رواية عندما يعصف الحب الفصل العاشر 10 - بقلم زينب العبيدي(زينبيه)

سلام🙋 متابعيني ربي يحفضكم شلونكم 😍

تعليق+تصويت =بارت هديه😜

#عندما_يعصف_الحب

#بقلم_الكاتبه_مولاتي_زينب

#البارت٩

سعاد اتحبها

التفت عزام منوو

سعاد ورود

عزام دار وجهه عنها اكيد احبها

سعاد هم صح بما ان هي اختك (وعيونها على وجه عزام الي اخذ حسره من وعكد حواجبه من كلمه اختك)
سعاد هاي هي اضن عرفت جوابك
وليش ماصارحتها

عزام بستنكار اصارحها بشنو شبيج سعاد

سعاد حسبالك انت ما مفضوح الينتبه لعيونك زين

قاطعها عزام
اكول سعاد من رخصتكم اروح للشغل اخذو راحتكم والبيت بيتكم

وطلع بسرعه طلع السويج من جيب البنطرون وفتح السياره وكعد داخلها حط ايديه على الستيرن وخله راسه على ايديه وغمض عيونه ليش ياورود ليش هيج شسويتي بيه خليتيني اصير مفضوخ والكل صارت املاحظه هل شي وتراقب نضرات اعيوني الج بس انتي يالغبيه مامللاحظه هل شي طك الاستيرن حيل بعد ما شال راسه واله اكلج من الافضل ماتلاحضين لان مستحيل راح اتسامحيني ولاراح تحبيني فرضتي خوتج علي وبالكوه وعتبرتيني اخو ولو تعرفين مشاعري راح تحرميني حتى من شوفتج ااخ هسه انه شجابني وشرجعني للعراق اووف

ونزل من السياره اتذكر ان ملابسه امبهذله ومكسره لان جان نايم بيهن وشعره معفوس
دخل للبيت وراح وشاف وهو ماشي للغرفه سعاد جاي تنضف بالمطبخ دخل الغرفته قفل الباب وبدل ملابسه ومشط وتعطر وقبل لا يطلع التفت للجربايه  مالكه القميص الي يخلي يمه كليوم وهو يشتم بي القميص الي لبسته ورود لمن باتت يمه صرخ بصوت سعاااد ورووود اجن اثنينهن يركضن

عزام بعصبيه وصوته كلش عالي

وييين القميص الي ع الجربايه جااان هااا

ورود بتوتر بالغساله

عزام بصدمه ونبرت سؤال يعني غسلتي

ورود باستغراب اي

عزام بعصبيهة

ليشش منو كلج تتصرفين بكيفج  تعرفين انتي شسويتي انتي حرمتيني النوم يعني حرمتيني الراحه ولج لولا هذا القميص انه ما انام واضل سهران للصبح وولج ليش غسلتي راحتي ليششش

ظهرت علامات التعجب بوجه سعاد وورود حجت ورود بخوف
بس لان شفته على الجربايه كلت يمكن وسخ واخذته غسلته ترا ماصار بي شي والله هسه انشفه واكوي واخلي على الجربايه مثل ماجان

عزام وهو يتقرب عليها وبعصبيه يحجي وهي ترجع لورا

انتي خبله شيفيدددني بعد ماغسلتي وشلتي منه راحتي شلتي منه المهدئ الوحيد الي يريحني ويخليني انام ويرحمني من عذابي ليش ولج ليشششش غسلتي ليششش

ورود وهي تبجي وكنما رادت حجه حتى تبجي لان جانت مقهوره من رضا وخايفه من عزام لان يلوم بيها

وحجت وهي تبجي وصوتها بي نبرة بجي

واني شدراني اشم ايدي يااعزام وادري بيك ماتريد هذا القميص ينغسل

سعاد شبيك ياخويه هذا تصرفك يخوف متاكد مابيك شي

تجالها عزام واتقدم الورود مد ايده مسح ادموعها
لاتبجين انه مادري شبيه صيحت عليج لاتبجين حبيبتي شوي تعبان وبالي مشوش

