رواية عندما يعصف الحب الفصل الثاني والعشرون 22 - بقلم زينب العبيدي(زينبيه)

مرررراحب شلونكم متابعيني🙋‍♀️

هذا تكملت البارت السابق متكون من١٤٠٠ كلمه 👍

قراءه ممتعه❤

#عندما_يعصف_الحب

#بقلم_الكاتبه_مولاتي_زينب

#البارت١٩

سد التلفون عزام بدون اي كلمه والتفت وحجه هاا صدكت شفت خستها نذالتها

علي بصدمه يحس نبض كلبه صار طبل وجها احمر ورجفه بيديه ورجليه وحجه بصوت مخنوك هاي من يمته

عزام خويه هاي حيه ركطه وماتستاهلك لاتحرك اعصابك ادري مو سهل عليك الي سمعته بس انت لازم تعرف ولاتعيش مغشوش وي هاي النذله

حجه علي بنفس الصوت ونفس الكلمه هاي من يمته

عزام اتنهد وكال من زمان

علي بعصبيه وصوت عالي وهستوووك تحجي هستووك ياعزااام شلون رضيت علي انهان واصير غشيم اكبالك وكبالها شلون رضيتها تغششنيي

عزام ادري وحقك تصيح بس انه كلت عسى ولعلى تفيد وياها النصيحه او التهديد يامه هددتها بلكت ترجع العقله والله يهديها وربك يحب التواب وغفور بس الظاهر هاي ماذكرت اكو الله وما اهتمت الاحد ولاخافت من شي

علي اااااخ ياعزااام شلون شلووون وعض على اصبعه حيل

خله عزام ايده على جتف اخوه حقك حقك ياخويه تنقهر والله يلوم الي يلومك بس هدي هاي الرخيصه ماتستاهل ترفع ضغطك على مودها روح طلكها وطردها من بيتنه والله لايردها واعتبر الي جان ماجره وانه ماراح اكول الاحد ولا انت هم لاتحجي طلكها والي سأل عن السبب كله ما احبها ولاتحبني خويه خل نستر الموضوع وهل شي بي حفلض الكرامتك وسمعت لبنيه لان التشهير مو طبيعتنه ولاتربيتنه ولاترضي الله وسلمها لله هو يحاسبها بلي يناسبها كوم خويه ولاتكدر خاطرك وسحبه من ايده وكومه وراحو للبيت

دخل علي وعيونه بكصته وصاك على سنونه وعزام وراه

شافهم ابوهم وحجه بسرعه خيرر شبيكم والتفت على عزام وانت شجابك بس المصايب من جوه راسك

عزام جزاك الله خير بويه على حجيك الطيب ودار وجها وطلع

علي صعد الدرج بسرعه فتح الباب وضل واكف بالباب وعيونه على زهراء الي كا العاده كاعده بغرفتها وتبرد باضافرها رفعت عيونها وحجت ببرود همم اشو اليوم راجع من وكت

جان علي يتنفس بسرعه وصاك على عضام فجه

زهراء عافت المبرد شبيك

علي انفجر بصوت عالي ولج اتحبييين اخوووي وجراها من شعرهاا ولج مستغفلتنييي وتضحكين عليييي ولج كليوم اجي الغرفتي حسبالي زوجتي شريفه وباله وكلبه الييي واثاري انتي تحبين اخووووي كلبه ساقطه كح... بت شوارع ماخفتي من ربج ماكلتي انتي بذمت رجال ونزل عليها طك بهستيريه وهو يصررخ

جانت هي تصرخ واهله يدكون بالباب ويردون يفتحونه بس هو قافله

وصرخ بصوت عالي والله ثم والله اذا مارحتو منا اليوم اموتها خلاص وابتلي بيها واضل ادك عليها منا لحد ماتموت روحوا مناااا احسن

ابو عزام يبا فهمنا شسوت كوول

صرخت زهراء تسالني ليشش عمي اني اكلك ابنك بجرك يحبني وخلاني احبه وهسه جاي يشكي من حبي الزوجي سمعتنيييييي

علي انجبي سااااقطه انه سمعت كل حجيج سمعت شلون ترخصين بنفسج لخووووي يحجي وهو يدك عليها

