تحميل رواية «عندما يأتي العوض» PDF

مازال الحديث مستمر بين يحيى ويسر

يسر : صحيح صحر عامله ايه وحشانى اوى

يحيى: وانتى كمان وحشاها ونفسها تشوفك اوى

يسر : هى قالتلك كده

يحيى: لا هى ظايما بتكلمنى علينى فطبيعى اعرف يعنى انك وحشاها

صحيح صحر عيد ميلادها قرب وكنت عايز اجبلها هديه مش عارف ممكن اجيبلها ايه تفتكرى اجبلها ايه يفرحا

يسر : بصراحه سن صحر ده محير اوى يعنى لعبه هى كبيره على انك تجبلها لعبه وصغيره بصراحه على انك تجيبلها ميكب وغير كده عشان تجبلها لبس لازم تقيس

طيب هى بتحب ايه

يحيى: بتحب تعقعد تعمل أشكال باديها وتلعب بالخرز

يسر: طيب ايه رايك تجبلها بوكس كبير فى كل انواع الخرز بالمعدات بتاعته

يحيى: تصدقي فكره حلوه بس اجبها منين وازاى

يسر: سيبها عليا دى انا هظبطهالك

يحيى: وانا هحولك الفلوس عشان تجيبى براحتك

يسر: لا انا معايا استمى لما اجيب وابعتلك الفاتورة

يحيى: هبعتلك واللى يفيض يا ستى. رجعيه تانى

يسر: تمام براحتك

فضلوا يتكلموا شويه وبعدين قفلوا

بعدها كلمت رشا وقالتلها انها تجهز نفسها عشان خلاص خى جابتلها شغل ومكان تسكن فيه واديتها رقم يحيى عشان تتواصل معاه

عند وائل وعزه

وائل: الورق ده كده فى تنازل عن كل حاجه تخص بابا

عزه : جدع يا وائل انت كده بتحفظ حقك افرض فى مره ابوك اتجوز فيها تانى وخلف ولا كتب حاجه من املاكه باسم واحده غريبه مش انت برضو اولى بالفلوس دى على الاقل انت اللى تعبت وشيلت معاه

وائل: عندك حق كفايه اللى صرفه على اخر جوازه

عزه: واختك يسر بكره تتجوز اخويا ومش هتبقى محتاجه منك حاجه وكمان الصغيرة خلاص كبرت اهى وان شاء الله تتجوز والحمل يخف من عليك

وائل: عندك حق يا حبيبتي

عزه: صحيح هتكلم ابوك وتيجوا امته تطلبوا ايدى

وائل: كنت هكلم أبويا امبارح لكن للأسف تعب وطبعا معرفتش افاتحه في حاجه

عزه: اه طيب ألف سلامة عليه هو لسه فى المستشفى ولا خرج

وائل: لا خرج هيعمل تحاليل كان طالبها من الدكتور وبعدين يكشف تانى

عزه: طيب فرصه بقى كلمه وحدد معاد مع عامر عشان تيجوا فيه

وائل: حاضر يا عزه هكلمه انهارده

عند ريحان وزليخه قربوا من بعض الفتره الاخيره وبقى ريحان يكلم زليخه بشكل يومى وبقى يحكيلها تفاصيل يومه بس دايما بيبداء الكلام على صحر عشان يجرورجل زليخه فى الكلام وعرف نقاط ضعفها منين اللى ممكن يدخلها بيها هو شايف ان زليخه عندها عاطفه الام عاليه جدا وبتحب كل الناس مبعترفش تاخد موقف فى حياتها وبتخاف تدخل فى اى حاجه جديده عشان كده قرر انه يديها وقتها لحد مايطلبها للجواز واخد صحر حجه لتقربه منها

من ناحيه زليخه هى بترتاح في الكلام مع ريحان شايفه ان ظروفه مناسبه ليها وحاسه باعجابه بيها بس طبعا ولادها اهم وخصوصاً انهم قاعدين معاه يعنى عشان ترجع تعيش حياتها طبيعيه معاهم هتبقى للزم ترجع لابوهم مره تانيه ولو فكرت انها ترجعله تانى معنى كده هترجع تمضي على عقد العبودية وقد يكون تغيره لحظى بسبب تجربته مع هند لكن مايمنعش خيانته ليها ومد ايده عليها اكتر من مره مش هتقدر تنسى انه اهانها قدام واحده زى دى واثناء تفكيرها اتصل بيها ريحان

زليخه : بصوت مجهد . السلام عليكم

ريحان: وعليكم السلام ازيك يا مدام زليخه

زليخه: بخير الحمدلله انت عامل ايه وصحر

ريحان: احنا بخير انتى اللى صوتك مش بخير

زليخه يعنى بفكر في شويه حاجات كده حاسه انى تايهه

مش عارفه اعمل ايه

ريحان: طيب اشركينى معاكى يمكن اقدر اساعدك

زليخه: يسر كلمتنى وقالتلى ان باباها تعبان وكان فى المستشفى وانا حاسه انهم ممكن يكونوا محتاجنلى وقالتلى كمان انه طلق هند وانه ندمان وعايز يرجعلى

ريحان: وانتى بتفكرى ترجعى

زليخه : بص انا عن نفسي زكى مخرجاه من حياتى من زمان من ساعت ما كان بيهنى ويمد ايده عليه ويخونى وكنت بستحمل عشان ولادى يعنى مش هو اللى فى دماغى الرجوع ليه

انا بس وحشنى ولادى ونفسي يبقوا فى حضنى وعشان ارجعهم فى حضنى لازم ارجعله

ريحان: لأ مش لازم طبعا انتى مش واخده بالك انك لما بعدتى بداؤا يعرفوا قيمتك حتى رولين الصغيرة وبقيتى تكلميهم وتعرفى عنهم حاجات مكنتيش تعرفيها وانتى قاعده معاهم

ريحان : بصى هقولك رأى وانتى حره ولادك هما اللى هيجولك لما يحتاجوكى ويعوزوا حضنك لو انتى رضيتى باللى كنتى فيه تانى ولادك هيطلعوا معقدين ولو اتجوزا هيبقى عادى عندهم ان اجوزاتهم يعملوا معاهم نفس اللى بيتعمل معاكى هتبقى مبسوطه بكده

زليخه: بسرعه . لا طبعا ربنا يجعل حظهم افضل

ريحان: يبقى خليكى زى مانتى وهما اللى هيجولك

زليخه : بس هنا انا متقله على اخويا اوى وفلوسى قربت تخلص وده محسسنى بالذنب ومش هقدر اطلب حاجه من حد ومش هقدر ارجع اشتغل تانى وحتى البيت لو اخدته من زكى مش هقدر ابيعه لان ولادى قاعدين فيه وانا مش هقدر اطردهم

ريحان: يا ستى ماتسبقيش الاحداث وإن شاء الله مش هتحتاجى تشتغلى واقولك حاجه اتنازلى عن قضية البيت هو كده كده عرف ان البيت بتاعك وولادك كمان عرفوا إنه من حقك بس طالما هو قاعد في ملكك يدفعلك ايجار يحولك فلوسه وبكده يبقى عندك مرتب شهرى من غير مجهود وانتى مش هتستفادى حاجه لما تطلعيه من البيت وكده كده هو اكيد هياخد باله من ولادك

زليخه: تصدق عندك حق الفكره دي كانت تايهه عنى فين اى مبلغ يدفعه هقدر اصرف بيه على نفسى هنا من غير محتاج لحد . هكلم يسر اقولها

اه صحيح عرفت انا هجيب هديه ايه لصحر

هى كانت بتاخد زوقى فى ترنج كانت عايزه تشتريه اون لاين ايه رايك اجبهولها هديه

ريحان: تمام حلو اوى واى حاجه تحسى انها عجبها وورتهالك ابعتيهالى او اطلبيها وانا هبعتلك فلوسها وتجبيها وانا ابقى اخدها منك

زليخه: خلاص ماشي وكده كده انا عارفه مقاس صحر لانى اشتريت معاها قبل كده لبس

ريحان : خلاص اتفقنا

عند يسر امها اتصلت بيها وبلغتها فكره ريحان من غير ماتقولها انها فكره ريحان ويسر قالتلها انها هتكلم ابوها وترد عليها

خلال الأسبوع حدث اشياء جديده

طلب وائل من ابوه انهم يروحوا ويطلبوا عزه وابوه وافق وراحوا طلبوها وحددوا معاد الخطوبه بعد اسبوع تكون عزه جابت اللى هتحتاجوا ويكونوا جابوا الدهب وطبعا يسر اتحججت ومراحتش معاهم ورولين راحت عشان تشوف عامر طبعا

بعد يومين من قرايه الفاتحة ظهرت نتيجه التحاليل والأشعة وراح زكى ويسر للدكتور والدكتور قالهم ان ده ورم في المخ وللأسف حجمه كبير وصعب ان يتعمل عمليه هيحاولوا الاول بالعلاج ويشوفوا النتيجة بس هى مش مضمونه لان للاسف الورم فى المرحلة التالته

يسر طبعا كانت منهارة جدا بسبب باباها بس بتحاول تمسك نفسها وماتبينش اى حاجه عشان نفسيه ابوها وكلمت وائل وبلغته بكل حاجه هو ورولين وطبعا حاله رولين كانت منهارة من العياط ومقدرتش تقابل باباها وهى حاسه انها خسرت ابوها وامها مش معاها

وقفلت على نفسها وفضلت تعيط

اما يسر اتصلت على مامتها وبلغتها بحاله باباها وانها محتجاها معاها ضرورى وطبعاً مع انهيار يسر ورولين مكنش ينفع زليخه ماترجعش ليهم وتسيبهم لوحدهم

توقعاتكم هل زليخه ممكن ترجع تانى لزكى ولا ايه اللى هيتم

اتصلت زليخه بريحان

زليخه: السلام عليكم ازيك يا ريحان بيه

ريحان: وعليكم السلام ورحمه الله وبركاته الحمدلله بخير

فى حاجة ولا ايه

زليخه : اه انا هسافر بكره الصبح القاهره بإذن الله

ريحان: حصل حاجه ولا ايه الولاد كويسين

زليخه: الولاد بخير الحمدلله لله بس باباهم تعبان وفى حاله خطر وهما محتاجينلى اوى ولازم ارجع

ريحان: وناويه بقى تسمعى كلامه وترجعيله

ريحان: لأ هو فى شقه وانا فى شقة بس لازم اكون مع ولادى فى وقت زى ده خصوصاً البنات لانهم منهارين حدا

طيب تمام جهزى نفسك بكره الصبح هوصلك بنفسى وانهارده بليل انا جايلكم

زليخه: جايلنا البيت

ريحان: اه جاى اطلب ايدك رسمى من اخوكى وخلاص كده كده العده قريبت تنتهى اول ماتخلص تانى يوم هيكون كتب كتابنا

زليخه: 🤭🤭 ازاى بس انت بتقول ايه

ريحان: اللى سمعتيه واعتقد انك كبيره كفايه عشان تكونى عارفه ان الفتره اللى فاتت كنت بحاول اتقرب منك واعرفك عنى كل حاجه واخليكى تحكيلى عن نفسك

زليخه: 😐😐😐

ريحان: انا مش عايز اسمع ال كلام منك الموافقة هخدها من اخوكى كل المطلوب منك تجهزى نفسك لمعاد انهارده يلا روحى جهزى نفسك وقفل السكه واتصل بعدها على يحيى وحكاله انه هيروح يخطب زليخه

يحيى بهزار : 😂😂😂 وعايزنى انا بقى اللى اطلبهالك ولى امرك انا

ريحان: اخرص يالا عايزك تيجى معايا عشان يعرفوا ان ولادى موافقين

يحيى: طيب وصحر

ريحان: صحر متعلقه بيهم وانا لما اجى بكره هيكون ليه قاعده معاها ماتكلمها انت فى حاجة بس لحد مانشوف رأيها

يحيى: انا من ساعت ماشفتها في المول وانا حاسس ان فى حوار وانت بتلاعبنى

ريحان: احترم نفسك يلا ايه بتلاعبنى دى

يحيى: طيب احكيلى تعرفها من امته وازاى

ريحان: عارف يا يحيى مين اول خد شالك اول ماتولدت

يحيى: انت طبعا

ريحان: لأ زليخه

يحيى: نعم 😧

ريحان: اول ماتولدت كان فى ممرضه حلوه شايلاك وحضناك وخارجه بيك من اوضه العمليات وكانت اول مره تحضر هى عمليه ولاده شاعتها خرجت ٥٠ جنيه اديهالها من فرحتى بيك ان ربنا رزقنى بولد وكان زقتها ال ٥٠ ج دى مرتب شهر وقتها هى رفضت وقالتلى اديهم لحد يستاهلها من وقت ماشوفتها وانا جوايا اتحركت ليها بس طبعا كنت بدوس على مشاعرى عشان خاطرك انت وامك وفعلا محاولتش اقرب منها بس زقتها عمك زاهر كان بيدور على شغل فخليته يشتغل عندى وعرفت بعد كده انها اتجوزت وجوزها اخدها وسافر يشتغل فى مصر كان شغال مندوب بيوزع بضاعه على المحلات بعربيته وسمعت من اخوها انه بقى تاجر جمله بعد كده ولما كبر وبقاله اسم وولادها كبروا نكروا وقفتهم جمبها وراح اتجوز عليها وكان بيهنها ويضربها

