عندما يعصف الحب الفصل الثاني وثلاثون 32 - بقلم زينب العبيدي

مساء المطر والرعيد ❤

شلوونكم☺

#عندما_يعصف_الحب

#بقلم_الكاتبه_مولاتي_يازينب

#البارت٢٣

ورود ع ع عزام رايد شي

رفع حاجبه عزام بااستغراب شبيج شنو ضميتي وره ظهرج

ورود ل لحظه افهمك عزام

عزام شتفهميني شنو ضميتي

ورود طلعت نقال من وره ظهرها وايدها ترجف خل افهمك

عزام سحب النقال من عدها بسرعه

خوفها من عنده وتره وبسرعه طلعت المحادثه اكبال عينه غمض عيونه بحركه مجرد ما طاحت نضراته على الاسم

ورود عزام لحظه خل افهمك هو

عزام. قاطعها تحبينه

ورود لاتفهمني غلط عزام شوف المكتوب هو راسلني بس حتى يعرف ردي

فتح المحادثه عزام وعيونه تقره بتمعن ونار مشعوله بكلبه

رضا السلام عليكم شلونج ورود

ورود وعليكم السلام هلا رضا

رضا. شفتج مارديتيلي خبر حاولت اخذ رقمج من ليالي وحصلته

ورود. ردي بشنو

رضا الظاهر نسيتي ورود. والله ما اجذب عليج صرت احلم بيج وانه كاعد اتعلقت بيج بسرعه صرت اهواي اسولف بيج الروحي طلبتج لاتكسرين بيه رجعيلي فدوه اروحلج مامتعود اتوسل بس احس ما اكدر بلياج

ورود. رضا الي سويته بيه مو هين ماجاي يروح من بالي

رضا. والله اعوضج اعوضج عن كل كلمه عن كل حرف عن كل مدت ايد والله والله اعيشج مثل الاميرات بس لاتكسرين كلبي الي تعلق بيج

ورود. رضا انتم جاي تعذبوني بهل حجي

رضا. احنه منو

ورود. انته وعزام.

رضا. بس انتي لاتنكرين ان ماعندج اي شعور اتجاه عزام غير شعور اخوي صح لو انه غلطان

ورود. صح وماغلطان. بس هو حيل يحبني وهم مايريدني اكسر كلبه وانته الثاني ماتريدني اكسر كلبك

رضا بس انه زوجج الاول صح زواجنه جان مو مثل ماتمنيتي بس مثل ماكتلج اعوضج

رفع اعيونه عزام. بوجهه شنو جنتي راح تردين عليه

بجت. ورود بسرعه عزام فهموني. انته تحبني وهو يحبني ومو اي حب حب كل بنيه تتمناه وانته ماتريد اكسر كلبك وهو كذالك واني تعبت ابيناتكم

عزام. بس انتي عندج كلب واحد ومستحيل يسكنونه ثنين كليلي كلبج شيريد واوعدج راح اطلع من حياتج بكل هدوء

ورود. حجت وهي تبجي عزام. اني مشاعري املخبطه دخلتوني بدوامه اني بغنه عنها اني ماريدكم ثنيناتكم شوفو حياتكم بعيد عندي. تعبت كل واحد يريدني اله ويحبني حب كل ابنيه تتمناه شتردوني اكسر كلب منو واجبر كلب منو

هز راسه عزام. وصلت فكرتج بس ماعرفتي تقارنين صح ماعرفتي شنو يعني حب سنين وغربه وتعب ومحارب وي الاهل مقابل حب انسان يريدج تعوض وتنسينه عن حبه الراح على العموم راح اعوفج وليش ما اعوفج موشي مستحيل بس موتتي بعدج شي قليل
ومبروك عليج رضا

صرخت ورود وهي تبجي منو كلك اني اريد رضا

عزام. اتحسر لاتردينه والدليل انتي ماتغيرت مشاعرج تجاهي صارلي سبوع بذلت كل الي عندي بس الظاهر مايوصلج حبي هه هو هم حقج الحب مو بالكوه بس انه هوووواي اجيت على كلبي ما عندي احساس ردتج الي باي طريقه ردت اغرج بحب كلبي الي طلع عن حده وعافه وطلع

