رواية عندما يعصف الحب الفصل الرابع 4 - بقلم زينب العبيدي(زينبيه)

سللللام متابععين شلونكم

وهذا بااارت حلو مثلكم😎 شوفوني التفاعل😘 وغلسوا على السحكات الجمبقلازيه ترا ليغلس اله قصر بالجنه 😒مامصدكين موووو كيفكم

ترى ما الحك اراجع البارت😁

#عندما_يعصف_الحب

#بقلم_الكاتبه_مولاتي_زينب

#البارت_٤

رضا. مستحييييل زواج ما اتزوج سمعتي يمه انه عاحبني حالي هيج لاتشيلون هم وتصيرون احنان علي

ليالي رضا بس الدنيا ماتوكف على بشر مات كل احنه على عذا الطرييق

رضا (بعصبيه) اكوول انتي سكتي اكوول ولاتدخلين بحياتي

ابو رضا. ((وهو يصيح بصوت اعلى من صوت ابنه)) غصبا عنك تزوج مو بكيفك

رضا. شلون يعني غصبا عني منو الي راخ يتزوج انه لو انتم ((وكام ورفس الكرسي الجان كاعد عليه))

ابو رضا. ((بعصبيه)) ووولك  احشمنييي كاعد اكبالي وترافس  مثل الحصان  وانته تتزوج فاهم وغصبا عنك ولاتصور هذا الشي بكيفك

رضا.  بس بويه انه ماا

ابو رضا. (قاطعه ) اسكتتت ولك انته جاهل وماتعرف مصلحتك

رضا. جاهل؟

ابو رضا. وستيين جاهل وله واحد  عمره ٢٧ سنه ضال على ذكره وحده ماتت من خمس سنوات وشبعت موت

رضا. ماااا اتزوج كلت ما اتزووج  واذا انته مصر فراح تشوف شراح اسوي

ابو رضا. والله وطلعلك اللسان يارضيوو وترد على ابوك اسمعني زين انته فاهم كلمة غصبا عنك شنو  وتهديدك هذا مايرفلي جفن وماراح تسوي شي وكلشي يمشي غصبا عليك تعرفني شكدر اسوي سمعت  ومو انته الي تكسر احجايتي

رضا.((حجه بتوعد)) لا بويه حشى اكسر حجايتك  اتزوج ولا يهمك  بس والنبي العربي اله اطلع روحها واخليها تشرد بيوم ولليله وطلع بسرعه

ابو رضا (بعصبيه) روح الله لايبارك بيك(( وكعد وتنهد بحسره)) شلون ويه هذا الغبي 

ليالي. ((تلاحكت الموقف بسرعه)) لا بابا لاتاخذ بحجيه اكيد مارتح يسوي شي بعد مايشوف ورود وتصير بحياته ويلكه وحده تهتم بي وتسدله وحدته وتسأل عليه راح يغير كل هذا الحجي  بس انتم استعجلو يعني خطبه ورا اسبوع سبوعين زواج حتى لايصير شي ويغير رأيه

ابو رضا. ((وهو يهز براسه بمعنى الموافقه)) الله كريم يابنيتي الله كريم

...ابيت حجي نمر. ...

اجت ورود تبشر امها. وتكللها على الكلام الي دار بينها وبين عزام

ام عزام والله يايمه صدك.

ورود اي والله يايمه هو كال افكر وشكله يكول ماراح يسافر 

ام عزام. الف الحمد الله والشكر والله ارتاحيت  هذا الولد مادري شجراله مادري شبي يربي صاير مايحب الكعده ابينه كلش وله اكلج لازم احاجيه بعد مابيها مجال يا الله(( وكامت))

ورود. يمه يمه وين شتحاجينه

ام عزام. لازم اقنعه يتزوج. تعاي وياي يمه تعاي نحاجي قبل لايطلع

ورود اهوو يمه انتي تعرفين عزام ابد ماراح يقنع وتعرفين رأيه بموضوع الزواجو

ام. عزام. اليوم لو اقنعه لو يجلطني امشي ولج

ورود. جايه جايه امري لله الله يعيني عليكم

ام. عزام اكول انجبي ليشوفج يكول شايله المسؤليه

ورود. ماكافي شايله. مسؤليه المخده ولحاف والثلاجه وما بداخلها

ام عزام. سليمه اطمج لاخير البيج انه بس اريد اعرف الغبي الراح ياخذج اشكد اطولين عنده ساعه لو يوم ويردج الي

ورود. اكول يمه روحي روحي احجي ويه عزام وسدي موضوعي الله يجيبه الي تكولين عليه غبي ويقر عينج بي

ام عزام ((وهي تلوي حلكها وفتحت باب عزام ودخلت جفت ))

ورود. على كيفج حجيه جنج رونالدو من ينفرد بالطوبه

عزام ((وهو واكف. اكبال لمرايه ومستعد للطلعه ولتفت على امه وراها ورود  ))هله يمه تفضلي.

