عندما يعصف الحب الفصل الثالث وثلاثون 33 - بقلم زينب العبيدي

السلام عليكم 🙋‍♀️حبات القلب💗

اسفه متابعين على التأخير بس ماله داعي كليوم اشرح ضروفي تره😞 الهسه بعده بيتي مخبوص واني الوحدي صدكوني حيل تعبانه😭

ومتابعيني القدماء يعرفوني كريمه كلشش بالنشر يعني هذا مو طبعي التأخير بس شسوي تمشي الرياح بما لاتشتهي السفن💔

احبكم❤

#عندما_يعصف_الحب

#بقلم_الكاتبه_مولاتي_يازينب

#البارت٢٤

التفتو على صوت النقال الي جان على ميز التسريحه وهو على وضع الهزاز فيصدر صوت اتجاهله عزام بس توتر ورود الي ركضت على التلفون وهي تغير الموضوع وتحجي بتوتر وتسال عزام شنو يريد خله عزام يصير عنده شك فا تقرب عليها وحجه

منو جاي يراسلج

ورود هاا لا ابد هااي صديقتي

عزام متاكده

ورود ها لالا مو صديقتي

عزام رفع حاجبه جا منو

ورود بس لا تفهم غلط

عزام رضا

هزت راسها بمعنه اي

وشعلت نار بكلب عزام اخذ التلفون منها بحركه سريعه وصرخ شكد الرمزز

انطته الرمز وفتحه

ولمن طاحت نضرات عيونه على المحادثه شد ايده بقوه على النقال

رضا الوو

ماراده عليه ورود

رضا ورود ليش ماتردين اريد احجي وياج ضروري

ورود شتريد رضا شكو

رضا ورود ماتتخيلين شصار بيه من دريت بمرضج والله تمنيته بيه ولابيج

ورود رضا اسم الله عليك شهل حجي خلي كل واحد يشيل بلائه ويحمد الله

رضا انه هم سويت تحاليل وياهم وره ماراحو سويت مستعد انطيج كلبي وروحي وسنين من عمري والله ندمان ورود والله واتمنه اسوي اي شي حتى تسامحيني وترجعيلي

ورود ماله داعي رضا اخواني وابوي وامي كفو و وفو

رضا انتي من كل عقلج وين الله ومحمد ويطلع انسجتنه متطابقه والله ما اتردد لحظه ما مستعد اخسر انسانه تعلقت بيها روحي كافي ترى الدنيه قست وياي هواي وكسرت كلبي قبل

عزام ليشششششش هااا ولج ليش تحجين وياه انتي بعدج على ذمتي ليششش وشمر التلفون على الحايط و كسره

ورود عزام اهدئ يعني هسه اني شكتله كتله احبك لو راح ارجعلك كالي اريد احاجيج ضروري فارديت ماجنت اريد احجي وياه والله

عزام اتقرب عليها ورفع ايده وهو يصرخ بس حاااجيتيي لا وتكليله ابوي واخوانييييي وانه وييين لو هم اخووج

وخلت ورود ايديها كبال وجها وعلى راسها تحمي نفسها بس عزام نزل ايده وما ضربها

طلع من الغرفه شايط وكبل على الصاله وعينه تجدح وكف كبال رضا

وصاح بصوت عالي كوووم لك ساقط

كام رضا وكف وياه طول بطول شبيك شكو

لزمه عزام من ياخته ودفعه اطلعع كلب اااطلعع برااا

كامو ابوه و عمامه واخوانه وهم يصيحون شكو شبيكم شصاير عزام

رضا لزم ايد عزام ونكثه من ياخته لك احترم نفسك حاشمك الخاطر عمي ترى

عزام لابالله اريدك ماتحشمني اليووم اريد اشوف شتسوي وانطا بوكسي على حلكه ورداله رضا البوكسي وهنا طفر علي لزم رضا وعلاء لزم عزام
وضل يصيح ابو عزاام ماتستحووون ماعيب عليكم جهال انتم ماحسبتو حساب الابهاتكم وعمامكم وانت شبيك التفت على عزام تخبلت اشو صايره سوالفك ماتنفهم

