رواية عندما يكون العشق صوفيا الفصل الحادي عشر 11 - بقلم ruqaya H algurtani

دعك من الظن الخطأ يا سيء الظن، واقرأ إن بعض الظن إثم.
جلال الدين الرومي

ساعات وسوسة الشيطان تطلع الانسان من عقلة وتخلي يتصرف تصرفات خارجة عن العقل.. يمكن نستغرب احنا ونكول مبين بشر مايخطا وين الشك بي... بس صعب تكون نفس الموقف والمكان والزمان ماكو احد يدعمك شخص مهزوز دايما الدنيا ملطشته ممتعلم عالفرح خايف..
هو هذا كان حالي لمن كل يوم اشوف علي يتانق ويلبس ويطلع من العصر ويجي بوقت متاخر ساعات سوا واحسة بغير عالم..
مااعرف وين يسرح.. وبيمن يفكر.. اصلا هواي جوانب بشخصية علي مفاهمتهة وهو هذا خلاني اشك..
يمكن يسايرني عمود ابقة جوا ايدة..
ميحبني مثل مكال..
اووف شلون بالنار الي تحرك كلبي.. شون ارتاح..
يمكن يومية ادور بهدومة شعرة حمرة ع قميص ريحة عطر نسائي رغم اعرف ماعندة هالسوالف بس وسواس موتني مااعرف اخلص منه.. ولااتخيل كل هذا الحب الااحبة الة ويطعني بظهري...
لساعة اتخيل كلماتة وهو يكلي هذا اتفاق وبعدين نسوي فد شي وننفصل.. يمكن جان عندة وحدة بالة وهيج حجة..
لا.. لا.. مستحيل.. علي يحبني..
ومثل كل يوم يجي ياخذني بااحضانة ويسالني عن يومي.. هو يسمع.. بس..
كلماتة تنعد عالاصابع..
شهد:علي وانت شون يومك، دايما تسالني بس مااعرف انت شون مشي يومك..
علي؛ شااحجيلج عن الجنود وتدريباتة...
شهد؛ اقصد من ترجع وتطلع العصرية
وين تروح...
عندي شغل...
اهاااا.. ليش متكلي شنو هالشغل...
اخذ كلاص الجاي وصعد بغرفتة، عرفني اريد اعرف شديسوي..

وهرب من الاجابة شكو، شنو الموضوع...
للعصر رجع بدل وردت الهي..

