رواية عندما يعصف الحب الفصل الاول 1 - بقلم زينب العبيدي(زينبيه)

شلونكم اغاتييي🤗

#عندما_يعصف_الحب

#بقلم_الكاتبه_مولاتي_زينب

#البارت_١

ام عزام (تحجي وهي تبجي)الو هايمه ترا طك كلبي عليك وليدي يمه يمته ترجع يمه يابجري انت رد اليه
تعبت وانه اتانيك واترجاك واحسب كليوم ساعه ساعه واكول هسه اتطب عليه بطولك الحلو يمه ما اكسر خاطرك وليدي

عزام لحضه يمه خل احجي انه متصل عليج حتى اكلج انه بلمطار وطيارتي بعد اقل من ساعه

ام عزام (بفرحه وتعجب)ويي يمه كول والله يمه لو مالفشيله من الجيران جان طلعت للشارع وهلهلت

عزام (وهو يضحك)لا تهلهلين ولاتركصين يالغاليه بس انه بخاطري اكل محشي مال زمان ميت على طبخج والله

ام عزام وي يمه جنك على محاشي اكوم اسويلك هسه من جوه ايدي اطيب محاشي

عزام لا تعبين نفسج ياغاليه صحتج مو زينه خلي زهراء و ورود وسعاد يسون

ام عزام اكول اسكت ابني بجر بطني جاي بعد غيبه اكثر من ٣ سنوات وتريدني اخلي هل زعاطيط يسوله المحشي الي يحبه

عزام مشكور يالغاليه (سد التلفون وهو يتأفأف ويحجي وي نفسه)اووف شلون ارجع واشوفها وانه ماصدكت بعدتها عن عيني

فيصل وشفيك يخوي ليش مافرحان راح ترد لهلك

عزام مابيه شي لاشلون مافرحان بلعكس والله متلهف اشوف امي الي مامصدك وصلت للموت وانه مو يمها

فيصل الحمد لله على سلامتها وخطاها السوء وربي يحفضها لك

عزام مشكور يخوي اكول فيصل روح على شغلك انه ماعلي شي ترا هههه حسستني انت امي ملازمني لحد ما اصعد للطياره ترا حيل واكفه

فيصل لايمعود انا شوراي مادري شلون اتحمل مااشوفك وانت رفيجي الوحيد عود نتواصل مو تكطع يلخو

بنفس الوقت

ام عزام ورود يمه ورود

ورود(بتملل) هاا ماما شكو شنهو الخبر دحجيلي ماما شكو

ام عزام شرايج تاخذيلج هزه بعد

ورود لامابيه تعبانه

ام عزام (بعصبيه) ولج عدلي حلكج لا اعدله الج بهذا(وهي اتأشر بالجفجير الي بيدها)

ورود اي تعاي حتى باباتي نمورتي يطلكج بعد هذا العمر كله

ام عزام ولج العوبه صبريلي اخلص البيدي واعلمج وعود خلي نمورتج يفيدج

ورود (وهي تميل حلكها) ريلاكس ريلاكس ياعيني شبيج كولي شنو تردين ليش صحتيني

ام عزام اخوج يالثوله جااي

ورود اي هلابي خل يجي منو منهم عماد لو علي لوعلاء

ام عزام ولج مواكول ثوله وليدي وبجري عزام جاي

ورود وهي تفتح عيونه عزام صدك يمه شعجب جاي ماصدك واج يمه حتى ناسيه شكل هل الولد مشتاقيله اصلان هويمته شايفينه بس ندري عدنه اخو اسمه عزام

ام عزام وانه بعد يايمه مشتاقتله خذه حيلي وليدي يمه ماصدك راح يرجع الحضني

ورود اي والله الف الحمد الله والله  فرحتيني

ام عزام. اكول يمه تعاي وياي وصيحي السعاد مرة اخوج وتعالن حفرلي هذا البيتنجان والبيتيته والكوسه على ما انه احمس اللحم والتمن

ورود. اي. اكيد عزاموو اجه يعني راح نشبع محشي يم يم

((وبينما وامها وسعاد زوجة اخوها يحضرون المحشي ومنتضرين دخلت عزام عليهم ))

ابو عزام وهو يدخل البيت الله شهل ريحه الطيبه شنو الغده جعت

سعاد هلا عمو غدانه اليوم محشي

ام عزام( بسرعه) لا مو محشي باميه المحشي العزام

ورود. شفت شلون حجي نمر شفت زوجتك المصون تكول المحشي العزام وتريد تغدينه باميه لا وانوب كامت من افراشها وجاي تسوي بيدها بالله مو ع اساس مريضه

ام عزام. ايي وانتي اشحارك كلبج

ابو عزام. شنو مافتهمت شنو عزام جاي

ام عزام. (ابفرح ) اي حجي عزام جاي اتصل علي الصبح وكال هو بالمطار

ابو عزام (ابفرح) صدك عود. شعجب بعد ٣ سنوات غياب حن على اهله وراح يرجع

ام عزام اي والله ياحجي تكطع كلبنه واخيرا راح يفرحنه بشوفته

ابو عزام (وهو يهز راسه الى الاعلى والاسفل) الله يرجعه بالسلامه ويقر اعيونه بشوفته بس ها ترا ما اسمحلج ورود اهم شي ترا والمحشي الها والكل خل يولون

ام عزام هاي ام اللسان الوحيده الماتضوك منه

ورود( وهي متخصره) اذا نمورتي بالبيت ورود تاكل من أين ماتشاء

((بهل اثناء دخلت زهراء زوجة علي اخو عزام ))

زهراء السلام عليكم وكبل صعدت الدرج

الكل وعليكم السلام.