ام عزام هلا بيك الله الله يلحلو يبو طول الحلو يلكشخه يازينة الزلم

ورود. وهي أميله حلكها منو كدج والله ماينكدرلج

عزام. (( وهو يبتسم ابتسامه خفيفه كلعاده)) لازم الحجيه عدها موضوع وتريد تحجي بس الصراحه انه راح اتأخر هيج لازم اروح ونأجل الحجي البعدين
(جان يحجي ونضرات عيونه الورود الي تلقائيا يتجهن الها لمجرد تواجدها اكباله )

ام. عزام. والله ماني مأجله شي واليوم تسمعني يعني تسمعني وله تره اختاض عليه وما احاجيك اليوم الدين 

عزام. افف على كيفج حجيه تعاي يمعوده كلشي ولا هلشي تعاي كعدي وحجي 

((كعد عزام وامه اكباله والصدفه الي جابت ورود وكعدت يمه ع الجربايه وهو الي مايحمل قربها بدت نبضات كلبه تسرع ونضراة عيونه المتشتته الي محاوطه المكان كله في سبيل يبعد التوتر ))

ام عزام. يمه عزام انته بعد شكم شهر وتدخل ب٣٠ يمه حيل كبرت

عزام. ((وكأن فهم قصد امه بسرعه كال وعينه على ورود بشكل ملفت للانتباه )) يمه ما ابالي الزواج هسه والله ما ابالي

((ورود الي حسبت وفتهمت من نضرات عزام الها مجرد ايشاركها بالحوار شاركت الحديث وكالت  )) عزام. اذا اتحب وابالك وحده كول خل نروح ونخطبها واذا انتم شايفين الوكت مو مناسب للزواج اقلها بس كول الامي  خل ترتاح وتبطل تفكر بزواجك  ((جانت ورود تحجي. وامها تهز ابرايها تأيد حجيها بينما عزام الي جانت عيونه ونبضات كلبه تصرخ اي احبج انتي ياغبيه انتي الي ابعيده كل البعد عني جانت عيونه تحتوش كل معاني وجها وعيونه الي تستلم كلماتها قبل اذانه وهايم برمشات عيونها المستمره وحركات ايدها العشوائيه الي صارت دائما تحجي بأديها  ))

عزام. اي احب وحده وانه ادري مستحيل بيوم تصير الي

ام عزام. تخسي تلكه مثلك هي ام الكمل وانته بنات الديره كلهن يتمنن احجايه منك

عزام. ((ببتسامه الكلام امه وعينه الورود ))  ع العموم يمه انه اتأخرت عود اذا ردت اتزوج اجي واكلج

ورود ((تبعت عزام. وصاحت عليه بصوت)) عزااام اوكف لحضه 

عزام (التفت على صوتها )هممم كولي.

ورود. عزام يخوي. اذا تحب اساعدك كولي صحيح اني صغيره بس عقلي جبير اذا انته تمر ابمشكله كلي بلكت اكدر اساعدك  انته والانسانه الي تحبها

عزام. شلون تساعديني وانتي المشكله كلها

ورود. ((بعدم فهم)) شنو قصدك اني ام المشاكل موو مو صوجك صوجي اني يالمعقد اتكول علي مشكله جا انته شنو والله انته المشكله وابو المشاكل واصل من اخترع المشاكل يالمعقد يالنفسيه خليني ساكته بس

عزام.(( فتح عيونه على كبرهن))

ورود. درووح انزين حجيتلك بالخليجي خاف ماتفهمها بالعراقي

عزام. جانت ابداخله ضحكه يريد يضمها بس مايكدر  حاول. يغير تعابير وجها وخزرها ولج بلا تجاوز لا افر حلكج الج

ورود. ((وبلسانها الطويل كالعاده كلتله)) ايبااااخ تعال فر تعال 

عزام. ((وهو يتقرب عليها بخزه مسطنعه  لان الضحكه غالبته ))

ورود.(( لمن شافت الشغله صارت صدك صرخت بصوت )) يمااااا والله مو عليك ولج يماااا

ام عزام ((وهي تصيح بصوت)) وغمااا شبيج

ورود. يمه تعاي العزامج هذا تعاي يريد يفر حلكي مادري منو كايله حلكي ناعور

ام غزام حيل بعد ايدي بلكت يضب حلكج اللين

عزام ((وهو يباوع عليها شلون خايفه  وترجع لوره كال بخافت الصوت احبج))

