رواية عندما يعصف الحب الفصل الثامن عشر 18 - بقلم زينب العبيدي(زينبيه)

وهذا النص الثانيي 👌استوه طلع من الصالون استقبلوا بهلهوله💃🏻

😍احبكم

#عندما_يعصف_الحب

#بقلم_الكاتبه_مولاتي_زينب

#البارت١٦

ابو عزام عكد حواجبه شنوووو شتحجيي ولك شنو تزوجتها

عزام  بويه ماسويت شي حرام بنت عمي ردتها على سنه الله ورسوله

ابوعزا لا اكيد انت ماجاي تحجي الصدك ولك لاتكول سويتها ونزلت روسنه بالطين ولك الناس ماراح تسكت ولك تعرف انت شسويت

عزام حجي انت مكبرها

ام عزام هدي يابو عزام وهو الصادك بت عمه وتزوجها

ابو عزام الله ياخذكم وافتك تكلي بت عمه جاولج مو الناس والخلك كلها تدري انتي ربيتيها من عمر الساعه ولج تدرين شراح يحجون عنه يحجي وهو ياشر بايده على عزام راحيكولون نفسه دنت على وحده ربت وياهم مثل اختهم وراح يكولون الله اليعلم شجانوا يسون قبل بحجت خوان لو راح يكولون بنيه معيوبه وطمطموها وخذاها ابن عمها الي بحسبت اخوها وراح يكولون ويكولون ولج الناس ماترحم لو انتي تغشمين روحج وليش احنه انجيب الحجي الروحنه الباب اليجيك منه ريح سده وستريح والتفت على عزام وبصوت عالي امششي هسه تطلكها وماتضل على ذمتك

عزام طلاك ما اطلك والناس التحجي ماتحرك شعره من رجلي وهسه كيفكم تردوني اكعد يمكم انه وزوجتي لو اخذها البيتنه

ابو عزام انجب اكول انت تولي البيتك ورود هنا تحلم تشوفها وباجر تطلكها

حجه عزام بصوت عالي يباااا اخاف ماسمعت اعيدلك طلاك ما اطلك وزوجتي تعيش بالمكان البي انه

ابو عزام ولك صوتك لايعله على صوتي ترى اكسر راسك مو حسبالك بجري ومحترمك

عزام سامحني يبا ماقصدي ارفع صوتي بس العندي كلته وما اتراجع

ابو عزام وررررود وررريدده والتفت على ام عزام امشششي صيحيلها

طلعت ام عزام لكت ورود كاعده بالكاع وكلها ترجف ودموعها مغركات وجها وايديها على حلكها يرجفن حجت قبل لاتحجي امها يمه فدوه فدوه ما اريد ادخل

ام عزام ودمعتها بعينها على بتها تعاي يايمه ابوج ماراح يذبحج هو حيل يحبج ولاتنسين انه موجوده وعزام هم تعاي يايمه خل نشوف شيريد وكومتها ورجليها يرجفن بالكوه تمشي وتمسح بدموعها ويطيحن مره ثانيه

مجرد مادخلت للديوانيه بجت بصوت عالي تلقائيا

التفتو عزام وابو للصوت وبخطوه سريعه سحبها عزام بين ايديه وهو يهمس الها لاتبجين ولاتتنازلين عن شي انه موجود ويمج

صرخ ابو عزام ايي بعد حاضنها شرايك تاخذ بوسه من اختك شيل ايدك عنها

عزام قصدك زوجتي

بعدته ورود عنها وهي تبجي

ابو عزام ولج انتي شلوووون اتجرائتي وتزوجتي بدون علمي غصبج احجي غصبج عزيم

ورود دارت عيونها لعزام بخوف ودموعها تنزل وهو بدوره طمنها بنضراته المسيطره

ورود ل ل لا

ابو عزام جاا شل طاااري وشعده مابده فاجئه تزوجتو

حجه عزام بسرعه انه صارحتها بحبي وطلبت نتزوج وهي وافقت

ابو عزام انه ماحجيت وياك احجي وياها والتفت على ورود احجججي

ورود م.م.مثل ماكال

ابو عزام يعني تحبينه ولج ماافكرتي بسمعتج وبسمعته وبحجي الناس راح تاكل وجهنه

ورود يبا م.م.محد دمر حيا.ا.اتي غير خوفك م.م.من حجي الناس

ابو عزام وحجي الناس هو الي يدفنه بالحياه وهو الي يرفعنه فوك هذا واقع مجتمعنه ياثوله

عزام بس اذا ماغاضبين ربنه ماداعي نخاف ورضا الله افضل من رضا خلك الله والواثق من نفسه ماينزل راسه كلام الناس

ابو عزام برااا روح البيتك

عزام انشالله يله ورود لمي ملابسج

ورود هزت راسها بلا

اتقرب عليها عزام وهمس والله راح يقنعونج والله انتي هسه قويه بوجودي لاتخافين مايصير شي ولاتنكلب الدنيه ومردها الامور تهده وابوي يحبج وماله غنه عني لاتخافين كلشي يصلحه الوكت بس خل اطمن عليج

ابو عزام اتبعد شتهمسلها لاتجبرها ادري بيك غاصبها بكلشي يله روح البيتك وانتي روحي الغرفتج

