اعلمج اني

امل : ماتذكر علمتني شي جذاب هههههه

امجد : اني الج 😘 هاي مقدمة الكتاب والبقية والخاتمة بالبيت اعلمج لضيق الوقت افتهمتي لو نعيد

امل : لا ابد متفهمني ولازم نعيد الشرح مو خوش استاذ انت مبين عليك العمر كبرت وانتهى صلاحيتك هههه

ميرا : رحبو بينا امل وامجد اشكد محبوبين عبالك اصدقاء مو متزوجين ينصبون على بعض ويسوون حركات حلوة غصب يخلون الواحد يضحك

أمل : ميرا تعودي علينه احنا من نجي اهنا نطلع طاقاتنا المكبوتة ويشتغل الخبالات يعني اي شي تشوفين عادي غلسي احتمال هسة زوجج يغسل المواعين وامجد ينظف المكان واني وانتي نشرب جاي ونكرز ونفرش بالكاع منستعمل الطاولة

شامل : باوعت عليها شفتها مرتاحة وتتصرف طبيعي بالبداية مجانت تحجي بدت تفك شوية شوية

أمجد : مشبعت من النظرات يمتى ناوي تدخل بالمراحل المتقدمة مو كافي نريد نشوف امجد صغيرون

شامل : مادري لحد الان باقين ومتمددين بالمقدمة وانتو يمتى ناويين تروحون نريد ناخذ راحتنا حسو شوية منين يجي امجد صغيرون

ميرا : جنت اسمع امل تحجيلي على شامل كبر بعيني اكثر شلون جان يحميها ويساعدها وشصار بيه من ماتت خطيبته وشغله اللي يخوف كلش عرفت الجروح والندوب من هالشي بقينا وحدنا يشوفني الشقة جان واكف قريب عليه تجرئت تقدمت منه وبسته 💏

مرمر : هاي وينها الخاتونة اخابرها متجاوب على الاساس نروح للسوك باوعت على المراجعين باقين عدد قليل صرت اشتغل ويا نزار بالعيادة مالته اسجل الاسامي وارجع النتائج اهواية يحاول ارجع للدراسة بس اني ماريد وهسة حامل للمرة الثانية سويت سونار طلع توائم مكلتله راح ينجلط هسة يكولي ابنه صغير بعده

نزار: رجعي هالتقارير لاصحابها وركزي بشغلج واذا تعبانة رجعي للبيت لو تنتظرين نرجع سويه حتى نتعشى بمطعم حبي

مرمر : لا مادام بيها طلعة ومطعم ويا حبيبي ماكو تعب مو عيب بعدني شباب حبيبي 😍😍😍😍😘

نزار : اي مبين خوش شباب ساعة 9 نايمة وشخيرج واصل لبيت اخوية واني اتبهذل بأبنج

مرمر : صدك اني هيجي يعني متحبني رمشت بعيوني

نزار : ههههه عيب ولج احنا بالعيادة اصلا عسل على كلبي سوي هالحركات من نرجع للبيت 😍

شامل :أنصدمنا اني وياها انتي بخير حبي 😲

ميرا : ماعرف شنو اللي صار 😢

شامل : حضنتها وبستها من راسها لاتبجين عمري مبروك مابيج شي بعدج بنية كل اللي جنتي متخيلته مو صحيح

ميرا :كل هلتأنيب الضمير والخوف والقلق وانت طلع ماكو شي اني نظيفة مو شامل جاوبني الله عليك اللي اشوفه هسة هو هذا الحمدالله ياربي ماعرف شسوي من الفرحة اني مابيه شي

شامل : تأثرت بيها فرحانة مو مصدكة واني هم مجنت متوقع جاوبتها حرمتيني منج اهواية ضيعتي شهور بيناتنا بالجفا والحرمان بعد كلمة متحجين افتهمتي

عفرا : نجحت بامتياز وطلعت الاولى على دفعتي

عامر : تدرين عفرا عبالك اني ناجح مو انتي من فرحتي بيج ربي لايحرمنا من بعض راح نسافر هالعطلة نروح نرتاح ونشوف الدنيا اني وانتي بس بدون جهال نجدد زواجنا ونرجعلهم بنونو صغير شتكولين

عفرا : واني اكدر أضيف على كلامك شي طبعا موافقة حبي

حامد : كاعد بين جهالي مبدلين ننتظر فرح تحضر نفسها طالعين نتونس برا اريد افهم انتي رايحة للمجاعة لو للونسة من الليل تطبخين وتحضرين غراض

فرح : حبيبي شكو بيها ناخذ ويانا اكل تعرفني ماحب الجهال ياكلون من برا اخاف عليهم ومرمر اكيد متسوي شي وهي جديد جايبة توائم واني لان احبكم اريدكم تاكلون من ايديه طلعت موبايلي واخذنا صورة جماعية كتبت عليه اني واعز انسان على قلبي زوجي وحبيبي واخويه وابويه وامي كل اللي احبهم متجمعه بشخص واحد حامد

ميرا : مرت على زواجنا سنه حياتي تغيرت كلش حبنا يزيد يوم عن يوم تغيرت اهواية صرت اسوء من مرمر اختي ابوس واحضن شامل بالشارع كدام اهله باي مكان يعجبني تجاوزت كل اللي مريت بيها اعشق اي شي يخص شامل

شامل : مو اصيحج ساعة بالحمام ليش مجيتي اني ألج بعد احرمج مني شوفي منو يجي وياج للحمام وماقبل تلبسين من ملابسي من اروح للدوام اخذهم ويايه احرمج من ريحتي

ميرا : اشكد قاسي وظالم مسويتلك جو رومانسي بدل ماتشكرني تعاقبني تعال حبيبي مرة ثانية متدخل من غيري هالمرة سماح لاتهددني بملابسك لاتخليني اجي وياك للدوام نشفت شعره وطلعته ملابس اخلي ايدي على صدره وامررها على جروحه شامل ياريته بيه ولابيك

شامل : والله مو بعيد عليج تسويها تجين ويايه للدوام لاتكوليها انشالله ميصير بيج شي ماكدر اتنفس من غيرج راح اتقاعد من ورا دلالج يوميه مسويتلي اجواء غير شكل جريتها لحضني نسمع موسيقى هادية والعب بشعرها تدرين شنو امنيتي هسة اخذج لمكان بعيد ماكو بيه احد غيرنا بس اني وانتي

ميرا : أحبك يامن علمتني كيف الحب يداوي.

انتهت روايتنا اتمنى تنال أعجابكم واشكر تصويتكم ودعمكم اليه احبكم متابعاتي العزيزات تابعوني بالقصة الجديد عشق الأوفياء