يحيى: لا حول ولا قوه الا بالله مكنتش اعرف كل التفاصيل دى

ريحان: واديك عرفتها ومش عايز حد يعرف انك عرفتها ولا عايز حد يعرفها تانى سامع

يحيى: حاضر يا بابا

اتصل ريحان بزاهر وبلغه انه هيعدى عليه بليل هو وابنه وهو رحب بيهم

عند زكى كان قاعد في وسط ولاده

زكى : امك عرفت يا يسر انى تعبان

يسر : اه يا بابا وجايه بكره باذن الله

زكى : طول عمرها اصيله وانا اللى كنت وحش معاها

رولين: خلاص يا بابا ماما طيبه وإن شاء الله تسامحك وانت تخف ونرجع كلنا نعيش مع بعض تانى زى الاول

( عشم ابليس في الجنه)

وائل: هو انتوا كنتوا عارفين مكان ماما

يسر : اه كانت عند خالوا

زكى : ابقى كلم امك وخد بالك منها هى واخواتك يا وائل

وائل : انا كنت شاكك أصلا انها عنده

يسر : طيب محاولتش تروحلها ليه محاولتش تكلمها وتطمن عليها ليه هتفضل عينك معميه كده لحد امته يا وائل

وائل : مالك يا يسر فى ايه وشاده حيلك عليا كده ليه

يسر : بص يا وائل قدام بابا فى حاجة مهمه عايزه اقولهالك عايزاك زى الشاطر كده تكلم عامر صاحبك يجيى ياخد حاجته وعايزه افسخ الخطوبه

هنا رولين بصتلها بفرحه ان كده عامر هيكون ليها لوحدها

وائل: ليه إن شاء الله

يسر: عشان طمعان فينا واخته على فكره ماتتخيرش عنه

وائل: وانتى اصلا بتكلميه ولا هو اى كلام وخلاص عشان تطفشيه

يسر : طيب اسمع كده وشغلتله تسجيل كانت مسجلاه ليه وهو بيوذها انها تمضى امها على الشقه وتكون باسمها وتسجيلات تانيه ليه كلها تحريض وهى بتجاريه في الكلام

وائل: الناس دى يا وائل داخلين طمع عايز تصدق براحتك مش عايز خليك عايش في الغيبوبه اللى انت فيها سايب اللى بتحبك بجد ورايح للى يهمها فلوسك

هنا رولين كانت مصدومه وبتعيط انه كان بيخدعها

رولين: يسر فى حاجة مهمه لازم تعرفوها بما انه يوم الاعترافات بس عايزاكم تتاكدوا ان انا ندمت

بصت لوائل وراحت قاعدت جمب ابوها

رولين: عامر كان بيكلمنى وكان بيقولى انه بيحبنى وانه مكمل معاكى عشان اداكى كلمه ولما انتى شغلتى صوت التسجيل بتاعه انا اتاكدت انه هو للنى عارفه صوته

وائل بصدمه : هو انتوا متفقين مع بعض بقى

رولين: لأ لو مش مصدق انا هثبتلك

وائل : ازاى

رولين: هتصل بيه وافتح الاسبيكر وانتوا متتكلموش واظن انك تعرف رقمه ووريته الرقم بتاعه وبالفعل طلبت الرقم وكلهم ساكتين حتى يسر اللى كانت متفاجاه

عامر : ألو ازيك يا حبيبتي عامله ايه وحشتيني

رولين: وانت كمان يا عامر انا عرفت ان وائل اتقدم لاختك وفرحت اوى انهم هيتخطبوا

عامر: وانا كمان مبسوط اوى عقبالنا ان شاء الله

رولين : عامر سيب يسر وتعالى اتقدملى وانا هكلم بابا ووائل واعرفهم انى موافقه

عامر بتوتر : وترضى قلب اختك يتكسر

هنا وائل اخد منها التليفون

وائل: لأ حنين يلا خايف على قلبها يا روح امك

عامر بخضه :  وائل انت فهمت غلط اسمعنى بس

وائل : اسمع مين يابن ال .... يا و ...... دانا هطلع ...

انا جايلك دلوقتي وهوريك هعمل فيك ايه

نزل وائل راح لعامر ويسر نزلت تجرى وراه هى وابوها

وصل وائل لبيت عامر وعامر نزله واتخانقوا تحتوالبيت ووائل مسك عامر واداله ع. ل قه  م . و ت

وائل: لو شفتك قربت لحد تانى من اخواتى ياد انت هعمل فيك اللى عمرك ماتتخيله واختك خليهالك مش عايزها والشبكه اللى انت كنت جايبها لاختى انا صرفت عليه تمنها مرتين

عامر خاف من شكل وائل يا وائل انت فاهم غلط ورغم كده اللى انت شايفه انا هعملهولك حاضر

يسر خرجت علبه الشبكه ورمتها في وشه

يسر : مش انا اللى يتبقشش عليا مش عايزه حاجه من شكلك بس لو عرفت انك حاولت تكلم اختى تانى هتبقى انت الجانى على نفسك

هنا زكى راح ضربه بالقلم

زكى: شكلك نسيت انا مين يلا ومحتاج تتربى انت فاكر نفسك مين انت حتت عيل معفن جرب بس تقرب من بناتى ساعتها اللى وائل عمله فيك ده هيكون واحد فى الميه من اللى هتشوفوا على ايدى

روحوا كلهم البيت

يسر : ها صدقتنى يا وائل ان دول عالم معفنه انا الفتره اللى فاتت دى عماله اجمعلك فى ادله عشان لما اواجهك تصدقنى بس مكنتش اعرف ان الو س اخه وصلت بيه انه يحاول يكلم اختى كمان حسبى الله ونعم الوكيل

وائل: يلا الحمد لله بس خدى هنا تعالى قوليلى تقصدى مين باللى بتحبنى

يسر : انت هتفضل لوح كده طول عمرك 😂😂

وائل: احنرمى نفسك وانتى عامله فيها المفتش كرومبوا وادله وحوارات

يسر : يابنى متنساش انى محاميه وكل حاجه لازم اجمع دليل عليها

وائل: شكلنا هنشوف ايام سوده طيب يا استاذه يا محاميه تقصدى مين بكلامك

يسر : اقصد اللى بتهتم بصحتك واكلك وانا مسافره

وائل: نرجس

يسر : بعينها البت محترمه ويتيمه وعارفين تربيتها واخوها محترم عمره مارفع عينه فى حد هو ده النسب اللى تروحله مش العك اللى كنت حاطت نفسك فيه

زكى : كلام اختك صح يا وائل ادى نفسك فرصه وقرب من نرجس دى شبه امك اصيله اوعى تضيعها وترجع تندم زى ماانا ماندمت وان شاء الله ربنا يقدرنى واصلح الغلط

يتبع

عند زليخه وريحان

وصل ريحان لمنزل زاهر هو ويحيى واتكلم معاه

زاهر: اهلا اهلا يا ريحان بيه البيت نور

ريحان: الله يخليك يا راجل يا طيب احنا نعرف بعض بقالنا اد ايه

زاهر: عمر بحاله يا بيه

ريحان: وده اللى خلانى اجى بعشم انهارده

بص يا استاذ زاهر انا عارف ان ام وائل لسه العده بتاعتها فضلها شهر تقريباً وتنتهى وان الكلام اللي هقوله انهارده المفروض كنت اجله لحد ما عدتها تخلص بس لسبب يخصنى للاسف جيت بدرى عشان اتكلم عليها انا عايز اتجوز اختك ومش هعمل اى خطوبه او أى خطوه رسميه غير لما عدتها تتخلص

زاهر بقى متفاجئ ومش عارف يقول أو يعمل ايهو

زاهر: الرأى رايها هى وزى ماقولت هى تعتبر فى العده يعنى ماينفعش خطوبه ولا قرايه فاتحه

ريحان: انا عارف بس جيت انهارده لسبب فى نفسى زى ما قولتلك

زاهر : خلاص يا ريحان بيه انا هكلمها واعرفها واخد رأيها بس مش هرد عليك غير لما عدتها تخلص

ريحان: على خيره الله وإن شاء الله نسمع خير

زاهر : اتفضل طيب اشرب القهوه

واثناء حديثهم دخلت مديحه بالمشاريب وسمعت جزء من كلامهم وجريت عشان تبلغ زليخه

مديحه: الحقى الحقى يا زوزو

زليخه: فى ايه

مديحه: ريحان بيه بجلاله قدره اتقدملك ومستنى يسمع موافقتك

زليخه: مانتى عارفه وضعى

مديحه: وضع ايه بس ده وضعك هيبقى احسن وضع ان شاء الله وعيالك لو جم هنا هيعيشوا في عز مالوش اخر وغير كده مانتى ادتيهم عمرك كله هما ادومى ايه غير جفاء

بصى يا زليخه وحطى الكلام ده فى دماغك انا عارفه انك مسافره بكره لو حسيتى انك هتضعفى وتتاثرى افتكرى اللى كان بيحصل فيكى المرض بيغير ويهد بس افتكرى اللى عملوا وقبل ماتاخدى اى قرار افتكرى ولادك اللى ضحيتى عشانهم وهما عشان مصلحتهم ضحوا بيكى انا حبيت اعرفك واسيبك لدماغك من غير مآثر عليكى

وسابتها وخرجت

عدى ساعتين واتصل ريحان بزليخه

ريحان: حبيتها تبقى رسمى

زليخه: اشمعنى دلوقتي

ريحان: عشان تبقى عارفه إن فى حد شاريكى ومتخافيش من حاجه وتبقى قويه وتفتكرى دايما ان انا باقى عليكى هتسافرى بكره الساعه كام

زليخه : الساعه ١٠ الصبح

ريحان: خلاص الساعه ١٠ هستناكى عند المحطه وعايزك تبقى لوحدك ماتخليش حد يوصلك

زليخه: 🤭🤭 انا حاسه انى عامله زى المراهقه اللى بتعمل حاجه غلط وبتهرب من أهلها

ريحان: انا عايز اعيش اللى معشتوش قبل كده وعايزك تعيشيه معايا

زليخه: انا كبيرة ماينفعش كده

ريحان: سبيلى نفسك واديكى قولتى كبيره ومسئوله عن تصرفاتك وعيالنا كمان كبروا ونضجوا ويقدروا يعتمدوا على نفسهم خلينا احنا بقى نعيشلنا شويه

بصى هسيبك تنامى ومش عايزك تفكرى فى اى حاجه عايزك تنامى وترتاحى

وفعلا قفلت زليخه مع ريحان وحست ان سنين عمرها اللى راحت منها رجعتلها تانى مراهقتها اللى قضتها في خدمه حماتها وعيالها رجعتلها تانى وبتعيشها ولأول مرة تنام وهى مبسوطه وحاسة ان العمر لسه  في أيام حلوه ممكن تتعاش

تانى يوم الصبح اصرت زليخه على زاهر يروح الشغل وهى هتقدر تروح لوحدها المحطه وتسافر وانها كبيره وهتعرف تسافر لوحدها زى ماجت لوحدها

وفى المحطة قبلت ريحان كان واقف مستنيها وساند ضهره على العربيه ولابس قميص وبنطلون وحاطت برفيوم ولابس ساعه ماركه بصتله زليخه وحست انها اول مره تشوفه

ريحان حس بيها وراح فتحلها باب العربيه ودخلها فيها

زليخه: ايه ده انت بتلبس قمصان وبناطيل

ريحان: هههههههههههه اه طبعا وبدل كمان انتى ناسيه انى عندى شركات تصدير هنا وفى مصر وانا ويحيى بنديرها وطبيعي لما بنزل القاهره وبروح الشركة بلبس بدله

وكمان لما بقابل المستوردين

زليخه : اللى يشوفك بغتكرك اخو يحيى مش ابوه الجلابيه بتكبرك كده وبتديك هيبه

ريحان: وانتى بكره باذن الله هتبقى مراتى وهيبتك من هيبتى وهتبقى ست البلد واى واحده ست هتحتاج حاجه هتجيلك تطلبها منك عشان كده عايزك تبقى قويه ومش اى كلام يأثر فيكى لأن ممكن ناس تيجى تحكيلك بالباطل عشان عايزه مساعده منك عشان كده لازم توزنى الكلام وتفكرى فيه بدل المره ألف مره 😉

( كان قاصد يقولها كده عشان ماتخليش مرض جوزها يأثر عليها وترجعله )

فضلت زليخه تفكر في كلام ريحان وفضلوا يتكلموا فى مواضيع مختلفه لحد ماوصلوا القاهره وقتها طلع ريحان ظرف واداه لزليخه

زليخه : ايه ده

ريحان: بتاعك خليه معاكى

فتحت زليخه الظرف ولقت فى فلوس

زليخه: دى فلوس

ريحان: خليها معاكى عشان لو احتاجتى حاجه يبقى معاكى فلوس

زليخه: لا طبعا مستحيل اقبل منك فلوس وغير كده انا معايا فلوس ولو احتجت هاخد من ولادى

ريحان: وولادك دول فلوسهم دى بتاعت مين مش بتاعت ابوهم لا طبعا مش هتاخدى مليم منه تانى سمعانى واتفضلى شيلى الفلوس معاكى

