رواية عندما يعصف الحب الفصل التاسع 9 - بقلم زينب العبيدي(زينبيه)

شلوووووونكم قميلين😍

تفاعل تصويت وتعليق 😍

#عندما_يعصف_الحب

#بقلم_الكاتبه_مولاتي_زينب

#البارت٨

وما صحه الى على حجايه عمه ابو رضا وهو يكول وانشاء الله العرس ورا سبوع هل حجايه الي خلت عزام يفز غضب ورضا يفتح عيونه بصدمه

عزام حجه بهستيريه وعصبيه مفرطه وبلا وعي

مستحيل شنو بعد اسبوع مو بكيفكم وهذا الحجي مايمشي عندي والاحسن فضوها وماكو خطبه من الاساس احسن
جان يحجي بصوت عالي وصدره يصعد وينزل بغضب

الكل جان متجب من ردت فعل عزام بس اتلاحك الوضع ابو عزام
وكال عماد بويه اخذ اخوك طلعه بره اضاهر بعده تعبان من مشكله الي بلشغل
بسرعه كام عماد واخذ عزام
ابو عزام عذرو ولاتاخذون على خاطركم منه تره هو صارله من اول امس تعبان من شغله وعنده مشاكل بشركتهم الي بلكويت

ابو رضا الله يساعده لا ابد عزام مثل رضا ابني واكيد عاذرينه

رضا وهو يهمس الابو بتوعد اضاهر سويت لبراسك بويه بس ما اضمنلك العواقب

ابو رضابنفس الهمس انجب ولا تسمعني صوتك

بنفس الوكت
عماد شبيك ياعزام ليش سويت هيج

عزام وهو يتذكر الي صار مادري اتركني عماد خل ارتاح شوي وكعد بلحديقه

عماد خوش ارتاح وتعال اعتذر من عمامي وابوي ورجع للديوانيه

عزام اخ ياورود اخ معقوله هاي هي بعد اكطع رجاي منج جا وحبي وين اودي وهو اكبر من ان يندفن هاي اذا كدرت ادفنه

زهراء شدولاتيي كد تحبها

عزام بدون مايلتفت استغفر الله سمعي حجايه زايد وحسبي الله ماخلقج روحي واصله الطرف خشمي

زهراء حل وعساك شفت شلون اني جاي اتعذب لمن احب شخص وكلبه وي غيري ضوك من نفس الكاس وبعد ماخلص عذابك
وتركته ورجعت للصاله

عزام الي زاد غضبه يتمنه بهل لحضه يسفح دم زهراء لو رضا حتى يبرد غليله
رفع تلفونه وهو يشوف فيصل يتصل بك مارد بس الحاح فيصل بالاتصالات فتح خط وماحجه اي شي

فيصل والله دريت عرفت راح الكه هذا حالك بذا اليوم

عزام على نفس سكوته كمل فيصل كافي عزام سيطر على كلبك
قاطعه عزام باجر اجي للكويت ما اتحمل اضل اهنا اكثر لان ماضمن حياة رضا وانه يمه

فيصل ييا اخوي صل ع النبي وكافي تشرد من الواقع ضل عندك ولاتيي واجه الامر الواقع
وبسك ضعف انت عزام انت الماهزك شي سلم امرك لله ياخوي وارضخ ودوس على كلبك
ادري موسهل بس شبيدك يخوي البنيه مو نصيبك

تنهد عزام بحسره تعرف شنو اصعب شي بالحياه يافيصل انك تحب وعل حب من طرف واحد والاصعب من هذا لمن تشوفه بحضن غيرك هذا الموت بعينه

فيصل والله صاج بكل كلمه تكولها بس ياخوي شبيدنه على حكم ربنه الي خلاك تحب وحده اهلك حرموها عليك الله يكون بعونك ويصبرك على مابلاك

عزام اااخ بيه وجع وبيه كسر وبيه صرخه بس الشكوه لله الله وياك وسد التلفون حتى قبل مايسمع رد من فيصل

