رواية علي الفصل الرابع 4 - بقلم أم احمد

رابع _حقيقة
#علي _ام احمد
واتسجل علي بااسمي ومشت امور مثل مااريد وصار يصحون الي ام علي بس اني مع كل هذا مكدرت اتقبله للولد مااعرف ليش شكله شكل امه وابوه يحبه كلش رغم صغر سنه بس اني ابد محسيت نحوه بالعاطفه ابد مااتقرب منه جانت خادمه هيه مسؤله عنه ومرات امي تداريه صار عمره سنتين وجان يتحرك هوايه مجنت اطيق حركته ابد راسنا اعصب واعاقبه هو يصيح للخدامه ماما وجنت اكمش من ايده حيل واعصره علمود يكلي ماما جنت هواي اعاقبه جنت اشوف بعيونه الخوف مني بس گدام جلال جنت اظهر اله كل الحب جان جلال كلش يحبه ومتعلق بيه خفت لا حب علي ياثر عل حب بناتي اتخذت عدو الي رغم صغر سنه اكثر من مره اضربه بدون سبب او ادفع كلما يصير كدامي حتى من يتمرض اماطل بااخذه للدكتور جنت استمتع بااذيته امي بدت تتستغرب وتكلي هو ابنج ولازم تحبيه بس اني صعب عليه اتقبله بناتي حبوه اخوهم بس اني ابد مااخليهم يختلطون بيه  ومن المحهم يمه اعاقبهم وره مصار عمر علي خمس سنين اخذنا جلال ودانا لجده حتى يشوفنا طبعا اني رحت وخشمي بالسما وموقفي القوي لان جبت الولد ابو لجلال كلش فرح بشوفه حفيده وحطه بحضنه وبناتي ابد متقرب الهم جان الي يشوف علي يحبه لان طفل جميل جدا وهادئ گمت اشوف علي هو غريمي بكل شي صرت من اشوفه بحضن  جلال اتخبل احاول بكل سبل اوخره مجنت اتوانى عل ضربه وعقوبته اشد العقوبه جنت هواي احرمه من اكل صرت اله جلاد وبسنه 87صار شي محزن بحياتي الا وهو موت امي مفاجا بدون سابق انذار دخلت عليها لغرفتها لكيتها متوفيه انرعبت من منظرها عبالك او مره اعرف اكو مووت او اسمع بيه جانت امي عزتي وقوتي اتغيرت هوايه اشياء بداخلي  بموته امي ازدات غضبي صرت اغضب عل اتفه اسباب  بناتي كلش تاثروا بموته امي هوايه لان هيه الي ربتهم ورحنا للنجف  حتى ندفن امي واهناك رحنا زرنا جنت اتمنى علي يضيع اهناك واخلص منه بس ابوه جان كامش ايده وعايف بناتي
حب جلال لعلي زيد كره والغضب الي بداخلي عليه جان جلال يلاحظ عل علي انه ضعيف بس مجان يشك بيه اني اجوعه وهو ابد ميكول لاابوه عن معاملتي سيئ جنت اشوف بعيونه حزن وضياع لان طفل ومحد يرحم بحاله

