رواية عندما يعصف الحب الفصل السادس عشر 16 - بقلم زينب العبيدي(زينبيه)

سلااااااااموووون 🙋‍♀️شلونكم متابعيني و متابعاتي الغوالي😍

طبعا هذا الي لحكت اكتبه👩‍💻 اليوم ١٦٩٩كلمه  الله شاهد كلشش مريضه 🤧

احبكم قراءه ممتعه❤

#عندما_يعصف_الحب

#بقلم_الكاتبه_مولاتي_زينب

#البارت١٥

انطلق عزام بسيارته ومامصدك الجاي يشوفه ويحجي بنفسه هاي منو اول مره اشوفها يارب وين الله وتطلع مثل الي بالي تبعهم الى ان شافهم وكفو يم عياده نسائيه

رضا نزلي هاج خلي هاي لفلوس وياج خلصي وخابريني

دعاء اي انشاء الله

راح رضا وضل عزام محتار يتبعمن يضل اهنا لويتبع رضا بالاخير قرر يبقه ويعرف هاي منو دخلت للعياده ضل هو واكف بره بسيارته منو هاي وليش رضا جايبها لدكتوره نسائيه اكيد مو اقاربهم ماشايفها انه من قبل معقوله حبيبته او او يمكن زوجته يارب تطلع مثل ما افكر وضل مراقبها لساعات لحد ماطلعت من العياده للصيدليه نزل من السياره وراح وراها محتار شيحجي وياها وقبل لا يوصل يمها شاف رضا من بعيد جاي بسيارته دار وجها ورجع بسرعه لسيارته وشافه نزل من سيارته ودخل وياها للصيدليه وشكله مبين علي الغضب

رضا انتي خالفتي اتفاقنه يانذله

دعاء لاوالله يارضا بس والله

قاطعها صرفي دواج وتعاي للسياره احسابي وياج بعدين ورجع للسياره

كملت واخذت العلاج ورجعت للدكتوره وبعدين رجعت الرضا الي جان عاكد حواجبه وينافخ حرك السياره

دعاء صدكني رضا اني

قاطعها رضا انتي شنو انتي كسرتي حجايتي وخالفتي اتفاقنه وحبلتي

دعاء بدون قصد والله اني هم مثلك مااريد هذا الحمل تدري كلش زين

رضا جاشلون صار هيج هاااا شلون انتي مو ماخذه احتياطااتج لو تجذبين علييي

دعاء اي والله ماخذه حتياطي بس بس مادري شلون صار هيج وبعدين الدكتوره تكول عادي يصير حمل ببعض الاحيان حتى لو اخذ حبوب مانعه للحمل شبيدي اني

رضا الي ضل ينافخ ويحس بكلبه يتكطع هو اخذه علمود حاجته مثله مثل كل الرجل وهي اوافقت علمود تلكه بيت يلمها هي وامها ورجال يصرف عليها جانت بينهم مصلحه متبادله مايجمعهم حب ولا شي شلون وراح يربطهم طفل

للحظه اجت باله ورود بدل ماتجي باله حبيبته المتوفيه من سنين استغرب من خياله الي رسم صورتها كباله هز راسه يطرد الصوره ويحاول يرجع لعالمه ويفكر بمصير دعاء الي انربطت بي للابد

وصلها للبيت متيدرون بالي تبعهم وهو يصور بنقاله من بعيد نزلت دعاء ونزل وياها رضا الي يضرب اخماس باسداس وليش ورود كلساع تنرسم بصفنته هي عاشت وياه شهر او اقل من شهر وهو مايحبها وكل امنياته يخلص منها ومن هذا الزواج واذاها حتى تكرها جا ليش هسه رافقت صفناته بصفتها شنو دور بكلبه وبقله يبحث عن سبب وجودها بمخيلته وبصفناته ماحصل مكان اتأفأف وكام طلع بره وعزام على نفس وكفته ينتظر تفسير للي شافه كباله