لزمت راسه ورود وضلت تصرخ وتبجي بالغرفه لحد مافقدت الوعي

عزام. وهو يحجي بالتلفون يافيصل ما اكدر تعبت ميت عليها وهي ولا يمها اضن راح استسلم وانسحب من حياتها بهدوء لان ماكو امل وخوب هو الحب مو بالكوه

فيصل الله يعينك على مابلاك ياخوي هل شعور وايد صعب

عزام. لا بعد مابيها مجال باجر انهي كلشي وانعل ابو كلبي وارجع للكويت ما اتحمل اضل اهنا واشوفها تصير الغيري هواي احبه يافيصل هواي بحيث صرت ادفع سنين من عمري على يوم واحد حلو اكضي وياها وهل يوم ماحصل ولا اضن يحصل

فيصل. انه وياك ياخوي اترك كلشي وتعال رد هني هل حب انكتب عليها يموت بأول سنينه وهلك واهلها اهم السبب

اتنهد عزام بحسره وسد التلفون غمض عيونه حيل وهو يتخيل شلون راح ياخذها ويكعدون اكبال السيد شلون راح يطلكها وشلون ينطقها الفكره بحد ذاتهه صعبه وكسرت كلبه الف كسره جا شلون لو صارت صدك ..........

اي اكو احتمال اتخله عنك
من الكه بالضبط نسخه منك
من الكه عيونك...وشعرك....وشفتك
من الكه طولك واسمك ...وحضنك
من الكه نفس الدم اليجري بكلبك
من الكه غيرك ايشبهك ....بكلك
بقلمي...

كام. اتقدم خطوات ودخل للبيت اتجه الغرفة ورود وهو اباله يكللها ابقراره الجديد القرار الي هون كل المصايب عنده بعد مافرح وحس ملك امنيته ملك الدنيه وعاش احلى ايام رغم الي جان ابينهم شي محدود بس عنده يسون سنين العمر بس حسافه تالي كعد من وكت من هل حلم فز للواقع المايرحم والمجتمع الي ضلم حبه
والعقليات الرجعيه المتحجره فتح الباب

ويااا شهكت كلبه من شاف معشوقته امدده بالكاع بلا وعي وبسرعه صاح على امه وهو يشيلها يمااااااا يمااااا خذاها وطلع يركض اجت امه تركض وراه وتصرخ يمه بنيتي شبيها شصااار ولك احجيلي
صاح بيها ماااادري بس والنبي اذا صار بيها شي اله اذبح رضاا واغركه بدمه جيبيلي عبايتها مددها على الكشن الوره وهو محتار وخايف عليها ويروح ويجي يم السياره يباوع عليها على ما امه جابت العبايه واجت تركض صعدت وياه وراحو للمستشفى نزلها عزام شايلها وامه تركض بالكوه وراه وخايفين كلش

دخلوها على الدكتور قاس ضغطها كللهم هي عدها هبوط بس لازم تسوولها تحاليل الصبح لان هسه باليل ماكو استشاريه وره ربع ساعه كعدت ولكت المغذي بايدها وعزام وامها وابوها الي اجه وراهم كاعدين يمها

ابو عزام شبيج بويه شصارلج ياورده

ام عزام عين وماصلت على النبي صابت بنيتي

عزام اكتفه بالسكوت و هو متكتف وعيونه تحجي تعب من حبها وخوف عليه وانكسار على حالتها

ورود ماحجت شي بس لزمت بطنها وضلت تتلوه بالبدايه وشوي شوي زاد الوجع وضلت تصرخ ركض عزام يدور على الدكتوره وجابها واجه بدت الدكتوره تفحص ابطنها وتكللها وين اليوجعج اهنا لو اهنا و ورود بالكوه تحجي من الوجع

