عندما يعصف الحب الفصل الرابع وثلاثون 34 - بقلم زينب العبيدي

شلونكم حبات القلب🙋‍♀️ طبعا هستوه اله خلصت البارت الاخير وكلت انزله 😣حتى لو متأخر حتى تصبحون بي🌷

اتمنه ينال اعجابكم ورضاكم❤

احبكم م م م❤

#عندما_يعصف_الحب

#بقلم_الكاتبه_مولاتي_يازينب

#البارت٢٥ والاخيررر

وصل عزام وهو يسحب بجنطة السفر ضحكت ورود تلقائياً وهي تباوع عليه يتقرب عليهم

عزام شلونك يبا شلونج يمه وباس راس امه

ابو عزام هلا وليدي

ام عزام هلا يمه تبوس الكعبه حبيبي

عزام شلونج ورودودار وجه

ورود الحمد لله انت شلونك

عزام ها التفت عليها تمام ورجع دار وجه على ابو ها بويه يله امشي نكعد هناك

ابو عزام يله امشي

ام عزام متريك يمه لولا

عزام لايمه ما مشتهي

ام عزام ليش يايمه هاك مسويتلك لفه هاك اخذ هاي العلاكه

عزام فدوه الراسج العزيزه والله ما مشتهي ضميها البعدين

ورود كسرت التردد الي جانت بي وحجت بصوت ناصي ااا عزام

عزام همم

ورود اا ميخالف احجي وياك

عزام لا والله هسه ما فارغ اريد احجي وي فيصل علمود الشغل ولزم نقاله ويكلب بي

ورود همست ما اخذ من وكتك

عزام بعدين وكام من مكانه اتبعد عنهم وهو يحجي بالتلفون ويروح ويجي وهو يمشي بعيد عنهم

انقهرت ورود وعيونها مدمعه

ضل بعيد عنهم منا لحد ما صار موعد طيارتهم عزام يله يباا

كامت ورود بالكوه تمشي تسحل بنفسها سحل من التعب والوجع سندتها امها وعزام وابوه يمشون قبلهم التفت عزام وشاف امه مسنده ورود وبالكوه يمشن رجع عليهن

وكال يمه انطيني ايد ورود وروحي كدامنه انتي بالكوه تمشين

ام عزام على كيفك مشيها يمه سوده علي تعبانه

لزمها من ايدها وشبكها بايده الثانيه وهو يمشيها بس ابد ما باوع بوجها

ورود عزام شبيك

عزام انه مابيه غير العافيه

ورود بس احسك متغير علي

عزام قصدج ما ضليت اسحل بروحي علمودج

ورود لا شنو تسحل ماقصدي هيج

عزام على العموم انه قررت اتغير شوي وادوس كلبي برجلي واتركج واحس نفسي اكدر اسوي هيج وانشاء الله وره مانرجع للعراق اطلكج وشوفي حياتج وانه هم اشوف حياتي بعيد عنج

سكتت ورود بس حست شي يعصر كلبها وحجت زين تتزوج مو

عزام ما ادري جايز بس الاول اروح استقر بالكويت وبعد افكر

صعدو للطياره كعدها بمكانها المخصص يم ابوها وهو يم امه

جانت نضراتها عليه ما فاركته

ام عزام حجت وي ابنها شبيك يمه احسك مو على بعضك شبيك حتى ورود مالك خلكها

والتفتت على ورود وشافتها تباوع عليه كلساع

رجعت باوعت الابنها ماتحجي وياها من هذاك اليوم يوم تعارك وي رضا مو

عزام كافي يمه ما اريد احجي شي وانطيني الفه مالتي جعت

كامت ام عزام الورود وكالتلها وين الفه الخليتها بجنطتج

ورود وهي تفتح جنطتها وتحجي وي امها شعجب عايفه نمورتي كاعد الوحده ترى اكو هواي صاكات هنا

