رواية عندما يعصف الحب الفصل الثالث والعشرون 23 - بقلم زينب العبيدي(زينبيه)

شلونكم 🙋‍♀️حبات قلبي❤

هذا نص بارت متكون ١٦٦٨ كلمه 👇

انتضروني بالنص الثاني باليل او باجر الصبح شوكت ما اكمله انزله🤷‍♀️

#عندما_يعصف_الحب

#بقلم_الكاتبه_مولاتي_زينب

#البارت٢٠

ورود دارت ضهرها ورادت تكمل طريقها صاح عليها رضا ورود اوكفي شووي

اتنهدت ورود التفتت عليه شجابك وشتريد

رضا حقج اصلا لو انه منج ما اوكف ولا ارد على واحد مثلي بس انه جاي اسولف وياج خمس دقايق ما اعطلج بس لازم احجي وياج

ورود واتفضل احجي

رضا تعاي بالسياره

راحت قبله وصعدت بالسياره واجه هو صعد وراها

اكتفت بالسكوت ودارت وجها للجامه

حجه رضا بهدوء طبعا هوواي حاولت احجي وياج واجيت البيت اهلج مانطوني لاعنوان بيت عزام ولا رقمج  وحقهم ما الوم احد الي سويته خلاني اصير حقير بعيون كل اهلي (والتفت على ورود)بس والله ياورود والله انه مو حقير ولانذل ولا هاي اخلاقي
انه انسان هادئ كافي الناس خيري شري الناس كلها تعرفني انه شنو اصلا انه بحد ذاتي مستغرب الي سويته عمري ما معامل بشر هيج لا ونوب مره هوااااي استصغرت روحي بفعلتي هاي (واخذ حسره)بس انه ياورود الصار وياي مو شويه شوفي انه صح عشت عندي ام وابو وعندي اخت بس عمرهم ما حسسوني بحنيه الام والابو امي حنينه بس عمرها ما احتوتني واجتلي وكالت شبيك مابيك سولف احجي ترى مو بس لبنيه تحتاج الامها وتحتاج للاهتمام حتى الولد بحاجتها وبحاجت عطفها امي تستنكف اتطيح ادموعها كبالي انكسار على حالتي ماعدها هل شي ابوي حنين وطيب بس اذا لاحضتي هاي طبيعته وطبيعة كل عمامي مغلفين طيبتهم بطابع القساوه وعدهم حب السيطره على عوايلهم وهل شي غلط لان الكل واحد رائي خاص بي حتى لوجان اصغير اخذ رائيه بعين الاعتبار واحلله بلعقل وبما يرضي الله واشوف اذا هل شي الصالحه او لا   باختصار ياورود انه بشر حساس واحس روحي شما كبرت اضل محتاج اهتمام ومحتاج حنيت اهلي الما حسيت بيها فما اطول عليج السافه (ابتسم ورجع حجه) الله خله بطريقي وحده اااخ ياورود لو شما احجي عنها قليل بحقها جانت تخاف علي اكثر من امي (ورجع يبتسم وهو يحجي)تتصورين جانت بالشته تتصل علي كل يوم الصبح كليوم تحلفني لاتطلع بس بالقميص البس ملابس هواي لاتتمرض الله جنت احس انه طفل وهي امي خوب من تسمع بيه مريض احس لحجايه تشك صدره وتطلع وتكول بيه ولابيك اكو ناس تعرفها من تتصنع الموضوع بس هي جانت من كلبها تحجي والله تبجي علي بواجي امي ماباجيه علي دمعه من دمعاتها اخ اخ ياورود شسولف وسوالفها كلها حنيه وكلها طييبه (وسكت شوي وهو مدنك و ورود تسمعله باهتمام حسبالها اليحجي عنها هي دعاء ورجع كمل) بس خذاها مني جف الموت وضليت بحسرتها مثل طفل وراحت امه من ايده وهو حييييل متعلق بيها كرهت النسوان وكرهت الحب وكرهت الزواج وجني نفسه هذا الطفل الراحت امه ومايريد مرة ابو تسد مكانها بس ياورود محد قدر ضرفي المريت بي اهلي تعايشو وي حزني يوم واحد وره شهر كلولي ماتتزوج ماتخطب وجن الي راح مني حيوان ولكم ياناس هو حتى لو حيوان هم كلبك ينكسر عليه ويجوز تنزل دمعتك جا شلون الفكد حبيبته وصديقته وامه واخته كرهت الزواج بس هما لا ضلو ايزنون ويعيدون ويصقلون بسيرت الزواج لحد ماخلوني كلما تنفتح سيرت الزواج كبالي يزيد كرهي للزواج وللنسوان محد قدر وضعي محدد بالعكس كلولي شسالفه هي حبيبتك قابل خطيبتك لومرتك او ام جهالك مايدررون ان وياها جنه عايشين احلى اياام جنه بخيالنه متزوجين ومسمين جهالنه (وابتسم بانكسار)حتى الارضيه مال بيتنه فارشينها على ذوقها والغرفه على ذوقي والمطبخ هي اثثته وانه اختاريت اثاث الصاله ههه هذا كله بخيالنه جنت امتاني تخلص السادس واخطبها لان اهلها مايقبلون اله تكمل دراستها (دنك )بس مالحكت اربط اسمها باسمي ولا شفت جنسيتي مزينه باسمها (وتحسر)