زليخه: بس دول كتير اوى وغير كده مافيش صفه رسمية بينا لسه عشان اخدهم منك

ريحان: زليخه لو ماخدتيش الفلوس وصرفتى منها صدقينى هجيلك في قلب بيتك عند ولادك واكلبك منهم فى الظروف اللى انتى فيها دى عشان كده أسمعى الكلام واياك اسمع انك اخدتى مليم واحد منهم لا عايزك انتى اللى تصرفى عليهم وتجيبى اكل جاهز وماتتعبيش نفسك وتشوفى واحده تعملك شغل البيت واى حاجه تحتاجيها وانا هكلمك على فترات خلال اليوم واوعاكى تقعدى معاه في مكان لوحدكم سمعانى انتى محرمه عليه لانه مطلقك طلاق بين يعنى مافيعوش راجعه عشان كده انا اتجرات وطلبتك من اخوكى لكن لو كنتى لسه على زمته او طلق طلاق شفوى عمرى ماكنت اقبل بكده يكفى انى جيتلك وانتى لسه فى العده بس انا عملت كده عشان تعرفى ان فى ناس فى ضهرك

زليخه: طيب هتعمل ايه مع صحر ويحيى

ريحان: يحيى موافق ومرحب كمان وكان معايا امبارح هو راجل ومتفهم انى محتاج ست فى حياتى حتى هو عرض عليا زمان انى اتجوز واخبى على امه بس انا رفضت

زليخه: إيه ده معقول

ريحان: من ساعت ولاده صحر واحنا داخلين على ١١ سنه وانا وام صحر زى الاخوات لانها كانت مريضة قلب وولدت صحر بمعجزه ويحيى راجل وفاهم انى راجل وليا احتياجات بس انا حطيت نفسى مكانها لو انا اللى مكانها كانت عملت كده قلت لأ فقلت انا مش اقل منها وغير كده مافيش اى ست تملى عينى هى ست واحده بس اللى ملت عينى من زمان

زليخه افتكرت بيتكلم عن ام صحر

زليخه: اه ربنا يرحمها ولما هى بس اللي ملت عينك ومحدش تانى ملاها عايز تتجوز تانى ليه

ريحان بغمزه : بس انا مقصدش ام صحر انا اقصد واحده شوفتها كام مره زمان ولحد دلوقتي مش عارف انساها ولما جت الفرصة انها تبقى ليا مسكت فيها وبقيت شبهه المراهقين

بصتله زليخه بكسوف وسكتت

وصلها ريحان واطمن عليها وبعد كده سابها وراح قعد فى شقته اللى فى القاهرة

دخلت زليخه البيت وكانت بتبصله وتفتكر اللى حصلها زمان وازاى هانت عليها نفسها بصت مكان ماضربها قدام ضرتها وقالها انها هتكون خدامه ليها وانها لو طلبت تغسلها رجلها تغسلهالها ولولا بنتها يسر كانت هتفضل عايشه فى زل افتكرت حرمانها من كل حاجه بتحبها وانه كان بيكلم ستات قدامها وافتكرت ضربه ليها وعمايل حماتها فى بداية جوازهم

دخلت الشقه لقت ولادها مستنينها جريوا عليها وحضنوها وباسوا اديها واعتذرولها

رولين: انا أسفه يا ماما حقك عليا انا كنت غلطانه وعرفت قيمتك ووعد هسمع كلامك وانفذه

ويسر حضنها وقالتها البيت نور

وائل راح باس ايديها وداماغها ووطى وباس رجليها وقالها سمحينى انا آسف

وفى تلك الأثناء خرج زكى

زليخه: اهلا يا ابو وائل حمدالله على السلامه

زكى : الله يسلمك يا اصيله يابنت الاصول

وقرب منها

زليخه انا اسف عايزك تسمحينى انا عارف انى غلطت في حقك ياما وجيت عليكى

زليخه: مالوش لازمه الكلام ده انا جيت هنا عشان اطمن على ولادى واكون معاهم لانهم محتاجينلى

زكى قرب منها ومسك ايدها وباسها زليخه سمحينى حقك عليا وجه يوطى على رجليها يبوسها هى بعدت عنه وولاده مسكوه

زليخه: خلاص يا زكى انا مسمحاك صدقنى مالوش لازمه الكلام ده وخصوصاً قدام الاولاد

زكى : يعنى موافقه ترجعيلى

زليخه

زكى : يعني موافقه ترجعيلى وننسى اللى فات

زليخه: للاسف صعب او تقدر تقول مستحيل انا حياتي خلاص رتبتها وعارفه انا عايزه ايه وهعمل ايه ومعنديش استعداد اتخلى عن اللى عايزاه

انا هنا عشان ولادى عشان عارفه انهم اكيد محتاجنلى وهرجع تانى بلدى واعيش هناك وائل راجل وبكره يتجوز ومش هيبقى محتاجنى وهيكون اسره ويسر زيه ورولين لو وافقت تعيش معايا مش هتندم لحظه انها قررت تعيش معايا

إنما انا اسفه صعب ارجع زى ماكنت والجرح اللى شفته منكم صعب يتداوى يكفى أن ابنك الكبير راح خطب من غير امه حتى محاولش يدور عليها اكتفى ببلاغ

وبصت لوائل : افرض كنت انتحرت يا وائل مكنتش حتى هتفكر تترحم على امك صح

وائل: انا أسف حقك عليا انا غلطان

زليخه : عارف يا وائل طول عمرى بحلم باليوم اللى هتخطب فيه وتتجوز واجى اتقدم واشوف مراتك انت حرمتنى من اليوم ده من ساعت ما ولدتك وانا بحلم باليوم اللى تكبر فيه وانا اختارلك عروسه وواحده تعجبك وواحده لأ بس انت ضيعت فرحتى اعتبرتنى مت

وائل: انا اسف اسف حقك عليا بصى اعتبرينى مخطبتش انا كده كده سبتها وهسيبك تختاريلى عروسه على زوقك ها

زليخه: يا سلام وخطيبتك

وائل: سبتها بقالى شويه هى واخوها طلعوا طماعين وكانوا عايزين يوقعونا فى بعض

ماما صدقيني انا ندمان ندمان على حاجات كتير اوى فى حياتى ووعد منى هتغير

قضوا اليوم مع بعض وحكوا لامهم كل حاجه حصلتلهم في غيابهم ويسر حكتلها على موضوع عامر بالنسبة لزليخه ماتكلمتش خالص عن موضوع ريحان عشان خاطر نفسيه اولادها وابوهم ووائل نزل يجبلهم اكل جاهز وهو نازل قابل نرجس وافتكر كلام يسر

نرجس بصتله ومشيت من غير ماتسلم عليه بس هو وقفها

وائل : ازيك يا نرجس عامله ايه وليه ماسلمتيش عليا

نرجس: ازيك يا وائل وعامل ايه . صحيح الف مبروك على الخطوبه ربنا يتمملك على خير رولين بلغتنى

وائل: لا انا مش خاطب ولا هخطب ده كان موضوع كده وراح لحاله

نرجس: ربنا يعوضك عليك

وائل: على فكره ماما جت وسالت عليكى ونفسها تشوفك وكانت يسر هتتصل بيكى بس سبحان الله قابلتك وانا نازل

نرجس: بجد طيب حمدالله على السلامه

وائل: مش هتيجى تسلمى عليها

نرجس: لازم استاذن اخويا الاول

وائل: طيب قوليلوا وروح سلمى عليها

سابها ومشى وراح جابلهم اكل كتير اوى وعمل حساب نرجس وكلم يسر وقالها لو نرجس جت ماتسبهاش تمشى ولما نرجس راحتلهم البيت كلمت يسر اخوها وعرفته

وصل وائل وكان جايب فراخ وكفته وطرب وكفته وممبار ومكرونه بشاميل ومشروبات غازية بأنواع مختلفه وطلع البيت

زليخه: ايه الريحه الحلوه دى حماتك بتحبك يا نرجس هتتغدى معانا انهارده

نرجس : لأ الف هنا انتوا انا لازم امشى

وائل: ازاى بس عيب كده يا نرجس لازم تتغدى معانا وبص لامه

عارفه يا ماما وانتى مسافره ولما يسر كانت بتسافر نرجس كانت بتجهزلنا اكل وتبعته دايما

زليخه: نرجس طول عمرها اصيله وبنت اصول وبنت ناس ورينا يعلم معزتها عندى ولو مجتش اكلت وقاعدت قبلنا انا مش هقعد

بالفعل نرجس قاعدت ويسر وامها جهزوا السفره وكانت رولين قاعده جمبها

وائل : رولا قومى هاتى كوبايات وصحى بابا ياكل معانا

رولين: حاضر وقامت رولين فعلا وراح وائل قاعد جمب نرجس على السفره وكانت زليخه ويسر قاعدين بيضحكوا عليه

زليخه: اخوكى ومراته عاملين ايه

نرجس: بخير بيسلموا عليكى وهيجوا يزوروكى إن شاء الله

وائل بقى يحط كل شويه اكل قدام نرجس ويصبلها مشروب وكل اما تخلص يحطلها تانى

نرجس : ميرسى يا وائل بس كده خلاص مش هقدر مافيش مكان حرام عليك

وائل: طيب دى اخر حاجه كليها

نرجس: مش قادره بجد

وائل: بتسبيل عشان خاطرى

اخدتها نرجس منه وكلتها

خلصوا غدا وقامت نرجس تساعدهم في لم الاكل من على السفره واستاذنت عشان تمشى

وائل: استنى هوصلك

نرجس: لا طبعا مايصحش احنا فى نفس البيت الفرق بينا المدخل يعنى حتى مش هطلع على الشارع

وائل: طيب استنى اوصلك حتى للباب

وفعلا وصلها واخد منها رقمها

دخل الصاله لقاهم قاعدين وابوه فى ايده علبه دهب

زكى : اتفضلى يا زليخه الدهب ده حقك

زليخه: شكرا يا زمى صدقنى انا مش محتاجه

زكى : بس ده حقك يا زليخه ومقدرش انكر دول نفس عدد الجرامات اللى اخدتها منك بتاعت شبكتك ودهبك اللى كان معاكى قبل الجواز واخدته منك بعته عشان افتح بيه مشروعى اللى معمول يدهبك يعنى اللى احنا فيه ده من خيرك وكمان دهب امى اللى اديتهولك وانا اخدته منك غصب

عشان تريحينى واكون مستريح خديهم

وصدقينى مش هطلب منك رجوع تانى لان مبقاش في وقت

وطول منا عايش في البيت هدفعلك اجار البيت زى الغريب

وافقت زليخه على كلامه عشان تريحه وقررت ان الدهب ده هتقسمه على بناتها وتدى وائل منه جزء يتجوز بيه

اخدت زليخه منه الدهب وخلص اليوم اوام

فى نغس الوقت عند ريحان

وصل الشقه بتاعته فى القاهره وكان مبلغ قبلها البواب انه يخلى حد ينضفها وقبل ما يوصل كان جايب اكل وشويه حاجات حطها فى الشقه

اتعشى وبعدين اتصل على زليخه وكنسلت عليه لكن بعدها اتصلت بيه كانوا الاولاد دخلوا اوضهم

ريحان: ها عملتى ايه طمنينى عليكى والولاد عملوا معاكى ايه

حكتلوا زليخه على كل شيء حصل معاها حتى الدهب اللى رجعهولها تانى والشقه اللى قاللها انه هياجرها منها

ريحان: صح وزعى الدهب على ولادك والايجار كمان اتنازلى عنه

زليخه: ريحان انا صعب ارجع واسيب ولادى فى الوقت الحالى

ريحان: عارف وكده كده عدتك قضيها في بيتك لواحدك وهو فى شقته لواحده

زليخه: هو قاعد فوق مع ووائل بايت معاه وانا والبنات هنا

ريحان: انا هقعد يومين فى القاهرة هخلص شغل وارجع تانى

عند يسر اتصلت بيها رشا

يسر : الو ازيك يا رشا عامله ايه

رشا : انا بخير الحمد لله بفضلك بعد ربنا

يسر : انتى عامله ايه طمنينى عليكى

رشا: انا اول مره ابقى كويسه من ساعت ما جيب هنا ومش بس كده انا كمان اتخطبت وهتجوز قريب ويحيى بيه هيكون وكيلى

يسر : طيب وابوكى

رشا : بعد ما اتجوز هعرفه واخلى جوزى يكلمه انما دلوقتي لا هيسمع كلام مراته وييعملى مشاكل انتى مش عارفه العذاب اللى انا كنت فيه

يسر: ربنا يعملك الخير يا رب

رشا: المهم انا مفسى حد يكون معايا في كتب كتابى ودخلتى ومعنديش حد اعرفه غيرك ينفع تكونى موجوده

يسر: اه طبعا يا حبيبتي بلغينى قبلها وانا هكون موجوده ماتقلقيش

قفلت معاها واتصلت بيحيى

يحيى: السلام عليكم

يسر: وعليكم السلام . انا جبت الهديه اللى انت طلبتها لصحر وكمان جبتلها هديه تانيه بس دى منى ليها

يحيى: بجد شكرا ليكى يا انسه يسر انا واثق في زوقك

يسر: فى مبلغ اتبقى منى هبعتهولك بكره

يحيى: خليه اخدوا منك لما اقابلك عشان اخد منك الهديه

يسر : طيب هتاخدها امته

يحيى: لسه شويه سبيها بظروفها محدش عارف بكره فى ايه

يحيى: وانتى جبتلها ايه

يسر : لازم تعرف

يحيى: فضول وماتخفيش مش هقولها عشان مابوظش المفاجاه

جبتلها لوحه كده ومعاها جميع انواع الخرز اللى بتستخدمه في الرسم على اللوحة هى اصلا بتكون مرسومه ومترقم عليها كل جزء هيحتاج انى لون

بتبقى حلوه اوى وممتعه

يحيى: انا مش فاهمها اوى عشان ماليش فى الحاجات دى بس ايه رايك تصوريلى الحاجه

يسر : تمام هبعتلك صورتها

صحيح شكرا على وقفتك مع رشا

يحيى: بنت غلبانه وعايزه تعيش بالحلال طبيعى ربنا يوقفلها ولاد الحلال اللى يسعدوها

سكت شويه

عقبالك انتى كمان قريب

مبتفكريش ترتبطى ولا ايه

يسر : 🤔🤔🤔🤔

التفاعل يا جماعه هو اللى بيخلينى اكمل عايزه اشوف فوت كتير اللى هى النجمه اللى من تحت دى

يسر: 😶😶

يحيى: ايه ده معقول الاستاذه يسر مش بتفكر في ارتباط ولا جواز مممممممم بصراحه اصدق

يسر : مش فكره مش بفكر بس لازم ابنى مستقبلى واكون مستقله ماديا بص هقولك وجهه نظرى واتمنى تتفهمها

القلوب قلابه يعنى اللى بيحب انهارده بيكره بكره وممكن العكس

( القلوب بين اصابع الرحمن يقلبهما كيفما يشاء )

فقد روى مسلم عن عبد الله بن عمرو بن العاص أنه سمع رسول الله صلى الله عليه وسلم يقول: إن قلوب بني آدم كلها بين أصبعين من أصابع الرحمن كقلب واحد يصرفه حيث يشاء، ثم قال رسول الله صلى الله عليه وسلم: اللهم مصرف القلوب صرف قلوبنا على طاعتك.

