رواية عندما يكون العشق صوفيا الفصل العاشر 10 - بقلم ruqaya H algurtani

منْ لدَيه صديقٌ حقيقيّ لا يحْتاج مِـرآةً.
جلال الدين الرومي
علي؛ يوم... اني طالع..
ام علي: الله وياك.. يمة تروح وترجع بالسلامة..
خالة.. محتاجة شي..
الله وياك يمة..
بوست راس امي وخالتي وطلعنا..
بس ماشفت شهد ولا ودعتهة..
لازم من ارجع اصالحها واطيب خاطرها..
كان عندي شقة.. ومن توفت زوجتي سهى ماو صلتها..
بعدها نفس الاثاث.. وكل شي ذكرياتي..
مريت بيت عمي خلدون سلمت عليهم مصدكو من شافوني رغم زعلانين لان خطبت شهد وما كتلهم وعزمتهم..
اخذت ريووك بطريقي..
البيت هادي جنا من ندخل اني وسهى يتلكونة الجهال..
وبهاي الحديقة وع نفس المرجوحة جان الي ذكريات هواي..
سهى؛ علاوي هم تحب بعدي..
علي؛ مخبل اني واحب وحدة بعدج انتي اول واخر وحدة بحياتي..
سهى :علاوي حبيبي اني هملتك هواي.. امانة عليك لاتقهر روحك.. وحب من جديد..
اكيد البنات مكومات.. ينتظروك تلتفت..
علاوي.. هاي منو هاي شهد..
يمة صدقة لااللة بلكي الله ويرزقني هيج بنوتة حلوة..
علي؛ اروح ارجعها لااهلها كل شوي تبجي.. خالتي جايتنا خطار وهي واخوها رويسية..
علي؛ غير.. ابوج يوافق.. شنو الة تكمل سهى يلة تزوجون..
سهى؛ كلنا 18سنة علاوي نلحك خلينا بالحب..
علي؛ والله استحرم شون..
سهى؛ يابة اعتبرني مرتك والكل يعرف..
واهم شي بالزواج الاشهار.. واحنا انشهرنا..
لسة اذكر الدكتورة من جتي وكلي امل.. ها دكتورة هاي مضاعفات حمل..
سيادة الضابط مااكدر اكلك بس الله يقويك مرتك عدهة ورم سرطاني بالثدي واذا مانزلتو هالطفل وتلاحكتلهة ترة ينتشر الورم واني حذرتك..
علي؛ سهى.. خلص الله يعوضنا بغيرة صحتج عندي اهم..
سهى؛ علاوي مااكدر اكتل جزء منك داخلي..
يمكن اخلص الحمل بخير وسلامة وراها اخذ علاج..
علي: سهى..
كافي علي اني قررت احتفظ بي.. وانتهينا..
لحظات الذكريات بس تحاوطك.. تكسر بيك الف عزيمة يكولون الحزن ضعف ايمان..
بس ماانسى حديث الرسول وهو يرد ع احد السائلين..
ان القلب ليحزن وان للعين لتدمع وان النفس لراضية..
اني رضيت بقضاء رب العالمين.. والله انطة والله اخذ والله عليه العوض..
معقولة يكون عوضي شهد....
هي هدية رب العالمين الي..
اني احبها...
لااااا، مستحيل..
مشيت خطوات مااكدر افوت لهذا البيت وحاسس بالذنب لو مو استعجالي بالحمل جان هسة اخذت علاج وصارت زينة.. مشيت عن البيت.. ومدنك من الحزن من احساس الذنب واسمع صَوت بظهري يصيحني..
علللللي..
التفتت عمي ديمشي بخطوات سريعة..
علاوي هاي انت.. وين رايح تعال يابة مشتاقيلك ياريحة الغالين..
حضني وفوتني جواا..
هسة عمتك تفرح بجيتك..
ام حسين..
تعااالي شوفي منو جايينا..
ام حسين؛ هلا يمة.. هلا علاوي... شونك يمة.. ولك ليش كطعت بينا لنوب..
ماتدري معزتك جكد..
علي؛ ادري عمة والله بس مشاغل..
شونك وشون الاهل.. اخباركم كلكم ان شاء الله زينين..
علي؛ الحمدلله خالةكلة تمام..
شونهة مرتك صح زوجت بت عمك شهد..