ورود ها شنو شنو شكلت

عزام ((وهو يستدرك الكلمه الكاله وهو بحالة سكره من الحب بسرعه كال ابحده ))  كلت طاح حضج ((ودار وجها وكمل طريقه وهو يحاجي روحه)) شبيك عزام شبيك ليش انته اذا تصير كبالها تفقد السيطره على مشاعرك وحجيك جان فضحت روحك لا انه مالازم اضل ويها ابيت واحد

وبعد مرور اسبوع

((عزام بعد ماهون على السفر  قرر يطلع ابيت ابحده لان مايكدر يضل هو وياها  وخايف لايفقد السيطره على مشاعره الهيجه ))

ابو عزام.  بس يابوك ليش تطلع من اهلك انه رايد عذر مقنع  منك

ام عزام.  لا يمه شبيك انته احسك مرات مو طبيعي وتصرفاتك من غير عقل

عزام ((ببتسامه خفيف)) مشكور حجيه طلعتيني خبل عود هاي انه بجرج ((والتفت على ابو يحاول يقنعه)) بويه شوف انه اول شي ماراح اتبعد عنكم هواي كلها شارعين راح أأجر البيت الي هناك وشي ثاني انه بيوم من الايام راح اتزوج فاأكيد ماراح اضل اهنا يعني ثنين خواني متزوجيت وعلاء بعده بطريك وانه هم اجي فوكهم  يعني راح نزدحم وثالث شي. هلشي احسن مما اسافر مو صحيح حجيه ((والتفت على امه ))

ام عزام اي. اذا السالفه بيها ماتسافر وبيها زواج  ومو بعيد انه قابله واكيد يا حجي نمر ماراخ تعارض

ابو عزام والله مادري ع العموم كيفك يباا الي اشوفه زين سوي انته مو صغير وتعرف تتخذ قراراتك  

((وبهل اثناء جانت ورود بحب الفضول تتسمع بالصدفه الكلامهم فجأه  طلع الها علاء من وراها ))

علاء. ها ولج شجاي تسنطين عليمن خطابه

ورود. عابت شبيك طيرت كلبي من مكانه

علاء(( وهو يغرد ويقلد صوت البلبل ويأشر بأيده على ايده الثانيه))

ورود اصصص لايسمعونك ولك  شبيك

علاء. شبيج مافوك جاي انزل كلبج الطار واغردله يحط على ايدي  وارجعه ابطنج

ورود. وهي اتجر شعر علاء وحمس حتى حنس والله بايخ وماتضحك

علاء.(( اخ يالثوله  ركض وراها وبدت لمكافش وتعاله الصياح والضحك))

((طلع عزام على صوت صياح ورود وضحك علاء ومن شافهم اتعلكن عيونه بكصته من الغضب والغيره وصااح ))  وروووووود 

ورود جمدت ابمكانها

علاء( سوه الصاله خطوتين وشرد) اف اجه قباض
الارواح

عزام((  بعصبيه ونار الغيره)) انه شكلت عن هذا الشقه مالكم شحجيت لو انه ما الي كلمه مسموعه

ورود هو والله هو

علاء ((رجع لموقع الجريمه))  لا ياحقيره لتجذبين جا مو انتي جريتي شعري وانه كلشي ولا كفشتي

ورود لاتكول حقيره  يا Foolish ((احمق))

علاء. انه فولش مو  اله افلش راسج هسه (( ورجعو يتكافشون متجاهلين وجود عزام  مما ازداد غضب عزام  وكأن  ورود بضحكاتها اتزيد  الكاز على نار الغيره الي ابداخله  وبخطوه سريعه وبتصرف كله غيره سحب ورود من بين ايدين علاء ولا شعوريا  طررررراخ فر وجها ابراشدي طيحها بالكاع  ))

ورود(( الي بسرعه نزلن ادموعها من قوة الضربه  وتتلمس مكان الراشدي))

ابو عزام ((صرخ بصوت)) عزاااام

((ركضت ورود الحضن ابوها وهي اتناشغ وتبجي))

((عزام سد عيونه وفتحهن )) وهو يلوم بنفسه ليش ياعزام تضربها ..بس لالا خل تولي((وطلع بسرعه من البيت))

ورود كلعه عساك تروح وماترجع

ام عزام انجبي ولج شهل حجي

ورود ((وهي تبجي)) شفتي شلون ضربني ليش لان جاي اتشاقه وي اخوي شهل انسان المريض خل يسافر خل ينكلع على شنو متمسكين بي