وتحسر عافهن وطلعع بسرعه

سعاد لاهذا الولد موصاحي وتقريبا عرفت البي والمشوش باله

ورود وهي تمسح ادموعها هسه اني شسويت هو قميص وغسلته قابل شككته

سعاد وهي تطبطب على جتف ورود ميخالف ياروحي ماصار شي اكيد تعبان من شي ومو قصده

ورود لا ابد هووهذا الولد هيج طبعه متعجرف ويحب ايصرخ ويصيح ويضرب ويتحكم بالناس كنما لعبه بيدي هل ولد مريض وموصاحي

سعاد صدكتي مريض بالحب ياورود وهذا اصعب مرض ومااله علاج 

ورود والله مادري اللهي يريح باله ويجمعه بحبيبته لو يرحمه يهون عليه فكدها

كملن  التنضيف وراحن على البيت

مرت الايام الاربعه من باقي الاسبوع وماضل بين عرس رضا ورود غير بس هاي الليله

حال ورود مايبشر بالخير كلش ضايجه وخايفه حاولت هواي تحجي وي امها حتى تفسخ الخطبه هاي الي تحس بيها صارت غصب عنها وعن رضا بس جان جواب امها بكل مره مستحيل ابوج ايوافق ويكلب عاليها واطيها وجانت اتكلها اخاف اكو واحد بالج ولج والله ابوج ايعدمج بدم بارد ولاتفكرين لو ثانيه ينكسر خاطره عليج لو تفكرين انتي مدلله عنده ترى مايهمه ورضا تتزوجينه يعني تتزوجينه اوهامج هاي لامغصوب ولااحد يكدر يغصبه وبعدين احنه اعرف بمصلحتج ورضا مناسب الج وخوش ولد وكل الناس تحجي باأخلاقه وتسكت ورود كا العاده وتخوفها من ابوها مو كرهن لابس هم شايفين رضا احسن من غيره والوحيد الي يستاهل ورود بنتهم الوحيده والمدلله ورضا هو الي راح يصونها احسن من الغريب

اما حال عزام جان يمشي جسد مسلوبه منه الروح فكر يرجع للكويت بس فيصل صديقه منعه كله لا ضل واجه وشوف بعينك واكسر كلبك حتى تيأس وتحاول تتناسه لاتشرد مثل الجبان واجه الواقع حبك راح الغيرك ولازم تتعود بس هيهات عزام يتعود وهي عايشه باأحلامه النوم واحلام اليقضه وشلون يتعود وهو يغص باسمها ويداوي الغصه باسمها وكل مايكول الروحه كافي وخلاص الي جنت تتمناها صارت الغيرك كافي حرام تفكر بيها يسمع صوت من كلبه يكله لا هاي رويحتك امنيتك وماتكدر تنساها ولااكو غيرها تترس عينك

وقفه 👈((ان  اصدق   حب هو ذاك الذي ياتي بسن الثلاثين فما فوق لان الانسان يكون قد مر بالكثير من التجارب الطفوليه وتجارب المراهقه  وتجارب بدايه الشباب العشرينيه التي تكون في بعض الاحيان وعند معضم الناس امتداد للمراهقه فابسن الثلاثين يكون الانسان قد بلغ الكثير من التجارب فحينها اذا وقع بالحب فيكون ذاك هو الحب دون شك وتلك هي المشاعر الحقيقيه  ويصعب التخلي عنه بسهوله بل اشبه بالمستحيل لانه نابع من اعمق مكان  في القلب وعن خبره حياتيه صعبه))

اما رضا جان كلش مقهور وبايع هذا الزواج باي زله حتى لوزغيره ويتمنى احد يحجي ويااه ويزل حتى يخرب الاول والتالي بس خاب ضنه لان الكل متجنبه وقابلين بكل قراراته ومحد حاسبه على كل تصرفاته الي يتعمد دائمان يغلط بيهن

كام رضا من جربايته وطلع صور حبيبته وجاب جرجوبات وخله الصور جانن ثلاث صور خله ٢على ميز التواليت والثالثه على ميز يصير عالي وبي ٦مجرات وصااح على امه

رضا يماااه يمااه

ام رضا ها ماما حبيبي شبيك اتصرخ

رضا يمه شوفي هاي الصور هذن اتشوفيهن بالج على بالج واحد يشيلهن باجر والله اكلب عاليها واطيها سمعتيني

