رواية عندما يعصف الحب الفصل السابع عشر 17 - بقلم زينب العبيدي(زينبيه)

شلوونكم 🙋‍♀️متابعيني حبات كلبي❤

هذا نص بارت😁 والنص الثاني جاي اعدل بي شوي☻ اخليله👈 شوي كونتور على شوي👈 ايشادوا 👈وخافي عيوب وشوي 👈اضائه واذا تفاعلتوا انزله الكم أمكيج وبأخر أطلاله👌👌🤷‍♀️

#عندما_يعصف_الحب

#بقلم_الكاتبه_مولاتي_زينب

#البارت١٦

الشيخ ها وليدي على راحتك شعندك بعد

رفع التلفون عزام وهو يحجي هاا اي حياكم اي باب البيت اسود يله راح اطلع الكم لحظه والتفت على ورود دخلي جوه انتي هزت راسها باي وطلعت من الصاله

عكد حواجبه رضا يستوعب الجاي يصير وعزام شجاي يسوي

طلع عزام وثلاث دقائق ورجع هو وياه ولد شباب ثنين وهو يكلهم حياكم حياكم تفضلوا

كام رضا من مكانه منوا هذول وشجاي تسوي انت

عزام هذول اصدقائي اسعد وابو علاوي وجايين يشهدون على الزواج

رضا ضيك على عيونه زواج سكت شويه وبعدها حجه بسرعه بس لا اتريد....

قاطعه عزام اي اريد اعقد على ورود

رضا بعصبيه اي انت هاي غايتك طلكته حتى تاخذها

اتقرب عزام من رضا وحجه وهو صاك على سنونه ايي عندك مانع وصوتك بلا مايعله كدام الغرب احسلك واذا على الطلاك هي مامواطنتك بعيش الله

باوعله رضا بحقد وغضب وكعد

عزام بلا امر عليك شيخنه بلش

الشيخ والعروسه منو او وكيلها منو

عزام العروسه موجوده نفسها الي هستوه طلكتها

الشيخ بس ياوليدي البنيه هستوه مطلكه ولازم تلزم عده انت تعرف هذا شرع

اتقرب عزام يم الشيخ وهمس بذانه شيخنه البنيه ماجايسها يعني زواجها بس اسم وانت تعرف اذا ماتم الزواج الفعلي ماعليها عده مو صح شيخي

الشيخ اذا هيج اي صح توكلنه على الله سويلنه طريق وخل نعقدلكم

باوع عزام الرضا سوينه طريق

كام رضا بي انكسار الاول مره يحسه من بعد موت حبيبته الاوله ويدور عن سبب انكساره مايعرف ليش صاح على دعاء وكال خلي ورود بحده وطلعوا

دعاء صار

اجه الشيخ وعزام جانت ورود كاعده ويمها سعاد لازمه ايدها وتربت على جف ايدها وتشجعها

كمل الشيخ العقد وقعوا الشهود

حجه عزام الي جانت الكاع ماشايلته من الفرح وهو يكول الصديقه ابو علي وصل الشيخ بدربك وراحوا الشيخ واصدقائه

باوع الرضا الي جان عكسه تماما كلبه مقضوب وضهرت على وجه علامات الحزن والغضب حجه عزام ماراحو
التفتت على رضا مره ثانيه مشكور ابن عمي على ضيافتك ولو انت ماشربتنه حتى كلاص ماي بس هم مشكور

رضا ورود عمي يدري بزواجكم لولا

سبقته سعاد وكالت اي يدري

وراها بسرعه حجه عزام شيخصك انت المهم هي خلصت منك مو صحيح ورود والتفت على ورود هزت راسها بمعنه اي ورجع حجه عزام من باجر تباشر بالطلاك مال المحكمه سمعتني ودار ضهره
ومشه

طول الطريق وعزام طاير من الفرح مامصدك وما مستوعب الي صار وشلون كدر يقنع ورود هو سعاد حتى لو ماتدري هي بحبه يكفي انها صارت زوجته واكيد راح يبين الها حبه شي وره شي بالتدريج

وصلوا على البيت التفتت ورود السعاد الي كاعده بالمقعد الوره ورجعت عيونها على عزام جانت نضراتها كلها خوف وحجت بصوت متوتر معقوله السوينه صح اني خايفه من ابوي كلشش

عزام من ابوي لاتخافين راح يعصب ويكوم الدنيه مايكعدها ذبي الوم كله براسي انه اتحمل كلشي واخرته يهداء ويبرد وبعدين ايتم باقي اتفاقنه اهم شي لاتخافين وتحملي كل الي يصير واي شي يحجونه وياج او يحاولون يقنعونج كليلي سامعتني