زهراء ما مجذبه والله مامجذبه هو يحبني وخلاني احبه

خلصت احجايتها وسمعو رفسات بالباب حيل وصوت عزام يصرخ افتتح علييي افتتتح ولك

فتح الباب وهو يلهث دخل عزام وعيونه تجدح وهو يباوع الزهراء ولج احبج هاااا احبج الساقطه الرخيصه تفووو علي وعلى كرامتي اذا احب وحده مثلج جايفه ساقطه رخيصه بايعه روحها تفوو عليج

زهراء ولك عزام نسييت نسيت ايامنه قبل لا اتزوج لو شنووووو

عزام تخسين ايامنه يا ايام هايي اذا انتي جنتي تحبيني فاعمري ماحبيتج ولاعمري حجيت  ويااج  ولا وعدتج بشي ومستعد احلف على حجيي هذاا

سعاد ماله داعي تحلف خويه اني شاهدهةعلى كل مره جانت تانيك بيها وهي تكعد بالحديقه وبضلام اليل بالاول جنت اتسال ليش تكعد بس لمن راقبتها وسمعت حجيك وحجيها وشفتها شلون اترخص بنفسها وشفتك شلون اتردها اعذروني بس اني شفت هلشي واجب علي  اكول الحك

علي بنت الكل... انتي طالق وروحي انجسحي لهلج ورفسها طيحها بالكاع ومالج شي اهنا وشمر العبايعه عليها يله لبسسسي برااا  كح... ساقطه وسحلها من ايدها الدرج كله وشمرها بالشارع وسد الباب

صرخت احبه وهي تبجي واللله احبه احبك يانذل

البيت انشحن هذا اليستغفر وهذا اليتحسب وهذا الي يأفأف

وعلي دخل للغرفه وسد الباب رادت تروح امه يمه بس عزام صاح بيها وكلها عوفو ابحده

ابو عزام شلون دره وشنو دليله

عزام انه سمعته مكالمتها هل كلبه

ابو عزام الله ياخذها

بهل اثناء اندك الجرس مال الباب

عزام انه افتح ويله في امان الله

الكل الله وياك

راح فتح الباب شاف ورود جايه وجايبه جنطه ملابسها

عزام انت شجابج وهي شنو ليش

قاطعته وحجت شنو تريدني بعد السمعته امس منك اضل كاعده وياك  ودخلت  هاا ونسيت طلكني

عزام سحبها من ايدها انتي شتحجين هه اكيد جاي تتشاقين تعرفين شنو يعني اطلكج يعني اموت ولج اصلا انه ايام العشتها بلياج ميت هه ولج انه مو اعشكج انه روحي بيج واذا رحتي تروح روحي سمعيني يبنيه اذا ماتعرفين شنو حب روحي اقري عنه وسألي خل يكلولج ان الحب مو سهل والحب مراحل واقوه درجات الحب هو الهيام وانه هاااايم

انتي مريتي شايفه شلون حلوه هاي الحجايه حسيت ملكت الدنيه بهاي الحجايه

راد يطلع بس قبل لايسد الباب حجه فكري حبيبتي فكري ونطيني فرصه مو هذا رايج

مشت ورود وهي تبجي وتمسح بدموعها ياربي اتمنيت حجي امس يطلع حلم بس لا هسه تاكدت ان الجاي يصير اسوء كوابيسي  وانصدمت وهي تمشي بابوها الي جان واكف وسمع حجي ابنه

ورود بابا شبكته وهي تبجي

ابو عزام تعاي بابا تعاي ودخلها ودخل

مر اليوم كلش كئيب داخل البيت علي الي ماطلع من غرفته و ورود كذالك واهل زهراء يتصلون ومايملون على ابو عزام رغم هو فهمهم كل السالفه بس ضلو يتصلون شلون وليش ويمته ويستفسرون

ام عزام خذه حيلي علي وليدي حابس روحه ومقهور وهذاك هم هسه كلبه مشعول نار اكيد  و ورود الي ماترضا تحجي ويه اي واحد وكلما ادخل عليها تسوي روحها نايمه

ابو عزام فز من صفنته وكال تدرين يا ام عزام اليوم عجبني حجي عزام ومن مساع الهسه افكر بي