ام عزام والله نمورتج شايب مايكلبنه بس خافي على الشباب الكاعد هناك صاك على كولتج

ضحكت ورود خلي على راحته بس ابوي يخووف ترى

ابو عزام هاا ولج نذله ههههه تحرضين بامج هاا

ام عزام خليها خليها تريد تروح اهناك بس ماتعرف شلون

ورود ضاجت وانحرجت شبيج يمه شهل حجي

ام عزام كومي خل اكعد هنا وانتي روحي اهناك وانطي وليدي لفته واكلي لفتج موتضلين بليه ريوك وتدوخين

ورود ها جاليش تكعدين هنا

ام عزام كتلج كومي

كامت ورود وراحت يم عزام وقبل ماتكعد رفع وجها باوع الها عزام وحجه هاا

ورود لا بس امي كعدت بمكاني وكالت روحي انتي شنو خاف ماتريدني اكعد يمك

عزام لاشكو ما اريد كعدي وين ماتكعدين كعدت وفتحت جنطتها طلعت جيس بي لفات وفتحته وانطته لفه وحجت هااك

اخذها عزام ودار وجه للجامه و ضل ياكل

ورود عزام ترى اني ما اريد رضا وكتله هل حجي

عزام اهاا على راحتج هاي حياتج وانتي حره بيها

ورود بس انت هذيج المره زعلت علي وماقبلت تحاجيني وطلعت رحت البيتك وبعد ماشفتك

عزام لا مازعلت وليش ازعل بس هي شوي اهانه تحجين وي ابن عمي وانتي على ذمتي حتى لو حاسبتني مثل اخوج

ورود بس ابن عمك هم ابن عمي واذا لاحظت اني ماكلتله شي يخليك تضوج مني لاكلتله احبك ولا اريدك

عزام اي ما كلتيله ادري

ورود جاليش مارديت علي من اتصلت عليك اكثر من مره

عزام لان اريد ابتعد عنج وافهم شعورج مثل ماطلبتي واحسبج اخت

ورود بس مو معناته ماترد على اتصالاتي وتتجاهلني

عزام بس انه هذا طبعي ما اكدر اغيره

من رخصتج وشغل التلفون مالته وخله الهتفون بذانه

ورجع راسه وغمض عيونه

جانت ورود حيل مقهوره من تعامله الجاف وياها وضلت تباوع على وجها وهو مغمض وتتأمل ملامحه الرجوليه وسماره حاجبه المرفوع ورموشه لحيته المتوسطه باوعت على كل سنتمتر بوجها

وضلت بقهرها وكل شوي تباوع علي وهو ما تحرك ابد لحد ما وصلوا وفتح عيونه لمن بدت الطيارة تنزل جانت ورود تتلوه من بطنها

عزام ها شبيج

ورود راح اموت من الوجع

عزام هانت هانت ماضل شي انشاء الله دواج اهنا

ورود شكرا عزام انت صرت دواي بفضل الله

هز راسه عزام لاتشكريني واجبي

ونزلو واخذو تكسي وكبل للمستشفى وعادوا كل تحاليلهم ماعترفوا بالتحاليل الماخذينها وكضوا اليوم كله من تحليل التحليل وثبتو وتاكدوا تطابق الانسجه والدم و تاكدو من سلامه جسم عزام وتاكدو ان برضاته هو متبرع الها وتاكدو من ان هو بكامل قواه العقليه و اجلو العمليه الوره باجر لان يصادف عدهم عطله وعيد

وبعدها راحو على الفندق الي حاجزينه واخذو سويت غرفه داخل غرفه وحده بيها سرير ابو نفرين والغرفه الثانيه سريرين ابو نفر

واول ما دخلو اتصير الغرفه ام السريرين بالبدايه وبعدين باب يودي للغرفه الثانيه

اتمدد ابو عزام من التعب على السرير الموجود وام عزام و ورود كعدن على السرير الثاني وعزام كعد على كرسي وضلو يسولفون على المستشفى والتحاليل وشوي وضلو يضحكون على عزام من سوله اختبارات يتاكدون من عقله خوب مابي شي

عزام لاحيل واكفه هااي سووني مخبل

ابو عزام ههههه بويه غير يتاكدون حسبالهم مو بعقلك واحنه مقشمرينك او منطينك فلوس علمود ناخذ كليتك