مرحبا اني علي ابن جلال عمري ست سنوات راح احجي الكم عل الي شفته عل ايد امي او الي تسمي روحها باامي
ربيت عل ايد خادمات وجنت اشوفها واشوف اذيه والضربه والكرصه منها بسبب وبدون سبب ليش مااعرف جانت توكفني قصاص فتره طويله وتحرمني من اكل جنت اجوع واني والدي من اغنياء كلش جنت ابرد وتضربني الشمس واني بيتنا احسن بيت بالكاظميه من مساحه واثاث جانت تجبرني عل اي اكل مااحبه لازم اكله واذا عرفت اني احب فد شي تحرم احد يسوي اليه رغم صغر سني بس جنت احس بكرها الي بدون معرفة السبب مااعرف هل كل اطفال هيج يتعامل وياهم لو بس اني مجنت افهم ليش انضرب من قبلها
دخلت المدرسه  وجانوا اطفال يبجون ويردون امهم وجانت امهات باب المدرسه واكفين بس اني جابتني خادمه وعافتني وراحت معرفت ليش اطفال يبجون عل امهاتهم وهل اني هم لازم ابجي عل امي اصلا اني اكيف من هيه ماكو لان العب براحتي واكل براحتي اهنا بديت احس اكو معنى اخر للامومه وان ام هيه الدنيا كلها بس ليش امي تختلف وكفتني معلمه وصفگوا الي اطفال لان اني مد ابجي عل امي واعتبروني سبع وشجاع بس لاني مبجيت عل امي كلش حبيت المدرسه لان اخلص من البيت وامي هم وخواتي الي مسويني الي خادم بس يتامرون عليه من ارجع من مدرسه تستقبلني امي بااهانات لان هدومي وسخه كلش اني جنت انطلق بالعب لان بالبيت ماالعب ويه احد واتعاقب هوايه لهذا هدومي تتوسخ من ارجع انكتل كتله محترمه زايد امي تخليني اغسلهم حتى مااعرف شلون اغسلهم ومشت ايام واني خادم بيت ابويه الغني جنت اخدم امي واخواتي واحصل الكتله والكفخه منهم بس من يرجع والدي من الجبهة تختلف امور ويصيرن يحبني جنت طفل ماافهم ليش هذا انقلاب وليش من نبقى وحدنا ياذوني من خلصت حرب ايران بدات ناس تسرح من عسكريه ومن ضمنهم والدي جلال الي جان يشتري الي احدث العاب ومن يتركني امي تاخذهم مني صرت اكثر عدوانيه وبديت بس اذي الي حولي من كثر العنف الي اخذه صرت ماادير بال للعقوبه الي احصله كبرت وحقدي وكرهي كبر عل امي وخواتي جنت احس بنوع من حقد نحو كل مره صرت عدواني شخص الوحيد الي احبه هو والدي جنت اموت عليه بس مع هذا مجان يعرف بالي يصير الي لانه مشغول عني بالعمل واني مجنت اعرف اوصل اله فكره
اكثر حدث اذكره من جنت صغير هو من جنت انزل من الدرج اكمش السياج وانزل وبيوم اني ملتهي بجنطتي مال مدرسه اعدل بيها محسيت الا شخص دفعني من الدرج وراها فقدت الوعي من فتحت عيني جان راسي مشدود وايدي مجبسه والم فظيع والدي عل راسي وامي واكفه بطرف الجربايه تباع عليه نظراته الي جنت ماافهمها بس من كبرت عرفت ان نظراته حاقده عليه
ظليت شهر بالمستشفى وامي ادعت ان اني جنت اتملعب عل راس الدرج وگعت اني جنت عل يقين ان اكو احد دفعني بس مكدرت اگول لاابي اي شي وضاعت سالفه وراه شهرين صرت زين ورجعت امي تذيقني اشد انواع العذاب من صارت حرب 90 جان عمري 9سنوات بالضبط جنت قمه وكاحه حتى بالمدرسه رغم شطارتي بس وكاحه واذيه مالتي جنت درجاتي مو زينه بسبب وكاحه مالتي حتى حيوانات متخلص مني افرغ غضبي بكل شي گدامي من غراض من بشر من حيوانات اكثر من مره انفصلت بسبب ضربي للطلاب وبدا والدي يقسو عليه لان جنت مصدر ازعاج اله بالبيت بالشارع بالمدرسه جان والدي يحاول يفهم اني ليش هيج اسوي جانت امي تكله بسبب الدلال بس حتى تغلظ گلبه عليه وبدا والدي يعاملني بقسوه ويمنع عني مصروف الي جنت من عنده اكل لان امي اغلب وقت مانعتني من اكل كعقوبه الي طبعا بسبب صغر سني وجنت اجوع كمت اتخذ غير مسار هو سرقه النقود حتى اكل بيها بسبب ظروف الي مر بيها العراقيين لان حصار اقتصادي فجان اكل غير متوفر جنت من ادخل للبيت يعني حبس انفرادي وضرب واهانه واكل ممنوع لهذا اظل بشوارع
وشوارع شتعلم بس الشي المو زين تعلمت انواع الغلط والفشار وصرت ابن شوارع ابويه من يلكفني بشارع يضربني ويدزني للبيت واهناك نفس المعامله الكه كرهت كل شي اسمه بشر مرت ايام وتعلمت عل هاي معامله قاسيه اكتسبت قساوه بگلبي وكرهت امي يوم عن يوم جان اكو شي بداخلي يكلي ان هاي مو امي ليش لخواتي تداريهم واني لا
من صار عمري 12 بديت اعرف شلون ادفع اذى عني من اختي تضربني ارجع الها الضربه وصرت اعرف اخذ حقي حتى من امي وبيوم رجعت للبيت والدي موجود وجان واحد من منطقه مشتكي مني اني سرقت منه واهنا والدي ضربني ضرب مصاير هو مجان يعرف اني اسرق لاني جوعان عباله رعانه مني وره مضربني حبسني بالغرفه مالتي وحرمني من اكل وشرب واهنا فكرت شلون ادفع اذى عني جانت اختي اكبر مني طريقنا واحد مال مدرسه بوكتها جنت بصف اول متوسط فكرت هوايه جنت اعرف اختي هاهيه هيه روحها لاامي فلازم اذقيها الم الي دا اشوفه بحياتي وره افراج عني اظهرت السمع والطاعه لاابي ومر اسبوع من حادث جنت هادئ ومطيع لاامي ولاابي واخواتي بس بداخلي اخطط شلون اقهرهم وارجع الهم الم اضعاف جنت اريد انتقم من امي واختي بلقيس الي هيه اكثر وحده تأذيني وخططت من تطلع من مدرسه اني اتربص بيها وصار يوم السبت ورحنا للدوام هيه كانت بالرابع لان راسبه كم سنه وقصيره شفتها من بعيد تمشي ختلت الها بالدربونه واخذت خشبه وانتظرت تمر وشويه وصلت للدربونه بس عبرتني ضربتها عل راسها ضربتين وكعت بالكاع وشفت الدم بالگاع ارتبكت وخفت عفتها ورحت اركض للبيت

تحياتي الكم _ ام احمد