رواية عندما يعصف الحب الفصل الخامس 5 - بقلم زينب العبيدي(زينبيه)

السلام عليكم متابعيني الغوالي😍❤ هذا بارت اتمنالكم قراءه ممتعه ولاتنسون التفاعل ثم التفاعل 😒😡😍

#عندما_يعصف_الحب

#بقلم_الكاتبه_مولاتي_زينب

#البارت_٥

الساعه ب ١٠:٠٠ بالليل

((رجع عزام للبيت من غير عادته وهو يسمع صوت الاهل مجتمعين بالصاله لكن قب لايدخل للبيت شاف وحده كاعده بالحديقه ضل واكف يريد يميز الكاعده هناك لكن من غير جدوه بسبب كعدتها بالضلمه اتقرب مجرد ما شافها وتأكد منها دار وجه وراد يرجع ))

زهراء. هلا عزام وين

(رجع التفت عزام ) هلا زهراء ماكو ابد بس داخل للبيت

زهراء. عزام. اني كل يوم اكعد هاي الكعده انتضر جيتك بس انته تتأخر واضطر ادخل للبيت أأيس وادخل للبيت اليوم الله يحبني وجابك

عزام. اي وليش تنتضريني محتاجه شي

زهراء. تعرفني شمحتاجه.

عزام ((بستغراب وعصبيه )) زهراء كافي لعب جهال انتي اختي وزوجة اخوي واذا سمعت هلحجي منج مره ثانيه ماراح اتاني اخوي يطلكج او يذبحج راح اذبحج بيدي هاي

زهراء ((بعصبيه تكسر برودها المعتاد )) اتعاقبني على مشكله انته سببها

عزام. لا احاسبج ولاتحاسبيني احنه ما ابينه شي. بس أوهامج كافي وبطلي لعبج هذا لا وربج افضحج وانه هذا مو اسلوبي

((وتركها واتجه للبيت حتى يدخل لكن اعتله صوت زهراء. ببرود وضحكه كلها غموض وكالت)) اني اتوقعت هاي ردت فعلك اصلا ما اترجه شي منك بس وحياتك راح اندمك

((التفت الها عزام وهو فاتح عيونه من شدة غضبه رجع عليها بسرعه وصوته يسبق خطواته )) تهدديني ولج منو انتي وتهدديني اناي خلك وحده رخيصه ولزكه وماتخافين من الله اتحاشيني ولج ترى اذا وصل الغضب اهنا (هو يأشر على خشمه ) ما اضمنلج العواقب ((ومشه بخطوات سريعه للبيت. وزهراء ابتسمت وهي اتخلي ايديها ورا ضهرها وتمشي بخطوات بطيئه ))

((دخل عزام وجان يتنفس غضب)) السلام عليكم

الكل وعليكم السلام

((ورود مجرد ان سمعت صوته كامت ودخلت ابغرفتها وعيون عزام تتبعها ))

((ام عزام الي ضنت غضب عزام من تصرف ورود حجت بسرعه )) ميخالف ياوليدي طفله ولاتنسه انته أذيتها اليوم

ابو عزام ابزعل بس مامقبوله منك ياعزام اشلون اطكها انه ما اقبل على ورود ولا واحد منكم يمد ايده عليها

عزام. انته خربتها يا حجي وصارت ماتاخذ الحجي وانتم كلكم تعرفون انه من طكيتها المصلحتها وابعدها عن اشياء حرام هي تجهلها وانتم امغلسين عليهن

ابو عزام بس مو هيج يا عزام احجي وياها اتفاهم وياها

عزام. شتدري بيه ياحجي اجي اضرب منا والدرب انه حجيت وياها ونصحتها قبل بسلوب حلو هي وهذا ابن الاغبر علاء الي شطوله وشعرضه مايعرف ينصح بنت عمه ويعلمها بس شلون راح تهتم الحجيي وانتم كلكم قابلين على تصرفاتها ع العموم يمه من رخصتج اريد باجر اتلمين كل ملابسي وغراضي أجرت البيت وكملته

عماد بستغراب شنو يابيت

عزام. خل امي تشرحلك يله من رخصتكم

((مشه عزام متجه الفوك لكن لا أراديا اتجه ابكلبه وبخطواته الغرفتها يحس كلبه موجوع لان وجعها ودك الباب بتردد ))

((ورود الي كل ضنها الي على الباب واحد من اخوانها عدا عزام طبعا لان هم فقط الي يدكون الباب قبل لايدخلولها كالت بسرعه )) اتفضل. (( بس اتفاجئت من شافت عزام يفتح الباب ويدخل ما حجت اي كلمه اكتفت ابدورة وجها للجها الثانيه))

عزام. اهلي هواي مدللينج ومكبرين راسج وله انتي هذا الراشدي شويه المفروض اكسر راسج لان سبق ونصحتج ويكولون قد اعذر من انذر

ورود ((باوعته بغيض وغضب وعيونها كلها دموع كالت بأنفعال )) واني الي جنت متوقعه جاي تراضيني اجيت تكمل بقايه الراشدي