ورود هزت راسها بخوف اي

سعاد والله ياورود احسن الج الي سويتي ترى والله يرجعونج اهلج واني اعرفهم يسونها وترجعين النفس الذله وكافي الي سمعته منهم ان هما يردونج تهدين ويرجعونج الرضا بس بشروط بس عفيه موتكولين اني كتلج هيج لان عيب راح تطلع بوجهي اني اتصنطت ومن هل حجي
وبعدين انتي من شنو خايفه عزام يخاف عليج اكثر من نفسج وره ماتنسي شغلت رضا راح يطلكج عزام حسب الاتفاق اهم شي هسه ماترجعين واذا حاولو يرجعونج مايكدرون انتي على ذمت رجال ثاني وكل هذا المصلحتج وخايفين عليج وهسه كومي نزلي خل ندخل وباوعت العزام وغمزتله وهي تضحك بالامرايه وانت ياعزام انزل خل انواجه البركان

عزام لا انتي ياسعاد طلعي منها ماراح اجيب اسمج بالي صار ما اريد اعرضج للخطر ورود اني القنعته هم مو برضاتها وانتي ياورود مطلوب منج ماتتنازلين وتقتنعين بحجيهم لو شما يكولون وحتى لو انه ماموجود استشيري سعاد اتنهد ترى انه احبج وخايف عليج وعمري ماراح افرط بيج واخليج ترجعين لهذا الانسان المريض سامعتني وخله ايده فوك ايدها ويحس ان واخيرا ملك امنيته جان كلبه يدك بكل قوه يحسه يريد يشك صدره من قوة النبضات

نزلوا ثلاثتهم دخلوا للبيت صعدت سعاد الغرفته بعد ما اشرلها عزام ان تصعد بسرعه

طلعت ام عزام من غرفتها وهي شايله المصلايه بايدها لابسه جادر الصلاة تستعد لصلاة المغرب وشافت كبالها عزام المبتسم بفرح

ام عزام ها يمه ورود اشتريتي شغلاتج جاسعاد وين

ورود فوك

ام عزام هايمه عزام ليش واكف تعال بعد امك

عزام كعد جا ابوي وين

ام عزام بالديوانيه يايمه جان يمه عمك ابو رضا بس راح وبوك بعده هناك

التفت عزام على ورود وكانما يكلها بنظراته شفتي شلون اكيد يردون يرجعونج رجع التفت على امه وحجه جا انه رايح يمه عندي وياه موضوع

ورود همست بخوف ع.عزام خايفه

عزام لاتخافين انه وياج وما اخلي احد يمس شعره منج واحنه ماسوينه غلط اطلكتي من رضا انسان مااحترمج ولاقدرج واذاج واما على زواجنه فا اسم وبس حتى مايرجعونج الذمت رضا بس ما اريدج تكولين هو اتفاق كولي لا اريده وتزوجته ولاتخافين ادري صعب بس اذا درو اتفاق راح يجبرونج تطلكين مني و احتمال كلش جبير يرجعج ابوي وسعاد خير دليل سمعتهم يحجون هيج ولاتخافين اطلكج لاتشيلين هم

ورود بنفس الهمس اني ماخايفه منك لان اعرفك انت شنو بس خايفه من ابوي

عزام اهوو ورود كتلج محد يمس شعره منج وانتي وياي وعلى ذمتي يله هسه عوفيني اروح افجر القنبله واسويها طشار وضحك وراح دخل على ابو للديوانيه

ورود ضلت تروح وتجي يم الباب وايدها على كلبها

ام عزام شبيج ولج شمسويه وخايفه منه

ورود اااهوو يمه عوفيني هسه كلشي تعرفون

ام عزام شنعرف ولج وطكت على رجلها

ورود يمه فدوه دخلي هدي الامور

وبنفس الوكت لمن دخل عزام

عزام السلام عليكم

ابو عزام وعليكم السلام هلابويه

كعد عزام اكول يباا لكيت رضا

ابو عزاي بحماس اي وينه كول

عزام خليته يطلك ورود

بهل اثناء دخلت ام عزام

ماهتم ابو عزام وحجه بعصبيه وانت منو كلك تتصرف من كيفك

عزام بعصبيه وليش مااتصرف مو متزوج على بنتك وحيدك وذلاها ذلت الخدم وما احترمها اذا ماهم وماكسر خاطرك صغر سنه انه يهمني

ابو عزام ولك انت تعرف موقفي منه وما قابل على الي سواه بيها بس ومالي نيه ارجعها بس مو معناتها انت تتصرف من كيفك وتروح وتاخذها وطلكها

كام وكف عزام لايبا انت الك نيه ترجعها واذا مو هسه بعد فتره يجون يقنعونك بجم كلمه وانت بسرعه راح توافق ولاتفكر حتى تسالها مثل ماسويت اول مره واذا انت بايعها فا انه شاريها

ابو عزام ااااييي انت هذا البالك شاريها

قاطعه عزام اي شاريها ولان شاريها تزوجتها بعد طلاكها...

يتبع......