يعنى انا دلوقتي مثلا مثلا حبيت شخص اتجوزنا حلو بقى هو المصدر الاول والاخير ليا فى الانفاق والسكن فرضا بقى الشخص ده حب واحده تانيه ساعتها يبقى وضعى ايه حصل مشاكل واختلفنا فى يوم زى ما حصل لوالدتى هيكون وضعى ايه

عارف ساعتها هبقى فى الشارع طيب ليه انا اوصل نفسى لكده لكن لو انا بشتغل وحصل وانفصلنا مثلا ساعتها هيكون ليا مصدر دخل

يحيى: هو لو محترم مش هيبص بره أصلا

يحيى: طيب ليه فرضتى سوء النيه ليه محطتيش احتمال انه ممكن يبقى كويس ومحترم

يسر: ده احتمال طبعا وإن شاء الله يكون نصيبى واحد بن حلال

يحيى: بيبص على نفسه فى المرايه . باذن الله يكون نصيبك واحد ابن حلال ومحترم

يسر : آمين

يحيى :  بباكى عامل ايه

يسر : الحمد لله على كل حال بكره هنروح انا ووائل معاه نشوف العلاج هيبدا امته الدكتور اخر مره قال احتمال جسم بابا مايتقبلوش ربنا يستر

فضلوا يتكلموا شويه وبعدين قفلوا

تانى يوم راخ وائل ويسر المستشفى مع باباهم وللاسف بباهم جسمه متقبلش العلاج وروحوا بيه وكانت حالتهم النفسية سيئه جداً

وصلوا البيت كانت زليخه جابت ٢ يساعدوها فى تنضيف الشقه بتاعتها وبتاعت زكى وجهزت اكلات كتير ليهم وحطتيها فى الفريرز وجهزتلهم غدا حلو وقضى بشكل حلو

زكى : بقولك يا وائل مش ناوى تخطب وتتجوز نفسى افرح بيك قبل ما اموت انت واخواتك

وائل : حاضر يا بابا انا قررت اتقدم لنرجس بصراحه انسانه محترمه وبنت ناس

زكى : طيب مستنى ايه لما تتخطب وتضيع من ايدك

زليخه: اتصل يا وائل باخوها ونروح نتقدم انهارده

وائل : حاضر يا ماما

وفعلا اتصل واخد معاد من اخوها على بكره

زكى : وائل خد بالك من اخواتك واوعى فى يوم تاكل حقهم انت الكبير يا وائل وسندهم من بعدى اخواتك امانه فى رقبتك هما وأمك هسالك عليهم بعد عمر طويل ليك إن شاء الله

وائل قام باس راس ابوه : إن شاء الله ربنا يديك الصحه وتفرح بينا وباحفدنا كمان

طبطب زكى على ضهره وسكت

تانى يوم الصبح نزلت زليخه ويسر ورولين جابوا لبس ليهم واشتروا شوكولاته وورد وجاتو عشان وهما رايحين يتقدموا ياخوه معاهم بس زليخه نبهت عليهم يلبسوا لبس من اللى كان عندهم

رولين: وليه مانلبسش لبس جديد

زليخه: البنت ممكن تكون مش عارفه اننا رايحين نتقدم ولا عامله حسابها اصلا تقوموا تروحوا انتوا متزوقين فاكرين نفسكم العروسه

وقت الفرح والخطوبه البسوا اللى نفسكم فيه

يسر : عندك حق

جه المعاد ووصلوا كلهم واتقدموا لنرجس واخوها وافق وحددوا معاد الفرح هيكون خطوبه وفرح على طول لان الشقه جاهزه وهيكون بعد شهر

وفعلا بدات التحضيرات للفرح واقترحت انه وائل يوضب الشقه اللى هما فيها لانها كده كده هتسافر ورولين ويسر يقعدوا فوق مع ابوهم ولما تحب تزورهم تبقى تقعد مع وائل

رحب وائل بالفكره واحترم رغبة والده ورفضها الرجوع لوالده

اتصل ريحان بزليخه يطمن عليها وعرفها انه خلاص مسافر وهينتظرها بعد العده وبالفعل وائل بدأ توضيب في الشقه وامه كانت بتنزل تختار معاهم العفش وكانت مبسوطه وكانت حالت زكى بتدهور اكتر لان للاسف مبقاش في علاج لحالته وجسمه بيرفض الكيماوى واتقبل فكره ان الله هيسترد امانته اى وقت وبدأ يعمل اعمال خير كتير وبقى يختلى بالقاعدة مع الله في الصلاة وقراءة القرآن

اختاروا فستان العروسه وزليخه جابت فستان يليق بيها ويسر برضه اشترت فستان هى ورولين شبهه بعض واتصلت زليخه باخوها وعزمته وعزمت ريحان ويحيى وصحر 

عده الشهر بدون احداث جديده تزكر غير التجهيزات وتقرب وائل من نرجس بس نرجس كانت حاطه معايير الخطوبه دايما وحاطه حواجز وده خلى اعجاب وائل بيها يزيد وحس ان فعلا احسن الاختيار لان وقت خطوبته من عزه كان بيحصل تجاوزات كتير

جه يوم الفرح وجت ميكب ارتيست البيت ليهم وعملتلهم ميكب هادى وجميل وراحوا بعد كده القاعه وكانت يسر متواجدة مع باباها بشكل كبير ويتسنده لان حالته بقت متدهورة

جلس زكى على ترابيزه وكانت يسر قاعده جمبه طول الوقت وكانت زليخه طول الوقت واقفه بترحب بالضيوف وتشرف على البوفيه بنفسها

وصلت مديحه واخوها الفرح وكان معاهم ريحان وصحر ويحيى ♥️

استقبلت زليخه اخوها وامها ومرات اخوها وريحان واهله بفرحه وحفاوه كبيره ووقفت مديحه تساعد هو واخوها يساعدوا زليخه فى استقبال الضيوف وتنظيم الحفل وكان ريحان متابعها بعينه وكان من جواه مبسوط وخصوصا ان خلاص عدتها خلصت وبقت من حقه فى اى وقت انه ياخد خطوه جديه ولما كان بيشوف حاجه فيها مشكله او تقصير كان بيحلهالها

عرفت زليخه صحر على رولين وطلبت زليخه من رولين انها متسبش صحر لوحدها ابدا وفعلا تفاعت صحر مع رولين وصحتب رولين القدام

عند يحيى كان لابس بدله ومجهز نفسه كانه العريس 🤭

فضل يدور بعينه على يسر ولقاها قاعده مع باباها فراح قعد معاهم

يسر : ايه ده استاذ يحيى ازى حضرتك

يحيى: بخير الحمدلله احنا وصلنا هنا من شويه مع بابا وصحر وخالك

يسر : منورين الفرح

بصت لباباها

يسر : بابا ده استاذ يحيى عميل عندنا في المكتب وقريب جدا من عيله خالى زاهر

زكى : بص ليحيى وفهم من نظره عين يحيى ان فى مشاعر جواه لبنته وفرح لانه شافه شخص محترم

زكى : اتفضل أقعد يابنى منور الفرح

يحيى: منور بيكوا يا عمى

زكى : انت من اسيوط على كده

يحيى: اه ابويا يبقى ريحان عمره البلد

زكى : فعلا يا الدنيا دى صغيره انا كنت زمان عايش في البلد بس وقتها كان جدك هو العمده

يحيى: الناس اختارت بابا بعده

زكى : وهيختاروك انت كمان بعده

يحيى: لا انا مقدم فى مجلس النواب وربنا يسهل

زكى : هو مين عضو المجلس دلوقتي

يحيى: عزت الفولى

زكى : بس عيله الفولى من زمان فى المجلس هتقدر تدخل وتمسك بدالهم

يحيى: عيله الفولى فضلت الوقت ده كله في المجلس عشان محدش كان بيفكر يدخل قدامهم وعزت الفولى غير جده والناس رفضاه

زكى : ربنا يوفقك شكلك شاب محترم وطموح وعيلتك معروفة في البلد فضل يحيى قاعد معاهم وبيتكلموا غى مواضيع مختلفه وجه وائل يسلم على الضيوف واتعرف عليهم واستعحب من حضورهم بس معلقش وعدى الموقف

انتهى الفرح واخد يحيى زكى وزليخه ويسر ورولين عشان يوصلهم بعربيته وريحان اخد صحر واهله يروحهم معاه وكان مجهز الشقه وعشا كمان عشان يتعشوا وياخدوا واجبهم كانت شقه ريحان عباره عن دورين هو وابنه دور وزاهر واهله دور تانى

اتصل ريحان على زليخه

ريحان: وصلتوا بالسلامه

زليخه: اه الحمد لله ويحيى هنا بيتعشى معانا

ريحان: تمام هكلم يحيى يجيبك معاه وهو جاى

زليخه: ريحان بتقول ايه ازاى بس

ريحان: امال عايزه تباتى فين فى شقه العريس ولا هتباتى في شقه زكى

زليخه: لا هبات مع ولادى انت شفت زكى حالته عامله ازاى وغير كده فى غرفتين تانى هبات فى واحده منهم

ريحان: بس هتباتى معاه في نفس الشقه

زليخه : دول ولادى ولادى طيب فرضا سمعت كلامك وجيت عندك هبات ازاى

ريحان: البيت عندى دورين انتى وعيلتك دور وانا وعيالى دور

زليخه: ريحان بالله عليك سبن انهارده بس وماتقلقش انت شفت حاله زكى مش بيقدر يتكلم حتى

ريحان: طيب هتسافرى معانا امته

زليخه : اسبوع كده و

ريحان: اسبوع ايه هو بكره اخر اليوم بعد ماتباركى ليهم هتسافرى معايا سامعه

زليخه: ازاى بس

ريحان: اسمعى الكلام يا زليخه انتى قاعده فى بيت راجل مش من محارمك حرام اسمعى الكلام وبلاش مجادله ومش طبيعى كمان تروحى تقعدى مع ابنك وهو عريس

زليخه: خلاص بكره اخر النهار

خلاص هعد. عليكى تكونى جاهزتى شنطتك وحاجتك

قفلت زليخه معاه وهى محتاره ومش عايزة تسيب بناتها لان واضح ان ممكن زمى يموت في اى وقت

عند وائل ونرجس

نرجس كانت قاعده مكسوفه

وائل : ايه يا عروسه ومسك ايديها . من حقى بقى امسك ايدك دلوقتي ومش ايدك بس

نرجس: ☺️ طيب بس استنى براحه بس

وائل: هههههههههههه امسك ايدك براحه ازاى امال لما اعمل زى العرسان هتعملى ايه 😉😉

نرجس: طيب بص وكانت متلغبطه . انا هدخل اغير

وائل: عارفه لو لبستى طرحه ولا بجامه هعمل ايه

نرجس : ايه

وائل : مش هقولك انا هعمل ساعتها البسى اللبس اللي انا حاطه على السرير انا كنت عامل حسابى وانا هدخل اغير فى الاوضه التانيه

نرجس: وائل

وائل: نعم

نرجس: ليه اتجوزتنى انا وليه فسخت خطوبتك قبل ماتبدا

وائل : انتى لسه فاكره تسالى

نرجس: كنت عايزه اسالك من زمان انت طول عمرك مكنتش شايفنى

وائل: لا كنت شايفك من زمان بس كنتى زى النجمه كنت بخاف اكلمك تصدينى كنت فاكر ان مافيش مشاعر ناحيتك اتجاهى عشان كده استسهلت ورحت للى جت بسهوله مش اللى هتتعبنى عشان أوصلها

نرجس: بس انت ماتعبتش

وائل: مين قالك كده . انا من زمان بفكر فيكى طول الوقت قلقان اكلمك تصدينى خايف اتقدملك ترفضى كنت بقول اللى زى نرجس دى يوم ماتتجوز تتجوز واحد كده وكيل نيابه