علي؛ اي عمة بس عقدنا سيد ورح نصدقة بالمحكمة بس تكمل الاجراات.
شونهة وياك خوش بنية..
امهة حسيبة تعبت هواي بفراك ولدهة الله يعينها..
الله يعين الجميع... خالة اني جنت مار منا وكلت اسلم عليكم واجيبلكم ريوك..
مثل مجانت المرحومة تذكركم..
تسلم يمة الله يخليك..
وجيت اسال عنكم اعرف مقصر..
لايمة حشاك من القصور..
علي؛ خالة جايج بشغلة..
كول يمة اامر..
ميأمر عليكم ظالم..
الشقة مالتي.. بيهة غراض كوومة..
منها غراض المرحومة واكو غراض وكتب الي..
اني عندي بالبيت هوسة بيت عمي سلمان وسمير بعد بيت الجد احنا..
ومااريد احد يلزم غراض المرحومة غيركم..
اني متنازل عن كل شي بي..
انتي شوفيلج شراية للغراض الغرفة بعدها نظيفة..
وغراض المطبخ اريد افرغ الشقة..
اخذت نفس طويل..
رح تتزوج بيهة يمة..
والله مااعرف ياخالة عالاغلب ابيعها احسن..
كلها ذكرياتي اني وسهى..
اوووف يمة ماتهنت بشبابهة سودة علية..
خلدون؛ عمي شايف كل الخير والله يسعدك.. سلمنا ع عمامك وان شاء الله نجي لعرسك انت ابنة هم...
علي؛ تسلم عمي ربي يخليك...
بستة من راسة وسلمت ع عمتي الي جانت بعدهة تبجي..
ودعت ذكرياتي وبطلعتي من البيت ودعت وجه زوجتي السابقة وودعت ذكرياتي، لازم ابدي بداية جديدة..
تاخرت عالشغل..
وكوة قنعت الامر انو زحمة سير..
مااعرف بيومهة ليش..
ظليت طول 3ايام افكر شون ابدي ويا شهد وشون اجاوز الحاجز البينة..
اووف اول مرة احس الواجب طويل...
وانتظر الرجعة..

زمن؛ هاا خية كاعدة بهالحر بالحديقة خيرج ولج..
جبت الكرزات جابهم رجلج..
شهد؛ ابتسمت بس سمعت سيرتة..
زمن؛ دام ضحكتي احجيلي صار البارحة قصي يكول اجاني علي كاب نار وع غفلة رجع للبيت..
شهد: شااحجيلج يا زمن عن خيبة امل عايشتهة طول حياتي...
ماكو شي يفرح..

زمن؛ دام راح تبديهة بنكد نسوي قهوة...
شهد: انتي مو حامل...
واذا مياثر...
زمن؛ تعرفين شهد اول مشفتج حبيتج.. واول مكعدنا حسيتج اكبر من عمرج حتى مرات انسي الفرق بينا...
رغم كل الحجيتي بس علي يحبج الوحيد الي مكان همة رغبة هو شايفج شي غالي وثمين وميريد يااذيج بس نفس الوقت.. ذكرياتة والي عاشة ويا سهى الله يرحمهة.. صعب علي..
شهد؛ اني جاية هنا تريحيني لو تغثيني بذكرياتة ويا المرحومة كايمة انام خليج وحدج..
زمن؛ كعدي لج..
شهد؛ بدينا غلط..
كعدي واحترمي نفسج مابيج خير..
مكضيتهة بجي ونوح هو ناقص والصبح تدعين ع روحج غبية..
الرجال يريد دلال.. حب.. مداراة موقف الحمام يتكرر هسة شوفي شون يشع نور..
شهد؛ قصدج فراش..
زمن: هم الرياجيل شعدهم غير الاكل والنوم.. وشوي بهارات..
شهد؛ بس اني شايفة علي بنظرة مو هيج..
شايفتة نجمة بالسما.. احبة واحب لمعته.. وعالي حيل مااوصلة بس ابقى احبة..
زمن؛ اجيب المسجل..
شهد؛ مو وكت اغاني..
زمن؛ يااغاني.. اريد اسجلج..
شهد؛ الله يخليج سكتي..
زمن؛ انتي سكتي.. الحب مو شعارات..
احنة لازم النحبهم نحبهم بعيوبهم..
انتي لحد هسة مسالتي روحج واحد مثل علي ومركزة ليش ميدور بنات..