عزام العفو دكتوره هي صار الها اكثر من اسبوعين دايخه وتتقيء وماتاكل وتشكي من بطنها

التفتت علي الدكتوره زين ما سويتولها تحاليل

عزام سوينالها كالو فقر دم

الدكتورة ما اتصور فقر دم باجر سوولها تحاليل شامله عند دكتور اخصائي باطنيه

ابو عزام انشاء الله

الدكتوره هسه راح اضربها مسكن وتخلص المغذي وطلعوها

وضربتها مسكن ورا ما خلص المغذي كال عزام الامه وابو يرحون وي علاء الي اجه وراهم وهو اخذ ورود وياه

صعدها بالسياره وصعد

وحجه ورود شبيج قهرتج انه ضوجتج اكيد

ورود عزام اني مو هين علي اكولك هيج بس اني تعبت واحس حياتي اعتفست وما مرتاحه

عزام ولايهمج حبيبتي اهم شي راحتج عوفينه من هذا الموضوع خلي نطمأن عليج وبعدها اطلكج وارجع للكويت وانتي شوفي حياتج

ورود ترجع للكويت بس ليش

عزام سكت شوي بعدها حجه ما اكدر ورود ما اكدر اضل اهنا وانتي امنيتي وبعيده عني صعب علي صدكيني اشوفج كبالي

طاحن دموع ورود بدون سابق انذار وضلن ينزلن عشره عشره

عزام شبيج ورود متوجعه

ورود لا بس رجعني للبيت

يوم ثاني الساعه ب ٩:٠٠

عزام يمه وين ورود.

ام عزام. يمه نايمه اتكول مابيها حيل تروح للدوام

عزام. روحي كعديها خل اخذها للمستشفى خاص اسويلها تحاليل اهنا تحاليلهم اضبط من المستشفى العام

ام عزام. اي يمه هسه اكعدها وراحت كعدتها وبالكوه كعدت وهي تشكي من ضهرها اوجع قوي برجليها جانت حالتها كلش تعبانه بدلتلها امها بس هي لفت شالها ولبست حذائها واخذتها امها طلعتها للصاله

ام عزام كعدي يمه خل اصبلج اريوك

ورود لا يمه تعبانه ما اشتهي

عزام شويه اكلي بس علمود لاتدوخين

ورود لا والله ما اشتهي لعبانه نفسي

عزام خوش يله امشي اخذج للمستشفى ومناك اشتريلج لفه او اي شي

ام عزام يمه تانيني اروح وياكم

عزام لايمه مالازم خليج هنا انتي هم تعبانه

ام عزام لايمه شوفها شلون تعبانه حتى مشي مابيها تمشي

عزام يمه انه يمها شسالفله وبعدين انتي شنو تشيلينها قابل

ام عزام كيفك بس ها يمه خابرني وطمني شيكول الدكتور كلي

عزام انشالله انتي اندعيلها

ام عزام والله من امس لليوم ما خذت عيني النوم بس اندعيلها يارب بنيتي اريدها منك سالمه ومعافايه

ورود يابعد كلبي يايمه

لزمها عزام من ايدها وايده الثانيه على جتفها واخذها للسياره صعده وراحو للمستشفى

وصلو لمستشفى الموسوي الخاص ودخلو على الدكتور فحصها وكال اتصور عدها ضمور بالكله سوولها اشعه مولونه وهذن التحاليل

وبعد الفحص والاشعه والتحاليل وروح وتعال وجيب و ودي دخلو على الدكتور وباوع بعيون ورود وحجه عندج فشل كلوي وهذا التعب واللعبان النفس وعدم الشهيه والتورم كله بسبب الفشل الكلوي واذا ضلت على هل حال راح يصير عدها تسمم بالدم بسبب عدم عمل الكلى بشكل الصحيح وتفريغ الحالب من الفضلات الزائده

ورود ماتعرف شنو فشل كلوي ومدا خطورته على حياتها فضلت ساكته

اما عزام فتح عيونه على كبرهن وهو يحجي دكتور شلون بس هي عمرها ما شكت من الكلى ولا عدها اوجاع سابقه هل حاله صار الها مايقارب ٢٠ يوم او اقل