نرجس: هههههههههههه اشمعنى

وائل: جد كده مابيهزروش

نرجس: طيب اتقدمتلى ليه

وائل: يسر كتر خيرها كلمتنى عليكى وبصراحه بينى وبين نفسى قلت اتقدم ويا صابت يا خابت شوفتى البنات اللي زيك بيصعبوها على الشباب اازاى 😉

دخلت نرجس غيرت ووائل كمان وصلوا واتعشوا ونسيبهم بقى لحد بكده

بارت طويل اهو

تانى يوم صحيت زليخه جهزت اكل للعرسان وغلفته

وجهزت اكل كتير للاولاد عشان لما تسافر يطلعوا يسخنوا على طول قضت اليوم كله في المطبخ وكانت يسر ورولين بيساعدوها

يسر : خلاص يا ماما هتسافرى انهارده

زليخه: اه يا حبيبتي هرجع مع زاهر انتوا بقيتوا كبار خدى بالك من نفسك ومن اخواتك وبإذن الله قريب اجى ازورك

بصى يا يسر عملتلك صنيه جلاش ورقاق ومكرونه بشاميل وحطيتهم في الفريزر وعملتلك حله بسله وحله سبانخ وحطيتهم فى الفريزر فى الدرج ده والدرج ده هتلاقى فيه سمبوسه وكياس عصاير وبانيه وبفتيك جاهزين على القلى على طول

والدرج الاخير ده فى فراخ محشيه وممبار محشى

هتعملى ايه بقى انهارده وبكره كلوا المحشى ده تمام واول مايخلص طلعى حاجه حاجه تخلص طلعى غيرها وانا سيبالك كياس طماطم متخزنه

انا عارفه ان اليومين دول عندك امتحانات ومش هتعرفى تعملى اكل وغير مسئوليه ابوكى

وكمان مرات اخوكى لسه عروسه ماينفعش نوقفها في المطبخ تطبخلكوا هى عملت من نفسها يبقى كتير خيرها هى مش ملزمه بيكوا هى مسئوليتها اخوكى بس

معملتش حاجه برضو كتر خيرها كفايه عليها بيتها وجوزها وعيالها فى المستقبل

يسر : تمام يا حبيبتي فاهمه وعموما الاكل اللى عملتيه ده فعلا هيريحنى كتير يادوب احط الاكل فى الفرن او اسخن وناكل على طول شكرا يا حبيبتي

صحيح عيد ميلاد صحر الاسبوع الجاي شكلك مش هتعرفى تيجى صح 😢

يسر : صعب اسيب بابا لواحده لو كان هنا فى مكان قريب كنت جيب

زليخه: ربنا ييسر الحال

عدا اليوم وفى اخر اليوم جه اخو زليخه ومامته ومراته وباركوا لوائل ونقطوه ومشيوا كلهم وكانت زليخه معاهم

ركبت زليخه ومامتها مع ريحان وصحر وركب زاهر ومديحه مع يحيى

ووصلوا البلد وكان الطريق بيتكلموا فى كلام عام

وصل ريحان زليخه وانتظر زاهر قدام البيت وهو وصل وراه على طول

ريحان: كده يا زاهر عدت اخت خلصت وانا عايز اجى اتقدملها رسمى شوف ظروفك تسمح اجى امته

زاهر : طيب هبلغها وارد عليك يا ريحان بيه

ريحان: مستنيك تكلمنى وبلاش بيه دى احنا هنبقى نسايب قريب بإذن الله

روح ريحان البيت وجاب صحر وقرر انه يكلمها

ريحان: صحوره عامله ايه

صحر : بخير الحمدلله يا بابا

ريحان: بتحبى طنط زليخه

صحر : اه اوى هى طيبه جدا وبناتها كمان بحبهم ودمهم خفيف جدا

ريحان: طيب ايه رايك انها تيجى تقعد معاكى هنا على طول

صحر : ازاى

ريحان: هتجوزها وتيجى تفضل نعاكى طول الوقت

صحر : 😶😶

ريحان: مالك يا حبيبتي ساكته ليه لو مش موافقه خلاص انتى عارفه انك السبب الأساسي انى اتجوزها عشان ماتبقيش لواحدك وكده كده انتى يا حبيبتي بتكبرى وهتكونى محتاجه حد تثقى فيه ينصحك يقف جمبك فى حاجات خاصه بالبنات انا مش هعرف افيدك فيها انتى محتاجه حد يعوضك عن امك

انا عارف ان استحاله استحاله الأم تتعوض بس على الاقل هى بتحبك وهتساعدك وهتعمل اللى عليها عشان تبسطك

صحر : هى ماما ممكن تزعل لو خليت حد ياخد مكانها

ريحان: لأ طبعا لأن مكان امك فى قلبلك هيفضل زى ماهو اوعى تحبى حد اكتر منها لانها امك اللى حبتك اكتر من نفسها انتى اه هتحبى زليخه وتحترميها لكن أمك اوعى تنسيها ودائما ادعلها وطلعيلها صدقه

صحر : لو كانت ماما عايشه كنت هتتجوز عليها

ريحان: استحاله لو كنت عايز اتجوز كنت عملتها من زمان

صحر : خلاص يا بابا انا موافقه اتجوزها انا كده كده بحبها انا بس كنت خايفه انك تكون عايزها تحل محل ماما

ريحان: لا يا حبيبتي ابدا وغرفة مامتك بحاجتها هتفضل زى ماهى بصورها بكل حاجه وزليخه هنعمل غرفة تانيه لينا

عند زكى ويسر

زكي: محترم اوى يحيى ده هو كل العملاء اللى بيجولك زيه كده

يسر : لأ بس فى ناس طبعا محترمه بس مش كلهم زى بعض اكيد

زكى : الدنيا دى صغيره اوى بس يحيى ده شاب طموح جدا يمكن اكتر من ابوه كمان طول عمرهم عيلتهم ليها هيبه كده ومحدش جاب سيرتهم في باطل ابدا

يسر : هو انت وماما ليه سبتوا البلد واتجوزتوا ازاى

زكى :  كنت انا موزع باخد بضاعه من تجار الجمله اوزعها في المحافظات عشان كان معايا عربيه نص نقل جه فى يوم ستك تعبت جالها غيبوبة سكر جريت بيها على المستشفى وشفت امك هناك عجبتنى وعجبت ستك اتقدمتلها وعشنا وقتها مع امى حبه بحبه الشغل كتر وجدك ابو امك مات وخالك شهادة حق اداها ورثها كله

اخدت منها ورثها ودهبها وفاحت هنا محل جمله وبقيت اوزع على المحافظات ووقتها امك الله يباركلها كانت خدمانى انا وستك وستك كانت شديدة بس امك استحملت

يسر : طيب ليه جيت عليها

زكى : عشان كنت ضامنها اى راجل بيضمن الست اللى معاه بيجى عليها خصوصاً لو مالهاش ملجأ بس للاسف معرفتش قيمتها الحقيقية غير متاخر متأخر اوى يارتنى كنت فقت من زمان امك تستاهل كل حاجه حلوه وتستاهل واحد يعيشها ملكه  بصى يا يسر لو امك فى يوم حبت تتجوز اوعى تقفى في وشها ولا تقفى ضدها خليكى معاها وجمبها هى تستاهل العوض

يسر: ليه بتقول كده

( زكي كان طول الفرح مراقب زليخه واخد باله من نظراتها مع ريحان. كان لازم يحس بالخسارة)

زكى : محدش عارف بكره فى ايه

عند ريحان ويحيى

يحيى: بابا عزت كلمنى وعارف انى داخل الانتخابات وعايز يقابلنى

ريحان: ملمحلكش عايزك فى ايه

يحيى: لأ خالص بس تفتكر هايز يرشينى مثلا عشان مادخلش الانتخابات او يهددنى

ريحان: معرفش يابنى فاضل ٦ شهور على الانتخابات اكيد عايز يأمن نفسه

تحب اجى معاك

يحيى: لأ طبعا انا مش قلقان منه انا بس مستغرب ليه عايز يقابلنى

ريحان: يا خبر بفلوس بكره يبقى ببلاش

صحيح زاهر كلمنى وهتقدم رسمى لزليخه بعد بكره وبعد عيد ميلاد اختك هنتجوز على طول

يحيى: اتفقت معاهم على كده

ريحان: لأ لسه بس باذن الله ده اللى هيحصل اصل هناخر ليه انا جاهز وهى جاهزه لزمتها ايه خطوبه الخطوبه دى للى زيك كده اللى مستنى واحده تخلص امتحانتها عشان يتقدملها

يحيى: هو باين اوى كده

ريحان: هو انت مين عزمك تيجى الفرح 😂😂😂

يحيى: بوجب مع مراتك المسقبليه

ريحان: كلك واجب بصراحه بتوجب مع مراتى المستقبليه تقوم رايح لازق في ترابيزه بنتها 😂😉

يحيى: خلاص بقى اصلا شكلها صعبه وهتغلبنى عكس امها طيبه كده ومالهاش فى حاجة

ريحان: لما نشوف هتبقى ادها ولا هتخلع المهم اوعى تنسى المعاد هتقابل عزت امته

يحيى بكره إن شاء الله

تانى يوم جهز يحيى لمعاده مع عزت واتقابلوا في كافيه

عزت : ازيك يا يحيى بقيت كبير وراجل اهو

يحيى: انا كبير وراجل من زمان

عزت : طالع لابوك

يحيى: هو انت جايبنى  انهارده تعاينى

عزت : لا . بقولك ايه انت لسه ماتجوزتش صح

يحيى: بتدورلى على عروسه ولا ماينفعش ادخل المجلس اعزب

عزت : هههههههههههه بص يا يحيى بصراحه كده انا عايز اعمل معاك اتفاق هيكون في صالحنا إحنا الاتنين إن شاء الله

انا مخلفتش رجاله مخلف بنتين وولاد اخواتى محدش فيهم ينفع يدخل المجلس لانهم مش بيقعدوا فى البلد اصلا كل واحد زى مانت عارف عنده شركه وبيدرها فى بلد شكل

عشان كده انا عايزك تتجوز بنتى وانا هسيبلك الانتخابات مش هترشح اصلا ومش بس كده هعلن كمان دعمى ليك بس عايز الجواز يتم قبل الانتخابات

يحيى: اشمعنى انا اللى عايز تجوزه بنتك

عزت : المثل بيقول اخطب لبنتك ولا تخطبش لابنك وانا شايفك راجل وهتصون بنتى وخصوصاً ان بنتى غلبانه غى حالها طالعه لامها وانا خايف عليها من القريب أكتر من الغريب

يحيى:

ياترا رد فعل يحيى ايه 🤔🤔

يحيى: طيب ليه مجوزتهاش حد من ولاد اخواتك

عزت : لما تشوفها هتعرف ليه هى زمانها جايه

يحيى: جايه ؟ هى عارفه انك جاى عايز تخلينى اتجوزها

عزت : لأ طبعا سماء متعرفش حاجه خالص انا قايلها انى عزمها هنا على حاجه وعايز نتلكم مع بعض سماء بنتى كانت عايشه مع امها بره مصر امها مش مصريه تركيه وهى طالعه لمامتها وهى نقطه ضعفى الوحيدة وعشانها هعمل حاجات عمرى ماكنت اتخيلها

وهما بيتكلموا دخلت عليهم بنت

جميله جدا وهاديه ولبسها محتشم ووشها خالى من مساحيق التجميل

عزت : حبيبتي عرفتى تيجى بسهولة

سماء : اه يا حبيبي عندك شغل ولا ايه ممكن اقعد بعيد على ماتخلص

عزت : لا ده ابن واحد صحبى يحيى اقعدى اعرفك عليه

قعدت سماء على الكرسي جمب باباها

بص عزت ليحيى: دى سماء يا يحيى بنتى لسه متخرجه السنه دى من كليه زراعه كانت عايشه بره مع مامتها وجت هنا كملت دراسه

يحيى: أهلا يا انسه سماء منوره اسيوط

سماء: اهلا بحضرتك

يحيى: انا يحيى ٢٦ سنه خريج كلية زراعه برضو

عزت وهما بيتكلموا تليفونه رن واستاذن منهم انه لازم يمشى يحيى بصله وعرف انه بيديله مساحة يتكلم مع بنته ويتعرف عليها

يحيى: خلاص اتفضل يا عزت بيه وانا هخلص قهوتى واوصل انسه سماء

عزت : معلش يا حبيبتي بس حاجه مهمه ولازم امشى

سماء هزتله راسها : خلاص اتفضل وانا هتصرفى

يحيى: وانتى بقى دخلتى كليه زراعه ليه

سماء: انا بحب البلد هنا أوى بحب الارض والزرع بحب الحيوانات وطول عمرى نفسى يكون عندى مزرعه ابقى مسئوله عن كل حاجه فيها واستغليت وجود بابا هنا وبحاول انى امسك الشغل بداله فى الارض وبحاول اطبق اللى درسته

يحيى: بس ازاى بعد ما عشتى فى تركيا والقاهره هتبعدى عن الرفاهية دى وتعيشى هنا والدخول والخروج هيكون محسوب عليكى

سماء: مين قالك كده انا حاسه انك انت اللى غريب عن البلد انا هنا بخرج بروح مولات اتصاحبت على ناس بقعد معاهم هحتاج ايه اكتر من كده وغير كده انا مش بحب السهر ولا بحب السفر

