رواية علي الفصل الأول 1 - بقلم أم احمد

#علي _(ام احمد)
بارت اول (حقيقة)
في الوقت الحالي 2017
في احد المستشفيات في لندن كانت ام علي عل سرير المرض وسرطان قد اكل جسمها اكل وهيه تحاول مصارعه المرض هيه عل يقين انها تموت  جانت تنتظر شخص معين عيونها عل باب الغرفه وياها ابنتها وجدان تحاول ان تخفف عنها الم وانتظار واهنا گالت ام علي ليش مااجى الى هسه راح امووت واني مشايفته
يمه گتلج ميجي گلبه صخر
اخ وج اريده يسامحني گبل موتي
اي يمه هسه اخابره
وفجاءة دخل الغرفه شاب ثلاثيني ذو ملامح جميله وعيونه حاده  وجميله بس بيه قسوه مثل صخره تقدم نحو ام علي من شافته ام علي ابتسمت وشهكت
علاوي اجيت
ظل شاب ساكت وعيونه كلها حقد وكره
اريدك تسامحني علاوي اعرف اني مااستحق السماح بس اني امك
لاتكولين هاي الكلمه انت وحده حقيره
(وجدان) علي احترم نفسك هاي امك
لج لاتدخلين شكو دزيتوا عليه
ظلت ام علي تكح وتريد هواء يدخل لرئتها واجوي اطباء وظلوا يسعفون بيها بس جانت ضعيفه كلش وظلت وجدان تبجي وتصرخ وراحت عل علي الي ظل ساكن ظلت وجدان تبجي بحضن علي بالنسبه لعلي عيونه جامده وملامحه مابيها اي تاثر بالموقف وشويه اطباء اعلنوا وفاة ام علي انهارت وجدان وعلي ظل واگف وگال الى جهنم وبئس المصير وخلا وطلع من الغرفه ولاعبالك الي ماتت هيه امه
(ملاحظه الي راح اذكره بهذا البارت مبني عل اساس مذكرات ام علي الي توفت مو عل اساس حجي علي ابنها هو صور مذكرات ودزها الي)
نرجع للماضي وللعراق سنه 1969 وبالتحديد بمحافظه خانقين بااحد احياءها وبيت اغنى شخص حجي آزاد عنده اربع ابناء عائله كورديه متلزمه ومحافظه حجي آزاد واولاده يشار الهم بالبنان لكرمهم واخلاقهم الي يهمنا بيهم هو ابنهم جلال هو طويل وذو ملامح رجوليه وعيون سوداء وحواجب معگوده مواليد 1950 هو الولد الثاني لحجي آزاد الي مثل مگتلكم اغنى رجل واله املاك حتى بغداد وباقي محافظات

