رواية عندما يعصف الحب الفصل الثاني 2 - بقلم زينب العبيدي(زينبيه)

السلام عليكم متابعيني الي اعزهم واحبهم شلونكم

#عندما_يعصف_الحب

#بقلم_الكاتبه_مولاتي_زينب

#البارت_٢

ام عزام. ياحجي احجي وياه يعني مايصير يطلع من صبح الله ومايردلنه اله ب ١ من الليل احنه هم اهله والنه حق عليه. يعني ماكافي. سنين يغيب ومن يرجع يعيش ابيناتنه مانشوف حتى شكله

ابو عزام((وهو يضرب على فخذه))والله ياحجيه حاجيته وكتله شنو يبه خاف اتعودت على افراكنه ماتريد اتشوفنه وتكعد ويانه بس ماكو لاحياة لمن تنادي اطلعله من باب يطبلي بالف جواب

علي. بويه عوفوا على راحته لاتضغطون عليه انتم نسيتو عزام مايحب احد يدخل ابمسير حياته  وهم لاتنسون هو عاش معظم عمره مستقل. ابحده ومن سفره لسفره يعني اتعودو. انتم ماراح تشوفونه بكثره بلكي الايام تغيره.

ام عزام. اووووف والله لو يقنع يتزوج. جان ركد وكعد بالبيت وحس بالمسؤليه خل احجي ويا اليوم لو اضل اتاني للفجر

علي. اهووو هاي شبيج يمه. يعني انتي ماتعبتي من هاي السالفه عزام دخل ب ٣٠ وهو كل ماتفتحين ويا هاي السيره يكول بعد مو هسه يتني لاتحاولين هم راح يعيد كلامه يجوز اباله وحده يعني

ابو عزام. اي والله مادري يمته يعزم هل عزام على العموم ياحجيه باجر. انه عازم اخواني وخواتي وعوايلهم  كل يوم يريدون يجون يشوفون عزام وانه اكلهم ماموجود. عاد اليوم حاجيته وكال باجر انه ما طلع  فعزمت الجماعه

ام عزام (ببتسامه) اكيد ليالي جايه

ابو عزام اكيد يعني وين يخلونها هم اهلها جاين

ام عزام. اييي خوش شغله (حجت وهي تهز براسها الى الاعلى والاسفل وتبتسم )

علي وهو يظحك شتفكرين حجيه

ام عزام. افكر اخلي عزام يشوفها ويكعد ويها. اكيد بعد هاي ال٣ سنوات. ماشايفها شلون حليانه وراح ينعجب بيها اكيد.

علي (وهو يكوم ويضحك )والله يايمه عليج سوالف هاي تذا كدرتي هلى عزام 

ام عزام. اوكف يايمه اكول شبيها مريتك لانشوفها ولاتنزل هاي. بس تكضي شغلها وصعدت لاتتغده ولاتتعشه ويانه عود ليش شمسويلها احنه لو تخاف تكعد ويانه ياحافظ

علي لا مو هيج يمه. بس انتي تدرين هي تتعب ابوضيفتها وترجع. تعبانه. فترتاح بغرفتها

ام عزام كل احنه جاي نتعب بس ما اعتكفنه عن العالم

ابو عزام. بس ياحجيه. هسه عوفيها على راحتها شنو ماجان السبب

علي. (صعد فوك وشاف زهراء كاعده تباوع ع التلفزيون)) زهراء عود ليش ماتنزلين جوه يم اهلي يعني مايصير هيج ٢٤ ساعه كاعده بغرفتج ستوها امي سألتني علج

زهراء ليش خير شيردون مني شغلي وجاي اسوي لو يردوني للمغثه.

علي زهراء ليش هيج تحجين

زهراء اهوو علي فكنه بالله مالي خاك وبتدين شنو حكم خوب مو حكم اله انزل جوه اني اهنا مرتاحه
ومن انزل جوه اتقيد خوانك كل واحد شطوله بالبيت

علي. على راحتج بس مو حلوه كعدتج اهنانه صيري مثل سعاد زوجة عماد شنو فرقها عنج هي مثلج جنه واني جنه بس ابد مافد يوم جابت الحجي الروحها
(وطلع من غرفته بسرعه)

زهراء (وهي تتأفأف ) شهل ورطه ياربي الي خليت روحي بيها كله انته السبب اظل ادعي عليك طول عمري

يوم ثاني الصبح الساعه ب٩

ليالي امي امي. البس هذا البدي لو هذا القميص

ام رضا شنو هاي ماما بعدج لهسه مالبستي راح نتأخر ويجي ابوج ويضل يحجي علينه.