يحيى: معقول مابتحبيش السفر

سماء: أه مش بحبه بسبب السفر الكتير معرفتش اكون صداقات كنت طفله وحيده كل اما اصاحب حد بعد فتره اسيبه وامشى عشان كده كان صعب عليا تكوين علاقات او صدقات عشان كده بكره السفر عايزه استقر عشان كده لما خلصت كليه جيت انا وماما نعيش هنا مع بابا وانا قررت انى مش هسافر تانى

يحيى: ربنا معاكي معنى كده انك مش مرتبطه

سماء: لأ وانت

يحيى: مش خاطب ومش متجوز

سماء: بس ده مش معناه انك مش مرتبط ممكن تكون بتحب حد معجب بحد

يحيى: كلامك مظبوط

وبعدها يحيى توه فى الكلام واتكلم معاها فى مواضيع مختلفه

سماء: ياه الوقت اتاخر انا لازم امشى

يحيى: طيب اتفضلى اوصلك

سماء: لا مايصحش انا هاخد عربيه

يحيى: اتفضلى يا انسه باباكى سابك معايا امانه اتفضلى لازم اوصلك

يحيى بقى يقارن فى سره بينها وبين يسر

يسر عايزه تكون مستقبل قويه مستقلة مش بيهمها حد حقانيه

انما سماء هاديه رقيقه عايزه استقرار واسره عايزه تحس بامان

اوف هو انا كنت ناقص وازاى دى تبقى بنت عزت

وصل البيت وكان باباه قاعد في المكتب

دخل يحيى وقعد قدام باباه بدون اى كلام

ريحان: مالك سرحان فى ايه

يحيى: بفكر في حاجه كده

ريحان: هو عزت كان عايزك فى ايه ومخليك جاى مسهم كده

يحيى: كان عايز يجوزنى بنته

ريحان قام قعد على الكرسي اللى قدامه : وبعدين

يحيى: قالى انه مش هيترشح للمجلس مره تانيه ومش بس كده ده هيعلن عن دعمى كمان

ريحان: وانت محتاج منه انه يعمل كده

يحيى: لأ طبعا وانا لو مدخلتش بحب الناس واعمالى مش عايز ادخل

ريحان: طيب مارفضتش ليه

يحيى: بنته جت قاعدت معانا

ريحان: بيدبسك

يحيى: لالالالالا بنته حاجه تانيه خالص واضح عليها ومتعرفش اهلها كويس

ريحان: وانت بتفكر فيها 🤨 بتفكر توافق

يحيى: مش عارف انا اتكلمت معاها

وحكاله الحوار اللى دار بينه وبينها

ريحان: مممممممم هى لفتت انتباهك

يحيى: اه حاسس انى مشتت

ريحان: بص يا يحيى فكر كويس وشوف انت عايز ايه أيا كان ده هيكون اختيارك وانت اللى هتتحمله

انت واقع بين اتنين عكس بعض يسر زى النار عندها عقده من تجربه مامتها ودى حاجة لازم تبقى عارفها

وبرضه سماء زى الميه الراكدة عندها عقده من التشتت بتخاف تقرب من حد وعايزه تفضل فى مكان واحد

فالاتنين بالنسبالك مش هيكونوا ساهلين 🤗 وعكس بعض انت ادرى بقى

يحيى: 😮‍💨 انا عارف ده عشان كده بفكر انا اصلا كنت هقوم واسيبه وامشى لكن اتفاجئت ببنته

فكر وجهز نفسك بكره عشان المشوار اللى اتفقنا عليه

يحيى: عارف انت انت عايز ايه

ريحان: الخبره بتفرق 😉😂 انا بابا يالا

وسابه وطلع غرفته

تانى يوم قام ريحان لبس وكان نازل شافه يحيى

يحيى: رايح فين بدرى كده معادنا بليل

ريحان: خليك في حالك وسابه ومشى

راح ريحان لمحل دهب واشترى لزليخه طقم دهب كامل

كوليه باسوره كبيره بخاتم ودبله وراح اشترى ورد وشكولاته انواعها غاليه وراح للبيت لبس وجهز كانت صحر ويحيى لبسوا وجهزوا

خرجوا كلهم راحوا عند بيت زليخه واستقبلهم زاهر

زاهر: اهلا اهلا ريحان بيه

ريحان: ازيك يا استاذ زاهر طالما انت مصمم على بيه دى يبقى نمشيها رسمى

زاهر : هههههههههههه اتفضل اتفضل نورتنا

دخلوا فى غرفه المجلس

ريحان: انا جتلك من فتره وعرفتك عن نيتى فى الارتباط من اختك وانا حالياً جاى عايز اتقدم رسمى

زاهر : ده شرف لينا طبعا وانا عن نفسي موافق نسأل زليخه

زاهر : يا ام محمود ( مديحه ) نادى على زليخه

خرجت زليخه

زاهر: تعالى اقعدى يا أم وائل . دلوقتي ريحان بيه جالك وطالب ايدك موافقه

زليخه: اللى تشوفه يا زاهر

ريحان: يبقى على خيره الله الاسبوع الجاي كتب الكتاب والدخله إن شاء الله

زاهر: كده مش هنلحق نجيب ولا نعمل حاجه ليه الاستعجال ده

ريحان: فين الاستعجال ده احنا نعرف بعض بقالنا عمر يا زاهر مش لسه هنسال على بعض ثانيا البيت عندى جاهز وانا بكره هاخدها تختار العفش اللى يعجبها واى حاجه تقولها تتجاب فورا انا مش لسه شاب بكون نفسى

زاهر : خلاص اللى تشوفه على خيره الله

زليخه: بس انا لسه هكلم ولادى واعرفهم

ريحان: بصى عيد ميلاد صحر كمان يومين هنعمله في القاهره وعدى على ولادك اتكلمى معاهم

زليخه: على خيره الله

ريحان طلع علبه الدهب : اتفضلى يا عروسه

زليخه: ايه ده

ريحان: دى هديه ليكى بمناسبة قرايه الفاتحة

زليخه: لبستها وهى مبسوطه وحاسة انها ملكت العالم وربنا عوضها عن التعب اللى شافته

بس من جواها كانت خايفه من ردت فعل اولادها

تانى يوم اتصلت زليخه على اولادها وعرفتهم انها جايه عشان عايزاهم في موضوع مهم وكلمت يسر انهم هيعملوا عيد ميلاد صحر فى القاهره وانها تحضر هى ورولين

عدى يومين وريحان وصل زليخه الاول عند ولادها وبعد كده راح على الشقه عشان يكمل تجهيزات مع الشركة اللى بتنظم عيد الميلاد ويحيى عزم ناس من الشركه وعزم عزت وبنته فى عيد الميلاد

زليخه كانت قاعده عند وائل ومعاها ولادها كلهم

زليخه: انا جماعكم انهارده عشان اعرفكم انى هتجوز اخر الأسبوع

ياترا رد فعل اولادها ايه

ياترا يحيى قلبه هيكون مع مين وهل هو البطل ولا هيكون فى بطل تانى قصاده

عايزه اشوف احلى تفاعل عشان اللى جاى هتكون احداث اقوى واحلى

كانت زايخه قاعده وسط اولادها

زليخه: انا هتجوز

قام وائل من مكانه مخضوض : ده اللى هو ازاى

زليخه: هروح عند المأذون مع الإنسان اللى هتجوزه ونكتب الكتاب وبعدين اروح اعيش معاهم فى بيته

وائل: أنا مش موافق لو عايزه تتجوزى ارجعى لبابا ونعيش سوا

زليخه : انا منستش اللى ابوك عامله معايا وسامحته عشان حالته الصحية وانتوا انما دلوقتي لأ انا ببلغك يا وائل باللى هعمله واظن انت لما ابوك عمل كده قبل ماتكلمتش معاه بالعكس قلتله حقك انما انا جاى دلوقتي تحاسبنى ليه انا بكبر ومحتاجة سند تقدر تقولى يا وائل انت تعرف انا بصرف منين ولا عايشه ازاى ولا حتى سالتني لما كنت عند خالك كنت عايشه ازاى

وائل كلمها أثر فيه ومالقاش كلام يقوله راح سابها ومشى وكانت نرجس قاعده

نرجس: حقك عليا يا طنط انا هكلمه ماتزعليش وسابتها ودخلت ورا وائل

يسر : انا موافقه يا ماما ربنا يوفقك ويقدر يعوضك وقامت حضنتها ورسمت باسمه بالغصب على وشها

رولين: انا غلطت مره ومش هكررها تانى بس طالما انتى مرتاحه كده يبقى تمام

زليخه: انا عايزاكوا تيجوا تعيشوا معايا انتى واختك بس طبعا بسبب حاله والدكم الصحية للاسف مش هقدر اطلب منكم كده

يسر: ربنا يشفيه ويعافيه

عند نرجس ووائل

نرجس: ينفع اللى عملته مع مامتك ده ليه يا وائل مصر تزعلها

وائل: مش بالع فكره انها تتجوز دى واحد تانى خاليها عايشه معانا واللى عايزاه اجبهولها

نرجس: سيبها تعيش اللى نفسها فيه وخليك سندها يا وائل خلاص هى اختارت سبها وربنا يجعله عوض ليها

اقف معاها وخليك وكيلها واثبتلها انك سندها ويوم ماجوزها يزعلها خليها تلجالك هى هتلجا لمين غيرك بلاش نكرر الغلط

وائل: صح عندك حق

نرجس: طيب يلا اخرجهلها بقى وراضيها

خرج وائل لمامته بره ورسم على وشه ابتسامه

مبروك يا ماما بس انا عايز اتعرف عليه وإن شاء الله هكون وكيلك ولو فى يوم بس فكر يزعلك انا موجود

يسر : هو احنا هنستنى لما يزعلها بصى يا زوزو لو بس فكر فكر يزعلك انا موجوده هرفعلك عليه قضيه ايه اخليه يلف حوالين نفسه

زليخه: قادره وتعمليها

كلهم ضحكوا عليها

رولين: عارفه يا يسر انتى ماتنفعيش تتجوزى انسان عادى زينا كده لو قالك هاتى بوسه هترفعى عليه قضيه تحرش

وائل: اختك عايزه واحد قادر

يسر: لا يا خفه منك ليها انا عايزه واحد يتقى ربنا واحد مش عينه زايغه واحد الاقيه فى ضهرى مش انا اللى ابقى فى ضهره واحد يكون عارف هو عايز ايه من الحياه مش لسه بيفكر واحد طموح مش مهم غنى فقير المهم انه يكون عارف هو عايز ايه ولما يتجوزنى يكون عارف انه خلاص لقى نصه التانى ومافيش حاجه اسمها نص تالت عشان يتجوز عليا مش واحد بعد سنتين تلاته يزهق يقولى اصلى حبيت واحده تانيه ولا واحده تانيه عجبتنى عايزه واحد راكز كده فى نفسه مش اى واحده تبصله يريل عليها

وائل: وانتى يا خبره هتعرفى ازاى

يسر : مالكش دعوه يا خفيف وبصت لنرجس ربنا يعينك انتى مستحملاه ازاى ده

نرجس: لا والله وائل طيب ومحترم وبيراعى ربنا فيا ومابيزعلنيش

يسر : الله يهنى سعيد بسعيده

وائل مسك ايد نرجس وباسها ربنا يخليكي ليا بصى يا يسر واتعلمى بدل مانتى راعبه نص رجاله الحاره كده وعامله فيها المفتش كرمبو

المهم يا ماما انا عايز اشوف العريس ده بقى واتكلم معاه

زليخه: بكره عيد ميلاد بنته وهيعمله هنا هنروح بكره باذن الله عيد الميلاد واتعرف عليه براحتك

طلعت زليخه بعد كده سلمت على زكى ونزلت تانى ويسر طلبت منهم يخبوا عليه موضوع جواز مامتهم نظرا لسوء حالته الصحية

باتت زليخه عند وائل وتانى يوم كلهم لبسوا وجهزوا وراحوا عيد الميلاد

دخلت زليخه ومعاها اولادها واستقبلهم ريحان ويحيى وبعديهم كان زاهر ومراته

( ريحان بعت عربيه جابتهم )

رولين راحت وقفت مع صحر واديتها هديه عيد ميلادها وبرضو يسر وفرحت صحر بالمفاجاه وكانت رولين طول الوقت واقفه مع صحر وبتهزر وتضحك معاها

ووائل كان واقف مع ريحان بيتكلم معاه وبيتعرف عليه وزاهر ومراته كانوا واقفين مع زليخه

يحيى راح وقف مع يسر

يسر : الهديه جاهزه معايا في العربيه بتاعت وائل تحب تنزل تاخدها

يحيى: اه يلا ننزل نجيبها نزل وائل مع يسر وجابوا الهديه بتاعت صحر

كانت عباره عن بوكس كبير فى جميع انواع الخرز والمقص خيوط مختلفه بانواع مختلفه

ويسر جبتلها لوحه اسمها الماس بتحيب الخرز وتلزقه على اللوحه جابتهولخا بجميع مستلزماته

يسر : بص الحاجات دى هتخليها تبتكر وتشغل دماغها اكتر من الانترنت والتابلت

يحيى: عندك حق انا كنت بفكر اجبلها تاب جديد بس قلت هو طول الوقت اصلا ماسكه واحد مش عايز اسحلها اكتر