عزام.(( اتنفس نفس عميق حتى يطرد الغضب وحجه بنفسه اهدئ ياعزام مو اجيت الها لان كلبك مكسور اشو جاي تشعلها تضل هي صغيره ومو صوجها صوج اهلي الي منطينها على مايها غير نبرة صوته بسرعه وحجه بحنيه )) ورود. مو كتلج انه خايف عليج من هاي الاشياء وكتلج شقاج وي علاء حرام ومايجوز وبعد كتلج التزمي بحجابج احنه اولاد عمج وستري لبسج ورود هلحجي المصلحتج انه ماداخل بجيبي شي

ورود ((حجت بزعل )) كافي عزام. هم حاسبيني اختهم واني هم كافي تذكرني كلساع انتم ولد عمي كافي والله هواي جاي تضايقني

عزام ((بعصبيه )) ورود انه ماجلي اناقشج بهل موضوع غصبا عنج يصير فاهمه ولي تشمينه تضايق هذا كله من خوفي وحرصي عليج وحبي الج

ورود. ومنو انته حتى تغصبني انته مو جاي تكول انته ابن عمي يعني ما الك حق

((اشتغلت انذارات الغضب بعيون عزام من طريقة كلامها المستفزه وتقرب عليها وهو فاتح اعيونه وبعصبيه )) الي كل الحق فاهمه برضاتج او غصبا عليج انتي ملكي

ورود. نعم شنو كلت ملكك شفتهم من كلامك لعابه اني لعابه

((استدرك كلامه عزام وغمض عيونه بغضب وهو يحاجي نفسه ولك انته شبيك حاسب الكلامك واضبط نفسك اتنفس بأريحيه ورجع حجه بهدوء)) كل الي اريدج تفهمينه انه اخاف عليج ماريدج اطيحين بأغلاط انتي اتجهلينهن لقلة معرفتج ويكلك اكبر منك بيوم افهم منك بسنه

ورود. بس هم مو معناتهاتضربني لييش عزام اني بابا ماضاربني وخواني كلهم مامادين ايدعم علي شلون طاوعك كلبك وضربت اختك الوحيده والصغيره ((وضلت تبجي))

عزام. ورود. ماريد اكلج ندمان لان ضربتج لان انتي غلطانه وانتي مو اخ.... ((وتوقف عن الكلام بسرعه خايف يطيح نفسه ابمشكلة كلامه ))

ورود.(( توقفت عن البجي بسرعه )) يا اخي انته شنو عجبتني حتى الصيف والشته مو مثلك هم ينطي تمهيدات حتى ينقلب الجو بس انته ابسرعه تتقلب من حار الى بارد من خابط الى صافي شنو هلقدره عندك تشتعل فجئه نار وتتحول فجئه حنين ونبرة صوتك تختلف بثانيه منهدوء الى عصبيه ومن عصبيه الى هدوء ياخي خليك شويه ريلاكس مدة ساعه شحليلك من تصير حنون على كولت الخليجين ((جانت تحجي بشكل سريع بدون انقطاع راد يقاطعها عزام ويحجي لكن مجرد فتح حلكه يحجي قاطعته )) اكول عزام من الاخير اذا عندك كلمه تراضيني بيها كول ترى طك كلبي صار ساعه اتانيك بجي وبجيت صريخ وصرخت ماكسرة خاطرك كول يا اخي كول اي شي حتلو بالغلط لا ابجي مره ثانيه والله وما اسكت اله وره سبوع

((ابتسم عزام على حجيها )) زين وعديني ماتعيدينها حتى احجي حجايه تراضيج

ورود. والله اوعظك وهم اوعدك بس طيب خدي اقصد طيب خاطري

عزام عسى ايدي تنشل وماتنمد عليج مره ثاتيه

ورود. يابعد اخيتك فدوه واجت بسرعه اتشبكه

عزام(( صرخ عليها بعصبيه)) ويين وييين انه شكلت

ورود وهي اطك على كصتها نسيت ووالله اسفه

عزام ((وهو يطلع )) ماريد تنسين بعد.

ورود ((هزت راسها ابمعنى اي )) بس ماجايب وياك هديه يعني هيج سوالف تراضيني واله اكول انعم الله من طلعت منك هاي لحجايه روح روح

يوم ثاني. ((

جمع عزام كل ملابسه وأشيائه الخاصه))

((جانت ام عزام. تبجي))

عزام. شسالفه يايمه وين راريح انه كلها بعد شارعين ويوميه من الصبح انزرع اكبالج وقبل لا اروح بالليل هم امر بيج

ام عزام. امري لله يايمه زين اخذ ورود وياك ترتب غراضك وهدومك

((ورود وهي واكفه ورا عزام وتأشر لمها ابمعنى لا لا ماروح وامها تخزرها ابمعنى سكتي))