ام رضا بس ياماما باجر تجي عروستك على هاي الغرفه موحلوه البنيه تلكه هاي الصور بوجها وهي عروسه جديده شراح تكلها

رضا بلطكاك اليطكها تقبل تقبل ماتقبل الباب يوسع جمل علواه ماتقبل بيه بخت

ام رضا اعصابك ماما على راحتك الله يهديك(وطلعت)

واخيرا فتح رضا  خط  بعد مادك ٢٠مكالمه لم يرد عليها

رضا خير شرايده انتي

دعاء رضا صدك الي سمعته زواجك باجر

رضا اي ليش عندج اعتراض

دعاء بس يارضا واني

رضا وانتي شبيج

دعاء اكيد بعد ماتريدني و

قاطعها رضا بعصبيه شوفي لج انتي تعرفين وانه ليش اخذتج زوجه التالي اليل بس ماتحاسبيني فاهمه فاااهمه

دعاء بخوف اي اي فاهمه وسكتت شوي وحجت زين فدوه لاتطلكني

رضا اطلكج وكت يعجبني خوشش وهذا اتفاقنه

دعاء زين ميخالف اطلب طلب

رضا احجي

دعاء تعال هسه مشتاقتلك اخاف تنكطع عني وتلتهي بزوجتك

رضا( من غير نفس) جايج حضريلي زقنبوت

دعاء (بفرح) هسه احضرلك احلى عشه ثواني انتضرك حبي

سدالتلفون وشمره على الجربايه وغير ملابسه وراح الها

ورود وهي تبجي بحضن امها وامها الي تبادلها نفس الدموع

ام عزام والله وكبرتي وراح تتركينه ياوردايه

ورود يمه مااريد اتبعد عنكم اريد غرفتي وبيتنه واريدج اريد بابا فدوه ما اريد اتزوج

ام عزام يابعد امج وطوايفها قابل وين رايحه انتي للصين بيت عمج شمره عصه عنه ورضا ماراح يحبسج ويمنعج منه
وبعدين ياوردايه يايمه هاي سنه الحياه شفتي نسوان خوانج تركن اهلهن وستقرن بيت زواجهن د صارن غرب عن اهلهن واعتبرن ازواجهن هما اهلهن وانتي هم مثلهن
بعديومين يكلج رضا ورود حبيبتي روحي شوفي اهلج تكليله ما ما ما شلون اروح واعوفك ما اكدر انام بلاياك (تحجي وهي تضحك)
(ضحكت ورود من بين ادموعها)عههههه لازم شايفه روحج يايمه ههههههه وانتي تكولين النمورتي ماماما اريدك ما انام اليل اله على صوت شخيرك

ام عزام (ضربتها على راسه خفيف)نجبي ولج تحجين على ابوج يانذله(تحجي وتضحك )

وضلت ورود اليل كله كاعده ما اجالها النوم مابين  التفكير والقلق والخوف بس ماكو فرحه من هذا كله ماحست اكو فرح بسهرتها هاي

وكذالك عزام الي كضه اليل كله سهران ويحرك جكاره وره جكاره وللصبح خلص ثلاث باكيتات والساعه ب٧اله غدرته عيونه او رحمته من تفكيره وكسره كلبه ونام بين اكطوف وبقايه الجكاير وستكاين الجاي الي شربهن

الساعه٧:٠٠

ولاء ورود ورود ورود ورود يمعوده كعدي

ورود بكسل شبيج قابل استوج متعلمه اسمي لو شنو

ولاء باع هاي ولج صارلي ربع ساعه اكعدج وكضيتيها علي هممم ما هممم

ورود (بكسل) وهسه شتردين

ولاء صدك بارده وفاهيه ولج الساعه ب٧واليوم يومج هم يالله تلحكين تتريكين وتجهزين حتى نروح للصالون لان الساعه ٨لازم احنه هناك

كامت ورود بكسل غسلت وجهه وفرشة اسنانها وبضغط امها عليها بلكوه اكلت لكمتين وشربت كوب حليب والساعه ب٧:٣٠اجت ليالي وجايبه البدله وراحن للصالون هي ورود وولاء