ابو عزام((وهو يحضنها))كافي يارويحت ابوج هو يفكر المصلحتج

ورود. مصلحتي ماله علاقه بيها اوك فهمو عندي أب مسؤل عني

ابنفس الوقت

فيصل. الو الو الو  شفيك عزام ليش ماتتحجه من اتصلت للحين بس اتنافخ

عزام. طكت روحي يا اخي ما اعرف المن احجي المن اشكي وادري الكل راح يغلطني

فيصل. انته. تعرفني عدل ما بغلطك ودوم راينه واحد

عزام. فيصل انه ما اريد اكعد بالعراق

فيصل بس اتصورتك مرتاح ياخوي وانته ابين هلك وناسك

عزام ما انكر الراحه يافيصل بس. احبها واغار عليها وجودها يمي يضعفني وادري مستحيل تكون من نصيبي اصلا مستحيل تفكر بيه العالم ضدي وهي بعد ضدي

فيصل بل بل بل كل هذا وانه ما ادري وانه اكول شفي الريال من تييلنه للكويت اربعه وعشرين ساعه صافن وتفكر  طلعت تحب لاه زعلت عليك يالاخو  تحب وانه خويك واخر من يعلم

عزام. اهووو مالي خلك ارد على سذاجتك يافيصل  اكول الله وياك الله وياك انه هم ماعندي عقل وتصلت عليك

فيصل لا لا تكفى جن اتغشمر معاك وشفيك يول   شوف الي فهمته من كلامه انك غركان بلحب من طرف واحد وهلشي وايد صعب  بس الي ماعرفته اذا انته امصارحها ابمشاعرك ولا لا 

عزام ما اكدر اصارحهل يافيصل كتلك اامجتمع ضد هذا الحب

فيصل. شفيك ياريال حسستني انته تحب اختك كل شويه وتكلي ضد هذا الحب

عزام. بالضبط

فيصل ول ول ياكبرها عند الله انته شتتحجه انته صاحي يارييال

عزام احب الي العالم سمتها اختي وهي بنت عمي احب وحده اللع مشرع علي حبها وزواجي منها بس الناس محرمته علي

فيصل. اكول وضحلي تره اخوك اثول

عزام.  بهاي صدكت  اسمع امي وابوي  اتبنو بنت عمي وانطوهم اخوي يعني تبادل اطفال لان عمي ماعنده ولد وابوي ماعنده بنات وفرضو علي خوتها جنت ما اهتم الها وهي صغيره  لكن من كبرت صرت اميل الها هواي وبعدها اكتشفت ان انه عاشك  واضعف  من اصير اكبالها جنت اضن عزام مايهزه ريح بس *عنده مايعصف الحب *  تتغير كل الموازين

فيصل. عزام ترا مافيها شيي  هي شرعا اتجوزلك وزواجك منها امحلله رب العالمين

عزام اعرف بس مستحيل ابوي يوافق انه اعرفه يحسب هذا الزواج عيب وحرام عنده وهو كل شوي يذكرني اختك واختك

فيصل حاول ولا تيأس يا عزام

عزام متأكد يافيصل حتى بدون ما حاول راح يرفضون وراح يعدغلطوني وحتى يحجون علي حجي مستحيل انه اقبل بي  واذا حجو هلحجي انه مستحيل اسكت حتلو اهلي انته تعرفني مالازم اشرح فراح تكبر السالف وتصير مشكله بيني وبين اهلي  ويجوز هي تكرهني اكثر  من هذا الكره انه اعرف عقلياتهم كلش زين

فيصل ميخالف يخوي  هم اكلك حاول ياخي انه اعرف عكلك يقنع اكبر التجار هني  يعني مو كادر تقنع ابوك 

عزام. كتلك مايفيد اعرفه زيين فاليش اخليهم يفكرون بيه غير تفكير وبالاخير الرفض اكيد 

فيصل حاول يول حاول ماخسران شي  ودخله من غير باب  اعرفك وايد ذكي  يعني لاتخلي يغير نضرته الك

عزام  ولو ادري هذا الشي مستحيل بس راح احاول 
بس حتى اثبتلك كلامي صحيح ((سد التلفون وهو يجر حسره ويحجي بنفسه )) معقوله ياعزام انته انته  الي مريت بأشكال وانواع الصعوبات بهاي الحياة وتعديتهن وماضعف كلبك تجي وحده ابنيه اتضعفك وتخليك تفكر بيها بكعدتك وبنومتك ابفرحك وبحزنك صارت اقرب من ضلك الك وهي ولا سأله عنك اووف (( رجع  سرح وهو يذكر ادموعها وشلون ضربها ويتفحص بأيده الي ضربها بيها عسى انكصت ولا نمدت عليج )) اوووف مو  بيدي اغار   وربج اغاار حتة من روحي عليج لو بيدي احبسج ابكلبي  ما اخلي احد يشوفج

يتبع'''''''