عزام اي روحي الغرفتج لمي ملابسج وتعاي

ورود ي.يبا ا.اني اريد ا.ا.اروح ويه ع.عزام وبجت حيل

صرخ ابوها ولج غااصبج احجي ليش تبجين

عزام شنو شفتني خال سجينه بخصرها لو مسدس براسها

ورود هزت راسها بلا وعينها على عزام الي تستنجد بي

ابو عزام روحو لابارك الله بيكم طلعوا من بيتي وغاضب عليكم اليوم الدين

ركضت ورود وهي تصرخ وتبجي وطاحت يم رجليه لايبا فدوه فدوه زواج ماا

ركض عزام وسحبها بالكوه من ايدها وطلعها بره ويكله انتي شجاي تسوين تردين تخربين كلشي

ورود بصريخ وبجي ماريد هذا الزواج الي راح يغضب ابوي علي خل يرجعني الرضا

دخلها الغرفتها ولج لاتصيرين غبيه انه اعرف لبوي بس خليني افكر بحل ابوي مستحيل يتحمل بعدج ومستحيل يكاطعج بس صبري علي ولاتخربين شغلنه واوعدج كلشي يرجع السابق عهده بس اعتمدي علي

ورود وهي تبجي لاعزام فدوه هذا ابوي

عزام واحنه بشر من حقج ترفضين رضا ومنحقج تعيشين ومثل ماكتلج كلشي يتصلح اعتمدي

ورود اكيد عزام اكيد هل حجي

عزام اكيدين وبتسم لمي ملابسج وامشي وياي

هزت راسها باي وضلت تلم ملابسها بس عيونها مابطلن بجي اجت امها تواسيها وتكلها بوج يحبج ومايستغنه عنج وزواجج من عزام تمسكي بي لان مستحيل تلكين بشر يحبج مثل حبه

للحظه رادت تكللها ورود على الاتفاق وان عزام مو زوج حقيقي وخطه حسب علمها هي طبعا هذا الي فهمو الها عزام وسعاد حتى يمنعون رجعتها الرضا

بس تذكرت ان عزام حذره تحجي اي شي ويضل سر بينهم هم الثلاثه وصاها تسمع كلامه هو وبس فقررت تسكت وتجرب تسمع كلامه وتمشي وره للاخير لمت ملابسها وباجر اول ايام الدوام اخذت مكياجها واحذيتها  وكلشي

دخل عليها عزام خلصتي
ورود اي

عزام لاتخافين ترى ابوي يهده حبيتي بلا البجي وشال الجنطه وطلع سلمت على امها وسعاد وهي توصي امها ماتتركه وتقنع ابوها وطلعت على مرئه ومسمع من هذيج الواكفه بعيد ومامستوعبه الصار بأت كل مخططاتها بلفشل وهذا هو عزام ياخذ حبيبته البيته وكدام عيونها وخي الحلفت ان ماتخلي  يتهنه بحياته لان تركها وماتخلي يحصل على امنيته
صعدوا بالسياره ونطلقو وهي تتبع حركه السياره بعيون الحقد والحسد والغيره وعدت نفسها مستحيل تستسلم لو تعرف تخسر حياتها اعترفت ان هي مجنونه ومريضه وراح تطلع كل جنونها حتى تبعد عزام من ورود

وصلو للبيت التفت عزام على ورود الي ماحركت ساكن وضلت على كعدتها وراسها على الجامه وعيونها للفراغ حجه بصوت حنون شبيج وردايتي

غمضت عيونها بحركه ونزلت دمعتها وحجت ليشش ياعزام ليش هيج يصير وياي وبعدها على وضعيتها

نزل عزام ودار فتح الباب وسحبها من ايدها ونزلها وسد الباب دخلها للبيت

وحجه بحنيه حمدي ربج ورايتي المؤمن مبتله وانتي الي صار وياج قليل واقل بهواي من الي صار وياي بس صبرت وصبرت ماانكر وصلت لليأس والاحباط بس لا ماستسلمت شفت روحي انزفت الغيري وعشت لحضات حبها بلصمت وكانما شي محرم علي وهسه وبعد عايش الحاله جانت اتمر علي الساعات سنين واليل يجرحني بصفناته جن موصفنات جن سجاجين بكلبي بجيت وانه دمعتي عزيزه وماتنزل ابد بس حسيت دمعتي ولاشي يمها حسيتها تستاهل ابجي عليها دم بس صبرت وبعد اصبر عسى الله يرجعها الي و ينبض كلبها بحبي وتصير ملكي بروح وكلب وجسد

ادري بالصار وياج مو سهل بس حمدي ربج انتي تكدرين على خلاصج شلون بالي مايكدر يتخلص من شي عاش باحلام اليقضه والنوم وياه بشي مشه وي شرايينه ليشوف مصايب الناس تهون عليه مصيبته ياورود

وانتي هم صبري يجي يوم وكلشي يتصلح عيشي يومج بالي بي وهتمي الباجر ترى باجر  دوام اوك اريدج تتفوقين ولاتشيلين هموم ترى الدنيه تفرح على المهموم خليني فىحان لاتكدريني ولاتساليني ليش فرحان ماادري ليش وابتسم يله روحي صلي خل ادخل جنطتج واصلي وبعدها سويلنه عشه

((((عندي رغبتاً ان اصرخ بحبكِ وادع الناس تستمع لنبضات قلبي كيف تنطق باأسمك واُعلم العشاق كيف يحبون كما احببتكِ وأكشف عن مدى تلك السعاده التي غمرت كياني وعن كم الفرح الذي اصبح ملئ فمي وكلامي لوتعلمين كيف اصبح ذالك العزام كانه قيس في جنونهُ وروميو في هيامهُ اصبح تائهاً بين اروقت حبكٍ عاجزاً ان اوصف فرحت قلبي فما بالكِ بفرحتي باكملي))))

يتبع.......