ليالي شبيج ورود اشوفج ضايجه

ورود عليج الله ليالي رضا مغصوب علي حلفتج كليلي الصدك

ليالي بضحكه منو كلج هل حجي

ورود مالازم احد يكلي هل شي واضح مامحتاج تفسير بس منو الاكله يكلي هو رجال ومحد يكد يغصبه جا شنو تفسير اهماله وعدم مبالاته

لياليي يعني سالتي اكثر من واحد وكلولج هو رجال محد يكر يغصبه واني هم هذا جوابي ياترى مافكرتي معقوله كل هل ناس غلط واحساسج صح ياحبيبتي رضا مامصدك ان هو خذاج كليوم يكعدني بالغصب اله اسولفله عنج وشتحبين وشتكرهين وطبعج شنو بس هو خجول وشوي طبعه صعب بس مال غاصبينه هل شي مستحيل وكون تشوفين فرحته امس مامصدك راح يتزوج

ولاء شفتي موكتلج  ضنونج مو بمحلهن ياورود

ورود مادري يمكن ضلمته بس مادري ليش حسيته مغصوب ومو مثل اي ثنين مخطوبين

ليالي السبب لان خطوبتكم وزواجكم صارن بسبوع واحد هيج حسيتي مالحكتو تطلعون وتكعدو وتسولفون سوه بس لاتشيلين هم راح تشبعون من بعض والايام جايه وتثبت( تحجي وهي تبتسم الورود)

ورود ابتسمت بخجل واخيرا حست برجفت  الفرحه تدخل كلبها

وبعد ساعات طويله بالصالون حف ومكياج وتسريحه ماضل غير تلبس البدله
وولاء وليالي مكيجن هم وكملن
ليالي يله ورود على ماتلبسين البدله اخابر على امي تكول الرضا يجينه حتى ترحون للتصوير

هزت راسه ورود بمعنه اي والبتسامه مغروسه على حلكها العنقودي وبمكياجها الجريئ طالعه تجنن

ليالي الوو ماما يله وينه رضا احنه خلصننه

ام رضا والله يايمه مادري ابوج عجز وهو يتصل عليه ماير وامس مابايت بالبيت انه خايفه الولد صايرله شي لو سوه بنفسه شي لان ضغطنه عليه

ليالي (وهي تتبعد عن ولاء ورود وتهمس الامها )ماما شهل حجي طفل هو حتى يسوي بروحه شي ترى رضا رجال طول بعرض اوك خلي اي واحد يجي علينه واني اطلعله عذر يم ورود على ما يشرف الاستاذ

ام رضا صار هسه اشوف واحد من اولاد خالتج
وسدت التلفون

رجعت ليالي يم ورود وجانت هستوه لابسه البدله الي انطتها منظر الاميراة

ليالي واوو شنو هل جمال نيالك يارضا على هل ملاك مع الاسف ماراح تجي هسه وتشوفه راح تضطر اتاني شكم ساعه

ولاء( الي باوعت الورود وبادلتها ورود النضره )ليش رضا وين

ليالي خابرته خطيه بعده الهسه عند الحلاق (وضحكت)ترا هو هم من حقه يطلع امير حتى يلوك الاميرته

ولاء بخيبه جا والصور مولازم يصورون

ليالي عادي ورا الزفه ياخذها ويصورون بعد هل شي مو بيده

ولاء اي على كولتج

ورود اكتفت بالسكوت هل شي كلش ضوجها

رضا (حجه بكسل وهو مغمض عيونه)  دعاء بيش الساعه

فتحت عيونها دعاء الي جانت نايمه على صدره مدت ايدها على نقالها وكالتله الساعه ب٢:٣٠

فتح اعيونه بهمه ومد ايده على نقاله الي جان مسوي صامت وشاف٥٠مكالمه لم يرد عليها ٣٠مكالمه بس من ابو والباقي من امه واصدقائه فز بسرعه وهو يدفع دعاء عنه
وكام بسرعه لبس ملابسه وراد يطلع

