رواية عندما يعصف الحب الفصل الخامس عشر 15 - بقلم زينب العبيدي(زينبيه)

مررررراحب🙋‍♀️ وشلونكم يالربع وشعلومك عسى العافيه تحوشكم وين ماجنتم😍
تره اني الكاتبه الي جاي احجي مو فيصل🤷‍♀️

وهذا بارت الاحلى متابعين وكولوو الزينبيه ماتدللنه😒

ترى جذب بس كلت خاف يخلص اشتراكي مال النت😜 لان تدرون اني مشتركه ع الشريحه فا نزلت الكم بارت واحاول اكتب 👩‍💻اذا كدرت انزل باجر هم مو علمودكم لا علمود النت لايخلص 😁

بس ترا اني احبكم 😍😘

علقوا وصوتو 👍وشجعو👌 وصفكو👏 وركصو💃🏻🕺 والي مايعلق ويصوت ايحوشه انشاء الله حگر بگر🤲

#عندما_يعصف_الحب

#بقلم_الكاتبه_مولاتي_زينب

#البارت١٤

رضا تساعديني؟

زهراء شوف رضا عزام يحب ورود ويموت ويملكها وجاي يخطط يطلكها منك حتى يتزوجها اذا اكلك روحه هي قليل ورود هسه حلالك شرايك تنزف جروحه شوي صدكني راح تأذيي اضعاف اضعاف الطك الي اكلته منه

رضا يخسي هل حيوان يوجعني كل هل طك ماحرك بيه غير الانتقام بس تعاي انت من يكول كلامج هذا صح يجوز تحجين هيج لحتى ارجع ورود وهاي خطه منها

زهراء ورود الود ودها ماتشوف ركعت وجهك واذا على صحت كلامي لحظه هسه اثبتلك.......

رضا ضيك على عيونه وهو يباوع بالتلفون وابتسم ابتسامه جانبيه ههههه راح نلعب لعبه صغيرونه ياابن عمي راح ادفعك ثمن مدت ايدك

رضا الوو

ابو رضا الوو ها شعندك

رضا يبا باجر العصر انروح البيت عمي اريد اعتذر لعمي واطيب خاطر ورود وارجعها

ابو رضا بستغراب صدك يابوك لوو

قاطعه رضا اكيد صدك انه ندمان على كل الي سويته يبا و ورود اريدها وشاريها

ابو رضا ايي هذا الحجي الزين تدلل وبابا باجر يمته ماتريد نروح انروح اهم شي انك عرفت غلطتك

يوم ثاني العصر الساعه 5:00

ورود يمه كتلج مااطلع ولا اسلم وكلولهم يرجعون منين ما اجو

ام عزام يمه حبيبه والله محد يغصبج بس ابوج كال خل تجي عمج ورجلج عدهم حجايه يكولونها ويمشون

ورود  ابد هذا واحد حقير جاي يسمم روحي ويروح كلولهم نايمه وماجاي ترضا تكعد

ام عزام اووف الله يهديج وراحت اشرت الابو عزام واجالها

ابو عزام ها ورود وين

ام عزام والله ياحجي ماتقبل تجي وتكول ماريده

عافها ابو عزام وراح الغرفه ورود فتح الباب ودخل

كامت ورود من مكانها وحجت بابا والله

قاطعها ابوها ابنيتي شوفي وداعت سنين رباج انتي مو هينه علي تعاي سمعي حجي وياهم وشوفي شراح يحجون واذا عجبج رجعي ماعجبج بالطكاك بس ها بعقلج فكري و وزني الامور بميزان مابين مستقبلج وحاضرج وكيفج انتي