عزام اي ادري سكت شوي وكمل يله اكوم اصلي واجيبلكم غده صارت ب٤

ابو عزام اي والله هواي تأخرنه على الصلاة يالله وكام

وره ماصلوا نزل عزام جاب الهم غده واجه

ورود ما اشتهي

ام عزام شبيج ولج راح تموتين باعي وجهج انسفط صرتي شكدوتج تعاي اكلي شوي بس

ورود يمه والله مو بيدي ما اشتهي حلكي مر

عزام هسه انزل اجيبلها عصاير

وتغدوا وكملو نزل عزام جاب عصاير ورجع لكه امه وابو متمددين كلواحد على جربايته

حجه جا وين ورود

ام عزام يمه بغرفتكم وديتها تتمدد شوي

عزام بغرفتنه لايمه انتي نامي يمها وانه وابوي اهنا خاف تحتاج شي وتريدج يمها

ام عزام يمه انه هنا قابل وين رايحه روح يم مرتك

هز راسه واخذ العلاكه ودخل لكاها متمدده على الجربايه

كعد على الطرف الثاني وحجه هااج

ورود ما اشتهي

عزام مو بكيفج فتح العصير وانطا الها

كامت واخذت منه رشفه وخالته يمها على الميز

اتقرب عليها عزام واخذ العصير واخذ ايدها وخلا بيدها
وكال شربي كله

ابتسمت واخذته وهي تشرب

ورود عزام ليش تسافر ليش ماتضل اهنا

سكت عزام وماجوب جان ينزع بحذائه

ورود عزام مو احجي وياك

عزام اضن كلتها قبل ماله داعي اعيد الحجي كتلج ليش ما اكدر اكعد اهنا

ورود زين انت ليش متغير

عزام شلون متغير يعني مو هذا التردينه انتي

سكتت ورود

عزام كملي عصيرج خل اطفي الضوه وانام شوي تعبت

هزت ورود راسها بقهر بمعنه اي

وهو بدل ملابسه وطفه الضوه ونام

شوي وسمع صوتها تبجي وتناشغ جوه اللحاف

دار عليها وحجه شبيج

ورود ما ادري

عزام بطنج توجعج

ورود لا ماتوجعني بس مقهوره ما ادري ليش

عزام من شنو مقهوره

ورود والله ما ادري بس احس بنفسي اريد ابجي وكلبي يعتصر

مد ايده وخلاها على راسها وكاللها نامي راح اقره عليج ايات من القرآن تنفه عن حزنج

خلت ايدها فوك ايده وعصرتها حيل واخذت نفس قوي وغمضت عيونها ضل يراقب وجها ويحسب انفاسها ابده يحضنها يكسر ضلوعها يدخلها بصدره وينام يحبها لحد الثماله لحد الاوعي يعشقها والمشكله هل عشك صار مثل النار وشبت بدت بكلبه وضلت تكبر وتاكل بجسمه حركت حرك من الحب والمشاعر الهايجه يتمنه لو هي تحبه ربع او عشر حبه جان راح يكفي هل حب ويزيد جان راح يعيش بهل حب ملك بسس .... هاي البسس هي المشكله ان هي ماتحبه ويمكن بالها وي غيره مشغول لازم يصنع حاجز يوكف هل الحب الاهوج عند حده هل حب العاصف يعرف ان مايكدر يقاوم هل سلطان الامر الناهي على العقل والقلب بس راح يحاوول

مر اليوم واليوم البعده وعزام متجنبها الى ابعد حد تسولف ويا يجاوب على كد السؤال يحاول مايتواجد بالمكان الي هي بي بس لمن ينام ويحاول مايباوع بوجها لان هو نقطة ضعفه الى يوم العمليه

كعدو الصبح لبسو وكملوا ماتريكو لان وراهم عمليه عمليتهم سوه ياخذون الكلى منا يزرعونها هنا

نزلو من الفندق واخذو سياره للمستشفى جانت ورود كاعده بالنص ومنا يمها عزام وامها من الجهه الثانيه وابو عزام بالمقعد الامامي