ام عزام شبي شكال

ابو عزام ماشفتي شلون يحجي عن حبه الورود وشلون جانت نبرت صوته بيها ترجي وتوسل عزام انه مربي واعرفه طول عمره صوته بي قوه بس مساع شفت شلون هو ضعيف كبال ورود وشلون صوته مكسور وعيونه تحجي خوووف خايف لا ورود تروح من ايده التفت على ام عزام بهتمام من كلي يحبه ماتصورت هيج يحبه كلت يومين وينساها ونسلم من حجي الناس وتنهد بس اظاهر حب عزام الورود مايوكف عد حجي الناس ولاراح ينسه هل حب

ام عزام جا ليش ياحجي معارض زواجه وحبه

  ابو عزام كتلج ماجنت متصور هلكد يحبها اصلا انه وين اعرف بلحب انه واحد من خذيتج حبيتج وهاي هيه

ام عزام ههههه همزين كلت حبيتج كلت يمكن حتى انه ماتعرف تحبني

ضحك ابو عزام وصفن شوي ورجع حجه بس مجتمعنه ماراح يرحمهم وراح يحجون عليهم ويشوهون صورهم

ام عزام اووف ياحجي هما الناس شعدهم غير بس يلوجون بلحم الوادم

ابو عزام هز راسه ورجع صفن وحجه بس انه المحيرني شبيها ورود وليش ردت وهي تبجي
معقوله ماجانت تدري عزام يحبها

ام عزام ياا جا شلون قبلت وتزوجته

ابو عزام هم كلت والله مادري

ام عزام ماهي راضيه تحجي وكلما ادخل عليها اكعدها ماتكعد وتكلي تعبانه

ابو عزام خليها مردها تكعد وتحجي

يوم ثاني الصبح

ورود وهي تصيح وتدك عاى باب غرفه علاء علللاء علللاء اكعد فدوه وصلني للجامعه والله تاخرت عللاء

علاء وسم يسم الدرب الجابج مو كلت اليوم ما اداوم منين طلعتي

ورود عفيه فدوه على ما الكالي خط ويه البنات

علاء جا الايام الراحت شلون جنتي ترحين

ورود دنكت وحجت بقهر عزام يوديني

علاء اهاا اوكفي خل ابدل وخمس دقايق وطلعت ورود وعلاء حاولت هواي امها وسعاد يحجن وياها بس ماكو فايده قافله من تضوج او تنزعج ماتحجي لحد ماتهدء

علاء شبيج ورود

ورود شبيه

علاء اقصد شبيج انتي وعزام

ورود اتنهدت مابيه شي

علاء بروح العزاز كولي شبيج

ورود شبيه علاء انه انصدمت وتفكيري ضااع

علاء شكو ليش شصار احجي

ورود تتخيل عزام جان يغشني ويضحك علي ولك عزام طلع يحبني واني المتصورته يعاملني باخوه وجنت على فطاريتي اجيله واريد اشبكه او ابوسه وهو طلع يفكر بيه تفكير ثاني

علاء ثول ههههه

ورود امدااك صوجي احجيلك

علاء رعنه عزام اكثر واحد يخاف عليج ويحبج اي انه واحد من الناس جنت شاك بي يحبج لان يخاف عليج حتى من روحه ومحافض عليج من نضرات عيونه لذالك لبسج حجاب ومنع انج تتقربيله لان يحبج حب نضيف حب بالحلال ما استغل فطاريتج على كولتج ولو مستغلج جان كلشي يكدر يسوي على ابو انتي اخته اكوول سدي حلكج وحمدي ربج عزام  راح يصونج ويحبج ويعيشج ملكه والله يا الله

ورود بس اني ما اكدررر ما اتخيل انسان من وعيت على الدنيه وهما يكلولي اخوج وعيشت هل فكره بعقلي وكبرتها وبعدين يجيني فجأه ادري بي يحبني
تره صعبه مادري ما اكدر اتقبل هل شي

علاء الله كريم بس انصحج فكري وحاولي لاتتخذين قرار بسرعه

هزت راسه باي وهي مامقتنعه

ودقايق وصلو للجامعه نزلت ورود وهي تاشر العلاء بااي

واندارت اتكمل طريقه بس سمعت هورن قووي من وراها التفتت وهي تباوع منو هذا ومركزه على الي بداخل السياره

نزل رضا من السياره وهو ينزع النضاره الشمسيه ويتقرب عليها بخطوات بطيئه

يتبع......