شهد: علاوي.. اطلب منك طلب...
علي: كولي.. حبيبتي..
شهد؛ دام اني حبيبتك ادلل....
علي؛ دللي بعقل.. وعالكد.. ترة هالايام شوي مضايق...
شهد؛ شمعنى هالايام...
بعدين اكلج..
علي.. انت شضام..
ههههه.. بدينة شغل النسوان..
شهد: مو من حقي اعرف..
علي: دا اشتم ريحة محلوة...
شهد؛ ياريحة.. هاي.. والله نظفت الغرفة قبل لاتجي وهويتهة..
علي: مو ريحة الغرفة..
لعد شنووو..
هاي ريحة الشك..
واني.. مااحب الويايا يشك بية.. فما بالج بزوجتي..
علي.. مو شك..اني اريد احس اني جزء من حياتك.. اعرف كل شي عنك.. مثل متعرف انت...
ابتسملي.. واجة تقرب مني وحط ايدة بين وصلات شعري وباسني...
حبيبتي.. اطمني دامج وياي.. لاتخافين من شي..
علللللي..
يلا باي.. حبيبتي تاخرت..
مشة حتة مكالي انتي شرايدة..
بدات امتحانات نصف السنة..
وبهاي الفترة كمل بيتنا.. وتحولنا للبيت الجديد.. الثقل صار ع علا وامي والولد..
لان عندي امتحانات..
وعلي التحق لوحدتة وظل اسبوعين لما خلصت امتحاناتي..
ورا.. متحولنا.. فؤاد رجع يضايقني بالطلعة والطبة..
مجنت اكدر اكول لعلي وصير مشاكل..
انتظرت يرجع ونتفق، موعد الزواج دفعنا نهاية السنة ورا مااكمل امتحانات..
زمن.. بالفاتحة صارلهة نزف وبقت بيت عيالها بغداد..
وكل يومية اروح انظف البيت واستغلها فرصة اروح لعلي..
ونكعد بالغرفة نسولف.. وياخذ شوي من حقة الشرعي.. ويرجعني بيتنا..
شهد؛ علللي.. واني عبالي انت مؤدب وماعندك هالسوالف..
علي؛ هههه، هم المؤدبين.. الي يدوروهة لان محرومين..
اني رايحة احسن..
علي: شهد.. تعالي.. الباب انقفلت وانتي مطلعين..
شهد؛ علي.. والله عيب عمي واخوك وخالتي كلهم جوا.. كتلهم اكعدة وانزل..
علي؛ خلص كوليلهم مطولة النومة وتاخرنة ههههن...
علي.. خرب... وخر.. لااا.. عفية.. علي.. وخررررر ايدك.. لاتحطها علية..
صحت بصوت عااالي...
وهو فز...
شبيج.. شهد.. شبيج..
كعدت.. مثل المخنوكة ادور هوى..
اخذت نفس.. وظليت احرك ايدي ع حلكي وبلعومي نزلت ايدي اكو زرين مفتوحة..
ايد علي تمسح ع ظهري..
خيرج.. حبيبي.. شبيج..
ماابية بس اريد ارجع للبيت..
كمت من مكاني نافرة اول مرة يصير تقارب قوي بينة.. وكانو اكو قوة داخلي نافرة علي..
رحت بسرعة بااتجاه قبضة الباب اريد افتحة ميفتح..
هذا مقفول مينفتح..
افتحة علي.. ليش قافلة...
عللللي.. يلا...
انتظري شهد البس ملابسي.. شبيييج..
درت وجهي للباب.. وخايفة جسمي كلة يرجف..
شهد.. شبيج.. يمعودة مسويت شي..
افتحلي الباب علي افتحة.. بسرعة..
نزلت ركض.. وابجي..
وعلي يركض وراية..
لج شهد.. اوكفي شبيج يمعودة شكككو...
بالنهاية جرني.. وصلني للبيت..
فتحت الباب ونزلت عالسريع...
تلكاني.. فؤاد..
شبيج ولج...