ورود اوك اذا هيج خل شوي وجايه

هز راسه ابوعزام وراح

عدلت شعرها وطلعت من غرفتها شافت علاء كبالها خلت الحجاب على راسها

علاء اف صايره تلبسين حجاب مني الصخله

ورود انت صخل جاغير حرام مو هيج يكول عزام

علاء عاااا صايره تاخذين حجي عزام

ورود اتريد الصدك توضحلي بس هو الصح بين هاي الناس كلها

علاء عاااا مره ثانيه  وانه

ورود وحعااا انت نقمه نازله من السمه

علاء ياثوله اشو باله تعاي هنا  وجراها من شعرها من فوك الحجاب

صرخت ورود لالا اوووكف

علاء شبيج

ورود عزام يكول حرام الملامس بيناتنه

علاء هههههه خرب والله حسيتج انتي مو ورود معقوله جاي طبقين حجي عزام وانتي الجان عقلج يوكف من تدخلاته   بس لا هيج احسن عفيه بنيتي

ورود اكول وخر خل اشوف عمي ورجلي التحفه شعدهم

وراحت للديوانيه دخلت وكالت السلام عليكم بس بدون ماتباوع على رضا

الكل وعليكم السلام

ابورضا شلونج ابنيتي

ورود والله باحسن حال

ابورضا دومج يابويه

ابو عزام تعاي بابا كعدي يمي راحت كعدت يمه حجه ابوها شوف يابو رضا طبعا ماقبلت تجي بالكوه ورافضه فكرت رجعتها بس انه عندي شروط عليكم واذا وافقت ورود هذيج الساعه عود ترجع

ابو رضا حكها واشروطك اوامر ياخوي والله انت شتكول رضا

رضا انت فصل ياعمي واحنه نلبس اهم شي ورود ترضا عني وترجعلي

فتحت عيونها ورود بصدمه وحجت بنفسها معقوله هذا رضا لو مبدلينه رفعت عيونها باوعتله حتى تتاكد ان هو هذا رضا لولا باوعلها وابتسم دنكت بسرعه

ابو عزام سمعي يابنيتي اذا وافقتي فا انتي راح ترجعين بغرفه بحدج ومحد يتعرضلج لا رضا ولا اي واحد واذا صار وتعرضولج تلفونج يمج رنه وحده وتلكيني باب بيت عمج وهل مره ماراح اسكت ولا اسامح الكل يحترمج وطلباتج مجابه واذا سمعت حارمينج من شي او مانعينج من تلفونج لاهذيج الساعه تصرفي يختلف وماراح اسكت وكل يومين اجيج واطمن عليج واشوف وضعج بالبيت وتضلين على هل حال مدت 6شهور واذا عجبج تستمرين بزواجج ويه رضا وشفتي تغير خير على خير ماعجبج لايردج غير السانج تعاي وانه اطلكج منه وانكول ماتفقوه بس خلي ننطي فرصه اخيره لان ابغض الحلال عندالله الطلاق ومنحقه ياخذ فرصه ثانيه اذا هو رايدج وشاريج واله شرايك خويه ابو رضا

حجه رضا قبل مايحجي ابوه كل هذا من حقها وتدلل والي تريده يجرالها واكيد انه شاريها وما مستعد افرط بيها وحسيت بغلطي واجيت ندمان وقابل بكلشي عدا الطلاك

ضلت ورود مفهيه معقوله رضا هذا الجاي يحجي معقوله تغير بس اذا باله شي سيئ اكيد بعدهاي الشروط ماراح يكدر يسوي شي زين يجوز صدك ندمان ياترى انطي فرصه لولا

ابو عزام ها شرايج بويه

ورود اتنهدت اوك موافقه انطي فرصه بس اذا ما عجبني الوضع ما انتضر 6شهور يله ارجع

ابو رضا وهم موافقين

رضا مشكوره ياورود لانج وافقتي وانشاء الله اكون عد حسن ضنج وكام باس عمه على راسه اسف يعمي

ابو عزام اعتذر منها مو مني

رضا اسف وردايتي والتفت على عمه وكال عمي خابرلي على عزام رايد اعتذر منه

ابو عزام لاتشيل هم عزام انه احاجي ابني كلبه جبير وعقله اكبر راح يسامحك حتى بلا ماتعتذر

رضا لاعمي انه ملزم اعتذر منه اتصل عليه بس ياريت ماتكله انه موجود او لاتكله شي بس اطلب منه يجي لان اكيد راح يرفض من يسمع بيه هنا