ليالي امييي غير ارتب نفسيشنو يعني اللبس حي الله لبسه

ام رضا هاا نسيت عزام اجه

ليالي وهي تضحك بخجل يمه برأيج هو مشتاقلي مثل ما اني مشتاقتله زين زين شراح يكول من يشوفني

ام رضا اكيد راح يكول هذا الكمر النازل من السمه منو

ليالي. (بخجل وهي تضحك)اكيد ياله ياله اروح اللبس

بيت الحجي  نمر الساعه ب ١١ جان البيت مكتض

اخوان حجي ٢ نائل وزوجته وبناته الاربعه وابنه
واخو الثاني ريسان وزوجته وولده ثنين وبنته
وخواته ٣ هما وبناتهم واولادهم وازواجهم جانو النسوان والبنات الشابات كاعدات بالصاله  والرجال بالديوانيه 

من بين السوالف

ام وفاء(زوجة نائل اخو حجي نمر) اكول ام رضا ماشاء الله على ليالي كبرت وصايره جنها كمر ماشاء الله ماتنطونها الاخوي والله موضف ومخلص دراسه وعين الله عليه

ام عزام لا لا  لا يا ام وفاء ليالي انشاء الله العزام  بس خل ينوي يتزوج  واني من باجر اخطبها اله

ليالي (تباوعلهم بخجل وتضحك ذابه اذنها وياهم )

ام وفاء. اهوو هسه عود خل يقنع ابنج ابو راس يابس

ومن جانب اخرر

وفاء.(بنت نائل) اكول ورود. يا كليه حدخلين

ورود. راح ادخل وي عمار اخوجن يعني كلية اداب وقسم انكايزي هم نفس القسم

وفاء اي خوش اتسوين حتى يضل عينه عليج احسن ماتكونين ابحدج

ولاء.(بنت نائل) اي صحيح أأمنلج

ورود. شنو السالفه قابل شنو راح يصير لو ابحدي

ولاء. يعني كليه مختلطه ولد وبنات كلشي يصير الدنيه اتخوف حتلو انتي مأمنه على نفسج. ماراح تضمنين الناس الوياج

ورود. والله الواثقه من نفسها ياولاء مايصيرلها شر

وفاء صحيح ياحبيبتي بس اصدقاء السوء والنفس الاماره بالسوء والشيطان موجودين يعني اذا ابحدج راح الحال يكون اصعب عليج

ورود (بهمس.) همزين ماظليت عايشه وياجن واخذني بابا نمر لان بابا نائل معقد ومخوفجن من الحياة كلش بينما بابا نمر مايردلي طلب وكلشي بحدود واكول عزام عليمن طالع ومتشدد عمه منو 

ولاء. اي مو اهنا يكمن الغلط انتي ختى حجاب ماتلبسين من ولد عمج 

ورود. اول شي هذول اخواني وعشت وياهم مو ولد عمي  وثاني شي

ولاء( قاطعتها) قصدج حسبت اخوانج. مو اخوانج انتي بنت عمهم وانو صار تبادل ابين الاولاد مو كافي

ورود. اهوو ولاء كافي كافي شكد معقده خليجن انتن لبسن من عمار حجاب

وفاء اي نلبس وليش مانلبس يضل هو ابن عمنه مو اخونه الحقيقي

ورود كافي ولجن كافي عقدتني مستحيل اتكونن انتن خواتي الحقيقيات كلش عكس مودي وتفكيري
(تحجي وهي تضحك)

ولاء. (وهي تضحك) اكول اجه عزام وراح يغير كل هلمنطق مالج

ورود اي والله ياولاء اتصدكين هلولد كلش عكس اخواني البقيه يعني ابد ما احس هو اخوي  معقد وعصبي  ومتشدد يعني اني احبه مو ما احبه بس ما احسه قريب الي مثل البقيه يعني مثل علاء وعماد وعلي اصلا لا يحب اشاقي ولا حتى اسولف ويا مادري مادري بس معقد

وفاء.( ببتسامه لذكر طاري عزام) انتي غلطانه ياورود بس لان يجوز ماعاشرتي مثل باقي اخوانج

ورود اي هم صح امي هيج تكول لان هو كضه عمره من سفر لسفر اصلا اني من فطنت عليه لليوم هو مسافر مسافر مسافر ومن يرجع اهنا يكضيها كله بره البيت يمكن لهذا السبب بس معقد ماكلش اهضمه حجتها بضحكه

وفاء. اكول هو شلونه شلون صاير يعني اقضد بعده نفس شكله لو متغير

ورود.( بنص ابتسامه) اهاا اهنا الحجي بعده اجلح املح وله اكلج اله اصيحله هسه بس علمود تشوفينه