حجت ورود بصوت خانكته العبره وعيون مغوركه شلون ماتت

رضا هي بيها فقر دم منجلي بحري وكايليلها بعمر ١٨ او ١٩ تموت لان كل فتره يغيرولها دم وماتت بعمر ١٩ سنه وتركت بكلبي غصه

نزلن ادموع ورود وحجت جنت متصوره انت تحب دعاء

رضا لا دعاء ابنيه تكسر الخاطر ما الها احد امها جانت تشتغل عامله اتنضف با الشركه الي اشتغل بيها انه مره جبيره تكسر خاطري  فا هيه عرضت علي اتزوج بتها لان ماعدهم احد وهي تدري بكل قصتي بس انه هم رجال وعندي احتياجات خاصه مثل كل رجال واكره شي اسمه حرام ولاعمري تقربت الهيج شي فاتزوجتها وبرضاتها وتعرف حالتي بس عمري ماحسيت بيها زوجه ولاكدرت احبه فما جنت احس نفسي جاي اخون حبيبتي لان جنت احسها مجرد رغبه وخلال ربع ساعه ينتهي كلشي بس لمن اهلي خلوج بطريقي وفروضج علي طبعا انه اسف لهل حجي الي جاي اكوله عنج بس هذا الي صار وحبيت اكلج الصراحه

ورود لاعادي اصلا جنت حاسه بس محد شجعني على احساسي كلهم يغطون عنك

رضا اسف لان مافرحتج بيوم المهم جنت مغصوب  وابوي مثل ماكتلج عنده حب السيطره على كل فرد بعائلته فا تزوجتج مو برغبتي وجنت حاس بالخيانه رغم انه متزوج قبلج ماحسيت بهل شي زين ليش من خذيتج حسيت انه جاي اخون حبيبتي الي انطيتها وعد ان ما اخذ مره غيرها فكرت دورت هواي عن جواب السؤالي مالكيت فجنت اعاند شعور بداخلي يكلي يجذبني الج جنت اكابر واكول لا انه ما احب غير حبيبتي الخذاها الموت مني وللابد فاصرت مثل المريض اعاملج بقسوه وائذيه عكس عادتي عكس هدوئي ردتج اطفرين وتصرخين ما اريده حتى اطلكج جنت مخبل واعترف لا وغبي هم لان مافكرت انتي ماالج ذنب بكل هاي السالفه انج مالج ذنب بحالتي النفسيه بمرضي العقلي ولا الج ذنب سوايت اهلي الي يدرون انه مريض وغبي وخلوج بطريقي فا لمن صار الي صار ورحتي الاهلج زعلانه اول مره كلت اي واخيرا راح اطلكها بس لمن سمعت ان عزام يحبج جن جنوني مادري شصار بيه جنت اقنع نفسي واكول انه جاي انتقم من عزام لان طكاني بس لا ابد جنت اجذب على نفسي ورجعتي بدت بكلبي غيره قبل كلشي صرت هواي اصفن بوجهج وانتي ماتدرين احب ادخل للبيت واسمع صوتج بس هم ماصارحت روحي وكلت هاي اوهام انه ما احب ولا راح احب عاندت شعوري مريض كتلج مو بيدي فابيوم قررت اتقرب منج ونكعد سوه واسولفلج هاي السالفه كلت عسى ولعلى تتفهميني وبالمره يمكن اكدر اصارح روحي بعد مانكعد سوه واتاكد ان البيه انجذاب الج بس مالحكت وصار الي صار وعرفتي بسالفة دعاء وما الومج من اتطلكتي مني بس ااخ ياورود والله ما مجذب عليج يوم الي طلكتج حسيت كلبي انكسر مره ثانيه حسيت افكدت وحده ثانيه اتعلقت بيها صح ماشفنه ايام حلوه سوه ولاكعدنه سوه بس جنت متعلق بشوفت وجهج والظاهر انه جنت احبج بس اكابر ومعاند روحي لان جان ببالي اني مستحيل احب وبعد ما طلكتج حسيت بفراغ والله ما اجذب عليج من اكلج جنت اتخيلج اكبالي وفد مره من المرات من رجعتيلي ورا المشكله الصارت يعني قبل ما اطلكج دخلت عليج للغرفه وصورتج وانتي نايمه ههه من صورتج جنت اكول الروحي ليش سويت هيج وليش صورتج ولمت روحي هوواي بس ماكدرت امسح التصوير وكليوم افتحه واباوع عليج وهسه وبعد موجود التصوير(فتح النقال وطلع تصوير فيديو قصير)شوفي 