جانت عيون ام عزام تحجي حزن وخوف على ابنها وبتها وتدعي بسرها وعلنها

ورود خلت راسها على جتف عزام وغمضت

اتفاجئ عزام بحركتها وحجه شبيج

ورود ما ادري بس مشكوور لانك تأذي روحك الخاطري

عزام الي جسمه ارتعش لمجرد خلت راسها على جتفه حجه بصوت خفيف لاتشكريني واجبي بارادتي لو غصبآ عني تلقائيآ راح اتبرعلج

ورود غمضت عيونها جانت تشتم عطره بس هل مره تشمه بعطش ماتعرف ليش ماودها تتبعد عنه خايفه عليه وتحس نفسها مديونه الى بعمرها وهواي قدم تضحيات

وصلو ونزلو وهما جاي يدخلون باب المستشفى وسمعو صوت من وراهم يصيح عزااام عزااام

التفت عزام وابتسم افصييل

اتقدم عليه فيصل بخطوات سريعه وتشابكوا

عزام ولك شجابك

فيصل ولك خويي راح يسوي عمليه وتريدني اكعد واسكت واجب علي اييك

عزام ماله داعي يفيصل تتعب وتتعنى للهند كافي اتصالاتك وسؤالك علي

فيصل وربك لو الاخر العالم تروح راح اييك جم عزام عندي ولو انت بمجاني جان سويت نفس الشيي

عزام تسلم فيصل والله ونعم الاخو اي والله جنت راح اجيلك لو باخر العالم

فيصل عييل اسكت

عزام بويه هذا فيصل صويحبي واخوي من الكويت

ابو عزام اتشرفنه وليدي ياهلا ومية هلا

اتقدم فيصل باسه على راسه تسلم تسلم ياعمي

ام عزام شلونك يمه عساك بخير حبيب ليش تعبت رويحك يايمه

فيصل شدعوه يمه ترى هذا خويي المايابته امي

عزام بعدروحي افصييل

دخلو للمستشفى
و انطوهم ملابس غيرو ملابسهم لبسو زي العمليات ورود وعزام وعيون عزام بعيون ورود وجن يحجيلها حبه ويسولف عشكه بنضراته

جانو ابو عزام وامه واكفين يمهم يم صالة العمليات قبل لايدخلونهم ام عزام تبجي وتمسح بدموعها وتدعي وابو خايف رغم مايضهر ويحاول يكون قوي حتى يصبر على مرته وبنته وابنه

اما فيصل فجان بصالة الانتظار تركهم علمود ياخذون راحتهم

دخلو ورود وعزام النفس الصاله ونامو كل واحد على سرير وبين الاسره مسافه قليله جانت نظرات عيونهم متصله مانزلت عيونهم ولارمشت لحد ماغلب عليهم التخدير

وطولت عملية عزام ساعه ونص وبعدها طلعوا عزام قبل ورود واخذو الغرفه خاصه وراه بساعتين طلعو ورود واخذوها الغرفه خاصه

ضلو بالمستشفه لحد ما فاقو فتح عينه عزام وجان يمه فيصل واول ماسأل شلونها طلعوها لوبعدها

فيصل اي طلعوها وامك وابوك الحين يمها والعمليه نجحت والحمد لله

حجه عزام بالكوه الحمد لله

فيصل ارتاح ياخوي وطمن بالك

كعدت ورود من البنج ولكت امها وابوها يمها وتحمدو الها السلامه وامها تبجي وابوها يحجي بانكسار الحالتها

دخل الدكتور يجيك حالتها وكمل وطلع راح العزام وراحو وياه امه وابوه طلع فيصل من يمهم وراح الغرفت ورود دك الباب قبل لايدخل وحجه

اختي ممكن ادشش

ورود بصوت تعبان ومتوجع وبالكوه ينسمع ادخل

دخل فيصل الحمد لله على سلامتج اختي

ورود بنفس نبرة التعب الله يسلمك

فيصل ادري مو وكته بس ماعندي فرصه اتحجه وياج انسب من الحين طلع تلفونه من جيبه وفتح مقطع فيديو مصور عزام بالبنج