ابو عزام على راحتك اتصل على عزام

عزام الو هلايبا

ابوعزام تعال يبوك عندي حجايه وياك

عزام يعني ماتتاجل البعدين من ارجع من الشغل

ابو عزام لا يبوك اذا تكدر تعال هسه

عزام لتعجب من الحاح ابو كال اي جايك يبا اقل من ربع ساعه وجاي

ابو عزام راح يجي والتفت على ورود روحي لمي ملابسج بابا

ورود هزت راسها بمعنه اي وراحت تلم بملابسه وتبدل وامها وسعاد يمها ويسألنها شكال ابوج وشحجه سعاد جانت معارضه رجعتها بس ام عزام تسكتها كل ساع وتكللها يايمه خل تنطي فرصه الطلاك شين يايمه وبعدين البنيه رجعت بشروط ابوها الترفع الراس
اما زهراء الجانت مراقبه كلشي عن بعد وتبتسم بشر
وتتذكر فكرتها الي اجتها لمن جانت تحجي وي عزام بخصوص طلاك ورود وجان جواب سعاد كافي الي اكده بالصحه جواب عزام وشلون سجلت كلشي بنقالها والي رسلته الرضا وخلته يجي وينتقم من عزام وهي تخلص من ورود ابتسمت بفرح وانتصار

رضا الي عينه على الساعه ايده ويتاني عزام بفارغ الصبر ولمن حس ان الوكت مر هواي واكيد عزام واصل قريب التفت على عمه وحجه عمي من رخصتك اكدر اروح يم ورود واحجي وياها تكدر تسويلي طريق

ابو عزام اي صار وليدي كوم وصاح على ام عزام وكالاها وديه الورود جابته ام عزام يم ورود بعد ماطلعت سعاد الي جانت تباوعله بحقد اخذت تلفونها وبحركت كلب على حال عزام اتصلت عليه

عزام الو ها سعاد

سعاد عزام الحك راح يرجعون ورود الرضا

عزام بعدم استيعاب شنووو انتي شتحجين لا

سعاد عزام تعال وشوف بعينك

سد التلفون وشمره على المقعد اليمه وطك الستيرن حيل وضل يمشي بسرعه بحيث كل شوي ويريد يدعم

بنفس الوكت

رضا انه اسف ورود انشاء الله اعوضج عن ايام الوجع العشتيها وياي

ورود اتمنه يكون فعل مو بس حجي يارضا

رضا اكيد وردايتي

دخل عزام للبيت وهو يلتفت يمنه ويسرى محتار وين يروح كلبه يحسه راح ينشلع التفت شاف الاحذيه مال عمه ورضا يم باب الديوانيه الخارج دفع الباب بلاوعي وهو يصيح وينه ماياخذها سامعين ماياخذها ويلتفت يدور عليه بس ما موجود

دخل جوه بسرعه وشاف سعاد بطريقه صرخ عليها وينننه

سعاد بانكسار على حال عزام بالغرفه

اتجه للغرفه بخطوات سريعه دفع الباب وهو يشوف رضا لازم ايد ورود وهي مكشوفه عليه بدون حجاب بلع الغصه وصااح انت شجابك وشتريد وهو يتلفت يمنه ويسره لكه الحجاب خلا على راسها وسحبها من ايدها وعينه بعين رضا ويحس بنفسه يريد ياكله من كد ماكارها

اجو عمه وابوه وراه

ابو عزام بويه تعال نتفاهم

عزام بصيااح ماااا اتفاااهم ورود ماترجع والتفت على ورود الي خلاها وره ضهره كنما يمنعهم ياخذونها منه وحجه وهو يتنفس بسرعه وصدره يصعد وينزل مو صح ورود مو انتي ماتردينه وراح تطلكين احجي ورود مو هيج

ورود لحظه عزام نتفاهم
التفت عليها شنتفاهم ورود هذا الحيوان اذاج وانه شاري...