مرحبا اني سروه يتيمه اب اشتغل اني وامي بخدمه بيت حجي آزاد عمري 15سنه شكلي سمره وقصيره عيوني وسط ولونهم نرجسي شعري كيري احب جلال اموت عليه لان زنكين واريد واحد غني ينتشلني من الفگر جنت اشوف جلال الشخص المناسب الي رحت عل امي وگتله اريد ازوج جلال
يمه شبيج اتخبلتي
لا اني عاقله واريده
وج وين يباع عليج هو ابن العز يباع عل شكولج بنت الفگر فوگاه محلوه
يمه اختج تعرفيها هيه تساعدني اطلبي منها تساعدني
صخام بوجهج تشتغلين بالعمل ومين تجيبن اله فلوس
عندي يمه انت سافري واني انطيج فلوس
وشتردين تسوي الج
يمه محبه تخلي جلال يعبدني اريده عبد الي يزوجني ونعيش بغداد يمه نعيش ومنعتاز للخدمه
خوش يابعد امج جمعي الي فلوس واني اروح من غبشه عل خالتج ونشوف تاليتها
جيبي الي منها خرزه الي تخلي ناس تحبج
وج غاليه هاي
گولي الها بس احصل الزواج اشبعها فلوس اوعدها اترسها ذهب بس خلي جلال يحبني
اي صار اني راح اخذ رخصه من الحجي واسافر وانت سدي مكاني
اتفقنا
وسافرت امي واخذت كل فلوسنا الي جامعيها ظليت لمده اسبوع اني اشتغل وانتظر عوده امي من بيت خالتي جنت اعرف كلشي اشتغل من الفجر اگعد اخبز  وزوجه الحجي آزاد ماترحم جنت اشتغل وكلبي اگول اني الكم اله ابهذلكم بس ينراد وكت وصبر ورجعت امي من السفر وجانت فرحانه بس خالتي كاتبه عليها صك لان متكفي الفلوس اني مهتميت مهم اجيب جلال للدرب وانطتني امي الخرزه وانطتني العمل الي راح اخليه بفراش جلال وعمل لاخ اخليه يشربه ومن الصبح نفذت كلشي وجنت طايره من الفرح قريبا راح اكون چنتهم حالي من حالهم وره اسبوع بدا جلال يتودد الي وهو جان ميباع عليه وبديت وياه بقصه حب وصار ميشوف غيري شبعني هدايا وفلوس طبعا من دون علم اهله بالموضوع جنت اصعد لغرفته ونتونس اخر ونسه بس ظليت محافظه عل بكارتي وره يومين گمت ابيع عليه ثگل هو تخبل ليش مااصعد فوگ يمه وگتله انعقد عد سيد واصير حلاله بالبدايه رفض بس اني گمت ابد مااخليه يطخني ولااصعد لغرفته انجن جنونه بااخير رضخ الي وعقدنا عد سيد وبذيج الليله اجر الي بالفندق وقضينا احلى ليله وصار جلال ملكي لو اگول اله موت يموت ومرت ايام واني وفيت الدين مال خالتي وبديت بخطه جديده ان لازم نواجه امه لجلال وابوه حتى نعلن زواجنا طبعا من
گال الهم جلال رفضوا هو گلهم احبه بس مگال الهم ازوجنا واهنا امه طردتنا من البيت اني وامي وصارت مشكله جبيره بين جلال وامه بس جلال مارضخ الهم وطلع ويانه واجر النه بيت جان جلال ساعد ايمن لاابوه لان اخوه أكبر منه ملتهي بالحب والبنات  وابوه ميعتمد بس عل جلال وخلال اسبوع امه جلال اتوفت من صدمه من عرفت ان جلال مزوجني اما ابوه فااستسلم لاامر الواقع ورضخ واتقبلوني جنه الهم بس اني قنعت جلال ان ننقل شغله لبغداد جنت احلم بغداد وبدا جلال ينقل اعمالهم وبدا يفصل عمله عن عمل ابوه وانتقلنا لبغداد وسكنا بالكاظميه المقدسه بذاك اليوم اتحققت كل احلامي اخذت جلال  وبديت العب لعب بالفلوس وخالتي كل فتره اتجدد الي العمل واني غرگته فلوس وبديت مرحله  ابهى بحياتي  وبيوم صارت عندي علامات الحمل طرت من الفرح راح اجيب ولي العهد لجلال وصار كلشي مثل مااريد صرت غنيه وسكنت بغداد وهسه حامل زوجي فصل شغله عن اهله وابوه وتركهم وصار بس اليه امي ويايه عايشه واجت ساعة الولاده مالتي اتعذبت هوايه وجانت الصدمه الي اني جبت ابنيه مو ولد انقهرت هوايه كلش سميتها  وداد واتطورت تجاره جلال واشترينا بيت اكبر بالمحيط وسجل البيت بااسمي فرح جلال هوايه بنتي بس اني جنت اريد ولد ومرت ايام واني اريد احبل ماكو مرت سنتين  يلا حبلت مره لخ وجانت سعادتي متنوصف بوگتها فرحت حيل وجاب جلال الي خدامه تخدمني ومرت فترة حبالتي بظروف صعبة  كلش تعبت بيها جنت انزف خلالها كوه الطفل يثبت عندي وجان طب بعده مو متطور ومن صرت بالتاسع صارت عندي ولاده وبعد معاناة طويله جانت صدمه الي قاسيه كلش جبت ابنيه لخ كرهت روحي وحتى كفر كفرت مكدرت اتحمل الصدمه ان جبت ابنيه لخ ابوه سماها وجدان هاي جان بسنه 73 اتحطمت نفسيتي كلش ومقبلت ارضعها ابد امي هيه دارتها ومرت ايام واني شويه صرت احسن من قبل جلال جان كلش حباب ويايه من تطلع اربعين مال وجدان اجه عمي شيخ آزاد النه حتى يشوف ابنه وعائلته من وصل عمي جلال طار من الفرح وذبح الخرفان بس عمي جان حاقد عليه لان سبب اني اخذت منه ابنه وساعده ايمن وطول ماهو عدنا هو نازل عليه اهانات ومشمت بيه لان صار عندي اثنين بنات وره شهر من اهانه ومذله من عمي قررت اروح لخالتي واطلب منها مساعد حتى اكدر اجيب الي ولد

تحياتي الكم _ام احمد