وكام دخل للديوانيه كعد وجه كلامه الابو عمامه
عزام عذروني شوي تعبان من الشغل وجنت اريد شي اطلع بي ضوجتي وصارت بوجوهكم مو عن قصد

ابو عزام ماصارشي يابوي بس اتمنه شغلك هذا تشيله من بالك دووم لان راح ياثر على كل العائله

عزام وجنه يفهم نغزات ابو اكتفه بدور وجها للجها الثانيه

كمل الشيخ عقد القران وعزام كابع بحزنه ويداري عن الناس كسر كلبه

ابو رضا يوم الالك بويه عزام

عزام حاول يسطنع الابتسامه بس ماكدر حجه بالكوه اشكرك عمي

يكلولي يوم الالك
وانه يومي غيري خذا

شوي اندك الباب مال الديوانيه كام علاء ورجع وكال
رضا يصيحولك جوه
كام رضا وعيون عزام تتبعه يدري بوردته راح تنكشف عليه وهو الي جلن محافض عليها من عيون كل الزلم حتى من عينه بس صلى على محمد قبل مايكوم يسحل رضا بلكاع ويخلي صابيعه بطن عيونه حتى مايشوفها

دخل رضا للصاله وضلن النسوان يهلهلا ماجان هامه شي لان يحس ان جاي يخون حبيبنه الي مانساها بيوم بلعكس جان كاره ورود وكل الموجودين

اما ورد الي خجلت لمن شافت رضا ودنكت وتلخبطت لمن كعد يمها

بين على رضا ان كلش ضايج حتى ما ابتسم يكلوله ابتسم بالصور ولاجنه يسمع كره كل الحفله ومراسيمها وبلكوه لبس ورود الحلقه وماقبل يلبسها لاكلاده ولا سوار

ام رضا بهمس ماما رضا شبيك ابتسم ع الاقل يعني مايصير هيج كلهم جاي يسالون شبي العريس وشبي العريس

رضا يمه والي يرحم موتاج سكتي لاعوف كلشي واطلع واخليكم ناركم تاكل حطبكم

ام رضا لالا ماما هاي انه سكتت مو ولد نار كبره

ورود بهمس ولاء شبي رضا عابس وجها

ولاء بنفس الهمس يجوز مريض او شي

وفاء لا سمعت عزام متعارك وياه

ورود وليش عزام يتعارك وياه ومنو كلج

وفاء عماد كايل السعاد وهي كالتلي تعارك وياهم لان كالوا زواجج بعد اسبوع

ورود بعد صفنه دامت ثواني كالت تعرفن بنات مرات احس ان عزام مو طبيعي وما اكدر افهمه شنو هو قاسي او حنون او عنده حب التسلط ع البشر

وفاء انجبي اكيد حنون بس مايبين حنيته انتي اخته واكيد مابده تتبعدين عنه

ورود بس باقي خواني الي هم اقرب منه الي واني اقرب الهم منه مايسون مثله لالا هو عنده حب السيطره

ولاء هس تركينه من عزام وهاي الكيكه جابوها

ليالي يله ورود الزمي السجين الزم رضا

خلت ورود ايدها ع السجين وايد رضا فوك ايدها الي حس بروحه يفور من الغضب يحس نفسه خاين كصو الكيكه ماقبل يوكلها بلبدايه ضنو الناس ان هو خجلان من التجمع النسوي بس لحوا عليه واكلها وابد ماباوع بوجها وماقبل ياكل منها قدمت الشوكه وهو اخذها من ايدها وكلاها ورجع الشوكه
وبدت ليالي تصيح بوسهه بوسهه وضل يهوسوله حبها ولاتخاف من امها
اهنا رضا شتعل غضب وكام من مكانه بسرعه وراد يطلع بس وحده من عماته منعته

العمه عليش الخجل يايمه صير جريئ صارت امريتك بعد ((تحجي وهي تضحك))