راح رضا ونزل عزام واخذ دفتر صغير وقلم من الجكمجه مال السياره راح دك الباب على البيت الكاعده بي دعاء شوي وطلعت مره جبيره بالعمر كلش

عزام العفو حجيه انتم جم نفر بالبيت احنه جاي نحصي عدد السكان بلازحمه وسوه نفسه يكتب بالدفتر

المره خاله محد بس انه وبتي

عزام اها يعني ماوياكم رجال اطفال

المره لا موجود رجل بتي بس مو دايمن موجود هنا

عزام اي خاله حتى لو ماموجود هم نعده وهسه اريد تنطيني اسمائكم ومواليدكم حجه هيج حتى هم يتاكد وهم يموه ويبعد نفسه عن الشك

ضلت المره تحجي باسمائهم وبتسم عزام بنصر لمن سمع رضا ريسان وحس ان ملك الدنيه بالي بيها لان امنيته راح ترجع مابيها مجال

عزام شكرا خاله وراح وهو رافع حاجبه ويحجي ويه نفسه متزووج هاا بسيطه يالنذل

وراح على بيت عمه وجانت الساعه ب٧ المغرب دك الباب طلعتله ليالي

حجه عزام بسرعه بدون مقدمات ولاسلام وكال صيحلي ورود وكليلها تلم ملابسها

ليالي عزام ياهلا اتفضل ادخل

عزام ماجاي ادخل جاي اخذ ورود واروح

ليالي وشدعوه هلكد ورود هامتك يعزام وبصفتك شنو تاخذها

عزام حجه وهو يضغط على الكلمات للتاكيد تهمني اكثر من روحي صيحيلها وبلا حجي زايد

ليالي بس انت تدري عمي ماراح يقبل بحبك الها ولاراح يسكت

عزام اكول وخري ودفعها ودخل اأيصيح على ورود بس وهو واكف بالطارمه

ام رضا ها خير شكو وطلعت هذا منو عزام شجابك وشتريد

عزام ورود وووين

ام رضا بعصبيه وشبيك تصيح ورود مو هنا عند اهلك

عزام اي بعد احسن وطلع ركب السياره

بنفس الوكت ام عزام يله يمه رجلج صارله ساعه يتانيج يله فضيها

ورود وشدعوه عليه ماخلاني اتعشه هنا وبعدين اجه لبست الشال وطلعت وهي عاكده حواجبها شافته كاعد بالصاله رفع عيونه باوعلها وحجه شبيج كالبه خلقتج

ورود جان اجيت وره العشه شدعوه عليك

رضا جان خابرتي وكلتيلي

ورود وحجت بترجي وهسه مايصير اضل

رضا لا امشي انه اعشيج بره

ورود بتعجب شنوو

رضا مثل ماسمعتي امشي نغير جو ونسولف شوي

ورود اها اي يله بس خل اغير غير هذن الملابس

رضا لا تسوين شي هيج حلوه

ورود بس

رضا يله امشي امشي وكام تبعته وبعدهم هستواطالعين من الباب ومجرد مارفع ايده رضا يضغط ريمونت السياره يفتح الباب
وسمعو هورن قوي وماينكطع من بعيد لحد ماصف السيارة كبال البيت ونزل

عزام وهو يضحك وين

ورود هلا عزام

عزام وردايتي دخلي مالج رجعه ويه هذا

ورود بستغراب شنو

اتقدم رضا وصار كبال عزام وحجه شبيك انت شتريد ابتسم ترى ورود زوجتي ورجع يمها لزم ايدها وباس بطن ايدها

اشتعل غضب عزام وبخطوتين صار كباله وجر ايد ورود من ايده وسحبها عليه وحجه متاكد بس ورود زوجتك ماعندك غيرها

رضا عكد حاجبه انت شتحجي

عزام دعاء

ورود شنو عزام شتحجي

عزام جاي اكول رضا متزوج قبلج ياورود وزوجته حامل (حجه الحجايتين الاخيره من تخمينه)