دعاء رضا انت اكيد ماراح تجيني هل ايام فا انطيني مصروف مال شكم يوم

طلع ٥٠الف من جيبه وشمرهن عليها وهو عاكد حواجبه وطلع بسرعه

عزام بعد ماكعد من النوم الساعه١:٠٠الضهر جان يغلي غضب مجرد ان يفكر اليوم ورود اتصير ملك غيره يجن جنونه جان يصرخ وهو يمشي بالبيت ويكسر شكو شي كباله وهو يصيح ولج احببببج شلون شللللللوووون اكدر اتحمل اشووفج الغيري تصيرررين شلللون فهمووووني ياناس كلبي هذا شسويلله  شسوويله يحبها والله ايحبهااااااااه ما اتحملللل مااااا اتحمللللل احبهااااااااه

دخل رضا للبيت الساعه٣:٠٠
ولكه اقاربهم كلها جايه بيتهم تلكو بالهلاهل بس هو ابد ولايمه ولاكان اليوم عرسه راح يصعد الغرفته بس وكفه صوت ابوو الشايط من الغضب

ابو رضا  رضييوو

التفت رضا على ابو وعللامات البرود والامبالاه مرسومه بوجه
وماحجه

ابو رضا وين جنت ولك من امس وليش ماترد على تلفونك

رضا يم جماعتي سهران

ابو رضا بس جماعتك كلهم اتصلو علي يسالون ليش ماتجاوب عليهم وقسم منهم اجو يتانونك جوه

رضا بعصبيه هسه والمطلوب زواج وراح اتزوج شنوو ناوين تحكموني لا يكون حسبلكم ابنيه لوطفل صغير انه لان قبلت على قراراتكم كلها وماعندي حجايه لا انه قبلت حتى اعلمكم درس ان اليضغط علي بشي مايثمر مني شي

اتقدم عليه  ابو بعصبيه وراد يطكه بس صارت ليالي بيناتهم الي جانت هستوه جايه من الصالون وتتسمع الحجيهم

ليالي لابابا دخيلك شتسوي انت رضا اطول منك شلون تريد اتطكه هدي حبيبي وبعدين هو اليوم عرسه ومو حلو تترك بنفسيته اثر سلبي وانت يارضا شبيك ياعيني احجي بادب

دفعها رضا وحجه وهو يصعد انجبي زين صايره ام العريف صبيلي زقنبوت وصعدي الي فوك

ابورضا وهو يسب ويغلط على ابنه الي صعد متجاهل كلشي

ليالي كافي يابابا ياحبيبي هدي شوي

باسها ابوها ياريت انتي الي صرتي الولد وهو البنيه لان عقلج الحلو وكلبج الطيب يسون رضا وطوايفه (حجه الكلمتين الاخيره بابتسامه وبادلته ليالي نفس الابتسامه وبوسه على راسه)

بنفس الوكت ورود الي جانت كاعده وحاسه نفسها مثل الاميرات ومركز اهتمام الكل جانن صديقاتها وبنات عمها و خواتها وبنات خالاتها وبنات وخوالها يركصن على اغاني الDGوكومنها تركص وياهن وياخذن صور وياها وامها الي مابطلت بجي كلساع تروح بصفحه من الببت تختل حتى تبجي على بنتها الوحيده الربتها فراكها مو سهل عندها وسعاد اتصبر بيها

ومن جانب ثاني عزام
واخيرا رد على تلفونه خير شرايده يعني من شفتيني حاكرج وما ارد بطلي تتصلين

زهراء وهي تضحك ضحكه بارد

هههههه شبيك يارجال جاي اباركلك بزواج اختتتك

عزام قسما بذات الله يازهراء اذا اتصلتي مره ثانيه اجي اسحلج من شعرج وكدام كل الناس

زهراء بنفس الضحكه حل عساك جرب واشرب من نفس الكاس الشربته حل

عزام بعصبيه بنت الك.. انتي شنو جاي تختبرين صبري اصبري كلها جم يوم ونهايتج على ايدي صبري طلاكج من وراي وسد التلفون وهو يغلط ويسب بيها

زفوها كدامي بسلف ..

والسلف بيه شامت عرف ..

وبعينه يغمزلي الصلفً ..