ام عزام. شخيرها هل لبينه ماتتحاجه حتى ماتانت انرد السلام عليها

ابو عزام عوفيها هسه صبيلي غده ميت من الجوع

ام عزام. لا حجي خل انتاتي عزام هسه يوصل

سعاد خالتي. عماد ميت من الجوع من مساع كال صبيلي غده ((عماد اخو عزام)) وعمي هم جوعان وساعه ب ٢

ام عزام لا يمه لا خل يجي عزام اكيد هسه هو بالطريق

ورود سعاد لاتحاولين لاجدوه الحجيه قافله وعدها استعداد تموتكم من الجوع الخاطر عيون هلعزام

الساعه ب ٢:٣٠ الضهر

دخل عزام للبيت. بالزي العربي. دشداشه وغتره وعكال ومسبحه ونظاراة شمسيه وساعه وعطره الفواح ابكامل اناقته المعتاده وهو يسحب بجنطة السفر محد جان موجود بالصاله

عزام. يهل البيت وينكم ياهووو

ام. عزام ((سمعت ام عزام والبنات الصوت واجت من المطبخ تسرع بخطواتها ورود وسعاد وراها ))

ام عزام وي يمه وليدي وصل((وهي تبجي ))

عزام ((وهو يضحك ويتقرب الامه ويحظنه))شلونج يالغاليه لاتبجين يالحنينه

ام عزام. وهي تشمه وتبوسه افييش يمه الولد. لوتدري شكثر مشتاكتلك يالجاسي هيج اتعوف اميمتك

عزام. ((ببتسامه)) يمه والله مو هينه علي بس شسوي صار شغلي اهناك

ورود. اكول يوم شوي خل انشوف الكمر الاظلم العفو الكمر لمنور ((وبسرعه طفرت على عزام وشبكته )) شلونك يالحلو. الكويت مسويتك اتجنن

عزام. غمض عيونه لحظه وفتحهن بعدها عنه حبيبتي انه بخير بعد شوفتكم

سعاد ((وهي تتقرب وتصير اكبال عزام))شلونك خويه نزام الحمد الله ع سلامتك والله الك وحشه

ورود. وحشه شنو احنه نسينه حتى معانيه لا والنوب باوعي اهذا الزي صاير خليجي فد نوب

عزام(( ببتسامه))مايوحشج غالي خيتي ام مريم. انتم هم الكم وحشه الله شاهد

ابو عزام. ((وهو يطلعه من غرفته بوجه لصاله)) ياهلا ومسهلا تو مانورت البصره.

عزام (( سرع بخطواته متج لبوه)) منوره بيك ياحجي.
شلونك يابو عزام ((وهو يشبكه ويبوسه على راسه))

ابو عزام. شلونك يبوك الحمد الله ع سلامتك عود جنت ناوي اليادوب تظل هناك

عزام. ((ببتسامه)) والله يابوي جنت ناوي استقر وبعدني معزم بس. مرض الوالده الي خلاني اجي. واتعنالها

ام عزام. ((تحجي ودموعها بطرف عينها ))يعني ناوي ترجعةوالله اموت يايمه.

عزام. لا يمه ابعيد الشر عنج. يمه بس انه استقريت اهناك وكونت شغلي. بس مرضج ونومتج بالمستشفى. خلاني اجي.

ام عزام. اذا هيج عسى كليوم انجلط وانام بالمستشفى ولاتروح وتخليني

ابو عزام. بويه اجلو هذا الحجي النه بي نقاش بعدين
وهسه. يبه سعاد. صبولنه غده متنه من الجوع.

سعاد. من عيوني عمي ورود. تعالي ساعديني وانتي خاله بل امر عليج. بس صيحي. العلاء وعلي.

وبين الضحكه والسالفه. ع الغده

علي. اي عزام سولف شلونها لكويت

عزام. والله ملش حلوه

علاء. عاد تدري انه ولا عرفتك بالدشداشه صاير خليجي لا ونوب حتى مسبحه عايش الدور

ورود اي ياعيني جا شحسبالك مثلك لو تلبس الذهب تظل امبهذل

علاء. عااااا منو امبهذل ولج العوبه الثوله ام حلك اللين وجراها من ياقه مالتها وضل يتكافشون هو وياها كا العاده

عزام. ((بتعجب وعصبيه)) اهاااا هاي شنو.