بسيطة.. لان ملتزم..
حتى لو ملتزم بالعكس يدور زواج..
يمكن يجيبولهم نسوان للمعسكر اني سمعت هيج...
زمن؛ كومي من يمي البلد باي لحظة حرب..
شهد؛ اتمني علي يحبني مثل ماقصي يحبج..
زمن؛ وعبالج هذا الحب هيج نولد اني متت لما وصلنا هنا..
اني يتيمة امي زوجت عمري 6سنوات..
وذبتني بيت جدي لما صار عمري9ومبقة احد من اهلي..
اجة خالي اخذني لبيتة لان مرة عمي متريدني..
شهد؛ واخوج.. محمد..
محمد اخوية بالرضاعة..
واني ويا علاقتنا قوية ومرتة اخت قصي..
يااا صدك..
ايييي..
قصي جان مينجرع.. ودبسيز..
ومن شبيت جان ميخلي شي ميسوي بية..
بعدين من كمت ااذي.. حبني وتقدملي.. جنت بالثالث متوسط.. وهو اول صيدلة..
ودخل ابن عمي وهوستة وكوم العشيرة.. ومن مااخذ منهم حق.. ضرب قصي طلقة..
شهد؛ عزة شنو هاي..
زمن؛ لاتستغربين ثنين مراهقين بدون رقابة وولد كلة فضول ويريد يطبق..
لهذا سامحت قصي مو ضعف وانما قو ة
وهياتنة طيور حب..
صح قصي ابتعد عن اهلة وابن عمي المخبل جتة بنية سماها ع اسمي وانحرمنا بسبب الاصابة 5سنين..
بس شوفينة طيور حب والله...
شهد؛ ليش علي ميكلي احبج..
ولج هي بالحجي..
شوفي تصرفاتة مو تصرفات واحد يحب..
لا.. مدا اشوف..
شو كومي من يمي صار ساعة اسمعج دراما واريدج تنقهرين..
طككتي مرارتي والله..
لج ماما.. حبيبتي علي تبهذل.. خل اسولفلج وبعد مااحجي ماشي..
علي من عرف بزوجته..
تعب هواي و....

شهد؛ ظلت زمن تحجيلي عن علي لحد ماقنعتني.. ظليت افكر بي وشنو حس لايكون بعدة يحبة.. مااكدر افسر رفضة غير وفاء زوجتة المتوفية..
ومرة ثانية بجيت ع فرحة مكملت.. ظل خالد يحوم حوالية ومتندم يتمنة ماخسرني..
بس اني كل تفكيري من يجي علي شون لازم اتصرف.. بس اذا طلع بعدة يحب زوجتة اكتل نفسي واخلص..
زمن انجبي..
تعاي.. مدي راسج بحضني..
خ ل افركلج وامسح ع شعرج..
شهد؛ زمن ايدج ثقيلة مو مثل ايد علي ناعمة وتسببلي قشعريرة..
زمن؛ ايااا...
انتي عيارتج كلها عمود هالشغلة..
شهد؛ لا والله..
زمن؛ دتعالي اعلمج شكم سالفة مال مزوجين..
شهد؛ لا يمة عوفيني.. بيع خليهة الج.. مااريد تصبحين على خير...
باجر ارجع بيتنا...
زمن؛ ايا كلبة.. طبعا باجر يجي حبيب الكلب..
شسوين بية..
شهد؛ تصبحين على خير..
زمن؛ وانتي من اهلة..
غطيت بنوم عميق واني انتظر يجي باجر واشوف علي.. مشتاقتله حيل....
شون هو هم يفكر بية معقولة يحبني..
اوووف.. لازم الكي حل لنفسي تعبت..
ثاني يوم الصبح كعدت لكيت زمن تبجي..
ابو قصي توفى انتظرت علي.. للظهر اجة.. تسالمنة عالسريع وحظرتلة جنطة صغيرة..
وراح..
ثاني يوم بالليل اجة وحدة.. وزمن مو ويا..
وهنا.. غسل وبدل..
كالي روح نبات بيت قصي لان رح يبقون نهاية الاسبوع لما تخلص الفاتحة...
جكد جنت محضرة شغلات.. وحجي..
بس ضليت ساكتة وهو هم ظل ساكت..

اخرها مجاني نوم طلعت عالمرجوحة...