ورود التفتت على رضا تاني يحجي اي كلمه بس اكتف بالسكوت

عزام ورود هل انسان هواي ذلج هواي اذاج عليمن تابعته على شنوو

ورود الي دموعها بطرف عينها وعيونها على رضا مو اني التبعته ولاختاريته اهلي الي خلو بطريقي اتقدمت على رضا وحجت ليش ضميت علي شكم مره كتلك اذا تحب كلي او اذا مغصوب احجي بس بس انت وناهرت بجي انت دمرتني وحسبوك علي زوج ومرمرتني بهل جم يوم الضليتهن يارضا شلك علي وشغندك وياي

دنك وجه رضا ورجع رفعه وحجه. بهدوء. كلشي اله تفسير ورود امشينه انروح نكعد ونسولف

عزام. بصوت عالي. ماااكو اي تفسير كلشي صار واضح ورود رضا متزوج ومرته حامل وشنو الي يريد يفسره الج ياترى يفسر معاملته وياج لو الطك الي اكلتي لو الاهانه لو الفرحه الي حرمج منه امشي ورود ندخل. ولاتضوجين ولاتبجين عمره ماينحسب زوج عليج لان رضامو كفو لا يستاهلج ودخلها جوه وسد الباب

اتنهد رضا وصعد بسيارته. وراح. لكن كلبه انقبض مايعرف ليش يحجي وي نفسه. ويصبر بيها اي يارضا اجتك من الله وراح تعوفها. وبالمره اهلك. راح يعرفون وبلا ماتضم وتعب روحك. بس ليش هلحزن الي كبع كلبي وليش احس روحي اختنكت مو هذا الي اريده انه ومتاتي

عزام. لاتبجين ياورود. وغلاتج مايستاهل دمعه من عينج وعلى شنو تبجين على انسان ماعرف قدرج

ورود اني ما ابجي عليه ابجي على نفسي ياعزام. ليش صار وياي هيج

عزام ماصار وياج اي شي هاي الدنيه تجارب والانسان يتعلم من تجربته سمعيني زين واخذي حجيي هلمره مو حجي غيري ثبل لاندهل الهذا الباب ويسألونج وتسولفين ما اريد اي دمعه اطيح من عينج ولا اريدج تنكسرين وصيحي بأعلى صوت وكولي ماريده وضلي مصره ع الطلاك سمعتيني زين راح يحاولون يقنعونج ابكل الطرق. ورود لاتسمعيلهم كلهم يفكرون من جانبهم هما محد فكر من جانبج وهسه مسحي دموعج وتعالي.

ابو رضا. بصوت عالي وصياح. الله لا يبارك بيك ولا بالساعه الي اجيت بيها الهل دنيه ولك متزوج ومن ورانه ولك منو هاي الرخيصه. الفضلتها على بنت عمك ورود

ام. رضا. هدي يابو رضا خل نفتهم منه

ابو رضا شنفهممم شنفهممم كلشي واضح كدامج

رضا. يبا انتم ماتفهموني ولا راح تفهموني وشرحي ماراح يقدم ولا يأخر عدكم انتم ما جربتو وحتويتوني او سألتوني او واسيتوني يوم جان كل همكم اتزوج وبس مافكرتو بلي مريت بي ولا فمرتو يوم تساعدوني ان انسه فا ماراح اضن انكم راح تفهموني ولا عمركم افتهمتوني وطلع من البيت بسرعه

ابو عزام. شلي خلا يتزوج. هلنذل وماكال الاحد

ورود. مايهمني اي شي هسه يبا اهم شي اطلكني من هذا مثل ماجبتو الي وزوجتوني بالكوه وان ما ماطلكتوني. ف اني ما اضل كاعده عدكم ولا لحظه واروح وي عزام

ابو. عزام انجبييي لج شنو ترحين وي عزام واذا ع الطلاك اطلكج

ورود اسفه بابا بس هفت ماترضه بالطلاك

مرة سبوعين على الحادثه. ورضا مابين لا عند اهله ولا برر موقفهالعمه

ابو عزام. اسمعني يابو رضا مابيه حيل اصبر بعد ورود تريد تطلك ؤضا اتخلقه الي من جوه الكاع

ابو رضا. والله يا ابو عزام. ماجاي احصله بأي مكان حتى بشغله ماجاي يداوم

ابو عزام. كتلك ما ادري تخلقه الي اجه صوت عزام من ورا ابو.