رضا لاعمه شهل حجي مو كدام الناس عيب بعدين خل نتزوج ويصير خير

العمه هنيالج ياورود شفتي زوجج شكد.مؤدب والمثله انقرضوا من زمان

ورود اسطنعت الابتسامه بلكوه حست رضا مغصوب وحست بنفسها رخيصه ولازكينها بي بالكوه بلعت الغصه بالكوه

وبعد ماخلصت الحفله

ام رضا يله ماما ورود خل نروح ع التصوير رضا برا ينتضرنه

كامت ورود والعبوس مافارك وجها لازم تعرف اذا هو مغصوب اولا صعدوا بالسياره وكبل ع التصوير صوروا والمصوره طاحت وذره من السانها وهي تصيح ابتسموا شبيكم ورود حاولت تسطنع الابتسامه بلكوه اما رضا ابد وكانما حلكه مخيط كملو ورجعوا للبيت
رضا يمه انه انتضرج بالسياره موتتاخرين خل نروح لان ابوي راح

ام رضا صار ماما رادت تكله اكعد وي خطيبتك شوي بس تراجعت لان تعرف ردت فعل ابنها

ورود قبل ماتنزل وهي متردده تحج لولا واخيرا كسرت حاجز خجلها وحجت بصوت خجول
رضا ممكن احاجيك كلمتين

رضا الي مافتهم شي من صوتها لان كلش ناصي التفت عليها
وكال هاا كلتي شي

ام رضا اي ماما تريد تحجي وياك تعال انزل كعدوا جوه

ورود اذا مايصير عليك زحمه طبعا

اتنهد رضا ونزل كعدوا بلهول جان بين الدوانيه والهول باب جبير بس مسدود كعدو مايدرون بلي كاعد بلديوانيه وكابع بحزنه وكلبه متكسر الف قطعه

رضا كولي شعندج

ورود الي حست بالاهانه حتى ماكلف نفسه وحجاها بصوت حلو

كالت بسرعه رضا انت مغصوب اذا مغصوب كول اني مامستعده اكون عاله على كلب واحد مايريدني

رضا بعد تفكير كال)) لا ومنو يكدر يغصبني ((اكيد ماراح يكللها مغصوب لان راح تطلع علي الشغله وابو ماراح يسكت فالازم تطلع منها وهي الي تعوفه ))

ورود بس شكلك وتصرفاتك تكول غير هل حجي

رضا(( بعصبيه الي شدت عزام الصوته)) هيي انت ديري بالج اسمع هاا شكلك متغير هااطبعك ماعاجبني اسلوبك مو حلو ترا روحي تطفر من هاي السوالف واصير موزين

عزام الي راد حجه حتى يقتحم الباب ويدخل وهو شايط ماتحمل يسمع صوت رضا وهو يصيح على امنيته الي هو سماها هيج

دخل وشاد قبضات ايديه وعيونه بام راسه التفتت ورود ورضا بتجاه الباب ونصدموا من منضر عزام الي اجه بخطوات سريعه وصار كبال رضا طول بطول وعينه بعينه

عزام ليش تصيح عليها ومنو انت وتعلي صوتك عليها

رضا ببرود زوجهه

عزام واذا نعالها مومعناتها ترفع صوتك عليها اكص السانك واوكلكياه

رضا ببرود انت شبيك كول من الاخير مختل لو مريض نفسيا

لزمه عزام من ياقته وكور ايده وراد يطكه بس ورود صرخت ولزمت ايد عزام

ورود لاعزام فدوه لا

رضا لزم ايد عزام ونكثه بسرعه وعدل ياقته وكال بسيطه يبن العم ماراح اعديها الك وانتي مثل ماكتلج موتنسين حجاياتي وطلع بسرعه

ورود خلت ايدها على عيونها وبدت تبجي

عزام بكلب متكطع شبيج ورود ماتردينه هسه افسخ خطوبتج كولي اذاج بتصرف والله اخلي راسه باأيده بس كولي