الدكتور شي طبيعي اصلا اكو ماعدهم اعراض لايوم ولايومين ولاداخلين دكتور ابد وفاجئه يطيح ويكتشفون عنده فشل كلوي ومرو علي هواي هيج حالتهم مو بالضروره اله الام وجع مسبق قبل سنه او اشهر

عزام بخوف دكتور الله يرحم والديك والحل معقوله ما جاي اصدك

الدكتور حاليآ كدامنه حل من الاثنين اما الغسيل الكلوي او نزرعلها كلى

والغسيل لازم مره ومرتين يعني بين فتره وفتره

عزام واله اضرار هل غسيل

الدكتور خل اكون صريح اكثر وياك الغسيل متعب جدا ينهك الجسم ويشعر المريض بالغثيان طول الوكت فضل عن الام الضهر والحكه والتورم وكثرت الغسيل وباوع على ورود تأدي الى الوفاة في اغلب الاحيان

خلت ورود ايدها على حلكها وبصدمه نزلن ادموعها

فز عزام من مكانه شبكها وهو يحاجيها لاتخافين ورود مو اله غسيل نزرعلج كلى هل عمليه صارت كلش سهله مو مشكله ماراح يصيربيج شي حبيبتي اوعدج لاتبجين يحجي وهو يمسح بدموعها

الدكتور حجيك عدل اذا لكيتو متبرع واتناسب وي انسجت ورود ماراح يصير بيه اي شي والعمليه ناجاحها ٨٠%

عزام دكتور يعني يصير انه اتبرع الها

الدكتور اذا اتطابقت انسجتكم وفصائل دمكم ليش لا يصير بس بعد الفحص

عزام زين اكدر اسوي هذا الفحص

الدكتور اي هذا موعد على باجر تعال ونكملك الفحص وانشاء الله مطابقين

عزام انشاءالله والتفت على ورود وحجه وردايه حبيبتي لاتبجين كومي واخذها وطلعوا وهو يحجي بقهر وبحزن بين على وجها وصوته والله والله ياورود ما اعوفج لواعرف افر العالم فر هم الكالج متبرع اذا ماتطابقت انسجتنه

جانت ورود مصدومه هل خبر يخوف لمجرد سماعه اكتفت بالسكوت والدموع بس

وعزام متكطع كلبه عليها ويباوع كلساع عليها بقهر رفع التلفون واتصل على فيصل

فصيل هلا يالخوو وشلونك ابو العزم

حجه عزام بنبره تعبر عن الوجع لبداخله نبره مجرحه من الحزن من الخوف هلافيصل

فيصل شفي صوتك جذي موعاجبني فيك شي عزام انطگ تحجه

عزام لاسلامتك بس اريدك تسحبلي كل افلوسي الي بالبنك راح ادزلك بطاقتي ابحواله باجر اسحبهن ودزهن الي

فيصل صار تدلل بس تراك خوفتني صاير شي تكفى كول

عزام بعدين اشرحلك ها واسمع احتمال ابيع حصتي بالشركه شوفلي ابو نواف بعده يريد يشتريها لولا

فيصل انشالله انشالله بس ليش لازم السالفه جايده ياخوي صايرلك شي انت تحب شركتك وايد اكيد اكو شي جايد خلاك تفكر تبيع

عزام كتلك مو اكيد يجوز اتصل بيك واكلك بيع بس انت شوفلي ابو نايف يريدها لو لا حتى اذا اردت ابيع ما اتاخر واذا مايريد خل نشوف شراي ثاني

فيصل الله كريم بس ها وينك اتانيك اتفهمني شصاير ترا خوفتني

عزام الله كريم بعدين احجيلك الله وياك وسد التلفون

ورود عزام ماله داعي الي تسويي شلك بالفلوس وليش تبيع شركتكم الي كضيت سنين وانت تكون بيها

