رواية عندما يعصف الحب الفصل الثاني عشر 12 - بقلم زينب العبيدي(زينبيه)

هلا وغلا متابعيني شلونكم حبات كلبي

ع فكره صدك الاحد والثنين عطله

عندما_يعصف_الحب

#بقلم_الكاتبه_مولاتي_زينب

#البارت11

ام رضا اذا هيج جا مابيدنه شي الله وياك حبيبي
وتبعته للباب وحجت ببتسامه
اكول ماما شلون شفت ورود

رضا زينه

ام رضا اقصد امس شصاار

رضا ماصار شي

ام رضا يعني ماتقربتلها

رضا( ببرود) لا

ام رضا (بعصبيه)انت شنو ماتكلي يعني مو مثل باقي الرياجيل ماتحتاج مره ماعندك رغبه مثل كل الشباب لو ماتحس ياماما شبيك حبيبي كافي تسوي هيج البنيه خذاها الموت وانت مويعني تدفن روحك بالحياه عيش وستمتع ترى الحياة مره وحده وماتكرر انت مو صغير وتسوي هاي

سواتك

رضا يمه خلصتي الله وياج

ام رضا والله انت مريض ومامنك فايده

بنفس الوكت
ام عزام ( بهمس)يعني ماتقربلج

ورود لا

ام عزام خاف تعبان الله كريم يايمه هواي هيج يضلون يومين ثلاثه لاتشيلين هم

ورود لايمه ابد ماشايله هم علواه مايصير شي

ام عزام خايبه شبيج ليش هذا الحجي جا شنو ناويه تعيشين وياه يباوعلج وتباوعيله وشلون راح يصير عندج خلفه يالفاهيه

ورود بحسره والله ما ادري يايمه

ام عزام شبيج يايمه صاير شي

ورود يمه اشو رضا امس جان كلش قاسي وياي وحجه حجي حسسني اني خدامه اله مو زوجه ولاعندي حقوق وحسيته يكرهني حسيت برخص من حجيه

ام عزام يخسي اليرخص بيج وانتي مالج ثمن يمه بس انه افهمج هو قصده يعلمج على اسلوبه وراح تسالين ليش امس بالذات  انه اكلج احسن خير البر عاجله وانتم ماكعدتو سوه من يوم الخطبه لليوم وراد يعلمج حتى توخرين عن المشاكل وكل رجال واله نضام معين يايمه والمره المعدله اتطيع زوجها

ورود بقهر بس يمه انتي ماتدرين هو شكلي حسيت نفسي كاعده...

قاطعتها ام عزام وكالت ادري يايمه ادري كلج سوي هيج وتركي هيج ولازم هيج وهذا يعجبني وذاك لا هذن الي معتبرتهن اوامر كلج اياهن حتى يفرض شخصيته يايمه لان تصور انج طفله وماراح تجرين عدل

ورود( بعدم اقتناع)مادري يجوز

ام عزام ميخالف يايمه تحملي والزوجه المعدله تصبر على زوجها بكل حالاته ومو من تصرف واحد غلط تجزع وتدردم عكسيله شخصيتج وراوي الجانب الزين خل يعرف ان هو خذاله جوهره مكنونه وماتتعوض نفذي كل طلباته وكل اوامره خلي يحمد ربه مليون مره لان خذاج

ورود انشاء الله يمه هسه خل اكوم اساعدهم

ام عزام بس انت بعدج عروسه يايمه

ورود هذا واحد من اوامره

ام عزام ميخالف يجوز يريد يحسن صورتج ويرفع شانج بين اهله ويراويهم اشكد مرته اصيله ومعدله

ورود الي شجعها كلام امها وخفف من حزنها كامت وبالكوه خلتها ام رضا اتشارك بالتنظيف راحت امها الساعه ١١وماقبلت اتضل ع الغده وضلت تبجي ورود  وشبكتهة مسحت امها دموعها وباستها