قاطعه ابوه وهو يصررخ عزاااااااااام برررراااااا

عزام اذا اطلع اخذها وياي

رضا حجه ببرود بس هي تريد ترجعلي واتفقنه انه وياه لان مالي حياة بدونها
التفت عليه عزام وهجم عليه ودار وجه بوكس ركض ابوه وعمه لزمو ويدفعون بي بره الغرفه وهو يصيح ورود لاترجعين اخذيها مني وابو صوته اعلى من صوت عزام حتى لا يبين صوته خايف لايكول اي شي ويفضح مشاعره الي يعتبرها بنظره غلط

ورود الي دموعها بطرف عينها ماتعرف ليش دموعها يردن ينزلن وبيا سبب

طلعوا عزام بره الغرفه وهويصيح على ابوه بشنو قشمرتها وشلون ترضا ترجعها الواحد ذلها

ابو عزام دخله الغرفته وهو يهدي بي وسد الباب عليهم ويكله بويه انه ماذالها خل ننطي فرصه الولد ندمان وحبك هذا يابويه اوهام انساه بويه انساه روح سافر للكويت وخلي اختك تعيش حياتها

عزام الي انبح صوته من الصياح حجه وهو يصرخ بصوته المبحوح موو اختييي ولكم مو اختييي

ابو عزام بس لاتناقش وكافي تصيح

عزام خليني بس اسالها بس اسالها احد جابرها على الرجعه

ابو عزام محد جابرها

عزام اريدددد اسألهاااا هيي

ابو عزام تسالها وتطلع برااا سمعتنيي

واخذه الغرفة ورود
باوعلها وهي تسد جنطتها ورضا يمها وامه يمها الي دموعها تصب على ابنها
حجه بصوته المبحوح ورود

ورود التفتت ها عيون ورود

عزام احد جابرج على الرجعها احجي ولج والله محد يكدر يغصبج وانه اشم الهوه احجي

ورود دنكت لامحد اني قررت انطي فرصه

اتنهد عزام يعني راح ارجع اضيعج

سحبه ابوه من ايده وطلعه بره البيت وكله يله اصعد سيارتك وروح

دنك ورفع راسه غمض عيونه حيل وفتحهن وحجه بصوت توعد وموجه الحجي الابوه وغلاتها ووحك حبها بكلبي الغيري ماتصير وتطلك يعني تطلك معلومه عممها للكل
وصعد سيارته مألف وهو يتحسر على امنيته المو راضيه تصفاله

راحت ورود وي رضا الي يحس ان هو حرك كلب عزام بنار ماتقل عن نار جهنم ماهمه ورود بس همه ينتقم من عزام

دخلت ورود الغرفته الي جهزوها الها رتبت ملابسها ونقلت كل غراضها والكل متجنبها الظاهر الشروط وصلت للكل

ليالي معقوله سوه كل هذا وليش شنو الي يخلي يحبها هلكد

زهراء واكثر من هيج يحبها شوفي ديري بالج تكدرون خاطرها حتى لاترجعله

ليالي واني زهراء شوكت يحس بيه

زهراء انتي شغلتج يمي ولايهمج اني الي راح اخليج باله من خلال الحجي الدائم عنج

ليالي اي فدوه زهراء والله احبه ما اتحمل بعده عني وحبه الغيري

زهراء اي تدللين اصلا انتي افضل وحده وانسب وحده العزام يله باي وسدت التلفون وهي تضحك وتشمره على الجربايه

تغيرت حياة ورود عند بيت عمها صار الها مايقارب السبوعين الكل محترمها صحيح رضا مايعاملها كزوجه بس ابد ما ائذاها ولا اله علاقه بيها لكن هي بعد الاسبوعين بدت تهتم بلبسه واكله وتنضف غرفته
ام رضا صحيح مرات تنغزه ابعض الحجي مثل سوت سحر ووو وحض كح..... بس ماجانت توجها الها الكلام بصوره مباشره لكن ورود تجنبها بكل مره

ام حال عزام. الي جان شبه مجنون يدور زله على رضا او على اي واحد من اهله حتى يطلع ورود من بيت عمه

فيصل ياخويه. اسمع مني هلجلمه. ذبها يم ربك ولذا كاتب الك وياها نصيب خير على خير ماكاتبلك يخوي شوف حياتك واتزوج جود اتنسيك المره حبك