ويگلي ها زفوها ..

ومن الجانب الثاني زهراء الي باوعت للتلفون وهي تضحك بمكر بعدك ماشفت شي ياعزام ياحبي الاول والااخير

الساعه ب٥:٠٠العصر اجه رضا واهله وكل المعازيم لحتى ياخذون ورود من اهلها البيت زوجها

دخلن النسوان وبين الاغاني واهازيج الااعراس والهوسات وبعدها دخل رضا الي جانت تعابير وجه كلها لا مبالات ولاكان اليوم هو يومه ومن المفروض يكون اسعد يوم عنده دخل وهو يمشي داخل هاله من الحزن والغضب يحس نفسه خاين لحبيبته الي خذاها الموت يحس نفسه مزعلها وجاي يعذبها بهذا اليوم وهما الي جانوا بانين مدينه من المشاعر والحب ومخططين الكل حياتهم قبل وبعد الزواج حتى اسم اول طفل جانوا مختارينه وين يطلعون اول يوم زواجهم ووين يسافرون وكاتبين ادق التفاصيل بخيالهم وفجئه يلكه روحه ايده بيد غيرها والبدله الي تخيلها عليها لابستها غيرها مانساها رغم السنين وضلت عايشه وياه بالاحلام وهو مستعد يكضي عمره نايم حتى يكمل العمر وياها حتى لو بلاحلام ولا يجي يوم وتدخل غرفته غيرها او يصيحون الغيرها زوجه رضا شلوون وكل هذا راح يصير وهو مابيده حيله

كعد يمها عشر دقايق من غير حتى مايباوع عليها وبعدها كام ومجبور يلزم ايدها حتى يدليها الطريق التمشي بي لان هي جانت لابسه الكبع الابيض وماتشوف زين

ورود من جانبها جانت فرحانه وحزينه بنفس الوكت رفت بعينها دمعه دمعة افراك اهلها ونرسمت ابتسامه بشفتها ابتسامة كل عروس تطلع من بيت اهلها البيت استقرارها

طلعوا  كبال عيون ذاك الواكف بسيارته على راس الشارع يباوع الامنيته تنسلب منه مثل ماتنسلب الروح من الجسد وهو يكلها امودعه يامنيتي امودعه يالحلمت بيج ياماه  امودعه يلحبيتج اكثر من روحي وماندمان على حبي طيحي يادمعتي كافي كبررياء ورجوله طيحي ولج انه هم من دم ولحم وعندي احساس ولج مو حديد انه طيحي ورحميني شتانين بعد وكلبي شلعه غيري وماخذه وياه بلارجعه

اي طاحت دمعته دمعة حبيب امودع حبيبه ويجهل مصيره بلياه

تبعدت السياره وعيون عزام تتبعد وروحه تمشي وراها لحد ما اختفت بعيد عن عيونه

هنيالك يالخذيت امنيتي
هنيالك يالتشم ،،،،،،،بيها
تمنيتهه تصير،،، أم بيتي
بس وكتي غدار زفك عليها

بقلم مولاتي زينب

دخلت ورود البيت عمها بس دخلتها هل مره جنه استقبلوها بلهلاهل والهوسات دخلت وكعدت بالصاله على الكوشه ورضا كعد يمها  والنسوان اتهوس وتركص اقل من خمس دقايق وكام طلع للشارع الي هو مكان تجمع الزلم يباوع للناس والصحبانه واهله كلهم فرحانين بي اله هو المافرحان

مرت الساعات وصبو العشه وتعشوا كل المعازيم

اجت ام رضا الورود يله ماما امشي اصعدج الغرفتج ترتاحين شوي قبل ميزفون رضا عليج

ورود هزت راسه وجانت كلش خايفه وترجف صعدتها ام رضا للغرفه وكعدتها على الجربايه وكالتلها

ام رضا شوفي ورود حبيبتي خاف تسألين هاي الصور مال البنيه المن وخاف تفسرين على كيفج خل اكلج اني

ورود انتبهت للصور وانبث بداخلها حزن لا ارادي ورجعت تباوع الام رضا تانيها اتكمل حجيها

يتبع''' ،،،