عزام انتي صاحيه شبيج اشوفج هاي حالتج وانه اكعد واسكت خرا بالفلوس على الشركه اهم شي صحتج

ورود اني خايفه عزام

عزام لاتخافين ياعيون عزام ترى مو انتي اول بشر صار ويا هيج وصار زرع الكلى مثل زرع الخس وابتسم بس بالكوه لان كلبه من داخل يتكطع عليها
مسحي ادموعج يكلبي

وصلو للبيت ولمن اتلقو الخبر اهلها اتخبلو ابوها تسودن وكلساع يخابر صديق اله عايش بأيران يسأله عن المستشفيات هناك والمراكز التخصصيه بالكلى ايريد ياخذه الاشطر الدكاتره والاحسن مستشفى من خوفه عليها اما امها فضلت تبجي ومره طك على خدودها ومره تدعيلها عزام حرك روحه حرك بالجكاير وحده وره الثانيه وواخوانها البقيه كلواحد بكون وكل واحد يكول احنه نتبرع الها وعلاء اول ما سمع نزلت دمعته وسعاد كذالك بجت
البيت كله متوتر ورود ماطلعت من غرفتها نايمه جوه البطانيه وتبجي حجو وياها رادو ماكو ابد ولاسكتت جانت خايفه وحقها تخاف بعدها صغيره والمرض جبير

ما كعدت اله يوم ثاني الصبح لمن كعدتها امها جانت عيونها مورمه على كد ماباجيه

شافت امها وابوها وكل اخوانها متجهزين يرحون وياها

ورود يمه شنو السالفه ليش كلهم يردون يرحون ويانه

ام عزام يمه راح نسوي تحاليل ونشوف منو انسب واحد يكدر يتبرعلج

ورود بسرعه بجت وبدون صوت وهي تباوع عليهم واحد واحد ابوها وامها عماد علي علاء التفتت الامها عزام وين

ام عزام خذه حيلي وليدي للصبح هو كاعد ماخذت عينه نوم غفت عينه الصبح بالسبعه وهسه كعدته كال ابدل وانزل

مجرد ماخلصه امها حجاياتها عافتها ورود وكامت صعدت الدرج

ابو عزام وين رايحه بابا تعاي

ورود هسه اجي

صعدت راحت الغرفة عزام فتحت الباب شوي ((تكول ما انسه هذا المنظر لمن شفته فارش السجاده ورافع ايديه الربه نزلت من عينه دمعه تسللت على لحيته وللكاع طاحت وهو يكول بانكسار اللهي يامن جعلت لكل داء دواء اجعل دوه ورود عندي اللهي بوجاهت رسولك الكريم واهل بيته))

اهنا نزلت ورود وهي منهاره وتبجي ماتعرف ليش تبجي وشنو السبب وماتعرف ليش دموعها ما راضيات يسكتآ وراحوا وهي كلساع اتباوع على عزام وتغورك عيونها بالدموع وماشالت عيونها منه كملو التحاليل ولازم وره يوم يطلعن

رجعوا وجانوا عزام وابوه يحجون عن العمليه وين راح يسوونها وباالاخير اتفقو على رأي واحد راح يسوونها بالهند ويروح وياها عزام وابو وامه

لليل اجه امها وابوها الحقيقين وخواتها وعمار وعمها ابو رضا و زوجته وليالي وحتى رضا

جان عزام كاره وجود رضا ورضا كذالك بس رضا جان متجاهل الكعده كلها صح سال على ورود هواي وعلى حالتها بس عافهم وضل يكلب بنقاله اما عزام ماطاق الكعده كعد يمهم شوي وكام راح الغرفة ورود الي ماطلعت منها ولاكعدت يم احد ومسويه نفسها نايمه فتح الباب بس لكاه مقفول دك الباب
وحجه ورود فتحي الباب

ورود هاا اي اي لحظه وشوي وفتحت الباب

عزام شكو قافله الباب مو تخافين انتي

ورود هاا جنت ابدل

وفاجئه التفتو على صوت....

يتبع'''''''