ام عزام اجيج يايمه اجيج لاتبجين قابل انتي بالمريخ كلها ٥ دقائق اقل وانه بابكم

ورود عفيه ماما سلميني على بابا وبوسي الي وشبكيلي علاء حيل اشتاقيتله

ام عزام يوصل الله وياج حبيبتي

وراحت أمها ورجعت هي ترتب الغرفه وتغسل ملابسه مثل ماكاللها

بعدها دخلت سبحت وطلعت لبست قميص شوي طويل لحد افخاذها لونه ليموني وبنطرون ابيض ورفعه شعرها ذيل احصان لفوك وجرت عيونها بالكحل ومسكره وتعطرت وبس

نزلت جوه

ورود اكول عمه ليالي ماكو

ام رضا نايمه

ورود حجت بنفسها نيالها نايمه ١:٠٠ اهئ واني كاعده من ٨:٠٠

كعدت تسولف وي بنات خالات رضا شوي وصاحتلها ام رضا للمطبخ

ورود ها عمه

ام رضا (ببتسامه)اكول ماما ترى رضا خجول شوي ومحتاج صبر

ورود (باستغراب) صبر  ع شنو

ام رضا على الي لازم يصير امس

ورود دنكت بخجل

ام رضا بس الي اريده منج شغله وحده ياماما اريدج تلبسيله وتمكيجيله ودلع شوي يعني سوالف البنات

ورود الي فاتحه حلكها على حجي ام رضا وتحجي بنفسها يااااء هاي منو الي كايللها اني جريئه وابنها اسم الله عليه خجول ويستحي وتريدني اني الي اتغزل بي الحمدلله والشكر عائله شافطه

ام رضا خوش ياماما

ورود هزت راسه باي وراحت وهي تهز بايدها بدون ماتشوفها عمته وتدردم بهمس

رضا خير على شنو تهزين بيدج لايكون ماعاجبينج ست ورود

ورود اسم الله انت منين طلعت

رضا صبيلي غده

ورود صار وركضت قبله تحضرله تراك على الجربايه وراحت تصب الغده هي وعمته دخلت ليالي وهي تتثاوب وتمط بايديها

ليالي ماما شنو الغده

ورود تحاجي نفسها هنيالها تكول هي العروسه مو اني مو قهر بالله اني من الصبح اكرب والخانم نايمه للضهر

ليالي اوووو هاي ورورد منتبهت ياروحي صباحيه مباركه ياعررروس

ورود بابتسامه الله يبارك بيج حبيبتي

ليالي اي ماكلتيلي شلون رضاوي وياج

ورود زين

ليالي انشاء الله دوم زين ولو اشك ههههه

ورود ليش تشكين

ليالي جاي اتشاقه شبيج حبي

تجاهلتها ورود ورجعت تكمل البيدها
كملن الغده وراحت ورود اتصيح الرضا دخلت شافت مكابل الصوره الي على ميز التواليت

وميلت فمها ورود وكالت رضا صبينه غده

باوعلها بخزره وتقدم عليها بخطوات سريعه جر شعره بيده وسحبها المكان الصوره وهي تصرخ تحاول تفتح ايديه بالكوه شبيييك ااااوي عووفني وضلت تبجي
بينما هو صرخ بصوووت هااااي شنووو (ورفع الصوره خلاها كبال وجها )جاي تشوفيين الاطار شلون املثك هااا جاي تشوفيين

ورود بس اني شكووو امس دخلت على بيتكم واليوم ابد ماتقربت ع هذن الصور (تحجي بعصبيه وصيااح)

رضا شوفي ذن الصور اهم منج سامعه اريد تعتنين بيهن وتلمعيهن يوميه ذره اتراب او لثكه اذا شفت بيهن امسحهن بشعرج

ورود والله عاد مصخته استاذ رضا اتريد اتكول اغلى منك انت مو مني اني لان هي صديقتك مو صديقتي