عزام لا يمه مايحتاج ماعندي شي

سعاد. عزام انه راح اجي وي ورود ونرتب بيتك

عزام. شكرا اخيتي بس والله البيت رتبو العمال وماضل غير ملابس وبس

سعاد زين ميخالف بعدين نجي انرتب ملابسك ونسويلك غده ونجيب

عزام على راحتكم هاي اذا لكيتوني ((وقبل لا يطلع همس بذان عماد )) عماد انته جبير وتعرف تصرف ورود غلط فاديربالك عليها ولتخليها تمشيكم هلى مايها بحجت اختكم الصغيره ودللة ابوها

عماد. صار يخوي لاتوصي ورود بعيوني

((وراح عزام لبيته بس العجيب لكه الباب مفتوح والاعجب شاف زهراء بالبيت بسرعه وعصبيه )) انتي شجابج

زهراء. ماكو. اجيت اساعدك بترتيب ملابسك وغراضك

عزام طلعي برا ما بحاجتج انه

زهراء انته طول عمرك بحاجتي وراح تضل بحاجتي

عزام. زهراء من الاخير ترا انه نفسيتي ماتتحمل لاتختبيرن صبري شتردين

زهراء. اريدك اريد ترجع عزام حبيبي

عزام ((بعصبيه. ))اكول طلعي بره ماطولني هادي لحد الان

زهراء. عزام ماراح اخليك ترتاح والله اوعدك

عزام. (( بعصبيه)) ولج رخيصه لاتخليني امد ايدي عليج قذره  واخر انذار الج  اذا اتجرئتي واجيتي البيتي  او تواجدتي ابمكان انه بي  راح اكول العلي عليج  وطلاكج يصير على ايدي

زهراء. كول ماعنظي شي اخسره بس انته عندك هواي تخسره (( وطلعت بره ابكلب بارد ))

عزام. ((بعصبيه رفس جنطة الملابس )) يانذله والله والج عين بسيطه انه الي راح أأدبج

((مرة الايام وصار اسبوع من انتقل عزام جان يحس ابشوك يكطع كلبه الشوفت ورود اكن في نفس الوكت جان يشوف هذا افضل حل اله والها  اما ورود جانت مرتاحه من ضغط عزام ومراقبته الدائمه الكل تصرفاتها))

ورود. وايي يمه. احس نفسب مرتاحه اف جان خانكني والله

ام عزام انجبي ولج تروحيله فدوه 

ورود. اكول ياحجيه  اني ما اروح فدوه الاحد مو انوب عزتم والله يا الله 

ابنفس الوقت بديوانية ابو عزام

ابو رضا.  والله يا ابو عزام جايلك ابطلب واتمنى ماتردني والي ولوليدي الشرف بيك ياخوي انه طالب ايد ورود لبني رضا

ابو عزام. والله هاي الساعه لمباركه تعرفني كلش زين وتعرف رأيي بأبنك رضا وبنتي ورود. ماراح تلكه احسن من اخوي وابن اخوي   ورضا. ابني والنعم منه

ابو رضا. يعني نعتبرها صايره الخطبه مبدأيا

ابو عزام. اي صايره انشاء الله صايره

ابو رضا. جا زين ياخوي احنه عكب باجر جايين نخكب ونعقد رسمي

ابو عزام. ليش العجله يا اخوي خل انشوف ورود وأخوانها

ابو رضا.  خير البر عاجله يابو عزام وبعدين لايكون شوركم بيد بناتكم ياخوي

ابو عزام. لا يا ابو رضا شهل حجي  بس لازم نسألها وانطي علم لخوانها

ابو رضا.  اي اسألهم اليوم لو باجر  وعكبه احنه جايين  كول على بركة الله

ابو عزام. على بركة الله

ابو رضا يله  خويه انه اترخص

ابو عزام غالي

((ورجع ابو رضا البيتهم وتلكته ليالي من الباب الي  منتظرته على احر من الجمر ))   ها بابا بشر قبل عمي اكيد

ابو رضا اكيد قبل يابوج

ليالي. بابا عندي خوش حل بما أن رضا بلكوه غصبناه على الزواج فا امول لو ياريت الخطوبه باجر والزواج بعد اسبوع او ١٠ ايام لان انته تعرف رضا خاف خاف اتدك براسه ويسوي شي ويفرمش كلشي وهم فشله الك كدام عمو وهم ضياع للولد

ابو رضا.  ((ببتسامه )) والله ومبرتي بعيني يابنتي شلون تفكرين بخوج عفيه ومثل ماكلتي بس الخطبه عكب باجر والزواج ورا ١٠ ايام

ليالي اي جا شلون بابا اشعندي غير اخوي وما افكر بي وحجة بنفسها ((والله ولا داريه عنه اهم شي عندي عشقي يكون الي))

بالليل الساعه ب ٨:٠٠

ابو عزام الو  يباا عزام تعال اتعشه ويانه  محتاج اخذ رأيك ابموضوع

عزام. صار حجي وانه بعد عندي موضوع وياك

ابو عزام. زين اتانيك تعالي هسه 

((ومسافة الطريق وصل عزام وبعد السلام والسؤال عن الحال اخذه ابو وكعدو بالديوانيه ))

ابو عزام اي يبوك كول شعندك شموضوعه

عزام.........

يتبع.. .....