ورود وخرت ايدها انت شبيك عزام ليش احسك موطبيعي

عزام بيه انتي اخاف عليج من كلشي ومااريد احد يضرج لو بكلمه

ورود بس انت زدت الطين بله هو زوجي ودا اتفاهم وياه ماطكاني حتى انت تهد عليه جنت ناويه اعرف منه حقيقه وبهدوء

عزام ولاول مره يشدها الحضنه الي جان دائما يمنع نفسه من هل شي وحجه باانكسار
وهسه شتردين اعتذرله هسه اتصل واعتذرله

ورود حاوطته بايديها انت اما حنين ازياده عن الزوم اما بيك شي متعبك

عزام انتبه على روحه وهو حاضنها فز من مكانه وبعدها وطلع بسرعه

ورا العشه
ورود وهي تغسل مواعين العشه
وشارده تفكر بتصرف رضا الي ماعجبها

سعاد ياهوو شبيج الماي مفتوح من ربع ساعه وانتي تفركين بنفس الماعوهن وضحكت والله ياالله يمته انخطبتي ويمته عشكتي وتتصفنين

ورود وهي تجر حسره وترجع العالمها

سعاد اسم الله شبيج ورود بعدج اصغيره ع الحسره حبيبتي

ورود سعاد برايج شبي رضا

سعاد وهي تضحك كلت والله جاي تفكرين بي ع العموم شبي الولد خوش ولد وشخصيته حلوه

ورود مو هذا قصدي اقصد شفتي شلون يتصرف اليوم وكانما ساحينه سح للخطبه
وضايج

سعاد اي شفت بس مو مثل ماانتي متصوره كل الامر هو خجلان من النسوان وهواي يصيرون مثله اتذكر لمن خطبني اخوج دخلو بالكوه ويمشي وراسه بلكاع زين ماكعد بحضني حسباله الكرسي

ورود ببتسامه فدوه العمودي ورجعت اتقلصت ابتسامتها بس حسيت رضا مجبور موخجلان

سعاد دروحي انتي وتفكيرج هذا مو هو بنيه ويغصبها

ابوها لاعيني لاتخافين مامغصوب

ورود مادري بس ماحبيت اسلوبه وياي

سعاد باجر تموتين عليه وعلى اسلوبه واذكرج عود بحجيج

ورود انشاء الله سكتت شوي ورجعت كالت وعزام هم مادري شبي

سعاد بستغراب شبي

ورود مادري مساع متعارك وي رضا وعمامي وانوب هم رجع تعارك وياه وكبالي وراد يطكه
مادري شبي معقوله يعرف شي عن رضا وزمايكول احسه مايحب رضا كلش

سعاد اي حتى اني عزام شاغل فكري هلولد بي شي بس شنو

ع العموم عوفي الماعين اني اكملهن انتي وروحي ارتاحي انتي من الصبح الحد هسه على هاي توترج

ورود اي والله تعبانه كلش خل اروح ارتاح كملي هااج وذبت الجلايه

سعاد وهي تضحك ماعولتي انتي

ورود وهي تضحك اكيد من مساع اتانيج تكولينها وراحت

ليالي الوو هازهراء شفتي سويتها

زهراء اي والله كفو بهيج عزام ايسس منهاوحجت بنفسها وباقيه انتي لازم ازيحج من كدامي

مرت الايام الثلاثه و ورود تجهز بنفسها للزواج وكليوم بلسوك تشتري ملابس ولوازم العروسه

وبعد يوم من التعب والفره بالسوك
رجعت ورود و سعد بلتكسي وطول الطريق ورود شاره وصافنه

سعاد شبيج ورود ليش ضايجه المفروض اتفرحين

ورود بعد الحسره الذبتها كالت سعاد انتي من جنتي مخطوبه هم اجاج عماد هم اتصل عليج لولا

سعاد الي فتهمت سبب حزن ورود وهم حقها لان احلى ايام عند البنيه هي ايام الخطوبه وحجي المخطوبين فارادت تخفف عنها شوي كالت