رضا بعصبيه اكببر. بنت الكل....  هااي عليمن عله صوتج واذا موبرضاتج غصبا عليج وهسه اشوفج شلون اغلى منج وجر شعرها ومسح الصوره بي وهي تصرخ وتبجي صرخ بيها شففففتي

استجمعت قواها ودفعته حيل ونشلع بيده خصله صغيره من شعرها نزلت وهي تركض وتبجي وتصرخ

اتلكاها عمها ها بابا شبيج

ورود بصريخ ماااريده ماااريد اظل يم هذا المريض المختل اريد اهللللي

ابو رضا بعصبيه هااي شبيج بابا امسس اتزوجتي شنوو تردين اهلج شتكول علينه الناسسس

ورود وهي تبجي يطبهم مرض اليحجون اهم شي ما اضل دقيقه يم هذا الي مادري شعنده ويااي تكول عدوته

ابورضا بحنيه تعاي يابابا تعايي سولفيلي شصار وانه اخذلج حقج بعد شرايده بس ماتطلعين لهلج لان انه واحد من اهلج خوش بابا سولفي وشوفي شراح اسوي

كعدت يمه ورود وسولفتله كلشي وام رضا تخزر بيها وتاشر الها بمعنه اشش سكتيي

ابو رضا هااا هيج يعني والله لربي من جده وجديد لو هذا حاسب عود محد يكدرله كام بسرعه والتفت على ورود بابا انتي بس صبري ولاتطلعين مشاكلج لهلج وتعاي كليلي كل الي يصير وياج وانه اخذلج حكج من حلك السبع
وراح صعد فوك

ام رضاا ارتاااحيتي خربتي الابو على ابنه عساها بحضج وببختج مشكله بينج وبينه تحلونها بهدوء اله تسوين مشاكل بين الابو وابنه

ورود عمه يعني ترضينها هذا كل الي سوا بيه واني ماصارلي يوم يمه وبعدني عروسه ترضينه على ليالي الله عليج

ام رضا شمرت بايديها وراحت وهي تكول اهووو انتي غبيه وماتفهمين

بنفس الوكت

ابو رضا فتح الباب مال غرفت رضا وهو عاكد حواجبه

رفع عيونه رضا باوعله بعد ماجانن عيونه بتلفونه

ابورضاا لك حيووان شمسوي بمرتك

رضا ها شكتلك

ابو رضاا ولك والله اذا ماكمت راضيتها هسه وبست راسه لخلي البصره كله تسولف بموتك

رضاا اي عفيه يبوي كوي راسها علي وخليني انزل اعتذر منها

ابو رضا هل حجي مايوكلني خبز كوووم يله راضي بنت عمك

رضا بعصبيه وصياااح وكام من الجربايه وتقدم على ابو ماااكوم وما اعتذر وشتريد تسوون سوو انه مو جاهل وتقررون بمصيري  وانه قبلت بهذا  الزواج بس علمود اراويكم اليضغط علي مايستفاد بس اذيه واذا عاجبها عاجبها ماعاجبها ذاك بيت اهلها ويطبها طووب

وطرررراخ دار وجه براشدي وحجه ابوه تنجب وتسد حلكك وتعدل اسلوبك غصبا عليك لا اعيد تربيتك من اول وجديد

رضا نعلاعله خيري اذا ضليتلكم بالبيت وخل اشوف منو اليعتذر

ابو رضا رووح لابارك الله بيك ولاباليوم الخلفتك بي يامختل يامريض

اخذ سترته ونقاله ونزل الدرج بسرعه اتلكته امه هااا ماما وين
عبر امه وباوع الورود وهوو يكول اذا ما دفعتج ثمن هذا الراشدي سنين من عمرج مااطلع انه رضيو تفووو كرامه ماكوو وطلع بسرعه راح على بيت دعاء الي طارت من الفرح لمن شافته وهو اول ماجه كفخها راشدي نساها اسمها

ابو رضا كتلج سكتي يامره هو هذا يرادله هيج انطينا اكثر من مايستحقه من احترام وتقدير