ام. عزام اوووه يايمه عادي عادي متعودين على مكافشهم مو شي جديد

عزام. قرب وجه من وجه امه وهو يحجي بصوت هامس وصاك على سنونه يمااه شنو العادي مو كل احنه نعرف. ورود. مو اختنه وهذا لملامس ابينهم ترا غلط وحرام

ام عزام بس يايمه. هي مثل اختكم. وربيتو سوه واني اخذتها من بيت عمك. وهي عمرها ساعه

عزام انتي كلتي مثل اختكم يعني مو اختنه. وشغلة ربينه شوه. هاي مو كافييه اتشيل التكاليف الشرعيه من بيناتنه

ام عزام اهدأ يايمه شبيك يعني شتريدني اكلها لاتشاقين وي اخوانج. وهي حاسبتكم خوانها وحتى علاء. من يشاقه ويها يحسبها اخته مثل ماحاسبك انته اخوه

عزام. هلشي مو كافي. اي كليلها خل. تجنب الشقه. ها وخل تحتشم وتلبس حجاب عدل.

ام عزام بس بس يايمه هي. حاسبتكم انتم اخوانها شنو تريدني اكلها لبسي حجاب من خوانج. وكبرت وهي ماتلبس حجاب. منكم. والله ما اعرف احس راح اجرحها وماراح تتقبل هذا الشي

عزام. ماعرف يمه بس هاي راح تضل دين بركبتكم وانتم جاي اطبون بذنبها وبذنبنه

ام عزام. اووف شل حل ياربي ((سكتت شوي وهي تباوع على الغضب بعيون ابنها كملت كلامها وهي تكول))اكول يمه. شرايك انته تنصحها اكيد هي راح تاخذ حجايتك. لان اذا انه حجيت ويها. كلما اطبلها بسين تطلعلي بجيم بس هي تخجل منك. وتعتبر حجايتك امر عليها بس على كيفك يمه. بدون ماتجرحها بالحجي. اعرفك. زين وليدي ذكي وراح تنصحها

عزام. يصير خير والتفت. على علاء ورود. وبصوت عالي. كاااافي

ورود. لو يموت لو يموت ما اتركه اليوم انتف هذن الخالهن على وجهه وحاسبهن شوارب وهو مداينهن من شعر رجلين ابوي

عزام. (وهو فاتح عيونه وبعصبيه اكبر) كلت كااااافي

ورود. ((وهي تكعد. بحضن ابوها وبحركه كلها دلع ))ماتخوفني يا استاذ عزاام

عزام (وهو متنرفز من اسلوبها الاستفزازي الي ماتعود يسمعه باوعلها بخزره )

ورود. ياربي دخيلك. (كامت من حضن ابوها واجت يمه ) ريلاكس حبيبي ريلاكس شو بيك( واجت تكعد بحضنه )

حجه عزام بسرعه قبل ماتكعد

عزام ويين وييين

ورود.(حجت بتلعثم)اش اشبيك يعني انته كلش كلش عصبي و و و تخوف ووو وهم بعد شوي معقد ها ونسيت. انته كلش جدي بكلشي ها ها. وبالاخير اشجايبلي وياك من هديه اكيد مانسيتني

عزام ببتسامه على طيرقة كلامها الطفولي وحركات ايديها العشوائيه مانسيتج

ورود. اي هيج شحلات سنونك كشر ياخوي اضحك ع شنو العبوس

عزام. روحي جيبيلي جنطتي خل انطيج هديتج

ورود ((ركضت ع الجنطه جابتها وفتحتها بسرعه))

ام عزام. ولج شهل لكافه. وخري. وهي تسحبها من ايدها

ورود اوكفي اوكفي خل اشوف

عزام. هديتج مو هنا لا دورين

ورود ((وهي امبرطمه))ها جا وينها

عزام(( دخل ايده بجيبه وهو يطلع علبه طويله شوي وفتحه وطلع اكلاده ذهب اتخبل بيها كلبين ناعمه مرصعه بحبات الكرستال ))هاج

ورود. Oooh oh my goddess is very beautiful((اووه يا الاهي جدا جميله)

سعاد. اكول يا اختي ياثوله ندري بيج تعرفين تحجين انكليزي

ورود. شكرا حبيبي عزام الله يخليك الي ولا يحرمني منك ((وتقربت تريد تبوسه.))

عزام ( خله ايده اكبالها يمنعها وهو يكوم. )تستاهلين
حبيبتي (كام وهو ينطي البقيه هداياهم ))

سعاد اعترض شنو اغله هديه هدية ورود. يعني مايصير

عزام. سعادوالهديه مو بقيمتها

ورود طن تم سحل الجبهه سحل

سعاد. مشكور اخوي عزام ع الفشله الفشلتني ايها وضحكت علي هاي ام حلك اللين

عزام ببتسامه يالله انه اترخص اروح ارتاح وهاي هدية زهراء

علي. اااا زهراء بصراحه نايمه وماحبيت اكعدها اجت من الدووام. ونامت يعني اعذرها ما تجت سلمت يعني بعدين بالليل تشوفك

عزام لا عادي خليها على راحتها

ام عزام يالله يمه روح بغرفتك ارتاح شوي انه عدلتها وبخرتها

يتبع.....