ولاء. (وهي تضحك )لا ولج يغمى عليها

ورود(وهي تكوم.) هسه خل اصيحله وبعدين انشوف

وفاء لا فدوه فدوه شتكليله ولج

ورود. اكله عماتي ونسوان عمامي يريدن يشلمن عليك بس مو اني اكله اشوف اي واحد من اخواني لان ماعرف طريقته اقناع هذا الرجال

وفاء ما اسمحلج تحجين عليه

راحت ورود اتصيحه دكت باب الديوانيه الداخلي
طلع علاء

علاء هااا خير شرايده

(عزام صاير اكبال الباب رفع بس عيونه وهو يباوع الورود بدون حجاب ضاج من مضهرها حتى دشداشتها الي لابستها امخصره على جسمها )

ورود (وهي تباوع على علاء وتضاهر بالصدمه)اعوذ بالله من شر الشيطان الرجيم

علاء حقيره شنو شفتي جني

ورود. لا والله ضلمت الجني الجني ارحم شوي من شكلك عابت حتى عابت

علاء(هو يبعدها عن الباب  وسحلها من شعرها وهو يتكافش ويها ويغلط عليها ويضحكون طلع  شوي ضوت ضحكهم فز عزام من مكانه وسوه طريق الباب خطوتين  وعيونه يجدحن نار فتح الباب وكف وهو يباوع عليهم بخزره  )

ورود (وهي تدفع بعلاء) ع ع علاء

علاء. اخ يالثوله يالعوبه اخ.... (ولتفت على اتجاه نضرات عيون ورود ) ها لا بس جنه هي تغلط علي بس لا طلع صوتها لا ياثوله

عزام هلاء ادخل جوه عندي حجي وياك

علاء. اي اي.( حجيت بهمس الله ياخذج ورودووو ودخل لديوانيه بسرعه )

(رادت ورود تشرد بسرعه بس فاجئه صوت عزام وهو يصيح عليها التفتت عليه بخوف )

عزام. ورووود

ورود. اني قصدك اني

عزام سحبها من ايدها ودفعها ع الحايط وهو اكبااها وفاتح عيونه على كبرهن

ورود. ترا ترا ترا ((وهي تأشر بصبعها ))اني مالي علاقه هوو

عزام شوفي ورود حجايه راح اكولها خليها ابراسج منا ورايح شقى بي املامس وضرب انتي وعلاء او اس واحد ماكو. مو بس هيج انتي كبرتي مو هذيج ورود الطفله وصار الحجاب واجب عليج

ورود. (ابنرفزه وجرائه)) اي بس اني اللبس حجاب

عزام (وهو يضغط على الكلمات بوضوح)تقصد حجاب من علاء ومني ومن بقية اخواني

ورود. بس اني ما اللبس منكم لانكم اخواني

عزام. لاء. مو اخوانج ربيتي ويانه صح بس نبقه انحل عليج ومو من ام واب واحد

ورود. بس اني ما احب اللبس حجاب منكم وما راح الب...

عزام. (قاطعها بصوت مصاحب بخزره مخيفه ولزم فجها حيل ) مو بكيفج غصبا عنج

ورود( بخوف وهي تهز براسها ) اي اي اوي وخر ايدك وهي (وهي تحجي بنفسها لا هله امنين اجيت النه انته )

عزام. يالله هسه روحي.

(مشت ورود وهي ادردم عليه بصوت ناصي )  غبي لو تموت ما البس معقد مكروه منين اجيت جنه مرتاحين منك  واكفلنه مثل السيطرع

عزام (وهو يباوع على طولها وهي تمشي غمض عيونه بحركه ورجع فتحهن بسرعه وهو كاره الساعه الي رجع بيها مارح تفارك صورتها عيونه هي الحب الي جان يشرد منه ويتحاشاه بكونها الاخت الي ربة وياه الحب الي يحسه غلط لان كل اامجتمع ضده ورجع دخل لديوانيه وأشر العلاء بعيونه يجي يمه )

علاء. لاحول الله الله لايوفقج ورود ام اللسان انتي يطلع صوتج وانه ابتلي ها خوي

عزام. بعصبيه وصوت هامس شوف علاء الله موجود ورود مو اختنه بت عمنه وكونها ربت ويانه وتبادلو الابناء ابوي وعمي هذا مايخلينه نشاقه وي ورود شقه اخت يعني انته قد تضربها وهلشي بحد ذاته مايصير كيف اذا اجت الضربه ابمكانات غلط هل اشياء حرام حتى ابين الاخت والاخو الحقيقيين