كعدت.. واخذت نفس عميق..
ودعيت رب العالمين يهديني للصح..

وظليت احجي ويا روحي حديثي المعتاد...
شوي واجة علي..
شههههد.. شكاعد سوين هنا...
يمة.. فززتني هيج تجي قبل..
ترة مااتحمل الحك ابو قصي والله..
العفوو.. الجو حار ووخمة ليش كاعدة وحدج برة..
شهد؛ يعني اذا كعدت جوا شرح تفرق مو هم وحدي..
اصلا اني تعلمت عالوحدة مو شي غريب..
علي؛ واني وين رحت..
شهد؛ انتتتت..
دارت وجهه..
علي؛ شهد..
اريد اكلج شغلة..
بعدها دايرة وجهة...
كووول..
مرح تباوعين علية..
داا اسمعك بااذني شعليك بوجهي..
اعرف مخبية وجهة لااشوف دموعها من تنزل..
تسمعيني بااذنج العضيتهة لو غيرها....
راسا دارت وجهه وباوعت علية بنظرة متعصبة..
واني اعشق بيها عصبيتها..
دارت وجههة وكالت.. شنوووو..
جرني من ايدي وخلاني بحضنة.. وايدة حاضنتني.
وشفافة ع اذني..
تعرفين... صار 3ايام بمنو افكر..
باسني ع اذني العضهة..
شهد؛ علي.. منا العالم عيب...
علي؛ خلص .... تعاي جوا نتفاهم..
عليييي... لاا. عيب.. والله اكدر امشي..
بس اني مااريد مرتي تنوش الكاع اغار عليها..
شهد؛ حطيت ايدي ع كصتة..
انت ممصخن.. شنو هالتغيررر..
علي.. دتعالي خل انزلج هنا..
تعاي جيبي فراشك قريب مني..
شهد؛ بس علي..
علي؛ لاتخافين مني مااطخج الاكدام الناس تطلعين عروسة وبدلتج البيضة..
لاتستحين مني..
انتي زوجتي.. شرعا وقانونا..
بس وعد وعدتج..
شهد؛ ماااشي..
تعالي.. بحضني..
خليني اشبع شم بيج..
شتشتم حتى عطر ممخلية..
انتي بالذات ميحتاجلج عطر.. بعدة عطرج اشتمة.. مثل ماهو من جنتي صغيرة..
شهد؛ بحركة بدون وعي شميت روحي يمكن عركانة..
ههههه، لج لا.. من جنتي صغيرة واني اشتم بيج هالعطر ماتغير..
شهد؛ شنو هذا الحجي..
علي؛ هذا عطر النقاوة البداخلج حبيبتي..
شهد؛ شكلت..
انتي حبيبتي شهد...
من يوم شفتج وجيتي هنا ودخلتي كلبي وعششتي بي خفت بالبداية لااكون اشوه برائة طفلة ربت بااحضاني..
بس كلامج البارحة صحاني..
وصحة علي وحبة للحياة...
صدك..علي...
صدك.. والله يانور علي..
احبج حيل واتمنى اسعدج..
ومااخيب املج بية...
اخذ ايدي وظل يبوس بيهة وظل يمرر اصابعه بشعري ويتاملني ويحضن راسي..
انتقلت من عالم لعالم..
عالم حلو كنت اتمناه اصلا شنو اتمناه بعد هاي اللحظة واغلى امنياتي انت..
ظلينا للصبح نحجي.. واليوم مداومت بقينا اني ويا بالبيت..
وطبعا زمن اخذت رخصة منها.. كعدت اطبخ وهو يباوع علية وفرحان..
بس.. الي كان يقلقني.. انو يطلع العصرية ويجيني وقت متاخر..
ومن اسالة يكلي شغل.. او يتحجج بدراستي.. عمود لايشغلني..
بس حسيت بشكوك وخفت لايكون العاشة وياي مجرد تمشية امر عمود لاالتفت لخالد وهو حوالية..
ووجود اشجان وحجيهة حرك نار الغيرة والشك بداخلي..
وثارت الجنونة داخلي..
وقد يجمع الله كسير قلبٍ بكسيرٍ مثله , فيلتئما ويكتملا.
جلال الدين الرومي
بارت اضافي لعيونكم..
للقصة بقية...
ارجو التصويت عالبارت اذا اعجبكم