وهما بيتكلموا وصل عزت وسماء وشافهم يحيى واستاذن من يسر عشان يستقبلهم

يحيى: أهلا وسهلا يا عزت باشا

عزت : أهلا بيك يا يحيى عامل ايه

يحيى: بخير الحمدلله . ازيك يا انسه سماء

سماء: الحمد لله انا بخير

يحيى: طيب اتفضلوا اتفضلوا مايصحش نقف كده واخدهم وطلع ونسى يسر

يسر استغربت قله ذوقه معاها المفروض نزلت معاه كان قالها انه طالعةاو على الاقل عرفها على الناس اللى كانت معاهم

يسر لنفسها : انت انسان قليل الذوق بس انا هكمل عيد الميلاد عشان خاطر صحر وماما مش عشانك

طلعت يسر  ووقفت مع صحر واديتها هديتها وعجبتها جدا وقالتلها انها كان نفسها فيها بس ماكنتش تعرف تجبها منين وازاى

فضلت يسر تتمشى فى عيد الميلاد شويه تقف مع اخوها وريحان وحبه مع مامتها وخالها وبصت على يحيى لقيته واقف مع سماء بيهزر ويضحك

سماء: ممكن اشوف اختك عشان اديها هديتها

يحيى: اه طبعا اتفضلى واخدها وعرفها على صحر

سماء: ازيك يا صحر عامله ايه كل سنه وانتي طيبه

صحر : وانتى طيبه وبتبص لوائل عشان يعرفها هى مين

وائل: دى انسه سماء بنت عزت بيه معانا من البلد وجولك مخصوض

سماء: اتفضلى حبيبتي دى هديه حلوه اوى هتعجبك وخصوصاً لما تجمعيها وعايزاكى تبقى تقوليلى رايك فيها لما تخلصيها

( سماء دخلت اكونت يحيى وبعدين جابت اكونت صحر واختارت صوره ليها وكبرتها وبعدين عملتها بازل عشان ضحر ترجع تجمعها تانى ومعاها برواز صغير بينور فى نفس الصوره البازل عشان يساعدها في تكوينها وكانت حطاها في علبه كبيره هى اللى عملاها بنفسها ومزيناها بنفسها )

واثناء حديثهم دخل عليهم مهران

(صاحب يحيى اتعرف عليه عن طريق واحد صحبه بس مهران ظابط وكانوخدوم جدا وساعد يحيى فكذا حاجه ومن ساعتها بقوا صحاب )؛

دخل مهران وضرب يحيى على ضهره يحيى :  بوجع الايد دى انا عارفها وبص لمهران

يحيى: حبيبى وحشتنى نفسى مره تدخل داخله هاديه حرام عليك ضهرى

مهران: انشغ  يلا فى ايه هو اومال لو قلتلك تعالى ماتش مصارعه هتعمل ايه

يحيى: يا عم سبنى في حالى أنا راضي بنفسى كده

مهران: خلاص ماترجعش تعيط  . وبص لصحر . بنوتتنا الحلوه كبرت وبقت انسه اهيه

صحر : مهران ازيك وحشتنى اوى من ساعت مابطلت تخرجنى معاكوا وانا مبقتش اخرج بتسبنى ليحيى يخرجنى وطبعا مش هقولك على خروجاته

مهران : مولات وكافيهات طبعا

صحر : مابيعرفش غيرها ممل

مهران غمزله على سماء

يحيى: دى سماء ينت عزت بيه العضو فى مجلس الشعب

ده مهران صحبى وعشره عمر من ايام الجامعه رغم انه ظابط بس جدع

مهران وقف معاهم شويه وبعدين سابوا وقالوا هروح اشوف حاجه اشربها

وهو ماشى قابل يسر وخبط فيها

يسر بصتله : ينفع كده العصير وقع عليا

مهران: عادى ماخدتش بالى

يسر : لا اسمها اسف ماخدتش بالى وانا اقبل او ارفض اسفك  مش عادى انك تخبطنى وتدلق العصير عليا

مهران: يا ستى دى كوبايه عصير مش كوبايه ميه نار وبعدين لو زعلانه على الفستان اجبلك غيره

يسر : وانت تعرفنى منين عشان تبعتلى غيره ومين قالك انى بقبل العوض أصلا

مهران : ياستى اللى غلط يصلح غلطه وطالما انتى شايفه انى غلطت يبقى اصلح غلطى واجبلك واحد

يسر : طللما عرفت انك غلطت يبقوا قولى اسف مكنتش اقصد

مهران بصلها بابتسامه وعجبه ثابتها وهى بتتكلم وطريقه اقناعها انها صح

مهران: انا اسف يا استاذه اسمك ايه

يسر : يسر اسمى يسر وعموما تمام حصل خير

مهران: انتى محاميه

يسر : عرفت منين

مهران بضحك : خمنت اصرارك على ان اعتذر وانك عماله تبررى الموقف من غير ماتزهقى او تسيبينى وتمشى خلانى اخمنو

يسر: اه محاميه تحت التمرين

مهران: انا المقدم مهران موسى ومدلها ايده . اتشرفت بمعرفتك

يحيى كان واقف بعيد وشايف يسر واقفه مع مهران و كان مستنيها تخلص كلام معاه عشان يعتذرلها انه نسيها وسابها وطلع لكن لقى وقفتها طولت مع مهران فحس بغيره وانه اتضايق من وقفتهم مع بعض فاستأذن سماء وراح ليهم كانوا وقتها خلصوا خناق وبيتعرفوا على بعض

ملحوظه

يسر مش اقل جمال من سماء هما الاتنين حلوين الاختلاف في الطبع فقط

تفتكروا يحيى غار ليه على يسر ؟؟

خلينا فى زليخه وريحان اللى نسيناهم قبل مانرجع ليحيى تانى

ريحان: بص يا وائل انا متفهم انك عايز تطمن على والدتك بس صدقني والدتك سعادتها معايا وانا بيتى مفتوح ليكم فى اى وقت

وائل: طيب انت طبعا عارف ظروف بابا احنا عشان نيجى جبناله ممرضه تفضل معاه فصعب جدا اننا نسافر وانا عايز اكون وكيل لامى

ريحان: خلاص نكتب بكره الكتاب هنا وبعدها نسافر ويبقى كده انت اطمنت عليها وبقيت وكيلها

وائل: مش بدرى اوى كده

ريحان: بدرى من عمرك بس لزمته ايه التاخير

وائل: ولزمته ايه الاستعجال

ريحان: مافيش استعجال انا اعرف انك واعرف العيله عندكم من ٣٠ سنه مش لسه هنتعرف غير كده وجودها عندى هيكون استقرار ليها لانها فى الاول والاخر ضيفه عند خالك فمشهتكون على راحتها فهمتني وهى اكيد حاسه بكده وحاسة انها تقيله على خالك

وائل: خلاص طالما هى موافقه يبقى بكره نتوكل على الله

ريحان شاور لزليخه عشان تجيله

وائل: ماما انا وريحان بيه اتفقنا ان كتب كتابك بكره موافقه

زليخه: باحراج. اللى انتوا شايفينه

ريحان: غمزلها يبقى بكره باذن الله

نرجع ليحيى والباقي

يحيى راح عند يسر ومهران

يحيى: ايه ده انتوا تعرفوا بعض

مهران حس بغيره فى لهجه يحيى واستغربها لانه كان واقف مع بنت تانيه وواضح انه كان معجب بيها وهو عارف ان يحيى من النوع اللي جد مش اللى بيعلق اكتر من بنت

مهران : لأ ابدا كل الحكايه انى خبطت فى الانسه والعصير وقع عليها فكنت بعتذر لها

يحيى: ايه ده واعتزرت 🤨

مهران : ايه مش انسان انا وبيغلط طبيعي يعتذر

يسر : بصت لمهرات واضح انك واخدها عافيه

مهران: عاجبك كده اهى هتاخد عنى فكره وحشه

مهران : لا ابدا اسالى يحيى وبعدين لو كنت واخدها عافيه مكنتش قولتلك اسف 😉

يحيى: هو واخدها عافيه علينا احنا بس

يسر : طيب انا مطره استأذن عشان بابا هروح اشوف وائل وماما عشان نمشي

يحيى: لا تمشي ايه لسه بدرى لسه مطفيناش الشمع

يسر ممكن كلمه لو سمحت واستاذن من مهران

يحيى: انا اسف على الموقف اللى حصل تحت بس دول ناس غريبه وكان لازم استقبلهم بنفسى

يسر: خلاص حصل خير انا عموما هنا عشان صحر

يحيى: تبقى لسه زعلانه منى طيب اراضيكى ازاى

يسر : صدقنى خلاص مش زعلانه وهستنى نطفى الشمع بس ياريت متتاخروش اكتر من كده عشان بابا

يحيى: طيب يلا اخليهم يطفوا الشمع مشى مع يسر راح مكان ما متها واخوها وباباه واقفين

مش يلا بقى نطفى الشمع

ريحان: طيب عزت وبنته فين

يحيى: هروح انادى عليه وبص حواليه عى سماء لقاها قاعده على كرسي وبتتفرج على العيد ميلاد

راح نادى على عزت وطفى النور ووقفوا عند التورته عشان يطفوا الشمع كانت زليخه وريحان واقفين وصحر وسطهم ويسر واقفه جمب مامتها ومن الناحية التانية واقف يحيى جمب باباه وجمبه مهران وجمب مهران سماء وباباها وبعدين بقيت المعذومين ورولين واقفه وماسكه ايد صحر

طفوا الشمع وكلهم عايدوا على صحر

ووقفت يسر عشان تستأذن هى ومامتها ووائل وكان واقف ريحان ويحيى بيسلم عليهم قبل مايمشوا واتعرف يحيى على وائل

فى نفس الوقت كانت سماء واقفه بتكلم صحر وكان واقف معاهم مهران

صحر : شكرا يا سماء على الهديه عجبتنى جدا

مهران: طيب وهديتى ( اداها علبه قطيفه فيها سلسلة دهب باسمها ) عجبتنى اوى يا مهران بس هديه سماء مختلفه

مهران : جابتلك ايه

صحر : بازل كبيره بصورتى والمفروض انى اجمعها ونفس الصورة عامله منها برواز صغير بينور ينفع يتحط فى الاوضه بليل هتاحد منى وقت كبير على مجمعها

مهران : هى هديه حلوه وجديده بصراحه بس ممكن اسئلك سؤال جتلك فكره الهديه دى ازاى

سماء: ابدا انا كنت بسافر مع ماما تركيا فتره وكنت برجع اعيش في مصر فتره فكنت بفضل لوحدى وقت طويل اوى عشان كده كنت بخطار صوره طبيعيه او اى صوره انا عايزاها واحولها لبازل واقضي وقت كتير بحاول اجمعها

مهران : طيب انا عايزه اعمل واحده ممكن تعرفينى نفذتيها فين

سماء: ممكن اديك رقم المكان اللى بنفذها فيه

مهران طلع تليفونه ومسك فون سماء وبينقل منه رقم المكان واثناء ماكان بينقل مهران الرقم من فون سماء شافهم يحيى وراح ليهم

يحيى لنفسه: انت جاى تشقط هنا ولا ايه اوف ايه ده انا غلطان انى عزمتك تصدق

يحيى راح عليهم : منور يا مهران منور يا صاحبى قالها بغيظ

مهران: بنورك . اتفضلي يا انسه تليفوك

مهران حب ينكش يحيى ومارضيش يقوله كان واخد تليفونها ليه

عزت : هاويا سمسم يلا بينا

سماء: اه يا بابا انا جاهزه يلا بينا

عزت بص لمهران : انت المقدم مهران موسى صح

مهران هز راسه باه

عزت : كنت عايزك فى موضوع حاولت اوصلك مكنتش عارف ممكن رقمك

مهران: موضوع ايه

عزت: الوقت مش مناسب وده موضوع مهم ماينفعش يتأجل

مهران اداله الرقم بتاعه

عزت رن عليه ده رقمى بكره باذن الله هكلمك

يحيى كان واقف بيبصله بنظرات غير مفهومه عزت مفهمهاش لكن استأذن ومشى وكان يحيى بيبص في مكانه بغيظ

مهران: يحيى الكل مشى هسلم على عمى ريحان وامشى محتاج حاجه

يحيى: لا يا حبيبي تسلم

صحر : انا هدخل انام عشان خلاص مش قادره

ريحان باسها تصبحى على خير يا حبيبه بابا

وبص ليحيى

ريحان: تعالى يا يحيى عايز اتكلم معاك

يحيى: نعم يا بابا اتفضل

ريحان: بكره باذن الله كتب كتابي على زليخه

يحيى: مش كان الاسبوع الجاى

ريحان: انت هتبصلى فيها لا غيرنا المعاد عشان ابنها عايز يكون معاها ويكون وكيلها عايز يعوضها عن اللى عملوه معاها

يحيى: مبروك يا بابا

ريحان: عقبالك

يحيى: طيب مش هتسالنى عايز مين

ريحان: لأ مش دلوقتي لانى واثق انت نفسك مش عارف عايز ايه بس الحق نفسك يا يحيى بدل ماتخسرهم هما الاتنين

يحيى: عندك حق

تانى يوم

وائل: يسر انتى ورولين خليكوا هنا مع بابا عشان مايحسش بحاجة

يسر : كنت هقولك كده انا هكلم ماما اباركلها في التليفون هى اكيد هتعزرنى خصوصا ان بابا تعبان اوى انهارده تعبه بيزيد والمسكن مبقاش يجيب معاه نتيجة