وين جنتي...
بلحظة اندفاع واني فايتة للبيت انصدمت بوجه ابوية..
وهو خايف علية..
شبيج.. بابا.. شبيج..
اريد.. اخذ نفس..
مااكدر.. واشرلة ع علي..
ولج شبي علي ضربج اذاااج...
وعلي وجهة مخطوف مو فاهم شسالفة..
وفؤاد.. يريد يلزم علي يكتلة..
علي.. عمي اروح اني واجيكم بالليل فهموني..
لان مثلكم مااعرف شنو السالفة..
اجيت.. كعدوني وامي هبطانة تكلي خيرج شكو.. صخمتي..
باوعت ع ركبتي.. غطتها بالحجاب.. لايشوفوها اخوتي..
بجيت وعفتهم صعدت لغرفتي..
لحكني فؤاد.. يريد يضربني..
وامي صيح علي عوفها.. ولك عوفها هي ورجلهة مالك علاقة..
فؤاد؛ شهههههد..
تعاي ولج.. فهميني هاي السباية من ورا شنووو..
شهد؛ عوفني مالك علاقة بية عوفني وحدي..
لج شااعوفج غير افتهم شكووو...
ظليت احك بوجهي مااعرف شااحجي..
بس اجة بالي شغلة اريد اكولها من سنين..
فؤاد.. انت ليش تكرهني.. شمسويتلك اني عمود تكرهني هيج..
فجاة.. هذا الوجه الغاضب واليخوف تحول.. لوجه ثاني مشايفتة قبل..
ولج شنو اكرهج.. انتي اختي الوحيدة الي يطخج اموتة..
شون تحجين هيج..
ولزمني وحضني..
ورجع سالني شصارر..
وبالليل علي اجة.. يفتهم الصار بية واتفاجأ مفاجاة عمرة..
ابو رافت؛ صدك.. علي هالحجي..
علي؛ لا وعيونك عمي ماطخيتهة..
والله العظيم.. هي بس..
انهزمت.. واني اركض وراها..
ابو رأفت؛ ههههه.. والله يالله هبطتنة بفوتتهة عبالنا مكتولة..
هههههه..
تعالت ضحكاتهم.. وامي تحجي ويا علا تكلي هاي الفضيحة.. شكد عيب وفشلة صوجي اني ازوجهة هاي شكول.. زواج..
علي :عمي.. مادام اطمنت شهد مابيهة شي.. اترخص من عدكم.. عندي شغل..
بعدك كاعد تعشا يمنا...
علي: تسلم.. عمي بيت العامر.. من رخصتكم..
شهد؛ شو صارت صنطة معقولة قشمر عليهم علي وطلع..
اندكت الباب..
هذا هو ماانكتلت الصبح.. انكتل بالليل..
علا: فتحي الباب.. شهد..
شهد؛ هاا علا شصااار..
علا؛ يعني هي هاي عملة تعمليهة..
ليش شكو شصاار.. كتلو.. لعلي..
ياا.. ياهو اليكدر يكتل الحكومة.. هو صار عصبي وكال بنتكم مخبلة خليهة يمكم...
هووو.. كال هيج..
اييي.. وراااح..
صدك والله راح..
عافني.. هسة شووون..
علا: لج.. شنو شلون فضحتي الولد وفضحتي روحج..
منا وهيج اخوانج يعرفون شهريتج شوكت تجيييي...
شنوووو...
لج انتي شمفتهمة من الزواج.. خرب حضج..
شهد: يعني سوا علي مووو..
لا.. موووو.. انتي متعرفين شهريتج هالوكت..
وذيج الشغلة افهمج ياااهااا...
ظليت صافنة وميتة خجل..
عزة.. اني شسويت.. ويا علي جكد فشلة..
واخواني وابوية.. شون اباوع بوجوو هم..
علا: مستحية من اخوتج.. وممستحية تكلليلهم علي اخذني..
شكبرج صيرين مسامعة من صديقة من كتاب..
شهد: ياااكتاب رايحين نقرا.. لوو نتعلم زواج شنو..