ام رضا بس هم مومال تطكه ياحسرتي عليه وين راح حتى غده ماتغده ستوه اجه من الدوام كله من هاي المسمومه مجرد ماخلصت احجايتها دخلت

ورود عموو

ابو رضا احجي بابا

ورود رجعوني لهلي

ابورضا انه شكلت موكتلج احنه اهلج

ام رضا اي خلصتي مشكلتج وهسه تردين ترحين عفيه هاي الفلحتي بي الفتنه والمشاكل

ابو رضا التفت ع زوجته قسما بالله لو سمعتج تحجين هل حجي ويه ورود كبالها او من وراها ترا مايصير خير وقد اعذر من انذر وكام طلع

ام رضا عفيه عليج شنو اسم السحاره السوتلج العمل عميتي الرجال عميي

ورود لو صدك مسويه سحر جان سويت الابنج المختل مو العميي

ام رضا رحتيله فدوه يالحيه

ليالي ببرود ماعليه ورود اتحملي كلها يومين وتبرد لكلوب وطلعت

ورود صعدت للغرفه تبجي وتبجي لحد مانعست ونامت

مر اسبوع ورضا ماكوو والناس تجي تتبارك الهم يكلولهم طالع ومرات مايخلون ورود تطلع يم الخطار يكلولهم طالع هو مرته

وام رضاماتركت ورود بس تسمعه حجي وتنغز بيها من قهرتها على ابنها الي ماشايفته صار سبوع ولايرد على اتصالاتهم محملتها مسئوليه طلعته من البيت

ورود وهي تحاجي نفسها لا طكت روحي هاي مو حاله اريد اهلي زواج الاكشر راح احجي وي عمو بس يجي شنو معناته ضلتي هنا

وبالفعل بس اجه اجتله ورود ورا ما تغده

ورود عمو اريد اروح لهلي شنو لازمه وجودي اهنا و..

قاطعها عمها لابابا

شهل حجي واذا اشتاقيتي الرضا باجر اجيبه اعرف وين الكاه بس ردتها تطلع منج

ورود مو هيج عمو بس..

قاكطعها بلا خجل بابا هذا زوجج عادي من تشتاقيله وكام وهو يمسح على شعره وطلع من غرفته

عزام يمه كيفج مايهمني بس اهم شي مو هسه الزواج نفسيتي تعبانه شوي((يحجي بنكسار ولامبالات)

ام عزام اي يمه براحتك يمته ماتريد بس خل نخطبها الاول وباجر نروح الهم انه وابوك ونفتح موضوعكم(تحجي بفرح)

عزام كيفج سوي اي شيي وكام وهو جازع من الحياة وفاكد لذتها

زهراء العفو عمه تخطبون منو المنو سمعت. بالصدفه

ام عزام تباوع بنص عين الزهراء ماترتاحلها ابدد كالت نخطب ليالي العزام

زهراء بصدمه هاا وافق شعجب مو شايل الزواج من باله

ام عزام الله هداه بعد

زهراء بعد صفنه دامه ثواني ضحكت برود وكالت الله يتمم اذا الهم نصيب وي بعض
ودارت ضهرها وهي تضحك ضحكه كلها غمووض

يوم ثاني الساعه ب١
اجه ابورضا ويا رضا الي جابه من مكان شغله بعد ماراضاه واعتذر منه وحاجاه حجي حلو ونصحه يعامل مرته باسلوب حلو وبالاخير بالكوه اله كدر يرجعه وياه

دخلو اجت ام رضا شبكت ابنها وتبوس بي بينما ابوه راح الورود بالمطبخ
ابو رضا عمو ورود رجلج اجه اريدج تعتذريله وتبوسين راسه ادري بيج ماغلطانه بس كسري عينه وراوي انج اصيله واحسن منه وماتتعوضين يابويه انه حاجيته وكتله يغير اسلوبه وياج وان شاء الله خير عفيه بنيتي روحي هسه سلمي
هزت راسه ورود بمعنه اي وعيونها تحجي انكسار راحتله وجان كاعد بالصاله ويمه امه تساله وين جنت اتبات وشتاكل وشمسوي تقدمت عليه ورود وحجت رضا اني اسفه اخاف اذيتكم وسببت مشاكل واعتذر منك هاي اخر مره بعد ما تنعاد وباسته على راسه