عزام البيه هذا الناقص جاي يراسل بورود ويتغزل بيها وكاعد ابيتي وركض راد يطكه بس ركض ورا علاء وتلكاه عماد لزمو مره ثانيه

ابوو عزام شنووو والتفت على رضا ولك صحيح السمعته

رضا ورود ماتحبه ياعمي حاسبته مثل اخوها وانه شاريها وندمان بكد شعر راسي واريدها ترجعلي

اتقدم عليه ابو عزام وفر وجه براشدي وابو رضا تبعه براشدي ثاني

وهو يكله يافشلتنه بيك ماصنته من جانت عندك هسه جاي ترجعها من تزوجة

رضا انت يايبه اكثر واحد تعرف ضروفي ورغم هذا زوجتني علمود انسن وارتاح ولمن حبيتها جايين توكفون بوجهي والتفت على عزام تنكر ان هي تحبك مثل اخوها هااا تنكررر

ضل عزام يتنفس بصعوبه وجنه اختنك وهوه الله كله مايشبع رياته وجه صار احمر دفع علاء طيحه بالكاع ودفع عماد وهجم على رضا وضلو يتضاربون جان يصررخ بصوت عالي لاا تحبني وحتى لو ماتحبني هي اليي وتضل اليي ولاتفكر بيها والله افنيك ورضا يرد عليه ماعندك كرامه انت تجبرها على حبك يا اخي مو بالكوه الحب

وبالكوه فكوهم وعزام يهد ويكضونه لان حجايات رضا مسنه والسبب كلبه الهايم الي حب وحده ماتفكر بي وصارو يعايرونه بحبه

ابو رضا اخذ ابنه ومرته وبنته وطلعو بسرعه

وعزام طلع بسرعه من البيت

اجت سعاد يم ورود الي جانت تبجي وحجت بعصبيه انتي شمسويه

ورود سمعت كل الي صار لان اصواتهم عاليه جانت حجت هذوله فارغين اني وين وهم وين وجايين يتعاركون علي اني بيني وبين الموت شبر وهذول يحجون بالحب
بعدين اني شسويت ابن عمي وراسلني ورديت عليه قابل كتله احبك لو اريدك

سعاد مو بيده ياورود عزام كلبه يحكمه وكلبه ذايب بيج افتهمي وانتي وهو وكل احنه نعرف ان رضا مو مجرد ابن عم والسلام لا انتي جنتي بيوم من الايام على ذمته يعني مايصير كلامج وياه ولا مقبول منج تردين عليه وكلتها قبل وهسه اكولها رضا ماااااايفيييدج

ورود والله ذبحتوني ايفيدج ومايفيدج شنو كلتلكم اريده لا يا معودين ماكلت كل الامر ومابي اني اتعاطفت وي حالته مسكين انسان تعرض لهواي ضغط بحياته وهواي انكسر بس هم ما كلت اريده

سعاد وعزام

ورود عزام هذا مشكله تعبت من حبه ما اكدر اخلي عيني بعينه احسه مستعد ينطيني نص عمره اذا مو كله يحبني حيل احتاريت وياه

سعاد حاولي عيشي وياه انطي فرصه تعاي على كلبج اتحملي كزوج وعيشي ويا بغرفه وحده ترى يضل هو ابن عمج وانتي ماتعدينه مثل خوانج فا لابد يجي الحب من تشوفين انسان يعشقج راح تتعلمين الحب منه وتصيرين تحبينه على كد مايخاف عليج ويحبج

ورود لحظه سعاد ترى مو سهل خلي نفسج بمكاني اني جاي اشوف هل شي صعب انسان عشت طول عمري لمن يعدون اخواني يذكرونه اولهم وتردوني اتقبله زوج