علاء. لا عزام انته شلون تفكر اكيد انه اتحاشه اضربها هيج كل ما في الامر اكفشها من شعرخا طراكين على علباتخا ثلاث راجديات احيانا كله مرات اعصر وجها بيدي اخنكها من ركبتها

عزام (قاطعه) بس حسستني كاعدين بحلبة ملاكمه يا علاء انه قصدي ان انته مجرد ان تلمسها هذا حرام هي مو اختنه حالها حال خواتها الحقيقيات ولاء وفاء وسن وداد المفروض هذا الشي انته تكله الها وتعلمها احنه مسؤلين عنها وكل احنه نحاسب امام الله بكوننا احنه اكبر منها وافهم منها وهذا كلشي

علاء تم الكتاب بحمد الله

عزام وهو يخزره كوم منا لا امثل بسك اهنا

علاء يا اخي عريف انته ملازم نقيب شنو انته احسك قانوني زايد وكام بسرعه قبل لايسمع رد عزام الي متأكد منه

بلوقت نفسه رجعت ورود وهي كالبه وجها وكعدت بدون ما تحجي ولاكلمه

وفاء ها ورود وين عزام

ورود اكول سكتي ولاكلمه انتي خبله عاقله تحبين هيج بشر ياربي شهل تعقيد شهل مخلوق الي الله كالبه

وفاء هاي شبيها هاي راحت بوجه ورجعت بوجه ثاني

ولاء عوفيها ماكلتلها ارزاله لحد ما متخومه (وضحكن ثنينهن على ورود)

ورود سكتي وليه ترا اطلع الضيم كله بيج

ولاء شصار بالله غردي

ورود كال شنو الاستاذ عزام يريدني البس حجاب
منعنده ومن بقيه خواني وشقه وضحك وياهم ماكو

وفاء وهو هذا الصحيح لان انتي مو اختهم وحرام هاي السوالف بينكم

ورود اكول سكتي سكتي لا اموتج اهنا وماينكسرلي كلب

((الساعه ٣ بعد الغداء جانن النسوان بالصاله يشربن جاي واصوات الضحك والسوالف متعاليه سمعوا صوت اجه عزام يسلم على عماته))

عزام احمم احمم السلام عليكم

البنات كلهن لبسن حجاباتهن ولاء اتاشر الورود بعيونها معناتها البسي الحجاب رفعت ورود الشال وخلته على شعره بشكل مو مضبوط كذلتها طالعه من كدام وشعرها مبين من ورا وميله حلكها ودايره وجها باوعت العزام بنص عين ودارت بحركه كلها زعل وهو الي ماشال عيونه عنها لا اراديا يتجهن الها
سلم على عماته وبعدها نسوان عمامه وسلم علابنات عمامه وعماته
كامت ليالي وسلمت عليه وهي تتمايل وتتدلع حتى تلفت انتباها لكن هو سلم عليها مثل باقي البنات  وبعد ماسلم استأذن وراد يطلع بس ليالي تبعته الي تشعر بنفسها رغبه بنضره منه

ليالي عزام عزام

عزام نعم ((التفت عليها))

ليالي ااا اني دخلت كليه محامات ((جانت تحجي وتعدل بشعرها بشكل ملفت))

عزام اي الله يوفقج من رخصتج(وراد يروح)

ليالي اااعزام

عزام ((بنفاذ صبر)) همممم

ليالي ااخليك شوي نسولف

عزام والله مافارغ اتعذريني من رخصتج (وطلع بسرعه)

ليالي ااخ يالقهر هذا شبي شبييي حتا ماباوع بوجهي ااخ ياربي(وضربت الحايط برجلها)

(اجالها صوت من وراها يملاه البرود والغموض)

زهراء هه لازم تتعودين على هذا التجاهل لان مستحيل عزام يباوع الغير معشوقته ورود

ليالي نعم ورود شتخربصين انت

زهراء كيفج لاتصدكين بس اتاكدي ان عزام مغرم لحد الجنون بورود

ليالي بس ورود اخته

زهراء قصدج مثل اخته لان هي بالاساس بنت عمه وانت تعرفين هل شي كلش زين

ليالي مسستحيل مستحيل اصدكج

زهراء ((بضحكه بارده ونبره ابرد منها)) كيفج لاتصدكين ((ودارت ضهرها ومشت وهي متجاهله صوت ليالي وهي تصيح عليها شنو دليلج على هل حجي لاكن لاجواب من زهراء الي كملت طريقها بهدوء وخلت ليالي تحترك بنار الحيره والغيره وعدم التصديق والكلماتها الي تدور براسها))