هسة شون بهالشغلة..
مر.. اسبوع خلصت العطلة ورجعنا نداوم..
واني هاي الفترة مطالعة.. ولا احب اتواجه ويا اخواني بس بعد هاي الشغلة فؤاد عرف انو اختة مطفية وماعدهة اي سوالف ومعاد يحاسبني.. بس يومية نمر لعلياء ناخذها ونطلع.. وانتبهت علياء تميل لفؤاد..
بس فؤاد مو يمة السالفة.. طبعا اخوية يدور وحدة خبرة..
صحة ام قصي تعبت ورا وفاة ابو لهذا طولو مرجعو..
واني ظليت ضايعة وبالي أسئلة هواي محتاجة زمن لان هي الوحيدة الي احس بالراحة من تحجي وياي.. ومتخليني اخاف..
اول مداومنا سالت علياء على علي كالت اغلب الايام علي مبايت بالبيت..
وهنا رجع الفار يلعب بعبي..
اني اعرف مجاز.. وميداوم وين يكون بايت..
وهنا دخل الشيطان المتمثل بااشجان..
درس الرياضة تعبت.. اخذت ركن..
اجتي اشجان.. وكفت يمي..
هلوووو...
شهد: درت وجهي وابتعدت عنها..
اشجان: خالد يكول انتي وعلي مو على صلح..
شهد: اطمني امورنا تمام.. لاتخافين..
اشجان: كلت بس لااكون حسدتج..
ماشاء الله شكو واحد حلو ويملي العين.. جاي عليج.. وانتي...
هههه، اسكت..
شهد؛ اريد اعرف انتي شنووو..
تعرفين الناس دور الشي نظيف تاخذة..
اشجان: ههه.. نظيف.. حبيبتي حلو الحجي.. حبيبتي هذولة الزلم يموتون عالدبك.. يكولون اريد شريفة ومستورة يزوجوها للخدمة للجهال تخدم العيال..
بس الونسة.. والضحك.. يجون.. عالناس ادمو نظيفين.. يتونسون بيهم وياهم..