سعاد اني اعرف الي بداخلج ورود الي بداخلج عقد ومشاكل خلتها الناس ما خلاها كلبج لان كلبج مستعد يحب بس مشاكلج من الناس اتعده اول خوانج من طول عمرج سمعتي ان عزام اخوج ماتفكرين ان هو ابعد اخوانج عنج وعاش بعيد عنج وهاي حقيقه انتي كلتيها انتي بداخلج تكدرين تحبينه لان معترفه ان هو ابن عمج ويحبج بس خليتي غشاوه على هل حقيقه وخاايفه خايفه من روحج خايفه انج تحبينه وتصارحين كلبج خايفه الناس تحجي الخووف مشكلتج ياورود وهل خوف راح يخسرج هوااي

عافتها وطلعت
ورجعت ورود تبجي وهي بموقف لاتحسد عليه صراع بين العقل والقلب صراع بينها وبين الحب ماتعرف مشاعرها بالتحديد اتحب تكره تتعاطف

اخذت التلفون وبلا وعي اتصلت على عزام تحس نفسها لازم توضحله الي صار بس ماير مره وثنين وثلاثه ماكو

واختفه عزام ماشافته من هذاك اليوم يوم العركه وي رضا وصارله ٤ ايام ما شايفته محتاره شتسوي

عرفت ان نتائج التحليل طلعت وان كل اخوانها وبما فيهم عزام وابوها متطابقه انسجتهم ودمهم وحتى رضا كذالك عدا امها ماجان بينهن تطابق بالانسجه وعرفت ان كل اخوانها جانو يتجادلون ويردون يتبرعولها بس عزام رفض لان جان يريد هو الي يتبرعلها مايكفي ان هو يحبها يريد شي من جسمه ينغرس باحشائها حتى يشرح الها حبه وعرفت هما بعد اربع ايام راح يسافرون للهند حتى يسوون العمليه

جانت محتاره شلون توصله تحس بنفسها لازم تشوفه تشعر بالذنب وتأنيب الضمير تحس ان هي سببتله جرح كسرت كلبه بي هي بحاجه تشرحله ان هي ماتريد رضا ماتدري ليش تحس هل احساس وليش كحتاجه تشرحله

وطلعت بسرعه من غرفتها بعد ما اجتلها فكره تتصل عليه من تلفون امها اخذت تلفون امها وراحت الغرفتها اتصلت عليه مره وثنين مارد

اتنهدت وتحس نفسها متكأبه لحد مادك التلفون بايدها فتحت التلفون بسرعه

عزام الوو ها يمه

ورود الو

عزام شتردين

ورود عزام تعال اريد احجي وياك عفيه

عزام عذريني مشغول

ورود الله يخليك بس اسمعني زين

عزام بعدين كتلج مشغول

ورود عزام عندي شي مه..

قاطعها عزام الله وياج وسد التلفون

عرفت هو جاي يصرفها ومايريد يحجي وياها حست بالقهر حست نار بداخلها ليش مايريد يحاجيني زين هو مو يحبني اشو جان جاف وياها كلشش

ضلت محتاره وتفكر ليش هيج يعاملها المن تحجي المن تسولف راحت الاقرب وحده الها وحجت كلشي السعاد لان تحس نفسها راح تنفجر من الغضب

ورود سعاد عادي اسولف وياج

سعاد تفضلي عجيب اول مره تستأذنين حتى تسولفين

ورود سعاد مادري احس نفسي ضايجه راح انفجر

سعاد خير شبيج ورود

ورود مادري شبيه وعزام احجي ويا يحاجيني من طرف خشمه

سعاد ضحكت يعني انتي ضايجه لن مارد عليج برايج هاي شنو هذا حب اكيييد

ورود باع هاي ياحبيته بس اني مقهوره عليه احس اني كسرت كلبه خطيه مايستاهل ولج حيتبرعلي بجزء من اجزاء جسمه واني مزعلته اريد اعتذرله عفيه احجي وياه