عزام تريد اخلقه الك انه

ابو. عزام وانته شدراك عن مكانه

عزام. ومو بس اجيبه الك لا وما ارجع اله ومطلك ورود منه

ابو عزام. انته اطلع من الموضوع ولاتفكر ان الي صار راح يصير الصالحك ورود ماتزوجها وخلال يومين راح اخطبلك وفاء بنت عمك

ضحك عزام بستهزاء ودار ضهره وراح وصاح على سعاد

سعاد هله عزام كول

عزام اريدج اتساعديني. ولاول مره اطلب منج

سعاد. ببتسامه. احب اوفگ راسين بالحلال وبالاخص اذا عن حب احجي يخوي

تنهد عزام سمعي سعاد. ........

دعاء رضا رضااا

رضا هممم

دعاء اكعد. اكو واحد ع الباب يريدك

رضا فتح عيونه بكسل. واحد ؟ يريدني ؟

دعاء. اي واتصور واحد من اهلك لان يشابهك بالدم

طفر رضا من مكانه واحد من اهلي لبس القمصله مال التراك وطلع

رضا بستغرا انت شتريد وشجابك

عزام ابد ماكو جايب الشيخ و ورود علمود نكمل الطلاك

رضا بغضب وانت شكو وشدخلك هااا

عزام سويلنه طريق وصااح بصوت عالي يااالله حياك شيخ حياك  وبعدها دخل للشقه

ورضا الي مستغرب اتنحه جانب وهو يفكر بنفسه يله مو هو هذا لتريده يله اخلص ودعاء هم مجرد ماتولد هم اطلكها واعتزل هل بشريه

الشيخ السلام عليكم

رضا وعليكم السلام تفضل شيخ

بعدها دخلت ورود وسعاد وكالن السلام عليكم بس ورود ابد مارفعت عيونها من الكاع

رضا وعليكم السلام وصاح بهمس ورود لحظه

ورود وكفت بدون ماتحجي اي كلمه

رضا انتي متاكده تردين الطلاك

ورود لا ما اريده ابد اله كول متمنيته يا ابن عمي واسعدها من ساعه يوم الاتحرر من زواج الضيم هذا

اتنهد تمام تفضلي

دخلت ورود ومقهوره وهي تشوف دعاء تستقبلهم وتسلم عليهم وكرهت رضا بزياده وهي تتذكر شلون جان يعاملها رضا وهي ماالهاذنب بشي طلعت هاي وره السالفه

دعاء اتفضلوا

ورود ماجاين نتفضل حجتها بعصبيه ودارت وجها

سعاد همست الورود هدي حبيبتي هي ماالها ذنب الذنب ذنب رضا والتفتت على دعاء شكرا وكعدن بالغرفه

من جانب ثاني بالصاله جان الشيخ يكمل الطلاك وطلبوا حضور ورود وكعدت يمهم  طبعا حاول الشيخ يصلح ويوجد حلول وهذا واجب على كل شيوخ الدين بس جواب ورود واحد الرفض

كمل الطلاك وتنازلت ورود عن غايبها بناء على طلب عزام الي كال مانريد شي منه بس يفارك

وضن الشيخ ورضا ان كلشي خلص وراد يكوم الشيخ ويطلع بس فاجئهم صوت عزام وهو يكله شيخ استريح بعدنه ما خلصنه .....

يتبع......