رواية علي الفصل الخامس 5 - بقلم أم احمد

#علي _ام احمد
الخامس _حقيقة
من وصلت للبيت جنت خايف كلش لهذا صعدت لغرفتي وظليت شويه يروح الخوف وارتباك مني وره عشره دقايق صاحت عليه امي
علي انزل بسرعه
گلبي راد يوگف من خوف نزلت جوه وشفت امي وابويه قلقانين سويت روحي هادئ ولابينت شي ابد عليه رحت كعدت عل ميز بكل هدوء وبديت اكل غير مبالي الهم واهنا امي انفجرت
لك علي اختك وين
جاوبت بكل برود وهدوء ماادري ليش
الى هسه مااجت من دوام
تردين اروح عليها اسال
لا ظل اتسمم
ومامرت عشر دقايق الا وباب مالتنه يندك قوي وراح ابي يفتح ويشوف منو  واهنا بدا اصوات تعلى عرفت انهم لكوها لااختي جانت اكو ابتسامه عل شفايفي واني اشوف امي تدك وتلطم عل بتها دخل لگلبي الفرح من جانت امي بالگاع وتبجي وابي راح خارج البيت مااعرف  بذيج اللحظه مين اجتني الفكره هاي انه اخذ لفه مالتي واروح گبال امي اكل واظل اباع عليها شلون متاذايه وتبجي يمكن حسيت بنشوه النصر لااول مره بحياتي ولحظات وانتبهت عليه شلون اباع عليها گامت من الگاع واجت ليمي حست بيه فرحان ومداير بال كمشتني من ايدي قوي وگالت الي انت ليش فرحان حقير ودفعتني قوي عل گاع كمت من گاع واستمريت اباع عليها بنفس نظره لا مبالاة ظلت تغلط عليه حسيت صمتي ونظرتي الها اكثر من طلقه بگلبها الحقود وره ربع ساعه اجه والدي واخذه لاامي وراحوا ظليت اباع عل خواتي يبجن رحت كملت اكلي وصعد لغرفتي واني احساس النصر مالي نفسي وغلبني نعاس وابتسامه  مفارقت وجهي
وللمغرب يلا كعدت جنت اتوقع ان اختي يمكن ماتت وامي راح ينكسر گلبها وتتاذى بس للاسف طلعت اختي عايشه وجايبها للبيت مجرد كم غرزه ومخيطين راسها جانوا كلهم بصاله نزلت وظليت اباع عليهم بنظرت حقد وشويه باوعت عل امي بنظره بيها نوع من نصر بلا ماانطق بشي حسيت امي خافت من نظراتي او حست اني وره موضوع مهم هيه من هاي حادثه صار بينا نوع اخر من علاقه هيه علاقه منو الي ينتصر او يربح معركه يمكن اني جنت هوايه اخسر  گدامها بحكم عمري وتفكيري محدود بس صرت اكيدها وتعلمت منها حقد وكره صرت انسان انانيه يمكن علمود ارضي غروري ادوس عل اقرب ناس
جانت اختي وجدان اكثر وحده متالفه ويايه بس خوفها من امي مجانت تبين هل شي بس جنت من اعاقب تجي باليل جايبه الي اكل او فلوس بس مجنت اشكرها او احسسها باامتناني جنت داخل حرب ضد اي مره كرهت صنف حواء كره العمى صرت اعتبر مره هيه شيطان مرت سنين وهيه حرب سجال بيني وبين امي اغلب ايام نصر الها بس اني من جنت انتصر عليها تظل ايام عافه عني وتحسب الي حساب كبرت گبل وكتي وافكاري جانت مو مال مراهقين معشت لا طفوله ولا مراهقه حياتي هيه حرب وخسرت هوايه هسه عمري 18نجحت من سادس اعدادي بمعدل 70 من دور اول رغم اني محد اهتم بيه بس جنت مااقبل اترك دراسه مو حبا لا بس عنادا باامي واخواتي الي محد بيهن نجحت من ثالث متوسط اختي وداد ازوجت ابن عمي وراحت لااربيل وجدان ازوجت ابن جيران مله وعاشت بعد كم بيت عنا اما بلقيس فجانت دلوعه مال امي بدا والدي يلمح الي اترك دراسه واساعده بالعمل وفعلا تركت مكملت كليه جان والدي عنده محل جبير مال ملابس بالكاظميه انطاه الي اكون مسؤل عنه جوا ايدي ثلاث عمال جنت افتح الصبح بس مرات مااروح يوم هيج ويوم هيج تعلمت عل شرب جنت اشرب كلما سنحت الي فرصه وادخن هوايه بس علاقه بالنسوان ماعندي اي مره اشوفه اشوف امي بيها جان واحد من عمال هو كرايب امي من بعيد هيه حاطته  جاسوس عليه وعل تحركاتي اسمه سامي يطلع عمره 30 اني اعرف بيه جاسوس هيه امي تنتظر مني اختلس فلوس من ابويه وجيب عليه مستندات بالسرقه بس اني جنت الها بالمرصاد ومخليتها تكمش عليه شي ومرت ايام واني بين البيت والشغل بديت اهتم بروحي  وشكلي چذاب جنت عل قدر من جمال والي شخصيه قاسيه ومزاجيه متقلبه خالي من رحمه وعطف ولايوم صليت او صمت او زرت امام الكاظم عليه السلام رغم اني مرقد ميبعد عني خطوات كلبي مابيه رحمه  لاي مخلوق حتى الحيوان أكره بدون سبب