اخذته ورود وهي تباوع وبعدها على صدمتها ورتباكها وتوترها من كلام رضا

كمل رضا كلامه بينما ورود اتباوع على الفيديو وكال مادري ليش حبيتج يمكن رغم انه منعت كلبي يحب من ٥سنوات ومادخلت مره بتفكيري بس انتي اجيتي بالغصب ودخلتي فكري وكلبي وانه من يوم العفتج لليوم كلبي يوجعني واحسس حيل محتاجج واتمنه لو اكدر ارجع الزمن جان عشت وياج ايامنه بكل تفاصيلها ادري انتي متزوجه هسه بس (دنك وغمض عيونه حيل وحجه)طالبج لاتكسرين كلبي مرتين متاكد اذا انحرمت منج انتي الثانيه مستحيل راح اكدر استعيد قوتي ولا اكدر ادوي جرح كلبي بعد

رادت تحجي ورود وعيونها كلها دموع قاطعها رضا لا فكري طالبج اتفكرين ادري بيج انتي ماتحبين عزام وحاسبته مثل اخوج انه قريت عيونج بيوم العقد عليج ورود انه ماصدكت الكه انسانه تغير حياتي وداوي جرحي وتنسيني ماضي مر (اتنهد )فكري واتاكدي ان راح احترم اي قرار تتاخذينه مالومج باي شي

نزلت ورود وراحت تمشي بخطوات بطيئه وضامه الكتاب البيدها حيل على صدرها والتفتت على رضا شافته مخلي راسه على الستيرن ومدنك كملت طريقها وراحت وبالها مو وياها مادخلت ولا محاظره ولاقبلت تحجي وي صديقتها عن الي بداخلها ومرت عليها الساعات بالصفنات والحسرات لحد ماخلص الدوام حجت وياها نور صديقتها الي فززتها من صفنتها

نور شنو ماناويه تطلعين من الجامعه

ورود هاا اي اي هسه اتصل على اخوي

نور يمعوده يا اخوج على مايجيلج اتضلين تنتضرين امشي احنه انوصلج

ورود لا ماحب اكلف عليكم وبعدين انتن رايحات وي ابو الخط مو خصوصي زحمه

نور لازحمه ولا خرابيط ابو الخط خوش رجال بس احجي وياه امششي

ورود اوك وشالت كتابها وجنطتها وراحت هي ونور وقبل ماتصعد وي نور للسياره اجاها صوت من وراها
ورورد

التفتت وشافت عزام واكف يم سيارته اتنهدت والتفتت على صديقتها وحجت حبيبتي نور شكرا راح اروح وي اخوي اجه

نور اوك تمام باي حبي وشوكت ماترتاحين اتصلي علي وسولفيلي البيج

هزت راسها ورود بمعنه اي واشرتلها بيدها بااي

اجت تمشي وصعدت بالسياره بدون اي كلمه

عزام وعليكم السلام ورحمه الله وبركاته

اكتفت ورود بالسكوت

حرك السياره عزام وهو يحجي اليوم اجيت عليج كالو علاء خذاج لاجامعه

ضلت على نفس سكوتها وما نطقت ولاكلمه

اتنهد عزام وحجه ورود مو بيدي لاتحاسبيني على شي مو بيدي هو حبج( واشر على كلبه) لاستاذن ولاخذه راي احد

ورود ليش ماكتلي اقلها ما انصدم بيك فاجئه هيج واني متصورتك جاي تساعدني لان اني اختك مادريت انك اناني وتفكر بحبك مو باختك

عزام شلون اكلج وانه اعرف عقلياتكم شتفكر وتردين اتقنعيني لوكايلج قبل سنه او ثنين جنتي راح تتقبليني وماتنصدمين مسستحيل انه كايلها واكوله هسه انتم حرمتو علي حب الله مشرعه كله بسبب تفكيركم وماهمكم اتضيعون حب مال سنين ولوعه وسهر ليل علمود تفكيركم الي يعارض شرع الله

ورود اتنهدت بس صدمتني والله صدمتني انسان عشت وياه طول عمري على ان هو اخوي بعدين تعاي فاجئه تقبلي حبيب وزوج

عزام من يمته  انه عايش وياج طول عمري عايش بالغربه كله بس علمود اشرد من حبج وانتي بلسانج كايلتها ما احسك مثل باقي خواني  ولامتعوده عليك ليش ماتنطين روحج فرصه وانطيني فرصه اثبتلج ان انه ميت عليج ترى ورود من اكلج انه مالي حياة من غيرج مو حجايه والسلام لا انه صدك احجيها وحتى لو رفضتيني مسسستحيل انسه حبج لان حاولت هواي وماكدرت اتغربت ومانسيت اتزوجتي ومانسيت حاولت اخطب ماكدرت انتي عايشه بداخلي ما اكدر افكر بغيرج بلعكس يوم عن يوم جاي يكبر هل صخام هل حب بكلبي وادري راح اتعب واتمرمر من وراه بس صار حتى العذاب والمرار هم استلذ بي وتردوني ادفن حبي ما اتصور لحد مايندفن هل جسد يمكن يندفن هل حب

دارت وجها ورود ودموعها تنزل بصمت تذكر حجي رضا ويدور براسها حجي عزام ماكافي حب عزام الي صدمها وحيرها جنها ناقصه ورضا كملها.......

يتبع.......