عزام. حجه بنفاذ صبر. انته اما غبي او تستغبي يافيصل جاي اكلك احبها. ولك لاتصور ان ماحاولت اطلعها من كلبي بس بكل مره احاول بيها الكه كلبي يستهزء بيه ويكلي انت عليمن تضحك ولك هاي عايشه وي دمك يعني ماراح تنسيني اياها لا مره ولا اي شي ثاني وانه نريض ومعلول ودواي ورود وبس

فيصل ياخويه. انه مادري شكلك بس من ورا حالتك هاي احس راح يحوشني حگر بگر. شوف يخوي راح اكلك وانه ابد ماريدك تسويها  بس خايف على روحي من ينون البگر الي راح يحوشني واحسه بده وياي بأطراف اصابعي

عزام. والله احس انته البقره بدمها وشحمها ومايطلع من وراك شي

فيصل  يله بلاها بلاها ماني حاجي اصلا

عزام. بطكاك يله الله وياك

فيصل. هاي يزاتي وانه الحسبتك الي راح تتمسك بيه وتترجاني احجي  احجي وتكلي انطگ يا انشتاين  يافيلسوف زمانك المهم. انه الي راح اتمسك بيك واكلك تكفه لاتسده واسمعني

عزام. وهو يضحك. ولك مو انه اعرفلك ماتجي اله بالحگران لان اذا اتمسك بيك تتعزز علي انطق الجوهره بلا زحمه

فيصل. شوف يابو العزم. انته كلشي جربت. الصياح والطك وهاي الاساليب اسمع يخوي. اريد تروح وتكعد ويا. كعدة خوي الخويه وتفاهم ويا. وكله انك اتحبها بس اهلك الي ماموافگين. والي فهمته من كلامك ان هو مغصوب عليها يجوز بالمسايس چلمة الحلوه يلين راسه وان مالان راسه ياخوي امسكله راسه واكسره

عزام. وانه. الي مضيع وكتي واسمعلك. مو كتلك. انته البقره بدمها وشحمها يعني هذا حلك

فيصل. تراني اتكلم جد ياعزام حاول واليحب كلشي يسوي ارضخ لجل حبك

عزام. لا فيصل. هذا شكله مايجي بالمسايس.

فيصل. حاول يخوي حاول منت خسران شي  واعترف بحبك وان مافاد يا اما تزوج وتفكنه يا تيينه هني للكويت  وازوجك ميري الخدامه مال ييرانه تراهي واييد حلوه ياخوي وماناكصها شي بس عيونها حول. ويببلها نركب الها فج وشوي عمليات تجميل على مكياج على تنحيف ونشيلها ونذبها بالزباله شرايك وشكلت

عزام. سد التلفون بسرعه

فيصل. هو هذا شبي انه شكلت صدك لي كالو لاتسوي زين الشر ماييك

عزام. وهو صافن بالغراغ. ويفكر. بحجي فيصل. مو هينه عليه. يروح يتوسل الرضا ولا هينه عليه. بعد ورود عنه. وخله الحالتين ابميزان عقله. ولكه ان حبه الورود يستاهل كلشي يسوي علمود وهاكذا عندما يعصف الحب لا يبقي ولا يذر

ابنفس اللحظه. ورود ياربي. شلون. اني محتاجه شكم شغله ماضل شي على بداية الدوام. ياترى احجي وي ابوي حتى يكللهم. اطلع اشتريهن لو. اخلي هم اهلي يشتروهن. بعد تفكير دام دقائق حجت بينها وابين نفسها. لا باله وانه من يمته اخلي. واحد يشتريلي شغلاتي اشوف اله اطلع واني اشتريهم على عنادهم  اتصلت على ابوها وخبرته. يحجي وي رضا او عمها  حتى تطلع تشتريهم   وبدوره ابوها خابر على رضا. وانطا خبر ان يجيبها الهم. حتى تتشتري. شغلاتها.  ورود. الي متوتره وتروح وتجي  بالغرفه    وتاني مكالمه من ابوها يكللها الموافقه. شويه سمعت دكه ع الباب فتحت. الباب لكت رضا كبالها.