باوعلها ببرود  تعاي وراي حضريلي الحمام تمشي وهي تباوعله اشو هذا راح بملابس شكل ورجع بملابس شكل جايز اشتراهن هسه اني شكو دخلت حضرتله الملابس ع الجربايه وخليتله ملابسه الداخليه والخاولي بالحمام وكتله الحمام جهز احظرلك الغده

حجه برود لا بس خليج بالغرفه مو تنزلين وطلع راح للحمام

ورود باستغراب شبي هذا وكعدت تنتظره لحد مادخل للغرفه وهو لابس بس الشورت وفانيله لازمها بيده باوعت وبسرعه دنكت بس لفت انتباها شي رجعت رفعت عيونها ع العلامه الي بصدره هاي ويامن جان ضلت صافنه وتركز عليها

رضا ها شبيج تردين شي معين بيج شي

ورود كامت وحجت بخجل لا بس ..

رضا بس شنو

ورود لا ماكو شي اروح احظرلك الغده وطلعت وهي  ببالها الف والف احتمال متزوج اويمكن عنده سوالف حرام او يمكن كدمه

بينما رضا الي تبسم وهو يلزم مكان الاثر ويباوع النفسه بالمرايه ويحاجي نفسه راح تشردين ماضل شي راح اخليج اتكرهيني  وانتي الي تطلبين الطلاك وانه الي واطلع  انه الي محافض على زواجنه بدميي

نزلت ورود العمته
اكول عمه ماكال رضا وين جان يبات

ام رضا بيت صاحبه

هزت ورود راسها بعدم اقتناع وراحت تحضرله الغده لحكتها ليالي وهي مبتسمه

ورود وتبادلها الابتسامه شكوو

ليالي اليوم حيجون امج وابوج

ورود بفرح صدك

ليالي اييي بس مو علمودج على مودي

ورود بنبرت استفهام على مودج

ليالي اليوم اكيد جايين يخطبوني العزام

ورود شدراج هما كالوا

ليالي لاماكالو بس اني دريت احساسي يكول

ورود ببتسامه ع العموم ربي يسهلج عزام رجال مامنه اثنين حنون وطيب صح شوي عصبي بس هلشي ميعيبه

ليالي بغضب ممزوج ببتسامه مزيفه اشوفج تتغزلين بي ترى انتي وحده متزوجه

ورود هذا يسمونه مديح وبعدين عزام اخوي وماناسيه اني متزوجه واحد تحفه

ليالي ما اسمحلج تحجين ع اخوي

ورود اكوول روحي زين وبعدتها واخذت صينيه الاكل وصعدتها فوك ولكت رضا متمدد وأيده على عيونه خلت الصينيه وصاحت رضا  صبيتلك غده

كام من الجربايه ونزل كعد ياكل ورود كاعده ع الجربايه وببالها تساله ليش يعاملها هيج بس خجلانه لايفهمها غلط ومتردده
واخيرا كسرت الخجل وحجت
رضا انت .. اتحب او بالك وحده وماصارتلك قسمه وياها

رضا عاف الخاشوكه وصفن بالفراغ وهو يتذكر حبه الي مافارك كلبه حتى من ابتعد تذكر ايام من جانو يتخابرون ويحجون بزواجهم بلع غصه وغمض عيونه حيل ورجع فتحهن حجه ببرود لا

ورود متاكد شكلك يكول غير هيج

رضا بعصبيه اكبر كنالج لا شنو متأكد ومامتأكد

ورود زين ليش تعاملني هيج ماجني زوجتك

رضا حجه برود تردين اتقربلج

يتبع،،،،،