جانت تتسلل دمعات من عينه وهو بلا وعي بالتصوير وهو يردد ورود احبج ما اكدر بلياج ولج صرتي ادمان الي حتى لو نبقى بعاد بس كافي اسمج مرتبط بأسمي رضا مايفيدج مايحبج بكدي ويصرخ حيل احبهااا احبهااا

جانت.ورود تباوع وعيونها تصب حتى بالاوعي يصيح باسمها ويصرخ بحبها

فيصل اختي ترى عزام وايدد يحبج فوك ماتتوقعين مينون بحبج اسأليني عنه لاتضيعين جذي حب من يدج تراهو مو اخوج هو ولد عمج هلشي واقع وحگيگه لاتنكرينها

واخذ تلفونه وطلع

مرت ثلاث ايام بالمستشفى عزام طلع بس ورود ضلت بالمستشفى كالولها لازم تضل اسبوع تحت المراقبه يراقبون العضو الجديد وعمله ويعالجونه قدر الامكان حتى يعمل عمل على اتم وجه ويتناسق وي باقي اعضاء الجسم وماينفر منه

قبل لا يطلع عزام مر بورود لكاها نايمه طبع بوسه على كصتها جانت امه يمها وطلع هو وابوه
راحو على الفندق

فيصل اجر غرفه يمهم بنفس الفندق وجان يدير باله على عزام من امه وابوه يروحون الورود

وشوي شوي بدت تستقر حاله ورود واشتغلت الكلى وتناسقت وي جسمها وره الاسبوع طلعها ابوها وجابها على الفندق
جان عزام نايم وامه يمه
ابو عزام دخل ورود للغرفه ونيمها على الجربايه يم عزام

ام عزام وهي تبوس بتها يمه كفاج الشر وكتبلج العافيه

ابو عزام انطيها هذا العلاج وخل ترتاح

اخذت العلاج وانطت بتها وشربتها ماي

ابو عزام شنو عزام من يمته نايم

ام عزام قبل شوي انطيته دواه ونام خذه حيلي متوجع

ابو عزام الله يشفيهم

ام عزام امين

وطلع ابو عزام وامها نزعتها شالها وحذائها بدلتلها ملابسها
نامي وارتاحي بعد امج

ورود باست ايد امها الي جانت اتمررها على شعرها باستها امها على راسها وطلعت

دارت ورود وجهه على عزام الي جان نايم وايده على عيونه والثانيه على بطنه ومتغطي للنص

ضلت تباوع وتتامل بوجهه وتذكر شكله وهو تحت تأثير البنج وشلون يصيح بأسمها

ونزلن ادموعها بلاشعور وخلت ايدها فوك ايده الي حاطها على بطنه وضلت تمسح على ايده على الخفيف وهي تتذكر كل كلماته الي نطقهن بحبها وكل الي سواه علمود اتضل يمه غيرته وحجيه الحلو وشلون رفض اي واحد يساعدها واصر اله هو يتبرعلها بجزء من روحه

وبينما هي هيج حست ايدها بطن ايده وهو يباوع بعيونها

عزام حمد لله على سلامتج

ورود الله يسلمك

عزام ليش تبجين

ورود ما ادري بس لاتعوفني ولاتطلكني خلي ننطي هل حب فرصه ثانيه لان اي وحده بمكاني ماجانت راح تضحي بهل حب علمود اخوه الناس فرضتها واوعدك راح احاول ومتاكده راح اكدر اتعود عليك

ابتسم عزام نص ابتسامه وهو ما مصدك معقوله هاي انتي هيج تحجين شغيرج ورود

ورود غيرني الحب الي شفته اصلاً هنيالي على شخص مثلك مو كليوم تصحلي هيج فرصه واني ماراح اضيع هل حب اصلا مايضيع ولايندفن هيج حب

ابتسم عزام مادري شلي غيرج بس ماتتصورين هل تغير شسوه بيه احس نفسي شفيت والله احس كلبي راح يشك صدري ويطلع