سعاد اهاا اوك اتصل عليه بس خلي ببالج اتصور انتي بديتي تحبينه

ورود دروحي ياحب هذا بطرانه اني صوجي اجيتج واحجيلج ورادت تطلع

سعاد عابت تعااي راح اتصل عليه اتصلت عليه سعاد رد بسرعه

سعاد الوو

عزام هلا سعاد

سعاد يااخي وينك كطعت بينه مره وحده شسالفه

عزام موجود عندي شوي شغل انتي تردين شي

سعاد اني لا بس ورود اتريد اتحاجيك

عزام سعاد مافارغ الله وياج وسد التلفون

ورود حجت بقهر. اااخ ياربي شفتي شفتي شلون متجاهلني شسويتله اني هااا والله ماسويت شي ماحجيت وي رضا شي صدكيني اصلا ماردت ارد عليه اووف وحجت بعصبيه وانتي شبيج تتبسمين خيررر شكوو

سعاد لا ابد سلامتج بس ترى يهده شوي ويحاجيج لاتقهرين روحج وانت مريضه وغمزت الها

طلعت ورود وكضت ايامها الفاتت كلها ضايجه لحد ما اجه يوم سفرتهم باليل جانت تجهز جنطته سفرها وسعاد تساعدها جانت كلش ضايجه وتنافخ وتعبانه

اجتها رساله شافت الرساله تجاهلتها اجت رساله ثانيه وثالثه اخذت التلفون فتحت المحادثه جان رضا

يكول الووو

شلونج ورود

ردي علي طلبتج

ورود نعم رضا شتريد

رضا باجر راح تسافرين وتسوين العمليه وكلبي راح اودي وياج وراح اضل انه هنا ادعيلج

ورود اشكرك رضا بس اتصور دعاء وطفلك الجاي بالطريق محتاجين كلبك اكثر مني

رضا بس كلبي ما هوه غيرج حسي بيه

ورود رضا ادري بيك تحبني واني ما اكدر احبك ولا ارجعلك ادري بيك مكسور وهل حجي يأذيك بس رضا ما اكدر ارجعلك عفيه فكرت هواي ترى وهذا اخر ماتوصلت اله

رضا لا ورود متاكده عفيه فكري زين

ورود رضاا ينطيك العافيه حاول وانسه واني متاكده راح تنسه بس يصير عندك ضنه راح تتغير حياتك

رضا حياتي وياج بس راح تتغير بدونج راح اضل مثل ما انه مريض وكأئيب ومعقد

ورود لاتتشائم متأكده انت رجال وكدها راح تتخطه كلشي وي زوجتك وابنك دير بالك عليهم وعوضهم عن تعب دنياهم حتى الله يجازيك خير والدنيه ماتوكف يم بشر خلي حياتك تستمر ترى محد ياخذ غير نصيبه من الدنيه هاي

رضا ااخ ياورود مادري شكول ضاعن احجاياتي والله حبيتج من بعد خمس سنوات من العذاب

ورود افتح كلبك الدعاء وابنك او بنتك والله وياك ويكون بعونك ويعوضك عن كسرت كلبك باي ورجائاً لا تراسلني ولاتتصل علي بعد

سدت التلفون وسولف السعاد

سعاد عفيه عليج احسن شي سويتي

ورود كسر خاطري الله يساعده ويفرج عن حزنه

سعاد امين

سكتت ورود شوي وبعدين حجت اكول سعاد احنه مو باجر نطلع الصبح للمطار اشو عزام ما اجه

ابتسمت سعاد اي هو كال يجي الصبح للمطار وهناك يلكاكم

ورود اهاا

سعاد ليش تسالين اشتاكيتي

ورود لاتضلين تحجين حجي اعوج شنو اشتاكيتي

مو جاي اكلج كاسر خااااطري

سعاد اهاا روحي روحي نامي ههههههه

طلعت ورود وكبل الغرفتها وهي تدردم على سعاد

ويوم ثاني الصبح كعدت ورود وبعد ما لبست وكملت بالكوه جانت كلش تعبانه وشكلها متغير لان ما تاكل قليل كلشش و وجع بطنها وضهرها شل حركتها وجانت بالكوه تمشي امها مسندتها وابوها اخذ الجنط هو وعلي صعدهم بالسياره وصلهم علي للمطار ورجع

ورود بابا جا عزام وين

ابو عزام خابرته يكول واصل بالطريق

ورود اهاا

وعشر دقايق و وصل عزام ...

يتبع....