اي يجيني بس انتي ورضل تختلفون يعني خطوبتكم وزواجكم بسبوع يعني خلي بعيد عنج حتى تشتاقون البعض اكثر

ورود ليش اني لحكت اتعرف علي زين حتى اشتاقله والله ياسعاد الولد مغصوب ومبين هسه ع الاقل لو متصل بس اتصال يقنعني بي اني مخطوبه

سعاد الي تحس بحزن على حال ورود كالتلها والله حقج بس يجوز رضا من النوع الخجول او يمكن ملتهين بالعرس ومشاغل العرس

ورود الي ابد ماقتنعت بكلام سعاد الي عرفتها جاي تخفف عنها وبس بس ماتكدر تضلم رضا يجوز عنده عذر ولاتكدر تتراجع وهي تدري بابوها شكد يحبها بس مستحيل يفرط بهذا الزواج لهل اسباب التافها بل نسبه اله حجت بعد ما اخذت حسره
اني خايفه من هل زواج الي اجاني بسرعه بسرعه

سعاد سلميها لله حبيبتي والله كريم

بعد صمت دام ثواني

سعاد ورود هذاك بيت عزام عرفته من السياره مالته

ورود اي هو

سعاد خل ننزل انشوف عزام ونضف بيته ونغسل ملابسه خطيه كاعد ابحده هو

ورود كيفج

سعاد خويه بلايه امر عليك ميخالف ترجعنه يم هذاك البيت

السايق على امرج خويه ورجع

سعاد اتفضل كروتك خويه ومشكور

نزلن سعاد وورود دكت الباب سعاد مره وثنين وثلاثه بس ماكو جواب

التفتت على ورود وكالت معقوله نايم

ورود علمي علمج بس هسه الساعه ب٦العصر نوميشش

انفتح الباب وهن جاي يسولفن التفتن ع الباب وشافن عزام بعيونه النوم والضاهر نايم بملابسه مالات الشغل

سعاد اسفين ياعمي زعجنه نومتك

عزام بابتسامه لا ابد حياكم الله تفضلوا يحجي وعيونه ابد مافاركت شخص ورود

ورود وهي تدخل كالت شعجب الهسه نايم

عزام ماكو بس امس مانمت للصبح وطلعت للشغل بس الساعه ب٣الضهر حسيت نفسي بعد ما اكدر كلت ارجع انام ساعه بس الساعه اتمددت ل٣ساعات

سعاد نوم تلعافيهةيخوي كلنه انمرك انشوفك اشمحتاج نغسل ملابسك انضف بيتك

عزام عليمن اتعبين نفسج ياخويه مو بالازم

ورود بعد شنسويلك يااستاذ عزام غير تزوج وتريح امي وترتاح انت منل هلعذاب

عزام وهو تايه بعيونها كال المشكله الاحبها غيري خذاها

ورود عزززه لاتكول صدك هاي الهذيج المره حجيت عنها لايالله وتزوجه وعافتك

سعاد صدك عزام ايحب ليش اني مادري

ورود همت تحجيلها وتحرك بايديها بالطريقه العشوائيه وعيون عزام التتأملها وبكلبه الف حسره اخ ياامنيتي الي نباكت مني وكدام عيوني

ورود اي ياخيه هاي وحده يحبها تحبه وجان مايريد يتزوج لان يتانيها بس الضاهر قليله الاصل (والتفتت على عزام) اسمحلي اغلط لان حركه دمي هل الغبيه
عافته

سعاد وهي تباوع العزام))الله يكون بعونك

ورود خليها تولي انت الف الي يتمننك

عزام بس انه تمنيتها وسميتها منيتي

ورود الله لايرضاعليها

بسرعه عزام خله ايده على شفايفه وكال بحب
لاورود لا تكولين هيج الله يخليها الي وقابل اشوفها ويه غيري بس المهم هي تكون بخير ومرتاحه

وعافعا بسرعه طلع برا بالحديقه

سعاد روحي ورود للغرفه عزليها وطلعه ورا عزام...

يتبع....