وبيوم جنت طالع قريب 7ونص دااروح للمحل افتح جنت امر من يم مدرسه مال بنات وشفت ابنيه جذابه لبسها ومشيتها وظلت تباع عليه وضحكت وغمزت الي تفاجات عل جراتها رغم كرهي للنساء بس اكو غريزه بداخلي عفته ومشيت بس ظلت بالي نهار كله مااعرف ليش يمكن جراتها او ضحكتها وثاني يوم اتعمدت امر بنفس الوكت ومكان وهم شفتها ظلت مبتسمه الي بس هلمره اتقربت عليه وكالت الي عيونك تخبل مصدكت اكو هيج جراة ان بنت تبدي الحرشه بالولد ظليت ساكت  ومعرفت شااكول اخر شي ابتسمت وعافتني وراحت يمكن اخذت عقلي وياها رحت للمحل وگابلت سامي الي كتلكم عليه
ظليت افكر بيها ابد مطلعت من بالي وقررت ابادل وانطيها رقم مال ارضي مالتنه كتبت رقم بورقه واعرف شوكت تحل مدارس وصيت سامي وطلعت من محل وظليت واكف انتظرها وشويه واجت بمشيتها متمايله وضحكته جريئه هلمره اني جنت مبادر ورحت عليها وانطيته رقم واخذت الرقم بكل جرئه مني وراحت وليل انتظر تخابرني من صارت 12 دك ارضي شلته راسا گالت الي هلو ابو عيون حلوه
بلعت ريكي وگتله شلونج انت شنو اسمج
مي وانت
علي
عاشت اسامي ابو حسين انت ليش هيجي مؤدب ههههعع
ههههه وانت ليش هيجي جريئه
هههههه انت عجبتني باجر عود تعال حتى اشوفك
طبعا اجي انت شكد عمرج
17سنه
اني 18
مبين عليك زغنوني انت كلش عجبتني
حسيت الدم صعد لراسي وظليت ساكت وهيه طكتها بضحكه هههههه شنو خجلت
لا بس انت حجيج
شبيه حجي عجبك
اي وحلو شنو رايج نطلع سوا
لا مو من هسه خلينا نظل نسولف فتره
اي ميخالف يوميه اني اخابرج او انت خابريني
ميخالف يا حلوو
واستمريت وياها بالحجي للصبح يلا نمت حتى مكدرت اروح للمحل وبديت يوميه اشوفها تعلقت بيها جنت اشوف مشيتها وضحكتها اني مجان عندي خبره بالنساء ابد بس هاي مبينه عدها هواي علاقات مينراد الها خبره لهذا ظليت اشوفها الصبح وباليل اخابرها اطورت مخابراتنا الى كلام معسول وغزل وهيه جانت متفاعله ويايه ابد متمانع حتى توصف الي جسمها وشيصير عدها
عقلي وگفته وره شهر كتله نطلع نروح للزوراء وافقت وقررنا نلتقي يم الباب مال زوراء بالساعه فلانيه حتى لحد يشك بينا وفعلا اجت وتقابلنا وفتنا سوا كمشت ايدها ابد ممانعت وظلينا نفتر سوا كلما اطخه متحجي وكعدنا ناكل  سوا جان مكان ختله وبستها من خدها ضحكت ومحجت شي واخذني واهس جانت هيه اكثر خبره مني اني جنت صدك ابن شارع وسوگ بس بهاي امور كلشي مااعرف وتعلمت منها وللظهر رجعته يم مدرسته وعفتها بعد ان تنونسه ونسه من عمر
تعلمت عليها يمكن لان ماعندي اصدقاء باليل اخابره والصبح اشوفه عقلي يكلي هاي ملعبه عوفها بس گلبي يريدها جنت وحيد كلش عشت عمري كله ماعندي صديق وصارت مي صديقتي وحبيتي وصرت اجمع يوميتي حتى اشتري اله هديه وهيه تتقبل الهدايا برحابه صدر طلعت وياها هوايه مرت عل علاقتي بيها 3اشهر كله طلعه ونسه وهدايا حتى صداماتي ويه امي مجنت اهتم بيها ان هيه فازت واني خسرت
وبسنه 99بشهر الثاني كلش زين اذكر هذا اليوم مشؤم جنه نتعشى واندك الباب كلش قوي من طلع والدي صار الصياح والعياط  وادخلوا للبيت اربع رياجيل وابويه بنصهم كلشي مافهمت شكو ومااشوف الا جروني ووووو

تحياتي الكم  _ ام احمد