وائل : طيب بصى لما اكلمك جهزيه نوديه المستشفى هخلص المشوار بتاع ماما واكلمك وانا جاى اخدكوا وننزل المستشفى

يسر: خلاص ماشي بس خد بالك تقول لماما حاجه عشان متزعلش خايها تفرح كفايه شايله همنا طول عمرها خليها تعيشلها يومين

وائل : عندك حق

زليخه لبست فستان ابيض ستان وطرحه فضى وجهزت وراحت عن المأذون كان ريحان مستنيها هناك هو واخوها وامها ومرات اخوها ويحيى وصحر

خلصوا كتب الكتاب

وائل: الف مبروك يا حبيبتي انا مضطر امشى دلوقتي لان عندى شغل مهم ماجله بس لو احتاجتى اى حاجة اى وقت كلمينى وانا هبقى اكلمك اطمن عليكى واداها ظرف فى فلوس زليخه كانت رافضه تاخده بس هو اصر عليها وهى اخدته وكانت فرحانه اوى بابنها حاست انه رجلها وسندها فعلا

ريحان: يحيى خد اختك وعمك زاهر وجماعته معاك وارجعوا البلد

يحيى: طيب انت مش هترجع معانا ولا ايه

ريحان: لا هختفى اسبوع كده واوعى تفكر تتصل عليا غير فى الضروره وخد بالك من اختك لحد مارجع سامع

ريحان راح عند زليخه واخواتها وشدها من ايديها

بقولك يا زاهر يحيى هيوصلكم بنفسه لحد البيت لو احتاجتوا حاجه ابقوا كلمونى هنمشى احنا بقى

واخد زليخه ومشى

زليخه: براحه بتجرى ليه كده

ريحان: مستعجل

زليخه: مستعجل على ايه

ريحان: عايز اعوض ال ٢٦ سنه اللى فاتوا من عمرى وانا بعيد عنك من اول مره شفتك فيها يا زوزو وانا مش قادر انساكى بحبك فوق ماتتخيلى عايزك تسبيلى نفسك عايز اعيش معاكى كل حاجه حلوه

زليخه : طيب احنا رايحين فين

ريحان : هنسافر

زليخه: طيب على الاقل اجيب شنطه هدومى

ريحان:

ريحان: لا كل حاجه من انهارده فى حياتنا هتكون جديده اى حياه قبلى عايزك ترميها حتى لبسك كل حاجه قبل منى ارميها من انهارده كل حاجه هتكون جديد في جديد هننزل دلوقتي نشترى كل اللى يلزمنا من لبس وحاجات تانيه.

بالفعل نزل ريحان وزليخه اشتروا كل حاجه نفسهم فيها وجابلها فون جديد وكلب منها يقفلوا التليفونات لمده اسبوع

زليخه: اسبوع صعب لازم اطمن على الولاد وصحر هتبقى لوحدها

ريحان: تلات ايام مش هقبل اقل من كده وبعد كده افتحيه

زليخه بعد محاولات كتير رضخت لكلامه في الاخر وهيقفلوا التليفون ٣ ايام

رجع وائل وجهز والده وراحوا المستشفى وهناك حجزوه فى العنايه المركزه ورفضوا وجود زيارات

رجعت يسر واخوها البيت

تانى يوم الساعه ٧ الصبح تليفون يسر رن وكانت المستشفى وبلغتها خبر وفاه باباها

بعد ما يسر سمعت الخبر انهارت من العياط وقفلت على

نفسها الاوضه وحاولت تهدى نفسها عشان خاطر اخواتها

لبست يسر ملابس سوداء ودخلت صحت رولين ونزلت صحت وائل وهما فهموا من غير ماتتكلم

وصلوا المستشفى بس فى المستشفى رفضوا يعملوا ليهم التصريح لان المسئول حصلت عنده ظروف ومشى ونقلوا والدهم التلاجه ومش هيقدروا يخرجوه غير تاتى يوم

طبعا وائل كان متعصب جدا وعمل مشكله في المستشفى ونرجس حاولت تهديه لكن اغمى عليها واتلهى بيها وائل  وكشف عليها طلعت حامل اتلهى وائل مع مراته ويسر قالتله انا هتصرف حاول تهدى عشان نلاقى حل لسه معانا وقت وطبعاً رولين كانت واقفه منهاره من العياط وعايزه مامتها

رولين: لو سمحت يا يسر كلمى ماما عشان خاطرى انا محتاجاها

يسر اخدت رولين فى حضنها وحاولت تكلم مامتها لكن التليفون مقفول دايما

فاتصلت على يحيى

يسر : السلام عليكم

يحيى: وعليكم السلام

يسر : انا آسفه لو بزعجك كده الصبح بدرى بس انا عايزة اكلم ماما ضرورى ومش عارفه اوصلها

يحيى قام مخضوض : مال صوتك حصل حاجه

يسر : بابا توفى الصبح ورولين عايزه ماما وانا مش عارفه اسيبها لوحدها عشان اخلص إجراءات الدفن ووائل مراته تعبت ومش عارف يسيبها هو بينا وبينها لانها طلعت حامل وواغمى عليها وقعت فالوقعه اثرت عليها وهو معاها حبه ومعانا حبه عشان كده بحاول اوصل لماما ومش عارفه

يحيى: بابا بلغنى انهم سافروا فى مكان مافيهوش شبكه بس كويس المفروض كنا سافرنا امبارح لكن ماسفرناش وخالك ومراته هنا هكلمهم نيجى كلنا وياخدوا بالهم من رولين

( الوقت اتاخر بيهم بعد كتب الكتاب فقرروا انهم يباتوا ويسافروا تانى يوم الصبح وخصوصاً ان ريحان بلغهم انه هيبات في فندق )

بلغ يحيى خال يسر وفعلا لبسوا وجهزوا وراحوا المستشفى لكن للأسف كان فى تعنت شديد من المستشفى اتجاهم خصوصاً بعد المشكلة بين وائل والاداره لعدم عمل تصريح الدفن

اتصل يحيى على مهران

مهران : الو يا يحيى خير فى حاجة مكلمنى بدرى اوى

يحيى: اه يا مهران تعرف مستشفى (...) رافضه تطلع تصريح دفن لوالد يسر عشان الموظف جه مضى ومشى ومافيش حد بيحل مكانه وحطين الراجل فى التلاجه رافضين يسلموه لاهله عشان يدفنوا تقدر تطلع التصريح

مهران كان بيفطر مع والده ووالدته

مهران: طيب اقفل انا جاى حالا وهتصرف فى العبط ده

موسى : فى حاجة حصلت ولا ايه

مهران: موضوع كده معقد بس الخلاصه ان مستشفى (.....) رافضه تطلع تصريح دفن عشان الموظف مشى وبيقولوا لاهل المتوفى اجلوا الدفن لبكره

موسى: ايه العبط ده المفروض كان عمل التصريح وسلمه لاى حد يسلمه لاهل المريض قبل مايمشى دى اقل حاجه

إينور: طيب يا حبيبي اهل المتوفى محتاجين حاجه

مهران: لو فى حاجه هكلمك يا حبيبتي لازم امشى

وصل مهران المستشفى كانوا كلهم واقفين عند التلاجه ويحيى بيحاول يحل المكشله لكن صوت وائل العالى وخناقه معاهم مزود المشكلة ويسر واقفه عماله تحضن اختها تهديها شويه وتروح تهدى اخوها وتاخده على جمب لكن كان الموقف اكبر منها وكانت واقفه الدموع محبوسه فى عنيها

دخل مهران بطوله وهيبته وبدا يتكلم مع الإدارة بعد ما شاور ليحيى ياخد وائل ويسكته ووقف جمب يسر

مهران : انا المقدم مهران موسى عايز اعرف المشكلة ايه دلوقتي

مسئول في المستشفى: المسئول عن تصريحات خروج المتوفى من المستشفى مش موجود وانا مقدرش اخرج الجثه من غير تصريح من المدير

مهران : كلمه يجيى دلوقتي يطلعلى التصريح او شوف النايب عنه يطلعه ولو ده محصلش حالا سامع بقولك ايه حالا اعتبروا نفسكم كلكم دلوقتي اتحولتوا نيابه اداريه وشوف وقتها بقى هيحصل ايه ودلوقتي على ما التصريح يخلص ابن المتوفى هيدخل يغسله ونشوف حد يغسل معاه على ما العربيه بتاعو الدفن توصل

كلامى مش هيكون في تراجع

حاول الموظف يتكلم لكن خاف من الهيبه بتاعت مهران الموظف : اتصل بالمدير وبلغه والمدير قاله اسمع كلامه لانه واضح انه حد كبير وفاهم بيقول ايه وحاول تماين يعنى ( تمايل ) او ( تهدى )  معاهم فى الكلام عشان مايحصلناش مشكله

فعلا الموظف قاله تمام عشر دقايق وكل حاجه هتخلص فى الوقت ده يسر كانت بتهدى فى رولين وطلبت من خالتها تروح البيت مع رولين عشان رولين مش هتستحمل تشوف منظر باباها وهو خارج وفعلا اخظ يحيى رولين وخالها وستها ومرات خالها البيت وكلم الناس المسئوله عن الفراشه بتاعت العزا وخلاهم ينصبوا صوان

مهران قالهم انه هيدخل يجدغسل باباهم بنفسه ووائل دخل معاه عشان يغسلوا ويكفنوا وطلب من يسر تنتظر فى الاستراحة لحد مايدوها تصريح الدفن والعربية توصل

كانت يسر قاعده لابسه نضاره سودا وعماله تعيط لوحدها وبتحضن نفسها كان نفسها تلاقي سند تقدر تعتمد عليه لكن للأسف مامتها مش موجوده واخوها مشتت بين مراته وابوه واختها عايزه اللى يحتويها حست مره واحده انها لوحدها وافتكرت موقف يحيى ومهران معاها وحست انها مديونه ليهم فعلا بسبب وقفتهم معاها

جه الموظف اداها التصريح بدون اى كلمه وكلمت يسر عمامها فى البلد يفتحوا المدافن وبلغوهم بخبر وفاه اخوهم وفعلا فتحوا المدفن وجهزوا خرج وائل ومهران من المشرحة وحطوا والدها في عربيه الدفن

مهران : وائل باباك هيدفن فين

يسر ردت : انا بلغت عمامى في اسيوط وقالوا هيجهزوا المدفن

مهران: طيب تمام يسر اركبى معايا وانت يا وائل اركب فى العربيه بتاعت الدفن مع والدك عشان مانتهش من بعض

وائل: طيب لازم الاول اطلع على الحاره عشان اخلى حد يجهز الصواان

مهران : متقلقش يحيى اتصرف وزمان الصوان بيركب دلوقتي احنا نروح ندفنه ونيجى ناخد العذا يلا عشان منتاخرش

وائل: انا مش عارف اشكركم ازاى بصراحه

مهران : مافيش الكلام ده يلا بس عشان نلحق اليوم بيجرى بينا

ركب وائل العربيه مع والده

ويسر ركبت مع مهران وهى ماسكه دموعها

مهران : عيطى يا يسر عيطى مش كل اما تشوفى حد تمسكى دموعك مش عيب ولا ضعف

يسر بصتله وكانت بتعيط بانهيار

يسر : خايفه خايفه لو انهارت كلهم ينهاروا معايا خايفه اضعف مع انى ضعيفه اوى عماله اهدى وائل ورولين ومحدش فيهم فكر انى محتاجه حد منهم يحضنى يقولى اطمنى احنا معاكى كان نفسي ماما تكون موجودة معايا كانت قدرت تحتوينى لكن مش هقدر الومها هى ماتعرفش حاجه

مهران: شدها وحضنها : متخافيش انا معاكى وانتى مش ضعيفه انتى قوية عيطى عيطى وطلعى كل اللى جواكى وكل حاجه هتبقى كويسه ماتخافيش اهلك كلهم معاكى وجمبك انتى مش لوحدك

يسر فضلت تعيط عارفه ان قربه منها كده غلط وحرام بس كانت محتاجه حد يطمنها يقولها ان كله هيعدى وكل حاجه هتبقى كويسه

مهران: انا عارف انك بتلومى نفسك عشان حضنتك بس اوعى تلومى نفسك انتى انسانه محتاجه اللى يكون معاكى ويقويكى محتاجه تعبرى عن حزنك اوعى تكتمى جواكى تانى واعتبرى انهارده يوم استثنائي

وفعلا سافروا كلهم دفنوا والدهم وقروا عليه هناك وعمام يسر ووائل  بلغوهم انهم هياخدوا عذا اخوهم فى البلد مش هيقدروا يسافروا ويسر ووائل اعتذروا من عمامهم انهم مش هيحضروا العذا فى البلد لانهم هياخدوا العذا فى المكان اللى ابوهم عاش فيه لان اكيد صحاب وجيران ابوها عايزين يعذوهم

رجعوا تانى ووصلهم مهران عشان ياخدوا العذا ووقف معاهم هو ويحيى لحد ما العذا خلص

يا جماعه البارت بتاع امبارح الوات باد مسح منه جزء كبير كان بيتكلم عن ريحان وزليخه للاسف فمكنش ينفع انزله انهارده بس نزلت جزء من اللى اتمسح امبارح اول الرواية هو اتمسح حوالى ٥٠٠ كلمه عشان كده مقدرتش اطول بارت انهارده