دنكت ورود بخجل لاتسأل عن الي غيرني الي شفته من حبك وتضحيتك وغيرتك خلاني اغير مفاهيم بنيتها من اسنين

سحب ايدها الي جانت بايده وخلاها على كلبه وجان كلبه يدك بقووه وحجه ما اعرف شعبر وشحجي وشكول بس هذا يمكن يكدر يعبر شوفي شلون راح يشك صدري حتى دكته وجعتني على كد مافرحان

نزلت ورود عيونها من اعيونه وكتفت بالابتسامه

عزام يعني بيها مجال تحبيني موو

ورود حجت بخجل اضن اني احبك

عزام ااااخ ربييي كلبببيي ماايتحمل بعدددد

ورود اشش صوتك اهلي منا

عزام سحب ايدها الي جانت على صدره وخلاها على حلكه وباسها بوسه وثنين ومطر عليها بالبوس لحد ماسحبت ايدها ورود بخجل ودارت وجها

اتقرب عليها وهو لازم مكان العمليه ومتوجع بس ما وكف بطريق حبه هل وجع اصلآ ولاهمه الوجع

لزم وجها بايده وضل يباوع بعيونها شحجي شكول شلون اعبرلج ما اعرف بداخلي جبال من الحجي جبال من المشاعر بس ما اعرف شلون احجي

جانن عيون ورود تتنقل بين عيونه وفجئه ماحست اله وحط شفايفه على شفايفها وباسها دفعته على كيف وجان كلبها يرجف وايديها كذالك بس عزام ولاهمه رجع باسها من جديد جن ماصدك هل لحظه تجي هل لحظه الي تاناها سنيين وتعذب من وراها امنييته صارت اله واخيررا امنيته تحققت ماضن يريد اكثر بعد من ربه لان هاي امنيته وصارت ام بيته

https://www.youtube.com/watch?v=D3PymvHUmlw

هذه القصه جانت في سنه٢٠١٥ و عزام و ورود سوو عرس بعد ما تماثلو للشفاء واحتاجت ورود اقل من شهر حتى تتعود على عزام وتصير زوجته فعليآ وتكول صديقة ورود جانوا اسعد اثنين ومازالو كذالك ورود تعشك اسم عزام وعزام كلبه ينبض بورود تكول جانوا على طول بالجامعه يتخابرون مثل اثنين ستوه مخطوبين و هيج يغار عليها ويحبها حب كل ابنيه تتمناه جن موكلى تربطهم جن انطاها نص كلبه

والان في سنه ٢٠١٩ ورود صار عمرها٢٢سنه وعزام ٣٤ سنه عدهم بنات ٢ وحده ٣سنوات والثانيه ٤ شهور

علي تزوج ولاء

وفاء هم تزوجت قبل سنه خطبها واحد غريب

ورضا حاول هواي حتى يحب دعاء بس اضن مانجح لكن هي للان على ذمته يربطهم ولد وابنيه فقط بلا حب ومشاعر بارده

🌺🌺🌺النهايه🌺🌺🌺

...............................................

طبعا الكل اضن عرف العبره من هل قصه

١/ وهي تبادل الاطفال واضرارها ليش ماكل واحد يرضا بالي قاسمه الله وربنا لو يريد جان رزقك بالي تتمني لكن لابد وان اكو سبب لمنعك من هل قسمه وهل نعمه واكو علم يخفة عليك يا ابن ادم فا احمد ربك على كل حال وارضا بقسمتك

٢/تحكم بمصير الغير وكانهم ماالهم اي حق بالتصرف في حياتهم وكان حياتهم مو ملكهم لاتجبر احد على الي ببالك فجيل عن جيل يختلف فعاملهم على اساس جيلهم بس بالي يرضي الله والاشياء الصحيحه لا الاغلاط

جاوبو هنا

١. الشخصيه الحبيتوها والشخصيه الكرهتوها

٢. شنو الموقف الزعلكم والموقف الحبيتو بالقصه

٣. قيمو القصه من ١٠

تم نشر القصه في الواتباد سنه٢٠١٩/١/٢٥

تحياتي #الزينبيه

انتضروني بقصه جديده