ورود. حجت بنفسها هذا شجابه شيريد.

رضا. شكد محتاجه.

ورود. ش  شنوو

رضا. اقصد شكد تردين فلوس

ورود حجت بسرعه وهي تشمر بيديها بطريقه عشوائيه. لا لا لا ابد مو لازم اني اروح لهلي واهلي هم ياخذوني ولفلوس منعدهم شكرا شكرا مامحتاجه اي شي تكدر تتفضل

رضا.  هاج هاي ٥٠ وشكد تصرفين فوكاهن كليلي  ولو فارغ. جان اخذتج انه. بس عندي موعد مهم العصر

ورود. وهي لازمه ال٥٠ بيدها  وتكلب بيهن وتحجي بنفسها  رفعت حاجبها هذا من كل عقله ٥٠. شنو راح اشتري بيهن.  ياعمي جامعه اقل شي احتاج ١٥٠.

رضا. اضاهر قليلات.  وانطاها بعد ٥٠  ومثل ماكتلج. اذا صرفتي بعد فوكاهن كليلي.

ورود. الي فتحت حلكها وعيونها من الصدمه. ااا شكرا بس منو يوديني لهلي.

رضا. راح انام. ساعه وكعديني الساعه ب ٤:٠٠ اخذج لهلج ودار وجه وطلع وهو يرد على تلفونه  دخل الغرفته كتلج صار العصر جاي. وماصار يوميه دكتور

دعاء. واني شبيدي يعني جاي اكلك احس دمي نازل ورجفه بجسمي

رضا. يعني شلون تحسين دمج نازل مثلا. ع العموم. اجي العصر واخذج

وبالفعل الساعه ب ٤:٠٠.  بدلت ورود وكملت واتفقت وي سعاد تروح ويها  راحت على غرفة رضا ودكت الباب. مره مرتين ٣ ماكعد فتحت الباب ودخلت

ورود. رضا رضا

رضا. همممم

ورود اكول الساعه ب ٤ يله لا لا بال٤ و٥

رضا اي بدلي وكملي وكعديني

ورود. رفعت حاجبها. امبدله ومكمله 

رضا ها زين  اسبح وابدل. واخذج

ورود. ها اي جا كوم

رضا.  شغلي الضوه 

ورود. شغلت  الضوه وشافته كاعد ع الجربايه

رضا وهاي انه كاعد  حضريلي ملابسي راح اسبح

ورود. الله يديمك ويديم هدؤك

رضا تره سمعتج وطلع من الغرف

ورود. وافشلتااه حشه مو ذانات

رضا. هم سمعتج

ورود كمزت والتفتت وراها.  يوو هذا ماطالع من فشلتها ركضت ع الكنتور اطلع ملابسه

سبح وكمل ودخل للغرفه لكه ورود ترتب بيها 

رضا. ملابسي وين

ورود. هذن كدامك

رضا يعني وين كدامي ماشوفهن

ورود هذن هذن وتقدمت عليهن وهي تشيلهن

خله ايده فوك ايدها وكال شفتهن سحبت ايدها بسرعه واتلبكت

رضا. ع فكره انتي كلش حلوه اول مره انتبهلج

ورود بلعت ريقها ورمشت بعيونها بسرعه ات ات ات اتأخرنه  وطلعت من غرفته بسرعه وهي تحاجي نفسها هذا شبي اشو هواي متغير.    

وصلها رضا ابيت اهلها وراح اخذ. دعاء من الشقه.

عزام. الو. فيصل

فيصل ولو انه نايم بس لعيونك الو

عزام. وهو كاعد ورا المكتب مالته. فكرت بكلامك. وراح اجازف. واروحله

فيصل مو كلتلك. اخذ حجايت انشتاين

عزام. اكول انجب وكلي انه مامتعود اسايس هذا القذر وين اروحله.

فيصل اسمعني وافتح اذونك زين

عزام مع السلامه فيصل الله وياك الله وياك وطفر من مكتبه بسرعه  ودفع باب المحل مالته.  وركض للسياره  وهو مامصدك عيونه.......

يتبع......