شهد: علي.. مو هيج..
أشجان: كلهم يبينون مو هيج.. وبعدين اكتشفي..
شهد: انتي وحدة حقودة..
اروح احسن..
اشجان؛ لاتخافين.. مااعوفج.. دام صرتي جوارينة...
شهد: شنووو...
اشجان: يااا.. عزة.. مكلج علي..
شهد: شيكلي..
ماكالج.. يومية عندة شقة يبات بيهة ويجيب ويسوك والله عبالي ويا انتي..
شهد: انتي وحدة جذابة..

اشجان: جذابة.. انتي.. اكبر جذابة.. اعرف..

علياء: هاي شبيهة وياج..
شو لونج انخطف..
شهد: ماكو شي.. يمكن ضغطي هبط.. امشي.. اروح للمدرسة اطلع..
للحصة الرابعة تخربطت.. وطلعوني اني وعلياء..
لما وصلت لبيتهم.. لان اقرب لمدرستنا..
انتهيت...
محسيت روحي شوكت نمت.. شوكت كعدت..
بس شفت.. خالتي فوك راسي..
وعلي.. شكلة خايف.. هم..
ردت اصرخ.. اسالة.. بس خوفة واخر موقف سكتني.. مكدرت احجي وعرفت اشجان كذابة.. وتريد تخرب بينا..
علي: متريكة الصبح انتي لو مثل عوايدج طالعة بلا ريوك..
استحيت ارد.. وصوتي رايح..
ام علي: علي.. لو ناخذهة للمستشفى شكلها ميطمن..
علي: شهد.. دسمعيني.. اوديج مستشفى.. شبيج..
شهد: شكلك.. بعدك زعلان.. خل اروح بيتنا..
علي؛ يلا... روحي.. هوينا احسن.. ماذبين بلاج علينا...
شهد:داخلي انقهرت حيل.. ليش هيج يحجي وياي... وكرامتي اذتني...
صحت.. علياء تكول مرتضى يوصلني..
علياء :مرتضى مموجود..
شهد: ادري وين اهلي مكتيلهم علياء..
علياء.. علاوي كال لاابن رافت باقية يمنا..
شهد : ماكو داعي.. اني اروح.. جيبيلي ربطتي ارووح..
علياء : ولج.. وين رايحة.. انتظري علاوي يوصلج..
لا.. مااريد انتظرة يلزمني.. يحجي حجاية.. كلبي عصرني.. صدك حجي اشجان بعد ميحبني..
محسيت روحي الا.. واني واكعة بحضنة..
ماكو احد بالغرفة غيرنا..
شهد: وين اني..
علي: متعرفين.. اليوم عرسج..
شهد: شنووووو...
رفعت الغطا.. بعدني بالصدرية مال مدرسة..
علي؛ كمزي بعد.. ركضي بالشارع فضحينا..
شهد؛ حسيت بالفشلة.. علي..
علي: بلة خلي مسافة بينا.. روحي بعيييد..
علااااوي..
لاتحاولين ابد..
شهد: علاوي.. باع شصار بية.. وانت بعيد عني..
يعني سوال بالجذب متسال عني.. متجي بيتنا ليش هيج..
علي؛ ولج هم الج عين تحجين..
لج استحي افوت بيت عمي.. بعد الصار..
شهد: اني اسفة والله مو قصدي...
علي: لج باجر عكبة.. تروحين تكوليلهم..
فضايح بغرفتنة.. شااكول..
كتلك اسفة.. اسفة.. مو قصدي.. بس.. انت..
علي؛ شنووو...
انهاريت بجي..
اريد اروح بيتنا.. بس ظل صيح علية اعتذرت ومفاد.. براحتك.. طلكني واخلص ماافيدك..
جرني من ايدي.. وكعدني..
كعدي..
شكلتي..
شهد: مكلت شي..
شون تحجين هالكلمة ولج.. انتي تعرفين شنو معناتهة.. هاي كل مشكلة راح تكليلي طلكني..
وديني بيتنا.. اريد اروووح..
ماكووو.. روحة...
هااا.. رجعنة للحبس..
اي.. رجعنا.. كعدي وسمعيني.. شنو احجي..
علي؛ بعز عصبيتي الي دا امثل عليها وهي منهارة من البجي.. وترافس مثل طفلة..
وتسمع تانيبي الهة.. وهي مدنكة استسلمت خلص كل قوتي تنهار كداااام هاي الدموع.. الي مسيطرة علية كلي..
علي؛ كااااافي.. حبيبتي.. كافي لاتبجين..
غبية لج اني ااذيج.. انتي وردتي..
رفعت راسهة وتحول الوجه الحزين إلى ابتسامة طفلة حصلت ع مكافئة من ابوهاااا..
علااااوي.. احبك حيل..
كافي.. ولج خنكتيني..
نزلت ايدينهة.. وكعدت بحضني الضاعت بي...
علي: تعرفين جكد اشتاقيتلج..
اشرتلي براسهة اي.. وبعدين لا..
شوووك.. ماينوصف.. وبعد الموقف السويتي.. عرفت جكد.. انتي بريئة وصافية..
شهد: يعني.. ماعصبت..
علي: صح ضجت شوي.. بس خربت ضحك والله وحسيت فرح جبير داخلي..
معقولة انتي متعرفين..
اويلي يابة شنو هالخجل..
لج ايدج باردة.. تريدين احجيلج..
لااااااا...
تجي زمن.. تستلم المهمة..
علي:زين اني عطشان.. يصير اشرب شوية..
شهد: عللللللي...
علي :فهمت.. يلا.. بدلي.. حجابج.. وخل اوصلج..
واسلم ع بيت عمي..
مااااشي..
ركضت..
والله ماخذلي زعطوطة..
اجتي باستني من خدي وراحت..
علي: هاي وصلنا بيتكم..
شوفي اني تاخرت.. سلميلي ع بيت عمي..
وصلنا انزل سلم عليهم..
بالليل يمكن امرلكم..
شهد: علي.. اني احبك.. هواي...
احبك كلش هووواي.. متتخيل شنو احساسي اتجاهك..
اعرف والله.. بس بطلي اخبالج هذا.. اريد وحدة ثكيلة البينا يبقى بينا..
اني الج.. من هاي الايد لهاي الايد..
هاااي شنوووو..
عجبني هذا المحبس.. وجبتة الج.. بس انتي ركضتي الله يهديج وخربتي المفاجاة..
شهد.. منا العالم يلا روحي نزلي حطي اكل واكلي..
شهد: ماااشي..
انت.. حبيبي انت سعادتي.. لم اتمنى بحياتي سعادة حد البكاء..
نعم.. هذه.. دموعي.. حب.. وسعادة.. وجودك بحياتي.. بس ليش مكتوب لهاي السعادة تنخطف بلحظتهة.. حتى.. ماتنتظر..
خااالد: هلوو شهد.. هذا علي شون ملحكت علي..
شهد: ليش رايد شي..
مو وصاني ع شغلات نسائية ومكياجات..
اكيد الج.. دامج واكفة هاج اخذيهم....
وعاد الشك يلعب بداخلي..
شهد؛ هاا علاوي.. هسة جيت متاخر..
علي :اروح لعد بس لان وعدتج اجي جيت...
شهد؛ خالد، من شافنا الظهر عبالة يلحك عليك.. انت موصي ع شي..
علي: ع شنو.. موصي.. اصلا مااحجي ويا..

شهد: كانو مامكتوبلي افرح.. كانو السعادة.. ملايكة علية.. كعدت نزعت المحبس وظلت العلاكة كبالي يعني المن.. وليش نكرررر...

اوووف.. اوووف.. خلص.. عقلي رح يطك بمنو اثق بقلبي لو عقلي..
للقصة بقية...
♥️♥️♥️♥️
لاتنسون التصويت عالبارت حبايب